<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың аудандардағы жұмыс сапары Сырдария ауданымен жалғасты.Өңір басшысы Тереңөзек кентіндегі жаңа 18 пәтерлі екі тұрғын үйдің құрылысын және жаңа шағын ауданның инфрақұрылымын тексерді. Бұл жерде электр желілері толық жүргізілген.Газ құбыры мен ауыз су желілерін салу бойынша жұмыстар басталды.Облыс әкімі инфрақұрылым желілерін толық жүргізіп,уақытылы тапсыруды жүктеді.
Сонымен қатар, аудан әкімдігінде өңір басшысының төрағалығымен Сырдария ауданының әлеуметтік-экономикалық дамуына арналған мәжіліс өтті.Облыс әкімі осы жылдың 4 айында атқарылған жұмыстарға тоқталып, бірнеше салада көрсеткіштердің төмендегенін айтты.
<blockquote>
 “Мәліметтерге сәйкес, Сырдария аудан бойынша бірқатар көрсеткіштер өткен жылдың осы кезеңімен салыстырғанда біршама төмендеген.Атап айтқанда, ауданда негізгі капиталға салынған инвестиция – 6,9 %, құрылыс жұмыстарының көлемі – 19,2 % азайған”,- деді облыс әкімі Гүлшара Әбдіқалықова.
</blockquote>
Жыл сайын ауданның кәсіпорындарымен күріш өнімдері шетелдік нарыққа экспортталуда. Елімізден экспортталған күріш өнімдері қайта өңделіп, бірнеше есе бағада өзімізге импортталады. Осыған байланысты аймақ басшысы күрішті қайта өңдеу және “даладан сөреге дейін”қағидаты бойынша өз өндірісін құру қажеттігін атап өтті.
Сонымен қатар, өңір басшысы Қалжан ахун ауылдық округіндегі №126 мектебінде Ақжарма ауылдық округіндегі спорттық сауықтыр кешеніндежәне «Ақжарма и К» фермерлік қожалығының күріш ақтау цехында болды. Тәулігіне 40 тонна күріш ақтайтын зауыт 15 адамды жұмыспен қамтып отыр.
Мұнан соң, өңір басшысы Болат Нұрсейітов атындағы орталық алаңда ардагерлер кеңесінің өкілдерімен кездесіп, «Ауыл – Ел бесігі» бағдарламасы аясында атқарылып жатқан жұмыстармен танысты. Мемлекеттік бағдарлама шеңберінде биылғы жылы 4 көшеге жарық, 9 көшеге орташа жөндеу жұмыстары және 3 көшеде арық жүйелері салынатынболады.
Облыс әкімі Гүлшара Әбдіқалықова Шаған ауылдық округіндегі «Бал бөбек» балабақшасының жұмысын көрді. Сонымен қатар, ауылдық округтердегі «Жұмыспен қамту жол картасы» бағдарламасы аясында салынатын балалар ойын алаңдарының жобасымен танысты. Өңір басшысы балалар ойын алаңы заманауи талапқа сай, сапалы салынуы қажеттігін ескертті.
Облыс әкімінің Сырдария ауданындағы жұмыс сапары Нағи Ілиясов ауылында жалғасты. Облыстық ауыл шаруашылығы басқармасы басшысы Сейілбек Нұрымбетов «Мағжан и К» ЖШС-нің астық тазалау қырманының жұмысымен таныстырды. Зауытта екі ауысым бойынша 40 адам жұмыс істейді. Сағатына 5 тонна күріш тазалайды.
Cонымен қатар, өңір басшысы Бесарық ауылындағы салынып жатқан жол құрылыс жұмыстарын көрді.2019 жылы республикалық бюджеттен Сырдария ауданындағы «Қызылорда-Аэропорт-Қоғалыкөл-Шіркейлі» жергілікті маңызы бар автомобиль жолының 0-8, 13,5-18 шақырымы және Бесарық ауылына кіреберісавтожолына күрделі жөндеу жұмыстары жүргізілген.
Ал, 2021 жылғы жоспар бойынша «Нұрлы жол» бағдарламасы аясында «Қызылорда-Аэропорт-Қоғалыкөл-Шіркейлі» автожолының 33-39 және 41-47 шақырымы мен «Самара-Шымкент-Жанадария» автожолы жөнделеді. Мұнан бөлек, осы ауылдағы “Абай-Дәулет” ЖШС -нің елді мекенді абаттандыру жқмыстарын көріп, шаруашылықтың жұмысымен танысты.
Облыс көлемінде ірі күріш өндіруші компания қазір кәсіптерін әртараптандырып, мал шаруашылығымен айналысып, алма өсіруді де қолға алған. Осылайша, ауыл азаматтарын тұрақты жұмыспен қамтып, халықтың әлеуетін көтеруге атсалысуда.
<blockquote>
 “Біздің жұмысымыздың негізгі басымдықтары-бұл жұмыс орындарын ашу және халықтың әл-ауқатын арттыру. Президент Қасым-Жомарт Кемелұлы Тоқаев біздің алдымызға қойған негізгі міндеттер осындай және біз оларды орындауымыз керек. Оған толық мүмкіндігіміз бар”,- деді аймақ басшысы.
</blockquote>
Сондай-ақ, жұмыс сапары барысында облыс әкімі Гүлшара Әбдіқалықова Айдарлы ауылдық клуб үйінде ерікті жастармен кездесті. Кездесу мақсаты – ауылдың жастар бригадасының жұмысымен танысу.
Айта кету керек, өткен жылы Айдарлы ауылдық округінің жастары Елбасының “Болашаққа бағдар: рухани жаңғыру” атты мақаласының “Туған жер” кіші бағдарламасынжүзеге асыру мақсатында ауылға кіре берісте арка салған.
Сондай-ақ, көп балалы отбасына көмек көрсетіп, үй салып берген.Өңір басшысы белсенді жастардың атқарып жатқан жұмыстарына ризашылығын білдіріп, оларды қолдап, өзгелерге үлгі етіп көрсету қажеттігін атап өтті.
<img src="https://kyzylorda-news.kz/wp-content/uploads/2020/05/ed360197-9a86-4d3b-a53e-2543968560b6.jpg" alt="" />
<img src="https://kyzylorda-news.kz/wp-content/uploads/2020/05/a9710b71-9a6f-4bf0-a0a9-c091185dcc87.jpg" alt="" />

Гүлшара Әбдіқалықова: «Біздің жұмысымыздың негізгі басымдықтары-жұмыс орындарын ашу және халықтың әл-ауқатын арттыру»

<a href="https://kyzylorda-news.kz/">Kyzylorda-news.kz.</a> Арал ауданының әкімі Мұхтар Оразбаев жұмыс сапарымен бірқатар елді мекендерде болды.
Сапарын Бекбауыл ауылдық округіне қарасты Құмбазар елді мекенінен бастаған аудан басшысы ең алдымен ауыл ақсақалдарымен жүздесті.
Кездесу барысында ауыл үлкендері көкейіндегі ұсыныс-пікірлерін білдірді.
Осы орайда аудан басшысы жергілікті тұрғындардың сұранысына сәйкес ағымдағы жылы Құмбазар елді мекенінің жоғары жағындағы дариядан бастау алатын «Кеңесарық» каналының ұлтанын тазалау жұмыстарына «Жұмыспен қамтудың жол картасы» аясында қаржы қаралып, арнайы конкурс қорытындысымен мердігері анықталып отырғандығын жеткізді.
Одан әрі ауыл жұртшылығының проблемалық мәселелерімен кеңінен танысу мақсатында Құмбазар, Үкілісай елді мекенінің тұрғындарын жеке мәселелері бойынша қабылдады.
Айта кету керек, биылғы жылы жергілікті төртінші деңгейлі бюджет есебінен Құмбазар елді мекеніндегі қорымды қоршау және түнгі жарықтандыруға жөндеу жұмыстарын жүргізу жоспарланып отыр.
<img src="https://kyzylorda-news.kz/wp-content/uploads/2020/05/fb_img_1590172642856.jpg" alt="" />
Аудан әкімінің жұмыс сапары Ақирек ауылдық округі, Ақбай ауылында жалғасты.
Ертеден егін шаруашылығымен айналысып келе жатқан жеке кәсіпкер Жаңабай Жолмырзаевтың бақшасына ат басын бұрып, 8 гектар егілген қауын-қарбыз алқабындағы жұмыс барысымен танысты.
Мұнан бөлек, Санат Нұрмановтың алма бағында болған аудан басшысы шаруа иелерінің ұсыныстарын тыңдап, жұмыстарына сәттілік тілесті.
Құм ортасында алма жемісін өсіруді қолға алған кәсіп иесінің жұмысымен кеңінен танысқан аудан әкімі одан әрі ауыл ақсақалдарымен кездесті.
Биыл Ақбай елді мекенінде жарықтандыру жұмыстары қолға алынса, күзге қарай диод шамдарын орнату жоспарланған.
<img src="https://kyzylorda-news.kz/wp-content/uploads/2020/05/fb_img_1590172648882.jpg" alt="" />
Аудан әкімі одан әрі Қамыстыбас, Аралқұм ауылдық округінде болып, жергілікті ақсақалдармен жүздесті.
Аудан көлемінде атқарылып жатқан жұмыстардың барысын ортаға салған ол, аталған елді мекен тұрғындарымен жеке мәселелері бойынша қабылдау өткізіп, заң аясында жауап берді.
Айта кетейік, қазіргі таңда Қамыстыбас ауылдық округінде өткен жылы салынған «Тағзым алаңының» жанынан сахына салу жұмыстары жүргізілуде.
Сонымен қатар, алдағы айларда трансформатор орнату, жарықтандыру, елді мекеннің кіре беріс қақпасын жаңалау, бағандарға жарық шамдарын орнату, көше жарықтарын жөндеу сынды жұмыстар да бастау алмақ.
Ал, Аралқұм елді мекені бойынша алдағы қараша айында трансформатор орнату жоспарланса, Шөміш елді мекенінде жарықтандыру және трансформатор орнату жұмыстары қолға алынбақ. Осы орайда, аудан басшысы атқарылатын әрбір жұмыстың сапалы жасалуына баса назар аудару қажеттігін ескертті.
Аудан әкімі жұмыс сапары соңында Сапақ ауылдық округіне аялдап, елді мекендегі су айдау станциясында ауыл ақсақалдарымен жүздесті. Жергілікті жұрттың тыныс-тіршілігіне қаныққан ол аталған елді мекенде жоспарланып отырған жұмыстарды тарқатып өтті.
Атап айтқанда, биылғы жылы аталған ауылдық округке қарасты Көктем елді мекеніне ауыз су жүйесін жүргізу жұмыстарына жоба-сметалық құжаттар әзірлеу, балалар ойын алаңын жөндеу және Сапақ, Көктем елді мекендерінің көше жарықтарын жөндеу жұмыстары жүргізілмек.
<img src="https://kyzylorda-news.kz/wp-content/uploads/2020/05/fb_img_1590172638299.jpg" alt="" />

Арал ауданындағы бірқатар елді мекенге жарық жүргізіледі

<a href="http://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаевтың Қазақстан мұсылмандарын Ораза айт мерекесімен құттықтады, деп хабарлайды Ақорданың баспасөз қызметінен.
Мемлекет басшысы Қасым-Жомарт Тоқаевтың Қазақстан мұсылмандарын Ораза айт мерекесімен құттықтауы
Құрметті отандастар!
Сіздерді Ораза айт мерекесімен шын жүректен құттықтаймын!
Бұл – ислам әлеміндегі айтулы әрі қастерлі мейрам.
Ораза айт рухани тұрғыдан жаңаруға және кемелденуге үндейтін қасиетті Рамазан айына жалғасып, жақсылыққа жетелейді.
Имандылықпен берік үндес адамгершілік пен бауырмалдық, қарапайымдылық пен кішіпейілділік – ұлттық тәлім-тәрбиенің бастауы. Оны бүгінгі ұрпақтың өмір салтына айналдыруымыз керек.
Мейрам күндері күллі мұсылман қауымы бір-біріне қамқорлық жасап, мұқтаж жандарға қолдау көрсетеді. Мұндай игі істер біздің ырыс-ынтымағымызды арттыра түседі.
Рамазан айында сабыр сақтап, төзімділік танытқанымыздың арқасында індетке байланысты қалыптасқан ахуал біршама тұрақтанды.
Халқымыздың парасаты мол, бірлігі бекем болса, бұл сынақтан да сүрінбей өтеміз деп сенемін.
Ораза айт құтты болсын!
Баршаңызға зор денсаулық, бақ-береке және толайым табыс тілеймін!

Мемлекет басшысы Қазақстан мұсылмандарын Ораза айт мерекесімен құттықтады

<a href="https://kyzylorda-news.kz/">Kyzylorda-news.kz.</a> Коронавируспен күресу үшін 32,8 миллион фунт стерлинг (40 миллион доллардан астам) жинаған Екінші дүниежүзілік соғыс ардагері Том Мурға Ұлыбританияның ең жоғары мемлекеттік марапаттарының бірі және рыцарь атағы берілді. Бұл туралы Ұлыбритания премьер-министрі Борис Джонсонның кеңсесі мәлімдеді.
<blockquote>
 “Полковник Том Мурдың ақша жинау жөніндегі керемет науқаны бүкіл елді шабыттандырды және біз үшін коронавируспен күресу үмітінің маягіне айналды. Оның ісінен шабыттанғандардың атынан мен оған үлкен алғысымды білдіремін. Бұл адам – ұлттың нағыз байлығы”, – деді Джонсон.
</blockquote>
Премьер-министр 100 жастағы ардагерге марапатты тағайындауды өтінді, ал Ұлыбритания патшайымы Елизавета II оның өтінішін орындады. Мурға рыцарь атағын беру рәсімі өтетін күн пандемияға байланысты әлі анықталған жоқ. Ұлыбританияда рыцарь атағы көбінесе 5-ші дәрежелі Британ империясының орденімен бірге беріледі. Қазіргі уақытта Мурдың қай деңгейге тағайындалатыны белгісіз, бірақ отставкадағы капитанға бұған дейін полковник дәрежесі берілген.
Соғыс кезінде Үндістанда және Бирмада қызмет еткен қарт кісі Ұлыбританияның ұлттық денсаулық сақтау жүйесіне коронавируспен күресу үшін қаржы жинайтынын мәлімдеген. Ол ақша жинау үшін бақшасындағы 25 метрлік қашықтықты өзінің жасымен бірдей, яғни, 100 рет жаяу жүріп өтетінін айтқан. Алайда, Мур мұнымен тоқтап қалмай, бақшаны 200 рет айналып шыққан.
Мурдың қайырымдылық науқаны британдықтардың қызығушылығын тудырды және ол бастапқыда жоспарланған 1000 фунт стерлингттің орнына 38, 8 миллион фунт-стерлинг қаражат жинаған.
<a href="https://massaget.kz/layfstayl/alemtanu/62217/">Massaget.kz</a>

Коронавируспен күресуге ақша жинаған қартқа рыцарь атағы берілді

Kyzylorda-news.kz. Қызылорда облысында коронавирус инфекциясын жұқтырғандар саны 290-ға жетті. Ал сауығып шыққандар саны – 225. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Жаңадан 10 дерек тіркелді. Оның 9-ы індет жұқтырғандармен байланыста болса, 1-еуі скринингтеу барысында анықталды. Қазіргі таңда науқастардың жағдайы бірқалыпты, емдерін алуда», – деді Жақсылық Әбілқасымұлы.
</blockquote>
Сондай-ақ, вирус жұқтырғандармен байланыста болған– 3856 азамат анықталды. Оның ішінде, 2151-і жақын қарым-қатынаста, 1705-і жанама байланыста болған.

COVID-19: Қызылордада соңғы тәулікте 10 жағдай тіркелді

<a href="https://kyzylorda-news.kz/">Kyzylorda-news.kz.</a> Осыдан үш жыл бұрын елордадағы Оқушылар сарайында қазіргі қазақ бейнелеу өнерінің талантты өкілдерінің бірі, Қазақстан Суретшілер және Еуразия дизайнерлер одақтарының мүшесі Шыныбай Пірімбаевтың «Шабыт» атты жеке көрмесі өтті. Сонда суретшіні алғаш көрдім. Тым қарапайым, артық сөзі жоқ. Жылы жымиып жүрді де қойды. Адалдығы, адамдығы болмысынан байқалып тұрды. Жалпы, суретшілердің жан дүниесі басқа өнер иелеріне қарағанда бөлектеу. Олар оңаша аралда өмір сүретін адамға ұқсайды. Топырлаған топқа, дабыраға қосылмайды. Саяқтау жүреді.
Сол көрмеде автордың елуден астам жұмысы қойылды. Бәрі де – табиғат пен туған жерін шынайы бедерлеген туындылар. Соған қарағанда суретшінің жаны, болмысы табиғатпен бірге егіз жаратылған секілді көрінді. Әсіресе, бізге «Кәрітұма» атты картинасы ұнады. Мұнда автор туған ауылындағы талай тарихтың куәгері болып, айбыны асып, айдынданып жатқан тұманың тартылып бара жатқан бейнесін шебер зерлеген. Туындыға қарап тұрып, жүрегіңіз солқ етеді. Автор осы жұмысы арқылы кәрітұманың ғана емес, әлем проблемасына айналған Аралдың қайғы-мұңын бояу тілімен сөйлеткен. Сондай-ақ шебердің картиналарында елорданың көркем келбеті мен табиғаты келісті көрініс тапқан.
Арал демекші, біздің кейіпкеріміз кезінде толқыны тайдай тулап, буырқанып жатқан Арал теңізінің қолтығындағы қарапайым Қаратерең деген ауылда өмірге келген. Теңіз жағасында туған баланың арманы да бөлек болса керек. Жасынан сурет салуға құштар болып, алақандай ауылға «суретші бала» деген атағы жайылады.– Әкем соғысқа қатысқан майдангер еді. Әкемнің көзі тірісінде оның ағаш жонып, балта ұстап жүргенін көрген жоқпын. Бірақ оның құрдастары «Ізтілеу жас күнінен қолы ісмер, шебер болатын» деп айтып отыратын. Соған қарағанда бойымдағы өнерім әкемнен дарыған секілді. Алдымдағы ағаларым да суретті керемет салатын. Бала күнімнен сурет салғанды жақсы көріп, мектептегі барлық іс-шаралардың ортасында жүрдім. Ауылда жүргенде үш бала дос болдық, олар да бейнелеу өнерін ұнататын. Қазір соның бірі ауылдағы мектеп директорының орынбасары, екіншісі ұсталықпен айналысады. Егер екеуі де өнерді қуғанда танымал суретші болатын еді, – дейді кейіпкеріміз балалық күндерден сыр шертіп.
Он жылдықты бітіргеннен кейін жоғары оқу орнына баруға мүмкіндігі болмайды. Әкесі өмірден өткеннен кейін кейінгі бауырларына қамқор болып, анасына қолғабысын тигізіп, ауылда жұмыс істейді. Сөйтіп жүргенде, әскерге алынып, екі жыл Отан алдындағы азаматтық борышын өтеп келеді. Содан Шымкенттегі Ә.Қастеев атындағы көркемсурет училищесіне барады, бірақ одан жолы болмай, Қызылордаға келіп, облыстық Суретшілер одағының филиалында Жаңаберген Осымбетов деген ауылдас суретші ағасының шеберханасында бейнелеу өнерінің қыр-сырын үйренеді. Осы орта оған үлкен мектеп болды. Сөйтіп, келесі жылы Н.Гоголь атындағы Алматы көркемсурет училищесіне қабылданып, ұстаздары Қалиолла Ахметжан мен Аман Бақтығалиевтан тәлім алды. Бұл екі азамат та – Санкт-Петербургте оқып, бейнелеу өнерінің құпиясын меңгерген мамандар. Енді олар өздері жинаған білім нәрін шәкірттеріне сіңірді.
Қаламы жүйрік қайраткер-қаламгер Бауыржан Омар «Қаратерең» деген эссесінде: Мықты суретшілер шықты біздің Қаратереңнен. Бірінен-бірі өтеді. Қуантай Ршымбетов талантты болғанымен, алысқа құлаш сермей қоймады. Оның есесіне кәсіби суретші Жаңаберген Осымбетов әдемі пейзаждар жазды. Ал осы ауылдың топырағын борпылдатып басып өскен тағы бір дарынды суретші тіпті алысқа шапты. Ол – Шыныбай Пірімбаев. Мәскеудегі талайдың қолы жете бермейтін В.И.Суриков атындағы көркемсурет академиясын бітіріп, айды аспанға бір-ақ шығарды» деп төгілте жазғаны бар.
Мәскеуде оқыған жылдар біздің кейіпкерімізге шырқау шабыт сыйлады. Ежелден бейнелеу өнері қалыптасқан өрелі елде суретші шеберлігін одан әрі ұштай түседі. Бірегей оқу орнындағы ұстаздардың алдын көріп, тәлімін үйренеді. Көне қаладағы музейлерді армансыз аралап, орыстың бейнелеу өнерінде құбылыс жасаған тұлғалардың туындыларын тамашалайды.
«Шыныбай – өте талантты суретші. Ресейдегі В.Суриков атындағы көркемсурет академиясын тәмамдаған түлектердің бәрі де жоғары бағаланады. Сонымен бірге, ол – Еуропадағы бейнелеу өнерінің түрлі мектептерінен дәріс алып, өз шеберлігін байытқан жігіт. Суретшінің қолынан шыққан кез келген шығармаларынан философиялық ой түюге болады. Оның бәрі тазалығымен көз тартады» дейді суретші, Қазақстанның Мәдениет қайраткері Ермек Асылханов.
Осыдан алты-жеті жыл бұрын Шыныбай ағамыз әлемдік бейнелеу өнерінің алыптары туған Португалия, Испания, Италия, Түркия елдерінде болып, білімін жетілдіріп қайтады. Сол іссапар аясында көрмесі ұйымдастырылып, қазақ қылқалам шеберінің туындылары сурет өнерін жоғары бағалайтын еуропалықтарды сүйсінтеді.
– Жақсы суретші болу үшін практиканы ғана емес, теорияны да жетік білу керек. Біз шетелге барып, атақтылардан дәріс тыңдадық. Өмірден жинаған қорымыз мол. Біздің музейлерге әлемге танымал суретшілердің картиналарының көшірмесін салып, іліп қойса болады. Балалар соны көріп, әсерленер еді. Негізі, елордада бейнелеу өнерінің музейі бөлек болса деймін. Әлемдегі туристердің дені бейнелеу музейін көруге келеді. Бұл ел бюджетіне қаншама қаржы түсіреді. Айталық, өзіміз шетелге бара қалсақ, алдымен мұражайға табан тірейміз. Шетелдіктер халықты өнерімен бағалайды. Мысалы, Голландиядан қаншама талантты суретшілер шықты. Сол арқылы мемлекеттің де атағы жер жүзіне жайылды. Осындай насихат бізге де керек, – дейді ол.
Суретші көп жылдардан бері бас қалада тұрады. Шаһардағы Қазақ ұлттық өнер университетінде бейнелеу өнерінен жастарға дәріс оқиды. Жақында ғаламтордан қылқалам шебері туралы жазылған дүниелерді қарап отырып, Қаратерең ауылындағы орта мектептің мұғалімінің шағын ақпаратына көзім түсті. Онда ол кісі: «Біздің мектептің оқушыларынан: «Қазақстанның қандай атақты суретшілерін білесіңдер дегенде балалардың бірі Әбілхан атамызды атаса, екіншісі өзіміздің ауылдан шыққан Шыныбай ағамызды айтады» деп жазыпты. Көзкөргендердің айтуынша, Әбілхан атамыз өмірде өте қарапайым, дегдар адам болыпты. Өзім, Шыныбай ағаның болмысынан сол кісіге бір ұқсастықты көремін. Сондықтан да талантты суретшіні жерлестері «Қаратереңнің Қастееві» деп мақтаныш тұтуы да жарасымды.
<img src="https://kyzylorda-news.kz/wp-content/uploads/2020/05/1-3.jpg" alt="" />
<img src="https://kyzylorda-news.kz/wp-content/uploads/2020/05/2-3.jpg" alt="" />
<img src="https://kyzylorda-news.kz/wp-content/uploads/2020/05/3-1.jpg" alt="" />
<img src="https://kyzylorda-news.kz/wp-content/uploads/2020/05/4-2.jpg" alt="" />
<a href="https://www.astana-akshamy.kz/qaraterengning-qasteevi/?fbclid=IwAR2jfHPAJOOybC_AyEQFAzt_xhmztD5s73T9u2p5N2bv_tQdAcbVX32ovgw">Astana-akshamy.kz</a>

Қаратереңнің «Қастееві»

Халықаралық қорықтар күні
Жыл сайын Халықаралық табиғатты қорғау одағының бастамасымен аталып өтіледі. Қорықтар – табиғаттың жаратылысын және оның барлық түрлерін өзгеріссіз сол қалпында сақтайтын аумақ бөлігі немесе акватория.
1933 жылы «Қазақтың көркем әдебиеті» баспасы құрылды.
1964 жылы атауы «Жазушы» болып өзгерді. 1994 жылы осы күні Еуропалық Одақ серіктестік және ынтымақтастық туралы келісімді – Қазақстан Республикасымен, ал бір аптадан кейін Қырғызстан Республикасымен парафирледі.
1995 жылы Қазақстан Респуликасының мемлекеттік шекара режимін нығайту мақсатында Қазақстан Республикасының шекара әскерлері бас басқармасы Қазақстан Республикасының Мемлекеттік шекараны қорғау мемлекеттік комитеті болып қайта құрылды.
2002 жылы Польша Республикасы мен Қазақстанн Республикасының арасындағы ынтымақтастықты дамытуға қосқан елеулі үлесі үшін Қазақстан Республикасының Президенті Нұрсұлтан Назарбаев «Ақ қыран» орденімен марапатталды. «Ақ қыран» ордені – Польшаның ең жоғары мемлекеттік сыйлығы. Оны 1705 жылғы 1 қарашада Польша королі ІІ Август бекітті. Орден монархтарға, шетелдік мемлекеттер мен үкіметтердің басшыларына ерекше еңбегі үшін табыс етіледі, сондай-ақ Польша Республикасына айрықша еңбегі сіңген поляк азаматтары марапатталады.

24 мамыр: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 24 мамырға арналған жұлдыз-жорамалы.
Тоқты
Қарбалас күн. Бойыңыздағы барлық күш-қуатты сарқып аласыз. Бұл жүйке жүйесіне де әсер етуі мүмкін.
Торпақ
Егер көптен бері демалыс алуды көздеп жүрсеңіз, бүгін ойланбастан өтінішіңізді жазып, жолға шығыңыз. Барлығы ойдағыдай болады.
Егіздер
Денсаулығыңыз сыр беріп, сырқаттанып қаласыз. Өзіңізді қамқорсыз қалған, керексіз жан ретінде сезінесіз.
Шаян
Бүгін қалатаңыздағы қаражатыңызға абай болыңыз. Көп шығынға ұшырау қаупі бар. Сондықтан ойланып әрекет етіңіз.
Арыстан
Сары уайымға салына бермеңіз. Бұл өз денсаулығыңызға кері әсерін тигізетін болады. Сондықтан барынша жақсы ой ойлаңыз.
Бикеш
Бүгін шығармашылықпен айналысуға қолайлы күн. Әсіресе әдеби кітаптар оқуға немесе толық зерттелген тақырып бойынша мақала дайындауға болады. ,
Таразы
Бүгін материалдық жағдайыңыз жақсарады. Мол табысқа ие боласыз. Бұл қаржыға әдемі, әрі қажетті дүние сатып алатын боласыз.
Сарышаян
Күннен-күнге салмақ қосып жатырсыз. Ас қорыту мүшесінде қиындықтар туындайды. Тәбетіңізді тыйғаныңыз жөн.
Мерген
Бүгін жаңа ілім алуды ойлайсыз. Бірақ одан пайда табамын деп ойласаңыз, қатты қателесесіз. Бүгін ақшаңызға сақ болыңыз.
Тауешкі
Денсаулығыңызды күтіңіз. Әсіресе тісіңізге, буындарыңызды сақтаңыз. Бүгін ауырып ем іздегенше, ауырмайтын жол іздегеніңіз жөн.
Суқұйғыш
Салауатты өмір салтын сақтайтын болсаңыз денсаулығыңызға ешқандай қауіп жоқ. Таза ауада көп жүріңіз.
Балықтар
Өзге елдің мәдениетімен, әдет-ғұрпымен, салт-дәстүрімен танысу мүмкіндігі бұйырып тұр. Көп ойланбай жолға шығыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Осы күннің ыстығынан Антарктиданың өзі көгалдана бастады, деп хабарлайды <a href="https://24.kz/kz/zha-aly-tar/lemde/item/397388-k-nni-ysty-ynan-antarktida-k-galdana-bastady">«Хабар 24»</a>.
Климаттың өзгеруіне байланысты ауа температурасы жылынып, түбекте микробалдырлар көбейді. Ғарыштан түсірілген суреттерде шамамен 1700 аймақ жап-жасыл түспен боялған. Осыған орай Ұлыбритания ғалымдары Антарктида жағалауындағы микроскопиялық балдырлардың таралуын көрсететін жаңа карта шығарды.
<blockquote>
 «Антарктидадағы бұл құбылыс жер шарындағы климаттың күрт өзгеріп келе жатқанын байқатады», – дейді мамандар.
</blockquote>

Күннің ыстығынан Антарктида көгалдана бастады

<a href="https://kyzylorda-news.kz/">Kyzylorda-news.kz.</a> Бөлме гүлдері әрбір үйге ерекше сұлулық сыйлары сөзсіз. Гүлдер де тірі жандар. Жан-жағына қуаныш пен шаттық сыйлап, адам жанын жадыратады. Әрі бөлме гүлдерінің адамға тигізер пайдасы да молынан.
Үй гүлдерінің пайдалы тұстары: Бөлмедегі жағымсыз көмірқышқыл газын өзіңе сіңіріп, қайта ауаны өттегімен толтырады. Дәрілік өсімдіктер адамда болатын күйікті, суық тию мен әлсіздікті емдейтін қасиеттерге де ие.&nbsp; Қыста үйде жылу жүйесін қолданғандықтан ауа құрғап кетеді. Ал гүлдер үй ауасын ылғалдандырады. Гүлдер тұрмыстық техникалар мен құралдардан шығатын электмагнитті сәулелерді өзіңе сіңіреді. Сол арқылы адамның әлсіреуі мен бас ауруына жол бермейді. Халық арасында бөлме гүлдері адамға бақыт, тыныштық, байлық және сүйіспеншілік әкеледі деп сенеді. Ендеше, біз сіздерге әрбір үйде өсірілуі тиіс гүлдер жайлы айтамыз.
Алоэ
<img src="https://kyzylorda-news.kz/wp-content/uploads/2020/05/gwl1-1.jpg" alt="" />
Бұл бәріне таныс бөлме гүлі. Ол суық тигенде, қабынуға, қанды тоқтату мен жараны емдеуге көмектеседі. Оның шырыны қарлығу, қыжылдау, гастрит, қызыл иектің ауруына және де басқада ауруларға таптырмас ем. Алоэні көбіне косметикалық мақсатта қолданады.
Хлорофитум
<img src="https://kyzylorda-news.kz/wp-content/uploads/2020/05/gwl2-1.jpg" alt="" />
Бұл гүлді өсіру аса маңызды. Жұқа және иілген жапырақтары бар, жеңіл жолақтары бар бұталы өсімдік. Бұл көгерген саңырауқұлақтар мен ауру таратушы бактериялардан арылуға көмектеседі. Ауаны зиянды заттардан тазалайды. Хлорофитум үйге тыныштық пен жайлылық әкеледі.
Бұрышты жалбыз
<img src="https://kyzylorda-news.kz/wp-content/uploads/2020/05/gwl3-1.jpg" alt="" />
Терезе жақтауында қоюға ыңғаланған гүлдердің бірі. Ол тәбітті дұрыстап және тамақтану процесін реттейді. Оның жапырақтарын дәмді дәмдеуіш ретінде әрқилы тағамдарға қосса болады. Әрі оның жапырақтарын шәйға қосып ұайнатып ішсе де болады.
Фиалка
<img src="https://kyzylorda-news.kz/wp-content/uploads/2020/05/gwl4.jpg" alt="" />
Асханаға ерекше сұлулық қосып тұратын бұл гүл көп жерді де алмайды. Фиалка ауаны зиянды заттардан тазалап, ылғалдандырады. Бұл әлемдегі бейбітшілік пен отбасылық үйлесімділіктің символы. Ақ гүлі мұң мен депрессиядан арылтады. Көк түстісі адамның шығармашылық қабілетін арттырады. Ал қызыл және ашық қызғылт түсті гүлдері көңіл-күйді көтеріп, адамды қауіпті аурулардан сақтайды.
Фикус
<img src="https://kyzylorda-news.kz/wp-content/uploads/2020/05/gwl5.jpg" alt="" />
Фикус гүлі айналадағы шыңды өзіңе тартып, ауаны тазалацды. Оны дымқыл сүлгімен ақырын сүртсе болады. Фикус бөлмені оттегімен толтырып, ауадағы жағымсыз иістен тазалайды. Сонымен қатар, фикус отбасылық үйлесімді нығайтып, тыныштандырып және беймаза ойлардан арылтады.
Балауса шырмауық
<img src="https://kyzylorda-news.kz/wp-content/uploads/2020/05/gwl6.jpg" alt="" />
Бұл сопақ жапырақты гүлдің адамға тигізер пайдасы көп. Ақ, қызғылт және қызыл түсті қолшатырлы гүл. Әдемі гүл үйдегі барша негативті бейтараптандырып және иесін жаманшылық пен зиянды микробтардан қорғайды.
Герань (қазтамақ)
<img src="https://kyzylorda-news.kz/wp-content/uploads/2020/05/gwl7.jpg" alt="" />
Бұл бұйра герань гүлі өзінің бойында көптеген пайдалы қасиетерге ие. Адамда болатын жағымсыз күйлер мен рухтардан қорғайды. Әрі адамның ұйқы бұзылуын реттеп және қауіпті бактериялармен күреседі. Герань гүлі үйге сәттілік пен жетістік әкеледі. Гүлдің иісі адам жанын тыныштандырып және бас ауруын қойдырады. Егер гүл қурап қалса, демек үйде біреу ауырып жатуы мүмкін.
Сансевиерия (ененің тілі)
<img src="https://kyzylorda-news.kz/wp-content/uploads/2020/05/gwl8.jpg" alt="" />
Өзінің ұзын әрі біртекті жапырақтарымен ерекшеленетін бұл гүл үйге өзгеше сұлулық сыйлайды. Олар біркелкі және қою жасыл түсті болып келеді. Және жапырақтарының арасында ақ жолақтар немесе дақтар болады. Гүл отбасыдағы татулықты арттырып және көңіл-күйді реттейді. Сонымен қатар, оның жапырағын халықтық медицинада антисептик ретінде қолданады. Сансевиерияның шырыны жараны жазып және қанның ағуын тоқтатады.
Оксалис
<img src="https://kyzylorda-news.kz/wp-content/uploads/2020/05/gwl9.jpg" alt="" />
Бұл шоқ гүлді өсімдік күлгін түсті болып келеді. Оның жапырақтары есімізге көбелектерді түсіреді. Оксалис гүлдейтін кезде жапырақтарының арасында кішкентай қолшатыр тәрізді ақ гүлдер пайда болады. Оксалис жапырағын аспаздықтада салаттарға қосып қолданса болады. Дәмі қымыздықты еске түсіреді. Бұл гүл түйсікті жақсылап, сезімдерді реттейді. Оны өзінің жарымен кездескісі және өзіңе назар аудартқысы келетін жандар сақтай алады.
Кактус (эхинопсис)
<img src="https://kyzylorda-news.kz/wp-content/uploads/2020/05/gwl10.jpg" alt="" />
Дөңгелек тәрізді болып келетін кактус әрбір үйде өсірілуі тиіс гүл болып саналады. Оны сыртын кішкентай инелер қаптап тұрады. Егер кактусқа жақсы күтім жасаса ол көктемнің аяқ жағында гүдеп шығады. Әр жыл сайын жаңа инелер пайда болып, одан жағымды иіс шығып тұрады. Оның гүлденуі тек 3 күнге дейін ғана созылады. Кактусты теледидар мен компьютердің алдына қойған дұрыс.
Антуриум (ер бақыты)
<img src="https://kyzylorda-news.kz/wp-content/uploads/2020/05/gwl11.jpg" alt="" />
Жатын бөлмеге қызыл түсті гүлді қоюды ұсынамыз. Ол отбасылық өмірге өзара түсіністік пен сыйластық әкеледі. Антуриум қанық қызыл түсті, жүрекше жапырақ тәрізді болып келеді. Бұл ер кісілерге сәттілік алып келеді. Антуриум – батырлықтың символы. Ер адамның күші, еркіндік пен махаббатқа құштарлықтың белгісі.
Спатифиллум (әйел бақыты)
<img src="https://kyzylorda-news.kz/wp-content/uploads/2020/05/gwl12.jpg" alt="" />
Үйге махаббат пен сыйластықты әкелетін бұл гүл әрбір үйде болуы тиіс. Спатифиллум – әйел бақытының символы. Ол жас қыздардың өз теңін табуына және тұрмыстағы әйелдерге наңыз әйел бақытын сезінуге көмектеседі. Тіпті, халық арасында бұл гүл балалы болғысы келетін әйелдерге де өз көмегін тигізеді деген ырым да бар.
<a href="https://oinet.kz/e/action/ShowInfo.php?classid=41&id=18389&utm_source=redtram&utm_medium=referral&utm_campaign=news&utm_content=584834928&utm_term=380124">Oinet.kz</a>

Әр үйде болуы тиіс гүлдер

<a href="https://kyzylorda-news.kz/">Kyzylorda-news.kz.</a> Мамандар мұндай балалардың қатары көбейгенін айтады.
Смартфонға кірпік қақпай қарап отырғаннан көздің қарашығы бұзылады дейді дәрігерлер. Қазір балаларға арналған көзәйнектердің қалыңдығы 70 жастағы қарттардыкімен бірдей, деп хабарлайды “Хабар 24”.
<blockquote>
 &nbsp;«Балалардың көздері құрғайды. Кейін қызарады, қайта-қайта көздерін уқалай береді. Балаларға бірдеңе көрсетейін десең, олар үңіліп қарайды, ал бұл баланың жүйкесін де жұқартады. Өйткені ұялы телефоннан, экраннан келетін радиотолқындар миының ауытқуына әкеледі. Бұдан туындайтын аурулар көп. Егерде сіздің аккомадацияңыз бұзылса, сіз алыстан нашар көре бастайсыз. Әрі қарай дәрімен емделмесеңіз, көз алыстан көру қабілетінен айырылады», – дейдіКөз дәрігері Рашида Аужанова.
</blockquote>
Смартфондарға телмірудің нәтижесінде, баланың ойлау, есте сақтау, баланың қабылдау деген қабілеттерін төмендетеді. Мінез-құлыққа кері әсер етеді. Өйткені адам қызыл, сары, жасыл, түрлі түсті жыбырлап шыға беретін суреттерге әуес болады. Жүйкесі жұқарғанын байқамайды. Интернетке тәуелді балалардың 80 проценті мамандардың көмегіне жүгінеді.

Телефонға телміріп, соқыр болған балалардың саны көбейіп жатыр

<a href="https://kyzylorda-news.kz/">Kyzylorda-news.kz.</a> Жақында құрбысы айтып берген анекдот есіне түсе кетті.
Бірде жаңа орыс дүкенге кеп, жаңа жылдық гирлянданы қайтып өткізіпті.
— Істемей қалды ма? — деп сұрайды сатушы.
— Неге? Істегенде қандай, — депті анау.
— Онда неге қайтып әкелдіңіз?
Жаңа орыс күрсініпті де:
— Көңіліме жақпады, – депті.
Бұның да жағдайы әлгіндегідей: бәрі жақсы сияқты, бірақ ештеңе жақпайды.
Бір қызығы күн өткен сайын алдынан шыққан қиындық көбейе берді, құдды бір балалап жатқандай.
Алдымен ваннадағы құбыр жарылды. Астындағы көршісіне өтіп кетіпті.
Сосын мініп жүрген джиптың сол жақ қырын ұзына бойына со күйі сызып кетіпті.
Сосын құрбысының үйіне барып, шай ішкен. Бұлар шайға айналғанда оның күшігі италиялық туфлиін кеміріп тастапты. Іші күйіп кетті.
Түн жарымында бас жағында ілініп тұратын картина өз-өзінен құлап, мұны басып қала жаздағанда есі шықты. Қай жерде не бүлдірдім деп ойланды…
Таңертең жұмысқа кеп әріптестеріне айтып еді, маркетолог Света иығын қиқаң еткізіп:
— Бұл дегенің «Матфей Принципі» ғой,&nbsp; жарығым, – деді.
— Қалай сонда? — деп сұрады дым түсінбеген бұл.
— Әлгі, Інжілде: «…кім бар десе, сонікін еселеймін, кім жоқ десе, қолдағысынан да айырылады» делінбеп пе еді?
— Кім айырмақ?
— Кім болушы еді, — деді кішкентай балаға әңгіме айтқандай Света саусағын көкке шошайтты.
— Енді не істеуім керек?
Света кербездене:
— Плюсқа айналдыр, – деді.
— Нені? — деп түсінбеді бұл.
— Бәрін! — деп жауап қатты ол. — Жақсыны да, жаманды да.
Бұл принципті сол сәтте-ақ ұмытып кетер ме еді, бірнеше минуттан соң қарауыл кеп, джиптің оң жағын да біреу сызып кеткенін хабарлады. Сол кезде неде болса Светаның заңын қолданып көрейін деп шешті…
Түс әлетінде бастық мұның жобасын сынға алғанда, сабырлы қалпынан айнымастан:
— Бақытқа көрініп тұрғаны шығар, — деді де кабинеттен шығып кетті. Плюстады.
Неде болса, өзімді қуантайын деді. Қарсы беттегі сүйікті дәмханасына бас сұқты. Сүйікті кофесіне тапсырыс берді. 10 минуттан соң хатшы қоңырау шалды: «Сені шақырып жатыр. Бәсекелестердің біріне сенің жобаң ұнапты. Бастық жобаңды жүзеге асыруға рұқсат беріп жатыр».
Аптаның соңына дейін ұсақ-түйек кедергінің бәріне:
«Өтті»,
«Плюстадым»,
«Бақытқа көрінсін» деумен болды.
Ірі қиындықтарға:
«Ал, жақсы, есте болсын»,
«Бәрі жақсылыққа көрінсін» деді.
Бір қызығы, қандай жолмен екені белгісіз, бірақ әлгі Матфей принципі орындала берді. Қолдағысынан айырылса, басқа мүмкіндіктер шығып отырды. Өзі күтпеген тұстан бір жақсылық іздеп табатын.
Алёшасы сенімен кетісем деген де бұл таң қалмады.
— Мен заттарымды жинап, кетем десем де саған бәрібір, — деді ол ашулана айғайлап.
— Бәрібір емес, — деп бұл салмақты жауап қатты. — Бірақ сен азаматтық некені жақтайсың, бала сүюге дайын емессің, мені достарыңмен таныстыруға құлқың жоқ. Осы жерде өзімнен сұрағым келеді:
— Сонда сен сияқты жігіт маған не үшін керек? Егер мен отбасы құрғым келсе,&nbsp; балалы болуды армандасам, өз ортамның гүлі болсам? Сондықтан сенің кетісің,&nbsp; бақытқа көрінгені болар…
Анау мына сөзді естігенде сілейген күйі&nbsp; қатты да қалды. Заттарын жинауды да ұмытып кетті. Бірақ бұл екінші шабаданды шығарып, қалған затын өзі жинап, сап берді.
Светанікі рас екен: Матфей принципі шынымен жұмыс істейді. Бұдан былай мұның қолда барынан ешкім кесіп алмайтын болды. Керісінше, жетпей тұрған жеріне Құдай өзі жеткізіп жіберетін.
Егер алдынан түйткіл кесе-көлденең шыға қалса, ол не сынақ, не ескерту болатын. Өзгеге жамандық жасама, өзіңе қайтады дегендей.
Дегенмен, жақсылықтың керуені көш ілгері болды. Байқаған адамға қолда бары үнемі көбейіп, еселенеді.
Кері принцип те дәл осылай орындалады.
Вероника КИРИЛЮК
Аударған Шынар ӘБДІЛДА

Қазақстан және Қызылорда облысының жаңалықтары