<a href="https://kyzylorda-news.kz/">Kyzylorda-news.kz</a> ақпараттық агенттігінің 9 желтоқсанға арналған жұлдыз-жорамалы.
Тоқты
Ескі жоспарлар мен шаруаларды бірыңғайлаңыз. Бүгін жағымсыз хабар аласыз. Алайда көңіл-күйіңізді түсірмеңіз, барлығы реттеледі.
Торпақ
Сәттілік серігіңізге айналады. Қиындықтар сізді айналып өтетін болады. Қолыңыздағы барыңызбен бөліскеніңіз дұрыс.
Егіздер
Сәтті күн деп айту қиын. Жұмыста аздаған кикілжіңдер орын алуы мүмкін. сіздің жетістіктеріңізге қызғанышпен қарайтындар бар.
Шаян
Түске дейінгі уақытқа кездесу ұйымдастырмағаныңыз жөн. Эмоцияға беріліп, әріптестеріңізбен сөзге келіп қалуыңыз мүмкін.
Арыстан
Жұмыста тым белсенді болудың қажеті жоқ. Өзіңізді көп шаршатпаңыз. Барлық тапсырманы уақытылы орындай аласыз.
Бикеш
Бүгін шаршағаныңызды сезіп, демалғанды жөн санайсыз. Бірақ барлығы уақытша. Туындаған мәселелер тез шешімін табады.
Таразы
Өзіңіздің түйсігіңізге сеніңіз. Жақындарыңызға көп көңіл бөліңіз. Олардың сұрағына жауап беруге, мәселесін шешуге көмек көрсетіңіз.
Сарышаян
Отбасындағы кикілжіңдер сіздің күш-қуатыңызды сарқып алады. Сонымен қатар жаңымсыз хабар естіп, көңіл-күйіңіз түседі.
Мерген
Егер жұмыс барысымен жол сапарға шығу керек болса, бас тартыңыз. Сырқаттанып қалуыңыз мүмкін немесе шығынға ұшырайсыз.
Тауешкі
Армандаңыз. Бірақ арманыңыз ойға қонымды болсын. Сонымен қатар бүгін жақындарыңызға көп көңіл бөліңіз.
Суқұйғыш
Жаңа бастамалар үшін сәтті күн. Тек өзіңіз оған дайын болғаныңыз дұрыс. «Тәуекел түбі жел қайық» деп мүмкіндікті пайдаланып қалыңыз.
Балықтар
Бүгін ағзаңызды тазартумен айналысыңыз. Жалпы, денсаулығыңызға көңіл бөліңіз. Сонда ғана аурудың алдын аласыз.

Жұлдыздар не дейді?

Миллионер (әңгіме)

<a href="https://kyzylorda-news.kz/">Kyzylorda-news.kz.</a>&nbsp; Қазақтың Ақбаяны, күміскөмей әнші Мәдина Ералиева жалғыз бауыры Сәғира Ералиева өнер иесінің жомарттығы, еңбекқорлығы, бақилыққа аттанар алдында түсіне кірген аяндары мен соңғы күндері туралы айтып берді, деп хабарлайды <a href="https://stan.kz/ayan-tuster-korip-zhanin-koyarga-zher-tappay-zhurdi-mad-324925/">Stan.kz</a>.
<ul>
<li>Қанша жыл өтсе де, халық «Ақбаянын» Мәдина Ералиеваны ұмытпады, әлі еске алады. Мұның сыры кез-келген әнін жүрекпен қабылдап, жүрекпен халыққа жеткізгенінде ме?</li>
<li>Иә, өмірден озғанына 20 жыл өтсе де, халық әлі Мәдинасын ұмыта қойған жоқ. Бір таң қалатыным, Мәдинаның айтып кеткен әндерін кейінгі жастар да нақышына келтіріп орындап жүр.</li>
</ul>
Ол әр әннің бояуына мән беретін, кейде өз дауысына ыңғайлап, аранжировкасын өзгертіп те жіберетініні бар еді. Менде сазгерлердің Мадинашқа ұсынған көптеген әндері жатыр. Бірақ ол солардың ішінде халықтың жүрегіне жетеді-ау дегенін ғана орындайтын. Өз апам болған соң мақтағаным емес, әдемі көйлекті таңдаған сияқты әнге де талғамы мықты болатын…&nbsp;
<ul>
<li>Өзі «Мен күнде әрбір сәтте тек қана қимылдаумен, тыпырлаумен келе жатырмын» деп айтқан екен бір сұхбатында. Еңбекқорлығы ерекше болған дейді…</li>
<li>Өзі «жыбырламаған адамға Құдай бермейді» дейтін кейде. Үйде де, түзде де тынымсыз еді. Қасында тұрған адамды да қарап отырғызбайтын. Үй тазалығына қатты мән беретін, ол барда үй жарқырап тұратын. Ал сырттан үйге кіріп келгенде артынан 10 адам еріп кіргендей үй толып, жарқырап кететін. Сондай-ақ ол ешқашан ауруға &nbsp;бой алдырмайтын еді. Үнемі өзін -өзі күтіп, сырттан &nbsp;келе сала аузы-басын тұзды сумен шайып, сәл салқындап қалса, денесіне қойдың майын сылап, тез емделіп алатын. Адыраспанды көп қолданатын, әсіресе, үйде біреу тұмаумен ауырса, адыраспанды көк түтін етіп, үйді тазартып, залалсыздандырып алатын.</li>
</ul>
Алла тағала Мадинаштың бойына тігу, сурет салу, әншілік, ішкі түйсік, атасынан дарыған ұсталық сияқты жақсы қасиеттерді қос-қосымен берген.
70-80-ші&nbsp;жылдары қазіргідей киімнің түр-түрі болмады ғой. Анамыздан қалған «Зингер» қол машинасымен Мадинаш киім тіге бастады. Тапсырыспен тігіп, қалған-құтқан матадан маған керемет жейде, белдемше тігіп беретін. Әдемі жарасатыны сондай, тастамай 3-4 жыл киетінмін.
<ul>
<li>Жалпы Мәдина Ералиева адам ретінде, әйел-ана, әпке ретінде қандай еді?</li>
<li>Мадинаш Арсен екеумізге əкенің де, ағаның да, бəрінің орнында болды. Ол барда біз əке іздемеппіз. Егер де әке-шешем болса, Мадинаштың маған жасағандай жақсылықтарын жасауға мүмкіндіктері болса да, соншама жағдайымды жасау ойларына келмес еді-ау деп ойлап қоямын кейде… Бірақ әке-шеше мен бауырларыңның көз алдыңда тірі жүргенінен асқан қандай бақыт пен байлық бар?! Балалы-шағалы болып кетсем де, маған көп алаңдайтын, қолы сәл босаса, барын алып үйге жетіп келетін еді.</li>
</ul>
Анам ауруханада көз жұмарда Мадинаш қасында болыпты, 1972 жылдың 12 наурызы, Қызылордадағы педучилищенің музыка бөлімінде 1 курста оқып жүрген кезі болатын. Анам «Сағираға қара, артыңнан ерген қараң ғой» депті. Мадинаш та өмірден өтерін сезді ме, ауырып тұрмын десем, «ауырма, қарағым, ертең мен өлгенде артымда шошайып отыратын адам керек» деп қалған бірде. Егер де бірге қартайсақ, осы күнде қолына екі түйір кәмпит&nbsp;тисе, біреуін міндетті түрде маған ала жүгірер еді.
<ul>
<li>Әпкесі ретінде сізге қандай ақыл-кеңестер айтып отыратын?&nbsp;</li>
<li>Мадинаштай әпке берген Аллама мың да бір рақметімді жаудырамын. 20 жыл өтсе де, үйде, жүрген ортамызда, қызметте Мадинаштың берген ақыл- кеңесі көп көмегін тигізіп жатыр. Әсіресе, әйел адамға керек үй-шаруасындағы барлық тірлікті, ауырғанда қалай күтіну, жылдың төрт мезгілінде талғаммен және жайлы киінуге дейін үйрететін. Ертең барған жеріңде мені кінәлайды деп ісімен үйретіп жүретін.</li>
<li>Бұрынғы сұхбаттарын қарап отырсақ, сөзге де нағыз шешен болған сияқты. Кітап оқуды сүйетін адамның бірі болған деседі. Тіпті әр гастрольдік сапарынан ұлы Арсенге кітап сыйға алып келеді екен…</li>
<li>Мәдинаш – көптің ортасында жүрген адам еді, шешен болмаса да, дұрыс сөйлеуге міндетті ғой. Негізі жөн-жосықсыз көп сөйлейтін, көп сылтау айтатын адамды «тек ауызымен шөп орады» деп &nbsp;ұнатпайтын.</li>
</ul>
Арсенге кітап көп алатын, ол – өте білімді бала, мектеп қабырғасында жүргенде-ақ кітапты күбірлеп көп оқитын. Әсіресе, география, тарих пәнін сүйіп оқитын. Географиядан дүние жүзінің қалаларын, теңіздер мен тау түбегіне дейін тізімін жазып шығатын.
<ul>
<li>Қандай сыйлығы ерекше есте қалды?&nbsp;</li>
<li>Мадинаштың маған жасамаған сыйлығы жоқ, қайсыбірін айтайын! Әрине, барлығын көзіндей көріп, әлі тұтынып, қуана киіп, сақтап жүрмін. Бір қызығы, ешқандай затының cәні кетпеген, ескірмеген.</li>
<li>Мәдина апаймен түр-келбеттеріңіз ұқсайды. Ал мінезіңіз әпкеңізге келе ме?</li>
<li>«Бір анадан ала да туады, құла да туады» дегендей, екеуміз екі түрліміз. Мадинаш ер мінезді, жігерлі, қиындыққа төзімді, шыншыл, адамгершілігі мол, ақ жарқын, көрінген адаммен сөйлесіп кете беретін, қарапайым жан еді.&nbsp;</li>
<li>Түсінде Арыстан-бабтың шақырып, аян беріп жүргенін сұхбаттарының бірінде айтқан. Арсен ағаның айтуынша, өмірінің соңғы күндерінде оңаша қалуды көп қалаған екен…&nbsp;</li>
<li>Жалпы қиындықтарды басынан өткерсе, жолы болмай жүрсе, ыңғайсыз түс көрсе, кез-келген әйел заты бірден құмалақшыға жүгіреді емес пе? Мадинаш та соңғы кездері қасына кілең құмалақ ашатындарды алып жүрді. Қаланың ішінде жүрсе, шаруаларын бітіріп келе жатып, маған үйге кіріп шығатыны бар еді.</li>
</ul>
Бірде үйге кірген бойда «жаңа құмалақ аштырдым, ұзақ жасайсың деп айтты» деп, маған ойлана қарады. Кейін ойлап отырсам, аян түстер көріп, жанын қоярға жер таппай жүрген кезі екен ғой. Соңғы кездері «мен аман болайын, кілең жетімді асырап отырмын» деген сөзді бір түрлі сыйынып айтатын.
Бір жолы марқұм кинорежиссер Шәкен Айманов түсіме енді. Мадинаштың жатын бөлмесінде төсегінің үстінен термометрді жанталасып іздейді екен деймін. Қайтыс болған кісіге түсіңде зат беруге болмайтынын білемін ғой, барынша термометрді жасырамын. Қайдан білейін, өзі де ыңғайсыз түстер көріп, қорқып жүргенін, осы түсімді Мадинаштың өзіне де айтып бердім.
Сондай-ақ соңғы күндері маған мешіттен шағын-шағын Құран кітаптарын алып беріп жүрді.
Мадинаш туралы тағы бір естелік.&nbsp;Макеш деген құмалақшы əйелді қасынан тастамай алып жүретін болды. Салдырлап қалған ақ көңіл кісі болатын. Соңғы айлары ма деймін, Мадинаштың үйінде жүргенмін. Макешпен үйге кіріп,&nbsp;тамақтанып болған соң концертке баруға боянып отырып, Мадинаш Макешке құмалақ аштырып отырды. Қалай сенбессің, өмірінде болатын жағдайды шамамен айтып отыр. Бірақ менің ол кезде қаперіме де кірген жоқ Құмалағын жинай бастағанда маған да ашуын сұрадым. Құмалағын шашып жіберіп, “ойбуу, басыңның іші быт-шыт демесі бар ма”?! Əйтеуір өмір сүремін ба деп сұрадым. Ана жерде бізге қарама-қарсы боянып отырған Мәдина “сен мені көмесің” демесі бар ма…
<ul>
<li>Ғұмыры қысқа болды деген өкініштер жиі бола ма?</li>
<li>Мадинаш қысқа өмірінде ештеңе көрмей кетті деп айта алмаймын. Жақсы-жақсы адамдармен араласты, есте қалатындай небір қызықты және қиындықтарды да көрді, дүние жүзін аралады деп өзімді жұбатамын. Тек бір ғана өкінішім – немерелерін көре алмай кетті.</li>
<li>«Әйел қашан сұлу болуы керек» деп үнемі айтып жүреді екен. Мәдина апай өз-өзіне күтім қалай жасайтын еді?</li>
<li>Әйел адам бойынан нұр шашып, сұлу болу үшін, ең бірінші, ішкі жан-дүниесі таза болу керек шығар. Мадинаш өтірік айту білмейтін, өз ісіне адал, көп қозғалып, тез жүретін жан еді. Жылдың төрт мезгілінде де ауа-райына тіл тигізбей жайлы киінетін. Дене күтіміне кілең дәріханадағы&nbsp;біз мән бермейтін глицерин, фурациллин сияқты нәрселерді алып, жұмыртқаға араластырып, түрлі кремдер жасап, бетін тазалап отыратын.&nbsp;</li>
<li>Мадина апай жұлдызды әріптестерінің арасында кіммен жақсы дос құрбы болды?</li>
</ul>
Мадина барлығымен бірдей араласатын. Бірақ әншілер арасында ешкіммен жақын дос болмады
<img src="https://kyzylorda-news.kz/wp-content/uploads/2019/12/madina-eralieva1.jpg" alt="" />

Мәдина Ералиева өмірінің соңғы күндерінде түс көріп, неліктен қатты қиналған?

<a href="https://kyzylorda-news.kz/">Kyzylorda-news.kz.</a> Адам әлемнің кез келген үлкен қаласына ұшақпен баратындай күнге жетті. Қажетіңізге қарай пойыз не көлікпен баруға да мүмкіндік бар. Дегенмен әлемнің бір-біріне “жақындай” түскеніне қарамастан, әлі күнге дейін&nbsp;өркениеттен алыс орналасқан, ол жерге бару қиынға соғатын, ұшақ ұшпай, кемені айлап күтетін аралдар бар екен.
Питкэрн, Ұлыбритания
<img src="https://kyzylorda-news.kz/wp-content/uploads/2019/12/7-aral-pitkjern.jpg" alt="" />
Бұл бір кішкентай аралдың тұрғындары – сонау 1790 жылы келген сауда кемесінде бүлік шығарғандардың ұрпағы. Сондай-ақ елуге жуық қана адам күн көретін аралда Таити аралынан келгендер де бар.
Тромелин,&nbsp;Франция
<img src="https://kyzylorda-news.kz/wp-content/uploads/2019/12/7-aral-tromjelin.jpg" alt="" />
Кіп-кішкентай арал Мадагаскардан 450 шақырым жерде орналасқан. Францияның иелігі саналатын арал мұхит деңгейінен 7 метрге ғана биік. Мұхит зерттеушілері ондаған жылдан кейін Тромелин аралының толықтай су басатынын болжап отыр.
Кокос аралдары,&nbsp;Аустралия
<img src="https://kyzylorda-news.kz/wp-content/uploads/2019/12/7-aral-kokos.jpg" alt="" />
Явадан – мың, ал Аустралия жағасынан екі мың шақырымда орналасқан аралдар тізбегі. Кокос атауын алған бұл мекен 27 маржан атоллдарынан тұрады. Аралдарды жалпы саны алты жүзге жуық адам мекендейді.&nbsp;
Әулие Георг аралы, АҚШ
<img src="https://kyzylorda-news.kz/wp-content/uploads/2019/12/7-aral-georg.jpg" alt="" />
Алеут қауымының ең көп шоғырланған аралы. Тек үндістер тұратын аралда итбалықтар мен теңіз құстары мекен етеді.&nbsp;
Бьорнёя (мағынасы – аю) аралы,&nbsp;Норвегия&nbsp;
<img src="https://kyzylorda-news.kz/wp-content/uploads/2019/12/7-aral-bornjoja.jpg" alt="" />
Свальбард&nbsp;біріне бірі жақын орналасқан аралдар тобының ең күрделісі. Нағыз Норвегия сұлуғының белгісі. 178 шаршы шақырым жерде 20&nbsp;ауа райын болжау станциясы бар.
Флореана,&nbsp;Эквадор
<img src="https://kyzylorda-news.kz/wp-content/uploads/2019/12/7-aral-floreana.jpg" alt="" />
Флореана –&nbsp;Галапагос&nbsp;аралдары аймағының ең үлкені. Эквадордан 100 шақырым жердегі аралда жүзге жуық адам ғана тұрады. Ал бүкіл аралда тек бір телефон станциясы мен бір ғана қонақ үй бар.
Маккуори,&nbsp;Аустралия&nbsp;
<img src="https://kyzylorda-news.kz/wp-content/uploads/2019/12/7-aral-makkwori.jpg" alt="" />
Маккуори&nbsp;– пингвиндер мекені. Жаңа Зеландия жағасынан есептегенде мың шақырым жердегі аралды&nbsp;пингвиндер көптеп мекен етеді. Сондай-ақ бұл жерде 50-ге тарта тұрғын бар.
<a href="https://massaget.kz/layfstayl/alemtanu/syrly-alem/60003/">Massaget.kz</a>

Жеткізбейтін 7 арал

<a href="https://kyzylorda-news.kz/">Kyzylorda-news.kz</a>. Естеріңізге сала кетейік, “ҰАТ” АҚ-мен міндетті техникалық байқаудың бірыңғай ақпараттық жүйесі бірнеше әлеуметтік ақпараттық жүйемен интеграцияланған.
Онлайн тексеруге арналған қосымша арқылы&nbsp;автокөліктің техникалық байқауын үйден шықпай тексеруге болады, &nbsp;деп хабарлайды&nbsp;<a href="https://www.baq.kz/">BAQ.KZ</a>.
Естеріңізге сала кетейік, “ҰАТ” АҚ-мен міндетті техникалық байқаудың бірыңғай ақпараттық жүйесі бірнеше әлеуметтік ақпараттық жүйемен интеграцияланған.
Жыл сайынғы техникалық байқаудан уақтылы өту қажеттілігі туралы ұмытатын адамдар үшін оның қолданылу мерзімін қарап шығудың және техникалық байқау нәтижелері туралы мәліметтерді қараудың қарапайым және ыңғайлы тәсілі әзірленді.
Бұл ретте:
1.Міндетті техникалық байқаудың аяқталу күнін egov.kz электрондық үкімет порталында көлік құралы иесінің жеке кабинетінде көруге болады;
2. Көлік құралын техникалық тексеруінің болуын SmartAstana қол жетімді қосымшасынан appstore және play маркет алаңдарында көруге болады;&nbsp; &nbsp;&nbsp;
3.Сондай-ақ, “ашық деректер” порталында data.gov.kz “АКҚ техникалық байқаудан өту нәтижелері туралы мәліметтер” бөлімінде көлік құралының техникалық байқауы туралы деректерді алуға болады.
Айта кетсек, 2012 жылы міндетті техникалық байқауды бәсекелестік ортаға берген сәттен бастап (міндетті техникалық байқауды ұйымдастыру және өткізу тәртібінің сақталуына мемлекеттік бақылауды жүзеге асыру Қазақстан Республикасы Индустрия және инфрақұрылымдық даму министрлігімен бекітілген), бүгінгі күнге дейін техникалық жай-күйі бойынша техникалық байқаудан өтпеген көлік құралдарының пайызы төмендейді (2012 жылдан бастап өтпеген көлік құралдарының пайызы 13%-ды, ал 2019 жылы – 5%-ды құрады).&nbsp;
Бүгінгі күні көлік құралдарын техникалық байқаудан өткізуді өз құрамында 1500-ден астам техникалық байқау орталығы бар 600-ден астам оператор жүзеге асырады.

Енді автокөліктің техникалық байқауын онлайн тексеруге болады

<a href="https://kyzylorda-news.kz/">Kyzylorda-news.kz.</a> Адамдар дәрі ішу кезінде өте үлкен қателік жасайды.
Кейде дәріні кез келген сұйықтықпен іше саламыз. Кофе, сүт, шай, шырынмен бірге ішкен дәрі дұрыс әсерін бермейді. Өйткені сұйықтықтағы қоспалармен араласып кетеді. Дұрысы – дәріні бөлме температурасындағы сумен ішу керек.&nbsp;
Егер нұсқаулықта дәріні тамақпен бірге ішу керектігі жазылса, ішіп отырған тамағыңыздың құрамына мән беріңіз. Дәріні ішу мезгілі де нұсқаулықта анық көрсетіледі. Ал біз дәрімізді есімізге түскен уақытта ғана ішеміз. Бір ішіліп, бір ішілмеген дәрі ағзамызға оң әсерін бермейді, керісінше, зиян болуы да мүмкін. Сондықтан дәріні минутына дейін бірдей етіп ішу керек. Мысалы, таңғы сағат 07:00-де ішсеңіз, келесі күні де дәл сол уақытта тұтыныңыз.&nbsp;
Ал бір уақытта бірнеше дәрі ішуіңіз керек болса, бәрін бірден қабылдаудың керегі жоқ. Дәрілер арасына 10 минут салып ішіңіз. Ең маңыздысы – сәл бетіміз бері қарап, оңалған кезде дәрі ішуді тоқтатып тастаймыз. Бұл – өте үлкен қателік. Дәрігер дәріні қанша күн іш десе, сонша күн ішу керек.&nbsp;
<a href="https://www.oinet.kz/index.html">Oinet</a>

Ішкен дәріміздің неге пайдасы жоқ?

<a href="https://kyzylorda-news.kz/">Kyzylorda-news.kz.</a> Instagram қызмет көрсету сапасын жақсарту мақсатында аккаунт ашу кезінде қолданушының жасын сұрайтын болады, – деп хабарлайды <a href="https://ria.ru/">РИА Новости</a>. 
Бұл туралы Instagram желісінің ресми хабарламасында айтылған. “Бүгіннен бастап біз Instagram желісінде аккаунт ашатын адамдардан туған күнін сұрайтын боламыз”, – делінген хабарламада. 
Бұл мәлімет басқа қолданушыларға көрінбейді, тек Instagram желісін жетілдіру мақсатында пайдаланылады. Сондай-ақ, Instagram желісінің жаңа талабында қолданушы өзіне хабарлама жіберетіндер тізімін реттей алады. “Осы жаңажылдықты қолданған адамдар өздері жазылмаған адамның историясы мен жазған хабарламаларын көрмейтін болады”, – делінген хабарламада. 
Instagram – әлеуметтік желі элементтері бары сурет және видео алмасуға арналған қосымша. Facebook компаниясына тиесілі.

Енді Instagram-да аккаунт ашқанда қолданушының жасы сұралады

<a href="https://kyzylorda-news.kz/">Kyzylorda-news.kz.</a> Түстерді зерттейтін Pantone ұйымы “классикалық көкті” 2020 жылдың түсі деп атады, деп хабарлайды <a href="https://kaz.tengrinews.kz/story/2020-jyildyin-tus-ataldyi-303192/">Tengrinews.kz</a>.&nbsp;&nbsp;
<blockquote>
 «Біз сенім мен наным қажет заманда өмір сүріп жатырмыз. Мұны тұрақтылық пен сенім нышаны болған PANTONE 19-4052 «классикалық көк түс» береді. Мықты әрі&nbsp;берік көк түске әрдайым сенім артамыз», – делінген институт директорының міндетін атқарушы&nbsp;Литрис Эйзман.
</blockquote>
Оның сөзі орталықтың сайтында жарияланды.&nbsp; 2019 жылдың түсі, орталықтың нұсқасы бойынша «ұйпа-тұйпа, бірақ жұмсақ «тірі коралл» болған, ал 2018 жылы ғарыштың құпиясын ұсынған «қиын әрі сырттай ультрафиолет» болған еді.&nbsp;
Pantone институты 50 жылдан бері жұмыс істеп келеді және осы салада абыройлы&nbsp;саналады.
<img src="https://kyzylorda-news.kz/wp-content/uploads/2019/12/2020-zhyldyn-twsi-ataldy1-1.jpg" alt="" />

2020 жылдың түсі аталды

<a href="https://kyzylorda-news.kz/">Kyzylorda-news.kz.</a> Беркли Калифорния университетінің зерттеушілері еріктілерді екі топқа бөліп, тәжірибе өткізді. Осылайша, олар ұйқысыз түн адамның үрейлену деңгейін 30% -ға көтеретінін анықтады деп жазады&nbsp;<a href="https://kaz.nur.kz/">KAZ.NUR.KZ</a>&nbsp;.
&nbsp;Терең ұйқы, керісінше, күйзелісті азайтуға көмектеседі және тіпті миллиондаған адамдардың жүйке жүйесінің бұзылуынан емдейтін дәрі-дәрмектердің орнын баса алады. Бұл туралы ғалым Эт Бен Саймон The Business Insider-ге берген сұхбатында мәлімдеді.
<blockquote>
 “Үрейлі бұзылулары бар адамдар әдетте ұйқының бұзылуы туралы хабарлайды, бірақ сирек ұйқының жақсаруы алаңдаушылықты төмендету үшін клиникалық ұсыныс ретінде қарастырылады”, – дейді маман.
</blockquote>
Сондай-ақ, МРТ ұйқысыз түнді өткізген адамдарда мазасыздықты бақылауға көмектесетін медиальды префронтальды ми қыртысы ажырағанын көрсетті. Ал эмоцияларға жауап беретін ми бөлімдері гипербелсенді болды.
Осы орайда мамандар терең ұйқыны шақыратын бес кеңесті ұсынды:
<ul>
<li>салқын бөлмеде ұйықтау;</li>
<li>күнделікті бір уақытта ояну;</li>
<li>ұйқыға дейін бір сағат бұрын терезелерді перделермен жауып, барлық электронды құралдарды өшіру керек;</li>
<li>егер ұйқысыздық пайда болса, онда сізді тыныштандыратын бірдеңе істеу керек;</li>
<li>кофеин мен алкогольді сусындардан бас тарту.</li>
</ul>

Дұрыс ұйықтаудың жолдарын білесіз бе?

Халықаралық суретшілер күні
Атаулы күн әлемдік ауқымдағы қоғамдық-маңызды оқиғалар күнтізбесіне 2007 жылы енгізілді. Оған «Әлем халықтары өнері» Халықаралық қауымдастығының өкілдері бастамашыл болды.
Өзбекстанның Конституциясы күні
1992 жылғы 8 желтоқсанда өткен Өзбекстан Жоғарғы Кеңесінің 11-сессиясында қабылданды.
1991 жылы&nbsp;Минскіде Тәуелсіз Мемлекеттер Достастығын (ТМД) құру туралы шешім қабылданды. 1991 жылы 21 желтоқсан күні Алматыда ТМД-ның Басты қағидалары мен мақсаттары декларациясына Беларусь, Ресей, Украина, Әзербайжан, Армения, Қазақстан, Қырғызстан, Молдова, Тәжікстан, Түрікменстан, Өзбекстан қол қойды. 1993 жылы ТМД-ның Жарғысы қабылданды. Мемлекет басшыларының кеңесі, Үкімет басшыларының кеңесі, Сыртқы істер министрлерінің кеңесі, Мемлекетаралық экономикалық кеңес, Санкт-Петербургтағы үкіметаралық ассамблеяның орталығы секілді тағы басқа органдары құрылды. ТМД-ның тұрақты жұмыс істейтін органы – Минскідегі үйлестіру кеңесі комитеті.
1992 жылы&nbsp;Қазақстан Республикасының Инженерлік академиясы құрылды, оның президенті болып О.Жолдасбеков тағайындалды. Қазіргі күні Ұлттық инженерлік академия құрамында 20-дан астам ғылыми-өндіріс орталығы жұмыс істейді, ол бүкіл Қазақстандағы технопарктердің құрылуы мен дамуына белсенді қатысады, оның бөлімдері мен филиалдары аймақтағы өндіруші кәсіпорындармен тығыз байланыста.
2009 жылы&nbsp;Осакада (Жапония) Қазақстан Республикасы Құрметті консулдығының ашылу рәсімі болып өтті. Құрметті консул болып әлемге танымал «Тошиба» корпорациясының вице-президенті Широ Кавашита тағайындалды. Консулдықтың ашылу салтанатына Жапонияның ресми тұлғалары, ірі компаниялардың басшылары, бұқаралық ақпарат құралдарының өкілдері қатысты. Елшілік аумағында Қазақстан туралы фотокөрме ұйымдастырылды. Қазақстан Республикасының Осакадағы Құрметті консулдығының басты міндеті – екі елдің арасындағы сауда-экономикалық және мәдени-гуманитарлық ынтымақтастықты нығайту.

8 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 8 желтоқсанға арналған жұлдыз-жорамалы.
Тоқты
Бұрын сізді жарты жолда қалдырған адаммен кездесіп, онымен біраз әңгімелесесіз. Бірақ барлық шындығыңызды айтып қоймаңыз.
Торпақ
Бүгін біраз жерде болып, біршама мәселені шеше аласыз. Егер жақындарыңыз үй шаруасына көмектесер болса, шаршағаныңызды сезбей қаласыз.
Егіздер
Бүгін ірі көлемде сауда жасамаңыз. Не болмаса қарыз қайтармаңыз. Себебі өзіңіз қаржы жағынан қиналып қалуыңыз мүмкін. Сондықтан мұны кейінге қалдырыңыз.
Шаян
Бүгін өзіңіздің сүйікті ісіңізбен айналысасыз. Бұл іс кейін қосымша қаражат әкелетін табыс көзі болмақ. Сондықтан барлығын жан-жақты ойластырғаныңыз жөн.
Арыстан
Көшеде жүргенде немесе көлік жүргізгенде сақ болыңыз. Сондай-ақ спортпен шұғылдану барысында да дене жарақатын алу қауіпі бар.
Бикеш
Бүгін барынша сыпайы болыңыз. Әсіресе жаңа танысқан адамыңызбен әңгіме барысында мәдениеттілік сақтағаныңыз жөн.
Таразы
Бүгін жалқаулық танытасыз. Егер ауа райы жанға жайлы болса, табиғат аясында демалыс ұйымдастырыңыз немесе демалыс саябағына барыңыз.
Сарышаян
Үй шаруасынан демалатын кез келді. Жол дорбаңызды жинап, саяхатқа шығыңыз. Не болмаса, алыстағы туған-туысты аралап, қыдырыңыз.
Мерген
Бүгін алаңсыз демалыңыз. «Жұмысым аяқталмады» деп қиналмаңыз. Түстен кейін сізге көмек көрсететіндер табылады. Сондықтан көңіл-күйіңізді түсірмеңіз.
Тауешкі
Бүгін ішпыстырарлық жиынға немесе кездесуге барасыз. Егер мүмкіндік болса, бұл жиынға барудан бас тартыңыз. Бірақ ұйымдастырушыларды ренжітіп алмаңыз.
Суқұйғыш
Бүгін сіздің жолыңыз болады. Барлық мәселелер мен кикілжіңдер сізді айналып өтеді. Сондай-ақ бүгін ірі көлемде сауда жасап, үй ішін жаңалайсыз.
Балықтар
Бүгін көңілді, белсенді адамдармен әңгімелесіңіз. &nbsp;Егер отбасылы болсаңыз, үй ішіндегі барлық мәселені шешіп алыңыз.

<a href="https://kyzylorda-news.kz/">Kyzylorda-news.kz.</a> Тележүргізуші Елена Малышева, күні бойы отырып жұмыс істейтін офис қызметкерлері қандай ауруға ұшырайтынын өзінің «Жить здорово!» бағдараламасында айтып берді.
Малышева «айдың үздік жұмысшысы» атанған денсаулығы нашарлап жүрген 5 офис қызметкерлерін студияға шақырды. Одан бөлек бір басына барлық ауруды жиниған «болашақтың қызметкері» британдық моделді де көрсетті.
Офис қызметкерлерінің көпшілігі артық салмақ, варикоз, омыртқаның қисаюы сияқты симптомдарға шағымданады. Кейінірек бағдарламаның тағы бір жүргізушісі Герман Гандельман офисте ұзақ уақыт қозғалыссыз отырып жұмыс істеу расымен де артық салмақ қосу, көздің қызаруы немесе құрғау синдромы, варикоз бен остеопорозға алып келетінін айтты.
Дәрігерлер көбірек қимылдап, арнай пресс жаттығуларын жасауға кеңес береді. Сондай-ақ, кеңсе ауасын жиі ылғалданырып отыру қажет дейді.

Қазақстан және Қызылорда облысының жаңалықтары

Жұлдыздар не дейді?

Миллионер (әңгіме)

Мәдина Ералиева өмірінің соңғы күндерінде түс көріп, неліктен қатты қиналған?

Жеткізбейтін 7 арал

Енді автокөліктің техникалық байқауын онлайн тексеруге болады

Ішкен дәріміздің неге пайдасы жоқ?

Енді Instagram-да аккаунт ашқанда қолданушының жасы сұралады

2020 жылдың түсі аталды

Дұрыс ұйықтаудың жолдарын білесіз бе?

8 желтоқсан: Атаулы күндер мен оқиғалар

Жұлдыздар не дейді?

Офис қызметкері қандай қатерлі ауруға ұшырауы мүмкін