<a href="https://kyzylorda-news.kz/">Kyzylorda-news.kz.</a> Бүгін облыс әкімі Қ.Ысқақовтың қатысуымен «Жедел әрекет ету орталығы» коммуналдық мемлекеттік мекемесіндегі «109» және «112» қызметтерінің ресми ашылуы ұйымдастырылды. Салтанатты шараға ҚР цифрлық даму, инновациялар және аэроғарыш өнеркәсібі вице-министрі Абылайхан Оспанов та қатысты.
Жоба аясында «101», «102», «103» жедел желілері қосылып, бір жүйе «112» байланысына біріктірілген. Шұғыл қызметтердің барлық автокөлігі GPS жабдықталған. Енді шұғыл қызметтердің барлық шақырулары бірыңғай “112” нөмірі бойынша қабылданады. Бұл бірыңғай жүйенің мониторингі шақырушы тұлғаның мекен- жайын көрсетуге, орналасқан жерге жақын экипажды автоматты түрде анықтауға мүмкіндік береді, сонымен қатар, өтініш берушіге келудің оңтайлы картасын, жолын ұсынады. Осы жобаны іске асырудың экономикалық тиімділігі бір терезе қағидаты бойынша жедел қызметтерді шақыруды ұйымдастыру және шақыруларды қабылдау мен өңдеу уақытын 30% қысқартуды көздейді. Сондай-ақ, “102” қызметінің әрекет ету уақыты – 5 минутқа дейін, “103” қызметін – 8 минутқа дейін қысқартып, сапалы қызметті ұсынуға бағытталған. Бұл ретте шақыртылған қоңырауларға қызмет көрсетуді бақылау тиімділігі 25% артып, жалған шақырулар саны 45% қысқарған.
Сонымен қатар, ағымдағы жылдың сәуір айында мемлекеттік органдардың халықпен тиімді байланыс механизмдерін орнату бағытында “109 – бірыңғай байланыс орталығын” құру жұмыстары басталды. Бұл жүйе арқылы қаланың инфрақұрылымына қызмет көрсету үдерісіне тартылған барлық коммуналдық қызметтерді: жылу, электр, сумен жабдықтау, су бұру, қоқыс, люктер, жол шұңқырлары, қоғамдық көлік мәселелері біріктіріледі. Енді, тұрғындардан келіп түсетін барлық арыз, шағым,өтініштері “109” бірыңғай нөмірі бойынша қабылданады. Оператор жүйеге өтінімді енгізеді және автоматты түрде осы мәселені шешуі тиіс ұйымға жолдайды. Бұған дейін қала тұрғындары кем дегенде 24 коммуналдық және авариялық қызмет ұйымдарының, 40 облыстық басқармалар мен қалалық бөлімдердің телефон нөмірлерін білуі қажет болса, енді қәзіргі уақытта “109” нөмерін терсе болғаны, коммуналдық салаға қатысты барлық шағымы тыңдалып, өтініші орындалады. “109” бірыңғай байланыс орталығының функцисы өтінішті телефон арқылы ғана емес, сонымен қатар барлық әлеуметтік желілермен қабылдайды.
<blockquote>
 “Аталған “109”, “112” нөмерлеріне келіп түсетін шақыртуларды талдау және олардың орындалуына мониторинг жүргізу, облыс әкімдігінің “Ахуалдық орталығы” жүйесімен біріктірілген, онда бақылау және шешімдер қабылдау процесіне, әсіресе ірі коммуналдық апаттар, жол-көлік оқиғалары, су тасқыны жағдайлары, дауылдар және басқа да табиғи құбылыстар кезінде жылдам көмек көрсетуге септігін тигізбек. Цифрлық технологияларды қолдану бізге тұрғындардың өмір сүру сапасын жақсартуға мүмкіндік береді”,- деді облыс әкімі.
</blockquote>
<img src="https://kyzylorda-news.kz/wp-content/uploads/2019/12/6akimat1092.jpg" alt="" />
<img src="https://kyzylorda-news.kz/wp-content/uploads/2019/12/6akimat1093.jpg" alt="" />
<img src="https://kyzylorda-news.kz/wp-content/uploads/2019/12/6akimat1094.jpg" alt="" />

Қызылордада «109» және «112» жедел әрекет ету орталығы ашылды (ФОТО)

<a href="https://kyzylorda-news.kz/">Kyzylorda-news.kz.</a> Қызылордада облыс әкімі Қ.Ысқақовтың қатысуымен А.Тоқмағанбетов атындағы мәдениет үйінде «6 желтоқсан – ҚР Прокуратурасы күні» мерекесіне арналған салтанатты жиын ұйымдастырылды.
Шараға «Нұр Отан» партиясы облыстық филиалы төрағасының бірінші орынбасары, үйлестіру кеңесінің мүшелері, прокуратура органдарының ардагерлері, облыстық, қалалық, аудандық прокурорлар мен табиғатты қорғау, көлік және әскери прокуратуралардың қызметкерлері қатысты.
1991 жылдың 6 желтоқсанында арнайы қаулымен Қазақ КСР-ның Бас прокурорына бағынатын бірыңғай прокуратура органдарының жүйесі құрылды. 1992 жылғы 17 қаңтардағы Қазақстан Республикасының Жоғарғы Кеңесінің Қаулысымен прокуратура Жоғарғы Кеңеске есеп беретін, заңдардың орындалуына жоғарғы қадағалауды жүзеге асыратын орган болып, ал, 1994 жылы 12 ақпанда Тұңғыш Президент–Елбасы Нұрсұлтан Әбішұлы Назарбаевтың қаулысымен Қазақстан Республикасының Құқықтық реформаның мемлекеттік бағдарламасы бекітілді. Бұл құжатта прокуратура органдарын реформалаудың негізгі қағидалары анықталды.
Аймақ басшысы барлық прокуратура саласының ардагерлері мен қызметкерлерін құттықтап, жылы лебізін жеткізді.
<blockquote>
 “Прокуратура органдары бүгінгі таңда құқықтық саясатты, азаматтардың конституциялық құқығын қорғау, заңдылық пен тәртіпті сақтау саласында өз міндеттерін ойдағыдай атқарып келеді. Осы жылдар ішінде прокуратура органдары өзінің қалыптасу жолдарынан өтті. Прокуратураның беделі еселеп өсіп, оның әлеуметтік маңыздылығы арта түсті. Елбасы және Мемлекет басшысы қойып отырған маңызды міндеттерді орындай отырып, прокуратура заңдылық пен құқықтық тәртіпті қамтамасыз етуде мемлекеттің сенімді тірегі болды деуге болады. Прокурор еңбегі өте жауапты және маңызды екені белгілі. Сіздер елімізде заңдылықтың, құқықтық тәртіптің сақталуын қадағалап, қоғамдағы тұрақтылықты қамтамасыз етіп келесіздер “,- деді облыс әкімі Қ.Ысқақов.
</blockquote>
Шарада сала қызметкерлеріне облыс әкімінің Алғыс хаты, Бас Прокурордың және облыс прокурорының марапаттары табысталды.
<img src="https://kyzylorda-news.kz/wp-content/uploads/2019/12/6akimattorj2.jpg" alt="" />
<img src="https://kyzylorda-news.kz/wp-content/uploads/2019/12/6akimattorj3.jpg" alt="" />
<img src="https://kyzylorda-news.kz/wp-content/uploads/2019/12/6akimattorj4.jpg" alt="" />

Қызылордада Қазақстан Республикасының Прокуратурасы күніне орай салтанатты шара өтті (ФОТО)

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>БҰҰ қазіргі онжылдық адамзат тарихындағы антропогендік көміртегі диоксиді шығарындыларына байланысты ең ыстық болды деп мәлімдеді, деп жазады <a href="https://stan.kz/kaziri-kezen-adamzat-tarihindagi-en-istik-uakit-325014/">Stan.kz</a>.
Бұл төтенше ауа-райы құбылыстары мен табиғи апаттардан зардап шеккен адамдардың қоныс аударуына әкелді.
2019 жылы әлемдік орташа температура 1850-1900 жылдардағы өнеркәсіпке дейінгі дәуірмен салыстырғанда 1,1 градусқа жоғары болды. Бұл ағымдағы жылды бүкіл бақылау тарихындағы ең жылы үш жыл қатарына жатқызады және Эль-Ниньо әсерінсіз ең ыстық (Тынық мұхитының экваторлық бөлігіндегі судың беткі қабатының температуралық ауытқуы).
Жанғыш отындарды жағу, қалалық инфрақұрылымды сақтау, ауылшаруашылық дақылдарын өсіру және жүктерді тасымалдау арқылы техногендік көмірқышқыл газының шығарылуы 2019 жылы атмосферадағы көміртегі шоғырлануының рекордтық деңгейіне әкелді, бұл одан әрі жылынуға әкеледі.
Мұхиттар артық жылудың 90 пайызын сіңіреді және теңіз суының температурасы да рекордтық деңгейге жетеді. Қазіргі уақытта теңіздер 150 жыл бұрынғыға қарағанда ширек қышқыл болып табылады, бұл миллиардтаған адамдарды тамақпен қамтамасыз ететін маңызды теңіз экожүйелеріне қауіп төндіреді. Қазан айында теңіздегі орташа әлемдік деңгей Гренландиядағы 329 млрд. тонна мұздың еруіне байланысты бүкіл бақылау тарихындағы ең жоғары мәнге жетті.
2019 жылдың бірінші жартысында жер бетіндегі жеті миллионға жуық адам төтенше оқиғаларға байланысты көшуге мәжбүр болды. Болжам бойынша, жылдың аяғында бұл сан 22 миллионға жетеді.
БҰҰ мәліметтері бойынша, әлемдік температураның 1,5 градусқа көтерілу шегіне жету үшін 2030 жылға дейін әлемде көміртегі шығарындыларын жыл сайын 7,6 пайызға азайту қажет. Алайда, шығарындылар артып келеді және ғасырдың аяғында Жер үш градусқа дейін жылы болады деп күтілуде.

Қазіргі кезең неге адамзат тарихындағы ең ыстық уақыт?

<a href="https://kyzylorda-news.kz/">Kyzylorda-news.kz.</a> Жарақат алған жолаушылардың бірінің айтуынша,&nbsp;Қызылордада болған жол апатында автобус жүргізушісі көліктің жылдамдығын жолдағы көктайғаққа қарамай&nbsp;асырып жіберген көрінеді. Оқиға салдарынан 8 адам опат болып, тағы бірнеше адам жарақат алған болатын. Әбдірахман Төкеев өзі бірнеше жыл бойғы тәжірибесі бар жүргізуші екен, ол оқиға болған күні аусымы бітіп үйіне қайтып бара жатқан, деп хабарлайды&nbsp; <a href="https://astanatv.kz/ru/news/52485/">Астана</a>&nbsp;арнасы.&nbsp;
Әбдірахман Төкеевтің сөзінше, оны құдай сақтап қалыпты. Жол апаты көзді ашып жұмғанша болған көрінеді.
<blockquote>
 “Автобус жолдың шетіне ұшып кетті. Автобустың жылдамдығы 100км/сағ әлде 120 км/сағ-тан асып кеткен еді. Салдарынан жолаушылар отырған автобус тайғанап барып, аударылып кеткен. Менің иығым сынды. Бірақ дәрігерлерге рахмет салып берді”, – деді&nbsp;Әбдірахман Төкеев.
</blockquote>
Төрт мұнайшы әлі жансақтау бөлімінен шықпаған. Оның екеуі жасанды тыныс алу аппаратына қосылған. Дәрігерлер қолдарынан келгенше бар амалды жасауда екен.&nbsp;
<blockquote>
 “Екеуінің жағдайы ауыр. Екеуінің жағдайы тұрақты. Кеше Нұр-Сұлтан қаласынан реаниматор дәрігер мен хирург маман келді. Олар алдағы уақытта науқастар&nbsp;қандай ем қабылдайтын болатыны жайлы жоспар құрды”, деді Қызылорда ауруханасының директор орынбасары Алмас Әбілпатта.
</blockquote>

Қызылордада болған жол апаты: Автобус жүргізушісі көлік жылдамдығын асырып жіберген

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қармақшы ауданы Ақай ауылындағы №279 орта мектебінде&nbsp; 5-8 сынып пән мұғалімдері арасында «Ең&nbsp; креативті&nbsp; үйірме жетекшісі»&nbsp;&nbsp; байқауы өткізілді.
Сайыстың мақсаты – мектептегі талантты, шығармашылықпен айналысатын педагогтерді анықтау және қолдау. Ұстаздардың еңбегін ынталандыру мен бағалаудың тиімді және әділ жүйесін жасау, мұғалімдердің кәсіби және шығармашылық пікір алмасуын ұйымдастыру.
Үш кезеңнен тұрған сайыста қатысушылар өздерін таныстырып, презентациялық сабақ өткізді. Сонымен қатар тест сұрақтарына жауап берді.
Сайыс қорытындысы бойынша І орынды&nbsp; информатика пәні мұғалімі&nbsp; Құралай Абдикерова иеленді. Ал ІІ орын технология пәні мұғалімі Ардақ Таңжанға бұйырды. Тарих пәні мұғалімдері Сұлушаш Қонысова мен Гүлбану Асылбекова ІІІ&nbsp; орынды қанжығаға байлады.
Н.Уркимбаева
№279 орта мектептің ағылшын пәні мұғалімі

Қармақшылықтар ең креативті үйірме жетекшісін анықтады

<a href="https://kyzylorda-news.kz/">Kyzylorda-news.kz.</a> Қызылордада жүрекше ырғағы бұзылып, қарыншалық түйінде өткізгіштік тежелген науқасқа хирургтер бұзау тінін қолдану арқылы операция жасады, деп хабарлайды <a href="https://24.kz/kz/zha-aly-tar/o-am/item/359405-yzylordada-zh-rek-operatsiyasyna-b-zau-tini-pajdalanyldy">«Хабар 24»</a>.
Бұған дейін мұндай операцияларда шошқа тіні пайдаланылып келген екен. Аяғы ауыр әйелдің өміріне қауіп төнгесін оның жүктілігін тоқтатуға тура келді.
<blockquote>
 «Дегенмен 4 сағатқа созылған операция сәтті шықты», – дейді алматылық мамандар.
</blockquote>
Облыстық кардиологиялық орталықтың 10 жылдығына Алматыдан келген дәрігерлер сырқаты ауыр 4 адамға ем-шара жүргізді. Жалпы Сыр өңірінде 2009 жылы ашылған кардиоорталықта 4 мыңдай науқасқа стенд, 12 мың адамға коронаграфия қойылып, мың жарымға жуық күрделі операция жасалды.&nbsp;&nbsp;&nbsp;&nbsp;&nbsp;
<blockquote>
 «Операцияны жүрек пен өкпенің жұмысын тоқтатып жасайды. Одан кейін 1 күн реанимацияда, 7 күн стационарда болады да үйіне шығарылады. Жүрек-тамыр ауруы жасы келген адамдарда жиі байқалады. Қазіргі кезде 75-80-нен асқандардың 80% біздің науқастар», – дейді Алматы қалалық кардиология орталығының бөлімше меңгерушісі Нұрсан Сұрашов.
</blockquote>

Қызылордада жүрек операциясына бұзау тіні пайдаланылды

<a href="https://kyzylorda-news.kz/">Kyzylorda-news.kz.</a> Федералдық тергеу бюросының (ФБР) пікірінше, Ресейде жасалған барлық мобильді қосымшалар “қарсы барлау қаупін” төндіруі мүмкін, деп хабарлайды&nbsp;<a href="https://ria.ru/20191204/1561918751.html">РИА Новости</a>.
Бұған америкалық сенатта демократтар лидері Чак Шумердің жасаған мәлімдемесі себеп болды.
Ол бірнеше ай бұрын биыл аса танымал болған FaceApp қосымша-фоторедакторына қатысты алаңдаушылық білдірген еді. Оны ресейлік Wireless Lab жасаған болатын.
Федералдық тергеу бюросы бұл қосымша аясында жиналған ақпаратқа сәйкес осындай қорытындыға келген еді.
Әрине, компания өкілдерінің “пайдаланушылардың жиналған жеке мәліметтері ешқайда кетпейді” деген сөздеріне америкалықтар сенбей отыр.
Олар фотолардың көбі “бұлтта” өңделіп, сол жерден 48 сағат өткен соң өшірілетініне де сенбейді.
Ал Штаттар жүргізіп отырған цифрлық және интернет-соғыста ресейлік “фронтқа” басымдық берілмей отыр.
Олардың Қытай мен Huawei-ге шабуылына қарағанда отандық IT-секторға жасаған әрекеті біраз жұмсақ көрінеді.
Қазір тіпті француздармен жағдай ушығып тұр. Екі күн бұрын жарияланған АҚШ сауда өкілінің мәлімдемесінде Париж америкалық цифрлық компанияларға қатысты дискриминациялау саясатын жүргізіп жатқаны айтылған.
Вашингтон бұған жауап ретінде француз тауарларына 100 процент ставка бойынша көлемі 2,4 миллиард долларға дейін баж салығын енгізуі мүмкін.
Мәселен, жазда Франция парламенті қабылдаған заң, Google-ге салық салу туралы заңнама да бұл тұста жағдайды ушықтырып отыр.
Айтпақшы, америкалықтар осыған ұқсас тергеуді Австрия, Италия мен Түркия сияқты тағы үш елде жүргізуге бастамашылық етті.
Франция билігі де жай қарап отырмады. Экономика және қаржы министрі “америкалық санкциялар жобасына жол бермеу” керек деп, санкциялар енгізілгенде Еуропа одағы “мықты жауап” беруге дайын екеніне сендірді.
Париж Еуроодақ көшбасшыларының бірі бола тұра, оның қуатын Вашингтонмен сауда соғысы болса, өз ұлттық мүдделерін қорғау үшін пайдалануға дайын.
Интернет әрдайым Батыстың саяси еркіндік, демократия, экономикалық тиімділік пен прогресс шоғырланған жүйесі секілді болған.
Десек те, интернетте шектеу не бұғаттау туралы түрлі әзілдер де айтылады.
Дегенмен, жақында Иранда жаппай тәртіпсіздік кезінде бір аптаға ғаламтордың сөндірілуі, миллиондаған шығынға әкелді. Тұрғындар болса өз ресурстарын, мессенджелерін пайдалана алмай қалды.
Ал Ресей тарапына түрлі айып тағылғанымен, Мәскеу “мемлекет шетелдік фирмалар тарапынан келетін заңсыз бәсекелестіктен үздік отандық технологиялық компанияларды қорғаумен ғана айналысады” дейді.
Ал америкалық интернет аймағының егемендігіне ешкімге қорқудың қажеті жоқ, ол жақтың билігі барлығын қарастырған болуы тиіс.

Әлемде интернет саласында қандай соғыс болып жатқанын білесіз бе?

<a href="https://kyzylorda-news.kz/">Kyzylorda-news.kz.</a> Ақай ауылындағы №279 орта мектебінде аудандық әдістемелік кабинеттің жылдық жоспарына сәйкес, бітіруші түлектерге кәсіби бағдарды жандандыру, мамандықты дұрыс таңдауға бағыт беру мақсатында «Мамандық таңдау- өміріңіздің бір кірпішін дұрыс қалау»&nbsp; тақырыбында &nbsp;аудандық семинар болып өтті.
Семинарға қатысушылар «Рухани жаңғыру – ұлттық өнерден басталады» тақырыбындағы көрмемен танысты.
Семинар барысында «Қорқыт Ата» оқушылар қауымдастығымен «Жұмыссыз қалдырмайтын мамандық», «Мамандықтың бәрі жақсы – қалауынша таңдап ал» тақырыбында танымдық сабақтар өтті. Сонымен қатар «Ата-анамның бір жұмыс күні»&nbsp; тақырыбында презентациялық сабақ, «Қамшы өру» атты сыныптан тыс жұмыс, «Мамандықтар» трансформациялық ойыны ұйымдастырылды. Сондай-ақ &nbsp;жоғарғы сынып оқушыларына арналған дөңгелек үстел&nbsp; өткізілді.
Семинар соңы қатысушыларға арналған тренингке ұласты.
Г.Смайлова,
№279 орта мектеп кітапханашысы
<img src="https://kyzylorda-news.kz/wp-content/uploads/2019/12/6akai2.jpg" alt="" />

Қармақшы ауданының Ақай ауылында аудандық семинар өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстандық күзет фирмасының жұмысшылары Байқоңыр ғарыш айлағында үлкен ұрлық жасаған деп күдіктелуде, деп хабарлады кешен прокуратурасының баспасөз қызметінен.&nbsp;
<blockquote>
 «Тергеумен белгілі болғандай, ағымдағы жылдың 15-нен 16 қазанға қараған түні қаскөйлер алдын-ала қылмыстық сөз байласып, қазақстандық күзет компаниясының қызметкерлері бола тұра, Қазақстан Республикасына тиесілі «Байқоңыр» ғарыш айлағының алаңында орналасқан нысандардың бірін күзету кезінде қоймаға заңсыз кіру арқылы жалпы сомасы 1,85 млн рубль болатын кабель өнімін ұрлаған», – делінген бейсенбідегі хабарда.&nbsp;
</blockquote>
Хабарда атап өтілгендей, айыпталушылардың бірі ізін суытпай ұсталып, қазіргі таңда қамауға алынды.&nbsp;
<blockquote>
 «Қолға алынған тергеу амалдарымен аса ірі көлемде ұрлық жасаған азаматтардың кінәсі толық расталып, дәлелденді, олар күзет мекемесінен қуылды. Айыпталушылардың Қазақстан Республикасының азаматтары болуына байланысты оларға қатысты қылмыстық істі прокуратура ары қарай қылмыстық қудалауды жүргізу үшін қазақстандық құқыққорғау органдарына жолдады», – деді кешен прокуратурасынан.&nbsp;
</blockquote>
Ресейлік тарап тергеу амалдарын РФ ҚК 158 бабы 4 бөлімі «б» тармақшасы (алдын-ала сөз байласқан адамдар тобының қоймаға заңсыз кіру арқылы аса ірі көлемде ұрлық жасауы) бойынша жүргізілген.
1 рубль = Т6,05.

Қазақстандық күзет фирмасының жұмысшылары Байқоңыр ғарыш айлағында үлкен ұрлық жасаған деп күдіктелуде

<a href="https://kyzylorda-news.kz/">Kyzylorda-news.kz.</a> Көлік құралының иесі көлігін&nbsp; сенімхат негізінде басқа адамға сатса,&nbsp; жаңа иеленуші бұл көлік құралын өз атына тіркеген сәтке дейін салықты төлеу жөніндегі барлық міндеттер &nbsp;мен жауапкершілік бұрынғы меншік иесінде&nbsp; &nbsp;сақталады.
Сенімхат және сатып алу-сату шарты екі түрлі ұғымдар. ҚР Азаматтық кодексінің &nbsp;167-бабының 1-тармағына сәйкес, бір адамның (сенім білдірушінің) атынан өкілдік ету үшін басқа адамға (сенім білдірілген адамға) берілетін жазбаша уәкілдігі сенімхат деп танылады” делінген.
Ал, &nbsp;&nbsp;ҚР АК &nbsp;235-бабының 2-тармағына сәйкес, меншiк иесi бар мүлiкке меншiк құқығына басқа адам сатып алу-сату, айырбастау, сыйға тарту немесе осы мүлiктi иелiктен айыру туралы өзге мәмiленiң негiзiнде ие болуы мүмкiн.
Осылайша, меншік иесі сенімхат бойынша сатылған көлік құралынан салық салу объектісі&nbsp; бойынша салық міндеттемелерін &nbsp;орындаудан босатылмайды.
Айта кетейік, 31 желтоқсанда 2019 жылға жеке тұлғалардың көлік құралдарына салық төлеу мерзімі аяқталады.

Көлікті сенімхат арқылы сатса, салықты кім төлейді?

<a href="https://kyzylorda-news.kz/">Kyzylorda-news.kz.</a> “Мұз айдыны” спорт кешенінде гір көтеру жəне қол күресінен ересектер арасында ҚР кубогы өтуде.
Жарысқа еліміздің барлық өңірлерінен 300-дей спортшы 30 салмақ дəрежесінде күш сынасуда.
Ел кубогының ашылу салтанатына облыс əкімінің орынбасары Наурызбай Байқадамов пен гір көтеру жəне қол күресінен ҚР мемлекеттік жаттықтырушысы Серік Ерішұлы қатысып, қатысушыларға сəттілік тіледі.
Жарыстың жеңімпаздары мен жүлдегерлері ҚР Дене шынықтыру жəне спорт комитетінің диплом, медаль, кубогымен марапатталады.
Бүгін гір спорты сайысы жеңімпаздарының есімі белгілі болады.
<img src="https://kyzylorda-news.kz/wp-content/uploads/2019/12/6girkubok2.jpg" alt="" />
<img src="https://kyzylorda-news.kz/wp-content/uploads/2019/12/6girkubok3.jpg" alt="" />

Қызылордада гір спорты жəне қол күресінен ел кубогы басталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыс әкімі Қ.Ысқақов облыстық көпбейінді ауруханасында болып, кардиохирургиялық орталықтың ашылғынына 10 жыл толуына орай, облыс тұрғындарына көрсетіліп жатырған медициналық көмектің сапасымен танысты. Бұл туралы облыс әкімінің баспасөз қызметі хабарлады.
Оның ішінде жүрек қан тамырлары ауруларына, жедел инфаркті анықтауда компьютерлік тамограф және қан тамырларын рентген сәулелері арқылы тексеріп, жүрек ауруларын анықтауда шұғыл және жоспарланған жоғары технологиялық көмекке қол жетімділігін қамтамасыз ететін ангиограф аппаратының жұмыс нәтижесін көрді.
Облыстық көпбейінді ауруханасына жаңадан қойылған компьютерлі тамограф қондырғысына жергілікті бюджеттен 440 млн теңге қаралса, қан тамырларын рентген сәулелері арқылы тексеріп, жүрек ауруларын анықтайтын ангиографиялық аппараты мемлекеттік-жекеменшік әріптестік негізінде алынған. Дүниежүзілік Денсаулық ұйымының көрсеткіші бойынша, жүрек қан тамырлары ауруларынан болатын өлім-жітімді азайту үшін 1 млн халыққа 1000 ота жасалуы қажет деп көрсетілген. Облысымыздың 800 мың тұрғынына есептегенде жыл сайын 800 ота жасалуы қажет. Ол үшін әрбір 250 мың тұрғынға шаққанда 1 ангиографиялық аппарат қажет етіледі. Биыл мемлекеттік-жекеменшік әріптестік негізінде алынған 2 ангиографиялық аппараттың көмегімен халыққа көрсетілетін медициналық көмектің сапасы артады деп күтілуде. Ангиограф аппаратының бірі облыс орталығында, бірі Қазалы ауданында жұмыс істеуде.
<blockquote>
 “Елбасы және Мемлекет басшысы тапсырмаларына сәйкес халықтың денсаулығы басты назарда болу қажет. Бұндай құрал бұрын біздің өңірімізде болмаған. Жаңадан алынған аппараттар аймақ тұрғындары үшін қызмет ету керек. Алдағы уақытта да бюджет қаражатынан осындай заман талабына сай келетін құралдарды сатып алуды қарастырамыз.”,- деді облыс әкімі Қ.Ысқақов.
</blockquote>
2007-2009 жылдары Қазақстан Республикасында кардиологиялық және кардиохирургиялық көмектi дамытуға арналған мемлекеттік бағдарламасы қабылданды. Осы бағдарлама аясында 2009 жылдың 6 желтоқсанында облыстық медицина орталығының құрамында кардиологиялық орталық ашылды. Дәл сол күні Қызылорда облысының туа бітті жүрек ақауымен туылған 13 жасар тұрғынына алғашқы рет ота жасалған. 2009-2011 жылдар аралығында облысқа алыс-жақын шет елдердің, республикалық орталықтартың профессорлары, доценттері, арнайы мамандары келіп түрлі мастер-кластар ұйымдастырып, түрлі оталар жасаған. Сонымен қатар, аймақ дәрігерлері де шет мемлекеттерге, республикалық арнайы орталықтарға барып білімдерін жетілдіріп, 2011 жылдан бастап ота жасауға кіріскен.
<img src="https://kyzylorda-news.kz/wp-content/uploads/2019/12/6akimatoms2.jpg" alt="" />
<img src="https://kyzylorda-news.kz/wp-content/uploads/2019/12/6akimatoms3.jpg" alt="" />

Қазақстан және Қызылорда облысының жаңалықтары