<a href="https://kyzylorda-news.kz/">Kyzylorda-news.kz</a>. «Қазгидромет» РМК 29 қаңтарға арналған ауа райы болжамын ұсынады.
Қазақстан ауамағының басым бөлігіне антициклон әсер етеді, осыған байланысты оңтүстігінде, батысында және солтүстік-батысында жауын-шашынсыз ауа райы күтіледі.
ҚР шығысы мен орталығы циклон әсерінде болғандықтан, атмосфералық ауа ағындардың өтуіне байланысты қар жауады. Кей жерлерде тұман, көктайғақ, бұрқасын, желдің күшеюі сақталады.
Жамбыл облысының кей жерлерінде тұман, көктайғақ, жаяу бұрқасын күтіледі, түнде желдің күші кей жерлерде 15-20 м/с күшейеді.
&nbsp;Қарағанды, Павлодар, Шығыс Қазақстан облыстарының кей жерлерінде тұман, түнде бұрқасын күтіледі, түнде жел 15-20, кей жерлерде жел 23-28 м/с жылдамдықпен соғады.
&nbsp;Ақмола облысының кей жерлерінде тұман, түнде бұрқасын күтіледі, жел түнде кей жерлерде 15-20 м/с күшейеді.
Маңғыстау облысының кей жерлерінде тұман түсіп, жел 15-20 м/с жылдамдықпен соғады.
&nbsp;Алматы, Қызылорда, Түркістан, Батыс Қазақстан, Қостанай, Солтүстік Қазақстан облыстарының кей жерлерінде тұман түседі.

Бұрқасын, қар, көктайғақ – сәрсенбіге арналған ауа райы

Халықаралық ядролық соғыс қаупіне қарсы жұмылдыру күні
Осы атаулы күн 1985 жылы ядролық қарулану жарысын тоқтатуға шақыратын Дели декларациясының қабылдануына орай таңдалды. Декларация Үндістан астанасында Үндістан, Аргентина, Грекия, Мексика, Танзания және Швеция мемлекет және үкімет басшыларының отырысында қабылданды.
1992 жылы&nbsp;Қазақстан Республикасы мен Иран Ислам Республикасы арасында дипломатиялық қарым-қатынас орнату туралы хаттамаға қол қойылды.
1998 жылы&nbsp;«Байқоңыр» ғарыш айлағынан Талғат Мұсабаев бастаған халықаралық экипаж ғарышқа аттанды. Бұл қазақ ғарышкері командир болған тұңғыш экспедиция ретінде тарихта қалды.
2007 жылы “Қызылорда облыстық мамандандырылған балалар мен жасөспірімдер футбол спорт мектебі” мемлекеттік мекемесі құрылды.
2010 жылы&nbsp;Қазақстандық әнші Маша Мудряк Италиядағы «Raccomandati» телевизиялық конкурсының жеңімпазы атанды.
2010 жылы&nbsp;Парламенттің бірлескен отырысында Елбасы Нұрсұлтан Назарбаев «Жаңа онжылдық – жаңа экономикалық өрлеу – Қазақстанның жаңа мүмкіндіктері» атты жыл сайынғы Қазақстан халқына Жолдауын жариялады.

29 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 29 қаңтарға арналған жұлдыз-жорамалы.
Тоқты
Бүгін көп адаммен кездесесіз. Бұл іскерлік кездесу болуы да мүмкін. Не болмаса жиыналысқа қатысасыз. Ондағы адамдармен тез тіл табысып, алдағы жоспарларыңызбен бөлісетін боласыз.
Торпақ
Сәтті күн. Жағымды тосынсыйлар күтіңіз. Барлығы сіз ойлағандай қиын емес, керісінше әлдеқайда оңай. Ол үшін өзгелерден көмек сұраңыз, олардың тәжірибелерін пайдаланып, жетістікке жетіңіз.
Егіздер
Бүгін жұмыс көп, сондықтан күн тәртібі өте тығыз болады. Біраз уақыттан бері көздеп жүрген мақсатыңызға жету үшін құр қол отыруға болмайтынын жақсы білесіз.
Шаян
Керемет күн. Ештеңеге алаңдаудың қажеті жоқ. Өмірге риза болып, шын қуана біліңіз. Бұрын-соңды ешкім байқамаған талантыңыз ашылып, жұртты таңқалдырасыз.
Арыстан
Түске дейінгі уақытыңыз жақсы өтеді. Уақытыңызды тиімді пайдаланасыз. Әр минутыңыз өз пайдасын әкелетін болады. Сондай-ақ бүгін қарсыластарыңызды шаң қаптыратын боласыз.
Бикеш
Назарыңызды өзіңізге қажетті ақпаратқа ғана тігіңіз. Ешкімге ашуланудың қажеті жоқ. Әсіресе жаныңыздағы жандарға бола ашу шақырмаңыз. Барлығымен жақсы қарым-қатынаста болу тек өзіңізге байланысты болмақ.
Таразы
Әр қадамыңызды ойланып басыңыз. Дұрыс шешімді өзгелердің тәжірибесіне қарап болжауға болмайды. Өздерінің нақты жоспарлары бар жандарға ғана бүгін сәттілік серік болады. &nbsp;
Сарышаян
Маңызды шаруаларды кейінге қалдырмаңыз. Оларды қаншалықты ерте қолға алсаңыз, соншалықты тез орындайсыз. Жаңа жобаларды тез игересіз. Өзіңізге қажетті дүниені тез үйренесіз.
Мерген
Жаңа таныстарыңыздың бірі сіздің кеңпейілдігіңізді өз қызығушылығына немесе өз пайдасына жаратқысы келеді. Сондықтан сақ болыңыз. Ешкімнің арбауына түсіп қалмаңыз.
Тауешкі
Бүгін тау қопарардай күшіңіз бар. Өзгелерге де көмек көрсеткіңіз келеді. Бірақ сізден ешкім көмек сұрамайды. Сізді және жақындарыңызды уайымға салып жүрген мәселе өз шешімін табады.
Суқұйғыш
Маңызды шаруаларды атқаруға және жаңа бастамаларды қолға алуға қолайлы күн. Ештеңені назарыңыздан тыс қалдырғыңыз келмейді. Айналаңыздағылар сізден үлгі алатын болады.
Балықтар
Жаңа іспен айналысқаныңыз жөн. Күнделікті шаруа сізді шаршататын болады. Өз қызығушылығыңызды тауып, сол істі қолға алыңыз. Өзіңізге қажет ілімді тез ұғып, оны өз пайдаңызға жаратасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Атырау қаласында тоғызқұмалақтан өткен ерлер арасындағы ҚР командалық чемпионатында облыс құрамасы жүлделі ІІІ-орынды иеленді.
Команда құрамында Бексұлтан Бостандықов, Ермұхаммед Əлайдар, Дамир Ахметов, Сəбит Шүленбаев, Ерасыл Пернебаев жəне Хəкімжан Елеусінов шеберлік байқасты.
Енді 15-21 ақпан аралығында Тараз қаласында əйелдер арасында өтетін ел чемпионатына облыс құрамасы қатысады.
Содан кейін облыс тоғызқұмалақшылары 1-7 наурыз аралығында Қызылорда қаласында өтетін мемлекет жəне қоғам қайраткері Н.Ергешбаевты еске алуға арналған ашық Азия кубогына дайындалады.
<img src="https://kyzylorda-news.kz/wp-content/uploads/2020/01/28togyzkumalak2.jpg" alt="" />

Қызылордалық тоғызқұмалақшылар ел чемпионатының қола жүлдегері атанды

<a href="https://kyzylorda-news.kz/">Kyzylorda-news.kz.</a> Кәсіпкерлер палатасының бизнес өкілдері арасындағы есепті кездесуі Жаңақорған ауданында өтті.
Жаңақорғандық кәсіпкерлерге Палата директорының орынбасары Пірмұхаммед Сыздықов, аудандық филиал директоры Рысбай Нысанханов пен Палата сарапшысы Гүлдана Таңатова өңірде саланы дамыту бағытында жасалып жатқан жұмыстар, «Атамекенмен» қабылданған шаралар және олардың нәтижесі туралы айтып берді.
Кездесу барысында мал бордақылаумен айналысып жүрген кәсіп иелері осы саладағы мемлекет тарапынан берілетін субсидияның кәсіптерін дамыту үшін айтарлықтай көмек болып отырғанын, соңғы уақытта бейресми дерек көздерінен қалыптасқан бұл жүйеге өзгеріс енгізілетіндігі жөнінде естіп, алаңдап отырғандықтарын жеткізді.
Бұл мәселеге қатысты Кәсіпкерлер палатасы директорының орынбасары ресми нормативтік-құжаттарға әзірге өзгеріс енгізілмегендігін, кәсіпкерлердің бұл тілегін Орталық аппаратқа жолдайтындығын айтты.
Мұнан өзге, кездесуде кәсіпкерлер тарапынан мемлекет тарапынан кәсіпкерлік мақсатта беріліп жатқан қайтарымсыз қаржы – гранттарға, салық заңнамаларына енгізілген өзгерістерге, кәсіпкерлікпен айналысуға арналған оқу курстарына қатысты сауалдар қойылып, тұщымды жауаптар берілді.
Айта кету керек, Жаңақорған ауданыда бүгінгі таңда 4168 кәсіпкерлік субъектісі тұрақты жұмыс жасауда. 2019 жылы Палата мамандары 458 азаматқа 984 кеңес беріп, 607 сервистік қызмет көрсеткен. Инновациялық грантқа құжат тапсырған 30 адамды оқытып, құжаттарын әзірлеп берген. Нәтижесінде 8 жаңақорғандық грантқа ұол жеткізген. «Бастау» жобасы бойынша 480 адамды, «Жас кәсіпкер» жобасымен 115 жасты оқытты. Бүгінде «Жас кәсіпкерлерліктердің» 98-і кәсібін бастап кетті. Ал жалпы Жаңақорған ауданынан «Еңбек» бағдарламасы аясында өткен жылы 653 азамат кәсіпкерлік мақсаттағы мемлекеттік қайтарымсыз қаржыға қол жеткізген.

Кәсіпкерлер палатасының мамандары жаңақорғандық кәсіпкерлермен кездесті

<a href="https://kyzylorda-news.kz/">Kyzylorda-news.kz.</a> Қытай Халық Республикасынан келген азаматтар соңғы 14 күн ішінде коронавирус симптомдары байқалған жағдайда жол жүріп келгеннен кейін тіркелу және медициналық қадағалап-қарау үшін тұрғылықты жері бойынша учаскелік дәрігерге хабарласуы тиіс.
&nbsp;Бұл туралы Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті ескертеді.
Ол үшін тәулік бойы жұмыс істейтін Call-орталыққа 1406 нөмірі бойынша немесе жақын орналасқан медициналық ұйымға хабарласуы тиіс.
<img src="https://kyzylorda-news.kz/wp-content/uploads/2020/01/28kitaidankelseniz2.jpg" alt="" />

Қытайдан келген болсаңыз&#8230;

<a href="https://kyzylorda-news.kz/">Kyzylorda-news.kz.</a> 28 қаңтарда халықаралық дербес деректерді қорғау күні атап өтіледі. Датаға орай «Азаматтарға арналған үкімет» мемлекеттік корпорациясының төрайымы Әсемгүл Балташева ЭЦҚ кілтті дұрыс пайдалану және оны сақтау жолдары жөніндегі кеңестерімен бөлісті.
Электронды цифрлық қолтаңба – азаматтарға egov.kz, elicense.kz, enis.kz, salyk.kz сияқты электронды үкімет порталдарын пайдалануға мүмкіндік беретін электронды кілт. &nbsp;Жеке немесе заңды тұлғалардың барлық дербес мәліметтеріне жол ашатын цифрлық қолтаңбаны пайдаланудың және сақтаудың өз ерекшеліктері бар.
ЭЦҚ-ға тапсырысты pki.gov.kz сайтынан беріп, ХҚО-ға тек тұлғаны куәландыру үшін баруға болады. Алайда көпшілік электронды кілтті халыққа қызмет көрсету орталығынан алуды жөн көреді. 2019 жылы қазақстандықтар 7,8 млн электронды кілт рәсімдеген, бұл 2018 жылмен салыстырғанда 1,7 млн көп көрсеткіш. Алайда бұл, көп жағдайда, бір адамның ЭЦҚ-ға тапсырысты бір-ақ рет бергенін білдірмейді дейді Әсемгүл Балташева.
<blockquote>
 «Азаматтар құжатқа электронды тапсырыс беретін кезде немесе декларация тапсырған сәтте ғана ЭЦҚ-ны пайдаланып, кейін оны қайда сақтағанын ұмытып, &nbsp;құпиясөзін естен шығарып жатады. Сөйтіп, ЭЦҚ кілтке қайта тапсырыс береді. Дербес деректер базасын қолжетімді ететін кілтті құнды дүниедей сақтап, мұқият болу керек. Біз ешқашан банк картасының пин-кодын ұмытпаймыз, ал ЭЦҚ-ның құпиясөзін есте сақтап жаттамаймыз. ЭЦҚ-ны пайдалану мәдениеті ең алдымен азаматтардың өзі үшін қажет», – дейді мемлекеттік корпорация төрайымы.
</blockquote>
Көп жағдайда, ЭЦҚ рәсімдеген сәтте, ХҚО мамандары бірдей құпиясөз бекітіп береді, алайда қолданушы оны жеке кабинетінде кейін өздігінен жаңарта алады. Бүгінде жеке куәлік чипына жазылатын ЭЦҚ 3 жылға жарамды, оны пайдалану үшін арнайы картридер қажет. Флеш-картаға жазылып берілетін кілттің жарамдылық мерзімі – 1 жыл.&nbsp; Цифрлық қолтаңбаның уақыты өтпей тұрып, оны онлайн түрде pki.gov.kz сайты арқылы &nbsp;жаңартуға болады. Мерзімнің аяқталатыны туралы смс-ескертпені алу үшін жеке кабинетте ұялы телефон нөмірі байланыстырылуы тиіс. «Телефон нөмірі мен ЭЦҚ-ны сәйкестендірген азаматтарға электронды түрде алынған қызметтер бойынша&nbsp; хабарламалар келіп тұрады. Ол смс-тер бөгде қызметтердің алынбауын бақылап отыруға да мүмкіндік береді»,– дейді Ә.Балташева.
Қазақстандықтар өз атында қанша электронды кілттің барын egov mobile қосымшасынан көріп, керек жағдайда сол жерден оны қайтара шығаруға тапсырыс бере алады.

Бүгін – халықаралық дербес деректерді қорғау күні

<a href="https://kyzylorda-news.kz/">Kyzylorda-news.kz.</a> Індет ошағында дәрігерлер жетіспей жатыр.&nbsp;Ухань қаласындағы коронавирус індетінің ошағында жұмыс істеп жатқан қытай дәрігерлері әжетханаға баратын уақыттың жоқтығынан ересектерге арналған жаялықша киюге мәжбүр. Бұл туралы&nbsp;<a href="https://www.washingtonpost.com/world/asia_pacific/in-wuhans-virus-wards-plenty-of-stress-but-shortages-of-everything-else/2020/01/24/ba1c70f0-3ebb-11ea-afe2-090eb37b60b1_story.html">Washington Post</a>&nbsp;хабарлады.
Басылымның жазуынша, науқастардың көптігінен дәрігерлер күндіз-түні кірпік қақпай жұмыс істеуге көшіпті. Дәрігерлерден бөлек&nbsp;барлық ауруханада дәрі-дәрмек, медициналық бетперде мен қорғаныш киімдері жетіспей жатыр.
<blockquote>
 Ухань ауруханасында істейтін бір хирург жергілікті Weibo әлеуметтік желісіне: «Үстімізге киіп жүрген қорғаныш киім ең соңғы болуы мүмкін екенін білеміз, сол себепті оларды жоғалтып алудан қорқамыз», – деп жазған.
</blockquote>
Коронавирус адамдарды осы індеттен емдеп жатқан дәрігерлердің де&nbsp;өмірін жалмауға көшті. Бұған дейін Ухань қаласында 62 жастағы Лян Удун есімді дәрігердің ауру жұқтырып өлгені белгілі болса, енді дамыл таппай жұмыс істегеннің кесірінен жүрек талмасынан дәрігер Цзян Цзицзюнь көз жұмған. Адам нөпіріне және жұмыстағы жағдайға шыдамаған дәрігерлер жүйкесінің тозғанын, тіпті психологиялық көмекке зәру екендерін де айтып жатыр. &nbsp;&nbsp;
1 жарым миллиардқа жуық тұрғыны бар Қытайда жалпы тәжірибелік рұқсатқа ие &nbsp;небәрі 60 мың дәрігер жұмыс істейді екен. Бұл елдегі медицина қызметкерлерінің жалпы санының 3,5% ғана.

Уханьда дәрігерлер жаялықша киюге мәжбүр. Індет ошағында дәрігерлер өле бастады (видео)

<a href="https://kyzylorda-news.kz/">Kyzylorda-news.kz.</a> Қызылордада баласын белгісіз адамға тастап кеткен әйел сот шешімімен ата-ана құқығынан айырылды.Қаңтардың бел ортасында өткен сот отырысы екі аптаға кейінге қалдырылып, іске қатысты шешім бүгін, яғни 28 қаңтар күні оқылды.<blockquote>«Жауапкер Цой Людмила Григорьевнаны&nbsp; кәмелетке толмаған 8 наурыз 2011 жылы туылған Цой Владикке қатысты ата-аналық құқығынан айырлсын. Кәмелетке толмаған Владик Цойды талап қоюшы Қызылорда қалалық білім бөлімінің қамқоршылық және қорғаншылық жөніндегі функцияларды жүзеге асыратын органның қамқорлығына берілсін», – деді судья Қ.Бержанов.</blockquote>Сот шешімінде айтылғандай, жауапкер Людмила Цой барлық табысы мен өзге де кірісінің төрттен бір бөлігі мөлшерінде Владик Цойды күтіп-бағу үшін ол кәмелетке толғанша ай сайын алимент төлеуі тиіс. Алимент сот шешімімен 2019 жылдың 18 қарашасынан бастап өндірілуі және өкілетті банкте баланың атына ашылған есепшотқа аудырылуы қажет.<blockquote>«Жауапкер Цой Людмила Григорьевнадан мемлекет пайдасына 1263 теңге және 5055 теңге мемлекеттік баж өндірілсін. Шешімге наразы жақтары шешім түпкілікті нысанда шығарылған күннен бастап, ал сот талқылауына қатыспаған тұлғалар өздеріне шешімнің көшірмелері жіберілген күннен бастап бір ай ішінде Қызылорда олысының кәмелетке толмағандардың істері жөніндегі мамандандырылған ауданаралық соты арқылы Қызылорда облыстық сотының азаматтық істер жөніндегі апелляциялық сот алқасына аппеляциялық шағым немесе прокурор өтінішхат келтірулеріне құқылы», – деді судья. &nbsp;&nbsp;&nbsp;</blockquote>Сот отырысы кезінде қалалық білім бөлімі жанындағы қорғаншылық және қамқоршылық жөніндегі функцияларды жүзеге асыратын органның маманы Людмила Цойдың 5 баласы бар екендігін растап, оның үлкен ұлы кәмелет жасқа толғанын, екінші қызы 10 сыныпта оқитындығын және Қармақшы ауданында өз әкесінің қолында тәрбиеленіп жатқандығы туралы айтып өтті.Айта кетейік, қаңтар айының 15-күні Қызылорда облысы, Қармақшы ауданы, ІІІ Интернационал ауылының тумасы Людмила Цойға қатысты сот отырысы болып өтті. Ол 2011 жылғы некесіз туған баласы Владик Цойды заң жүзінде әкесі деп танылмаған «Сабалақ» саяжайының тұрғыны Константин Кимге тастап кеткен. Людмила Цой өз ұлын Константинге 2015 жылдың желтоқсан айында қалдырған. Сол уақыттан бері бірде-бір рет баласының жағдайын білуге келмеген, оның өміріне алаңдамаған. Константин Ким 2019 жылдың 9 мамырында дүниеден озып, бала қараусыз қалған еді. Сол уақытта саяжайдағы көршілері тәртіп сақшыларына хабар беріп, баланың қараусыз&nbsp; қалғанын ескерткен болатын.Қызылорда қалалық жергілікті полиция бөлімінің қызметкері Жасұлан Асылбеков өткен жылдың 14 мамырында баланы іздеп барып, оны арық ішінде ойнап отырған жерінен тапқандығын айтты. Тәртіп сақшысы өз міндетіне сәйкес баланы қалалық білім бөліміне апарып, онда баланың ешкімі жоқтығы жөнінде қаулы алып, қалалық кәмелетке толмағандарды бейімдеу орталығына орналастырған болатын. Сол уақыттан бері баланың денсаулығы толық зерттеліп, оның осы уақытқа дейін мектеп табалдырығын аттамағандығы белгілі болды.Оған қоса, баланың дамуында тежеліс бар екендігі, оның анық сөйлей алмайтындығы белгілі болып, балаға «Психикалық даму бөгелісі» диагнозы қойылған. Қазіргі таңда Владик Цой Нағи Ілиясов атындағы №9 мектеп-гимназияның 1 сыныбында оқиды.<a href="https://kyzylorda-news.kz/kogam/balasyn-aerkimning-qolyna-tastap-oezi-ongtuestik-korejagha-ketken-qyzylordalyq-aejel-analyq-quqyghynan-ajyrylady-ma-40602/">Еске сала кетейік</a>, бұған дейін бұл іске қатысты алғашқы сот отырысы мен баланың жағдайы туралы жариялаған болатынбыз.Динара МАХАНОВАФото: Нурболат Нуржаубай&nbsp;

Баласын белгісіз адамға тастап кеткен қызылордалық әйел ата-ана құқынан айырылды

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлік және туризм басқармасы басшысының орынбасары сыбайлас жемқорлық жасады деп күдікпен айыпталуда, деп хабарлайды <a href="https://t.me/antikornews/722">Сыбайлас жемқорлыққа қарсы қызмет</a>.
Қызылорда облысы бойынша Сыбайлас жемқорлыққа қарсы қызметі Қызылорда облысының кәсіпкерлік және туризм басқармасы басшысының орынбасарына қатысты сыбайлас жемқорлық жасады деген күдікпен сотқа дейінгі тергеуді бастады.
<blockquote>
 «Ол жалпы қамқорлығы мен орындалған жұмыс актісіне кедергісіз қол қойғаны үшін жеке кәсіпкерден карталық шоты арқылы едәуір мөлшерде пара алды деген күдікке ілінді» делінген хабарламада.
</blockquote>
Сотқа дейінгі тергеу жалғасуда. Күдіктіге қатысты түпкілікті шешімді сот шығарады.

Қызылордада лауазымды шенеунік кәсіпкерден пара алды деп айыпталуда

<a href="https://kyzylorda-news.kz/">Kyzylorda-news.kz.</a> «Қыс – қарымен көрікті». Десек те, Қызылорда облысының тұрғындарының қыс мезгілінде өңірде қардың аз түсетіндігіне әбден еті үйреніп кеткен. Биылғы Жаңа жылдың өзін қарсыз қарсы алған сырбойылықтарға бұл қалыпты жағдай.
«Дүниеде қар&nbsp;жауған сәттегідей бейбіт те тыныш өмір бар ма екен», деп жазушы Оралхан Бөкей «Қар қызы» повесінде қар жауып тұрған сәтті нәзік жеткізеді.
Кеше Қызылордаға қар жауды. Жәй ғана жауған жоқ, қалың қар түсті. Бір айдың қары бір-ақ түсті ме дерсіз?!
– Сыр еліне&nbsp;қар&nbsp;жауды. Жауса жаусын…
Жаусын десем, жақыным, жау санарсың.
Қара бояу қаптаған дүниенің,
Аппақ түске бірер сәт аңсары аусын, – деп жырлаған ақындардың жыр шумақтары есімізге оралады осындайда.
Қызылордаға көптен жаумаған қар қаланы бір-ақ сәтте ақ көрпеге орап, тұрғындарды тұмса табиғаттың сұлулығына еріксіз сүйсіндірді.
Осы әдемі сәттер мен қалың қарға оранған қаланың тіршілігін таспаға түсірген танымал фотограф Нұрболат Нұржаубайдың фоторепортаждарын назарларыңызға ұсынамыз.
Нұрсұлтан МЫҚТЫБАЙ
Суретке түсірген: Нұрболат НҰРЖАУБАЙ
ЕСКЕРТУ: Эксклюзивті материалды көшіріп басуға болмайды!
<img src="https://kyzylorda-news.kz/wp-content/uploads/2020/01/28kar2.jpg" alt="" />
<img src="https://kyzylorda-news.kz/wp-content/uploads/2020/01/28kar3.jpg" alt="" />
<img src="https://kyzylorda-news.kz/wp-content/uploads/2020/01/28kar4.jpg" alt="" />
<img src="https://kyzylorda-news.kz/wp-content/uploads/2020/01/28kar5.jpg" alt="" />
<img src="https://kyzylorda-news.kz/wp-content/uploads/2020/01/28kar6.jpg" alt="" />
<img src="https://kyzylorda-news.kz/wp-content/uploads/2020/01/28kar7.jpg" alt="" />

Қызылордаға қалың қар жауды: «Аппақ түске бірер сәт аңсар аусын&#8230;» (ФОТО)

<a href="https://kyzylorda-news.kz/">Kyzylorda-news.kz.</a> Қарағанды және Қызылорда облыстарында пилоттық режимде «Ауыл мектебі» жаңа білім беру жобасы бастау алды, оның&nbsp;аясында педагогикалық практиканы жетілдіру, материалдық-техникалық базаны жақсарту және цифрлық ресурстардың қолжетімділігін арттыру арқылы республиканың ауыл мектептеріндегі білім сапасын арттыру жоспарлануда.
<blockquote>
 «Жаңа жобаның басты міндеті – қалалық және ауылдық мектептер арасындағы білім сапасындағы айырмашылықты азайту. Қазір жұмыстар Қарағанды облысы Қарқаралы ауданының төрт мектебінде және Қызылорда облысының Жаңақорған және Сырдария аудандарының үш мектебінде басталды. Жоба аясында оқу процесі мен материалдық-техникалық базаны егжей-тегжейлі зерделеу, білім беру ортасының мониторингі, мұғалімдердің кәсіби сұраныстары, ата-аналар мен қоғамның мектеп өміріне қатысуы, сонымен қатар оқу-тәрбие процесінің басқа да мәселелерін зерттеу жоспарланған», – дейді «Назарбаев Зияткерлік мектептері» дербес білім беру ұйымының тәжірибені тарату департаментінің директоры Гүлнар Балғабаева.
</blockquote>
Жобалық топтардың құрамына облыстық білім басқармаларының қызметкерлері және «Назарбаев Зияткерлік мектептері» дербес білім беру ұйымының өкілдері кірді: тәжірибе тарату мен зерттеулер департаменті бөлімдері, төрт орталық – білім беру бағдарламалары, педагогикалық шеберлік, педагогикалық өлшемдер, ақпараттық технологиялар және сервис. Әр жоба нәтижелері бойынша жоба топтары аналитикалық есептер мен ұсыныстар дайындайды, әкімдіктер соның негізінде кешенді бағдарламалар әзірлейді.
Ауыл мектептерін кең көлемде қолдау мақсатында құрылған жаңа білім беру жобасы вице-премьер Бердібек Сапарбаевқа Назарбаев Зияткерлік мектептерінің басшылығымен болған кездесуде ұсынылды. «Ауыл мектебі» аясында республиканың барлық ауылдық мектептері материалдық-техникалық базаның жақсаруы және мұғалімдердің шығармашылық әлеуетінің артуының нәтижесінде қайта жанданады деп күтілуде.
<img src="https://kyzylorda-news.kz/wp-content/uploads/2020/01/28aulmektebi2.jpg" alt="" />
<img src="https://kyzylorda-news.kz/wp-content/uploads/2020/01/28aulmektebi3.jpg" alt="" />

Қазақстан және Қызылорда облысының жаңалықтары

Бұрқасын, қар, көктайғақ – сәрсенбіге арналған ауа райы

29 қаңтар: Атаулы күндер мен оқиғалар

Жұлдыздар не дейді?

Қызылордалық тоғызқұмалақшылар ел чемпионатының қола жүлдегері атанды

Кәсіпкерлер палатасының мамандары жаңақорғандық кәсіпкерлермен кездесті

Қытайдан келген болсаңыз…

Бүгін – халықаралық дербес деректерді қорғау күні

Уханьда дәрігерлер жаялықша киюге мәжбүр. Індет ошағында дәрігерлер өле бастады (видео)

Баласын белгісіз адамға тастап кеткен қызылордалық әйел ата-ана құқынан айырылды

Қызылордада лауазымды шенеунік кәсіпкерден пара алды деп айыпталуда

Қызылордаға қалың қар жауды: «Аппақ түске бірер сәт аңсар аусын…» (ФОТО)

Қызылордада «Ауыл мектебі» жобасы басталды

Қазақстан және Қызылорда облысының жаңалықтары

Бұрқасын, қар, көктайғақ – сәрсенбіге арналған ауа райы

29 қаңтар: Атаулы күндер мен оқиғалар

Жұлдыздар не дейді?

Қызылордалық тоғызқұмалақшылар ел чемпионатының қола жүлдегері атанды

Кәсіпкерлер палатасының мамандары жаңақорғандық кәсіпкерлермен кездесті

Қытайдан келген болсаңыз&#8230;

Бүгін – халықаралық дербес деректерді қорғау күні

Уханьда дәрігерлер жаялықша киюге мәжбүр. Індет ошағында дәрігерлер өле бастады (видео)

Баласын белгісіз адамға тастап кеткен қызылордалық әйел ата-ана құқынан айырылды

Қызылордада лауазымды шенеунік кәсіпкерден пара алды деп айыпталуда

Қызылордаға қалың қар жауды: «Аппақ түске бірер сәт аңсар аусын&#8230;» (ФОТО)

Қызылордада «Ауыл мектебі» жобасы басталды

Қытайдан келген болсаңыз…

Қызылордаға қалың қар жауды: «Аппақ түске бірер сәт аңсар аусын…» (ФОТО)