<a href="https://kyzylorda-news.kz/">Kyzylorda-news.kz.</a> Сауда және интеграция министрі Бақыт Сұлтанов алкоголь және темекі өнімдерін сатуды реттейтін бұйрыққа қол қойды.
Бұған дейін халық денсаулығы туралы жаңа кодекс темекі саушыларды сатып алушылардан құжат талап етуге міндеттейтіні туралы хабарланған болатын.
Министрдің бұйрығында бұл тәртіп өзгерді. Енді алкоголь және темекі өнімдерін сатушы сатып алушының 21 жасқа толғанына күмән келтірсе ғана оның жеке басын куәландыратын құжатты талап етеді.
Осылайша, Қазақстанның Халық денсаулығы және денсаулық сақтау жүйесі туралы кодексінің 110-бабына сәйкес алкоголь және темекі өнімдерін сататын адамдар:
<ul>
<li>жеке басын куәландыратын құжатты көрсетуді талап етуге;</li>
<li>егер жеке басын куәландыратын құжат ұсынылмаған жағдайда, темекі бұйымдарын, оның ішінде қыздырылатын темекі бұйымдарын, қорқорға арналған темекіні, қорқор қоспасын, темекіні қыздыруға арналған жүйелерді, электронды тұтыну жүйелері мен оларға арналған сұйықтықтарды сатудан бас тартуға құқылы.</li>
</ul>
Айта кетейік, жаңа кодекс қабылданғаннан кейін көптеген азамат алкоголь және темекі өнімдерін сатып алу кезінде жеке басты куәландыратын құжатты ұсыну талабына шағымданған болатын. Яғни, кодекске сәйкес барлық сатып алушы сатушыға жеке басын куәландыратын құжатты ұсынуға міндетті болды. Сатып алушының жасы 21 жастан асқан болса ғана сатушы тауарды сатады.

Темекіні сатып алғанда құжат көрсетуді міндеттейтін норма өзгерді

<a href="https://kyzylorda-news.kz/">Kyzylorda-news.kz.</a> Елімізде «5-10-20» ипотекалық бағдарламасына өтінім қабылдау басталды.
Бағдарлама бойынша ең қымбат пәтерлер Алматыда. Мегаполистегі баспананың бір шаршы 240 мың теңгеге дейін жетеді.
Елордада 220 мың тұрады. Шымкентте және Алматы маңында тұрғын үйдің бір шаршы метрі 200 мың теңге. Бірнеше қалада баға бұдан төмен. Мәселен, Ақтөбе, Атырау, Ақтау, Түркістан, Қарағанды және Қарағанды облысында ипотекалық баспананың бір шаршы метрі 180 мың теңге.
Ал қалған өңірлердегі «5-10-20» бағдарламасымен қарыз алушылар пәтердің бір шаршы метрі үшін 160 мың теңге төлейді.
<a href="https://24.kz/kz/zha-aly-tar/ekonomika-zhnalyktary/item/417266-5-10-20-bojynsha-j-alu-a-tinish-abyldau-bastaldy">“24 kz”</a>

«5-10-20» бойынша үй алуға өтініш қабылдау басталды

<a href="https://kyzylorda-news.kz/">Kyzylorda-news.kz.</a> Қызылорда облысында полицейлер жасырынбақ болған есірткі өсірушілерді қолға түсірді.
Есірткі қылмысына қарсы іс-қимыл департаментінің мобильді тобы және ІІМ-нің арнайы бөліністері Қарағанды және Қызылорда облыстарының шекараларын тікұшақпен барлау кезінде, Қызылорда қаласынан 320 км қашықтықта қарасораны қолдан өсіру плантациясы алқабын, суару үшін бассейн мен агроқұралдарды сақтау мен сол жерде тұруға арналған жер асты үңгірлерін анықтады.
Алқапқа жақын ұшып бару кезінде жалған мемлекеттік тіркеу нөмірлері тағылған екі&nbsp;“Тойота Ланд Крузер” жол талғамайтын көліктерін байқады. Олар үлкен жылдамдықпен жүріп жасырынбақшы болды. Полиция қызметкерлерінің тоқтату талаптарын тыңдамады. Автокөліктің соңына түскен қызметкерлер оны тоқтату үшін ескерту оғын атты және бірнеше рет көліктің дөңгелектеріне оқ атылды. Дөңгелектеріне зақым келген соң ғана екі көлік қозғалысын тоқтатты. Полиция қызметкерлері 3 жергілікті тұрғынды ұстады. Оларды ұстау кезінде біреуі жарақат алды. Оған алғашқы медициналық көмек көрсетілді және медициналық мекемеге жеткізілді. Оның өміріне қазіргі уақытта еш қауіп төніп тұрған жоқ. Аталған жерде Қызылорда облысының Полиция департаментінің жедел-тергеу тобы жұмыс істеп жатыр. &nbsp;
1 маусымнан бастап 30 қазанға дейін жыл сайынғы республикалық “Қарасора” арнайы операциясы өткізіліп жатқанын естеріңізге саламыз, осы операцияның шеңберінде ішкі істер органдары құрамында есірткі бар өсімдіктердің заңсыз өсірілген алқаптарын анықтау үшін тікұшақты пайдаланып, жоғары жылдамдықтағы автокөліктері бар мобильдік топтарды жұмылдыруда.
Операция басталғалы барлығы 430 есірткі қылмысы анықталды, оның ішінде 178 факт – құрамында есірткі бар өсімдіктерді заңсыз өсіру, 153 өткізу фактісін, 83 сақтау фактісін және &nbsp;есірткі контрабандасының&nbsp;5&nbsp;фактісі&nbsp;анықталды. Заңсыз айналымнан жалпы тоғыз тонна есірткі алынды.

Қызылордада полициядан қашқан есірткі өсірушілер ұсталды (ВИДЕО)

<a href="https://kyzylorda-news.kz/">Kyzylorda-news.kz.</a> жылы жастардың негізгі бағыттары мен басымдықтарын анықтауға бағытталған Сыр жастары мемлекеттік жастар саясатын дамытудың 2021-2025 жылдарға арналған кешенді жоспарын бекіту жоспарлануда.
Қазіргі таңда жастар ұйымдары және қоғам белсенділерімен қоғамдық талқылаулар ұйымдастырылып ұсыныс пікірлер тыңдалды. Алдағы уақытта жергілікті атқарушы органдардың сала мамандарынан құралған жұмыс тобы жасақталып, жоспардың нақты индикалары мен кешенді шаралары бекітілетін болады. Бұл туралы Өңірлік коммуникациялар қызметінің ақпарат алаңында өткен брифингте облыстық жастар саясаты мәселелері басқармасы басшысы Қуаныш Жанұзақов мәлімдеді.
<blockquote>
 “Биыл облыста әр түрлі бағытта 1 424 шара жүзеге асырылып, оған 115 мыңға жуық жас қамтылды. Оның 133-і әлеуметтік жобалар аясында өткізілсе, қалғаны жастар орталықтары мен жастардың қатысуымен өткізілді. Бағыттары волонтерлық, қайырымдылық, патриоттық тәрбиесі, құқықбұзушылықтың алдын алу, кездесу, кеңес беру, діни экстремизм, суицид алдын алу, мерейтой – 8, онлайн(шара, байқау, марафон, сабақ, акция, кездесу, жаңалықтар, эссе, челлендж, кеңес беру), акция (тазалық), түсіндірме жұмыстары, тимбилдинг, вебинар, семинар-тренинг, спорт, жұмыспен қамту, мақсатты топ жұмысы, әртүрлі бағыттағы шығармашылық, видео, отбасылық шара, колл центр және басқа да шаралар”, – деді Қуаныш Жанұзақов.
</blockquote>
<img src="https://kyzylorda-news.kz/wp-content/uploads/2020/08/fb_img_1597859832349.jpg" alt="" />

Сыр өңірінде жастардың қатысуымен 1500-ге жуық шара өтті

<a href="https://kyzylorda-news.kz/">Kyzylorda-news.kz</a>. Қазақстанда футболдан ел біріншілігі қайта жалғасын тауып, IV тур ойындары Алматы қаласында өтті.
Бұл турда қызылордалық “Қайсар” кеншілермен кездесіп, 1-0 минималды есебімен жеңіске жетті. Қос команда алғашқы таймда шабуылға ден қойғанымен, қақпа саңылауын таба алмады. Ойынның екінші жартысында екі ұжым да ашық шабуылға көшіп, қауіпті сәттер ұйымдастыра білді.
Кездесудің 67-минутында “Қайсар” командасы есепті ашты.
Александр Станисавлевичтың айып алаңына асырған добына Александр Марочкин бірінші жетіп, командасын алға шығарды. Есеп 0-1!
Сусымалы есеп ойын соңына дейін сақталып, қасқырлар чемпионаттағы екінші жеңісіне қол жеткізді.
3 ойын нәтижесі бойынша “Қайсар” 7 ұпай еншілеп, турнирлік кестеде IV орынға жайғасты.

&#8220;Қайсар&#8221; кеншілерден басым түсті

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың төрағалығымен сыбайлас жемқорлыққа қарсы іс-қимыл мәселелері жөніндегі комиссия кезекті отырысы өткізілді.
Отырыста Қызылорда облысы бойынша экология департаментінің басшысы Марат Құрманбаев пен Қызылорда облысының төтенше жағдайлар департаментінің басшысы Бағдат Данилов сыбайлас жемқорлыққа қарсы іс-қимыл бағытында биылғы жылдың 7 ай қорытындысын баяндады.
Отырыста сыбайлас жемқорлық тәуекелдерін азайту, лауазымды қызметкерлердің қызметтiк өкiлеттiктерiн асыра пайдалану, кәсіпкерлік субъектілерге артықшылықтар көрсетуге жол бермеу қажеттілігі айтылды.
<blockquote>
 “Мемлекет басшысының төрағалығымен сыбайлас жемқорлыққа қарсы іс-қимыл мәселелері бойынша арнайы кеңес өткізілді. Президент жемқорлықты жою бойынша нақты міндеттерді белгіледі. Осыған сәйкес барлық мемлекеттік орган басшылары бұл бағыттағы жұмыстарды жандандырып, белсенділік танытуы қажет. Қызметімізде, қоғамда жемқорлыққа мүлдем төзбеушілік қағидатын қалыптастыруымыз қажет”, – деді аймақ басшысы.
</blockquote>
Облыс әкімі Гүлшара Әбдіқалықова сала басшыларының баяндамларынан кейін сыбайлас жемқорлық сипатындағы теріс іс-әрекеттерді алдын алу мақсатында қызметкерлермен жекелеген профилактикалық жұмыстарды жүргізуді, сыбайлас жемқорлық тәуекелдеріне ішкі талдау жүргізіп, басым бағыттарды айқындауды тапсырды. Сондай-ақ, жаңадан тағайындалған, тәжірибесі жеткіліксіз қызметкерлердің біліктілік деңгейлерін арттыру бағытында шараларды қабылдауды, қызметшілердің қызметтен тыс жеке тұлғалармен, кәсіпкерлік субъектілерімен ретсіз қарым-қатынастарын болдырмауға бағытталған қосымша шаралар ұйымдастыруды қаперге салды. Отырыста сыбайлас жемқорлықтың алдын алу бағытында арнайы мониторингтік топтың 7 ай нәтижесіндегі қорытындысы тыңдалып, мониторингтік топтың төрайымы Ляззат Бақтыбаева баяндама жасады. Сыбайлас жемқорлық тәуекелдерін төмендету бағытында мониторингтік топ өкілдері 14 ұсыным енгізген. Оның қазір 7-і орындалып, қалғаны орындалу үстінде. Сонымен бірге мониторингтік топ бірқатар бағыттарға жұмысшы топтармен бірге зерделенген жұмыстарды таразылап, ұсыныстарды ортаға салды.
Аймақ басшысы жиында көзделген мәселелерді тыңдай келе Қызылорда қаласы мен аудан әкімдеріне қалалық және аудандық әкімдік жанындағы арнайы мониторингтік топтардың жұмысын үйлестіріп, сыбайлас жемқорлыққа қарсы бағыттағы шаралар күшейтуді тапсырды. Сонымен бірге арнайы мониторингтік тобымен атқарылған жұмыстары департаменттің ресми интернет-ресурсында, әлеуметтік желіде кеңінен ақпараттандыруды және сыбайлас жемқорлыққа қарсы жүргізілетін сыртқы талдау нәтижесінде көзделген ұсыныстар мемлекеттік органдармен орындалып, арнайы мониторингтік топқа жолдануын бақылауды міндеттеді.
<img src="https://kyzylorda-news.kz/wp-content/uploads/2020/08/fb_img_1597859286873.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597859284088.jpg" alt="" />

Қызылордада сыбайлас жемқорлыққа қарсы  іс-қимыл мәселелері қаралды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова «СК-Фармация» ЖШС Қызылорда облысы бойынша өкілдігінің басшысы Айжан Еділова мен Қызылорда облысы тауарлар мен көрсетілетін қызметтердің сапасы мен қауіпсіздігін бақылау департаментінің басшысы Ғалия Байменованы қабылдады.
Кездесуде өңірдегі дәрі-дәрмек қоры мен емдеу мекемелеріне жеткізілетін дәрілік заттар мен медициналық бұйымдарды сатып алу және қамтамасыз ету мәселелері талқыланды.
Бүгінде өңірде жұқпалы және провизорлық стационарларда COVID-19 емдеуге арналған дәрілік заттардың 2 айға дейінгі қоры қалыптасты. Амбулаториялық деңгейде дәрі-дәрмектердің тізімі кеңейтіліп, 5 атаудан тұратын COVID-19 нозологиясы енгізілген. Бұл арқылы ПЦР тестінің нәтижелеріне қарамастан аурудың жеңіл ағымында COVID-19 диагнозы қойылған пациенттер емдеуші дәрігердің тағайындауы бойынша антипиретиктер мен антикоагулянттарды ала алады.
<img src="https://kyzylorda-news.kz/wp-content/uploads/2020/08/fb_img_1597859062271.jpg" alt="" />
Қабылдау барысында Айжан Еділова транзиттік қоймадағы сұранысқа ие 26 атау бойынша дәрілік заттардың екі айлық қоры қалыптасқанын, логистикалық хабтардың жұмыс форматы өзгергенін атап өтті.
Оның айтуынша, есепке алуды жеделдету үшін хабарлама қызметкерлерінің саны артып, өңірлік қоймаларға жететін рейстер саны аптасына 1-ден 3 ретке дейін көбейген.
Қазіргі таңда вирус індетімен күресу үшін Қызылорда облысының медициналық ұйымдарына жалпы сомасы 451 млн теңгеден астам қаржыға 80 түрлі дәрі-дәрмек алынған. Сондай-ақ, жақын күндері короновирус эпидемиясымен тіркелген науқастарды емдеу үшін стационарларға 83 млн теңгеден астам қаражатқа дәрі-дәрмектер түседі. Емдеу мекемелеріне қажетті дәрі-дәрмекпен қамтамасыз ету үшін СК «Фармация» ЖШС пациенттерге 2.2 млрд теңгеден астам қаржыға дәрі-дәрмек берген. Ал, стационарлық көмекке мұқтаж пациенттер үшін өңірдің медициналық ұйымдарына 4.6 млрд теңгеге дәрі-дәрмек сатып алынған.
<img src="https://kyzylorda-news.kz/wp-content/uploads/2020/08/fb_img_1597859064212.jpg" alt="" />
Облыс әкіміне департамент басшысы Ғалия Байменова дәріханалардағы дәрі тапшылығын болдырмау бағытында атқарылған жұмыстарды тізбеледі. Ол күзгі және қысқы маусым кезеңінде жергілікті бюджет қаражаты есебінен дәрілік тұрақтандыру қорын құру үшін дәрілік заттар мен медициналық бұйымдарды сатып алу мәселесіне тоқталды.
Бүгінде өңірде 328 дәріханалар желісі қызмет етеді. Оның 311-і жеке меншік нысанға қарайды. Ал, ауылдық елді-мекендерде 157-і орналасқан.
Департамент басшысы тұрғындардың жеке қауіпсіздігін сақтауға қажет медициналық бетперде тапшылығы туындамайтынын атап өтті. Қазіргі күні дәріханаларда 128 мыңнан аса медициналық бетперде қоры бар. Сала басшылары өткен айлармен салыстырғанда дәрілік заттардың қорының тапшылығы қазірде туындамайтынын және қажетті қорлардың бар екендігін баяндады. Бұл ретте дәрілердің айналым қаражаты негізінде қажеттілігіне қарай қор жасалатын болады.
Қабылдау соңында облыс әкімі сала басшылары халық сұранысындағы дәрілік заттардың тізбесін әзірлеп, дәріханаларда қосымша дәрілік заттардың мол қорын жасақтауды тапсырды. Сонымен бірге қаланың шет аймақтарындағы дәріханаларға тұрақты бақылау жүргізуді міндетті. Мұнан бөлек, емдеу мекемелеріндегі стационарларда науқастарға қажетті препараттар, қорғаныш құралдарымен қамтамасыз етуді және бұл жұмыстарды ұдайы бақылауға алуды қаперге салды.

Гүлшара Әбдіхалықова дәрі-дәрмек қорына қатысты сала басшыларын қабылдады

<a href="https://kyzylorda-news.kz/">Kyzylorda-news.kz.</a> Бүгін Қазақстанның басым бөлігінде құбылмалы ауа райы сақталады, деп хабарлайды Қазгидромет.
Республиканың біршама аймағында күн күркіреп, жаңбыр жауады. Тек оңтүстік пен батыста күн райы ашық. Кей жерлерде жел күшейеді, дауыл соғады, бұршақ жаууы ықтимал, солтүстікте және шығыста тұман түсуі мүмкін.
Солтүстік Қазақстан облысынын кей жерлерінде тұман түсіп, дауыл соғады, бұршақ жаууы ықтимал. Жел күшейіп, түнде кей жерлерде 15-20 м/с, күндіз 15-20, екпіні 25 м/с жетеді.
Қарағанды, Ақмола облыстарының кей жерлерінде дауыл соғады, бұршақ жаууы ықтимал. Жел күшейіп, күндіз екпіні 23-28 м/с жетеді.
Павлодар облысының кей жерлерінде дауыл соғады, бұршақ жаууы ықтимал. Түнде кей жерлерде, күндіз өңірдің басым бөлігінде 15-20 м/с жел соғады.
Шығыс Қазақстан облысында түнде кей жерлерінде тұман түседі, күндіз кей жерлерінде жел 15-20 м/с күшейеді.
Қызылорда, Түркістан облыстары, Жамбыл облысының басым бөлігінде, Алматы, Атырау облыстарының кей жерлерінде, Қарағанды облысының оңтүстік-батысында төтенше өрт қаупі сақталады.

20 тамызға арналған ауа райы болжамы

Kyzylorda-news.kz ақпараттық агенттігінің 20 тамызға арналған жұлдыз-жорамалы.
Тоқты
Бүгін барлық шаруаны кейінге ысырып, демалғанды жөн санайсыз. Бірақ алаңсыз дем алу үшін материалдық жағдайыңыз жақсы болғаны дұрыс. Алдымен жағдайыңызды түзеп алыңыз.
Торпақ
Күш-қуатыңыз таусылып, шаршаңқы күйде жүресіз. Сізге шағым айтушылар көбейеді. Шаршап жүргендіктен аздап сырқаттанып қалуыңыз да мүмкін. Емші, балгер аралағаннан гөрі, мамандарға жолыққаныңыз дұрыс.
Егіздер
Мақсатқа жету оңай емес. Қазіргі сәттегі жағдай қиындау. Бірақ бұл сіздің алға қарай ұмтылуыңызға еш кедергісін келтірмейді. Сіз өте шыдамдысыз және табандылық таныта білесіз.
Шаян
Қарбалас күн. Жұмыс барысында мәселелерден құтылу оңай емес. Сіздің жетістіктеріңіз бен жеңістеріңіз ескерусіз қалады. Салқынқандылық танытыңыз. Өзгелердің арандатуына ермеңіз.
Арыстан
Жолдасыңызбен ойларыңыз үйлеспей, тіл табысу қиындай түседі. Сіз оны өз дегеніңізге көндіре алмай әлек боласыз. жұмысқа да енжарлық танытып, үй шаруасына да қолыңыз бармайды.
Бикеш
Айлық жалақыңыз өседі немесе қосымша табыс көзін табасыз. Қиын жағдайда оңтайлы шешім шығара аласыз. Жақындарыңызбен емен-жарқын әңгімелесіп, бір-бірлеріңізді жақсы түсінісесіздер.
Таразы
Көп жұмыс атқару үшін белсенді болыңыз. Мықты қарсыласпен «жекпе-жекке» шығасыз. Еш саспаңыз, тек өз-өзіңізге сенімді болыңыз. Сонда ғана жеңіске жетесіз. Өз ісіңізге өзгелерді араластырудан аулақ болыңыз.
Сарышаян
Тәуекелге бел буа біліңіз. Әрбір істе тәуекелділік танытсаңыз жұлдыздар да сізді қолдап, жұмысыңыз сіз ойлағаннан да артығымен орындалады. Күнделікті істен еш жалықпайсыз, керісінше ләззат аласыз.
Мерген
Жаңа жобаларды жүзеге асыруға мүмкіндік туады. Материалдық жағдайыңыз да жақсарып, жұмысыңыз алға басады. Әріптестеріңізбен де жақсы қарым-қатынас орнап, ісіңіз нәтижелі болмақ.
Тауешкі
Бүгін көп жұмыс тындыруға күш-қуатыңыз жетеді. Табысқа жетуге бірнеше жол ашылады. Сіздің алдыңызда сол жолдың бірін таңдау мүмкіндігі тұр. Көпшілік сіз туралы көп ақпарат алғысы келеді.
Суқұйғыш
Өзіңіздің келбетіңізге, сырт бейнеңізге мән беріңіз. Сол арқылы жетістікке жетіп, маңызды келіссөздер сіздің пайдаңызға шешілетін болады. Бүгін жеке өміріңізге қатысты маңызды мәселелерді шешпегеніңіз жөн.
Балықтар
Жолдасыңызбен қарым-қатынасыңызды жақсартасыз. Әңгімелеріңіз жарасып, ойларыңыз бір арнадан шығады. Болашаққа жоспар құрасыздар. Қиналған сәтте жолдасыңыздан көмек сұраңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> 17 тамыз бен 3 қазан аралығы «Nur Otan» партиясының праймеризі. Өзара мықтыларды анықтауға арналған саяси додаға құжат қабылдау жұмыстары қазір партияның барлық аумақтық филиалдарында қызып жатыр. Осы орайда, Қазалы аудандық партия филиалына қарасты «ВЧД-6» бастауыш партия ұйымынан ұсынылған үміткер Арғын Орымбаевпен бір ауыз сұхбаттасқан едік.
– Арғын Қайырбайұлы, “Nur Otan” партиясының праймеризіне қатысуға ниет білдіріп отырсыз, талабыңыз оң болсын! Сіз бұл бастама туралы қандай пікірдесіз?
– Рахмет. Бұл бастама яғни праймериз демократия мен азаматтық қоғамды дамытуға зор серпін беретін нағыз патриоттарды қарапайым халық арасынан табуды мақсат етіп отырған ізгі қадам. Бұл іріктеуге барша қоғам қызығушылық танытып отыр. Оның біреуі өзім. Біздің қоғамда өз ойын ашық жеткізе алатын азаматтар өте көп. Бұл праймериз сондай белсенділерге зор мүмкіндік беріп отыр.
– Сіз мұнан бұрын да аудандық мәслихатта депутатсыз. Жұртшылықтың көзқарасында депутат деген ұғым мүлдем бөлек. Мұндай жағдайлармен ұшырасқан боларсыз…
– Көш жүре түзеледі. Халықтың депутатқа деген көзқарасы түзелді. Рас, ауыр кезеңдер болды. Қазір шүкір, жағдай жақсарды. Депутат жалақы алмайды, ол – қоғамдық жұмыс. Депутат деген бұқара мен биліктің арасындағы алтын көпір. Халықтың жанайқайын жеткізуші. Қай жерде не мәселе бар, оның шешілу жолдарына ұсыныс беруші. Міне, нақты осындай анықтама айта аламын. Ұзын сөздің қысқасы, депутат атқарушы органмен елдің әлеуметтік-экономикалық жағдайын шешуге бірлесе атсалысатын тұлға.
– Егер сіз осы праймериз арқылы тағы да депутат болсаңыз, ел-халыққа қандай бағдарлама ұсынасыз?
Әрине, алдағы уақытта осы бәсекеде сайлаушылардың қолдауына ие болып жатсам, өзімінің берік ұстанатын қағидаларыммен жұмыс жасайтын боламын. Оның ішінде ең алдымен әлеуметтік салаға баса назар аударамын. Атап айтар болсам жұмыссыздық мәселесі, халықтың әлеуметтік осал топтары яғни қарттар, мүмкіндігі шектеулі жандар, көп балалы аз қамтылған отбасыларға тұрақты түрде жәрдем беру; елді-мекендердің инфроқұрылымын дамытуға үлес қосу; ауылішілік жолдарды жөндеу және электр жүйелерінің кедергісіз істе болуына ықпал ету т.б. Сенім үрдісінен шығып, құрғақ уәдемен құлаш сермемей, әрбір сөзіме нық сеніммен жауап беру менің азаматтық ұстанымым.
<img src="https://kyzylorda-news.kz/wp-content/uploads/2020/08/whatsapp-image-2020-08-19-at-20.06.29.jpeg" alt="" />

Қызылорда облысында 160-тан астам азамат праймеризге үміткер ретінде тіркелді

<blockquote>
 “Эпидемиологиялық жағдайларға байланысты 2020-2021 оқу жылы қашықтан білім беру форматында басталады. Ата-аналардың қалауы бойынша мектептерде 1-4 сынып оқушылары үшін кезекші сыныптар жұмыс істейтін болады. Бір сыныпта білім алушылар саны 15-тен аспайды”, – делінген ҚР Білім және ғылым министрлігінің хабарламасында.
</blockquote>
Оқушылар мен педагогтердің температурасы күнде өлшеніп тұрады. Ал дене қызуы нормадан жоғары болған жағдайда және ауру белгілері анықталса, педагогтер жұмысқа шықпайды, ал оқушылар үйлеріне қайтарылады.
<blockquote>
 “Егер ата-аналар немесе балалардың заңды өкілдері ниет білдіріп, өтініш жазса, ал мектеп санитарлық нормаларды қатаң сақтауға дайын болса, бастауыш сынып оқушылары мектеп қабырғасында оқи алады. Мектептерде жоғары сынып оқушыларының кабинеттері бос болғандықтан, бұл кабинеттерді де бастауыш сыныптарды оқытуды ұйымдастыру үшін пайдалануға болады”, – дейді министрлік мамандары.
</blockquote>

1-4 сынып оқушылары үшін кезекші сыныптар жұмыс істейді

<a href="https://kyzylorda-news.kz/date/2020/08/19/">Kyzylorda-news.kz.</a> ҚР Денсаулық сақтау министрі Алексей Цой коронавирустың жаңа толқыны қазан айында болатынын айтты, деп хабарлайды&nbsp;<a href="https://egemen.kz/">Egemen.kz.</a>
<blockquote>
 «Қазан айына дейін Қазақстанда 13 модульдік инфекциялық аурухана салу жоспарлануда. Коронавирустық пандемия аяқталған жоқ. Біз қазан айында SARS және тұмау маусымымен қатар күтілетін жаңа толқынға дайын болуымыз керек. Денсаулық сақтау министрлігі жергілікті атқарушы органдармен бірлесіп алдағы күзгі-қысқы кезеңге белсенді дайындалуда», – деп жазды Цой Facebook-те.
</blockquote>
Оның айтуынша, елдегі дәріханаларға 10 миллионнан астам дәрі-дәрмек жеткізілді, бірыңғай дистрибьютор республиканың медициналық ұйымдарын ай сайын дәрі-дәрмекпен қамтамасыз етіп отырды және 30 қыркүйекке дейін 24 миллиард теңгеге қосымша екі айлық жеткізілім жасайды. Ол сондай-ақ «СК-Фармация» базасында Республикалық тұрақтандыру қоры және 11 аймақтық тұрақтандыру қоры құрылғанын атап өтті.
<blockquote>
 «Ауруханаларды жабдықтау үшін 2578 қосымша желдеткіш сатып алынады, оның 1 500-і – отандық өндірушілерден, 1078 – жергілікті бюджет, демеушілік және Дүниежүзілік банктің қаражаты есебінен. 23 890 төсек оттегімен қамтамасыз етіледі, оның ішінде 13153 – оттегі байыту фабрикалары арқылы және 2020 жылдың қазанына дейін еліміздің барлық облыстық ауруханаларын сандық рентген аппараттарымен 100 пайызға қамтамасыз ету жоспарлануда», – деп толықтырды министр.
</blockquote>

Қазақстан және Қызылорда облысының жаңалықтары

Темекіні сатып алғанда құжат көрсетуді міндеттейтін норма өзгерді

«5-10-20» бойынша үй алуға өтініш қабылдау басталды

Қызылордада полициядан қашқан есірткі өсірушілер ұсталды (ВИДЕО)

Сыр өңірінде жастардың қатысуымен 1500-ге жуық шара өтті

“Қайсар” кеншілерден басым түсті

Қызылордада сыбайлас жемқорлыққа қарсы іс-қимыл мәселелері қаралды

Гүлшара Әбдіхалықова дәрі-дәрмек қорына қатысты сала басшыларын қабылдады

20 тамызға арналған ауа райы болжамы

Жұлдыздар не дейді?

Қызылорда облысында 160-тан астам азамат праймеризге үміткер ретінде тіркелді

1-4 сынып оқушылары үшін кезекші сыныптар жұмыс істейді

Коронавирустың жаңа толқыны қазан айында күтіледі – Алексей Цой

Қазақстан және Қызылорда облысының жаңалықтары

Темекіні сатып алғанда құжат көрсетуді міндеттейтін норма өзгерді

«5-10-20» бойынша үй алуға өтініш қабылдау басталды

Қызылордада полициядан қашқан есірткі өсірушілер ұсталды (ВИДЕО)

Сыр өңірінде жастардың қатысуымен 1500-ге жуық шара өтті

&#8220;Қайсар&#8221; кеншілерден басым түсті

Қызылордада сыбайлас жемқорлыққа қарсы іс-қимыл мәселелері қаралды

Гүлшара Әбдіхалықова дәрі-дәрмек қорына қатысты сала басшыларын қабылдады

20 тамызға арналған ауа райы болжамы

Жұлдыздар не дейді?

Қызылорда облысында 160-тан астам азамат праймеризге үміткер ретінде тіркелді

1-4 сынып оқушылары үшін кезекші сыныптар жұмыс істейді

Коронавирустың жаңа толқыны қазан айында күтіледі – Алексей Цой

“Қайсар” кеншілерден басым түсті