<a href="https://kyzylorda-news.kz/">Kyzylorda-news.kz.</a> Қазақстандық саяхатшылардың 33%-ы виза талап етілмейтін елдерге демалуға барады, деп хабарлады&nbsp;<a href="https://24.kz/kz/zha-aly-tar/bylu-manyzdy/item/373835-aza-standy-tar-aj-elderge-sayakhat-zhasa-andy-zh-n-sanajdy">«Хабар 24»</a>.
Мамандар қазақстандықтардың 2020 жылы шетелдерге саяхаттау үшін жасаған тапсырыстарына сараптама жасады. Зерттеу бойынша, шетелге баратын әрбір үшінші қазақстандық визасыз елдерді таңдайды.
Әсіресе, қазақстандықтардың көбісі визасыз баруға болатын елдердің ішінде Ресейді таңдайды. Туристер Мәскеу, Санкт-Петербург, Новосибирск, Екатеринбург және Краснодар қалаларына жиі барады. Бұл қалаларға әуе қатынасы арқылы орта есеппен 72 мың теңгеге баруға болады.
Екінші орында Түркия тұр. Бару-келу билетінің орташа құны 113 мың теңгеден басталады. Қазақстандықтар көбінесе Ыстамбұл мен Анталияны таңдайды.
Одан кейін Өзбекстан, Грузия және Әзірбайжан елдеріне жиі барады. Бұл елдерге бару құны 83 мың теңгеден басталады. Сонымен қатар визасыз елдердің ішінде Малайзия мен Мальдив аралдарына деген сұраныс жылдан жылға артып келеді.
Бұған дейін қазақстандықтардың 2020 жылы қай елдерге визасыз бара алатынын жазған болатынбыз.

Қазақстандықтар қай елдерге саяхат жасағанды жөн санайды?

Kyzylorda-news.kz. Қызылорда қаласындағы Евразия спорт кешенінде Ауған соғысы ардагерлерінің құрметіне арналған армиялық қоян-қолтық ұрысынан күштік құрылымдар және құқық қорғау органдары арасында Қызылорда гарнизоны бастығының кубогына арналған сайыс өтіп жатыр.
Оған Жамбыл, Түркістан облыстарының әскери бөлімдері мен жергілікті құқық қорғау органдары және күштік құрылым өкілдері қатысуда. Әскерилер арасындағы бәсекеде 11 команда бақ сынауда. Жауынгерлер 55, 60, 65, 70, 75, 80 және 80 келіден жоғары салмақта күш сынасуда.
Финал кешкі сағат 18.00 де болмақ.
Бұған дейін <a href="https://kyzylorda-news.kz/kogam/kenges-aeskerlerining-awghan-zherinen-shygharylghanyna-31-zhyl-foto-45167/">хабарлағанымыздай</a> Кеңес әскерлерінің Ауған жерінен шығарылғанына 31 жыл толуына орай “Ауған. Сөнген шоқ, өшкен арман…” атты жауынгерлерді еске алуға арналған митинг өткен болатын.
<img src="https://kyzylorda-news.kz/wp-content/uploads/2020/02/57d7de47-d81d-4fb1-bf80-7519a959575a-1.jpg" alt="" />
<img src="https://kyzylorda-news.kz/wp-content/uploads/2020/02/83915616_613643359193738_5841173088976240640_o-1.jpg" alt="" />
<img src="https://kyzylorda-news.kz/wp-content/uploads/2020/02/4df0fae7-c3c0-45a9-a90d-461d885d6ab5-1.jpg" alt="" />
<img src="https://kyzylorda-news.kz/wp-content/uploads/2020/02/86443176_613643119193762_4218994963825819648_o.jpg" alt="" />

Қызылордада Ауған соғысы ардагерлерінің құрметіне арналған турнир өтіп жатыр

<a href="https://kyzylorda-news.kz/">Kyzylorda-news.kz.</a> 2020 жылы 1-30 қазан аралығында Қазақстанда халық санағы өтеді. Оны ұйымдастыруға 2020 жылы&nbsp; шамамен 4 миллиард теңге жұмсау жоспарланған, деп хабарлайды&nbsp;<a href="https://kaz.tengrinews.kz/kazakhstan_news/kazakstanda-halyik-sanagyina-8-milliard-tengeden-asa-karajat-305133/">Tengrinews.kz</a>.
Экономика министрлігі Статистика комитетінің төрағасы Нұрболат Айдапкеловтің айтуынша, ұлттық халық санағы шартты түрде екі кезеңнен тұрады екен.&nbsp;
Дайындық кезеңі – 1-30 маусым аралығында. Интервьюерлер тұрғын және тұрғын емес үй-жайлар мен құрылыстардың мекенжайларын, сондай-ақ ондағы тұратын халықтың нақты санын нақтылау мақсатында әрбір елді мекен бойынша аралап шығатын болады. Осы кезеңде аудандастыруға дайындық жүріп жатыр.
Аудандастыру санағы – бұл санақтың екінші кезеңін өткізу үшін өңірдің әрбір елді мекенінің аумағын нұсқаушы және есеп учаскелеріне бөлу.
Негізгі кезең – 1-30 қазан аралығында. Қазан айының алғашқы 15 күнінде интернет-сауалнама жүргізіледі, онда респонденттер өзіне және өз отбасы мүшелеріне арнайы sanaq.gov.kz сайтында Интернет арқылы санақ парақтарын өз бетінше толтыра алады.
Бұл респонденттерге өз бетінше санақтан өтуге, санақ парақтарын толтыруға, оларды толтырудың әрбір кезеңінде түсіндірмелер мен кеңестер алуға виртуалды көмекші мүмкіндік береді.
1-30 қазан аралығында интервьюерлердің мәліметтері жиналады, жауаптарды планшеттерде тіркей отырып, халыққа жаппай сауалнама жүргізіледі.
Интернет арқылы мәліметтерді ұсынған респонденттер интервьюерлерге жауап бермейді. Халықпен сауал жүргізу кезінде респондентті сәйкестендіру ретінде сұралатын адамның ЖСН пайдаланылады. Аяқталғаннан кейін халық санағынан өткені туралы анықтама беріледі.
Статистика комитеті баспасөз қызметінің мәліметінше, ұлттық халық санағын дайындау және өткізу үшін 2018-2022 жылдар аралығында ведомство үшін 8 миллиард 211 миллион теңге сомасында шығыстар көзделген.
<blockquote>
 “2009 жылғы Қазақстан халық санағының бюджеті 6,5 миллиард теңге болған. 2009 жылғы санақ жүргізу кезінде бір адамға жұмсалатын шығындар 2,9 доллар болды, ал 2020 жылы 1,2 доллар болады. Осы жылы-шамамен 4 миллиард теңге, шығынның негізгі сомасы-еңбек ақы төлеуге (интервьюерлерге), 3,7 миллиард теңге жұмсалады.&nbsp;Шамамен 900 миллион теңге – ақпараттық санақ жүйесіне жұмсалады. 1 миллиард теңгеге жуық планшеттерге жұмсалып, сөмкелер мен шарфтар сатып алынды. Аудандарда алыс ауылдарға бару үшін көлік жалдаймыз. Биыл – шамамен 4 миллиард теңге. Ал санақ процесі 2018 жылдан 2022 жылға дейін жалғасады. Бізде екі жыл дайындық болды, содан кейін санақтың өзі, содан кейін екі жыл бойы біз мәліметтерді беруге тиіспіз. Бұл жинақтар, түрлі материалдар, процесс екі жылға созылады”, – деді Нұрболат Айдапкелов ОКҚ-да.
</blockquote>
Салыстыру үшін, 2020 жылғы Ресей халық санағының бюджеті 50 миллиард рубль. Ресейде санақ жүргізу кезінде бір адамға арналған шығындар – 3,6 АҚШ доллары.
Бұл ретте бір адамға шаққандағы санақ құны: Беларусьте-1,04 доллар,Әзірбайжанда-1,44 доллар.

Қазақстанда халық санағына 8 миллиард теңгеден аса қаражат жұмсалады

<a href="https://kyzylorda-news.kz/">Kyzylorda-news.kz.</a> Мүмкіндігі шектеулі жандарды оңалту мақсатында оларға есту, көру, дауыс шығару, гигиеналық құралдар сынды заттар тегін беріледі.
ҚР Денсаулық сақтау министрлігінің 2017 жылы 28 сәуірде жариялаған «Мүгедектерді оңалтудың кейбір мәселелері туралы» бұйрығының 1-қосымшасында мүмкіндігі шектеулі жандарға тегін медициналық құрал-жабдықтар беру жөнінде толық айтылған.
Мәселен, құлағы кемтар жандарға веб-камерасы бар ноутбуктер беріледі. Ал IV дәрежедегі екі жақ құлақтың мүкістігі (есту протездерін тақпайтын), екі жақ құлақтығы кереңдігі (90 дБ-ден астам), мылқау, IV дәрежедегі құлақ мүкістігімен ұштасқан кереңдік, жай-көмейді алып тастаған кезде сөйлеу органдарының дауыс шығару функциясы айқын бұзылуы сынды диагноз қойылған, еңбекке қабілетті мүмкіндігі шектеулі жандарға, балаларға дауыс шығаратын аппараттар тегін беріледі.
Көру қабілеті бұзылған мүгедектерге тифлотехникалық құралдар беріледі: 16 жастан асқан бірінші топтағы, соның ішінде диабет бойынша «Д» есепте тұрған, оның ішінде мектеп жасындағы мүгедек балаларға тест жолақшалары бар сөз шығаратын глюкометр, артериалдық гипертензия бойынша «Д» есепте тұрған 16 жастан асқан мүгедектерге дыбыс шығаратын тенометр беріледі.
Көзі көрмейтін жандарға тифлотаяқ, оқу машинасы, Брайль жүйесі бойынша жазу құралы, дыбыспен хабар беретін және диктофоны бар ұялы телефондар, дыбыс жазбасын шығаруға арналған плейер, Брайль қарпі бар сағат, сөз шығаратын термометр, ине сабақтағыш, тігін инесі сынды заттарды беру – тегін.
Протездік-ортопедиялық көмек құралдарына тутор, балдақ, таяқ, жетек арба, емдік белбеу, жейде кию мен түйме тағуға арналған құрылғылар, профилактикалық шалбарша, колготки мен шұлық киюге арналған құрылғы, белсенді ұстағыш, кілтке арналған ұстағыш жатады.
Ал гигиеналық құралдар қатарына жөргек, несеп қабылдағыш, нәжіс қабылдағыш, сіңіргіш жайма, қорғаныш крем, сорғыш ұнтақ, тері тазартқыш, санитарлық құрылғысы бар кресло-орындық, жуынатын бөлмеге арналған тұтқалар жатады. Олар қуық, ішек стомасы ұстаған, нәжіс мен несеп ұстай алмайтын, омыртқа жұлынының, несеп шығару жүйесі мен асқазан-ішек жолының туа біткен аномалиялары бар жандарға беріледі.
Мұндай құралдарды мүгедек жандардың өздері не заңды өкілдері, сенімхат берген азаматтары келіп әлеуметтік қорғау мекемелерінен ала алады. Нақтырақ айтсақ, әр облыста орналасқан «Еңбек, әлеуметтік қорғау және көші-қон комитетінің облыстық департаментіне», «Жұмыспен қамту орталықтарына», әлеуметтік қорғау жөніндегі басқармаға не бөлімге барса болады.
<blockquote>
 «Ол үшін тұрғылықты емханадан дәрігерлер кеңесі комиссиясынан кемтар жанның бұл құралдарға мұқтаж екендігі жөніндегі анықтаманы, төлқұжаты мен мекенжай анықтамасын, мүгедектік жөніндегі анықтаманы алып департаментке келуі тиіс», – дейді Еңбек, әлеуметтік қорғау және көші-қон комитетінің ШҚО облыстық департаментінің бөлім басшысы Светлана Тарасова.
</blockquote>
Міндетті гигиеналық құралдар мүмкіндігі шектеулі жандарға мекемеге келіп өтініш білдірген кезден бастап беріледі.&nbsp;
<a href="https://massaget.kz/layfstayl/tehno/zhaalytar/60878/">Massaget.kz</a>

Мүгедек жандарға қандай медициналық құралдар тегін беріледі?

<a href="https://kyzylorda-news.kz/">Kyzylorda-news.kz.</a> &nbsp;ҚР ДСМ Тауарлар мен қызметтердің сапасы мен қауіпсіздігін бақылау комитетінің мамандары компьютерде жұмыс істеу көру қабілетіне қалай әсер ететіні жөнінде айтып берді, деп хабарлайды <a href="https://lenta.inform.kz/kz/komp-yuterde-zhumys-isteu-koru-kabiletine-kalay-aser-etedi-mamandar_a3612725">ҚазАқпарат</a>.
Компьютерде ұзақ жұмыс істеген кезінде көз шаршайды – құрғайды, қышиды, бұлыңғыр көреді, жарық қарай алмай қалады, ауырсыну және әлсіздік пайда болады.
Көздің көру қабілеті нашарламауы үшін келесі ережені ұстану керек:
• Жеткілікті жарық. Жұмыс орнын терезенің сол жағына немесе оң жағына жабдықтаған дұрыс, сонда күндіз жарық мониторға жанынан түседі. Монитордың қарама-қарсы немесе терезе алдында орналасуы көзге салмақ түсіреді ;
• Жасанды жарық біркелкі және жеткілікті болуы тиіс. Тек үстел шамы жарығымен мониторда жұмыс істеуге болмайды. Экранға тікелей түспейтіндей жарық қолданылуы керек;
• Экранды көздің жоғарғы жиегімен бірдей етіп орналастырыңыз. Монитор көзден 50-60 см қашықтықта орналасуы керек, ал төменгі бөлігі сізге жоғарғы жақтан гөрі жақынырақ болатындай етіп орналастырыңыз;
• Экранның тазалығын қадағалаңыз, оны шаң мен кірден, дақтардан тазалайтын арнайы майлықтармен сүртіңіз;
• Егер сіз көзілдірікпен жұмыс жасасаңыз, экранның радиациясынан қорғайтын арнайы «офистік көзілдірікке» тапсырыс бергеніңіз жөн;
• Көп су ішіңіз, көзіңіздің шырышты қабаты құрғамау үшін, көзіңізді жиі жұмып-ашып отыруды ұмытпаңыз;
• Жұмыс күндері 1-2 сағат сайын жүйелі түрде көз жаттығуын жасаңыз.
Көзге арналған жаттығу:&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
• Көзді толықтай релаксациялау керек, көзді жұмып, дененің барлық бұлшықеттерін босаңсытып, демалуға тырысу керек.
• Шеңбер қимылдары. Көзіңізді шеңбер бойымен жылжытыңыз: алдымен сағат тілімен, содан кейін қарама-қарсы, бірнеше рет.
• Екі жағына және үстіне-астына қарау керек. Мұны бірнеше қайталаймыз.
• Диагональды қозғалыс. Алдымен, көзқарастарыңызды жоғарыдан төменнен солға және артқа, содан кейін жоғарыдан солдан төменгіге қарай оңға және артқа бірнеше рет жылжытыңыз.
• Алыста орналасқан құс пен терезеге жақын ағаш бұтағы сияқты алыс және жақын затты кезекпен қараңыз.
Бұлар қарапайым жаттығу және көп уақытты қажет етпейді, олар сізге демалуға және көздің бұлшықеттерін жаттықтыруға мүмкіндік береді.

Компьютерде жұмыс істеу көру қабілетіне қалай әсер етеді – мамандар

Халықаралық қатерлі ісікпен ауыратын балалар күні
Бұл күн күнтізбеде алғаш рет 2001 жылы Бүкіләлемдік қатерлі ісікпен ауыратын балалар ата-аналарының конфедерациясының бастамасымен пайда болды. Алғаш рет 15 қаңтар күні Люксембургте атап өтілді, алайда кейінірек бір айға кейінге жылжыту туралы шешім қабылданды. Қатерлі ісікпен ауыратын балалар күні Халықаралық балалар онкологтар қауымдастығының бастамасымен әлемнің 40-тан астам елінде аталып өтуде.
1992 жылы&nbsp;Қазақстан Республикасы мен Ватикан дипломатиялық қарым-қатынас орнату туралы құжатпен алмасты.
2014 жылы&nbsp;қазақстандық мәнерлеп сырғанаушы, Әлем чемпионатының күміс жүлдегері Денис Тен Сочи Олимпиадасында күміс медальға қол жеткізді.

15 ақпан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 15 ақпанға арналған жұлдыз-жорамалы.
Тоқты
Бүгінгі күн іскерлік басқосуларға ғана емес, сонымен бірге достық кездесулерге, романтикалық кештерге де өте қолайлы. Өз-өзіңізге сенімді болыңыз. Сіздің сұлулығыңызға тең келер ешкім жоқ.
Торпақ
Бүгінгі күн жағымды әсерлерімен есте қалмақ. Жаңа таныстықтар жақсы қарым-қатынасқа ұласады. Ішімдік пен сапасыз азық-түлік пайдаланудан сақтаныңыз. Өйткені сіздің жақсы көңіл-күйіңізді осылар ғана түсіре алады.
Егіздер
Бүгін көп адамдармен сөйлесіп, мол ақпаратқа ие боласыз. Бірақ шынайы ақпаратты ғана алуды ойлаңыз. Бүгін жүрген ортаңыз өтірікке толы. Осыған орай сіз де өз тарапыңыздан өтірік айтуға жол бересіз.
Шаян
Сіздің тапқырлығыңызға қызыға қарайтындар болады. Ішкі түйсігіңіз алдамайды. Сондықтан оған толық сенім артуға болады. Бүгін өзіңізге қажет емес заттарды сатып, пайда табыңыз. Ол үшін тауарыңызға жақсы жарнама жасай біліңіз.
Арыстан
Барлық қарым-қатынаста өте сәтті күн. Отбасыңызға көңіл бөліңіз. Оларға өз қолыңызбен мерекелік дастархан әзірлеңіз. Сонымен қатар бүгін сумен ем қабылдасаңыз денсаулығыңызды нығайтасыз.
Бикеш
Бүгінгі күн үй ішін ретке келтіріп, жаңа заттар алуға өте ыңғайлы. Әйел адамдар өздерінің сырт келбеттеріне мән беріп, косметикалық ем-домдар жасау қажет. Бүгінгі күн бала тәрбиесімен айналысуға өте ыңғайлы.
Таразы
Айлаңызды асырып, қулығыңызбен жетістікке жетемін деп ойласаңыз қатты қателесесіз. Мұндай да өзгелердің сізге деген көзқарасы өзгеріп, жаныңызға жақын адамдармен сөзге келіп қалуыңыз мүмкін.
Сарышаян
Айлық жалақыңыздың өседі деп немесе қызметіңіз жоғарылайды деп ойлап жүрсіз. Бірақ бұл ойыңыз іске аспауы мүмкін. Сондықтан өз ойыңызға алданып, соңынан жүйкеңізді шаршатып алып жүрмеңіз.
Мерген
Бүгін қабылдаған әрбір шешім дұрысынан болмақ. Жұлдыздар ненің дұрыс, ненің бұрыс екенін сілтеп отыратын болады. Жасаған әрбір ісіңіз алға басып, жұмысыңыз жандана түспек. Әрбір күніңіз өзіңізге сабақ болады.
Тауешкі
Жұмысқа қатысты келіссөздер жүргізуге ыңғайлы күн. Бүгін сіз кез келген адаммен тіл табысып, оларды өз дегеніңізге көндіре аласыз. Танымдық экскурсияға шығып, айналаңыздағылардан мол ақпарат алуға болады.
Суқұйғыш
Сіз үшін өте сәтті күн. Бүгін жолыңыз болғалы тұр. Сізді бүгін сыйлыққа кенелесіз. Ұтысқа немесе мол мұраға ие боласыз. Жалпы бүгінгі күн өте табысты болмақ. Айтпақшы қолда бар мүлкіңізді сақтандырып қоюды ұмыт қалдырмаңыз.
Балықтар
Ата-анаңыздың немесе үлкендердің көмегін аласыз. Олар өздерінің тәжірибесімен бөлісіп, көмек көрсетеді. Жұмыста ұсақ-түйекке мән беріңіз. Құжаттарды ретке келтіріңіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> 2020 жылдың наурызында қазақстандықтар сегіз күн демалады, деп хабарлайды&nbsp; <a href="https://uchet.kz/week/kak-otdykhaem-v-2020-godu-v-rk/">Uchet.kz</a>.
Аталған сегіз күннің ішінде Халықаралық әйелдер күні мен Наурыз мейрамы бар.
Халықаралық әйелдер күні қазақстандықтар қатарынан үш күн демалады – 7, 8 және 9 наурыз, ал Наурыз мейрамында бес күн демалады – 21-25 наурыз аралығында. 26-сы жұмыс күні болады.

Қазақстандықтар наурызда қанша күн демалады?

<a href="https://kyzylorda-news.kz/">Kyzylorda-news.kz.</a> Қызылорда қаласы “Евразия” спорт кешенінде ауыр атлетикадан ерлер мен əйелдер арасында ҚР жекелей жəне командалық чемпионаты мен кубогы аяқталды.
Алты күнге созылған жарыс нəтижесінде облыс спортшылары 3 алтын, 1 күміс, 3 қола медаль иеленіп, жалпыкомандалық есепте ерлер (230 ұпай) мен əйелдер (214 ұпай) командалары екінші орындарды иеленді.
Жекелей есепте 59 келі салмақта Аяжан Нұржан (73+97=170), 89 келіде Евгений Ломанов (160+175=335) жəне 96 келіде Рүстем Сыбай (155+190=345) Қазақстан жеңімпазы атанды.
96 келіде Шахизат Əбдіраманов күміс жүлдеге ие болса, 81 келіде Динара Қыпшақбай мен Арыстанбек Жаханша, 87 келіде Асылзат Дөненбаева қола жүлделерді иеленді.
Ерлер мен əйелдер арасында Алматы облысының спортшылары бірінші орынды алса, ерлер арасында Қарағанды, əйелдер арасында Қостанай облысының командалары үшінші орындарға ие болды.
<img src="https://kyzylorda-news.kz/wp-content/uploads/2020/02/14shtangisty2.jpg" alt="" />
<img src="https://kyzylorda-news.kz/wp-content/uploads/2020/02/14shtangisty3.jpg" alt="" />
<img src="https://kyzylorda-news.kz/wp-content/uploads/2020/02/14shtangisty4.jpg" alt="" />

Қызылордалық зілтеміршілер командалық есепте  екінші орында тұр

<a href="https://kyzylorda-news.kz/">Kyzylorda-news.kz.</a> Қазақстанда газбен жүретін көліктерге арнайы белгі жапсыру міндеттелуі мүмкін, деп хабарлайды <a href="http://lenta.inform.kz/kz/gazben-zhuretin-kolikterge-arnayy-belgi-zhapsyru-usynyldy_a3614805">ҚазАқпарат</a>.
Бұл туралы ҚР Ішкі істер министрлігі Төтенше жағдайлар комитетінің төрағасы Владимир Беккер айтты.
<blockquote>
 «Әзірге екі белгінің эскизі жасалды. Оның біреуі автокөліктің алдыңғы терезесіне жабыстырылады. Ол паркингте кірген жағдайда көрініп тұруы керек. Олардың жабық паркингке кіргенін күзетшілер немесе бейнебақылау арқылы білуге болады. Кедендік одақтың теникалық регламенттеріне сәйкес, жол полициясы бензиннен газға ауысқан көліктің техникалық паспортына арнайы белгі соғуы тиіс», – деді комитет төрағасы Орталық коммуникациялар қызметінде өткен баспасөз мәслихатында.
</blockquote>
Екінші эскиз – газбен жүретін көліктердің жабық автотұраққа кіруіне тыйым салатын белгі болмақ. Тыйым салу белгісі жабық автотұрақтың кіреберісіне қойылады.
В. Беккердің айтуынша, әзірге бұл белгілер қабылданған жоқ. Шамамен, 2020 жылдың ортасында бекітілуі мүмкін.
Айта кетейік, 2019 жылдың желтоқсанында ҚР өрт қауіпсіздігі ережелеріне өзгертулер мен толықтырулар енгізген Үкімет қаулысы қабылданды, онда газбен жүретін көліктердің жабық паркингтерге кіруіне тыйым салынды.
«ҚР Әкімшілік құқықбұзушылық туралы» кодексінің 410-бабы (Өрт қауіпсіздігі талаптарын бұзу немесе орындамау) бойынша азаматтық қорғаныс органдары ереже бұзғандарға 5 АЕК немесе 12 мың теңгеден астам айыппұл сала алады.

Газбен жүретін көліктерге арнайы белгі жапсыру ұсынылды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Ә.Тәжібаев атындағы облыстық әмбебап ғылыми кітапханасында Қазақстанның еңбек сіңірген қайраткері, Н.Бекежанов атындағы Қызылорда облыстық қазақ музыкалық драма театрының көркемдік жетекшісі, театр режиссеры Хұсейін Әмір-Темірдің 80 жасқа толуына және жаңа кітаптарының тұсаукесер рәсіміне орай «Театр саңлағы» атты кеш ұйымдастырылды.
&nbsp;Хұсейін Әмір-Темір Қызылорда облысы Сырдария ауданы қазіргі А.Тоқмағамбетов ауылында дүниеге келген. Құрманғазы атындағы Алматы Мемлекеттік консерваториясының театр факультетінде оқып, Қазақстанның Халық артисі, атақты профессор Асқар Тоқпановтан дәріс алды. &nbsp;Шығармашылықтағы алғашқы жолын өз мамандығы бойынша актерлік сатыдан бастады. &nbsp;Кейін Мәскеу қаласындағы Театр өнері институтының Жоғары режиссерлік курсында оқып жүріп, алып режиссерлердің жұмысын көріп, үлкен тәжірибе мектебінен өтіп келді.
1967-1990 жылдары Н.Бекежанов атындағы Қызылорда облысы драма театрында актер, режиссер, бас режиссер, 1992-2003 жылдары Бикен Римова атындағы Талдықорған драма театрында бас режиссер болып қызмет етті. 2003 жылдан Қызылорда облыстық драма театрының көркемдік жетекшісі. 20-дан астам рөлде ойнап, 200-ге тарта қойылымды сахнаға шығарған. &nbsp;VI, X, XI Қазақстан Республикасы театрларының лауреаты. «Еңбектегі ерлігі үшін», «Еңбек ардагері» медальдарымен және бірнеше дипломдармен марапатталған.
Шара барысында Х.Әмір-Темірдің өмірі мен өнері сабақтасып жатқан театр әлемі жайлы тебіреніспен сыр шерткен 4 жаңа кітабының тұсауы кесіліп, оқырмандарға жол тартты.
&nbsp;Сонымен қатар жастар сахнагерге әртіс мамандығының қырлары мен сырлары, сахналық қойылымдардан естеліктер жөнінде сұрақтар қойып, қызықты сұхбат болды. &nbsp;
Кешке қазіргі театр режиссурасының ілгерілеуіне зор үлес қосып жүрген сахнагер Хұсейін Әмір-Темір Жүсіпұлымен қатар, бірқатар театр әртістері, қоғам қайраткерлері, театр саласында оқып жатқан студент жастар, қала, аудандық кітапхана қызметкерлері қатысты. Соңынан Хұсейін Әмір-Темірдің өмірі мен шығармашылығына арналған «Театр саңлағы» атты кітап көрмесі таныстырылды.
<img src="https://kyzylorda-news.kz/wp-content/uploads/2020/02/14sanlagy2.jpg" alt="" />
<img src="https://kyzylorda-news.kz/wp-content/uploads/2020/02/14sanlagy3.jpg" alt="" />
<img src="https://kyzylorda-news.kz/wp-content/uploads/2020/02/14sanlagy4.jpg" alt="" />

Қызылордада Хұсейін Әмір-Темірдің 80 жылдығы аталып өтті

<a href="https://kyzylorda-news.kz/">Kyzylorda-news.kz.</a> Қазақстан Республикасы Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен барлық мемлекеттік қызметшілерді бас бостандығынан айыру орындарымен таныстыру науқаны ұйымдастырылып жатыр.
Осыған орай облыстық білім басқармасының қызметкерлері мен білім басқармасына қарасты облыстық білім беру ұйымдарының басшылары бас бостандығынан айыру &nbsp;мекемесіне барды.
Қылмыстық – атқару жүйесі департаментінің&nbsp; ЗК – 169/1 мекемесінің тергеу изоляторының қызметкерлері жазасын өтеп жатқан азаматтардың күн тәртібімен таныстырып, аталған изолятордың ғимаратын аралатып, тұрмыс жағдайын көрсетті.
Бұл шараның мақсаты – мемлекеттік қызметшілер арасында сыбайлас жемқорлыққа төзбеушілікті қалыптастыру және оларды сыбайлас жемқорлық әрекеттерінің салдарымен таныстыру болып табылады.
<img src="https://kyzylorda-news.kz/wp-content/uploads/2020/02/14turmege2.jpg" alt="" />
<img src="https://kyzylorda-news.kz/wp-content/uploads/2020/02/14turmege3.jpg" alt="" />

Қазақстан және Қызылорда облысының жаңалықтары