<a href="https://kyzylorda-news.kz/">Kyzylorda-news.kz</a>. 1 ақпаннан бастап қызылордалықтарға ыңғайлы болу үшін жаңа сервис – «102» мобильді қосымшасы іске қосылды.
Бұл қосымша полицейлердің оқиғаларға және азаматтардың хабарламаларына тиімді жедел ден қою мақсатында әзірленді.
Бүгінгі таңда «102» мобильді қосымшасына 6 жергілікті тұрғын жүгінді. 1993 жылы туған облыс орталығының тұрғыны жаңа онлайн-сервисті пайдаланып, 102 нөміріне қоңырау шалып, полицейлерге интернет алаяқтардың құрбаны болғаны туралы арызданды. Ол интернет-дүкенге жалпы құны 36 000 теңге болатын тауарға тапсырыс беріп, аталмыш тауар жәбірленушіге сол күйі жеткізілмеді.
<blockquote>
 «Мен бұл жағдайға қатты қапаландым, бірақ, Қызылорда қалалық Полиция басқармасының жедел басқару орталығының операторлары бірден жауап беріп, өтінішті тіркеп, алаяқтарды іздеуге кіріскен кезде, мобильді қосымшаның тиімділігін түсіндім. Мен әділеттілік орнайды және қылмыскерлер лайықты жазасын алады деген сенімдемін», – дейді жәбірленуші.
</blockquote>

Қызылордалықтар &#8220;102&#8221; қосымшасының тиімділігін жоғары бағалады

<a href="https://kyzylorda-news.kz/">Kyzylorda-news.kz</a>. Қызылорда облысында коронавирус инфекциясымен тіркелген науқастар саны – 3 675. Ал індеттен айыққан науқастар саны 3551-ге жетті. Соңғы тәулікте 12 науқас емделіп шықты.
Бүгінде инфекциялық стационарда 27, ал стационардың реанимация бөлімінде 2 науқас ем алуда.
Сондай-ақ, коронавирус инфекциясы анықталған азаматтармен байланыста болғаны- 15 340, тікелей қарым-қатынас-12 592, ықтимал қарым-қатынас-2 748.
Өткен тәулікте зертханаға тапсырылған сынамалар саны – 1 309, тексерілгені – 569, жұмыс жасалуда – 740. Қалдық тест саны – 22 425. Эпид маусым басталғалы бері 205 142 сынама алынды.

COVID-19: Өткен тәулікте 12 науқас сырқатынан айықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1007 адамнан коронавирус анықталды, деп хабарлайды ҚазАқпарат coronavirus2020.kz.
Аймақтар бойынша:
Нұр-Сұлтан қаласы – 131,
Алматы қаласы – 95,
Шымкент қаласы – 20,
Ақмола облысы – 87,
Ақтөбе облысы – 8,
Алматы облысы – 48,
Атырау облысы – 21,
Шығыс Қазақстан облысы – 75,
Жамбыл облысы – 18,
Батыс Қазақстан облысы – 87,
Қарағанды облысы – 66,
Қостанай облысы – 78,
Қызылорда облысы – 9,
Маңғыстау облысы – 7,
Павлодар облысы – 180,
Солтүстік Қазақстан облысы – 65,
Түркістан облысы – 12.
Жалпы ел бойынша ауырғандар саны – 199093.

Қызылорда: 9 адам коронавирус инфекциясын жұқтырды

<a href="https://kyzylorda-news.kz/">Kyzylorda-news.kz</a>. Бүгін атмосфералық ауа ағындардың өтуімен республиканың басым бөлігінде құбылмалы ауа райы сақталады, деп хабарлайды Қазгидромет.
Еліміздің солтүстік жартысында кей жерлерде қар жауады, ал қалған бөлігінде жауын-шашын, оңтүстікте түнде таулы аудандарда қатты жауын-шашын (жаңбыр, қар) жауады. Республика бойынша кей жерлерде тұман, көктайғақ, жаяу бұрқасын болуы ықтимал.
Батыс Қазақстан облысының кей жерлерінде тұман, көктайғақ, жаяу бұрқасын соғады.
Ақтөбе, Қостанай облыстарының кей жерлерінде жаяу бұрқасын, тұман күтіледі.
Алматы, Жамбыл, Түркістан, Атырау, Қызылорда облыстарының кей жерлерінде тұман, көктайғақ болады.
Ақмола, Маңғыстау, Павлодар, Шығыс Қазақстан облыстарының кей жерлерінде тұман түседі.

11 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Бүгін Қызылорда облысының әкімі Гүлшара Әбдіқалықованың қатысуымен төтенше жағдайлардың алдын алу және оларды жою жөніндегі облыстық комиссия отырысы өтті.
Кезекті отырыста көктемгі су тасқыны кезеңіне дайындық пен Конго-Қырым геморрагиялық қызбасының алдын алу шаралары туралы мәселелер қаралды. Алғашқы мәселе бойынша баяндама жасаған облыстық жұмылдыру дайындығы басқармасының басшысы Медет Усаин Сырдария өзенінің бүгінгі жағдайын баяндады.
Оның айтуынша, бүгінгі күні Шардара су қоймасынан Сырдария өзеніне түсіп жатқан су көлемі секундына 550 текше метрді құраса, оның 250 текше метрін Көксарай су реттегіші алуда. Облыс аумағына секундына 280 текше метр су келуде. Өзен арнасында соңғы 7 жылда болмаған жағдай орын алып, мұз Жаңақорған ауданы аумағына дейін ұстасты. Мұздың қалыңдығы солтүстік аудандарда 35-62 см, оңтүстік аудандарда 18-35 см құрап отыр. Соңғы мониторинг жұмыстарды жүргізу барысында жалпы ұзындығы 3 шақырымды құрайтын шұғыл қалпына келтіруді қажет ететін 3 нысан анықталған.
Аймақ басшысы Сырдария өзені жағалауындағы қауіпті нысандарды қалпына келтіру бағытында тиісті сала басшылары мен қала, аудан әкімдеріне бірқатар тапсырма берді.
<blockquote>
 “Қызылорда қаласы мен аудан әкімдері қауіпті учаскелерге бекітілген жауапты мекемелердегі арнайы техникалардың дайындық жағдайында болуын қамтамасыз етіп, Сырдария өзенінің бойындағы әрбір қауіпті учаскелерге бекітілген арнайы техникалары бар жауапты мекемелердің дария бойы кезекшілігін ұйымдастырсын. Облыстық төтенше жағдайлар департаменті облыс көлемінде су тасқынының алдын алу мақсатында авариялық-құтқару қызметтері мен күш-құралдарының дайындығын үнемі әзірлікте ұстауы қажет. Облыстық экономика және бюджеттік жоспарлау басқармасы, облыстық жұмылдыру дайындығы басқармасымен бірлесіп, қалпына келтіру жұмыстарын қажет ететін өзен бойы қорғаныс бөгеттерінің жөндеу жұмыстарына қаржы бөлу бойынша облыстық бюджеттік комиссия отырысына ұсыныс келтірсін. Облыстық жұмылдыру дайындығы басқармасына аталған қорғаныс бөгеттеріне шұғыл түрде жөндеу жұмыстарын ұйымдастыруды тапсырамын. Өзен арнасындағы сең кептелісі кезінде қажет болған жағдайда қауіпсіздік шараларын сақтай отырып, мұз жару жұмыстарын жүргізгені жөн”, – деді облыс әкімі Гүлшара Әбдіқалықова.
</blockquote>
Сондай-ақ «Қазсушар» республикалық мемлекеттік кәсіпорнының Қызылорда филиалыкөлдер жүйесіне су алу мақсатында облыс көлеміндегі барлық су таратушы каналдарды әзірлікке келтіруге, Арал-Сырдария бассейндік инспекциясына Шардара су қоймасынан қыс-көктем айларында Сырдария өзенінің төменгі ағысына түсірілетін су көлемінің бекітілген кестеге сәйкес орындалуына үнемі бақылауда ұстауды тапсырды.Облыстық комиссия отырысындағы екінші мәселе Конго-Қырым геморрагиялық қызбасының алдын алу шаралары туралы облыстық санитарлық-эпидемиологиялық бақылау департаментінің басшысы Динара Жаңабергенова баяндады.
<blockquote>
 “Жыл сайын облыс көлемінде Конго-Қырым геморрагиялық қызбасының 1 жағдайдан 7-8 жағдайға дейін спорадикалық аурушаңдық тіркеледі. Өткен жылы облыс бойынша 12 ықтимал жағдай тіркеліп, оның 9 жағдайы зертханалық жолмен нақтыланды. 2019 жылы 8 науқастың диагнозы зертханалық жолмен нақтыланған болатын. Облыс бойынша Конго-Қырым геморрагиялық қызбасының табиғи ошақтарын анықтау мақсатында 2020 жылы 239 елді мекеннің аумағына тоталды түрде зоопаразитологиялық зерттеулер жүргізілді, оның ішінде 117-і – қолайсыз елді мекендер”, – деді Динара Жаңабергенова.
</blockquote>
Департамент басшысы қауіпті кенелердің көктем-жаз айларында көбеюін тазаланбаған мал қораларынан көреді. Қораларда қанша өңдеу жасағанмен, қидың, көңнің арасына ұялап қалған кенелерден сауықтыру мүмкін болмайтың көрінеді. Жұмыртқа салған аналық кене 8 мыңнан 10 мыңға дейін, кейбір түрлері 20 мыңға дейін жұмыртқа тастайды және аналық кене вируспен зақымданған болса, ол өз ұрпағына 100 пайыз вирусты овариалдық жолмен береді.
Жиын соңында өңір басшысы қала және аудан әкімдеріне елді мекендердегі тазалық жұмыстарына тікелей жауапты екендерін ескертіп, облыстық санитарлық-эпидемиологиялық бақылау департаментіне елді мекендердегі механикалық тазалау жұмыстарын қатаң бақылауға алуды тапсырды. Ал, облыстық денсаулық сақтау басқармасы басшысына кене шағумен түскен ауруларды емдеуге қажетті дәрі-дәрмектердің қоры жеткіліктілігін қамтамасыз етуді жүктеді.
<img src="https://kyzylorda-news.kz/wp-content/uploads/2021/02/fb_img_1612961190207.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612961193462.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612961199859.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612961202807.jpg" alt="" />

Қызылордада Конго-Қырым геморрагиялық қызбасының алдын алу шаралары пысықталды

<a href="https://kyzylorda-news.kz/">Kyzylorda-news.kz</a>. Денсаулық сақтау министрі Алексей Цой не себепті қазақстандық вакцинаны салдыратынын түсіндірді, деп хабарлайды <a href="https://stan.kz/coy-nege-tek-kana-kazakstandik-vakcinani-saldiratinin-t-343076/">Stan.kz.</a>
Денсаулық сақтау министрі елімізге әкелінген вакцинаның барлығы тексерілген және тіркелуден өткен вакциналар екенін айтты. Алайда, министр қазақстандық вакцинаның жасалу технологиясы басқа вакциналардан ерекшеленетінін жеткізді.
<blockquote>
 “Қазақстанда вакцинацияға рұқсат етілген барлық вакцина тексерілді және қауіпсіз. Қазір ресейлік “Спутник V” вакцинасын министрліктегі, өңірлік денсаулық сақтау басқармасындағы әріптестеріміз салдырды. Бұл вакцина тиімді әрі қауіпсіз. Ал қазақстандық QazCovid-in вакцинасы әзірленіп жатыр. Оның технологиясы басқаша. Қазір клиникалық сынақтың үшінші кезеңі жүріп жатыр. Мен денсаулық сақтау министрі ретінде отандық вакцинаны салдыруды жөн көрдім”, – деді Цой ОКҚ-дағы онлайн-брифингте.
</blockquote>

Денсаулық сақтау министрі қандай вакцина салдырады?

<a href="https://kyzylorda-news.kz/">Kyzylorda-news.kz</a>. 2023 жылдан бастап 1 сынып табалдырығын аттаған балалар латын графикасына негізделген қазақ әліпбиімен білім ала бастайды. Бұл туралы ҚР Мәдениет және спорт министрлігі Тіл саясаты комитетінің төрағасы Әділбек Қаба айтты, деп хабарлайды <a href="https://www.inform.kz/kz/2023-zhyly-1-synyptarga-latyn-grafikasyna-negizdelgen-kazak-alipbii-engiziledi_a3751661">ҚазАқпарат</a>.
<blockquote>
 «Өздеріңізге белгілі, жақында Үкімет жанындағы Ұлттық комиссияда жетілдірілген латын графикалы қазақ әліпбиі қаралып, мақұлданған болатын. Ғалымдарымыз бұл бағытта 1,5 жылдан астам уақыт бойы жұмыс істеді. Әліпби бүкіл республика бойынша ашық талқыланып, сынамалар, бейімдеу жүргізілді. Сөйтіп, әліпбиіміздің жазылуы, оқылуы, қолданысы жан-жақты зерделенді. Бұл әліпби алдағы уақытта Президент қарауына ұсынылады. Бекітілген жағдайда алдағы уақытта кестеге сәйкес кезең-кезеңімен латын әліпбиіне көшу жұмыстары жүргізіледі», – деді комитет төрағасы «Мемлекеттік тіл – халықты ұйыстыру құралы» тақырыбындағы отырыс барысында.
</blockquote>
Оның атап өтуінше, биыл латын графикасына негізделген қазақ әлібиін жетік білетін мұғалімдер даярланып, орфографиялық, орфоэпиялық сөздіктер, анықтамалар әзірленеді.
<blockquote>
 «Яғни, 2021 жыл латын графикасына негізделген қазақ әлібиін оқытуға дайындық жылы болып есептелінеді. 2022 жылы балабақшада тәлім-тәрбие алып жатқан балалар оқи бастайды. Ал 2023 жылдан бастап 1 сынып табалдырығын аттаған балалар латын графикасына негізделген қазақ әліпбиін оқиды. Демек, 2031 жылы латын графикасына негізделген қазақ әліпбиінде білім алған алғашқы түлектеріміз мектеп бітіріп, үлкен өмірге аяқ басады», – деді Әділбек Қаба.
</blockquote>
Айта кетейік, аталған отырыстың мақсаты – Қазақстан Республикасы Үкіметінің жанындағы Ұлттық комиссия мақұлдаған жетілдірілген латын графикасындағы қазақ әліпбиі мен емле ережелерін қоғамда кеңінен насихаттау және жаһандану кезеңіндегі қазақ тілін дамыту мәселелерін талқылау.

2023 жылы 1 сыныптарға латын графикасына негізделген қазақ әліпбиі енгізіледі

<a href="https://kyzylorda-news.kz/">Kyzylorda-news.kz</a>. Қазақстанда 13 мыңнан астам медицина қызметкері «Спутник V» вакцинасын салдырды. Бұл туралы Орталық коммуникациялар қызметінде өткен брифингте денсаулық сақтау министрі Алексей Цой мәлімдеді.
<blockquote>
 «Қазақстанда Қарағанды фармацевтикалық кешені шығаратын «Спутник V» вакцинасын жеткізу және пайдалану жоспарлануда. Қазірдің өзінде 90 мың доза көлемінде бірінші партияның өндірісі басталды. Ол Бірыңғай дистрибьютордың қоймаларына және одан әрі өңірлерге ақпан айының соңына қарай жөнелтіледі. Шілде айына дейін өндіріс көлемі 2 млн дозаға жетеді. Бұдан басқа, елімізде отандық өндірістің КВИ-ға қарсы «КазКОВИД-ин» вакцинасын бірінші кезеңде шамамен 2 млн. доза көлемінде пайдалану болжанып отыр»,- деді министр.
</blockquote>
А.Цой вакцинация 400 жылдан астам уақыт бойы адамзаттарды шешек, оба сияқты қауіпті, өлімге әкелетін аурулардан қорғап келгенін айтты. Соңғы 30 жылда эпидемиялық паротитпен сырқаттанушылықтың 870 еседен артық төмендегені, халық арасында «В» вирустық гепатитімен сырқаттанудың 150 есеге, көкжөтелмен сырқаттанудың 7,3 есеге төмендегені байқалды. Қазіргі уақытта, полиомиелит, дифтерия, сіреспе, қызамық сияқты т.б. инфекциялар ұмытылады.
<blockquote>
 «Осы аптада эпидемиологиялық жағдайдың матрицасы бойынша ҚР орташа қауіпті аймақтан тәуекелі төмен аймаққа өтті. Атап айтқанда, 3 өңір – Ақмола, Павлодар облыстары және Нұр-Сұлтан қаласы қызыл аймақта тұр. Сары аймақта – 3 өңір – Батыс Қазақстан, Қостанай, Солтүстік Қазақстан облыстары бар. Қалған 11 өңір жасыл аймақта», -деді Алексей Цой.
</blockquote>

«Спутник V» вакцинасын 13 мыңнан астам медицина қызметкері салдырды

<a href="https://kyzylorda-news.kz/">Kyzylorda-news.kz</a>. Бүгін Қызылорда қаласының әкімі Нұрлыбек Нәлібаев өткен жылды қорытындылап, жыл көшінде атқарылған жұмыстар мен қол жеткен жетістіктерді тұрғындарға кеңінен баяндап, халық алдында есеп берді.
Карантин талаптарына байланысты онлайн форматта өткен есептік кездесуге облыс әкімі Гүлшара Әбдіқалықова қатысты.
Есептік кездесуін қаланың экономикалық көрсеткіштерінен бастаған шаһар басшысы сөзін жыл ағымында жүзеге асқан жарқын жобалармен жалғады.
«Жалпы жыл қорытындысында Сырдың бас шаһары қаланың әлеуметтік-экономикалық даму қарқынын сипаттайтын барлық негізгі көрсеткіштері бойынша оң нәтижелерге ие болды» – деген, қала әкімі өткен жылы 1 мың 342 қызылордалық баспаналы болғандығын және қазіргі таңда 38 көпқабатты тұрғын үй құрылысының жүргізіліп жатқандығын да атап өтті. Сондай-ақ, соңғы жылдары қалада бірнеше жаңа тұрғын аудан бой көтеріп, 194 көпқабатты тұрғын үй пайдалануға берлігендігін жеткізді.
Шаһар басшысы соңғы жылдары қарқынды құрылыс алаңына айналған облыс орталығының даму динамикасына жоғары деңгейде жүргізіліп жатқан жол жөндеу жұмыстарының да оң әсері барын сөз етіп, жасалған жұмыстарға тоқталды.
Өткен жылы қала аумағында 408 көше түрлі деңгейде жөндеуден өтті. Одан бөлек бірнеше қалалық маңызы бар магистральдар пайдалануға берілді. Мәселен, Ғ.Мұратбаев көшесіндегі көпір мен «Батыс Еуропа-Батыс Қытай» күре жолын жалғайтын ұзындығы 5 шақырымға созылған магистральдың аяқталуы мен аталған жолды автодәлізбен қосуға «Шіркейлі» каналы арқылы өтетін көпір салу өткен жылдың жарқын жетістіктерінің бірі.
Жалпы соңғы жылдары қалада жол құрылысын дамытуға 30 млрд-қа жуық қаржы тартылып, 840 шақырымды құрайтын 1 мың 177 көше жөндеуден өткен.
Жыл көлемінде жеке кәсіпке бет бұрып, мемлекеттік бағдарламалардың игілігін көрген азаматтар да аз болмады. «Бизнестің жол картасы» негізінде 30 тұрғын 57 млн. теңге мемлекеттік қайтарымсыз грант алды. Аталған бағдарлама аясында кәсібіне қолдау тапқан кәсіпкерлердің 161 жобасы 6 млрд. 500 млн. теңгеге қаржыландырылған. Қарапайым заттар экономикасын дамыту бағытын таңдаған 13 азаматтың кәсібін дамытуға 968 млн. теңге бөлініп, «Жаңа бизнес идеяларды» іске асыруға 1 мың 355 азамат 750 млн. теңге көлемінде мемлекеттік грант алған.
Одан әрі сөзін мемлекеттік бағдарламалармен сабақтастырған қала әкімі жылды жоғары көрсеткіштермен қорытындылауға Ел Президентінің бастамасымен жүзеге асқан Жұмыспен қамту «Жол картасы» оң әсерін тигізгендігін ерекше атап өтті. Сонымен бірге Жол картасы аясында жыл бойы атқарылған жұмыстарды жіктеп, халыққа талдап, тарқата айтып берді.
Жол картасы шеңберінде қалада бірнеше мәдениет, білім нысандары күрделі жөндеуден өткізілді. Бөлінген қаражаттарға бұдан бөлек аллеялар, көппәтерлі тұрғын үй аулаларына 45 ойын алаңы, 68 көшеге жаяу жүргінші жолы салынып, 70 дана жаңа аялдамалар орнатылды.
Жылдың жақсы жетістіктерінің, әрбір атқарылған істің артында елдің ауызбіршілігі мен атқарған жұмысы, еселі еңбегі жатыр деген шаһар басшысы биылғы жоспарға енген жұмыстардың маңыздыларымен де бөлісті.
<blockquote>
 «Ағымдағы жылы СПМК-70 және Сырдария өзенінің сол жағалауында 1 мың 290 пәтерлі тұрғын үйлер құрылысы «Нұрлы жер» бағдарламасы арқылы жүргізіліп, апаттық үйлерде тұратын отбасылар үшін 50 пәтерлік тұрғын үй салынып, аз қамтылған көп балалы жанұяларды тұрғын үймен қамту үшін 192 тұрғын үй сатып алынатын болады. Жол картасының шеңберінде Қызылжарма ауылдық округінде 900 орындық, Бәйтерек шағын ауданында 600 орындық, мектептер бой көтереді» – деді, қала әкімі Нұрлыбек Нәлібаев.
</blockquote>
Бұдан бөлек қалада көгалдағы хоккей алаңы, көп қабатты үйлердің аулаларына 10 ойын алаңы, Тасбөгет кентінде денешынықтыру–сауықтыру кешені салынады.
Жылдың жоспарына еніп, басымдық берілген жұмыстардың қатарына Ғ.Мұратбаев – С.Бейбарыс көшелерінде орналасқан көпірлер аралығындағы сол жағалаудағы магистральдың 2 шақырымды құрайтын жалғасының құрылысын жүргізу мен С.Бейбарыс көшесіндегі көпірден Эдельвейс саяжайы арқылы Тұңғыш Президент саябағына дейінгі аралықты қамтитын 1,1 шақырым көше салу енген. Сонымен бірге жоспарда Тәуелсіздік даңғылының жалғасы саналатын 95% жұмыстары біткен “Қызылжарма” каналына дейінгі магистральды аяқтау да бар.
Бұл жолдардың алғашқы екеуінің құрылысы жыл соңына дейін аяқталып, ел игілігіне берілетін болса, Тәуелсіздік даңғылының жалғасы толығымен сәуір айында пайдалануға беріледі. Шет аймақтарда да жол жөндеу қарқыны саябырсымай,51 шақырым болатын 94 көшеге қиыршық тас төсеу жұмыстары жүргізілетін болады.
Бір жылдық белесті бағалап, алдағы жоспарларды айқын жеткізген қала әкімі есептік кездесуді халықтың ұсыныс-пікірін, өтініш-тілегін тыңдаумен жалғады. 
Есептік кездесудегі ел тілегі жер, тұрғын үй, түнгі жарықтандыру, электр бағаналарын ауыстыру, жол жөндеу жұмыстарына қатысты болды.
Тұрғындардың талап тілегін мұқият тыңдаған қала әкімі әр мәселенің назардан тыс қалмай уақытылы шешімін табатындығын айтып, «Барлығы өз бақылауымда болады» – деп, түйіндеді.
Есептік кездесудің қорытындысында аймақ басшысы Гүлшара Әбдіқалықова қала әкімінің жұмысына оң бағасын беріп, алдағы бастамаларына сәттілік тіледі.
<blockquote>
 «Атқарылған жұмыс халықтың көз алдында. Біз облыс орталығының даму үдерісінен оң динамика байқап отырмыз. Қазір қаланың 98 пайызы газбен қамтылған, 86 пайыз жолдары қанағаттанарлық деген бағаға лайық. Бұл жақсы көрсеткіш. Туған жерді түлетуде бар күш-жігерімізді аямайық» – деген облыс әкімі барша қызылордалықтарды өңірді дамыту жолында бірлесіп жұмыс істеуге үндеді.
</blockquote>
<img src="https://kyzylorda-news.kz/wp-content/uploads/2021/02/fb_img_1612954494712.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612954503232.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612954520513.jpg" alt="" />

Қызылорда қаласының әкімі халық алдында есеп берді

<a href="https://kyzylorda-news.kz/">Kyzylorda-news.kz</a>. Қызылорда қаласында коронавирус инфекциясына қарсы егу жұмыстары 1-ақпанда басталды.
Он күн ішінде 640 адам екпе салдырды. 1 ақпан күні – 105, 2 ақпан күні – 165, 3 ақпан – 70, 4 ақпан – 60, 5 ақпан – 60, 8 ақпан – 60, 9 ақпан күні – 60, 10 ақпан – 60 адамға коронавирус инфекциясына қарсы екпе салынды. Айта кетейік, олардың 617-і медициналық қызметкерлері болса, 23 – басқа саланың өкілдері.
<blockquote>
 “Облыс бойынша медицина ұйымдарында 154 екпе кабинеті бар. Соның ішінде коронавирустық инфекцияға қарсы вакциналауға 32 екпе кабинеті мен 12 жылжымалы егу бригадалары дайындалды. Осы кезге дейін вакцина салдырғандар арасында шағым болған жоқ. Денсаулықтары тұрақты бақылауда”, – деді облыстық денсаулық сақтау басқармасының басшысы Сәбит Пазилов.
 “COVID-19″ инфекциясына қарсы екпе жұмыстары қаладағы №1, №3, №6 емханалар базаларында жүргізілуде. Екпе салдырған азаматтар арасында егуден кейінгі ауыр түрдегі асқынулар орын алған жоқ”, – деді облыс бойынша санитариялық-эпидемиологиялық бақылау департаменті басшысының орынбасары Әлия Әбдіқайымова.
</blockquote>
Облыс бойынша бүгінгі күнге дейін коронавирус инфекциясымен 3666 науқас тіркелсе, соңғы тәулікте 9 жағдай анықталып отыр. Олардың 96,5 пайызы емделіп шыққан. Қазір инфекциялық стационарда 30 науқас ем алуда. Оның 3-уі жансақтау бөлімінде жатыр.

Қызылордада 640 адам екпе салдырды

Kyzylorda-news.kz. Қызылорда облысында өткен жылы 124 миллиард теңгенің 2900 мемлекеттік сатып алу конкурсы өткізілді. Нәтижесінде 8,9 млрд теңге үнемделді. Бұл туралы Өңірлік коммуникациялар қызметінің ақпарат алаңында өткен брифингте облыстық мемлекеттік сатып алу басқармасының басшысы Ғалым Едігеев мәлімдеді.
«Мемлекеттік сатып алуларды орталықтандыру» пилоттық жобасы жүзеге асуда. Жоба аясында облыс бойынша 2733 конкурс ұйымдастырылды.
<blockquote>
 “Бұл заңнама талаптарын қолданудың біркелкі тәжірибесін қалыптастырып, саланы кәсібилендіруге кезекті қадам деуге болады. Себебі, саладағы бұзушылықтар үшін әкімшілік жауапқа тартылғандар саны өткен жылмен салыстырғанда 25 пайызға азайды. Бүгінде мемлекеттік сатып алу заңдылығын жетілдіру бағытында ұсыныстар енгізу тәжірибесіне сүйенудеміз. Мемлекеттік сатып алу орталықтандырылған түрде бір жерден өткізілуде”, – деді облыстық мемлекеттік сатып алу басқармасының басшысы Ғалым Едігеев.
</blockquote>

Қызылорда: Мемлекеттік сатып алу конкурсы бойынша 8,9 млрд теңге үнемделді

<a href="https://kyzylorda-news.kz/">Kyzylorda-news.kz</a>. Мәжіліс депутаттары еңбек кодексіне қашықтан жұмыс істеу бойынша өзгерістер мен толықтырулар енгізу туралы заң жобасын талқылады, деп хабарлайды <a href="https://24.kz/kz/zha-aly-tar/o-am/item/454515-ashy-tan-zh-mys-isteu-e-bek-kodeksine-zgerister-engiziledi">«Хабар 24»</a>.
Бұл заң жобасы депутаттарының бастамасымен жасалды. Пандемия қызметкерлерді қашықтан жұмыс істеуге ауыстыру шараларын жетілдіру қажеттігін көрсетті. Осыған байланысты еңбек қатынастарын реттеу маңызды. Заң жобасында уақытша және аралас жұмыс, қызметкерлер мен жұмысберуші арасындағы жұмыс режимдері қаралған. Заң бойынша қорытынды әзірленіп, кей тұстары жетілдіріледі.

Қазақстан және Қызылорда облысының жаңалықтары

Қызылордалықтар “102” қосымшасының тиімділігін жоғары бағалады

COVID-19: Өткен тәулікте 12 науқас сырқатынан айықты

Қызылорда: 9 адам коронавирус инфекциясын жұқтырды

11 ақпанға арналған ауа райы болжамы

Қызылордада Конго-Қырым геморрагиялық қызбасының алдын алу шаралары пысықталды

Денсаулық сақтау министрі қандай вакцина салдырады?

2023 жылы 1 сыныптарға латын графикасына негізделген қазақ әліпбиі енгізіледі

«Спутник V» вакцинасын 13 мыңнан астам медицина қызметкері салдырды

Қызылорда қаласының әкімі халық алдында есеп берді

Қызылордада 640 адам екпе салдырды

Қызылорда: Мемлекеттік сатып алу конкурсы бойынша 8,9 млрд теңге үнемделді

Қашықтан жұмыс істеу: Еңбек кодексіне өзгерістер енгізіледі

Қазақстан және Қызылорда облысының жаңалықтары

Қызылордалықтар &#8220;102&#8221; қосымшасының тиімділігін жоғары бағалады

COVID-19: Өткен тәулікте 12 науқас сырқатынан айықты

Қызылорда: 9 адам коронавирус инфекциясын жұқтырды

11 ақпанға арналған ауа райы болжамы

Қызылордада Конго-Қырым геморрагиялық қызбасының алдын алу шаралары пысықталды

Денсаулық сақтау министрі қандай вакцина салдырады?

2023 жылы 1 сыныптарға латын графикасына негізделген қазақ әліпбиі енгізіледі

«Спутник V» вакцинасын 13 мыңнан астам медицина қызметкері салдырды

Қызылорда қаласының әкімі халық алдында есеп берді

Қызылордада 640 адам екпе салдырды

Қызылорда: Мемлекеттік сатып алу конкурсы бойынша 8,9 млрд теңге үнемделді

Қашықтан жұмыс істеу: Еңбек кодексіне өзгерістер енгізіледі

Қызылордалықтар “102” қосымшасының тиімділігін жоғары бағалады