<a href="https://kyzylorda-news.kz/">Kyzylorda-news.kz.</a> Биыл қалада тұрғын үй құрылысын жүргізу, жол-инфрақұрылымын дамыту, көпірлер салу, көркейту-көгалдандыру, газдандыру, ауызсу және аяқсумен қамтамасыз ету бойынша ауқымды жобалар жүзеге асырылады. Осы аталған жұмыстың біразы қалалық тұрғын үй-коммуналдық шаруашылығы, жолаушылар көлігі және автомобиль жолдары бөліміне тиесілі. Жалпы республикалық немесе облыстық, жергілікті бюджеттерден қаражат бөлінсе, бұл жұмыстардың бәрі ретімен шешіліп, ел игілігіне пайдалануға берілмек. Сонымен, биыл қандай жұмыс қолға алынбақ? Осыған орай коммуналдық саланы қамтитын қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаевпен сұхбат жүргіздік.– Жеңісбек Исламұлы, биылғы жылы қала тұрғындарын қандай жағымды жаңалықтар күтіп тұр?– Өздеріңізге белгілі, өткен жылы «Қызылорда автобус паркіне» «Өнеркәсіпті дамыту қоры» арқылы жаңадан лизингке 150 автобус алуға 1 млрд 430 млн теңге бөлінді. Соның аясында 100 автобус маршруттық бағытқа қосылды. Қалған 24-і жақында келіп, басқасын ақпан айында жеткізуді жоспарлап отырмыз. Әрине, бұл қажеттілікті толық өтемейді. Өйткені тұр-ғындар тарапынан қоғамдық көліктерге сұраныс күннен-күнге артуда. Осыған байланысты аймақ басшысының тікелей қолдауымен биыл тағы 150 автобус алуға 1 млрд 434 млн теңге бөлініп отыр. Сонымен қатар қаламыздың жол-көлік инфрақұрылымын дамыту бағытында ауқымды жұмыстар атқару жоспарлануда. Атап айтсақ, халықтың сұранысына сәйкес құрылысы 2022 жылы басталған Белкөл кентіндегі теміржол арқылы жаяу жүргіншілерге арналған көпір құрылысын аяқтау үшін облыстық бюджеттен 109,0 млн теңге бөлініп, құрылыс жұмыстары жүргізілуде. Көпірді ағымдағы жылдың наурыз айында пайдалануға беру жоспарлануда. «Бәйтерек» ықшам ауданы тұрғындарының арыз-шағымдарына орай «Қызылжарма» каналы арқылы Дос-тық көшесі тұсынан автомобиль көпірінің құрылысын жүргізу үшін «Өңірлерді дамыту» бағдарламасы аясында республикалық және жергілікті бюджеттерден 366,7 млн теңге бөлініп, қазіргі таңда мердігер мекеме «Стандарт Ойл» ЖШС құрылыс жұмыстарын бастап кетті. Сондай-ақ қала тұрғындарының сұранысына сай Яссауи көшесі мен Ғ.Мұратбаев көшелерінің қиылысындағы теміржол арқылы өтетін жаяу жүргіншілерге арналған көпір құрылысын салу үшін «Өңірлерді дамыту» бағдарламасы аясында республикалық және жергілікті бюджеттерден 320,5 млн теңге бөлініп, қазіргі таңда мемлекеттік сатып алу жұмысы жүргізілуде. Егер осы игі шаралар оң нәтижесін берсе, қала халқы үшін жағымды жаңалық болары сөзсіз деп ойлаймын.– Биыл қаланың жол инфрақұрылымын дамыту бағытында қанша көше жөндеуден өтеді, қанша жау жүргіншілер жолы салынады?– Бұдан бөлек, С.Бейбарыс көшесін Н.Назарбаев даңғылынан Жаппасбай батыр көшесіндегі көлік жолайрығына дейін қайта жаңғырту жұмыстарын жүргізу жоспарлануда, яғни көше екі жолақтан төрт жолаққа дейін кеңейтілетін болады. Қазіргі күні бұл жұмыстар бойынша мердігер мекеме «УАД» ЖШС-мен келісім шарт жасалды. Құрылыс-монтаж жұмыстары наурыз айында басталады деп күтілуде. Сонымен бірге қаладағы 88 көшеге орташа жөндеу жұмыстарын жүргізу жоспарланып отыр. Оның ішінде 49 көшеге асфальт төсеу және 39 көшеге қиыршық тас төсеу жұмыстары бар. Ол үшін облыстық және қалалық бюджеттерден 1 615,7 млн теңге бөлініп, мемлекеттік сатып алу жұмыстары жүргізілуде. Ал қаладағы 19 көшеге жаяу жүргіншілер жолын салу үшін облыстық бюджеттен 690,0 млн теңге бөлініп, қазіргі таңда жаяу жүргіншілер жолдарының құрылысы басталды. Жыл соңына дейін толық аяқталатын болады.– Вандализммен күрес қалай болып жатыр? Тұрғындар арасында аялдама орындықтарын, жарық шамдарды сындырып кету секілді мәселелер қаншалықты кездесуде? Әлде бұл мәселе азайды ма?– Орынды сұрақ. Қалада жасалып жатқан барлық абаттандыру, көркейту-көгалдандыру жұмыстары халық игілігі үшін жасалуда. Дегенмен қала төңірегінде аялдама, сквер-аллеялар, парктер («Қаламгерлер» аллеясы, қуғын-сүргіндерді еске алу ескерткіші, Б.Шөкенов атындағы саябақ, «Сыр ана» монументі, «Тағзым алаңы», «Аналар» аллеясы, «Келменбет батыр» ескерткіші, Сарқырама бойы және т.б.) аумағында орындықтар, қоқыс жәшігі, 5 көзді лампаларды қасақана сындыру фактілері жиілеп, толастамай отыр. Мысалы, 2022 жылдың наурыз айында Қорқыт ата көшесі бойында орналасқан «Келменбет батыр» саябағы ішіндегі 5 көзді түнгі жарық шамдарын бірнеше рет сындырып және соның салдарынан 93 мың теңгеге шығын келтірілген. Қызылорда қаласының полиция басқармасына 29.03.2022 жылы бірнеше хат жолданып, нәтижесінде ҚК-нің 202-бабында көзделген қылмыстық құқық бұзушылық белгісі болмауына байланысты ҚР қылмыстық процестік кодексінің 35-бабының 1-бөлігінің 2-тармағына сәйкес өндірістен тоқтатылғандығы жөнінде хабарланған. Осыған қарамастан бөлім тарапынан екінші мәрте өткен жылдың 13 сәуір күні қосымша хат жолданып, нәтижесінде ҚР ҚК-нің 293-бабының 1-бөлігінде көзделген қылмыстық белгілері болуына байланысты қылмыстық іс қозғалатындығы жөнінде мәлімдеді. Бүгінгі күнге дейін келтірілген шығындар көбейіп, өндіру жұмыстары өз дәрежесінде жүргізілмеуінен қызмет көрсетуші мекемелер өз күшімен нысандарды қалпына келтіруге мәжбүр болып, мекемелерге қосымша шығын келуде. Қала аумағында жеке меншіктегі ассенизаторлық көліктердің жүргізушілері санитарлық нормаларды сақтамай, яғни белгіленбеген орындарға жеке тұрғын үйлерден шыққан сұйық тұрмыстық қалдықтарды «Қызылорда су жүйесі» мекемесінің теңгеріміндегі орталықтандырылған кәріз су жүйесі құдықтарына төгу, айналаны ластау оқиғалары көптеп орын алып, әлеуметтік желілерде тұрғындар тарапынан наразылықтар туындауда. Бұл құқық бұзушылық фактілері бойынша заң талаптарына сәйкес арнайы хаттамалар рәсімделіп, ассенизаторлық автокөліктерге айыппұлдар салынуда. Қала аумағындағы жеке ассенизаторлық автокөліктердің белгіленбеген орындарға сұйық тұрмыстық қалдықтарды төгу фактілерін алдын-алу және болдырмау бағытындағы жұмыстардың жүргізілуіне ықпал жасау жөнінде Қызылорда облысы полиция департаменті мен қалалық полиция басқармасына бірнеше рет арнайы хаттар жолданды. Әлеуметтік желілерде (Instagram, Facebook) осы ассенизаторлық көліктердің белгіленбеген орындарға төгу оқиғалары үнемі жариялануда.– Көктем жақындап қалды. Қаланың санитарлық тазалық жұмыстары жайлы айтып өтсеңіз. Мәселен, бүгінде Қызылорда қаласы таза қалаға айналды. Бірақ арасында тазалыққа немқұрайлы қарайтындар жоқ емес. Осындай мәселе барысында қанша адамға қандай көлемде айыппұл төленуде?– Иә, қаланың тазалығы басты назарда. Осы кезде «Қызылорда тазалығы» МКК 5 бағыт бойынша өз жұмысын атқаруда. Атап айтар болсақ, &nbsp;негізгі атқаратын қызметтер тізбесіне санитарлық тазалық, тұрмыстық-қатты қалдықтарды шығару, көпқабатты тұрғын үйлерге қызмет көрсету, тұрғын үйлерді қайта жаңғырту және полигон қызметтері кіреді. Аталған қызметтердің ішінде санитарлық тазалық жұмыстарына қаралған қаржы – кәсіпорынға түсетін негізгі кіріс көзі. Осы ретте 2021 жылы санитарлық жұмыстарына 666 млн теңге, 2022 жылы 699 млн теңге, 2023 жылы 836 млн теңге қаражат бөлініп отыр. Қала көшелерінің санитарлық тазалығын қамтамасыз ету шараларына қаралған қаржы қаланың 240 көшесін тазартуға бөлінген болса, іс жүзінде 350-ден астам көшеге жүргізілуде. Жаз айларында көше арам шөптерден тазартылып, бордюрлер, көше бойындағы талдар толығымен ақталып, қала көшелеріне екі мезгіл су себіліп, қоқыс қалдықтарынан тазартылып отырады. Сонымен бірге көшелердің санитарлық тазалығын қамтамасыз ету үшін және қала тұрғындарымен қоқыстарды бей-берекет белгіленбеген орындарға тастауға жол бермеу антисанитариялық жағдайдың алдын алу, үйілген қоқыс алаңдары пайда болуына жол бермеу мақсатында кәсіпорын тарапынан осы жұмыстарға арнайы мобильдік топ құрылып, рейдтік іс шаралар жоспары жасалынып, оған сай жұмыстар жүргізілуде. Былтыр қараша-желтоқсан айларында жүргізілген рейдтік іс-шаралар нәтижесінде жеке сектор және көпқабатты үйлердің тұрғындарына 2396 ескертпе парақшасы таратылып, 850 үй иесіне түсіндірме жұмыстары жүргізілді. Рейдтік іс-шара барысында санитарлық талаптарды бұзған 38 азаматқа «Әкімшілік құқық бұзушылық туралы» Кодексінің 505 бабы бойынша ескерту беріліп, 434-2 1-тармағы бойынша 86 азаматқа жергілікті полицияның учаскелік инспекторларымен айыппұл салынды. Шағын және орта кәсіптік нысанның иелеріне 18 ескерту жасалып, 58 кәсіптік нысанның иесіне түсіндірме шаралары жүргізілді. Оған қоса қала орталығы және қаланың шет аймақ көше қиылыстарына қоқыс тастамау жөнінде 91 ескерту тақтайшасы орнатылды. Көпқабатты тұрғын үй арасында орналасқан қоқыс алаңына құрылыс қалдықтарын тастамау жөнінде 40 ескерту тақтайшасы ілінді. Көппәтерлі тұрғын үйлерге тозығы жеткен 341 қоқыс жәшігі жаңартылды. Қазіргі уақытта қала және шет аймақтары бойынша тазалықты бақылау мақсатында жылжымалы 3 бейне бақылау құрылғысы жұмыс істейді. Бейне бақылау арқылы анықталған 27 заңсыз белгіленбеген орындарға қоқыс тастау фактілері бойынша шара қолдану үшін жергілікті полиция басқармасына жолданды. Оның 14 фактісі бойынша әкімшілік хаттама толтырылып, соның ішінде 6 факті бойынша ескерту шаралары берілсе, 8 оқиға бойынша 14 585 теңгеден әкімшілік айыппұл салынды.– Жол белгілері мен жарық бағаналарын, бағдаршамдарды жуу, сүрту, оларды сырлау жұмыстары жақсы қолға алынған. Бұл қала бойынша күнделікті атқарылатын жұмыс па? Әлде арнайы белгіленген ережесі бар ма?– Қала көшелеріне жол белгілерін, бағдаршамдарды орнату және күтіп-ұстау және жарық шамдарын күтіп-ұстау жұмыстарына жыл сайын қалалық бюджеттен қаржы бөлініп, мердігер мекемемен келісім шарт жасалып, жыл барысында тиісті жұмыстар атқарылады. Атап айтсақ, қазіргі таңда қаладағы 52 бағдаршамды, жарық бағаналарын, жол белгілерін жуу, сырлау, түзету жұмыстары тұрақты қолға алынған.– Сіз басқарып отырған бөлімге көбіне тұрғындардан арыз көп түсе ме, алғыс көп түсе ме?– Коммуналдық сала қаламыздың тыныс-тіршілігіне тікелей байланысты болғандықтан қала тұрғындары тарапынан арыз-шағым, ұсыныстар көп түседі. Арыз-шағымдардың барлығын қанағаттандыру мүмкін емес. Дегенмен бюджеттен қаржы бөлінуіне орай, бірінші кезекте қажет ететін жобалар кезең-кезеңімен шешілу жолдары қарастырылады. Сонымен қатар әлеуметтік желілер арқылы алғыстарын білдіріп жататын &nbsp;тұрғындар да кездеседі.– Сұхбатыңызға рахмет!

Қызылорда көшесі жөнделген, көпірі салынған көрікті қалаға айналмақ

<a href="https://kyzylorda-news.kz/">Kyzylorda-news.kz.</a> &nbsp;Қармақшы аудандық орталық аурухананың емхана бөлімінде құрметті қонақтар – Қармақшы аудандық әйелдер кеңесінің төрайымы Гүлжаухар Раева, аудан айнасы "Қармақшы таңы" газетінің бас редакторы Сарсенкүл Райымбаева Жаудатбекқызы, "Аудандық қоғамдық даму бөлмінің" маманы Әсем Бүркітбаеваның қатысуымен "Жылы жүрек" атты мерекелік дөңгелек үстел ұйымдастырылды.Шараға медицина саласындағы ұзақ жылдар бойы еңбек етіп, зейнеткерлікке шыққан өнегелі аналар мен аурухана, емханада қызмет жасайтын көпбалалы жас аналар шақырылды. Дөңгелек үстелді аурухананың бас дәрігері Бақытжан Нысанбаев ашып, аналарды келе жатқан жыл басы - Наурызбен құттықтап, шараның маңыздылығына тоқталды. Сонымен қатар, Бақытжан Сағилатұлы, Гүлжаухар Төлегенқызы үлгілі аналарымыздың бірқатарын Аудандық қоғамдық даму бөлімінің "Алғыс хатымен" және мекеме басшысының "Құттықтау хатымен" марапаттады. Сый-сияпаттар жасалып, аналар қуанышы раушан гүлдермен еселенді.Қазіргі қоғамдағы аналар рөлі,бала тәрбиесі, ата-ананың балаға өнегесі, жауапкершілігі, отбасылық құндылықтар жайлы тақырыптарға қоса, қазіргі кезде көпшілік талқысына түсіп жатқан "Мектепте мұғалім мен балаға ұялы телефонның қажеті бар ма?" деген тақырыптар төңірегінде жақсы әңгіме өрбіп, пікірлер ортаға салынды. Аналармен тренинг жасалынып, кері байланыстар орнады. Үлкендерден бата алу жоралғысы жасалып, Аққасынова Айман Жарылқасынқызы мәнді де құнды батасын берді.Мерекелік күй сыйлау мақсатында аналарға арналған жақсы термелер жырланып,әндерден шашу шашылды. Мұндай іс-шаралар аз да болса аналар көңілін көтеріп, рухани күш сыйлаумен қатар еркін форматта жақсы ойсаларлық дүние.Аудандық Аналар кеңесінің мүшесі, аурухананың психологы және Қармақшы жастар денсаулығы орталығының психологы, облыстық Отбасы істері жөніндегі комиссияның мүшесі Әмина Кетебаеваларда қатысты.&nbsp;

Қармақшыда мерекелік дөңгелек үстел өтті

<a href="https://kyzylorda-news.kz/">Kyzylorda-news.kz.</a>&nbsp; Ұлтымыздың аяулы перзенті Т.Жүргеновтің 125 жылдығына орай Қазанғап атындағы Қызылорда жоғары музыкалық колледжі ұйымдастырған апталық іс-шара «Ұлт ойшылдары – Тұрмағамбет пен Т.Жүргенов» тақырыбындағы ғылыми-танымдық конференциядан бастау алды.Конференцияны облыстық білім басқармасының бөлім басшысы Бекжан Есенбаев ашып, колледж директоры филология ғылымдарының кандидаты Ұ.Байбосынова жүргізді. Қорқыт ата атындағы Қызылорда университеті профессорлары Ұ.Жанбершиева, Ш.Тухмарова, облыстық тарихи-өлкетану музейі экскурсиялық-көпшілік бөлімінің басшысы Э.Сағитжанова баяндама жасады. Алаш арыстарын ардақтау үшін атқарылып жатқан келелі істер жайлы кеңінен сөз қозғалды. Конференция қонақтары да көптеген пікірлер айтып, маңызды жиын өз мақсатына жетті.Апталықтың екінші күні Қазанғап атындағы жоғары музыкалық колледжі және облыстық тарихи өлкетану музейі бірлесе ұйымдастырған«Т.Жүргенов – қазақ руханиятының көшбасшысы» деп аталатын тарихи -тағылымдық музыкалық кешке ұласты. Колледж басшысы, белгілі жырау Ұ.Байбосынованың айтуынша, бұл концертте сонау 1936 жылы Т.Жүргеновтің тікелей ұйымдастыруымен Мәскеуде өткен қазақ әдебиеті мен өнерінің онкүндігіне арналған концерттік бағдарламаның мазмұны қамтылған. Сол өнер декадасында жасаған Т.Жүргеновтің еңбегін насихаттау арқылы жастардың бойына ұлттық рух, намыс, жігер қалыптастыруға бағытталды.Өткен ғасырдың 30-жылдары «Темір Нарком» атанған Т. Жүргеновтің Мәскеу декадасына қазақтың өнер майталмандарын жинап апарғаны, осынау өнер сахнасында А.Жұбанов жетекшілік ететін Құрманғазы атындағы ұлт аспаптар оркестрі өнер көрсетіп, Е.Брусиловскийдің «Қыз Жібек» операсы алғаш рет қойылғаны бізге тарихтан белгілі. Сол концертте Ш.Жиенқұлованың биі, жерлесіміз Н.Бекежановтың айтқан арнауы жиылған жұртты тәнті еткен болатын.Кеште жырау Ә. Қуаңбаев арнау айтса, Нартайдың бүгінгі ізбасарлары &nbsp;ән салып, Ш.Жиенқұлованың шәкірті, ұстаз Т.Бақтыбаевтың «Әшекей» биін колледж студенті орындалды. Ал қобызшылар ансамблі (жетекшісі С.Пұсырманова) және фольклорлық ансамбль (жетекшісі Н.Ахметов) Ықылас, Құрманғазы күйлерін құйқылжыта төгілтті. Сондай-ақ, «Қыз Жібек» операсынан К.Байсейітова сомдаған Жібектің рөлінде колледж оқытушысы, Сыр бұлбұлы С.Байсейітова «Гәкку» әнін шырқап, көременге керемет көңіл-күй сыйлады. Бір сөзбен айтқанда, тарихи-тағылымды музыкалық концерт көңіл түкпірінде қалған классикалық туындыларды жадымызда жаңғыртты.Айта кетейік, апталық іс-шара аясында музыкалық колледж бойынша топтар арасында эссе байқауы, оқытушыларға арналған дәріс, сонымен қатар, «Нарком Жүргенов» спектаклінің артистерімен кездесу ұйымдастырылады. &nbsp;Ару Елемесова

Ғылыми-танымдық конференциядан бастау алды

<a href="https://kyzylorda-news.kz/">Kyzylorda-news.kz.</a> Белкөл кентінің әкімі Жасұлан Сәду өткен жылы кентте атқарылған жұмыстар туралы баяндады.Былтыр Белкөл кентінде халықтың сұранысына орай темір жол өткелі арқылы жаяу жүргіншілерге арналған көпір құрылысы бастау алып, Бірқазан елдімекенінде аяқ су ұңғымасы жүргізілді. Сонымен қатар, К.Әбдіқадыров көшесіне түнгі жарық шамдары орнатылып, жаңадан спорт алаңы бой көтерді.<blockquote>«Кенттің инфрақұрылымын дамытуда ауқымды жұмыстарды қолға алудамыз. Мәселен, биыл кенттегі Орталық көшеге және Бірлік көшесінің мектепке дейінгі аралығына жаяу жүргіншілер жолы салынбақ. Ал, Жерұйық, Путейцев тұйығы, Әбдіқадыров №4, №2, №6, №9 көшелеріне қиыршық тас төселіп, Сарыарқа және Путейская көшелеріне асфальттау жұмыстары жүргізілетін болады», – деді кент әкімі.</blockquote>Жаппай кәсіпкерлікті дамытудың түрлі мемлекеттік бағдарламалары аясында кентте 132,8 млн. теңге көлеміндегі 13 жоба мақұлданса, 2021-2025 жылдарға арналған кәсіпкерлікті дамыту жөніндегі ұлттық жоба бардарламасының қайтарымсыз қаражаты есебінен жалпы құны 24 млн. теңгені құрайтын 20 жоба грантқа қол жеткізді. Соның нәтижесінде, кентте өткен жылдың өзінде жаңадан 124 кәсіпкерлік субъектісі тіркеліп, 135 тұрақты жұмыс орны ашылды.Мәселен, «Бір ауылға – бір жылыжай» жобасы аясында «Азимут-Сервис» ЖШС-і «Өңірлік инвестициялық орталық» микроқаржы ұйымы арқылы алған 6 млн. теңгеге жылыжай құрылысын жүргізіп, қазіргі таңда алғашқы өнімдерін алуда. Ал, «Бизнестің жол картасы 2025» бағдарламасы аясында жеке кәсіпкер «Сауенова» спорт кешені жанынан кіші футбол алаңы құрылысын жүргізді.Бұдан бөлек, «Марал Нұр» ЖШС-нің өз қаражаты есебінен кентте жолаушылар вагондарын жөндеу депосының құрылысы жүргізілуде. Жобаны 2023-2024 жылдары аяқтап, 300-400 адамды тұрақты жұмыспен қамтамасыз ету жоспарланған. Сонымен қатар, жеке кәсіпкер Мұрат Нұрсаитов өз қаражаты есебінен құны 200 млн. теңгені құрайтын «Құран жаттау» орталығын ашқан.

Белкөлде белсенді тірлік бар

<a href="https://kyzylorda-news.kz/ru/">Kyzylorda-news.kz</a>. Қазалы ауданында биыл «Sumkavroddom» сауда үйі ашылды. Сауда үйіндегі сөрелерде бүлдіршіндер үшін жаңа үлгідегі киім-кешектер мен түрлі қажетті тауар түрлері бар. Жеке кәсіпкер Бекарыс Темірбай жаңа кәсібіне 10 млн. теңгеден астам қаржыға салып, толықтай іске қосты.700 шаршы метр аумақты алып жатқан сауда үйінде баланы басынан бақайшағына дейін түгелдей киіндіруге болады. "Sumkavroddom" дүкенінде жылдың төрт мезгіліне арналған киімдердің сан алуан өлшемдері бар. Мәселен, жаңа туған сәбиден 12 жасқа дейінгі балаларға арналған киімдердің түрі көп. Бағасы да қолжетімді. Киімдердің құны мың жарым теңгеден басталады. Сәбилерге арналған тағам түрлерінің де кең таңдауы осында. Ойыншықтар мен қуыршақтар, мектепке қажетті құралдар және гигиеналық бұйымдар сияқты бүлдіршіндерге қажетті бұйымның бәрін осы жерден табуға болады.<blockquote>— Бұйымдар мен тұтыну тауарларының сапасына өзіміз кепіл береміз. Біздің дүкеннің ерекшелігі- босанайын деп отырған ана перзентханаға қажет заттарды мұнда таба алады. Босанатын әйел үшін ішкөйлек, сүйретпе аяқкиім мен ауызсу, ал бала үшін жөргек, киім-кешек, баскиім, шұлық пен жаялық, шала туылған балаларға да киім бар. Дайын перзентхана сөмкелерінің үш түрі бар, бағалары 12 мың теңгеден басталады,- дейді кәсіпкер.&nbsp;</blockquote>Сауда үйінің директоры Бекарыс Темирбайдың айтуынша, 10 адамды жұмыспен қамтып отыр, алда қосымша жаңа жұмыс орындарын ашу көзделуде. Кішкентай тұтынушыларға есігін айқара ашқан дүкеннің тауарларына сұраныс жоғары. Барлық аудан, облыстарға жеткізу бар. Ал, киімдерді несие арқылы да сатып алуға болады. Сондай-ақ, мұнда нәрестелерге арналған арбалар, бесіктер, манеждер, ойыншықтар да сатылады. Айтып өтейік, сауда үйі Қазалы ауданы, Әйтеке би кентінде орналасқан.

Қазалы ауданында сауда үйі ашылды

<a href="https://kyzylorda-news.kz/ru/">Kyzylorda-news.kz</a>. Құрылыс саласын одан әрі дамыту, сондай-ақ қазіргі заманғы жағдайда құрылыс өнімінің қауіпсіздігі мен сапасын арттыру – мемлекеттің өзекті экономикалық және саяси міндетінің бірі. Осы орайда «АIaqeum eIeсtriс» компаниясының еншілес серіктестігі «КСМ КZ-2022» ЖШС құрылыс саласына қажетті, тапсырысқа сай сапалы өнімдер шығаруда.Қазір электp бағандары мен электр тасымалдаy құрылымдарына қажет темiр-бетон бұйымдарын шығарып жатыр. Көпқабатты тұрғын үйлерге арналған 9 метрлік плиталарды шығаруды да алғаш болып қолға алды.Серіктестiк материалдарына сұраныс жоғары. Зауыттың өндiрiстік-техникалық бөлiм басшысы Аманбай Жұмабековтың айтуынша, өндірiсте 200-ге жуық адам жұмыс iстейді. Мұнда ерлермен қатар әйелдер де еңбек етедi. Кран айдайтындар да, технологтар да – солар. Ісiне жауапкершілікпен қарайды.<blockquote>– Бізде біраз адам зейнет жасына жетсе де, жұмыс істеп жатыр. Өйткені, кадр тапшылығы бар. Электр дәнекерлеушi, электрик, краншылар керек, – дейді бөлім басшысы.</blockquote>Өндірілетін өнімдер қатарында көп бөлімді жабын және таспалық фундамент тақталары, қабырға блоктары, темір-бетонды маңдайшалар, дөңгелек темір-бетон шеңберлері, су жүретін трубалар, жол тақталар, жылу жүретін трассалардың лотоктары, резервуар қабырғасының тақталары, жол жиегіндегі тас тақталар секілді өнімдер бар.<blockquote>– Жылдан жылға өнім түрі көбейіп, нарықтың сұранысына сай жұмыс жасалуда. Осыдан бірнеше жыл бұрын электр бағаналары мен электр тасымалдау құрылымдарына қажетті темір-бетон бұйымдарын шығаруды облыста алғашқы болып қолға алғанбыз. Енді, міне көпқабатты тұрғын үйлерге арналған 9 метрлік плиталарды шығаруды да біздің зауыт бірінші болып өндіріске енгізді. Айта кету керек, зауыттың материалдық-техникалық базасы да жыл өткен сайын жаңарып, бәсекеге қабілеті артып келеді. Құрылғылардың дені Ресейден әкелінген. Бұл жерде жұмысшылардың 30 проценті – қыз-келіншектер. Технолог, инженерлік-техникалық құрам, кранның барлығын игеріп отыр. Жұмыстары өте тиянақты. Ерлермен тең дәрежеде иық тірестіріп, еңбек етуде. Ішкі нарықты толық қамтып отырған зауыт аймақтағы ірі, қуатты «Интегрострой», «Промстройсервис-Е», «Аман-құрылыс», «Асар», «Келешек» серіктестіктері, «ЕрАру» ЖК секілді 34 тапсырыс беруші мекемемен тығыз байланыста. Кәсіпорын алдағы уақытта да өнімділікті арттыруда белсенді еңбек ете береді, – дейді зауыт директоры Азамат Мұханов. &nbsp;</blockquote>

Темір-бетон бұйымдарына сұраныс артуда

<a href="https://kyzylorda-news.kz/ru/">Kyzylorda-news.kz</a>. Облыстың өнеркәсіптік өңдеу саласында 54,1 пайыздық өсім қалыптасып, Қызылорда облысы өңірлер арасында өсiм қарқыны бойынша бірінші орынға шықты. Бұл туралы ҚР Үкіметінің отырысында ҚР Ұлттық экономика бірінші вице-министрі Тимур Жақсылықов мәлімдеді.Үкімет отырысының күн тәртібінде 2023 жылғы қаңтар айындағы әлеуметтік-экономикалық даму қорытындылары мен ғылыми және ғылыми-техникалық қызмет нәтижелерін коммерцияландыру мәселері талқыланды. Жауапты ведомство басшылары баяндама жасап, тиісті ұсыныстарды жеткізді. Оның ішінде, Сыр өңірінің өңдеу өнеркәсібін дамытудағы жоғары көрсеткішке қол жеткізгені ерекше аталып өтілді.Жиынды қорытындылаған ҚР Премьер-Министрі Әлихан Смайылов алдағы уақытта назар аударылуы тиіс мәселелерді атап өтіп, жұмыс қарқынын әрі қарай күшейтуді тапсырды.Үкімет тапсырмаларын орындау бойынша селекторлық жиыннан кейін облыс әкімі Нұрлыбек Нәлібаев экономикалық өсімді қалыптастыру бағытында бөлінген қаражатты уақытылы әрі мақсатқа сай игеру бойынша қала, аудан әкімдері мен басқарма басшыларына бірқатар тапсырмалар жүктеді.<blockquote>«Облыс аумағында қаңтар айында 1,4 млрд.теңгенің құрылыс жұмыстары жүргізіліп, өсім 35,9 пайызды құрады. Құрылыс жұмыстары тек Қызылорда қаласында, Жалағаш және Сырдария аудандарында ғана жүзеге асырылған. Қалған аудандарда қаңтар айында құрылыс жұмыстары мүлде атқарылмаған. Сондықтан, облыстық басқарма басшыларына Қызылорда қаласы және аудан әкімдерімен бірлесіп, барлық макроэкономикалық көрсеткіштер бойынша ай сайынғы өсімді қамтамасыз етуді тапсырамын», - деді аймақ басшысы.</blockquote>Облыс әкімі көлік және қоймалау саласының даму көрсеткіші 94,7 пайыз ғана болып,меженің толық орындалмағанын сынға алды.<blockquote>– Бұл саладағы жұмыстың өз деңгейінде жүргізілмегенінен және жауапты басқарма басшысы тарапынан бақылаудың жоқтығынан орын алған, – деді Н.Нәлібаев.&nbsp;</blockquote>Осы кемшіліктерге жол берген облыстық жолаушылар көлігі мен автомобиль жолдары басқармасының басшысы Пақуатдин Шамұратовқа қатысты тиісті шара қабылданбақ.Жиында өңір экономикасының тұрақты дамуын қамтамасыз ету үшін қала, аудан әкімдері мен облыстық басқарма басшыларына бюджет қаражатын уақытылы әрі сапалы игеру қажеттігі ескертілді. Аймақ басшысы бюджетті атқару бойынша төмен көрсеткіш көрсеткен облыстық экономика және қаржы басқармасының басшысы Нұрғали Қордабай мен Қызылорда қаласының әкімі Асылбек Шаменовке қатаң ескертті. Бұл жоспарлаудағы жүйесіздіктен және бақылаудың осалдығынан болғанын айтты.&nbsp;Күн тәртібіндегі екінші мәселеге қатысты айтсақ, биыл облыста «Байқоңыр» әлеуметтік-кәсіпкерлік корпорациясының жанынан құрылған «Қызылорда облысының даму орталығы» мен Қорқыт Ата атындағы Қызылорда университетінің басшылығы бірлесіп жұмыс жасау керек. Облыс әкімі аймақтың әлеуметтік-экономикалық дамуына қатысты мәселелерде жергілікті ғалымдардың ғылыми-зерттеу жұмыс нәтижелері мен ұсыныс-пікірлерін ескеруді тапсырды. &nbsp;

Қызылорда өңдеу өнеркәсібі бойынша алғашқы орында

<a href="https://kyzylorda-news.kz/ru/">Kyzylorda-news.kz</a>. Жалағаш ауданының тұрғыны өңірдегі тың кәсіпті мемлекеттік бағдарлама аясында қолға алды. Асхат Ермекбаев еуропалық стандарттарға сәйкес өнім өндіреді. Нарықта сапасы жоғары бола тұра бағасы қолайлы антифриздер болмағандықтан, кәсіпкер осы өндірісті ашуға білек сыбана кіріскен.&nbsp;Кәсіпкердің шағын кәсіпорнында SinPro сауда белгісімен тосол, антифриз тәрізді суыққа төзімді сұйықтықтар шығарылады. Кәсіпорында автокөліктерге арналған этиленгликоль негізіндегі антифриз, тосол, салқындатқыш шығарылады және алғашқы отандық өндіруші болып саналады. Кәсіпорында күніне 1000 литр антифриз, 1000 литр өндіріледі.Антифриздер – төмен температурада қататын салқындатқыш сұйықтықтар. Мұндай өнімдер бензиндік және дизельдік қозғалтқыштардың салқындату жүйесіне қолдану үшін жасалған. Яғни, салқындату жүйесінде қату, коррозия, қызу және қақтың пайда болуының алдын алады. Ең бастысы – бұл өнімдерді автотранспорттық құрал мен жылу алмастырғыш агрегаттардың эксплуатация нұсқаулығына сәйкес пайдалану керек.Өндірісте 5 адам жұмыс істейді. Шетелдік брендтер тарапынан бәсекелестікке қарамастан аталған компания өнімдері жоғары сапалы сипаттамаларының арқасында автохимиялық өнімдердің бөлшек сауда нарығында өз орнын табуда. Алдағы уақытта кәсіпорын өндіріс көлемін және өнім түрлерін ұлғайту жоспарлануда. Десе де несие алып айналым капиталын толықтыру қажет.<blockquote>– Мамандығым химик-технолог болғаннан кейін, өзіме осы өндірістің түрі жақын болды. Бұл іске өз қаражатымды салып, әрі қосымша мемлекеттен қолдау таптым. 2021-2025 жылдарға арналған кәсіпкерлікті дамыту жөніндегі ұлттық жоба шеңберінде мемлекеттік қолдауға ие болдым. 5 млн көлемінде қайтарымсыз грант ұтып алдым. Одан бөлек, “Қызылорда” өңірлік инвестициялық орталығы арқылы 6 пайыз мөлшеріндегі кепілдігінің арқасында біз 6 млн көлемде несиеге қол жеткіздік. Осылайша, мемлекеттің қолдауы біздің дамуымызға және өнімнің өзіндік құнын тұрақтандыруға қомақты септігін тигізіп келеді, – дейді кәсіпорын басшысы Асхат Ермекбаев.</blockquote>Қозғалтқыштарды тиімді салқындатуды, металдар мен қорытпалардың барлық түрлерін коррозиядан және кавитациядан жоғары тиімділікпен қорғауды қамтамасыз етеді. Қоршаған орта температураны –40-тан +50-ге дейінгі диапазонда пайдалану үшін ұсынылады.Кәсіпкердің айтуынша, бүгінде кең сұранысқа ие бұл тауар пластик құбырлар мен резеңкеге зиянын тигізбейтін көрінеді. Бес жылға дейін жарамды бұл тауар бүгінде Жалағаш ауданының сауда нүктелерінде сатылымда тұр. Жеңіл көліктен бастап қуатты өнеркәсіпке дейінгі қозғалтқыштарға арналған антифриздердің барлық түрлері шығарылады.&nbsp;Жеке кәсәпкер жақында антифриз өніміне СТ-KZ сертификатын алғанын мәлімдеді. СТ-KZ сертификаты — тауардың Қазақстан аумағында өндірілгенін немесе өңделгенін растайтын құжат. Аталған сертификат ішкі пайдалануға арналған. &nbsp;

Қызылордада жасалған: антифриз өндірісі ашылды

<a href="https://kyzylorda-news.kz/ru/">Kyzylorda-news.kz</a>. Кешегі күнге көз салып, бүгінімізді барласақ, ежелден келе жатқан қолөнердің бірі – киіз басу. Халық сан түрлі бұйымдар жасау үшін киізді кең қолданған. Киізді киіз үйдің сыртын жабу үшін, жерге төсеу үшін және де кереге керу арқылы өз қажеттілігіне орай пайдалана білген. Киізден кебеже, сандық қаптайтын әбдіреқаптар, ыдыс-аяқ салатын аяққаптар жасаған. Киіз матасы шексіз мүмкіндіктерге ие. Одан барлық өнім түрін жасауға болады. Экологиялық жағынан таза, денсаулық үшін пайдалы.Бақжан Шайхыслам – қазақтың «күпі киген» ұлттық өнеріне заманауи шекпен жамылдырған саусақпен санарлық этнодизайнерлердің бірі. Әлем сәнқойларына киізден көйлек кигізсем деген арманы бар жас шебер, төрт түліктің жүнінен басылып, таза табиғи шикізаттан тігілген киімнің жылуы да, сұлуы да маңызды дейді. Қолөнер шебері жақсы көретін ісінен табыс табамын деп мүлде ойламаған. Қорқыт ата атындағы Қызылорда университетінің «Кәсіптік оқыту» мамандығында оқып жүріп, бұл салаға қызығушылығы оянады. Студент кезінде шеберлік сағаттарына жиі қатысып, көрмелерге туындыларын шығарады.&nbsp;Алматы, Шымкент қалаларында өткен жарыстарда жүлделі орындарға ие болыпты. Оқу ордасын бітірген соң, өз саласы бойынша білімін жетілдіріп, түрлі курстарға барады. Киіз басып, одан түрлі бұйымдарды жасап, осы саланы дамытуға бел шештім» деген Бақжанның мықтылығына сүйсіндік. Өнерлі жас «Киізден заманауи бұйымдарды шығару» жобасы үшін жуырда мемлекеттен берілетін қайтарымсыз гранттың жеңімпазы атанды.<blockquote>– Бұл кәсіпті сіңлім Гүлден екеуміз бастадық. Жамбыл облысынан меринос қой жүні мен оған қосатын бояуын алдырамыз. Жүннің табиғи түсі ақ болады. Қайнатып, түрлі түсті бояулар қосып киіз басамыз. Ол ұзақ уақытты, қажырлы еңбекті талап етеді. Дайын болған өнімнен үйге киетін аяқ киім, жейде, белдік, қалпақ шығарамыз. Осыдан 3-4 жыл бұрын көпшілік киізден жасалған бұйымдардың денсаулыққа пайдалы екенін білмейтін. Ал қазір жібек жүнінің түрлі қасиеті барынан хабардар. Мәселен, меринос қой жүні өте жұмсақ, денеге ыңғайлы. Аяқты суықтан қорғайды, терлетпей, бірқалыпты температураны ұстайды. Сондай-ақ, иммунитет көтеруге де көмекші құрал. Үлкен адамдарда жиі кездесетін қан қысымы ауруына, ұйқыны қалыпқа келтіруге әсері мол. Киізден жасалған бұйымдарды мерзімдік, яғни тек қыста пайдаланады деген қате түсінік те бар. Жазда киетін жұқа маталардан тігілетін көйлектер мен жейделерге киізден әдемі ою жасап, жапсырса одан әрі сәнді болады. Алдағы уақытта киізді мата түрінде шығарып, жеке өлшеммен тігуді де жоспарлап отырмыз, – дейді шебер.</blockquote>Жеке шеберханасында сіңлісінен бөлек қасына көмекші мамандарды жұмысқа алып, оларға өз білгенін үйретуден жалықпақ емес. Инновациялық жобаның авторы бұйымдарды тапсырыс берушілердің талғамына сай етіп жасайды. Бағасы да қолжетімді. Үлкен адамдардың аяқ киімдері мен байпақтар 4000 теңгенің шамасында болса, балаларға арналғаны 3000 теңге. Қазақстан бойынша қалалардан түскен тапсырысты жеткізу қызметі де қарастырылған.Ата-бабадан келе жатқан қолөнер бұйымдарын насихаттауда апалы-сіңлілі қолөнершілердің еңбегі зор. Жас кәсіпкерлердің таудай талабына нұр жаусын дейміз.

Бақжан Шайхыслам: Киіз басуды кәсіпке айналдырдым

<a href="https://kyzylorda-news.kz/">Kyzylorda-news.kz.</a> &nbsp;Биыл Жаңақорған ауданы бойынша 37 781 гектарға егiс егу межеленіп отыр. Жалпы ауданда ауыл шаруашылығы өндірісімен айналысатын 781 шаруашылық құрылымдарының 485-і егін шаруашылығына бет бұрған. Оның ішінде 175 шаруашылық күріш өсірумен айналысады.&nbsp;«Биыл күріш көлемін 8346 гектарға жеткізу жоспарлануда. Күздік бидай 3151, жаздық бидай 194 гектарды құрайды. Сол секілді биыл жаздық арпа, тары, дәндік жүгері мен мақсары және күнбағыс егу межеленді. Жаңа жоңышқаны 5000, ескі жоңышқаны 14700 гектарға, сүрлемдік жүгеріні 38 гектарға деп жоспарладық. Қант құмайы мен қант қызылшасы да биыл үстемелі түрде егіледі. Картоп 580 гектарды құраса, көкөнiс 616, бақша 2095 гектарға жетті» дейді аудандық &nbsp;ауыл шаруашылығы бөлімінің бас агрономы Дәурен Абибуллаев.&nbsp;Әртараптандыру бағытындағы атқарылатын жұмыс та ауқымды. Азық-түлік қауіпсіздігін сақтау мен бағаны тұрақтандыру мақсатында қосымша жерлер ашылып, ұжымдық түрде 295 гектарға картоп, көкөніс, бақша дақылдарын орналастыру бағытында жұмыстар атқарылуда. Жаңақорған ауданының ауыл шаруашылығы құрылымдары биылғы жылдың егісі үшін 3151 гектар күздік бидай егуді және 7300 гектар сүдігер айдауды қамтамасыз еткен. Сонымен қатар ағымдағы жылы бірқатар шаруашылықтар тарапынан тамшылатып суару әдісі мен жаңбырлатып суару жүйесіне көшуге басымдық берілуде. Айта кететіні, биыл тамшылатып суару технологиясымен Талап ауылдық округінде «Қызылорда Агроплюс» ЖШС-де 5 гектар қызанақ егу жоспарлануда екен. Жаңбырлатқыш суару технологиясымен Қожакент ауылдық округіне қарасты «Береке» шаруа қожалығы 30 гектар малазықтық дақылдарды егуді мақсат тұтты. Бұл да аудандағы тың жаңалықтың бірі.&nbsp;«Аудан бойынша 2023 жылдың егісі үшін шаруашылық құрылымдарының қолында 2087 тонна күріш тұқымы бар. 50 тонна жоңышқа тұқымы толығымен дайын, ал 50 тонна мақсары тұқымы қажет болса оның нақты 30 тоннасы дайындалды. Қажетті минералдық тыңайтқыштардың көлемі 4462 тонна, оның ішінде 4226 тоннасы азотты, 236 тоннасы фосфорлы тыңайтқыштар болса, қажетті гербицидтердің көлемі 3113 литрді құрайды. Қазіргі таңда шаруашылықтар тарапынан минералдық тыңайтқыштардың 2380 тоннасы (53,3%) сатып алынды» дейді бас агроном.&nbsp; Көктемгі дала жұмыстарын қаржыландырудың да есебі бойынша, Жаңақорған ауданында 2023 жылы межеленген егіс көлеміне сәйкес, көктемгі дала және егіс егу жұмыстарына қажетті қаржы көлемі 615 млн теңгені құраса, қазіргі таңда 325,9 млн теңге (53%) жұмсалған. Техника және жанар-жағар май жайы қалай? Аудан бойынша көктемгі дала жұмыстарына 1 422 тонна дизель отыны бөлінген. «Жібек Жолы LTD и К»ЖШС – 524 тонна, «Жаңақорған ОiI» ЖШС – 898 тонна. Көктемгі дала жұмыстарына 207 трактор, 38 соқа, 28 дән сепкіш, 21 автомашина, 52 трактор тіркемесі толығымен дайын дейді жауапты мамандар. 2023 жылы су нысандарын тазалау жұмыстары бойынша атқарылатын шаралар да ауқымды болмақ.&nbsp; &nbsp;

Жаңақорғанда әртараптандыру бағытында атқарылатын жұмыс ауқымды

<a href="https://kyzylorda-news.kz/">Kyzylorda-news.kz.</a> Біреуге алақан жаймай, өз қолыңды өз аузыңа жеткізу – бүгінгі күннің өзекті мәселесі. Кәсіп ашып, жұмысын одан әрі дөңгелетіп отырғандар көп қазір. Ғарышкерлер қаласы атанған Байқоңыр қаласының іргесіндегі Төретам кентінде де жеке кәсібін ашып, өз ісін дамытып, кәсібінен нәсіп тауып отырған жандар жетерлік. Басым бөлігі мемлекет тарапынан қаржылай қолдау алса, бірқатары барын салып өз игілігі жолында оны дамытуда.Бүгінде қазақстандықтар отбасылық бизнес құруға ден қойды. Әлемнің дамыған елдерінде атадан балаға мұра болып қалатын кәсіп экономиканың негізгі қозғаушы күші болып табылады. Отбасылық кәсібін дөңгелетемін деушілерге мүмкіндік көп. Тек кез келген істің тетігін тауып, мүмкіндікті тиімді пайдалана білсе болғаны. Осылай кәсібін дөңгелетіп отырған жандардың бірі Төретам кентінің тұрғыны, қайырымды істердің басы-қасынан табылатын жеке кәсіпкер, «Бақдәулет» мейрамханасының иесі Амангелді Жакешев. Төретам халқына етене таныс жеке кәсіпкердің ісіне көпшілік сүйсіне қарайды. Ол кәсіпкерлік әлемінде өзіндік қолтаңбасын қалдыруға қол жеткізіп, өз ісін дамытып жүрген белгілі кәсіп иесі. Заман талабына сай іскерліктің көзін тапқан жас кәсіпкердің кәсібі де сан салалы.Оның айтуынша, «Бақдәулет» мейрамханасы тұла бойы тұңғыш баласы Бақдәулеттің атымен аталған. Әуел баста бұл ғимаратты сауда үйі деп салып бастағанмен, кейін Бақдәулеттің тұсаукесер тойын жасамақ болып, тойхана іздестіреді. Тойдың көп болатын жаз айларында бұл өңірден кафе табу қиынға соғады. Сол кезде қаладағы кафемен келісіп, той жасайды. Содан «Неге өзіміз тойхана салмасқа?» деген кәсіпкердің өмірлік жары Айнұр Жарылқасынқызының идеясымен салынып жатқан құрылысты мейрамхана етуді ұйғарады. Мейрамхана 2016 жылы халықтың игілігіне пайдалануға беріліпті. Оның құрылыс жұмыстарына төрт жылға жуық уақыт кетіп, қаншама жұмысшының маңдай терінің арқасында хан сарайындай, сыйымдылығы 400 орындықты құрайтын зәулім ғимарат елдің сұранысын қанағаттандыруға жараған. Мейрамханада оннан астам адам тұрақты жұмыспен қамтылған. Байқоңыр өңірінің жұртшылығы тегіс білетіндей, «Бақдәулет» мейрамханасы біраз уақыттан бері халал мейрамханалардың қатарында. Бұл жайында ағамыздан сұрап білдік.<blockquote>«Өзім мұсылманның бес парызын өтеп жүрген соң «Халал» деген статусты алу көптен ойымда еді. Елімізге келген нәубет, яғни коронавирус жайлаған уақытта мейрамханалар есігі тарс жабылғаны белгілі. Қаншама жандар, жасы бар, кәрісі бар, аз ғана уақыттың ішінде өмірден өтіп кетті. Төтенше жағдай кезінде бізде жағдайға бой ұсынып тойханамызды жаптық. Осындай қысылтаяң шақта отбасылық кәсібіміз тоқтап қалмас үшін біріміз балалар киімі дүкенін, екіншіміз құрылыс заттарын сататын дүкен ашып, тірлік қылдық. Міне, осы карантиннен кейін, мына өмірдің қас-қағым сәт екенін түсініп, ғұмырымызда берген садақамыз адалынан болсын деген ниетте мейрамхананы «халал» деген статусқа қойған жайымыз бар» дейді кейіпкеріміз.</blockquote>Кәсіп иесінің «Алина» дүкенін бастапқыда «Эврика» гипермаркетіне жалға берсе, содан соң олар сауда болмағасын жабылған-ды. Бүгінгі таңда дүкен электроника және тұрмыстық техника сататын «Sulpak» дүкендер желісіне жалға беріліп, өңір халқының сұранысын орындап, тұрғындардың көңілінен шығып жатқан жайы бар. Бұл «Sulpak» дүкендер желісі өзінде 30-ға тарта адамды жұмыспен қамтыған. А.Байділдаұлымен әңгімелесе отырып, кәсіптің көзін тапқан жан екен деген ойға келдік. Оған себеп, кентіміздегі бірнеше дүкен ғимараттарын жалға беріп және жекелеген кәсіпкерлердің кәсібінің жандануына ықпал етіп отырғаны да бізді сүйсінтті.<blockquote>«Бизнесті жалғыз адамның дамытуы қиынға соғады. Бұл жоба серіктестермен жұмыс істеуге, келісім жүргізуге, міндеттемелерді бөлуге, ең бастысы, қолда бар мүмкіндіктерді пайдалануға үйретеді. Жер бетіне адам болып келген соң, еңбек етіп қана қоймай, қасыңдағы бауырларыңды, отбасыңды бақытты ету саналы әр адамның міндеті. Шынайы көзбен қарасақ, еңбек етіп жатқан адам көп. Әркім өз деңгейі мен Алла берген ырзық-несібесімен нан тауып жеп жүр. Адам алдына қойған мақсатына тек еңбек арқылы жетеді. Еңбек адамды шынықтырады, шыңдайды. Сондықтан адам өмірінде еңбектенудің маңызы ерекше» дейді ол.&nbsp;</blockquote>«Отбасы – алтын діңгек» демекші, адамның жеке басының алғашқы қалыптасуы отбасынан бастау алады. Баланың тәрбиелі болып өсуіне берекесі тасыған отбасының әсері мол. Отбасының әрбір мүшесі, ата мен әже, әке мен бала, ана мен қызы өзара сөйлесіп, береке-бірлікте, сүйіспеншілікпен араласса, босағасы берік, шаңырағы биік отбасына айналмақ. Игі іске бастамашы болып отыратын Жакешевтер отбасы Төретам кентінің байырғы тұрғындары. Амангелді ағамыз Байділда Жакешев ақсақал мен абзал ана Күнім Мұқашева апаның отбасындағы жеті баланың бесіншісі. Көпбалалы отбасында дүниеге келіп, әкесі мен анасынан алған тәрбиесін бүгінде ол өз балаларына үлгі етіп айтып отырады. Немерелерінің қызығына тоймай өмір сүріп жатқан қос бәйтерегінің бірі сексеннің сеңгіріне шықса, бірі жетпістен асқан. Берекелі отбасының ұйытқысы болып отырған ардақты қариялар елдің сыйлысы. Ал Амангелді Байділдаұлы өзінің өмірлік жары, берекесі тасыған отбасының отанасы Айнұр Жарылқасынқызы екеуі құдай берген 4 баланың қамқоршы ата-анасы. Үлкені Бақдәулет 15 жаста, Алина 13 жаста, Али 11 жаста, Осман 9 жаста.Өткен жылдың 20 желтоқсанында «Балалар жылы» аясында есімі елге таныс кәсіпкердің идеясымен Төретам кенті тұрғындарының балаларына арналған «ALI KIDS PARK» атты балалар ойын-сауық орталығы ашылған болатын. Жалпы жоба құны 80 миллион. Мұнда үлкен сырғанақтар, құрғақ бассейндер, яғни балалар атракциондарының жеті түрі бар. Егер отбасымен келген жағдайда ойын орталығында 100 адамға арналған жайлы дәмхана қызмет көрсетеді. Сонымен қатар, көпбалалы отбасы балаларына жеңілдіктер бар. Мүмкіндігі шектеулі балаларға арнайы бір күн арналады деген жоспарлары да жоқ емес. Орталықта 15 адам тұрақты жұмыспен қамтылған.Кәсіпкермен әңгіме барысында кенттің арғы бетінде мемлекет тарапынан берілген жерге салынып жатқан мешіттің құрылысына осы Жакешевтер отбасының қаржылай қолдау білдіргенін аңғарып, риза болдық. Кәсіпкерлікте адал еңбегімен өз замандастарына үлгі болып жүрген бұл азаматтың кәсіптік идеясы өңір тұрғындарының көңілінен шығуда.&nbsp;

Төретамда бірнеше адамды жұмыспен қамтып отырған отбасы бар

<a href="https://kyzylorda-news.kz/">Kyzylorda-news.kz.</a> Қызылорда облысы бойынша қылмыстық-атқару жүйесі департаментінің №60 мекемесінде кешкі мектепте білім беретін ұстаздар жазасын өтеп жатқан азаматтарды наурыз мерекесімен құттықтады.Қазіргі таңда кешкі мектепте 32 жазасын өтеуші білім алуда. Бұл азаматтарға Қызылорда қалалық білім бөлімінің «Жалпы білім беретін кешкі мектеп» мұғалімдері білім береді. Оқуға қабылданған азаматтардың &nbsp;ішінде өзге ұлт өкілінен төрт жазасын өтеуші бар. Білім алушы азаматтарға бекітілген кестеге сәйкес білім беретін ұстаздар оқушыларын келе жатқан наурыз мерекесімен құттықтап, сотталғандардың өз деңгейінде білім алуларына жағдай жасағаны үшін мекеме бастығының тәрбие жұмыстары жөніндегі орынбасары әділет подполковнигі Алтынбек Тұрарбекұлы Өскенбаевты алғыс хатпен марапаттады.<blockquote>«Кешкі мектептің қылмыстық-атқару жүйесі департаменті №60 мекемесінде ашылғанына он жылға таяу уақыт болды. Осы уақыт ішінде біз жазасын өтеуші &nbsp;азаматтармен тығыз байланысып, еркіндікте жүрген оқушылармен тең дәрежеде қараймыз. Наурыз мерекесі – қазақ елі үшін жаңа жыл басы. Бостандығынан айырылған азаматтарға жақсы көңіл-күй сыйлап, осындай керемет мерекеде сый тартуды жөн көрдік» дейді жазасын өтеп жатқан азаматтарға білім беруші мұғалім Гүлмира Күнтуарова.</blockquote><blockquote>«Көктемді асыға күттіретін наурыз мерекесі қарсаңында ұстаздарымыздың ұйымдастырған бұл іс-шарасы бізді қуантты. Наурыз мерекесі, наурыз көже дәмі, ұлттық ойындар осы мерекенің жарқын көрінісі екені сөзсіз. Бас бостандығынан айырылып, темір тордың ар жағында отырсақ та, назардан тыс қалдырмай, біз үшін арнайы уақыт бөлген ұстаздарыма ағысымды білдіремін» дейді абақтыдағы жазасын өтеп жүрген азамат.</blockquote>Іс-шара соңында ұстаздар оқушыларымен естелік суретке түсіп, ізгі тілектерін білдірді. &nbsp;

Архив