<a href="https://kyzylorda-news.kz/">Kyzylorda-news.kz.</a> Қаржы министрлігі қазақстандықтардың ақша аударымдарын тексеруді жоспарлап отырған жоқ. Бұл туралы бүгін бірінші вице-премьер – қаржы министрі Әлихан Смайылов айтты, деп хабарлайды&nbsp;<a href="https://sputniknews.kz/economy/20191114/12028934/Kaspi-aqsha.html">Sputnik Қазақстан</a>.
<blockquote>
 “Қаржы министрлігі жеке тұлғалардың ақша аударымдарын тексеруді, аударымдардан қандай да бір қосымша төлем немесе салық алуды жоспарлап отырған жоқ”, – деп атап өтті Смайылов.
</blockquote>
Айтуынша, ведомство банктермен бірігіп, қолма-қол ақшасыз төлемдерді іске асыру бойынша ыңғайлы және заманауи инфрақұрылымды дамыту бағытында жұмыс істейді. &nbsp;
Кәсіпкерлік қызметке тоқталған министр оның ашық болуы тиіс екенін атап өтті. Атап айтқанда, кәсіпкерлер заңнамаға сәйкес, фискалды чек беруге, ал 2020 жылдың 1 қаңтарынан бастап онлайн бақылау-касса машиналарын қолдануға міндетті.
<blockquote>
 “Кәсіпкерлік мақсатта Kaspi-ді пайдалану кәсіпкерлерді бұл міндеттемелерден босатпайды. Чек тұтунышылардың құқығын қорғау үшін өте маңызды”, – деді ол.
</blockquote>
Вице-премьердің сөзінше, министрлік жедел аударым жасау жүйесін пайдаланатын кәсіпкерлердің табысын әкімшілеу мәселесін пысықтап жатыр. Мәселен, бұл онлайн-касса машиналары мен автоматты түрде толтыру және салық есебін жіберу функционалы бар POS-терминалдарды біріктіру арқылы жүргізіледі. &nbsp;Мұндай пилот келесі жылы Kaspi банкпен бірге өткізілмек.
<blockquote>
 “Осыған байланысты халыққа алаңдауға еш негіз жоқ”, – деп сендірді Смайылов.
</blockquote>
Сондай-ақ, ведомство 2020 жылдың 1 қаңтарынан арнайы салық режимдерін қолданатын микро және шағын бизнес 3 жылға салық пен тексерістен босатылатынын еске салды.

Kaspi арқылы ақша аудару: қаржы министрлігі шешім қабылдады

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда мемлекеттік университетінің ғылыми-техникалық кітапханасында ұйымдастыруымен үш оқу ғимаратында “Қазақ тіліндегі 100 жаңа оқулық” “Smart reading” шарасы өтті.
Шараның мақсаты пайдаланушыларға дүние жүзіндегі таңдаулы озық үлгілердің негізінде білім алып, ғылымды жетілдіруге мүмкіндік беретін оқулықтарды насихаттау.
ҚР «Ұлттық аударма бюросы» қоғамдық қорының үйлестіруімен қазақ тіліне аударылған оқулықтар философия, әлеуметтану, дінтану, лингвистика, мәдениеттану, дүниежүзі тарихы, әдебиет теориясы, халықаралық құқық және бизнес, қазіргі заманғы педагогика, өнер тарихы, интернет психологиясы, стратегиялық менеджмент, маркетинг негіздері, ұйымдық мінез-құлық, медиа және бизнес-коммуникация, адам ресурстарын басқару, дипломатия, ориентализм және семиосфера сынды бағыттарды қамтиды.
Осы оқу жылының басында кітапхана қорына «100 жаңа оқулық» жобасы кітаптарының 31 атауы қосылып, қазіргі уақытта барлығы 49 туынды бірнеше мыңдаған данамен оқырмандар қажетіне пайдаланылуда. Университеттің оқытушы-профессорлары А.Абасилов, Ә.Тәжекеев, Е.Әбенов, Г.Оралова, А.Оразова, А.Әбдразакова, Д.Омаров, М.Өмірзақова, Э.Тойлыбекова, Л.Қаржаубаева, К.Өтегенова, А.Шілманова, Ж. Смагулова, А.Жанбатыр, М.Мақсат, Ж.Асанова, Г.Досполова, Ә.Шерниязова, П.Нағашыбаева өздерінің ғылыми зерттеу салаларының бағыттарына сәйкес оқулықтарға шолу жасап, өз пікірлерін білдірді.
«Жаңа гуманитарлық білім. Қазақ тіліндегі 100 жаңа оқулық» жобасы – үлкен мақсатқа жол салған тың соқпақ, тарихи жаңалық. Оқулықтар сапалы білімнің қолжетімділігі, білім алушы жастардың жаһандық ғылымның жетістіктерімен танысу мүмкіндігіне ие болуына, ғылыми ой-таным аясының кеңеюіне, жастардың заманауи білімнің толқынына ілесуіне жол ашып, білікті, бәсекеге қабілетті кадрлар толқынын қалыптастырудағы маңызды факторға айналатынына сенімділіктерін білдірді. Оқулықтардың тиімділігі – студенттерге кез келген ғылым мәселелері жөнінде жүйелі білім алуға, оқытушылар мен студенттерге маңызды зерттеулерден хабардар болуға көмектеседі. Кітаптар тілі қарапайым, әрі қызықты, оқуға жеңіл. Тарихи жаңалыққа айналған 100 жаңа оқулықтың болашақ жастарымызды тәрбиелеуде пайдасы зор. Кез келген оқырман кітапханаға келіп, өзін қызықтырған оқулықтарды алуына және Қазақстанның ашық университеті openu.kz сайтынан «Ұлттық аударма бюросында» шыққан барлық кітаптың электронды нұсқасын ашып оқуларына болады.
<img src="https://kyzylorda-news.kz/wp-content/uploads/2019/11/14univerkitap2.jpg" alt="" />

Қорқыт университетінің кітапханасы жаңа оқулықтармен толықты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 2019 жылғы 21 қараша сағат 09.00 – 18.30 аралығында Қызылорда облысы Төтенше жағдайлар департаментінің басшылығы тұрғындар мен заңды тұлғалардың өкілдерін жеке сұрақтары бойынша қабылдау өткізеді.
Мекен-жайы:Қызылорда қаласы Бөкейхан көшесі, № 69
Байланыс телефоны: 70-03-22, 55-10-85.

Қызылордада Төтенше жағдайлар департаментінің басшысы тұрғындарды жеке қабылдайды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>«Nur Otan» партиясының құқықтық кеңес мүшелері педагог мәртебесін заңнамалық тұрғыдан қамтамасыз ету мәселелерін талқылады. Кеңейтілген отырысқа жетекші партияның басшылары, ұстаздар қауымы мен уәкілетті мемлекеттік органдар өкілдері қатысты, деп хабарлайды <a href="https://www.inform.kz/kz/mugalimderdi-koldau-ushin-5-trln-tengeden-astam-karzhy-bolinbek_a3585278">ҚазАқпарат</a>.
«Nur Otan» партиясы төрағасының бірінші орынбасары Бауыржан Байбек тәуелсіздік жылдары Тұңғыш Президент Нұрсұлтан Назарбаевтың басшылығымен елімізде 2000-ға жуық жаңа мектеп және 900 балабақша ашылғанын атап өтті.
Апатты жағдайдағы мектептер саны соңғы 5 жылда 4 есеге азайды. Мұғалімдердің жалақысы 1997 жылдан бері 17 есеге өскен. Елбасының тапсырмасымен әрбір қазақстандық отбасыға қатысы бар «Педагог мәртебесі жайлы» заң жобасы әзірленді.
<blockquote>
 «Қазір білім саласында жарты миллионнан астам қазақстандық жұмыс істейді. Олардың 81% әйелдер. Тамыз конференциясында ел Президенті Қасым-Жомарт Тоқаев ұлтымыздың бәсекеге қабілеттілігін арттыру үшін мұғалім мәртебесі биік деңгейге көтерілу керек деп атап өтті. Жыл сайын дипломды мамандардың саны артқанымен, педагогтарға деген сұраныс азаймай отыр. Педагог мамандардың 35% басқа салаға кетіп қалады. Білікті мұғалімдерді мектептерге, әсіресе, ауылдық жерлерге тарту механизмі мардымды жұмыс істемей тұр. Бұл шешуге тиісті мәселелердің бір бөлігі ғана», – деді Бауыржан Байбек.
</blockquote>
Оның айтуынша, заң жобасын әзірлеу үшін ғалымдар, мұғалімдер, заңгерлер, депутаттар және білім саласы кәсіподақтарының өкілдерінен құралған жұмыс тобы жасақталған. Жыл бойы елімізде көптеген кездесулер өткізілді, 8600-ден аса ұсыныс түсті.
<blockquote>
 «Партия мүшелерінің 30% – педагогтар, сондықтан «Nur Otan» заң жобасының әзірлену барысын ерекше бақылауда ұстап отыр. Педагог құқығын кеңейту және оның әлеуметтік мәртебесін жақсарту мәселесі бар. Әңгіме, бәрінен бұрын, мұғалімдерді материалдық тұрғыдан және басқа да ынталандыру жағдайларын туғызу, қажетсіз тексерулерден арылтып, шығармашыл және нәтижелі жұмыс істеуге жағдай жасау туралы болып отыр. Қазіргі уақытта әзірленіп жатқан заң жобасы бойынша таяу 5 жылда жалақыны өсіру, ұстаздық шеберлік пен сынып жетекшілігі үшін үстемақы қосу, еңбек демалысы мен басқа да ынталандыруларды қамтитын 5,2 триллион теңге бөлінеді деп мөлшерленуде. Бұның барлығы Елбасы мен Президент саясатының сабақтастығының нәтижесі», – деп атап өтті Бауыржан Байбек.
</blockquote>
Партия төрағасының бірінші орынбасары Мәжілістегі «Nur Otan»» партиясы фракциясы депутаттарының және жұмыс тобының заң жобасын талқылау қорытындысы бойынша қосымша ұсыныстар енгізілгенін жеткізді. Сондай-ақ, оқу жүктемесін 16 сағатқа төмендету, жер телімдерін бөлу және «Қазақстанның еңбек сіңірген ұстазы» дәрежесіне ие болғандарға бір жолғы 2000 АЕК көлеміндегі төлем төлеу және Президенттік олимпиадалар, республикалық және халықаралық жарыстардың жүлдегерлерін дайындағандары үшін 3 айлық жалақы беру жайлы ұсыныс айтылды.
Өз кезегінде білім министрі Асхат Аймағамбетов жаңа заң жобасында педагог құқығын қорғау турасындағы 10 жаңа ұстаным қарастырылғанын хабарлады. Мұғалімдердің сапалық құрамын арттыру үшін магистр дәрежесі барларға 10 АЕК көлемінде үстеме, балабақшаларда ең алдымен орын бөлу және басқа да әлеуметтік көмектер қарастырылмақ.
Ашық пікірталасқа қатысушылардың барлығы жаңа заң жобасы бойынша өздерін қызықтыратын сауалдарды қоя алатынын айта кетуіміз керек. Отырыс барысында Шымкенттегі №1 мектеп-гимназиясының биология пәнінің оқытушысы Алина Соловьёва өз ойын жеткізді.
<blockquote>
 «Мен қарапайым мектеп оқытушысымын. Мен ата-аналардың бізден нені күтетінін білемін. Кез келген ата-ана оның баласына түсіністікпен қарап, жақсы көргенімізді қалайды. Қоғам мұғалімдердің есеп берумен айналыспай, балаларға дұрыс мән бергенін жақсы көреді. Мұғалімдерді олимпиадада орын алған оқушылары үшін марапаттау жайына келсек, «Дарын«, НЗМ сияқты дарынды балалар оқитын мектептердің бар екенін ескере кеткен жөн. Ал менің жай мектептің өзінде 143 жеңімпазым бар. Мақтанайын деп тұрған жоқпын, бірақ осыларды дәрежелерге бөлу керек сияқты. Кімнің оқушысы жүйелі түрде жеңімпаз болып жүрсе, соларды марапаттау керек», – деді ол.
</blockquote>
Бауыржан Байбек мұғалімнің ұсынысын қолдады. Оның айтуы бойынша, осы тектес мектептердің арасында саралауды енгізу қажет.
<blockquote>
 «Ауылды жерлерде немесе жағдайы төмен аудандардан осындай жеңімпаз балалар аз шықпайды. Бұл ерекше бағалауға тұрарлық. Бұл ұстаздардың зор еңбегі. Жақында ғана астана әкімімен бірге екі жыл бұрын ғана жекеменшік басқаруға берілген №54 мектеп-лицейге бардық. Олар директордың кабинетін мұғалімдер отыратын бөлме етіп жасапты. Директор болса өз кабинетін бірінші қабаттағы кіреберіске жақын етіп шыныдан жасатыпты. Біз Алтай Көлгінов екеуіміз барлық мемлекеттік мектеп директорларын осындай бастамаға шақыратын болып келістік. Егер кім де кім осы идеяны қолдайтын болса, демек өзгеруге дайын деген сөз. Кей мектеп директорларының ештеңе өзгерткісі келмей қашқақтайтындары да құпия емес. Әсіресе, астанада, артында тірегі бар директорлар. Егер әр директор әріптестерімен жұмыс істей білсе, мұғалімдерін қорғаса, көмектессе, солар ұтады. Мұғалім мәртебесі – бұл біздің еліміздің болашағының мәселесі, біздің бәсекеге қабілеттілігіміз», – деп атап өтті Бауыржан Байбек.
</blockquote>
<img src="https://kyzylorda-news.kz/wp-content/uploads/2019/11/14trln2.jpg" alt="" />

Мұғалімдерді қолдау үшін 5 трлн теңгеден астам қаржы бөлінбек

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қорқыт Ата атындағы Қызылорда мемлекеттік университетінің Дәстүрлі өнер институтында «Болашаққа бағдар: Рухани жаңғыру», «Ұлы даланың жеті қыры» бағдарламасы аясында Жиенбай жырау Дүзбенбетұлының 155 жыл толуына арналған «Жыр иесі Жиенбай» атты лекция-концерті өтті.
Аталған концертте «Сәндік қолданбалы және бейнелеу өнері» кафедрасының профессор-оқытушылары А.Жүнісова, Қ.Қасенова, А.Алайдарова тақырыпқа сай студенттердің қолөнер бұйымдарынан көрме ұйымдастырды. Сонымен қатар «Дидар» халықтық фольклорлық этнографиялық ансамблі күйден күмбірлетіп шашу шашты.
Жиенбай жырау жүрек тереңінен шыққан жауһар өлең-жырмен халықты сусындатқан жыр жампозы, шашасына шаң жұқтырмайтын ақын деп халқы айдарлап атақ берген Жиенбайдың шығармашылығы негізінен сол заманғы ақын-жыраулардың бай-манап езгісінде болған кедей өмірі, махаббат пен арнауларға арналады. Жампоз жырау жыр жазып қана қоймаған, ол өзі сияқты ақындардың шығармаларын нақышына келтіре халық алдында насихаттап, оны тыңдаушы қауымға нақышында жеткізді. Ол жазба ақындар айтысында да өзіндік орнымен танылған тұлға. Жыраудың шығармаларын оқи отырып және оның өнегелі өмірінен сөз қозғасақ, өз дәуірінде оның өнеріне ел сүйсінген, көпшілік сыйлаған жырау болғанын білеміз. Иә, өз заманның дүлділі атанған сөз зергері Тайқоңырдан бастау алған жыраулық өнер оның баласы Дүзбенбетке, содан кейін оның немересі Жиенбайдан шөбересі Рүстембекке, әрі қарай Көшеней мен Бидасқа және одан кейінгі ұрпағы Арнұрға атадан балаға сабақтасып келеді.
Шараға Жиенбай жыраудың ұрпағы Ыдық Жиенбаева қатысып, естеліктермен бөлісті. Сондай-ақ концертте дәстүрлі өнер институтының студентері Жиенбай жыраудың жырларын орындап өз өнерлерін көрсетті.
<img src="https://kyzylorda-news.kz/wp-content/uploads/2019/11/14zhienbai2.jpg" alt="" />
<img src="https://kyzylorda-news.kz/wp-content/uploads/2019/11/14zhienbai3.jpg" alt="" />

Жыр иесі Жиенбай

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қызылорда облыстық филиалының төрағасы, облыс әкімі Қуанышбек Ысқақовтың төрағалығымен «Индустриалды даму» бағытында партиялық тыңдау өтті. Аталмыш бағдарлама аясында Қызылорда, Қармақшы, Шиелі, Жаңақорған аудандарында атқарылған жұмыстар туралы баяндалды.
Қармақшы ауданында бағдарламаның бірінші бесжылдығында «Қорқыт ата зиярат ету орталығы» жобасы жүзеге асқан. Аталмыш жоба 2013 жылы пайдалануға берілген. Орталықтың жылына 1500 туристті қабылдауға мүмкіндігі бар. Ал, индустрияландыру бағдарламасының екінші бесжылдығы аясында «Қуаттылығы жылына 1500 тонна құс етін өндіретін құс фабрикасын ашу» жобасы іске асырылуда.
<blockquote>
 «І және ІІ бесжылдықтарда индустрияландыру картасына ауданнан 1 жобадан енгізілген, көрсеткіш төмен. Сонда 10 жылда екі ғана жоба. Биылғы жылдың басында «Дорстрой» серіктестігі «Қорқыт ата» кешенін жеке кәсіпкерге жалға берген. Бұл кәсіпорында жоспарға сәйкес 15 жұмыс орны құрылу керек болса, қазіргі таңда кірістер департаментінің мәліметіне сәйкес 3 адам жұмыс істеуде. Сонымен қатар, екінші жоба бойынша кәсіпорынның 6 жыл бұрын ашылғанын, жобалық қауаттылықты игергенін ескере отырып, қалған жұмыс орнының ашылуын бақылауға алыңыз»,- деп нақты тапсырма берді аймақ басшысы.
</blockquote>
Шиелідегі индустрияландыру бағытындағы атқарылған жұмыстар турасында аудан әкімі Әшім Оразбекұлы баяндама жасады. Бағдарламаның бірінші бесжылдығы аясында картаға 2 жоба енгізілген. ЖК «Палжанов» – кірпіш өндірісі, 2012 жылы іске қосылған, кәсіпорын тұрақты жұмыс істейді. Ал, екінші жоба «Алтын бала-08» ЖШС – қамыс тақтайлар өндірісі. Құрылтайшылар арасындағы дау дамайға байланысты жұмыс уақытша тоқтатылып, өңірлік үйлестіру кеңесінің шешімімен индустрияландыру картасынан шығарылған. Бағдарламаның екінші бесжылдығы аясында ауданда құны 149,2 млрд.теңгені құрайтын 5 жоба жүзеге асырылады деп жоспарлануда.
<blockquote>
 «Неліктен бағдарлама аясында екі ғана жоба мақұлданған, басқа жобалар неге ұзақ қаралуда? Жеңіл және жиһаз өнеркәсіптері саласында мүлдем жоба қамтылмаған. Биыл 9 айдың қорытындысымен ауданда жеңіл өнеркәсібі саласында төмендеу байқалған. Осы кемшілікті жою үшін неге бағдарлама аясында жеңіл өнеркәсіп жобаларының қаржыландырылуы қамтамасыз етілмеген? Аудан әкімі бұл мәселені басты назарға алуыңызды тапсырамын»,- деді облыс әкімі Қуанышбек Ысқақов.
</blockquote>
Жаңақорған ауданы бойынша бірінші бесжылдықта картаға 2 жоба енгізілген.Біріншісі «СКЗ-U» ЖШС – күкірт қышқылы зауыты. Кәсіпорын тұрақты жұмыс істеуде. Екінші «Тату Агро» ШҚ – томат шығару, топырақтың құнарлы болмауына байланысты биылғы жылы қызанақ дақылы егілмей, бүгінде 80 га жерге жүгері егілген.
Ал, екінші бесжылдығы аясында 4 жоба жүзеге асырылуда. Олар «Премиум Класс-Строй» ЖШС-нің әк шығару зауыты, «Қызылорда AGROPlus» ЖШС-нің Томат пастасын шығару зауыты.Сонымен қатар, республикалық индустрияландыру картасы аясында «Шалқия Цинк ЛТД» АҚ-ның «Шалқия» қорғасын-мырыш кен орнында қуаттылығы жылына 4 млн. тонналық кен байыту комбинаты», «Казахстанская Евразийская Логистическая Сервисная Компания» ЖШС-нің «Ауыл шаруашылығы өнімдерін қайта өңдеу жөніндегі кешен құрылысы» жобалар жүзеге асырылуда.
Аймақ басшысы ««Қарапайым заттар экономикасы» бағдарламасы аясында бірде-бір жоба мақұлданбағанын айтып, тиісті жұмыстарды дер кезінде жүзеге асыруды тапсырды. Жыл аяқталуына аз уақыт қалса да, әлі бірде бір жобаның өтінімі мақұлданбаған, қаржыландырылуы ұзақ уақыт шешілетінін білесіздер. Ауданға бекітілген меже – 2 млрд. теңгені қалай игересіздер? Ауданда үстіміздегі жылдың 9 ай қорытындысымен жеңіл өнеркәсібі 1,3%-ға және құрылыс саласы 42,1%-ға төмендеген. Аталған сала аясындағы жобалармен жұмыс күшейтілуі қажет» деп,- тапсырма берді өңір басшысы.
Қызылорда қаласы бойынша индустриаландыру бағдарламасының бірінші бесжылдығында 4 жоба ал, екінші бес жылдығында 10 жоба жүзеге асырылуда. 
Қала әкімі Н.Нәлібаев бұл бағыттағы атқарылған жұмыстарды баяндап, алдағы уақытта жүзеге асырылатын жобалар туралы айтты.
Жүзеге асырылуы тиіс жобалар белгіленген мерзімінде іске қосылуы тиіс. Ал нәтижесіз жобалардың жер телімдері мемлекетке қайтарылатын болады.
<blockquote>
 «Индустриялық аймақта орналастырылған жобалардың уақытында іске қосылуын қамтамасыз етіп, мүлдем жұмыс жүргізілмеген жобалардың жер телімдерін тиісті облыстық басқармалармен мемлекет меншігіне қайтару жұмыстарын ұйымдастыру» қажет деді аймақ басшысы Қуанышбек Ысқақов.
</blockquote>
<img src="https://kyzylorda-news.kz/wp-content/uploads/2019/11/14akimat2.jpg" alt="" />
<img src="https://kyzylorda-news.kz/wp-content/uploads/2019/11/14akimat3.jpg" alt="" />
<img src="https://kyzylorda-news.kz/wp-content/uploads/2019/11/14akimat4.jpg" alt="" />
<img src="https://kyzylorda-news.kz/wp-content/uploads/2019/11/14akimat5.jpg" alt="" />

Мерзімінде жүзеге асырылмаған индустриялық жобалардың жерлері мемлекет меншігіне қайтарылады

<a href="https://kyzylorda-news.kz/">Kyzylorda-news.kz.</a> Елордада «ҚАЗТЕСТ жүйесінің жаңа форматы: даму перспективалары» тақырыбында тест&nbsp;&nbsp;тапсырмаларын әзірлеушілер мен сарапшыларға арналған біліктілікті арттыру курсы өтті.
Курстың мақсаты – ҚАЗТЕСТ жүйесінің бүгінгі жай-күйі, жетістіктері мен алдағы бағыттары, тілдік білімді бағалаудағы озық тәжірибелермен танысу, қолдану, сонымен бірге, халықаралық тілдік білімді бағалау жүйелерінің мазмұнымен танысу арқылы қазақ тілін оқыту бойынша әдіскерлерге, оқытушыларға, ҚАЗТЕСТ сарапшыларына әдістемелік көмек көрсету.
Шара барысында тілдік білімді бағалаудағы тест тапсырмаларының ерекшеліктері талқыланып, ҚАЗТЕСТ жүйесінің жаңа форматы ұсынылды. Тест тапсырмаларын әзірлеушілерге ҚАЗТЕСТ-тің жаңа форматы негізінде әзірленген практикалық тапсырмалар таныстырылып, сарапшылар тарапынан бағасын алды. Тағы бір атап өтерлігі, курс тыңдаушылары «Қырғызтест» өкілдері тарапынан әзірленген тілдік білімді бағалауға арналған тест тапсырмаларымен танысып, өзара пікір алмасты.&nbsp;&nbsp;
Іс-шараға Білім және ғылым вице-министрі Ш.Каринова, ҚР Президенті Әкімшілігі Ішкі саясат бөлімінің, Мәдениет және спорт министрлігінің, Ұлттық қауіпсіздік комитетінің өкілдері мен Мемлекеттік тілді дамыту қорының басшысы А.Шәуеев және Қырғыз Республикасы Үкіметінің жанындағы «Қырғызтест» мемлекеттік мекемесінің директоры, Батма Топоева-Ставинская қатысты. Сондай-ақ, еліміздің жетекші жоғары оқу орындарының тілші-ғалымдары, өңірлердегі тілді оқыту орталықтарының басшылары, әдіскерлері, ҚАЗТЕСТ сарапшылары мен әзірлеушілері келді.
Айта кетейік, 2006 жылдан бері елімізде Білім және ғылым министрлігі Ұлттық тестілеу орталығының базасында тілдік білімді бағалаудың халықаралық жүйелері талаптарына сәйкес қазақ тілін меңгеру деңгейін бағалау жүйесі – ҚАЗТЕСТ тестілеуі өткізіліп келеді.

«ҚАЗТЕСТ» жүйесі жаңа форматқа көшеді

<a href="https://kyzylorda-news.kz/">Kyzylorda-news.kz.</a> Қазалыда көгалдағы хоккей үйірмесі бар екенін екінің бірі біле бермейді. Әйтеке би кентіндегі Е.Бозғұлов атындағы №249 мектеп-лицейде 2011 жылы ашылған спорт үйірмесінің қол жеткізген жетістіктері көңіл қуантарлықтай.
Үйірменің жетекшісі көгалдағы хоккейден ұлттық құраманың мүшесі, қызылордалық «Қайсар» хоккей клубының сапында өнер көрсететін Мұқағали Сансызбаев. Ол жақында ғана ұлттық құрама сапында Орталық Азия кубогін жеңіп алды.
Көгалдағы хоккейден халықаралық дәрежедегі спорт шебері жаттықтыратын жасөспірімдер облыстық, республикалық деңгейдегі бәсекелерде жүлделі болып үлгерген. Мәселен олар өткен жылы облыс біріншілігінің жеңімпазы атанып, биік белесті бағындырды. Сондай-ақ, 2014 жылы көгалдағы хоккейден өткен респуликалық жарыста үшінші, Кеңес Одағының батыры Бауыржан Момышұлын еске алуға арналған IV республикалық турнирде екінші, «Қайсар» ойын түрлері бойынша спорт клубының кубогіне арналған республикалық турнирде екінші, ұлдар арасындағы Қазақстан Республикасының ел біріншілігінде үшінші орынды иеленді.
Мұқағалидің бір шәкірті Бақытбек Қоңырбай қазіргі таңда Алматы қаласында көгалдағы хоккеймен кәсіби тұрғыда айналысып жүр. Көптеген жарыстарға Алматы қаласының атынан қатысып, үздік нәтижелерге қол жеткізуде.
<img src="https://kyzylorda-news.kz/wp-content/uploads/2019/11/14hokkey2.jpg" alt="" />

Қазалыда көгалдағы хоккей үйірмесі ашылды

<a href="https://kyzylorda-news.kz/">Kyzylorda-news.kz.</a> Қазалылық Құндыз Әбілтаева облыстық «Бизнес StartUp-2» байқауында екінші орынға қол жеткізіп, үздіктер қатарынан көрінді.
Облыстық «Бизнес StartUp-2» кәсіп ашу сайысы Қызылорда қаласындағы Қазақ гуманитарлық заң және техникалық колледжінде «Білімді ұрпақ – кемел келешек» атты пәндік апталығы аясында өткізілген болатын. Бұл байқауда 7 колледждің студенттері қатысып, өздерінің жобаларын таныстырды.
Сайысқа Қызылорда облысының кәсіпкерлер палатасының бөлім басшысы Фархад Абжаппаров төрағалық етті.
Құндыз Әбілтаева Қазалы көлік-техникалық жоғары колледжінде №78 «Тасымалдау құжаттарының операторы» тобының 3 курс студенті. Жетекшісі Әліби Бекпанов.

Қазалылық кәсіпкердің бизнес жобасы жүлделі орынға ие болды

<a href="https://kyzylorda-news.kz/">Kyzylorda-news.kz.</a> Қазақстанда бүгінде 3 мыңға жуық мешіт бар. Онда 6 мыңнан астам қызметкер жұмыс істейді. Оның ішінде 3 826 дін қызметкері ғана айлық алады, деп хабарлайды&nbsp;<a href="https://stan.kz/auildagilar-30-min-aladi-kazakstandagi-imamdardin-zhala-324211/">Stan.kz</a>.&nbsp;
Еліміз&nbsp;бойынша имамдарға 20 мен 100 мың теңге аралығында жалақы тағайындалған. Дін қызметкерлеріне берілетін жалақы 4 категория бойынша жүзеге асады.&nbsp;
<blockquote>
 “Олар – облыстық мешіт, қалалық мешіт, аудандық мешіт және ауылдық мешіт. Облыстық мешіттегі қызметкерлер жұмыс жүктемесіне байланысты 100 мың теңге алады. Ал қалалық мешіттегілерге тағайындалған жалақы – 70 мың. Аудандағы имамдар 50 мың теңге алады. Ал ауылдағы дін қызметкерлеріне 30 мың теңге жалақы тағайындалған”, – деді Серікбай қажы Ораз.&nbsp;
</blockquote>
Айлық Қазақстан мұсылмандары діни басқармасы жанындағы “Зекет”&nbsp;және “Қажылық”&nbsp;қорларынан&nbsp;және мешіт шығындарынан (коммуналдық төлемдер) артылған қаржы есебінен айлық беріледі. Бүгінде болашақта барлық имамды жалақымен қамтамасыз ету туралы мәселе жоғары деңгейде қарастырылып жатыр.&nbsp;
<blockquote>
 “Қоғамның ағартушы тобына жататын имамдардың жанқиярлық қызметін ескеріп, оларға әлеуметтік тұрғыдан қолдау жасау – діни саладағы басты мәселенің бірі деп айтар едім. Әсіресе, 100-ге жуық түзеу мекемелерінде жұмыс істейтін дін қызметкеріне тұрақты жалақы тағайындалса деген тілегіміз бар. Бұл адам тағдырына жуапкершілікпен қарап, есеп үшін емес, елдің игілігі жолында қызмет етіп жүрген дін қызметкеріне көрсетілген қамқорлық, әділ баға болар еді”, – деді Бас мүфти.
</blockquote>

Қазақстандағы имамдар қанша жалақы алады?

<a href="https://kyzylorda-news.kz/">Kyzylorda-news.kz.</a> Қазақ жазушыларының шет тілдеріне аударылған шығармалары сөрелерде шаң басып жатыр, деп жазады <a href="https://www.ktk.kz/kz/news/video/2019/10/16/131984/?utm_referrer=https%3A%2F%2Fzen.yandex.com&fbclid=IwAR2AtHfF6__dUYR6djxBD0hY9U6QGSNvWOZf_bkUf9-FWIHyqb87iMo1Kko">KTK.KZ</a>.
Өйткені «Рухани жаңғыру» бағдарламасы аясында әлемнің 5 тіліне аударылған тоғыз кітаптың сапасы сын көтермейді. Мәселен Смағұл Елубайдың «Ақбоз үй» трилогиясы испан тіліне гугл-аудармашы арқылы тәржімаланған секілді. Өйткені оны сол испандардың өзі оқи алмай ежіктеп отыр. Дулат Исабековтің де шығармасын француздар түсінбей біраз бас қатырыпты.
Қазақтың қарымды қаламгері Дулат Исабековтің талай шығармасы шет тілдеріне аударылып, өз оқырманын тапқан. Ал бірнеше пьесасы Еуропа сахнасында қойылып көрерменнің көзайымына айналып үлгерді. Әсіресе жазушы шығармаларымен Ұлыбритания тұрғындары етене таныс. Ал былтыр қаламгердің «Қарғын» романы француз тіліне аударылыпты. Алайда шетелдік оқырмандар шығарманың оқиға желісі мен мазмұнын түк түсінбеген.
<blockquote>
 &nbsp;«Ең қызығы, аудармашының аты көрсетілмеген. Кім екенін білмейсің. Сосын Брюссельдегі таныстарыман оқытып қарадым. Қазір ғана келіп кетті. Оқып шығып, түп нұсқасын білмеймін, бірақ мынау француз тілі емес деді. Аударманың аты көрсетілмеген. Сөйтсек, гугл бойынша аударатын бірнәрселері бар екен ғой. Кезекші тілмен аударылған роман. Ол кітапты кім үшін шығарып отыр? Бұл кітаптар қоймаларда жатыр. Француз тіліндегі романды Париж сұратып алмайды. Оны қайтсін», – дейді жазушы Дулат Исабеков.
</blockquote>
«Қарғыннан» бөлек, Қабдеш Жұмәділов, Олжас Сүлейменов, Смағұл Елубай сынды тағы сегіз жазушының еңбегі әлемнің бес тіліне аударылған. Алайда «Ақбоз үй» триологиясының авторы да аударма сапасына «көңілім толмады» дейді. Смағұл Елубайдың испан тіліне аударылған шығармасын испан тілінің мамандары да ежіктеп әрең оқып отыр.
Паскуаль Торрес 25 жылдан бері испан тілінен сабақ береді. Алайда ол «Ақбоз үй» романын өзі білетін тілде оқи алмады. Өйткені грамматикалық қатесі былай тұрсын, сөйлем дұрыс құралмаған дейді. Сондықтан не оқып отырғанын өзі түсінбей біраз қиналды.
<blockquote>
 &nbsp;«Оқып шыққан соң былай дер едім. Испан тілді адамның бұл кітапты түсінуі өте қиын. Өйткені әдеби стилистикасы мүлдем жоқ. &nbsp; Бұл шығармалар «Рухани жаңғыру» бағадарламасы аясында тәржімаланған. Тапсырыс беруші – Ұлттық кітапхана. Алайда мұндағылар тәржіма тіліне жауап бермейміз деп отыр. Өйткені қазақ жазушыларын шет тілге аударуды тендер арқылы жеке компания ұтып алған. Сондықтан аударма сапасына солар жауап береді деп қысқа қайырды», – дейді испан тілінің мұғалімі Паскуаль Торрес.
 &nbsp;«Мемлекеттік сатып алу порталында тапсырыс берілген. Осы жобаны Астана персонал компаниясы ұтып алды. Жобаның мақсаты – шетел оқырмандарына қазақ шығармаларындағы тарих, салтдәстүр, мәдениетті ашу. Тарихи романдардың арасынан мониторинг арқылы іріктеп алғанбыз. Бұл жоба аясында үлкен жұмыстар атқарылды. Үш жылға жоспарланған. Былтыр осы 9 автордың шығармалары БҰҰның бес тіліне аударылды. Ағылшын, француз, испан, араб және, қытай тілдері», – дейді Ұлттық кітапхана қызметкері Сәлима Тұяқова.
</blockquote>
Қазақ әдебиетін әлемге танытамыз деп жүріп мазақ болғанымызды&nbsp;сауатсыз аудармашылар әлі түсінбей отыр. Себебі, қыруар қаржы жұмсалған кітаптар қазір шаң басып сөрелерде жатыр. Соған қарамастан шалажансар аударманың тоқтайтын түрі жоқ. Ұлттық кітапхананың ұйытқы болуымен қазақстандық 9 автордың әлемнің 5 тіліне аударылған екен. Оған қанша қаржы бөлінгені белгісіз. Ал «Рухани жаңғыру» бағдарламасы аясында алдағы екі жылда тағы 18 автордың еңбегі әлем тілдеріне аударылады. Оның қаншалықты сапалы, не сапасыз болатыны уақыт еншісінде.

Қазақ жазушыларының 9 кітабы шет тілге «гугл-аудармашымен» аударыла салған

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Facebook 2019 жылдың сәуірі мен қыркүйегі аралығында 3,2 млрд жалған аккаунтты және зорлық-зомбылық сипатындағы миллион постты өшірді. Бұл туралы <a href="https://ru.reuters.com/">Reuters</a> басылымы жазды.
Компания таратқан мәліметте, 2018 жылы 1,55 млрд жалған аккаунт өшірілгені айтылған.&nbsp;Facebook өшірген парақшалары жайлы бірінші рет мәлімет таратып отыр. Компания жалған ақпарат пен теріс мәлімет таратқан Instagram қолданушыларының парақшаларын да өшірген.
Сондай-ақ компания террористік ұйымдармен байланысы бар контенттерді жылдам анықтай алатындықтарын мәлімдеп отыр, бұл тұрғыда Facebook-тің анықтау мүмкіндігі 98,5%, Instagram-кі 92,2%.
Осы жылдың ІІІ тоқсанында компания Facebook-те жалаңаштанған және балаларға зорлық көрсетілген фотосы бар 11,6 млн материалды өшірген, ал Instagram-да осындай сипаттағы 754 000 пост өшіріліпті.
Сондай-ақ осы аралықта Facebook өз-өзіне қол салған немесе өзін жарақаттаған бейнелер мен фотолары бар 2,5 млн постты жойған.

Қазақстан және Қызылорда облысының жаңалықтары