<a href="https://kyzylorda-news.kz/">Kyzylorda-news.kz</a> Корея Республикасының жетекші телекоммуникациялық компаниясының өкілдері Қорқыт ата университетінде болды.Шетелдік делегацияны Басқарма төрағасы – Ректор Наурызбай Байқадамов қарсы алып, университеттің бай тарихы мен толымды табыстары және инфрақұрылымдық жобаларымен таныстырып өтті.Шығыс Азиялық меймандар 5-оқу ғимаратын аралау барысында сирек кездесетін кітаптар қорына таңданыс білдірді. Әсіресе 18-ғасырда көне корей тілінде жазылған көптомдық жинақтың тарихи мән-маңызына айырықша тоқталды.&nbsp; Корей түбегінен келген қонақтар одан әрі Мәделхан Нәлібаев атындағы су шаруашылығы музейін аралап көрді. Сонымен қатар Инженерлік бейіндегі зертхана жұмысы, Жасанды интеллект институтының қызметі, студенттердің ғылыми жобалары және «Kyzylorda Hub» инновациялық бастамалары таныстырылды.<img src="https://knadmin.beoblood.kz/uploads/korkyt_12a80f7e40.jpeg" alt="коркыт.jpeg">Ресми кездесуде Басқарма төрағасы – Ректор Наурызбай Байқадамов университеттің құрылу тарихы 1937 жылы Қызылорда қаласына Қиыр-Шығыс корей педагогикалық институтының көшіп келуімен тығыз байланысты екенін жеткізді. &nbsp;Сондай-ақ Ректор Қазақстан мен Оңтүстік Корея арасындағы стратегиялық серіктестіктің маңыздылығына тоқталып, екі елдің 30 жылдан астам уақыт бойы сенімді дипломатиялық қарым-қатынаста екенін атап өтті.Корея делегациясы атынан Хан Донг-Гун мырза Корея Республикасы тарихына шолу жасап, негізгі даму бағыттарына тоқталды. Сонымен қатар кореялық тарап университетпен ұзақ мерзімді ынтымақтастық орнатуға қызығушылық танытатынын жеткізді.<img src="https://knadmin.beoblood.kz/uploads/korkyt_4ff58a81eb.jpeg" alt="коркыт.jpeg">Жиын барысында Кореяның жетекші телекоммуникациялық компаниясы мен Хон Бом До қоғамының басшылары екіжақты жазғы мектеп ұйымдастыру, тіл үйрену бағдарламаларын іске қосу, студенттерге арналған стипендиялық жобаларды жүзеге асыру мәселелері қарастырылды.Кездесу қорытындысында тараптар білім, ғылым және мәдениет салаларында бірлескен жобаларды жүзеге асыруға келісіп, алдағы уақытта серіктестікті нығайтуға ниетті екендерін жеткізді.

Қорқыт ата университеті Оңтүстік Кореямен ынтымақтастықты нығайтады

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің «Информатика және АКТ» білім беру бағдарламасының 17 студенті академиялық ұтқырлық бағдарламасымен Жүсіп Баласағұн атындағы Қырғыз ұлттық университетінде тәжірибе алмасуда.&nbsp;Академиялық ұтқырлық бағдарламасы студенттердің білім көкжиегін кеңейтуге және халықаралық тәжірибе жинақтауға бағытталған. Бағдарлама аясында білім алушылар заманауи ақпараттық технологиялар, бағдарламалау және цифрлық жүйелер бойынша білімдерін жетілдіріп, шетелдік жоғары оқу орнының тәжірибесімен танысады. &nbsp;<img src="https://knadmin.beoblood.kz/uploads/korkyt_1_2892b677a4.jpeg" alt="коркыт 1.jpeg">Айта кетейік, Қорқыт ата университеті академиялық ұтқырлық бағдарламасын жүйелі түрде жүзеге асырып, студенттердің шетелдік жоғары оқу орындарында білім алуына қолдау көрсетіп келеді.

Академиялық ұтқырлық: Қызылордалық студенттер шетел университетінде оқиды

<a href="https://kyzylorda-news.kz/">Kyzylorda-news.kz</a> Қазақстанда педагогтерді аттестаттау жүйесі қайта қаралып, мұғалімдерге түсетін артық жүктеме қысқартылады. Бұл туралы Оқу-ағарту вице-министрі Шынар Ақпарова Орталық коммуникациялар қызметінде өткен брифингте мәлімдеді, – деп хабарлайды <a href="https://kaz.inform.kz/news/pedagogterd-attestattau-zhuyesnde-neozgered-8cb2a8/">Қазақпарат.</a><blockquote>— Қолданыстағы аттестаттау тетіктері педагогтерге негізсіз артық жүктеме түсіріп отыр. Әсіресе тестілеуге дайындықтың көп уақыт алуы, портфолио қалыптастырудың күрделілігі және авторлық материалдардың практикалық маңызына қатысты сұрақтар мұғалімнің негізгі міндетіне — білім сапасына көңіл бөлуіне кедергі келтіреді, — деді вице-министр.</blockquote>Осыған байланысты аттестаттау жүйесі оңтайландырылып, артық талаптар қысқартылады.<blockquote>—&nbsp;Енді педагогтің кәсіби деңгейі тест нәтижесімен емес, оның күнделікті жұмысы мен білім беру сапасына қосқан нақты үлесі арқылы бағаланады,&nbsp;— деп нақтылады ол.</blockquote>Вице-министрдің мәліметінше, өзгерістердің бірі&nbsp;— педагогтер үшін міндетті пәндік тестілеудің алынып тасталуы.<blockquote>—&nbsp;Бұл талап тек педагогикалық қызметке жаңадан келген мамандарға, жұмысын қайта бастаған мұғалімдерге, сондай-ақ білім беру ұйымдарының басшылары мен әдіскерлеріне қатысты сақталады,&nbsp;— деді ол.</blockquote>Сонымен қатар педагог кадрларды даярлау жүйесінде де&nbsp;өзгерістер бар.<blockquote>—&nbsp;Жоғары оқу орындарына қабылдауда тест нәтижелерімен қатар арнайы емтихандарды қамтитын аралас бағалау моделіне көшу көзделіп отыр. Бұдан бөлек, педагогикалық мамандықтарға қойылатын талаптар күшейтіліп, шекті балл 75-ке дейін көтерілді,&nbsp;— деп толықтырды вице-министр.</blockquote>Бұдан өзге, аттестаттау талаптары да&nbsp;жеңілдетілді.<blockquote>—&nbsp;Енді эссе жазу, ғылыми мақала жариялау және авторлық бағдарламалар әзірлеу міндетті емес. Бұл мұғалім еңбегін қағазбастылықтан арылтып, нақты нәтижеге бағыттауға мүмкіндік береді,&nbsp;— деді ол.</blockquote>Тағы бір маңызды өзгеріс&nbsp;— аттестаттау процесін толық цифрландыру.<blockquote>—&nbsp;Барлық рәсім «Ұстаз» платформасы арқылы жүргізіледі. Бұл құжат айналымын қысқартып, процестің ашықтығы мен қолжетімділігін арттырады,&nbsp;— деп атап өтті Шынар Ақпарова.</blockquote>Оның айтуынша, жаңа жүйе педагогтің кәсіби еркіндігін арттырып, оның шығармашылық және әдістемелік әлеуетін толық іске асыруға жағдай жасайды.Сонымен қатар қолданыстағы тәртіпке сәйкес, белгіленген талаптарды орындаған педагогтерге тиісті біліктілік санаты бойынша қосымша ақы жаңа оқу жылының басынан бастап төленеді.<blockquote>—&nbsp;Ал&nbsp;алғашқы тестілеуде шекті деңгейге жете алмаған педагогтерге қайта тапсыру мүмкіндігі беріледі,&nbsp;— деп түсіндірді вице-министр.</blockquote>Фото: Нұрболат Нұржаубай

Педагогтерді аттестаттау жүйесінде не өзгереді?

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде дәстүрлі түрде ұйымдастырылатын «Студенттік ғылым – 2026» ХХVIII ғылыми конференциясы биыл да жоғары деңгейде өтті. Ауқымды ғылыми шара «Әлемді ғылым құтқарады – IV» ғылым айлығы аясында ұйымдастырылды.Конференция жұмысына Басқарма төрағасы – Ректор Наурызбай Байқадамов қатысып, студенттердің ғылыми жетістіктері ұсынылған көрмені аралады. Биыл 31 ғылыми көрме ұйымдастырылып, онда білім алушылардың зерттеу жұмыстары мен инновациялық жобалары таныстырылды. Қазіргі таңда университетте 500-ге жуық студент ғылыми-зерттеу жұмыстарымен белсенді айналысып келеді. Ректор жас зерттеушілердің еңбектерін жоғары бағалап, ғылымға бет бұрған жастарға қолдау жалғасатынын атап өтті.Жиынның ресми бөлігінде конференцияны Академиялық мәселелер бойынша проректор Дана Абдрашева ашып, студенттердің ғылыми-зерттеу жұмыстарының маңыздылығына тоқталды. Сонымен қатар, Жас ғалымдар кеңесінің төрағасы Нұрғали Ақылбеков конференцияның негізгі мақсат-міндеттері туралы айтып, студенттік ғылымды дамыту бағытындағы жұмыстарға кеңінен тоқталды.Конференция барысында қатысушылар өз ғылыми баяндамаларын ұсынып, зерттеу жобалары мен инновациялық идеяларын қорғады. Әртүрлі бағыттағы ғылыми жұмыстар студенттердің ізденіс деңгейін көрсетіп, жаңа бастамаларға жол ашты.Аталған шара студенттердің ғылыми әлеуетін арттыруға, зерттеу дағдыларын дамытуға және жас ғалымдардың қалыптасуына үлкен мүмкіндік берді. Конференция қорытындысы бойынша үздік ғылыми жобалар анықталып, жеңімпаздар арнайы марапаттарға ие болды.

«Студенттік ғылым – 2026»: жас зерттеушілердің жарқын жетістіктері

<a href="https://kyzylorda-news.kz/">Kyzylorda-news.kz</a> Премьер-министрдің орынбасары – мәдениет және ақпарат министрі Аида Балаева Қазақстанда енді жоғары оқу орнына түсуге арналған Ұлттық біріңғай тестілеу тек бір рет өткізілетінін мәлімдеді. Бұл туралы <a href="https://stan.kz/-433256/">Stan.kz </a>ақпарат агенттігі хабарлайды.Министрдің сөзінше, бүгінде әлем елдері білім беруді жаңартып, цифрлық жүйелер мен жаңа әдістерді енгізіп жатыр. Сол арқылы балалардың қабілетін ерте анықтап, оларды болашақта қажет мамандықтарға жақсырақ дайындауға мүмкіндік бар.<blockquote>“Бұл – кезекті реформа емес, сапалы жаңа кезеңге көшу. Көпжылдық тәжірибе ҰБТ жүйесі жоғары оқу орындарына түсу кезінде ашықтықты, қолжетімділікті және бірыңғай талаптарды қамтамасыз ететін тиімді құрал екенін көрсетті. Алайда әр заманның өз талабы бар. Уақыт өте келе білім берудегі трендтер, еңбек нарығы, құзыреттер мен ережелер өзгеріп жатыр. Біз білім саласында кеткен кемшіліктерді анықтап, оларды түзетуіміз қажет. Атап айтсақ, ҰБТ-ны бірнеше рет тапсыру жүйесі талапкерлерді сапалы іріктеу мәселесін толық шешпейді”, – деді ол.</blockquote>Балаева осы тұста елімізде жоғары оқу орындарының көпшілігі білімді, дарынды жастарды өздері еркін іріктей алмайтынын алға тартты. Айтуынша, бұл мәселе әсіресе педагогикалық жоғары оқу орындарына көбірек қатысты.Осыған байланысты министр бірқатар шаралар қабылданатынын мәлімдеді:Педагогикалық жоғары оқу орындарына талапкерлерді қабылдағанда тестілеу мен арнайы емтихандарды бірге қолданатын аралас жүйе енгізу. Бұл кезде пәндік білім ғана емес, сонымен қатар ойлау қабілеті, талдай білуі, оқуға дайындығы сияқты маңызды дағдылар да ескеріледі.<blockquote>“Өйткені, "педагог" жай ғана мамандық емес. Бұл – балалармен жұмыс істейтін, үлкен жауапкершілік жүгін арқалаған тұлға. Сондықтан бұл мамандық үшін біліммен қатар, сыныппен жұмыс істеу, оқушылардың ерекше қабілеттерін анықтай білу аса маңызды. Келесі жылдан бастап педагогикалық мамандықтарға түсу кезінде ҰБТ-мен қатар ауызша емтихандардың нәтижелері де ескерілмек. Бұл емтихандарда талапкерлердің сыни ойлау қабілеті мен коммуникациялық дағдылары негізгі критерий болады. Сондай-ақ бұл мәселеде халықаралық сарапшылармен бірлесіп әзірленіп жатқан жаңа Admissions Insight Test тапсырмаларына ерекше мән беріледі”, – деді министр.</blockquote>ҰБТ тұтастай жаңғыртылып, тек бір рет тапсыратындай бекітіледі. Бұл грант конкурсына қатысу үшін объективті әрі ең басты баға ретінде қарастырылады.Сонымен қатар білім деңгейін өзін-өзі бағалау және дайындық әдістерін уақытылы түзету үшін сынақ тестілеу жүйесі сақталады.Жоғары оқу орындарына дайындық бағдарламалары (Foundation) арқылы шартты түрде қабылдау жүйесінен бас тарту қажет.Соңғы көрсеткіштер бойынша шартты түрде қабылданған студенттердің шамамен 50-60 пайызы оқу жылы ішінде ең төменгі шекті балды жинай алмайды. Сондықтан талапкерлердің болашақ мамандығын саналы түрде таңдауы аса маңызды.<blockquote>“Құрметті достар! ҰБТ жүйесін өзгерту – тестілеуден бас тарту емес екенін тағы да атап өткім келеді. Бұл – дарынды талапкерлерді анықтауға, әділ іріктеуге бағытталған маңызды қадам. Сондықтан ұсынылып отырған өзгерістер білім беру сапасын арттыруға және елдің ұзақ мерзімді дамуына берік негіз болады деп сенемін”, – деп қорытты Балаева.</blockquote>Фото: Нұрболат Нұржаубай

Келесі жылдан бастап Ұлттық біріңғай тестілеу тек бір рет өткізіледі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев еңбек ардагерлері Сайлаубай Әбішевті 80, Салхадин Мырзабековті 70 жас мерейтойымен құттықтап, адал еңбекті бағалаудың маңызын атап өтті.<blockquote>«Президентіміз Қасым-Жомарт Кемелұлы: «Әділетті Қазақстанда еңбек адамына ерекше құрмет көрсетілуге тиіс. Еңбек адамдары – еліміз бен мемлекетіміздің тірегі» деген болатын. Сыр өңірінде адал қызмет атқарып, саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген азаматтарды ардақтауды дәстүрге айналдырдық. Бүгінгі ресми жиынымыз өнегелі істердің ұйытқысы болған, жұртшылыққа етене таныс Әбішев Сайлаубай Әбішұлы ағамыздың 80 жасқа, Мырзабеков Салхадин Мырзабекұлы ағамыздың 70 жасқа толған мерейтойына арналады. Сіздердің жылдар бойы туған өлкенің игілігі жолында атқарған еңбектеріңіз, адал қызметтеріңіз шынайы құрметке лайық. Сыр жұртшылығы аймақтың дамуына зор үлес қосқан Өздеріңіздей жерлестерімен мақтанады. Тілеулес, ақадал ниетті азаматтардың атынан бүгінгі мерейтойларыңызбен шын жүректен құттықтап, дендеріңізге саулық, отбасыларыңызға амандық тілейміз!», – деді Нұрлыбек Машбекұлы.</blockquote><img src="https://knadmin.beoblood.kz/uploads/E_bek_ardagerlerin_marapattady_2_90a57447f7.jpg" alt="Еңбек ардагерлерін марапаттады 2.jpg">Жиында облыс әкімі мерейтой иелеріне Қызылорда облысының Құрмет грамотасы мен Алғыс хат табыстап, дәстүрге сай құрмет көрсетті. Ел ағалары Дайрабай Ысқақов, Бекмырза Еламанов, Биғали Қаюпов сөз сөйлеп, ізгі тілек білдірді.Сайлаубай Әбішұлы еңбек жолын мұғалімдіктен бастап, кейін комсомол органдарында, Шиелі ауданында басшылық қызметтер атқарған. Әр жылдары колхоз төрағасы, совхоз директоры, аудандық бөлім басшысы және «Білім жабдық» мекемесінің директоры қызметтерінде болған.&nbsp;Қоғамдық-саяси жұмыстарға белсене араласып, партия құрылымдарында 20 жылға жуық еңбек етті, 8 шақырылым бойы аудандық кеңес депутаты болып сайланған.Салхадин Мырзабекұлы еңбек жолын 1973 жылы жұмысшы болып бастап, кейін бас экономист, аудан әкімінің орынбасары, салық комитетінің төрағасы, кеңшар директоры қызметтерін атқарған. 1996-1999 жылдары Жаңақорған ауданының әкімі ретінде өңірдің дамуына үлес қосты.&nbsp;Экономика ғылымдарының кандидаты, ауыл шаруашылығы саласында ғылыми зерттеулер жүргізген. Жиырма жылдан астам әлеуметтік қорғау саласында еңбек етіп, облыстық департаменттерді және мемлекеттік зейнетақы төлеу орталығының өңірлік филиалын басқарды.

Аймақ басшысы еңбек ардагерлерін мерейтойымен құттықтады

<a href="https://kyzylorda-news.kz/">Kyzylorda-news.kz</a> Биыл аймақтың әлеуметтік-экономикалық дамуында оң серпін байқалады. Ендеше сандарды сөйлетіп көрсек. Аймақтың өңдеу өнеркәсібі 6,4%-ға, ауыл шаруашылығының жалпы өнімі 1,3%-ға, негізгі капиталға салынған инвестициялар 10,6%-ға артты. Сонымен қатар құрылыс жұмыстарының көлемі 21,8%-ға өссе, пайдалануға берілген тұрғын үйлер 8,4%-ға, сауда көлемі 7%-ға ұлғайған. Бұл туралы Өңірлік коммуникациялар қызметінің ақпарат алаңында Ұлттық статистика Бюросының Қызылорда облысы бойынша департаментінің басшысы Қайрат Әбсұлтанов айтты.<blockquote>- Аймақтың құрылыс саласында қарқынды жұмыстар бар. Бір жыл ішінде атқарылған құрылыс жұмыстарының көлемі 21,8%-ға өсті. Ал тұрғын үй құрылысы аясында 3973 тұрғын ғимараты пайдалануға беріліп, жалпы алаңы 939 мың шаршы метрден асты. Аграрлық салаға да тоқталып өтсем. Ауыл шаруашылығы өнімдерінің жалпы көлемі 1,3%-ға өсті. Өткен жылы облыс бойынша 186,6 мың гектар жерге егін егілді, оның негізгі бөлігі – күріш. Мал басы да көбейіп келеді: жылқы 6,8%-ға, түйе 4,9%-ға, ірі қара мал 1,5%-ға артқан. Ет өндіру 7,5%-ға, сүт 3,0%-ға, жұмыртқа 7,1%-ға көбейген. Демографиялық ахуал да тұрақты. 2025 жылы облыста 16 641 сәби дүниеге келген. Аймақ 1000 тұрғынға шаққандағы туу көрсеткіші бойынша республикада тұрақты түрде төртінші орында тұр. Орта есеппен тәулігіне 40-45 сәби өмірге келсе, ай сайын 1300-1400 бала тіркеледі. Бұл халық санының табиғи өсімі сақталып отырғанын көрсетеді. Кәсіпкерлік саласында да өсім бар. 2026 жылдың 1 қаңтарына облыста 11 551 заңды тұлға тіркеліп, оның 10 354-і нақты жұмыс істеп тұр. Шағын және орта кәсіпкерлік субъектілерінің саны 68 152 бірлікке жетіп, белсенді жұмыс істеп тұрғандары 65 698-ді құрады. Жалпы алғанда, өңірде өндіріс, инвестиция, құрылыс пен кәсіпкерлік қатар дамып, халық саны мен еңбек нарығында тұрақтылық сақталып отыр,- деді Қайрат Байғабылұлы.</blockquote><img src="https://knadmin.beoblood.kz/uploads/Ajma_ta_ekonomikaly_belsendilik_artty_913e0aed1d.jpg" alt="Аймақта экономикалық белсенділік артты.jpg">Фото: pixabay

Аймақта экономикалық белсенділік артты

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде экономиканы одан әрі әртараптандыру шаралары қаралды. Оған облыс әкімі Нұрлыбек Нәлібав селекторлық режим арқылы қатысты.Үкімет отырысында «Orda Glass Ltd» ЖШС әкімшілік басқарма басшысының орынбасары Ғалымжан Қуатов баяндама жасап, өңірде 2022 жылдан бері жұмыс жасап келе жатқан республикадағы табақша шыны өндіретін жалғыз зауыттың жұмысы мен алдағы жоспарларын таныстырды.Отырыстан кейін өткен мәжілісте осы және өзге де мәселелер талқыланып, жауапты сала басшыларына тапсырмалар жүктелді.<blockquote>«Инвестиция тартуды күшейтіп, жаңа жобаларды іске асыру үшін инвесторлармен жүйелі жұмысты ұйымдастыру керек. Аудандарда, ауылдарда кәсіпкерлікті дамыту жайын жан-жақты зерделеп, нақты ұсыныстар енгізіңіздер. Қаржы институттарымен аудандарда, ауылдарда көшпелі түсіндірме жұмыстарын қарқынды жүргізу қажет.Сырттан келетін халық тұтынатын негізгі азық-түлік тауарларын «Ауыл аманаты» жобасы аясында өндіруді ұйымдастырыңыздар. Жоспарланған құрылыс нысандары уақытылы аяқталуы керек. Жаңадан салынуы келісілген нысандарға ғана жоба-сметалық құжат әзірлеңіздер.Мемлекет басшысының Катар сапарында жасалған келісім бойынша қуаттылығы 1100 Мвт-тық бу-газ қондырғысының жобалау жұмыстары жүргізілуде. Облыстық энергетика және тұрғын үй-коммуналдық шаруашылығы басқармасы маңызды екі жобаны сапалы әрі мерзімінде жүзеге асырыңыздар», – деді Нұрлыбек Машбекұлы.</blockquote>Айта кетейік, өңір экономикасын әртараптандыру, шикізатқа тәуелділікті азайту, өңдеу өнеркәсібін дамыту, ШОБ-ты қолдау және ауыл шаруашылығы өнімдерін өңдеуді арттыруда жүйелі жұмыс бар.2026-2029 жылдары 48 инвестициялық жоба жүзеге асырылып, 10 308 жаңа жұмыс орны ашылады. Биыл 100 млрд теңгенің 21 жобасы іске қосылады. Олардың қатарында қуаттылығы 3 500 тонналық құс фабрикасы, 5 200 тонналық тауарлы сүт фермасы, «Пана» қонақ үйі, гофрлеу және картонның тегіс қабаты үшін қағаз өндіру зауыты, жалпы қуаттылығы 50 МВт болатын 2 күн электр станциясы бар.Сонымен бірге 753 млрд 300 млн теңгеге бағаланған 14 ірі жобаның құрылысы межеленген. Өткен жылы кореялық «Уиз Ю» компаниясының тұрмыстық қатты қалдықтарды сұрыптау кешені және «Риксос» қонақ үйінің құрылысы басталды. «Табиғи тас Қызылорда» серіктестігі 17 млрд 300 млн теңгеге жылына 1 млн 100 мың тонна әк өндіретін зауытын іске қосады. «Шалқия» кен-байыту фабрикасы, «Арал сода» серіктестігінің кальциленген сода, «Севен Риверс» компаниясының шыны бөтелке, испандық «Рока групп» компаниясының жылына 500 мыңға дейін санитарлық-техникалық өнім шығаратын зауыт құрылысы басталады.Швейцариялық «Харвест Агро» компаниясының техникалық қарасора, жүгері және соя өсіру, қайта өңдеу, жүгеріні терең өңдейтін крахмал-сірне зауытының құрылысы бастау алды. Компанияға 14 200 гектар жер учаскесі табысталды.Фото: Қызылорда облысы әкімінің баспасөз қызметі

Экономиканы одан әрі әртараптандыру мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Құрылыс саласында да оң серпін байқалады. Қала аумағында атқарылған құрылыс жұмыстарының көлемі 182 млрд 276 млн теңгеге жетіп, 111,3 пайыздық өсім көрсеткен. Облыстағы үлесі 49,8 пайызды құрайды. Бұл туралы Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов мәлімдеді. Кездесу барысында шаһар басшысы қаланың әлеуметтік-экономикалық даму көрсеткіштері мен алдағы жоспарлар туралы кеңінен баяндады.<blockquote>«Әлеуметтің ең әлеуетті әрі өзекті мәселесі баспана. Бұл бағытта Қызылорда республика бойынша алдыңғы қатарда тұр. Өткен жылы көпқабатты тұрғын үйлерді салу және сатып алу үшін 35 млрд 812 млн теңге жұмсалып, 1 890 отбасы жаңа пәтерге қол жеткізген. Ал биыл кезекте тұрған отбасыларға тұрғын үй сатып алу мақсатында облыстық бюджеттен 39 млрд 474 млн теңге бөлініп отыр», – деді Нұржан Ахатов.</blockquote>Сонымен қатар, жол-көлік инфрақұрылымын дамыту мәселесі де назардан тыс қалған жоқ. Аймақ басшысының тікелей қолдауымен өткен жылы бұл салаға 30 млрд теңге қарастырылып, нәтижесінде 79 көшеде жол құрылысы жүргізіліп, күрделі және орташа жөндеу жұмыстары атқарылған.Қаланың негізгі магистральдарының бірі — «Тәуелсіздікке 25 жыл» даңғылы екі кезең бойынша жаңғыртылып, толықтай пайдалануға берілді. Қала әкімінің айтуынша, атқарылып жатқан жұмыстардың барлығы тұрғындардың өмір сапасын арттыруға және Қызылорданың тұрақты дамуын қамтамасыз етуге бағытталған.<img src="https://knadmin.beoblood.kz/uploads/yzylorda_alasynda_leumettik_ekonomikaly_damu_ar_yny_k_shejdi_30f0b19366.jpg" alt="Қызылорда қаласында әлеуметтік-экономикалық даму қарқыны күшейді.jpg">Экономиканың өзегі ауыл шаруашылығында екендігі бүгінгі таңда айқын сезілуде. Жылдан-жылға мұнай қорының сарқылуы бұл салаға басымдық беруді талап етіп отыр. Сырдария өзенімен өмірі өзектес Қызылорда өңірі үшін егіншілік тек күнкөріс көзі ғана емес, стратегиялық маңызы бар бағыт.<blockquote>«Биыл өңірде су тапшылығы ерекше байқалды. Бұл мәселе Мемлекет басшысының аймаққа жасаған жұмыс сапары барысында да диқандар тарапынан көтерілген болатын. Алайда қалыптасқан күрделі жағдайға қарамастан, аймақ басшысының ұтымды ұйымдастыруы мен жедел қабылданған шешімдерінің нәтижесінде аграрлық саланың берекесі бәсеңдеген жоқ. Нәтижесінде 8 041 гектар жерге орналастырылған ауыл шаруашылығы дақылдары мерзімінде толық жиналды. Оның ішінде негізгі дақыл күріш 3 354 гектар алқапқа себіліп, әр гектарынан 52 центнерден өнім алынды. Бұл су тапшылығы жағдайында қол жеткізілген айтарлықтай көрсеткіш» , - деді Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов.</blockquote>Саладағы қолдаулар биылғы жылы да жалғасын табады.<blockquote>«Ендігі басты міндет әрбір тамшы судың қадірін білу. Су үнемдеу технологияларын уақыт оздырмай енгізуіміз қажет. Осы мақсатта алдағы кезеңде лазерлік тегістеу мен тамшылатып суару әдістерін кеңінен қолдану жоспарланып отыр. Бұл тәсілдер суды тиімді пайдалануға ғана емес, өнімділікті арттыруға да мүмкіндік береді», - деді шаһар басшысы.</blockquote>Ауыл шаруашылығын дамыту өңірдің тұрақты дамуы мен халықтың әл-ауқатын арттырудың басты кепілі. Сондықтан аграрлық саладағы жүйелі жұмыстар алдағы уақытта да жалғасын таба бермек.Мемлекет басшысының бастамасымен жүзеге асырылып жатқан «Ауыл аманаты» жобасы өңірде нақты нәтижесін беруде. Бағдарлама аясында қала бойынша 46 жобаға 359 млн 500 мың теңге көлемінде жеңілдетілген несие берілді. Бұл ауыл тұрғындарының кәсіп ашуына және табысын арттыруына мүмкіндік жасады.<blockquote>"Қызылорда қаласында «Өңірлік инвестициялық орталығы» арқылы өнеркәсіп саласындағы 20 жоба қолдау тауып, жалпы көлемі 627 млн теңге қаржыға қол жеткізді. Бұл бастамалар өндірістік әлеуетті арттырып, жаңа жұмыс орындарын ашуға жол ашты. Кәсіпкерлікті қаржылай қолдауда екінші деңгейлі банктердің де үлесі зор. Осы арна арқылы 86 кәсіпкер жалпы сомасы 4 млрд 600 млн теңге көлемінде жеңілдетілген несие алып, өз ісін кеңейтуге мүмкіндік алды. Нәтижесінде Қызылорда қаласындағы кәсіпкерлер саны 35 мыңнан асып, бұл салада жұмыспен қамтылған азаматтар саны 63 мыңға жетті", - деді қала әкімі Өңірлік коммуникациялар қызметінің ақпарат алаңында өткен баспасөз конференциясында.</blockquote>Шағын және орта кәсіпкерлік субъектілері тарапынан өндірілген өнім көлемі 374 млрд 752 млн теңгені құрады. Бұдан бөлек, құны 240 млрд теңге болатын 16 жаңа инвестициялық жоба іске асырылды.<blockquote>"Инвестициялық жобалармен қатар, қаладағы сауда инфрақұрылымын жаңғыртуға да басымдық беріп отырмыз. Қазіргі таңда тұрғындар арасында “Жаңа базар” және “Ескі базар” аталып кеткен екі ірі сауда орталығы кезең-кезеңімен қайта жаңартылуда. Аталған жобалар қала экономикасын әртараптандыруға, кәсіпкерлік белсенділікті арттыруға және тұрғындардың тұрақты жұмыспен қамтылуына оң ықпал етуде", – деді Нұржан Сәбитұлы.</blockquote>

Қызылорда қаласында әлеуметтік-экономикалық даму қарқыны күшейді

<a href="https://kyzylorda-news.kz/">Kyzylorda-news.kz</a> 2025 жылы Қазақстанның көлік саласы еліміздің транзиттік-логистикалық әлеуетін нығайтуға, инфрақұрылымды жаңғыртуға және тасымалдау тиімділігін арттыруға бағытталған жүйелі дамуды жалғастырды. Бұл бағыттар Мемлекет басшысы Қасым-Жомарт Тоқаевтың тапсырмаларына сәйкес жүзеге асырылды.Қазақстан «Шығыс – Батыс», «Солтүстік – Оңтүстік» халықаралық көлік дәліздерін және Транскаспий халықаралық көлік бағытын дамыту арқылы Еуразия құрлық көпірінің рөлін тұрақты түрде арттыра отырып, Еуропа мен Азия арасындағы негізгі дәнекерге айналып отыр. Инфрақұрылымдық жобаларды жүзеге асыру, жылжымалы құрамды жаңарту, көлікті бақылауда цифрлық шешімдерді енгізу және халықаралық бағыттар желісін кеңейту еліміздің өңірдегі негізгі транзиттік хабтарының бірі ретінде позициясын нығайтуға ықпал етті.2025 жылдың қорытындысы бойынша транзиттік тасымалдау көлемі 36,9 млн тоннаны құрады, бұл 2024 жылдың сәйкес кезеңі көрсеткішінен 6,6%-ға артық (34,6 млн тонна).&nbsp;Транзит көлемінің артуы – автомобиль, теміржол, әуе және су көлігін кешенді дамытудың, сондай-ақ логистика саласындағы халықаралық ынтымақтастықты кеңейтуге бағытталған дәйекті жұмыстың нәтижесі.<img src="https://knadmin.beoblood.kz/uploads/1_kz_23_672609c6fa.png" alt="1-kz-23.png">Автожолдар мен жол инфрақұрылымын дамыту2025 жылдың басты жетістіктерінің бірі – автожол желісінің кең ауқымды дамуы. Құрылыс және жөндеу жұмыстары рекордтық 13 мың шақырым автожолды қамтыды.Нәтижесінде республикалық жолдардың 94%-ы техникалық нормативті жағдайда.Ішкі шекарадағы өткізу пункттерін модернизациялау жұмыстары жүргізілуде. 2027 жылдың соңына дейін 37 өткізу пунктін аяқтау жоспарлануда.&nbsp;Жол саласын цифрландыру ерекше назарда. Мемлекет басшысының тапсырмасы бойынша e-Joldar шеңберінде жолдардың цифрлық паспорттары қалыптастырылуда, бұл жолдардың техникалық жай-күйін, қозғалыс қарқындылығын және пайдалану параметрлерін орталықтандырылған түрде есепке алуды қамтамасыз етеді.&nbsp;Жыл сайын жасанды интеллект технологияларын қолдана отырып жол диагностикасы жүргізіледі.&nbsp;Жол төсемін сақтау үшін 220 бірлікке дейін автоматтандырылған өлшеу стансаларын орнату жалғасуда. Қазіргі таңда оның 71 бірлігі іске қосылған.Авиация: маршрут желісін кеңейту және инфрақұрылымға инвестиция тарту2025 жылы азаматтық авиацияның дамуы әуе паркін жаңарту, халықаралық бағыттарды кеңейту және әуежай инфрақұрылымына инвестициялар тартумен қатар жүрді. Әуе кемелері паркі 109 бірлікке жетті, оның ішінде 8 жаңа Airbus A320 ұшағы және 4 Boeing 737 MAX 8 ұшағы бар. &nbsp;<img src="https://knadmin.beoblood.kz/uploads/2_kz_5_1_decaf76dd5.png" alt="2-kz-5-1.png">Қазақстан 2025 жылдың желтоқсан айындағы мәліметтер бойынша аптасына жалпы жиілігі 626 рейсті құрайтын 135 халықаралық бағыт бойынша 30 елмен әуе қатынасы іске қосылды. Халықаралық маршрут желісі ТМД, Еуропа, Таяу Шығыс, Азия және Оңтүстік-Шығыс Азия елдерін қамтиды.Сала бойынша бүгінде 25 мың адам жұмыс орындарымен қамтылды, бұл оның тұрақты жұмысын қолдауға және негізгі операциялық процестердің үздіксіз орындалуын қамтамасыз етуге көмектеседі.Өткен жылы Арқалық әуежайын қалпына келтіру жұмыстары басталды, Алматы әуежайын дамытудың бас жоспары таныстырылды және құны $362 млн болатын TAV Airport Holding инвестициялық бағдарламасы таныстырылды, «Қорғас – Шығыс қақпасы» АЭА аумағында жүк-жолаушылар әуежайын салу бойынша жалпы құны 250 млрд теңгені құрайтын Инвестициялар туралы келісім жасалды.Қазақстан Республикасының пилотсыз азаматтық авиациясын дамытудың 2025-2031 жылдарға арналған тұжырымдамасының қабылдануы маңызды қадам болды. Сонымен қатар аз шығынды бірқатар жаңа авиакомпания ел нарығына шықты, сонымен қатар 35-тен астам жаңа халықаралық бағыт, оның ішінде Будапешт, Шанхай, Сеул, Гуанчжоу және Мюнхенге рейстері ашылды.ИКАО жүргізген аудит қорытындысы бойынша халықаралық авиациялық қауіпсіздік және формальдылықты жеңілдету стандарттарына сәйкестік деңгейі 95,7%-ды құрады.Теміржол және су көлігі: тасымалдаудың өсуі мен инфрақұрылымдық жобалар2025 жылдың қорытындысы бойынша жүктерді темір жол көлігімен тасымалдау көлемі 320 млн тоннаны құрады, бұл 2024 жылдың сәйкес кезеңімен салыстырғанда 5,5%-ға артық. Мемлекет басшысының тапсырмасы аясында 2029 жылға дейін 11 мың шақырым теміржол учаскесін жөндеу қарастырылған. Бүгінгі таңда 4,4 мың шақырымнан астам жолда жұмыстар орындалды, оның ішінде 1 575 шақырымы 2025 жылы аяқталды.<img src="https://knadmin.beoblood.kz/uploads/3_kz_3_1_5766582bd4.png" alt="3-kz-3-1.png">2025 жылдың негізгі оқиғаларының қатарына ұзындығы 836 шақырым «Достық – Мойынты» теміржолының екінші желісінің іске қосылуы, сондай-ақ ұзындығы 323 шақырым жаңа «Қызылжар – Мойынты» желісінің құрылысының басталуы болды. 775 локомотив пен 2,7 мың фитингтік платформаны жеткізу бойынша келісімшарттарға қол қойылды. Бүкіл ел бойынша 124 теміржол вокзалын жаңғырту басталды.Су көлігі де оң динамиканы көрсетті. 2025 жылы теңіз көлігімен 8 млн тонна жүк тасымалданды, бұл 2024 жылғы көрсеткіштен 7%-ға артық. Теңіз порттары арқылы контейнерлік тасымалдау 29%-ға артты – 90 637 ЖФЭ өтті; Транскаспий халықаралық көлік бағыты бойынша өсім 36%-ды құрады.Ақтау портында контейнерлік хаб құрылысы аяқталды, Құрық – Баку желісіне 1 құрғақ жүк кемесі жеткізілді, 2 паром сатып алынды.Өзен көлігімен тасымалдау көлемі 1,5 млн тоннаны құрады. Тасымалдау Ертіс, Орал – Каспий және Іле – Балқаш бассейндерінде жүзеге асырылды.Автомобиль тасымалдары және көлік бақылауы: цифрландыру мен халықаралық ынтымақтастық2025 жылы халықаралық автомобиль тасымалы географиясын кеңейту жұмыстары жалғасты. Қазақстан жыл сайын шетелдік рұқсат бланкілерінің квоталарымен алмасу жүзеге асырылатын 42 елмен үкіметаралық келісімдер жасасты.<img src="https://knadmin.beoblood.kz/uploads/4_kz_3_1_b5200f1976.png" alt="4-kz-3-1.png">Түркіменстанмен, сондай-ақ Иранмен екіжақты және транзиттік тасымалдарға рұқсат етілмеген тасымалдау жүйесі енгізілді. Түркиямен келісімге қол жеткізілді. Қазақстан Қытай аумағына транзиттік автотасымалдауды жүзеге асыру құқығын алған алғашқы ел болды.Қытаймен және Өзбекстанмен бірлесіп, шетелдік рұқсат бланкілерімен электрондық алмасу жүйесі енгізілді, бұл барлық ШРБ-ның 65%-ын цифрландыруға мүмкіндік берді. Цифрландыру жұмыстары Әзербайжанмен, Түркиямен және Қырғызстанмен жалғасуда.Нарықтың ашықтығын арттыру үшін шетелдік рұқсат бланкілерін бөлудің жаңа ережелері қабылданды, сондай-ақ жүк көлігін цифрлық өлшеуге көшу жөніндегі шаралар жүзеге асырылуда. Елде әкімшілік айыппұлдарды автоматты түрде рәсімдеу жүйесімен біріктірілген 73 автоматтандырылған өлшеу стансасы орнатылған.Бұдан бөлек, техникалық байқау операторларының қызметін ашуға рұқсат беру тәртібі енгізілді және белгіленген талаптарды бұзғаны үшін жауапкершілік күшейтілді.Фото: primeminister.kz

Президент тапсырмаларын жүзеге асыру: Еліміздің көлік саласы мен логистикалық әлеуетін дамыту

<a href="https://kyzylorda-news.kz/">Kyzylorda-news.kz</a> Бүгін Ұлттық кітап күні облыс әкімі Нұрлыбек Нәлібаев, кәсіпкер- меценат Эдуард Огай, Қазақстанның Еңбек Ері Абзал Ералиев, , құқық қорғау органдарының басшылары, зиялы қауым өкілдерінің қатысуымен еліміздегі үшінші Президенттік кітапхананың іргетасын қалау рәсімі өтті.Аймақ басшысы жиналған жұртшылықты 23 сәуір – Ұлттық кітап күнімен, кітапханашылардың кәсіби мерекесімен және жаңа кітапхана құрылысының басталуымен құттықтады.<blockquote>«Өздеріңізге белгілі, Мемлекет басшымыз өткен жылы аймағымызға жұмыс сапарымен келгенде Астана мен Алматы қалаларындағыдай тәулік бойы қызмет көрсететін үшінші Президенттік кітапхананың Қызылорда қаласында ашылатынын жеткізген болатын. Жерлестеріміз бұл бастаманы зор қуанышпен қабылдады.Бүгін Өздеріңізбен бірге аймағымыз үшін маңызды жобалардың бірі – білім мен мәдениеттің алтын діңгегіне айналатын Президенттік кітапхананың капсуласын салу рәсімінде бас қостық.Маңызды жобаны жүзеге асыруға демеушілік көрсеткен елімізге белгілі кәсіпкер-меценат Огай Эдуард Викторовичке барша Сыр жұртшылығының атынан шынайы алғысымды, зор ризашылығымды білдіремін.Демеушілікпен 20 млрд. теңгеге салынатын, аумағы 13 мың шаршы метр, сәулетті, жаңа кітапхана заманауи талаптарға сай болады. Ғимаратта оқу, конференц, басылым, архив пен сирек қорға арналған залдар, электрондық кітапхана, әлем әдебиеті бөлімі мен өнер галереялары, көрме, коворкинг орталықтары, қалпына келтіру шеберханасы қарастырылған.Бұл – халықтың рухани дамуына, кітап оқу мәдениетін жаңа деңгейге көтеруге бағытталған Президентіміздің қолдауы.Жаңа нысан тек кітаптар жиналған жер емес, ұлтымыздың тарихын, мәдениеті мен өркениетін дәріптейтін, жерлестеріміздің рухани тынысын ашатын тәрбие мен тағылым үйі болмақ! Жаңа кітапхананың құрылысы сәтті аяқталып, ел игілігіне қызмет етіп, ұлт руханияты мен білімінің өркендеуіне үлес қосуына тілектеспін», – деді Нұрлыбек Машбекұлы.</blockquote>Рәсімде Эдуард Викторович, Қазақстан Жазушылар және Журналистер одағының мүшесі Шәкизада Әбдікәрімов сөз сөйледі.Айта кету керек, 2022 жылдан бері өңірде 22 мәдениет нысаны жаңадан салынып, ел игілігіне берілді. Барлық ауданда «Руханият орталықтары» ашылды. Облыстың бас шаһарында «Өнер орталығы», «Анаға тағзым», «Отбасы орталығы», «Оқушылар сарайы» бой көтерді.<img src="https://knadmin.beoblood.kz/uploads/yzylordada_elimizdegi_shinshi_Prezidenttik_kitaphanany_irgetasy_alandy_1_0d42f0913b.jpg" alt="Қызылордада еліміздегі үшінші Президенттік кітапхананың іргетасы қаланды 1.jpg">Былтыр Қызылорданың астана болғанына 100 жыл толуына орай облыстық тарихи-өлкетану музейінің, Ассамблеяның 30 жылдығына орай «Қазатомөнеркәсіп» компаниясының қолдауымен «Достық үйінің» жаңа ғимараты салынды.<img src="https://knadmin.beoblood.kz/uploads/yzylordada_elimizdegi_shinshi_Prezidenttik_kitaphanany_irgetasy_alandy2_35ed7164e0.jpg" alt="Қызылордада еліміздегі үшінші Президенттік кітапхананың іргетасы қаланды2.jpg">Кейінгі жылдары «Сыр жұлдыздары» академиясы, Жалағаш, Жаңақорған, Шиелі аудандарында «Өнер мектебі» мен «Оқушылар үйі» іске қосылды.<img src="https://knadmin.beoblood.kz/uploads/yzylordada_elimizdegi_shinshi_Prezidenttik_kitaphanany_irgetasy_alandy3_8e0126a20c.jpg" alt="Қызылордада еліміздегі үшінші Президенттік кітапхананың іргетасы қаланды3.jpg">Фото: Қызылорда облысы әкімінің баспасөз қызметі

Қызылордада еліміздегі үшінші Президенттік кітапхананың іргетасы қаланды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Жалағаш ауданына жұмыс сапарымен барып, Harvest Agro компаниясының агроиндустриалды кластерін құру жобасының бірінші кезеңін іске қосу және алғашқы дән себу рәсіміне қатысты.Оған Harvest Kazakhstan серіктестігінің бас директоры Дәулет Увашев, Су ресурстары және ирригация министрлігі Су ресурстарын реттеу, қорғау және пайдалану комитетінің төрағасы Сейілбек Нұрымбетов, Жамбыл, Түркістан облыстарынан арнайы делегация, аудан әкімдері мен өңірлік қаржы және даму институттарының, шаруашылық құрылымдарының басшылары, зиялы қауым өкілдері мен ел ағалары келді.<blockquote>«Президентіміздің қолдауымен облыстың егін шаруашылығын әртараптандыруға, су ресурстарын үнемдеу технологиясын кеңінен енгізуге алдағы үш жылға 34 млрд. теңгеден астам қаржы бөлінді. Биыл осы мақсатқа 10 млрд. теңге қарастырылды.Бұл – Мемлекет басшымыздың Сыр диқандарын ерекше қолдауы. Су ресурстарының азаюы бұрынғы дағдыларды қайта қарауды, табиғатпен үндес, үнемшіл әрі тиімді жолдарды таңдауды талап етті. Бастама – жаңа мүмкіндіктерге жол ашатын, өңіріміздің экономикалық әлеуетін, халықтың әл-ауқатын арттыратын стратегиялық маңызды қадам.Жобаны жүзеге асыруға бастамашы болып, зор үлес қосқан инвесторларға тағы да шынайы алғысымызды, зор ризашылығымызды білдіреміз. Зауыт құрылысының сәтті аяқталуына, жаңа нысанның ел игілігіне қызмет етуіне тілектеспін», – деді Нұрлыбек Машбекұлы.</blockquote>Рәсімде облыс прокуроры Ризабек Кәрімұлы, Harvest Agro серіктестігінің басшысы Дәулет Нұрланұлы сөз сөйлеп, ел ағасы Биғали Әбдікерұлы батасын берді.Агроиндустриалдық кластер құру жұмыстарын сапалы жүргізіп, жобаның жүзеге асуына үлес қосқан азаматтар облыс әкімінің Алғыс хатымен марапатталды.<img src="https://knadmin.beoblood.kz/uploads/Whats_App_Image_2026_04_22_at_20_00_23_1_bb918d023a.jpeg" alt="акимат жалагаш">Айта кету керек, жобаның бірінші кезеңінде 8,7 мың гектар суармалы жерге жүгері, екінші кезеңінде 32 мың гектарға жүгері, соя, техникалық қарасора егіліп, 68 млрд.теңгеден астам қаржыға дақылдарды терең өңдейтін жаңа өндіріс орны ашылады. Зауыт заманауи жоғары сапалы технологиялармен жабдықталып, 140 адамды тұрақты жұмыспен қамтамасыз етеді.<img src="https://knadmin.beoblood.kz/uploads/Whats_App_Image_2026_04_22_at_20_00_27_3ff031b620.jpeg" alt="акимат Жалагаш ">Жоба ауыл шаруашылығын дамытуға, суармалы жер көлемін ұлғайтуға және өңделген өнім экспортын арттыруға бағытталған. Қазір 30 мың гектар жер игерілуде, ал алдағы уақытта бұл көрсеткішті 300 мың гектарға дейін жеткізу жоспарланған. Егін өсірумен қатар, өнімді өңдеу, сақтау, тасымалдау және өткізу біртұтас жүйе ретінде дамытылады.Бүгінде негізгі инфрақұрылым жұмыстары қарқын алған. Қараөзек өзенінен суару арналары тартылып, 142 жаңбырлатқыш қондырғы орнатылуда. Бұл су ресурстарын 30 пайызға дейін үнемдеуге мүмкіндік береді.<img src="https://knadmin.beoblood.kz/uploads/Whats_App_Image_2026_04_22_at_20_00_23_e96e21b945.jpeg" alt="акимат жалагаш ">Егіс алқаптарын бақылау және басқару үшін цифрлық жүйелер, жасанды интеллект элементтері енгізілуде. Алғашқы кезеңде 80 мың тоннаға дейін жүгері өнімін алу жоспарланған. Бұл – елімізде ірі агроөнеркәсіптік кластер қалыптастыруға бағытталған маңызды жобалардың бірі.Фото: Қызылорда облысы әкімінің баспасөз қызметі

Аймақта Harvest Agro агроиндустриалды кластерін құру жобасының бірінші кезеңі басталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданы Нағи Ілиясов атындағы ауылға жұмыс сапарымен барып, егін алқабына алғашқы дән себу рәсіміне қатысты.Аймақ басшысы Қазақстанның Еңбек Ері Абзал Ералиев және ардагерлермен бірге алғашқы дәнді сеуіп, қамбаның астыққа толуына, мол өнім жиналып, шаруалареңбегінің ақталуына тілектестігін білдірді.<img src="https://knadmin.beoblood.kz/uploads/whatsapp_image_2026_04_22_at_18_45_49_07f06782b1.webp" alt="акимат ">Әрі қарай ауыл шаруашылығы техникалары, тыңайтқыштар,өсімдік қорғау құралдары және озық техникалар көрмесімен танысты.Биыл вегетация кезеңінде облыстың егіс алқаптарын суаруға 3,2 млрд текше метр су лимиті бөлінді. Жалпы 185,8 мың гектарға дақылдар егужоспарланған. Оның ішінде дәнді дақылдар 89,7 мың гектар, майлы дақылдар 6,1 мың гектар, мал азықтық дақылдар 73,2 мың гектар, ал картоп, көкөніс және бақша дақылдары 16,8 мың гектар.Мемлекет басшысының тапсырмасына сәйкес,суды көп қажет ететін дақылдар көлемін оңтайландыру көзделген. Осыған байланысты биыл күріш көлемін 70 мың гектарға дейін қысқарту жоспарлануда. Оның орнына суды аз қажет ететін, өнімділігі жоғары жүгері алқаптарын ұлғайту қарастырылған.<img src="https://knadmin.beoblood.kz/uploads/akimat_50425a9328.webp" alt="акимат ...webp">Бүгінде ерте егілетін дақылдар себіліп бітуге жақын, қажетті тұқым, тыңайтқыш, техника және жанар-жағармай жеткілікті, 3975 техника көктемгі науқанға жұмылдырылды. Ауыл шаруашылығы тауарөндірушілері 21,7 мың тонна арзандатылған дизель отынына өтінім берді. Оның 10,1 мың тоннасы көктемгі дала жұмыстарына, 11,6 мың тоннасы күзгі егін жинауға пайдаланылады.<img src="https://knadmin.beoblood.kz/uploads/whatsapp_image_2026_04_22_at_18_45_46_1_daae0d7e4e.webp" alt="акимат ">Егін шаруашылығын әртараптандырып, су үнемдеу технологиясын кеңінен енгізген шаруашылықтарды қолдау үшін алдағы үш жылға 34 млрд. теңгеден астам қаржы бөлінсе, 10 млрд. теңгеге жуығы биылға қарастырылған.<img src="https://knadmin.beoblood.kz/uploads/akimat_a28ec7ddfd.webp" alt="акимат.webp">Соңғы жылдары су үнемдеу технологияларын қолдану 4 есе артып, 16,7 мың гектарға дейін жеткізіледі, аймақта бірқатар ірі инвестициялық жоба бар. Атап айтқанда, «Харвест Агро» серіктестігі Жалағаш ауданында жүгері, соя, техникалық қарасора егіп, 21 мың гектар жерге агрокластер құруда. «Центр семеноводства» серіктестігі Шиелі ауданында 10,0 мың гектарға жүгеріні жаңбырлатып суару әдісімен егу, «Таң ЛТД» серіктестігі 3,0 мың гектарға жүгерінітамшылатып суару әдісімен егу жобаларын қолға алған.Фото: Қызылорда облысы әкімінің баспасөз қызметі

Сыр өңірінде егін алқабына алғашқы дән себілді

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалы жанындағы Жастарды қолдау жөніндегі аймақтық кеңестің кезекті отырысы өтті.Кеңес отырысын төраға Дәулет Ізбасарұлы жүргізді. Жиынға партияның облыстық филиалының төрағасы Жандос Базартай, кеңес мүшелері, бұқаралық ақпарат құралдарының өкілдері және тиісті мемлекеттік органдар мен мекемелердің басшылары қатысты.Күн тәртібінде екі негізгі мәселе қаралды: NEET санатындағы жастарды жұмыспен қамту және жастар арасындағы интернет-алаяқтықтың алдын алу.Аталған мәселелер бойынша «Еңбек мобильділігі орталығы» КММ жұмыс берушілерді қолдау бөлімінің басшысы Ержан Жеткерұлы мен облыстық Полиция департаментінің киберқылмысқа қарсы іс-қимыл басқармасының бастығы, полиция майоры Бағдат Тлеумбетов баяндама жасады.Отырыста NEET санатындағы жастардың жұмысқа орналасу деңгейі мен жұмыссыздық мәселесі кеңінен талқыланды. Сонымен қатар, жастар арасында интернет-алаяқтық фактілерінің артуы алаңдаушылық туғызатыны атап өтіліп, оның алдын алу бағытында ұсыныстар айтылды.&nbsp;Жиын қорытындысында Жандос Базартай жастар мәселесі әрдайым басты назарда болуы тиіс екенін атап өтіп, жауапты мекемелерге нақты тапсырмалар жүктеді.

Жастар кеңесі отырысында интернет-алаяқтық мәселесі көтерілді

<a href="https://kyzylorda-news.kz/">Kyzylorda-news.kz</a> ҚР Қорғаныс министрінің орынбасары Асқар Мұстабеков мерзімді әскери қызметтегі сарбаздарға смартфон пайдалануға қойылған тыйымның алынуына қатысты пікір білдірді, деп хабарлайды BAQ.KZ тілшісі.<blockquote>Қорғаныс министрінің осындай бұйрығы бар. Қарулы күштердің режимдік нысандарынан тыс жерде смартфон қолдануға рұқсат етілді. Бұл рұқсат мерзімді қызметтегі барлық сарбаздарға қатысты, – деді вице-министр Сенатта өткен брифингте.</blockquote>Айтуынша, смартфон қолдануға барлық әскер түрлері мен құрамаларында, барлық жерде рұқсат етілген.<blockquote>Бірақ ата-аналар ұлдарына кез келген уақытта смартфон арқылы хабарласа алмайды, яғни белгіленген уақыт бар. Себебі сарбаз кез келген уақытта жауап бере алмайды: ол атыс жаттығуында, оқу-жаттығуда болуы мүмкін және тағы басқа жағдайлар болады. Әскери бөлім командирі нақты уақытты белгілейді, сол кезде сарбаздар телефон пайдалана алады. Бұл ақпарат алдын ала жеткізіледі, - деп жауап берді Асқар Мұстабеков.</blockquote>

Қазақстанда сарбаздарға смартфон қолдануға рұқсат берілді

<a href="https://kyzylorda-news.kz/">Kyzylorda-news.kz</a> Қызылорда облысында «AMANAT» партиясының Шиелі аудандық филиалының ұйымдастыруымен «Таза Қазақстан» экологиялық бағдарламасы аясында «Таза бейсенбі» экологиялық акциясы өтті.&nbsp;Акция &nbsp;барысында «Оқшы ата» кесенесі және тарихи-мәдени мұра нысандарында, киелі орындар мен қорымдарда кең көлемде тазалық жұмыстары жүргізіліп, абаттандырылды.&nbsp;Ауқымды тазалық шарасына 200 жүзге жуық тұрғын қатысып, ортақ іске белсене атсалысты. Акцияға фракция мүшелері, партияның аудандық &nbsp;филиалының қызметкерлері, мемлекеттік мекеме мамандары, ардагерлер, еріктілер және жастар жұмыла кірісіп, туған жердің тазалығымен көркеюіне өз үлестерін қосты.&nbsp;Сонымен қатар, шара барысында 1000 аса ағаш көшеттері отырғызылып, «Оқшы ата» кесенесінің айналасынан 1 тоннаға жуық қоқыс шығарылды.&nbsp;Осындай мазмұнды бастамалар арқылы қоғамда тазалық мәдениеті қалыптасып, туған жерге деген жанашырлық арта түседі.&nbsp;<blockquote>Аудандық мәслихаттағы «AMANAT» партиясы фракциясының &nbsp;мүшесі, «Көкшоқы» бастауыш партия ұйымының төрағасы Нұргүл Шәлекеева: &nbsp;«Партияның «Таза бейсенбі» экологиялық акциясы кең көлемде ұйымдастырылды. Іс-шараның негізгі мақсаты – аудан аумағында санитарлық тазалықты қамтамасыз ету, қоршаған ортаны қорғау, елді мекендердің көркін арттыру және тұрғындар арасында экологиялық мәдениетті қалыптастыру болып табылады. Бұл өз кезегінде аудан тұрғындары мен қонақтары үшін қолайлы әрі таза орта қалыптастыруға мүмкіндік береді. Алдағы уақытта да аудан көлемінде қоршаған ортаны қорғауға бағытталған санитарлық-тазалық және абаттандыру жұмыстары жүйелі түрде жалғасын табатын болады» - дейді.</blockquote>«AMANAT» партиясы экологиялық жауапкершілікті арттыру, өскелең ұрпаққа табиғатты аялау мәдениетін сіңіру және азаматтық белсенділікті күшейту мақсатында «Таза бейсенбі» акциясын тұрақты түрде ұйымдастырып &nbsp;келеді.<img src="https://knadmin.beoblood.kz/uploads/Taza_aza_stan_ekologiyaly_akcziyasy_Amanat_2_0b34de6bef.jpg" alt="Таза Қазақстан экологиялық акциясы Аманат 2.jpg">

Экологиялық мәдениет – қоғам дамуының негізі

<a href="https://kyzylorda-news.kz/">Kyzylorda-news.kz</a> Қызылордада медициналық білім беру мен денсаулық сақтау саласындағы өзекті мәселелерді талқылауға арналған халықаралық деңгейдегі ғылыми-тәжірибелік конференция басталды.Іс-шараға Қазақстан Республикасы Денсаулық сақтау министрлігінің өкілдерімен қатар, Латвия, Беларусь, Түркия, Өзбекстан, Қырғызстан, Әзербайжан және Тәжікстан елдеріндегі медициналық оқу орындары мен ұйымдардың өкілдері қатысуда.Конференцияның ашылу салтанатында облыс әкімінің бірінші орынбасары Данияр Жаналинов, партияның облыстық филиалының төрағасы Жандос Базартай, ҚР Денсаулық сақтау министрлігінің Ғылым және адами ресурстарды дамыту департаментінің «Мейіргер ісін дамыту» басқармасының басшысы Гүлмира Алмагамбетова, Y-PEER өңірлік үйлестірушісі Хе Надежда, Білім беру қорының президенті, «Global Sapa» халықаралық академиясының құрылтайшысы Тілектес Шингужинова сөз сөйлеп, конференция жұмысына сәттілік тіледі.Медицина саласындағы заманауи технологиялар мен емдеу-диагностикалық әдістердің қарқынды дамуы кәсіби диалогты нығайтуды, білім беру үдерісін жаңғыртуды және халықаралық тәжірибе алмасуды талап етеді. Осыған байланысты конференция медициналық колледждер арасындағы байланысты күшейтуге, студенттердің ғылыми-зерттеу қызметіне қатысуын арттыруға және олардың кәсіби дамуына қолайлы жағдай жасауға бағытталған.Конференция аясында медициналық колледж студенттері практикалық дағдыларды меңгерумен қатар, ғылыми ойлау қабілетін дамытып, инновациялық тәсілдерді игеріп, халықаралық тәжірибемен танысу мүмкіндігіне ие болады.Жиында партияның облыстық филиалының төрағасы Жандос Базартай сөз сөйлеп, «AMANAT» партиясының Қызылорда облыстық филиалының бастамасымен медициналық бағыттағы студенттер мен жас мамандарды тарту арқылы елімізде медициналық еріктілердің бірыңғай ұлттық желісін қалыптастыруды көздейтін «AMANAT HEALTH» жобасын іске асыру жоспарланып отырғанын жеткізді.<blockquote>«Жобаның басты ерекшелігі – «қос деңгейлі тәлімгерлік» моделінің енгізілуі. Бұл ретте партияның «Жастар Рухы» жастар қанаты ұйымдастырушылық және инфрақұрылымдық қолдау көрсетсе, медициналық оқу орындары еріктілерді кәсіби даярлау мен әдістемелік сүйемелдеуді жүзеге асырады. Нәтижесінде біз еріктілер қатарын кеңейтіп қана қоймай, тәжірибелі, жауапкершілігі жоғары жас мамандардың жаңа буынын қалыптастыруға мүмкіндік аламыз. Ертең конференция аясында партияның «Жастар Рухы» жастар қанаты мен Қазақстан Республикасы Денсаулық сақтау министрлігі арасында екіжақты меморандумға қол қою жоспарланып отыр», – деді ол.</blockquote>Айта кету керек, қазіргі таңда партияның «Жастар Рухы» жастар қанатының облыстық филиалы 109 желісі арқылы халыққа бағытталған еріктілік көмекті жүйелі түрде ұйымдастырып, қоғаммен тиімді кері байланыс орнатып келеді. «AMANAT HEALTH» жобасы бұл жұмысты жаңа деңгейге көтеріп, оның әлеуметтік маңызын одан әрі арттыра түседі.Жоба іске қосылғанда шалғай елді мекендерде дәрігерге дейінгі көмектің сапасын жақсартуға ықпал етіп қана қоймай, жастар үшін әлеуметтік өсудің тиімді тетігін қалыптастыруға мүмкіндік береді.

Бас тақырыптар