<a href="https://kyzylorda-news.kz/">Kyzylorda-news.kz</a> Бүгінде алаяқтар тек адамдар арасындағы отбасы және достық қарым-қатынастарды ғана емес, сонымен қатар жұмыс қатынастарын да пайдаланады.Олар Fake Boss деп аталатын алаяқтық схемасын әзірлеп, белсенді түрде қолданып жүр. Толығырақ <a href="https://fingramota.kz/kk/post/fake-boss-shemasy-alayatardan-alaj-satanua-bolady">Fingramota.kz т</a>үсіндіреді.Fake Boss («жалған басшы» дегенді білдіреді) – алаяқтар өздерін құрбандардың басшысы ретінде көрсетіп, олардың нұсқауларын орындауға мәжбүрлейтін алаяқтық әдіс. Мұндай схемалардың негізгі мақсаты – ақша ұрлау, құпия ақпаратты алу немесе компанияның ішкі жүйелеріне қол жеткізу.Алаяқтар екі тәсіл қолданады: біріншісінде басшының атынан жалған аккаунт жасап немесе электрондық хат жіберу үшін ұқсас домендерді пайдаланады. Екіншісінде басшының мессенджердегі аккаунтын бұзып, оның атынан хабарлама жазады немесе қоңырау шалады. Кейде алаяқтар басшының дауысын немесе бейнехабарламасын жасау үшін жасанды интеллектті пайдаланады – бұл құрбандардың жалған басшыға сену ықтималдығын арттырады.Хабарламада немесе сөйлесу барысында алаяқтар дереу ақша аударуды немесе компания мен оның қызметкерлерінің құпия құжаттарын жіберуді талап етеді. Қылмыскерлер мұқият дайындалады: құрбандарға жазбас бұрын, басшы мен ұйым туралы барлық ақпаратты зерттеп, әрекеттерін барынша сенімді етеді.Іс жүзінде қалай жүзеге асады?Fake Boss схемасының бірнеше мысалын келтірейік. Алаяқтар компанияның қаржы директорына бас директордың атынан хат жазып, шұғыл әрі тиімді мәміле жасау үшін белгілі бір шотқа ақша аударуды талап етеді (әңгіме миллиондаған теңге туралы болуы мүмкін). Олар шұғылдыққа баса назар аударады, кідіріс шығындарға әкелетінін айтып, бағынбаған жағдайда жұмыстан шығару қаупін төндіруі мүмкін. Егер қаржы директоры асығыстық танытып, сұранысты тексермесе, аударылған қаражат алаяқтардың шотына түседі, ал компания үлкен шығынға ұшырап, оның болашағы қауіпті болуы мүмкін.Тағы бір мысал – жалған басшы кадр бөлімінің басшысы немесе қызметкеріне хат жібереді. «Басшылық» қызметкерлердің жеке деректерін, соның ішінде банк шоттарының нөмірлерін және жеке ақпаратын ұсынуды талап етеді. Себеп ретінде олар есеп немесе салық органдарының тексерісін көрсетеді. Мәліметтерді алған соң, алаяқтар оларды қызметкерлердің ақшасын ұрлау немесе оларға ақпараттық шабуыл жасау үшін пайдаланады.Сондай-ақ, жабдықтау бөлімі қызметкері алаяқтардың құрбаны болуы мүмкін. Ол «директордан» белгілі бір жеткізушіден жабдықты шұғыл тапсырыс беруді және компания қорының есебінен алдын ала төлем жасауды сұрайтын хат немесе қоңырау алады. Нәтижесінде, компания ақшасыз да, жабдықсыз да қалады.Шын мәнінде, алаяқтар кез-келген саладағы кез-келген ұйым қызметкеріне қоңырау шалып немесе хат жаза алады. Мұнда бастысы – қырағылық танытып, сақ болу.Алаяқтықтан қалай сақтануға болады?Fake Boss схемасы персоналдың сенімі мен ұқыпсыздығына негізделеді. Компания басшылығы міндетті түрде қатаң ішкі процедуралар мен қауіпсіздік жүйелерін енгізуі керек, сондай-ақ қызметкерлердің осындай алаяқтық тәсілдер туралы хабардарлығын арттыруы қажет. Бұл ұйымды қаржылық шығындардан және беделге нұқсан келтіруден қорғайды.Алаяқтық хатты, SMS-хабарламаны, мессенджердегі хабарламаны немесе қоңырауды бірнеше белгілері бойынша анықтауға болады:басшының атынан ерекше сұраулар – мысалы, маңызды тапсырманы бетпе-бет емес, тек хабарлама немесе қоңырау арқылы жеткізуі; хаттарда немесе хабарламаларда әдеттегі ресмиліктің болмауы – мысалы, корпоративтік қолтаңба мен ресми стильдің болмауы; хат немесе хабарламалар жүктеуді немесе есептік жазбаға кіруді талап ететін қосымшалар мен сілтемелерді қамтуы. <img src="https://knadmin.beoblood.kz/uploads/24_12_infographics_kaz_935465a12a.png" alt="24.12 infographics каз.png">Алаяқтардың құрбаны болмау үшін қарапайым қауіпсіздік ережелерін сақтаңыз:ақша аудару немесе құпия ақпарат сұралған жағдайда, егжей-тегжейін басшыдан тікелей нақтылаңыз; электрондық пошта сүзгілерін орнатыңыз және белгісіз домендерден хат алуды шектеңіз; киберқауіпсіздік бойынша тренингтерді үнемі өтіп, алаяқтық схемалар туралы өзекті ақпаратты оқып отырыңыз – бұл Fingramota.kz сайтында қолжетімді; қаржылық операциялар үшін «қос тексеру» ережесін енгізіңіз; жеке және корпоративтік аккаунттарда екі факторлы аутентификацияны қолданыңыз.Өзіңізді қорғаңыз және қаржылық сауаттылығыңызды бізбен бірге арттырыңыз!Фото: Fingramota.kz

Fake Boss схемасы: алаяқтардан қалай сақтануға болады?

<a href="https://kyzylorda-news.kz/">Kyzylorda-news.kz</a> «Жылжымайтын мүліктің бірыңғай мемлекеттік кадастры» ақпараттық жүйесі іске қосылғаннан бері ақпарат алу үшін 100 миллионға жуық сұраныс өңделді. Платформа күннен-күнге қазақстандықтар үшін қолайлы әрі танымал болып келеді.Жеке тұлғаларда жылжымайтын мүліктің болмауы туралы анықтама сұраныс мөлшері бойынша көш басында – одан 44 миллион берілді.Еске сала кетейік, 2023 жылдың 1 шілдесінде енгізілген ЖМБМК жүйесі жер және құқықтық кадастрлық деректерді біріктіру арқылы жылжымайтын мүлік және жер қатынастары саласындағы мемлекеттік қызметтерді алу процесін қарапайым әрі ыңғайлы етті. Бүгінгі таңда жүйе жылжымайтын мүлік бойынша 8 және жер кадастры бойынша 4 қызмет көрсетеді. Оның ішінде – құқық белгілейтін құжаттардың, техникалық төлқұжаттың, жер учаскесінің кадастрлық паспортының телнұсқаларын алу, сондай-ақ мемлекеттік кадастрлық картаға цифрлық ипотеканы тіркеу.Жылжымайтын мүлікке техникалық құжат пен жер учаскесі актісін бір құжатқа, яғни кадастрлық төлқұжатқа біріктіру – негізгі өзгерістің біріне айналды. Жүйе іске қосылғаннан бері мұндай 813 716 төлқұжат берілді.ЖМБМК заманауи цифрлық экожүйесі екінші деңгейлі банктердің мобильді қосымшалары және платформалармен интеграциялану арқылы қолжетімділікті қамтамасыз етті. Айта кету керек, ЖМБМК еліміздің цифрлық инфрақұрылымын дамытудағы маңызды қадам болып саналып, азаматтарға жаңа мүмкіндіктерді&nbsp;ашады.&nbsp;&nbsp;

ЖМБМК: 1,5 жылда 100 миллион өтінім

<a href="https://kyzylorda-news.kz/">Kyzylorda-news.kz</a> Қарағандыда өткен ересек ұлдар және қыздар арасындағы Қазақстан Республикасының чемпионатында Сыр өңірінің атынан барған былғары қолғап шеберлері жүлделі орындарға ие болды.Атап айтқанда, 80 кг салмақ дәрежесінде Бектас Азамат І орын алып, алтын жүлдені қанжығаға байлады.Ал, 48 кг салмақ дәрежесінде Ақбота Болат ІІ орынға ие болып, күміс медаль алды.54 кг салмақта Ақтілек Орынбасар Ақтілек жүлделі ІІІ орын алып, қола медальға ие болды.Жаттықтырушылар: Ғалымжан Байгундиев, Жүсіп Жәміл , Құлыбаев Бақытбек, Төкенов Сейтжан.<img src="https://knadmin.beoblood.kz/uploads/Boks_yzylordaly_sportshylar_3_medal_zhe_ip_aldy_1_4b9d460758.jpg" alt="Бокс Қызылордалық спортшылар 3 медаль жеңіп алды 1.jpg"><img src="https://knadmin.beoblood.kz/uploads/Boks_yzylordaly_sportshylar_3_medal_zhe_ip_aldy_2_740c9af5b3.jpg" alt="Бокс Қызылордалық спортшылар 3 медаль жеңіп алды 2.jpg">

Архив

Fake Boss схемасы: алаяқтардан қалай сақтануға болады?

ЖМБМК: 1,5 жылда 100 миллион өтінім

Бокс: Қызылордалық спортшылар 3 медаль жеңіп алды