<a href="https://kyzylorda-news.kz/">Kyzylorda-news.kz</a> Қызылорда облысында «Заң мен тәртіп» қағидатын нығайту және «Құқықтық тәрбие – қауіпсіз қоғам кепілі» тұжырымдамасы аясында кәмелетке толмағандар арасындағы құқық бұзушылықтың алдын алуға бағытталған кешенді профилактикалық жұмыстар жүйелі түрде жүргізілуде.Қазақ халқы ежелден заңға құрмет пен әділдікті жоғары бағалап, жас ұрпақ тәрбиесіне ерекше мән берген. Бүгінде құқықтық мәдениеті жоғары, заңды құрметтейтін ұрпақ тәрбиелеу – құқық қорғау органдарының, білім беру ұйымдарының, ата-аналардың және тұтас қоғамның ортақ міндеті.Осы бағытта білім беру ұйымдарына бекітілген полиция қызметкерлері мектеп әкімшіліктерімен, педагогтермен және өзге де мүдделі мемлекеттік органдармен бірлесіп, оқушылар мен ата-аналарға құқықтық сауаттылықты арттыруға бағытталған түсіндіру жұмыстарын тұрақты түрде өткізуде. Кездесулер барысында жасөспірімдер арасындағы құқық бұзушылықтың алдын алу, буллинг, топтық төбелестердің жолын кесу, интернет қауіпсіздігі, ата-аналардың жауапкершілігі және заң талаптарын сақтау мәселелері кеңінен түсіндірілуде.<img src="https://knadmin.beoblood.kz/uploads/Za_men_t_rtip_d1af821f84.jpg" alt="Заң мен тәртіп.jpg">2026 жылдың алғашқы алты айында облыстың мектептері, лицейлері, гимназиялары және жоғары оқу орындарында полиция қызметкерлері мен өзге де құқық қорғау органдарының қатысуымен алкоголизмнің, есірткі және уытқұмарлықтың зияны, кәмелетке толмағандардың заң алдындағы жауапкершілігі, жыныстық қол сұғылмаушылыққа қарсы қылмыстардың алдын алу, бала тәрбиесіндегі ата-ананың жауапкершілігі және өзге де өзекті тақырыптар бойынша 5534 дәріс, кездесу, сұхбат және түсіндіру іс-шаралары өткізілді.Жасөспірімдер арасындағы құқық бұзушылықтың алдын алу мақсатында жергілікті атқарушы органдармен бірлесіп «Жасөспірім», «Жасөспірім-2», «Демалыс», «Түнгі қаладағы балалар» жедел-профилактикалық іс-шаралары, сондай-ақ «Түнгі қала» және «Квадрат» әдістері бойынша рейдтік жұмыстар тұрақты түрде ұйымдастырылуда.<img src="https://knadmin.beoblood.kz/uploads/za_men_t_rtip_2_d640f25a73.jpg" alt="заң мен тәртіп 2.jpg">Қабылданған шаралардың нәтижесінде 2026 жылдың алты айында 6957 әкімшілік құқық бұзушылық анықталды. Қаңғыбастық пен кезбелікке салынған 155 жасөспірім бейімдеу орталығына орналастырылды.Заңды өкілдерінің қарауынсыз түнгі уақытта ойын-сауық орындарында немесе тұрғынжайдан тыс жүрген 4635 жасөспірімнің ата-анасы әкімшілік жауапкершілікке тартылды. Сонымен қатар балаларды тәрбиелеу және оқыту жөніндегі міндеттерін тиісінше орындамаған 791 ата-анаға қатысты әкімшілік хаттамалар рәсімделді.Кәмелетке толмағандардың түнгі уақытта ойын-сауық мекемелерінде болуына жол берген 174 кәсіпкер, сондай-ақ жасөспірімдерге темекі өнімдерін сатқан 29 тұлға заң талаптарына сәйкес әкімшілік жауапкершілікке тартылды. Балаларының тәрбиесіне немқұрайлы қарап, ата-аналық міндеттерін дәлелсіз себептермен орындамаған 4 ата-ана сот шешімімен ата-аналық құқығынан айырылып, тағы 4 ата-ананың ата-аналық құқығы шектелді.Қазіргі таңда ішкі істер органдарының профилактикалық есебіне 75 жасөспірім мен 89 қолайсыз отбасы алынып, олармен жеке профилактикалық жұмыстар жүргізілуде.Қызылорда облысы Полиция департаментінің бастығы, полиция полковнигі Серік Ергешов жас ұрпақтың құқықтық тәрбиесі қоғам қауіпсіздігінің маңызды бағыты екенін атап өтті.«Заңды құрметтеу – өркениетті қоғамның басты қағидаты. Жасөспірімдердің құқықтық санасын қалыптастыру тек полицияның емес, ата-ананың, мектептің және бүкіл қоғамның ортақ жауапкершілігі. Біз құқық бұзушылықтың салдарымен күресуден бұрын оның алдын алуға басымдық береміз. Әрбір бала қауіпсіз ортада өсіп, заңды сыйлайтын, ел болашағына жауапкершілікпен қарайтын азамат болып қалыптасуы тиіс. Бұл бағыттағы профилактикалық жұмыстар алдағы уақытта да жүйелі түрде жалғасады», – деді Қызылорда облысы Полиция департаментінің бастығы, полиция полковнигі Серік Ергешов. Қызылорда облысы Полиция департаменті кәмелетке толмағандар арасындағы құқық бұзушылықтың алдын алу, балалардың қауіпсіздігін қамтамасыз ету және құқықтық мәдениетті қалыптастыру бағытындағы кешенді жұмыстарды алдағы уақытта да жергілікті атқарушы органдармен, білім беру ұйымдарымен және жұртшылықпен бірлесіп жалғастырады.

«Заң мен тәртіп» – қауіпсіз қоғамның берік негізі

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков аудан ардагерлері және тиісті сала басшыларымен бірге Шиелі кентін аралап, аудан орталығының санитарлық тазалығы мен абаттандыру жұмыстарының жай-күйін бақылады.Кент аумағын аралау барысында аудан әкімі жауапты сала басшыларына санитарлық тазалықты қамтамасыз ету бағытындағы жұмыстарды үйлестіруді тапсырды. Сондай-ақ тұрғындарға өз аулалары мен оған іргелес аумақтарды таза ұстау, ретсіз өскен шөптерді дер кезінде шабу, қоқысты белгіленбеген орындарға тастамау, тозығы жеткен жол белгілері мен өзге де нысандарды қалпына келтіру, абаттандыру қағидаларын сақтау жөнінде тұрақты түсіндіру жұмыстарын жүргізу қажеттігін атап өтті. Заң талаптарын бұзған азаматтарға қолданыстағы заңнамаға сәйкес тиісті шаралар қабылдау міндеттелді.Аралау барысында аудан әкімі бірқатар тұрғындармен және кәсіпкерлермен кездесіп, әрбір үй және кәсіпкерлік нысан иесі өз ауласы мен оған іргелес аумақтың тазалығына жауапкершілікпен қарауы қажет екенін жеткізді. Аудан басшысы тұрғындарды есік алдындағы аумақтарды таза ұстап, ретсіз өскен шөптерді уақытылы шауып, туған жердің көркін сақтауға үлес қосуға шақырды.Айта кетейік, 2026 жылғы 1 шілдеден бастап күшіне енген Қазақстан Республикасының Конституциясына енгізілген өзгерістерге сәйкес «Таза Қазақстан» экологиялық мәдениетін дамыту тұжырымдамасы бекітіліп, елді мекендерді абаттандыру қағидаларын сақтау әрбір азаматтың заңмен белгіленген міндеті ретінде айқындалды.Осыған байланысты Шиелі кенті әкімі аппаратының қызметкерлері учаскелік полиция инспекторларымен бірлесіп, кент аумағында жүйелі түрде рейдтік іс-шаралар өткізуде. Рейд барысында тұрғын үйлердің аулалары мен оған іргелес аумақтарды талапқа сай күтпеген тұрғындарға заң талаптары түсіндіріліп, тиісті ескертулер берілуде.<img src="https://knadmin.beoblood.kz/uploads/Shieli_tazaly_zh_mystary_ba_ylauda_2_71f8dd4657.jpg" alt="Шиелі тазалық жұмыстары бақылауда 2.jpg">

Санитарлық тазалық пен абаттандыру жұмыстары әркез бақылауда

<a href="https://kyzylorda-news.kz/">Kyzylorda-news.kz</a> Жаңақорған ауданы әкімдігінде аудан әкімі Ғалымжан Жарқынбектің төрағалығымен Қазақстан Республикасының «Мемлекеттік қызмет туралы» Заңына енгізілген өзгерістерді түсіндіруге арналған кездесу-семинар өтті.Жиынға ҚР Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Ерлеген Мендалиев, ҚР Президентінің жанындағы Мемлекеттік басқару академиясының Қызылорда облысы бойынша филиалының директоры Ақзада Мадалиева, аудан әкімінің орынбасарлары, бөлім басшылары, кент және ауылдық округ әкімдері мен мемлекеттік қызметшілер қатысты.Кездесуде аудан әкімі Ғалымжан Жарқынбекұлы мемлекеттік қызметтің басты мақсаты – халыққа адал әрі сапалы қызмет көрсету екенін атап өтіп, заң талаптарын қатаң сақтау, Әдеп кодексінің нормаларын басшылыққа алу және кәсібилік, ашықтық пен адалдық қағидаттарын берік ұстануға шақырды.Жиын барысында Ерлеген Мендалиев заңнамаға енгізілген өзгерістердің негізгі бағыттарына кеңінен тоқталып, олардың мемлекеттік қызметті кәсібилендіру, меритократия қағидаттарын нығайту, мемлекеттік аппараттың тиімділігі мен ашықтығын арттырудағы маңызын түсіндірді. Сонымен бірге мемлекеттік қызметшілердің құқықтары мен міндеттері, қызметтік әдеп талаптарын сақтау және заң талаптарын мүлтіксіз орындаудың маңыздылығына ерекше назар аударды.Өз кезегінде Ақзада Мадалиева мемлекеттік қызметшілердің құқықтары мен міндеттері, қызметтік әдеп талаптарын сақтау, жас мамандарды мемлекеттік қызметке тарту, кадр даярлау, кәсіби біліктілікті арттыру және үздіксіз білім алу мүмкіндіктері жөнінде кеңінен ақпарат берілді.Халыққа қалтқысыз қызмет ету – әрбір мемлекеттік қызметшінің басты міндеті.<img src="https://knadmin.beoblood.kz/uploads/Zha_a_or_an_za_jpg2_kopiya_2f553b0d57.jpg" alt="Жаңақорған заң.jpg2 - копия.jpg">

Мемлекеттік қызмет туралы заңға енгізілген өзгерістер түсіндірілді

<a href="https://kyzylorda-news.kz/">Kyzylorda-news.kz</a> Қазақстанда коммуналдық және тұрғын үй қызметтерін төлеуге арналған бірыңғай төлем құжаты (БТҚ) енгізілуде.Осы бастама аясында Қызылорда облысының энергетика және тұрғын үй - коммуналдық шаруашылық басқармасының қолдауымен Қызылорда облысында да БТҚ жүйесі іске қосылып, су, жарық және жылу қызметтері бойынша төлемдер бір түбіртекке біріктірілді. Бұл тұрғындар үшін төлем жасауды жеңілдетіп, құжат санын азайтуға мүмкіндік береді.Жаңа жүйе арқылы тұрғындар барлық коммуналдық төлемдерді бір құжаттан көріп, банк қосымшалары мен төлем сервистері арқылы бір реттік операциямен төлей алады. Бұл бастама төлемдердің ашықтығын арттырып, уақытты үнемдеуге және қағазбастылықты азайтуға ықпал етеді.&nbsp;<div class="raw-html-embed"><iframe src="https://www.facebook.com/plugins/video.php?height=314&amp;href=https%3A%2F%2Fwww.facebook.com%2Freel%2F1684353329382417%2F&amp;show_text=false&amp;width=560&amp;t=0" width="560" height="314" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe></div>Сурет: Нұрболат Нұржаубай&nbsp;

Қызылорда облысында бірыңғай төлем құжаты енгізілді

<a href="https://kyzylorda-news.kz/">Kyzylorda-news.kz</a> Қызылорда облысының әкімдігі мен «Кітап оқитын ұлт — Читающая нация» қоғамдық қоры өзара ынтымақтастық туралы меморандумға қол қойды.&nbsp;Оның негізгі мақсаты – кітап оқу мәдениетін дамыту, қоғамда тұрақты оқу дәстүрін қалыптастыру және республикалық кітап оқу марафонын бірлесіп жүзеге асыру.Марафон алты айға жалғасады. Осы уақыт ішінде қатысушылар жоба тізіміне енген 15 шығарманы оқиды. Олардың қатарында Әзілхан Нұршайықовтың «Махаббат, қызық мол жылдар» романы, Стивен Ковидің «Жасампаз адамның 7 қабілеті» кітабы және басқа да тағылымдық туындылар бар.Жобаның маңызды құрамдас бөлігі – технологиялық серіктес Yandex Qazaqstan-ның «Яндекс Кітаптар» сервисі. Оның көмегімен өңір тұрғындары ауқымды цифрлық кітапханаға тегін қол жеткізе алады. Заманауи технологиялардың арқасында қала тұрғындары ғана емес, облыстың шалғай ауылдарындағы оқырмандар да мыңдаған кітапты еш кедергісіз оқуға мүмкіндік алады.Алдағы уақытта Қызылорда облысында өңірлік жоба кеңсесі құрылып, білім және мәдениет ұйымдарында үйлестірушілер айқындалады. Сонымен қатар қатысушыларды тіркеуге және оқылған кітаптарды есепке алуға арналған цифрлық платформа іске қосылады. Жобаға ауылдық және шалғай елді мекендердің тұрғындарын кеңінен тартуға ерекше назар аударылады.

Кітап оқу мәдениетін дамыту мақсатында екі жақты меморандумға қол қойды

<a href="https://kyzylorda-news.kz/">Kyzylorda-news.kz</a> Президент Жарлығына сәйкес, 2026 жылғы 23 тамызда елімізде Құрылтай сайлауы өтеді.ҚР Орталық сайлау комиссиясы Құрылтай сайлауына арналған Күнтізбелік жоспарды бекітті. Жалпы науқанды ұйымдастырудың ұзақтығы 54 күнді құрайды. 12 күн саяси партиялардың құжаттарын ұсынуға бекітілсе, 29 күн үгіт кезеңіне арналады.22 тамыз – тыныштық күні, 23 тамыз – дауыс беру күні.Қазіргі таңда сайлауды ұйымдастыру мәселелеріне қатысты дайындық жұмыстары жүргізілуде. 2026 жылғы 11 шілдеге дейін аумақтық және учаскелік сайлау комиссиясының құрамдарын жариялау көзделген. Бұл ретте 9 шілде күні облыстық және аудандық басылымдарда комиссия құрамын БАҚ-та жарияланды.&nbsp;Сонымен бірге әкімдіктер сайлау учаскелерінің шекараларын жариялайтын болады.<blockquote>– Қызылорда өңірінде 9 аумақтық, 386 учаскелік сайлау комисиясы жұмыс жасайды. 9 аумақтық сайлау учаскесінде 63 комиссия мүшесі тұрақты түрде қызмет атқарса, 386 учаскеде 2720 сайлау комиссиясының мүшесі бар. &nbsp;Өңірдегі 386 учаскенің 132-і Қызылорда қаласында, қалғаны аудандарда. Аймақта 500 926 дауыс беруші азамат тізімге енгізілген. Тұрғындардың тізімі 2 тамызға дейін өзектендіріліп, тиісті учаскелерге ұсыналады. Әрі қарай учаскелер дауыс беруші азаматтар тізімімен жұмыс жүргізеді,-деді Қызылорда облысының аумақтық сайлау комиссиясының төрағасы Әділбек Ерсұлтанов.&nbsp;</blockquote>Құрылтай сайлауын өткізуге жауапты комиссия мүшелерін оқыту кезең кезеңімен жүзеге асады.<img src="https://knadmin.beoblood.kz/uploads/Whats_App_Image_2026_07_10_at_10_43_42_ef4aaf5999.jpeg" alt="Құрылтай сайлауы.jpeg">Сурет: pixabay.com

Құрылтай сайлауы: Қызылорда өңірінде 386 учаскелік сайлау комиссиясы жұмыс жасайды

<a href="https://kyzylorda-news.kz/">Kyzylorda-news.kz</a> 2026 жылғы 23 тамызда Қазақстан Республикасы Құрылтайының депутаттарын сайлау өтеді.Қазақстан азаматтары тиісті сайлау учаскелерінің аумағындағы тұрғылықты жері бойынша дауыс береді. Сайлаушы өзінің болатын жерін ауыстырған кезде дауыс беру күніне он бес күн қалғанда немесе 2026 жылғы 7 тамыздан бастап учаскелiк сайлау комиссиясына өз өтініші бойынша және жеке басын куәландыратын құжатты көрсеткен кезде дауыс беру құқығын беретiн есептен шығару куәлігін ала алады.&nbsp;Есептен шығару куәліктерін беру дауыс беру күнінен бір күн бұрын, яғни 2026 жылғы 22 тамызда жергілікті уақыт бойынша сағат он сегізде тоқтатылады.Есептен шығару куәлігін сенімхат бойынша алуға рұқсат етіледі. Сенімхатты нотариатта куәландыру талап етілмейді. Есептен шығару куәлігі жоғалған жағдайда ол қалпына келтірілмейді және оның телнұсқасы берілмейді.Дауыс беру құқығын беретін есептен шығару куәлігі бір елді мекеннің шегіндегі басқа сайлау учаскесінде дауыс беруге қатысқысы келетін сайлаушыларға берілмейді.&nbsp;Уақытша болатын жері бойынша сайлау учаскесінде дауыс беру кезінде учаскелік сайлау комиссиясы сайлау күні сайлаушыны жеке басын куәландыратын құжаттың негізінде сайлаушылар тізіміне енгізіп, есептен шығару куәлігінің орнына дауыс беруге арналған бюллетень береді.Жаңару үшін дауыс бер!<img src="https://knadmin.beoblood.kz/uploads/Whats_App_Image_2026_07_08_at_10_11_45_086341f554.jpeg" alt="Сайлау-2026.jpeg">Қазақстан Республикасының Орталық сайлау комиссиясыФото: ЦИК РК

Сайлау-2026: Есептен шығару куәлігі кімге беріледі және қалай алынады?

<a href="https://kyzylorda-news.kz/ru">Kyzylorda-news.kz</a> Соңғы жылдары Қазалы ауданында аймақты төрт жылдан астам уақыт басқарған Нұрлыбек Нәлібаевтың, облыс әкімі Мұрат Ергешбаевтың қолдауымен жол инфрақұрылымын жақсарту бағытында бірқатар жобалар жүзеге асуда.Мәселен, биылдың өзінде аудан орталығындағы В. Счастнов орамы, Жанқожа 3 км, Төремұрат жырау орамы, Ы. Жақаев және Ш. Қалдаяқов сынды көшелерге ағымдағы жөндеу жұмыстары жүргізілсе, С.Сейфуллин және Біржан сал көшелерінің асфальт қабатының тозған бөліктерін жаңарту жұмыстары жүргізілді. Бұдан бөлек аудан орталығындағы «Жанқожа батыр көшесінің айналма жолын қайта жаңғырту» жобасы мен Ағайынды Талқанбаевтар көшесін асфальттау, Т.Бөріқұлақов пен Жетес би көшелеріне жаяу жүргіншілер жолын салу жұмыстары қолға алынған болатын.&nbsp;Қазіргі таңда Жанқожа батыр көшесінің айналма жолын қайта жаңғырту жұмыстарының бір бөлігі аяқталып, Ағайынды Талқанбаевтар көшесіне асфальт қабатын төсеу жұмыстары басталуда. &nbsp;<img src="https://knadmin.beoblood.kz/uploads/azaly_zhol_zh_ndeu_6d6975a940.jpg" alt="Қазалы жол жөндеу.jpg">Қазалы ауданының әкімі Алмасбек Есмаханов Ағайынды Талқанбаевтар көшесіндегі жол жөндеу жұмыстарының барысын көріп, жұмыс сапасын бақылады.&nbsp;Жол жөндеу жұмыстарын «Қазалы Жолшы» ЖШС жүзеге асыруда. Жолдың жалпы ұзындығы 1,136 шақырымды құраса, жобаға сәйкес жолға 20 см қиыршық тас негізі, 8 см ірі түйіршікті және 7 см ұсақ түйіршікті асфальт-бетон қабаттары төселеді.Аудан басшысы мердігер мекеменің басшысына жұмыстың сапасына ерекше мән беріп, белгіленген жұмыстарды мерзімінде аяқтау керектігін ескертті.

Қазалы: Жол инфрақұрылымын жақсарту бағытында бірқатар жобалар жүзеге асуда

<a href="https://kyzylorda-news.kz/ru">Kyzylorda-news.kz</a> Қазақстан Республикасы Қарулы күштерінде жауынгерлік даярлықтың кезекті кезеңі – мамандық бойынша даярлық басталды. Оқу барлық әскери бөлімдерде ұйымдастырылып, әскери қызметшілердің лауазымдық міндеттеріне сәйкес кәсіби білімдері мен практикалық дағдыларын жетілдіруге бағытталған.Мамандық бойынша даярлық оқу кезеңінің маңызды бағыттарының бірі болып табылады және әскери міндеттерді сапалы орындаудың негізін қалайды. Осы кезеңде әскери қызметшілер өздерінің функционалдық міндеттерін меңгеріп, штаттық қару-жарақ пен әскери техниканың материалдық бөлігін, сондай-ақ оларды пайдалану тәртібін үйренеді.Мерзімді әскери қызметшілер үшін бұл – әскери мамандықты жүйелі түрде игерудің алғашқы кезеңі. Ал келісімшарт бойынша қызмет өткеретін әскери қызметшілер үшін кәсіби шеберлігін жетілдіріп, даярлық деңгейін тұрақты арттыруға мүмкіндік береді.Ағымдағы оқу кезеңінде түрлі әскери мамандықтар бойынша 25 мыңнан астам әскери қызметші даярлықтан өтуде. Оқу процесінің тиімділігін арттыру мақсатында 2,5 мыңнан астам оқу тобы құрылып, әрбір әскери қызметшіге жеке тәсілмен дайындық жүргізу мүмкіндігі жасалды.Сабақтарды қажетті тәжірибесі мен әдістемелік дайындығы бар офицерлер мен сержанттар қатарынан жасақталған нұсқаушылар өткізеді. Даярлықтың практикалық бағыты әскери қызметшілерге теориялық білімдерін бекітіп қана қоймай, қару-жарақ пен әскери техниканы пайдалану кезінде нақты іс-қимыл дағдыларын қалыптастыруға мүмкіндік береді.Қазақстан Республикасы Қарулы күштері Бас штабы Жауынгерлік даярлық департаментінің аға офицері майор Нұрзат Оразбектің айтуынша, мамандық бойынша даярлық әскерлердің одан әрі жауынгерлік даярлығының негізі болып табылады.<blockquote>– Дәл осы кезеңде әскери қызметші өз әскери мамандығы бойынша міндеттерін сенімді орындауға қажетті білім мен практикалық дағдыларды меңгереді. Әрбір маманды сапалы даярлау бөлімшелердің үйлесімді іс-қимылына, жауынгерлік машық деңгейіне және Қарулы күштердің алға қойылған міндеттерді орындауға дайындығына тікелей әсер етеді, – деді майор Нұрзат Оразбек.</blockquote>Даярлық курсы аяқталғаннан кейін, 10 тамыздан бастап барлық әскери бөлімдерде бақылау сабақтары өткізіледі. Оның барысында әскери қызметшілер оқу бағдарламасын меңгеру деңгейін және жауынгерлік даярлықтың келесі кезеңдеріне дайындығын көрсетеді.<img src="https://knadmin.beoblood.kz/uploads/voennye_2_b467071cfb.jpeg" alt="военные 2.jpeg">Сурет: Қазақстан Республикасының Қорғаныс министрлігі

Қарулы күштердің әскери қызметшілері мамандық бойынша даярлыққа кірісті

<a href="https://kyzylorda-news.kz/ru">Kyzylorda-news.kz</a> 2026 жылғы I тоқсандағы бағалау бойынша халықтың жан басына шаққандағы орташа атаулы ақшалай табыстары айына 252 619 теңгені құрады, бұл 2025 жылғы I тоқсанмен салыстырғанда 11,8% жоғары, көрсетілген кезеңде нақты ақшалай табыстар 0,1% -өсті.2026 жылғы I тоқсанда Қазақстан Республикасындағы халықтың орта есеппен жан басына шаққандағы атаулы ақшалай табыстары айына 252 619 теңгені құрады және 2025 жылғы I тоқсанмен салыстырғанда 11,8% өсті. Осы кезеңнің тұтыну бағаларының индексін (11,7%) ескере отырып, халықтың ақшалай табыстары нақты мәнде 0,1% өсті.2026 жылғы I тоқсанда халықтың орта есеппен айына жан басына шаққандағы атаулы ақшалай табыстары мөлшерінің ең жоғары мәні Алматы қаласы (408 182 теңге) және Ұлытау облысында (353 036 теңге) белгіленді.Өткен жылдың тиісті тоқсанымен салыстырғанда өңірлер бөлінісінде атаулы ақшалай табыстардың ең үлкен өсімі Алматы облысында – 19,1% және Қарағанды облысында – 16,4% тіркелді.<img src="https://knadmin.beoblood.kz/uploads/Whats_App_Image_2026_07_10_at_09_58_29_acf9530b46.jpeg" alt="Статистика.jpeg">Сурет: freepik.com

Қазақстан халқының ақшалай табысы тұрақты өсім көрсетуде

<a href="https://kyzylorda-news.kz/ru">Kyzylorda-news.kz</a> Өңірлік коммуникациялар қызметінің ақпарат алаңында Техникалық реттеу және метрология комитетінің Қызылорда облысы бойынша департаментінің басшысы Бауыржан Қарсақбаев 2026 жылдың алғашқы жартыжылдығында атқарылған жұмыстардың қорытындысын жариялады.Спикердің айтуынша, департамент техникалық реттеу, метрология, сәйкестікті бағалау және зергерлік бұйымдар айналымы салаларында мемлекеттік бақылауды жүзеге асырып, тұтынушылардың қауіпсіздігін қамтамасыз ету мен отандық өнімдердің сапасын арттыру бағытында жүйелі жұмыс жүргізуде.Жыл басынан бері өңірде 80 мемлекеттік бақылау іс-шарасы өткізілген. Оның 65-інде заң талаптарының бұзылуы анықталып, тиісті нұсқамалар берілді. Сондай-ақ бір әкімшілік іс қаралып, кінәлі тұлғаға айыппұл салынып, бюджетке өндірілді.<blockquote>"Мониторинг барысында «Энергетик KZO» ЖШС-нің 35 өлшем құралына берілген салыстырып тексеру сертификаттарының күші жойылды. Бұдан бөлек, талаптарға сәйкес келмеген «Келін шай», «Аль Хаят» шайы, «Петропавловское» ультрапастерленген сүті өнімдерінің сәйкестік декларацияларының күші жойылды. Ал «Мозырсоль» ас тұзы, «Choco Pie» печеньесі мен «Fariman» ашытқысының мемлекеттік тілдегі таңбалануы талапқа сай болмағаны анықталды. Бақылау сатып алу бағдарламасы аясында жанар-жағармай мен техникалық сұйықтықтардың үлгілері зертханалық сынақтан өткізілді. Нәтижесінде АИ-95 бензині мен екі түрлі антифриздің техникалық регламент талаптарына сәйкес келмейтіні белгілі болып, өнімдерді айналымнан алу жөнінде шешім қабылданды" , - деді департамент басшысы Бауыржан Бақытбекұлы.</blockquote>Сонымен қатар электр энергиясын өндіретін «Кристалл Менеджмент» АҚ-ға қатысты жүргізілген жоспардан тыс тексеру барысында метрологиялық заңнама талаптарының бұзылғаны анықталып, әкімшілік жауапкершілікке тартылған.<blockquote>" Мемлекеттік бақылаудың негізгі мақсаты кәсіпкерлерді жазалау емес, өнім қауіпсіздігін қамтамасыз етіп, тұтынушылардың құқығын қорғау және халықаралық стандарттарға сай сапалы өнім өндіруге жағдай жасау. Осы бағыттағы түсіндіру жұмыстарын тұрақты түрде жүргізіп келеміз, – деді Бауыржан Қарсақбаев.</blockquote>Есепті кезеңде департамент мамандары кәсіпкерлер мен мемлекеттік органдар өкілдерінің қатысуымен 7 оқу семинары, 4 дөңгелек үстел өткізіп, техникалық регламенттер мен мемлекеттік стандарттардың талаптарын түсіндіруге басымдық берді. Сонымен қатар департамент қызметі туралы бұқаралық ақпарат құралдары мен әлеуметтік желілерде 31 ақпараттық материал жарияланған.

Қызылордада техникалық талаптарға сай келмейтін өнімдер айналымнан шығарылды 

<a href="https://kyzylorda-news.kz/ru">Kyzylorda-news.kz</a> Шиелі ауданы әкімдігінде аудан әкімі Айтбай Жандарбековтың төрағалығымен Қазақстан Республикасының «Мемлекеттік қызмет туралы» Заңына енгізілген өзгерістерді түсіндіруге арналған кездесу-семинар өтті.Жиынға ҚР Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Ерлеген Мендалиев, ҚР Президентінің жанындағы Мемлекеттік басқару академиясының Қызылорда облысы бойынша филиалының директоры Ақзада Мадалиева, аудан әкімінің орынбасарлары, дербес бөлім басшылары, кент және ауылдық округ әкімдері, сондай-ақ мемлекеттік қызметшілер қатысты.Жиында Шиелі ауданының әкімі Айтбай Жандарбеков мемлекеттік қызметтің қоғамдағы орны мен маңызына тоқталып, бұл саланың ел мен халық алдындағы үлкен жауапкершілік екенін атап өтті.Аудан басшысы өз сөзінде Мемлекет басшысы Қасым-Жомарт Тоқаевтың: «Мемлекеттік қызмет дегеніміз – жеке бастың бақ-дәулетін арттыратын жер емес. Бұл – туған халқыңның алдында айрықша жауапкершілік арқалау деген сөз», – деген қағидасын негізге ала отырып, әрбір мемлекеттік қызметші халық сенімін ақтап, заңдылық, ашықтық, әділдік және кәсібилік қағидаттарын берік ұстануы қажеттігін жеткізді.Сонымен қатар, Қазақстан Республикасының 2026 жылғы 19 мамырдағы «Мемлекеттік қызмет туралы» Заңына енгізілген өзгерістердің 2026 жылғы 1 шілдеден бастап заңды күшіне енгенін атап өтіп, аталған өзгерістер мемлекеттік қызмет жүйесін жетілдіруге, кадрлық үдерістердің ашықтығы мен тиімділігін арттыруға, мемлекеттік қызметшілердің құқықтық мәртебесін нығайтуға бағытталғанын айтты.Жиын барысында ҚР Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Ерлеген Мендалиев заңнамаға енгізілген өзгерістерге жан-жақты тоқталып, олардың мемлекеттік қызметті одан әрі кәсібилендіру, меритократия қағидаттарын нығайту, мемлекеттік аппараттың тиімділігі мен ашықтығын арттырудағы маңызын кеңінен түсіндірді. Сондай-ақ мемлекеттік қызметшілердің құқықтары мен міндеттері, қызметтік әдеп талаптарын сақтау және заң талаптарын мүлтіксіз орындаудың маңыздылығын атап өтті.Өз кезегінде ҚР Президентінің жанындағы Мемлекеттік басқару академиясының Қызылорда облысы бойынша филиалының директоры Ақзада Мадалиева мемлекеттік қызмет жүйесін дамытудағы кадр даярлау мәселелеріне тоқталып, жас мамандарды мемлекеттік қызметке тарту, олардың кәсіби біліктілігін арттыру, қайта даярлау және үздіксіз білім алу мүмкіндіктері туралы кеңінен ақпарат берді.Кездесу барысында мемлекеттік қызметшілер заңнамадағы өзгерістерге қатысты өздерін толғандырған сұрақтарын қойып, нақты жауаптар алды. Ашық пікір алмасу форматында өткен семинарда заң талаптарын тәжірибеде тиімді қолдану, мемлекеттік қызметтің сапасын арттыру және қызметтік әдепті сақтау мәселелері жан-жақты талқыланды.Жиын соңында аудан басшысы Айтбай Жандарбеков мемлекеттік қызметтің басты мақсаты - &nbsp;халыққа адал әрі сапалы қызмет көрсету екенін атап өтіп, барлық мемлекеттік қызметшілерді заң талаптарын қатаң сақтауға, Әдеп кодексінің нормаларын басшылыққа алуға, кәсібилік пен жауапкершілікті, ашықтық пен адалдық қағидаттарын әрдайым ұстануға шақырды.<img src="https://knadmin.beoblood.kz/uploads/Shieli_kezdesu_seminar_2_844fc67175.jpg" alt="Шиелі кездесу семинар 2.jpg">

Қазақстан және Қызылорда облысының жаңалықтары