<a href="https://kyzylorda-news.kz/">Kyzylorda-news.kz</a> ақпараттық агенттігінің 6 қаңтарға арналған жұлдыз-жорамалы.
Тоқты
Бүгін көпшіліктің көңілін өзіңізге аудара аласыз. Сонымен қатар ұйымдастырушылық қабілетіңіз артып, таныстарыңыздың арқасында біраз шаруаны тындырасыз.
Торпақ
Өз ісінің шебері немесе өз кәсібін сүйіп істейтін жандар бүгін мол қаржыға кенеледі. Әсіресе жарнама жасау, ойын-сауық ұйымдастыру немесе білім саласындағы жандардың жолы болмақ.
Егіздер
Өзіңіздің тапқырлығыңыздың және тың тәжірибелеріңіздің арқасында барлық шаруаларыңызды соңына дейін жеткізесіз. Қаржы мәселесі де оң шешімін табатын болады.
Шаян
Егер күш-қуатыңыз тасып, энергияға толы болсаңыз күніңіз сәтті өтетін болады. Саяхаттап немесе жұмыс барысымен сапарға шығуыңыз мүмкін. Сонымен қатар бүгін жоғарғы білім алу туралы көп ойланасыз.
Арыстан
Бүгін тек қызметте өсу туралы ойланасыз. Жұмыста өзгерістер орын алып, қызметтік саты да өскеніңізбен, әзірге бұл ісіңіз өз жемісін бермейді. Сондықтан барлығына өз еңбегіңізбен қол жеткізгеніңіз жөн.
Бикеш
Бүгін алыс жолға шығатын, шетелдермен байланыс орнатқан, жарнама жасаумен, ғылыми жұмыспен айналысатын, білім беру саласының және саясатқа жақын жандардың жолы болады. Бүгін білім көкжиегін кеңейтетін күн.
Таразы
Бұл уақытта сіздің материалдық жағдайыңыз айналаңыздағы адамдармен қарым-қатынасыңызға байланысты болмақ. Олармен тығыз қарым-қатынас орната біліңіз. Көп табыс табуды жоспарласаңыз, ең алдымен біліміңізді жетілдіріңіз.
Сарышаян
Сіздің іскерлігіңіз бен өз ісіңізге деген ынтаңыз жұмыста табысты болудың басты кепілі болмақ. Егер сіз жұмыс алушы болсаңыз онда бүгін сіз үшін сәтті күн. Себебі сіздің жұмысыңыз жемісті болады.
Мерген
Бүгін іскерлік кездесулер ойдағыдай өтеді. Серіктестермен бірге жұмыс көлемін ұлғайтып, істеріңіз берекелі болмақ. Бүгінгі күннің басты мәселесі ұстамдылық таныта алмайтыныңызда болып тұр.&nbsp;
Тауешкі
Бүгін бар назарыңызды жеке өміріңізге аударыңыз. Бүгінгі күн ғашық болуға, сезіміңізді білдіруге қолайлы күн. Ескі қарым-қатынасты қайта жандандыруға да қолайлы уақыт болмақ.
Суқұйғыш
Бүгін керемет күн. Ешқандай мәселе туындамайды. Күш-қуатыңыз да тасып, барлық шаруаны тез атқара аласыз. Дегенмен энергияңыз тасып тұрған сәтте көптен бері кейінге қалдырылып келе жатқан жұмысты да бітіріп тастаңыз.
Балықтар
Сәттілік серігіңізге айналады. Қызметте өсуді көздейсіз. Сіздің талантыңыз, іскерлігіңіз көлеңкеде қалып қоймайды. Кез келген істе жетістікке жете аласыз. Сондықтан қызметте өсуге әбден лайықсыз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Жеке куәлікті қайта жасатудың негізгі екі себебі бар: оны жоғалту және ұрлату. Не айырмашылығы бар деуге келмейді. Өйткені, қайта жасату жолдары әртүрлі, деп хабарлайды <a href="https://informburo.kz/kaz/zheke-kulkt-alay-ayta-zhasatua-bolady.html">Informburo.</a>
Жеке куәлікті қайта жасату үшін жақын жердегі “Халыққа қызмет көрсету орталығына” барып, өтініш білдіру қажет.
Қажетті құжаттар тізімін 1414 нөміріне тегін қоңырау шалып білуге болады.
Жеке куәлік ұрланған жағдайда:
<ul>
<li>Аудандық полиция басқармасынан құжаттың ұрланғаны туралы анықтаманы;</li>
<li>Мемлекеттік баж салығы төленгені туралы құжатты;</li>
<li>Қазақстан Республикасы азаматының паспортын (бар болса) тапсыру қажет.</li>
</ul>
Жеке куәлік жоғалған жағдайда:
<ul>
<li>Жеке куәлікті жоғалту мән-жайы көрсетілген жазбаша өтініш;</li>
<li>Мемлекеттік баж салығы төленгені туралы құжатты;</li>
<li>Қазақстан Республикасы азаматының паспортын (бар болса) тапсыру қажет.</li>
</ul>
Мемлекеттік баж салығының мөлшері – 0,2 АЕК (530 теңге).
2020 жылы 1 АЕК = 2 651 теңге.
Мемлекеттік баж салығын төлеуден босатылатын азаматтар оны растайтын құжаттарды ұсынады. Бұл санатқа:
<ul>
<li>Мүгедектер;</li>
<li>Мүгедек балаларды асыраушылар;</li>
<li>Алтын, күміс алқа иегерлері;</li>
<li>Екінші дүниежүзілік соғыс қатысушылары не соған теңестірілгендер;</li>
<li>Жетімдер жатады.</li>
</ul>
Жеке куәлік дайын болғанға дейін уақытша куәлік беріледі. Ол&nbsp;3 айға ғана&nbsp;жарамды. Ал жеке куәлікті қайта жасату&nbsp;15 жұмыс күнінесозылады. Өтініш берушінің қалауы бойынша жедел дайындауға да болады. Оның ұзақтығы:
<ol>
<li>Нұр-Сұлтан, Алматы, Ақтөбе, Шымкент қалаларында – 1-3 жұмыс күні;</li>
<li>Облыс орталықтарында – 3-5 жұмыс күні;</li>
<li>Облыстардың аудандары мен қалаларында – 7 жұмыс күні.</li>
</ol>
10 күн мен 1 ай аралығында жеке куәліксіз жүрген адамға ескерту жасалады. Ал егер жеке куәліксіз 3 айға дейін жүріп қалсаңыз, онда 7 АЕК (18 557 теңге) төлеу міндеттеледі.

Жеке куәлікті қалай қайта жасатуға болады?

<a href="https://kyzylorda-news.kz/">Kyzylorda-news.kz.</a> Windows 7 жүйесінің шыққанына 10 жыл толды. Сондықтан 2020 жылдың 14 қаңтарынан бастап бұл жүйе қолданыстан шығады, деп хабарлайды аталған компанияның&nbsp;ресми сайты.
Microsoft компаниясының нақтылауынша, Windows 7 жүйесімен жұмыс істейтін компьютерлер істен шықпайды. Алайда техникалық қолдау және бағдарламалық қамтамасыз ету жаңаруын тоқтатады. Оның үстіне ескірген жүйені қолданушыларға қауіпсіздік жүйесінің жаңаруы мен түзелуі туралы хабар келмейді. Мұның бәрі компьютерді вирус қаптау қатерін төндіреді.
Компания қолданушыларға Windows 10 жүйесіне көшуді ұсынады.
<blockquote>
 «Жаңа гаджеттердегі бұл жүйенің артықшылықтары аз емес», – дейді компания өкілдері.
</blockquote>

14 қаңтардан бастап Windows 7 жүйесі жұмысын тоқтатады

<a href="https://kyzylorda-news.kz/">Kyzylorda-news.kz.</a> Қызылордада бірнеше пәтер ұрлығына қатысы бар деген күдікпен аралдық екі тұрғын ұсталды.
Арал ауданының 28 және 32 жастағы екі тұрғыны Қызылорда қаласындағы үйлердің біріне үй иелерінің жоқтығын пайдаланып пластик терезе арқылы кірген. Аталмыш үйден бағалы заттарды қолды етіп, оқиға орнынан бой тасалап кеткен. Қызылорда қалалық Полиция басқармасы криминалдық полиция бөлімі қызметкерлері жедел әрекетінің нәтижесінде Арал ауданының 2 тұрғыны қолға түсті.
<blockquote>
 «Тергеу барысында күдіктілердің облыс орталығыныңда жасалған үш қылмысқа қатысы бар екендігі анықталды. Заттай дәлелдеме ретінде ноутбук, ұялы телефон, алтын зергерлік бұйымдар тәркіленді, уақытша ұстау изоляторына қамаққа алынды. Барлық деректер бойынша ҚР Қылмыстық Кодексінің 188-бабының 3-бөлігі (ұрлық) бойынша сотқа дейінгі тергеп-тексеру амалдары жүргізілуде», – деп мәлім етті Қызылорда облысы Полиция департаментінің баспасөз қызметі.
</blockquote>

Қызылордада үй тонаған Арал ауданының 2 тұрғыны ұсталды

<a href="https://kyzylorda-news.kz/">Kyzylorda-news.kz.</a> Өзбекстанда аумағындағы Арал теңізінің маңында орналасқан Мойнақ қаласы “Әлемдегі ең қорқынышты жерлердің тізіміне” енді, деп хабарлайды&nbsp;<a href="https://stan.kz/aralga-zhakin-ornalaskan-kala-alemdegi-en-korkinishti-a-325924/">Stan.kz</a>&nbsp;ақпарат агенттігі.&nbsp;
Бұл тізімде Мойнақ 11 орынға жайғасыпты.&nbsp;
Арал аумағы жөнінен әлемдегі ең ірі теңіздерді қатарында болатын. Алайда теңіз аумағында ірі экологиялық зілзала орнап, оның суы тартылып қалған.&nbsp;&nbsp;
Қазіргі таңда теңіздің 90 пайызы құрғап кеткен.&nbsp;
Сарапшылардың жасаған бұл тізімге Англияның Солтүстік теңізінің жағалауында орналасқан Маунселл қорғаны да кіріпті.

Аралға жақын орналасқан қала әлемдегі ең қорқынышты аумақ атанды

<a href="https://kyzylorda-news.kz/">Kyzylorda-news.kz.</a> Жүйе іске қосылған 2017 жылдың 1 шілдесінен 2019 жылдың 31 желтоқсанға дейінгі аралықта Қызылорда облысының тұрғындары әлеуметтік медициналық сақтандыру қорына 7,1 млрд. теңге аударды, оның 6,9 млрд. теңгесі (97,2%) жұмыс берушілердің аударымдары болса, қалған 188,7 млн. теңге (2,8%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі, – деп хабарлады сақтандыру қорының Қызылорда облысы бойынша филиалы.
Жарна төлеу жағынан Қызылорда қаласы, Шиелі мен Жанақорған аудандары көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

Қызылордалықтар сақтандыру қорына 7,1 млрд. теңге аударды

<a href="https://kyzylorda-news.kz/">Kyzylorda-news.kz.</a> 2019 жыл Қызылорда облысы үшін қандай жағымды жаңалықтарымен есте қалды? Осы орайда аймақ өмірінде болған бірқатар оқиғаларды таразылап көрген едік. 
Қызылорда облысы әкімі қызметін алты жылдан астам уақыт атқарған Қырымбек Көшербаев былтыр басқа қызметке ауысып, орнына Қуанышбек Ысқақов тағайындалды. Айта кетерлігі, соңғы алты жылда Сыр өңірінде көптеген тың жобалар қолға алынды. Облыс орталығында көп қабатты үйлер бой көтеріп, жаңадан көптеген шағын аудандар пайда болды. Инвестиция тарту ісі жақсарып, аймақта ауқымды жобалар жүзеге асты. Мәдениет және спорт саласында да толағай табыстарға мүмкіндік туды. 
Былтыр Сыр спорты үшін табысты жылдың бірі болды. Мәнерлеп сырғанаудан Элизабет Тұрсынбаева Жапонияның Сайтама қаласында өткен әлем чемпионатында күміс жүлдеге қол созды. Бұл толағай табыс мәнерлеп сырғанау спортынан қазақ қыздарының арасында қол жеткен зор жетістік саналады. Сондай-ақ, жергілікті боксшылар қатарынан Қамшыбек Қоңқабаев пен Тұрсынбай Құлахмет әлем және Азия чемпионаттарынан жүлделі оралды. Қамшыбек екі жарыста да күміс медаль алса, Тұрсынбай Азиядан алтын, дүниежүзілік додадан қола медаль алып қайтты. Жергілікті жанкүйерлердің есінде қалған ерекше тағы бір жағдай – футболдан Қызылорданың «Қайсары» араға жиырма жыл салып Қазақстан кубогын төбесіне көтеріп, биыл еурокубок ойындарында тұсаукесер матчын өткізуге мүмкіндік алды. 
Сыр өңірінің өнер саласында да игілікті істерге жол ашылды. Қазақстан Республикасы Үкіметінің 2019 жылғы 24 қазандағы №800 қаулысымен Нартай Бекежанов атындағы академиялық мәртебесі берілді. Бұл жаңалық – Сыр елі мәдениеті мен өнерінің деңгейі мен сала мамандарының тынымсыз еңбектерінің жемісі. Елімізде мұндай өнер ордаларының саны көп емес. Нартай Бекежанов атындағы театр іргесі 1955 жылы Алматы облысы Еңбекшіқазақ және Қаратал аудандарындағы жергілікті театры негізінде ұйымдастырылған. 1960 жылы театр Қызылорда қаласына көшірілді. 1970 жылы Нартай Бекежановтың есімі берілді. 
Иранда «Қорқыт ата» кітабының жаңа нұсқасы табылды. Бұл жөнінде Сыр өңірінде өткен түркітілдес елдердің «Қорқыт және Ұлы дала сазы» өнер фестиваліне келген ирандық коллекционер Вели Мухаммед Ходжа мәлім етті. Бүгінгі күнге дейін дархан даланың ұлылығын дәріптеген жауһар жырдың екі нұсқасы бізге белгілі. «Қорқыт Ата кітабының» Дрезден және Ватикан қалаларында сақталған екі қолжазбасы бар. Бірінші нұсқада – 12, екіншісінде – 6 дастан жазылғаны бұрыннан мәлім. 
Қызылорда облысы Қазалы ауданында Сырдария өзенінің үстінен өтетін ұзындығы 219 метрді құрайтын көпір ашылды. Бұл көпір көптеген елді мекендер арасын жалғастырады. Ол ұзақ жылдан бері түйінді проблеманың бірі болатын, деп хабарлайды ҚазАқпарат тілшісі. Көпір Әлсейіт учаскесінде Сырдария өзені арқылы өтеді. Темір-бетон арқылы жасалған көпір 2 жолақтан тұрады. Жалпы ұзындығы – 219, ені 12 метрді құрайды. Айта кетерлігі, аталмыш көпір енді Қазалы ауданындағы – 7, Арал ауданындағы 6 елді мекенді Қазалы ауданының орталығы – Әйтеке би кентімен жалғастырады. Бұрынғы жылдарда аталмыш орында қалқымалы көпір халыққа қызмет көрсететін. Қыс мезгілінде дария бойында мұздың ұстасуына байланысты жылма-жыл халықтың қатынасы үзіліп қалатын. Жаңа көпір осылайша қаншама халықтың қуанышына айналды. 
Былтыр Сыр өңіріндегі өркенді өзгерістер осындай өрелі істермен өрнектелді. Ел мерейін өсірген бұл жетістіктер аймақтың ажарын айшықтап, алдағы күндерге негіз қалады. Мұндай жарқын жобалар, байыпты бастамалар, ізгілікті істер лайықты жалғасын табатынына сенім мол.
<a href="http://lenta.inform.kz/kz/2019-zhyly-kyzylordalyktardy-elen-etkizgen-zhanalyktar-kanday_a3600348">lenta.inform.kz</a>

2019 жылы қызылордалықтарды елең еткізген жаңалықтар қандай?

<a href="https://kyzylorda-news.kz/">Kyzylorda-news.kz.</a> Қазақстан халқы Ассамблеясы тұрғындарды Жаңа жыл мерекесімен құттықтап, 2020 жылы өтетін маңызды оқиғаларды атады.
<blockquote>
 «Келе жатқан Жаңа жылға орай шын жүректен шыққан құттықтауымызды қабыл алыңыздар! Бұл – баршаға қуаныш, жан жылуы мен болашаққа деген ізгі үміт сыйлайтын ең жарқын және асыға күтетін отбасылық мерекелердің бірі. Өткен жыл маңызды және тағдыршешті қоғамдық-саяси оқиғалар жылы болды.Халықтың даналығы арқасында Қазақстан даму мен жасампаздық жолын жалғастырды. Біз күш-қуатымыздың бірлікте екенін және оның пікірлер алуандығына, тәсілдердің әртүрлілігіне, жаңа идеялардың байлығына сүйенетінін іс жүзінде дәлелдедік», – делінген ҚХА құттықтауында.
</blockquote>
Жаңа 2020 жылы Қазақстан халқы Ассамблеясы мен ел Конституциясының 25 жылдығын атап өту міндеті тұр.
<blockquote>
 «Сонымен бірге, азаматтық жауапкершілік сезімі мен ерікті қызмет ету арқылы өмірді жақсартатын Волонтерлер жылы келе жатыр. Абайдың 175 жылдығы мен Әбу Насыр әл-Фарабидің 1150 жылдығы Ұлы даланың рухани мәдениетінің, ғылымы мен тарихының жаңа қырларын ашады. Келер жылы халықтың әл-ауқатын арттыру үшін бірлесіп күш-жігер жұмсаймыз», – деп жазды ҚХА.
</blockquote>

Биыл Конституция мен Қазақстан халқы Ассамблеясының 25 жылдығы тойланады

<a href="https://kyzylorda-news.kz/">Kyzylorda-news.kz.</a> 2020 жылдың 1 қаңтарынан бастап, табысы ең төменгі күнкөріс деңгейінен төмен азаматтар коммерциялық банктен кепілсіз несие ала алмайды. 
2020 жылы Қазақстандағы ең төменгі күнкөріс деңгейі 31 183 теңге болып белгіленген. 
Сонымен бірге, жұмыссыздар да бұл несиені ала алмайды, себебі соңғы 3-12 айдағы ресми табыс көзін көрсету міндеттелген. 
Несие 3 ай немесе 90 күннен артық төленбеген жағдайда банктерге өсіпмұлды арттыруға тыйым салынады.

Биылдан бастап табысы төмен азаматтарға несие беруге тыйым салынды

<a href="https://kyzylorda-news.kz/">Kyzylorda-news.kz.</a> 2020 жылы Еуропада телекоммуникация жүйесінің бесінші сатысы, яғни 5G жаппай енгізіледі, деп жазады <a href="https://www.euronews.com/2019/12/30/what-is-5g-and-should-you-be-concerned-euronews-explains">Euronews.</a>
Басылым арнайы мақалада 5G деген не және ол біздің өмірімізді қалай өзгертеді деген сұраққа жауап іздейді.
<blockquote>
 «5G жүйесі мобильді интернет байланыстың келесі деңгейі. Ол өте жоғары жылдамдыққа ие болады. Бұл жүйе 4G-ден ең кем дегенде 100 есе, ең көбі 1000 есе жылдамырақ. Яғни, бұл жүйе фильмдерді санаулы секундтарда жүктеп алуға мүмкіндік береді», деп жазады басылым.
</blockquote>
Автордың айтуынша, Еуропа комиссиясы бұл жүйені келесі онжылдықта цифрлық экономика мен қоғамға ең маңызды блок болады деп сипаттаған. Сонымен қатар комиссияның айтуынша, 5G жасанды интеллектінің артуына әсер етеді.
<blockquote>
 «Еуроодақ бұл технология бойынша 2016 жылы жоспар құрып, 2020 жылы 5G 28 мүше-мемлекетте іске қосылатынын айтты. 2014 жылдан бастап одақ 5G технологиясына 700 миллион еуро жұмсады, сонымен қатар жеке сектор 3 млн еуро инвестиция салды», деп жазады автор.
</blockquote>
Оның айтуынша, 5G жүйесінің денсаулыққа қалай әсер ететіні әлі белгісіз.
<blockquote>
 «Көпшілігі антенна санының артуы денсаулыққа кері әсер ететінін айтып жатыр. Дегенмен, оның нақты дәлелі жоқ», деп жазады автор.
</blockquote>
Оның сөзінше, 5G іске қосылғанымен, бүкіл әлемде екі жүйе, яғни 4G екеуі қатар жүретін болады. Сонымен қатар құрылғылардың барлығы дерлік 5G талаптарына сай емес.

5G деген не және ол денсаулыққа зиян ба?

<a href="https://kyzylorda-news.kz/">Kyzylorda-news.kz</a>. 2019 жылы Қызылордада 167 пәтер ұрлығы қылмысы ашылып, 28 қылмыстық топ қолға түскен.
Облыстық полиция департаменті баспасөз қызметінің хабарлауынша, өткен жылдың тек желтоқсан айында облыс орталығында 4 пәтер ұрлығын жасағаны үшін Арал ауданының 2 тұрғыны құрықталды. Сондай-ақ, 5 пәтер ұрлығы мен 2 тонау қылмысын жасағаны үшін Қызылорда қаласының 4-тұрғыны ұсталды. Олар жасаған қылмыстарын толығымен мойындап тергеу абақтысына қамалды.

Қызылордада 28 қылмыстық топ ұсталды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев желтоқсан айының соңғы күндері бірнеше заңға қол қойып үлгерді. Оның бәрі 2020 жылдың 1 қаңтарынан бастап күшіне енді, деп жазады <a href="https://baq.kz/news/othernews/1-a-tardan-bastap-k-shine-engen-za-zhobalary/?fbclid=IwAR26eEIBURLkdB0jxxpRQmwsckg7F82pZ5Bf_UsNU4JtYk-2_YbgKPDeiJU">BAQ.KZ</a>.
Былтырғы жылы Парламенттің қос палатасы Мәжіліс пен Сенаттан қолдау тауып, президент қол қойған заң жобаларына тоқталып өтсек.
Міндетті әлеуметтік сақтандыру
Мемлекет басшысы Қасым-Жомарт Тоқаев 28 желтоқсан күні “Міндетті әлеуметтік сақтандыру туралы” заңға қол қойды. Бұл заң жобасында еңбек ету қабілетінен айырылу, асыраушысынан айырылу және жұмысынан айырылу бойынша әлеуметтік төлемдерді тағайындау кезінде қолданылатын параметрлер қайта қаралды. Бұл төлемді орташа есеппен 30 пайызға арттыруға мүмкіндік береді.
Заң жобасының негізгі ережелері: медициналық-әлеуметтік сараптама жүргізу арқылы жалпы еңбекке қабілеттілігін жоғалту дәрежесін куәландыру және белгілеу негізінде еңбекке қабілеттілігін жоғалту коэффициентін айқындаудың жаңа тетігін енгізу; міндетті әлеуметтік сақтандыру жүйесінде қатысу өтілінің қол жеткізілген коэффициентін жыл сайын арттыру; асыраушысынан айырылу жағдайы бойынша әлеуметтік төлемдерді есептеген кезде асырауындағылар санының қолданыстағы коэффициентін арттыру; жұмыстан айырылу себептеріне қарамастан 6 айға дейінгі мерзімге жұмысынан айырылу бойынша әлеуметтік төлемдерді тағайындау арқылы жұмыстан айырылу.
Мемлекет экономикалық белсенділігі төмен халық үшін жарна төлейтін болады. Жұмыс берушілер жалдамалы жұмысшылар үшін төлейді, ал қызметкерлер мен салық органдарында тіркелген өзін-өзі қамтыған азаматтар өздері үшін өздері төлейтін болады. Одан бөлек, әлеуметтік медициналық сақтандыру қоры жарнасын төлеуден азаматтардың 15 санаты босатылады.
Атаулы әлеуметтік көмек
Сонымен қатар президент “Міндетті әлеуметтік сақтандыру туралы” және “Қазақстан Республикасының кейбір заңнамалық актілеріне міндетті әлеуметтік сақтандыру, әлеуметтік қамсыздандыру және денсаулық сақтау саласындағы мемлекеттік-жекеменшік әріптестік мәселелері бойынша өзгерістер мен толықтырулар енгізу туралы” заңына да қол қойды.&nbsp;
Мемлекеттік жәрдемақы бала санына қарай беріледі:
·&nbsp;&nbsp;&nbsp;&nbsp;&nbsp;&nbsp;&nbsp;&nbsp; Төрт баласы бар отбасыларға –&nbsp; 42 496 теңге;
·&nbsp;&nbsp;&nbsp;&nbsp;&nbsp;&nbsp;&nbsp;&nbsp; бес балаға – 53 127 теңге;
·&nbsp;&nbsp;&nbsp;&nbsp;&nbsp;&nbsp;&nbsp;&nbsp; алты балаға – 63 757 теңге;
·&nbsp;&nbsp;&nbsp;&nbsp;&nbsp;&nbsp;&nbsp;&nbsp; жеті және одан да көп балаларға – 74 388 теңге.
Бұдан бөлек, атаулы әлеуметтік көмектің қолданыстағы жүйесі қайта қаралды. Енді атаулы әлеуметтік көмек қазіргідей 6 немесе 12 айға емес, тоқсан сайын тағайындалады.
Мас күйінде көлік жүргізгендер 10 жылға сотталады
“Қазақстан Республикасының кейбір заңнамалық актілеріне қылмыстық, қылмыстық-процестік заңнаманы жетілдіру және жеке адам құқықтарының қорғалуын күшейту мәселелері бойынша өзгерістер мен толықтырулар енгізу туралы”&nbsp;да заңға қол қойды.
Бұл заңға сәйкес, көлікті мас күйінде жүргізгені үшін жаза күшейтілген. Бас прокурордың орынбасары Марат Ахметжановтың айтуынша, жыл басынан бері мас жүргізушілердің кесірінен мыңға жуық адам қаза тауып, жарақат алған.
Қоғамда қызу пікірталас тудыратын өзекті мәселелердің бірі – мас күйінде көлік жүргізу жайы. Президент бұл мәселеде жауапкершіліктің күшейтуді тапсырған. Ол заң бұзушыларды түрмеге отырғызып, айыппұл салып, көлік жүргізу құқығынан өмір бойына айыру керек екенін айтты. Өкінішке қарай, жыл сайын мас күйінде көлік жүргізген 30 мыңнан астам жағдай тіркеледі. Мас жүргізушілердің салдарынан болған апаттан биылғы жылдың өзінде 1000-нан астам азамат жарақат алды немесе қайтыс болды, – дейді Марат Ахметжанов.&nbsp;
Енді&nbsp;мас күйінде осындай қылмыс жасаған адам 10 жылға бас бостандығынан, сондай-ақ, өмір бойы көлік басқару құқығынан айырылады. Әкімшілік құқықбұзушылық кодексінде мас күйінде көлік айдағаны үшін 30 тәулікке дейін әкімшілік қамау мерзімі ұзартылып, көлік жүргізу құқығынан айыру мерзімі 8 жылға ұлғаяды.
Сонымен қатар, егер азамат өз куәлігінен айырылса да мас күйінде көліктің рөліне отырса, онда көлік жүргізу&nbsp;құқығынан өмір бойына&nbsp;айыру да осы жерде қарастырылған.
Мал ұрлағандардың жазасы күшейтілді
Мал ұрлайтындардың да жазасы осы заңда күшейтілген. Марат Ахметжановтың айтуынша, статистика бойынша ұрлық бойынша істердің көбісі татуласумен аяқталып жатады. Сондықтан осы қылмыс түрімен күресті күшейтіп, жауаптылықты қатаңдату керек деп отыр.
Енді осы қылмыста “теріс қылық” пен “орташа ауыр қылмыс” деген анықтама болмайды. Заң жобасы бойынша қомақты айыппұл мен 5 жылға дейін бас бостандығынан айыру жазасы қарастырылған. Ал ірі мөлшерде адамдар тобымен алдын ала сөз байласып жасалса, 7 жылға дейінгі жаза болады. Бірнеше рет бұзып кіргені үшін – 10 жыл. Аса ірі көлемде және қылмыстық топ болып ұрлық жасаса, 12 жыл бас бостандығынан айыру көзделген.
“Педагог мәртебесі”
Тоқаев мұғалімдерге қатысты екі заң жобасына қол қойды. Олар: “Қазақстан Республикасының кейбір заңнамалық актілеріне педагог мәртебесі, оқушы мен мұғалімге жүктемені төмендету мәселелері бойынша өзгерістер мен толықтырулар енгізу туралы” және “Педагог мәртебесі туралы” деп аталады.
“Педагог мәртебесі туралы” заң жобасы 21 баптан тұрады және жарты миллионнан астам ұстаздың жұмысына қатысты. Жалпы, заң жобасы төрт бағытты қамтиды.
Бірінші, ұстаздардың құқықтарын кеңейту және өзіне тән емес жұмыстан босату, жүктемесін азайту;
Екінші, мұғалімнің қызметіне қойылатын талаптарды күшейту;
Үшінші, материалды емес стимул тетіктері;
Төртінші, материалдық ыңталандыру.
Заң жобасындағы негізгі ережелер:
· 2021 жылдың 1 қыркүйегінен бастап, орта білім мекемелеріндегі педагогтардың нормативтік оқу жүктемесін 18 сағаттан 16 сағатқа төмендету жөнінде норма бекітілді;
· ғылыми-педагогикалық бағыттағы магистр дәрежесі үшін әр ай сайын мектеп ұстаздарына 10 АЕК (25,5 мың теңге) мөлшерінде үстеме ақы төлеу;
· сынып жетекшілігі және дәптер тексергені үшін төленетін ақыны екі есеге арттыру;
· біліктілік санаты үшін мектеп директорлары мен олардың орынбасарларының жалақысын 30 дан 100% ға дейін қосымша ақы төлеп арттыру;
·&nbsp;әскери қызметке шақыруды кейінге қалдыру; 
халықаралық конкурсттар мен жарыстардың жеңімпаздарын, түрлі олимпиадалармен спорттық жарыстардың лауреаттарын даярлаған педагогтерге 3 лауазымдық жалақыға дейін біржолғы сыйақы төлеу;
· “Қазақстанның еңбек сіңірген ұстазы” мемлекеттік марапат тағайындай және иегерлеріне 1000 АЕК мөлшерінде біржолғы сыйақы төлеу.
– 42 күн демалатын педагогтердің демалыс уақытын 56 күнге ұзарту;
Сонымен қатар, Қасым-Жомарт Тоқаев тағы бірнеше заңға қол қойды:&nbsp; &nbsp; &nbsp; &nbsp;
“Қазақстан Республикасының кейбір заңнамалық актілеріне жер қойнауын пайдалану, газ және газбен жабдықтау мәселелері бойынша өзгерістер мен толықтырулар енгізу туралы”;
· “Қазақстан Республикасының кейбір конституциялық заңдарына өзгерістер мен толықтырулар енгізу туралы”;
· “Қазақстан Республикасының кейбір заңнамалық актілеріне теміржол көлігі мәселелері бойынша өзгерістер мен толықтырулар енгізу туралы”;
· “Қазақстан Республикасының кейбір заңнамалық актілеріне Қазақстан Республикасының әкімшілік-аумақтық құрылысы, мемлекеттік басқару жүйесін, бюджетаралық қатынастарды жетілдіру, кредиттеу және білім беру мәселелері бойынша өзгерістер мен толықтырулар енгізу туралы”;
· “Қазақстан Республикасының кейбір заңнамалық актілеріне оңалту және банкроттық рәсімдерін, бюджет, салық заңнамасын және теміржол көлігі туралы заңнаманы жетілдіру мәселелері бойынша өзгерістер мен толықтырулар енгізу туралы”;
· “Тарихи-мәдени мұра объектілерін қорғау және пайдалану туралы Қазақстан Республикасының Заңына сәйкестендіруге бағытталған “Қазақстан Республикасының кейбір заңнамалық актілеріне тарихи-мәдени мұра мәселелері бойынша өзгерістер мен толықтыру енгізу туралы”;
· “Тарихи-мәдени мұра объектілерін қорғау және пайдалану туралы”;&nbsp;&nbsp; · “Еуразиялық экономикалық одаққа мүше мемлекеттердің қаржы нарығы саласындағы заңнамасын үйлестіру туралы келісімді ратификациялау туралы”.

Қазақстан және Қызылорда облысының жаңалықтары