Құрметті қызылордалықтар!
Сіздерді Жаңа 2020 жылмен шын жүректен құттықтаймын!
Өткен жыл бізге негізгі салалардағы бірқатар жетістіктермен есте қалды: аймақ күрішшілері әр гектардан 60,3 центнерден өнім жинап, рекордты жаңартты. Осылайша, биыл қамбаға 500 мың тоннадан астам Сыр салысы құйылды. Біз әлеуметтік салаға бюджет қаражатын бөлу бойынша өңірлер арасында тағы да көшбасшылар қатарынан көріндік. Сонымен қатар, инвестиция мен құрылыс жұмыстарының көлемі, тұрғын үйлерді пайдалануға беру, ауыл шаруашылығында өнім өндіру, өңдеу өнеркәсібі бойынша&nbsp; және облыстың әлеуметтік-экономикалық дамуының қорытындыларын сипаттайтын бірқатар көрсеткіштер бойынша да жақсы нәтижеге қол жеткіздік.
Тұңғыш Президентіміз – Елбасы Нұрсұлтан Әбішұлы Назарбаевтың сарабдал саясатымен және Мемлекет басшысы Қасым-Жомарт Кемелұлы &nbsp;Тоқаевтың саяси сабақтастықты жалғастыруымен халықтың өмір сүру сапасын қамтамасыз ету мақсатында әлеуметтік нысандарды салу, сумен жабдықтау, энергиямен және газбен қамту, жол жөндеу мәселелері кезең-кезеңімен шешілуде.
Әсіресе, жастарымыздың білімге, жаңашылдыққа деген құштарлығы қуантады. Биыл екінші жыл қатарынан біздің мектеп түлектерінің 97 пайыздан астамы жоғары оқу орындары мен колледждерге оқуға түсуде.
Қымбатты жерлестер!
Аймағымыздың жетістіктері – Сыр өңірінің өсуі мен дамуына үлес қосып келе жатқан Сіздердің әрбіріңіздің еңбектеріңіздің нәтижесі.
Өткен жылды лайықты аяқтап, жеткен жетістіктеріміз үшін баршаңызға ризашылығымды білдіріп, келер жылы да зор табыс тілегім келеді.
Келе жатқан Жаңа жыл Сіздерге игілік пен ізгілік, отбасыларыңызға амандық, құтбереке әкелсін! Қамбамыз қазыналы болып, несібеміз артып, әрбір ісіміз жемісті болсын!
Қасиетті Сыр өңірінің құты мен ырзығы артсын!
Жаңа жылдарыңыз құтты болсын, ардақты жерлестер!
Құрметпен,
облыс әкімі
Қ.ЫСҚАҚОВ

Қызылорда облысы әкімінің құттықтауы

<a href="https://kyzylorda-news.kz/">Kyzylorda-news.kz.</a> 2019 жыл шалбарлы костюмдерімен, біртұтас (total look) реңдегі киім үлгілерімен, миди ұзындықтағы белдемшелерімен және басқа да трендтермен есте қалды. Ал 2020 жылы қандай киімдер сәнде болады?
1. Клеш джинс шалбар. Келер жылы клеш джинс шалбар алдыңғы қатарда болады. Оның классикалық көк түсті және макси ұзындықтағы түріне мән беріңіз.
2. Total look. Осы мерзімдегі секілді келер жылы да total look&nbsp; сәнде болады. Бастан аяққа дейін бір түсті киім кию ең сәнді үйлесім болып қала береді.
3. 70-жылдар стиліндегі жаға. 2020 жылы жағасы өте ұзын әрі үшкір жейде сәнде болады. Мұндай жейдені жилеттің немесе жемпірдің ішінен киіп, жағасын сыртқа шығарып қоясыз.
4. Ұзын етік. Қонышы ұзын етік – сәннен шыға қоймайтын әрі жылы аяқ киімнің бірі. Егер күзде ұзын етік алмаған болсаңыз, оны қысқы жеңілдікпен алған артық етпейді. Себебі ол келер жылы да сәнде болады.
5. Кең көйлек. Денеге жабыспайтын, ашық түсті oversize көйлектерге мән беріңіз. Оның матасы жеңіл және жұқа түрін алып, алдағы көктемде өзін, ал қазір жемпірдің ішінен кисеңіз болады.
6. Былғары. Соңғы бірнеше мерзім қатарынан былғары сәнді трендтер қатарында келеді. Дизайнерлер келер жылдың көктемінде де былғары сәнде болатынын, тіпті, былғары киімді бастан аяққа дейін киюді де ұсынып отыр. Сондықтан былғары шалбар (немесе белдемше) мен былғары жейдені батыл үйлестіре беріңіз.
7. Бермуд қысқа балақты шалбары. Тізеге дейінгі ұзындықтағы кең балақты шорты кеңсе үлгісіне де, күнделікті киім үлгісіне де келе береді. Оның былғары немесе деним түрін алсаңыз болады.
<a href="https://massaget.kz/kyizdarga/sn/60221">Massaget.kz</a>

2020 жылдың 7 басты сәнді тренді

Жаңа жылдың бірінші күні
Қазақстан Республикасында қаңтардың 1-2-сі күндері Жаңа жыл мерекесі атап өтіледі.
Бейбітшілік күні
Рим Папасы Павел VI жариялаған. 1968 жылдан бастап, Рим-католик шіркеулерінде атап өтіледі.
Қытай Республикасы құрылған күн
1912 жылы Синьхай төңкерісі кезінде Нанкин қаласында Сунь Ятсен Қытай Республикасы құрылғанын жариялады..
1897 жылы Жетісу облысы бойынша статистикалық деректер жинау үшін Жетісу облыстық статистика комитеті құрылды. Ұйымның алғашқы атқарған іс-шараларының бірі – Верныйдың, Үлкен және Кіші Алматы стансалары тұрғындарының бір күндік санағын жүргізу болды.
1904 жылы Орынбор – Ташкент теміржолымен пойыздар қатынай бастады. 1906 жылғы 1 сәуірде теміржол толығымен пайдалануға берілді. Теміржолдың Қазақстаннан өтетін бөлігі қазір 1600 километрге созылып жатыр.
1931 жылы ұзындығы 1444 шақырымға созылған Түркістан-Сібір темір жол магистралі тұрақты пайдалануға берілді. Түрксіб Орта Азия мен Сібір аудандарын жалғастырып, экономиканың өрлеуіне өз үлесін қосты. Сонымен қатар темір жол бойларында жаңа жұмыс орындары ашылды.
1966 жылы «Шалқар» радиосы тыңдармандарымен қауышты. «Шалқар» – тек қана мемлекеттік тілде хабар тарататын Қазақ радиосының бөлімшесі.
1980 жылы Алматы сәулет-құрылыс институты (қазіргі Қазақ мемлекеттік сәулет-құрылыс академиясы) құрылды. Институт Қазақтың политехникалық институтының сәулет және инженерлік-құрылыс факультеттерінің және Бүкілодақтық сырттай инженерлік-құрылыс институтының Алматы филиалының негізінде құрылды. 1992 жылдан қазіргі атымен аталады. Отыз жылдан бері институтта 10 мыңнан аса жоғары дәрежелі мамандар дайындалды. Бүгінде академияда 14 мамандык бойынша 4 мыңнан аса студенттер оқиды. 40 кафедрада 500-ге жуық оқытушылар бар.
1980 жылы көркемөнер жайындағы әдебиеттер шығаратын «Өнер» баспасы ашылды.
1992 жылы Елбасы Н.Назарбаевтың Жарлығымен Қазақстан менеджмент, экономика және болжау институты құрылды. Институттың алғашқы сабағы 1992 жылғы тамыз айында басталды. Аталмыш білім ордасы «Платиналы Тарлан» сыйлығының лауреаты, Қазақстандағы және Орта Азиядағы халықаралық стандартқа сай орта және жоғары білім беру базасында мамандар даярлайтын жоғары білім беру көшбасшысы болып табылады.
1995 жылы Қазақстанда жаңа төлқұжат пен жеке куәлік енгізілді.
1998 жылы Қазақстанда зейнетақы реформасы жүзеге аса бастады.

1 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 1 қаңтарға арналған жұлдыз-жорамалы.
Тоқты
Бүгін тек махаббат жайында ойланасыз. Тек өзіңіздің сүйікті адамыңызды ғана ойланыңыз. Басқа ұсақ-түйек ойлармен басыңызды «ауыртпаңыз». Барлық мәселені ұмытып, тек көңіл көтеріңіз.
Торпақ
Бүгін алдағы сәттерді еш болжай алмайсыз. Не күтіп тұрғанын да біле алмай қиналасыз. Барлық мәселенің шешілуі өзгелердің қолында. Ешкім сіздің халіңізді сұрамайды. Бұл сіздің көңіл-күйіңізді түсіреді.
Егіздер
Өзіңіздің таң қалғаныңызды жасыра аласыз. Эмоцияға көп берілмейсіз. Мүмкін сіздің бұл жаңалықтан аздап хабарыңыз бар болар. Не дегенмен бар жақсылыққа лайық жансыз.
Шаян
Ешқашан қолыңызға музыкалық аппарат ұстап көрмесеңіз де, бүгін әуенді бар жан-тәніңізбен беріле ойнайсыз. Гитарада немесе пианинода ойнаңыз. Мүмін сіздің талантыңыз тұншығып жатқан болар.
Арыстан
Сабырлы болыңыз. Ойларыңыздың барлығы кейін жүзеге асатын болады. Ол үшін аса ашуға берілудің қажеті жоқ. Түстен кейінгі уақытыңыз жемісті болмақ. Бұл уақытта қызықты кездесулер орын алады.
Бикеш
Басыңызға түрлі ойлар келеді. Мүмкін емес жағдайларды да ойлап, басыыз қатады. Жоспарларыңызды тым күрделендіріп жібермеңіз. Мақсатыңызға жету үшін істің кішісінен бастаңыз.
Таразы
Бүгін сізге көмектесетін жандар табылады. Олардың көмегін ұмытпағаныңыз жөн. Себебі уақыты келгенде сіздің де оларға көмегіңіз қажет болады. Сонымен бүгінге барлық мәселеңіз оң шешімін табады. &nbsp;
Сарышаян
Мақсатыңызға жеті үшін барлық іске барасыз. Алайда басты құндылығыңызды естен шығармағаныңыз жөн. Бос уақытыңызда да жұмыс жасауды дұрыс деп ойласаңыз қатты қателесесіз. &nbsp;
Мерген
Бүгін жол сапарға шығасыз. Бұл сапар саяхат болуы да мүмкін. Жолда ешқандай қиындыққа тап болмайсыз. Барлығы сіз ойлағандай, еш кедергісіз өтеді. Уақытыңызды жақсы өткізіп, көңіл күйіңіз көтерілетін болады. &nbsp;
Тауешкі
Бизнес-жоспар жасауды қолға алған болсаңыз, оны кейінге қалдырғаныңыз жөн. Ішкі түйсіктің дегенімен жүріңіз. Сонда ғана қателікке бой алдырмайсыз. Үй шаруасын ойлап бас қатырмаңыз. &nbsp;
Суқұйғыш
Бүгінге жоспарыңыз көп болса да, ештеңені ойламай демалғаныңыз жөн. Себебі бүгін өте әлсізсіз, оған қоса мақсатқа ұмтылуға деген жігеріңіз де аз. Сондықтан денсаулығыңызға мән беріп, демалыңыз.
Балықтар
Мәселесін айта келген адамға барынша көмек көрсетуге тырысасыз. Бұл мәселеден қалай шығу керек екенін білесіз, алайда олар өз мәселесін өзідері шешіп үйренсін.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Келер жыл несімен ерекшеленбек?&nbsp; Жалпы тышқан жылы туған адамдар ашық мінезді және үнемі көтеріңкі көңіл күйде жүреді екен. Ал астрологтар жаңа – 2020 жылды тума-туыс пен жора-жолдас арасында қарсы алуы керек дейді.
Келер 2020 жыл – толық тазару, тазалық жұмыстарын жүргізу жылы болып саналады. Пайдасыз, көне, артық заттардан құтылатын кезең. Ал қарым-қатынаста гармония жоғалуы мүмкін. Бұрын некелескен жұптар үшін алдағы жыл белгілі бір сынақ іспетті болмақ. Астролог Гүлмира Махметованың пікірі осындай.
<blockquote>
 «Бірі ауыртпалығы көп жұмысынан құтылуы мүмкін. Енді бірі келешегі жоқ қарым-қатынасты тоқтатуы ықтимал. 2020 жыл Марс пен Венера ғаламшарларының ықпалында болады. Осыған байланысты көпшілік үшін белгілі бір маңызды жоспарын кейінге шегере тұрғаны дұрыс», – дейді астролог Гүлмира Махметова.&nbsp;
</blockquote>
Мамыр мен маусым айлары аралығында Венера ғаламшары кертартпалық тез сипатқа ие болады. Сондықтан астролог маман аталған көктем соңы мен жаз мезгілі басында косметикалық процедура жасамау, некелеспеу, ірі көлемде қаржылық инвестиция жасамау және жылжымайтын мүлік сатып алмау туралы кеңес берді.&nbsp;&nbsp;&nbsp;&nbsp;&nbsp;&nbsp;
<blockquote>
 «Қыркүйек пен қараша айлары аралығында Марс ғаламшарының кертартпалық әсері байқалады. Бұл кезеңде адамдарға аса қатты белсенділік танытпауға шақырамын. Хирургиялық операция жасамауға, бизнес ашпауға кеңес беремін. Өйткені бастаған істі соңына дейін жеткізу көбі үшін оңайға соқпайды. Бойындағы энергиясы сарқылып қалуы мүмкін», – дейді астролог Гүлмира Махметова. &nbsp;
</blockquote>
20 жылда бір мәрте Сатурн мен Юпитер кездесіп, Тауешкі белгісінде тоғысады. Аталған екі ғаламшардың энергиясы бір-біріне қарама қайшы келеді. Сатурнды самайына ақ түскен қатал ұстаз кейпінде қарастырсақ, Юпитер бақыт, табыс және сый-сияпат ғаламшары болып саналады. Сый-сияпат демекші, келер жылы сыйлықтар мен сыйақы орнымен және тек лайықтыларға беріледі. Ал елорда тұрғыны Билкис Бахари Қазақстанның басты құндылығы, ту еткен бейбітшілігі жалғаса берсе екен дейді.
<blockquote>
 «Мен Қазақстан халқын өткен және келе жатқан мерекесімен құттықтап, тек жақсылық тілегім келеді. Мұндағы саясат бейбітшілік пен бітімгерлік тұғырынан түспесін. Жаңа 2020 жыл бәрімізге құт әкелсін», – дейді елорда тұрғыны Билкис Бахари.&nbsp;&nbsp;
 «Қазақстанда адамдар арасындағы ынтымақтастық пен өзара түсіністік жоғарғы деңгейде. Себебі әр түрлі ұлт пен ұлыс арасындағы келісім, үлкенге құрмет, кішіге ізет ұғымдары берік орнаған. Лайым алдағы уақытта да елде тек жақсылық бола берсін», – елорда тұрғыны Майсалбек Курбаналиев.
</blockquote>
2020 жылы бала туу көрсеткіші өседі. Өйткені тышқан мен егеуқұйрық кішкентай болғанымен, тез көбейгіш әрі өміршең кеміргіштер түріне жатады. Ақ, сұры,&nbsp;күміс және жылтыр түстес киім-кешек киген сәттілік әкеледі. &nbsp;
Ал нумерологтардың айтуынша, келер жылдың басты саны 4. Бірақ Күн мен Ай әдеттегідей 4 рет емес, 6 рет тұтылады.
<a href="https://24.kz/kz/zha-aly-tar/bylu-manyzdy/item/364756-keler-zhyl-nesimen-erekshelenbek-astrologty-zhauaby">«Хабар 24»</a>

Астролог: Келер жыл несімен ерекшеленбек?

<a href="https://kyzylorda-news.kz/">Kyzylorda-news.kz.</a> 2020 жылы демалыс күндерін ауыстыру кестесі үкімет қаулысымен бекітілді. Құжат күшіне енді, жаңа жылдан бастап бірнеше күндік демалыс күндері ауысады деп хабардайды&nbsp;&nbsp;премьер-министрдің&nbsp;ресми сайтында.
Қаулы мәтінінде:
<blockquote>
 “Демалыс күндері 2020 жылдың 5 қаңтарынан 2020 жылдың 3 қаңтарына, 2020 жылдың 11 мамырынан 2020 жылдың 8 мамырына, 2020 жылдың 20 желтоқсанынан 2020 жылдың 18 желтоқсанына ауыстырылсын”, – делінген.
</blockquote>
Осылайша, жаңа жылдық демалыс күндері 1, 2, 3 қаңтарға дейін жалғасады.
Қаңтардың төртісі сенбіге келегендіктен алты күн жұмыс істейтін ел тұрғындары сол күні жұмысқа шықса, ал жұмыс аптасы бес күндік тұрғындар үшін бұл демалыс күні болып қала береді.
Алайда жексенбі, бесінші қаңтар барлық қазақстандықтар үшін ресми жұмыс күні болып есептеледі. Сонымен бірге 7 қаңтар күні атап өтілетін православтық Рождество биылғы жылы сейсенбіге сәйкес келіп отыр. Рождество мерекесі белгіленген күн ауыспайды.
Көктемгі мамыр мейрамдарындағы демалыс күндері 1, 2, 3 мамыр және 7 мен 10 мамыр аралығына келіп тұр.
9 мамыр, Жеңіс күні – бұл Қазақстандағы мемлекеттік мереке.
2020 жылы ол сенбіге яғни демалыс күнімен тұспа-тұс келеді. Заңға сәйкес, егер мереке демалыс күнімен сәйкес келсе, демалыстан кейінгі бірінші жұмыс күні демалыс күні болып саналады, яғни заңға сәйкес ел тұрғындары 10 мамыр дүйсенбі демалады.
Сонымен қатар, 7 мамырда елімізде тағы бір мереке – Отан қорғаушылар күні аталып өтіледі.
Екі мереке арасындағы күн, яғни, 8 мамыр жұмыс күні болуы керек, алайда үкімет демалыс күндерін кейінге қалдыру құқығын пайдаланды, сондықтан Қазақстан үшін мамыр айы демалыстарға толы болмақ.
Алдағы жылдың желтоқсан айында Тұңғыш президент күнінен басқа, демалыс күндерінің ауысуына байланысты 16, 17, 18, 19 желтоқсан демалыс күндері болмақ.

2020 жылы Қазақстанда демалыс күндері қалай өзгереді

<a href="https://kyzylorda-news.kz/">Kyzylorda-news.kz.</a> Жаңа жыл көпшілік тағатсыздана күтетін сиқырлы мереке. Оны діні мен ұлты әртүрлі әлемнің барша халқы атап өтеді. Десе де кейбір елдер үшін 31 желтоқсаннан 1 қаңтарға қараған түн Жаңа жыл болып есептелмейді. Олардың өз Жаңа жылы бар деп хабарлайды&nbsp;<a href="https://massaget.kz/layfstayl/alemtanu/60261/">Массагет</a>&nbsp;сайты.
Израиль
Израильдықтар 31 желтоқсан мен 1 қаңтарды мерекелік күндерге айналдыру үшін, тіпті, арнайы флешмоб ұйымдастырады. Десе де, күнтізбелік жылдың басталуын мерекеге балайтын 2 миллион жергілікті тұрғын жаңажылдық түннен кейін жұмысқа шығуға мәжбүр. Израильде аталған мерекені негізінен ТМД елдерінен келгендер тойлайды.
Сауд Арабиясы
Бұл мемлекет Жаңа жылды мүлде тойламайды. Күндердің өзгеруін атап өту исламға жат нәрсе боп саналады. Бұл елде мемлекет көлемінде аталып өтетін тәуелсіздік күні, Рамазан айы және Құрбан айт мейрамы секілді үш мереке бар. Әйтсе де, мұсылмандар Жаңа жылды тойлау үшін басқа дін ұстанатын достары кешкі асқа шақыратын болса, тартынбай барады.
Иран
1 қаңтар – Иранда қарапайым күндердің бірі. Халық парсы күнтізбесі бойынша өмір сүреді. Иранда Жаңа жыл күн мен түн теңесетін 21 наурыз күні тойланады. Мереке – Наурыз, яғни “жаңа күн” деп аталады. Наурыз тек Иранда ғана емес, көптеген елдерде аталып өтеді.
Үндістан
Үндістанда мерекелердің саны өте көп. 365 күн ішінде ең көп демалатын да үнді халқы. Егер бұл елдегі мейрамдардың барлығын жалпыхалықтық етіп тойлайтын болса, халықтың жұмыс істеуге уақыты қалмайды екен. Сондықтан, олардың кейбіреулерін халық “таңдау мерекесі” деп атайды. Таңдау мерекесінде барлық кеңселер мен мемлекеттік мекемелер жұмыс істейді, бірақ қызметкерлер өздеріне демалыс жариялауына болады.
Мысалы, сондай мерекенің бірі – Жаңа жыл. Бұл елде 1 қаңтар үнділер үшін халықтық мереке емес. Үндістанның әр аймағының өз Жаңа жылы бар. Олар тек, 22 наурызды жалпыұлттық Жаңа жыл санайды.&nbsp;
Оңтүстік Корея
Корей халқы Жаңа жылды әдеттегі Григориан күнтізбесі бойынша және Ай бойынша жылына екі рет атап өтеді. 1 қаңтар – Оңтүстік Кореяда демалыс күні. Мұнда безендірілген шыршалар мен Аяз ата жиі кездеседі. Кореяда жылдың басы мереке ретінде емес, отбасы және достармен бірге өткізетін көптен күткен демалыс ретінде қабылданады. Кәрістер Жаңа жылды ауқымды етіп Ай бойынша атап өтеді. Мұндай Жаңа жылды “Соллал” деп атайды.
Қытай
Әдетте, ҚХР григориан күнтізбесі бойынша Жаңа жылды 31 желтоқсан күні қарсы алады. Алайда, қытайлықтар үшін өз күнтізбесі маңыздырақ. Қытай Жаңа жылы “Көктем мерекесі” деп аталады. Бұл атау Еуропа халқының Жаңа жыл мерекесінен ажырату үшін берілген. Тұрмыста бұл мерекені “Нянь” деп атайды.
Вьетнам
Вьетнамдық Жаңа жыл “Тет” деген атаумен белгілі. Бұл елдің ең маңызды және танымал мерекесі. Ол қаңтардың аяғында және ақпанның басындағы күндердің бірінде тойланады. Көбінесе бұл қытайлардың мерекесімен ұқсас келеді. “Тет” отбасылық мереке болып саналады және ол басталған күні вьетнамдықтар сапардан оралып, туыстарымен уақыт өткізуге, қайтыс болған адамды еске алып, бір-біріне сыйлықтар беруге тырысады.
Бангладеш
Бұл мемлекетте 1 қаңтар ресми мереке және демалыс күні болып есептеледі. Бірақ Жаңа жыл емес. Олар Жаңа жылды 14 сәуірде бошак айының бірінші күні атап өтеді. Адамдар ерте тұрып, ең жақсы киімдерін киіп, серуенге шығады. Бұл мереке күні мемлекет ішімдікке қатаң тыйым салады.&nbsp;Мереке күні адамдар бір-бірімен жақсы қарым-қатынас жасайды, ән айтады, сурет салады, билейді, суретке түседі және мерекелік жағдайда жақсы етіп өткізуге тырысады.

1 қаңтарда Жаңа жылды қай елдер тойламайды?

<a href="https://kyzylorda-news.kz/">Kyzylorda-news.kz.</a> Кеше Арал аудандық мәдениет үйінде «Жаңа толқын» тақырыбында аудандық жастар форумы өтті.
Форумға аудан әкімінің орынбасары Бектемір Жұмағұлов қатысып, жаңа жыл мерекесімен құттықтады.
<blockquote>
 «Алдымен баршаңызды Жаңа жыл мерекесімен шын жүректен құттықтаймын! Заманауи әлемде елдің қуаты да, жарқын болашағының кепілі – білімді де алғыр жастарымыз екені анық. Сондықтан, әрбір жас ел дамуындағы жаңашыл істе бастамашыл болуы қажет. Жастарымыздың сапалы білім алып, өз ісінің маманы болуы – тұтас елдің мерейі. Сіздерді еліміздің өркендеуі мен жарқын болашағы жолында жастық жалынмен аянбай еңбек етіп, ел үмітін ақтайды деп сенеміз»-деп ақжарма тілегін жеткізді.
</blockquote>
Одан соң аудандық Жастар ресурстық орталығының директоры Әлібек Ізбасаров сөз алып, Жастар жылындағы аудан жетістіктеріне тоқталған соң, Еріктілер жылында да жастарды бірлесе жұмыс жасауға шақырды.
Салтанатты жиында әр салада еңбек етіп, зор жетістіктерге жеткен, жыл қорытындысы бойынша үздік деп танылған жастар түрлі номинациялар бойынша аудан әкімінің «Жас толқын» сыйлығымен және ауданымызда мемлекеттік жастар саясатын жүзеге асыруға үлес қосып жүрген белсенді жастар Облыстық жастар саясаты мәселелері басқармасы басшысының және Облыстық жастар ресурстық орталығы директорының алғыс хаттарымен марапатталды.
Сонымен қатар Қызылорда облыстық жастар мәселелері басқармасының ұйымдастыруымен өткен «Kyzylorda Business Hab» облыстық стартап жобалар байқауының жеңімпазы Дәулет Қазбеков, облыстық «Jas Otan» жастар қанатының қорытынды кешінде «Үздік аудандық бөлімшесі» номинациясын иеленген аудандық бөлімшеге және облыстық «Жас ұлан» ұйымының жастар жыл аясында «Арманың барда, адымда алға!» жобасында қолтаңбасын қалдырған аудандық «Жас ұлан» ұйымына марапаттары табысталды.

Аралда «Жас толқын» жастар сыйлығы табысталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Мемлекет басшысының тапсырмасы бойынша ішкі істер министрлігі мүдделі мемлекеттік органдармен бірге елге келетін шетелдіктерді тіркеу тәртібін әзірледі, деп жазады <a href="https://sputniknews.kz/society/20191231/12440642/sheteldikter-30-kun.html">Sputnik Қазақстан</a>.&nbsp;
Президент Қасым-Жомарт Тоқаев “Қылмыстық, қылмыстық-процесуалдық заңнамаларды жетілдіру және жеке тұлғалардың құқығын қорғауды күшейту мәселелері бойынша кейбір заң актілеріне өзгерістер мен толықтырулар енгізу туралы” заңға қол қойды. Ол БАҚ-та жарияланғаннан кейін 10 күнде күшіне енеді.
Министрліктің баспасөз қызметінің хабарлауынша, шетелдік қонақтың келгені жөнінде қабылдаушы тарап көші-қон қызметін елге келген күннен бастап 3 жұмыс күні ішінде хабардар етуі тиіс.
Шетелдіктің Қазақстанға келгенін хабарлау рәсімі бүгінгі күні барынша жеңілдетілді және көші-қон қызметінің бөлімдеріне баруды талап етпейді.
Визалық-көші-қон порталында (www.vmp.gov.kz) мыналар жасалуы қажет:
<ul>
<li>Шетелдік туралы және қажет болған жағдайда оның балалары туралы мәліметтерді толтыру;</li>
<li>Толтырылған өтінімге ЭЦҚ көмегімен қол қою;</li>
<li>15 минуттан кейін жеке кабинетте сақталатын дайын құжатты алу.</li>
</ul>
Бұл қызмет тегін көрсетіледі және мұны ішкі істер министлігі 2014 жылдан бастап ұсынып келеді. Биылғы жылы оны 250 қонақ үй пайдаланды, олар 110 000 шетелдіктің болғаны туралы мәлімет берді.
Шетелдік азамат Қазақстан аумағында 30 тәуліктен артық болған кезде қабылдаушы тарап (қонақ үйлер, хостелдер, жалға берілетін пәтерлер, емдеу-алдын алу мекемелері және басқа да заңды және жеке тұлғалар) мейманға уақытша болуға рұқсат ресімдеуге міндетті.

Шетелдіктер енді Қазақстанда тіркеусіз 30 күн жүре алады

<a href="https://kyzylorda-news.kz/">Kyzylorda-news.kz.</a> Қаңтар айында ауа райы қандай болатыны белгілі болды, деп хабарлайды&nbsp;<a href="https://sputniknews.kz/regions/20191231/12442234/aua-rayy-boljamy.html">Sputnik Қазақстан</a>.
Болжамға сәйкес, қаңтар айының бірінші онкүндігінде республика аумағының басым бөлігінде ауа райы жауын-шашынды, тұман және көктайғақ, солтүстік бөлігінде бұрқасын, екпінді жел болады.
Бірінші онкүндіктің ортасында күн суытады, батыста ауа температурасы түнде 5…15, солтүстікте 10…25 градус аязға дейін төмендейді, оңтүстікте онкүндіктің соңында 3…11 градус аяз болады.
Екінші және үшінші онкүндікте те суық күндер болады деп болжанып отыр, ауа температурасының едәуір төмендеуі айдың үшінші онкүндігінде күтіледі. Солтүстікте түнде 20…25, кей жерлерде 30, күндіз 15…20, кей жерлерде 10 градус аяз, оңтүстікте түнде 17…22, кей жерлерде 12, күндіз 10…15, кей жерлерде 5 градус аяз болады.
Жалпы, қаңтар айының орташа ауа температурасы нормадан 1°С жоғары, тек республиканың батыс, солтүстік және шығыс өңірлерінің кей жерлерінде қалыпты шамада болжанған.
Жауын-шашын мөлшері еліміздің солтүстік-шығыс бөлігінде нормадан аз, оңтүстік және оңтүстік-шығыс, шығыс өңірлерінің таулы жерлерінде нормадан көп, ал қалған аймақтарда климаттық норма шамасында болады.

Синоптиктер қаңтар айында ауа райы қандай болатынын айтты

Қызылордалық экстрасенс: Тышқан жылы көптеген жұлдызнама белгілеріне қиындық әкеледі (ЭКСКЛЮЗИВ/АУДИО)

<a href="https://kyzylorda-news.kz/">Kyzylorda-news.kz.</a> Бүгін «Батыс Еуропа – Батыс Қытай» республикалық маңызы бар автожолда жол-көлік оқиғасы орын алды.
Полиция департаменті баспасөз қызметінің дерегінше 31 желтоқсан сағат 09:00 &nbsp;шамасында «Батыс Еуропа – Батыс Қытай» автожолының бойында Қармақшы ауданы Ақтөбе ауылының тұсында екі жүк автокөлігі соқтығысқан. Нәтижесінде 1 адам қайтыс болып, 2 адам &nbsp;жарақаттанды. Оқиға орнында полиция қызметкерлері, төтенше жағдай және медицина қызметкерлері жұмыс жасап жатыр.
Қазақстан Республикасы Қылмыстық Кодексінің 345-бабының 3-бөлігі бойынша сотқа дейінгі тергеу басталды (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы). &nbsp;Тиісті сараптамалар тағайындалды.
Өз кезегінде, жолдардағы төтенше жағдайларды болдырмау үшін Қызылорда облысының Полиция департаменті жылдамдық режимі мен ара қашықтықты сақтау қажеттігін ескертеді. &nbsp; Жол қозғалысы ережелерін бұзу, әсіресе қолайсыз ауа райы мен көктайғақ кезінде елеулі жол-көлік оқиғаларының себебі болуы мүмкін.
<img src="https://kyzylorda-news.kz/wp-content/uploads/2019/12/qarmaqshydagy-zhol-apaty-2-1.jpg" alt="" />
<img src="https://kyzylorda-news.kz/wp-content/uploads/2019/12/qarmaqshydagy-zhol-apaty-3-1.jpg" alt="" />

Қазақстан және Қызылорда облысының жаңалықтары