<a href="https://kyzylorda-news.kz/">Kyzylorda-news.kz.</a> «Қазгидромет» РМК 21 қарашаға арналған ауа райы болжамын ұсынады. &nbsp;
Атмосфералық ауа ағындардың өтуіне байланысты республиканың басым бөлігінде құбылмалы ауа райы сақталады, кей жерлерде жауын-шашын (көбінесе қар) жауады, жел күшейеді, бұрқасын, тұман, көктайғақ күтіледі.
Алматы, Жамбыл, облыстарының кей жерлерінде тұман, көктайғақ күтіледі, күндіз жел 15-20 м/с күшейеді, Жамбыл облысының кей жерлерінде жаяу бұрқасын күтіледі. Түркістан, Қызылорда облыстарының кей жерлерінде тұман, бұрқасын күтіледі, жел 15-20 м/с жылдамдықпен соғады.
Түркістан облысының кей жерлерінде көктайғақ күтіледі. Маңғыстау облысының кей жерлерінде түнде және таңеретең тұман, көктайғақ күтіледі, күндіз жел 15-20 м/с күшейеді.
Қостанай, Қарағанды, Шығыс Қазақстан, түнде Павлодар облыстарының кей жерлерінде тұман, Шығыс Қазақстан облысының түнде және таңертең кей жерлерінде жаяу бұрқасын болып, желдің жылдамдығы 15-20 м/с жетеді.

Бейсенбіге арналған ауа райы болжамы

Бүкіләлемдік сәлемдесу күні
1973 жылдан аталып өтеді. Бұл күнді өткізу идеясын Американың Небраска штатында тұратын ағайынды Майкл мен Брайан Маккормак ұсынды. Бұл «қырғиқабақ соғыс» өршіп тұрған кезде, халықаралық текетіресті күшейтуге қарсылық пен наразылық белгісі болатын. «Қарапайым да тиімді амал табу қажет», – деп шешкен жігіттер ақжарқын көңілмен әлемнің түкпір-түкпіріне сәлем хаттар жөнелтеді. Олардың идеясы қолдау табады. Содан бастап жыл сайын 21 қарашада Бүкіләлемдік сәлемдесу, қуаныш, жылы лебіздер мен көтеріңкі көңіл-күй күні атап өтіледі.
Дүниежүзілік телевизия күні 
1996 жылы 21 қарашада БҰҰ штаб-пәтерінде өткен тұңғыш Дүниежүзілік телевизия форумының құрметіне сол жылы БҰҰ-ның Бас Ассамблеясы жариялаған.
2013 жылы ЮНЕСКО-ның штаб-пәтерінде Бас ассамблеядағы дүниежүзілік мәдени және табиғи мұраны қорғау бойынша Конвенциясының аясында Дүниежүзілік мұра комитетінің мүшелерін сайлау өтті. Дауыс беру қорытындысы бойынша, ЮНЕСКО аясында жүргізілген шара, белсенді жұмысты сәтті жүргізудің нәтижесінде және оның түрлі органдарының арқасында Қазақстан бірінші рет 2013-2017 жылдарға арналған кезеңге Дүниежүзілік мұра комитетінің мүшесі болып сайланды. 
2014 жылы Қазақстан Ұлттық Банкі айналымға «Мама» естелік монетасын шығарды. Алтын жалатылған және номиналы 500 теңге күміс монеталарда адам құндылығын көрсетуге арналған «Жүректен жүрекке» сериясына жатады. 
2015 жылы Голландияның Роттердам қаласында Қазақстан астанасының құрметіне «Астана» алаңы ашылды. 
2016 жылы Қазақстан Республикасында баланың құқықтарын қорғау мәселелері бойынша «111» тегін желісі жұмыс істей бастады. Аталған нөмірге хабарласқан бала өзінің құқықтарының бұзылғаны туралы хабарлай алады. Байланыс орталығы тәулік бойы жұмыс істейді.

21 қараша: Атаулы күндер мен оқиғалар

Kyzylorda-news.kz ақпараттық агенттігінің 21 қарашаға арналған жұлдыз-жорамалы.
Тоқты
Бүгін барлық жауапкершілік сіздің мойныңызға артылады. Сондықтан соңғы шешім сізден болмақ.
Торпақ
Бүгін кездесу ұйымдастырып, онда келісім жүргізуге қолайлы күн. Бұл кездесу сіз үшін пайдалы болмақ.
Егіздер
Бүгін көп адамға сыйлық ұсынасыз. Мұныңыз барлығына ұнап, олар сіздің жақсылығыңызды ұмытпайтын болады.
Шаян
Бүгін сүйікті адамыңыз сіз үшін барлығын жасауға даяр. Оның бұл сыйластығына сіз де қарап қалмаңыз.
Арыстан
Күніңіз сәтті өтеді. Тек ұрыс-керістен бойды аулақ ұстаңыз. Эмоцияңызды жасыра біліңіз.
Бикеш
Бүгін денсаулығыңызға мән беріңіз. Асқазаныңыз ауыруы мүмкін. Газды сусындарды тұтынбағаныңыз жөн.
Таразы
Бүгін өз-өзіңізге демалыс жариялаңыз. Тек жақын адамдарыңыз болмаса, басқалармен кездесуге барудан бас тартыңыз.
Сарышаян
Өзіңізге жақын&nbsp; тартып адаммен қарым-қатынасты жақсарту өз қолыңызда. Қалағаныңызға қол жеткізуге болады.
Мерген
Бүгінгі күн көпке дейін есіңізде қалады. Кейбір жоспарларыңызды өзгертуге тура келеді.
Тауешкі
Бүгінгі күн романтикалық кездесу ұйымдастыруға қолайлы күн. Сондықтан уақытты текке кетірмей кездесуге асығыңыз.
Суқұйғыш
Бүгін денсаулығыңызға аса көңіл аударғаныңыз жөн. Әсіресе көз жанарыңыз бен жүрегіңізді тексертіңіз.
Балықтар
Бүгін сүйікті ісіңізге жауапкершілікпен қараңыз. Сонда ғана көздеген мақсатқа жетуге болады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Бүгін Ресей Федерациясының Мәскеу қаласында Қорқыт ата атындағы Қызылорда мемлекеттік университетінің оқу-тәрбие жұмыстары жөніндегі проректор міндетін атқарушы Базартай Жандос Нұртайұлы Доктор DBA докторлық диссертациясын сәтті қорғады. Академия түлегі қатырма қағазын қолға алды.
Жандос Базартай Ресей Федерациясының Президенті жанындағы халықтық шаруашылық және мемлекеттік қызмет академиясына 2015 жылы түскен.
Ол – университет тарихында алғашқы іскерлік әкімшіліктендіру докторы атанып отыр.
Жерлесімізді ғылымдағы бағындырған тағы бір кезекті биігімен қызу құттықтап, толағай табыс тілейміз!
<img src="https://kyzylorda-news.kz/wp-content/uploads/2019/11/20zhandos2.jpg" alt="" />

Жандос Базартай университет тарихында алғашқы іскерлік әкімшіліктендіру докторы атанды

<a href="https://kyzylorda-news.kz/">Kyzylorda-news.kz.</a> Қызылорда облысында 6 индустриалдық аймақ жұмыс жасауда. Қазіргі таңда 214 га жер игеріліп, 21 жоба іске қосылды. Бұл туралы бүгін Өңірлік коммуникация қызметінің ақпарат алаңында облыстық индустриалдық-инновациялық даму басқармасының басшысы Ринат Сұлтангереев мәлімдеді.
<blockquote>
 “Биыл аймақтарда іске қосылған жобалар өткен жылмен салыстырғанда 15 есеге артық өнім өндірді. Сонымен қатар, шетелдік инвесторлармен бірлесіп энергия көздеріне байланысты 3 жоба жүзеге асырылады. Бұл жобалар іске қосылған соң 60 жаңа жұмыс орындары ашылып, аймақ экономикасының дамуына үлес қосады”, – деді Ринат Сұлтангереев.
</blockquote>
Мұнан өзге, үстіміздегі жылы британдық инвесторлармен бірлесіп жүзеге асырылған «Баласауысқандық» ванадий кен орнынан 203,2 тонна өнім экспортталды.
<img src="https://kyzylorda-news.kz/wp-content/uploads/2019/11/20industraimak2.jpg" alt="" />

Қызылордада 203 тонна ванадий өнімі экспортталған

<a href="https://kyzylorda-news.kz/">Kyzylorda-news.kz.</a> 2019 жылдың 20 қараша күні Қызылорда қаласында «Жан-Арай» кешенінде облыс әкіміның орынбасары Мұрат Самұратұлы Имандосовтың қатысуымен «Байқоңыр Start-Up 3» бизнес-идеялар конкурсы өтті.
Конкурстың негізгі мақсаты – 18-29 аралығындағы талантты, әлеуметтік жауапкершіліктері бар, инновациялық қызмет түріне және кәсіпкерлікке ынталы жастарды анықтау және қолдау, сондай-ақ бизнес-идеяларын жүзеге асыруға жәрдемдесу болып табылады.
Аталған конкурсқа қатысуға Қызылорда қаласы және барлық аудандарынан 100-ге жуық 18-29 аралығындағы жастар ниет білдіріп, конкурстық комиссия іріктеуімен 60 жастар конкурстың қорғау сатысына жіберліген.
Конкурстық комиссия құрамына «Жас Отан» Жастар қанаты Қызылорда облыстық филиалының төрағасы, мемлекеттік органдар, өңірлік кәсіпкерлік палатасы, қаржы институттары өкілдері және жергілікті бизнес-қауымдастық мүшелері қатысты. 
Конкурстық комиссия мүшелерінің ортақ шешімімен 60 қатысушының ішінен озық идеяны ұсынған 6 жас жеңімпаз атанды.
«Киноскай – ашық аспан кинотеатры» жобасымен Қызылорда қаласынан қатысқан Сұлтанбек Келжанов І орын иеленіп, дипломмен және 500 мың теңге сыйақымен марапатталды.
Ал «Tinker» спорттық робототехника курсы» жобасымен Қызылорда қаласынан қатысқан Оралбек Абдуллаев пен «Clear-кленингтік орталығы» жобасымен Шиелі ауданынан қатысқан Рауан Сейдахметов ІІ орынды қанжығасына байлады. Жеңімпаздар 300 мың теңге сыйақыға ие болады.
ІІІ орынды «Көше тазалығының сапасын арттыру» жобасы бойынша Қызылорда қаласынан қатысқан Асылбек Әлібек, «Гипсті лепнина» жобасын қорғаған жалағаштық Қайрат Саденов пен &nbsp;«Мүгедектер арбаларына электр приставкаларын жалға беру» жобасымен Қармақшы ауданынан қатысқан Айшолпан Қайдаулова иеленді. Жүлдегерлерге 100 мың теңге сыйақы табысталды.
<img src="https://kyzylorda-news.kz/wp-content/uploads/2019/11/20biznesideya2.jpg" alt="" />
<img src="https://kyzylorda-news.kz/wp-content/uploads/2019/11/20biznesideya3.jpg" alt="" />
<img src="https://kyzylorda-news.kz/wp-content/uploads/2019/11/20biznesideya4.jpg" alt="" />
<img src="https://kyzylorda-news.kz/wp-content/uploads/2019/11/20biznesideya5.jpg" alt="" />
<img src="https://kyzylorda-news.kz/wp-content/uploads/2019/11/20biznesideya6.jpg" alt="" />

Қызылордада «Байқоңыр Start-Up 3» бизнес-идеялар конкурсы өтті

<a href="https://kyzylorda-news.kz/">Kyzylorda-news.kz.</a> Бастың ауыруы мен көру қабілетінің құбылуы өлім алдында алғашқы симптомдар болуы мүмкін, деп хабарлайды&nbsp;<a href="https://stan.kz/bas-aurui-olimge-alip-baratin-aurulardin-birinin-simpto-324441/">Stan.kz</a>.
Бұл туралы мәлімдемені Ресейдің дәрігерлері жасады. Олардың сөздерінше, бастың ауруы аневризм, менингит және басқа да онкологиялық аурулардың алғашқы белгісі болуы мүмкін. Ал көру қабілетінің құбылуы, артынша бас айналу склероздың басталуы дегенді білдірсе керек. Сонымен қатар іштің ауруы, жиі құсу сияқты симптомдардың арты да жақсыға апармайды екен.&nbsp;
Бұған қоса мамандар жағдайыңыз жылдам нашарлап, әлсіздікті сезініп, терлей бастасаңыз дереу жедел жәрдемге хабарласқаныңыз жөн. Себебі бұл жағдайлар жүрек талмасының алғашқы белгілері екен.

Бас ауруы өлімге алып баратын аурулардың бірінің симптомы болуы мүмкін

<a href="https://kyzylorda-news.kz/">Kyzylorda-news.kz.</a> Балаларға қарсы жасалған зорлық-зомбылық қылмыстар үшін жаза қатал болады. Бұл туралы Парламент Мәжілісінің жалпы отырысында ҚР Бас прокурорының орынбасары Марат Ахметжанов мәлім етті, деп хабарлайды <a href="https://www.inform.kz/kz/kazakstanda-pedofilder-omir-boyy-bas-bostandygynan-ayyrylady_a3586985">ҚазАқпарат</a>.
Бүгін жалпы отырыста палата депутаттары «Қазақстан Республикасының кейбір заңнамалық актілеріне қылмыстық және қылмыстық-процестік заңнаманы жетілдіру мәселелері бойынша өзгерістер мен толықтырулар енгізу туралы» заң жобасы талқыланып жатыр. Құжаттың екінші бөлігі жыныстық қатынастағы қылмыстарға қатысты болып отыр. Зорлау мен сексуалды сипаттағы зорлық-зомбылық әрекеттер үшін жаза қатаяды.
<blockquote>
 «Атап айтсақ, зорлау, яғни жәбірленушіге немесе басқа адамдарға күш қолданып, оның дәрменсіз күйін пайдаланып, жыныстық қатынас жасау ауырлығы орташа қылмыстан ауыр қылмыс санатына көшеді. Бұл жерде де татуласу болмайды. Ал балаларға қарсы жасалған осындай қылмыстар үшін жаза тіптен қатал болмақ. Бұл аса ауыр қылыстар санатына жатады. 14 жасқа толмаған балаларға қарсы жыныстық сипаттағы қылмыстар үшін тек қана 20 жыл бас бостандығынан айыру немесе өмір бойына бас бостандығынан айыру жазасы ұсынылып отыр», – деді М. Ахметжанов.
</blockquote>
Сонымен қатар, педофилия бойынша айғақтарды бұрмалағаны үшін, тек қана бұрмалап және жасырып қоймай, біліп тұрып, хабарламағаны үшін де жауапкершілік көзделген.
<blockquote>
 «Бұл әрекеттер ауыр қылмыстар санатына кіретін болады. Мысалы, интернатта тәрбиеленіп жатқан балаларға қарсы қылмыстарды тәрбиеші жасырған болса, тиісті жауапкершілік ескерілген», – деді Бас прокурордың орынбасары.
</blockquote>

Қазақстанда педофилдер өмір бойы бас бостандығынан айырылады

<a href="https://kyzylorda-news.kz/">Kyzylorda-news.kz.</a> Жұмыс берушілерді бос лауазымдардың бар екендігі, жұмысқа қабылданғаны немесе жұмысқа орналасудан бас тартылғаны туралы Жұмыспен қамту орталығына хабарлауды міндеттеді, деп хабарлайды <a href="https://kaz.nur.kz/1828126-kazakstandyk-zmys-izdeusiler-kandaj-akparattardy-bilui-tiis.html">KAZ.NUR.KZ</a>.
Бұдан былай, Қазақстан Республикасының 2016 жылғы 6 сәуірдегі №482-V “Халықты жұмыспен қамту туралы” Заңының 28-бабы 2-тармағының 1 тармақшасына сәйкес жұмыс беруші Халықты жұмыспен қамту орталығына бос жұмыс орындарының (бос лауазымдардың) бар екендігі туралы мәліметтерді еңбек жағдайлары мен төлемақысын көрсете отырып, олар пайда болған күннен бастап бес жұмыс күнi iшiнде халықты жұмыспен қамту орталығына жазбаша түрде немесе “Еңбек биржасы” мемлекеттік интернет-ресурсы арқылы жiберуге міндетті. Осыған ұқсас талаптар жұмысқа қабылданған немесе жұмысқа орналасудан бас тартқан жағдайда да қойылады.
Тиісті мәліметтер мен хабарламаларды жұмыс беруші&nbsp;<a href="http://www.enbek.kz/">www.enbek.kz</a>&nbsp;интернет-ресурсында (барлық ақпарат&nbsp;<a href="https://www.enbek.kz/docs/ru/faq">https://www.enbek.kz/docs/ru/faq</a>&nbsp;сілтемесі бойынша қолжетімді) орналастыру арқылы бере алады.
Алматы қаласы әкімдігінің халықты жұмыспен қамту орталығы хабарлағандай, бұл электронды форматта көрсетілетін қызметтерді арттыру, сондай-ақ жұмысқа орналастыру және жұмыспен қамту бойынша есеп беру кезіндегі жұмыс берушілердің шығындарын қысқарту мақсатында жүзеге асырылады. «Еңбек биржасы” бос лауазымдар туралы ақпаратты орналастыруға немесе ізденушілер туралы деректерді алыстан, мүлдем тегін алуға мүмкіндік беретінін атап өткен жөн.
Бұл ретте, Заңның талаптарын сақтамау Қазақстан Республикасының 2014 жылғы 5 шілдедегі № 235-V “Әкімшілік құқық бұзушылық туралы” Кодексінің 98-бабында көзделген жауапкершілікке әкеп соқтыратынын ескеру қажет.

Қазақстандық жұмыс іздеушілер қандай ақпараттарды білуі тиіс?

<a href="https://kyzylorda-news.kz/">Kyzylorda-news.kz.</a> Осыдан тура 10 жыл бұрын 23 қараша күні «100 мектеп, 100 аурухана» мемлекеттік бағдарламасы аясында Қызылорда қаласының Сырдария шағын ауданында 320 балаға арналып, 16 топты қамтитын «Алтын ұя» балабақшасы ашылды. Балабақшаның ашылу салтанатына Қазақстан Республикасының Тұңғыш Президенті – Елбасы Н.Назарбаев қатысты.
Бүгін осы «Алтын ұя» балабақшасы ерекше думанға бөленді. Он жыл бойы жүздеген бүлдіршіндерді түлеткен ұжым өзінің мерейтойын айрықша сән-салтанатпен атап өтті.
Бүгінде «Оқу ісінің үздігі» жоғары санатты педагог Зафура Ерназарова басқарып отырған «Алтын ұя» бөбекжай-бақшасы – халықытң зор сеніміне ие болып келе жатқан тәрбие мен білім ұясы.
Елбасы ашқан балабақшаның қаладағы басқа балабақшалардан ерекшелігі – бассейн және көптеген үйірмелер жұмыс істейді. Балалар танымдық дағдыларын дамыту үшін «Робототехника», «Интеллектум ойындары» үйірмелеріне қатысады.
Он жылдан бері Қызылорда қаласындағы №1 балабақшаға айналған бөбекжай өзінің айтулы мерейтойын зор жетістіктермен қарсы алып отыр. Балабақшаның тәрбиешілерінен бастап, балдырған бүлдіршіндеріне дейін облыстық деңгейді былай қойғанда, республикалық, халықаралық көптеген байқаулардың жеңімпазы атанған. Ұстаздарының алды республикамыздың түкпір-түкпіріндегі басқа әріптестеріне өздерінің тәжірибелерімен бөлісіп, көптеген әдістемелік құралдары еліміздегі барлық балабақшаларға таратылғаны ерекше атап өтуге тұрарлық.
Міне, облыстағы мектепке дейінгі білім беру ұйымдарының арасындағы айрықша орны бар «Алтын ұя» балабақшасының ұжымын 10 жылдық мерейтойымен Қызылорда қаласы әкімінің орынбасары Мира Қазбекова, қалалық Білім бөлімінің басшысы Меруерт Әбдіхалықова құттықтап, жылы лебіздерін жеткізді.
<blockquote>
 «Балабақша – барлық тәрбие мен білімнің ең алғашқы баспалдағы. Мұндағы тәрбие мен білім балалардың табиғи мінезін, қабілетін ерте жастан дамытады. Бала – болашағымыз, бала – қуанышымыз. Ендеше мектепке дейінгі үздіксіз тәрбиемен, біліммен қамтуды басты мақсат тұтқан «Алтын ұяның» алғашқы онжылдықтағы қомақты табыстарын мақтанышпен айта аламыз. Осыдан тура 10 жыл бұрын Елбасы Нұрсұлтан Назарбаевтың өзі тұсауын кескен балабақша осы уақыттың ішінде көптеген жетістіктерге қол жеткізіп, бүгінде елімізге танылды. Бүлдіршіндердің бойына сапалы білім мен тағылымды тәрбие дарытуды мақсат тұтқан ұжымның алар асуы әлі алда екеніне сенімдіміз», – деді қала әкімінің орынбасары Мира Жомартқызы.
</blockquote>
Сондай-ақ, облыстық Білім беру басқармасының бас маманы Зарипа Матжанова, облыстық Оқу орталығы басшысының орынбасары Гүлнар Диханбаева, Қызылорда қалалық білім қызметкерлері кәсіподақ комитетінің төрайымы Орынша Әлімбетова балабақшаның бірқатар үздік қызметкерлеріне облыстық Білім беру басқармасы мен кәсіподақтың түрлі марапаттарын табыс етті.
Атағы елімізге жайылған балабақшаның мерейтойымен құттықтап келген Қорқыт ата атындағы Қызылорда мемлекеттік университетінің Құзіреттілікті дамыту бөлімінің басшысы, филология ғылымдарының кандидаты, доцент Сәуле Тұрарқызы, Мектепке дейінгі білім беру ұйымдарының ардагер ұстаздары Кашура Смайлова, Гүлзада Қарабалаева, қаладағы басқа да балабақша меңгерушілері Салтанат Қасенова, Райкүл Бисенова, Алтынай Төлепбергенова киелі шаңырақтың жетістіктері мен ерекшеліктеріне кеңінен тоқталып, алдағы күндері де биіктен көріне берулеріне тілектестігін білдірді.
Салтанатты шара барысында бөбекжайдың тәрбиеленушілері әуелете ән шырқап, мың бұрала би биледі. Түрлі композициялық қойлымдар қойып, кішкентай бүлдіршіндер өздерінің өнерлерімен жиналған қауымды тәнті етті.
Балабақшаның 10 жылдық тарихының куәгерлері – ұлағатты ұстаздар да сахна төрінен табылып, өздерінің ерекше құттықтауларын жеткізді. Бөбекжай бүлдіршіндерін инновациялық технологиялармен тәрбиелеуде өз үлестерін қосып жүрген жаңашыл мұғалімдер Инновациялық педагогтар шеруін ұйымдастырып, жас ұстаздар да өз өнерлерін ортаға салды.
<img src="https://kyzylorda-news.kz/wp-content/uploads/2019/11/02-2.jpg" alt="" />
<img src="https://kyzylorda-news.kz/wp-content/uploads/2019/11/03-1.jpg" alt="" />
<img src="https://kyzylorda-news.kz/wp-content/uploads/2019/11/04.jpg" alt="" />
<img src="https://kyzylorda-news.kz/wp-content/uploads/2019/11/05.jpg" alt="" />
<img src="https://kyzylorda-news.kz/wp-content/uploads/2019/11/06-1.jpg" alt="" />
<img src="https://kyzylorda-news.kz/wp-content/uploads/2019/11/07-1.jpg" alt="" />
<img src="https://kyzylorda-news.kz/wp-content/uploads/2019/11/08.jpg" alt="" />
<img src="https://kyzylorda-news.kz/wp-content/uploads/2019/11/09.jpg" alt="" />
<img src="https://kyzylorda-news.kz/wp-content/uploads/2019/11/010.jpg" alt="" />
<img src="https://kyzylorda-news.kz/wp-content/uploads/2019/11/011.jpg" alt="" />
<img src="https://kyzylorda-news.kz/wp-content/uploads/2019/11/012.jpg" alt="" />

Қызылордадағы Елбасы ашқан ерекше балабақша 10 жылдық мерейтойын атап өтті (ФОТО)

<a href="https://kyzylorda-news.kz/">Kyzylorda-news.kz.</a> Абай Құнанбайұлының 175 жылдығына орай 11-сынып оқушылары арасында Мұхтар Әуезовтің «Абай жолы» романының желісі бойынша сахналық қойылымдар байқауы өтті.
Кураторлар мен қазақ тілі пәні мұғалімдері ұйымдастырған шара Абай шығармашылығын оқушылар арасында насихаттау мақсатында өтті.
11 “С” сыныбы бала Абайдың оқудан келген сәті мен ата-анасымен қауышу, отбасында тәрбиелік мәні зор көріністі, 11 “В” сыныбы бозбала Абайдың әкесі Құнанбайдың тапсырмасымен жер мәселесін шешуге араласу сәтіндегі ақылдылығы мен шешендігін, ал 11 “А” сыныбы болыс Абайдың ел ісіне араласқан сәттегі әділдігі мен ақындығын сахналады.
Көркем шығарманың мазмұны мен танысқан оқушылар Абай бейнесін сомдауда зор ықылас пен актерлік шеберліктерін таныта білді.
<blockquote>
 – «Абай жолы» шығармасын толық оқымасам да, Абайдың жүріп өткен жолының қандай ауыр болғанын түсіндім. Бұл байқау романды оқуға деген қызығушылымды оятты. Ал сахнада образ сомдаудың жауапкершілігі өте жоғары екеніне көзім жетті, – деп, өз ойымен бөлісті Абай рөлін сомдаған 11 “В” сынып оқушысы Дархан Бақытжан.
</blockquote>
Айта кету керек, Ұлы Абайдың 175 жылдығына орай Қызылордадағы Зияткерлік мектепте көптеген тәрбиелік-танымдық шаралар ұйымдастырылып келеді. Жас ақындар мүшайрасы, мәнерлеп оқу байқауы, ақын шығармаларының желісі бойынша жас суретшілер сайысы өтіп, ең үздік жұмыстар марапатталды.
<img src="https://kyzylorda-news.kz/wp-content/uploads/2019/11/20nisabai2.jpg" alt="" />
<img src="https://kyzylorda-news.kz/wp-content/uploads/2019/11/20nisabai3.jpg" alt="" />
<img src="https://kyzylorda-news.kz/wp-content/uploads/2019/11/20nisabai4.jpg" alt="" />

Қызылордадағы зияткерлік мектепте «Абай жолы» романы сахналады

<a href="https://kyzylorda-news.kz/">Kyzylorda-news.kz.</a> Сыртқы істер министрлігі Гонконгта оқып жатқан қазақстандық студенттерді елге қайтару шараларын қабылдап жатыр. Бүгінгі күнге дейін 118 студент Отанға оралды, жақын күндері 48 студент Қазақстанға қайтады. Бұл деректі СІМ ресми өкілі Айбек Смадияров мәлімдеді, деп хабарлайды <a href="https://aikyn.kz/policy/sayasat/12475-gonkongtaghy/">Aikyn.kz</a>.
Қарашаның басында Гон­конг­тың бірнеше жоғары оқу орындары өз студенттеріне уақытша қа­шық­тықтан оқу әдісіне көшуді ұсынған. Ал шетелдік студенттерге қауіп­сіздік үшін «өз елдеріңізге қайта бері­ңіздер» дегенді құлаққағас етті. Осылайша, гонконгтық шәкірттер қысқы каникулға ерте шықты. ВВС-дің орыс қызметінің жазуын­ша, Гонконг билігі тарапынан атал­ған ұсыныс түсісімен бі­рінші болып қытайлық студенттер бас сауғалаған. Өйткені қаладағы ұзаққа созылған қақтығыс қа­рашаның басында университет қалашықтарына жетті. Дүйсенбі күні түнде полиция Гон­конг­тағы Политехникалық универ­си­тетті қоршап, ғимарат ішіне бекі­ніп алған 500-дей наразы азаматты сыртқа шығармай жатқаны жария­ланған еді.
Гонконгта оқып жатқан аза­мат­тарына қауіп төнген соң көп­теген мемлекет қамдана бастады. Жоға­рыда айтқан 118 қазақстандық сту­дентті қайтару, оларды аэро­портқа жеткізу ісімен Қазақстан­ның Гон­конг­тағы Бас консулдығы мен қазақ­стандық студенттер қа­уымдастығы айналысқан. Сыртқы істер минис­трлігінің мәлімде­уінше, шәкірттер екінші семестрге, яғни 2020 жылдың қаңтарына дейін сабағын тоқтата тұрады немесе қашықтықтан оқыту әдісі бойынша онлайн базаға көшпек. Иә, бас амандығы қашанда алғашқы орында. Гонконгтағы толқу басылмай тұрып, басқасын ойлауға дәл қазір негіз жоқ.
Айта кету керек, Гонконг білім сапасының жоғарылығымен де әлемге танылған шаһар. Ондағы университетте білім бірден екі тілде беріледі: ағылшынша, қытайша. Екіншіден, Гонконг ЖОО-ның дип­ломы әлемнің кез келген же­рінде бағаланады. Үшіншіден, Еу­ро­па мемлекеттері мен АҚШ-тың универ­ситеттерімен салыс­тырған­да, оқу бағасы сәл де болса төмен. Оған қоса, қалада көлік инфрақұ­рылымы өте жоғары дең­гейде да­мыған. Мұнда қоғамдық көліктер тәулік бойы тоқтаусыз жүреді. Метро жұмыс істеп тұр. Бір жағы құрлықпен шектесіп, екінші жағы теңізге кіріп жатқан қалада паром қызметі де қатынас көлігі саналады. Аспанмен астасқан зәулім ғима­рат­тар саны жағынан Гонконг қаласы Нью-Йорктің ал­дына түседі. Студент атаулыға осы­дан артық не қажет? Білім қуып, жер көрмекші жас үшін тап­тырмас орын да – осы. Times Higher Education журна­лы­ның жазуынша, бүгінде Гонконг уни­верситетінде әлемнің 78 мем­ле­ке­тінен 22 мың студент дәріс алуда.Гонконгта толқу биылғы маусым айында басталды. Халық Қытай­дың Гонконгтың ішкі ісіне ара­лас­қанына наразылық танытып, биліктен демократияға бастайтын нақты қадамдарды талап етіп көшеге шыққан.
«Бір ел, екі жүйе» саясатына селкеу түсті ме?
Гонконг 1997 жылдан бері Қы­тайдың арнайы әкімшілік ауданы саналады. Қалаға ерекше статус берілген. Осы уақытқа дейін ҚХР Гонконгтың сыртқы саясаты мен қорғанысын қамтамасыз еткені­мен, Гонконг ішкі саясаты мен экономика­сын өзі шешіп келді.
Оған дейін Ұлыбритания ота­рында болып келген аралдағы эконо­микалық құрылымды өзгертуге ҚХР аса асыға қойған жоқ. Себебі Гон­конг – коммунистік жүйедегі Қы­тайдың батыс елдеріне һәм эконо­микасына ашылған терезесі секілді еркін арал болды. Кейбір деректерде «Қытай эконо­микасының әкесі» саналатын Дэн Сяопин Гонконгтың еркіндігі мен экономикалық құры­лымын өзгер­тпеуді өсиет етіп кеткен деседі.
Қытайдың бұл ұстанымы осы уақытқа дейін өзін ақтағаны рас. Гонконг Қытайдың автономия­сында болғанымен, өзіндік заңы, саяси жүйесі бар. Ең бастысы, сот жүйесі тәуелсіз әрі ағылшынның сот жүйе­сіне ұқсас тәсілмен жүзеге асады. Бұл Гонконгта батыс инвес­торларының еркін жұмыс істеуіне кепілдік береді. Бүгінде батыстың компаниялары ҚХР-дың киім-кешек өндірісі мен телефонын жинақтауға үлкен инвестиция салып отырса, Қытай Еуропадағы электрстансалары мен жол құры­лысын, үлкен көпірді белсенді жүргізіп отыр. Мұны айтып отыр­ғанымыз, аталған жобадағы мил­лиардтаған доллар қаржы Гонконг қаржы жүйесі арқылы өтеді.&nbsp;&nbsp;
Bloomberg ақпарат агенттігінің жазуынша, АҚШ-тың мемлекет­тік хатшысы Майкл Помпео Гон­конг­тағы оқиғаға алаңдайтынын мәлім­деп, Кэрри Лэмнен шеру­ші­лердің нақты талабын анықтайтын тәуелсіз тексеріс жасауды сұрады. Ал АҚШ Сенатының көшбасшысы Митч Мак­конелл дүйсенбі күні Сенат оты­рысында «Әлем Гон­конг­тағы ерік-жігері мықты аза­маттарды АҚШ қол­дайтынын түсінуі тиіс» деп мәлімдеді.
Қытай Коммунистік партия­сының соңғы съезінде ҚХР төра­ғасы Си Цзиньпин «Бір ел, екі жүйе» принципінің тиімді бол­ғанын айтып, мақтап сөйлегенде, Гонконг тұрғын­дары 2047 жылға дейінгі автономия келісімі сақта­лады деп ұққаны рас. Алайда Қытай басшылығының соң­ғы кездегі Гонконгтың ішкі саясатына араласып, қатаң талап қоя бастауы қаладағы бұрынғы еркіндік келмеске кететінін байқататындай. Әйтсе де, ҚХР-дың Шыңжаң аймағын шырмап отырған қатал саясаты геосаяси тұрғыда әлемдік маңызы бар еркін аймақ Гонконгқа жүре қоя ма? Біз­діңше, бұл ұстаным дүниежүзілік нарықта үстемдік құруға ұмтылған алып мемлекет үшін ұпай бермесі анық.

Қазақстан және Қызылорда облысының жаңалықтары