<a href="https://kyzylorda-news.kz/">Kyzylorda-news.kz.</a> «AMANAT» партиясынан облыстық мәслихат депутаттығына кандитаттар үгіт-насихат жұмыстарын жалғастыруда. Бүгін кандидаттар қаладағы «Жайна» сауда үйінде экспромт-кездесу өткізіп, партияның сайлауалды бағдарламасының негізгі тармақтары, олардан күтілетін нәтижелер, басымдық берілген бағыттары туралы кеңінен насихаттады.Экспромт-кездесуде облыстық мәслихат депутаттығына үміткер Айсұлу Қасымова «AMANAT» партиясының сайлауалды бағдарламасында қоғамның сұраныстарына орай партия атқаратын 10 негізгі міндет айқындалғанын жеткізді.«Партияның &nbsp;түпкі мақсаты – халықтың тұрмысын жақсарту. Яғни, әлеуметтік &nbsp;қолдау түрлерінен бастап, ауылды дамыту, жастарды демеу, экологияны жақсарту, су, жарық, жол, интернет желісі секілді игіліктерді баршаға қолжетімді ету»,- деді үміткер Айсұлу Қасымова. Бағдарлама аясында атқарылатын жұмыстарға кім жауапты, қанша қаражат қажет, ақша қайдан бөлінеді, іс-шаралардың жүзеге асырылу мерзімі қандай деген сауалдарға толыққанды жауап ұсынылған. Яғни, халықтың сұраныстарын сапалы, уақытылы қанағаттандыру мақсатындағы кешенді жұмыстарды айқындап отырған маңызды құжат. Бұл бағдарламаның облыстық, қалалық, аудандық деңгейде жасақталғаны да – әр аймақтың күрмеулі мәселелерін нақты шешу үшін әсер ететін негізгі тетік.<blockquote>«Біздің партия халыққа ең жақын жүрген ұйым. Барлығы елдің ішіндегі мәселеге құлақ асып, халықтың ұсыныс-тілегін тыңдағаннан кейін жасалған біздің сайлауалды бағдарламамыз өзектілігін жоймақ емес. Бүгінде ел ішінде қарапайым тұрғындарды әлеуметтік мәселелер толғандырып отырғандығы жасырын емес. Сол үшін біз бар мүмкіндігімізді пайдаланып, тұрғындардың мәселелерін шешуге атсалысуымыз біздің мақсатымыз болып табылады»,-деді кандидат Гүлнар Есқалиева.</blockquote>Сауда үйіндегі эскпромт-кездесуде осындай маңызды мәселелерді қозғаған кандидаттар «AMANAT» партиясының алдағы уақытта да тұрғындардан түскен талап-тілектер аяқсыз қалмайтындарын айтып, алда өтетін сайлауға белсене қатысып, «AMANAT» партиясына дауыс беруге &nbsp;шақырды.Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді

Бағдарлама басымдығы экспромт кездесуде айтылды

<a href="https://kyzylorda-news.kz/">Kyzylorda-news.kz.</a> Бүгін Қазалы ауданында «Жаңа дәуір – жаңа Қазақстан» атты жастар фестивалі басталды.Е.Бозғұлов атындағы мектеп-лицейде өткен &nbsp;фестивальдің ашылу салтанатына Қазалы ауданы &nbsp;әкімінің орынбасары Даурен Тлеумбетов, Қорқыт ата атындағы Қызылорда университетінің экономика және қаржы факультетінің деканы, экономика ғылымдарының кандидаты Нұрлан Серікұлы мен университет мамандары қатысып, жастарға сәттілік тіледі.&nbsp;Салтанатты шара барысында Қорқыт ата атындағы Қызылорда университетінің ректоры, филология ғылымдарының кандидаты Бейбіткүл Сәрсемханқызының атына Қазалы ауданы әкімінің Алғыс хаты табысталды.&nbsp;Фестиваль аясында 200-ден астам қазалылық жас жаратылыстану мен бизнес жобаларында, интеллектуалдық және патриоттық әндер байқауында бақ сынайтын болады.&nbsp;Фестивальдің ғылыми жобалар бағыты бойынша жүлдегерлерге Қорқыт ата атындағы Қызылорда университетіне 4 жыл тегін оқу гранты табысталмақ. Сонымен қатар, универсиеттің оқу ақысына 50 пайыздық және 25 пайыздық жеңілдік жолдары да қарастырылған.Аталған фестиваль жастарды қанаттандырары белгілі. Ел болашағы жастардың білім алуына жол ашатын мұндай шаралар көптеп ұйымдастырылғаны жөн.<figure class="image image_resized" style="width:75%;"><img src="https://knadmin.beoblood.kz/uploads/Kazaly_40b77dea48.jpg" alt="Казалы.jpg"></figure>

Қазалы ауданында жастар фестивалі басталды

<a href="https://kyzylorda-news.kz/">Kyzylorda-news.kz.</a> Қызылорда қаласына қарасты ауылдардың инфрақұрылымдық жүйелерін дамытуда атқарылып жатқан нәтижелі істер байқалады. Атап айтсақ, Қарауылтөбе ауылдық округінде ілкімді істер көп. Бұл туралы ауыл әкімі Еркін Ахетов мәлімдеді.Былтыр ауыл тұрғындарының өтінішімен 150 орындық ауылдық клубтың іргетасы қаланған. Бұл өз кезегінде жұртшылықтың көптен күткен қуанышы болды. Сонымен қатар ауылдағы көлемі 6800 шаршы метрді құрайтын Әбдіхалықов бейіті аумағына қоршау жұмыстары жүргізілген. Одан бөлек ауызсу жинау қоймасы қолданысқа беріліп, жол қауіпсіздігі мақсатында «Өңірлерді дамыту» бағдарламасымен Байсейітов көшесінің 400 метріне жарық шамдар орнатылған. Сондай-ақ ауылға 21 жол белгісі қойылған.&nbsp;Ауыл балаларына «Балалар жылы» аясында «Строй модульАстана» ЖШС-ның демеушілігімен ойын алаңы салынған. Сондай-ақ кәсіпкер қолдауымен кіре беріс жол бойына аялдама орнатылған. Өткен жылы атқарылған істерді саралаған ауыл әкімі Еркін Ахетов брифинг барысында алдағы атқарылатын жұмыс жоспарымен де бөлісті. – Биыл жоспарымызда округтегі жаңадан қоныстанушы аумақтағы жалпы ұзындығы 9 шақырымды құрайтын 12 көшеге қиыршық тас төсеу жұмыстарын жүргізу қарастырылған. Қазіргі таңда 8 дана КТПН, электр бағаналарын орнату жұмыстары, сондай-ақ округтегі жаңадан қоныстанушы аумаққа техникалық су тарту ұңғымасын және А.Иманов көшесінің бойындағы №6-ТС техникалық су тарту ұңғымасын орнату жұмыстары жүргізілуде.&nbsp;Бұдан бөлек округке кіреберіс жолдың бойындағы R-1 каналына жаяу жүргіншілерге арналған көпір құрылысы үшін жобасметалық құжаттары дайындалуда. Ал С.Байсейітов, Ж.Әбдіхалықов, А.Құнанбаев, Желтоқсан көшелерінің бойына, жаңадан қоныстанушы аумаққа жаяу жүргіншілер жолын салу мақсатында қажетті құжаттары әзірленіп, бюджеттік өтінім берілді, – деді ауылдық округ әкімі. Қарауылтөбе ауылдық округі әкімінің айтуынша, былтыр 17 шағын кәсіпкерлік нысан ашылған.&nbsp;Бүгінде елді мекенде кәсіпкерлік саласында 112 нысан жұмыс істейді. Мұның барлығы мемлекеттік бағдарлама аясында жүзеге асқан. Мемлекеттік бағдарлама игілігімен 43 миллион теңгенің 8 жобасы мақұлданса, «Еңбек» бағдарламасымен 17,2 миллион теңге болатын 14 жобаға қайтарымсыз грант берілген.&nbsp;<img src="https://knadmin.beoblood.kz/uploads/karauyltobe_b04f85803a.jpg" alt="карауылтобе.jpg">

Қарауылтөбе ауылдық округінде ілкімді істер көп

<a href="https://kyzylorda-news.kz/">Kyzylorda-news.kz.</a> Биыл дарияның деңгейі сыр жұртшылығын тағы да алаңға салды. Бұл жолы су сағасынан тым төмен ағып емес, керісінше өзен кемеріне жетіп, төтеншеліктерді тік тұрғызды. Қыста ұстасқан қалың мұздар күн көзіне еріп, сең жүрді. Осының салдарынан дарияның суы сағасынан асып, жағалай орналасқан ауылдарға да жетті. Алайда төтеншеліктердің күні-түні бақылауының арқасында қауіп төнген жоқ.Қайталанатын қатердің жыл сайын бетін қайтару, сең көшкініне қарсы дайындықты пысықтау, әркез назарда ұстау жұмыстары Сыр елі үшін көктемдегі атқарылатын істің үлкені. Қауіп пен орын алар шығынды болдырмау, қандай да болмасын тосын жағдайға дайын болып, оған төтеп беру басты мақсатымыз. Жақында ғана барлық аймақта Төтенше жағдайдың алдын алу мақсатында «Көктем – 2023» республикалық командалық-штабтық оқу жаттығу өткен-ді. Онда төтенше жағдайға жауапты 15 қызметтің техникалық әзірлігі, шұғыл әрекет етуі пысықталды. Сондай-ақ, су басу қаупі бар аймақтарда жаттығу өткізіліп, азаматтық қорғау қызметтерінің іс-қимыл жүйесі тексерілді.Қауіп жоқ емес, әрине. Өзеннен үлкен көлемде су өтіп, сең жүреді дегеннен аудандағы төтенше жағдайға жауапты бөлімдер, ауыл әкімдері сақадай сай тұрды. Олар барлық қорғаныс бөгеттерін үзіліссіз тәулік бойы бақылап, су деңгейін назарда ұстады. Мұздың ұстасып қалмау қаупін жіті бақылап, аудан аумағынан қалыпты өтіп кетуіне жағдай жасауда. Аудан әкімі Жандос Еркінбек су басу қаупі төнген Қорқыт елді мекені маңындағы су деңгейі мен сең жүру үдерісін сала мамандармен бірге бақылады. Мамандардың мәліметінше қазіргі таңда Сырдария өзенінің деңгейі төмендеген. Мәселен, Жаңажол ауылдық округіндегі 518 пикет тұсында су 45 см, 606 пикет тұсында 40 см, Игембай қашы тұсында 42 см, Жосалы кенті тұсында 24 см-ге түссе, Қызылтам елді мекен тұсында су деңгейі 1 метрге төмен түскен. Ауданға келер қауіп жоқ. Қазақ «Жаудан қашып құтылсаң да, судан қашып құтыла алмайсың» деген. Осыны басты назарда ұстаған аудан басшысы сеңнің беті қайтты деп салғырттық танытпауды тапсырды.Қазірде дарияға судың толып келуіне қуанып жатқандар көп. Осыдан 3-4 жыл бұрын Сыр суының күрт төмендеуі қуаңшылыққа әкеп соқты. Егіндердің көлемі азайып, су тапшылығына дейін барды. Биылғы судың көп келуі жайылымдық жерлерге дейін жайылып, көлдердің толуына себеп болды. Мал ұстаған жандар малымыздың аузы көкке тиетін болды деп қуанышын жеткізуде. Ал шаруашылықтар дария өз деңгейінен түспесе су тапшылығынан қысым көрмес едік дейді.&nbsp;

Қармақшы: Сең қауіпі сейілді ме?

Теріскейге көшкендердің қатары қалың

<a href="https://kyzylorda-news.kz/">Kyzylorda-news.kz.</a> Бұрын көкжәшікте үш арнаны олай да бұлай ауыстыра қарайтынбыз. Сол кездің кірпіш «нокиасын» қолға ұстау арман еді. Емхана, банк, барлық төлем орталығы ұзын-сонар кезек. Адамға лық толы. Әлем бірінші естіген жаңалықты араға күн салып әлгі үш арнаның бірінен әрең көреміз. Онда да жарық болса. Болмаса білте шаммен күнелтуге тура келді. Қазір ше? Қазақстан сандық технологияға қол жеткізгелі батырманы басу арқылы жұмысын жеңілдетті. Мәселен үйде отырып-ақ несие төлеуге, ол несиені онлайн арқылы алуға мүмкіндік бар. Ғажап па? Ауа-райының қолайсыздығы да әсер етпейді, кезекке де тұрмайсыз. Тек қалтафоныңыз болса болғаны. Ең бастысы бұл қызметкерді том-том болған қағазбастылықтан арылтты.Цифрландыру – заман талабы. Бетбұрыстың жаңа кезеңі. Әсілінде «Цифрлы Қазақстан» бағдарламасы негізгі төрт бағыттан тұрады. Біріншісі – ауыл-аймақты кең жолақты интернетпен қамтамасыз етіп, елдің транзиттік мүмкіндігін арттыру болса, екіншіден – экономиканың, яки көлік және логистика, денсаулық сақтау, білім беру, ауыл шаруашылығы және электронды сауда салаларына цифрлы технологияны енгізу. Ал үшіншісі – мемлекеттік органдар жұмысының сапасын арттыру. Төртіншісі – IT мамандарды даярлау. Қош. Сандық технологияға бет бұрғалы нендей өзгерістер байқалады? Цифрландыру мақсаттан шығып отыр ма?Қызылорда қаласының №3 қалалық емханасы цифрланған. Мәселен, маммография кабинетіндегі аппарат PACS жүйесіне қосылған. Айта кету керек, аталған жүйе пациент ауруының тарихын бірнеше дәрігердің бір жүйеден көруіне, сол арқылы уақытты барынша үнемдеуге септігін тигізеді. Қаладағы халыққа қызмет көрсететін цифрлық кеңсе бар. Аталған цифрлық кеңседе 2022 жылдың 6 айында азаматтарға 22 129 мемлекеттік қызмет көрсетілген. Кеңсенің қызмет көрсету құрылымы жақсы екенін мұндағы тұрғындардың қажетті құжаттарын жедел рәсімдеп, кезекке тұру арқылы тәртіппен жүргізіліп жатқан жұмыстардан аңғаруға болады.Осыдан бірнеше жыл бұрын Қызылордада «Smart Qyzylorda» мобильдік қосымшасы іске қосылды. Қосымша «Smart Qyzylorda: Аймақтың цифрлық трансформациясы» тақырыбымен алғаш өткен форум барысында таныстырылған болатын. Сонымен қатар, форум алаңында Қызылорда облысындағы «Цифрлық Қазақстан» мемлекеттік бағдарламасы аясында цифрландыру жобаларының тұсаукесері мен көрмесі ұйымдастырылды. «Ақылды қаланы» қалыптастыру бойынша шетелдік, отандық IT-компаниялардың үздік тәжірибесі бойынша арнайы бағдарлама ұсынылды.«Smart Qyzylorda» қаланың тұрғындары мен қонақтарын біртұтас біріктірілген жүйе арқылы түрлі салалардағы қызметтерді пайдалануға мүмкіндік береді. Samsung смартфонында PlayMarket, Iphone-да AppStore бағдарламасы арқылы осы қосымшаны жүктеп алуға болады. Жүктелген соң қалтафонға тіркелген нөмірді енгізіп, құпия сөз сұрату қажет. Келген соң кодты белгілеп, нөмір арқылы мобильді қосымшаға тіркелеміз. Бірер минутты ғана алатын қосымшада барлық керек деректер бар. Әлі күнге дейін ешқандай қатпай, тұрақты жұмыс атқарып тұр.Дамудың тың өзгерісіОсыған дейін халыққа қызмет көрсету орталығы мен банкте адамдар мекеменің «аузы-мұрнынан» шығып тұратын. Азанда кіргеннен кешке бір-ақ шығатын күндер де болды. Ал қазір арнайы сілтеме арқылы ғаламтормен жұмыс істеуді үйренсеңіз жеткілікті. «Бір терезенің» маңын торуылдамай-ақ анықтама алу, баланы балабақшаға кезекке қою, ЖСН дайындау және тағы басқа қызмет түрін үйде отырып-ақ пайдалана аласыз. Дәрігерге қаралғыңыз келсе DamuMed қосымшасына кіріп, дәрігерге көрінуге кезекке тұруға болады. Уақыт та тиімді жұмсалады. Бүгінде елдегі біршама мемлекеттік орган іс жүргізудің озық технологиясын, электронды құжат айналымын пайдаланады. Бұл игі үрдістен сот та тыс қалмай, іс жүргізуде заман ағымына сай жаңа жүйені меңгеруде. Соттармен арадағы құжат айналымы мәселесі бірте-бірте қағаздан электрондық форматқа ауысты. Яки сотқа «Төрелік» құжат айналым ақпараттық жүйесі енгізілді. Мұнда іс жүргізу ақпаратын, шығарылған шешімдермен танысу, қаулылармен, сот ұйғарымдарымен және басқа да қажетті ақпараттарды сот ісін жүргізуге қатысушыларымен шұғыл алуға мүмкіндік жасалған. Әрі «TrueConf» мобильді қосымшасы арқылы сот процесіне онлайн қатыса алады. Оған «QR code» арқылы сот қызметіне бағытталған арнайы базалық топтаманы және Digital Agent қосымшаларына сот органдарының жұмысын бағалау енгізілген.Сондай-ақ, электрондық үкіметті дамыту шеңберінде «Ашық үкімет» модулі іске қосылды. «Ашық деректер» порталы мемлекеттік органдардың жалпыға бірдей қолжетімді дерек¬терін автоматтандырылған түрде сақтауға болатын сайт іске қосылып, жұмысын бастап кетті.Салымшылардың уақыты үнемделдіБіз қазір бейнеттің зейнетін көру үшін жұмыс істеудеміз. Оны қалай бақылай аламыз? Ай сайын зейнетақы қорына қанша түсіп тұр? Бұл сауал көпті қызықтырары анық. Ол үшін смартфонға арнайы қосымша қажет. Play Market немесе AppStore арқылы «ЕНПФ» бағдарламасынан қанша сома тұрғанын анықтауға болады. Ұялы қосымшаны Android және iOS базасында жұмыс істейтін кез келген смартфон немесе планшетке тегін жүктелінеді. БЖЗҚ – жоғары технологиялық байланыс құралдарының көмегімен алыстан байланыс орнату арнасын дамытуда. Әлемтор – белсенді қолжетімді құрал болса, ұялы қосымша – ақпарат алудың заманауи тәсілі. Бүгінде ол салымшылар үшін сұранысқа ие қызметтің біріне айналды.Жеке сәйкестендіру нөмірі (ЖСН) мен құпиясөз немесе электрондық цифрлық қолтаңба (ЭЦҚ) арқылы кез келген уақытта www.enpf.kz сайтындағы Жеке кабинетке кіріп, зейнетақы жинақтарының жай-күйін, табыстылығын көруге болады. Telegram-bot қызметі де салымшылар арасында сұранысқа ие. Қашықтан байланысу арнасы уақытты үнемдеумен қатар жастарды жинақтаушы зейнетақы жүйесіне тартуға септігін тигізеді. Ал олар – әлеуметтік желілердің белсенді пайдаланушылары. Сәйкесінше Қордың «Одноклассники», «Facebook», «ВКонтакте», «Twitter» және «Instagram» әлеуметтік желілерінде ресми парақшалары жұмыс істейді.Ауа райы болжамынан хабардар етедіҚазір ауа-райын білу үшін бұрынғыдай көкжәшікке телмірмейсіз. Әлгінде айтқан смартфонда ұялы қосымшаның түр-түрі бар. Жүктеген соң сіздің қай жерде орналасқаныңызды анықтап, сол мекеннің ауа-райы көрсеткішін болжайды. Мұнда 10 күнге дейінгі, тіпті 1-2 ай алдағы күн райынан хабар алуға болады. Былтырдан бастап «Қазгидромет» РМК Қазақстан бойынша ауа райы болжамын ұсынудың жаңа форматын әзірледі. Алдағы үш тәулікке арналған ауа райы болжамы күнделікті видео, аудио түріндегі жаңа форматта беріледі.Онда ғарыштан сурет және ауа райын болжаудың цифрлық әдістері пайдаланылады. Болжам мемлекеттік және орыс тілінде «Қазгидрометтің» ресми сайтында немесе «Instagram», «ВКонтакте», «Facebook» әлеуметтік желісіне салынып отырады.«Қазгидромет» синоптиктері Қазақстан тұрғындарының қауіпсіздігі үшін видео, аудио арқылы қауіпті табиғи құбылыстар: нөсер жауын, күшті жел, найзағай, дауыл, бұрқасын, шаңды дауыл, үсік, тұман, бұршақ, температураның күрт төмендеуі, көтерілуі секілді ақпарат тарататын болады. Жаңа форматтың мақсаты да – осы.P.s Уақыт зымыраған сайын заман өзгереді. Ал заманмен бірге көштен қалмай ілесіп отыру қажет. Біз жазған бірнеше мүмкіндік халық үшін қолайлы. Мұнымен қоса жаңалықтарды уақытында қабылдау маңызды. Қазір ақпарат жылдам тарайтын заман. Әлем бойынша бір секундта 10 сайт ашылса, бір дегенде үш миллионнан аса хат жіберіледі. Әні, енді көшпен ілеспей көріңіз…Айнұр ӘЛИ

Қызылорда «ақылды қалаға» айнала ма?

<a href="https://kyzylorda-news.kz/">Kyzylorda-news.kz.</a> «Адамдар – әрқашанда өз аналарының перзенттері. Ана болмаса ақын да, батыр да болмайды» дейді жазушы Максим Горький. Түн ұйқысын төрт бөліп, тал бесікте балаларын әлдилеп өсірген аналарға қандай құрмет көрсетіп, «алтынмен аптап, күміспен қаптап» қойсақта бұл құрметтің өзі аздық етеді. Адамзатқа әлемнің жарығын сыйлаған ана алдында бәріміз де бас иеміз.Халықаралық әйелдер мерекесі Еңбекші ауылында ақ жаулықты аналарға құрмет көрсетуден басталды. Қыз құлпырып, аналар жадырап, әжелердің жүзіне күлкі үйірілген шара «Бар әлем – Ана деп ән салған» деп аталады. Ізгі ниет пен сұлулыққа, сезім мен сыйластыққа толы кешке Еңбекші ауылдық ардагерлер кеңесінің ардагері М.Бекқожаев, Шиелі ауданының «Құрметті» азаматы, аудандық әйелдер кеңесінің төрайымы Найла Палымбет, аудандық қоғамдық даму бөлімінің басшысы Жібек Баймұратова, Еңбекші ауылдық округінің әкімі Бағдат Серікбайұлы, ауылдық әйелдер кеңесінің төрайымы Ұлман Бәтішова, ауылдағы ақ жаулықты аналар мен зиялы қауым өкілдері қатысты.Елге еңбегі сіңген, батыр ұлдарымен ғана емес, қайсар қыздарымен де мақтана алатын ауылдағы аналар мерекесінде сөз алған кәсіпкер Ғафур Байдеу қыз-келіншектердің қоғамдағы орнына тоқталды.<blockquote>«Аналарды құрметтеу ер азаматтарының басты парызы. Ана бір қолымен бесік тербетсе, бір қолымен әлемді тербейді, деген қанатты сөз бар. Әр жыл сайын бір келетін аналар мерекесін ұйымдастырып, сол мерекеге демеуші болу мен үшін үлкен абырой. Алтын аналарымыздың, жеңгелеріміздің, қара көз қарындастарымыздың мерекесінде басын қосып, көңілдеріне қуаныш сыйлап, құрметке бөлеу біз үшін үлкен мақтаныш. Көктемнің алғашқы күндерімен қатар келетін мерекеге демеушілік жасап келе жатқаныма 3 жыл болды. Мұны әр жыл сайын өткізуді өз мойныма алдым», – дейді кәсіпкер.</blockquote>Ақыл-зердесімен, пайым-парасатының арқасында ерлермен иық тірестіре еңбек етіп жүрген аяулы жандардың құрметіне арналған кездесу салтанатты шараға ұласты.&nbsp;Басқосу барысында 100-ден аса нәзік жанды марапат төрінен көрініп, сый-құрметке бөленді. Жыл сайын бұл шараны өткізу үшін 250000-350000 мың теңге көлемінде қаржы жұмсалады екен. Осындай айтулы мерекеге мұрындық болып жүрген ауыл кәсіпкері Ғафур Байдеуге ауыл тұрғындары ризашылығын білдіруде.Шара барысында Еңбекші ауылдық округінің ардагерлер кеңесінің төрағасы М.Бекқожаұлы барша нәзік жандарға жылы лебіз тілегін білдіріп, бүгінгі шараға демеушілік жасап жатқан кәсіпкердің ісіне береке тілеп, ауыл тұрғындары атынан алғысын білдірді.Мерекелік кеш Еңбекші ауылдық мәдениет қызметкерлерінің қатысуымен концерттік бағдарламаға ұласты. Жүзінен мейірім шуағы төгілген аналардың құрметіне ән шырқалып, арулардың сұлулығы жырға арқау болды.

Аналар құрмет төрінде

<a href="https://kyzylorda-news.kz/ru/">Kyzylorda-news.kz</a>. Ш.Төлепова атындағы Қармақшы аудандық мәдениет үйі жанынан құрылған Халық театрының режиссері Мадияр Махамбетұлы сыр бойына танылған талант. Жетістігі де мол. «Абай әлемі» атты облыстық халық театрларының байқауында ІІ орын иегері, облыстық «Үздік жас маман» байқауының бас жүлдесін еншілеген. Бүгінде жас талант аймақ абыройын асқақтатып, өнерді өрістетуде тынымсыз еңбек етіп келеді.– Мадияр, әңгімені алдымен тәлім алған ЖОО мен танымал ұстаздарыңыздан бастасақ…– &nbsp;Қорқыт ата атындағы Қызылорда универсиетінде журналистика мамандығында оқыдым. Бала кезден өнерге, шығармашылыққа бейім болдым. Қойылымдарға көп барып, сахна аурасына бой үйрете бастадым. Менің сахнадағы ұстазым – Оңталап Нұрмаханов. Бұл кісі көп нәрсені үйретті, менің режиссер болуыма тікелей септігін тигізді. Кім болса да қарамағындағы адамның өскенін, жоғарылағанын қалайды ғой. Ол кісі де мейлінше актерлеріне жағдай жасайды. Кішкентайымнан актерлік өнерге қызықтым. Бәлкім оның да көмегі тиген шығар.– Алғаш сахнаға қалай шықтыңыз?– Алғаш рет сахнаға шыққаным әлі есімде. Бұл ұмытылмас сәттердің бірі деп айта аламын. Қобалжу, жүрек дүрсілі барлығын ұмыту оңай емес. Сондықтан да алғашқы қойылым жаныма жақын. Ол Қанат Жүнісовтің “Алғашқы махаббат” спектакліндегі әскерден келген Батырдың рөлі. Ақын, режиссер Оңталап Нұрмахановтың &nbsp;мектебінен шықтық. “Жастар” театрының жұмыс істеп жатқанына – 5 жыл. Ол театрдан үйренгенім көп. Қызығушылығым, өнерге деген махаббатым арта түсті. Режиссерлік шешімдерге қызықтым. “Былай жасаса қалай болады” деген идеялар режиссерлікке алып келді.– &nbsp;Бұған дейін жастар театрында жұмыс істедіңіз. Қызмет ауыстыруға не түрткі болды?– “Жастар” театрында бір жарым жылдай жұмыс істедім ғой. Облыста, қалада өткен түрлі мәдени іс-шараларға, байқауларға қатыстым. Несін жасырайын, Ш.Төлепова атындағы Қармақшы аудандық мәдениет үйі жанынан құрылған Халық театрыныңрежиссерлік штаты бос тұр деген хабар жетті. Оған мені Оңталап аға ұсынса керек. Үйдің кенжесімін. Отбасыма қолғабыс ететін уақыт келді. Қарашаңыраққа ие болу – менің міндетім. Сондықтан мүмкіндікті құр жібергім келмеді.– Бір қойылым қанша уақытты талап етеді?– Сахнаға спектакльді алып шығу оңай емес. Бір сағаттық спектакль бір жыл уақыт алатын сәттер де болады. Себебі дайындық соны талап етеді. Оның үстіне аудандарда актерлік білімі бар кәсіби мамандар жоқ. Кім сахнаға бейім, кімге қойылым ұнайды, соларды іріктеп аламыз. Ең бірінші сценариймен режиссер танысып шығады. Оның өзі айтарлықтай уақытты талап етеді. Суретшімен, декорациясымен ақылдасу керек. Ал ауданнан сол рөлге лайықты адамды тауып, дайындауды ойлаңыз. Аз дегенде 2-3 ай уақыттың кететіні анық. Бізде ертең спектакль қою керек дегенге шыға салатын театр мамандары жоқ. Мұны да ескерген жөн шығар.– Ауданда спектакльге дайындалу, актер дайындау қиындық тудырмай ма?– Мәселен, актерлар жалақысын алады. Сондықтан олар жұмыс ретінде үйреніп кеткен. “Бұл менің жұмысым” деп қабылдайтындар бар. Ал аудандарда рөлді арасында бір сомдайтын болған соң шынайы бейнелейді. Қойылымға деген махаббат, жақсы көру үлкен рөл ойнайды. Иә, рас айтасыз, аудандарда арнайы оқып келген маман болмаған соң қиындық тудырады. Мәдениет үйінде жұмыс істейтін көптеген қызметкерлердің көмегімен біраз қойылым қойдық. Дегенмен де кәсіби маман мен мәдениет қызметкерінің айырмашылығы аспан мен жердей. Бірақ ол кісілердің театрға деген махаббаты ерекше. Өз образын жақсы көріп сомдайды. Бұл – үлкен ерлік.– Актерда образдан шығу деген болады. Сізде көпке дейін образдан шыға алмаған сәт кездесті ме?– Иә, “образдан шыға алмай қалды” деген сөзді жиі естимін. Бұл біреудің өміріне түбегейлі еніп кету дегенді білдірмейді ғой. Ойнаған актердің сөйлеу стилін, жүру, киіну тәртібін үйреніп алып, біразға дейін серік етуің мүмкін. Бірақ менде ондай жағдай кездеспепті. Бәлкім мен ондай рөлді сомдамаған шығармын. Өйткені образдан шыға алмау сәті &nbsp;ауыр сәттерде кездеседі.– “Театр – шахмат, ал актер пешкі ме? Жоқ! Әр актер өзіне бекітілген рөлдің авторы” дейді А.Әшімов. Ал сіздіңше актер деген кім?– Актер – шығармашылық адамы. Ондай адамдардың қолы да, ойы да бос болмайды. Бір сөзбен айтқанда, миыңда тыныштық жоқ. Қайда барса да уақытты босқа кетірмеу керек. Актер уақытпен санаспайды. “Менде жұмыс уақыты аяқталды” деген түсінік бізде де, сізде де жоқ. Себебі күні-түні ізденісте жүретін адамбыз. Актер 24 сағатта ізденеді. Ол қоғамдық көлік, көше болсын, қай жердеде образ іздейді. Сол образ соның өміріне, жұмысына мамандығына тап болуы мүмкін. Сондықтан актер кез келген жерден образ іздейді. Спектакль көруге келген халық &nbsp;актердің образы арқылы өзінің өмірінде болып жатқан түйіткілді мәселенің шешімін таба алу керек деп ойлаймын.– Бұрынғы мен бүгінгі режиссердің айырмашылығы қандай?– Бүгінгі мен бұрынғы режиссердің айырмашылығы бар. Өйткені бұрынғы режиссер замандарына лайық шешім шығарған. Ал қазіргі режиссер, яки жастардың да, үлкендердің де көңілінен бірдей шыға білуді көздейді. Жас пен үлкеннің толқынын тоғыстыратын, сабақтастық құралы деп алсақ артық болмайды. Себебі біз комедия, драма, трагедия, қасыретнама болсын екі жақтың да толқынын бірдей ұстап отыруымыз керек. Қазіргі жас режиссерлардың бағыты ерекше. Ұтымды сәттері өте көп. Кішкентай детальмен үлкен нәрсе дайындай алады.– Театр режиссері Әділет Аханов “Театрда талантты артистер баршылық. Мұндай өнер ұжымымен кез келген классикалық драмаларды жүрексінбей сахналауға болады” депті.– Таза маманмен яки 60-70 актермен жұмыс жасайтын үлкен театрда ешқандай қойылым қиындық тудырмайды. “Үлкен рөл болмайды, үлкен актер болады” дейді ғой. Рөлді жоғары деңгейде алып шығу актерге, шеберлігіне байланысты. Аудан болған соң, аса ауыр емес пьессаларға жұмыс істейміз. Жоспарымда шетелдік классикалық шығармаларды, мәселен, Шекспирді қойғым келеді. Аудан тұрғындары театрды жиі тамашалайды.– Биылға дайындық барысы қалай? – Жылдық жоспарға сәйкес жылына бір спектакль қойып отырамыз. Биыл Тәуелсіздігіміздің 30 жылдығына байланысты 2-3 пьеса бар. Соларды қазір оқып жатырмын, содан кейін барып таңдауға саламыз. Актерлерге сай келетін пьесаны сахналайтын боламыз.– “Осы образды сомдасам ғой” деген сәт бола ма?– Спектакльдерге қарап отырып, актерлерге қызығып отырамын. “Мына рөл жақсы екен” деп жиі қызығатын сәттерім болады. Өзіме психологиялық образдарды ойнаған ұнайды. Өзіме жақыны комедиялық бағыттар, себебі жеңіл түседі. Кімнің образы жаныңызға жақын десеңіз, комедиялық бағыт. Халықты күлдіртіп отырған сайын ләззат аламын, біз үшін халықтың қошеметінен артығы жоқ.– Сұхбатыңызға рақмет.&nbsp;

Мадияр Махамбетұлы: Бүгінгі мен бұрынғы режиссердің айырмашылығы бар

<a href="https://kyzylorda-news.kz/ru/">Kyzylorda-news.kz</a>. Ескі әңгіме есіме түскені. «Атақты Сырым батыр Малайсары бидің алдына барғанда даңқты би жас батырдың қолына бір түйір шыбық беріп, «сындыр» дейді. Батыр оп-оңай сындыра салады. Содан соң бір уыс шыбық беріпті де «Енді көрші» деген екен. Сырым батыр сәл қиналыңқырап сындырады. Сонда шешен «Бірлігі мықты елді жау ала алмайды. Бұл – соның мысалы еді» деген екен.&nbsp;Сол сияқты біздің мемлекетіміздің алар асуы тек бірлікпен ғана алынады. Мекемеміздің басты бағыты да – осы. Аталған салада жүріп, талай қызықты көресің. Аңқылдаған ағеден елдің арасында небір тағдыр бар. Дастарқанындағы бір түйір нанды бөліп жеп, бақытты болып отырған шаңырақтарды көресің де, е, «біз шынында бақыттың не екенін пендешілікке салынып, ұғынбай кетеді екенбіз» деген ойда қаласың» деп бастады қармақшылық жас Ақтолқын Алтынбайқызы.Бұған дейін жастар арасында түрлі жобалардың бел ортасында жүретін жас маман бүгінде Қоғамдық келісім мекемесінің аудандағы өкілі. Жай ғана өкілі емес, сарапшы маман. Уақыт тауып, аз-кем сұхбаттасқан едік…– Ақтолқын Алтынбайқызы, аудандағы ахуалға қандай баға берер едіңіз? Қармақшы өңірінде көпұлтты деген сөз ойға келсе, ІІІ Интернационал ауылы еске түседі. Қоғамдық келісім өз міндетін қаншалықты атқарып жүр?– «Ынтымақ қайда болса, ырыс сонда барамын депті». Қазақтың бірлік болмай, тірлік болмайдысы сияқты. Төбемізде бір шаңырақ, соны мекен еткен елміз. Ал шаңырағы мен табалдырығын қадірлейтін ел «табалдырықтан биік тау жоқ» деп бекер айтпаса керек-ті. Қазір сол табалдырықтан кіріп, елдің арасына сіңісіп кеткен өзге ұлт пен ұлыс өкілдері ұлттық салт-дәстүрімізге дейін біледі. Тарихымыз да тұтасып келеді, тіршілігіміз де бірге өтіп жатыр. Сондықтан ахуал дегеніңіз кісі сүйсінерліктей.ІІІ Интернационал ауылы деп отырсыз. Қармақшы ауданында 1000-нан аса этнос өкілдері тұрады. Олардың басым көпшілігі ІІІ Интернационал ауылдық округінде шоғырланған. Біз олардан еңбектенуді үйренуіміз керек. Маңдайы күнге күйіп, табаны жерге тілінген олар диқаншылықпен, мал шаруашылығымен, наубайхана ісімен айналысып отыр. Тынбай тіршілік істеп, өз несібелерін теріп жеп отырған қарапайым жандар. Аудан аумағында қызмет ете жүріп, бұдан бұрын да талай шараның басы-қасында болдық. Менің түйгенім, ел болып бірігуден артық бақыт жоқ екен. Әйтпегенде, аузымыздағыдан қағыламыз. Төртеу түгел болайық, сонда ғана төбедегіге қолымыз жетеді. Бұл – ІІІ Интернационалдағы ұстаным.– Әрбір жыл сайын атқарған ісімізге қарап, өзімізге есеп беріп жатамыз. Өткен жылы бұл салада қандай жұмыс атқарылды? Қысқаша тоқталсаңыз…– Бүкіл қазақстандық бірліктің бірегей моделін қалыптастыруда Қазақстан халқы ассамблеясы маңызды рөл атқарады. ҚХА басты міндеті – &nbsp;мемлекеттік ұлттық саясатты іске асыру, Қазақстан Республикасындағы қоғамдық-саяси тұрақтылықты қамтамасыз ету, мемлекеттік және азаматтық қоғам институттарының этносаралық қатынастар саласындағы өзара іс-қимылының тиімділігін арттыру. Біз осы бағытта жұмыс істеп келеміз. Аудан аумағындағы тазалық жұмыстарынан бастап, мемлекеттік саясатты қолдауға дейінгі аралықтағы барлық іске қатыстық. «BIRGEMIZ»: «TAZA QAZAQSTAN» жалпыұлттық акциясы, «Мен – елімнің патриотымын», «PIZZA PARTY», «Ұлттық ойын – халық мұрасы», «Болашағымыздың тұтқасы – жастар», «Қарты бар елдің – қазынасы бар», «Ұлт достығы – татулықтың тал бесігі» атты шаралар өтті. Оның сыртында қарттармен кездесу, жастармен жүздесу, дін өкілдерімен халықты толғандырған тақырыптар бойынша сұқбат тәрізді мәселелерді біз айналып өткен жоқпыз. Аудандағы барлық ұйымдар, бөлімдер мен мекемелер, аудандық газеттің редакциясы қай істе де бірге бас көтеріп, әрбір шараның тағылымды, алар тәлімі бар дүние болуына еңбек етудеміз. Тіпті шаралар біткенде соңынан арнайы келіп, алғысын айтатын болмаса өзін толғандырып жүрген кей мәселелерімен бөлісетін жандар да жеткілікті.– Алда қандай жоспарлар бар? Жаңа жылдың алғашқы тоқсанын да түйіндеп қалдық…– Уақыт – жүйрік. Кейде ауқымды шараларды өткізгің келген қарбаласта сол жүйріктік екі есеге артып кететіндей көрінеді. Алда біз ұлттық құндылықтар, отбасы институты тәрізді дүниелерге көп мән бергіміз келіп отыр. ҚР Тұңғыш Президенті – Елбасы Нұрсұлтан Әбішұлы Назарбаевтың «Болашаққа бағдар: Рухани жаңғыру» бағдарламалық мақаласында айтылғандай, біз өз болмысымызды қайтаруымыз керек. Отбасылық қадір-қасиетті ұғынып өсетін ұландарды тәрбиелегеніміз ләзім. Одан бөлек, қолөнер дегенде күмілжіп қалатынымыз бар. Қолынан іс келетін ісмер әжелеріміз де қартайды. Ал олардың соңынан сол өнерді алып қалған жастар бар ма? Бұл біздің өңірдегі қазақтың ғана емес, барлық ұлттың мәселесі. Сондықтан шеберлердің үйіне барып, жастар оқитын ерекше дүниелердің тізімін алғымыз келіп отыр. Киіз үй тігетін жанды да қазір шаммен іздейсіз. Заманауи етіп жасауға болады ғой. Біз өз бағытымызға икемдеп, осындай шараларды ойға алып отырмыз. Біздің өңірде басқа аймақтардағыдай тіл мәселесі жоқ. Асылы Осман апайымыз «Мен Қазақстанда тұрып, өз ана тілімді білмесем, ештеңе емес. Қазақ тілін, осы елдің мемлекеттік тілін білмесем – күнә» деп айтқан екен. Біздің көпұлтты елімізде осындай берекелі тірлік жалғасын таба берсе деп тілеймін.– Сұхбатыңызға рақмет! &nbsp;

Ақтолқын Нұрмағамбетова: Ынтымақ қайда болса, ырыс сонда

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың жіті назар аударып отырған басым бағыттарының бірі – ел тұрғындарын газбен қамтамасыз ету. Иә, қидың қызуы мен көмірдің шоғына жылынатын уақыт келмеске кетті. Дейтұрғанмен, ауданда әлі табиғи газдың иісі жетпеген елді мекендер бар екенін мойындауымыз керек.Халыққа ең қажеттісі әрине, көгілдір отын. Себебі қатты отын бағасының жыл сайын шарықтауы ауылдағы ағайынға ауырлық туғызып жатқан жайы бар. Бүгінде газбен қамтылмаған аймақтарды газдандыру жұмысы жүйелі түрде қолға алынып, сәйкесінше қажетті қаражат сомасы да қарастырылып жатыр. Шиелі ауданына қарасты ауылдардың ішінде ең алғашқы болып көгілдір отынның игілігін 2018 жылы Ы.Жақаев ауылының тұрғындары көргені есте. Кейін бұл тізімге Бидайкөл, Байсын, Н.Бекежанов, Ақмая, Алғабас және Ш.Қодаманов ауылдары да қосылды. Осылайша аудан халқының 68 проценті көмір тасып, пеш жағып, күл шығару секілді күйбең тұрмыстың күнделікті бейнетінен арылды.Уақыт еншісінде тұрған алдағы жоспарды білмекке аудан әкімінің баспасөз хатшысына байланысқа шықтық. Ол бізге жалпы құны 4 млрд 900 млн теңге болатын 7 жобаның жүзеге асырылуына қам жасалып жатқанын жеткізді. Жиделіарық, Еңбекші елді мекендеріне газ жүйесін тарту үшін 442 млн 513 мың қаржы бөлінгенін, Алмалы, Телікөл, Ақтоған, Бестам ауылдық округтерінің жоба-сметалық құжаттары тиісті министрлікке жолданғанын да тілге тиек етті. Сонымен қатар Тартоғай елді мекенінің тұсынан Мұстафа Шоқай автоматтандырылған газ бөлу стансасы құрылысын жүргізуге республикалық бюджеттен 2,1 млрд теңге бөлініп, құрылысы жүргізіліп жатыр деген мәліметті ұсынды.Осы тұста ақжолтай жаңалықты жеткізуге асықпыз. Көрген жанның көз жауын алып, бауырында аң-кұсы өрген асқаралы тауымен, ел жайлаған ен тоғайымен, төрт түлік малға құт болған құмымен ерекшеленген Еңбекші ¬ауылында газ тарту жұмыстары ¬басталды. Айта кету керек, бұл елді мекеннің кейінгі жылдары әлеуметтік әлеуеті жақсарып, тұрмысы өркендеп, елдің еңсесі көтеріліп, ауыл келбеті түрленіп, гүлденіп өзіне тарта бастады. Бүгінде сол байлықтың бағасын асырып, ел ырысын еселеп отырған ауыл халқының талпынысына іштей сүйсінесің. Дәл қазір Еңбекші ¬ауылына газ тарту жұмысы қарқынды жүріп жатыр. Наурыз айының басынан басталған құрылыс-монтаждау жұмыстары жоспарға сәйкес тамыз айында аяқталмақ. Газ құбырын және арамішілік газ тарату желілерінің құрылысын «Жаңа Құрылыс Групп» ЖШС жобалап, ал «MSK Engineering» ЖШС техникалық жағынан қадағалауда. «Гульнур МК» жауапкершілігі шектеулі серіктестігі арық қазып, ауылға қарай газ құбырын тартуға кірісіп кетті. Еңбекшіде 302 түтін бар. Тұрғын саны 1832-ден асады. Қазу жұмыстары басталғанын көрген ауыл тұрғындары енді отын тасып, күл шығаратын бейнеттен құтыламыз деп отыр.Естеріңізде болса, өткен айда аудан әкімі Нұржан Ахатов Еңбекші ауылының тұрғындарымен емен-жарқын пікірлесіп, жұрт көкейінде жүрген біраз мәселені көңіліне түйіп қайтқан болатын. Өткен жылы тау тұрғындарынан жалпы 10 шақты сұрақ, ұсыныс түскенін білеміз. Міне, содан бергі 4-5 айдың ішінде сол сұрақтың біразы нақты шешімін тауып, жылдар бойы көптің көңілін күпті еткен мәселелер өз арнасын тапқан.<blockquote>«Алла сәтін салып, газ тарту жұмыстары басталды. Бұл – ұзақ уақыт бойы күткен үміттің нәтижесі. Біздің ауылдағы тұрғындар бұл шаруаның расымен жүзеге асып жатқанын көріп, көмірден газға көшуге бел буғанын айтады. Биыл газ тартылатынына сенбейтіндер де болды. Аудан әкімі Нұржан Ахатов ауылға биыл газ жететініне сөз берген еді. Мінекей, біз айтылған уәденің орындалып жатқанын, жұмыстың нәтижесін көріп отырмыз. Өте ризамыз», – дейді Еңбекші елді мекенінің тұрғыны Мұхамедқали Бекқожаев.</blockquote>

Көпті қуантқан көгілдір отын

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары 40 келі марихуана сақтағаны үшін 4 жылға дейін бас бостандығынан айырылды.Өткен жылдың мамыр айында Луговой станциясында көлік полицейлері жедел-іздестіру іс-шараларын жүргізу барысында қызметтік-іздестіру итін қолдана отырып, Жамбыл облысының Қарасу станциясының күзетілетін өткелінде 23 жастағы жүргізушінің басқаруымен Lada-2114 автомакөлігін анықтап тоқтатады. Көлікте Қызылорда облысының 3 тұрғыны болған. Тексеру кезінде автокөліктің жүксалғышынан 3 қапшықтан өлшеп оралған өсімдік тектес зат табылып тәркіленді.&nbsp;Сараптама қорытындысына сәйкес, тәркіленген зат жалпы салмағы 40 келі 380 грамм кептірілмеген марихуана есірткі заты болып шықты.&nbsp;Ұсталғандардың айтуынша, олар Астанадан Қызылорда облысына бара жатқан, Жамбыл облысында теміржол өткелдерінің бойында өсіп тұрған жабайы қарасораны Қызылорда облысына жеткізіп және одан әрі пайдалану үшін жинап алған. Аталған дерек ҚР ҚК-нің 296-бабы 4-бөлігі (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) бойынша сотқа дейінгі тергеу жүргізілді. Тараз қаласының мамандандырылған сотының шешімімен күдіктілер 3,6 және 4 жылға бас бостандығынан айырылды.Динара МАХАНОВА

Архив