<a href="https://kyzylorda-news.kz/">Kyzylorda-news.kz</a>&nbsp; Ұлы Жеңістің 80 жылдығына арналған ARASH MMA халықаралық турнирі өткізілді. Жеңіс рухын паш еткен бұл додада мықтылар өз шеберліктерін көрсетіп, жеңіске деген жігерді әр жүректе оятты.&nbsp;Турнирге Қазақстанның үздік спортшыларымен қатар, шетелдік спортшылар да қатысып, бәсекенің деңгейін арттырды. Шараға Ауғанстан және Таулы Қарабақ ардагерлері қатысып, &nbsp;Жеңіс күнінің маңыздылығы мен жауынгерлердің ерлігін жастарға үлгі етті.Сонымен қатар, жастарға патриоттық тәрбие беру, ел қорғаған батырлардың ерлігін дәріптеу басты назарға алынды. Ұлы Отан соғысының ардагерлері мен қазіргі заманның қаһармандары жас ұрпаққа патриотизм мен елжандылықтың маңыздылығын жеткізді. Олар өз естеліктерімен бөлісіп, жастарды отансүйгіштікке шақырды.Турнир барысында жеңімпаздар түрлі салмақ дәрежелері бойынша анықталып, олар өз өнерлерін көрсете отырып, шеберліктерін дәлелдеді. Әсіресе, финалдық кездесулер көрермендерді ерекше әсерге бөледі. Әр спортшы жеңіске деген ұмтылысын көрсетіп, мықтылығын дәлелдеді.Шара соңында жеңімпаздар марапатталып, ардагерлер жас спортшыларға өз қолдарымен сый-сияпаттар табыстап, батырлар рухын дәріптеудің маңыздылығын тағы бір мәрте атап өтті. Бұл сәттер жастардың жүрегінде патриотизм сезімін оятып, елін қорғаған ерлердің ерлігін ұлықтады.

Ұрпаққа ұран болған Ұлы Жеңіс!

<a href="https://kyzylorda-news.kz/">Kyzylorda-news.kz</a> Қытай Халық Республикасының Шыңжаң-Ұйғыр автономиялық ауданының орталығы – Үрімжі қаласында алғаш рет «Study in Kazakhstan» халықаралық білім беру көрмесі өтті. Ауқымды шара ҚР Ғылым және жоғары білім министрлігінің бастамасымен, Орталық Азия мен Қытай елдері білім министрлерінің алғашқы кездесуі және Шанхай ынтымақтастық ұйымына мүше мемлекеттердің білім министрлерінің 9-отырысы аясында ұйымдастырылды.Көрмеге Қазақстанның 16 жетекші жоғары оқу орны қатысып, олардың қатарында Қорқыт ата атындағы Қызылорда университеті де болды. Университетіміз көрме аясында білім беру саласындағы халықаралық байланыстарды кеңейту және инновациялық серіктестік орнату мақсатында белсенді жұмыс жүргізді.Іс-шара барысында Қорқыт ата атындағы Қызылорда университеті Орталық Азия мен Қытайдың жетекші жоғары оқу орындарымен ғылыми-білімдік ынтымақтастық туралы маңызды келісімдерге қол қойды. Атап айтқанда, Синьцзян педагогикалық университеті (ҚХР), Гонконг педагогикалық университеті (ҚХР), Абай атындағы Қазақ ұлттық педагогикалық университеті (Қазақстан), Жүсіп Баласағын атындағы Қырғыз ұлттық университеті (Қырғызстан), және Науаи мемлекеттік университеті (Өзбекстан) сынды беделді білім ордаларымен стратегиялық әріптестік орнатылды.Келісімнің негізгі бағыттарына бірлескен ғылыми жобалар мен гранттық бағдарламаларды жүзеге асыру, халықаралық конференциялар мен семинарлар ұйымдастыру, оқытушылар мен студенттердің академиялық ұтқырлығын қамтамасыз ету, инклюзивті білім беру, STEAM-технологияларды енгізу және білім берудегі цифрландыруды дамыту жатады.Аталған ынтымақтастық заманауи педагогикалық зерттеулерді ілгерілетуге, тәжірибе алмасуға және жаһандық білім беру кеңістігінде жаңа мүмкіндіктерге жол ашады. Келісім екі жыл мерзімге жасалып, тараптардың келісімі бойынша ұзартылуы мүмкін.<img src="https://knadmin.beoblood.kz/uploads/Korkyt_970f12cb5a.jpg" alt="Коркыт.jpg">

 Қорқыт ата атындағы Қызылорда университеті Қытайда өткен халықаралық білім беру көрмесіне қатысты

<a href="https://kyzylorda-news.kz/">Kyzylorda-news.kz</a> Отбасы - өнегенің өзі, тәрбиенің көзі. Оттың басында бойыңа сіңген тәлім-тәрбие бүкіл бітім-болмысыңды айшықтайды. Адамның ала жібін аттамау, кісінің сөзін бөлмеу, үлкеннің алдын кесіп өтпеу тағысын тағы сол сықылды жағдаяттар балдырған сәт, бала күннен оттың басында жадымызға сіңді. 1993 жылы 20 қыркүйекте БҰҰ Ассамблеясымен 15 мамыр - Халықаралық отбасы күні болып белгіленді. Содан бері 32 жыл көлемінде бұл мереке дәстүрлі сипатта аталып келеді. Жыл сайын аймақта Отбасы күнін атап өтуге байланысты шаралар өтеді. Биыл да жоспарға сәйкес 600-ге жуық шара өткізіледі. Бұл туралы облыс әкімінің орынбасары Шахмардан Байманов мәлімдеді.<blockquote>- Отбасы күніне байланысты өмірлік қиын жағдайдағы отбасылар үшін қайырымдылық акциялары, «Мерейлі отбасы-2025» ұлттық байқауы басталатын Отбасы ағашы» акциясы, «Атамекен» отбасы үлгісіндегі балалар ауылындағы балалармен «Толағай» спорттық сайысы, психологтарды тарта отырып білім беру мекемелерінде ата-аналармен кездесулер өткізу сынды көлемді шаралар ұйымдастырылуда. Бүгінде облысымызда отбасыларға қамқорлық пен көмек үздіксіз көрсетіліп келеді. Ана мен баланы қорғауға арналған қаржы, көпбалалы отбасыларына берілетін мемлекеттік жәрдемақылар көлемі жыл сайын өсуде. Қазіргі таңда облысымызда 17 мыңнан астам жуық «Алтын алқа» мен «Күміс алқа» иелері және 48 мың көп балалы отбасы бар. Отбасы құндылықтары мен киелі шаңырақ қасиетін жас ұрпақ санасына сіңіру, рухани-адамгершілік тәрбиені дәріптеу мақсатында барлық ауданда ішінде неке қию залы, кітапхана, музей, мұрағат, жастар орталығы, ардагерлер мен аналар үйі бар «Руханият орталықтары» ашылды. Бүгінгі күні орталықтарда күнделікті мәдени-рухани шаралар ұйымдастырылуда. Халықаралық отбасы күнімен баршаңызды құттықтаймын ,- деді Шахмардан Асқарұлы.</blockquote><img src="https://knadmin.beoblood.kz/uploads/Biyl_ajma_ta_otbasy_k_nine_bajlanysty_600_ge_zhuy_is_shara_tedi_1_9d385d8df6.jpg" alt="Биыл аймақта отбасы күніне байланысты 600-ге жуық іс-шара өтеді 1.jpg">

Биыл аймақта отбасы күніне байланысты 600-ге жуық іс-шара өтеді

<a href="https://kyzylorda-news.kz/">Kyzylorda-news.kz</a> Бүгін мемлекет және қоғам қайраткері, Ұлы Отан соғысының ардагері Ыдырыс Қалиевтың туғанына 100 жыл толуына орай еске алу шарасы өтті. Майдангердің ескерткіш-мүсініне гүл шоқтары қойылып, рухына құран бағышталды.Бұл шараға қала әкімінің орынбасары Бақытжан Омаров, қалалық ардагерлер кеңесінің төрағасы Шакизат Төребаев, Ыдырыс Қалиевтің жұбайы және қоғам қайраткерлері қатысып, ел ақсақалы болған ардагердің өнегелі өмірінен естеліктер айтты.Өз дәуірінің дара тұлғасы, Сыр елінің парасатты перзенті Ыдырыс Қалиев өмірін халқына қызмет етуге арнады. Ол екі мәрте «Еңбек Қызыл Ту», «Отан соғысы», «Құрмет белгісі» ордендерімен, «Құрмет», «Ерен еңбегі үшін» медальдарымен марапатталып, Қызылорда облысының, Қызылорда қаласының, Арал, Қазалы аудандарының «Құрметті азаматы» атанды.Майдангерді еске алу шарасы облыстық ғылыми-танымдық конференциямен жалғасуда.<img src="https://knadmin.beoblood.kz/uploads/Majdangerdi_esimi_ly_taldy_1_dc8f009f1f.webp" alt="Майдангердің есімі ұлықталды 1.webp">Фото: қала әкімдігі

Майдангердің есімі ұлықталды

<a href="https://kyzylorda-news.kz/">Kyzylorda-news.kz</a> 15 мамыр – Халықаралық отбасы күніне орай Қызылорда облысында «Отбасы – бақыт мекені» атты мерекелік іс-шара өтті. Атаулы күннің негізгі мақсаты – отбасылық құндылықтарды дәріптеп, қоғамда оның мәртебесін арттыру, ұрпақтар арасындағы рухани сабақтастықты нығайту.Мерекелік шара аясында отбасы құндылықтары, ата-ана мен бала арасындағы қарым-қатынас, әке мен ананың тәрбиедегі рөлі, ұрпақтар сабақтастығы сынды өзекті тақырыптар кеңінен қозғалды. Іс-шара қонақтары отбасы институтының қоғамдағы орны мен маңыздылығы жөнінде пайымды пікірлерімен бөлісті, тереңінен ой өрбітті.Іс-шараның ең әсерлі тұсы – 50 жыл бойы бір шаңырақ астында өмір сүріп, өмірдің ыстық-суығына бірге шыдаған ардақты қариялардың құрмет төріне шығуы болды. Оларға салтанатты түрде «Алтын той» неке куәлігі табысталып, шынайы ықылас пен құрмет көрсетілді. Бұл – жас отбасылар үшін үлкен өнеге, ұлағатты үлгі болды.Сондай-ақ, бүгінгідей ерекше күнде үлкен өмірге қадам басып, Мұхаммедәли мен Айсұлу заңды түрде жас-жұбайлар атанды. Жастардың айтуынша, бұл дата кездейсоқ таңдалмаған. Бір жыл бұрын олар танысып, &nbsp;өмірлік жолды бірге бастауға шешім қабылдаған екен. «Алтын той» иелері жас жұбайларға неке куәлігін өз қолдарымен табыстап, ақ тілектерін арнады. Бұл – ұрпақтар арасындағы рухани байланыс пен дәстүр сабақтастығының тағы бір жарқын көрінісі.Айта кету керек, жыл басынан бері Қызылорда облысының өзінде&nbsp;1111 жаңа отбасы тіркелді. Бұл – өңіріміздің реттік нөмірі 11-мен үндесіп, ерекше мәнге ие болып отыр.

Отбасы – бақыт мекені

<a href="https://kyzylorda-news.kz/">Kyzylorda-news.kz</a> &nbsp;Ертең, 16 мамырда, Астанада EXPO халықаралық көрме орталығында отандық өндірушілердің жылсайынғы VIII «Ulttyq ónim» көрмесі басталады. Іс-шара 18 мамырға дейін жалғасады. Қазақстанның барлық өңірінен 350 өндіруші өз өнімін ұсынады. Елорда тұрғындары мен қонақтары Қазақстанда Үкіметтің қолдауымен «Даму» қорының бағдарламалары арқылы өндірілген тауарлардың алуан түрімен танысып, сатып ала алады.Көрмеде тамақ, жеңіл, химия өнеркәсібінен бастап, машина жасау, жабдық, зергерлік бұйымға дейінгі түрлі өнім ұсынылады. Олардың ішінде «Гормолзавод» танымал бренді, «Аq Dam» ұлттық тәттісі, Galamilk, Altay Outwear белсенді демалыс пен туризмге арналған киім мен жабдық, «Balausa Jewelry» зергерлік бұйымы, «Қайнар АКБ» ЖШС аккумуляторлық батарея өндіруші, толықтай қазақстандық брендпен әзірленіп, жиналған алғашқы ирригациялық машина өндіруші «Su bereke», «Аврора» дезинфекциялық, косметикалық және жуғыш заттарды әзірлеу мен өндіру көшбасшысы, «Almaty Turmystyq Tehnika zavody» ЖШС тұрмыстық техника өндіру зауыты және тағы басқалар бар.Сонымен қатар, «Ulttyq ónim» шеңберінде отандық кәсіпкерлікті дамыту мәселесіне арналған панельдік сессиялар өтеді. Оларға жетекші қазақстандық және халықаралық спикерлер қатысады. Қатысушылар Қазақстандағы бизнес үшін өзекті трендтерді, сын-қатерлер мен мүмкіндіктерді талқылайды.Сондай-ақ, көрме барысында «Халық Таңдауы» атты тәуелсіз, дәм тату байқауы, қазақстандық жетекші өндірушілердің әйелдер мен ерлердің киімдерінің топтамасын көрсету, кәсіпкерлердің шеберлік сыныбы, көрмеге қатысушылар ұсынатын күнсайынғы ұтыс ойыны мен концерттік бағдарлама ұйымдастырылады.Айта кетсек, көрмеде кәсіпкерлерді қолдаудағы мемлекеттік саясатты табысты іске асырудың аз ғана бөлігі көрсетіледі. Тек 2024 жылы ғана «Даму» қоры арқылы мемлекеттің қолдауымен 1,7 трлн теңге несиемен 29,5 мың жоба қамтылған екен. Ол үшін 590 млрд теңге бөлінді. Нәтижесінде 25,4 трлн теңгеге өнім шығарылып, 1,7 трлн теңге салық төленген. 9,7 мың жұмыс орны құрылған. Барлығы «Даму» қорының құралдары арқылы мемлекеттің қолдауына 225,3 мың адам ие болды. Берілген несиенің жалпы сомасы 14,1 трлн теңгелік жобалар. Осының арқасында 220 мыңнан астам жаңа жұмыс орны құрылып, 1,2 млн-нан астам жұмыс орны сақталды. Шамамен 130 трлн теңгеге өнім шығарылып, 9,0 трлн теңге салық түсті.«Ulttyq ónim» өткізу отандық тауарлар мен қызметтерді танымал етуге және ілгерілетуге ықпал ететін жақсы дәстүрге айналып отыр. Жыл сайын көрмеге қызығушылық артуда. 2022 жылы келушілер саны 20 мыңнан асса, 2023 жылы 22 мың. Сату көлемі де артып, 2022 жылы 70 млн теңгеден 2023 жылы 74,1 млн теңгеге жетті.Көрмеге кіру тегін. Тек сол көрмеде немесе «Ulttyq ónim» сайтында алдын ала онлайн-форматта тіркелу қажет. Тіркелу үшін сілтемеЕлорда тұрғындары мен қонақтарын «Ulttyq ónim» көрмесіне қатысып, отандық өндірушілерді қолдауға шақырамыз!Орны: EXPO халықаралық көрме орталығы (Мәңгілік Ел даңғылы, 53/1)Салтанатты ашылуы: 16 мамыр, сағат 09:00-де.Көрменің жұмыс уақыты: 2025 жылғы 16-18 мамыр, сағат 08:00-18:00.

Астанада қазақстандық өндірушілердің «Ulttyq ónim» атты ірі көрмесі өткізіледі

<a href="https://kyzylorda-news.kz/">Kyzylorda-news.kz</a> &nbsp;Ресей Федерациясы Башқұртстан Республикасының Уфа қаласында өрт сөндіру-құтқару спортынан халықаралық жарыстар басталды. Жарыстар 17 мамырға дейін жалғасады және түрлі елдерден өрт сөндіру-құтқару спортының ең көрнекі түрлерінің бірі бойынша жылдамдық, күш және шеберліктерін көрсетуге келген өрт сөндіруші-спортшылардың басын қосады.Жарыстарға Беларусь, Қазақстан, Өзбекстан Республикаларының және Ресей Федерациясының командалары қатысуда. Сонымен қатар Сауд Арабиясы, Чехия, Вьетнам, Австрия және Латвия елдерінен ресми өкілдер мен байқаушылар келді.Өрт сөндіру-құтқару спортынан халықаралық жарыстар – бұл кәсіби шеберлік пен физикалық дайындықты көрсету ғана емес, сондай-ақ өртке қарсы және құтқару саласындағы халықаралық ынтымақтастықты нығайтатын маңызды алаң.Жарыстың бірінші күні қорытындысы бойынша біздің құрама командалар (ерлер мен әйелдер) шабуыл сатысымен көтерілу бойынша үшінші орынға ие болды, ал жартылай финалға біздің елден ерлер командасының өкілі — Николай Буторин шықты.

Уфа қаласында өрт сөндіру-құтқару спортынан халықаралық жарыстар басталды

<a href="https://kyzylorda-news.kz/">Kyzylorda-news.kz</a> Астана қаласында Қазақстан мұсылмандары діни басқармасының ұйымдастыруымен өткен «Қазақ даласындағы дәстүрлі ислам құндылықтары» VІ Республикалық имамдар форумы аясында бірқатар дін қызметкерлері ҚМДБ-ның 35 жылдық мерейтойлық медалімен марапатталды.Құрметке ие болғандар қатарында қызылордалық дін қызметкерлері де бар. Атап айтқанда, Қызылорда облыстық «Ақмешіт-Сырдария» орталық мешітінің ұстазы Дайрабай Рысбай және Қызылорда облысы, Қармақшы ауданы, Дүр Оңғар ауылдық мешітінің имамы Шарафаддин Ахметов сынды азаматтар марапатқа ие болды. Бұл қос қызметкер де дін саласында 30 жылдан астам уақыт адал еңбек етіп келеді.Аталмыш марапат Қазақстан мұсылмандары діни басқармасының құрылғанына 35 жыл толуына орай, ел ішінде дін мен дәстүр сабақтастығын насихаттап, халыққа діни-ағарту бағытында аянбай қызмет етіп жүрген имам-молдаларға көрсетілген құрметтің белгісі ретінде табысталды.Салтанатты рәсім барысында Бас мүфти Наурызбай қажы Тағанұлы марапат иелеріне алғыс айтып, олардың ел ішіндегі рухани тұрақтылықты сақтау мен діни сауаттылықты арттыруға қосқан үлесін ерекше атап өтті.Марапатталған дін қызметкерлері ҚМДБ жүктеген жауапты міндеттерді абыроймен атқаруға әрі қарай да үлес қосуға дайын екендіктерін жеткізді.<img src="https://knadmin.beoblood.kz/uploads/MDB_ny_35_zhyldy_yna_oraj_din_yzmetkerleri_marapattaldy_1_5c2b6d5cb9.jpg" alt="ҚМДБ-ның 35 жылдығына орай дін қызметкерлері марапатталды 1.jpg">ҚМДБ-ның Қызылорда облысы бойынша өкілдігінің баспасөз қызметі

ҚМДБ-ның 35 жылдығына орай дін қызметкерлері марапатталды

<a href="https://kyzylorda-news.kz/">Kyzylorda-news.kz</a> Қорқыт Ата атындағы Қызылорда университетінің №1 оқу ғимаратындағы «Шоқайтану» ғылыми орталығында &nbsp;облыстық Қазақстан халқы Ассамблеясы жанындағы Ғылыми-сарапшылық тобы мен жас ғалымдар клубының бірлескен отырысы өтті.Жиынға Ғылыми-сарапшылық топ пен жас ғалымдар клубының мүшелері, ҚХА жанындағы құрылым өкілдері мен «Қоғамдық келісім» КММ қызметкерлері қатысты.Жиын модераторы ҚХА жанындағы Ғылыми-сарапшылық тобының жетекшісі Айтжан Оразбақов отырыстың күн тәртібімен таныстырып, кіріспе сөз сөйледі. Ол өз баяндамасында сәуір айында Астана қаласында өткен Қазақстан халқы Ассамблеясының XXXIV сессиясында көтерілген өзекті мәселелерге тоқталды.Келесі болып сөз алған Ғылыми-сарапшылық топ мүшесі Даулет Омаров Қазақстан халқы Ассамблеясының 30 жылдығына орай өткізілетін республикалық конференция және арнайы ғылыми жинақ шығару бойынша жоспарланған жұмыстар жайында баяндады. Сонымен қатар, Ғылыми-сарапшылық топ жанынан құрылған жас ғалымдар клубының бағыттары мен қызметі туралы ақпарат берді.Жиын барысында қатысушылар пікір алмасып, бірқатар өзекті сұрақтар қойып, ұсыныстарын ортаға салды. Шара соңында отырыс жұмысы қорытындыланып, алдағы кезеңде жүзеге асырылатын нақты шаралар пысықталды.Аталған отырыс ғылыми-зерттеу бағытындағы ынтымақтастықты нығайтып, жастардың қоғамдық келісім мен бірлік идеяларын ілгерілетуге қосатын үлесін арттыруға бағытталған маңызды басқосу болды.Айта кететіні, Жас ғалымдар клубының жетекшісі болып Марат Сүгірбай тағайындалды. Оның бұл қызметке келуі клуб жұмысына тың серпін беріп, жастардың ғылыми-зерттеу бағытындағы бастамаларын қолдауға, қоғамдық келісім мен бірлік құндылықтарын ілгерілетуге ықпал етпек.<img src="https://knadmin.beoblood.kz/uploads/assambleya_34921fc209.jpg" alt="ассамблея.jpg">

Қызылордада Ғылыми-сарапшылық топ пен жас ғалымдар клубының бірлескен отырысы өтті

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті бастығының бірінші орынбасары полиция полковнигі Серік Тоқтыбаев жастармен кездесті.Кездесуге Департаменттің Есірткі қылмысына қарсы іс-қимыл және Киберпол басқармаларының қызметкерлері, Есірткі құқық бұзушылығының профилактикасы жөніндегі кеңестің мүшелері - Қорқыт Ата атындағы Қызылорда мемлекеттік университетінің Әлеуметтік және тәрбие жұмыстары жөніндегі проректоры Жандос Базартай, «Аманат» партиясы жанындағы «Жастар Рухы» ЖҚ ҚОФ төрағасының орынбасары Нұрбол Серікбай және Қызылорда облыстық психикалық денсаулық орталығы директорының орынбасары Аман Турсунов, сондай-ақ университеттің оқытушылары мен студенттері қатысты.Кездесуде студенттер үшін өте өзекті тақырыптар қозғалды: бұл әр азаматтың құқықтары мен міндеттері, құқық бұзушылықтар, бұзақылық, кибербуллинг, лудомания, интернет - алаяқтық, нашақорлық және оның салдары.Бұл кездесу бейресми қарым-қатынас форматында өтті. Әрбір студент өзінің құқықтары мен жауапкершілігіне, қауіпсіздігіне, сондай-ақ полиция қызметіне қатысты кез &nbsp;келген сұрақты қойды.<blockquote>«Нашақорлық пен есірткі бизнесіне қарсы күрес жөніндегі 2023-2025 жылдарға арналған кешенді» жоспары Үкіметпен бекітіліп, іске асырылуда. Аталған жоспарды дайындауға барлық мүдделі мемлекеттік органдар, әкімдіктер, сондай-ақ тәуелсіз халықаралық сарапшылар мен қоғам қайраткерлері қатысты. Жоспардың едәуір көлемі, нашақорлықтың алдын алуға, емдеуге және есірткіге тәуелділерді оңалтуға бағытталғанын атап өткім келеді. Қоғам бір орында тұрған жоқ, есірткінің жаңа түрлері мен жаңаша сипаттары пайда болуда. Үкімет тарапынан олардың заңсыз айналымға түсуіне жол бермеу мақсатында тиісті шаралар мен шектеулер қоюда.Полиция департаменті өз құзыреті шегінде нашақорлықтың алдын алу және есірткі қылмысына қарсы күресте қажетті шаралар қабылдауда.Біздің мақсатымыз - жастар және жасөпірімдер арасындағы қылмыстардың және өзге де құқық бұзушылықтардың алдын-алу. Осы ретте қоғам болып, ата-ана, ұстаздармен бірлесіп, жас ұрпақ тәрбиесіне немқұрайлық танытпауымыз қажет. Тек бірлесіп қана еліміздің болашағының қауіпсіздігін қамтамасыз ете аламыз!»,&nbsp;- деді полиция полковнигі С.Тоқтыбаев.</blockquote>Жиынға қатысушылар өзекті мәселелерді талқылап, өз ойларымен бөлісті.<img src="https://knadmin.beoblood.kz/uploads/studenttermen_kezdesu_9499eada98.jpg" alt="студенттермен кездесу.jpg">

Қызылорда облысы Полиция департаменті бастығының бірінші орынбасары студенттермен кездесті 

<a href="https://kyzylorda-news.kz/">Kyzylorda-news.kz</a> Қазақстанда соңғы қоңырау күнінің өзгеруіне байланысты ҰБТ күндері де ауыстырылды. Бұл туралы <a href="https://stan.kz/kazakstanda-ybt-otkizu-merzimi-ozgerdi-417863/">Stan.kz</a> ақпарат агенттігі хабарлайды.Ұлттық тестілеу орталығы ҰБТ өткізу мерзімінің өзгергенін хабарлады.<blockquote>"Соңғы қоңырау күні өзгертілуіне байланысты 23 және 24 мамырға жоспарланған ҰБТ өткізу мерзімі де өзгертілді", – делінген ҰТО хабарламасында.</blockquote>23 мамырға өтініш берген талапкерлер ҰБТ-ны 25 мамырда тапсырады. 24 мамырға өтініш берген талапкерлер ҰБТ-ны 1 маусымда тапсырады.Жаңа тестілеу күні туралы ақпарат талапкердің app.testcenter.kz сайтындағы жеке кабинеті арқылы автоматты түрде жаңартылады. Тіркелгендерге SMS-хабарлама жіберіледі.Айта кетейік, Қазақстанда биылғы соңғы қоңырау басқа күнге ауыстырылды.&nbsp;Биылғы оқу жылының ресми аяқталуы жексенбіге&nbsp;сәйкес келгендіктен, 11-сынып түлектері үшін салтанатты шара мектеп әкімшілігінің шешімімен 23 немесе 24&nbsp;мамырда өткізіледі.Фото: Нұрболат Нұржаубай

Қазақстанда ҰБТ өткізу мерзімі өзгерді

<a href="https://kyzylorda-news.kz/">Kyzylorda-news.kz</a> &nbsp; 15 мамыр – халықаралық отбасы күні. Бұл Қазақстанда да аталып өтеді.15 мамыр – 1993 жылы Біріккен Ұлттар Ұйымының Бас Ассамблеясының шешіммен Халықаралық отбасы күні ретінде бекітілді. Алғаш рет 1994 жылдан бастап аталып өте бастады, – деп хабарлайды <a href="https://kz.kursiv.media/kk/2025-05-15/sbn-otbasy-kuni/">kz.kursiv.media.</a>Аталмыш датаны отбасы күні ретінде белгілеудің астарында әлем бойынша отбасы құндылықтарына назар аудару болды. Бұл күн отбасы мүшелеріне құрмет көрсетіп, жақын адамарды қадірлеуге баулиды.Бір қызығы, Қазақстанда отбасы күні екі рет аталып өтеді. 15 мамыр халықаралық деңгейде аталып өтсе, Қазақстанда қыркүйек айының екінші жексенбісі отбасы күні ретінде бекітілген. Бұл күннің Қазақстанда аталып өте бастағанына да 10 жылдан асқан. Аталмыш күн елде 2013 жылдан бері аталып өтеді.Екі күн де бір шаңырақ астындағы отбасы мүшелерінің бірлік пен ынтымақтастық күні ретінде аталып өтеді. &nbsp;

Қазақстан және Қызылорда облысының жаңалықтары