<a href="https://kyzylorda-news.kz/">Kyzylorda-news.kz.</a> 2020 жылдан бастап «Болашақ» стипендиясына арналған квотаның барлық түрі алынып тасталады. Бұл туралы бүгін Орталық коммуникациялар қызметіндегі баспасөз мәслихатында ҚР Білім және ғылым вице-министрі Рүстем Биғари айтты. &nbsp;
<blockquote>
 «Кеше Шетелде кадр дайындау жөніндегі республикалық комиссияның кезекті отырысы өтті. Өздеріңіз де білетіндей, »Болашақ« стипендиясы 26 жылдан астам бұрын, 1993 жылдың 5 қарашасында бекітілген болатын. Осы уақыттың ішінде 13 мыңнан астам стипендия тағайындалып, Қазақстан экономикасы үшін 10 мыңнан астам маман дайындалды», – деді ол.
</blockquote>
Вице-министрдің айтуынша, комиссияның кешені отырысында 234 жас қазақстандыққа магистратура мен докторатурада білім алу үшін «Болашақ» стипендиясы тағайындалды. Стипендияның 92 пайызы магистратура, 8 пайызы докторантура бағдарламасы бойынша білім алуға берілді. Сонымен қатар, ол ҚР Мемлекеттік хатшысы, комияссия төрағасы Қырымбек Көшербаевтың тапсырмасына сәйкес, «Болашақ» бағдарламасының жаңа ережесінің жобасы енгізілгенін атап өтті. Оған сәйкес, келесі жылдан бастап үміткерлерге жаңа талап қойылады.
Атап айтқанда, басымдыққа ие мамандықтарға баса назар аударылады. Стипендияға үміткерлер ағылшын тіліне жетік болғандықтан келесі жылдан бастап шетелге жібермес бұрын тілдік дайындықтан өту талабы алынып тасталады.
<blockquote>
 «Тағы бір жаңалық – біз квотаның барлық түрінен бас тартамыз. Қазір мемлекеттік қызметшілер үшін, инженерлік-техникалық мамандықтар үшін квота бар. Осы квоталар жойылады. Бір ғана жалпы конкурс және мақсатты дайындық болады», – деді Рүстем Биғари.
</blockquote>

«Болашақ» стипендиясына квота жойылады

<a href="https://kyzylorda-news.kz/">Kyzylorda-news.kz.</a> Сырдария аудандық “Тіршілік тынысы” газетінің 80 жылдығына орай ақын, қарымды қаламгер Келдібай Уәйісовті еске алуға арналған «Дала дауысы» атты аудандық жазба ақындар мүшәйрасы өтті.
Мүшәйраға аудан әкімінің орынбасары Д.Байдушев, аудандық ардагерлер кеңесінің төрағасы Х.Әбенұлы, «Сырдария ауданының әйелдері» қоғамдық бірлестігінің төрайымы&nbsp;Ұ.Жанәлиева, ұстаздар, аудан ардагерлері, редакция ұжымы және жастар, ақынның туыстары қатысты.
<blockquote>
 «Аудандық газетке елеулі еңбек сіңірген Келдібай Уәйісұлы атындағы іс-шара ауданның дамуына үлес қосқан тұрлаға құрмет екені сөзсіз. Сондықтан газеттің 80 жылдық мерейтойы аясындағы айтулы шараға қатысушыларға сәттілік тілеймін! Аудан үнжариясының мерейлі белесі құтты болып, журналистер қауымына шығармашылық табыс тілеймін», – деді аудан әкімінің орынбасары.
</blockquote>
Жыр бәйгесіне аудандаға қарасты аулдық округтерден жас ақындар қатысып, бақтарын сынады. Олар екі кезең бойынша өз шеберліктерін байқатты. Алғашқы кезеңде Келдібай Уәйісұлына арнау өлең оқыса, екінші кезеңде еркін тақырып бойынша жырдан шашу шашты.
Тағылымды шарада қарымды қаламгердің жары Әсия Уәйісова сөз алып, ұйымдастырушыларға алғыс айтты.
Мүшәйра қорытындысында қазылар алқасының шешімімен жүлделі ІІІ орынды қоғалыкөлдік Әсел Зұлпар, ІІ орынды нағилық Гүлбану Сембиева иеленді. Ал І орынды Сәкен Сейфуллин ауылынан келген Ақәділ Талапбеков жеңіп алды. Марапат иелеріне қаржылай сыйлық пен өзге де қатысушыларға Алғыс хат және ынталандыру сыйлығы табысталды.
Мүшәйра соңында аудандық “Тіршілік тынысы” газетінің бас редакторы Ақтөре Ибрагимұлы ақын Келдібай Уәйісовтің аудандық басылымда ұзақ жылдар жемісті еңбек еткенін айтып, өміржолы мен шығармашылығы жастарға үлгі-өнеге екенін атап өтті. Сондай-ақ, ақынның жары Әсия Уәйісоваға және мүшәйраны ұйымдастырушыларға естелік сыйлықтар табыс етті.

Сырдарияда аудандық жазба ақындар мүшәйрасы өтті

Kyzylorda-news.kz. Бүгін ҚР Тұңғыш Президенті күніне орай және Елбасы «Nur Otan» Партиясы Төрағасы Н.Ә.Назарбаевтың төрағалығымен өңірлік партия филиалдары өкілдерімен өткізген кездесудің қорытындысы бойынша облыстық партия активі өтті.
Облыстық партия активінің мақсаты жергілікті жерлерде партия органдарының жұмысын күшейтіп, партияның ел өңірлеріндегі біріктіруші рөлін арттыру бойынша жұмыстардың негізгі бағыттарын талқылауға арналды. Елбасының 25 қараша күні облыстық партия филиалдары өкілдерімен кездесуінде өңірлерді дамыту бағдарламаларын жетілдірумен қатар, партияның жергілікті жерлердегі жұмыс тиімділігін одан әрі арттырудың негізгі бағыттарын да айқындады. Бүгінде облыстағы 47374 партия мүшелерінің басын біріктіріп отырған 252 бастауыш ұйымдары бар.
“Партия мүшелерін топтастыру мен қатарымызға басқа да белсенді азаматтарды тарту, партияның өз ішіндегі демократияны дамыту, жергілікті жерлерде халықтың өмір сүру сапасына тікелей әсер ететін жобалардың іске асырылуына қоғамдық және партиялық бақылауды ұйымдастыру жұмыстары қолға алынуда. Облысымызда алғаш рет пилоттық режимде Партияның кадрлық резервін іріктеу жұмыстары жүргізілді. Сондай-ақ еліміздің ақпараттық – саяси күн тәртібінде алдағы уақытта атқаратын бірнеше міндеттер тұр”, – деді облыс әкімі Қ. Ысқақов.
Сонымен қатар, партияның жергілікті жерлердегі жұмыс тиімділігін одан әрі арттырудың негізгі бағыттары туралы «Nur Otan» партияcы облыстық филиалы төрағасының бірінші орынбасары Ақмарал Шәріпбайқызы баяндама жасады.
“Партияны жаңарту, партия органдары мен оның тетіктерінің тиімділігін күшейту өз кезегінде біздің жоғары жауапкершілігіміз бен жұмыстарымыздың белсенділігін арттыруды білдіреді. Былтырғы жылмен салыстырғанда республика бойынша партияның қоғамдық қабылдауларына өтінішпен келетін азаматтардың саны 29 пайызғы артса, бұл көрсеткіш біздің облыста 21 пайызды көрсетіп отыр. Ал, аудандар бойынша Шиеліде 486 өтініштің тек 88-і оң шешім тапқан, пайыздық көрсеткіші- 18,1. Жаңақорған ауданында барлық түскен 453 өтініштің тек 119-ы оң шешім тапқан,пайыздық көрсеткіші- 26,2. Бұл бір жағынан азаматтардың партияға сенімінің артқанын көрсетсе, екінші жағынан бізге үлкен жауапкершілік жүктейді”,- деп атап өтті А. Әлназарова.
Сонымен қатар, активте партия қатарына салтанатты қабылдау мен партия белсенділерін марапаттау шарасы ұйымдастырды.

«Nur Otan» партиясының облыстық филиалы партия жұмысын жетілдіруді қолға алды

<a href="https://kyzylorda-news.kz/">Kyzylorda-news.kz.</a> Жалағаш ауданына қарасты Еңбек ауылдық округінде “Алтын дән-2019” мерекесі аталып өтілді.
Мерекелік шараның алғы сөзін ауыл әкімі Қайрулла Қалданов ашып, барша диқандар қауымын мерекемен құттықтады.
Шара аясында “Еңбек Жер” ЖШС төрағасы Шакизатxан Искаков еңбек озаттарына 72 млн теңге көлеміндегі сыйлық&nbsp; табыстады. 5 еңбек озатына автокөлік кілтін, 3 еңбек озатына тұрғын үй кілтін, сондай-ақ қаржылай сыйлықтар табыстады.
Айта кету керек, жыл қорытындысымен ауылшаруашылығы саласы бойынша Жалағаш ауданы облыста алдыңғы қатардан көрініп, күріштің әр гектарынан 63 центнерден өнім жинады. Облыстық «Алтын дән – 2019» мерекесінде «Үздік аудан» номинациясы бойынша І дәрежелі дипломмен марапатталған болатын. 21 800 гектарға егілген күріштің әр гектарынан 63,0 центнерден 137 400 тонна күріш жиналды. Бұл көрсеткіштерде Еңбек ауылы диқандарының да үлесі зор.
Сондай-ақ, &nbsp;аймақ басшысы Қуанышбек Ысқақовтың қатысуымен өткен қайырымдылық жасаушылар мен меценаттардың III облыстық форумында “Еңбек-Жер” ЖШС директоры Шакизатхан Искаков “Аймақтың өркендеуіне қосқан үлесі үшін” номинациясымен марапатталған.
<img src="https://kyzylorda-news.kz/wp-content/uploads/2019/11/28zhalozat2.jpg" alt="" />

Жалағашта еңбек озаттары марапатталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қалалық жұмыспен қамту, әлеуметтік бағдарламалар және хал актілерін тіркеу бөлімі мен қалалық прокуратура бірлесіп бос жұмыс орындарының жәрмеңкесін өткізді.
Жәрмеңкеге 30-дан астам мекемеден 207 бос жұмыс орыны ұсынылды. Жұмыс іздеуші азаматтар өздері таңдаған мекемелерге түйіндеме ұсынып, жолдама алды.
Жалпы, ай сайын ұйымдастырылып келе жатқан жәрмеңкеде жұмыссыз азаматтар жұмыс берушілермен тікелей кездесуге толық мүмкіндік алады.
Нәтижесінде жыл басынан бастап 1 мың 636 азаматтар жұмысқа орналасты.
<img src="https://kyzylorda-news.kz/wp-content/uploads/2019/11/28vakansiya2.jpg" alt="" />
<img src="https://kyzylorda-news.kz/wp-content/uploads/2019/11/28vakansiya3.jpg" alt="" />

Қызылордадағы жәрмеңкеде 207 бос жұмыс орны ұсынылды

<a href="https://kyzylorda-news.kz/">Kyzylorda-news.kz.</a> Қызылорда қаласындағы «Бәйтерек-2» шағын ауданындағы көлемі 150 гектар болатын 1267 жер учаскесіне инфрақұрылымдар жүргізілуде. Бұл туралы Қызылорда қаласы әкімдігінің баспасөз орталығында өткен брифингте қалалық жер қатынастары бөлімінің басшысы Жақсылық Ержанов мәлімдеді.
<blockquote>
 «Жеке тұрғын үй құрылысы үшін жер учаскесін алуға 2005 жылғы өтініш жазған азаматтар тарапынан қалалық жер қатынастары бөліміне қажетті құжаттарын өткізген барлығы 4900 құжат жерге орналастыру жұмыстарын орындауға жолданып, 3953 азаматқа «Бәйтерек» – 1-3-4 тұрғын аудандарынан жер табыстау туралы қала әкімдігінің қаулы жобасы қабылданды. Қазіргі таңда жер актісін рәсімдеп алған азаматтар саны 3913 құрауда», – дейді Жақсылық Ержанов.
</blockquote>
Сонымен қатар 2019 жылдың 10 қыркүйегінде облыс көлемінде алғаш рет, облыстық кәсіпкерлік палатасы алаңында шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалдау) құқығын беру жөнінде конкурс ұйымдастырылып жалпы көлемі 1 738 гектар құрайтын жер учаскесі ауыл шаруашылығы айналымына енгізілді.
Бұған қоса, ауыл шаруашылығы мақсатындағы барлық жер пайдаланушылары үшін <a href="http://qoldau.kz/kz">«Qoldau.kz»</a> сайты жұмыс істеп тұрғаны хабарланды.

Қызылордадағы «Бәйтерек-2» шағын ауданына инфрақұрылым жүргізілуде

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазалы аудандағы барлық қала, кент және ауылдық округ деңгейінде жергілікті өзін-өзі басқарудың дербес бюджеті енгізілуіне орай Қызылорда облысы әкімі аппараты және облыстық әділет департаментімен бірлесіп құқықтық оқыту өтті.
Құқықтық оқытуға қала, кент, барлық ауылдық округтердің әкімдері мен заңгер, есепші мамандары және тиісті бөлімдердің басшылары қатысты.
Басқосуды аудан әкімінің орынбасары Бақытжан Жарылқап ашып, жиынның маңыздылығына тоқталды.
<blockquote>
 «2020 жылы «100 нақты қадам» Ұлт жоспарының 98-қадамы шеңберінде аудандағы барлық қала, кент және ауылдық округ деңгейінде жергілікті өзін-өзі басқарудың дербес бюджеті енгізіледі.
 Келер жылы аудандағы халық саны екі мыңға жетпейтін қалған 17 ауылдық округ әкімі аппаратына (Әйтеке би кенті, Қазалы қаласы, Майдакөл және Аранды ауылдық округі әкімі аппараттарынан басқа) жергілікті өзін-өзі басқарудың дербес бюджеті беріледі. Мемлекеттік бюджеттің 4-ші деңгейін, яғни ауылдық округтердің дербес бюджеттері қолданысқа енгізілсе азаматтардың тиісті бюджеттік жобаларын талқылауға қатысуының тетіктері жұмыс істейді. Мемлекеттік бюджеттің 4-ші деңгейін енгізу шаралары аясында тиісті қабылданған құқықтық актілеріне уақытылы өзгерістер мен толықтырулар енгізу қажет», – дейді Бақытжан Дүзелбайұлы.
</blockquote>
Қызылорда облысы әкімі аппаратының мемлекеттік-құқықтық жұмыстар бөлімінің әдіскері Әуелбек Исаев, Қызылорда облысының Әділет департаментінің нормативтік құқықтық актілерді тіркеу бөлімінің бас маманы Нұрсұлу Арзықұлова және облыстық экономика және бюджеттік жоспарлау басқармасының бас маманы Мәріп Әкбар және Қызылорда облыстық ақпараттық технологиялар орталығының маманы Болат Әбітаев құқықтық оқыту семинарын өткізді.
Семинар барысында қатысушыларға шешім жобасын дайындау мен Әділет департаментіне жолдау тәсілдері түсіндіріліп, аталған мәселе жөнінде қажетті мәліметтер берілді. Жиын соңында қатысушылар өз пікірлерлерін білдіріп, қойған сұрақтарына тұщымды жауап алды.
<img src="https://kyzylorda-news.kz/wp-content/uploads/2019/11/28kykykseminar2.jpg" alt="" />
<img src="https://kyzylorda-news.kz/wp-content/uploads/2019/11/28kykykseminar3.jpg" alt="" />

Қазалыда құқықтық оқыту семинары өтті

Kyzylorda-news.kz. А.Тоқмағамбетов атындағы мәдениет үйінде облыстық «Сыр бойы» және «Кызылординские вести» газеттерінің 90 жылдығы аясында “Заманауи медиа кеңістіктегі аймақтық баспасөздің маңызы мен рөлі” атты облыстық ғылыми-тәжірибелік конференция өтуде. Салтанатты шарада қос басылымның 90 жылдық мерейтойына орай серіктестік қызметкерлері марапатталды.
Облыстың Құрмет грамотасы:
1. Ақсақалов Жолдасбек Әленұлы –облыстық «Сыр бойы» газетінде 36 жылдан бері табан аудармастан еңбек етіп келеді. Еңбек жолын корректорлықтан бастаған ол газет жұмысының барлық сатыларынан өткен. 2010-2012 жылдары «Сыр бойы» газетінің бас редакторы болған. Қазіргі таңда газеттің экономика бөлімінің меңгерушісі. Қазақстан Журналистер одағының мүшесі. Бірнеше публицистикалық кітаптардың авторы.
<ol start="2">
<li>Жакибаева Гүлмира Ақтілекқызы – облыстық «Кызылординские вести» газетінде 2000 жылдан бері қызмет атқарып келеді. Еңбек жолын облыстық газеттің кіші тілшілігінен бастаған ол бүгінде «Экономика» бөлімінің аға тілшісі. 2017 жылы «Ауыл шаруашылығы саласындағы жылдың үздік журналисі» атанған.</li>
<li>Шегенбаева Айгүл Жолайқызы –еңбек жолын 2009 жылы «Сыр бойы» газетінің есепші-кассирі қызметінен бастаған. Кейін, 2010 жылы «Сыр медиа» серіктестігі құрылғанда медиахолдингтің есепшісі қызметіне ауысқан. Қазіргі таңда «Сыр медиа» жауапкершілігі шектеулі серіктестігінің аға есепшісі.</li>
</ol>
Облыс әкімінің Алғыс хаты:
<ol>
<li>Өтешова Гүлмира Төлебайқызы – облыстық «Сыр бойы» газетінде 30 жылдан бері еңбек етіп келеді. Осы жылдар аралығында басылымның көркемдік жағынан сапалы шығуына зор еңбек сіңіріп келе жатқан ол бүгінде аталған облыстық басылымның компьютер орталығының дизайнері.</li>
<li>Алдамжарова София Үрістембекқызы – «Кызылординские вести» газетіндегі еңбек жолын 2000 жылы дизайнерліктен бастаған. Кейін осы басылымда жауапты хатшы, түрлі бөлімдерде тілші қызметін атқарған. Бүгінде аталған облыстық газеттің аға тілшісі. 2010, 2012 жылдары «Қанатты қалам» фестивалінің жеңімпазы атанған.</li>
</ol>
3. Көшербаев Сәбит Сәйпенұлы – «Сыр медиа» жауапкершілігі шектеулі серіктестігінде 2011 жылдан бастап еңбек етіп келеді. «Сыр медиа» ЖШС-да Ақпараттық талдау орталығының, Жарнама бөлімдерінің басшысы қызметтерін атқарған ол бүгінде медиахолдингтің Әкімшілік бөлімінің шаруашылық жөніндегі бас маманы болып жұмыс жасайды. Сондай-ақ, ол әр жылдары мемлекеттік қызмет саласында түрлі лауазымдарды атқарған.
<ol start="4">
<li>Қарапаева Айсауле Сағатбекқызы – «Сыр бойы» газетінде 2010 жылдан бері тілшілік қызмет атқарады. Осынау 10 жылдың ішінде оның есімі оқырмандарына экономика тақырыбына төселген журналист ретінде танылды. Қазақстан Журналистер одағының мүшесі.</li>
<li>Скорняков Виталий Владимирович – облыстық «Кызылординские вести» газетінде 2006 жылдан бері еңбек етіп келеді. Еңбек жолын дизайнерліктен бастаған ол 2018 жылдан бастап аталған облыстық газеттің компьютер орталығының меңгерушісі.</li>
</ol>
Қазақстан Республикасының Журналистер одағының төрағасы Сейітқазы Бейсенғазыұлы Матаевтың марапаты:
«Қазақстанның құрметті журналисі» атағы:
1. Мырзахметұлы Қайырбек – ардагер-журналист. Облыстың бас басылымы «Сыр бойы» газетінде 50 жылға жуық қызмет еткен. Еңбек жолын қарапайым хат тіркеушіден бастап, бөлім меңгерушісі қызметіне дейін көтерілген. 85 жастағы ардагер ағамыз бүгінгі таңда өзінің сүйікті басылымынан қол үзбей, оқырмандарын ескірмейтін естелік, ойлы очетерімен қуантып келеді.
2. Қасымов Тимур Равильұлы – облыстық «Кызылординские вести» газетінде 40 жыл бойы еңбек етіп, биылғы жылы зейнеткерлікке шыққан. Еңбек жолын тілшіліктен бастаған ол соңғы 11 жылда облыстық «Кызылординские вести» басылымының бас редакторы қызметін атқарған. Қазақстан Республикасы Құрмет Грамотасымен марапатталған.

Қос басылымның 90 жылдық мерейтойына орай серіктестік қызметкерлері марапатталды

<a href="https://kyzylorda-news.kz/">Kyzylorda-news.kz.</a> А.Тоқмағамбетов атындағы мәдениет үйінде облыстық «Сыр бойы» және «Кызылординские вести» газеттерінің 90 жылдығы аясында “Заманауи медиа кеңістіктегі аймақтық баспасөздің маңызы мен рөлі” атты облыстық ғылыми-тәжірибелік конференция өтуде. Салтанатты шарада облыс әкімі Қуанышбек Ысқақов “Сыр медиа” ЖШС-не автокөлік кілтін табыстады.&nbsp;
Мемлекеттік мүддені қалың көпшілікке жеткізіп, қоғамдағы өзгерістерге сай көзқарас қалыптастыруда аймақтық медианың маңызы зор. Осы орайда облыстағы бірнеше басылымды бір шаңырақ астына топтастырған «Сыр медиа» серіктестігі елдік асыл мұраттарға қызмет ету жолында сенім биігінен түскен емес.
Он жылға жуық тарихы бар медиабірлестік құрамында әуелгі жылдары бір өзеннің қос саласындай қатар өрілген «Сыр бойы» және «Кызылординские вести» газеттері болды. 2013 жылы оған қалалық, аудан­дық ресми басылымдар қосылып, жұмыс ауқымы кеңейді. Облыс әкімдігінің қол­дауы нәтижесінде содан бері «Сыр медиа» еліміз бойынша өз өнімін өз баспаханасынан шығарып, өзі тарататын іргелі ұйымға айналды.
«Сыр медиа» ЖШС мем­лекеттік саясатты, республика мен өңір жаңалықтарын ха­лық­қа дер кезінде мазмұнды түрде жеткізу қызметін қа­зіргі заман талаптарына сәй­кес жаңашылдықпен жүр­гі­зіп келеді. Бүгінде бар­лық басы­лымның сайттары, сондай-ақ 2011 жылы ашылған «Kyzylorda-news.kz» ақпарат агент­тігі саясат, экономика, білім беру, денсаулық сақтау, спорт, мәдениет және өзге де салалар бойынша қоғамның тыныс-тіршілігі туралы оқыр­манға жедел әрі сенімді ақпарат таратуды жолға қойды. Оның ішінде аймақ жылнамашысы болған қос аға басылымның веб-сайттары өз аудиториясын қалыптастырып үлгерді. Журна­листер де жаңа медиа мүмкіндіктерін тиімді пайда­лануға машықтанды. Мұның бәрі медиахолдинг жұ­мысының жүйеленгенін көр­сетсе керек.
Бүгінде 500-ден астам адам еңбек ететін «Сыр медиа» серіктестігі ел игілігіне жарайтын бастамаларымен қалың бұқараға жақсылықтың жаршысы, ұлағатты істердің ұйытқысы ретінде белгілі.

Аймақ басшысы &#8220;Сыр медиа&#8221; ЖШС-не автокөлік кілтін табыстады

<a href="https://kyzylorda-news.kz/">Kyzylorda-news.kz.</a> &nbsp;Арал ауданында жастар жылына орай белгілі айтыскер ақын, термеші, әуесқой композитор Ниятолла Раманқұловты еске алуға арналған «Ақиқат жырдың арнасы – Аралдың Ниятолласы» атты облыстық мектеп оқушылары арасындағы жас ақындар айтысы өтті.
Жыр додасының ашылу рәсіміне аудан әкімінің орынбасары Бектемір Жұмағұлов қатысып, Ниятолла Раманқұловтың өмірі мен шығармашылық жолына тоқталды. Сонымен қатар, дәстүрлі өнерді дәріптеп, ойлы өлең шалымды шумақ құрап келген сөз зергерлеріне сәттілік тіледі.
Мұнан соң облыстық халық шығармашылығын дамыту және мәдени-продюсерлік орталығының қызметкері, жырау Берік Саймағамбетов сөз алып, жас айтыскерлерге ізгі лебізін білдірді.
Сөз жүйрігін даралайтын додаға Арал ауданымен қатар Шиелі, Жалағаш, Қармақшы, Қазалы аудандарынан келген 12 жас ақын қатысып, сынға түсті.
Көмейіне жыр толтырып, сөзден маржан терген жас ақындар Ниятолла Раманқұловтың шығармашылығын тақырыпқа арқау етіп, көпшілік көрерменді өнерлерімен тәнті етті.
Айтыс қорытындысы бойынша бас жүлдені қазалылық ақын Бекзат Серіков жеңіп алды. Жүлделі I орынды Қызылорда қаласынан келген Нұржігіт Биқожа қанжығасына байласа, аралдық ақын Ерасыл Сейітжанұлы II орынды, жалағаштық ақындар Дидар Өмірзақ пен Динара Берікқызы III орынға ие болды.
<img src="https://kyzylorda-news.kz/wp-content/uploads/2019/11/28aralaitys2.jpg" alt="" />
<img src="https://kyzylorda-news.kz/wp-content/uploads/2019/11/28aralaitys3.jpg" alt="" />

Аралда облыстық жас ақындар айтысы өтті

<a href="https://kyzylorda-news.kz/">Kyzylorda-news.kz.</a> А.Тоқмағамбетов атындағы мәдениет үйінде облыстық «Сыр бойы» және «Кызылординские вести» газеттерінің 90 жылдығына арналған шаралар басталды. «Заманауи медиа кеңістіктегі аймақтық баспасөздің маңызы мен рөлі» атты облыстық ғылыми-тәжірибелік конференцияға облыс әкімі Қуанышбек Ысқақов қатысуда.&nbsp;
Аймақ басшысы алдымен Сыр елінің тарихымен біте қайнасқан қос басылым – «Сыр бойы» және «Кызылординские вести» газеттерінің 90 жылдық мерекесімен құттықтады.
<blockquote>
 «Мемлекеттік-ақпараттық саясаттың салмақты жүгін арқалап, бір өзеннің қос саласындай қатар өрілген байырғы басылымдарды дәуір дерегінің жаршысы деуге болады. Сондықтан қаламгерлер қауымына, қос бірдей басылымның шығармашылық ұжымына бүгінгі мерейтойларыңыз құтты болсын! «Тәуелсіз Қазақстан – біздің ең қымбат, ең асыл құндылығымыз. Сол құндылықты қорғау һәм қадірлеу секілді мәртебелі миссияны жүзеге асыруда бұқаралық ақпарат құралдарының алар орны ерекше» деген болатын Елбасы Нұрсұлтан Әбішұлы Назарбаев. Демек, мемлекет мүддесінің қорғаушысы саналатын сала өкілдерінің басы қосылған бүгінгі мерекенің маңызы зор», – деді облыс әкімі.
</blockquote>
Айта кету керек, мерекелік шаралар легі фототілшілер Болат Омарәлиев, Игорь Титенок және Нұрболат Нұржаубайдың еңбектерінен дайындалған «Суреттер сыр шертеді» атты көрмеден бастау алды. Сондай-ақ, бүгін «Атыңнан айналайын, Атамекен!» атты қос газеттің 90 жылдығына арналған ақындар мүшәйрасының жеңімпаздары марапатталатын болады.
<img src="https://kyzylorda-news.kz/wp-content/uploads/2019/11/28bastaldy2.jpg" alt="" />

«Сыр бойы» және «Кызылординские вести» газеттерінің 90 жылдығына арналған шаралар басталды

<a href="https://kyzylorda-news.kz/">Kyzylorda-news.kz.</a> Қызылордада мас күйінде автобус тізгініне отырған азамат ұсталды. Орталық көшелермен жүйіткіген қоғамдық көлік жүргізушісі тәртіп сақшыларының ескертуіне құлақ аспаған.
Тек патрульдік көлікпен тосқауыл жасаған соң ғана ішімдікке сылқия тойған жүргізуші тежегішті басқан. Полицейлер оны наркологиялық диспансерге жеткізді. Бұл заң бұзушылық облыста «Қауіпсіз жол» профилактикалық шарасы кезінде орын алған. Жалпы, шара өңірде жол-көлік оқиғаларының жиілеуіне байланысты өткізілуде. 3 күнде мас күйінде көлік тізгіндеген 14 және құжатсыз жүрген 94 жүргізуші қолға түскен.&nbsp;
<blockquote>
 «Әкімшілік құқық бұзушылық кодексінің 608-бабымен хаттама толтырылды. Сондай-ақ бұл іс-шараға еріктілер жұмылдырылып, жүргізушілерге және жаяу жүргіншілерге түсіндірме жұмыстары жүргізілді. Бұл жұмыс өз жалғасын табатын болады», – дейді облыстық полиция департаменті басшысының бірінші орынбасары Шәмшидин Әмитов.
</blockquote>

Қазақстан және Қызылорда облысының жаңалықтары

«Болашақ» стипендиясына квота жойылады

Сырдарияда аудандық жазба ақындар мүшәйрасы өтті

«Nur Otan» партиясының облыстық филиалы партия жұмысын жетілдіруді қолға алды

Жалағашта еңбек озаттары марапатталды

Қызылордадағы жәрмеңкеде 207 бос жұмыс орны ұсынылды

Қызылордадағы «Бәйтерек-2» шағын ауданына инфрақұрылым жүргізілуде

Қазалыда құқықтық оқыту семинары өтті

Қос басылымның 90 жылдық мерейтойына орай серіктестік қызметкерлері марапатталды

Аймақ басшысы “Сыр медиа” ЖШС-не автокөлік кілтін табыстады

Аралда облыстық жас ақындар айтысы өтті

«Сыр бойы» және «Кызылординские вести» газеттерінің 90 жылдығына арналған шаралар басталды

Қызылордада автобусты мас күйінде тізгіндеген жүргізуші ұсталды

Қазақстан және Қызылорда облысының жаңалықтары

«Болашақ» стипендиясына квота жойылады

Сырдарияда аудандық жазба ақындар мүшәйрасы өтті

«Nur Otan» партиясының облыстық филиалы партия жұмысын жетілдіруді қолға алды

Жалағашта еңбек озаттары марапатталды

Қызылордадағы жәрмеңкеде 207 бос жұмыс орны ұсынылды

Қызылордадағы «Бәйтерек-2» шағын ауданына инфрақұрылым жүргізілуде

Қазалыда құқықтық оқыту семинары өтті

Қос басылымның 90 жылдық мерейтойына орай серіктестік қызметкерлері марапатталды

Аймақ басшысы &#8220;Сыр медиа&#8221; ЖШС-не автокөлік кілтін табыстады

Аралда облыстық жас ақындар айтысы өтті

«Сыр бойы» және «Кызылординские вести» газеттерінің 90 жылдығына арналған шаралар басталды

Қызылордада автобусты мас күйінде тізгіндеген жүргізуші ұсталды

Аймақ басшысы “Сыр медиа” ЖШС-не автокөлік кілтін табыстады