1869 жылы&nbsp;Ақтөбе қаласының іргетасы қаланды.
1993 жылы&nbsp;Қазақстан Республикасының Президенті Нұрсұлтан Назарбаев ТМД мемлекеттері басшылары Кеңесінің отырысына қатысты. Кездесу қатысушылары Декларация қабылдап, интеграция жолымен, тауар, капитал және қызметтердің еркін қозғалысы үшін ортақ нарық құруға ұмтылыстарын білдірді.
2009 жылы&nbsp;Киев қалалық кеңесінің 2008 жылғы 18 желтоқсандағы шешімімен Шевченко ауданындағы Кузьминская көшесіне қазақ поэзиясының алыбы Жамбыл Жабаевтың есімі берілді. 2009 жылғы 8 мамырда осы көшеде Жамбыл Жабаевтың мемориалдық тақтасы салтанатпен ашылды.
2018 жылы&nbsp;Ресей, Қазақстан, Германия, Польша және Қытайдың бірлескен кинотуындысы – «Айка» фильмі 71-ші халықаралық Канн кинофестивалінің негізгі конкурстық бағдаламасына енді. Бұл фильмде басты рөлді Канн кинофестивалінің «Үздік актриса» аталымының жеңімпазы Самал Еслямова сомдады.

14 мамыр: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 14 мамырға арналған жұлдыз-жорамалы.
Тоқты
Бұл күні іскерлік кездесулер күтіп тұр. Спортпен айналысу дене бітіміңіздің қалыпқа келуіне көмектеседі. Достарыңыз бен жақын адамдарыңыздың қолдауына сеніңіз.
Торпақ
Денсаулығыңызға көңіл бөліңіз. Жұмыстан басқа да бағыттарға бет бұрғаныңыз жөн. Жауапкершілік жүгін өз мойныңызға жүктей бермеңіз.
Егіздер
Қарым-қатынасыңыздың жақсарғанын қаласаңыз сүйіктіңізге көңіл бөліңіз. Оған қызғануға еш себеп жоғын түсіндіріңіз.
Шаян
Бүгін артық күш пен ақша жұмсамаңыз. Сізге ештеңе шығындамайтын жағымды нәрселерден ләззат алған жөн.
Арыстан
Бүгін өмірді жаңадан бастауға мүмкіндік бар. Қызметте өсуіңіз де мүмкін. Сонымен қатар отбасылық мәселені де оңтайлы шешетін боласыз. Тек өзіңізге сеніңіз.
Бикеш
Іскерлік салада асығыстық танытудың қажеті жоқ. Әр істі жеті рет өлшеңіз. Сыртқы келбетіне немесе жеке өміріне өзгеріс енгізгісі келетіндер үшін жақсы кезең.
Таразы
Өмір жолыңызды өзгертіңіз. Табысқа жетудің жаңа әдістерін ойлап табыңыз. Сіздің күректеп қаржы табуға мүмкіндігіңіз бар.
Сарышаян
Қазір спортпен айналысуды қаламасыңыз да денсаулыққа көңіл бөлуге тура келіп тұр. Түрлі әдіс-тәсілдерді пайдаланып, жалқаулықты жеңуге тырысыңыз.
Мерген
Сіздің күш қайратыңыз тасып тұр. Мұны өзгелер жоғары бағалайды. Қосымша көп жұмыс жүктеледі. Мұны сабырмен қабылдаңыз.
Тауешкі
Бүгін сіз өзіңіздің сыртқы келбетіңізге көп мән бересіз, Әсіресе стиліңізге өзгеріс енгізіңіз. Болашақтағы кез-келген бизнесте сізде өзіңіздің жеке куәлігіңіз болады.
Суқұйғыш
Маңызды шешімдерді кейінге қалдырғаныңыз жөн. Егер бүгін сіз біліміңізді жетілдірер болсаңыз, ісіңіз сәтті болмақ.
Балықтар
Сіз әлі серіктес тауып үлгермесеңіз жақын арада жақын достар табуға асығыңыз. Айналаңыздағыларға ерекше сүйкімді көрінесіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда облысының Бас мемлекеттік санитариялық дәрігерінің 2020 жылғы 10 мамырдағы №12 қаулысына сәйкес 18 мамырдан бастап меншік нысанына қарамастан күшейтілген санитарлық-дезинфекциялық режиммен балабақшалар жұмысын қайта бастау жоспарлануда.
Бүгінде балабақшаларда кезекші топтарды ашуға дайындық жұмыстары жүргізіліп жатыр.
Балабақшаға бірінші кезекте&nbsp;ата-аналары жұмыс жасайтын, балаларды үйге қалдыруға мүмкіндігі жоқ отбасы балалары қабылданады.
Сондай-ақ, балаларды учаскелік педиатордың рұқсат қағазымен қабылдайды.
Айта кетейік, қазіргі таңда облыста 576 балабақша жұмыс істейді. Оның 161-і мемлекеттік, ал 415-і жеке меншік.

Қызылордада балабақшалар жұмысын жалғастырады

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласында тұрғындарға тауардың 300-ден аса түрін қолжетімді бағада ұсынатын “Әлеуметтік Маркет” ашылды.
Кәсіпкерлік нысанның аумағы 450 ш.м құрайды, әрі 13 адамды жаңа тұрақты жұмыспен қамтып отыр.
Айта кету керек, Қызылорда қаласының аумағында “Байқоңыр әлеуметтік-кәсіпкерлік корпорациясы” ұлттық компаниясы” АҚ, “Алтын қамба” агроөнеркәсіп комбинаты ЖШС қолдауымен 30 әлеуметтік дүкендер халыққа қызмет көрсетуде.
Әлеуметтік маркеттің жұмыс кестесі күнделікті сағат 10.00-20.00 дейін. (Бейбітшілік көшесі 24А – Дүйсенов көшесі қиылысында)
<img src="https://kyzylorda-news.kz/wp-content/uploads/2020/05/96809847_1233272260397878_4753598459511046144_n-1.jpg" alt="" />
<img src="https://kyzylorda-news.kz/wp-content/uploads/2020/05/97242773_1233272343731203_4160096303474278400_n-1.jpg" alt="" />
<img src="https://kyzylorda-news.kz/wp-content/uploads/2020/05/97324284_1233272250397879_7888282518045065216_o.jpg" alt="" />

Қызылордада әлеуметтік маркет ашылды

<a href="https://kyzylorda-news.kz/">Kyzylorda-news.kz.</a> Төтенше жағдай кезінде кәсіпкерлер үшін аса үлкен мәселелердің бірі ғимаратты жалға алу ақысы болды. Карантин жағдайында жұмысын тоқтатуға мәжбүр болған кәсіпкерлердің басым бөлігі жалдау ақысын төлеуге келгенде қауқарсыз болды. Кәсіпті дамыту үшін деп алған несиелері, 2 айға жуық уақыт жұмыссыз отыру айтарлықтай қаржылық қиындықтарға алып келді.
<blockquote>
 «Жергілікті атқарушы органмен бірге ғимараттарын жалға беріп отырған кәсіпкерлермен келіссөздер жүргіздік. Бұл азаматтарды да түсінуге болады. Ғимаратты ұстап тұру, қызметкерлердің жалақысы, коммуналдық төлем сынды шығындары бар. Дегенмен, жағдайды әріптестеріміз де жақсы түсініп отыр. Кәсіпкерлер палатасына төтенше жағдай кезінде 85 кәсіпкерден жалға алу құнына қатысты көмек көрсетуді сұраған өтініштер түсті. Келіссөздер барысында облыс бойынша көлемі 2000 шаршы метрден асатын ғимаратыбар&nbsp; отыздан астам кәсіпкер жалға алушы 1823 бизнес өкіліне жеңілдік жасайтынын жеткізді. Келіссөздердің басы-қасында болған жергілікті атқарушы органдарға да, ғимарат иелеріне де айтар алғысымыз шексіз», – дейді Кәсіпкерлер палатасының директоры Ғалымбек Жақсылықов айтты.
</blockquote>
Атап айтқанда, 9 сауда нысаны 267 жалға алушыға 100 пайыз, 2 сауда үйі 127 кәсіпкерге 50 пайыз, 1 сауда үйі 57 кәсіп иесіне 30 пайыз, 12 сауда нысаны 1372 бизнес өкіліне 20 пайыз жалдау ақысынан жеңілдік жасаған.
<blockquote>
 «Кәсіпкерлерді төтенше жағдай кезінде 100 пайыз жалдау ақысынан босатқан әріптестерімді атап айтқым келеді. Олар: Жаңақорған ауданында «Нұр» базары, «Нұр-Асыл», «Аркен» сауда үйлері, Қазалы ауданында «Мусаев», «Орын-Ай», «Ару-Илия» базарлары мен «Береке», «Бәйтерек» сауда үйлері, Қызылорда қаласында «Сәулет» базары иелері. Бұл да бизнестің әлеуметтік жауапкершілігін көрсетеді», – дейді Палата директоры.
</blockquote>
Кәсіпкерлер палатасының мамандары өз кезегінде кәсіпкерлерге салықтық жеңілдіктер, несиені төлеу мерзімін шегерту, уақытша жалақысы сақталмайтын еңбек демалысына жіберілген кәсіпкерлердің жұмысшыларына әлеуметтік төлем алу мәселелерінде кеңестер беріп, сүйемелдеу жұмыстарын жүргізді.

Қызылордада 1823 кәсіпкерге жеңілдік жасалды

<a href="https://kyzylorda-news.kz/">Kyzylorda-news.kz.</a> ҚР Парламентінің мәжіліс депутаттары темікі өнімдерін 21 жасқа толған тұлғаларға сату туралы бастаманы мақұлдады.&nbsp;
<blockquote>
 “Қоғамда&nbsp;және депутаттар арасында шылым шегуге шектеу қою мен оның алдын алу мәселелері өзекті болып отыр. Депутаттар шылым өнімдерін 18 жастан емес, 21 жастан асқан тұлғаларға сату керек деген ұсынысты бір ауыздан қолдады. Алкогольдік өнімдер де 21 жастан асқандаға сатылады”, – деді мәжіліс депутаты Зәуреш Аманжолова.&nbsp;
</blockquote>
Бұған қоса заң жобасында темекі өндірушілері мен импортаушылар жыл сайын шылым өнімдеріне зертханалық тәжірибе жүргізіп, оның құрамындағы никотиннің мөлшерін анықтап, құзырлы органдарға хабарлап отыруға міндетті екені айтылыпты.

Қазақстанда темекі өнімдері 21 жастан асқандарға ғана сатылатын болды

<a href="https://kyzylorda-news.kz/">Kyzylorda-news.kz.</a> Бүгін Парламент Мәжілісінің жалпы отырысында екінші оқылымда мақұлданған «Халық денсаулығы және денсаулық сақтау жүйесі туралы» Қазақстан Республикасы Кодексінің жобасында&nbsp;трансплантология мәселелерін&nbsp;реттейтін нормалар пысықталды, деп хабарлайды <a href="https://lenta.inform.kz/kz/adam-tiri-kezinde-donorlykka-kelispese-agzalardy-aluga-tyyym-salynady_a3649319">ҚазАқпарат</a>.
Атап айтқанда, Әлеуметтік-мәдени даму комитетінің құжат бойынша қорытындысына сәйкес, Мәжіліс нақты шектеу мақсатында «тірі донор», «қайтыс болған донор», «ықтимал реципиент» ұғымдары енгізілді.
<blockquote>
 «Қайтыс болған донордан ағзалар мен тіндерді алу тәртібін реттейтін түзетулер енгізілді. Мәселен, донор болуға өзінің келіспейтіндігі туралы тірі кезінде ерік білдіруі болған кезде, ағзаларды алу мүмкін емес екендігі көзделді. Егер мұндай өтініш қайтыс болғаннан кейін болмаса, онда оның ағзаларын алу тек жұбайының (зайыбының) жазбаша келісімімен, ал ол болмаған кезде жақын туыстарының келісімімен ғана жүзеге асырылуы мүмкін», – делінген қорытындыда.
</blockquote>
Сондай-ақ, мұндай келісімнің қажеттілігін патологиялық анатомиялық операцияға қатысты да белгілеу ұсынылды. Бұл ретте патологиялық анатомиялық операция міндетті болып табылатын жағдайлардың тізбесі үшке дейін қысқартылды: өлі туу, ана мен бала өлімі.
<blockquote>
 «Шетелдік азаматтардың мұқтаждықтары үшін Қазақстаннан ағзалар мен тіндерді әкету мүмкіндігі алып тасталды. Депутаттар ағзаларды шетелдерде медициналық көмек алатын Қазақстан Республикасының азаматтары үшін ғана әкетуді ұсынды», – деп аталып өткен таратылған мәліметте.
</blockquote>
Бұдан бөлек, анатомиялық сый мәселелерін реттейтін бап айтарлықтай пысықталды. Депутаттар анатомиялық сый ретінде жеке басы анықталған, медициналық ұйымда қайтыс болғандар және жерлеу үшін 10 күннің орнына 20 күн ішінде сұрауы болмағандар ғана танылуы мүмкін деп белгілеуді ұсынды. Бұл ретте танылмаған мәйіттер анатомиялық сый ретінде берілмейді.

Адам тірі кезінде донорлыққа келіспесе, ағзаларды алуға тыйым салынады

<a href="https://kyzylorda-news.kz/">Kyzylorda-news.kz.</a> Тұрғын үй құрылыс жинақ банкі базасында жыл соңына дейін «Отбасы банкі» атты толыққанды институты құрылады, деп хабарлайды <a href="https://lenta.inform.kz/kz/zhanadan-kurylatyn-otbasy-banki-baspanasyz-otbasyga-kyzmet-korsetedi_a3649258">ҚазАқпарат</a>.
<blockquote>
 «Тұрғын үй құрылыс жинақ банкі базасында жыл соңына дейін даму және қолдаудың «Отбасы банкі» атты толыққанды институты құрылады. Ол тұрғын үйді есепке алу, тіркеу және бөлуді бір орталықтан атқаратын болады. Қойылып отырған міндетті орындау үшін қазіргі кезек жүйесін әкімдіктерден «Отбасы банкке» беру жоспарланып отыр. Өз кезегінде «Отбасы банкі» баспанасы жоқ жанұялар үшін «бір терезе» қағидаты бойынша қызмет ұсынатын болады», – деп атап өтті Тұрғын үй құрылыс жинақ банкі басқарма төрайымы Ләззат Ибрагимова.
</blockquote>
Тұрғын үй қолжетімділігі сатысы белсенді түрде арта түседі. Күнкөріс минимумынан (КМ) төмен табыс табатын отбасылар үшін сатып алу құқығынсыз үйді жалға алу мүмкіндігі ұсынылады.
Екі еселенген ең төменгі күнкөріс деңгейіне дейін табысы бар, бірақ баспанасы жоқ отбасылар (көпбалалы, толық емес және мүмкіндігі шектеулі балаларды асырап отырған отбасылар) «Бақытты Отбасы» бағдарламасына, ал 3,1 күнкөріс минимумына дейін табысқа ие баспанасыз отбасылар «5-10-20» пилотты жобасына қатыса алады.

Жаңадан құрылатын «Отбасы банкі» баспанасыз отбасыға қызмет көрсетеді

<a href="https://kyzylorda-news.kz/">Kyzylorda-news.kz</a>. Синоптиктер 14-16 мамырға арналған ауа райы болжамын жария етті.
<blockquote>
 «Республиканың барлық аумағында құбылмалы ауа райы күтіледі. Бұған синоптикалық процестердің тез ауысуы ықпал етеді. Қазақстан арқылы өтетін фронтальды бөліктер аймақтарға нөсер жаңбыр мен найзағайлы таза ауа массаларын жеткізіп, күндізгі температура 24…33-тен 15…27 жылыға дейін төмендейді. Сондай-ақ кей жерлерде тұман түседі, дауыл соғуы және бұршақ жаууы ықтимал», – делінген «Қазгидрометтің» таратқан хабарламасында.
</blockquote>

Алдағы үш күн жаңбырлы болады

<a href="https://kyzylorda-news.kz/">Kyzylorda-news.kz.</a> Балабақшаларға, мектептерге, колледждерге және жоғары оқу орындарына қабылдау үшін құжат тапсыру жеңілдетілді. Бұл туралы ҚР Білім және ғылым министрі Асхат Аймағамбетов <a href="https://www.facebook.com/story.php?story_fbid=10216229011574229&id=1120704037">Facebook-</a>тегі парақшасына жариялады.
<blockquote>
 «Еліміздегі мемлекеттік қызметтің басым бөлігі білім беру саласында көрсетіледі. Әсіресе, балабақшаларға, мектептерге, колледждерге және жоғары оқу орындарына қабылдау қызметі – үлкен сұранысқа ие.
 Білім беру ұйымдарына құжат тапсыру үшін біраз уақыт жұмсау қажет болатын. Ол үшін көптеген анықтамаларды жинап, басқа мемлекеттік органдардан құжаттарды алып, оларды апарып беру сынды бірқатар кезеңдерден өту қажет еді. Мұндай процесс өте ыңғайсыз екені түсінікті.
 Біз бұл жағдайды өзгертіп жатырмыз», деп жазды Асхат Аймағамбетов&nbsp;<a href="https://www.facebook.com/story.php?story_fbid=10216229011574229&id=1120704037">Facebook</a>-тегі парақшасында.
</blockquote>
Министрдің айтуынша, балабақшаларға, мектептерге, колледждер мен жоғары оқу орындарына қабылдау процесін автоматтандыру, қағазбастылық деңгейін күрт төмендету, жалпы қабылдау талаптарын жеңілдету жұмыстары қолға алынған.
Мектепке дейінгі білім беру ұйымдары бойынша
Биыл біз балаларды балабақшаларға қабылдау ережелеріне өзгерістер енгіздік. Енді ата-аналар кезекке қою қызметін тек білім беру бөлімінің кеңсесі арқылы ғана емес, сондай-ақ өз бетімен «Азаматтарға арналған үкімет» бөлімдері немесе «Электрондық үкімет» веб-порталы арқылы жүзеге асыра алады. Бұл ретте көптеген құжаттарды жан-жақтан жинау қажет болмайды.
Алғаш рет балабақшаларға кезекте тіркелгендер арасында басымдық ең алдымен педагогтердің балаларына және мүгедек баласы бар отбасылардың бүлдіршіндеріне беріледі.
Егіз балалары, үшемдері бар отбасылар балаларын бір балабақшаға беру бойынша қиындықтарға тап болатын. Енді мұндай ата-аналардың бір баласына белгілі бір балабақшадан орын тиген жағдайда, барлық балалары да (егер тағы орын болcа) сол балабақшаға жолдама алады.
Сонымен қатар, мектепке дейінгі ұйымдардағы бос орындарды бөлу процесі жүйеге келтірілді. Егер бұған дейін арнайы санаттағы балалар қабылданғаннан кейін, үш күн өткен соң, кезекте тұрғандардың барлығына бірдей жаңа орындарды алу мүмкіндігі ашылса (мұндайда кезектің мәні жойылатын), енді орындар кезекте тұрған келесі бірінші 1 000 (бір мың) өтініш берушіге ашылатын болады.
Мектепке қабылдау бойынша
Келесі жылдан бастап бірінші сынып оқушыларының құжаттарын қабылдау маусымнан бастап емес, одан ертерек – бірінші сәуір мен бірінші тамыз аралығына дейін жалғасады.
Мұндай өзгерістер не үшін қажет? Біріншіден, бұл – ата-аналар үшін ыңғайлы. Олар мектепті алдын-ала анықтап, оқуға түсу үшін қажетті құжаттарын мектеп ұжымы немесе өздері еңбек демалысында болған уақытта емес, одан ертерек тапсыра алады.
Сонымен қатар, жаз бойы ата-аналар қажетті оқу құралдарын жинақтап, тиісті жұмыстарды жүргізіп, балаларын мектепке дайындауы керек. Ата-аналар құжаттарды жинауға, мектепті анықтауға үлгермейтіндерін айтып шағымданатын, сондықтан құжаттарды өткізу процесі көбінесе 31 тамызға дейін, кей жерлерде тіпті қыркүйектің ортасына дейін созылатын.
Мектеп әкімшілігінің көзқарасы бойынша, бұл өзгерістер процестерді оңайлатады және мектеп қызметін жоспарлауды әлдеқайда ыңғайлы етеді. Яғни, мектеп басшылығы сыныптарды алдын-ала толтыра алады, оқулықтардың қажетті санымен алдын ала қамтамасыз етіледі және оларды уақытында жеткізеді, сағаттарды бөледі, сыныптардың санына байланысты педагогтерді қабылдай алады. Жалпы, оқу жылының басталуына тиімді дайындалуға мүмкіндік туады.
Енді ата-аналар балаларының мектепке баруын алдын ала жоспарлап, нақты білім беру ұйымын анықтауы қажет және керек құжаттарды уақытында тапсыруды, жіберуді үйренуі маңызды.
Естеріңізге сала кетсем, енді осы үдерістердің барлығы толығымен автоматтандырылады және «Электрондық үкімет» арқылы қолжетімді болады. Жай ғана үйде отырып, уақыт пен басқа да ресурстарды шығындамай-ақ портал арқылы 1-сыныпқа қабылдау туралы өтініш беруге болады.
Оқушыларды бір мектептен екіншісіне ауыстыру да жаңа форматта жүргізіледі, ол процесс те автоматтандырылады.
Яғни, ата-аналарға бір мектептен екінші мектепке барудың қажеті болмайды және қағаз түрінде құжаттарды тапсырудың, ескі мектептен кету түбіртегін, одан кейін келу түбіртегін ресімдеудің қажеті жоқ. Мұндай ескірген, уақыт және қаржы шығынын талап ететін рәсімдеу процесімен көбісі «кезікті» деп ойлаймын. Бұл өзгерістер ата-аналар мен мектеп үшін уақытты үнемдеуге мүмкіндік береді. Біз бұл жұмысты жақын арада аяқтаймыз.
Айта кетерлігі, биылдан бастап колледждер мен жоғары оқу орындарына қабылдау автоматтандырылған режимде қолжетімді.
Өткен жылы мен ата-аналарға аталған жұмыс 2020 жылы аяқталады деп уәде бергенмін.
Енді балаларға құжаттарды қағаз түрінде тапсырудың қажеті жоқ, әрбір болашақ студент өзі үшін таңдаған колледждің және ЖОО-ның сайттары немесе «Электрондық үкімет» порталы арқылы құжаттарын тапсыра алады. Құжат тігетін папкаларды, конверттерді сатып алу, қағаз анықтамаларды тапсыру, таң атпастан жоғары оқу орындары мен колледждердің қабылдау комиссияларында кезекте тұру немесе басқа елді мекенге барудың қажеті жоқ. Мұның бәрі енді оңай және ыңғайлы болады, сайтқа кіріп, бір тетікті басу арқылы барлық құжаттарды жіберуге болады.
Жалпы мемлекеттік қызметтер бойынша біз бизнес-процестерді, рәсімдерді барынша автоматтандырып жатырмыз. Бұл процестер халыққа барынша ыңғайлы болуы қажет.

Білім беру ұйымдарына қабылдауға құжат тапсыру жеңілдетілді

<a href="https://kyzylorda-news.kz/">Kyzylorda-news.kz.</a> «ATYRAÝ» телеарнасы жариялаған Жұмекен Нәжімеденовтың 85 жылдығына арналған #JUMEKEN85 өлең оқу эстафетасына Қызылорда қаласындағы Назарбаев Зияткерлік мектебі оқушылары қолдау көрсетті.
Әдеби челлендж аясында жас зияткерлер ақынның «Өмір» атты туындысын оқып, шығармашылығын көпшілікке таныстырды. Сондай-ақ, бұл жыр эстафетасын Алматыдағы физика-математика бағытындағы НЗМ оқушыларына жолдайды
<blockquote>
 «Жұмекен Нәжімеденов – қазақтың маңдайына біткен жарық жұлдызы. Ақын өлеңдері әлі күнге дейін маңыздылығын жойған жоқ, керісінше әдебиет әлеміндегі, қазіргі қоғамдағы өзектілігі арта түсуде. Ақынның әнұранымыздан бастап, қазақ балладасының қалыптасуына негіз болған «Табиғат-Өмір» секілді философиялық ұғымдары қазақ поэзияның дамуына өзіндік үлесін қосуда», – дейді 12-сынып оқушысы Дильназ Жақсылық.
</blockquote>

Қызылордалық зияткерлер #JUMEKEN85 жыр эстафетасын жалғастырады

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 181 адамға жетті.
13 мамыр 14:45-тегі&nbsp;мәлімет бойынша Қызылорда облысында тағы 1 адам қауіпті індеттен жазылып шыққан.
Індеттен айыққандардың қатарына соңғы қосылған науқас – Жаңақорған ауданының тұрғыны.
Ерекше атап өтерлігі – Жаңақорған ауданындағы осы індетке шалдыққан 31 науқастың барлығы жазылып, үйлеріне шықты.
Осылайша коронавирустық инфекциядан жазылғандар саны өңірде 181 адамға жетіп отыр.
Аталған науқастан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қазақстан және Қызылорда облысының жаңалықтары