<a href="https://kyzylorda-news.kz/">Kyzylorda-news.kz</a>&nbsp; Белгілі әнші Қайрат Нұртастың анасы Zhuldyz News бағдарламасына берген сұхбатында әлеуметтік желіде өзіне бағытталған қызғанышқа толы жағымсыз пікірлерден қажып, біршама уақыт желіден алыстауға мәжбүр болғанын ашық айтты.Ал Қайрат Нұртас өзінің барлық жетістіктеріне анасын себепкер санайтынын көпшілікке жариялағаннан кейін, жұртшылық тарапынан оның анасына деген түсіністік пен қолдау едәуір артқанын жеткізді.<blockquote>«Кім не десе де, мейлі баласы қылмыс жасасын, мүгедек болсын – қандай жағдайда да баласын тастамайтын тек анасы. Мен тек анасы ретінде ғана емес, продюсері болғандықтан да оның барлық жұмысын бірге алып жүремін. Біраз уақыт тойларына, концерттеріне бармай жүрдім. Бір күні Қайрат концерт кезінде сахнаға шығып, халық алдында пікірін айтты. Сол сәттен кейін бұл менің тек аналық емес, продюсерлік міндетім екенін толық түсіндім», – деді ол.</blockquote>Фото: @gulziraaidarbekova

"Мамасының баласы": Гүлзира Айдарбекова өзіңе көп қойылатын сұрақтарға жауап берді 

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалы алаңында Астана қаласында «AMANAT» партиясының ұйымдастыруымен өткен ауыл әкімдерінің диалог-платформасының нәтижелеріне арналған баспасөз конференциясы өтті.Оған «AMANAT» партиясы Қызылорда облыстық филиалының төрағасы Жандос Базартай, Қызылорда қаласына қарасты Қызылжарма ауылдық округінің әкімі Шәріп Әбдірахманов, сондай-ақ Сырдария ауданы Нағи Ілиясов ауылдық округінің әкімі Сағдат Нұрмағанбетов қатысты.Партияның облыстық филиалының төрағасы Жандос Базартай диалог-платформаның мазмұны мен негізгі бағыттары, талқыланған мәселелер мен қабылданған шешімдер туралы ақпарат берді.&nbsp;<blockquote>«Әкімдер мектебі» жобасы Президент жанындағы Мемлекеттік басқару академиясының базасында, оның облыстардағы және республикалық маңызы бар қалалардағы филиалдары арқылы іске асырылды. Бұл оқу курстарына өңірдегі 146 барлық ауылдық округтері &nbsp;қатысып білімін жетілдірді. Оқыту экономика, мемлекеттік басқару, бюджеттік жоспарлау, коммуналдық меншікті басқару, цифрландыру, тәуекел-менеджмент, кәсіпкерлікті дамыту және инвестициялар тарту саласында 17 модуль мен 240 академиялық сағатты қамтыды. Бүгінде ауыл әкімдері ауыл халқының табысын арттыру бағытында алған білімін қолдануда деп толық есептейміз»,-деді Жандос Нұртайұлы.</blockquote>Төраға Президент айтқан әкімдердің өкілеттігімен қатар жауапкершілігін күшейту мәселесі бағытында партия тарапынан атқарылып жатқан жұмыстарды атап өтті.&nbsp;<blockquote>«Мемлекет басшысы Үкімет әкімдердің сайлау алдындағы бағдарламасының экономикалық бөлігіне қойылатын талаптарды айқындауыды тапсырды. Яғни, әкімдердің сайлауалды бағдарламалары аймақтың даму жоспарымен үйлесім табу керегін &nbsp;айтты. Бұл өз кезегінде әкімдердің есептілігін күшейтеді және &nbsp;әкімдік қызметке өз үміткерлерін ұсынған партиялардың жауапкершілігін арттырады деді. Осы жерде атап өту керек, өңірімізде 146 ауылдық округ және 3 аудан әкімі «AMANAT» партиясынан сайланған. Олардың сайлауалды бағдарламалары партияның өңірлік сайлауалды бағдарламасымен үйлесімін тауып отырса, партияның облыстық сайлауалды бағдарламасы &nbsp;аймақтың даму жоспарына сай, (қала аудандарда дәл солай) және сайлау алдында халықтың талап - тілегі негізінде дайындалып жүзеге асырылып келеді. Сонымен қатар &nbsp;«AMANAT» партиясы атынан ұсынылып, сайланған әкімдердің сайлауалды бағдарламасының орындалуына партиялық бақылау жасалып, олардың есебі тыңдалып тұрады», - деді Жандос Базартай. &nbsp;</blockquote>Ел Президенті ауылда ауыл шаруашылығы кооперативтерін дамытудың ерекшелігіне тоқталып, бұл жұмысты белсенді түрде қолға алу қажет екенін жеткізді. Ауылды дамыту үшін әлеуметтік-кәсіпкерлік корпорацияларының әлеуетін кеңінен пайдалану керегін айтты. &nbsp;Осы тұста ауылдағы ағайынның табысын арттыруға бағытталған «AMANAT» &nbsp;партиясының «Ауыл аманаты» жобасы өз кәсібін дамытқысы келетін ауыл тұрғындарына мол мүмкіндік. 2029 жылға дейін осы бағдарламаға 600 миллиард теңгеге жуық қаражат бөлінбек. «Ауыл аманаты» жобасы кәсіп бастаймын деген азаматтарға үлкен қолдау. Жоба аясында елімізде екі жылдың ішінде 20 мыңға жуық жұмыс орны ашылса, оның 2 мыңға жуығы біздің өңірде. Алда &nbsp;қаржының қажетті жобаға бөлінуі мен мақсатты игерілуін қамтамасыз ету міндеті тұр. Бұған жоба авторы ретінде «AMANAT» партиясы да бақылау жүргізетін болады.Баспасөз конференциясы барысында спикерлер Мемлекет басшысының төртінші деңгейлі бюджеттің дербестігін арттыру бағытында айтқан ұсынысын қолдап, өз округтерінде жүзеге асырылып жатқан жұмыстар мен алдағы міндеттер жөнінде баяндады.Мәселен, Қызылжарма ауылдық округінің әкімі Шәріп Әбдірахманов, ауыл шаруашылығы кооперативтерін дамыту, инфрақұрылымдық жобаларды іске асыру, цифрлық қызметтерді енгізу бағытындағы жоспарлармен бөліссе, Н.Ілиясов ауылдық округінің әкімі Сағдат Нұрмағанбетов Президенттің «Салықты жұмыс істейтін және табыс табатын жерде төле» қағидаты барлық ауыл әкімдері үшін ауылдың инфрақұрылымын жақсартуға немесе өзгеде мәселелерін шешуіне үлкен қолдау екенін жеткізді.&nbsp;Спикерлер БАҚ өкілдерінің сауалдарына жауап беріп, Астанада өткен диалог-платформада ұсынылған тәсілдер мен шешімдерді жергілікті жерде жүзеге асыруға дайын екенін айтты. Партия филиалы партия атынан сайланған әкімдерге консультативтік-әдістемелік қолдау көрсетіп, бастамалардың орындалуына ықпал етпек.<img src="https://knadmin.beoblood.kz/uploads/Whats_App_Image_2025_12_02_at_10_11_14_bae7e0f23e.jpeg" alt="Аманат.jpeg">

Ауылдың әл-ауқатын көтеру – "Ауыл аманатының" басты миссиясы

<a href="https://kyzylorda-news.kz/">Kyzylorda-news.kz</a> Облыс әкімінің тапсырмасына сәйкес Қызылорда облысындағы қалалар мен елді мекендердің аумақтарын абаттандыру, жер және құрылыс саласындағы кейбір мәселелерді реттеу үшін арнайы жұмысшы топ құрылды.Аталған тапсырмаға сәйкес, облыс аумағында жалпы 555 құрылысы жүріп жатқан(Қызылорда Қызылорда қаласы – 158, Арал ауданы – 72, Қазалы ауданы – 65, Қармақшы ауданы – 35, Жалағаш ауданы – 29, Сырдария ауданы – 36, Шиелі ауданы – 72, Жаңақорған ауданы - 88) кәсіпкерлік нысандар бойынша зерделеу жұмыстар жүргізілуде.Бүгінгі күнімен 264 нысан заңдастырылды (Қызылорда қаласы – 101, Арал – 44, Қазалы–7, Қармақшы -13, Жалағаш – 15, Сырдария – 5, Шиелі – 4, Жаңақорған – 75), &nbsp;ал 115нысан заңсыз салынғаны анықталып, олардың меншік иелеріне жалпы 300 хаттама толтырылып (Қызылорда қаласы – 39/96, Арал ауданы – 23/50, Қазалы ауданы – 10/30, Қармақшы ауданы – 1/3, Жалағаш ауданы – 14/40, Сырдария ауданы – 11/33, Шиелі ауданы – 7/21, Жаңақорған ауданы – 10/28), 121 377 860 теңге айыппұл салынды.Әліп Мәди Раманқұлұлы,Қызылорда облысының құрылыс,&nbsp;сәулет және қала құрылысы&nbsp;басқарма басшысының орынбасары<img src="https://knadmin.beoblood.kz/uploads/Whats_App_Image_2025_12_02_at_09_57_38_367c8fae92.jpeg" alt="Құрылыс.jpeg">

Заңсыз кәсіпкерлік нысандар: облыс аумағында жүргізілген тексерулердің нәтижесі

<a href="https://kyzylorda-news.kz/">Kyzylorda-news.kz</a>&nbsp; Өнер орталығында ұлы ойшыл, ақын, философ Абай Құнанбайұлының 180 жылдығына орай «Абай» операсының премьерасы өтті. Премьераны облыс әкімінің бірінші орынбасары Данияр Жаналинов, облыс әкімінің орынбасары Мейрамбек Шермағанбет, мәслихат депутаттары, зиялы қауым өкілдері, қоғамдық кеңес мүшелері, қала тұрғындары тамашалады. «Абай» трагедиясы - еліміздің мәдени өмірін дүр сілкіндірген қайталанбас кесек туынды. ХХ ғасырдың 30-40 жылдары қолға алынып, М.Әуезов шығармашылығының маңызды бағыты болған Абайдай ғұламаның тақырыбы, қайталанбас келбеті оқырмандарынан бұрын сахнада сомдалған бейнесі арқылы халқының жүрегінен орын алды. Мұхтар Әуезовтің либреттосына жазылған Ахмет Жұбанов пен Латиф Хамидидің айтулы операсы тек жақсы мен жаманның айқасын бейнелеген қойылым ғана емес, қазақ халқының жан дүниесінің алуандығы мен тереңдігін көрсететін айна, көшпелі өмірдің бірегей салты мен философиясын паш ететін тағылымды туынды.Кейіпкердің ой тереңдігін, сөзінің өткірлігін, тіл шеберлігін, азамат ретіндегі беделін филармония әртістері негізгі қалпын сақтап, асқан шеберлікпен көрермен қауымға жеткізді.<img src="https://knadmin.beoblood.kz/uploads/yzylordada_Abaj_operasyny_premerasy_tti_b2af196923.jpg" alt="Қызылордада Абай операсының премьерасы өтті.jpg">Ерекше классика кешін халықаралық және республикалық конкурстардың лауреаты Рустам Рысмағамбетовтің дирижерлік етуімен облыстық симфония оркестрі сүйемелдеді. Оркестрдің көркемдік жетекшісі және бас дирижері – Қазақстанның еңбек сіңірген қайраткері, профессор Мүсілім Әмзе. Тұтас сахналанған операға аралас хор ұжымы (көркемдік жетекшісі – А.Қуаныш), «Томирис» би ансамблі (көркемдік жетекшісі – халықаралық және республикалық конкурстардың лауреаты М. Тойбазарова), «Ai-Aru» заманауи би ансамблі (көркемдік жетекшісі – халықаралық және республикалық конкурстардың лауреаты З.Стықбаева), «Әдемі» балалар музыкалық театр-студиясы, (көркемдік жетекшісі – Қ. Боранбаев) және филармония солистері қатысып, көрерменге маңызы терең, философияға толы мәдени демалыс сыйлады.<img src="https://knadmin.beoblood.kz/uploads/yzylordada_Abaj_operasyny_premerasy_tti_1_4e69dd39ae.jpg" alt="Қызылордада Абай операсының премьерасы өтті 1.jpg">Операның қоюшы режиссері – Мәдениет саласының үздігі, «Ерен еңбегі үшін» медалінің иегері Әзиза Іздіқұлова.Абайдың жеке өмірі, шығармашылығы мен оны тұлға ретінде айшықтауға арналған бұл туынды ұлттық рухты оятатын, қоғамды бірлікке бастайтын зор қозғаушы күшке ие. Абай шығармашылығын, оның ғұмырнамалық, мәдени-рухани мұраларын сан-алуан үлгіде насихаттау қазіргі қазақ руханияты үшін аса қажет.Фото: Қызылорда облысы әкімінің баспасөз қызметі

Қызылордада "Абай" операсының премьерасы өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында соңғы жылдары түрлі құрылыс нысандары бой көтеріп, қала келбеті көркейе түсті. Бұған құрыш қолды құрылысшылар қауымының қосқан үлесі орасан. Биыл пайдалануға берілген тұрғын үй көлемі 10 айдың қорытындысымен 766,7 мың шаршы метрге жетіп, көрсеткіш 110 пайызға орындалды. Жалпы жыл соңына дейін қаржыландырудың барлық көздері есебінен 870 мың шаршы метр тұрғын үйді пайдалануға беру жоспарланып отыр. Одан бөлек су жаңа стадион, “Келешек” мектептері, тағы сол сияқты нысандар биылғы жылдың еншісіне бұйырды. Он айда атқарылған өрелі бастамаларды облыстық құрылыс, сәулет және қала құрылысы басқармасының басшысы Ерлан Төрәлиев баяндап берді.<img src="https://knadmin.beoblood.kz/uploads/rylys_salasynda_y_azhyrly_e_bek_4399091737.jpg" alt="Құрылыс саласындағы қажырлы еңбек.jpg"><blockquote>– 2025 жылға барлығы 166,8 млрд. теңге бөлінген болатын. Бұл қаржыға облыс көлемінде 96 жобаның құрылысын жүргізу және 2980 пәтер сатып алу жоспарланған. "Келешек мектеп" Ұлттық жобасы аясындабарлығы 6900 орындық 10 мектептің құрылысын жүргізу жоспарланған болатын. Қызылорда облысы республика бойынша Президент тапсырмасын алғашқылардың қатарында, жоспарланған 10 келешек мектеп құрылысын толық аяқтап ел игілігіне табыстады. Бұған қоса білім саласында физика-математикалық мектеп құрылысы, Музыкалық колледж, Сұлтан Бейбарыс пен Назарбаев көшесі қиылысындағы Шығармашылық инновациялық орталығының құрылысы және Шиелі ауданынан 200 орындық Оқушылар үйі мен 50 орындық өнер мектебінің құрылысы аяқталып,ел игілігіне табысталды. Сондай-ақ, бүгінгі күнге Арал ауданы Жалаңаш ауылынан 150 орындық мектептің құрылысы жыл соңына дейін аяқталатын болады. Денсаулық сақтау саласында құны Сырдария өзенінің сол жағалауында бір ауысымда 100 келушіге арналған емханасы бар 300 төсектік онкологиялық бөлімшемен көп бейінді аурухана құрылысы қарқынды жүруде. Арал және Қазалы аудандарында орталық ауруханаларды реконструкциялау мен Қамқорлық орталығына бейімдеу жұмыстарынжыл соңына дейін аяқталатын болады. Шиелі мен Жаңақорған ауданында орталық аурухананы реконструкциялау және Шиелі кентінде инфекциялық аурухана құрылысы толық аяқталып, пайдалануға берілді. Мәдениет саласы бойынша сол жағалаудағы Тарихи өлкетану мұражайы мен Арал және Қазалы және Сырдария ауданындағы Руханият орталықтары осы жылдың мамыр айында пайдалануға қабылданса, Достық үйінің құрылысын жыл соңына дейін аяқтау жоспарланып отыр. Ал спорт саласында өткен жылы стадион құрылысы басталған болатын. Осы 11 мың орындық стадион құрылысы салтанатты түрде қазан айында мерзімінен бұрын аяқталып, ел игілігіне табысталды. Спорт саласын дамытуда облыстық бюджет есебінен «Қызылорда Арена» спорт кешенінің және «Қазақстан Халқына» қоры арқылы келісім негізінде сол жағалаудағы спорт кешенінің құрылысы қарқынды жүруде,- деді Ерлан Кәрімбекұлы.</blockquote>

Құрылыс саласындағы қажырлы еңбек

<a href="https://kyzylorda-news.kz/">Kyzylorda-news.kz</a> Қарашада Қазақстанның 12 қаласында қайталама нарықтағы жылжымайтын мүлік бағасы бір айда шамамен 2 пайызға өсті. Баспана әсіресе Астанада айтарлықтай (5,8 пайызға) қымбаттаған, деп хабарлайды <a href="https://kaz.nur.kz/nurfin/economy/2314844-qazaqstanda-turgyn-ui-bagasy-kurt-osti/">KAZ.NUR.KZ.</a>Қазақстанда тұрғын үй қымбаттап жатыр. "Крыша" порталының мәліметінше, өткен айда Алматы қайталама нарықтағы баға өсімі бойынша көшбасшылар қатарында болса, Астана қарашада бірінші орынға шықты – мұнда тұрғын үй бағасы бір айда 5,8 пайызға өсті.Жалпы тұрғын үйдегі шаршы метрдің бағасы еліміздің 12 қаласында өсіп отыр. Елордадан бөлек Алматы (2,4 пайыз) мен Ақтөбеде (2,3 пайыз) баспана айтарлықтай қымбаттаған. Сонымен қатар Алматыда қарашада баға бойынша жаңа рекорд орнатылды – шаршы метріне (ш.м) 803 380 теңге.Айта кетейік, қарашада еліміздің үш қаласында баға төмендеген:<ul><li style="text-align:justify;">Ақтауда – 3,2 пайызға (шаршы метрі 395 433 теңге);</li><li style="text-align:justify;">Петропавлда – 0,4 пайызға (шаршы метрі 398 853 теңге)</li><li style="text-align:justify;">Оралда – 0,2 пайызға (шаршы метрі 345 673 теңге).</li></ul>Қазіргі уақытта баспана ең қымбат қалалар:<ul><li style="text-align:justify;">Алматы (шаршы метрі 786 003 теңге)</li><li style="text-align:justify;">Астана (шаршы метрі 571 678 теңге)</li><li style="text-align:justify;">Шымкент (шаршы метрі 470 990 теңге).</li></ul>Ал ең арзан жылжымайтын мүлікті Қызылорда (262 298 теңге), Тараз (314 678 теңге) бен Ақтөбе (317 550 теңге) қалаларынан таба аласыз.Фото: freepik.com

Қазақстанда тұрғын үй бағасы күрт өсті

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылордада «Бірлігі бекем Сыр елі» атты облыстық Қазақстан халқы Ассамблеясының республикалық форумы өтті.Оған облыс әкімінің орынбасары Мейрамбек Шермағанбет, Қазақстан халқы Ассамблеясының мүшесі, «Адал азамат» жобасының жетекшісі – амбасадоры, Қарағанды облыстық ақсақалдар кеңесінің төрағасы Бекзат Алтынбеков және Жамбыл облыстық «Қоғамдық келісім» мекемесінің директоры Мүбарак Жинақбаева арнайы қатысты.Аймақ басшысының орынбасары атаулы жылда атқарылған жұмыстарға тоқталып, форумға қатысушыларға сәттілік тіледі.«Мемлекет басшысы Қазақстан халқы Ассамблеясының отыз төртінші сессиясында сөйлеген сөзінде: «Былтыр еліміздің рухани және тарихи-мәдени ордасы Түркістанда жаңа Достық үйі ашылды. Достық үйлері тағы бірнеше қала мен аудан орталығында ашылады деп жоспарлануда. Мен бұл бастаманы қолдаймын. Біз қоғамдық келісім инфрақұрылымын біртіндеп кеңейте беруіміз керек» – деген болатын.<blockquote>Биылғы Ассамблеяның 30 жылдығы аясында баршамыз үшін қуанышты жаңалық – Қызылорда қаласында жаңадан «Достық үйі» салынды. Бұл – аймағымыздың бірлігі мен ынтымағын нығайтуға атсалысып келе жатқан этномәдени бірлестіктер мен барша Ассамблея белсенділерінің қажеттіліктерін қамтамасыз ететін замануи ғимарат болады», – деді Мейрамбек Зинабдинұлы.</blockquote>Форумда Бекзат Қомарұлы, Мүбәрәк Қасымқызы, Қазақстан халқы Ассамблеясы төрағасының қоғамдық негіздегі орынбасары Дильфура Бакишқызы сөз сөйлеп, пікір білдірді.Аймақта Қазақстан халқы Ассамблеясының 30 жылдығы мен 1 наурыз – Алғыс айту күніне арналған мерекелік іс-шарадан бастау алған мерейлі жыл аясында ауқымды жұмыс атқарылды. Сәуір айында еліміздің барлық өңірінен келген Ассамблея жастарының басын қосқан «Сыр елі – достық мекені» форумы ұйымдастырылып, қатысушылар Байқоңыр ғарыш айлағына барды. Онда Ассамблея жастарының Туы ғарыш кемесінің бортына табысталып, қонақтар зымыран ұшырылымын тамашалады.Мемлекет басшысының Жарлығына сәйкес Қазақстан халқы Ассамблеясының 30 жылдығына арналған мерекелік медальдар өңірдегі белсенді Ассамблея мүшелеріне салтанатты түрде табысталды.Сонымен қатар, облыстағы этномәдени бірлестіктердің онкүндіктері өткізіліп, аудан орталықтарына «Достық» көш-керуені жол тартты. Бұл шаралар мерейлі жылдың мазмұнын байытып, мәнін айшықтай түсті.Фото: Қызылорда облысы әкімінің баспасөз қызметі

Қызылорда облыстық Қазақстан халқы Ассамблеясының республикалық форумы өтті

<a href="https://kyzylorda-news.kz/">Kyzylorda-news.kz</a> Қырғыз Республикасының делегациясы «Азаматтарға арналған үкімет» мемлекеттік корпорациясына келіп, Қазақстанның жылжымайтын мүлікті тіркеу және жер кадастры саласындағы цифрлық қызметтерді енгізу тәжірибесімен танысты.Сапар барысында қырғыз делегациясына тіркеу рәсімдерін жеңілдетуге, үдерістердің жылдамдығын арттыруға және мемлекеттік қызметтердің қолжетімділігін кеңейтуге бағытталған негізгі цифрлық шешімдер таныстырылды.Делегация мүшелері жылжымайтын мүлікке құқықтарды тіркеу, оның ішінде кепілдер мен мәмілелерді «Blockchain» технологиясының негізінде ресімдеу үдерісімен танысты. Сондай-ақ жылжымайтын мүлікке қатысты сатып алу-сату, кепіл қою және жалға алу шарттарын тіркеуді қамтитын кешенді цифрлық сервистің жұмысы көрсетілді. Сервис іске қосылған уақыттан бері 250 мыңнан астам қызмет көрсетілген.<blockquote>«Қазақстан цифрландыру бағытында өз позициясын жүйелі түрде нығайтып келеді. Бүгінде еліміз электрондық қызметтердің даму деңгейі бойынша жоғарғы көрсеткіштерге ие. Бұл – жүргізіліп жатқан жұмыстың тиімділігін айқындайды. Сонымен бірге қазақстандық цифрлық шешімдерге деген қызығушылық артып келеді: түрлі елдерден келген әріптестер біздің технологиялар мен тәжірибемізді зерделеуге мүдделі. Мұндай кездесулер өзара тәжірибе алмасуға және азаматтардың өмір сапасын жақсартатын заманауи тәсілдерді бірге дамытуға мүмкіндік береді», – деді Арман Кенжеғалиев, «Азаматтарға арналған үкімет» мемлекеттік корпорациясының Басқарма Төрағасы.</blockquote>Талқылауға сондай-ақ Геодезия, картография, кадастр және Жерді қашықтан зондтау мәселелері жөніндегі мемлекетаралық кеңестің жұмыс тобының мүшелері онлайн форматта қатысты. Кеңес құрамына Қазақстан, Қырғызстан, Армения, Әзірбайжан, Беларусь, Молдова, Ресей, Тәжікстан және Өзбекстан кіреді.Делегация өкілдері «ЦОН» мобильді қосымшасының мүмкіндіктерімен, Халыққа қызмет көрсету орталығының жұмысымен және Ахуалдық орталық қызметімен де танысты.Сапар барысында қонақтар жылжымайтын мүлікті тіркеу саласындағы ауқымды цифрлық трансформацияның ұйымдастырушылық, техникалық және құқықтық компоненттерін жан-жақты зерделеді. Қазақстанның тәжірибесі қазіргі цифрлық шешімдердің тиімділігін көрсетіп, Қырғыз Республикасында осындай бастамаларды енгізуге бағыт-бағдар бола алады.

Қырғызстан делегациясы Қазақстанның жылжымайтын мүлікті тіркеу саласындағы цифрлық шешімдерімен танысты

<a href="https://kyzylorda-news.kz/">Kyzylorda-news.kz</a> Ағымдағы жылдың 28–29 қарашасы күндері Қазалы көп бейінді орталық ауруханасында жүрек ырғағының бұзылыстары бойынша алғаш рет аритмологиялық жоғары мамандандырылған оталар жасалынып, оқу-шеберлік тәжірибе жүргізілді. Мұндай жоғары мамандандырылған ота Республика бойынша аудандар арасында алғаш рет Қазалы ауданында жасалынып отыр.Күрделі отаға Алматы қаласының №7 қалалық клиникалық ауруханасының интервенционды аритмолог дәрігері, MD, PhD. дәрігер – Ергешов Қанат Алдабергенұлы және облыстық медицина орталығының облыс бойынша штаттан тыс аритмолог дәрігері Лепесов Нұрболат Мылтықбайұлы арнайы шақыртылып, тәжірибе алмасты. Күрделі оталарға аудандық көп бейінді орталық аурухансының рентген-эндоваскулярлық хирургия бөлімшесінің меңгерушісі Баспаев Кенесары Айтуғанұлы мен рентген-эндоваскулярлық хирургия бөлімшесінің интервенциялық аритмолог дәрігері Темірбай Рахымжан Ғалымжанұлы қатысты.Аталған ота түрлері — заманауи медицинаның жоғары технологияларын талап ететін күрделі бағыттардың бірі. Бұл шара аудандағы медицина саласының дамып келе жатқанын, сондай-ақ еліміздегі білікті мамандардың тәжірибе алмасу арқылы кәсіби деңгейін арттырып жатқанын көрсетеді. Бұл бастама жүрек ырғағы бұзылыстары бар науқастарға жоғары мамандандырылған көмекті өңірлік деңгейде көрсетуге бағытталып отыр.Шебер-класс барысында жүрек аритмияларын заманауи диагностикалау, интервенциялық емдеу әдістері жүзеге асты. Атап айтқанда, жүректің ауыр брадикардиясы мен өткізгіштік бұзылыстарында қолданылатын электрокардиостимулятор имплантациясы, жүрек ішіндегі артық электрлік ошақтарды жою арқылы тахиаритмияларды емдеу тәсілі, радиожиілік абляция және пароксизмалды жүрекшелер фибрилляциясы кезінде қолданылатын заманауи әрі тиімді әдіс өкпе веналарының криоабляциясы бойынша оталары жүргізілді.Қазіргі таңда ота жасалған 7 науқастыңда жағдайы тұрақты.Фото: Қазалы ауданы әкімдігі

Қазалы аудандық ауруханасында алғаш рет күрделі оталар жасалынды

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналиновтың қатысуымен құқықбұзушылық профилактикасы жөніндегі ведомствоаралық комиссия отырысы өтті. Күн тәртібінде пробация есебіндегілердің қайта қылмысқа баруының алдын алу, бұрын сотты болған адамдарды қайта әлеуметтендіру және қоғамға бейімдеу, өсім алған қылмыстар бойынша атқарылған жұмыстар талқыланды.<blockquote>«Интернет алаяқтық, топтық бұзақылық және түнгі көңіл көтеру орындарындағы құқықбұзушылықты азайтуда жедел профилактикалық шаралар күшейтілсін. Қаладағы көңіл көтеру орындарының жұмысын реттеу және ондағы тәртіпті бақылауды күшейту жөнінде ұсыныстар әзірлеу керек. Мал ұрлығын болдырмау үшін бақташы қызметін ұйымдастыру және тұрғындарға түсіндіру өте маңызды. Алаяқтық пен тұрмыстық зорлық-зомбылықтың алдын алуда да ақпараттық түсіндіру жұмыстары тұрақты жүргізілсін», – деді Данияр Еренғалиұлы.</blockquote><img src="https://knadmin.beoblood.kz/uploads/1_Foto_yzylorda_oblysy_kimini_baspas_z_yzmeti_a2e6df7d0c.jpg" alt="1 Фото Қызылорда облысы әкімінің баспасөз қызметі.jpg">Жиында облыстық қылмыстық-атқару жүйесі департаменті пробация қызметіне басшылық жасау басқармасының бастығы Ғаламат Құлманов, облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңбаев, облыстық полиция департаменті қоғамдық қауіпсіздік басқармасының бастығы Ердәулет Жаукеев баяндама жасады.Фото: Қызылорда облысы әкімінің баспасөз қызметі

Қылмыстың алдын алу бағытындағы ведомствоаралық комиссия отырысы өтті

<a href="https://kyzylorda-news.kz/">Kyzylorda-news.kz</a> &nbsp; Танымал актер әрі әнші Олжас Абай Дариға Бадықоваға арнап қызықты жазба жариялады.<blockquote>«Айналайын, Дариға қарындасым, туған күніңмен! Өзіңді күтіп жүр, алда атқаратын ісің көп. Сорты бөлек жандар бекер сөз етіп, бос сөйлеспейді. Дәл өзіңдей ханша маған енді жолықпайды. Рухы жақын ғашықтар да өтірік сый жасап, “сіз” деп құр әуре болмайды. Бір рет ренжітсең, екінші рет жолықпайды. Бар бол, бақытты бол! Бақытты болудың жолын өзім-ақ түсіндіріп беремін», – деп жазды ол.</blockquote>Фото: instagram.com/dariga_badykova/ochooou_official

"Дәл өзіңдей ханша маған енді жолықпайды": Олжас Абай Дариғаны туған күнімен құттықтады

<a href="https://kyzylorda-news.kz/">Kyzylorda-news.kz</a> Әлеуметтік желіде Гүлнәр Оразалина атты блогердің мәлімдемесі ерекше баласы бар аналардың шамына тиіп, олар ұжымдық арыз берген, деп хабарлайды <a href="https://kznews.kz/">kznews.kz.</a>Ол ерекше балалардың өмірге келу себебі аналары жүргіш болғандықтан екенін айтқан.<blockquote>«Жүргіштердің жазасын алатын кезі келді. Осыған дейін де олар жайлы деректерді естіген едім. Қазір ерекше балалар мен аутизм көбейіп кетті. Әлемде екінші бала ауру болып туады. Оның барлығы сол «жүргіштіктің» кесірінен», - дейді блогер.</blockquote>Бұл мәлімдемеден кейін ерекше балалардың аналары өре түрегелді. Танымал әншілер де блогердің сөзін сынады. Ал блогер Перизат Көшкімбаева бірқатар анамен бірігіп, ұжымдық арыз жазатынын айтты.<blockquote>«Біз ерекше аналардың атынан арыз үлгісін жасадық. Тағы бір заңгер ана бізге көмектесті. Қазақстан бойынша кез келген ана арыздана алады. Біз Гүлнәр деген блогерді жазаға тартуымыз керек. Себебі ерекше балаларды ешкім ренжітпеуі керек. Біз осы қадам арқылы болашақта біздің балаларымызды ешкім ренжіте алмайтын орта құрғымыз келеді», - дейді блогер.</blockquote>Бұл мәселенің ушыққаны сонша Балалар құқығы жөніндегі уәкіл Динара Зәкиева да іске араласты.<blockquote>«Маған ерекше қажетіліктері бар балаларға блогер тарапынан әлеуметтік желілерде айтылған қорлау фактісіне байланысты өтініштер түсіп жатыр. Дискриминацияға жол берілмейді. Қорлағаны үшін қылмыстық жауапкершілік қарастырылған. Бұл мәселеге құқықтық баға беру және процессуалдық шешім қабылдау үшін ІІМ-ге жүгіндім», - деп жазды ол.</blockquote>Ал блогердің өзі әлі де ешкімнен кешірім сұрамай, өзінің айтқан сөзін дәлелдеумен әлек.Фото: видеодан скриншот

Қазақстан және Қызылорда облысының жаңалықтары