<a href="https://kyzylorda-news.kz/">Kyzylorda-news.kz.</a>&nbsp; Енді жүргізуші куәлігін алғаш рет алатын <a href="азаматтар «Мобильді ХҚКО» қосымшасы">азаматтар «Мобильді ХҚКО» қосымшасы </a>арқылы мамандандырылған халыққа қызмет көрсету орталығына емтихан тапсыруға өтініш беріп, алдын ала кезекті брондай алатын болады. Бұл жанашылдық уақыт үнемдеуге әрі МХҚОдағы қызметалушылардың ағынын азайтуға септігін тигізеді.Ол үшін қолданушыға <a href="«Мобильді ХҚКО» қосымшасында">«Мобильді ХҚКО» қосымшасында</a> «Бейне қызметті» таңдау керек. Бұл сервис қызметалушы алғашқы ақпаратты алу үшін МҚКО операторымен байланыстырады.Одан кейін клиентке мемлекеттік бажды төлеуге немесе алдын ала төленген түбіртекті ұсынуға мүмкіндік беріледі. Төлем жасалғаннан кейін № 073/у формадағы медициналық анықтаманың, автомектепті аяқтағаны туралы куәліктің, қызметалушының суретінің сканерленген нұсқаларын және талапқа сәйкес қойылған қолтаңбаны сұрататын болады. Оператормен сөйлесу барысында аталған барлық құжатты диалогтық терезеде тіркеу қарастырылған. Айта кететін жайт, азамат өтінішті сәтті тапсырғаннан кейін, МХҚКО-ға алдын ала кезекті брондау үшін емтихан тапсыратын күн мен уақыт ұсынылатын болады.<blockquote>«Бұрын емтихан тапсыратын азаматтар өтініш беру және төлем жасау үшін МХҚКОға баруға міндетті болатын. Енді бұл қызметті үйден шықпай, онлайн алуға болады. Яғни, бейнеқоңырау арқылы өтініш беріп және кезекті алдын-ала брондайды. Одан кейін клиент МХҚКОға бекітілген уақытта келіп, емтиханын тапсырып кете алады. Болашақта өтініш беру фнкциясын электронды порталға және екінші деңгейлі банктердің ақпараттық жүйелеріне енгізу жоспарда бар» - деді Басқарма Төрағасы Сүйеніш Әбділдин.&nbsp;</blockquote>Айта кетейік, сервиспен eGov mobile қосымшасында да қолдануға болады. Ол үшін басты беттегі «БейнеХҚКО» батырмасын таңдау қажет.&nbsp;

«Мобильді ХҚКО» қосымшасында жаңа қызмет пайда болды

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасында көлік құралдары иелерінің азаматтық-құқықтық жауапкершілігі заңнамалық деңгейде белгіленген, ол жол-көлік оқиғасы (бұдан әрі - ЖКО) жағдайына сақтандыру полисін ресімдеуге міндеттейді. Көлік құралдары иелерінің азаматтық-құқықтық жауапкершілігін міндетті сақтандыру жол-көлік оқиғасы кезінде кінәлі адамның зардап шеккен адамның алдындағы жауапкершілігін қамтамасыз ету тетігі ретінде көптеген жылдар бойы Қазақстан Республикасында маңызды өтемақы функциясын қамтамасыз етіп келеді.&nbsp;Fingramota.kz көліктік сақтандыру бойынша төлемнің ерекшеліктері туралы айтып береді.&nbsp;Көлік құралдары иелерінің азаматтық-құқықтық жауапкершілігін міндетті сақтандыру (КҚИ МАҚЖ) жүргізушінің үшінші тұлғалар алдындағы жауапкершілігін, оның ішінде Қазақстан арқылы транзитпен жүретін жүргізушілердің жауапкершілігін сақтандыратын сақтандырудың міндетті түрі болып табылады. ЖКО-да жүргізуші кінәлі болатын жағдайда, зардап шеккен адамдарға шығынды сақтандыру компаниясы өтейді.Мәселен, заңнамада белгіленген лимиттердің шеңберінде сақтандыру компаниясы апаттың зардап шеккен қатысушыларына олардың көлік құралдарын жөндеуге сақтандыру төлемін төлейді, сондай-ақ зардап шеккен адамның өміріне немесе денсаулығына зиян келсе, емделуге төлем немесе қайтыс болуына байланысты өтемақы жасалады.Қазіргі уақытта Қазақстанда КҚИ МАҚЖ бойынша сақтандыру полисін ашу барынша оңай әрі жылдам. Бар болғаны сақтандыру компаниясының ресми сайтында өзіңіздің ЖСН мен көлік құралының мемлекеттік нөмірін енгізу жеткілікті, қалған ақпарат Бірыңғай сақтандыру дерекқорынан автоматты түрде толтырылады.КҚИ МАҚЖ полисінсіз сіздің жолға шығуға құқығыңыз жоқ және сақтандырусыз көлік айдағаны үшін 10 АЕК мөлшерінде айыппұл салынады. КҚИ МАҚЖ автомобильді емес, жүргізушінің өзінің жауапкершілігін сақтандыратынын есте ұстаңыз.Меншікті көлік құралын ерікті сақтандыру&nbsp;Автокөлік иелері өздерінің қалауы бойынша автомобиль көлігін ерікті сақтандыру полисін қосымша ресімдей алады.Өз заттарына мұқият қарауға әдеттенген адамдар міндетті автосақтандыруға қосымша ретінде автомобиль көлігін ерікті сақтандыру полистерін жасағанды дұрыс көреді.Ерікті сақтандырудың шарттары мен тәртібі тікелей сақтандыру полисінде айқындалады, себебі әрбір сақтандыру полисі жеке болып табылады және тараптардың еркіне қарай жасалады.Сақтандыру жағдайы туындаған (ЖКО ғана емес, сонымен қатар көлік құралына бөгде объектінің немесе заттың құлауы немесе ішіне енуі; өрт; жарылыс; табиғат апаты; найзағай ойнап, жай түсуі; үшінші тұлғалардың заңға қайшы әрекеттері және т.б.) кезде сақтандырылушы белгіленген лимит шегінде сақтандыру төлемін пайдалана алады, осылайша машинаны жөндеу арзандауға түседі не оны сақтандыру полисі түгел өтейді. Егер алушы ЖКО-ға кінәлі тарап болып табылса да, меншікті көлік құралын осындай ерікті сақтандыру болса, оған төленеді.Зардап шеккен тарапқа шығынды қосымша өтеудің талаптарын қамтитын ерікті сақтандыру полисі бар болса, ЖКО-ға кінәлі тараптан шығынды ерікті дербес өтеу талап етілмейді.ЖКО кезінде сақтандыру төлемі қалай төленеді?ЖКО-дан зардап шеккен адамға сақтандыру төлемін төлеу процесі Қазақстан Республикасының заңнамасында регламенттелген.КҚИ МАҚЖ ойынша мүлікке келтірілген зиян айғақ бойынша өтеледі, бірақ егер зиян сомасы 600 АЕК-тан асса, онда кінәлі адам қалған соманы дербес не ерікті сақтандыру арқылы (егер мұндай полис бар болса) төлейді. Мүгедектік белгіленбей, денсаулығына зиян келтірілген жағдайда, КҚИ МАҚЖ бойынша сақтандыру төлемінің сомасы 300 АЕК-тан аспайды. Зардап шегуші адам қайтыс болған жағдайда, әрбір қайтыс болған адамға 2000 АЕК төленеді.ЖКО-дан кейін сақтандыру төлемін ресімдеудің маңызды бөлігі бұл – зардап шеккен адамға көлік құралын қалпына келтіру үшін аталған соманың жеткілікті болатынын түсіну үшін сақтандыру компаниясы көлік құралына келтірілген зиянның көлемін бағалауы қажет болады.Сақтандырушы келтірілген зиянға жүргізген бағалау тәртібімен және (немесе) нәтижемен сақтанушы (зардап шегуші, пайда алушы) келіспеген жағдайда, ол сақтандыру омбудсманының көмегіне жүгінуге құқылы.Сондай-ақ КҚИ МАҚЖ шеңберінде, зардап шеккен адамның өмірі мен денсаулығына келтірілген зиян үшін сақтандыру төлемін алу үшін, медициналық куәландыру алу қажет.Жалпы алғанда, Қазақстан Республикасының заңнамасына сәйкес сақтандыру компаниясы ЖКО-дан зардап шеккен адамға соңғы құжатты алғаннан кейін 15 күннен кешіктірмей сақтандыру төлемін төлеуге міндетті.Ерікті сақтандыру бойынша сақтандыру төлемдерін жүзеге асыру тәртібі мен мерзімдері сақтандыру шартында айқындалады.Өзіңізге, өз ақшаңызға абай болыңыз және Fingramota.kz-пен бірге қаржылық сауаттылығыңызды арттырыңыз!&nbsp;

Көлік иелерінің азаматтық-құқықтық жауапкершілігін сақтандыру бойынша сақтандыру төлемдері 

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданында МӘМС жүйесінде сақтандырылмаған азаматтар саны артты. Әлеуметтік медициналық сақтандыру қорының облыстық филиалы мен денсаулық сақтау басқармасының мамандары аудан тұрғындарымен кездесулері барысында әлеуметтік медициналық сақтандырудың мүмкіндіктері талқыланды.<blockquote>«Көшпелі жиындар Тереңөзек ауылында, Ақжарма, Нағи Ілиясов ауылдық округтерінде өтті. Ауданда 35 мыңға жуық адам тұрады, оның 5051-і (14,6%) міндетті әлеуметтік медициналық сақтандыру жүйесінде сақтандырылмаған. Тамыз айында тағы 82 адам жүйеден тыс қалды. Бұл өңірде ауыл тұрғындарын медициналық сақтандыруға тарту бойынша жұмыстың талапқа сай жүргізілмегенін көрсетеді.Әкімдіктермен, мемлекеттік кірістер, жұмыспен қамтуды үйлестіру және әлеуметтік бағдарламалар департаменттерімен бірлесе отырып, ақпараттық жүйелердің интеграция жасау және оларға азаматтардың жеңілдікті санаттарын уақтылы енгізуді қадағалау қажет. МӘМС жүйесінде сақтандырылмаған заңды тұлғаларға берешекті мәжбүрлеп өндіріп алу шараларын қолдану қажет», - деп атап өтті Бақыт Исмаханбетов.</blockquote>Кездесуде ауыл тұрғындары бірқатар сұрақтармен жүгінді. Егер МӘМС-да сақтандырылған отбасы мүшелерінің бірі медициналық көмекке жүгінбесе, оның қаражатымен пайдалануға бола ма? МӘМС жүйесінде әрбір адам өзі үшін жеке төлейтіні және бүл жүйе жинақтаушы емес екені атап өтілді. Қағидалардың бірі - дені сау адам науқас үшін төлейді, яғни МӘМС жүйесіндегі сақтандырылғандардың арасында жеңілдікті санаттағы азаматтар (балалар, жүкті әйелдер, зейнеткерлер, мүгедектер және т.б.) бар.Тағы бір сұрақ: МӘМС есебінен гормондарға сынама тапсыруға бола ма? Иә, МӘМС жүйесінде сақтандырылған пациенттерге кеңейтілген жоспарлы медициналық қызметтер қолжетімді, бұл талдаулар мен тексерулерге қалта шығындарын айтарлықтай азайтуға мүмкіндік береді. Егер медициналық көрсеткіштер мен тиісті тар буынды маманның қорытындысы болса, жолдама алуға құқығыңыз бар. Тізімде ең көп таралған 20 гормон бар, оларды тексеру МӘМС арқылы қамтылады.Сөз соңында Бақыт Исмаханбетов сақтандыру мәртебесін Қордың fms.kz ресми сайтында, Egov.kz электронды үкімет порталында, сондай-ақ Qoldau 24/7 мобильді қосымшасында, Telegram желісіндегі @SaqtandyrýBot арқылы тексеруге болатынын еске салды.&nbsp;Қызылорда облысында емуханаларға тіркелген 822 521 халықтың 695 127-сі (84,5%) сақтандырылған, ал қалған 127 394-і МӘМС жүйесінен тыс қалған. Сақтандырылмаған азаматтардың үлесі өңірде тіркелген тұрғындардың жалпы санының 15,5% құрады.<figure class="image"><img src="https://knadmin.beoblood.kz/uploads/OSMS_5e825d1c0b.jpeg" alt="ОСМС.jpeg"></figure>&nbsp;

Сырдария ауданының 5 мыңнан астам тұрғыны МӘМС жүйесінде сақтандырылмаған

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Шиелі аудандық филиалының кезектен тыс XLІІ (42-ші) конференциясы өтті.Конференция жұмысына арнайы «AMANAT» партиясы Қызылорда облыстық филиалының төрағасы Наурызбай Байқадамов сонымен қатар, бастауыш партия ұйымының жетекшілері, партия белсенділері, партия ардагерлері, аудандық мәслихаттағы «AMANAT» партиясы депутаттық фракциясының мүшелері мен «Жастар Рухы» жастар қанатының өкілдерінен 120 делегат қатысты.Аталған жиынның күн тәртібінде «AMANAT» партиясының 2023-2027 жылдарға Сайлауалды бағдарламасын іске асыру жөніндегі Жол картасының Шиелі ауданы бойынша көрсеткіштерінің орындалысы мен ҚР Парламенті Мәжілісі мен барлық деңгейдегі мәслихат депутаттарын сайлау науқанында сайлаушылардан түскен ұсыныс–пікірлердің шешілуі туралы аудан әкімінің есебі тыңдалып, 5 қарашада өтетін аудан әкімдері сайлауына «AMANAT» партиясы қоғамдық бірлестігінен Шиелі ауданының әкімі лауазымына кандидатура ұсыну мәселелері қаралды.Конференция жұмысын партияның аудандық филиалының төрағасы Болат Сыздық жүргізіп отырды.Күн тәртібіндегі алғашқы мәселе бойынша Шиелі ауданының әкімі Нұржан Ахатовтың есебі тыңдалды.Күн тәртібіндегі екінші мәселе бойынша конференция жұмысына 3 үміткер ұсынылып, қатысқан делегаттардың ашық дауыс беруі нәтижесінде Шиелі ауданының әкімі лауазымына кандидат ретінде Нұржан Ахатов ұсынылды. Алдағы күндері ол аудандық сайлау комиссиясында тіркеуден өтеді.Жиын барысында сөз алған партияның облыстық филиалының төрағасы Наурызбай Байқадамов елеміздегі сайлау жүйесінің жетілуі бойынша атап өтті.«Мемлекет басшысы Қасым-Жомарт Тоқаевтың тапсырмасы бойынша Қазақстанда сайлау жүйесі жетілдірілуде. 2021 жылдан бастап елімізде ауыл әкімдерін тікелей сайлау тетігі іске қосылды. Енді міне аудан әкімдерінің сайлауы да ашық түрде халық таңдауына түскелі отыр. Биыл өңірімізде Шиелі және Сырдария аудандарының әкімдерін тікелей сайлау арқылы азаматтардың саяси белсенділігін арттырмақпыз. Алдағы сайлау науқаны саяси мәдениет пен бәсекелестікті арттыратыны анық», – деді «AMANAT» партиясы Қызылорда облыстық филиалының төрағасы Наурызбай Байқадамов.Жалпы конференцияның күн тәртібіне ұснылған мәселелер толық қаралып, тиісті қаулылар қабылданды.<figure class="image"><img src="https://knadmin.beoblood.kz/uploads/376881315_711894940976145_4284800619896339218_n_1eec7008c7.jpg" alt="376881315_711894940976145_4284800619896339218_n.jpg"></figure>

Шиеліліктер аудан әкімі лауазымына өз кандидатын ұсынды

<a href="https://kyzylorda-news.kz/">Kyzylorda-news.kz.</a> Бүгін Сенаттың жалпы отырысында депутат Андрей Лукин палатадағы басқа тұрақты комитетке ауысты, деп хабарлайды <a href="https://kaz.inform.kz/">ҚазАқпарат.</a>Айта кетейік, осы уақытқа дейін Андрей Иванович Лукин Сенаттың Конституциялық заңнама, сот жүйесі және құқық қорғау органдары комитетінің төрағасы болды.<blockquote>«Сенат депутаты А. Лукин Халықаралық қатынастар, қорғаныс және қауіпсіздік комитетінің құрамына ауысуға өтініш берді. Сенат регламентіне сәйкес, депутаттар өз тілегі бойынша басқа комитетке ауыса алады», – деді палата төрағасы Мәулен Әшімбаев.</blockquote>Жалпы отырыс барысында сенаторлар аталған өтінішті қолдады.Бұдан бөлек, Сенаттың Конституциялық заңнама, сот жүйесі және құқық қорғау органдары комитетінің төрағасы қызметіне Нұрлан Құдиярұлы Бекназаров сайланды.

Сенатта екі тұрақты комитеттің төрағалары ауысты

<a href="https://kyzylorda-news.kz/">Kyzylorda-news.kz.</a> «AMANAT» партиясы Орталық аппаратының ұйымдастыру және аумақтық жұмыс департаментінің инспекторы Еркін Дәрібаев аймақтық Жол карта аясында салынып жатқан құрылыс нысандарын зерделеді.&nbsp;«AMANAT» партиясының сайлауалды бағдарламасына енген негізгі жобалар партиялық бақылауға алынып, партиялық бекеттер орнатылған. Қызылорда қаласында қазіргі таңда 13 нысанда партиялық бақылау бекеті жұмыс жасайды. Солардың бірі – өңіріміз үшін маңызы бар Қызылорда су торабы.Аймағымызға жұмыс сапарымен келген «AMANAT» партиясы ұйымдастыру және аумақтық жұмыс департаментінің инспекторы Дәрібаев Еркін Асубайұлы партияның облыстық филиалының басшылығы, партиялық бақылау комиссиясының өкілдерімен бірге стратегиялық нысанның құрылыс жұмыстарына бақылау жасады.Су торабының құрылысы 2020 жылы күз мезгілінде басталды. Смета бойынша қаржы көлемі 2 миллиард 600 миллион теңге. Қазіргі таңда негізгі құрылыс жұмыстары аяқталған. Су торабының екі арнасы жұмыс жасауда. Негізгі жұмыстар 97% аяқталған. Жоба осы жыл соңына дейін пайдалануға берілмек.Мұнан соң инспектор «Байтерек» шағын ауданындағы 600 орындық мектеп құрылысымен танысты. Білім ордасы өңірлік сайлауалды бағдарламаны жүзеге асыруға бағытталған Жол картаға енгізілген. Жалпы құны 1 261 153,0 мың.теңгені құрайды. Білім ошағының құрылысы толық аяқталып тапсырылды. Жақын күндері пайдалануға беріледі.Зерделеу жұмыстары барысында инспектор бағдарлама аясындағы әрбір нысанның сапалы және уақытылы іске асуының маңызды екенін атап өтті.<figure class="image"><img src="https://knadmin.beoblood.kz/uploads/378390291_711432381022401_2507354410982783246_n_c5040a6097.jpg" alt="378390291_711432381022401_2507354410982783246_n.jpg"></figure>&nbsp;<figure class="image"><img src="https://knadmin.beoblood.kz/uploads/383995780_711432497689056_5128617524804606451_n_a2497f21b2.jpg" alt="383995780_711432497689056_5128617524804606451_n.jpg"></figure>

Аймақтық Жол карта аясында салынып жатқан құрылыс нысандары тексерілді

<a href="https://kyzylorda-news.kz/">Kyzylorda-news.kz.</a> Жалағаш ауданының әкімі Асқарбек Есжанов Жаңадария, Аламесек, Еңбек және Аққұм ауылдық округтерінің тұрғындарымен кездесіп, ауданның 2023 жылдың 8 айындағы әлеуметтік-экономикалық даму қорытындысы мен алдағы жобалар туралы айтты.Есепті кездесу Жаңадария ауылынан басталды. 2023 жылы «Самара-Шымкент - Еңбек - Есет батыр - Жаңадария» аудандық маңыздағы автомобиль жолының 20,3-37,4 шақырым аралығын орташа жөндеу барысында асфальт төсеу жұмыстары толығымен аяқталып, жолақтар сызылды. Қазіргі таңда жол белгілерін және сигналды тіректер орнату жұмыстары жасалуда.Ауыл халқының ұсынысына сәйкес үстіміздегі жылы Жаңадария елді мекенінде балалар ойын алаңы орнатылды. Жоба құны 10,0 млн.теңге.«Төрешқұдық» шекара бекетінің қоршау, шекара аймағында күн батареяларын орнату жұмыстары үшін және елді мекендегі 4 көшені яғни Қ.Сәтбаев, Жаңадария, Достық, Мектеп көшелерін күрделі жөндеуге жоба сметалық құжаттар әзірленуде.Сондай-ақ, аудан әкімі Есет батыр ауылының тұрғындарына жоба құны 431,0 млн. теңгені құрайтын дәрігерлік амбулатория құрылысы басталып, қазіргі таңда қабырғалары қаланып, құрылыс жұмыстары қарқынды жүргізілуде.Бүгінгі күнге дейін ауыл тұрғындары көтеріп келген ауыз су мәселесі, Есет батыр ауылының 5 көшесін күрделі жөндеу және тұрғын үйлер секторының электр желілерінің құрылысы бойынша жоба сметалық құжаттары дайындалып, республикалық бюджетке ұсынылды. 2024 жылы күрмеуі шешілмеген ұсыныстарды орындалатынын жеткізді.Халықпен кездесулерде аудан әкімімен бірге облыстық мәслихат депутаты Әмір Шаймағанбетов, аудандық мәслихат депутаттары, аудан әкімінің орынбасары және бөлім, мекеме басшылары да қатысып, тұрғындар сауалына уақытылы шешім қабылдап, тиісті тапсырмаларды түртіп алды.Осы ретте Еңбек ауылдық округінің тұрғындары ауданда атқарылып жатқан серпінді істерге оң бағасын беріп, ауылдағы көше мәселесін қозғады.Бұл мәселе тұрақты бақылауда екенін айтқан аудан әкімі Асқарбек Есжанов Еңбек ауылының 3 көшесін яғни Т.Дәуітбаев, Абай, М.Байділдаев көшелерін орташа жөндеуден өткізу мақсатында мемлекеттік сатып алу жұмыстары жүргізіліп жатқанын жеткізді.Аққұм елді мекенінде су тарату жүйесінен аула ішілік су тарату желісінің құрылысы жобасын қоса қаржыландыру аяқталып, бүгінде нысан пайдалануға берілді.Аққұм елді мекенінің 10 көшесін атап айтқанда, Х.Сарбасов, Аққұм, И.Мұстаяпов, І.Доспанбетов, Р.Книязов, Е.Түменбаев, З.Лекеров, Жастар, Желтоқсан, Б.Ақдәулетов көшелерін күрделі жөндеу жұмыстарын жүргізу қолға алынды. 2023 жылы Аққұм көшесі жөндеуден өткізілетін болады. К.Бекенов көшесін жарықтандыруға мемлекеттік сатып алу жұмыстары жүргізілуде.Ауыл тұрғындарының ұсынысына сәйкес «Батыс Еуропа - Батыс Қытай» автодәлізіне өткел орнату мәселесі жөнінде облыстық мәслихат депутаты Әмір Шаймағанбетов алдағы уақытта қолдау табатынын жеткізді.2023 жылы Еңбек және Аққұм ауылдарының ішкі көшелерінде орналасқан түнгі жарықшамдар заманауи түрлі-түсті кескіндегі шамдармен ауыстырылды. Елді мекендегі санитарлық тазалық және абаттандыру жұмыстары ұйымдастырылып, күл-қоқыс полигонын қоршау жұмыстары жүргізілді.Елді мекендерде демеушілер есебінен атқарылып жатқан жобалар жыл санап артып келеді. Ауыз толтырып айтарлық ауқымды істердің бірі «Еңбек Жер» ЖШС-нің қолдауымен Еңбек ауылында жоба құны 50,0 млн.теңгені құрайтын жылыжай кешені, жалпы құны 30,0 млн. теңгеге балалар ойын алаңы және кіші футбол алаңы құрылысы салынды.2023 жылы «Бірлік-А» ШҚ-ның қолдауымен 2,8 млн. теңгеге Аққұм ауылындағы Нұрқожаев көшесі мен орталық алаңға жарықтандыру жұмыстары жасалды.Осы ретте аудан әкімі Асқарбек Темірбекұлы ауылдың дамуына үлес қосып отырған кәсіпкерлерге өз алғысын білдірді.Бүгінгі есепті кездесулер Қаракеткен, М. Шәменов, Бұқарбай батыр, Таң ауылдарында жалғасатын болады.

Жалағаш: Бірқатар елді мекен көшелеріне жөндеу жұмыстары жүргізілуде

<a href="https://kyzylorda-news.kz/">Kyzylorda-news.kz.</a> Қармақшы ауданына қарасты Дүр Оңғар ауылындағы "Жаңажол" ЖШС-нің күрішті алқабындағы күзгі науқан барысымен танысқан аудан әкімі Жандос Еркінбекұлы серіктестіктің басшысына өнім сапасын төмендетіп алмау туралы және ақ күріштің атасы салған сүрлеумен жүрген сан жылғы еңбек тәжірибеңізбен бөлісіп, жас инвесторларға бағыт-бағдар көрсетіп отырсаңыз деген тілегін жеткізді.Күріштің "Лидер" және "Сыр Сұлуы" сортына басымдық берген жаңажолдық шаруашылықтың биылғы жылғы жалпы егіс көлемі 4671 га болса, оның 3100 гектарына күріш, 290 гектарына жаздық бидай, сүрлем жүгері 34 гектарына орналастырылса, қант құмайы мен, көкөніс-бақшалығы 67 гектарды құрайды. Жаңа жоңышқаға 481 га , ескі жоңышқаға 699 га жер бөлінген. Күзгі егін жинау жұмыстары бойынша 1700 га күріш орылып, 1450 га бастырылды. Орта өнім әр гектарына 55,0 центнерден айналуда.Сапар соңында аудан басшысы тірлігі дөңгеленіп, жұмысы жолға қойылған Жаңажол шаруашылығының күзгі қамбасына толымды табыстар тіледі.

Жаңажол серіктестігінде жаңа серпін бар

<a href="https://kyzylorda-news.kz/">Kyzylorda-news.kz.</a> Сырдария ауданы әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссия отырысы өтіп, оның күн тәртібінде 2 мәселе қаралды. Отырысқа комиссия мүшелері қатысты.Күн тәртібіндегі бірінші мәселе – тұрғын үйді бөлу, беру кезінде сыбайластық көріністерін болдырмау, жариялықты қамтамасыз ету бойынша атқарылған жұмыстар туралы аудандық тұрғын-үй коммуналдық шаруашылық, жолаушылар көлігі және автомобиль жолдары бөлімі басшысы Н.Бисембаев хабарлама жасады.Ал екінші мәселе – аудан аумағында квазимемлекеттік сектор субъектілерінде комплаенс қызметтерін жүргізілу барысында сыбайлас жемқорлық тәуекелдерінің алдын алуға бағытталған шаралар жөнінде Тереңөзек кенті әкімінің міндетін атқарушы Ғ.Нұртазаев пен C.Сейфуллин ауылдық округінің әкімі Б.Қыдырбаев баяндады.Сыбайлас жемқорлықтың алғышарттарын жүйелі түрде жою, ол үшін жауапкершіліктің бұлтартпастығын қамтамасыз ету, қоғамдық сананы түбірінен өзгерту мақсатында Мемлекет басшысының Жарлығымен «Қазақстан Республикасының сыбайлас жемқорлыққа қарсы саясаттың 2022-2026 жылдарға арналған Тұжырымдамасы» бекітілген.Комиссия отырысында Тұжырымдама негізінде жемқорлықтың алдын алуға бағытталған қолданыстағы заңдарды, ережелер мен стандарттардың сақталуын қамтамасыз етуге қатысты нақты тапсырмалар берілді.

Сыбайлас жемқорлыққа қарсы іс-қимыл мәселелері жөніндегі комиссия отырысы өтті

<a href="https://kyzylorda-news.kz/">Kyzylorda-news.kz.</a> Мемлекеттік қолдаулардың арқасында Сыр бойында ауыл шаруашылығы саласы жүйелі даму үстінде. Биыл да бұл саланың қоржыны молайып келеді. Бұл жөнінде Өңірлік коммуникациялар қызметінің баспасөз алаңында облыстық ауыл шаруашылығы және жер қатынастары басқарма басшысының орынбасары Ғалым Баймбетов мәлімдеді.<blockquote>- Биыл өсімдік шаруашылығын дамыту бойынша тиісті қаржы бөлініп, бекітілген жұмыстар жалғасуда. Сондай-ақ, мал шаруашылығын дамытуға да қомақты қаржы бөлініп, 694 шаруашылыққа қолдау көрсетілді. Қалған қаржы жыл соңына дейін толық игерілетін болады. Сондай-ақ, облыста «Ауыл аманаты» жобасын іске асыру мақсатында республикалық бюджеттен жеңілдетілген несие берілуде, - деді Ғалым Орынбасарұлы.</blockquote>Бүгінде ауыл шаруашылығы тауарларын өндірушілерге қаржы институттары тарапынан түрлі қолдаулар көрсетілуде. Мәселен, қазіргі таңда кредиттік серіктестіктері арқылы қаржыландыру жүйесі белсенді дамып келеді. Кредиттік серіктестіктерінен мал және ауыл шаруашылығын дамыту үшін жеңілдетілген қаржыландыруға өтінім бере алады.<blockquote>- Аграрлық несие корпорациясы АҚ-ы ҚР Үкіметінің қаулысына сәйкес 2001 жылы құрылған болатын. Жалғыз акционер: «Бәйтерек» ұлттық басқарушы холдингі» АҚ-ы болып табылады. Жалпы, қоғамның миссиясы қолжетімді және тиімді қаржыландыру жүйесін құру арқылы ҚР агроөнеркәсіп кешенінің тұрақты дамуына атсалысу керек. Осыған сәйкес, еліміздің 19 облысында корпорация филиалдары қызмет істеп келеді. Кредиттік серіктестіктерінің жұмысын жеңілдетілген несие қаражатымен қаржыландыру арқылы дамыту болып табылады, - деді «Аграрлық несие корпорациясы» АҚ Қызылорда облысы бойынша филиалының директоры Маханбет Тұрмаханов.</blockquote>

Ауыл шаруашылығы саласына мемлекет тарапынан қолдау көп

<a href="https://kyzylorda-news.kz/">Kyzylorda-news.kz.</a> Биыл Сырдария ауданындағы бірқатар елді мекенде электр желілеріне жаңғырту жұмыстары жүргізілуде.Негізінен, ауданда энергетикалық салаға қатысты зерделеу жұмыстары жүргізіліп, өткен ғасырдың 60-70 жылдарында салынған электр желілерінің 70%-ның тозығы жеткені анықталды. Соның салдарынан жел, жауын секілді ауа райының құбылуы кезінде электр жарығы өшіп қалып жатады.Осыған байланысты облыс әкімі Нұрлыбек Машбекұлы Нәлібаевтың қолдауымен бірқатар елді мекендегі электр желілері жаңғыртылды. Атап айтқанда, «Қуатты өңірлер – ел дамуының драйвері», «Ауыл – ел бесігі» бағдарламалары аясында 1,8 млрд. теңге қаржы бөлініп, ауданға қарасты Айдарлы, Аманкелді, Жетікөл, Қоғалыкөл елді мекендерінің электр бағаналары мен желілері, трансформаторлар толық жаңартылды.Жаңғырту жұмыстары барысында көше жарықтары да толық орнатылды. Бүгінгі таңда құрылыс жұмыстары аяқталып, «КРЭК» АҚ-ның теңгеріміне беру үшін құжаттары (жер актісі, техникалық паспорты) әзірленуде.Электр желісінің тозуы Сырдария ауданындағы ең үлкен елді мекен – Шаған ауылында да өзекті мәселе. Бұл елді мекенге де аймақ басшысы қолдау көрсетіп, бүгінде электр желілерін ауыстыру жұмыстары басталып кетті. Жоба өтпелі, алдағы 2024 жылы электр желілері толық жаңаратын болады.Айта кетейік, Тереңөзек кенті, Қалжан ахун, А.Тоқмағамбетов, С.Сейфуллин елді мекендерін электрмен жабдықтауға демеушілікпен жобалар әзірленуде.

Сырдария ауданында электр желілері жаңғыртылуда

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Жандос Еркінбекұлы аудан бойынша шаруашылық құрылымдарындағы жиын-терін жұмыстарын бақылауын Ақтөбе ауылынан бастады.Ақтөбе ауылындағы "Оңталап" шаруашылығының жұмысымен таныстырған шаруашылық басшысы Әбдіхамит Аралбаев жалпы егіс көлемі 1568 гектар болса, оның ішінде күріш 961 гектарды құрайтынын, 185 гектарына жаздық бидай, 185 гектарға жаңа жоңышқа, 237 гектарға ескі жоңышқа егілгендігін, қазіргі таңда егін жинау жұмыстары бойынша 42,7% күріш орылып, 31,2%-ы бастырылды, әр гектарынан 55,0 центнерден орташа өнім алудамыз деді. Шаруашылықтың егін жинау жұмыстары бойынша барлығы 70 ауыл тұрғынын жұмыспен қамтып отырғанын, орташа жалақының есептік көрсеткіші 150 000 теңгені құрайтынын айтып өтті.Мұнан соң аудан басшысы "Ақтөбе и К" жауапкершілігі шектеулі серіктестігінің қырманында болып, серіктестік басшысы Нұрлан Іздібаевпен кездесіп, жалпы егін көлемін, оның ішінде басым бағытқа ие күріш өнімін жинау жұмыстарымен танысты. Нұрлан Іздібаев егін жинау жұмыстары бойынша күріштің 53,3%-ы орылып, 48% бастырылғандығын, орта өнімнің әр гектары 64,0 центнерден айналуда екендігін, серіктестік 140 адамды жұмыспен қамтып отырғандығын жеткізді.Ақтөбе ауылына сапары барысында аудан әкімі «Қармақшы құс» ЖШС құс фабрикасының жұмысын бақылады. Құрылысы толық аяқталып, барлық нысандарының құжаттары рәсімделіп, цехтары толық жабдықталған құс фабрикасына ағымдағы жылдың 20 қыркүйегінде Түркия мемлекетінен инкубациялық жұмыртқалар жеткізіліп, инкубаторларға 57600 дана жұмыртқа орналастырылған. Желтоқсан айында құс фабрикасының алғашқы өнімдері шығарылады деп жоспарлануда."Қазіргі таңда фабрикамыздағы жұмысшылар саны 20-ны құрайды. Сандық-автоматтандырылған басқару жүйесімен жұмыс жасайтын цехтар толықтай іске қосылып, өнім алар уақытта 100 адамды жұмыспен қамтуға дайынбыз. Біз ауыл шаруашылығы саласы мамандарын жұмысқа тарту бойынша жұмыс жасаудамыз"-деді серіктестік басшысы Нұрлан Тұрғанбекұлы.Жандос Еркінбекұлы еңбегінің берекесін ел-халқымен бөліскен еңбеккерлердің көңілге қонымды тірліктерін қолдап, күзгі қырманның қызылды болуына тілектестігін білдіріп, келесі шаруашылыққа аттанды.

Архив