«Өнер орталығында» «Жаңа халықтық Конституцияның нормалары мен құндылықтары: &nbsp;Адами капиталды дамыту – білім беру жүйесінің стратегиялық негізі» атты облыстық педагогикалық тамыз конференциясы өтті.Алқалы жиынға облыс әкімі Мұрат Ергешбаев, Оқу-ағарту министрлігінің Білім саласында сапаны қамтамасыз ету комитеті төрағасының орынбасары Жәмилә Есанова, Ғылым және жоғары білім министрінің кеңесшісі Руслан Емелбаев, облыстық мәслихат төрағасы Мұрат Тлеумбетов, зиялы қауым өкілдері, білім саласының ардагерлері мен ұстаздар қатысты.Тамыз конференциясында аймақтың білім беру саласындағы жетістіктер мен маңызды бастамалар жан-жақты талқыланды.<img src="https://knadmin.beoblood.kz/uploads/FB_IMG_1787979989534_9989e4cccc.jpg" alt="FB_IMG_1787979989534.jpg"><blockquote>«Жаңа оқу жылы қарсаңында алдағы даму бағытын белгілеу өте маңызды. Ұстаздардың республикалық тамыз конференциясында Мемлекет басшысы &nbsp;Қасым-Жомарт Кемелұлы: «Әділетті, Қуатты, Қауіпсіз әрі Таза Қазақстанның тірегі болатын жауапты әрі адал азаматтарды тәрбиелеу – бәріміздің ортақ міндетіміз» деп атап өтті. Басымдықтардың қатарында кадр тапшылығын жойып, ұстаздардың біліктілігін көтеру, аймақтар арасындағы білім сапасына қатысты алшақтықты жою, &nbsp;жасанды интеллектіні орта білім беру жүйесіне енгізу, балаларды қорғау және олардың тәрбиесіне мән беру секілді негізгі бес бағыт айқындалды. &nbsp;Президентіміз өз сөзінде Қызылорда облысының мектеп бітірушілері Ұлттық бірыңғай тестілеудің қорытындысы бойынша жоғары көрсеткішке қол жеткізгенін ерекше атап өтті. Түлектеріміз үшінші жыл қатарынан республикада бірінші орында. &nbsp;Бұл ең алдымен ұстаздардың табанды еңбегі мен мемлекет қолдауының нәтижесі деп білемін. &nbsp;Облыстың 967 түлегі «Алтын белгі», 1124 түлегі «Үздік аттестат» иегері атанды. Білім алушылардың жетістіктерін мониторингтеу нәтижесінде оқушыларымыз 4-сыныптар арасында республика бойынша үшінші, 9-сыныптар арасында екінші орынға ие болды. &nbsp;Бұл – жақсы нәтиже. Бірақ осы жетістіктермен шектелуге болмайды. Президентіміз ауыл мектептерін дамыту және білім сапасы төмен аймақтарға нақты қолдау көрсетуді тапсырды. Осы ретте қала мен ауыл мектептері арасындағы айырмашылықты қысқартып, әрбір баланың сапалы білім алуына жағдай жасауымыз қажет. Сонымен бірге, халықаралық және республикалық олимпиадаларға, ғылыми жобалар мен зияткерлік жарыстарға қатысатын дарынды оқушыларды қолдау жүйесін күшейтуіміз керек. Мемлекет басшысы айтқандай: «Ұстаз – ұлттың шамшырағы». Осы жауапты жолда Сіздерге зор денсаулық, сарқылмас күш-қуат, шығармашылық ізденіс пен кәсіби табыс тілеймін. Жаңа оқу жылы баршаңызға тың бастамалар мен жарқын жеңістер әкелсін!» – деді аймақ басшысы. &nbsp;</blockquote><img src="https://knadmin.beoblood.kz/uploads/FB_IMG_1787979941746_1c94e6dea5.jpg" alt="FB_IMG_1787979941746.jpg">Сондай-ақ, облыс әкімі жауапты тұлғаларға жасанды интеллектіні білім беру жүйесіне енгізуде педагогтердің цифрлық құзыретін арттыруды, оқу процесінде тиімді әрі қауіпсіз пайдаланудың озық тәжірибелерін енгізуді тапсырды.&nbsp;«Адал азамат», «Заң мен тәртіп», Конституциялық құндылықтар &nbsp;тәрбие жұмысының негізгі өзегіне айналуы керек. Бұл міндетті тек мектепке жүктеп қоюға болмайды. Мемлекет, мектеп, ата-ана және қоғам бірлесіп жұмыс істегенде ғана нәтиже шығады.Бұдан бөлек, аймақ басшысы педагогтердің біліктілігін арттыруды, жас мұғалімдерді қолдау және тәлімгерлік институтын күшейтуді, балалардың заңды мүдделері мен қауіпсіздігін қамтамасыз етуді, әлеуметтік осал топтағы балаларға көмек көрсетуді, қосымша білім беру ұйымдарының мүмкіндігін тиімді пайдаланып, балалардың бос уақытын ұйымдастыруды, сыбайлас жемқорлық тәуекелдерінің алдын алуды тапсырды.Жиында облыстық білім басқармасының басшысы Асқарбек Есжанов, Оқу-ағарту министрлігінің Білім саласында сапаны қамтамасыз ету комитеті төрағасының орынбасары Жәмилә Есанова, Ғылым және жоғары білім министрінің кеңесшісі Руслан Емелбаев, Қорқыт ата атындағы Қызылорда университетінің басқарма төрағасы – ректоры, облыстық қоғамдық кеңес төрағасы Наурызбай Байқадамов, №10 Білім-инновация лицей-интернатының мұғалімі Нағиша Есбосын, Мемлекеттік қызмет істері агенттігі Қызылорда облысы бойынша департаментінің басшысы Ерлеген Мендалиев баяндама жасады.Мемлекет басшысы Қасым-Жомарт Кемелұлының қатысуымен Астана қаласында өткен тамыз кеңесінде Жалағаш ауданы Әл-Фараби атындағы №201 мектеп-лицейінің мұғалімі Айгүл Шілдебаева «Қазақстанның еңбек сіңірген ұстазы» құрметті атағымен марапатталған болатын.Ал «Орта білім беретін үздік ұйым» аталымы бойынша берілетін 34 млн теңге грантқа Жаңақорған ауданы бойынша білім бөлімінің № 286 мектеп-лицейі лайық деп танылды.Бүгінгі басқосуда білім саласында еселі еңбек етіп жүрген ұстаздар «Құрмет» орденімен, «Ерен еңбегі үшін», «Шапағат» медальдарымен, «Қазақстанның еңбек сіңірген ұстазы» құрметті атағымен, Қызылорда облысының Құрмет грамотасымен, «Қызылорда облысының дамуына қосқан үлесі үшін» медалімен, облыс әкімінің Алғыс хатымен, Оқу-ағарту министрлігінің «Еңбек ардагері», «Ыбырай Алтынсарин» медальдарымен, «Білім беру саласының үздігі» төсбелгісімен, «Орта білім беру ісiнiң үздiгi» құрмет дипломы, Құрмет грамотасы, министрдің Алғыс хатымен марапатталды.<img src="https://knadmin.beoblood.kz/uploads/FB_IMG_1787979991600_74dd7f0fa0.jpg" alt="FB_IMG_1787979991600.jpg">

Білім беру жүйесін дамыту – ел болашағына салынған инвестиция 

<a href="https://kyzylorda-news.kz/">Kyzylorda-news.kz</a> Қызылорда қаласындағы №290 Келешек мектебінің OtAI командасы Қытай Халық Республикасының Бейжің қаласында өткен FIRST LEGO League Asia Open Championship 2026 халықаралық чемпионатында Coding Award номинациясының жеңімпазы атанды.13–16 тамыз аралығында ұйымдастырылған беделді додаға әлемнің 25 елінен 350-ден астам команда қатысып, робототехника, инженерия, бағдарламалау және командалық жұмыс бойынша бақ сынады.Бұл – Қызылорда облысы оқушыларының халықаралық деңгейдегі екінші жыл қатарынан қол жеткізген жетістігі. 2025 жылы Макаода өткен аталған чемпионатта OtAI командасы Challenge Solution Award арнайы жүлдесіне ие болған еді.Халықаралық деңгейдегі бұл жетістік – өңірдегі білім беру жүйесінде STEM бағытындағы жұмыстардың, инженерлік және цифрлық құзыреттерді дамытуға бағытталған жүйелі еңбектің нәтижесі.<img src="https://knadmin.beoblood.kz/uploads/Kyzylordinskie_shkolniki_stali_pobeditelyami_mezhdunarodnogo_chempionata1_779d5f8235.jpg" alt="Кызылординские школьники стали победителями международного чемпионата1.jpg">

Қызылордалық оқушылар халықаралық чемпионаттың жеңімпазы атанды

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен аудан әкімдігінде кезекті мәжіліс өтіп, күн тәртібіне сәйкес жаңа оқу жылына дайындық барысы қаралды.Жиында білім беру ұйымдарының жаңа оқу жылына толық әрі сапалы дайын болуы мен мектептердегі жөндеу және абаттандыру жұмыстары жайында аудандық білім бөлімінің бас маманы Тәжігүл Әбенова баяндап өтсе, аудандық аграрлы-техникалық колледжінің директорының міндетін атқарушы Әбдікәрім Жұбанышев колледждегі дайындық жұмыстарын атап өтті.&nbsp;Қазір бірқатар мектептерде жөндеу жұмыстары жүргізілуде. Сондықтан Жандос Еркінбек нысандардағы жұмыстар белгіленген мерзімде аяқталуын қатаң бақылауға алуды тапсырды.Сонымен қатар оқулықтар мен әлеуметтік қолдауды қажет ететін балаларды мектепке дайындау мәселелері де назардан тыс қалмады. Осы бағытта «Мектепке жол» республикалық акциясы аясында әрбір баланың жаңа оқу жылына дайын болуын қамтамасыз ету тапсырылды. Бұдан бөлек білім беру ұйымдарындағы жол белгілерін қалыпқа келтіріп, оқушылардың жолдан қауіпсіз өтуін реттеу мақсатында мектептердің алдындағы жол қозғалысын бақылау бойынша тапсырмалар берілді. Сондай-ақ жасөспірімдер арасындағы құқық бұзушылықтың алдын алу бағытында құзырлы органдармен бірлесіп, рейд жұмыстарын тұрақты ұйымдастыру қажет екені айтылды.Мәжіліс соңында жауапты сала басшыларына жүктелген міндеттердің орындалуын қатаң бақылауға алып, әрбір тапсырма бойынша жүйелі нәтижеге жұмыс істеу тапсырылды.Айта кетсек бүгінде ауданымызда 15 мыңнан аса 1-11 сынып оқушылары білім алса, биыл 1 сыныпқа 1300-ден астам бала қабылданып отыр.

Мәжіліс отырысында жауапты сала басшыларына тапсырма берді

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың төрағалығымен өткен мәжілісте жаңа оқу жылына дайындық барысы мәселесі қаралды. Жиынға Қазалы ауданының әкімі Алмасбек Есмаханов селекторлық режим арқылы қатысты.Мәжілістен кейін аудан басшысы әкімдік мәжілісін өткізіп, облыс әкімінің берген тапсырмаларына сәйкес ауданның білім саласындағы өзекті мәселелерді жан-жақты талқылады.Ауданда жаңа 2026–2027 оқу жылын 37 мектеп 16 819 оқушымен бастайды. Өткен оқу жылымен салыстырғанда оқушылар саны 118 балаға артқан. Биыл 1-сыныпқа 1 538 бала қабылданған.&nbsp;Жиында алдымен аудан басшысы жаңа оқу жылына дайындық барысында білім беру ұйымдарындағы ағымдағы жөндеу жұмыстарына тоқталып өтті. Қазіргі таңда аудан бойынша №70, №216, №165, №95, №88 және №100 мектептерінде жөндеу жұмыстары жүргізілуде. Аудан әкімі жұмыстарды белгіленген мерзімде, сапалы аяқтауды, әсіресе №95 мектептегі жаңартылып жатқан жылу жүйесін қысыммен сынақтан өткізу және толық іске қосу жұмыстарын бақылауда ұстауды тапсырды. Сонымен қатар, мектептерді жөндеу кезінде тек жоспарланған жұмыстармен шектелмей, балалардың қауіпсіздігіне тікелей әсер ететін электр желілері, жылу жүйелері, инженерлік коммуникациялар мен ғимараттардың жалпы техникалық жағдайына басымдық беру қажеттігін ескертті.&nbsp;Білім беру ұйымдарының тазалығы мен абаттандырылуы мәселесі де назарға алынды. Мектептер мен балабақшаларға жүргізілген зерделеу барысында бірқатар мектептерде кемшіліктер анықталған. Жауаптыларға оларды қысқа мерзімде жойып, фотоесебін ұсыну міндеттелді. Балалардың қауіпсіздігі бойынша мектептер мен балабақшалардағы бейнебақылау, дабыл түймелері, өрт қауіпсіздігі құралдары мен эвакуациялық шығу жолдарын толық тексеру тапсырылды.Мемлекеттік білім беру ұйымының жылу маусымына дайындығы, қазандықтар мен жылу желілерінің жағдайы, отын қоры және коммуналдық берешектер қаралып, берешектерді 1 қыркүйекке дейін өтеу жөнінде тапсырма берілді.Мәжілісте педагог кадрлармен қамтамасыз ету, оқулықтардың уақытылы жеткізілуі, әлеуметтік осал отбасылардан шыққан балаларды қолдау, инклюзивті білім беру, оқушыларды ыстық тамақпен қамту және тасымалдау қауіпсіздігі мәселелері де талқыланды.Білім сапасына қатысты мектептердің оқу үлгерімі мен ҰБТ нәтижелерін арттыру, білім сапасы төмен пәндер бойынша нақты жұмыс жүргізу қажеттігі айтылды. Сонымен бірге аудандағы 3 колледждің материалдық-техникалық базасын күшейту, өндірістік тәжірибе мен түлектерді жұмыспен қамту мәселелерін жақсарту тапсырылды.Аудан әкімі барлық білім беру ұйымдарының жаңа оқу жылына толық әрі сапалы дайын болуын қамтамасыз етуді және тапсырмалардың орындалуын жауапты сала басшыларына қатаң бақылауға алуды тапсырды.<img src="https://knadmin.beoblood.kz/uploads/azaly_o_u_zhylyna_dajyndy_2_156c08785c.jpg" alt="Қазалы оқу жылына дайындық 2.jpg">

Қазалы: Білім саласындағы өзекті мәселелерді жан-жақты талқылады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен мәжіліс өтіп, онда жаңа оқу жылына дайындық жұмыстарының барысы талқыланды.Жиында білім беру ұйымдарының жаңа оқу жылына дайындығы, мектеп ғимараттарының әзірлігі, материалдық-техникалық базаның жай-күйі, қауіпсіздік талаптарының сақталуы және оқу процесін сапалы ұйымдастыруға қажетті жұмыстардың орындалу барысы қаралды. Сондай-ақ білім ошақтарының санитариялық талаптарға сәйкестігі, абаттандырылуы, оқу кабинеттерінің жабдықталуы және оқушыларға қолайлы жағдай жасау мәселелеріне назар аударылды.Аудан әкімі білім беру ұйымдарының оқу жылын толық дайындықпен бастауы тиіс екенін айтып, мектептердегі қауіпсіздік мәселесіне айрықша мән беруді тапсырды.<blockquote>– Жаңа оқу жылының ойдағыдай басталуы – білім беру ұйымдарының жан-жақты дайындығына тікелей байланысты. Мектептердің материалдық-техникалық жағдайы, ғимараттардың әзірлігі, қауіпсіздік талаптарының орындалуы және оқушыларға жасалған жағдай толық зерделенуі тиіс. Әсіресе балалардың қауіпсіздігіне қатысты мәселелерде жауапкершілік пен бақылауды күшейту қажет. Белгіленген жұмыстардың барлығы оқу жылы басталғанға дейін сапалы аяқталуы керек, – деді Берік Әбдіғаппарұлы.</blockquote>Мәжілісте бұдан бөлек, 23 тамызда өтетін Құрылтай депутаттарының сайлауына дайындық мәселесі қаралды. Сайлау учаскелерінің әзірлігі, материалдық-техникалық қамтамасыз етілуі және сайлау процесінің заң талаптарына сәйкес ұйымдастырылуы жөніндегі жұмыстар сараланды. Аудан әкімі жауапты тұлғаларға дайындық жұмыстарын белгіленген мерзімде аяқтап, сайлауды тиісті деңгейде өткізуді қамтамасыз етуді тапсырды.Жиын барысында бірқатар қосымша мәселелер қаралып, жауапты сала басшыларына тиісті тапсырмалар берілді.<img src="https://knadmin.beoblood.kz/uploads/Syrdariya_o_u_zhylyna_dajyndy_2_f91260f0c8.jpg" alt="Сырдария оқу жылына дайындық 2.jpg">

Жаңа оқу жылына дайындық жұмыстары пысықталды

<a href="https://kyzylorda-news.kz/">Kyzylorda-news.kz</a> Т.Жүргенов атындағы шығармашылық үйінде жыл сайын дәстүрлі түрде ұйымдастырылатын Қазақстан Журналистер одағына мүшелікке қабылдау рәсімі өтті.Іс-шараға облыстық «Сыр медиа» ЖШС бас директоры Марат Аралбаев, Қазақстан Журналистер одағы облыстық филиалының төрағасы, облыстық «Сыр бойы» газетінің бас редакторы Қуат Шарабидинов, облыстық «Кызылординские вести» газетінің бас редакторы Бота Ажарбаева, республикалық тәуелсіз қоғамдық-саяси «Ақмешіт ақшамы» газетінің бас редакторы Сәрсенкүл Биқожа, республикалық қоғамдық-әлеуметтік «Ұстаз мәртебесі» газетінің бас редакторы Нұрлан Көбегенұлы және «Казахстанская правда» газетінің Қызылорда облысындағы меншікті тілшісі Әлібек Байшүленов қатысты.Салтанатты жиында журналистика саласының ардагерлері мен белсенді өкілдері құрметке бөленіп, Одақ қатары жаңа мүшелермен толықты.Жиында Қазақстан Журналистер одағының төрағасы Қуат Шарабидинов сөз сөйлеп, кәсіби мереке қарсаңында Одақ қатарына қабылданып жатқан жаңа толқынды құттықтады. Ол журналистикадағы буын сабақтастығының маңызын атап өтіп, шығармашылық ортаға қосылған әрбір жаңа мүшеге сәттілік тіледі.<blockquote>– Жылдағы дәстүрге айналған іс-шара биыл да өз жалғасын тапты. Қалам ұстап, қасиетті мамандықтың бел ортасында жүрген жандарды мүшелікке қабылдап отырмыз. Еңбектеріңіз еленіп, абырой биігінен көрінулеріңізге тілектеспін, – деді облыстық филиал төрағасы.</blockquote>Өз сөзінде Қуат Шарабидинов Қазақстан Журналистер одағының «Алтын медалі» осыдан екі жыл бұрын тағайындалғанын атап өтті. Оның айтуынша, марапат қоғамға адал қызмет етіп, кәсібилігімен және азаматтық ұстанымымен ерекшеленген түрлі саланың үздік өкілдеріне табысталады. Алғашқы жылы марапат денсаулық сақтау саласының үздігіне берілді.Биылғы «Алтын медаль» Қызылорда қаласы Төтенше жағдайлар басқармасының №4 өрт сөндіру бөлімінің бастығы, ІІІ дәрежелі «Мінсіз қызметі үшін» медалінің иегері Фархад Миранбекұлы Тажиевке табысталды. Ол 2004 жылы Тасбөгет кентінде болған өрт кезінде бір ересек адам мен үш жасөспірім баланы құтқарып, ерлік танытқан.Салтанатты жиында Қазақстан Журналистер одағының Құрмет грамотасымен ардагер журналист Төлепберген Бектұрғанұлы, Қорқыт ата атындағы Қызылорда университетінің баспасөз хатшысы Қамбар Ғалымұлы Бекенов және «Халық» газетінің бас редакторының орынбасары – жауапты хатшысы Рыскелді Сәрсенұлы Жахман марапатталды.Сонымен қатар Қазақстан Журналистер одағының қатарына Жібек Баймұратова, Үмбеталы Абибуллаев, Жанар Қайназарова, Сәкен Қабылов, Құралай Жақсылық, Қымбатгүл Бердеш, Айнұр Әлімбаева, Айнұр Назарова, Айсұлу Алданазарова, Малика Тұрғантай, Төребек Төремұратов, Назым Қараева, Гүлдана Жұмадинова және Перизат Захрадин қабылданды.Салтанатты рәсім соңында марапат иелері мен жаңадан қабылданған мүшелерге Қазақстан журналистикасының дамуына қосар үлестері үшін алғыс айтып, шығармашылық табыс пен толайым жетістік тіледі.<img src="https://knadmin.beoblood.kz/uploads/Zhurnalister_oda_y_2_8f7783318d.jpg" alt="Журналистер одағы 2.jpg">

Қазақстан Журналистер одағы жаңа құраммен толықты

<a href="https://kyzylorda-news.kz/">Kyzylorda-news.kz</a> Жалағаш ауданында 2026 жылдың алғашқы жартыжылдығында әлеуметтік-экономикалық даму көрсеткіштері оң нәтижемен қорытындыланды. Бұл туралы Өңірлік коммуникациялар қызметінің ақпарат алаңында өткен баспасөз конференциясында аудан әкімі Ардақ Ибраимов мәлімдеді.Жыл басынан бері аудан экономикасының негізгі бағыттарында тұрақты өсім қалыптасты. Өнеркәсіп өнімінің көлемі 110,7 пайызға, өңдеу өнеркәсібі 100,1 пайызға, инвестициялар көлемі 113,2 пайызға жетті. Сонымен қатар бөлшек сауда, ауыл шаруашылығы, құрылыс және тұрғын үй пайдалануға беру көрсеткіштері де жоспардан жоғары орындалған.<blockquote>«Бірінші жартыжылдықта аудан бюджеті нақтыланып, толық көлемде игерілді. Бұл инфрақұрылымдық және әлеуметтік жобаларды уақытылы жүзеге асыруға мүмкіндік берді. Кәсіпкерлікті қолдау бағытындағы жұмыстар да жалғасуда. Бүгінде ауданда 2541 шағын және орта кәсіпкерлік субъектісі тіркелсе, оның 2471-і тұрақты жұмыс істеп тұр. Қаржы институттары арқылы кәсіпкерлердің 56 жобасы қаржыландырылды. Ауыл тұрғындарының табысын арттыруға бағытталған «Ауыл аманаты» жобасы аясында биыл 37 жоба қаржыландырылып, 39 жаңа жұмыс орны ашылды», - деді аудан әкімі.</blockquote>Өңірдегі ең ауқымды жобалардың бірі швейцариялық «Харвест Агро Холдинг» компаниясының техникалық қарасора, жүгері және мақсары өсіру әрі қайта өңдеу жобасы. Жалпы құны 68 млрд теңгені құрайтын өндіріс іске қосылғанда жыл сайын ондаған мың тонна ауыл шаруашылығы өнімі өндіріліп, өңделетін болады. Биылдың өзінде компания 26,3 млрд теңге инвестиция салып, 7 мың гектар алқапқа егіс орналастырып, 142 жаңбырлатып суару қондырғысын іске қосқан. Қазіргі таңда жоба аясында 100 адам тұрақты жұмыспен қамтылған.Бұдан бөлек, ауданда жалпы құны 70 млрд теңгені құрайтын алты инвестициялық жоба жоспарланып, оның бесеуі іске асырылды. Нәтижесінде 120 жаңа жұмыс орны құрылды.<blockquote>«Мемлекет басшысы мен Үкіметтің, облыс әкімдігінің қолдауының арқасында аудан экономикасында тұрақты өсім қалыптасты. Инвестициялық жобалар өндірісті әртараптандыруға, жаңа жұмыс орындарын ашуға және тұрғындардың әл-ауқатын арттыруға мүмкіндік беріп отыр. Алдағы уақытта бұл бағыттағы жұмыстар жалғасын табады», – деді аудан әкімі Ардақ Ибраимов.</blockquote><figure class="image"><img src="https://knadmin.beoblood.kz/uploads/zhala_ash_kimi_5358095635.jpg" alt="жалағаш әкімі брифинг .jpg"></figure>Фото: pixabay

Жалағашта инвестициялық жобалар қарқын алды

<a href="https://kyzylorda-news.kz/">Kyzylorda-news.kz</a> Шиелі ауданында соңғы үш жылда ауданның өз кірісі 5,3 млрд теңгеден 7,5 млрд теңгеге дейін өсіп, 141 пайыздық өсім көрсетті. Бұл қаражат әлеуметтік нысандарды дамытуға және тұрғындардың әл-ауқатын арттыруға бағытталуда. Сонымен қатар облыс әкімінің тапсырмасына сәйкес салық түсімдерін ұлғайту мақсатында арнайы жұмыс топтары тұрақты жұмыс жүргізуде. Бұл туралы Өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Айтбай Жандарбеков таныстырды.<blockquote>«Жыл басынан бері аудан экономикасының негізгі макроэкономикалық көрсеткіштері де оң нәтижеге қол жеткізді. Өнеркәсіп өнімінің көлемі 44 млрд 6 млн теңгені, өңдеу өнеркәсібі 37 млрд 848 млн теңгені құрады. Ауыл шаруашылығы саласында 5 млрд 711 млн теңгенің өнімі өндіріліп, өткен жылдың сәйкес кезеңімен салыстырғанда 105,1 пайызға орындалды. Инвестиция тарту көлемі өткен жылдың сәйкес кезеңінен 105,2 пайызға артты. Осы кезеңде 37 мың 753 шаршы метр тұрғын үй пайдалануға беріліп, бұл көрсеткіш өткен жылмен салыстырғанда 104,5 пайызды құрады. Бөлшек сауда көлемі де 6 млрд 971 млн теңгеге жетіп, тұрақты өсім сақталды. Экономиканың тұрақты дамуы аудан тұрғындарының әл-ауқатын арттырудың басты кепілі. Сондықтан инвестиция тарту, өндірісті ұлғайту және бюджет кірістерін көбейту бағытындағы жұмыстар жүйелі түрде жалғасады», – деді аудан әкімі Айтбай Жандарбеков.<figure class="image"><img src="https://knadmin.beoblood.kz/uploads/brifing_shieli_a3053066e3.jpg" alt="брифинг шиелі.jpg"></figure></blockquote>Фото: t.me/tengenomika/ РСК Кызылорда&nbsp;

Шиеліде экономикалық өсімнің оң динамикасы сақталды 

<a href="https://kyzylorda-news.kz/">Kyzylorda-news.kz</a> Шиелі ауданында спорт кешендері, көпірлер, газ және электр желілері, әлеуметтік нысандар құрылысы кезең-кезеңімен жүзеге асырылуда. Жаңғыртылған Шиелі теміржол вокзалы пайдалануға беріліп, тұрғындарға қолайлы жағдай жасалды. Сонымен қатар жолдарды қайта жаңғырту, елді мекендерді газдандыру және электр желілерін жаңарту жұмыстары жалғасып жатыр. Бұл туралы Өңірлік коммуникациялар қызметінде өткен баспасөз конференциясында Шиелі ауданының әкімі Айтбай Жандарбеков баяндады.Тұрғын үй саласында соңғы жылдары жүздеген пәтер халық игілігіне берілсе, биыл тағы да жаңа көпқабатты тұрғын үйлердің құрылысы басталады. Аудан халқы сапалы ауыз сумен толық қамтылған.<blockquote>«Білім саласында үш ауысымды мектеп жоқ. Биыл Ұлттық бірыңғай тестілеудің орташа көрсеткіші өсіп, аудан облыс бойынша үздік үштіктің қатарына енді. Денсаулық сақтау саласында магниттік-резонанстық томография аппараты іске қосылып, медициналық мекемелерге жөндеу жұмыстары жүргізілуде. Абаттандыру бағытында «Таза Қазақстан» акциясы аясында санитарлық тазалық, көгалдандыру және қоғамдық кеңістіктерді көркейту жұмыстары күшейтілді. Белсенді тұрғындар мен еріктілердің еңбегі арнайы марапатталып келеді. Халыққа қолайлы орта қалыптастыру біздің негізгі міндетіміз. Сондықтан құрылыс, жол, тұрғын үй, білім мен денсаулық сақтау салаларындағы жобаларды сапалы әрі уақытылы аяқтауға ерекше мән береміз», – деді аудан әкімі Айтбай Жандарбеков.</blockquote>

Шиеліде әлеуметтік және инфрақұрылымдық жобалар қарқын алды 

<a href="https://kyzylorda-news.kz/">Kyzylorda-news.kz</a> Биыл аймақтың әлеуметтік-экономикалық дамуында оң серпін байқалады. Ендеше сандарды сөйлетіп көрсек. Аймақтың өңдеу өнеркәсібі 6,4%-ға, ауыл шаруашылығының жалпы өнімі 1,3%-ға, негізгі капиталға салынған инвестициялар 10,6%-ға артты. Сонымен қатар құрылыс жұмыстарының көлемі 21,8%-ға өссе, пайдалануға берілген тұрғын үйлер 8,4%-ға, сауда көлемі 7%-ға ұлғайған. Бұл туралы Өңірлік коммуникациялар қызметінің ақпарат алаңында Ұлттық статистика Бюросының Қызылорда облысы бойынша департаментінің басшысы Қайрат Әбсұлтанов айтты.<blockquote>- Аймақтың құрылыс саласында қарқынды жұмыстар бар. Бір жыл ішінде атқарылған құрылыс жұмыстарының көлемі 21,8%-ға өсті. Ал тұрғын үй құрылысы аясында 3973 тұрғын ғимараты пайдалануға беріліп, жалпы алаңы 939 мың шаршы метрден асты. Аграрлық салаға да тоқталып өтсем. Ауыл шаруашылығы өнімдерінің жалпы көлемі 1,3%-ға өсті. Өткен жылы облыс бойынша 186,6 мың гектар жерге егін егілді, оның негізгі бөлігі – күріш. Мал басы да көбейіп келеді: жылқы 6,8%-ға, түйе 4,9%-ға, ірі қара мал 1,5%-ға артқан. Ет өндіру 7,5%-ға, сүт 3,0%-ға, жұмыртқа 7,1%-ға көбейген. Демографиялық ахуал да тұрақты. 2025 жылы облыста 16 641 сәби дүниеге келген. Аймақ 1000 тұрғынға шаққандағы туу көрсеткіші бойынша республикада тұрақты түрде төртінші орында тұр. Орта есеппен тәулігіне 40-45 сәби өмірге келсе, ай сайын 1300-1400 бала тіркеледі. Бұл халық санының табиғи өсімі сақталып отырғанын көрсетеді. Кәсіпкерлік саласында да өсім бар. 2026 жылдың 1 қаңтарына облыста 11 551 заңды тұлға тіркеліп, оның 10 354-і нақты жұмыс істеп тұр. Шағын және орта кәсіпкерлік субъектілерінің саны 68 152 бірлікке жетіп, белсенді жұмыс істеп тұрғандары 65 698-ді құрады. Жалпы алғанда, өңірде өндіріс, инвестиция, құрылыс пен кәсіпкерлік қатар дамып, халық саны мен еңбек нарығында тұрақтылық сақталып отыр,- деді Қайрат Байғабылұлы.</blockquote><img src="https://knadmin.beoblood.kz/uploads/Ajma_ta_ekonomikaly_belsendilik_artty_913e0aed1d.jpg" alt="Аймақта экономикалық белсенділік артты.jpg">Фото: pixabay

Аймақта экономикалық белсенділік артты

<a href="https://kyzylorda-news.kz/">Kyzylorda-news.kz</a> Бүгін Қызылордада Сырдария өзені арқылы өтетін жаяу жүргіншілер көпірінің капсуласын салу рәсімі өтті. Оған облыс әкімі Мұрат Ергешбаев, зиялы қауым өкілдері мен ел ағалары қатысты.Іс-шарада аймақ басшысы Сыр елінің бас шаһарының дамуына серпін беретін жобаларға тоқталды. Соның бірі – Сырдария өзені арқылы өтетін жаяу жүргіншілер көпірінің құрылысы. «Астана» шағын ауданы мен Президент саябағын жалғайтын, қаламыздың жаңа сәулеттік келбетін айшықтайтын маңызды инфрақұрылымдық жоба Нұрлыбек Машбекұлының бастамасы болатын.<blockquote>​«Жаңа көпір &nbsp;құрылысын тәжірибесі мол «Әлем Құрылыс» компаниясы жүргізеді. Ұзындығы – 319,4 метр, ені – 12 метр, жалпы құны 13 млрд теңгеге жуықтайды. Ені 3 метр жаяу жүргіншілер жолы және көпір бойында әрқайсысының ені бір жарым метр болатын екі веложолақ салынады. Биыл Қызылорда қаласының жол-көлік инфрақұрылымын дамыту үшін 38 млрд. теңгенің 23 жобасы іске асырылуда, 71 көше күрделі жөндеуден, қайта жаңғыртудан өтіп жатыр. Мәселен, «Бәйтерек» тұрғын ауданындағы оңтүстік магистралды канал арқылы өтетін жаңа көпір құрылысы толық біткенде, көлік қатынасы реттеледі. Торайғыров көшесінен «Қызылорда-Құмкөл» автожолына дейінгі Сағымбаев көшесіндегі қайта жаңғырту жұмыстары да аяқталуға жақын. Осылайша, жаңа көпір мен жаңартылған Сағымбаев көшесі «Батыс Еуропа-Батыс Қытай» халықаралық дәлізі мен Астана қаласынан келетін жолды түйістіретін үлкен әрі заманауи қақпаға айналады. Бұдан бөлек, Назарбаев даңғылы мен негізгі көшелер қайта жаңғыртылды. Тасбөгет кентіндегі Иманов, Бозғұл-1, Наурыз, Есенов көшелері кеңейді. &nbsp; Бұл игіліктер Президентіміз бен Үкіметтің қолдауының арқасында жүзеге асуда. Баршаңыздың ел дамуы, тұрғындарымыздың жайлы тұрмысы мен өскелең ұрпақтың жарқын болашағы жолындағы өрелі жұмыстарыңызға сәттілік тілеймін!», – деді Мұрат Нәлқожаұлы.</blockquote>Іс-шарада облыстық ардагерлер кеңесінің төрағасы Серік Дүйсенбаев сөз сөйлеп, құрылыстың капсуласы салынды. Бүгінде өңірді дамытудағы ілкімді істер жүйелі жүзеге асырылуда.Мемлекет басшысының «Таза Қазақстан» бағдарламасы аясында Президент саябағы жаңа кейіпке енді. Осы аумаққа келушілердің қауіпсіздігі мен жайлылығы үшін автожол және автотұрақ салынды.Сырдария өзенінің қорғаныс бөгеттерін нығайту жұмыстары да қарқын алды. Дария жағалауына екі жолақты жаяу жүргінші және велосипед жолдары түсуде.Бұдан бөлек, жыл бойы үздіксіз қызмет көрсететін «Aй-Керім» оқу-сауықтыру орталығы ашылып, жерлестеріміздің қуанышы еселенді. Лагерь жанынан Ботаникалық бақ пайдалануға берілді. Бақ жасыл желектің бірегей түрлері өсетін, экологиялық мәдениеттің, білім берудің және ішкі туризмнің дамуына қызмет ететін, аймақ тұрғындары мен қонақтары жиі бас қосатын орынға айналды.Саябақты жалғайтын тоғыз қабатты 15 тұрғын үй кешені жақын арада пайдалануға беріледі. Тұрғын үй кешенінің жанынан бес жұлдызды және «Ибис» қонақ үйлері, 200 орындық перинаталдық орталық бой көтеріп келеді.Мемлекет басшысының тапсырмасына сәйкес Президенттік кітапхана мен драма театрдың іргетасы қаланып, құрылысы жүргізілуде.<img src="https://knadmin.beoblood.kz/uploads/Zhayau_zh_rginshiler_k_piri_kapsula_2_22482bff52.jpg" alt="Жаяу жүргіншілер көпірі капсула 2.jpg">

Қызылордада Сырдария өзені арқылы өтетін жаяу жүргіншілер көпірінің капсуласы салынды

Облыс әкімі Мұрат Ергешбаев алдағы жылу беру маусымына дайындық барысын тексеру мақсатында қаладағы бірқатар нысанды аралады.Алдымен Мемлекет басшысының қолдауымен салынған жаңа жылу-электр орталығына барды. 240 МВт электр және 277 Гкал жылу энергиясын өндіретін жаңа орталық құрылысына түркиялық «Aksa Energy» компаниясы 215 млрд теңге инвестиция салған.Жоба аясында қуаты 185 МВт болатын 3 газтурбиналық қондырғы, 55 МВт бу турбинасы, сағатына 127 тонна бу өндіретін 3 &nbsp;қазандық және қуаты 150 Гкал/сағ болатын 2 су жылыту қазандығы орнатылды.Бүгінде орталық толық іске қосылып, 240 МВт электр энергиясы өндірілуде. Сонымен қатар 4 су жылыту қазандығы іске қосылды. Алдағы жылу беру маусымында қала тұрғындары жаңа станция арқылы жылумен қамтамасыз етіледі.<img src="https://knadmin.beoblood.kz/uploads/AKIMAT_88428969e9.webp" alt="АКИМАТ ...webp">Сондай-ақ облыс әкімі «Олжас-2005» ЖШС көмір тасымалдаушы операторының қорын көрді. Қазір 6,5 мың тонна қатты отын жеткізілген. Қоймада 2 мың тонна бар, 7 вагон көмір тасымалдануда.Бұдан кейін аймақ басшысы Қ.Мұхамеджанов атындағы №1 мектеп-гимназиясында жүргізілген ағымдағы жөндеу жұмыстарын көрді. Мектептің спорт залына, кіші зал және киім ауыстыру бөлмелеріне жөндеу жасалған. Сондай-ақ, облыстық аурухананың дайындығы да тексерілді.Аралаудан соң жауапты сала басшыларына жылу беру маусымына дайындықты қатаң бақылауда ұстау тапсырылды.<img src="https://knadmin.beoblood.kz/uploads/AKIMAT_tecz_8f017cd4d4.webp" alt="АКИМАТ тэц.webp">Айта кетейік, биыл жылумен қамту нысандарын жаңғыртуға 5,5 млрд теңге қаржы бөлінді. Бұл қаражат 8,7 шақырым жылу желісін жаңғыртуды аяқтауға, №1 және №2 газтурбиналық қондырғыларды күрделі жөндеуге, 1,3 шақырым жылу желісін жаңғыртуға, 1 қазандық пен 1 турбинаны, сондай-ақ 10 автономды қазандықты және негізгі әрі қосалқы қондырғыларды жөндеуге бағытталған.&nbsp; Жылу беру маусымында тұрғындарға 92 мың тонна, әлеуметтік нысандарға 19 мың тонна, барлығы 111 мың тонна көмір қажет. Бүгінде өңірлік операторлар көмір қорын толықтыруды бекітілген кестеге сәйкес жүргізуде. Облыстағы 1 079 әлеуметтік нысан жауапты кезеңге 98 пайыз дайын.

Жылу беру маусымына дайындық барысы пысықталды 

<a href="https://kyzylorda-news.kz/">Kyzylorda-news.kz</a> Бүгін Арал ауданында Семей ядролық сынақ полигонының жабылғанына 35 жыл толуына орай «Тарихтан тағылым – бейбітшілікке тағзым» атты тағылымды іс-шара өтті.Іс-шара Арал ауданы №220 орта мектеп жанындағы ескерткіш алаңда ұйымдастырылып, шараға ардагерлер, зиялы қауым, қоғамдық ұйым мүшелері, мектеп ұжымы және аудан тұрғындары қатысты.Іс-шара барысында Семей ядролық сынақ полигонының зардабынан өмірден өткен азаматтарды еске алу мақсатында бір минут үнсіздік жарияланды.<img src="https://knadmin.beoblood.kz/uploads/Semej_yadroly_poligony_eske_alu_sharasy_3_412c4dd2f0.jpg" alt="Семей ядролық полигоны еске алу шарасы 3.jpg">Дүниеден өткен азаматтардың рухына аудандық орталық мешіттің бас имамы Ә.Мырзағалиев Құран бағыштап, дұға жасады.Жиында аудан әкімінің орынбасары Н.Бохаев сөз сөйлеп, Семей полигонының жабылуы – халқымыздың ядролық қаруға қарсы азаматтық үнінің, ел бірлігінің және бейбітшілікке деген ұмтылысының тарихи нәтижесі екенін атап өтті.Іс-шара соңында Семей полигонының зардабынан өмірден өткен азаматтардың рухына арналған гүл шоқтарын қою рәсімі өтті.<img src="https://knadmin.beoblood.kz/uploads/Semej_yadroly_poligony_eske_alu_sharasy_e7d11a1ae5.jpg" alt="Семей ядролық полигоны еске алу шарасы.jpg">

Аралда «Тарихтан тағылым – бейбітшілікке тағзым» атты тағылымды іс-шара өтті

<a href="https://kyzylorda-news.kz/">Kyzylorda-news.kz</a> 5547 әскери бөлімінің әскери қызметшілері мен қызметкерлерінің қатысуымен «Мектепке жол»&nbsp;акциясы өткізілді. Акция аясында әлеуметтік қолдауды қажет ететін отбасылардың балаларына мектепке қажетті оқу құралдары, кеңсе тауарлары және басқа да қажетті заттар табыс етілді.Іс-шара барысында балаларға жаңа оқу жылына сәттілік тілектер айтылып, білім алуға деген қызығушылықтарын арттыруға бағытталған жылы лебіздер білдірілді.Сонымен қатар, әскери қызметшілерге қайырымдылықтың, өзара қолдаудың және қоғамның әлеуметтік жауапкершілігінің маңыздылығы түсіндірілді. Акция жеке құрам арасында мейірімділік, жанашырлық, қамқорлық және азаматтық жауапкершілік қасиеттерін қалыптастыруға ықпал етті.Өткізілген «Мектепке жол»&nbsp;акциясы барысында әскери бөлімнің жеке құрамы қайырымдылық пен ізгіліктің маңыздылығын көрсетіп, балаларға жаңа оқу жылын көтеріңкі көңіл-күймен бастауға өз үлестерін қосты.Аталған іс-шара әскери қызметшілер арасында әлеуметтік-қайырымдылық бағытындағы жұмыстарды жандандыруға және қоғамға пайдалы бастамаларды қолдауға бағытталды.

5547 әскери бөлімде «Мектепке жол»  акциясы өтті

<a href="https://kyzylorda-news.kz/">Kyzylorda-news.kz</a> Қызылорда облысының Полиция департаментінде есірткі қылмысының алдын алу және оған қарсы іс-қимылды күшейту мәселелері талқыланған кезекті кеңес отырысы өтті. Жиынға департамент бастығы Серік Ергешов Жүрсінбайұлы төрағалық етті.Кеңестің басты мақсаты – нашақорлық пен есірткі қылмысының алдын алу, жастар арасында салауатты өмір салтын қалыптастыру және осы бағыттағы профилактикалық жұмыстарды бұқаралық ақпарат құралдары арқылы кеңінен насихаттау. Сонымен қатар қоғам белсенділерін, мәдениет қайраткерлерін, еріктілерді жұмылдыра отырып, есірткіге қарсы іс-қимыл шараларын күшейту көзделген.<img src="https://knadmin.beoblood.kz/uploads/V_Kyzylorde_usilivayut_profilaktiku_narkoprestupnosti_sredi_molodezhi1_3189b8b29b.jpg" alt="В Кызылорде усиливают профилактику наркопреступности среди молодежи1.jpg">Отырысқа “Аманат” партиясы жанындағы “Жастар рухы” жастар қанаты облыстық филиалының төрағасы Әсетхан Қазиханұлы, Қалалық жастар ресурстық орталығының директоры Медет Жорабек, Қорқыт Ата және “Болашақ” университетінің өкілдері, әлеуметтік желі белсенділері қатысты.Жиында Серік Ергешов жастар арасында нашақорлықтың таралуына жол бермеу мәселесіне ерекше тоқталып, есірткіге қарсы профилактикалық жұмыстарды жүйелі түрде жүргізіп, олардың тиімділігін арттыру қажеттігін атап өтті.«Есірткі қылмысына қарсы күрес – тұрақты әрі жүйелі жұмысты талап ететін маңызды бағыт. Басты міндет – есірткінің таралуына жол бермеу ғана емес, оның зардабы туралы қоғамға, әсіресе жастарға нақты әрі түсінікті ақпарат жеткізу. Бұл ретте профилактикалық жұмыстарды күшейтіп, жастарды салауатты өмір салтына баулуымыз қажет.

Бас тақырыптар

Білім беру жүйесін дамыту – ел болашағына салынған инвестиция

Қызылордада Сырдария өзені арқылы өтетін жаяу жүргіншілер көпірінің капсуласы салынды

Жылу беру маусымына дайындық барысы пысықталды

Экономика

Жалағашта инвестициялық жобалар қарқын алды

Шиеліде экономикалық өсімнің оң динамикасы сақталды

Шиеліде әлеуметтік және инфрақұрылымдық жобалар қарқын алды

Аймақта экономикалық белсенділік артты

Қоғам

Білім беру жүйесін дамыту – ел болашағына салынған инвестиция

Аралда «Тарихтан тағылым – бейбітшілікке тағзым» атты тағылымды іс-шара өтті

5547 әскери бөлімде «Мектепке жол» акциясы өтті

Есірткі қылмысының алдын алу жөнінде кеңес отырысы өтті

Білім беру жүйесін дамыту – ел болашағына салынған инвестиция

Қызылордалық оқушылар халықаралық чемпионаттың жеңімпазы атанды

Мәжіліс отырысында жауапты сала басшыларына тапсырма берді

Қазалы: Білім саласындағы өзекті мәселелерді жан-жақты талқылады

Жаңа оқу жылына дайындық жұмыстары пысықталды