<a href="https://kyzylorda-news.kz/date/2020/08/19/">Kyzylorda-news.kz.</a> ҚР Денсаулық сақтау министрі Алексей Цой коронавирустың жаңа толқыны қазан айында болатынын айтты, деп хабарлайды&nbsp;<a href="https://egemen.kz/">Egemen.kz.</a>
<blockquote>
 «Қазан айына дейін Қазақстанда 13 модульдік инфекциялық аурухана салу жоспарлануда. Коронавирустық пандемия аяқталған жоқ. Біз қазан айында SARS және тұмау маусымымен қатар күтілетін жаңа толқынға дайын болуымыз керек. Денсаулық сақтау министрлігі жергілікті атқарушы органдармен бірлесіп алдағы күзгі-қысқы кезеңге белсенді дайындалуда», – деп жазды Цой Facebook-те.
</blockquote>
Оның айтуынша, елдегі дәріханаларға 10 миллионнан астам дәрі-дәрмек жеткізілді, бірыңғай дистрибьютор республиканың медициналық ұйымдарын ай сайын дәрі-дәрмекпен қамтамасыз етіп отырды және 30 қыркүйекке дейін 24 миллиард теңгеге қосымша екі айлық жеткізілім жасайды. Ол сондай-ақ «СК-Фармация» базасында Республикалық тұрақтандыру қоры және 11 аймақтық тұрақтандыру қоры құрылғанын атап өтті.
<blockquote>
 «Ауруханаларды жабдықтау үшін 2578 қосымша желдеткіш сатып алынады, оның 1 500-і – отандық өндірушілерден, 1078 – жергілікті бюджет, демеушілік және Дүниежүзілік банктің қаражаты есебінен. 23 890 төсек оттегімен қамтамасыз етіледі, оның ішінде 13153 – оттегі байыту фабрикалары арқылы және 2020 жылдың қазанына дейін еліміздің барлық облыстық ауруханаларын сандық рентген аппараттарымен 100 пайызға қамтамасыз ету жоспарлануда», – деп толықтырды министр.
</blockquote>

Коронавирустың жаңа толқыны қазан айында күтіледі – Алексей Цой

<a href="https://kyzylorda-news.kz/date/2020/08/19/">Kyzylorda-news.kz.</a> Бүгін республиканың барлық аймағында бір мезетте педагогикалық кеңес өтті. Білім саласындағы маңызды жиын Сыр еліндегі барлық мектептерде ұйымдастырылды.
Оқу жылы басталар алдында әрбір мектеп директорлары педагогикалық кеңестер өткізуде. Білім беру ұйымының басшылары оқу жылын сәтті ұйымдастыру, штаттық режимде оқитын оқушыларға қажетті шараларды іске асыру, бағалау жүйесіне қатысты түсіндірме жүргізді.
Мектеп директорлары ЗООМ платформасы арқылы педагогтармен тікелей байланысқа шығып, қашықтан оқыту форматын жүйелі іске асырудың жолдарын талқылады.
Осы кезге дейін айтылып келгендей, 1-4 сынып оқушылары ата-аналардың өтініші негізінде жаңа оқу жылын мектепте бастайды. Мектептерде жоғары сынып оқушыларының кабинеттері бос болғандықтан, бұл кабинеттерді де бастауыш сыныптарды оқытуды ұйымдастыру үшін пайдалануға болады. Бір сыныпта білім алушылар саны 15-тен аспайды. Оқушылар мен педагогтердің температурасы күнде өлшеніп, дене қызуы нормадан жоғары болған жағдайда және ауру белгілері анықталса, педагогтер жұмысқа кіріспейді, ал оқушылар үйлеріне қайтарады.
Педкеңес барысында ұстаздардан ұсыныстар қабылданып, қашықтан оқыту, оқу жетістігін сырттай бағалау жүйелері талқыланды.
Айта кетейік, Қызылорда облысында 293 мектепте 169 143 оқушы оқиды деп күтілуде. Оның ішінде 1-сыныпқа 18 423 бала қабылданады деп жоспарлануда.
<img src="https://kyzylorda-news.kz/wp-content/uploads/2020/08/118170030_930095467493659_4765510756036036481_n.jpg" alt="" />
<img src="https://kyzylorda-news.kz/wp-content/uploads/2020/08/106583087_930095507493655_3005636583522671910_n.jpg" alt="" />
<img src="https://kyzylorda-news.kz/wp-content/uploads/2020/08/118120306_930095574160315_4668878512346593811_n.jpg" alt="" />
<img src="https://kyzylorda-news.kz/wp-content/uploads/2020/08/117971717_930095717493634_4755212543186165138_n.jpg" alt="" />

Қызылордада педагогикалық кеңес өтті

<a href="https://kyzylorda-news.kz/">Kyzylorda-news.kz.</a> Қызылорда облысының Бас мемлекеттік санитариялық дәрігерінің 2020 жылғы 15 тамыздағы №20 қаулысымен аймағымызда шектеу шаралары, оның ішінде карантин кезең-кезеңімен жеңілдетілді.
Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің хабарлауынша, нысандардың жұмысына күшейтілген санитариялық-дезинфекциялық режиммен рұқсат етілді. Сондықтан карантин кезінде қызметін қайта бастайтын объектілер міндетті түрде InfoKazakhstan.kz сайты арқылы санитарлық нормаларға сәйкестік актісін алу міндеті белгіленді. Қызылорда облысында бүгінгі күнге дейін қызметін қайта бастауға аталған порталға 3334 өтініш келіп түскен. Соның ішінде 338 нысанға рұқсат берілсе, 66 өтінішті қанағаттандырудан бас тартылған.
Қызметін қайта бастайтын нысандардың қауіпсіздігін қамтамасыз ету мақсатында арнайы алгортимдер белгіленді. Ал осы санитариялық-эпидемиологиялық, санитариялық-дезинфекциялық режимдер белгіленген Алгоритм талаптарының сақталуын қала, аудан әкімдіктері жанынан құрылған жұмысшы топ мониторингілеуде. Бұдан бөлек, карантиндік шаралардың сақталуы да мониторингтік топтың назарында, бұзушылықтар анықталған жағдайда Қазақстан Республикасының заңнамаларына сәйкес шаралар қабылданатын болады.
Бүгінгі күнге дейін карантин талаптарын сақтамағандығы үшін Әкімшілік құқық бұзушылық туралы кодексінің 425/1-бабы бойынша 351 хаттама толтырылып, айыппұл салынған. Оның ішінде 50-ге жуық жеке тұлға карантин уақытында жұртты жинап, той өткізгендігі үшін әкімшілік жауапқа тартылды.
Атап өтетін мәселе, коронавирус инфекциясын 1жасқа дейінгі балалардан бастап 90 жасқа дейінгі азаматтар жұқтырған. Оның ішінде аурудың жоғары көрсеткіші 20 жастан 69 жас аралығындағы белсенді азаматтар арасында жиі тіркеліп отыр. Бұл әлі де болса жастардың ойын-сауық басқосуларының жалғасып, карантин режиміне қарамастан үлкен кісілердің ас беру, үй жағдайында той, беташар өткізу секілді көпшілік іс-шараларына баруы тыйылмай отырғандығын көрсетеді. Наурыз айында облысымызда эпидемиологиялық ахуалдың өршіп, инфекция жұқтырудың топтасқан жағдайлары осындай жиын-тойлардың себебінен орын алғаны белгілі.
Карантин таталаптары баршаға ортақ. Маска режимі мен әлеуметтік қашықтықты сақтау міндетті санитарлық талаптар және бұл азаматтардың күнделікті өміріндегі ережелерге айналуы қажет. Карантин жеңілдетілгенімен вирус толығымен жойылып кеткен жоқ. Сондықтан босаңсуға әлі ерте. Бетперделік режимді сақтап, әлеуметтік арақашықтықты қадағалаңыз. Қолыңызды жиі сабынмен жуып, антисептиктерді пайдаланыңыз. Адам көп жиналатын орындарға баруды шектеңіз, түшкіру, жөтелу әдебін ұстаныңыз. Салауатты өмір салтымен айналысып, ағзаңыздың ауруларға қарсы тұратын иммундық қасиетін көтеруге жұмыс жасаңыз. Өз денсаулығыңыз – өз қолыңызда.

COVID-19: Қауіпті індет бейқамдықты кешірмейді

<a href="https://kyzylorda-news.kz/">Kyzylorda-news.kz.</a> Қызылорда облысында қашықтан оқыту бойынша оқушылар мен мұғалімдердің арнайы құрылғылармен (компьютер, ноутбук, планшеттер, смартфон) қамтамасыз етілуіне, интернет және ұялы байланыстың қолжетімділігіне мониторинг жасалды.
<blockquote>
 “Облыста 158 790 оқушы (88 028 отбасы) электронды құрылғылары бар. Электронды құрылғысы жоқ 9 687(6%) оқушыны (4475 отбасы) компьютерлік техникамен қамтуға тиісті жұмыстар ұйымдастырылуда. Бүгінгі күнге мектеп баланысындағы 2800 компьютер мұқтаж отбасыларына уақытша пайдалануға берілсе, демеушілер есебінен 239 планшет, 15 ноутбук берілді. Саладағы үнемделген бюджет есебінен 176,7 млн.тг. 2 635 планшет алуға бағытталуда”, – дейді облыстық білім басқармасының басшысы Ақзира Қасымова.
</blockquote>
Сондай-ақ, БжҒМ – не әлжуаз топтағы отбасы балаларына 2020 жылы Республикалық бюджетттен 3,4 млрд. тг. 22870 компьютерлік техникалар алу жоспарлануда. (3706 компьютер, 14362 ноутбук, 4802 планшет). Бұл компьютерлердің сатып алу жұмыстары ашық әрі жариялы түрде өтеді. 25 елдімекендегі 2187 оқушы дәстүрлі түрде оқиды. Арал ауданы, Қаратерең ауылындағы 393 оқушының 157-і кезекші топтарда дәстүрлі оқытылса, қалған оқушыларға телесабақтар арқылы білім беріледі. Сонымен қатар, қала, аудан әкімдіктері дәстүрлі түрде өткізілетін «Мектепке жол» акциясы басталды. Биылғы жылғы акцияның мақсаты – әлжуаз отбасынан шыққан балаларды электронды құрылғылармен және интернетпен қамтамасыз ету.

Қашықтан оқыту: Қызылорда облысындағы 9 687 оқушыда компьютер жоқ

Kyzylorda-news.kz. Коррупцияға қарсы күрес жөніндегі жиында президент Тоқаев жемқорлықпен күресті одан әрі күшейту керектігін айтты.
<blockquote>
 “Пандемия кезеңінде және мемлекет пен азаматтарымыздың табысы азайған тұста жемқорлықпен күресті одан әрі күшейтуіміз керек.
</blockquote>
Халықаралық сарапшылардың айтуы бойынша мемлекеттер пандемияның салдарымен күреске мол қаражат жұмсап жатқан кезде қаржыны мақсатқа сай пайдаланбау және жымқыру қаупі арта түседі.
Бөлініп жатқан қаражат мұқият әрі тиімді жұмсалуға тиіс. Бұл – әр теңге өзінің мақсатына сай жұмсалуы керек деген сөз.
<blockquote>
 Әсіресе, қазіргі жағдайда еш пайдасы жоқ және қажетсіз іс-шараларға қаражаттың шығындалуына&nbsp; қоғамның қалай қарайтынын көріп отырмыз.
</blockquote>
Сондықтан, мұндай мәселелерге болары болып, бояуы сіңгеннен кейін емес, алдын ала мән беру – өте маңызды”, – деді Мемлекет басшысы.

Мемлекет басшысы: Қажетсіз іс-шараларға қаражат шығындауды тоқтату керек

<a href="https://kyzylorda-news.kz/date/2020/08/19/">Kyzylorda-news.kz.</a> Отандық танымал журналист Дана Нұржігіт барша қазақстандықтарға үндеу жасады. Сенат депутаты карантиннің аяқталғаны вирустың жойылғанын білдірмейтінін тағы бір мәрте ескертіп өтті деп жазады <a href="https://kaz.nur.kz/1870169-saltymyz-zgerdi-dana-nrzigit-otandastaryn-sak-boluga-sakyrdy.html">KAZ.NUR.KZ.</a>
Дана Нұржігіт отандастарын барынша сақ болуға шақырды. Ол шектеу шаралары әлі де бар екенін ұмытпауын сұрады. Бұл туралы ол Instagram парақшасында жазды.
<blockquote>
 “17 тамыз Карантиннен шықтық,бірақ бұл вирус жоғалды деген сөз емес. Сақтық шараларына бой үйренді,өмір салтымыз өзгерді. Біраз шектеулер әлі де бар.Сақ болыңыздар” , – деп жазды Дана Нұржігіт.
</blockquote>
Желі қолданушылары сенат депутатының айтқанына толығымен қосылып, оған қолдау білдірді.
<blockquote>
 “Дұрыс айтасыз, қазір аса маңызды уақыт” , “Сізбен толықтай келісемін. Сақтанғанды сақтайды” , “Халқымыз аман болсын. Бұл індеттен де құтылатын күн келер”, “Жарайсыз, біздің халыққа үнемі ескертіп отыру керек” , – деп жазуда көпшілік.
</blockquote>

Дана Нұржігіт отандастарын сақ болуға шақырды

<a href="https://kyzylorda-news.kz/">Kyzylorda-news.kz.</a> Бүгін Қызылорда облыс әкімі Гүлшара Әбдіқалықова жылу беру маусымына дайындық мәселесіне қатысты облыстық энергетика және тұрғын үй-коммуналдық шаруашылық басқармасының басшысы Руслан Нұрмағанбетовті қабылдады.
Облыс әкіміне сала басшысы жылыту маусымына дайындық барысы мен коммуналдық кәсіпорындардың жөндеу жұмыстарының қалай жүріп жатқанын баяндады.
<img src="https://kyzylorda-news.kz/wp-content/uploads/2020/08/118173178_2654586031311116_8499536402969530656_o.jpg" alt="" />
Жылыту кезінде отын қорын жеткізу мәселесі өзекті. Аймақта алдағы жылу беру маусымында 1185 әлеуметтік сала нысандарына 39,5 мың тонна қатты және 26 мың тонна сұйық отын, ал жергілікті тұрғындарға 163,6 мың тонна көмір отыны қажет. Бүгінде тұрғындарға қажетті 25 мың тонна көмір отыны жеткізілген. Қала және аудан тұрғындары үшін көмір бағасының өсуіне жол бермеу мақсатында көмір өндіретін кәсіпорындармен тікелей келісім-шарт жасау жұмыстары басталған.
Сала басшысы қазіргі кезде коммуналдық кәсіпорындардың жөндеу жұмыстары 66%-ға, әлеуметтік сала нысандары мен автономды қазандықтардың жөндеу жұмыстары 81%-ға орындалғанын жеткізді. Сондай-ақ, орталықтандырылған жылу жүйесіне қосылған көп қабатты тұрғын үйлердің дайындығы бүгінде 70% құрайды.
Айту керек, өңірде жылу жүйелерін қайта жаңғырту жұмыстары да қарқын алды. Мәселен, «Нұрлы жер» және «Жұмыспен қамту жол картасы» бағдарламаларымен Қызылорда қаласында 14 шақырым жылу жүйелерін қайта жаңғырту жұмыстары іске асырылды. 
Қабылдау барысында аймақ басшысы әлеуметтік нысандарға жүргізілетін жылыту жұмыстары бойынша есепті тыңдады. Биыл өңірде 1185 әлеуметтік сала нысандарының жөндеу жұмыстары 81%-ға орындалған. Оның ішінде 432 білім беру нысаны, 312 мәдениет саласының нысаны, 247 денсаулық сақтау нысаны, 460 кіші қазандықтардың жөндеу жұмыстары атқарылды. Сондай-ақ, облыс бойынша 19 әлеуметтік нысанның жылу қазандықтарын газ отынына бейімдеу жұмыстары жоспарланған.
Облыс әкімі Гүлшара Әбдіқалықова басқарма басшысына жылыту маусымы кезеңіне дейін қажетті шараларды кезең-кезеңімен іске асырып, жылу жүйелері талапқа сай уақытылы дайын болу керектігін тапсырды. Бұл ретте қысқа дайындық мәселелері облыстық штабтың тұрақты бақылауында болатынын атап өтті.
<img src="https://kyzylorda-news.kz/wp-content/uploads/2020/08/118155962_2654586024644450_3523605091573223379_o.jpg" alt="" />

Қызылордада жылу маусымына дайындық барысы пысықталды

Kyzylorda-news.kz. Алтын Орданың 750 жылдығы аясында облыстық мәдениет, архивтер және құжаттама басқармасының ұйымдастыруымен Асанас қалашығында кешенді археологиялық қазба жұмыстары бастау алды.
Қазбаны Қорқыт ата атындағы Қызылорда мемлекеттік университеті жанындағы «Археология және этнография» ғылыми-зерттеу орталығы жүргізуде. Қазба нәтижесімен аршылған маңызды нысандар консервацияланып, табылған жәдігерлер облыс музейлерінің қорларына өткізілетін болады.
Асанас қалашығы Алтын Орда дәуірінің эталонды ескерткіштерінің бірі екені анық. Сондықтан да, археологиялық зерттеу жұмыстары бұдан кейінгі жылдары да жалғастырылатын болады. Сонымен қатар, қорғау аймағына сәйкес қалашықтың аумағын қоршау жұмыстары жоспарланған.
«Қазақстанның киелі жерлерінің географиясы» жобасы аясында қалашық Өңірлік қасиетті нысандар тізбесіне енгізіліген жергілікті маңызы бар тарих және мәдениет ескерткіші болып табылады. Қызылорда қаласынан оңтүстік шығысқа қарай 48 шақырым, ал Сырдария ауданына қарасты Айдарлы ауылынан оңтүстік-батысқа қарай 8 шақырым қашықтықта орналасқан.
Асанас қалашығы Ұлы Жібек жолының бойында орналасқан қалашықтардың біріне жатады. Ірі экономикалық, сауда-саттық, аумақтық маңызы бар орталықтарда қазандай қайнаған тіршіліктің бәрі осы тарихи шаһарлар арқылы жалғасып жатыр. Жазба деректерде моңғол шапқыншылығынан бастап белгілі. Жауға табанды қарсылық көрсеткендіктен жермен-жексен қиратылып, халқының көпшілігі қырғынға ұшыраған. Сырдарияның бойындағы басқа да қалалар сияқты көп ұзамай қайта қалпына келтіріліп, ХІҮ-ХҮ ғасырларға дейін өмір сүрген. Алғаш 1899 жылы В.А.Каллаур, кейінірек 1960-1961 жылдары, 1968 жылы Хорезм археологиялық-этнографиялық экспедициясы (Н.Н.Вактурская) зерттеген.
<img src="https://kyzylorda-news.kz/wp-content/uploads/2020/08/fb_img_1597829135794.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597829132282.jpg" alt="" />

Асанас қалашығында кешенді археологиялық қазба жұмыстары басталды

<a href="https://kyzylorda-news.kz/">Kyzylorda-news.kz.</a> «Қазгидромет» РМК 20-22 тамыз аралығындағы ауа райы болжамын ұсынды.
<blockquote>
 «Алдағы үш күнде Қазақстанның басым бөлігінде құбылмалы ауа райы сақталады. Оңтүстік циклонның келуіне байланысты найзағай ойнап, жаңбыр жауады. Аптаның соңында оңтүстік-батыста қатты жаңбыр жауады. Дауыл, бұршақ түсуі мүмкін. Кейін қысқа антициклонның жылжуымен жауын-шашын тоқтап, батыста ауа температурасы аздап төмендейді. Республика бойынша кей жерлерде жел күшейеді», – деді синоптиктер.
</blockquote>
«Қазгидромет» РМК Қызылорда облысы бойынша филиалының хабарлауы бойынша Қызылорда облысында өте жоғары өрт қаупі сақталады.

Алдағы үш күнге арналған ауа райы болжамы

Мемлекет басшысының жемқорлықпен күрес мәселелері жөніндегі кеңесте сөйлеген сөзі

<a href="https://kyzylorda-news.kz/date/2020/08/19/">Kyzylorda-news.kz.</a> Биылғы жаңа оқу жылының ерекшелігі 1 қыркүйектен бастап қала мектептері жан басына шаққандағы қаржыландыруға көшіріледі. Яғни, Арал ауданынан – 9 мектеп, Қазалы ауданынан – 3 мектеп, Байқоңыр қаласынан – 5 мектеп, Қызылорда қаласынан – 41 мектеп, барлығы 58 мектепті аталған механизмге енгізу үшін барлық жоспарлы дайындық жұмыстары аяқталды.
Бұл туралы Өңірлік коммуникациялар қызметінің ақпараттық алаңында облыстық білім басқармасының басшысы Ақзира Қасымова мәлімдеді
<blockquote>
 “Облыстағы 222 мектептегі 116 888 оқушы қашықтан оқытылады. Қашықтан оқыту BilimLand, Дарын-онлайн интернет платформалары арқылы жүргізіледі. 1-4 сыныптағы 41 547 оқушы 3141 топта дәстүрлі оқиды. Шалғай орналасқан елді-мекендегі 71 мектептен 10712 оқушы дәстүрлі оқытылады. 25 елді мекендегі 2187 оқушы дәстүрлі түрде оқиды. 2020-2021 оқу жылында облыстағы 30 колледжде қашықтан оқыту жүйесінде білім беру жүзеге асырылатын болады ,-деді Ақзира Бақтыбайқызы
</blockquote>
<img src="https://kyzylorda-news.kz/wp-content/uploads/2020/08/118011429_1093033051092206_6616858575247325032_o.jpg" alt="" />
Сонымен қатар, қала, аудан әкімдіктері дәстүрлі түрде өткізілетін «Мектепке жол» акциясы басталды. Биылғы жылғы акцияның мақсаты – әлжуаз отбасынан шыққан балаларды электронды құрылғылармен және интернетпен қамтамасыз ету.

Қызылорда облысындағы мектептер қашықтан білім беруге дайын ба?

<a href="https://kyzylorda-news.kz/">Kyzylorda-news.kz.</a> 14 тамызда жұмысын бастаған <a href="https://infokazakhstan.kz/">https://infokazakhstan.kz/</a> порталына бүгінге дейін 4990 кәсіпкер өтініш берген.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Өтініш берген кәсіпкерлердің 3924-і дайындық актісін алып, жұмысын жүргізуде. 330 кәсіпкер мониторингтік топты күтіп отырса, қалған өтініштер қаралуда.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; <a href="https://infokazakhstan.kz/">https://infokazakhstan.kz/</a> порталы арқылы тексерусіз, хабарландыру түріндегі актісін алған кәсіпкерлердің бірі Қармақшы ауданындағы оқу орталығының иесі Манат Көбекова.
<blockquote>
 «Оқу орталығының жұмысын бастау үшін InfoKazakhstan платформасы арқылы дайындық актісін алдым. Оған дейін орталықты барлық санитарлық талаптарға сай дайындап қойған болатынмын. Актіні алу қиындық тудырмайды және көп уақытты алмайды. Тек электронды цифрлы қолтаңбаң болса жеткілікті. Барлық кәсіпкерлерді аталмыш порталда тіркеліп, жұмыс жасауға шақырамын», – дейді кәсіпкер.
</blockquote>
<img src="https://kyzylorda-news.kz/wp-content/uploads/2020/08/manat.jpeg" alt="" />
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ерекше мән беретін жайт, кәсіпкерлер <a href="https://infokazakhstan.kz/">https://infokazakhstan.kz/</a> өздері өтініш беріп, қызметті жылдам ала алады. Техникалық мүмкіндігі жоқ кәсіпкерлерге Кәсіпкерлер палатасының Қызылорда қаласы мен аудандардағы мамандары қызмет көрсетуде. Порталға тіркеу ақысыз, ТЕГІН.&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Айта кету керек, ҚР Бас санитарлық дәрігердің қаулысына сәйкес кәсіпкерлер жұмысын InfoKazakhstan платформасына тіркеліп, жұмыс жасауға дайындық актісін алу арқылы бастай алады.
&nbsp;Бизнес түрлерінің басым бөлігі, тексерусіз, хабарландыру тәртібінде іске қосылып, мониторингтік топтың келуін күтпей-ақ қызметін бастай алады.
Жұмысты тексерусіз, хабарлама тәртібінде қайта бастауда ҚАРАПАЙЫМ ҮШ ҚАДАМ:
1-кадам. InfoKazakhstan сайтына кіріп, нысанды электронды цифрлық қолтаңба арқылы тіркеу.
2-қадам. Бас санитарлық дәрігердің қаулысынжүктеу және кәсібіңізге қойылған санитарлық талаптармен танысып, оны электронды цифрлық қолтаңба&nbsp; арқылы растау.
3-қадам. Жеке кабинетте және электронды поштада дайындық туралы актісін алып, жұмысты бастау.
Тексерудің болмауы, жауапкершіліктен босатпайды. Қоғамдық бақылау, кез келген келуші бұзушылық туралы ақпаратты бақылаушы органға жібере алады.
Мониторингтік топтың тексеруі кәсіпкерлік қызметтің небәрі 5 түріне қолданылады: сауда және ойын-сауық орталықтары, азық-түліктік сауда базарлары, азық-түліктік емес базарлар, балалар сауықтыру лагерлері, бильярд және боулинг залдары.
Егер кәсібіңіз көпшілік жиналатын нысандар, балалармен тактильді қатынас жасалатын бизнес түріне жатса, онда&nbsp; жұмысты бастауға рұқсатты алу үшін санитарлық талаптарға сай келу бойынша тексеруден өту қажет, яғни рұқсат беру тәртібі қолданылады. Бұл қажетті процедура деп санаймыз.
Порталда толтыру процедурасы да қиын емес.
1-қадам.InfoKazakhstan сайтына кіріп, нысанды электронды цифрлық қолтаңба арқылы тіркеп, бас санитарлық дәрігер қаулысын жүктеп, кәсіп түріне қойылған талаптармен танысу қажет. Талаптармен&nbsp; мұқият танысып, электронды цифрлық қолтаңба арқылы растау қажет!
2-қадам. Нысанды санитарлық талаптарға сәйкес дайындау.
3-қадам. Мониторингтік топтың тексеруінен өту.
4-қадам. Егер бәрі дұрыс болса, сайттағы жеке кабинеттен және электронды поштаға санитарлық нормаларға сәйкестік актісін – жұмысты қайта бастауға рұқсатты алып, жұмысты бастау.
Электронды рұқсатты басып шығарып, соның ішінде мониторингтік топтың келуі жағдайына қарай рұқсаттың қағаз көшірмесін іліп қою қажет.
Айырмашылық тексеруде ғана, егер өтінім берген соң нәтиже теріс шықса, онда тексеруден екінші рет өтуге болады.
Кәсіпкерлерге кеңес беру үшін 1432 байланыс орталығы тәулік бойы қызмет көрсетеді (қоңырау шалу тегін), Қызылорда облысы бойынша 8 /7242/ 40-02-02. Сонымен қатар t.me/infokazakhstan телеграм-канал іске қосылды, онда портал жұмысына қатысты соңғы жаңалықтар және бизнес өкілдеріне басқа қызықты ақпарат жарияланады.

Қазақстан және Қызылорда облысының жаңалықтары