<a href="https://kyzylorda-news.kz/">Kyzylorda-news.kz</a> Бүгін елордада Назарбаев Зияткерлік мектептерінің «Мектеп және адами әлеует: сапалы білім және тең мүмкіндіктер» тақырыбындағы XV халықаралық ғылыми-практикалық конференциясы өз жұмысын бастады. Он бес жылдық тарихы бар халықаралық басқосу педагогтерді, білім беру ұйымдарының басшыларын және халықаралық сарапшыларды бір алаңға тоғыстырды.Осы уақыт ішінде NIS Conference білім беру саласындағы кәсіби диалог пен озық тәжірибе алмасудың маңызды алаңына айналды. Биыл мерейтойлық жиынға 1700-ге жуық қатысушы жиналды. Олардың қатарында АҚШ, Ұлыбритания, Канада, Финляндия, Нидерланд, Үндістан, Жапония, Түркия және басқа да елдерден келген 24 шетелдік спикер, сондай-ақ Қырғызстан, Өзбекстан, Тәжікстан және Әзербайжанның білім беру саласының өкілдері бар.Конференция бағдарламасы 38 тақырыптық секцияны қамтиды. Онда білім сапасын арттыру, білім алуға тең мүмкіндік жасау және технологиялық әрі әлеуметтік өзгерістер жағдайында адами әлеуетті дамыту мәселелері қарастырылады.Конференцияның ашылу салтанатына Қазақстан Республикасы Президентінің әлеуметтік мәселелер жөніндегі кеңесшісі Алексей Цой, Қазақстан Республикасы Құрылтайының Әлеуметтік-мәдени даму комитетінің төрағасы Асхат Аймағамбетов, «Freedom Шапағат» корпоративтік қорының басқарушы директоры Руслан Жұмашев және «Назарбаев Зияткерлік мектептері» ДББҰ Басқарма төрағасы Әнуар Жанғозин қатысты.Қазақстан Республикасы Президентінің әлеуметтік мәселелер жөніндегі кеңесшісі Алексей Цой өз сөзінде адами капиталды дамыту елдің стратегиялық басымдықтарының бірі екенін атап өтті. Ол сапалы білім берумен қатар, балалардың денсаулығы мен психологиялық әл-ауқатына көңіл бөлу, сондай-ақ әрбір оқушының қабілетін ашуға жағдай жасау маңызды екенін айтты.<blockquote>– Қазақстан халқының жартысына жуығын балалар мен жастар құрайды. Бұл – еліміздің басты стратегиялық артықшылығы әрі үлкен жауапкершілік. Әрбір бала тұрғылықты жеріне немесе отбасының әлеуметтік жағдайына қарамастан сапалы білім алуға мүмкіндік иеленуі тиіс. Балалардың әлеуетін толық ашу үшін мемлекет, мектеп және ата-аналар бірлесе әрекет етуі қажет, – деді Алексей Цой.</blockquote><figure class="image"><img src="https://knadmin.beoblood.kz/uploads/Whats_App_Image_2026_10_29_at_15_30_19_0eaa15ec03.jpeg" alt="Ниш Цой "></figure>Ал Асхат Аймағамбетов өз сөзінде педагогтердің кәсіби дамуына жағдай жасау, әкімшілік жүктемесін азайту және білім беру жүйесінде цифрлық технологияларды тиімді пайдалану мәселелеріне назар аударды.<blockquote>– Жаңа әдісті меңгеруді талап етсек, оны үйренуге уақыт беруіміз керек. Зерттеу жүргізуді күтсек, әріптестерімен бірге жұмыс істеуіне мүмкіндік жасауымыз керек. Кәсіби шешіміне жауапкершілік жүктесек, сол шешімді қабылдауға сенімді де білдіруіміз қажет, – деді Асхат Аймағамбетов.</blockquote><img src="https://knadmin.beoblood.kz/uploads/NI_Sh_AJMAGAMBETOV_05ce68a9b0.jpeg" alt="НИШ АЙМАГАМБЕТОВ.jpeg">«Freedom Шапағат» корпоративтік қорының басқарушы директоры Руслан Жұмашев білім саласына қаржы бөлудің және жас ұрпаққа тең мүмкіндіктер жасаудың маңызына тоқталды. Талдықорғандағы NIS түлегі ретінде ол мектептің өзінің тұлғалық және кәсіби қалыптасуына қосқан үлесі жайында айтып, жеке тәжірибесін бөлісті.<blockquote>– Адами капиталды дамыту – Қазақстанның стратегиялық басымдықтарының бірі. Freedom компаниялар тобы білім саласына қолдау көрсету арқылы еліміздің болашағына үлес қосуды, жастардың әлеуетін арттыруды және еңбек нарығында сұранысқа ие дағдыларды дамытуға ықпал етуді көздейді, – деді Руслан Жұмашев.</blockquote>Адами әлеуетті дамыту тақырыбын жалғастырған «Назарбаев Зияткерлік мектептері» ДББҰ Басқарма төрағасы Әнуар Жанғозин білім сапасын арттыру, педагогтердің кәсіби шеберлігін жетілдіру және NIS тәжірибесін еліміздің мектептеріне кеңінен тарату бағытында атқарылып жатқан жұмыстар туралы сөз қозғады.<blockquote>– Сабақ сапасы, мұғалімнің кәсіби шеберлігі және оқушының дамуы NIS жұмысының әрдайым басты назарында болды. Педагогикалық шеберлік орталығының біліктілікті арттыру курстарынан жүз мыңдаған мұғалім өтті. «Білім берудегі өзгерістердің 1000 көшбасшысы» бағдарламасының төрт жүзден астам түлегі бүгінде мектеп басқарады. Олардың арасында «Келешек мектептерінің» директорлары да бар. Бірлескен жобалар аясында 300-ден астам мектеп, шамамен 240 мың оқушы мен 20 мыңнан астам мұғалім қамтылды. Алдағы міндет – қол жеткізген нәтижелерді одан әрі жетілдіру, халықаралық тәжірибені зерделеу және тиімді тәсілдерді әріптестерімізбен бірге талқылау. Конференция осыған жол ашады, – деді Әнуар Жанғозин.</blockquote>Биылғы конференцияның негізгі спикерлері қатарында Бостон колледжінің профессоры Энди Харгривз, білім беру экономикасы саласының сарапшысы Гарри Патринос, Финляндиядан келген когнитивтік нейроғылым зерттеушісі Катри Саарикиви, Parents International ұйымының директоры Эштер Саламон және өзге де халықаралық мамандар бар. Олар мұғалім мамандығының болашағы, білім берудің экономикалық дамуға ықпалы, жасанды интеллект дәуіріндегі мектептің рөлі және сапалы білімге тең қолжетімділікті қамтамасыз ету жолдары туралы ой бөліседі.Екі күнге жоспарланған бағдарлама аясында пленарлық баяндамалар, тақырыптық секциялар, практикалық воркшоптар, шеберлік сабақтары, панельдік пікірталастар, дөңгелек үстелдер және Ignite Talks форматындағы қысқа таныстырылымдар өтеді.Негізгі назар педагогтердің кәсіби дамуына, мектеп көшбасшылығына, жасанды интеллектіні білім беру үдерісінде қолдануға, инклюзивті орта қалыптастыруға және балалардың әл-ауқатын қамтамасыз етуге аударылады. Сонымен қатар оқушылардың зерттеушілік дағдыларын жетілдіру, білім беру деректерін тиімді пайдалану және оқыту сапасын жақсарту жолдары талқыланады. Қатысушылар педагогикалық зерттеулерінің нәтижелерін таныстырып, заманауи әдіс-тәсілдерді мектеп тәжірибесіне енгізудің тиімді жолдарын ұсынады.Конференция аясында педагог-практиктердің 120-ға жуық зерттеу жұмысы ұсынылатын постерлік көрме ұйымдастырылады. Сондай-ақ NIS Korme көрме алаңы жұмыс істейді. Мұнда білім беру саласындағы жаңа бастамалар, баспа өнімдері мен цифрлық шешімдер таныстырылады.Мерейтойлық XV халықаралық NIS конференциясының бас демеушісі – Freedom Holding Corp. Сондай-ақ шараның ұйымдастырылуына Halyk Bank те қолдау көрсетіп отыр.

Астанада мерейтойлық XV халықаралық NIS конференциясы басталды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің 3-курс студенті Шапағат Сағадатқызы «Орхун» академиялық ұтқырлық бағдарламасы аясында Түркияның Конья қаласындағы Селжук университетінде білім алуда. Ол аталған университеттің Әдебиет факультетінде (Edebiyat Fakültesi) психология мамандығы бойынша оқуын жалғастырып, шетелдегі студенттік тәжірибесімен бөлісті.Шапағат университетке оқуға қабылданған сәттен бастап академиялық ұтқырлық бағдарламасына қызығушылық танытқан. Қорқыт ата атындағы Қызылорда университеті ұсынған мүмкіндікті тиімді пайдаланып, білімін жетілдіруді және өзін жаңа ортада сынап көруді мақсат еткен.<blockquote>«Түркияға келген сәтте жүрегімде қуаныш пен қобалжу қатар болды. Жаңа ел, жаңа орта, жаңа армандар – бәрі ерекше сезім сыйлады. Сол кезде үлкен арманыма қарай алғашқы қадамымды жасағанымды түсіндім», – дейді ол.</blockquote>Селжук университетіндегі дәрістер түрік тілінде жүргізіледі. Шапағат сапар алдында арнайы тілдік курстарға қатысып, түрік тілін меңгеру арқылы жаңа білім беру ортасына алдын ала дайындалған. Бұл оның оқу үдерісіне еркін араласып, шетелдік білім беру жүйесіне бейімделуіне мүмкіндік берді.Студентке түрік халқының қонақжайлығы, ақжарқын мінезі мен мейірімділігі ерекше әсер қалдырған. Оның айтуынша, шетелде білім алу жаңа мәдениетпен танысуға, дүниетанымын кеңейтуге және өмірге өзгеше көзқараспен қарауға ықпал еткен.Оқудан бос уақытында Шапағат Түркияның көрікті жерлерін аралап, елдің тарихи-мәдени және табиғи ерекшеліктерімен танысқан. Ол Конья қаласымен қатар, таңғажайып табиғатымен танымал Каппадокия мен көгілдір теңізі, әсем жағажайларымен ерекшеленетін Фетхиеге саяхаттаған.<blockquote>«Академиялық ұтқырлық – мен үшін білім мен жарқын естеліктерді тоғыстырған ерекше мүмкіндік. Бұл бағдарлама арқылы өзімді жаңа қырымнан танып, дүниетанымымды кеңейттім, өзге мәдениетті түсінуді және жаңа ортаға бейімделуді үйрендім. Сондай-ақ өз күшіме сеніп, армандарыма бір қадам жақындай түстім», – дейді Шапағат.</blockquote>Ол университет студенттерін академиялық ұтқырлық бағдарламаларына белсенді қатысып, өзге елде білім алуға және жаңа мүмкіндіктерді пайдалануға шақырады. Шапағаттың пікірінше, академиялық ұтқырлық – жай ғана саяхат емес, білім мен тәжірибеге, жаңа орта мен ұмытылмас естеліктерге бастайтын маңызды қадам.

Шапағат Сағадатқызы шетелдегі студенттік тәжірибесімен бөлісті

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің оқушылары Айшабиби Ерланқызы мен Гайнижамал Берікқызы жасанды интеллект негізінде жұмыс істейтін QOLDAU AI веб-платформасын әзірледі. Жоба ым-ишараны нақты уақыт режимінде танып, оны мәтін мен дыбыстық хабарламаға айналдыруға мүмкіндік береді. Оқушылар өз әзірлемесін алғаш рет Қызылорда қаласындағы есту қабілеті бұзылған балаларға арналған №6 арнайы мектеп-интернатында сынақтан өткізді.Платформаны пайдалану үшін қарапайым веб-камера мен интернетке қосылу жеткілікті. Жүйе қазақ ым тіліндегі ишараларды танып, оларды мәтіндік және дыбыстық форматқа түрлендіреді. Бұл есту қабілеті бұзылған адамдардың айналасындағылармен қарым-қатынас жасауын жеңілдетуге бағытталған. Сонымен қатар пайдаланушыларға қосымша бағдарламалар орнатудың қажеті жоқ.<img src="https://knadmin.beoblood.kz/uploads/NI_Sh_be678b67ce.jpeg" alt="НИШ..jpeg">Сынақ барысында мектеп-интернат тәрбиеленушілері платформаны қолданып көріп, өз әсерлерімен бөлісті. Педагогтер жобаның тәжірибелік маңызын атап өтіп, жүйе танитын ым-ишаралар қорын кеңейтуді ұсынды. Сондай-ақ олар бұл технологияның балалардың жазбаша сөйлеу дағдыларын дамытуға қосымша құрал бола алатынына назар аударды.<blockquote>– Мамандар мен ата-аналарға пайдалы көмекші бола алатын осындай платформа әзірлегені үшін оқушыларға алғысымды білдіремін. Ым-ишара тіліндегі кейбір қимылдарды нақтылап, жетілдіру қажет. Алдағы уақытта платформада оқыту материалдары мен бейнесабақтардың көбірек болғанын қалаймыз, – деді ым-ишара тілі маманы Зухра Қалжанова.</blockquote><img src="https://knadmin.beoblood.kz/uploads/Whats_App_Image_2026_10_22_at_14_09_16_5a52bde91c.jpeg" alt="НИШ">QOLDAU AI жобасын жетілдіру жұмыстары физика пәнінің мұғалімі Айнұр Құрақбаева мен Қызылорда қаласындағы NIS директорының ғылыми-әдістемелік жұмыс жөніндегі орынбасары Мадина Рашитованың жетекшілігімен жалғасуда. Сынақ кезінде алынған пікірлер мен ұсыныстар оқушыларға платформаны болашақ пайдаланушылардың қажеттіліктеріне сай жетілдіруге мүмкіндік береді.Жаңа технологияны таныстыру екі білім беру ұйымы арасындағы кездесудің бір бөлігі болды. NIS оқушылары Республика күніне орай мектеп-интернат тәрбиеленушілеріне арнап «Қазақстан – менің мақтанышым» атты сурет байқауын да ұйымдастырды. Балалар туған елдің мәдениеті, салт-дәстүрлері мен көрікті жерлерін бейнелейтін акварель жұмыстарын ұсынды. Байқау жеңімпаздары мектеп-интернат тәрбиеленушілері дайындаған концерттік бағдарлама аясында марапатталды.<img src="https://knadmin.beoblood.kz/uploads/NI_Sh_f688f56cd0.jpeg" alt="НИШ.jpeg"><img src="https://knadmin.beoblood.kz/uploads/NI_Sh_1add01c747.jpeg" alt="НИШ.jpeg">

Қызылордалық NIS оқушылары ым-ишара тілін аударатын жасанды интеллект платформасын әзірледі

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде сот медицинасы саласының ардагері, «Алтын дәрігер» төсбелгісінің иегері Қамбар Сексеновтің 70 жылдық мерейтойы қарсаңында «Сот медицинасы» дәрісханасының салтанатты ашылу рәсімі өтті.Осы салаға 47 жылға жуық ғұмырын арнаған Қамбар Өмірзақұлының кәсіби жолы осы саланың даму тарихымен тығыз байланысты. Мерейтой иесінің құрметіне ашылған дәрісхана білім алушылардың сот медицинасы бағытындағы білімін жетілдіруге және тәжірибе мен білім сабақтастығын нығайтуға мүмкіндік береді.Салтанатты ашылу рәсімінде университеттің Басқарма мүшесі – академиялық мәселелер жөніндегі проректор Дана Абдрашева мерейтой иесін құттықтап, оның еңбек жолындағы жетістіктерін атап өтті.Қызылорда облысы Әділет департаментінің басшысы Баукен Әлмеш Қамбар Сексеновке құрмет грамотасын табыстады. Ал Қазақстан Республикасы Әділет министрлігі Сот сараптамалары орталығының Қызылорда облысы бойынша сот сараптамалары институтының директоры Ержан Фархадұлы Орталық директоры Бақытжан Байтілесовтің атынан құттықтауын жеткізді.Сондай-ақ Қырғыз Республикасы Жүсіп Баласағұн атындағы Қырғыз ұлттық университетінің профессоры, заң ғылымдарының докторы Бактыбек Батырбаев университет ректоры Догдурбек Чонтоевтің құттықтауын табыстады. Қамбар Өмірзақұлының әріптесі, отставкадағы полиция полковнигі Қошманов Максұт Ахметұлы да мерейтой иесіне ізгі тілегін білдірді.Жаңа дәрісхана болашақ заңгерлердің білімін тереңдетуге, сот медицинасы саласының ерекшеліктерін меңгеруіне және кәсіби даярлығын арттыруға үлес қосады. Сонымен қатар бұл бастама сала ардагерлерінің еңбегін ұлықтап, кейінгі ұрпаққа өнеге етуге бағытталған.<img src="https://knadmin.beoblood.kz/uploads/Whats_App_Image_2026_10_16_at_23_14_59_1_025659380a.jpeg" alt="коркыт"><img src="https://knadmin.beoblood.kz/uploads/Whats_App_Image_2026_10_16_at_23_15_00_d0b0c5fe18.jpeg" alt="коркыт ">

Қорқыт ата университетінде «Сот медицинасы» дәрісханасы ашылды

<a href="https://kyzylorda-news.kz/">Kyzylorda-news.kz</a> Қызылорда қаласында «BILIM TOUR» білім беру жобасы өтеді. Жоба аясында 10-11 сынып оқушылары тәжірибелі ҰБТ сарапшыларынан пән бойынша тегін сабақ алып, мамандық таңдау мен жоғары оқу орнына түсу бойынша кәсіби бағдар ала алады.&nbsp;«BILIM TOUR» – жоғары сынып оқушыларына ҰБТ-ға дайындық барысында практикалық көмек көрсетуге және мамандық таңдауда кәсіби бағдар беруге бағытталған әлеуметтік білім беру жобасы. &nbsp;Жоба қатысушыларына ҰБТ дайындығына арналған оқу материалдары тегін таратылады. Сондай-ақ оқушылар арасында дайындық курстарына жолдамалар мен оқу құралдары ойнатылады. «BILIM TOUR» жобасы аясында табысталатын сыйлықтардың жалпы құны 3 миллион теңгені құрайды.Жобаны 2021 жылдан бері оқушыларды ҰБТ-ға дайындап келе жатқан «Glucose» білім беру орталығы ұйымдастырады. Қызылордадан кейін Bilim tour Қазалы, Жетісай және Шымкент қалаларында жалғасып, өңір оқушыларына тегін дайындық сабақтары мен кәсіби бағдар алу мүмкіндігін ұсынады.

Қызылорда қаласында «BILIM TOUR» білім беру жобасы өтеді

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Kyzylorda-news.kz» ақпараттық агенттігінің алғашқы бас редакторы Елібай Жікібаевтың туғанына 70 жыл толуына арналған «Аймақтық ақпараттық агенттіктерді ЖИ технологиялары арқылы дамыту, модернизациялау және бәсекеге қабілеттілігін арттыру стратегиялары» атты ғылыми жоба байқауының қорытынды отырысы өтті.Байқаудың негізгі мақсаты – жасанды интеллект технологияларын аймақтық журналистикада тиімді пайдалану жолдарын қарастыру, студенттердің инновациялық идеяларын қолдау және ақпараттық агенттіктердің жұмысын жетілдіруге бағытталған ғылыми-практикалық ұсыныстарды саралау.Жиынға Қорқыт ата атындағы Қызылорда университетінің журналистика мамандығының оқытушылар құрамы, студенттері, «Сыр медиа» ЖШС басшылығы, «Kyzylorda-news.kz» АА ұжымы және Елібай Зұлқарнайұлының әйелі Ұлтусын Агбаева мен бауырлары қатысты.Жиынның ашылуында Қорқыт ата атындағы Қызылорда университетінің «Қазақ тілі мен әдебиеті және журналистика» білім беру бағдарламасының жетекшісі, аға оқытушы, филология ғылымдарының кандидаты Гүлзира Оралова мен «Сыр медиа» ЖШС бас директоры Марат Аралбаев сөз сөйлеп, байқаудың маңызына тоқталды. Олар Елібай Зұлқарнайұлының кәсіби маман ретіндегі қызметі жайлы айтып, журналистика саласындағы цифрлық өзгерістерге бейімделудің, заманауи технологияларды меңгерудің және болашақ мамандардың кәсіби әлеуетін арттырудың өзектілігін атап өтті.Іс-шараның маңызды бөлігі Елібай Зұлхарнайұлы Жікібаевтың өмірі мен кәсіби қызметіне арналды.2011 жылы Қызылорда облысында қазақ және орыс тілдерінде жарық көрген «Kyzylorda-news.kz» интернет басылымы өңірдегі жаңа медианың қалыптасуына үлес қосты. Басылымның негізгі идеясының авторы – белгілі журналист, филология ғылымдарының кандидаты Аманжол Оңғарбаев. Ал интернет газеттің алғашқы бас редакторы қызметіне журналист, сол кезеңде «Караван» газетінің Қызылорда облысындағы меншікті тілшісі болған Елібай Жікібаев тағайындалды.Ол кезде интернет басылымдардың жұмысы енді қалыптасып, әлеуметтік желілер бүгінгідей кең таралмаған. Осындай кезеңде жаңа ақпараттық жобаның жұмысын жолға қою, редакциялық ұжымды қалыптастыру және жедел ақпарат тарату ісін ұйымдастыру үлкен жауапкершілікті талап етті. Елібай Зұлқарнайұлы журналистикадағы мол тәжірибесін осы міндеттерді орындауға жұмсап, өңірлік интернет басылымның дамуына еңбек сіңірді.Кездесу барысында Елібай Жікібаевпен бірге еңбек еткен Насреддин Бахманов естеліктерін бөлісті. Сондай-ақ «Сыр бойы» газетінің бас редакторы, Қазақстан Журналистер одағының Қызылорда облыстық филиалының төрағасы Қуат Шарабидинов журналистің кәсіби болмысы мен әріптестік қарым-қатынасы туралы пікір білдірді. Естеліктерде Елібай Жікібаевтың журналистикаға адалдығы, жауапкершілігі және жаңа ақпараттық жобаларды жүзеге асырудағы еңбегін атап өтті.Айта кетейік, аталған байқауға Қорқыт ата атындағы Қызылорда университеті Гуманитарлық-педагогикалық институтының «Қазақ тілі мен әдебиеті және журналистика» білім беру бағдарламасы бойынша журналистика мамандығында білім алатын 3–4-курс студенттері қатысты.<img src="https://knadmin.beoblood.kz/uploads/Whats_App_Image_2026_10_13_at_18_32_34_18a84abe73.jpeg" alt="Ғылыми жоба.jpeg">Байқау талаптарына сәйкес, қатысушылар журналистика және медиаменеджмент, IT, дата-журналистика, инновациялық шешімдер мен контент әзірлеу бағыттары бойынша ғылыми жобаларын ұсынды. Жобаларда аймақтық ақпараттық агенттіктердің жұмысын жетілдіру, редакциялық үдерістерге заманауи технологияларды енгізу және медиа өнімдерінің сапасын арттыру мәселелеріне басымдық берілді.Байқауға барлығы сегіз жоба келіп түсті. Сараптау қорытындысы бойынша олардың ішінен төрт жоба іріктеліп, авторлары қорытынды жиында өз жұмыстарын таныстырды.Жобаларды бағалау комиссиясының төрағасы Жәнібек Исаев байқауды сараптау жұмыстары туралы сөз сөйледі. Ол жасанды интеллектіні медиа саласына енгізудің теориялық негіздерімен қатар, оның нақты редакциялық міндеттерді шешудегі қолданбалы маңызын атап өтті.Байқау қорытындысы бойынша 3-орынды Ж-24-1 оқу тобының студенті Қарақат Медетқызы, 2-орынды Ж-23-3 оқу тобының студенті Зейнеп Сәрсенмұратова, 1-орынды Ж-23-1 оқу тобының студенттері Ақбота Сейтқасымова мен Ердос Есқали иеленді. Жеңімпаздарға диплом және қаржылай сыйлық табысталды. Басқа қатысушылар Алғыс хатпен марапатталды.Елібай Жікібаевтың 70 жылдығына арналған байқау оның журналистика саласындағы еңбегін еске алумен қатар, кейінгі буынның кәсіби ізденісіне жол ашты.Мұндай іс-шаралар университет пен «Сыр медиа» ЖШС арасында ғылыми және тәжірибелік жұмысты жалғастыруға, студенттердің тың идеяларын қолдауға және өңірлік журналистиканы заманауи талаптарға сай дамытуға мүмкіндік береді.<img src="https://knadmin.beoblood.kz/uploads/Whats_App_Image_2026_10_13_at_18_32_40_1b1dedeb3d.jpeg" alt="Ғылыми жоба.jpeg">Сурет: Нұрболат Нұржаубай

Қорқыт ата атындағы Қызылорда университетінде ғылыми жоба байқауының қорытынды отырысы өтті

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – Ұлттық экономика министрі Серік Жұманғарин Үкімет отырысында осы жылдың 9 айындағы әлеуметтік-экономикалық даму туралы баяндама жасады, деп хабарлайды <a href="https://baq.kz/qazaqstan-ekonomikasy-zhyl-basynan-42-ga-osti-320049086/">BAQ.KZ тілшісі.</a>Айтуынша, биыл экономика бірқатар тежеуші факторлар жағдайында дамуда.Біріншіден, бұл мұнай өндірісінің азаюы және мұнай секторының жалпы ішкі өнімнің өсуіне теріс үлесі. Биыл 9 айдың қорытындысы бойынша мұнай өндіру 8,3%-ға қысқарып, 69,4 млн тоннаны құрады. Екіншіден, теңгенің нығаюы экспортқа бағдарланған салалар мен бюджет кірістеріне тежегіш әсер етуде. Үшіншіден, тұтынушылық кредиттеу өсуінің баяулауы тұтынушылық сұранысты тежеуде, - деп атап өтті вице-премьер.Айта кетерлігі, жылдық мәнде тұтынушылық кредиттердің өсуі 2025 жылғы тамыздағы 26,4%-дан ағымдағы жылғы тамызда 10,4%-ға дейін төмендеген.<blockquote>Аталған факторларға қарамастан, Қазақстан экономикасы өсуін жалғастыруда және оң динамиканы көрсетуде. Тоғыз айдың қорытындысы бойынша экономиканың өсуі 4,2%-ды құрады. Экономиканың өсуі шикізатқа қатысты емес сектор есебінен қамтамасыз етілді, ол бағалау бойынша 5,4%-ға өсті. Салалар арасында құрылыс, өңдеу өнеркәсібі, көлік қызметтері және сауда ең жоғары қарқын көрсетуде. Осы салалардың жалпы ішкі өнімнің өсуіне қосқан жиынтық үлесі 75%-дан асады, - деді Серік Жұманғарин.</blockquote>Сурет: shutterstock

Қазақстан экономикасы жыл басынан бері 4,2%-ға өсті

<a href="https://kyzylorda-news.kz/">Kyzylorda-news.kz</a> Жалағаш ауданында 2026 жылдың алғашқы жартыжылдығында әлеуметтік-экономикалық даму көрсеткіштері оң нәтижемен қорытындыланды. Бұл туралы Өңірлік коммуникациялар қызметінің ақпарат алаңында өткен баспасөз конференциясында аудан әкімі Ардақ Ибраимов мәлімдеді.Жыл басынан бері аудан экономикасының негізгі бағыттарында тұрақты өсім қалыптасты. Өнеркәсіп өнімінің көлемі 110,7 пайызға, өңдеу өнеркәсібі 100,1 пайызға, инвестициялар көлемі 113,2 пайызға жетті. Сонымен қатар бөлшек сауда, ауыл шаруашылығы, құрылыс және тұрғын үй пайдалануға беру көрсеткіштері де жоспардан жоғары орындалған.<blockquote>«Бірінші жартыжылдықта аудан бюджеті нақтыланып, толық көлемде игерілді. Бұл инфрақұрылымдық және әлеуметтік жобаларды уақытылы жүзеге асыруға мүмкіндік берді. Кәсіпкерлікті қолдау бағытындағы жұмыстар да жалғасуда. Бүгінде ауданда 2541 шағын және орта кәсіпкерлік субъектісі тіркелсе, оның 2471-і тұрақты жұмыс істеп тұр. Қаржы институттары арқылы кәсіпкерлердің 56 жобасы қаржыландырылды. Ауыл тұрғындарының табысын арттыруға бағытталған «Ауыл аманаты» жобасы аясында биыл 37 жоба қаржыландырылып, 39 жаңа жұмыс орны ашылды», - деді аудан әкімі.</blockquote>Өңірдегі ең ауқымды жобалардың бірі швейцариялық «Харвест Агро Холдинг» компаниясының техникалық қарасора, жүгері және мақсары өсіру әрі қайта өңдеу жобасы. Жалпы құны 68 млрд теңгені құрайтын өндіріс іске қосылғанда жыл сайын ондаған мың тонна ауыл шаруашылығы өнімі өндіріліп, өңделетін болады. Биылдың өзінде компания 26,3 млрд теңге инвестиция салып, 7 мың гектар алқапқа егіс орналастырып, 142 жаңбырлатып суару қондырғысын іске қосқан. Қазіргі таңда жоба аясында 100 адам тұрақты жұмыспен қамтылған.Бұдан бөлек, ауданда жалпы құны 70 млрд теңгені құрайтын алты инвестициялық жоба жоспарланып, оның бесеуі іске асырылды. Нәтижесінде 120 жаңа жұмыс орны құрылды.<blockquote>«Мемлекет басшысы мен Үкіметтің, облыс әкімдігінің қолдауының арқасында аудан экономикасында тұрақты өсім қалыптасты. Инвестициялық жобалар өндірісті әртараптандыруға, жаңа жұмыс орындарын ашуға және тұрғындардың әл-ауқатын арттыруға мүмкіндік беріп отыр. Алдағы уақытта бұл бағыттағы жұмыстар жалғасын табады», – деді аудан әкімі Ардақ Ибраимов.</blockquote><figure class="image"><img src="https://knadmin.beoblood.kz/uploads/zhala_ash_kimi_5358095635.jpg" alt="жалағаш әкімі брифинг .jpg"></figure>Фото: pixabay

Жалағашта инвестициялық жобалар қарқын алды

<a href="https://kyzylorda-news.kz/">Kyzylorda-news.kz</a> Шиелі ауданында соңғы үш жылда ауданның өз кірісі 5,3 млрд теңгеден 7,5 млрд теңгеге дейін өсіп, 141 пайыздық өсім көрсетті. Бұл қаражат әлеуметтік нысандарды дамытуға және тұрғындардың әл-ауқатын арттыруға бағытталуда. Сонымен қатар облыс әкімінің тапсырмасына сәйкес салық түсімдерін ұлғайту мақсатында арнайы жұмыс топтары тұрақты жұмыс жүргізуде. Бұл туралы Өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Айтбай Жандарбеков таныстырды.<blockquote>«Жыл басынан бері аудан экономикасының негізгі макроэкономикалық көрсеткіштері де оң нәтижеге қол жеткізді. Өнеркәсіп өнімінің көлемі 44 млрд 6 млн теңгені, өңдеу өнеркәсібі 37 млрд 848 млн теңгені құрады. Ауыл шаруашылығы саласында 5 млрд 711 млн теңгенің өнімі өндіріліп, өткен жылдың сәйкес кезеңімен салыстырғанда 105,1 пайызға орындалды. Инвестиция тарту көлемі өткен жылдың сәйкес кезеңінен 105,2 пайызға артты. Осы кезеңде 37 мың 753 шаршы метр тұрғын үй пайдалануға беріліп, бұл көрсеткіш өткен жылмен салыстырғанда 104,5 пайызды құрады. Бөлшек сауда көлемі де 6 млрд 971 млн теңгеге жетіп, тұрақты өсім сақталды. Экономиканың тұрақты дамуы аудан тұрғындарының әл-ауқатын арттырудың басты кепілі. Сондықтан инвестиция тарту, өндірісті ұлғайту және бюджет кірістерін көбейту бағытындағы жұмыстар жүйелі түрде жалғасады», – деді аудан әкімі Айтбай Жандарбеков.<figure class="image"><img src="https://knadmin.beoblood.kz/uploads/brifing_shieli_a3053066e3.jpg" alt="брифинг шиелі.jpg"></figure></blockquote>Фото: t.me/tengenomika/ РСК Кызылорда&nbsp;

Шиеліде экономикалық өсімнің оң динамикасы сақталды 

<a href="https://kyzylorda-news.kz/">Kyzylorda-news.kz</a> Шиелі ауданында спорт кешендері, көпірлер, газ және электр желілері, әлеуметтік нысандар құрылысы кезең-кезеңімен жүзеге асырылуда. Жаңғыртылған Шиелі теміржол вокзалы пайдалануға беріліп, тұрғындарға қолайлы жағдай жасалды. Сонымен қатар жолдарды қайта жаңғырту, елді мекендерді газдандыру және электр желілерін жаңарту жұмыстары жалғасып жатыр. Бұл туралы Өңірлік коммуникациялар қызметінде өткен баспасөз конференциясында Шиелі ауданының әкімі Айтбай Жандарбеков баяндады.Тұрғын үй саласында соңғы жылдары жүздеген пәтер халық игілігіне берілсе, биыл тағы да жаңа көпқабатты тұрғын үйлердің құрылысы басталады. Аудан халқы сапалы ауыз сумен толық қамтылған.<blockquote>«Білім саласында үш ауысымды мектеп жоқ. Биыл Ұлттық бірыңғай тестілеудің орташа көрсеткіші өсіп, аудан облыс бойынша үздік үштіктің қатарына енді. Денсаулық сақтау саласында магниттік-резонанстық томография аппараты іске қосылып, медициналық мекемелерге жөндеу жұмыстары жүргізілуде. Абаттандыру бағытында «Таза Қазақстан» акциясы аясында санитарлық тазалық, көгалдандыру және қоғамдық кеңістіктерді көркейту жұмыстары күшейтілді. Белсенді тұрғындар мен еріктілердің еңбегі арнайы марапатталып келеді. Халыққа қолайлы орта қалыптастыру біздің негізгі міндетіміз. Сондықтан құрылыс, жол, тұрғын үй, білім мен денсаулық сақтау салаларындағы жобаларды сапалы әрі уақытылы аяқтауға ерекше мән береміз», – деді аудан әкімі Айтбай Жандарбеков.</blockquote>

Шиеліде әлеуметтік және инфрақұрылымдық жобалар қарқын алды 

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Мемлекет басшысының автомобиль жолдары саласын реформалау жөніндегі тапсырмаларының орындалу барысы бойынша кеңес өткізді. Жиында Президенттің «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауында айқындалған міндеттер аясында жол құрылысының сапасын арттыру және заманауи автомобиль жолдары желісін қалыптастыру мәселелері қаралды.Оған облыс әкімі Мұрат Ергешбаев селекторлық режим арқылы қатысты. Кеңес отырысынан кейінгі мәжілісте көтерілген мәселелерге орай жауапты сала басшыларына бірқатар нақты тапсырма берілді.<blockquote>«Мемлекет басшысы Қасым-Жомарт Кемелұлы өз Жолдауында: «Біздің негізгі мақсатымыз – еліміздегі жолдардың әлеуетін нығайтып, азаматтарымыздың табысын арттыру. Алдымызда республикалық және жергілікті деңгейдегі жолдарды сапалы салу бойынша аса маңызды міндет тұр», – деп ерекше тоқталды. Сапалы жолдар мен заманауи сервистік инфрақұрылымсыз еліміздің көлік-логистикалық орталыққа, ірі транзиттік аймаққа айналуы мүмкін емес. Сондықтан бұл бағыттағы жұмыстарды сапалы етіп орындауды қатаң тапсырды. Біздің міндетіміз – Жолдаудағы бастамалардың мерзімінде, нәтижелі іске асуын қамтамасыз ету. Бұл бағытта өңірімізде басталған автожол құрылыстарын сапалы жүргізіп, белгіленген мерзімде аяқтауымыз қажет»,– деді Мұрат Нәлқожаұлы.</blockquote>Аймақ басшысы көліктік бақылау инспекциясына орталық атқарушы органдармен бірлесіп, өңірдегі барлық автокөлік бекетін жаңғыртуды жеделдетуді тапсырды.Полиция департаментімен бірлесіп, көлік бекеттеріндегі бақылауды күшейту, жол сапасына зиян келтіретін ауыр жүк көліктерінің қозғалысын шектеу үшін тұрақты рейд ұйымдастыру қажет. Атқарылған жұмыстар, анықталған заң бұзушылықтар, салынған айыппұлдар мен қабылданған шаралар туралынақты ақпарат ұсыну міндеттелді.Қызылорда қаласы мен аудан әкімдері жолаушылар көлігі және автомобиль жолдары басқармасы, «ҚазАвтоЖол» мекемесімен бірлесіп, анықталған кемшіліктерді үш күн ішінде жоюы керек.Айта кетейік, өңірде 3 525 шақырым автомобиль жолы бар, оның 1 025 шақырымы – республикалық, 555 шақырымы – облыстық, 1 945 шақырымы – аудандық маңызы баржолдар.Биыл жол инфрақұрылымын дамытуға 43,8 млрд теңге бөлініп, 168 шақырым автомобиль жолы мен көшелер, сондай-ақ көпірлер жөнделуде. Жыл қорытындысымен жақсы жағдайдағы жолдардың үлесін 95,5 пайызға жеткізу көзделген.

Автожол саласын реформалау мәселелері қаралды

Шиелі ауданында «Алтын күз – 2026» мерекесі аясында даңғайыр диқан, екі мәрте Социалистік Еңбек Ері Ыбырай Жақаевтың 135 жылдығына арналған «Жұлдызы жарық Шиелі» атты театрландырылған қойылым көрсетіліп, ауыл шаруашылығы саласының еңбек озаттарын марапаттау рәсімі өтті.Салтанатты шараға облыс әкімі Мұрат Ергешбаев, Еңбек Ерлері Асқар Жұмаділдаев, Имамзада Шағыртаев, &nbsp;Құрылтай депутаттары Серік Қожаниязов, Нұркен Бақытбекұлы, Мағжан Ералиев, Қазақстан Халық Кеңесінің мүшесі Жанар Бимұратқызы, зиялы қауым өкілдері мен ел ағалары қатысты.<img src="https://knadmin.beoblood.kz/uploads/FB_IMG_1793561019150_8d2b18c314.jpg" alt="FB_IMG_1793561019150.jpg">Аймақ басшысы &nbsp;диқандарға алғыс білдіріп, &nbsp;аграрлық саладағы жетістіктерге тоқталды.«Мемлекет басшысы Қасым-Жомарт Кемелұлы биылғы Жолдауында Қызылорда облысының шаруалары қатаң климатқа қарамастан жүгері мен соя өсіріп, &nbsp;терең өңдеуді қолға алғанын ерекше атап өтті. Бұл – Президенттің Сыр еңбеккерлеріне берген жоғары бағасы. Алдағы уақытта да диқандарымыз аграрлық саланы жаңа деңгейге көтеріп, еңбегін еселей түсетініне сенемін.Соңғы жылдары облысымыз ел дамуының көшінде алдыңғы қатардан көрініп келеді. Биыл ауыл шаруашылығы саласын мемлекеттік қолдауға 37 млрд теңге бөлінді. Бұл өткен жылмен салыстырғанда бір жарым есе көп. Осы жылдың тоғыз айында ауыл шаруашылығында 178 млрд теңгенің өнімі өндірілді.<img src="https://knadmin.beoblood.kz/uploads/FB_IMG_1793560975715_e70b608f69.jpg" alt="FB_IMG_1793560975715.jpg">Халқымыз «Бір түйір дәнде бір тамшы тер бар» дейді. Күннің ыстық-суығына қарамай, уақытпен санаспай, тынымсыз еңбек етіп, ел қамбасын астыққа толтырған барша диқандарымызға айрықша алғысымды білдіремін. Өңірдегі тұрақтылық пен экономикалық өсім – сіздердің еселі еңбектеріңіздің жемісі. Ұлттық дәстүрімізді ұлықтап, рухымызды асқақтататын осындай өнегелі шаралар ынтымағымызды арттырып, берекемізді тасыта берсін» ,– деді Мұрат Нәлқожаұлы.Мерекелік шарада ауыл шаруашылығы саласында жоғары көрсеткіштерге қол жеткізген азаматтарға &nbsp;Премьер-министрдің және облыс әкімінің Алғыс хаттары, І, ІІ, ІІІ дәрежелі «Үздік шаруашылық», «Озат күріш өсіруші», «Озат комбайншы» номинациялары бойынша марапаттар берілді. Еңбек озаттарына тұрғын үй кілті және 1 миллион теңгелік қаржылай сертификаттар табысталып, Ыбырай Жақаевтың ұлы Жақаев Сейітбек Ыбырайұлына автокөлік сыйға тартылды.Жиында &nbsp;Құрылтай депутаты Серік Салауатұлы, Қазақстанның Еңбек Ері, Қазақстан Халық Кеңесінің мүшесі Имамзада Қуанышбайұлы құттықтау сөз сөйлеп, Шиелі ауданының құрметті азаматы, «Құрмет» орденінің иегері Сұлтанбек Қойшыбайұлы ақ батасын берді.<img src="https://knadmin.beoblood.kz/uploads/FB_IMG_1793560998809_08b554acfb.jpg" alt="FB_IMG_1793560998809.jpg">

Шиеліде еңбек озаттары марапатталды 

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Мемлекет басшысының Жолдауында берілген тапсырмаларды орындаумәселелері талқыланған Үкімет отырысы өтті. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте Президент Жолдауында айқындалған міндеттерге қатысты жауапты сала басшыларына нақты тапсырмалар берілді.<blockquote>«Президентіміздің Жолдауы – еліміздің алдағы даму бағыттарын айқындайтын маңызды құжат. Ендігі міндет – белгіленген басымдықтарды жүйелі жүзеге асырып, нақты нәтижеге қол жеткізу. Әрбір басқарма басшысы, қала және аудан әкімдері өзіне жүктелген міндеттерге жауапкершілікпен қарауы тиіс. Жұмысымыздың басты өлшемі – халықтың сенімі мен өңірдің тұрақты дамуы. Сондықтан барлық бағыт бойынша күш біріктіріп, тапсырмаларды сапалы әрі уақытылы орындауқажет», – деді Мұрат Нәлқожаұлы.</blockquote>Аймақ басшысы инвестиция тарту, кәсіпкерлікті қолдау, өндірісті әртараптандыру,ауыл шаруашылығы әлеуетін арттырудыңэкономикалық өсімге тигізетін оң әсерін атап өтті. Сондықтан жаңа жобаларды іске асыруға және отандық өнім көлемін ұлғайтуға басымдық берукерек.Әлеуметтік және инженерлік инфрақұрылымның жай-күйін бағалау үшін алдағы уақытта мектептерге, медициналық мекемелерге, мәдениет және спорт нысандарына деген қажеттілік жан-жақты зерделенеді.&nbsp;Тұрғындарға коммуналдық қызмет көрсету, жол сапасы мен көлік қатынасын жақсарту, басталған жобаларды мерзімінде аяқтап, бюджет қаражатын тиімді пайдалану маңызды.Білім беру және денсаулық сақтау салаларындағы қызмет сапасын арттыру, кадр тапшылығын азайту, білім беру ұйымдарының материалдық-техникалық базасын нығайту және балалардың қауіпсіздігі бірінші кезектегі міндеттер қатарында.&nbsp;Мемлекеттік басқару тиімділігін арттыру үшін ведомствоаралық деректер алмасуды жетілдіру, есептілік жүктемесін азайту және мемлекеттік қызмет көрсету мерзімін қысқарту жұмыстары жалғасады. Облыстық цифрлық технологиялар басқармасына &nbsp;жасанды интеллектті қолданыпжүзеге асырылатын жобалар тізбесін әзірлеу тапсырылды.Қаржының уақытылы игерілуіне кедергі келтіретін мәселелерді алдын ала зерделеп, жедел шешу керек. Мемлекеттік сатып алу рәсімдерінің ашықтығы, орындалған жұмыс сапасы және бөлінген қаражаттың нәтижелілігі тұрақты бақылауда болады.Тұрғындармен тиімді кері байланыс орнату да – маңызды бағыттардың бірі. Осыған орай, басқарма басшылары мен қала, аудан әкімдеріне азаматтардың өтініштері мен ұсыныстарына жедел жауап беру, халықты толғандыратын мәселелерді дер кезінде анықтап, олардың қордалануына жол бермеу міндеті қойылды.

Президент Жолдауында айқындалған міндеттерге қатысты жауапты сала басшыларына нақты тапсырмалар берді

«Әділет» партиясынан Қызылорда облыстық мәслихатының депутаттығына кандидат Үйтолған Жареке Қызылжарма ауылдық округінде «Есіктен есікке» акциясы аясында тұрғындармен кездесті.Кездесу барысында кандидат партияның Қызылорда облысын 2031 жылға дейін дамытуға арналған сайлауалды бағдарламасының негізгі бағыттарын таныстырып, өңір тұрғындары үшін өзекті әлеуметтік мәселелерге тоқталды. Әсіресе халықты баспанамен қамтамасыз ету мәселесіне ерекше назар аударды. Оның айтуынша, бүгінде тұрғын үйге мұқтаж, баспана кезегінде тұрған азаматтар аз емес. Әр отбасы үшін жеке баспананың болуы – тұрақтылық пен тұрмыс сапасының маңызды көрсеткіші. «Үйі бардың – күйі бар» дегендей, тұрғын үй мәселесін шешу халықтың әл-ауқатын арттырудағы маңызды міндеттердің бірі.Осы орайда Үйтолған Жареке «Әділет» партиясының сайлауалды бағдарламасында алдағы бес жылда облыс көлемінде 4,7 млн шаршы метр тұрғын үй салу міндеті көзделгенін атап өтті. Оның сөзінше, партия осы жоспардың жүзеге асуына ықпал етіп, тұрғын үй құрылысын дамытуға және азаматтардың баспаналы болу мүмкіндігін кеңейтуге бағытталған жұмыстарға атсалысады.Сонымен қатар кандидат сайлауалды бағдарламада жергілікті жолдардың сапасын жақсарту, инженерлік-коммуналдық желілерді жаңғырту, өңір экономикасын дамыту және жаңа жұмыс орындарын ашу бағыттары қамтылғанын жеткізді.Қала инфрақұрылымына қатысты жоспарлар қатарында су құбыры желілерін жаңарту, Талдыарал елді мекенінде қосымша ұңғыма орнату, биологиялық тазарту станциясын жаңғырту, жылу және электрмен жабдықтау жүйелерін жақсарту жобалары бар.Кездесу барысында Үйтолған Жареке тұрғындардың ұсыныс-пікірлерін тыңдап, оларды толғандырған мәселелер бойынша пікір алмасты.Сонымен қатар 29 қарашада өтетін сайлауда «Әділет» партиясын қолдауп дауыс беруге шақырды.&nbsp;Тапсырыс беруші: Базартай Н.Ж.Қызылорда облыстық мәслихаты депутаттарының сайлауында партиялық тізімді &nbsp;ұсынған «Әділет» партиясы» ҚБ сайлау қорының қаражатынан төленді<img src="https://knadmin.beoblood.kz/uploads/IMG_20261102_WA_0019_658024779b.jpg" alt="IMG-20261102-WA0019.jpg">

«Әділет» партиясы алдағы 5 жылда өңірде 4,7 млн шаршы метр тұрғын үй салуға ықпал етеді

<a href="https://kyzylorda-news.kz/">Kyzylorda-news.kz</a>&nbsp; Түркияда 15 жасқа толмаған балалардың әлеуметтік желілерді пайдалануына тыйым салу туралы жаңа талап күшіне енді. Енді әлеуметтік желі платформалары пайдаланушылардың жасын тексеріп, бұған дейін ашылған кәмелетке толмаған балалардың аккаунттарын кезең-кезеңімен бұғаттауы тиіс, – деп хабарлайды <a href="https://baq.kz/turkiya-15-zhasqa-deyingi-balalardyn-aleumettik-zhelige-kiruine-shekteu-qoydy-320052083/">baq.kz.</a>Отбасы және әлеуметтік қызметтер министрі&nbsp;Махинур Гөкташтың&nbsp;айтуынша, жаңа талаптарға бейімделу кезеңі 2027 жылғы 31 наурызға дейін жалғасады.Әлеуметтік желілерге кіру үшін пайдаланушылар жеке басын мемлекеттік e-Devlet платформасы арқылы растауы қажет болады.Ал 15 пен 18 жас аралығындағы жасөспірімдер әлеуметтік желілерді белгілі бір шектеулермен пайдалана алады. Оларға тікелей эфир жүргізуге тыйым салынады. Сондай-ақ олар тек достарымен ғана хат алмаса алады.Жаңа талаптарды бұзған әлеуметтік желі платформаларына, сондай-ақ 15 жасқа толмаған балалардың атына аккаунт тіркеген тұлғаларға санкциялар қарастырылған.Сонымен қатар шетелдік туристер паспорттық деректерін растағаннан кейін әлеуметтік желілерді пайдалана алады.Түркия билігі бұл жаңашылдықты балалардың қауіпсіздігін қамтамасыз ету және олардың сабақ оқуға көбірек уақыт бөлуіне жағдай жасау қажеттілігімен түсіндірді.Фото: freepik

15 жасқа дейінгі балалардың әлеуметтік желіге кіруіне шектеу қойды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен автомобиль жолдары саласын дамыту мәселелері бойынша мәжіліс өтті. Жиынға аудан әкімі Алмасбек Есмаханов селекторлық режим арқылы қатысты.Аймақ басшысының тапсырмаларына сәйкес мәжілістен кейін аудан әкімінің төрағалығымен арнайы жиын өтті. Жиында аудан аумағындағы автомобиль жолдарының сапасын жақсарту, жол-көлік инфрақұрылымын дамыту, құрылыс және жөндеу жұмыстарының сапасын бақылау мәселелері кеңінен талқыланды.<blockquote>– Президентіміз еліміздегі автомобиль жолдарының сапасына, көлік-логистика инфрақұрылымын дамытуға және елді мекендердің қауіпсіз әрі қолайлы болуына ерекше назар аударып келеді. Бүгінде аудандық маңыздағы автомобиль жолдарының жақсы жағдайдағы үлесі 91 пайызды құрайды. Алдағы уақытта Қожабақы-Аранды және «Қарлан» учаскесінен Бірлік ауылына дейінгі аралықтағы аудандық маңызы бар автомобиль жолдарын жөндеу жоспарда бар. «Автомобиль жолдарының сапасы – ауданның әлеуметтік-экономикалық дамуына тікелей әсер ететін маңызды көрсеткіштердің бірі. Сондықтан жол саласындағы жұмыстарды тек жоспарлап қана қоймай, олардың сапалы әрі уақытылы орындалуын қамтамасыз етуіміз керек. Әсіресе, жөндеуді қажет ететін жол учаскелерін дер кезінде анықтап, дайын жобаларды қаржыландыруға басымдық беру қажет. Мердігер мекемелердің міндеттемелерді орындауы мен құрылыс сапасы қатаң бақылауда болуы тиіс», – деді аудан әкімі.</blockquote>2026 жылы аудан бойынша жол инфрақұрылымын дамытуға жалпы құны 856,9 млн теңгені құрайтын 3 жобаға қаржы бөлінді. Атап айтқанда, Ағайынды Талқанбаевтар көшесін қайта жаңғыртуға 114,9 млн теңге, Жанқожа батыр көшесінің айналма жолын қайта жаңғыртуға 378,7 млн теңге және «Қазалы – Қожабақы – Бозкөл – Кәукей» автомобиль жолының 32,1-шақырымындағы темірбетон көпірді күрделі жөндеуге 363,3 млн теңге қаралған. Бүгінде аталған нысандардағы жұмыстардың орындалуы 95 пайызды құрайды. Бұдан бөлек 2027 жылға жолдар мен көпір инфрақұрылымын дамыту бағытында жалпы құны 5,8 млрд теңгені құрайтын 24 жоба ұсынылған.Жиын қорытындысымен аудан әкімі жауапты сала басшыларына аудандық маңызы бар автомобиль жолдары мен елді мекен көшелерінің жай-күйіне толық зерделеу жүргізуді, жөндеуді қажет ететін учаскелерді анықтауды, жол белгілерінің талапқа сай орнатылуын және жол жиектерінің тазалығын қамтамасыз етуді тапсырды.Сондай-ақ әзірленген жобаларды қаржыландыру мәселесін тиісті облыстық басқармалармен бірлесіп пысықтау, құрылыс-жөндеу жұмыстарының сапасын, техникалық және авторлық қадағалауды күшейту жөнінде нақты міндеттер жүктеді.

Мәжілісте жол инфрақұрылымын дамыту мәселесі қаралды

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында «Өз еліңді таны» атты танымдық экспедиция ұйымдастырылып, оған 20-ға жуық «Ел жастары» ұйымының мүшелері қатысты.Танымдық шараны Қызылорда облыстық қоғамдық даму басқармасының «Қоғамдық келісім және тіл орталығы» КММ ұйымдастырды.Экспедицияның негізгі мақсаты – жастардың туған өлке тарихына деген қызығушылығын арттыру, тарихи-мәдени мұраларды кеңінен таныту және ұлттық құндылықтарды дәріптеу.Сапар барысында жастар Жаңақорған ауданында орналасқан көне Сығанақ қалашығы мен Түркістан облысындағы Сауран қаласының тарихи орындарын аралады. Топқа «Қоғамдық келісім және тіл орталығы» КММ бөлім басшысы Жанболат Досмаханов жетекшілік етті. Ол қатысушыларға көне қалалардың тарихы, тарихи маңызы мен мәдени мұрасы жөнінде мазмұнды мәліметтер берді.Экспедицияға қатысушылар ғасырлар қойнауынан сыр шертетін тарихи орындарды аралап, ата-баба мұрасымен жақынырақ танысуға мүмкіндік алды. Әсіресе, Сығанақ пен Сауран қалаларының тарихи маңызы жастардың қызығушылығын арттырды.Сапар соңында қатысушылар алған әсерлерімен бөлісіп, экспедицияның танымдық тұрғыдан пайдалы болғанын атап өтті. Жастар мұндай бастамалардың туған жер тарихын тереңірек тануға, ұлттық мұраға құрметпен қарауға және тарихи сананы қалыптастыруға ықпалы зор екенін жеткізді.Айта кетейік, «Өз еліңді таны» танымдық экспедициясы – жас ұрпақтың ел тарихына деген қызығушылығын арттырып, тарихи-мәдени мұраны насихаттауға бағытталған маңызды жобалардың бірі.

Бас тақырыптар