Kyzylorda-news.kz. «AMANAT» партиясынан Қызылорда облыстық мәслихат депутаттығына кандидаттардың сайлаушылармен кездесуі жалғасуда. Бүгін партиялықтар «ҚТЖ-Жүк тасымалы» Қызылорда теміржол бөлімшесінің ұжымымен кездесіп, үгіт жұмыстарын жүргізді.Қазақстанның заманауи экономикасының қалыптасуында теміржол саласының маңызы зор. Республиканың орасан зор аумағын, көптеген өндіріс салаларындағы жүк көлемінің ауқымын ескерсек, жүк тасымалындағы бұл сала мемлекетіміздің негізгі тұғыры, еліміздің өндірістік күшін біріктіруші тетік деуге толық негіз бар.&nbsp; Жиын барысында облыстық мәслихат депутаттығына үміткер Батырхан Базарбаев: «Теміржол саласы үнемі жаңашылдықтарды қажет ететін сала. Жүк және жолаушы тасымалы ыңғайлылық үшін технологияларын үнемі дамытып отырады.Соңғы жылдары сала айтарлықтай дамыды. Еліміз бойынша 2 мың шақырымнан астам жаңа темір жол учаскелері салынды. Көлік-логистикалық орталықтар жедел қарқынмен бой көтеруде. Отандық және шетелдік жүк жөнелтушілер үшін жаңа тартымды бағыттар құрылуда. Ғасырлық тарихы және ертеден келе жатқан сара жолы бар Қазақстанның теміржол көлігі – бұл ел экономикасының берік және сенімді іргесі»,-деді.Ал келесі облыстық мәслихат депутаттығына үміткер Нәжмадин Шамұратов Мемлекет экономикасының басым бөлігі шойын жолмен тікелей байланысты десек те артық болмастығын айта келе, партияның сайлауалды бағдарламасына тоқталып, көпшілікті толғандырған сауалдарына жауап берді. Соның ішінде, әлеуметтік қамсыздандыру, ана мен баланың құқығының қорғалуы, білім мен денсаулық саласына қатысты сұрақтар қойылды. Түйіндей келе, Тәуелсіздік алғаннан кейін елімізде 2556,5 шақырым темір жолдың салынуы – Мемлекетіміздің өркендеуіне сеп болды. Сол арқылы темір жол желісін оңтайландыруға мүмкіндік берді және елдің жүк тасымалына жұмсалатын уақытын қысқартты. Осылайша, жүк жөнелтушілердің көліктік шығындары айтарлықтай үнемделді», -деп атап өтті үміктер өз өзінде.Кездесу барысында үміткерлер ұжым қызметкерлерін 19 наурызда &nbsp;«AMANAT» партиясын қолдап, дауыс беруге шақырды.Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді<img src="https://knadmin.beoblood.kz/uploads/IMG_20230307_WA_0038_848d0296b7.jpg" alt="IMG-20230307-WA0038.jpg"><img src="https://knadmin.beoblood.kz/uploads/IMG_20230307_WA_0037_c60f39d1f0.jpg" alt="IMG-20230307-WA0037.jpg">

Темір жол — экономиканың күретамыры

<a href="https://kyzylorda-news.kz/">Kyzylorda-news.kz.</a> Халықты жұмыспен қамту орталығына жұмыс іздеуші ретінде Қазалы ауданы бойынша 29 жасқа дейінгі 3337 жұмыссыз жас хабарласқан. Одан 751-і жұмысқа, әлеуметтік жұмыс орнына 10-ны, жастар практикасына 365-сі, ақылы қоғамдық жұмысқа 431 жас орналасқан.&nbsp;«Бастау-Бизнес» жобасымен кәсіпкерлік негізде 1008-і, «Алғашқы жұмыс орнына» 17-сі, «Ұрпақтар келісім шарты» жобасына 5-еуі, қайта даярлау курсына 18-і барса, 159 жас мемлекеттік грант алып кәсіптерін ашуда. Солардың қатарында Үміт Қазанбайқызы да бар. Ол 2021-2025 жылдарға арналған кәсіпкерлікті дамыту жөніндегі ұлттық жобаның екінші бағыты «жаппай кәсіпкерлікті дамыту» бойынша жаңа бизнес-идеяларды іске асыруға арналған мемлекеттік өтеусіз грант 1 225 200 теңге алды. Қайтарымсыз қаржыға 1 шаңсорғыш, 2 тазалау жабдық жинағы, 2 қорғаныш құралдары, 2 шикізатқа қол жеткізіп, «WATER» тазалау қызметін ұйымдастыру орталығын іске қосты.<blockquote>«Қазіргідей технология көз ілеспестей дамып жатқан уақытта қандай да бір жаңашыл дүние ұсынсаң ғана халықтың ықыласына бөленесің. Сондықтан заман талабына сай шаруаны қолға алғым келетін. Соңғы кездері барлығымыз күйбең тірліктің жетегіне еріп, кейбір атқарылуы қажет жұмыстарға шамамыз жетпей қалып жатады. Әсіресе нарықтың қыспағына төтеу үшін әйелдер де күні бойы қызмет етіп, үй шаруасына уақыт бөле алмай қалады. Сондықтан клининг орталығын ашуды жолға қойдым. Бұл қызметтің ішінде тазалау, жуу, яғни клинингтік қызмет бар. Мұндай компаниялар шет елдерде жақсы дамыған. Бізде үлкен қалаларда осындай орталықтар бар. Кәсіпкерлікте клининг қызметінің түрлері қандай, оны ашу үшін не қажет, қалай бастау керек деген сауалдар туындады. Клинингтік қызметті бастау үшін төмен мөлшерде қаражат пен тазалау жабдығының аз көлемі ғана қажет. Алайда клинингтік қызметті жолға қойғанда арнайы жабдық, орынжай мен жұмысқа қабілеті жоғары мамандар қатары қажет болады. Мұндай компанияға салынатын қаражат көлемі де ауқымды. Әзірге алғашқы қадамымды шағын орталықпен бастаудамын», – дейді жас кәсіпкер.&nbsp;</blockquote>Бүгінде жеке кәсібін ашуды, өз уақытын өзі басқаруды қалайтын жандардың қатары артуда. Мемлекет тарапынан да қолдау ретінде түрлі мүмкіндіктер енгізілген бағдарламалар бекітілуде. Мәселен кәсіпкерлер палатасының «БастауБизнес» жобасы секілді оқыту курстары тұрақты түрде жүргізіліп келеді.<blockquote>«Кәсіпкерлік негіздері туралы білім алуға келген азаматтардың көбі бизнес-идеяны курстан өту барысында ойға алады. Осы ретте бастапқы қаражаты мен тәуекелі аз жобалардан алатын тәжірибе мол болатындығын ескерген мемлекет бағдарламасына көпшіліктің алғысы шексіз. Олардың қатарында мен де бармын. Мұндай берілген көмек өз ісін бастау үшін қаражаттан қысылғандарға үлкен демеу болуда. Сондықтан маған қолдау және бағыт-бағдар көрсеткен сала мамандарының ықпалына ризашылығымды білдіремін», – дейді Үміт Қазанбай.&nbsp;</blockquote>Соңғы уақыттары елде сауда және қызмет көрсету салалары кеңінен қолға алынуда. Жұмысқа орналастыру қызметі, түрлі жеке қызмет көрсету салаларының даму қарқыны бар. Жалпы клинингтік компаниялар 3 түрге бөлінеді екен. Бірі пәтер мен кеңсе тазалауға бағытталса, екіншілері коммерциялық жылжымайтын мүліктерге күн сайын қызмет көрсетуді қолға алады. Ал енді үшіншілері қызметтің бір ғана түрін таңдайды. Мәселен, кілем жуу, киімдерді химиялық тазалау қызметін ұсынады. Мұндай компанияның ісі алға басып, үлкейген сайын, оның көрсететін қызмет түрлері де артады. Кім болса да қолға алған шаруасын ұршықша иіріп, дамығанын қалайды. Бүгінгі жаңашыл кейіпкеріміздің де алға қойған жоспары көп. Қай кезде де алдына нық мақсат қойып, үмітін үзбейтін Үміт осы ісін тоқтатпай, ауқымын кеңейтуді көздеп отыр.

«Бастау-Бизнес»: Қазалыда 159 жас мемлекеттік грантқа ие болды

<a href="https://kyzylorda-news.kz/">Kyzylorda-news.kz.</a>&nbsp; Таяуда аудан әкімі Серік Сермағамбетов жұмыс сапарымен бірнеше ауылдарды аралаған болатын. Аудан басшысы жұмыс сапарында алдымен Аманөткел ауылдық округіне қарасты Аққұлақ елді мекенінде болып, жол құрылысының барысымен танысып өтті.&nbsp;Ауыл тұрғындарының бірнеше жылдан бері көтеріп келе жатқан жол мәселесі биыл шешімін тауып жатыр. Яғни, жалпы ұзындығы 8 шақырымды құрайтын ауылға кіре беріс автомобиль жолының қаржысы республикалық бюджеттен қолдау тауып, жеңімпаз мердігер мекеме анықталған. Ал жобаның жалпы құны – 688,4 миллион теңгені құрайды. Бүнігі күні тиісті жұмыстарды атқаруға республикалық бюджеттен 205 миллион теңге қаржы бөлініп, аталған құрылысты «Строй Модуль – Астана» ЖШС жүргізеді.Ауыл ақсақаладары ел үшін жағымды жаңалыққа ризашылықтарын білдіріп, батасын берді. Осы тұста аудан әкімі Серік Сағитжанұлы жауапты бөлімге құрылысты сапалы әрі уақытылы орындауды тапсырды.&nbsp;Мұнан кейін аудан әкімі Жаңақұрылыс ауылдық округіндегі 21 шақырымды құрайтын «Самара-Шымкент-Қамыстыбас-Аманөткел-Жаңақұрылыс» автожолының құрылыс барысын бағамдады. Бұл нысанның жұмыстары 2021 жылы бастау алған болатын. Жобаның жалпы сомасы 1 млрд. 534 миллион теңгені құраса, тиісінше 2021 жылы 225 миллмон теңге, 2022 жылы 680 миллион теңге бөлінсе қалған 458 миллион теңгесі биыл қаралған. Қазіргі уақытта жолдың астыңғы қабат жұмыстары толығымен аяқталып, бүгінде қалған жұмыстар жалғасуда. Ағымдағы жылы автожол пайдалануға берілмек.&nbsp;Кезекті жұмыс сапары барысында аудан әкімі С.Сермағамбетов 2022-2024 жылдарға арналған «Ауыл шаруашылығын дамытудың Жол картасының» орындалуын саралады. Соған сәйкес бүгінде ауданда ілкімді істер атқарылып жатыр. Мәселен, 2022 жылы ауданда 704,2 гектар егін орналастырылса, биыл егін көлемін 1500 гектарға арттыру көзделуде. Аталған жол картасына орай Қамыстыбас пен Аралқұм ауылдық округтері әкімдіктері бірлесіп Қамыстыбас көлінен Тоқпай көлін толтыру бағытында жасалған каналдың жұмысымен танысты. Бұл гидронысан бюджеттен тыс қаржы көздерінен, яғни кәсіпкерлердің қолдауымен жүзеге асқан. Нәтижесінде Аралқұм ауылдық округі тұрғындарының егін шаруашылығымен және тоғанды балық шаруашылығымен айналысуына мүмкіндік туындап, тиісінше бекітілген жерлерді игеруге инвестор тарту көзделуде.&nbsp;Аудан әкімі ауыл тұрғындарыммен кездесуде іске қосылған канал арқылы ендігі кезекте ауыл шаруашылығымен айналысатын шаруалардың саны артқанын жеткізді. Сондай-ақ диханшылықпен айналысамын деушілерге мемлекеттік қолдаулар мен бағдарламалардың тиімділігін баяндап, баға тұрақтылығын қамтамасыз ету мақсатында жергілікті өнімнің маңыздылығын айтып, ауыл тұрғындарының бастамаларына сәттілік тіледі.

Аралда жаңа жобалар қолға алынды

<a href="https://kyzylorda-news.kz/">Kyzylorda-news.kz.</a> Қоғамда қай қызметке болмасын құрмет болуы керек. Өйткені өркениетті алға жетелеп, экономиканы еселеп арттыруда әр саланың айрықша қолтаңбасы бар. Ал сол саланың жаны мен қаны еңбек адамдары. Сондықтан әрбір еңбек адамына құрмет көрсету еліміздің басты ұстанымына айналып келеді. Біз 8 наурыз – Халықаралық әйелдер күні мерекесі қарсаңында қоғамға қызмет етіп жүрген нәзік жанды жайында айқтымыз келді.Погонды ару. Әдетте бұл сөз құлаққа шалынса нәзік жандылар үшін полиция болу қаншалықты дұрыс және мұндай салада әйелдер жұмыс жасай алама деген заңды сауал туындайды. Десе де мұндай қызметте талмай еңбек етіп жүрген нәзік жандылар жетерлік. Бүгінгі тақырып иесі қайсар мінезді, погонды ару Арал ауданының Полиция бөлімінің жергілікті полиция қызметі бөлімшесінің ювеналды полиция тобының аға учаскелік полиция инспекторы полиция майоры Сермағамбетова Алма Аманкелдіқызы.Осы салада 10 жылдай уақыттан бері еңбек етіп, құқық қорғау органдарындағы міндетін абыроймен атқарып келе жатқан АлмаСермағамбетова бүгінде бала кездегі арманын ақиқатқа айналдырған жан.Полиция майоры Алма Аманкелдіқызы Ішкі істер органдарындағы қызметін 2013 жылдан кәмелетке толмағандар істері жөніндегі учаскелік полиция инспекторынан бастап, 2014 жылы әкімшілік полиция бөлімшесінің әкімшілік практика тобының инспекторы, ал 2021 жылдың қазан айынан бастап қазіргі қызметін абыройлы атқаруда. Елдің тыныштығы мен жүйенің қалыпты жұмыс істеуі жолында табанды еңбек етіп келе жатқан погонды арудың бұл саладағы жұмысы одан әрі де жалғаса бермек. Себебі ол өз қызметін жақсы көреді және жоғары бағалайды. Бала кезден басталған арман бүгінде Алманың жан қалауы деуге болады.<blockquote>– Бала кезімнен бастап полицияда қызмет етуді армандадым, осы қызметке келген соң маған қанат бітірген әкем Сағитжанның әрдайым айтып отыратын жылы сөзі мен сенім артқан үміті болатын. Мен әрқашан әкемді мақтан тұтамын, қызмет таңдау бойынша еш өкінбеймін, қазірде жақындарым қасымнан табылып, қызметіме қолдау көрсетуден еш аянбайды.Осы қызметке келіп, қоғамдық тәртіпті сақтау бағытындағы қызметіме, Отанымыздың гүлденуіне үлес қосқаным үшін олар тілектес, – деп жылылықпен сөз етеді қайсар мінезді погонды қыз Алма.</blockquote>Қызмет ауыртпашылығын көтере білетін, ер азаматтармен қатар қызмет атқарып жүрген Алма өзін үлгілі қызметкер, білікті маман ретінде таныта білетін қызметкерлердің қатарында.

Пагонды ару    

<a href="https://kyzylorda-news.kz/">Kyzylorda-news.kz.</a> Халықаралық әйелдер мерекесіне орай Қызылорда қаласындағы қауіпсіздігі барынша төмен №37 мекемесінде жаза мерзімін өтеп жүрген азаматшаларда назардан тыс қалмады. Мекеменің тәрбие бөлімінің ұйымдастыруымен мерекелік шара өтіп, мерекелік құттықтау тілектері айтылып, гүл шоқтары ұсынылды.Халықаралық әйелдер мерекесіне орай, әйел азаматшаларға арнап, мекемедегі жазасын өтеушілер белсенділік танытып, ер азаматтар арасынан бірі өлең оқыса, бірі ән айтты.&nbsp;<blockquote>«Қазіргі таңда мекемеде 13 азаматшаны жазасын өтейді. Сотталғандардың барлығы мекеменің ішкі күн тәртібіне бағынып, мерекелік мәдени шараларға белсене қатысады. Жаза басып жаңылған азамат пен азаматшаларды қайта қоғамға бейімдеуге тәрбиелік жұмыстар үздіксіз жүргізіліп тұрады. Әр мереке сайын спорттық шаралар, тренингтер, психологиялық көмектер, мәдени шараларды өткіземіз. Мәдени орындарға, облыстық кітапханаларға да жиі апарамыз. Біздің басты мақсатымыз – сотталғандарды қоғамның толық құқылы мүшесі әлеуметтік мәртебесін қалпына келтіруіне, қоғамда өз бетінше өмір сүруіне оралуына көмектесу», – деді тәрбие бөлімінің бастығы А.Уайдаев.</blockquote>Шара барысында сотты болған азаматша өз алғысын білдірді.&nbsp;<blockquote>«Темір торда отырғаныма бір жылға жуықтады. Жазамды өтей жүріп бостандықтың, отбасымның қадірін түсінеді екенсің. Қиын болғанымен қылмыстың өтеуі жаза екенін білеміз. Мекеме қызметкерлері құқықтық көмек көрсетіп, мәдени шараларға қатыстырғанымын отбасыңның жанында жүргеніңе жетпейді. Мерекеге орай жақсы көңіл күй сыйлап, жылы лебіздерін білдірді. Жазамды өтеп отбасыма тезірек оралсам деген арманым бар», – сотталған азаматша.</blockquote>

Қызылордада сотталғандар арасында мерекелік шара өтті

<a href="https://kyzylorda-news.kz/">Kyzylorda-news.kz.</a> Қазір дәстүрлі емес ауыл шаруашылығы саласына қолдау көп. Кәсіп ашып, пайда тапқысы келген адамға ара өсіріп, бал өндіру, құс пен мал бағып, кәсіп бастауға болады. Тек ерінбей еңбек етсе болғаны.Бүгінде елімізде бөденені өсірушілер саны көбейген. Тіпті кейбір дамыған елдерде бөдененің жұмыртқасын балабақшаларда ас мәзіріне енгізген. Өйткені, жұдырықтай жұмыр құстың жұмыртқасы балалардың талма, демікпе сынды дертіне ем. Оны медицина саласы да мойындап, науқастардың &nbsp;созылмалы өкпе ауруы, туберкулез, гастрит, асқазан, жүрек-қан тамырлары ауруларына қарсы қолдануға кеңес береді.Мемлекет ұсынған тиімді бағдарламаны пайдаланып, шағын кәсібін ширатып жүргендер көбеюде. Солардың бірі – жаңақорғандық Нұрайлым Жамалдин. Ол былтырдан бері құс өсіріп, өнімін аудан тұрғындарына ұсынып келеді.<blockquote>«Өзім жұмыссыз болған соң үйде құр отырғым келмеді. Жолдасыммен ақылдасып, бизнес бастамақ болдым. Осылайша мемлекет ұсынған бағдарламаларды тиімді пайдаланып, құжаттарымызды дайындадық. Былтыр күзде 2021-2025 жылдарға арналған кәсіпкерлікті дамытудың ұлттық жобасы аясында қайтарымсыз грант ұттым. Жалпы сомасы – 1 млн 225 мың теңге. Осы қаражатқа бөдене және оны өсіруге қажетті инкубатор жабдықтарын, арнайы торлы орын мен түрлі дақыл араласқан жем сатып алдық. Қазір жұртшылық бөдене еті мен жұмыртқасының емдік қасиетін жақсы біледі. Ойлау қабілетін арттырып, түрлі жұқпалы аурулардан қорғайды. Дәмі де бөлек, ұзақ сақтауға да төзімді. Негізі ғылымда бөдене жұмыртқасын қарт кісілер мен балаларға, аяғы ауыр немесе жас аналарға көптеп тұтыну керектігін айтады. Әсіресе, бойында әлсіздік бар адамдарға бөдене өнімдері пайдалы», – дейді кәсіпкер.</blockquote>Бүгінде Нұрайлымның 200-ге жуық бөденесі бар. Олардан күніне 50-60 жұмыртқа алып отыр. Аудан тұрғындары кәсіпкерлердің шағын цехынан өнімді емдік қасиеті үшін сатып алады. Ал дәмхана иелері тағамдық мақсатта тапсырыс береді екен. Бір данасы – 50 теңге. Нұрайлым алдағы жаз айларында бөдене шаруашылығын кеңітпекші. Сондай-ақ күркетауық пен өзге де құс түрлерін өсіруді қолға алмақ.<blockquote>«Былтыр осындай шағын кәсіп бастаған аудан тұрғындары көп болды, 360 адам түрлі бағыттағы кәсіп ашу үшін мемлекеттік бағдарламалар арқылы қайтарымсыз қаржы алған. Оның ішінде 285 адам 1 млн 225 мың теңге көлемінде грант ұтса, 75 тұрғынға 612 мың теңгеден мемлекеттік қайтарымсыз қаражат берілді. Биыл да Жаңақорған ауданында жаңа бизнес-идеяларды іске асыру үшін әр адамға 400 айлық есептік көрсеткішпен, яғни, 1 млн 380 мың теңгеден қаржы беріледі», – дейді аудандық жұмыспен қамту бөлімінің маманы Руслан Мұсатаев.</blockquote>Бөдене бағудың бейнеті көп болғанмен, бүгінде сұранысқа ие кәсіптің бірі осы болып тұр. Кейіпкеріміз тынымсыз бейнеттің зейнеті де болатынын айтады. Нәсібін кәсібінен тауып отырған кәсіпкердің болашаққа құрған жоспары көп. Тек мақсат пен мұратқа еңбек жеткізетінін түсінген ол сапалы өнім арқылы отандық кәсіпті дамытқысы келеді. Сонда ғана істің берекесі ар-тып, кәсіпкерлік кең өріс ала түспек.&nbsp;

Жаңақорғандық кәсіпкер бөдене өсірумен айналысуда

<a href="https://kyzylorda-news.kz/">Kyzylorda-news.kz.</a> Бала кезде сабақтан көңілсіз келсем анам бірден мән-жайды сұрайтын. Қанша жерден айтқың келмесе де бабымды тауып, айтқызбасқа қоймайды. Шешімін білсе оны айтып, білмесе үнсіз тыңдап отыра беретін. «Іште сақтауға болмайды», − деп түсіндіретін бұл ісін.Мұң-қайғыны, уайымды іште сақтамай, бөлісу керек екенін кейін білдік қой. Әдетте ондайды жақын досыңа айтасың. Бірақ қазіргі кезде психолог мамандарға жүгінетіндер көбейді. Сондықтан қазіргі адамдарды не мазалайтынын, жалпы психология не екенін және басқа да сұрақтардың жауабын білу үшін Қызылорда облыстық жастар ресурстық орталығының психолог маманы Гүлжайна Ғабитқызымен сұхбаттастық.– Психолог пен психиатрдың айырмашылығы қандай?– Біздер, психологтар, адамның жанымен сөйлесеміз. Оның моральдік жарақаттары, кішкентай кезінен қалған қорқыныштары секілді терең дүниелерге үңілмейміз. Ол адамның бүгінімен ғана жұмыс істейміз. Ал психиатрлар тереңге үңіледі. Оның бала кезінен бастап бүгінгі күніне дейін зерттеп, қай оқиғадан қандай қорқыныш немесе ауыт¬қушылық пайда болғанын анықтайды. Жалпы Қызылордада мықты психиатрлар бүгінде аз.– Қызылордалықтарды не мазалайды?– Негізінде көбіне психологқа жүгінетіндер – нәзік жандар. Олардың көбі ішіндегісін ешкімге айта алмайды, эмоциясын шығара алмайды. Сондықтан олар қорқынышпен, паникамен өмір сүреді. «Бүгін-ертең мен бір қиындыққа тап болатын сияқтымын», − деген ойлар маза бермейді. Ене мен келін арасындағы кикілжіңнен зардап шегетіндер де аз емес. Мұның әсерінен адам зоб ауруына да шалдығады. Ал мен психолог ретінде сол эмоцияларды, айтылмаған сөздерін шығаруға көмектесемін.Мысалы, адам сөз естісе, кикілжіңге келіп қалса, эмоциясы іште қалып қояды. Оны шығармаса, біреуге өкпе-назын айтпаса депрессияға түседі. Ал депрессия адамның физикалық әл-ауқатына кері әсерін тигізеді, шаршатады. Барлық ауру психосоматикадан басталады деп бекер айтылмаған ғой. &nbsp;Зоб − іштегісін айта алмағаннан, өкпе-бауыр ауруы − өкпелеген немесе ренжігеннен пайда болады. Сосын бізде үйдің үлкен ұлына көп жауапкершілік жүктеу деген бар. Соның әсерінен ол адамның жұлыны, мойыны мен арқасы ауырады.– Соңғы уақытта психологқа жүгінетіндер қатары неге көбейді?– 2000 жылға дейін Қазақстанда барлық адам күндіз-түні еңбек етті. Еңсесін енді тіктеп келе жатқан елде бейқам өмір сүру қиын еді. Сол жылдары туған балалар өздері өсті. Ата-анасы қашан көрсеңіз жұмыста жүретін. Кейінірек адамдар бір-бірімен араласу керек екенін, қарым-қатынастың маңызын түсіне бастады. Күйеуімен, балаларымен, отбасы мүшелерімен сөйлесу қажеттігін білді. Оларды «Мен қандаймын? Мен қалай өмір сүргім келеді? Маған не кедергі?», − деген сұрақтар мазалай бастады. Осы сұрақтардың нәтижесінде олар өмір тек ақша табудан тұрмайтынын, өзін жақсы көруді, өзінің ойындағыдай өмір сүруді қалады. Қазір тіпті ер адамдар да психологқа жүгінетін болды. Өйткені олар да отбасының қамы үшін, берекелі шаңырақ үшін еңбек етіп жүріп, қарым-қатынасты бұзып алғанын түсінді. Қанша ақша тапса да өзін жайлы сезіне алмады. Сондай-ақ бұл өмірдегі миссиясын анықтағысы келетіндер қатары артты. Міне, осының барлығы психологқа жүгінуге себеп болды.– Адам қай кезде психологқа жүгінуі керек?– Кейде өз әйеліне сырын немесе шындықты айта алмайтын ер адамдар болады. Әйеліне «Мына нәрсені былай істеші, мынау маған ұнамайды», − деген ойларын айта алмайды. Біреуі ренжітіп аламын деп, екіншісі кикілжің шығады деп қорқады. Әйел адамдарда да сондай. Сондай кезде адамды белгісіз бір үрей билеп алады. Одан бөлек, депрессияға түссе, яғни еш нәрсеге құлшынысы жоқ, ілініп-салынып жүретін кездерге тап болып қалуы мүмкін. Сосын балалардың арасында да ата-анасына ішіндегісін айта алмайтын, қарапайым «Мен сені жақсы көремін», − деп бетінен сүйіп, құшақтауға ұялатындары бар. Міне, осындай кезде біз түрлі психологиялық техника¬ларды пайдаланып, адамның ішіндегісін босатуға, сырын айтуға көмектесеміз.– Психолог әрқашан көмектесе ме?– Психологқа келгеннен, ішіндегісін айтып кеткенмен, ол тұйықтығынан арылуы екіталай, әрине. Бірақ адам өмірінің әр күнінен сабақ алуға тырысу керек. Жас кезінде психологқа жүгінген адам өз баласына қарым-қатынасын жақсартуы мүмкін. Осылай адамдардың арасындағы алшақтық азаяды. Одан бөлек, бізге келген адам шын ниеттенсе расында іштей босап, қиындықтардан арыла алады. Өмірге деген құлшынысы артады, жеңілдікті сезінеді. Біз айтқан нұсқауларды орындаса, жауапкершілікті түсінсе өзгені де өзгерте алады.– Әйел адам шынымен әлсіз бе? Ер адамға неге жылауға болмайды?– Біріншіден, әйел адам ер адамның жанында қай кезде де әлсіз болуы керек. Өзін әлсіз етіп көрсетуі керек. Өзінің әлсіз екеніне сенуі керек. Әйтпеген жағдайда ол ер азаматқа деген сенімін жоғалтады, өзін биік санайды.Екіншіден, ер адамға жылауға болады. Бір ер адамның көз жасын екінші адам шектейді. Біз кішкентай кезінен ұл баланы «Жылама, саған жылауға болмайды. Ер бала емессің бе?», − деп өмірдің заңдылығы секілді тежеп тастаймыз. Ал шынтуайтында, ол да адам. Оның да ішінде сан түрлі эмоция, мұң мен қайғы болуы мүмкін. Ол кемшіліктерді жоймаса, іштегіні шығармаса не болатынын біз айттық.– Қазіргі балалардың мінезі неге өзгерді?– Ата-ананың әсері. Осы кезге дейін қанша айтылған әңгіме ғой. Бірақ расында, бір смартфонның өзі бүгінгі адамның мінез-құлқына қатты әсер етті. Агрессивті адам көбейді. Ата-ана баласына шектеу қойғанмен, өздері сол «инстаграмда» өмір сүреді. Жұлдыздар, блогерлердің өмірі қазір көпшіліктің көз алдында жүр. Соның кесірінен қарапайым адамдар өз өміріне риза болмайды, қызғанышпен қарайды, өзін кінәлайды. «Саған тұрмысқа шыққаннан осындай болдым, әйтпесе бүйтіп жүретін адам едім», − дейтін әңгіме бары шындық. Міне, осының барлығы балаға беріледі. Өйткені бала қай кезде де көргенін істейді. 7 жасқа дейін бала анасының энергиясымен өмір сүреді. Сол үшін баланы жеті жасына дейін көңіл бөліп, жақсы көру керек. Бұрын жұмыс істейміз деп үлгермеді. Ал бүгін біреудің өмірін бақылаудан қолы босамай жүр. Сондықтан агрессивті баланың артында агрессивті ата-ана тұрады.– Психологтың алдына қаншама адам, қанша тағдыр келеді. Сол адамның бәрін жұбатуға энергияны қайдан аласыз?– Негізінен психологтың өзіне де психолог керек. Менің де эмоцияға берілетін, ашуланатын кездерім болады. Менің де жеке өмірім бар. Міне, осындай кезде мен де жеке пси¬хологыма жүгінемін. Ал менің алдыма келген адамдардың жаман энергиясын қабылдап қойсам көп жаяу жүремін.Қазіргі заман − энергияның заманы. Сондықтан жұмыстың, ақшаның артынан қуып жүре беруге болмайды. Өйткеннің өзінде де адам өзін жайлы сезінуі екіталай. Отбасымен бірге уақыт өткізу, өз-өзіңе көңіл бөлудің маңыздылығы сіз ойлағаннан да зор. Мәселен, мен күнделікті ұйқыдан тұрғанда жылы су ішіп, жаяу жүремін. Ерте тұратын болғандықтан бұл уақытта көшедегі көлік те аз, қала тыныш күйде болады. Бұл өз кезегінде концентрацияға, өз-өзіңмен тілдесуге көмектеседі.– Психология туралы үздік үш кітап?– Ондай кітаптар көп, әрине. Бірақ Луиза Хей, Виктор Франклдің кітаптары ерекше ұнайды. Сонымен қатар Күлмаш Елшібаеваның заманауи психология туралы кітабын ұсынар едім.– Депрессиядан құтылудың ең оңай жолы?– Адам үш күннен артық депрессияда болмауы керек. Үш күн ғана мұңаюға болады. Өйткені ол эмоция да бізге қажет. Ал одан құтылу үшін ең бірінші – жалғыз өзі моншаға барып, кемінде 1 сағат парда отыруы керек. Бір сағат түгелдей емес, арасын бөліп, сосын жылы, 36 градустан жоғары температурадағы су ішуі керек. Одан бөлек, қанша қаламаса да еркіне қарсы тұрып, жаяу жүру қажет. Әсіресе таңғы уақытта. Мұндай физикалық әрекеттер өз-өзіңе келуге көмектеседі.– Психологқа жүгінбес бұрын не істеу керек?– Шын ниетпен келу керек. Біздің көмектесе алатынымызға сену маңызды.– Емен-жарқын әңгімеңізге рахмет!

Қызылордалықтарды не мазалайды? - Психолог жауабы

<a href="https://kyzylorda-news.kz/">Kyzylorda-news.kz.</a> Қазіргі кезде &nbsp;қыз-келіншектердің отбасынан бөлек қоғамда да рөлі орасан зор. Заман талабына сай отбасы мен кәсібін қатар алып жүрген әйелдер қаншама. Қауырт тірліктің басында жүрсе де бір уақыт үйдегі ата-ене, бала-шағаның қамын жасап, бабын келістіріп отырған аруларымыз көпке үлгі. Сондай жанның бірі – қаладағы белгілі кәсіпкер Жайна Қарлыханова.Іскер келіншек кәсіпке ебі барын жастайынан аңғарса керек. Өзінің айтуынша, саудаға бала кезден қызыққан.<blockquote>«Менің балалық шағым тәуелсіздік алған жылдарға тұспа-тұс келді. Теңге айналымға шығып, сол тұста жұртшылық жаппай базарға саудаға шығып жатты. Үйде ата-анам жұмысқа кетеді. Әпкем мен ағам оқуда. Анам таңертең маған бәліш дайындап кететін. &nbsp;Сабағымды оқып, үй жұмыстарын бітірген соң, өзіміз тұратын шағын ауданда «Базарчик» деп аталатын сауда орны болды. Сол жерге бәліштерді өткіземін. Одан түскен ақшаға ескі базардан сағыз, шоколад сатып аламын. Оны да көрші апайлардың қасына сатуға қоямын. Кәсіпкерлікке деген қызығушылым бала кезден басталған деуге болады», – дейді ол бізбен әңгімесінде.</blockquote>Десе де бұл қызығушылығын есейе келе білім алуға ұштастырған. Мектепті үздік бітірген Жайна өзі қалаған мамандығына оқуға түсуді көздейді. Осылайша Астана қаласындағы Л.Н.Гумилев атындағы Еуразия ұлттық университетінің ректорының шақыруымен осы білім ордасында халықаралық құқық мамандығын игеріп шығады. Білімді, қабілетті маманға қашанда сұраныс бары анық. Кейіпкеріміз Энергетика және табиғи ресурстар министрлігінде және оған қарасты басқармаларда тәжірибеден өте жүріп іскерлік қабілетін көрсете білді. Кейін аталған министрлікте халықаралық серіктестік бөлімінде қызмет жасайды. Алайда дәм-тұз өзі өсіп-өнген Сыр өңірінен бұйырып, жарымен бірге осында қайта келеді.<blockquote>«Халқымызда қыз баласына деген мейірім, құрмет қаншалықты зор болса, оған соншалықты жауапкершілік те артылған. Отбасындағы тәлім-тәрбиеден алыс кете алмайсың. Тұрмысқа шығып, бір үйдің шаңырағына ұйытқы болу заңдылығы бар. Сол жолмен менде жолдасыммен бірге Қызылордаға келдім. Ана болдым. Бала күтімімен үйде отырдым. Алайда ұзақ уақыт үйде отыруды құп көрмедім. Солай жұмыс іздей бастадым. Сәтін салып «ПетроҚазақстан Құмкөл Ресорсиз» компаниясының талаптарынан өтіп, жұмысқа қабылдандым. Бұл мекемеде 9 жылға жуық жұмыс істедім», – дейді кейіпкеріміз.&nbsp;</blockquote>Иә, мұнай саласында еңбек етіп жүрген жас ана бір мезетте кәсіпкер болатынын мүмкін білмеген болар. Кейіпкеріміздің кәсіпке келуі тағы бір жауапкершілігі үлкен мамандықты игеруіне жол ашыпты.<blockquote>«ПетроҚазақстан Құмкөл Ресорсиз» АҚ 2017 жылы медицина саласын қолдау мақсатында Шанхай шағын ауданындағы №2 қалалық емхананың орнына жекеменшік-әріптестік негізде «ALEXEY SULTAN-AKHMET» клиникасын салдық. Осы клиниканы әрі қарай дамыту мақсатында компаниядағы жұмысымды аяқтауға тура келді», – дейді Жайна Төреханқызы.</blockquote>Жолдасымен бірге денсаулық саласын дамытуды көздеген кейіпкеріміз қа-зіргі таңда осы клиниканың басқарушы директоры. Клиника ашқанымен оны әрі қарай жетілдіру, халыққа қызмет көрсету үшін сол саланы жіті меңгеру керек-ақ. Бұл мақсатта ол бір жылдай медицина саласында білім алады. Заманауи талаптарға сай болуы үшін, тұрғындарға сапалы медициналық қызмет көрсету үшін бүгінде Ресей елінде білімі мен біліктілігін жетілдіру үстінде.Ел экономикасын арттыруда салмақты үлес қосып отырған кәсіпкер Жайна Қарлыханова отбасында төрт баланың анасы. Олардың күнделікті ас-суы, сабағы, бос уақытын тиімді өткізуі ана ретінде өз жауапкершілігінде. Одан бөлек жолдасының бабын жасау міндеті бар. Қоғамның маңызды саласында кәсібін дөңгелетіп отырған кейіпкеріміз отбасын бірінші орынға қоятынын айтады. Балалардың барлығына бірдей көңіл бөліп, ағайын-туыспен араласып, барлық жағдайды үйлестіре білу әйел адамға тән дүние. Халқымыздың «әйел – қырық шырақты» деген тәмсілін осыдан-ақ аңғаруға болады емес пе?!

Кәсіпкер ару – Жайна

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда университетінің ғалымдары ғылыми зерттеулер нәтижесінде ел экономикасының дамуына үлес қосуда. Мереке қарсаңында назарларыңызға қызылордалық әйел ғалымдардың ТОП – 5 ғылыми жаңалығын ұсынамыз.1. Дәнді дақылдың жаңа сорттарын шығардыАуыл шаруашылығы ғылымдарының докторы, Қорқыт ата атындағы Қызылорда университетінің «Аграрлық технологиялар» кафедрасының профессоры Тохетова Лаура Ануарқызы – дәнді дақылдардың жаңа сорттарын шығаруда. Лаура Ануарқызы өзге де ғалымдармен бірлесіп көп жылдар бойы жүргізілген ғылыми зерттеулер нәтижесінде «Сыр Аруы», «Қымбат», «Сымбат», «Құралай», «Елік», «Инкар», «Шахристан», «Қайсар», «Алтын арай» атты жаздық арпа сорттарын, бидайдың «Зарина» сортын классикалық селекция әдістерімен шығарды. Оның басшылығымен алғаш рет Қызылорда облысында дәнді дақылдар (арпа, бидай, сұлы) бойынша толық ауқымды селекциялық процессі ұйымдастырылды, сонымен қатар өсімдік шаруашылығы саласын әртараптандырудың ғылыми-практикалық негізі әзірленді.&nbsp; Ғалымның жетекшілігімен арпаның, бидайдың және сұлының &nbsp;стресстік факторларға төзімді 750 сортүлгілерден тұратын генетикалық коллекциясы қалыптастырылып, практикалық селекцияда ген-көзі ретінде кеңінен пайдалануда.2. Қаймақ әзірлеудің жаңа әдісін әзірледіҚорқыт ата атындағы Қызылорда университетінің қауымдастырылған профессоры, техника ғылымдарының кандидаты Смаилова Жұлдыз Жолдасқызы – сүт өнімдерінің биологиялық, тағамдық құндылығын арттыру, шикізат ассортиментін кеңейту, сүт шикізатын үнемдеу әдістерін зерттеуде.Ғалымның &nbsp;«Пробиотикалық ашытқыны қолдана отырып қаймақ алу әдісі» атты моделі ҚР Әділет Министрлігі Зияткерлік меншік құқығы Комитетінің Ұлттық зияткерлік меншік институтында тіркеліп, патент алды.Педагог экологиялық таза азық-түлік өнімдерін әзірлеу және әртүрлі аурудың алдын алу, ағзаның қорғаныш функцияларын нығайту үшін емдік-профилактикалық мақсаттағы өнімдер технологиясын әзірлеуге бағытталатын жұмыстармен айналысуда.3. Ұлттық нақыштағы киімдердің жаңа үлгісін жасадыҚорқыт ата атындағы Қызылорда университетінің «Дизайн және технология» кафедрасының қауымдастырылған профессоры, техника ғылымдарының кандидаты Шілдебаева Ләззат Қадырбекқызы – дәстүрлі қазақ костюмі негізінде заманауи киімдерді жобалау әдістемесін әзірлеуде.Ләззат Қадырбекқызы «Қазақтың ұлттық костюм негіндегі қазіргі заман киімдері. Modern clothes manufacturing based on kazakh national dress. Современная одежда на основе казахского традиционного костюма» Оқу құралы. Учебное пособие. Train aid» еңбегіне ҰЗМИ-нан №25306 авторлық куәлік алды.2022 жылы Ләззат Шілдебаеваның жетекшілігімен Мемлекеттік ұлттық ғылыми-техникалық сараптама орталығында (МҰҒТСО) ғылыми-техникалық қызмет нәтижелері &nbsp;бойынша «Қайта өнделген жүнді пайдалану арқылы брендтік өнімдер өндірісін ұйымдастыру» жобасы тіркелді. Бүгінде «Қазақтың ұлттық киіміндегі ойма қалтаны өндеу әдісі» атты өнертабысы бойынша ғылыми зерттеу жұмыстарын жалғастыруда.Ғалым – 16 патент және17 авторлық куәлік авторы.4. Күріш сабанынан целлюлоза алу тәсілін ұсындыҚорқыт ата атындағы Қызылорда университетінің «Физика-химиялық талдау әдістері» инженерлік бейіндегі зертхананың ғылыми қызметкері, педагогика ғылымдарының магистрі Ниязова Динара Жұмабекқызы &nbsp;ғалымдармен біріге отырып, күріш сабанынан целлюлоза алу тәсілін ұсынды.Күріш сабанынан алынған целлюлоза қағаз бұйымдарын өндіруде қолданыс табуы мүмкін.Мақсатты өнім – целлюлозаның шығымы 42,7-70,3 мас.% құрады. Десиликация мен делигнификация үрдісі аса жоғары жиілікті сәуледендірудің 180Вт қуатында 15 мин бойы аммоний молибдаты қатысында (кремнийсізденген целлюлозалық массадан 5%) натрий гипохлоритін қоспай жүргізгенде оңтайлы болып табылды, осындай жолмен алынған өнімнің құрамындағы альфа-целлюлозаның мөлшері 74,45 мас. % құрады, бұл өнім №2А маркасына сәйкес келеді (ақ түсті офис қағазын өндіруге арналған целлюлоза).5. Күл үйінділерінен құрылыс материалдарын даярлау жолын таптыҚорқыт ата атындағы Қызылорда универистетінің «Сәулет және құрылыс өндірісі» кафедрасының аға оқытушысы Жақыпова Гүлнұр Мұхамеджанқызы «Жергілікті шикізат ресурстары негізінде майда түйіршікті бетоннан төсеніш тақтайшаларын өндіру технологиясы» бойынша зерттеу жұмыстарын жүргізіп келеді.Технологияны өңдеу мен енгізу мәселесіне жылу энергетикасының көп тонналы қалдықтарын пайдалану ресурсты үнемдеуі негіз болып табылады. Осылайша, жылу электр орталығының күлін пайдалану құрылыс техникалық қасиеттерінің жақсаруымен құрылыс материалдың жаңа тиімді түрін өндіруге, капиталды және ағымдағы шығындарды, күл үйінділердің құрамын бірден төмендетуге мүмкіндік береді. Сонымен қатар, бұйымның өзіндік құнын айтарлықтай арзандатады.Осы мәселелерді шешу мақсатында «Жергілікті шикізат ресурстары негізінде майда түйіршікті бетоннан төсеніш тақтайшаларын өндіру технологиясы» тақырыбы негізінде зерттеу жұмыстарын жасау барысында 3 &nbsp;өнертабыс патентін алды. Атап айтсақ:1.Жол төсеніш тақтайшасына арналған құрам №4847; 2.Бетон құрамы № 5435; 3.Бетон араласпасының құрамы № 5304. Барлық өнертабыс патенттері жаңа құрамда жасалынған.Күл үйінділерін құрылыс материалдар өндірісінде қолдану арқылы біріншіден, аймақтың экологиялық жағдайы жақсарады, екіншіден, көп тонналы қалдықтарды утилизациялау мәселесі шешіледі.&nbsp;&nbsp;

Ел экономикасының дамуына үлес қосып жүрген ғалымдар

<a href="https://kyzylorda-news.kz/">Kyzylorda-news.kz.</a> Былтыр 30 мың 300 гектардан аса егіс егіп, жыл соңында жоғары өнім жинаған Шиелі ауданы ауыл шаруашылығы саласында үздік атанды. Ақ күріштің атасы Ыбырай Жақаевтың ізбасарларының тынымсыз еңбегінің арқасы еді бұл.&nbsp;Өңірде егін мен бау-бақша өсіруден бөлек, аудан көлемінде атқарылып жатқан нәтижелі жұмыс көп. Жаңа құрылыстар, көшелерді жарықтандыру мен абаттандыру, елді мекендер арасындағы жолдарды жөндеу сияқты қажеттіліктер біртіндеп іске асуда. Солардың ішінде маңызды саналатын, халық сұранысы артып отырған мәселе – газдандыру. Аудан әкімдігі берген мәліметке сүйенсек, бүгінде Шиелі халқының 68 пайызы «көгілдір отынға» қол жеткізген.Иә, газға көшу экологиялық жағдайды жақсартуға оң әсер ететіні белгілі. От жағып, күл шығармайтын қалалықтарға қызығатын ауылдағы ағайынға бұл дүние біртіндеп жетіп жатыр. Кейінгі бес жылда аймақта «көгілдір отынға» қол жеткізген ауылдар қатары көбейгені де белгілі.Шиелі ауданына қарасты ауылдың көбісі орталыққа жақын. Тіпті кентпен іргелес қоныстанған елді мекендер бар. Мұның өзі жергілікті жердегі инженерлік-инфрақұрылымдық жағдайды дұрыстауға көп септігін тигізуде.Жоғарыда айтқандай, газ құбырлары тартылып, әр ауылдағы тұрмыстық жағдайдың түзелуі артуда. Бүгінге дейін Шиелі кентінен бөлек, алты елді мекенге «көгілдір отын» келді. Атап айтсақ, «Бидайкөл», «Байсын», Н.Бекежанов, Ш.Қодаманов, «Ақмая» және «Алғабас» ауылдарының тұрғындары осындай игілікті істің қызығын көріп отыр.Осы тақырыпқа орай, ауданда тағы бір қуанышты жаңалықтың лебі бар. Жалпы құны 1 млрд 62 млн теңге болатын, елді мекендерге газ тартуды қамтитын 4 жоба тиісті салалық министрлікке ұсынылыпты. Айтылған төрт жобада көрсетілген мақсат біреу-ақ. Ол – ауданға қарасты тағы да төрт ауылға газ құбырын тарту. Бұлар – «Еңбекші», «Бестам», «Досбол би» және «Жиделіарық» ауылдары. Бұның ішінде биыл құрылысты бастау үшін «Еңбекші» ауылына 270 млн теңгеден астам, ал «Жиделіарыққа» 172 млн, 157 мың теңге қаржы бөлінген. Сонымен қатар ауданға қарасты «Алмалы» мен Ә.Тәжібаев атындағы елді мекенге газ құбырын тарту үшін қажетті 1 млрд 710 мың теңгеге бюджеттік өтінім беріліпті. Қазір жоба министрліктің қарауында.Былтыр М.Шоқай ауылы маңынан құны 2 млрд теңгеден асатын автоматты газ реттегіш станциясының құрылысы басталған еді. Бұған қосымша «Тартоғай» елді мекеніне демеушілер есебінен, сонымен қатар «Майлытоғай» ауылы бойынша ішкі және сыртқы магистральды газ құбырларын тарту үшін жоба-сметалық құжаттары дайындалып жатыр. Бұл үшін аудандық бюджеттен 23 млн теңгеден аса қаражат бөлінген. Айтылған жобалар іске асқанда аудан халқының 85 пайызы газбен қамтылмақ.Айтпақшы, әлеуметтік нысандарды да «көгілдер отынмен» қамту жұмыстары атқарылып келеді. Мысалы, биыл Шиелі кентіндегі №46 және «Алғабас» ауылындағы №157 мектептегі бу қазандықтары газға ауыстырылмақ. Екі жобаның құны 94 млн 515 мың теңге.Талай жыл көмір жағып, ыс пен қою түтіннің құрсауында отырғанға газдың пайдасы тіптен мол. «Көгілдір отын» көмірмен жылытудан арзанға шығады. Ең бастысы, жыл сайын газдандыру жұмысы қарқын алып, халықтың игілігі еселей түсуде. Ауылдың тұрмыс мәдениеті қаланың қарымына иек артып келе жатыр. Ауызсу, жол, жарық, енді газ жетсе тіршілік, тұрмыс атаулының жаңа сипатқа көшкені емес пе?!Шиелі жұрты ғана емес, аймақтағы халықты «көгілдір отынмен» қамту жағы осындай нәтижеге жетіп отыр. Әу баста облыс орталығы мен кейбір кент іші ғана газдандырылған болса, кейінгі жылдары қарқын үдеді. Мысалы, 2015 жылға дейін тек облыс орталығы ғана табиғи газды пайдаланып келді. Ал 2014 жылы «Бейнеу-Шымкент» магистральды газ құбыры пайдалануға беріліп, одан кейін аудан орталықтары мен ауылдық елді мекендер «көгілдір отынға» біртіндеп қол жеткізе бастады. Бүгінде өңірдегі қалалар мен 19 елді мекенге газ құбыры тартылып, ондағы жұрт игілігін көріп отыр.&nbsp;

Газдандыру жұмыстары қарқын алды

<a href="https://kyzylorda-news.kz/">Kyzylorda-news.kz.</a>&nbsp; Ел экономикасын ілгерілетудің негізгі жолы – өнеркәсіптік өндірістің көлемін арттыру. Экономиканы әртараптандыруды және оның шикізат экспортына тәуелділігін азайтуды негізгі мақсат еткелі аймақта өндірістің дамуына барынша басымдық берілді. Нәтижесінде нақты стратегиялық жоспарлар бекітіліп, межелі міндеттер белгіленді. Бастысы, қабылданған нақты шаралар өңдеу секторының дамуына оң әсерін тигізді.Бұлай деуімізге нақты дәлел де бар. Мәселен, облыстың өнеркәсіптік өңдеу саласында 54,1 пайыздық өсім қалыптасып, Қызылорда өңірлер арасында өсiм қарқыны бойынша бірінші орынға шықты. Бұл туралы ҚР Үкіметінің отырысында айтылып, Сыр өңірінің өңдеу өнеркәсібін дамытудағы жоғары көрсеткішке қол жеткізгені ерекше аталып өтілген болатын.2022 жылдың қорытындысы бойынша қаңтарда өткен Үкімет отырысында Ұлттық экономика министрі Әлібек Қуантыров өңдеу өнеркәсібінде оң өсім сақталып отырғанын мәлімдеді. Өндіріс көлемі 3,4%-ға өсіп, көрсеткіш өсуі 18 өңірде тіркелді. Елімізде өңдеу өнеркәсібі салалары бойынша машина жасау өндірісінің 9,4, оның ішінде автомобиль жасаудың 19,1, электр жабдықтарын жасаудың 22,2%-ға өсуі қамтамасыз етілді. Сондай-ақ ел бойынша өсу азық-түлік өндірісі, мұнай өңдеу, химия өнеркәсібі салаларында байқалып отыр.Елімізде индустриялық-инновациялық дамудың мемлекеттік бағдарламасы шеңберінде үшінші бесжылдық кезеңінде шамамен 4,3 трлн теңге сомасына 505 жоба іске қосылып, 45,9 мың тұрақты жұмыс орны құрылған. Индустрия және инфрақұрылымдылық даму министрлігі мәліметінше, биыл елімізде 16,3 мыңға жуық тұрақты жұмыс орнын құра отырып, жалпы сомасы шамамен 1,1 трлн теңгеге 149 жобаны енгізу жоспарлануда. Жобалар барлық өңірлерде іске қосылатын болады.Бұл ретте Сыр өңірінде былтыр құны 4,8 млрд теңгені құрайтын, толық қуаттылыққа шыққанда 175 жұмыс орны ашылатын 7 жоба іске қосылды. Жалпы алғанда, Бірыңғай индустрияландыру картасы аясында облыста құны 613 млрд теңгені құрайтын 6,8 мың жұмыс орнын құруға бағытталған 37 жоба жүзеге асырылуда. Ал 2010-2021 жылдар аралығында іске қосылған индустриялық жобалар арқылы есепті кезеңде 49 млрд теңгенің өнімі өндіріліп, өңдеу өнеркәсібіндегі үлесі 25 пайызды құрады.Облыстық кәсіпкерлік және өнеркәсіп басқармасының мәліметінше, өткен жылы өңдеу өнеркәсібінде өнім көлемі 241,7 млрд теңге болған. Көрсеткіштің өсіміне тамақ өнеркәсібінде «Аралтұз», «РЗА», «Мағжан и К», «Углесбыт», «Қызылдихан», «Ақжарма», жеңіл өнеркәсіпте «Өркен әлем», «Далатекс» серіктестіктерінің, құрылыс индустриясындағы цемент зауыты, «МИР-2001», «LCI-MK» және «Кемикал» құбыр зауытында өнім көлемінің артуы және шыны зауытының өнім шығаруы әсер еткен.Өңдеу өнеркәсібін дамытудағы басты жаңалық – шыны зауытының іске қосылып, былтырғы қазан айынан бастап өнім өндіруі. Былтыр зауыт барлығы 32 мың тоннаға жуық шыны өндіріп, Астана, Алматы, Шымкент қалаларына жіберілді. Алдағы уақытта өнімді Өзбекстан, Тәжікстан және Қырғызстанға экспортқа шығару жоспарлануда.Зауытты іске қосу арқылы шағын және орта кәсіпкерлікті өрістетудің белдеуін дамытып, 8 ілеспе кәсіпорын құруға жұмыс жүргізіледі. Шыны зауытының тағы бір артықшылығы – индустриялық аймақты дамытуға да серпін береді. Бұған қоса, индустрияландыру бағдарламасы аясында биылғы жылы құны 1 млрд теңгені құрайтын 5 жоба іске қосылды.Жалпы, өнеркәсіп саласындағы өсім ірі кәсіпорындардың өнім өндірісін ұлғайту және жаңа жобаларды іске қосу есебінен мүмкін болып отыр. Бұл ретте шыны зауытының іске қосылуы – облыста ғана емес, бүкіл Қазақстан бойынша құрылыс индустриясының дамуына серпін беретін жоба.Сондай-ақ, өңірде басқа да ірі инвестициялық жобаларды іске асыру бойынша жұмыстар жалғастырылуда. Мысалы, агроөнеркәсіп саласында – Жаңақорған ауданындағы «Қызылорда – Агроплюс» серіктестігінің томат пастасын өндіру жобасы қолға алынған. Жоба құны – 28,1 млрд теңге. Қазіргі уақытта жобаның инвесторы әлемнің 13 елінде қызанақ өндірумен айналысатын түрік холдинг компаниясы – «Коч Холдинг». Оның еншілес кәсіпорны «Tat» компаниясымен бірлесіп, тамшылатып суару әдісімен 10 гектар жерге тәжірибелік қызанақ тұқымы егілді.Былтыр тамызда тараптар жобаның жол картасын әзірлеп, атқарылатын шаралар мен мерзімдері көрсетіліп, бекітілді. Зауыт құрылысын бастау үшін жобалау жұмыстары әзірленуде.Тау-кен металлургиясын дамыту мақсатында «Шалқия» және «Баласауысқандық» кеніштерін игеру жобалары іске асырылуда. «Шалқия» – дүние жүзіндегі ең ірі бес кеніштің бірі. Жоба бойынша жаңа стратегиясы әзірленіп, тау-кен бөлігі мен жерүсті кешендері бойынша түзетулер енгізілген. Бүгінде жерасты кенішінің құрылысы жүргізілуде.Шетелдік инвестордың қатысуымен тау-кен металлургия саласындағы екінші жоба – «Баласауысқандық» кен орнын игеру басталды. 2016 жылдан бастап тәжірибелік-өндірістік кешен жұмыс жасайды. Былтыр «Баласауысқандық» ванадий кенішінен Ұлыбританияға аммоний метаванадаты, Ресейге ферромолибден экспортталды.&nbsp;

Аймақта өңдеу өнеркәсібі 54,1 пайыз өсті 

&nbsp;<a href="https://kyzylorda-news.kz/">Kyzylorda-news.kz.</a> Қазақстанда 27 мыңнан аса ер адам 8 наурызда дүниеге келген. Арулар мен аналардың мейрамына туған күні тұспа-тұс келген жігіттер қауымы бұл күні ерекше сезімді бастан кешіретіні жасырын емес. Massaget.kz тілшісі 8 наурызда туған ерлер туралы қызық деректерге шолу жасады.Қазақстанда туған күнін 8 наурызда тойлайтын қанша ер адам бар?&nbsp;Ұлттық статистика бюросы мәліметінше, 27 587 ер адам 8 наурызда туған.8 наурызда туған ер адамдардың мінезі қандай болады?Осындай ерекше күні дүниеге келген ер адамдарға әдетте мына қасиеттер тән екен: өршіл, жаңа жағдайларға тез бейімделу қабілеті, сыпайылық.Олар көп жұмыс істейді және терең қиял мен түсінікке ие. Бұл күні туғандар қаржылық қолдаусыз өзін сенімсіз сезінеді. Сондай-ақ, олар іскерлік міндет пен ол үшін жауапкершіліктен ешқашан қорқытпайды.8 наурызда туған қандай танымал ер адам бар?8 наурызда дүниеге келген аңыз адамдардың бірі - әнші, композитор, күйші, актер Манарбек Ержанов. Ол 1901 жылы 8 наурызда Қарағанды облысында дүниеге келген. Ертең - атақты әншінің 122 жылдық мерейтойы."Әзілдеп жатады". 8 наурызда туған ер адамдар8 наурызда дүниеге келгендердің бірі - Алматыдағы Халықаралық инженерлік-технологиялық колледжің студенті Арсен Әсет. Ол бұл күні қызық сезімде болатынын жасырмады.<blockquote>"Әрине, қызық болады. Достарым әзілдеп жататын кездері болады, жыл сайын 8 наурыздық құттықтауларды жібереді. Бұл күні өзімді "барлығы туған күнімнің арқасында демалып жатыр" деп жұбатып, соған мәз-мейрам болып жүремін", - дейді ол.</blockquote>Ал дәл осы дүниеге келгендердің бірі алматылық Айдос Тоқан туған күнінің 8 наурыз халықаралық әйелдер күніне сай келетіні ыңғайсыздық туғызатынын жасырмады."Қызық деп айтуға келмейді, ыңғайсыздығы көп. Барлық жерде бос орын жоқ, бір жерге шығу үшін 1-2 апта бұрын дайындалу керек, ал оған уақыт болмай қалады. Сол үшін көбіне 8 наурыз демалыс болса да, кейін атап өтемін", - дейді Айдос.Ол бұл күні қыздарға қосылып, өзі де гүл алған кездер болғанын еске алды.<blockquote>"1-курста қыздарды құттықтау кезінде барлығына гүл берген кезде маған да гүл берген. Бірақ ішінде үсіп қалған, қыздарға беруге ұят гүлді берді. Мереке қарсаңында апайлар қыздарға сыйлық жасап, баға қоятын кезде маған да қосып қойып беретін. Ал кейде тіпті қарбаласта туған күнім екені ұмтылып та кететін еді", - дейді ол.</blockquote><a href="https://massaget.kz/basty-zhaalytar-438/79523/">MASSAGET</a>

Архив