<a href="https://kyzylorda-news.kz/">Kyzylorda-news.kz.</a> Жанат Құрамысова «Қызылорда облысының мәдениет, архивтер және құжаттама басқармасының Қызылорда облыстық халық шығармашылығын дамыту және мәдени-продюсерлік орталығы» коммуналдық мемлекеттік қазыналық кәсіпорны басшысының міндетін атқарушы болып тағайындалды.
Ж.Құрамысова 1968 жылы туған. Әл-Фараби атындағы Шымкент педагогика мәдениет институтын Мәдени-ағарту жұмыстарының ұйымдастырушы-методисі мамандығы бойынша бітірген.
Еңбек жолын Сырдария аудандық мәдениет үйінің әдіскері қызметінен бастап, облысымыздың мәдениет және өнер саласында 30 жылдан астам қызмет етіп келеді. Қызмет атқарған жылдары Өзінің жоғары біліктілігімен, саладағы мол тәжірибесімен өңіріміздің мәдени-рухани дамуына зор үлес қосып, Сыр елі мәдениет мен өнерінің алыс-жақын шет елдерге танылуы, көптеген жас өнерпаздардардың жарыққа шығуы, ауқымды жобаларды, мәдени-көпшілік шаралар мен жұмыстарды жүзеге асыру жолында аянбай еңбек етіп келе жатқан сала маманы.
Ж.Құрамысованың саладағы еңбегі бағаланып Қазақстан Республикасының Мәдениет және спорт министрлігінің «Мәдениет саласының үздігі» төсбелгісімен, Қазақстан Республикасы «Кәсіподақаралық байланысты дамытуға қосқан үлесі үшін» Құрмет белгісімен және бірнеше мерекелік медальдармен, Алғыс хаттармен марапатталған.

Қызылорда облыстық халық шығармашылығын дамыту орталығына жаңа басшы тағайындалды

<a href="https://kyzylorda-news.kz/">Kyzylorda-news.kz.</a> Күні кеше ғана Жамбыл облысына әкім болып тағайындалған Бердібек Сапарбаев өзінің жаңа қызметіне байланысты пікір білдірді. Бұл туралы ол бүгін Үкімет отырысынан кейін журналистердің сұрағына жауап бергенде айтты.
<blockquote>
 «Оны шешетін Мемлекет басшысы. Мемлекет басшысы осындай шешім қабылдағаннан кейін мен оны орындауға міндеттімін. Кезінде министр болсам, қазір әкім ретінде Жамбыл облысында орын алған оқиға салдарын тезірек жоюға қатысты жұмыс істейміз»,- деді Б. Сапарбаев.
</blockquote>
Сондай-ақ, ол Президент тапсырмасына сәйкес, Жамбыл облысының Қордай ауданында болған жағдайға байланысты құрылған комиссияның төрағасы болып қалатындығын атап өтті. Оның сөзінше, Қордай оқиғасы салдарынан келтірілген шығын көлемі таяу күндері жария етіледі.
<blockquote>
 «Өкінішке қарай, әзірше, келтірілген шығын көлемін айта алмаймын. Жұмыс тобы жұмыс істеп, зардап келген барлық тұрғын үйлерді, сауда нүктелерін зерделеп жатыр. Таяу күндердің ішінде біз келтірілген шығын көлемін жария етеміз. Содан кейін Үкіметке ұсыныс енгізіледі. Бұған қоса, бүгін атап өткенімдей, аталған өңірден шыққан кәсіпкерлермен, бизнесмендермен зардап шеккендерге көмектесу мәселесін де сөйлесіп жатырмыз», – деді ол.
</blockquote>

Сапарбаев жаңа қызметі туралы: «Президенттің шешімін орындауға міндеттімін»

<a href="https://kyzylorda-news.kz/">Kyzylorda-news.kz.</a> &nbsp;Өңірде агротауар өндіру және өткізумен айналысатын бірнеше серіктестік өзара келісім аясында дақылдың құнын 50 процентке дейін көтергені анықталды, деп хабарлайды <a href="https://24.kz/kz/zha-aly-tar/o-am/item/373448-yzylordada-k-sipkerler-k-rish-ba-asyn-negizsiz-ymbattat-an">«Хабар 24»</a>.
Мәселен, өзіндік бағасына сай ақталған күріштің келісі орта есеппен 220 теңгеге саудалануы тиіс болса, бизнесмендер оны 330 теңгеден сатқан. Аймақта астық бағамының мұнша шарықтауына байланысты азық-түлік нарығына талдау жүргізген сала мамандары бәсекелестікті қорғау заңнамасы бұзылғанын айтып отыр. Облыстың басты ауыл шаруашылығы дақылымен қатар тауық еті мен жұмыртқа бағасы да қолдан өсірілгені әшкереленді.&nbsp;
<blockquote>
 «Абзал и К», «Най-Мир», «Жан-Арай» ЖШС-іне ҚР бәсекелестікті қорғау саласы заңнамасын бұзушылық белгілері бар екендігі туралы хабарлама берілді. Бөлшек саудадағы күріш бағасы орташа есеппен 250 теңге болып отыр. Егер де осы жағдай аталған субьектілермен қайталанған жағдайда ҚР КК нормаларына сәйкес субьектілер іс-әрекетіне қатысты тергеу жүргізіледі», – дейді ҚР ҰЭМ Бәсекелестікті қорғау және дамыту комитетінің облыстық департаменті басшысының міндетін атқарушы Еркін Қазығұлов.
</blockquote>

Қызылордада кәсіпкерлер күріш бағасын негізсіз қымбаттатқан

<a href="https://kyzylorda-news.kz/">Kyzylorda-news.kz.</a> Қызылордалық «Байқоңыр» футбол командасы алғашқы қарсыласын жеңді.
Ташкент қаласында маусымға дайындығын пысықтап жүрген “Байқоңыр” командасы жиындағы алғашқы жолдастық кездесуін өткізді. “Янгиер” командасына қарсы өткен кездесуде қызылордалық футболшылар 2-1 есебімен жеңіске жетті.
“Байқоңыр” сапынан Қасымхан Алпысбаев пен Фарух Мирсалимбаев көзге көрінді. Шойтымов шәкірттері 17 ақпанда өзбекстандық тағы бір командамен кездесетін болады.
<img src="https://kyzylorda-news.kz/wp-content/uploads/2020/02/11baikonyrzhendi2.jpg" alt="" />

&#8220;Байқоңыр&#8221; қарсыласын жеңді

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков аудандағы оқуда озат, дарынды, қоғамдық жұмыстарда белсенді, шығармашыл жасөспірімдермен&nbsp; кездесті.
«Дарынды бала – ел болашағы» атты кездесудің мақсаты – оқу мен шығармашылықта жоғары нәтижелер көрсеткен дарынды өрендерді қолдау болып табылады. Шараға жыл бойы аудан атынан облыс, республика деңгейіндегі сайыстар мен байқауларда жеңімпаз атанып, жоғары жетістіктерге ие болған оқушылар қатысты.
К.Томанов атындағы №183 орта мектебінде өткен шарада аудан басшысы роботехника, көркем еңбек кабинеттерін аралап, оқушылардың үйірмелерінің жұмыстарымен танысты.
Республикалық және облыстық байқаулардың жеңімпаздары өз кезегінде жетістіктерімен келешек жоспарларымен бөлісіп аудан басшысымен еркін форматта сұхбаттасты.
<blockquote>
 «Елдің ертеңі болашақ ұрпағымызды кішкентайынан Отансүйгіштікке, білім мен еңбекке ұмтылуға, көрегенділік пен адалдыққа тәрбиелеу парызымыз. Елбасының «Кемел келешекке біліммен» деген қағидасын, өмірде берік ұстанып, жастарымыз алдына зор мақсат қоюы керек дегім келеді. Бүгінгі ХХІ ғасырда жаһандану кезеңінде ақпараттық технологияларды жоғары деңгейде меңгеріп, жауапкершілікті сезіну баршаңызға міндет болып табылады. «Білім алудың тамыры ащы, бірақ жемісі тәтті» дегендей білім мен өнер балалардың болашағының жарқын болуына бірден-бір кепіл», – дейді&nbsp; аудан әкімі Мұса Қалдарбеков.
</blockquote>
<img src="https://kyzylorda-news.kz/wp-content/uploads/2020/02/11karmakshy3.jpg" alt="" />
<img src="https://kyzylorda-news.kz/wp-content/uploads/2020/02/11karmakshy4.jpg" alt="" />
<img src="https://kyzylorda-news.kz/wp-content/uploads/2020/02/11karmakshy5.jpg" alt="" />
<img src="https://kyzylorda-news.kz/wp-content/uploads/2020/02/11karmakshy2.jpg" alt="" />

Қармақшы ауданының әкімі дарынды балалармен кездесті

<a href="https://kyzylorda-news.kz/">Kyzylorda-news.kz.</a> Атырау қаласында самбодан ерлер мен əйелдер арасында өткен ҚР чемпионатында Сыр спортшылары 9 медальмен оралды.
68 келі салмақта Гүлдерайым Алмағанбет пен 80 келіде Мереке Құдайбергенова күміс жүлдегер атанды.
52 келіде Дамир Абдеков, 68 келіде Аружан Байзақ, 72 келі салмақта Алиса Нұртас, 74 келіде Əсет Абдреев, 80 келіде Ляйля Арыстанбек, 80 келіден жоғары салмақта Меруерт Əбубəкір, 82 келіде Ғалымжан Абдрахманов қола жүлделерге ие болды.
<img src="https://kyzylorda-news.kz/wp-content/uploads/2020/02/11sambo2.jpg" alt="" />
<img src="https://kyzylorda-news.kz/wp-content/uploads/2020/02/11sambo3.jpg" alt="" />

Қызылордалық самбошылар 9 медальға ие болды

<a href="https://kyzylorda-news.kz/">Kyzylorda-news.kz.</a> &nbsp;Елімізде 130 ЖОО бар, олардың саны қысқаруы мүмкін. Бұл туралы Орталық коммуникациялар қызметінде өткен брифингте ҚР ЖОО Ассоциациялар президенті Рахман Алшанов айтты, деп хабарлайды <a href="https://www.inform.kz/kz/kazakstanda-130-universitettin-20-sy-zhabyluy-mumkin_a3613024">ҚазАқпарат</a>.
<blockquote>
 «Мысалы, машина жасау мамандығына 1000 грант береді, ал керегі – 200 болуы мүмкін. Бұл жерде бәрі қандай мамандық қажет екеніне байланысты. Әр саланың ерекшелігін, сұранысқа ие екенін ескере келе, 130 ЖОО-ның 15-20-сы қысқаруы немесе жабылуы мүмкін», – дейді Рахман Алшанов.
</blockquote>
Сондай-ақ, ҚР ЖОО Ректорлар кеңесі төрағасы Ерлан Сыдықов студенттер саны қысқармайтынын айтты.
<blockquote>
 «Студенттердің саны қысқармайды. Жоғары білім алғысы келетін, соған ынталы азаматтардың көп болуы еліміздің болашағы үшін маңызды. Ежелден қазақ қоғамында баласын оқытуға, оның білімін шыңдауға ынта жоғары болған. Бұл ынтаны біз пайдалануымыз керек, сондықтан бұл жерде студенттерді қысқарту мәселесі жоқ. Біз тек талапқа сай емес жоғары оқу орындарын қысқарту бойынша ұсыныстар беруіміз шарт», – дейді ол.
</blockquote>

Қазақстанда 130 университеттің 20-сы жабылуы мүмкін

<a href="https://kyzylorda-news.kz/">Kyzylorda-news.kz.</a> Сейсенбіде еліміздің көп бөлігінде қар жауып, жел күшейеді, көктайғақ болады, боран соғуы мүмкін, деп хабарлайды Қазгидромет.
<blockquote>
 &nbsp;«11 ақпанда еліміздің басым бөлігінде атмосфералық ағындардың өтуіне байланысты кей жерлерде қар жауады, оңтүстікте, оңтүстік-шығыста жауын-шашын (жаңбыр, қар), оңтүстікте түнде кей жерлерде қалың қар түседі. Кей жерлерде жел күшейіп, бұрқасын соғады, көктайғақ болып, тұман түсуі ықтимал. Қазақстанның батыс, оңтүстік-батыс облыстары антициклон ықпалында болғандықтан күн райы ашық болады», делінген болжамда.
</blockquote>
Шығыс Қазақстан облысында жел 15-20 м/с күшейеді, кей жерлерде жаяу бұрқасын соғады, тұман, көктайғақ күтіледі.
&nbsp;Алматы, Жамбыл, Түркістан, Қарағанды облыстарының кей жерлерінде тұман, көктайғақ, Жамбыл, Түркістан облыстарында жел 15-20 м/с күшейеді. Ақмола облысының кей жерлерінде тұман, бұрқасын, желдің жылдамдығы 15-20 м/с жетеді.
Солтүстік Қазақстан облысының кей жерлерінде жаяу бұрқасын слоғады, күндіз кей жерлерде жел 15-20 м/с күшейеді.
Қызылорда, Маңғыстау, Батыс Қазақстан, Ақтөбе, Қостанай, Павлодар облыстарының кей жерлерінде тұман күтіледі.

Қар, көктайғақ, жел &#8211; Сейсенбіге арналған ауа райы

1992 жылы Мәскеуде Қазақстан Республикасы мен Испания Корольдігі арасында дипломатиялық қарым-қатынас орнату туралы бірлескен мәлімдемеге қол қойылды.
2002 жылы «Сыр бойы орманы» Қызылорда облыстық мемлекеттік коммуналдық кәсіпорны құрылды.
2002 жылы Қызылорда облыстық онкология орталығы құрылды.
2009 жылы «Самұрық-Қазына»Ұлттық әл-ауқат қоры» АҚ құрылымында республикалық бюджет есебінен медициналық техникаларды сатып алуды ұйымдастыратын «СҚ-Фармация» компаниясы құрылды.
2010 жылы Ұлыбритания астанасы – Лондонда Әл-Фараби атындағы Қазақ ұлттық университетінің түлектері қауымдастығының бөлімшесі ашылды.
2010 жылы Иордан Хашимит Корольдігіндегі Қазақстан Республикасы елшілігінде қайта құрылған ұйымдастыру комитетінің бірінші отырысы өтті. Ол қазақстандық «Иордан-қазақстандық достық қоғамы» дипломатиялық миссиясының қолдауымен құрылды.
2011 жылы Қазақстандық БАҚ саласында Үйлестіру кеңесі құрылды. Ол БАҚ-тың қоғамдық қатынастары мен заңнамасын жетілдірумен, сараптамалық-ұсыныстар мен БАҚ-қа қорытындылар әзірлеумен, ұлттық ақпараттық кеңістіктің жай-күйін зерделеумен айналысатын болды.
2013 жылы Прагадағы Карлов Университетінде Чехияның ірі, ғылыми білім беру мекемесінде екі ел арасындағы дипломатиялық қатынастарды орнатудың 20-жылдығына арналған «Қазақстан – Еуразия кіндігі» атты көрме ашылды.
2016 жылы Астана қаласында алғаш рет «Болашақ» халықаралық стипендиясының тіл мектебі ресми ашылды. Мектепте 2015 жылы «Мемлекеттік қызметшілер», «Ғылыми-педагогикалық қызметкерлер», «Мәдениет қызметкерлері», «БАҚ редакциясының қызметкерлері», «Қазақстандық ЖОО түлектері» квоталық санаттары бойынша 60 алғашқы стипендиаттар оқытыла бастады.

11 ақпан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 11 ақпанға арналған жұлдыз-жорамалы.
Тоқты
Өте сақ болыңыз. Бүгінгі күн сіз ойлағандай болмауы мүмкін. Кейбір ұсақ-түйек жұмыстарды назардан тыс қалдырып, кейін опық жеп қалуыңыз мүмкін.
Торпақ
Керемет күн. Кез келген бағытта болсын жолыңыз болады. Жоспарларыңыз өз ойыңыздағыдай жүзеге асады. Ең бастысы өзіңізге сеніңіз.
Егіздер
Айналаңыздағы адамдарға тым талапшылсыз. Ұсақ-түйекке де үлкен мән бересіз. Сондықтан біраз адамдармен тіл табыса алмайсыз.
Шаян
Күніңіз керемет өтеді. Кез келген маңызды да, қиын шаруаларды орындай аласыз. Бұрын алған тәжірибелер дәл қазір өте қажет болады.
Арыстан
Түске дейінгі уақытта жолыңыз болып, сәттілік серігіңізге айналады. Өзгелерге сенім артқаннан бұрын, тек өз күшіңізге сенгеніңіз дұрыс.
Бикеш
Бүгін жұмыс бастан асады. Тез арада шешу қажет мәселелер ойламаған жерден пайда болады. Негізі бүгінгі күнге жоспар құрмағаныңыз жөн.
Таразы
Табандылық танытасыз. Соның арқасында өз дегеніңізге жетіп, жаныңыздағы адамдарды таң қалдыратын боласыз.
Сарышаян
Түске дейінгі уақытыңыз керемет өтеді. Кез келген іспен айналысып, сол арқылы табысқа жетесіз. Көп адаммен тіл табыса аласыз.
Мерген
Аздаған қиындықтар туындайды. Бірақ мәселелерді тез шешіп, соңында жақсы нәтижеге қол жеткізесіз. Жұмыста асығыстық танытасыз.
Тауешкі
Жемісті де, қызықты күн. Өз идеяларыңыз қызықты болмауы мүмкін. Сондықтан өзгелердің ойын өз ісіңізге пайдаланатын боласыз.
Суқұйғыш
Байланыс орнатуға керемет күн. Кез келген адаммен тіл табыса аласыз. Өзіңізге қолдау білдіретін жандардың бар екенін сезінесіз.
Балықтар
Ұсақ-түйек қиындықтар туындауы мүмкін. Бірақ еш мойымаңыз. Қызықты жаңалық естисіз. Бұл жағымды жаңалық сізді қуантатын болады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> ҚР Президентінің Жарлығымен Бердібек Сапарбаев Жамбыл облысының әкімі қызметіне тағайындалды. Ол Қазақстан Республикасы Премьер-Министрінің орынбасары қызметінен босатылды, деп хабарлайды Ақорданың баспасөз қызметі.
Бердібек Мәшбекұлы САПАРБАЕВ 1953 жылы 9 ақпанда Қызылорда облысы Жаңақорған ауданы Бесарық ауылында дүниеге келді.
1977 жылы Алматы Халық шаруашылығы институтын «Экономика және материалдық-техникалық жабдықтау» мамандығы бойынша бітірді. Экономика ғылымдарының докторы, профессор.
Еңбек жолын Қызылорда облысының Задарьинский совхозының жұмысшысынан бастады (1969-1971 жылдары); әскери қызметін өткерді (1971-1973 жылдары). Институтты бітірісімен Республикалық мемлекеттік еңбек жинақтау кассалары (гострудсберкассы) басқармасында экономист (1977); ҚазКСР Қаржыминінде экономист, аға экономист, жетекші, бас экономист, бөлім бастығының орынбасары (1977-1988 жылдары); жоспарлау-қаржы басқармасының бастығы, Бас экономика басқармасының бастығы, Қазақстан Республикасы Білім министрінің орынбасары (1988-1993 жылдары); Президент Аппараты бөлімі мен Қазақстан Республикасы Министрлері кабинеті меңгерушісінің орынбасары (1993); Қазақстан Республикасы Министрлер кабинетінің Істер басқармасының Қаржы, еңбек және әлеуметтік қорғау бөлімі меңгерушісінің орынбасары және меңгерушісі (1994-1995 жылдары) болды.
Қазақстан Республикасы Министрлер кабинеті Аппаратының басшысы (1995); Қызылорда облысының әкімі (1995-1999 жылдары); Оңтүстік Қазақстан облысының әкімі (1999-2002 жылдары) қызметтерін атқарды;
Қазақстан Республикасы Кедендік бақылау агенттігінің төрағасы, Қазақстан Республикасы Қаржы вице-министрі – Кедендік бақылау комитетінің төрағасы (2002-2006); Премьер-Министр Кеңсесі басшысының орынбасары – Қазақстан Республикасы Парламентіндегі Үкіметтің Өкілі (2006-2007); Қазақстан Республикасының Экономика және бюджеттік жоспарлау вице-министрі (2007 жылы ақпан – 27 тамыз). 2007 жылдың тамызынан Қазақстан Республикасының Еңбек және халықты әлеуметтік қорғау министрі. 2009-2014 жылдары – Шығыс Қазақстан облысының әкімі. 2014-2015 жылдары – Қазақстан Республикасы Премьер-Министрінің орынбасары.2015-2019 жылдары – Ақтөбе облысының әкімі. 2019 жылдың ақпан-тамыз айларында Қазақстан Республикасының Еңбек және халықты әлеуметтік қорғау министрі болды.
2019 жылдың тамыз айынан бастап ҚР Премьер-Министрдің орынбасары қызметін атқарды.
«Құрмет» (1999), «Парасат» (2007) ордендерімен, «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Республикасының Конституциясына 10 жыл» (2005) медальдарымен марапатталған.

Бердібек Сапарбаев Жамбыл облысының әкімі қызметіне тағайындалды

<a href="https://kyzylorda-news.kz/">Kyzylorda-news.kz.</a> Мұз айдыны” СК-де “Спорт – нашақорлыққа қарсы” ұранымен баскетболдан балалар-жасөспірімдер спорт мектептерінің оқушылары арасында облыстық біріншілік өтті.
Жарысқа Қызылорда, Байқоңыр қалалары мен аудандардан 8 команда 2003-2004 ж.т. 212 жасөспірім ұлдар мен қыздар қатысты.
Нəтижесінде ұлдар мен қыздар арасында Қызылорда қаласының #2 ОРМБЖМ мектебінің командасы жеңімпаз атанды.
Ұлдар арасында Шиелі – екінші, Байқоңыр қаласы – үшінші орындарды еншіледі.
Қыздар арасында жүлделі орын алған командалардың нəтижесі ұлдармен бірдей болды.
Жеңімпаз жəне жүлдегер командаларды облыстық баскетбол федерациясының президенті Ғалым Əміреев марапаттады.
<img src="https://kyzylorda-news.kz/wp-content/uploads/2020/02/10basketboll2.jpg" alt="" />
<img src="https://kyzylorda-news.kz/wp-content/uploads/2020/02/10basketboll3.jpg" alt="" />
<img src="https://kyzylorda-news.kz/wp-content/uploads/2020/02/10basketboll4.jpg" alt="" />

Қазақстан және Қызылорда облысының жаңалықтары

Қызылорда облыстық халық шығармашылығын дамыту орталығына жаңа басшы тағайындалды

Сапарбаев жаңа қызметі туралы: «Президенттің шешімін орындауға міндеттімін»

Қызылордада кәсіпкерлер күріш бағасын негізсіз қымбаттатқан

“Байқоңыр” қарсыласын жеңді

Қармақшы ауданының әкімі дарынды балалармен кездесті

Қызылордалық самбошылар 9 медальға ие болды

Қазақстанда 130 университеттің 20-сы жабылуы мүмкін

Қар, көктайғақ, жел – Сейсенбіге арналған ауа райы

11 ақпан: Атаулы күндер мен оқиғалар

Жұлдыздар не дейді?

Бердібек Сапарбаев Жамбыл облысының әкімі қызметіне тағайындалды

Қызылордалық баскетболшылар жеңімпаз атанды

Қазақстан және Қызылорда облысының жаңалықтары

Қызылорда облыстық халық шығармашылығын дамыту орталығына жаңа басшы тағайындалды

Сапарбаев жаңа қызметі туралы: «Президенттің шешімін орындауға міндеттімін»

Қызылордада кәсіпкерлер күріш бағасын негізсіз қымбаттатқан

&#8220;Байқоңыр&#8221; қарсыласын жеңді

Қармақшы ауданының әкімі дарынды балалармен кездесті

Қызылордалық самбошылар 9 медальға ие болды

Қазақстанда 130 университеттің 20-сы жабылуы мүмкін

Қар, көктайғақ, жел &#8211; Сейсенбіге арналған ауа райы

11 ақпан: Атаулы күндер мен оқиғалар

Жұлдыздар не дейді?

Бердібек Сапарбаев Жамбыл облысының әкімі қызметіне тағайындалды

Қызылордалық баскетболшылар жеңімпаз атанды

“Байқоңыр” қарсыласын жеңді

Қар, көктайғақ, жел – Сейсенбіге арналған ауа райы