<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінің оқушылары Айшабиби Ерланқызы мен Гайнижамал Берікқызы жасанды интеллект негізінде жұмыс істейтін QOLDAU AI веб-платформасын әзірледі. Жоба ым-ишараны нақты уақыт режимінде танып, оны мәтін мен дыбыстық хабарламаға айналдыруға мүмкіндік береді. Оқушылар өз әзірлемесін алғаш рет Қызылорда қаласындағы есту қабілеті бұзылған балаларға арналған №6 арнайы мектеп-интернатында сынақтан өткізді.Платформаны пайдалану үшін қарапайым веб-камера мен интернетке қосылу жеткілікті. Жүйе қазақ ым тіліндегі ишараларды танып, оларды мәтіндік және дыбыстық форматқа түрлендіреді. Бұл есту қабілеті бұзылған адамдардың айналасындағылармен қарым-қатынас жасауын жеңілдетуге бағытталған. Сонымен қатар пайдаланушыларға қосымша бағдарламалар орнатудың қажеті жоқ.<img src="https://knadmin.beoblood.kz/uploads/NI_Sh_be678b67ce.jpeg" alt="НИШ..jpeg">Сынақ барысында мектеп-интернат тәрбиеленушілері платформаны қолданып көріп, өз әсерлерімен бөлісті. Педагогтер жобаның тәжірибелік маңызын атап өтіп, жүйе танитын ым-ишаралар қорын кеңейтуді ұсынды. Сондай-ақ олар бұл технологияның балалардың жазбаша сөйлеу дағдыларын дамытуға қосымша құрал бола алатынына назар аударды.<blockquote>– Мамандар мен ата-аналарға пайдалы көмекші бола алатын осындай платформа әзірлегені үшін оқушыларға алғысымды білдіремін. Ым-ишара тіліндегі кейбір қимылдарды нақтылап, жетілдіру қажет. Алдағы уақытта платформада оқыту материалдары мен бейнесабақтардың көбірек болғанын қалаймыз, – деді ым-ишара тілі маманы Зухра Қалжанова.</blockquote><img src="https://knadmin.beoblood.kz/uploads/Whats_App_Image_2026_10_22_at_14_09_16_5a52bde91c.jpeg" alt="НИШ">QOLDAU AI жобасын жетілдіру жұмыстары физика пәнінің мұғалімі Айнұр Құрақбаева мен Қызылорда қаласындағы NIS директорының ғылыми-әдістемелік жұмыс жөніндегі орынбасары Мадина Рашитованың жетекшілігімен жалғасуда. Сынақ кезінде алынған пікірлер мен ұсыныстар оқушыларға платформаны болашақ пайдаланушылардың қажеттіліктеріне сай жетілдіруге мүмкіндік береді.Жаңа технологияны таныстыру екі білім беру ұйымы арасындағы кездесудің бір бөлігі болды. NIS оқушылары Республика күніне орай мектеп-интернат тәрбиеленушілеріне арнап «Қазақстан – менің мақтанышым» атты сурет байқауын да ұйымдастырды. Балалар туған елдің мәдениеті, салт-дәстүрлері мен көрікті жерлерін бейнелейтін акварель жұмыстарын ұсынды. Байқау жеңімпаздары мектеп-интернат тәрбиеленушілері дайындаған концерттік бағдарлама аясында марапатталды.<img src="https://knadmin.beoblood.kz/uploads/NI_Sh_f688f56cd0.jpeg" alt="НИШ.jpeg"><img src="https://knadmin.beoblood.kz/uploads/NI_Sh_1add01c747.jpeg" alt="НИШ.jpeg">

Қызылордалық NIS оқушылары ым-ишара тілін аударатын жасанды интеллект платформасын әзірледі

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде сот медицинасы саласының ардагері, «Алтын дәрігер» төсбелгісінің иегері Қамбар Сексеновтің 70 жылдық мерейтойы қарсаңында «Сот медицинасы» дәрісханасының салтанатты ашылу рәсімі өтті.Осы салаға 47 жылға жуық ғұмырын арнаған Қамбар Өмірзақұлының кәсіби жолы осы саланың даму тарихымен тығыз байланысты. Мерейтой иесінің құрметіне ашылған дәрісхана білім алушылардың сот медицинасы бағытындағы білімін жетілдіруге және тәжірибе мен білім сабақтастығын нығайтуға мүмкіндік береді.Салтанатты ашылу рәсімінде университеттің Басқарма мүшесі – академиялық мәселелер жөніндегі проректор Дана Абдрашева мерейтой иесін құттықтап, оның еңбек жолындағы жетістіктерін атап өтті.Қызылорда облысы Әділет департаментінің басшысы Баукен Әлмеш Қамбар Сексеновке құрмет грамотасын табыстады. Ал Қазақстан Республикасы Әділет министрлігі Сот сараптамалары орталығының Қызылорда облысы бойынша сот сараптамалары институтының директоры Ержан Фархадұлы Орталық директоры Бақытжан Байтілесовтің атынан құттықтауын жеткізді.Сондай-ақ Қырғыз Республикасы Жүсіп Баласағұн атындағы Қырғыз ұлттық университетінің профессоры, заң ғылымдарының докторы Бактыбек Батырбаев университет ректоры Догдурбек Чонтоевтің құттықтауын табыстады. Қамбар Өмірзақұлының әріптесі, отставкадағы полиция полковнигі Қошманов Максұт Ахметұлы да мерейтой иесіне ізгі тілегін білдірді.Жаңа дәрісхана болашақ заңгерлердің білімін тереңдетуге, сот медицинасы саласының ерекшеліктерін меңгеруіне және кәсіби даярлығын арттыруға үлес қосады. Сонымен қатар бұл бастама сала ардагерлерінің еңбегін ұлықтап, кейінгі ұрпаққа өнеге етуге бағытталған.<img src="https://knadmin.beoblood.kz/uploads/Whats_App_Image_2026_10_16_at_23_14_59_1_025659380a.jpeg" alt="коркыт"><img src="https://knadmin.beoblood.kz/uploads/Whats_App_Image_2026_10_16_at_23_15_00_d0b0c5fe18.jpeg" alt="коркыт ">

Қорқыт ата университетінде «Сот медицинасы» дәрісханасы ашылды

<a href="https://kyzylorda-news.kz/">Kyzylorda-news.kz</a> Қызылорда қаласында «BILIM TOUR» білім беру жобасы өтеді. Жоба аясында 10-11 сынып оқушылары тәжірибелі ҰБТ сарапшыларынан пән бойынша тегін сабақ алып, мамандық таңдау мен жоғары оқу орнына түсу бойынша кәсіби бағдар ала алады.&nbsp;«BILIM TOUR» – жоғары сынып оқушыларына ҰБТ-ға дайындық барысында практикалық көмек көрсетуге және мамандық таңдауда кәсіби бағдар беруге бағытталған әлеуметтік білім беру жобасы. &nbsp;Жоба қатысушыларына ҰБТ дайындығына арналған оқу материалдары тегін таратылады. Сондай-ақ оқушылар арасында дайындық курстарына жолдамалар мен оқу құралдары ойнатылады. «BILIM TOUR» жобасы аясында табысталатын сыйлықтардың жалпы құны 3 миллион теңгені құрайды.Жобаны 2021 жылдан бері оқушыларды ҰБТ-ға дайындап келе жатқан «Glucose» білім беру орталығы ұйымдастырады. Қызылордадан кейін Bilim tour Қазалы, Жетісай және Шымкент қалаларында жалғасып, өңір оқушыларына тегін дайындық сабақтары мен кәсіби бағдар алу мүмкіндігін ұсынады.

Қызылорда қаласында «BILIM TOUR» білім беру жобасы өтеді

<a href="https://kyzylorda-news.kz/">Kyzylorda-news.kz</a> Қазақстан ұлттық құрамасы Корея Республикасының Инчхон қаласында өткен FIRST Global Challenge 2026 халықаралық спорттық робототехника чемпионатында әлемдік рейтингтің үздік төрттігіне енді. Байқауға әлемнің 185 елінен командалар қатысты. Бұл туралы Оқу-ағарту министрлігі мәлім етті.Қазақстандық оқушылар іріктеу кезеңіндегі 11 кездесудің барлығында жеңіске жетіп, плей-офф кезеңіне жолдама алды. Жарыс қорытындысы бойынша ұлттық құрама әлемдік рейтингте төртінші орынға ие болып, инженерлік дайындық пен командалық жұмыстың жоғары деңгейін көрсетті.Қазақстан құрамасы бұған дейін төрт жыл қатарынан FIRST Global Challenge чемпионатының жеңімпазы атанған болатын. Биылғы нәтиже де отандық оқушылардың халықаралық аренадағы бәсекеге қабілеттілігін тағы бір мәрте дәлелдеді.Ұлттық құрама сапында Алматы қаласындағы М. Ганди атындағы №92 мектеп-лицейінің 9–11-сынып оқушылары Хусейн Мақсұт, Нұртас Серік, Аспандияр Бердали және Арнур Абдулла, сондай-ақ Ы. Алтынсарин атындағы №159 гимназиясының оқушысы Ерасыл Ендібай өнер көрсетті.Ұлттық құрама Оқу-ағарту министрлігінің «Дарын» республикалық ғылыми-практикалық орталығы мен USTEM Foundation қоғамдық қоры бірлесіп ұйымдастырған іріктеу нәтижесінде жасақталды. Бұл жұмысқа Жасанды интеллект және цифрлық даму министрлігі, Astana Hub халықаралық инновациялық кластері қатысып, Astana Motors құрамындағы OMODA &amp; JAECOO брендтері қолдау көрсетті.Сурет: Оқу-ағарту министрлігі

Қазақстандық жас робототехниктер әлемнің үздік төрттігіне енді

<a href="https://kyzylorda-news.kz/">Kyzylorda-news.kz</a> «Нархоз» университетінің «Әлеуметтік жұмыс» білім беру бағдарламасының жетекшісі, социология ғылымдарының докторы Раушан Балтабайқызы Қорқыт ата атындағы Қызылорда университетінің студенттерімен кездесті.Басқосу Қазақстан Республикасы Ғылым және жоғары білім министрлігі Ғылым комитетінің 2025–2027 жылдарға арналған гранттық қаржыландыруы аясында жүзеге асырылып жатқан «Қазақстандағы әлеуметтік жұмыс практикасы мен білімін индигенизациялау» ғылыми жобасы шеңберіндегі бірлескен жұмыс аясында ұйымдастырылды.Аталған жобаға Қорқыт ата атындағы Қызылорда университетінің «Әлеуметтік жұмыс» білім беру бағдарламасының жетекшісі Меруерт Әбдуәліқызы бірлескен зерттеуші ретінде қатысады.Кездесу барысында Раушан Балтабайқызы білім алушыларға «Нархоз» университетіндегі әлеуметтік қызметкерлердің практикалық даярлығы тақырыбында дәріс оқыды. Дәрісте әлеуметтік жұмыс мамандарын даярлау ерекшеліктері, оқу мазмұны және практикалық дайындық мәселелері қамтылды.Жоба нәтижелерін оқу процесіне енгізу бағытында Меруерт Әбдуәліқызы «Халықты еңбекпен қамтамасыз ету және оны реттеу» пәні аясында еңбекпен қамту проблемаларының әлеуметтік интерпретациясы, аутенттік тәжірибелер және білім беруді индигенизациялау мәселелері бойынша білім алушыларға түсіндірме жүргізді.

Білім алушылардың кәсіби білімін жетілдіруге бағытталған кездесу өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Kyzylorda-news.kz» ақпараттық агенттігінің алғашқы бас редакторы Елібай Жікібаевтың туғанына 70 жыл толуына арналған «Аймақтық ақпараттық агенттіктерді ЖИ технологиялары арқылы дамыту, модернизациялау және бәсекеге қабілеттілігін арттыру стратегиялары» атты ғылыми жоба байқауының қорытынды отырысы өтті.Байқаудың негізгі мақсаты – жасанды интеллект технологияларын аймақтық журналистикада тиімді пайдалану жолдарын қарастыру, студенттердің инновациялық идеяларын қолдау және ақпараттық агенттіктердің жұмысын жетілдіруге бағытталған ғылыми-практикалық ұсыныстарды саралау.Жиынға Қорқыт ата атындағы Қызылорда университетінің журналистика мамандығының оқытушылар құрамы, студенттері, «Сыр медиа» ЖШС басшылығы, «Kyzylorda-news.kz» АА ұжымы және Елібай Зұлқарнайұлының әйелі Ұлтусын Агбаева мен бауырлары қатысты.Жиынның ашылуында Қорқыт ата атындағы Қызылорда университетінің «Қазақ тілі мен әдебиеті және журналистика» білім беру бағдарламасының жетекшісі, аға оқытушы, филология ғылымдарының кандидаты Гүлзира Оралова мен «Сыр медиа» ЖШС бас директоры Марат Аралбаев сөз сөйлеп, байқаудың маңызына тоқталды. Олар Елібай Зұлқарнайұлының кәсіби маман ретіндегі қызметі жайлы айтып, журналистика саласындағы цифрлық өзгерістерге бейімделудің, заманауи технологияларды меңгерудің және болашақ мамандардың кәсіби әлеуетін арттырудың өзектілігін атап өтті.Іс-шараның маңызды бөлігі Елібай Зұлхарнайұлы Жікібаевтың өмірі мен кәсіби қызметіне арналды.2011 жылы Қызылорда облысында қазақ және орыс тілдерінде жарық көрген «Kyzylorda-news.kz» интернет басылымы өңірдегі жаңа медианың қалыптасуына үлес қосты. Басылымның негізгі идеясының авторы – белгілі журналист, филология ғылымдарының кандидаты Аманжол Оңғарбаев. Ал интернет газеттің алғашқы бас редакторы қызметіне журналист, сол кезеңде «Караван» газетінің Қызылорда облысындағы меншікті тілшісі болған Елібай Жікібаев тағайындалды.Ол кезде интернет басылымдардың жұмысы енді қалыптасып, әлеуметтік желілер бүгінгідей кең таралмаған. Осындай кезеңде жаңа ақпараттық жобаның жұмысын жолға қою, редакциялық ұжымды қалыптастыру және жедел ақпарат тарату ісін ұйымдастыру үлкен жауапкершілікті талап етті. Елібай Зұлқарнайұлы журналистикадағы мол тәжірибесін осы міндеттерді орындауға жұмсап, өңірлік интернет басылымның дамуына еңбек сіңірді.Кездесу барысында Елібай Жікібаевпен бірге еңбек еткен Насреддин Бахманов естеліктерін бөлісті. Сондай-ақ «Сыр бойы» газетінің бас редакторы, Қазақстан Журналистер одағының Қызылорда облыстық филиалының төрағасы Қуат Шарабидинов журналистің кәсіби болмысы мен әріптестік қарым-қатынасы туралы пікір білдірді. Естеліктерде Елібай Жікібаевтың журналистикаға адалдығы, жауапкершілігі және жаңа ақпараттық жобаларды жүзеге асырудағы еңбегін атап өтті.Айта кетейік, аталған байқауға Қорқыт ата атындағы Қызылорда университеті Гуманитарлық-педагогикалық институтының «Қазақ тілі мен әдебиеті және журналистика» білім беру бағдарламасы бойынша журналистика мамандығында білім алатын 3–4-курс студенттері қатысты.<img src="https://knadmin.beoblood.kz/uploads/Whats_App_Image_2026_10_13_at_18_32_34_18a84abe73.jpeg" alt="Ғылыми жоба.jpeg">Байқау талаптарына сәйкес, қатысушылар журналистика және медиаменеджмент, IT, дата-журналистика, инновациялық шешімдер мен контент әзірлеу бағыттары бойынша ғылыми жобаларын ұсынды. Жобаларда аймақтық ақпараттық агенттіктердің жұмысын жетілдіру, редакциялық үдерістерге заманауи технологияларды енгізу және медиа өнімдерінің сапасын арттыру мәселелеріне басымдық берілді.Байқауға барлығы сегіз жоба келіп түсті. Сараптау қорытындысы бойынша олардың ішінен төрт жоба іріктеліп, авторлары қорытынды жиында өз жұмыстарын таныстырды.Жобаларды бағалау комиссиясының төрағасы Жәнібек Исаев байқауды сараптау жұмыстары туралы сөз сөйледі. Ол жасанды интеллектіні медиа саласына енгізудің теориялық негіздерімен қатар, оның нақты редакциялық міндеттерді шешудегі қолданбалы маңызын атап өтті.Байқау қорытындысы бойынша 3-орынды Ж-24-1 оқу тобының студенті Қарақат Медетқызы, 2-орынды Ж-23-3 оқу тобының студенті Зейнеп Сәрсенмұратова, 1-орынды Ж-23-1 оқу тобының студенттері Ақбота Сейтқасымова мен Ердос Есқали иеленді. Жеңімпаздарға диплом және қаржылай сыйлық табысталды. Басқа қатысушылар Алғыс хатпен марапатталды.Елібай Жікібаевтың 70 жылдығына арналған байқау оның журналистика саласындағы еңбегін еске алумен қатар, кейінгі буынның кәсіби ізденісіне жол ашты.Мұндай іс-шаралар университет пен «Сыр медиа» ЖШС арасында ғылыми және тәжірибелік жұмысты жалғастыруға, студенттердің тың идеяларын қолдауға және өңірлік журналистиканы заманауи талаптарға сай дамытуға мүмкіндік береді.<img src="https://knadmin.beoblood.kz/uploads/Whats_App_Image_2026_10_13_at_18_32_40_1b1dedeb3d.jpeg" alt="Ғылыми жоба.jpeg">Сурет: Нұрболат Нұржаубай

Қорқыт ата атындағы Қызылорда университетінде ғылыми жоба байқауының қорытынды отырысы өтті

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – Ұлттық экономика министрі Серік Жұманғарин Үкімет отырысында осы жылдың 9 айындағы әлеуметтік-экономикалық даму туралы баяндама жасады, деп хабарлайды <a href="https://baq.kz/qazaqstan-ekonomikasy-zhyl-basynan-42-ga-osti-320049086/">BAQ.KZ тілшісі.</a>Айтуынша, биыл экономика бірқатар тежеуші факторлар жағдайында дамуда.Біріншіден, бұл мұнай өндірісінің азаюы және мұнай секторының жалпы ішкі өнімнің өсуіне теріс үлесі. Биыл 9 айдың қорытындысы бойынша мұнай өндіру 8,3%-ға қысқарып, 69,4 млн тоннаны құрады. Екіншіден, теңгенің нығаюы экспортқа бағдарланған салалар мен бюджет кірістеріне тежегіш әсер етуде. Үшіншіден, тұтынушылық кредиттеу өсуінің баяулауы тұтынушылық сұранысты тежеуде, - деп атап өтті вице-премьер.Айта кетерлігі, жылдық мәнде тұтынушылық кредиттердің өсуі 2025 жылғы тамыздағы 26,4%-дан ағымдағы жылғы тамызда 10,4%-ға дейін төмендеген.<blockquote>Аталған факторларға қарамастан, Қазақстан экономикасы өсуін жалғастыруда және оң динамиканы көрсетуде. Тоғыз айдың қорытындысы бойынша экономиканың өсуі 4,2%-ды құрады. Экономиканың өсуі шикізатқа қатысты емес сектор есебінен қамтамасыз етілді, ол бағалау бойынша 5,4%-ға өсті. Салалар арасында құрылыс, өңдеу өнеркәсібі, көлік қызметтері және сауда ең жоғары қарқын көрсетуде. Осы салалардың жалпы ішкі өнімнің өсуіне қосқан жиынтық үлесі 75%-дан асады, - деді Серік Жұманғарин.</blockquote>Сурет: shutterstock

Қазақстан экономикасы жыл басынан бері 4,2%-ға өсті

<a href="https://kyzylorda-news.kz/">Kyzylorda-news.kz</a> Жалағаш ауданында 2026 жылдың алғашқы жартыжылдығында әлеуметтік-экономикалық даму көрсеткіштері оң нәтижемен қорытындыланды. Бұл туралы Өңірлік коммуникациялар қызметінің ақпарат алаңында өткен баспасөз конференциясында аудан әкімі Ардақ Ибраимов мәлімдеді.Жыл басынан бері аудан экономикасының негізгі бағыттарында тұрақты өсім қалыптасты. Өнеркәсіп өнімінің көлемі 110,7 пайызға, өңдеу өнеркәсібі 100,1 пайызға, инвестициялар көлемі 113,2 пайызға жетті. Сонымен қатар бөлшек сауда, ауыл шаруашылығы, құрылыс және тұрғын үй пайдалануға беру көрсеткіштері де жоспардан жоғары орындалған.<blockquote>«Бірінші жартыжылдықта аудан бюджеті нақтыланып, толық көлемде игерілді. Бұл инфрақұрылымдық және әлеуметтік жобаларды уақытылы жүзеге асыруға мүмкіндік берді. Кәсіпкерлікті қолдау бағытындағы жұмыстар да жалғасуда. Бүгінде ауданда 2541 шағын және орта кәсіпкерлік субъектісі тіркелсе, оның 2471-і тұрақты жұмыс істеп тұр. Қаржы институттары арқылы кәсіпкерлердің 56 жобасы қаржыландырылды. Ауыл тұрғындарының табысын арттыруға бағытталған «Ауыл аманаты» жобасы аясында биыл 37 жоба қаржыландырылып, 39 жаңа жұмыс орны ашылды», - деді аудан әкімі.</blockquote>Өңірдегі ең ауқымды жобалардың бірі швейцариялық «Харвест Агро Холдинг» компаниясының техникалық қарасора, жүгері және мақсары өсіру әрі қайта өңдеу жобасы. Жалпы құны 68 млрд теңгені құрайтын өндіріс іске қосылғанда жыл сайын ондаған мың тонна ауыл шаруашылығы өнімі өндіріліп, өңделетін болады. Биылдың өзінде компания 26,3 млрд теңге инвестиция салып, 7 мың гектар алқапқа егіс орналастырып, 142 жаңбырлатып суару қондырғысын іске қосқан. Қазіргі таңда жоба аясында 100 адам тұрақты жұмыспен қамтылған.Бұдан бөлек, ауданда жалпы құны 70 млрд теңгені құрайтын алты инвестициялық жоба жоспарланып, оның бесеуі іске асырылды. Нәтижесінде 120 жаңа жұмыс орны құрылды.<blockquote>«Мемлекет басшысы мен Үкіметтің, облыс әкімдігінің қолдауының арқасында аудан экономикасында тұрақты өсім қалыптасты. Инвестициялық жобалар өндірісті әртараптандыруға, жаңа жұмыс орындарын ашуға және тұрғындардың әл-ауқатын арттыруға мүмкіндік беріп отыр. Алдағы уақытта бұл бағыттағы жұмыстар жалғасын табады», – деді аудан әкімі Ардақ Ибраимов.</blockquote><figure class="image"><img src="https://knadmin.beoblood.kz/uploads/zhala_ash_kimi_5358095635.jpg" alt="жалағаш әкімі брифинг .jpg"></figure>Фото: pixabay

Жалағашта инвестициялық жобалар қарқын алды

<a href="https://kyzylorda-news.kz/">Kyzylorda-news.kz</a> Шиелі ауданында соңғы үш жылда ауданның өз кірісі 5,3 млрд теңгеден 7,5 млрд теңгеге дейін өсіп, 141 пайыздық өсім көрсетті. Бұл қаражат әлеуметтік нысандарды дамытуға және тұрғындардың әл-ауқатын арттыруға бағытталуда. Сонымен қатар облыс әкімінің тапсырмасына сәйкес салық түсімдерін ұлғайту мақсатында арнайы жұмыс топтары тұрақты жұмыс жүргізуде. Бұл туралы Өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Айтбай Жандарбеков таныстырды.<blockquote>«Жыл басынан бері аудан экономикасының негізгі макроэкономикалық көрсеткіштері де оң нәтижеге қол жеткізді. Өнеркәсіп өнімінің көлемі 44 млрд 6 млн теңгені, өңдеу өнеркәсібі 37 млрд 848 млн теңгені құрады. Ауыл шаруашылығы саласында 5 млрд 711 млн теңгенің өнімі өндіріліп, өткен жылдың сәйкес кезеңімен салыстырғанда 105,1 пайызға орындалды. Инвестиция тарту көлемі өткен жылдың сәйкес кезеңінен 105,2 пайызға артты. Осы кезеңде 37 мың 753 шаршы метр тұрғын үй пайдалануға беріліп, бұл көрсеткіш өткен жылмен салыстырғанда 104,5 пайызды құрады. Бөлшек сауда көлемі де 6 млрд 971 млн теңгеге жетіп, тұрақты өсім сақталды. Экономиканың тұрақты дамуы аудан тұрғындарының әл-ауқатын арттырудың басты кепілі. Сондықтан инвестиция тарту, өндірісті ұлғайту және бюджет кірістерін көбейту бағытындағы жұмыстар жүйелі түрде жалғасады», – деді аудан әкімі Айтбай Жандарбеков.<figure class="image"><img src="https://knadmin.beoblood.kz/uploads/brifing_shieli_a3053066e3.jpg" alt="брифинг шиелі.jpg"></figure></blockquote>Фото: t.me/tengenomika/ РСК Кызылорда&nbsp;

Шиеліде экономикалық өсімнің оң динамикасы сақталды 

<a href="https://kyzylorda-news.kz/">Kyzylorda-news.kz</a> Шиелі ауданында спорт кешендері, көпірлер, газ және электр желілері, әлеуметтік нысандар құрылысы кезең-кезеңімен жүзеге асырылуда. Жаңғыртылған Шиелі теміржол вокзалы пайдалануға беріліп, тұрғындарға қолайлы жағдай жасалды. Сонымен қатар жолдарды қайта жаңғырту, елді мекендерді газдандыру және электр желілерін жаңарту жұмыстары жалғасып жатыр. Бұл туралы Өңірлік коммуникациялар қызметінде өткен баспасөз конференциясында Шиелі ауданының әкімі Айтбай Жандарбеков баяндады.Тұрғын үй саласында соңғы жылдары жүздеген пәтер халық игілігіне берілсе, биыл тағы да жаңа көпқабатты тұрғын үйлердің құрылысы басталады. Аудан халқы сапалы ауыз сумен толық қамтылған.<blockquote>«Білім саласында үш ауысымды мектеп жоқ. Биыл Ұлттық бірыңғай тестілеудің орташа көрсеткіші өсіп, аудан облыс бойынша үздік үштіктің қатарына енді. Денсаулық сақтау саласында магниттік-резонанстық томография аппараты іске қосылып, медициналық мекемелерге жөндеу жұмыстары жүргізілуде. Абаттандыру бағытында «Таза Қазақстан» акциясы аясында санитарлық тазалық, көгалдандыру және қоғамдық кеңістіктерді көркейту жұмыстары күшейтілді. Белсенді тұрғындар мен еріктілердің еңбегі арнайы марапатталып келеді. Халыққа қолайлы орта қалыптастыру біздің негізгі міндетіміз. Сондықтан құрылыс, жол, тұрғын үй, білім мен денсаулық сақтау салаларындағы жобаларды сапалы әрі уақытылы аяқтауға ерекше мән береміз», – деді аудан әкімі Айтбай Жандарбеков.</blockquote>

Шиеліде әлеуметтік және инфрақұрылымдық жобалар қарқын алды 

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың қатысуымен «Құзыреттілік орталығында» Сыр өңіріндегі егін жинау науқанының аяқталуына орай «Ақмаржан» агромәдени фестивалі аясында «Алтын күз – 2026» салтанатты іс-шарасы өтті.Онда ауыл шаруашылығы саласындағы жетістіктер таныстырылып, жергілікті өндірушілердің өнімдері қойылған көрме ұйымдастырылды.Аймақ басшысы ел ырысын еселеуге үлес қосқан дала еңбеккерлеріне алғысын білдірді.<blockquote>«Мемлекет басшысы Қасым-Жомарт Кемелұлы &nbsp;өз Жолдауында агроөнеркәсіп кешенін жаңғырту, &nbsp;озық технологияларды енгізу, өнімдерді терең өңдеу мәселесін басты міндет ретінде айқындады. Ауыл шаруашылығы – облыс экономикасының жетекші салаларының бірі. Биыл саланы мемлекеттік қолдауға 37 млрд. теңге бөлініп, бұл көрсеткіш өткен жылмен салыстырғанда бір жарым есе артты. Жылдың 9 айында ауыл шаруашылығында 178 млрд. теңгенің өнімі өндірілді. «Кең дала-2» несие беру жобасының арқасында &nbsp;машина-трактор паркі жаңартылуда. Салаға тартылған инвестиция көлемі &nbsp;25 млрд. теңгеге, өсім 37 пайызға жетті. Бүгінгі жетістіктеріміздің түп-тамыры – аға буын өкілдері мен ардагерлеріміздің қажырлы еңбегінде. Өмір бойы туған жердің өркендеуіне сүбелі үлес қосып, адал еңбегімен облыстың әлеуетін көтерген барша еңбек ардагерлеріне шексіз алғысымды білдіремін! Сіздердің өмірлік тәжірибелеріңіз бен өнегелі жолдарыңыз – бүгінгі жас буын үшін баға жетпес мектеп», – деді Мұрат Нәлқожаұлы.</blockquote><img src="https://knadmin.beoblood.kz/uploads/Altyn_k_z_2026_33932460c0.jpg" alt="Алтын күз-2026.jpg">Мерекеде жыл қорытындысымен өңірдің агроөнеркәсіп кешені саласында үздік жетістіктерге жеткен еңбек озаттары марапатталады.Сонымен қатар саланы дамытуға елеулі үлес қосқан азаматтар Ауыл шаруашылығы министрлігінің «Еңбек ардагері» және «Ауыл шаруашылығы саласының үздігі» төсбелгілерін иеленді. Ауыл шаруашылығы министрінің Құрмет грамотасы табысталып, озат еңбеккерлерге тоғыз автокөлік берілді.«Үздік аудан» номинациясына Қармақшы ауданы, «Озат аудан» номинациясына егін шаруашылығы бойынша Жалағаш ауданы, мал шаруашылығы бойынша Жаңақорған ауданы лайық деп танылды.<img src="https://knadmin.beoblood.kz/uploads/Altyn_k_z_2026_4_a610b13d11.jpg" alt="Алтын күз-2026 4.jpg">Биыл өңірдегі ауыл шаруашылығы дақылдарының егіс көлемі 7 100 гектарға артып, 193 700 гектарға жеткен. Соңғы жылдары су тапшылығына байланысты егісті әртараптандырудың маңызы артуда. Суды көп қажет ететін күріш егісі 10 900 гектарға оңтайландырылып, орнына тіршілік нәрін аз тұтынатын, рентабельділігі, экспорттық әлеуеті жоғары дақылдар егісі 20 мың гектарға жуық ұлғайтылды. Дән жүгері дақылының көлемі 5 есе артты.Мемлекет басшысының тапсырмасына сәйкес, су ресурстарын тиімді пайдалану және су үнемдеу технологияларын кеңінен енгізуде жүйелі жұмыс жүргізіліп келеді. Өткен жылы су үнемдеу технологияларын пайдалану арқылы 8 100 гектар жерге егін егілсе, биыл бұл көрсеткіш 14 200 гектарға жеткізілді.Осы жылға 30 млрд теңгенің 8 инвестициялық жобасы жоспарланған. Бүгінде 3 жоба жүзеге асырылса, қалған 5 жобаны жыл соңына дейін аяқтау көзделіп отыр.Өңірде шетелдік инвесторлардың қатысуымен ірі инвестициялық жобалар қолға алынды. Республика күні қарсаңында жылыжай кешенінің құрылысы басталды. Бұл өңірдің ауыл шаруашылығы саласына инвестиция тартуға, өндіріс көлемін арттыруға мүмкіндік береді.<img src="https://knadmin.beoblood.kz/uploads/Altyn_k_z_2026_3_b427126d44.jpg" alt="Алтын күз-2026 3.jpg">

«Алтын күз-2026»: Ел ырысын еселеген дала еңбеккерлеріне құрмет көрсетілді

<a href="https://kyzylorda-news.kz/">Kyzylorda-news.kz</a> Ұлттық мереке Республика күні қарсаңында облыс әкімі Мұрат Ергешбаевтың қатысуымен сол жағалаудағы екі тұрғын үйдің 160 пәтерінің кілтін иелеріне табыстау рәсімі өтті.Аймақ басшысы жиналған жұртшылықты Республика күнімен құттықтап, егемен ел атанған, тарихи шешім қабылданған күннің маңызына тоқталды.<img src="https://knadmin.beoblood.kz/uploads/Whats_App_Image_2026_10_23_at_15_12_40_1_0eb018b676.jpeg" alt="акимат"><blockquote>«Мемлекет басшысы Қасым-Жомарт Кемелұлы «Қолжетімді баспана – арман емес, біздің азаматтарымыздың алдындағы міндетіміз» деп атап көрсеткендей, соңғы төрт жылда үй кезегінде тұрған азаматтарға 8 мыңға жуық пәтер беріліп, 30 мыңнан астам жерлесіміз баспаналы болды. Жыл соңына дейін тағы 3 мыңға жуық пәтер беріліп, 10 мыңға жуық тұрғынды баспанамен қамту жоспарланған. Бүгін игі бастаманың жалғасы ретінде тұрғын үй кезегінде тұрған жерлестерімізге аумағы 12 мың шаршы метрге жуық 160 пәтердің кілтін табыстап отырмыз. Жаңа қоныстарыңыздың босағасы берік, шаңырақтарыңыз шаттыққа толы болсын! Әр отбасында балалардың күлкісі естіліп, татулық пен береке салтанат құрсын. Ел іргесі берік, болашағымыз баянды болсын!» – деді Мұрат Нәлқожаұлы.</blockquote>&nbsp;<img src="https://knadmin.beoblood.kz/uploads/Whats_App_Image_2026_10_23_at_15_12_38_ef92f0522e.jpeg" alt="акимат.jpg">Іс-шарада тұрғын үйлерді салған мердігер мекеменің қызметкерлері облыс әкімінің Алғыс хатымен марапатталды. Қазақстан Халық Кеңесінің мүшесі Мейрамбек Жұмашев сөз сөйлеп,Мемлекет және қоғам қайраткері Нәжмадин Мұсабаев ақ батасын берді.Сол жағалау – қаланың қарқынды дамып келе жатқан шағын аудандарының бірі. Бүгінде тұрғындар саны 27 мыңнан асты. Бұл аумақта 145 көпқабатты тұрғын үй бар, 21 әлеуметтік нысан және 14 ірі бизнес нысаны халыққа қызмет етуде. Тағы 50 нысанның құрылысы қарқын алған.&nbsp;Оның 25-і көпқабатты тұрғын үй, сонымен қатар әлеуметтік және кәсіпкерлік нысандар да бар. Заманауи сәулет өнерімен үйлескен зәулім ғимараттар мен тұрғын үйлердің басым бөлігін Сыр құрылысшылары салып жатыр.<img src="https://knadmin.beoblood.kz/uploads/Whats_App_Image_2026_10_23_at_15_12_39_1_5fe3ef5613.jpeg" alt="акимат"><img src="https://knadmin.beoblood.kz/uploads/Whats_App_Image_2026_10_23_at_15_12_37_18fffa7692.jpeg" alt="үй ипотека акимат кызылорда">

Республика күні қарсаңында 160 пәтердің кілті табысталды

<a href="https://kyzylorda-news.kz/">Kyzylorda-news.kz</a> Бүгін Шымкент қаласында IX Kazakhstan Global Investment Roundtable (KGIR-2026) халықаралық инвестициялық форумы өтті. Оған облыс әкімі Мұрат Ергешбаев қатысты.&nbsp;Әлемнің 40-тан астам елінен 500-ден астам инвестор, бизнес өкілдері жиналған халықаралық іс-шарада Сыр өңірінің әлеуметтік-экономикалық дамуына және индустриялық әлеуетін арттыруға үлес қосқан «Aksa Energy Qyzylorda» және «Fabe agro» серіктестіктері марапатталды.Форумда инвестициялық әлеуетті, экономиканы дамытудың басым міндеттеріне назар аударылды. Былтыр еліміздің жалпы ішкі өнімі 6,5 пайыз өсіп, 300 млрд АҚШ долларынан асты. Тәуелсіздік жылдарында Қазақстан экономикасына жарты триллион долларға жуық тікелей шетелдік инвестиция тартылған.Инвестициялық саясаттың негізгі бағыты – озық технологияларды енгізу, жаңа өндіріс орындарын ашу және шикізатты терең өңдеу арқылы қосылған құны жоғары өнім өндіру. Сонымен қатар өңдеу және химия өнеркәсібін, тамақ өндірісін, машина жасау саласын, агроөнеркәсіп кешені мен агроөңдеуді дамытуға, IT инфрақұрылымды жетілдіруге, жоғары технологиялық қалалар салуға басымдық беріліп отыр.Аймақта жүзеге асырылып жатқан ірі жобалардың қатарында «Aksa Energy Qyzylorda» жылу электр орталығы мен «Fabe agro» заманауи жылыжай кешені бар.Былтыр Мемлекет басшысының тапсырмасына сәйкес, Қызылорда қаласында құрылысына 215 млрд теңге инвестиция салынған жаңа жылу электр орталығы пайдалануға берілді. Орталық 240 мегаватт электр, 277 гигакалория жылу энергиясын өндіреді. Қаланың энергетикалық қауіпсіздігін нығайтып, тұрғындар мен кәсіпорындардың қажеттілігін қамтамасыз етеді.Ал «Fabe agro» серіктестігінің заманауи жылыжай кешені жобасы агроөнеркәсіп саласын дамытуға, азық-түлік қауіпсіздігін нығайтуға және су, жер ресурстарын тиімді пайдалануға бағытталған. Жергілікті тұрғындарды жыл бойы сапалы әрі қолжетімді көкөніспен қамтуға, баға тұрақтылығын сақтауға және отандық өнімнің бәсекеге қабілетін арттыруға ықпал етеді.KGIR-2026 алаңында жалпы сомасы $4,8 млрд болатын 22 құжат рәсімделді. Олардың қатарында инвестициялар туралы келісімдер мен меморандумдар бар. &nbsp;Қызылорда облысының әкімі Мұрат Ергешбаев пен Apex Packaging бас директоры Аңсар Мұқашев сомасы $8,8 млн болатын полипропилен қаптар мен биг-бэгтер өндіретін зауыт салу туралы меморандумға қол қойды. Жобаны «Қорқыт Ата» арнайы экономикалық аймағында жүзеге асыру жоспарлануда.&nbsp;Зауыт іске қосылғаннан кейін 160 жаңа жұмыс орны құрылады, жылына 25 млн дана қапшық пен 1,5 млн дана биг-бэг өндіріледі.

Сыр өңіріндегі инвестициялық жобалар KGIR-2026 алаңында марапатқа ие болды

Сырдария ауданының әкімі Берік Сәрменбаевтың қатысуымен 25 қазан – Республика күніне орай салтанатты іс-шара өтті.Аудан басшысы Республика күнімен құттықтап, ұлттық мерекенің тарихи маңызына тоқталып өтті.<img src="https://knadmin.beoblood.kz/uploads/FB_IMG_1792820666314_1825e48011.jpg" alt="FB_IMG_1792820666314.jpg"><blockquote>– Бұл күн – еліміз үшін тарихи күн. 1990 жылғы 25 қазанда қабылданған Қазақстанның Мемлекеттік Егемендігі туралы Декларация қастерлі Тәуелсіздігімізге жол ашты. Осы кезден бастап демократиялық қоғам құру мақсатында ел ішіндегі қоғамдық-саяси құрылымға өзгеріс енгізіле бастады. Бұл акт арқылы әлем картасындағы жаңа мемлекет – Қазақстан Республикасының негізі қаланды. Сондықтан бұл тарихи құжаттың еліміз үшін, мемлекеттің әрбір азаматы үшін мән-маңызы зор. Мемлекет басшысы Қасым-Жомарт Кемелұлы Тоқаевтың Ұлттық құрылтайда айтқан ұсынысына сәйкес, 2022 жылдан бастап Республика күнін ұлттық мереке ретінде жаңа мазмұнда атап өтіп келеміз. Президентіміздің және Үкіметтің қолдауымен, аймақ басшысының тапсырмасымен Сыр өңірінде соңғы жылдары мақсатты бастамалар қолға алынып, ауқымды жобалар жүзеге асуда. Мемлекет басшысы Қасым-Жомарт Кемелұлы Тоқаевтың тапсырмасына сәйкес халықтың өмір сүру сапасын арттыру мақсатында, елді мекендердегі инфрақұрылымдық жобаларды жүзеге асыруға басымдық берілуде. Халқымызда «Бағалай білгенге бақ қонады» деген даналық сөз бар. Бүгінгі таңда еліміздің ең басты байлығы – бейбітшілік пен ынтымақ, елдің тұтастығы. Осы баға жетпес құндылықтарымызды қадірлеп, бірлігімізді бекемдей білсек, еліміздің мерейі қашан да үстем болады. Баршаңызға егемендігіміздің бастауы болған Республика күні тағы да құтты болсын, – деді Берік Әбдіғаппарұлы.</blockquote>Салтанатты іс-шарада ауданның дамуына үлес қосқан азаматтар облыс және аудан әкімінің "Алғыс хатымен" марапатталды.Мерекелік салтанатта аудан көркемөнерпаздары концерттік бағдарлама ұсынды.<img src="https://knadmin.beoblood.kz/uploads/FB_IMG_1792820653162_f76545eb18.jpg" alt="FB_IMG_1792820653162.jpg">

Республика күніне арналған мерекелік іс-шара өтті 

Қызылордадағы «Өнер орталығында» 25 қазан – Республика күніне арналған мерекелік салтанатты іс-шара өтті. Оған облыс әкімі Мұрат Ергешбаев, құқық қорғау органдарының бірінші басшылары, Қазақстан Халық Кеңесінің мүшелері, зиялы қауым өкілдері мен ел ағалары қатысты.Мемлекет басшысы Қасым-Жомарт Тоқаев Республика күніне арналған салтанатты жиында Тәуелсіздік құндылығы туралы, саяси жаңғыру, цифрландыру, әлеуметтік саланы жетілдіру және экономиканы, адами капиталды дамыту бағытындағы міндеттерді, ұлттық бірлікті нығайту, заң мен тәртіпті сақтау, отаншылдық пен еңбекқорлықты дәріптеудің маңызын атап өтті. Аймақ басшысы жиналған жұртшылықты Республика күнімен құттықтап, өңірдің әлеуметтік-экономикалық дамуындағы жетістіктерге &nbsp;тоқталды.<blockquote>«Президентіміз Қасым-Жомарт Кемелұлы «Тәуелсіздік – бәрінен қымбат құндылығымыз. Оны сақтап, &nbsp;нығайта түсу – баршамызға ортақ қасиетті борыш» екенін айтты. Биыл еліміздің ең қастерлі құндылығы – Қазақстан Республикасы Тәуелсіздігінің жарияланғанына 35 жыл толуда. Тәуелсіздік – халқымыздың ғасырлар бойғы арманы, &nbsp;азаттық жолындағы күресінің жемісі, елдігіміздің берік тұғыры. Тәуелсіздік жылдарында қол жеткізген әрбір табысымыз – халқымыздың бірлігі мен ерен еңбегінің жемісі. Халқымыз «Еңбегіне қарай – құрмет, жасына қарай – ізет» – дейді. Біздің де басты ұстанымымыз – аймағымыздың әлеуметтік-экономикалық, &nbsp;рухани-мәдени, &nbsp;қоғамдық-саяси дамуы жолында аянбай қызмет етіп жүрген азаматтардың еңбегін лайықты бағалау. Ұлттық мереке қарсаңында Мемлекет басшымыздың Жарлығына сәйкес &nbsp;ел дамуына елеулі үлес қосқан азаматтарымызды арнайы марапаттап, құрмет көрсету – біздің парызымыз», – &nbsp;деді Мұрат Нәлқожаұлы.</blockquote>Жиында аймақтың әлеуметтік-экономикалық дамуына елеулі үлес қосқан азаматтар «Парасат», «Құрмет», ІІІ дәрежелі «Еңбек даңқы» ордендерімен, «Ерен еңбегі үшін», «Шапағат» медальдарымен және Қызылорда облысының Құрмет грамотасымен марапатталды.Бүгінгі мерейлі күнді аймақ тұрғындары толайым табыстармен, жарқын жетістіктермен қарсы алды. Жерлестеріміздің Мемлекет басшысының бастамасымен Әділетті, Қуатты, Қауіпсіз әрі Таза Қазақстанды құру жолындағы адал еңбегі лайықты бағасын иеленіп келеді. &nbsp;Айта кету керек, 2022 жылдан бері облыс экономикасына 2,5 трлн теңгеге жуық инвестиция тартылды. Алдағы үш жылда 48 инвестициялық жобаны жүзеге асырып, 10 мыңнан астам жаңа жұмыс орнын ашу жоспарланған.Ұлттық мереке қарсаңында Қызылорда қаласында «Orda Power» серіктестігінің күн электр станциясының, «Terra Green» компаниясының заманауи жылыжай кешенінің құрылысы басталды. Бүгін екі тұрғын үйдің 160 пәтері иелеріне табысталды.Соңғы төрт жылда өңірде 270-тен астам әлеуметтік нысан пайдалануға берілді. Жыл соңына дейін «Қызылорда Арена» спорт кешені мен 300 орындық көпбейінді аурухананы іске қосу жоспарланған.<img src="https://knadmin.beoblood.kz/uploads/FB_IMG_1792820289315_7370a4ba32.jpg" alt="FB_IMG_1792820289315.jpg">

Ерен еңбекке – елеулі құрмет

<a href="https://kyzylorda-news.kz/">Kyzylorda-news.kz</a> 25 қазан – Республика күніне орай «Сенімен Болашақ» РҚБ Қызылорда облыстық филиалы өңірлік бұқаралық ақпарат құралдарының өкілдерімен «Өзіңді тап, өзегіңе орал» атты рухани сұхбат өткізді.Іс-шараның негізгі мақсаты – құндылықтарды дәріптеу, азаматтық сана мен қоғамдық жауапкершіліктің маңызын айқындау, сондай-ақ қоғамның рухани дамуына ықпал ететін мәселелер төңірегінде пікір алмасу.Рухани сұхбатқа «Халық» газетінің редакторы Нұржан Әбжанұлы, «Kyzylorda-news.kz» ақпарат агенттігінің бас редакторы Айжан Жұмабекқызы, Қызылорда қалалық қоғамдық-саяси «Ақмешіт ақшамы» газетінің тілшісі Айдана Қапылжанқызы және «Ақмешіт жастары» газеті бас редакторының орынбасары Аружан Оралбай қатысты.Кездесу барысында «Сенімен Болашақ» РҚБ-ның миссиясы мен негізгі жұмыс бағыттары таныстырылды. Сұхбаттың өзегіне құндылықтар, азаматтық сана, ұрпақ тәрбиесі және қоғамдық жауапкершілік мәселелері арқау болды. Қатысушылар елдің дамуы әр азаматтың жеке ұстанымына, қоғам алдындағы жауапкершілігіне және ортақ іске қосқан үлесіне байланысты екенін талқылады.Кездесуде бірлестіктің негізгі месседждеріне де ерекше назар аударылды. Атап айтқанда, «Өзіңді тап – өзегіңе орал», «Тектілер ту көтереді», «Дастарқанда өсиет айтайық» және «Ой айту емес, ой ояту» ұстанымдарының мән-мағынасы кеңінен талқыланды. Қатысушылар ұлттық болмысты сақтау, ұрпақ сабақтастығын нығайту, отбасындағы өнегелі тәрбиені дәріптеу және қоғамда саналы ой қалыптастырудың маңызы жөнінде пікір алмасты. Әрбір месседждің астарындағы тағылымды ойлар ортақ талқыға түсіп, олардың бүгінгі қоғам өміріндегі өзектілігі сөз болды. Сонымен қатар бірегейлікті сақтау, ана тілі мен дәстүрді дәріптеу, тарихи сананы жаңғырту және құндылықтарды жас ұрпақтың бойына сіңіру мәселелері қозғалды. Қатысушылар ел болашағына бейжай қарамау, отбасы тәрбиесінде рухани мұраның маңызын түсіндіру және өскелең ұрпақтың бойында отаншылдық сезім қалыптастыру жөнінде ой бөлісті.Бұқаралық ақпарат құралдарының қоғамдық пікір қалыптастырудағы орны да назардан тыс қалмады. Журналистердің ақпарат таратудағы кәсіби жауапкершілігі, құндылықтарды дәріптейтін мазмұнды материалдар әзірлеу және қоғамдағы өзекті мәселелерді көтеру арқылы азаматтық сананы дамыту мүмкіндіктері талқыланды.Кездесу ресми баяндамалармен шектелмей, ортақ құндылықтар мен қоғам алдындағы жауапкершілікті тереңірек түсінуге бағытталған еркін пікір алмасу алаңы ретінде өрбіді. Қатысушылар өзара тәжірибе бөлісіп, қоғамдық ұйымдар мен бұқаралық ақпарат құралдарының ынтымақтастығын нығайту жолдарын сөз етті.«Өзіңді тап, өзегіңе орал» атты рухани сұхбаттың басты идеясы – өз болмысыңды тану, рухани тамырдан ажырамау және ел алдындағы жауапкершілікті сезіну. Өйткені Отанға деген сүйіспеншілік туған тілді құрметтеуден, құндылықтарды сақтаудан, отбасындағы тәрбиеден және қоғам игілігіне бағытталған нақты істерден көрініс табады.Республика күні – елдігімізді дәріптеп қана қоймай, ортақ мұратымызды және азаматтық жауапкершілігімізді қайта саралайтын маңызды мереке.«Сенімен Болашақ» РҚБ Қызылорда облыстық филиалы алдағы уақытта да азаматтық сананы дамытуға және қоғамдық жауапкершілікті арттыруға бағытталған бастамаларды жүзеге асыруды жалғастырады.«Сенімен Болашақ» РҚБ Қызылорда облыстық филиалы

Бас тақырыптар

«Алтын күз-2026»: Ел ырысын еселеген дала еңбеккерлеріне құрмет көрсетілді

Республика күні қарсаңында 160 пәтердің кілті табысталды

Сыр өңіріндегі инвестициялық жобалар KGIR-2026 алаңында марапатқа ие болды

Экономика

Қазақстан экономикасы жыл басынан бері 4,2%-ға өсті

Жалағашта инвестициялық жобалар қарқын алды

Шиеліде экономикалық өсімнің оң динамикасы сақталды

Шиеліде әлеуметтік және инфрақұрылымдық жобалар қарқын алды

Қоғам

Республика күніне арналған мерекелік іс-шара өтті

Ерен еңбекке – елеулі құрмет

Республика күніне орай БАҚ өкілдерімен рухани сұхбат өткізді

«Алтын күз-2026»: Ел ырысын еселеген дала еңбеккерлеріне құрмет көрсетілді

Қызылордалық NIS оқушылары ым-ишара тілін аударатын жасанды интеллект платформасын әзірледі

Қорқыт ата университетінде «Сот медицинасы» дәрісханасы ашылды

Қызылорда қаласында «BILIM TOUR» білім беру жобасы өтеді

Қазақстандық жас робототехниктер әлемнің үздік төрттігіне енді

Білім алушылардың кәсіби білімін жетілдіруге бағытталған кездесу өтті