<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев «Саутс Ойл» ЖШС президенті Серікжан Сейітжановпен кездесіп, өңірдегі мұнай-газ саласын дамыту мәселелерін талқылады.Кездесуде компанияның Қызылорда облысында жүзеге асыратын жобалары, &nbsp;алдағы жоспарлары мен міндеттері, жұмысшылардың еңбек жағдайы туралы айтылды. "Саутс Ойл" компаниясы Қызылорда қаласында музыкалық колледж құрылысын салуды жоспарлауда. Таяуда &nbsp;меморандумға қол қою рәсімі өткізілмек.

Облыс әкімі «Саутс Ойл» компаниясының басшысымен кездесті

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаевтың төрағалығымен өткен мәжілісте өңірде &nbsp;көмір қорын жасақтау мәселесі қаралды.Аймақ басшысы жылу беру маусымына дайындық барысында қажетті көмір қорын жинақтау мәселесі ең өзекті екенін атап өтті.«Бұл мәселе Мемлекет басшысының және Үкіметтің тікелей бақылауында. Мен көмір қорын дайындауды жаз айларынан бастау қажеттігін айтып келемін. Кейбір әкімдер жұмысты әлі де &nbsp;дұрыс ұйымдастырмаған. Бұған дейінгі жиналыстарда тиісті аудан әкімдеріне қатаң ескерту жасаған болатынмын. Алайда, Арал, Қазалы және Жалағаш аудандарына &nbsp;қажетті көмір қорының &nbsp;30 пайызы ғана жеткізілген. &nbsp;Қармақшы, Жалағаш және Сырдария аудандарының көмір қоймаларындағы көрсеткіш төмен. Жылу беру маусымында көмірге қатысты ешқандай мәселе туындамауы тиіс! Операторлармен, «Қазақстан Темір Жолымен» тығыз байланысып, &nbsp;жұмыс жасаңыздар», - деді Нұрлыбек Машбекұлы.Облыстық энергетика және тұрғын үй-коммуналдық шаруашылығы басқармасының басшысы Болатбек Ысмағұлов &nbsp;жеткізілген отын қоры, қала, аудандардың қамтылуы туралы &nbsp;баяндады.Нұрлыбек Машбекұлы барлық жауапты басшыларға &nbsp;жылу беру маусымына &nbsp;дайындық барысын қатаң бақылауды тапсырды.&nbsp; Жиын қорытындысымен облыстық энергетика және тұрғын үй-коммуналдық шаруашылығы басқармасына жеткізілген отын қорына күнделікті мониторинг жүргізу тапсырылды. &nbsp;Ал Қызылорда қаласы және аудан әкімдіктері жылу беру маусымы жоспарына сәйкес қажетті көмірді жеткізуі, қоймаларда жеткілікті &nbsp;қор жинауды ұйымдастыруы тиіс. Сонымен қатар жеткізілген көмірдің тұрғындарға тікелей сатылуы бақылауға алынуы керек.

Көмірмен қамту мәселесі қаралды

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайыловтың төрағалығымен өткен Республикалық штаб отырысында Мемлекет басшысының биылғы &nbsp;Жолдауында айтылған «Келешек» жинақтаушы жүйесі &nbsp;туралы мәселе қаралды.Үкімет басшысы жобаның маңыздылығын ерекше атап өтіп, жаңа жүйені іске қосу тетіктерін сапалы ұйымдастыруды тапсырды.Штаб отырысынан кейін облыс әкімі Нұрлыбек Нәлібаев берілген тапсырмалар бойынша арнайы мәжіліс өткізді.&nbsp;«Қазір елімізде демографиялық жағдай жақсарып, халық саны жылдан-жылға артып келеді. Оған қоса, елге көшіп келетін қандастардың қатары да көбейген. Бұндай жағдайда бюджет шығындары да өседі. 2024 жылдан бастап іске қосылатын жинақтаушы жүйе білім беру саласына бөлінген бюджет қаржысын тиімді пайдалануды қамтамасыз етеді деп күтілуде. «Келешек» жинақтаушы жүйесінің арқасында әр ата-ана өз баласының оқуына қаржы жинап, жоспар құра алады. Қаражат бес жастан бастап әр балаға ашылатын арнайы шотқа жиналады. Баланың есепшотына ата-ана ғана емес, сонымен қатар, мемлекет те ақша салып отырады», - деді аймақ басшысы.Облыс әкімінің орынбасары Мейрамбек Шермағанбетке жаңа жүйенің маңыздылығын ата-аналар мен білім алушылар арасында түсіндіріп, ақпараттық насихат жұмыстарын жүйелі түрде жүргізу жөнінде тапсырма берілді. Өңірлік жоғары оқу орындарының басшылары салалық министрлікпен бірлесіп «Келешек» жинақтаушы жүйесін өңірде сапалы іске асыруды қамтамасыз етуі керек. Облыстық қоғамдық даму басқармасына жүйенің тиімділігін кең көлемде ақпараттандыру міндеті жүктелді.Бүгінде облыстағы жоғары оқу орындарында, техникалық және кәсіптік білім беру ұйымдарында &nbsp;36 167 студент бар. Оның 17 122-і гранттық негізде білім алуда. 686 мектепке дейінгі ұйымда 60 345 бала тәрбиеленуде. Биылғы оқу жылында 17 543 бала 1-сыныпқа қабылданса, мектеп бітіретін түлектердің саны 8 285-ті құрайды.

«Келешек» жинақтаушы жүйесі таныстырылды

<a href="https://kyzylorda-news.kz/">Kyzylorda-news.kz.</a> Далалық жерде өрт пайда болған кезде, ерікті өрт сөндіру жасақтарының және мекеме ұйымдардың дайындығын тексеру мақсатында Қазалы қаласы мен Қарлан жолының аралығындағы “Қарақұм” орманшылығында орман шаруашылығы мекемесімен бірлескен өрт-тактикалық оқу-жаттығуы өткізілді.Оқу-жаттығу жұмыстарына аудан әкімі Мұхтар Оразбаев арнайы барып, өрт жағдайы орын алған кезде оны жоюға жұмылдырылатын азаматтық қорғау қызметтері мен құрылымдардың әзірлігін тексерді.Оқу-жаттығу құрамына Қазалы ауданының шұғыл ден қою жиынтық жасағынан 99 жеке құрам және 15 арнайы техника жұмылдырылды.

Қазалы ауданында өрт тактикалық жаттығу өтті

Фото: akorda.kz<a href="https://kyzylorda-news.kz/">Kyzylorda-news.kz.</a> Мемлекет басшысы Mercedes-Benz Group компаниясының басқарма төрағасы Ола Каллениуспен кездесті, деп хабарлайды Ақорданың <a href="https://t.me/aqorda_resmi">баспасөз</a> қызметі.Кездесуде автокөлік индустриясы және инновациялық шешімдер салаларындағы ынтымақтастық перспективалары талқыланды.Президент Қазақстанның экономиканы әртараптандыруға және өнеркәсіп өндірісін дамытуға ұмтылатынын атап өтті. Бұл стратегияда машина жасау саласы ерекше орын алады.Қасым-Жомарт Тоқаев қазіргі таңда елімізде General Electric, General Motors, Chevrolet, Kia және Hyundai секілді танымал әлемдік компаниялар табысты жұмыс істеп жатқанын айтты. Былтыр Қазақстанда өндірілген автомобиль саны 100 мыңнан асып, 28 пайызға ұлғайған. Экспорт екі есе өсіп, 3,8 миллиард долларға жеткен.Неміс автоконцернінің басшысы Президентке компанияның жаһандық жеткізу тізбегін дамыту ісіндегі тың тәсілдер және Қазақстан экономикасы үшін ашылатын жаңа мүмкіндіктер туралы мәлімет берді.Mercedes-Benz Group – әлемдегі автокөлік өндіретін жетекші компаниялардың бірі. 2022 жылы компания 2,5 миллионға жуық автомобиль құрастырып шығарған.Былтыр Mercedes-Benz Group әлемдегі ең ірі компаниялардың Forbes Global 2000 тізімінде 41-орынға, ал Fortune Global 500 тізімінде 38-орынға ие болған.

Былтыр Қазақстанда жасалған автомобиль саны 100 мыңнан асқан

<a href="https://kyzylorda-news.kz/">Kyzylorda-news.kz.</a> Сыр жұртшылығы «Қорқыт ата» әуежайынан Қытай елінің Ханчжоу қаласында өткен жазғы «Азия ойындарының» дзюдодан қола жүлдегерлері Шамшадин Мағжан, Абылайхан Жұбаназар, Шархан Нұрлыханды күтіп алды.Жеңімпаздарымызды күтіп алу салтанаты жас ақын Бексұлтан Орынбасардың арнауымен басталды.&nbsp; Әрі қарай, облыс әкімі апаратының басшысы Ш.Байманов аймақ басшысы Нұрлыбек Машбекұлының құттықтауын жеткізіп, жеңімпаздарға қолдау көрсеткен азаматтарға алғысын айтып, палуандарымыздың келер жылғы «Париж-2024» Олимпиадасында да жеңіс тұғырынан көрінетіндігіне сенім білдіретінін жеткізді. Дүбірлі додаға Сыр елі атынан қатысып жатқан барша спортшыларымызға алдағы жарыстарда сәттілік тіледі.&nbsp; Облыстық дзюдо федерациясының президенті, С.Мұстафа өз құттықтауында Азия ойындарына дзюдо спортынан Қазақстан құрамасында барлығы 7 спортшы болса, оның ішінде Қызылордадан қатысқан үш спортшының жүлдемен оралғанын ерекше атап өтті.&nbsp; Шара облыс әкімінің атынан дәстүрге сай жүлдегерлер мен олардың бапкеріне тұлпар мінгізу рәсімімен қорытындыланды. Айта кету керек, Ханчжоу қаласында өтіп жатқан жазғы «Азия ойындарында» бокс, ауыр атлетика, гандбол, дзюдо, грек-рим күресі, стенд ату, таэквондо, каратэ, велоспорт, көгалдағы хоккей, шахмат секілді спорт түрлерінен Қызылорда облысынан 20-дан аса спортшыларымыз қатысуда. Біз спортшыларымызға үлкен үміт артып, жерлестеріміз жеңісті жолдарды жалғастырып, еліміздің көк байрағын асқақтатады деп сенеміз.

Азия ойындарының жүлдегерлері Сыр еліне келді

<a href="https://massaget.kz/layfstayl/Zdorove/49130/">ФОТО</a><a href="https://kyzylorda-news.kz/">Kyzylorda-news.kz.</a> Бүгін – Дүниежүзілік жүрек күні. Әлемде жыл сайын 18 миллионнан аса адам жүрек-қан тамыр ауруларынан көз жұмады. Мұндай статистиканы Кардиология және ішкі аурулар ғылыми-зерттеу институтының кардиологы Ботагөз Қыстауова келтірді.Кардиология және ішкі аурулар ғылыми-зерттеу институтының консультациялық-диагностикалық орталығының кардиологы, жоғары санатты дәрігер, медицина ғылымдарының кандидаты Ботагөз Қыстауованың айтуынша, биыл дүниежүзілік жүрек күнінің ұраны «Жүрек – өмір сүруге арналған».Бұл күнді өткізудің мақсаты – қоғамның назарын денсаулықты сақтау мәселелеріне аудару, жүрек-қан тамырлары ауруларының алдын алудың маңыздылығын атап өту.<blockquote>«Жыл сайын әлемде 18 миллионнан астам адам жүрек-қан тамырлары ауруларынан қайтыс болады. Ағзалардың, организм жүйелерінің жағдайы және адамның өмір сүру ұзақтығы жүректің және бүкіл жүрек-қантамырлары жүйесінің дұрыс жұмыс істеуіне байланысты. Жүрек-қан тамырлары ауруларының алдын алу денсаулық пен ұзақ өмір сүруді қамтамасыз етуде шешуші рөл атқарады», - дейді дәрігер.</blockquote>Кардиологтың айтуынша, жүрек ауруымен қазір балалар мен жастар да жиі ауыратын болған.<blockquote>«Диспансерлік аурулардың электрондық регистрі» ақпараттық жүесінің мәліметтеріне жүгінсек, елімізде қан айналымы жүйесінің аурулары бойынша – 1 760 744 пациент диспансерлік есепке алынған, оның 5914-і бала. Ал, артериальдық гипертонияға 1 628 155 адам шалдыққан. Оның 817 -і бала»,- дейді ол.</blockquote>Маманның сөзінше, адамдардың жүрек ауруына шалдығуына бірнеше фактор әсер етеді. Ең біріншісі – өмір салтының өзгеруі. Сосын физикалық қозғалыстың азаюы, зиянды тамақтану, қант пен тұзды шектен тыс қолдану көп әсер етеді.<blockquote>«Сондықтан, май, тұз және қантты шектейтін теңдестірілген рационды ұстану керек. Көкөніс, жеміс-жидек және құрамында магний бар тағамдарды көбірек тұтынған абзал. Тұрақты жаттығулар жүрек пен қан тамырларын нығайтады. Қалыпты салмақты сақтаған жөн. Темекі шегуден және алкогольді ішімдік ішуден бас тарту керек – темекі шегу және шамадан тыс ішімдік ішу жүрек пен қан тамырлары ауруларының қаупін арттырады»,- дейді дәрігер.ҚазАқпарат</blockquote>

Әлемде жыл сайын 18 миллион адам жүрек-қан тамырлары ауруларынан көз жұмады

Фото: akorda.kz<a href="https://kyzylorda-news.kz/">Kyzylorda-news.kz.</a> «TALAP» қолданбалы зерттеулер орталығының сарапшысы Ерік Батырханов Мемлекет басшысы Қасым-Жомарт Тоқаевтың Германияға сапарына орай пікір білдірді, деп хабарлайды <a href="https://kaz.inform.kz/">ҚазАқпарат</a>.<blockquote>«Қазақстан Президенті Қасым-Жомарт Тоқаевтың Германияға сапары өте маңызды екендігін атап өткім келеді. Халықаралық қарым-қатынаста түрлі деңгейдегі алуантүрлі сапарлардың бар екені белгілі. Ал бұл – Мемлекет басшымыздың ресми сапары. Президентімізді ұшақ басқышынан қарауыл қарсы алды. Яғни, бұл кездесудің қаншалықты жоғары деңгейде өтетіндігін білдіреді. Осы жылдың маусымында Германияның Федералды Президенті Франк-Вальтер Штайнмайер Қазақстанға сапарлағанын айта кеткен жөн. Ол да жоғары деңгейдегі сапар болды», - деді ол агенттік тілшісіне.</blockquote>Сарапшы Қазақстан Президентінің сапары Орталық Азия елдері және Германия басшыларының кездесуі қарсаңында өтіп жатқанына назар аудартты.Оның айтуынша, Германияда технология, өнеркәсіп, кен өндіру өте жақсы дамыған. Ал Мемлекет басшысы Қасым-Жомарт Тоқаев елімізде сирек кездесетін металлдарды барлау қажеттігін бірнеше мәрте атап өтті.<blockquote>&nbsp;«Ал ол тек шығынды ғана емес сонымен қатар технологияларды да қажет етеді. Осыған орай бұл бағытта да әңгіме болады деп ойлаймын. Еліміздің аумағында пайдалы қазбаларды барлағаны, өндіргені үшін оның орнына технология аламыз. Менің білуімше, кен жерімізде өндіріліп қана қоймай өңделуі үшін келіссөз жүргізіледі. Ал бұл технология мүлдем басқа, барынша күрделі процес», - деді сарапшы.</blockquote> Ерік Батырхановтың атап өтуінше, Қазақстан мен Германия шикізат негізінде ғана ынтымақтастықты жол қоймайды. Сауда-экономикалық ынтымақтастық жөніндегі үкіметаралық жұмыс тобы жұмыс істейді. Инвестиция саласындағы ынтымақтастықты нығайту жөніндегі жұмыс тобы – Берлин еуразиялық клубы бар.<blockquote>«Яғни, елдеріміз арасындағы өзара іс-қимыл үшін өте көп алаң бар. Білім саласын айтар болсақ, Есенов атындағы Каспий технология және инженерия университеті базасында Қазақстан-неміс тұрақты инженерия институты ашылды. Сонымен қатар Шығыс Қазақстан техника университетінің базасында Қазақстан-неміс ғылым жне технология институтын ашу жоспарланған. Яғни, ғылым, білім салаларында тығыз ынтымақтастық жүріп жатыр. Меніңше, Германия – еуропалық қуатты мемлекеттердің бірі. Еуропалық одақтағы күрделі геосаяси ахуалды ескерер болсақ, Германия Орталық Азияға қайтадан ашылады және Қазақстан тағы да көшбасы болады», - деді ол.</blockquote>

Қазақстан мен Германия ғылым мен білім салаларында тығыз ынтымақтастық орнатады

Фото: Pixabay<a href="https://kyzylorda-news.kz/">Kyzylorda-news.kz.</a> «Қазгидромет» РМҚ 2023 жылдың 30 қыркүйегі мен 2 қазан аралығына ауа райы болжамын жариялады.&nbsp;Синоптиктердің ақпараты бойынша, жақын күндері атмосфералық фронтал бөліктер республиканың көп бөлігіне жауын-шашын әкеледі; жел күшейіп, ауа температурасы төмендейді.Алматы және Шығыс Қазақстан облыстарының таулы аудандарында жауын-шашын болады, 1 қазанда Шығыс Қазақстан облысында жаңбыр мен қар аралас жаңбыр жауады. Республиканың батысында ғана жауын-шашынсыз, жайлы, ашық күн райы сақталады. Елдің көп бөлігінде түнде және таңда тұман түсуі мүмкін.Ауа температурасы республиканың солтүстік бөлігінде түнде 0-8, күндіз 10-23 жылы болады. Оңтүстік шығыста түнде 5-15, күндіз 18-25 градусқа дейін ысиды. Елдің солтүстік-батысы, солтүстігі мен орталығында түнде 3 градусқа дейін үсік жүруі мүмкін.

Архив