Қазақстандық астрологтан болжам: 2020 жылы кімдердің жолы болады?

&nbsp;Тағы бір жыл тарих қойнауына еніп барады. Осы ретте 2019 жылы қазақ спорты несімен есте қалды деген сауалға жауап іздеп көрсек.
20 жыл күткен алтын тағы да бұйырмады
Биыл еліміз күрес түрлерінен алғаш рет әлем чемпионатын қабылдады. 14-22 қыркүйек аралығында Нұр-Сұлтан қаласында өткен біріншілікке дүние жүзінің 100 елінен 1002 балуан келді. Жалпы 30 медаль жиынтығы сарапқа салынды.
“Барыс-Арена” бозкілемінде Олимпиада мен әлем чемпионатында бірнеше рет жеңіске жеткен еркін күрестің шеберлері америкалық Кайл Снайдер мен ресейлік Абдулрашид Садулаев, грек-рим күресінен екі дүркін Олимпиада чемпионы ресейлік Роман Власов секілді мықтылардың өнерін тамашаладық.
Өкініштісі, қазақ балуандары тағы да әлем чемпионатынан алтсынсыз қалды. Грек-рим күресінен Қазақстан балуаны соңғы рет 1999 жылы топ жарған. Одан бері 20 жыл өтті. 55 келі салмақтағы Қорлан Жақаншаның мүмкіндігі болып еді, бірақ ол финалда грузиннің Нугзари Цурцумия есімді жас баласынан жеңіліп қалды.
Ал еркін күрестен 65 жылдан бері чемпион шықпаған. Елімізге еркін күрес 1954 жылы келген екен. Содан бері бірде-бір балуанымыз тұғырдың ең жоғары сатысына көтеріле алмады. Бұл жолы үш қазақ финалға дейін жеткенімен, күмісті қанағат тұтты.
Нұр-Сұлтанда өткен әлем чемпионатында Дәулет Ниязбеков (еркін күрес, 65 келі), Нұрқожа Қайпанов (еркін күрес, 70 келі), Қорлан Жақанша (грек-рим күресі, 55 келі) күміс медальға қол жеткізсе, Нұрислам Санаев (еркін күрес, 57 келі), Мейрамбек Айнақұлов (грек-рим күресі, 60 келі), Алмат Кебіспаев (грек-рим күресі, 63 келі), Валентина Исламова (әйелдер күресі, 50 келі) қола жүлдеге қол жеткізді.
Элизабет қуантты
Жақында Қазақстанның ұлттық комитеті “Қысқы спорт түрлеріндегі үздік спортшы” аталымында мәнерлеп сырғанаудан Қазақстан жұлдызы Элизабет Тұрсынбаеваны марапаттады. Шынымен де, Элизабет биыл ерледі.
Осы мәнерлеп сырғанау спортында марқұм Денис Теннен кейін әлемдік деңгейде енді кім шығады-ау деп жүргенде Элизабет наурыз айында қуантып тастады. Қазақтың қаршадай қызы Сайтамада (Жапония) өткен әлем чемпионатында әйелдер арасындағы жарыста күміс медаль алды. Отандасымыз тек Олимпиада чемпионы ресейлік Алина Загитоваға есе жіберді.
Тұрсынбаева әлем чемпионатында тек күміс медаль алып қойған жоқ, ол негізгі бағдарламада 4 айналым сальхов (4S) элементімен секірді. Ол төрт айналым элемент секірген алғашқы мәнерлеп сырғанаушы қыз ретінде тарихқа есімін жазып қалдырды.
Батыр Бекзат
Қыркүйек айында Ресейдің Екатеринбург қаласында бокстан әлем чемпионаты өтті. Осы жарыста 81 келіде қарсылас шыдатқан жоқ. Жартылай финалда төрт дүркін әлем чемпионы, Рио Олимпиадасының жеңімпазы Ла Крузды жеңгенде көзіне жас алмаған қазақ болмаған шығар.
Бекзат Нұрдәулетов көпшілігімізге 2000 жылы құйрықты жұлдыздай ағып өткен Бекзат Саттархановтың есімін өшірмейтіндей көрінді. Сиднейде топ жарған ағасының спорттағы жетістігін Бекзат енді Токио төрінде қайталайды деп үміттенеміз.
Чемпионаттан кейін Маңғыстау облысының әкімі боксшыға Ақтау қаласынан екі бөлмелі үйді сыйға тартты. Ал Тәуелсіздік мерекесі қарсаңында&nbsp;президент Қасым-Жомарт Тоқаев “Құрмет” орденін табыстады.
Иесін тапқан алтын мен күміс медаль
Ұлттық Олимпиада комитетінің жылдың үздіктерін анықтауға арналған “Алтын Самғау-2019” жүлдесін табыстауға арналған салтанатты іс-шарада екі спортшымыз Олимпиада ойындарындағы жүлделеріне ие болды.
Нақтырақ айтсақ, допинг дауынан кейін 2008 жылғы Олимпиада ойындарының нәтижелері қайта қаралып, ауыр атлетика мен жеңіл атлетикадағы Қазақстанның көрсеткіштері өзгерген еді.
Алла Важенина 75 келіде 2008 жылғы Олимпиада ойындарының алтын жүлдегері атанды.&nbsp;
Ал Ольга Рыпакова өз туған күнінде үш қарғып секіруден Бейжің Олимпиадасының күміс жүлдесін ресми түрде иеленді.&nbsp;
Осылайша, Рыпакова Олимпиада ойындарындағы жүлделер жиынтығын толық еншіледі. Ол 2008 жылғы Бейжің Олимпиадасының күміс, 2012 жылғы Лондон Олимпиадасының алтын және 2016 жылғы Рио Олимпиадасының қола жүлдегері атанып отыр.
Хоккейден элиталық раундқа жолдама алды
Биыл елімізде алғаш рет шайбалы хоккейден әлем чемпионатының (1 дивизион, А тобы) ойындары өтті. 6 елдің ұлттық құрамалары элитаға берілетін қос жолдаманы сарапқа салды. Бұл екі жолдамаға Қазақстан мен Беларусь құрамалары ие болды.
Айтпақшы, Қазақстан осы іріктеуде өз тариxында алғаш рет Беларусь xоккейшілерін жеңді. Қазақстан өз тариxында тоғызыншы рет элиталық раундта өнер көрсететін болады.
“Манчестер Юнайтедті” жеңген күн
Елордаға Еуропа лигасының топтық кезеңі аясында атақты “Манчестер Юнайтед” клубы келді. “Астананың” өз алаңындағы Чемпиондар лигасының үш дүркін, Англияның бірнеше дүркін чемпионымен өтетін ойынды күткендер көп. Бірақ ағылшындар негізгі құрамдағы жұлдыздарын емес, жастарын әкелді. Бірінші таймда жеңіліп жатып, екінші кезеңде екі гол соғып , “Астана” жеңісті жұлып алды. Тарихта нәтиже қалады деген сөз бар. “Астананың” бұл жеңісін жоғары бағалауға болады.
Көптен күткен заң қабылданды
Биыл ҚР Мәдениет және спорт министрлігі допинг туралы жаңа заң жобасын әзірледі. Мәжіліс пен Сенатта талқыланып, кейіннен&nbsp;қолдау тапқан заң жобасына президент қол қойды.
Заң жобасы допингке қарсы ережелерді бұзғаны үшін жауапкершілікті қатаңдатуға, Допингке қарсы ұлттық ұйымның мәртебесін күшейтуге бағытталған.
Қолданыстағы заңнамаға допингке қарсы ережелерді бұзғаны үшін жауапкершілікті қатаңдату бойынша өзгерістер мен толықтырулар енгізу, атап айтқанда спортшыға допинг тағайындаған адамдарға қатысты әкімшілік жауапкершілікті енгізу қажеттілігі туындады, ол 200 айлық есептік көрсеткіш мөлшерінде айыппұл түрінде жазаны көздейді.
– дисквалификация;
– спортшының спорттық нәтижесін жою және біліктілік ұпайларын немесе балдарын алып тастау;
– ақшалай көтермелеуді қайтару;
– спортшылар мен жаттықтырушыларға өмір бойы ай сайынғы материалдық қамсыздандыруды төлеуді тоқтату;
– спортшыларға, жаттықтырушыларға және клуб командаларының басшыларына ай сайынғы ақшалай қамтуды тоқтату;
– спорттық атағынан айыру;
– Олимпиада, Паралимпиада және Сурдлимпиада ойындарының чемпионы және жүлдегері тұрғын үйді пайдалану шартын бұзу;
– спорт түрлері бойынша Қазақстан Республикасының құрама және штаттық құрама командаларының құрамынан спортшыларды, жаттықтырушыларды шығару.
Сондай-ақ, Заң жобасында Олимпиада, Паралимпиада және Сурдлимпиада ойындарының чемпиондары мен жүлдегерлеріне 10 жыл мерзімге жалға беру үшін тұрғын үй беру, сондай-ақ допинг-тестілерді сақтау мерзімі 10 жыл болуына байланысты осы мерзімге аталған тұрғын үйді иеліктен шығаруға тыйым салу көзделген және егер осы кезеңде сынамаларда допинг анықталмаса, тұрғын үй спортшының меншігіне берілетін болады.
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-2-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-alla-vazhenina-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-batyr-bekzat-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-manchester-junajted-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-olga-rypakova-1.jpg" alt="" />
<img src="https://kyzylorda-news.kz/wp-content/uploads/2019/12/2019-zhylghy-qazaq-sporty-nesimen-este-qaldy-hokkej-1.jpg" alt="" />
<a href="https://baq.kz/news/othernews/2019-zhylgy-qazaq-sporty/">BAQ.KZ</a>

2019 жылғы қазақ спорты несімен есте қалды?

<a href="https://kyzylorda-news.kz/">Kyzylorda-news.kz</a>. Сабақ түсіндіргенде әрбір дене мүшесін талдап, ұстап, нұсқап көрсететін оның бұл қылығы балаларды таңқалдыруда.
Испаниялық ұстаз Вероника Дук – анатомия пәнінің мұғалімі. Ол сабақ барысында тоңқайып, теріс қарап, әр жерін ұстап көрсетумен оқушыларына білгенін үйретеді.&nbsp;Сабақ түсіндіргенде әрбір дене мүшесін талдап, ұстап, нұсқап көрсететін оның мұндай сабақ беру тәсілдері&nbsp;балаларды&nbsp;таңқалдыруда, деп хабарлайды&nbsp;Sn.kz.
Верониканың күйеуі оның сабақ беру барысындағы сәтін суретке түсіріп алып, Тwitter әлеуметтік желісіндегі&nbsp;парақшасына&nbsp;салған. Сол сәттен бастап бүкіл әлемнің оқушылары мен ұстаздары оның сабақ беру&nbsp;әдісіне қызығушылық танытуда.
Вероника сабақ барысында арнайы адам мүшелерін, ағзаның ішкі құрылыстарын көрсететін киім киген. Ол кәдімгі суға түскенде киетін купальникке адам ағзаларының суретін салдыртқан. Ерекше киімді AliExpress әлемдік интернет-дүкенінің жарнамасын көргеннен кейін тапсырыс беру арқылы алдыртыпты.
Күйеуі әйелінің оқушыларға анатомияны осы киім арқылы жақсы түсіндіретінін айтады.&nbsp;Оның сөзінше, ең алғаш осы киімде сабақ түсіндіргенде балалар ерекше сезімге бөленіп, таңданыстарын жасырмапты.
Қазіргі таңда күйеуі әйелін “ұлы Вероника” деп атайды.
43 жастағы Дук 15 жылдан бері анатомиядан дәріс беріп келеді. Ол балаларды жаратылыстану ғылымдарына баулып, өнер, тіл бағыттарында да дәріс береді. Қазір ол 3 сынып оқушыларына сабақ беріп жүр. Балаларға үйреткендерін үнемі көздерінің алдында көрсетуге, олардың визуалициялау қабілеттерін арттыруға тырысады.
Айтпақшы, анатомия пәнінде адам мүшелері мен ішкі құрылыстары толықтай көрсетілген киім киген әйелінің суретін салған ер адамның&nbsp;жазбасына 65 мың адам лайк басқан және&nbsp;13 мың желі қолданушы елең еткізген суреттерді бөліскен.

Анатомия пәнінің мұғалімі сабақта оқушыларға өзінің дене мүшелерін көрсетеді

<h4 id="kyzylordanewskzhttpskyzylordanewskzbaqkzhttpsbaqkznewsothernewstershediknenibelgisi"><a href="https://kyzylorda-news.kz/">Kyzylorda-news.kz.</a> Түнде қатты терлесеңіз (гипергидроз) ол өте қауіпті. Бұл дегеніміз онкологиялық аурудың белгілері болуы мүмкін. Бұл туралы Висбадендегі Дерматология мен аллергология клиникасының директоры Кристиан Байерл айтты, деп хабарлайды <a href="https://baq.kz/news/othernews/tershe-dik-neni-belgisi-/">Baq.kz</a>.</h4>
Профессордың айтуынша, бұлай болудың себебі лимфома мен лейкоздың әсерінен болуы мүмкін.
Әсіресе түнде шылқып терлегеннен қауіптену керек. Сонымен қатар,&nbsp;дене қызуы көтеріліп, себепсіз салмақ тастау да онкологиялық аурудың белгілері болып табылады.
Егер адам ешқандай дәрі-дәрмек қабылдамай, салқын бөлмеде жатқанның өзінде терлесе, онда қалқанша безін тексерту керек.
Сондай-ақ, тершең болып, оның үстіне шөл қысса бұл диабеттің белгілері болуы мүмкін.
Жатарда дәмдеуіштер қосылған аса ауыр тағам жеп жатса да, тершеңдікке әкеп соғады.

Тершеңдік ненің белгісі?

<h3 id="kyzylordanewskzhttpskyzylordanewskz"><a href="https://kyzylorda-news.kz/">Kyzylorda-news.kz.</a> Жөтелдің құрғақ, көк және аллергиялық түрлері болса, оны емдеудің тәсілі көп. Емханаға барып, екпе салдырудан бұрын үй жағдайында да жөтелден жазылуға болады.</h3>
Жөтелді үй жағдайында емдеудің ең тиімді 5 тәсілі:
1. Сүт пен бал.&nbsp;Қатты ысымаған сүтке бал қосып ішу жұтқыншақты жұмсартып, жағымды әсер береді. Мұны мүмкіндігінше ұйықтар алдында ішкен дұрыс. Сонда тамақ жыбырлағанын азайтып, тыныш демалуға мүмкіндік береді. Ол үшін бір кесе немесе бір стакан сүтке 1-2 қасық бал, сосын саусақ ұшымен кішкене ас содасын қосу қажет. Мұны түсте және кешке қабылдау жөтелді босатып, қақырықты түсіріп, организмдегі зиянды заттардың сыртқа шығуына әсер етеді.
2. Көкөністі қолдану.&nbsp;Жөтелді қойдырудың тағы бір әдісі – көкөністерді пайдалану. Ол үшін 1 картоп, 1 алма және 1 пиязды суға салып, қайнату қажет. Бұл ретте картоп пен алманы сол күйінде, ал пиязды аршып салған дұрыс. Сонымен қатар, отты баяу қоюды да ескерген жөн. Екі мәрте қайнатып, суы біраз сарқылғанда оттан аласыз. Дайын болған сұйықтықтан күніне бір шай қасықтан 3-4 рет ұрттап отырсаңыз, жөтелді қойдырады.
3. Құйрық май.&nbsp;Қойдың құйрық майын ерітіп пайдалану жөтелге дауа. Ол үшін құйрық майды ысытып, онымен алқым, арқа және екі табанды сылап шығу керек. Сылаған соң мейлінше қымтанып, қалың жамылып демалған дұрыс. Жылы күйінде майдан бір қасық ұрттау да жөтелді кетіруді жылдамдатады. Біраздан соң денеңіз жіпсіп, терлей бастайды. Себебі, құйрық май ішке барған соң қолқаны жібітіп, жанды қинаған жөтел қақырыққа айналады.
4. Бумен емдеу.&nbsp;Жөтел енді басталып келе жатқан кезде дәрігерлер ингаляция жасауды ұсынады. Егер мұндай аппарат болмаған жағдайда қолда бар заттарды да кәдеге жаратуға болады. Мәселен, асүй ыдысына (тостаған не шұңғыл тәрелке) ыстық су құйып, соған қарай еңкейіп, басыңызды сүлгімен қымтап алу керек. Бірнеше рет бумен демалу – жөтелді бусандырады. Егер ингалятор аппараты болса, бұл процесс жеңілдей түседі.
5. Ірі қара бұрыш.&nbsp;Кәдімгі ұсақ емес, ірі, домалақ пішінді қара бұрыштар жөтелді қойдыруға таптырмас ем. Оның 2-3 данасын ауызға салып шайнау керек. Егер үш күн қатарынан үзбей, күн сайын бір мәртеден қолдансаңыз, жөтеліңіз қайта бастайды. Қара бұрыш кеңірдекті емдеп, тыныс жолдарын ашып, жөтелуге мәжбүр етіп тұрған бактерияларды жояды. Сондай-ақ, қара бұрышты қайнаған сүтке араластырып ішуге де болады.
<a href="https://informburo.kz/kaz/zhteld-y-zhadayynda-alay-emdeuge-bolady.html">Informburo.kz</a>

Жөтелді үй жағдайында қалай емдеуге болады?

<a href="https://kyzylorda-news.kz/">Kyzylorda-news.kz.</a> Балмұздақ – жылдың кез келген маусымында жеуге болатын дәмді десерттің бірі. Бізге балалық кезімізден таныс балмұздақтың “өмірбаянында” бірнеше таңғаларлық факт бар.
Балмұздақ біздің заманымыздың I ғасырында пайда болған
Алайда, ол қазіргі біз білетін балмұздаққа ұқсамайтын. Римдік император Нерон қар әкелу үшін қызметшілерін тауға жұмсайтын болған: содан соң қарды жемістер шырынымен араластырған. Ал оның қазіргі сүтті балмұздаққа ұқсайтын түрі XVII ғасырда Францияда пайда болған.
Балмұздақ ұзақ уақыт бойы таңдаулылардың десерті болған
XIX ғасырдың басына дейін балмұздақ тек қымбат мейрамханаларда ұсынылған және бай отбасыларда болған. Балмұздақ тек XIX ғасырдың ортасында жалпы сатылымға шыққан: Швециядан келген эмигрант балмұздақты Лондон көшелерінде тұрып сатады. Ол балмұздақ ерімес үшін қолдан жасалған тоңазытқыш (іші мұзбен толтырылған металл жәшік) қолданған.
Вафельді рожокты ыдысқа шығындалмас үшін ойлап тапқан
Вафельді рожок – салыстырмалы түрде заманауи өнертабыс. Оны 1904 жылы вафельді десерт сатушы Эрнест Хамви Сент-Луистағы (АҚШ) аспаздық көрмеде ойлап тапқан. Ол кезде балмұздақты ыдысқа құйып сатады, содан соң тұтынушы ыдысты қайтарып береді. Ол ыдыс жуылып, келесі адамға балмұздақ құйылып берілетін. Көрме кезінде күн қатты ыстық болғандықтан, балмұздақ алушылар өте көп болады. Адамдар ыдыстардың босағанын ұзақ күтеді. Оны байқаған Эрнест Хамви балмұздақ дайындаушыларға жіңішке вафляны орап, ыдыс жасап береді. Содан соң вафельді рожоктар тек АҚШ-та емес, бүкіл әлемге кеңінен тарап кетеді.
Қазір балмұздақ дәмінің 1000-нан аса түрі бар
Әлем бойынша балмұздақ жасаушылар үнемі оның жаңа ерекше рецептілерін іздейді. Олар жыл сайын оның өте тәтті түрлерін ойлап табуда. Қазір балмұздақтың, тіпті, күріш, асшаян, лобстер, авокадо, ірімшік және т.б дәмі бар түрін кездестіруге болады.
Әлемде жыл сайын 15 миллиард литр балмұздақ желінеді
Бұл мөлшер 5000 олимпиадалық бассейнді толтыруға жетеді.
Ғарышкерлер балмұздақты қатты сағынады екен
Бірде NASA ғарышкерлерге “Жерден” нені сағынатынын сұрап, сауалнама жүргізеді. Космостағы ең сағынатын тамаққа пицца, газдалған сусын және балмұздақ жатқан. Ал құрғақ қатыру арқылы дайындалатын “ғарышкер балмұздағын” олар космоста ешқашан жеп көрмеген болып шықты. 
<a href="https://massaget.kz/layfstayl/zhadnama/58675/">Massaget.kz</a>

Балмұздақ жайлы қызықты 6 дерек

<a href="https://kyzylorda-news.kz/">Kyzylorda-news.kz.</a> Британдық «Backpacker» қоғамы тәуелсіз және белсенді саяхатты ұнататындар үшін 2020 жылы сапар шегуге тиісті елдердің рейтингісін жасады, деп хабарлайды <a href="https://www.inform.kz/kz/top-5-kazakstan-2020-zhyly-baruga-tiisti-elderdin-kataryna-endi_a3597989">ҚазАқпарат</a>.
<blockquote>
 «Аталған қоғамның рейтингісіне сәйкес әлемнің түкпір-түкпірінен «adventure tourism» саласының сарапшылары дауыс беру нәтижесі бойынша Қазақстан «must visit» елдердің арасында 5-ші орынға жайғасты. Кең дала, биік таулар мен шөлдер елі деп танылған Қазақстан – Орталық Азияның асыл маржаны» делінген рейтинг сипаттамасында. Рейтинг авторлары Қазақстанда туризм саласын дамытудың жаңа деңгейіне жету үшін бэкпэкерлерге қызықты Үстірт, Бозжыра, Алтай тауы аймақтарын дамытуда қосымша күш салуға кеңес берді», – деп хабарлайды ұлттық компания.
</blockquote>
Хабарламада айтылғандай, британдық «Backpacker» қоғамы біздің елден бөлек, саяхаттауға Өзбекстан, Босния мен Герцеговина, Ресей, Эфиопия және Әзербайжан елін ұсынады.
<blockquote>
 «Рейтингіге ілінген елдердің тізімі жуық арада жарық көріп, онда үздік төрттіке енген елдер туралы мәліметті толық білуге мүмкіндік тумақ. Соңғы деректерге сәйкес, adventure tourism жастар арасында кеңінен дамып, аса танымалдыққа ие болып келеді. Мұндай саяхаттау әлем астаналарын аралауды қол жетімді етіп, жиһангездерге зерттелмеген бағыттарды ашып, бірегей тәжірибе жинақтауға себеп болады», – делінген ақпаратта.
</blockquote>
Айта кетейік, аталған рейтинг 2010 жылдан бері жүргізіліп келеді, ал ұйымдастырушы қоғам оқиғалы-шытырман туризмді дамытуға жағдай жасау мақсатында 2009 жылы құрылған.

ТОП-5: Қазақстан 2020 жылы баруға тиісті елдердің  қатарына енді

Құрметті қызылордалықтар!
Сіздерді Жаңа 2020 жылмен шын жүректен құттықтаймын!
Өткен жыл бізге негізгі салалардағы бірқатар жетістіктермен есте қалды: аймақ күрішшілері әр гектардан 60,3 центнерден өнім жинап, рекордты жаңартты. Осылайша, биыл қамбаға 500 мың тоннадан астам Сыр салысы құйылды. Біз әлеуметтік салаға бюджет қаражатын бөлу бойынша өңірлер арасында тағы да көшбасшылар қатарынан көріндік. Сонымен қатар, инвестиция мен құрылыс жұмыстарының көлемі, тұрғын үйлерді пайдалануға беру, ауыл шаруашылығында өнім өндіру, өңдеу өнеркәсібі бойынша&nbsp; және облыстың әлеуметтік-экономикалық дамуының қорытындыларын сипаттайтын бірқатар көрсеткіштер бойынша да жақсы нәтижеге қол жеткіздік.
Тұңғыш Президентіміз – Елбасы Нұрсұлтан Әбішұлы Назарбаевтың сарабдал саясатымен және Мемлекет басшысы Қасым-Жомарт Кемелұлы &nbsp;Тоқаевтың саяси сабақтастықты жалғастыруымен халықтың өмір сүру сапасын қамтамасыз ету мақсатында әлеуметтік нысандарды салу, сумен жабдықтау, энергиямен және газбен қамту, жол жөндеу мәселелері кезең-кезеңімен шешілуде.
Әсіресе, жастарымыздың білімге, жаңашылдыққа деген құштарлығы қуантады. Биыл екінші жыл қатарынан біздің мектеп түлектерінің 97 пайыздан астамы жоғары оқу орындары мен колледждерге оқуға түсуде.
Қымбатты жерлестер!
Аймағымыздың жетістіктері – Сыр өңірінің өсуі мен дамуына үлес қосып келе жатқан Сіздердің әрбіріңіздің еңбектеріңіздің нәтижесі.
Өткен жылды лайықты аяқтап, жеткен жетістіктеріміз үшін баршаңызға ризашылығымды білдіріп, келер жылы да зор табыс тілегім келеді.
Келе жатқан Жаңа жыл Сіздерге игілік пен ізгілік, отбасыларыңызға амандық, құтбереке әкелсін! Қамбамыз қазыналы болып, несібеміз артып, әрбір ісіміз жемісті болсын!
Қасиетті Сыр өңірінің құты мен ырзығы артсын!
Жаңа жылдарыңыз құтты болсын, ардақты жерлестер!
Құрметпен,
облыс әкімі
Қ.ЫСҚАҚОВ

Қызылорда облысы әкімінің құттықтауы

<a href="https://kyzylorda-news.kz/">Kyzylorda-news.kz.</a> 2019 жыл шалбарлы костюмдерімен, біртұтас (total look) реңдегі киім үлгілерімен, миди ұзындықтағы белдемшелерімен және басқа да трендтермен есте қалды. Ал 2020 жылы қандай киімдер сәнде болады?
1. Клеш джинс шалбар. Келер жылы клеш джинс шалбар алдыңғы қатарда болады. Оның классикалық көк түсті және макси ұзындықтағы түріне мән беріңіз.
2. Total look. Осы мерзімдегі секілді келер жылы да total look&nbsp; сәнде болады. Бастан аяққа дейін бір түсті киім кию ең сәнді үйлесім болып қала береді.
3. 70-жылдар стиліндегі жаға. 2020 жылы жағасы өте ұзын әрі үшкір жейде сәнде болады. Мұндай жейдені жилеттің немесе жемпірдің ішінен киіп, жағасын сыртқа шығарып қоясыз.
4. Ұзын етік. Қонышы ұзын етік – сәннен шыға қоймайтын әрі жылы аяқ киімнің бірі. Егер күзде ұзын етік алмаған болсаңыз, оны қысқы жеңілдікпен алған артық етпейді. Себебі ол келер жылы да сәнде болады.
5. Кең көйлек. Денеге жабыспайтын, ашық түсті oversize көйлектерге мән беріңіз. Оның матасы жеңіл және жұқа түрін алып, алдағы көктемде өзін, ал қазір жемпірдің ішінен кисеңіз болады.
6. Былғары. Соңғы бірнеше мерзім қатарынан былғары сәнді трендтер қатарында келеді. Дизайнерлер келер жылдың көктемінде де былғары сәнде болатынын, тіпті, былғары киімді бастан аяққа дейін киюді де ұсынып отыр. Сондықтан былғары шалбар (немесе белдемше) мен былғары жейдені батыл үйлестіре беріңіз.
7. Бермуд қысқа балақты шалбары. Тізеге дейінгі ұзындықтағы кең балақты шорты кеңсе үлгісіне де, күнделікті киім үлгісіне де келе береді. Оның былғары немесе деним түрін алсаңыз болады.
<a href="https://massaget.kz/kyizdarga/sn/60221">Massaget.kz</a>

2020 жылдың 7 басты сәнді тренді

Жаңа жылдың бірінші күні
Қазақстан Республикасында қаңтардың 1-2-сі күндері Жаңа жыл мерекесі атап өтіледі.
Бейбітшілік күні
Рим Папасы Павел VI жариялаған. 1968 жылдан бастап, Рим-католик шіркеулерінде атап өтіледі.
Қытай Республикасы құрылған күн
1912 жылы Синьхай төңкерісі кезінде Нанкин қаласында Сунь Ятсен Қытай Республикасы құрылғанын жариялады..
1897 жылы Жетісу облысы бойынша статистикалық деректер жинау үшін Жетісу облыстық статистика комитеті құрылды. Ұйымның алғашқы атқарған іс-шараларының бірі – Верныйдың, Үлкен және Кіші Алматы стансалары тұрғындарының бір күндік санағын жүргізу болды.
1904 жылы Орынбор – Ташкент теміржолымен пойыздар қатынай бастады. 1906 жылғы 1 сәуірде теміржол толығымен пайдалануға берілді. Теміржолдың Қазақстаннан өтетін бөлігі қазір 1600 километрге созылып жатыр.
1931 жылы ұзындығы 1444 шақырымға созылған Түркістан-Сібір темір жол магистралі тұрақты пайдалануға берілді. Түрксіб Орта Азия мен Сібір аудандарын жалғастырып, экономиканың өрлеуіне өз үлесін қосты. Сонымен қатар темір жол бойларында жаңа жұмыс орындары ашылды.
1966 жылы «Шалқар» радиосы тыңдармандарымен қауышты. «Шалқар» – тек қана мемлекеттік тілде хабар тарататын Қазақ радиосының бөлімшесі.
1980 жылы Алматы сәулет-құрылыс институты (қазіргі Қазақ мемлекеттік сәулет-құрылыс академиясы) құрылды. Институт Қазақтың политехникалық институтының сәулет және инженерлік-құрылыс факультеттерінің және Бүкілодақтық сырттай инженерлік-құрылыс институтының Алматы филиалының негізінде құрылды. 1992 жылдан қазіргі атымен аталады. Отыз жылдан бері институтта 10 мыңнан аса жоғары дәрежелі мамандар дайындалды. Бүгінде академияда 14 мамандык бойынша 4 мыңнан аса студенттер оқиды. 40 кафедрада 500-ге жуық оқытушылар бар.
1980 жылы көркемөнер жайындағы әдебиеттер шығаратын «Өнер» баспасы ашылды.
1992 жылы Елбасы Н.Назарбаевтың Жарлығымен Қазақстан менеджмент, экономика және болжау институты құрылды. Институттың алғашқы сабағы 1992 жылғы тамыз айында басталды. Аталмыш білім ордасы «Платиналы Тарлан» сыйлығының лауреаты, Қазақстандағы және Орта Азиядағы халықаралық стандартқа сай орта және жоғары білім беру базасында мамандар даярлайтын жоғары білім беру көшбасшысы болып табылады.
1995 жылы Қазақстанда жаңа төлқұжат пен жеке куәлік енгізілді.
1998 жылы Қазақстанда зейнетақы реформасы жүзеге аса бастады.

1 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 1 қаңтарға арналған жұлдыз-жорамалы.
Тоқты
Бүгін тек махаббат жайында ойланасыз. Тек өзіңіздің сүйікті адамыңызды ғана ойланыңыз. Басқа ұсақ-түйек ойлармен басыңызды «ауыртпаңыз». Барлық мәселені ұмытып, тек көңіл көтеріңіз.
Торпақ
Бүгін алдағы сәттерді еш болжай алмайсыз. Не күтіп тұрғанын да біле алмай қиналасыз. Барлық мәселенің шешілуі өзгелердің қолында. Ешкім сіздің халіңізді сұрамайды. Бұл сіздің көңіл-күйіңізді түсіреді.
Егіздер
Өзіңіздің таң қалғаныңызды жасыра аласыз. Эмоцияға көп берілмейсіз. Мүмкін сіздің бұл жаңалықтан аздап хабарыңыз бар болар. Не дегенмен бар жақсылыққа лайық жансыз.
Шаян
Ешқашан қолыңызға музыкалық аппарат ұстап көрмесеңіз де, бүгін әуенді бар жан-тәніңізбен беріле ойнайсыз. Гитарада немесе пианинода ойнаңыз. Мүмін сіздің талантыңыз тұншығып жатқан болар.
Арыстан
Сабырлы болыңыз. Ойларыңыздың барлығы кейін жүзеге асатын болады. Ол үшін аса ашуға берілудің қажеті жоқ. Түстен кейінгі уақытыңыз жемісті болмақ. Бұл уақытта қызықты кездесулер орын алады.
Бикеш
Басыңызға түрлі ойлар келеді. Мүмкін емес жағдайларды да ойлап, басыыз қатады. Жоспарларыңызды тым күрделендіріп жібермеңіз. Мақсатыңызға жету үшін істің кішісінен бастаңыз.
Таразы
Бүгін сізге көмектесетін жандар табылады. Олардың көмегін ұмытпағаныңыз жөн. Себебі уақыты келгенде сіздің де оларға көмегіңіз қажет болады. Сонымен бүгінге барлық мәселеңіз оң шешімін табады. &nbsp;
Сарышаян
Мақсатыңызға жеті үшін барлық іске барасыз. Алайда басты құндылығыңызды естен шығармағаныңыз жөн. Бос уақытыңызда да жұмыс жасауды дұрыс деп ойласаңыз қатты қателесесіз. &nbsp;
Мерген
Бүгін жол сапарға шығасыз. Бұл сапар саяхат болуы да мүмкін. Жолда ешқандай қиындыққа тап болмайсыз. Барлығы сіз ойлағандай, еш кедергісіз өтеді. Уақытыңызды жақсы өткізіп, көңіл күйіңіз көтерілетін болады. &nbsp;
Тауешкі
Бизнес-жоспар жасауды қолға алған болсаңыз, оны кейінге қалдырғаныңыз жөн. Ішкі түйсіктің дегенімен жүріңіз. Сонда ғана қателікке бой алдырмайсыз. Үй шаруасын ойлап бас қатырмаңыз. &nbsp;
Суқұйғыш
Бүгінге жоспарыңыз көп болса да, ештеңені ойламай демалғаныңыз жөн. Себебі бүгін өте әлсізсіз, оған қоса мақсатқа ұмтылуға деген жігеріңіз де аз. Сондықтан денсаулығыңызға мән беріп, демалыңыз.
Балықтар
Мәселесін айта келген адамға барынша көмек көрсетуге тырысасыз. Бұл мәселеден қалай шығу керек екенін білесіз, алайда олар өз мәселесін өзідері шешіп үйренсін.
Аударған Динара МАХАНОВА

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Келер жыл несімен ерекшеленбек?&nbsp; Жалпы тышқан жылы туған адамдар ашық мінезді және үнемі көтеріңкі көңіл күйде жүреді екен. Ал астрологтар жаңа – 2020 жылды тума-туыс пен жора-жолдас арасында қарсы алуы керек дейді.
Келер 2020 жыл – толық тазару, тазалық жұмыстарын жүргізу жылы болып саналады. Пайдасыз, көне, артық заттардан құтылатын кезең. Ал қарым-қатынаста гармония жоғалуы мүмкін. Бұрын некелескен жұптар үшін алдағы жыл белгілі бір сынақ іспетті болмақ. Астролог Гүлмира Махметованың пікірі осындай.
<blockquote>
 «Бірі ауыртпалығы көп жұмысынан құтылуы мүмкін. Енді бірі келешегі жоқ қарым-қатынасты тоқтатуы ықтимал. 2020 жыл Марс пен Венера ғаламшарларының ықпалында болады. Осыған байланысты көпшілік үшін белгілі бір маңызды жоспарын кейінге шегере тұрғаны дұрыс», – дейді астролог Гүлмира Махметова.&nbsp;
</blockquote>
Мамыр мен маусым айлары аралығында Венера ғаламшары кертартпалық тез сипатқа ие болады. Сондықтан астролог маман аталған көктем соңы мен жаз мезгілі басында косметикалық процедура жасамау, некелеспеу, ірі көлемде қаржылық инвестиция жасамау және жылжымайтын мүлік сатып алмау туралы кеңес берді.&nbsp;&nbsp;&nbsp;&nbsp;&nbsp;&nbsp;
<blockquote>
 «Қыркүйек пен қараша айлары аралығында Марс ғаламшарының кертартпалық әсері байқалады. Бұл кезеңде адамдарға аса қатты белсенділік танытпауға шақырамын. Хирургиялық операция жасамауға, бизнес ашпауға кеңес беремін. Өйткені бастаған істі соңына дейін жеткізу көбі үшін оңайға соқпайды. Бойындағы энергиясы сарқылып қалуы мүмкін», – дейді астролог Гүлмира Махметова. &nbsp;
</blockquote>
20 жылда бір мәрте Сатурн мен Юпитер кездесіп, Тауешкі белгісінде тоғысады. Аталған екі ғаламшардың энергиясы бір-біріне қарама қайшы келеді. Сатурнды самайына ақ түскен қатал ұстаз кейпінде қарастырсақ, Юпитер бақыт, табыс және сый-сияпат ғаламшары болып саналады. Сый-сияпат демекші, келер жылы сыйлықтар мен сыйақы орнымен және тек лайықтыларға беріледі. Ал елорда тұрғыны Билкис Бахари Қазақстанның басты құндылығы, ту еткен бейбітшілігі жалғаса берсе екен дейді.
<blockquote>
 «Мен Қазақстан халқын өткен және келе жатқан мерекесімен құттықтап, тек жақсылық тілегім келеді. Мұндағы саясат бейбітшілік пен бітімгерлік тұғырынан түспесін. Жаңа 2020 жыл бәрімізге құт әкелсін», – дейді елорда тұрғыны Билкис Бахари.&nbsp;&nbsp;
 «Қазақстанда адамдар арасындағы ынтымақтастық пен өзара түсіністік жоғарғы деңгейде. Себебі әр түрлі ұлт пен ұлыс арасындағы келісім, үлкенге құрмет, кішіге ізет ұғымдары берік орнаған. Лайым алдағы уақытта да елде тек жақсылық бола берсін», – елорда тұрғыны Майсалбек Курбаналиев.
</blockquote>
2020 жылы бала туу көрсеткіші өседі. Өйткені тышқан мен егеуқұйрық кішкентай болғанымен, тез көбейгіш әрі өміршең кеміргіштер түріне жатады. Ақ, сұры,&nbsp;күміс және жылтыр түстес киім-кешек киген сәттілік әкеледі. &nbsp;
Ал нумерологтардың айтуынша, келер жылдың басты саны 4. Бірақ Күн мен Ай әдеттегідей 4 рет емес, 6 рет тұтылады.
<a href="https://24.kz/kz/zha-aly-tar/bylu-manyzdy/item/364756-keler-zhyl-nesimen-erekshelenbek-astrologty-zhauaby">«Хабар 24»</a>

Қазақстан және Қызылорда облысының жаңалықтары