<a href="https://kyzylorda-news.kz/">Kyzylorda-news.kz.</a> Қармақшы өңірі елімізге тек жыраулық, ақындық өнерімен танылған өлке емес, бұл өңір қазақ еліне күш атасы – балуандарымен де, бокспен де, &nbsp;штангашылармен де танылған. Оған дәлел, полицейлер арасында бокстан Бауыржан, қазақ күресінен &nbsp;Бауыржан Райсов, Айбек Серікбаев пен Ғалымжан Әбдірахманов, штангадан жасөспірімдер арасындағы байрақты жарыста Ерасыл Сәулебеков әлемді бағындырса, Еламан Ерғалиев пен Мақсат Исағабыловтай «Қазақстан барысы» атағын иеленген балуандарымыз ел алдында қармақшылықтардың мерейін тасытқаны біз үшін үлкен абырой.Міне, осындай даңқты спортшыларымыздың үлкен аренада өнер көрсетуіне жол ашып берген жаттықтырушылардың еңбектерін айтып &nbsp;өту біз үшін &nbsp;міндет.Жас ұрпақ Қармақшы спортының дамуына өзіндік үлес қосып, ел құрметіне бөленген аға ұрпақ өкілдерін біле бермеуі мүмкін. Кезінде ауданда бүгінде көзі жоқ болса да спорт үшін бар саналы өмірін арнаған марқұм ағаларымыз – Сұлтанбек Омаров, Жарболсын Құндақбаев, Қорғанбек Манасов, Сағат Бұқпанов, Зейнулла Жәкиевті, сонымен қатар отбасылық жағдайымен өзге өңірге қоныс аударса да сол аймақта спортты дамытуға &nbsp;сүбелі үлесін қосып жүрген Қуаныш, Тұрсынбек, Найзабек, Бердібек және ағайынды жеңілатлет Мощеевтердің есімін жерлестері құрметпен атайды.Ал Қармақшы спортының бүгінгі аға буын өкілдері &nbsp;– Төленді Мырзабаев, Әлжан Төремаханов, Еркін Атабаев, Шәріпбек Асановтар &nbsp;құрметті демалыста болса да өскелең ұрпақ алдында өмірлік тәжірибелерін беруден аянған емес. Осындай ұлағатты ұстаздардан тәлім-тәрбие алған шәкірттер де түрлі деңгейдегі спорттық жарыстардан жасындай жарқырап, аудан спортсүйер қауымның мерейін тасытуда.Бүгінгі мақаламның кейіпкері менің спорттағы алғашқы ұстазым Төленді Мырзабаев және оның спортшы отбасы туралы болмақ. Төленді ағайды мен өткен ғасырдың жетпісінші жылдарының ортасынан, №26 орта мектепте білім алып жүрген кезімнен танимын. Өйткені ол менің еркін күреспен шұғылдануыма себепкер болған бірден-бір ұстазым. Ағайдың жаттықтыруымен аудандық, облыстық жарыстарда талай рет жеңімпаз, жүлдегер атандым, бірақ &nbsp;жоғары сыныпқа көшкен соң ол кісі орнын Зейнулла Жәкиев ұстазыма тапсырып, өзі басқа қызметке ауысты.Бірақ алғашқы ұстазыммен одан кейінгі жылдарда да байланысымды үзген жоқпын. Спорт десе ішкен асын жерге қоятын ағайым көптеген жас балуанның түрлі деңгейдегі жарыстарда үздіктер қатарынан орын алуына еңбек сіңірді. Аудан экономикасын дамытудағы елеулі еңбегі үшін де талай құрметті марапаттарға ие болды. Аудандық мәслихаттың да депутаттығына сайланып, жерлестерінің мүддесі үшін билік алдында шешімін таппай жүрген көкейкесті мәселелерді көтерді. Оның ішінде спорт саласын дамытуға арналған күрделі мәселелер де болды.«Жақсыға жақын көп» дейді дана халық. Қай кезде де, кімге де болмасын көмегін аямайтын, өзінде барын жоқ-жұқаға таратып беруге асығатын Төленді Мырзабаевтай ағайымызды қармақшылықтар да аса ризашылықпен құрметтейді. Соның дәлелі болар ел алғысына бөленген қадірлі жан «Қармақшы ауданының Құрметті» азаматы деген де атаққа ие болып, ардақтылар қатарынан көрінді.&nbsp; Ауданымызда бір мамандықты атадан балаға мирас етіп, көпке үлгі көрсетіп жүрген отбасылар аз емес, солардың бірі – &nbsp;Мырзабаевтар отбасы.Төленді ағайымыздың үлкен баласы Аманкелді де Астана қаласындағы &nbsp;республикалық Оқушылар сарайында спорт секторының меңгерушісі болып қызмет етсе, оның баласы Нұрділда Астанадағы «Fly» волейбол клубының аға бапкері. Төленді Мырзабайұлының екінші баласы Ерболы да елордадағы орта мектептердің бірінде денешынықтыру пәнінің мұғалімі болса, бел баласы Нұрбол да жасынан спортты, оның ішінде қазақ күресі, самбо сияқты спорт түрлерімен шұғылданып, көптеген жетістіктерге қол жеткізген спортшы. Спорттық мансабын жаттықтырушылықтан бастаған Ербол Төлендіұлы түрлі қызметтік сатылардан өтіп, қазіргі таңда &nbsp;аудандық денешынықтыру және спорт &nbsp;бөлімінің басшысы қызметін абыроймен атқаруда. Көзі жоқ болса да туған еліне көрсеткен игі ісі ел есінде мәңгі сақталып қалған, Қазақстанға еңбек сіңірген жаттықтырушы, көптеген балуанның Қазақстанның &nbsp;спорт шебері атағына ие болуына себепші болған спорт майталманы марқұм Әділбек Серікбаевтан тәлім алған &nbsp;Нұрболдың жаттықтырған бірнеше шәкірті түрлі жарыста топ жарып, ұстаз есімін ардақтауда.Осындай ұлық мамандықты ардақтаған отбасының енді бір мүшесі Бектұрған Мырзабаев бүгінде Астанада тұрады. Ол да самбодан өз салмақ дәрежесінде еліміздің бірнеше дүркін жеңімпазы. Ал қазіргі таңда елордада тұрады. Ол дзюдодан ұлттық дәрежедегі төреші және күрестің осы түрінен елімізде өтетін жарыстарға төрешілік етеді. &nbsp;Ендігі кезекте осындай спорт саңлақтары өсіп-өнген отбасының енді бір мүшесі Нұрболдың баласы Нұрасыл Төленді де әке-атасының жолын өміріне серік етуді мақсат етті. Ол ауданда «Білектілер бапкері» атанған қол күресінен облыс құрама командасының аға жаттықтырушысы Талғат Қанаевта жаттығады. Жас қол шебері жыл басында Өзбекстанның Самарқанд қаласында жасөспірімдер арасында өткен Азия чемпионатында жүлдегер атанып, ел мерейін тасытса, &nbsp;Қазақстан Республикасы чемпионаты мен &nbsp;жасөспірім спортшылар арасындағы республикалық &nbsp;ауыл спартакиадасында да өзінің мықтылығын танытып, абырой биігінен көрінді.Иә, шындығында да байқап қараған адамға Төленді Мырзабаев ағайымыз салған құтты жол әулеттің осындай өнері көпке үлгі болатын игі дәстүр деуге негіз бар. Бұл мақаланы дайындағандағы мақсат та әулеттің осындай өнегелі өмірін ел-жұртқа дәріптеп, өзгелерді спортқа қызықтыру. Саламатты өмір салтын қалыптастыру. Сөз соңында айтарымыз «Туған жердің өркендеуі жолындағы өнегеге толы өмірлеріңіз өрге өрлей болсын, Мырзабаевтар әулеті» дейміз.

Қармақшыдағы споршылар әулеті

<a href="https://kyzylorda-news.kz/">Kyzylorda-news.kz.</a> &nbsp;Өткен жылы Қармақшы ауданында денешынықтыру және бұқаралық спортпен 20552 адам шұғылданды. Ауданның спортсүйер қауымы 11 олимпиадалық спорт, 4 ұлттық ойындары мен 7 олимпиадалық емес спорт түрлерімен айналысты.Өткен жыл қармақшылық спортшылар үшін табысты жыл болды. Оған дәлел, жас ауыратлеші Ерасыл Сәулебек Мексикада жасөспірімдер арасында өткен Әлем біріншілігінде 67 келі салмақ бойынша жұлқа, серпе көтеруден және қоссайыста Әлем чемпионы, ал Мақсат Исағабылов дәстүрлі республикалық «Қазақстан барысы» жарысында оза шауып, жеңімпаз атанды. Сонымен қатар, Португалия мемлекетінің Вило Реалди Санту Антонису қаласында IWAS-2022 ойындарында жеңілатлетші Мейржан Мақшат жүлделі ІІ орынды иемденсе, енді бір жерлесіміз Нұрсұлтан Көлдеев Бразилияның Кашнас-ду Сул қаласында ХХIV жазғы сурдолимпиадасында он сайыстан өткен жарыста жалпы ІV орынды иеленді. Сонымен қатар, жерлесіміз Аружан Хамитова гандболдан өткен Азия чемпионатында «Үздік ойыншы» номинациясы иегері атанды.Қармақшы ауданында спорт бөлімінің ұйымдастыруымен 275 спорттық шара өткізілсе, жасөспірімдер арасында қазақ күресінен ҚР еңбек сіңірген жаттықтырушысы Әділбек Серікбаевты еске алуға арналған республикалық жарыс, бокстан Қуаныш Қаражанов атындағы республикалық жарыс, Ерлан Нысанбаевты еске алға арналған жасөспірімдер арасындағы республикалық жарыс, қыздар арасында гандболдан Тілеуімбет Айтбаевты еске алу мақсатында аудандық жарыс, дзюдодан жасөспірімдер арасында «Достық Жер МК» ЖШС-нің жүлдесі үшін, волейболдан Қасым Жұмағалиевты еске алуға арналған, сонымен қатар Тұрмағамбет Ізтілеуұлының 140 жылдығына арналған ұлттық ойындар, гір спортынан Халықаралық дәрежедегі спорт шебері Тілеуімбет Айтбаев атындағы облыстық жарыс, шағын футбол мен гандболдан, волейболдан аудандық чемпионаттар, «Алтын күз» спартакиадасы және «Алтын дән – 2022» мерекесіне орай ат жарысы өткізілді.Сондай-ақ, осындай игі істер басында жүрген 9 жаттықтырушыға «Біліктілігі жоғары деңгейдегі екінші санатты» біліктілігі және 1 төрешіге «Спорт төрешісі» біліктілік санаты берілді.Жалпы жерлестеріміз өткен жылы Қазақстан Республикасы чемпионаттары мен кубоктарында 16 алтын, 6 күміс және 16 қола медаль жеңіп алса, Әлем және әлемдік Гран-при жарысында 3 алтын, 1 қолаға ие болды. Жерлестеріміз арасында 3 спортшы «Спорт шебері», 60 спортшы «Спорт шеберлігіне үміткер», ал 10 спортшы «І санатты спортшы» санаты атағын иемденді.Келесі кезекте ауданда спорт және денешынықтыру саласы бойынша тұрғындарға қызмет көрсететін 2 спорт мектебі мен 2 спорт клубының өткен жылы атқарған жұмыстарына тоқталсақ. Спорт саласының майталманы Алмат Қодаров басқаратын No15 олимпиадалық резервтің мамандандырылған балалар мен жасөспірімдер спорт мектебінде бүгінгі таңда тәрбиеленетін 1160 оқушыны 31 маман спорттың 14 түріне баулуда. Аталмыш спорт мектебінің бөлімшелері Жосалы және Төретам кенттері мен Қармақшы ауылдық округінде жұмыс жасайды.Мектеп шәкірттері арасында Әлемдік, халықаралық, азиялық, республикалық, облыстық жарыстарда топ жарып, мектеп мерейін тасытып жүргендер де жетерлік. Олардың қатарында ауыр атлеттер Ерасыл Сәулебек, Алина Калиушко, Мұхаммедәли Қойшыбек, Мұхаммедәли Қасқырбеков, самбошы Әсемай Рүстемова, Сартай Рахатәлім, Әділет Үбайділда, Әділет Жүніс, боксшы Нұрсая Орақова, Гүлсезім Садықова, дзюдошы Мағжан Ібіраш, жеңілатлеттер Рақымжан Келманов, ағалы-інілі Данияр мен Мұхамедияр Әбілахатовтар, Мирас Жақсылық, Салауат Мұратұлы, Кәусар Каган, Бекзат Сәдуахан, Назымсұлу Камалханова, Сымбат-Қымбат Мырзашқызы, таэквондошы Константин Ким, Мадина Бижанова, Айзере Алпысбаева, Рамазан Беріков, Жұлдызай Кеңесова, Зарипа Зәкір және басқалар бар.Осындай жетістіктерге қол жеткізген аталмыш спорт мектебі облыс бойынша жыл қорытындысымен жүлделі ІІІ орынға көтерілсе, мектеп бойынша Айдар Ерәлиевтің ауыратлетшілері І орынды, Ақан Ибрашевтың шәкірттері ІІ орынды, ал Рашида Сарбасованың жас жеңілатлеттері жүлделі ІІІ орынды иемденді.Білікті сала маманы Ғалымжан Ержанов басшылық ететін No16 балалар мен жасөспірімдер спорт мектебінің тыныс-тіршілігіне келер болсақ, бұл мектеп те өз дәрежесінде жетістіктерге қол жеткізді. Атап айтар болсақ, бұл спорт мектебінің негізінен ауданға қарасты Жосалы және Төретам кенті мен 10 елді мекенде орналасқан спорт мектеп филиалдары жұмыс жасайды. Мектепте спорттың 9 түрінен 61 топта 784 оқушы жаттығады. Оның ішінде, 17 спорттық сауықтыру тобында 298 оқушы, 21 алғашқы дайындық топтарында 262 оқушы, 23 оқу-жаттығу тобында 224 оқушы жаттығады.Осы жылы спорт мектебінде 23 жаттықтырушы жұмыс істейді, оның ішінде 8 жаттықтырушы «Біліктілігі жоғары деңгейдегі екінші санатты жаттықтырушы», 1 жаттықтырушы «Біліктілігі жоғары деңгейдегі бірінші санатты жаттықтырушы» болса, 1 жаттықтырушы «Біліктілігі жоғары деңгейдегі жоғарғы санатты жаттықтырушы». Сонымен бірге, аталмыш спорт мектебінде 33 «спорт шеберіне үміткер» және 10 «І спорттық дәрежесі» бар оқушы жаттығады.Мемлекеттік көрсетілетін қызметтер бойынша өткен жылдың қыркүйек айынан бастап волейбол, гандбол, белбеу күресі, самбо және қазақ күресі спорт бөлімшелеріне 166 спортшы қабылданды. Бұл мектепте де шәкірттер жоғары нәтижеге қол жеткізді. Атап айтар болсақ, Ерасыл Құдабай қазақ күресінен ауыл жасөспірімдері арасында өткен ІV жазғы ойындарында жеңімпаз атанса, Ұлтай Сейілова самбодан Қазақстан Республикасының чемпионатында қола жүлдегер атанып, аудан мерейін тасытты.&nbsp;

Қармақшыда спорт саласы дамып келеді

<a href="https://kyzylorda-news.kz/">Kyzylorda-news.kz.</a> Елімізде жыл сайын ұлттық киім киюді наурыз мерекесі қарсаңында қолға алады. Мектептер мен жоғары оқу орындары, мекеме қызметкерлерінің үстіндегі қазақы қамзол, ұлттық оюмен көмкерілген тақия, қыздардың көркін аша түсетін ұлттық әшекейлер алыстан менмұндалайды. Осындайда көз сүйсінтер мұндай көріністі күнде көргің-ақ келеді. Өкінішке орай, қазақылықты насихаттайтын әдемі акцияның ғұмыры Наурыз мерекесінен әрі аспайды.Тек қаймағын бұзбай, ұлттық ата дәстүрді сақтаған Маңғыстау өңірінде ұлттық киім сәнге айналып, жергілікті тұрғындар оны аса ұқыптылықпен тұтынуға ерекше мән бере бастаған. Қазіргі кезде мұнайлы өңірде ақ жаулықты аналар мен қыз-келіншектер күнделікті өмірде де, той жиында да қазақы оюлармен зерделенген киімдерді киіп жүреді. Мұны әлеуметтік желіден батыс өңіріндегі келіндердің парақ¬шаларынан жиі байқап қала-мыз.Өзімізге қарай ойыссақ. Біздің өлкеде де той-жиында келіндердің бірдей етіп қамзол-көйлек, орамал тағынғанын ара-тұра көзіміз шалуда. Бұл әдемі көріністі, ұлттық киімді өзге әулеттің келіндері де жалғауда. Мұндай жақсылыққа қуанамыз әрине. Әсіресе қамзол кию үрдісі бүгінгі келіндер арасында кең тарауда. Бірі – білсе, бірі – білмес. Осындай қазақы қамзол тігетін шебер Қармқшы ауданында да бар. Ол Жосалы кентінің тұрғыны – Лаура Қалымбетова.Ол этностильдегі сөмке, шапан, қамзол, балалар қамзолын, тақия, сәукеле тігеді. Барлығы да өз қолынан шығады. Қажетті моншақтар мен матаны Қызылорда қаласынан алдыртады. Лаура негізінен Шиелі ауданының тумасы. Мектепті бітірген соң Алматы Технологиялық университетінде «жеңіл өнеркәсіп бұйымдарының технологі» мамандығын меңгерген. Қармақшылық жігітке тұрмысқа шыққан ол, бүгінде үш перзенттің анасы.<blockquote>«Кәсіптің бұл түрін таңдауыма осыдан 5-6 жыл бұрын Қызылорда қаласындағы «Ақ Маду» фирмасында жұмыс істеуім себеп болды. Онда тігілген дайын қамзолдың алдына биссер тігіп, әсемдейтінбіз. Осында біршама жұмыс істеген соң, қолым да жаттыға бастады. Кейіннен қайта Қармақшыға қоныс аудардық. Жұмысым ұнаған болса керек, басшым дайын қамзолдарды маған беріп жіберетін. Мен осында отырып бисермен әшекейлеп, қайта қалаға жіберемін. Осы кәсіпті сүйіп жасағандықтан, өзім тұратын өлкеде де жасап көрсем қалай болар екен деген ой келді. Аудандық кәсіпкерлік бөліміне барып, кеңес алдым. Нәтижесінде 2020 жылы «Бастау Бизнес» курсын тәмамдап, мемлекет ұсынған қайтарымсыз грантты иеленіп, кәсіп бастауға қажетті құрал-жабдықтарымды алдым. Қазір қай жерде болсын ұлттық киімге сұраныс артып келеді. Әсіресе қазақы қамзолға тапсырыс берушілер көп», дейді Лаура Дайырбекқызы.</blockquote>Расында да ұлттық киім – ұлтымыздың айнасы. Әйелдер үшін қамзол көненің көзі ғана емес, бүгінде нағыз сәннің өзі. Шебердің қолынан шыққан түрлі формадағы қамзолдар көздің жауын алады. Әрі ыңғайлы, әрі жылы. Лаура бір қамзолды 2-3 күнде толықтай аяқтайтынын айтады. Моншақтарды келістіріп, ою-өрнекпен әсемдей білу де – сабырлықты, үйлесімділікті талап ететін өнер.<blockquote>«Қамзол – әйелдердің ұлттық киімінің бір түрі. Ол барқыт, пүліш, мақпал сияқты асыл, сапалы кездемелерден тігіледі. Камзолды кей жерлерде «жеңсіз бешпент» немесе «кәжекей» деп те атайды. Камзолда жең де, жаға да болмайды және екі өңірі тек тыс пен астардан тұрады. Қамзолдың астары үшін көбінесе атлас, шағи, торғын пайдаланылады. Оның екі өңірі бір-біріне сәл жетпей тұратындай етіп тігіледі. Сондықтан, түйме орнына қамзолдың алдына зергерлер әшекейлеп жасаған, алтын, күміс жалатып, асыл тастан көз орнатқан қаусырма қадалады. Қамзолдың желкесінен бастап екі өңіріне және етегіне айналдыра алтын оқа басады не зер тігеді. Қамзол әрбір әйелге әсемдік сыйлайды әрі дене бітіміңізді жинақы көрсетіп тұруға септігін тигізеді. Тойда да, күнделікті өмірде де ұлттық киімді тастамай киіп жүрген жөн. Қазір түрлі формадағы қамзолдар көбейді. Оларды көйлектің сыртынан үйлестіріп, киіп алсаңыз, керемет жарасары сөзсіз. Себебі қамзол ешқандай ыңғайсыздық тудырмайды. Өзімізден кейінгі ұрпаққа мұра болып қалуы үшін өзіміз күнделікті киіп, үлгі етіп, насихаттауымыз керек», – дейді кәсіпкер.</blockquote>Лаура Қалымбетова сұраныстың артуына байланысты алдағы уақытта көмекшілер алып, кәсіп көкжиегін кеңейтпекші. Сонымен қатар ол аудандық аграрлы-техникалық колледжде тігіннен өндірістік оқыту шебері болып қызмет атқарады. Ұлттық өнерді студенттер санасына құйып жүрген ұстаз-кәсіпкерден күтер үміт көп. Отандық өнімді қолдан жасап, өзгенің алғысын арқалап жүрген шеберге тек сәттілік дейміз. Осындай шеберлер мен оны тұтынатын халық барда ұлттық киімдер ұмыт қалмайтыны анық.

Қармақшылық кәсіпкер ұлттық киімдерді ұлықтауда

<a href="https://kyzylorda-news.kz/">Kyzylorda-news.kz.</a> Қазақстандық Дәурен Ермеков (17-5) Ресейдің Самара қаласында аралас жекпе-жектен өткен Ural Fighting Championship 2 турнирінде өнер көрсетті, деп хабарлайды <a href="https://www.sports.kz/news/kazahstanskiy-chempion-ligi-habiba-zadushil-rossiyskogo-boytsa-vtrilogii">Sports.kz</a>.Д.Ермеков ресейлік Гамзат Хирамагомедовпен (10-2) жекпе-жек өткізіп, оны екінші раундта буындыру әдісімен жеңді.Осылайша, Ермеков кәсіби спорттағы 18-інші жеңісіне қол жеткізді. Ал ГамзатХирамагомедов октагонда осымен үшінші рет жығылып отыр.Айта кетейік, Ермеков пен Хирамагомедов бұған дейін екі рет кездескен: олар алғаш 2015 жылы әуесқой сатыда жұдырықтасты. Ол кезде ресейлік файтер төрешілердің бірауызды шешімімен жеңіске жетті. Екінші кездесу былтырғы шілде айында өтіп, қазақстандық спортшы қарсыласын екінші раундта нокаутқа жіберді.Д.Ермеков Eagle FC лигасының орта салмақтағы чемпионы. Титул құрылтайшысы – UFC-тің экс-чемпионы Хабиб Нұрмағамбетов.

Аралас жекпе-жек шебері Дәурен Ермеков қарсыласын нокаутпен жеңді

Мамандық таңдау – болашақ кепілі

<a href="https://kyzylorda-news.kz/">Kyzylorda-news.kz.</a> Наурыз – әлемнің ең көне мерекесінің бірі. Тарихы тым тереңде жатқан бұл мейрам Орталық Азия халықтарында бес мың жыл бойы аталып келеді. Бұл – қалың қыстан аман-есен шығып, күн нұрына бөленіп, жаңа жылды қарсы алу мерекесі.Аудан тұрғындары да жыл сайын дәстүрден жаңылмай, ұлыстың ұлы күні – әз Наурызды қарсы алып, атап өту шараларын өткізеді. Жылына бір келетін Ұлыстың ұлы күні қарсаңында түрлі мерекелік шаралар ұйымдастыру өзіндік үрдіске айналған. Иә, салт-дәстүрімізді одан әрі айшықтай түсетін ¬Наурызды атап өтіп, -тойлаудан ауыл халқы да қалыс қалған емес. Бұған ауданға қарасты барлық ауыл тұрғындарының ұлық мерекені тойлап, түрлі байқаулар ұйымдастырып, мерекелік шаралардың өткізілгені дәлел.Тартоғайлықтардың тамаша кешіКүн мен түн теңелетін көктем мерекесі қарсаңында әз Наурызды тартоғайлықтар таңмен таласа қарсы алды. Ұлыстың ұлы күніне орай ауыл халқы ауылдық округ маңында «Қош келдің, әз Наурыз!» атты мерекелік іс шарасын өткізді. Бұл күні ауыл тұрғындары мерекелік кешке ертемен ерекше көңіл-күйде келді. Ең алдымен, шараның шымылдығын ауыл әкімі Ақылбек Ахметов ашып беріп, ауыл халқына мерекенің маңызын түсіндіріп, тұрғындарды ұйымшылдыққа, татулыққа шақырып, өз ықылас-тілегін жеткізді. Ауыл басшысының құттықтау тілегінен соң, мерекелік шара әуелеген әсем әнмен жалғасын тауып, жиналған жұртшылыққа өнерпаздар көтеріңкі көңіл-күй сыйлады. Думанды той бұдан әрі қазақтың салт-дәстүрін, әдет-ғұрпын берік ұстанып, сәні мен салтанаты жарасқан қазақ келіндерінің үлгісін насихаттау мақсатында «Келіні бар үйдің керегесі алтын» атты келіндер -сайысымен жалғасын тапты. Шара соңында ауыл азаматтарының қолдауымен спорттық сайыс өткізілді. Атап айтар болсақ, жігіттер арасында белтемірге тартылу, гір тасын көтеру, футбол, арқан тартыс, серке көтеру, қол күрес спорттық сайыстары болды. Жарысқа қатысқан жеңімпаздарға марапат қағаздары мен ақшалай сыйлықтар табысталды. Осылайша, думанды мерекені Тартоғай жұртшылығы керемет көңіл күйде атап өтті.Өнерлілер ордасыАудан тұрғындары үшін жер жәннаты саналатын Жиделі ауылының жөні бөлек. Ал жиделіліктер үшін Наурыз мерекесінің маңызы зор. Сондықтан да бұл ауыл жыл сайын шұғылалы көктемнің шуақты мерекесін де, әз Наурызды да өз деңгейін де атап өтіп, ерекше ықыласпен қарсы алады. Думандатып той тойлайды, салт-дәстүрімізге сай түрлі сайыстар мен мерекелік шаралар өткізеді. Биыл да жылдағы үрдіске сай Жиделі жұртшылығы ұлыстың ұлы күні мерекесін қарсы алды. Ауыл халқы мекемелер арасында өнер сайысын ұйымдастырып, елдің дамуына сүбелі үлес қосып жүрген қызметкерлер арасында байқау өткізді. Нағыз талантты жастардың дарынын дәріптейтін өнер сайысына бірнеше мекеме қызметкерлері қатысып, өзара бақ сынасты. Дүбірлі доданың соңы мерекелік кешке ұласты.Тарихы терең ТалапанТалаптан ауылдық округі де биылғы мерекені ерекше атап өтті. Ауылдық мәдениет үйінің алдында шатырлар тігіліп, еңбектеген баладан еңкейген қартқа дейін Наурыз мерекесінің көрігін қыздыруға атсалысты. Аталған шараға ауыл әкімі Х.Тәжиев, ауылдық ардагерлер кеңесінің төрағасы С.Жұманазаров, әйелдер кеңесінің төрайымы К.Әшірбекова қатысты. Жиында ауыл әкімі тұрғындарды ¬Наурыз мерекесімен құттықтап, ізгі тілегін жеткізді. Бұнан соң өнерпаздар әннен шашу шашса, ұлттық спорттық ойындар арқан тартыс, гір тасын көтеру думаншыл қауымның делебесін қоздырды.Бірлігі бекем БестамМерекені бестамдықтар да ерекше атап өтті. Ұлыстың ұлы күні қарсаңында ауыл халқы мерекелік шара ұйымдастырды. Думанды жиынды ауыл әкімі Ержан Файзолла өз сөзімен ашып беріп, тұрғындар айтулы мерекемен құттықтаса, ауыл имамы мен ел қариялары елдің тыныштығы мен амандығын, ауызбіршілігін тілеп көпшілікке батасын берді. Бұдан соң ауыл өнерпаздарының көрсеткен концерттік бағдарламасымен қатар салт дәстүрімізді жастарға дәріптеу мақсатында «Бесікке салу» рәсімдері ұйымдастырылды. Сондай-ақ шара соңы спорттық жарыстарға жалғасып, тартысты сайыстар ұйымдастырылып, жеңімпаздар сый-сияпаттармен марапатталды.Еңсесі биік ЕңбекшіЕңсесі биік, еңбегі жемісті еңбекшіліктер де әз Наурызды атап өтуде қалыс қалмады. Өнерпаздар бұл күні елден бұрын мерекелік іс-шараға келіп, барша жұртқа жақсы көңіл-күй сыйлаумен бастады. Шараның алғы сөзін ауылдық округ әкімі Б.Серікбайұлы, ардагерлер кеңесінің төрағасы М.Бекходжаев алып, ауыл тұрғындарын құттықтап, ыстық лебіздерін білдірді. Іс-шара барысы Б.Оразов көшесі тұрғындарының ұйымдастыруымен болған концерттік бағдарламалармен, жасөспірімдер арасында қазақ күресінен, арқан тартыс, гір тасын көтеру, қолкүрес спорт түрлерімен жалғасын тапты. Жеңіске жеткен қатысушыларға қаржылай сыйақы берілді. Ауыл тұрғындары шара соңында «Баба Ата» мешітінде жайылған ¬дастарқаннан дәм татып, көтеріңкі көңіл-күйде тарқасты.Арманы асқақ АқмаяҰлтымыздың мерейін өсіріп, бар болмысымызды айшықтайтын қасиетті Наурыз мерекесін атап өтуге ауыл тұрғындары белсенділікпен қатысты. Ұлыстың ұлы күнінде мол дастарқан жайылып, наурыз көжеден дәм татылды. Ұлттық салт-дəстүрімізге байланысты ауыл халқы көше-көше болып ұйымдасып, стадионға жеке-жеке киіз үй тігіп, шатыр орнатып, алтыбақан құрып, тұрғындар қазақтың салт-дәстүріне сай киім киіп, түрлі тағамдар дайындады. Сонымен қатар салтанатты шарада қазақтың ұлттық ойындары «Теңге ілу», «Ләңгі тебу», «Гір тасын көтеру», «Қол күрес», ерлер және әйелдер арасында «Арқан тартыс», мектеп оқушылары арасында «Тоқты көтеру» сайыстары ұйымдастырылып, жеңімпаздарға қомақты жүлделер тағайындап, соңы ұлттық ойын «Көкпарға» ұласты. Сондай-ақ шара барысында ауыл имамы Ғ.Мақұлбеков құран оқып, ауылдық ардагерлер кеңесінің төрағасы К.Палмағанбетов көпшілікке бата берді. Салтанатты шара соңында әр көшеге номинациялары бойынша жүлделі орындар беріліп, ақшалай сый-сияпат табысталды.Берекесі кірген БәйтерекБидайкөл ауылының орталық саябағында да аудан әкімінің орынбасары Б.Ысмағұловтың қатысуымен Ұлыстың Ұлы күні Наурыз мерекесіне орай «Ұлы даланың ұлық мерекесі - әз Наурыз!» атты мерекелік шара өтті. Дәстүрді ұлықтау мақсатында мәдени шара зергерлік бұйымдар, түрлі қолөнер туындылары қойылған көрмеден бастау алды. Мерекелік шарада киіз үйде дастарқан жайылып, халыққа наурыз көже, палау сонымен қатар ұлттық тағамдар мен сусындар таратылды. Ұлттық киім киген ақсақалдар мен ақ жаулықты апалар салт-дәстүріміз жайлы мағыналы сұхбат құрып, мерекенің сәнін келтірді. Сонымен қатар ұлттық ойындарымыз насихатталып, жастар гір тасын көтеруден, арқан тартыстан, қол күресінен жарысқа түсіп, жүлделі орындар үшін сыйлықтар таратылды. Ұлттық нақышта әндеткен Бидайкөл ауылдық клубы жанынан құрылған әжелер ансамблі халыққа мерекелік көңіл-күй сыйлады.Жұрты жайсаң ЖақаевАқ күрішке бай Жақаев ауылы да 22 Наурызды ерекше атап өтті. Бұл жолы олар «Келіні жақсы үйдің керегесі алтын» атты мекеме – аралық келіндер сайысы өткізді. Ауыл әкімі Ержан Оралбек мереке қарсаңында ауылдың белсенді тұрғындары мен қызметкерлерді алғыс хатпен марапаттады. Аталған байқауға бала сүйіп,ұрпақ тәрбиелеп отырған 20-40 жас аралығындағы жас келіндер қатысты.Байқау 4 кезең бойынша жүргізілді. Сайысқа ауылдың 6 келіні катысып, кезеңдерге сәйкес өнерлерін ортаға салды. Ұмытылып бара жатқан ұршық иірудің тәсілдерін айта отырып, өнерлерін көрсетті. Шара соңында барлық келіндерге арнайы сыйлықтар табысталды. «Жауынменен жер көгерер, бата менен ел көгерер» демекші, батыр аналарымыз келіндерге ақ батасын берді. Мерекелік шара Ы. Жақаев ата мешітінде Наурыз көжеге ұласты. ¬Ауылда барлық мекеме қызметкерлерінің ұйымдастыруымен ақ дастархан жайылды. Ал абыз ақсақалдар бата беріп, құран оқыды. Наурыз мерекесіне орай ауыл балалары алтыбақан аясында өлең оқып, тақпақ айтты.

Шиеліде ұлыстың ұлы күні тойланды

<a href="https://kyzylorda-news.kz/">Kyzylorda-news.kz.</a> Жалағаш ауданында ауыл шаруашылығы өнімдерінің жәрмеңкесі өтті.&nbsp;Кеше Жалағаш ауданы орталығында ауыл шаруашылығы өнімдерінің жәрмеңкесі өткізілді. Жәрмеңкеге Жалағаш кенті мен ауылдық округтерден сыр маржаны, ет, сүт, балық, картоп, сәбіз және басқа да бақша өнімдері мен жем-шөп әкелінді.Жәрмеңке өнімдері нарықтағы бағадан 10-15 пайызға арзан бағада сатылды. Жергілікті өнімге деген халықтың сұранысы жоғары. Баға тұрақтылығын сақтауда ауыл шаруашылығы жәрмеңкесі алдағы уақытта жиі ұйымдастырылатын болады.

Жалағашта өнімдер арзан бағада сатылды

<a href="https://kyzylorda-news.kz/">Kyzylorda-news.kz.</a> Аймақ басшысының тапсырмасына сәйкес, кеше Қармақшы ауданына қарасты Төретам кентінде жәрмеңке өтті.Азық-түлік бағасын тұрақтандыру мақсатында кент әкімі мен ақсақалдар кеңесі аймақтағы кәсіпкерлерді тарта отырып, нарық бағасынан төмен бағада көкөністер мен азық-түлік өнімдерін халыққа ұсынды.

Төретамда жәрмеңке өтті

<a href="https://kyzylorda-news.kz/">Kyzylorda-news.kz.</a> ҚР Энергетика министрлігі автожанармай құю станциялары үшін мұнай өнімдерін көтерме саудада өткізуге шекті баға белгіледі. Бұл туралы бұйрық жобасы Ашық НҚА <a href="https://legalacts.egov.kz/npa/view?id=14460169">сайтында</a> жарияланды.Құжат жобасына сәйкес, автожанармай құю станциялары үшін мұнай өнімдерін көтерме саудада өткізуге шекті бағалар былай белгіленген:1) Аи маркалы бензин-80 – тоннасына 93 161 теңге;2) Аи-92 және Аи маркалы бензин-93 – тоннасына 193 649 теңге;3) дизель отыны (жазғы, маусымаралық) – тоннасына 236 156 теңге.

Министрлік жанармай өнімдерінің шекті бағасын белгіледі

<a href="https://kyzylorda-news.kz/">Kyzylorda-news.kz.</a> 26 наурыз күні Қазақстан аумағының басым бөлігінде қолайсыз метеорологиялық жағдай сақталады, деп хабарлайды <a href="https://www.inform.kz/kz/13-kalada-aua-sapasy-nasharlaydy_a4049651">ҚазАқпарат</a>.Тек Қарағанды, Жезқазған, Теміртау, Балқаш, Өскемен, Семей, Риддер, Атырау, Ақтөбе, Ақтау, Шымкент, Астана және Алматы қалаларында қолайсыз метеорологиялық жағдайлар күтіледі.Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.ҚМЖ жағдайында елді мекендердегі атмосфералық ауаның сапасы нашарлауы ықтимал.

13 қалада ауа сапасы нашарлайды

<a href="https://kyzylorda-news.kz/">Kyzylorda-news.kz.</a> Қазгидромет 26 наурыз күнгі ауа райы болжамын жариялады.Жексенбі күні Қазақстанның барлық аумағында антициклонның әсерінен ашық ауа райы сақталады.Тек республиканың солтүстік-батысында, солтүстігінде атмосфералық фронтальды бөліктердің өтуіне байланысты құбылмалы ауа райы күтіледі, аздаған жауын-шашын (жаңбыр, қар) жауады. Республика бойынша тұман түседі, еліміздің солтүстігінде, оңтүстік-шығысында желдің күшеюі болжанады.&nbsp;

Архив