<a href="https://kyzylorda-news.kz/">Kyzylorda-news.kz.</a>&nbsp; Қазіргі таңда қоғамда алаяқтықтың түрі көбейген. Күн сайын мақсатына оңай жету үшін адамдар қаражат беріп, алаяқтардың құрбаны болуда.
Солардың бірі 31 жастағы қала тұрғыны 12 ақпан күні Қызылорда қалалық Полиция бөліміне арызданған.
Арызда ол осыдан үш ай бұрын бір азаматша «ипотекаға үй алып беремін» деп сеніміне кіріп, 350&nbsp;000 теңгесін алған. Алайда уәде берген азаматша осы кезге дейін үй де, ақша да қайтармай алдап жүргенін көрсеткен.
Полиция қызметкерлерімен жүргізілген жедел-іздестіру шараларының нәтижесінде бұрын сотты болған 52 жастағы қала тұрғыны анықталып, ұсталды.
Аталған дерек бойынша Қазақстан Республикасы Қылмыстық кодексінің 190 бабының 2 бөлігімен (Алаяқтық) сотқа дейінгі тергеп-тексеру амалдары жүргізілуде.

«Ипотекаға баспана алып беремін»: Қызылордада жұртты алдаған алаяқ ұсталды

<a href="https://kyzylorda-news.kz/">Kyzylorda-news.kz.</a> «Қазақстан кәрістер қауымдастығы» Қызылорда облыстық филиалының ұйымдастырумен облыстық Қазақстан халқы Ассамблеясының қолдауымен кәріс халқының Жаңа жылы – Сольналь мерекесі тойланды.
Салтанатты кешке «Қоғамдық келісім» КММ өкілдері, облыстағы кәрістер этносы, облыстық этномәдени бірлестіктерінің басшылар мен мүшелері, бірлестіктің ардагерлері, мүмкіндігі шектеулі жандар қатысты.
Мерекеге орай жиылған қауым алдында «Қоғамдық келісім» КММ директорының орынбасары Мартана Дәулетбаева, мекеменің бөлім басшысы Асылбек Жұмабаев, облыстық Ассамблея жанындағы Аналар кеңесінің төрайымы Рахима Ахметова, «Қазақстан кәрістер қауымдастығы» Қызылорда облыстық филиалының жетекшісі Елена Ким және өзге этномәдени бірлестіктерінің жетекшілері сөз сөйлеп, кәріс халқын Жаңа жыл мерекесімен құттықтады. Сондай-ақ, кәрістер этномәдени орталығының ардагерлері мен белсенді мүшелеріне сый сияпат көрсетілді.
Ай күнтізбесі бойынша тойланатын жаңа жылдық мереке биылғы күнтізбеге сай 12 ақпанға тұспа-тұс келді. Жаңа жылда кәріс этносы басымдықты отбасыға беретін көрінеді. Олар жас буынға, өскелең ұрпаққа ата-бабаның себэ салтын насихаттап, үлкендерді құрметтеуге шақыратын Жаңа жылды тек отбасымен бірге барлық жоралғыларды өз кезегімен орындады.
Сольналь мерекесіне қатысушылардың назарына “Алекс” хореографиялық ұжымының билері, қазақ және Латын Америка билері, әртүрлі тілдердегі әндер, сондай-ақ барлық тілек білдірушілер қатыса алатын ән байқауы өткізілді.
<img src="https://kyzylorda-news.kz/wp-content/uploads/2021/02/150841298_2872101056442389_8525760648024646761_o.jpg" alt="" />
<img src="https://kyzylorda-news.kz/wp-content/uploads/2021/02/150607776_2872100649775763_2218576853216358004_o.jpg" alt="" />
<img src="https://kyzylorda-news.kz/wp-content/uploads/2021/02/150110040_2872100546442440_9118310370234669077_o.jpg" alt="" />

Қызылордада сольналь мерекесі тойланды

<a href="https://kyzylorda-news.kz/">Kyzylorda-news.kz.</a>&nbsp; Өңірде өткен жылы коронавируспен күрескен 16035 медицина қызметкеріне 3 млрд. теңге үстемақы төленді. Ал биыл қаңтар айында 1060 денсаулық саласының мамандарына 152,7 млн. теңге алды. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сәбит Пазилов мәлімдеді.
<blockquote>
 «Індетпен күресіп жүрген аймақтағы медицина қызметкерлеріне үстемақы өткен жылдың наурыз айынан бастап төленіп келеді. Өздеріңіз білесіздер, елімізде шілде айында жағдай күрделенді. Дәл осы айда өңірдегі 3458 денсаулық сақтау саласының маманына бір миллиард теңгеге жуық үстемақы берілді. Бұл жұмыстар биылда жалғасын табуда. Мәселен, қаңтар айында 1060 медицина қызметкеріне 152,7 млн. теңге үстемақы төленді. Басым бөлігі сүзгі бөлімшелері мен мобильді топ қызметкерлері», – деді Сәбит Бексейітұлы.
</blockquote>
«COVID-19» коронавирусын жұқтырудың тәуекел топтары үшке бөлінеді.
Біріншісі өте жоғары топ. Яғни, коронавирусы бар пациенттерге медициналық көмек көрсету үшін анықталған реанимация бөлімшелері мен басқа да стационарларды қоса алғанда, инфекциялық стационарлардың дәрігерлері, орта және кіші медицина қызметкерлері жатады. Тиісінше оларға 850 мың теңгеден үстемақы төленді.
Екіншісі жоғары топ деп аталады. Оған провизорлық стационарлардың дәрігерлері, орта және кіші медицина қызметкерлері, жедел медициналық жәрдем, оның ішінде амбулаториялық-емханалық ұйымдар жанындағы дәрігерлер мен фельдшерлер, сондай-ақ олар тартылған жағдайда санитарлық авиацияның дәрігерлері мен орта медицина қызметкерлері жатады. Оларға 425 мың теңгеден үстемақы берілді.
Үшіншісі орташа топ. Оған карантиндік стационарлардың дәрігерлері, орта және кіші медицина қызметкерлері, жедел медициналық көмек бригадаларының жүргізушілері, сондай-ақ эпидемияға қарсы іс-шараларды жүргізуге тікелей қатысатын зертханалардың мамандары, санитариялық-эпидемиологиялық қызмет қызметкерлері, жіті респираторлық вирустық инфекциялары, пневмониясы бар пациенттерді қабылдауға және эпидемияға қарсы іс-шараларға байланысты биологиялық материалды алуға айқындалған шұғыл стационарлардың қабылдау бөлімшелерінің және алғашқы медициналық-санитариялық көмек ұйымдарының қызметкерлері, Төтенше жағдай жөніндегі жедел штабтың және облыстар, республикалық маңызы бар қалалар мен астана әкімдіктерінің аумақтық штабтарының мүшелері, блок-бекеттерде карантиндік режимді қамтамасыз ететін денсаулық сақтау қызметкерлері жатады. Оларға 212,5 мың теңгеден аспайтын үстемақы берілді.

Қызылордада 17 мыңнан астам медицина қызметкеріне үстемақы төленді

<a href="https://kyzylorda-news.kz/">Kyzylorda-news.kz.</a>&nbsp; Қазақстан президенті Қасым-Жомарт Тоқаев пандемияның әлеуметтік салаға кері әсері қылмыстың көбеюіне әкеп соғуы мүмкін екенін ескертті. Мемлекет басшысы құқық қорғау органдарын осыған дайын болуға шақырды, деп хабарлайды&nbsp;<a href="https://www.akorda.kz/kz">Ақорда.</a>
Бас прокуратураның басшылығымен өткен кеңесте Тоқаев еліміздегі криминогендік ахуалға назар аударды.
Мемлекет басшысы карантиндік шектеулер кезінде қылмыстық іс-әрекеттердің едәуір азайғанына қарамастан, шектеулер жеңілдетілгеннен кейін, керісінше, күш-жігерді жұмылдыра түсу қажет екенін айтты.
<blockquote>
 “Пандемияның экономика мен әлеуметтік салаға тигізген кері әсері қылмыс пен құқық бұзушылыққа жол ашуы мүмкін. Құқық қорғау органдары осыған дайын болуға тиіс. Еліміздегі күрделі ахуалды пайдаланып қалуға тырысатын қылмыстық топтардың кез келген іс-әрекеттерін бесігінде тұншықтыру керек”, – деп тапсырды Тоқаев.
</blockquote>
Президент Қылмыстық кодексті оңтайландыру жөнінде берген тапсырмасын еске салды. Бас прокуратура бұл жұмысты құқық қорғау органдарымен, арнайы мемлекеттік органдармен және әділет министрлігімен үйлестіре отырып, атқаруы тиіс. Тоқаевтың пікірінше, аталған мәселеде қоғам пікірін, қоғам белсенділері мен сарапшылардың ұсыныстарын міндетті түрде ескеру қажет.
<blockquote>
 “Жедел тергеу аппаратының күшін болмашы құқық бұзушылықтарға жұмсауға болмайды. Қызметкердің жұмысы шаш етектен болған кезде, оған істі рәсімдеп, сотқа жіберген оңай. Ол осыған басымдық береді. Мұндай жағдайда азаматтардың құқықтары мен қылмысқа қарсы нақты күрес екінші орында қалып қояды. Сондықтан елімізде жәбірленушілер тергеушілердің қандай да бір жұмыс нәтижесін айлап күтеді”, – деді ол.
</blockquote>
Айтуынша, тергеу органдарының кәсіби кадрлармен толық қамтамасыз етілмеуі жағдайды ушықтырып жібереді.
Прокуратура барлық құқық қорғау жүйесінің қызметін үйлестіруші ретінде мұндай мәселелерге уақытылы мән беріп, әріптестерімен бірге оны шешуі керек, деп толықтырды президент.

Мемлекет басшысы құқық қорғаушыларды пандемияның кері әсеріне дайын болуға шақырды

<a href="https://kyzylorda-news.kz/">Kyzylorda-news.kz.</a>&nbsp; Елбасы белгілі ақын, Қазақстанның еңбек сіңірген қайраткері Шөмішбай Сариевтің қайтыс болуына байланысты отбасы мен туған-туыстарына көңіл айту жеделхатын жолдады, деп хабарлайды&nbsp;<a href="https://elbasy.kz/kk/news/2021-02/elbasy-belgili-akyn-kazakstannyn-enbek-sinirgen-kayratkeri-shomishbay-sarievtin-kaytys">elbasy.kz</a>&nbsp;сайты.
Қазақстанның Тұңғыш Президенті белгілі ақын, Қазақстанның еңбек сіңірген қайраткері Шөмішбай Сариевтің өмірден өтуіне байланысты ауыр қайғыға ортақтасып, көңіл айтты.
<blockquote>
 «Шөмішбай Нағашыбайұлы қазақ поэзиясының көрнекті өкілі, тәуелсіз еліміздің шынайы патриоты ретінде ұлттық әдебиетіміз бен руханиятымыздың дамуына сүбелі үлесін қосып, артына мол мұра қалдырды. Ол қалың оқырманға лирикалық жырларымен қатар көптеген ән мәтіндері арқылы кеңінен танылған талант иесі болатын.
 Көпшіліктің ыстық ықыласына бөленген қарымды қаламгер, дарынды тұлға, абзал азаматтың ғибратты ғұмыры мен жарқын бейнесі жұртшылық жадында әрдайым сақталады деп сенемін», – делінген жеделхатта.
</blockquote>
Қазақстанның еңбек сіңірген қайраткері Шөмішбай Сариев 75 жасқа қараған шағында&nbsp;<a href="https://kyzylorda-news.kz/kogam/belgili-aqyn-shoemishbaj-sariev-duenie-saldy-99532/">қайтыс болды.</a>

Елбасы Шөмішбай Сариевтің қайтыс болуына байланысты көңіл айту жеделхатын жолдады

<a href="https://kyzylorda-news.kz/">Kyzylorda-news.kz.</a> Кеңес әскерлерінің Ауған жерінен шығарылғанына биыл – 32 жыл. Осыған орай Қазалы ауданында Ауған соғысы ардагерлерінің құрметіне арналған салтанатты жиын өтті.
Аталған шарада аудан әкімі Мұрат Ергешбаев тыныштық пен бейбітшілік орнату жолындағы еңбегі үшін интернационалист жауынгерлерге жылы лебіздерін білдірді.
Аудан басшысы сонымен қатар биыл «Тәжік-Ауған» әскери қақтығысының аяқталғанына 20 жыл толғанын айтты.
<blockquote>
 «1993 жылдың 15 сәуірінде ҚР Жоғарғы кеңесінің «Тәжік-Ауған учаскесіндегі ТМД-ның сыртқы шекарасын күшейту туралы» қаулысымен жеке құрама атқыштар батальоны құрылды. Сегіз жылға созылған ұрысқа сегіз жарым мың қазақстандық қатысқан. Бүгін айтулы датаға байланысты Ауған соғысы ардагерлерімен бірге «Тәжік-Ауған» қақтығысына қатысушы ардагерлерімізге де құрмет көрсетуді жөн көрдік.Тәжікстанда Ауған содырлары шекара арқылы есірткі мен қару-жарақ тасып, шекара бұзған қарулы топтарға тосқауыл қою мақсатында 1993-2001 жылдар аралығында бітімгершілік операциясы жүргізіліп, қақтығыс аймағында 35 қазақстандық сарбаз қаза тапқан.
 Жалпы аудан бойынша «Тәжік – Ауған» қақтығысына 27 қазалылық аттанып, 1 азамат Тәжік даласында қаза тапты. Ал, 3 жерлесіміз елге келіп қайтыс болды. Қазіргі таңда 23 азамат ортамызда жүр», – деді.
</blockquote>
Мұнан соң аудан әкімі Мұрат Ергешбаев «Тәжік – Ауған» әскери қақтығысына қатысқан бірқатар қазалылыққа 20 жылдық мерекелік медаль мен «Алғыс» хатты табыстады.
Салтанатты шарада аудандық ардагерлер кеңесінің төрағасы Оразғали Бекбановжәнеауған соғысы ардагерлері мен мүгедектер Одағы «Ардагер» қоғамдық бірлестігінің төрағасы Айдар Әлиев құттықтау сөз сөйлеп, жылы лебіздерін білдірді.
Ал, «Тәжік-Ауған» әскери қақтығысы ардагерлерінің Қазалы ауданы бойынша төрағасы Руслан Баймбетов бірқатар ардагерлердің иығына шапан жауып, сый-құрмет көрсетті.
<img src="https://kyzylorda-news.kz/wp-content/uploads/2021/02/dsc_7446-scaled.jpg" alt="" />
<img src="https://kyzylorda-news.kz/wp-content/uploads/2021/02/dsc_7458-scaled.jpg" alt="" />
<img src="https://kyzylorda-news.kz/wp-content/uploads/2021/02/dsc_7452-scaled.jpg" alt="" />

Мұрат Ергешбаев Ауған соғысы ардагерлеріне құрмет көрсетті

<a href="https://kyzylorda-news.kz/">Kyzylorda-news.kz.</a> Қазақстанда Наурыз 10 күн тойлануы мүмкін. Ашық НҚА сайтында Наурыз мейрамын атап өту тұжырымдамасын бекіту жобасы пайда болды.
Құжатқа сәйкес,
<ul>
<li>14 наурыз – “Көрісу күні”</li>
<li>15 наурыз – “Жайлау күні”</li>
<li>16 наурыз – “Шежіре күні”</li>
<li>17 наурыз – “Тарихқа тағзым күні”</li>
<li>18 наурыз – “Игі істер күні”&nbsp;</li>
<li>19 наурыз – “Шымырлық пен шеберлік күні”</li>
<li>20 наурыз – “Зияткерлік күні”</li>
<li>21 наурыз – “Ұлттық тағамдар күні”</li>
<li>22 наурыз – “Ұлыстың ұлы күні”</li>
<li>23 наурыз – “Жоралғы күні”.</li>
</ul>
<blockquote>
 “Наурыз мейрамын тойлауға қатысты іс-шаралар 14-23 наурыз аралығында өткізіледі (10 күн)”, – деп жазылған құжатта.
</blockquote>
Президент Қасым-Жомарт Тоқаев “Тәуелсіздік бәрінен қымбат” атты мақаласында көктем мерекесі – Наурыз мейрамының мазмұнын байыта түсетін тұжырымдама жасауды ұсынған болатын.
<blockquote>
 “Мейрам кезінде ұлттық құндылықтарды дәріптеу мақсатында халық жаппай ұлттық киімдерімізді киіп, төл ойындарымызды ұйымдастырып, көпшілік орындарда (сауда орталықтары, вокзал, әуежай, қонақүй т.б.) ұлттық музыка ойнатылуын қамтамасыз ету, салт-дәстүрлерімізді жаңғыртып, жас ұрпаққа Ұлыстың ұлы күнінің маңызы жөнінде өсиет, өнеге айтуы маңызды”, – деп жазылған тұжырымдамада.
</blockquote>
Құжаттың толық мәтінімен&nbsp;<a href="https://legalacts.egov.kz/npa/view?id=6821922">мына сілтеме</a>&nbsp;бойынша танысуға болады.
Наурыз 10 күн аталып өтеді. Қазақстандықтар бұл мейрамда&nbsp;<a href="https://sputnik.kz/society/20210204/16206992/qazaqstandyqtar-nauryzda-neshe-kun-demalady.html">бес күн</a>&nbsp;– 20,21,22,23,24 наурызда демалады. Наурыз мейрамының алғашқы күні жексенбіге сәйкес келгендіктен, демалыс күні сәрсенбі 24 наурызға ауыстырылды.
<a href="https://sputnik.kz/society/20210214/16286576/Nauryz-tujyrymdama.html">Sputnik.</a>

Наурыз қанша күн тойланады?

<a href="https://kyzylorda-news.kz/">Kyzylorda-news.kz.</a> Бүгін қала әкімінің орынбасары Асқарбек Есжанов қаладағы абаттандыру жұмыстары жүргізіліп жатқан бірқатар нысандарды аралады. Жұмыс барысында алдымен қайта жаңғыртудан өткен «Темір жол паркінің» салтанатты ашылу рәсіміне қатысты.
«Темір жол» саябағына «Жұмыспен қамту Жол картасы» аясында қайта жаңғыртылды. Мұнда қала тұрғындары үшін волейбол, баскетбол, теннис және спорттық жаттығу алаңдары мен субұрқақ салынған.
Ашылу салтанатында сөз алған Асқарбек Темірбекұлы жаңарған саябақтың заманауи кескініне ерекше тоқталып, ескінің естеліктерін көненің көзіндей сақтап, бүгінгі күнге маңызын жоғалтпай жеткізген құрылысшыларға алғыс білдірді. Сонымен бірге саябақ ел игілігіне ұзақ жылдар қызмет етіп, келушілерге қолайлы демалыс ортасына айналарына сенім білдіретіндігін жеткізді.
Ғ.Мұратбаев атындағы орталық стадионның аумағын абаттандыру қалада атқарылып жатқан ауқымды жұмыстардың бірі. Қазіргі таңда 9 мың шаршы метр жерге кеспе тас төсеу жұмыстары жүргізілуде. Келесі кезекте орындықтар мен түнгі жарық шамдарды орнату жұмыстары жүргізілмек. Аталған аумақты жаңғыртуға 65 адам жұмысқа тартылып, құрылыс жұмыстарын маусым айында аяқтау жоспарлануда.
Жұмыстардың жоспарға сай жүргізіліп жатқандығын көрген қала әкімінің орынбасары құрылысқа қолданылып жатқан өнімдердің барлығы отандық өнім екендігін атап өтті.
<img src="https://kyzylorda-news.kz/wp-content/uploads/2021/02/150840257_1231058517289658_6417732147942311624_o.jpg" alt="" />
<img src="https://kyzylorda-news.kz/wp-content/uploads/2021/02/150698648_1231058580622985_5720512033602830207_o.jpg" alt="" />
<img src="https://kyzylorda-news.kz/wp-content/uploads/2021/02/151026189_1231058503956326_3708580104862120576_o.jpg" alt="" />

Қызылордада теміржол паркі пайдалануға берілді

<a href="https://kyzylorda-news.kz/">Kyzylorda-news.kz.</a> Қызылорда облысындағы дәріханаларға GXP фармацевтикалық стандарттарының ендірілуі бойынша түсіндіру жұмыстары жүргізілуде. Жаңа жүйе фармацевтикалық препараттардың өндірісіне, сақталуы, тасымалдануы мен өткізілуіне қойылатын талаптарды белгілейді. Бастысы, халық қауіпсіз және тиімді дәрілермен кепілді қамтамасыз етілетін болады.
Қазіргі таңда облыста GDP (тиісті дистрибьюторлық практика) сертификаты бар 4 дәріханалық қойма және GРP (тиісті дәріханалық практика) сертификаты бар 16 дәріхана жұмыс істеуде.
<blockquote>
 «Биыл «Қызылорда» Өңірлік инвестициялық орталығы» ЖШС айналым қаражатымен 1% мөлшерлемемен 1 жыл мерзімге 17 фармацевтикалық ұйымға барлығы 281,2 млн теңге бөлінді. Бұл ұйымдардың 9-ы Қызылорда қаласында, қалған 8-і аудандарда (Аралда – 3, Қазалыда – 1, Сырдарияда – 1 , Шиеліде – 2, Жаңақорғанда – 1) орналасқан. Бүгінде осы бөлінген қаржыдан жалпы сомасы 237,4 млн. теңгеге ыстықты түсіретін антибиотиктер, вирусқа қарсы иммуностимулияторлар, медициналық бұйымдар, иньекциялық және гормондық препараттардың 5,7 млн астам қорабы сатып алынды. Қалған 43,8 млн теңгені құрайтын дәрілік заттар енді жеткізілмек», – деді облыстық медициналық және фармацевтикалық бақылау департаментінің бөлім басшысы Нұрсұлтан Ермекбаев.
</blockquote>
Айта кетейік, бүгінде облыста 277 – дәріхана; 40 – дәріхана қоймасы; 1 – медициналық бұйымдар қоймасы; 58 – дәріхана пункттері; 2 – дәріхана дүңгіршегі; 15 – оптика дүкені бар.

Қызылорда: Дәріханаларға GXP фармацевтикалық стандарттары енгізіледі

<a href="https://kyzylorda-news.kz/">Kyzylorda-news.kz.</a>&nbsp;Қазақстанның еңбек сіңірген қайраткері, Франц Кафка атындағы халықаралық сыйлықтың және «Платинды Тарлан» сыйлығының лауреаты, ақын Шөмішбай Сариев 75 жасқа қараған шағында дүниеден өтті.
Шөмішбай Сариев 1946 жылы 15 сәуірде Қызылорда облысы, Арал ауданы, Шөміш стансасында дүниеге келген. Қамбаш орта мектебін бітірісімен, Қазалы аудандық «Ленин туы» және Арал аудандық «Толқын» газеттерінде қызмет атқарған. 1971 жылы ҚазМУ-дің журналистика факультетін бітірген.
1970–1974 жылдары «Қазақстан» баспасында редактор, «Жұлдыз» журналында бөлім меңгерушісі, Қазақстан Республикасы ҰҒА-ның М.О.Әуезов атындағы Әдебиет және өнер институтында ғылыми қызметкер, аға ғылыми қызметкер болған. 1996 жылы «Қазіргі қазақ лирикасының ізденістері» атты тақырыпта ғылым кандидаты дәрежесін иеленді. «XX ғасырдың жиырмасыншы жылдардағы поэзиясы» атты монография жазған.
«Ғашықтар жыры», «Бозжорға» атты авторлық бейнетаспасы жарық көрді. Г.Гулиа, О.Берггольц, И.Абашидзе, С.Викулов, А.Дементьев, Ф.Алиева, Р.Рождественский, М.Эминеску, т.б. ақындардың өлеңдерін қазақ тіліне аударған.
Алғашқы жыр жинағы 1974 жылы «Балдәурен» деген атпен жарық көрген. Содан бергі аралықта қазақ, орыс тілдерінде он бес шақты кітабы шықты. 1994 жылы «Жазушы» баспасынан таңдамалы өлеңдер томдығы, 1992 жылы «Сүйінші» деген атпен ән өлеңдері жеке жинақ боп басылған.
Фр.Кафка атындағы халықаралық сыйлықтың лауреаты (2003). «Тарлан» сыйлығының иегері (2004). Қазақстанның еңбек сіңірген қайраткері.

Белгілі ақын Шөмішбай Сариев дүние салды

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова Байқоңыр қаласы, Төретам кенті және Ақай ауылының ардагерлерімен кездесті.
<blockquote>
 «Жыл басында Сіздермен кездесіп, елдегі ахуал жайлы пікірлесіп, жүздесуді жөн көрдім. Біз қашанда қарттарымызды ұлықтап, құрметімізді танытып келеміз. Облыста, аудандарда, ауылдық округтерде «Ардагерлер кеңесі» жұмысы жолға қойылған. Зейнетке шықсаңыздар да, қоғамдық жұмысқа белсенді араласып, жастарға үлгі болып келесіздер. Алдағы уақытта аймақтағы маңызды шараларды Өздеріңізбен бірге ақылдаса отырып жүзеге асыратын боламыз», – деді Гүлшара Әбдіқалықова.
</blockquote>
Жиында Байқоңыр кешенінің жұмысы мен Байқоңыр қаласы, Төретам кенті және Ақай ауылының әлеуметтік-экономикалық дамуы, денсаулық, тұрғын үй коммуналдық, жол және әлеуметтік мәселелер сөз болды.
Соңғы отыз жылда алғаш рет Байқоңыр қаласының Бас жоспарына сәйкес Қазақстан Республикасының қаражаты есебінен 50 пәтерлі 5 тұрғын үйдің құрылысы салынып, қала тұрғындарына берілді. Биыл тағы бес көп пәтерлі тұрғын үйдің құрылысы басталады деп жоспарлануда.
Қалада барлық көп пәтерлі тұрғын үйлер мен кейбір шағын және орта бизнес нысандары газдандырылып, табиғи газды төлеу тарифі Қызылорда облысы бойынша бірыңғай тарифпен теңестірілді. Бұған қоса, сумен жабдықтау және су бұру жүйелерін жаңғырту жұмыстары жүргізілетін болады.
Сонымен қатар, Ақай ауылында дене шынықтыру-сауықтыру кешенінің және Төретам кентінде сумен қамтамасыз ету жүйесінің құрылыстары жүргізіледі.
Ал, 2020 жылы Жұмыспен қамту жол картасы аясында Байқоңыр қаласында, Төретам және Ақай елді мекендерінде электр желілерін реконструкциялау, көшелерді жөндеу және жарықтандыру, білім беру мекемелерін ағымдағы жөндеу жобалары жүзеге асырылды. 
Кездесуде Байқоңыр қаласы ардагерлер кеңесінің төрағасы
Табынбай Алмақанов мен Ақай ауылы ардагерлер кеңесінің төрағасы Жақсылық Қыпшақбайұлы көтерілген мәселелерге қатысты пікір білдіріп, облыс әкіміне көрсетілген құрмет үшін ризашылығын жеткізді.
Айта кетейік, Қызылорда қаласына келген 12 ардагер «Рухани жаңғыру» және облыстық жастар ресурстық орталықтарына барып, жұмысымен танысты. Сондай-ақ, облыстық өлкетану мұражайының жұмысын көрді.
Бүгінде облыс бойынша 75 мыңнан аса зейнеткер болса, оның 5 мыңнан астамы Байқоңыр қаласы, Төретам кенті мен Ақай ауылында тұрады.

Облыс әкімі ардагерлермен кездесті

<a href="https://kyzylorda-news.kz/">Kyzylorda-news.kz.</a> 15 ақпанда Нұр-Сұлтан уақытымен сағат 10:45-те «Прогресс МС-16» көліктік басқарылатын жүк кемесі бар «Союз-2.1а» зымырантасығышы ұшырылды,&nbsp;деп хабарлайды&nbsp;<a href="https://lenta.inform.kz/kz/baykonyr-garysh-aylagynan-progress-ms-16-zhuk-kemesi-ushyryldy_a3753239">ҚазАқпарат</a>.
Зымыран орнатылған Байқоңыр ғарыш айлағының 31-ші алаңында тікелей эфир стартқа 50 минут қалғанда басталды.
Осы уақыт бойы Роскосмос телестудиясы көліктік кеменің даярлығы туралы бейнесюжеттер, ғарышкерлер және ғарыш саласының мамандарымен жүргізілген сұхбаттарды көрсетті.
Ұшыру штаттық режимде өтті, тікелей репортаж жүргізушілері зымыран-тасығыш орнатылған сатылардың штаттық бөлімі туралы хабарлады.
Старттың оныншы минутында «Прогресс МС-16» көліктік ғарыш кемесі Жер серігінің орбитасына шығарылды.
Бұған дейін хабарланғандай, 12 ақпанда «Союз-2.1а» зымыран-тасығышы Байқоңыр ғарыш айлағының старттық кешеніне шығарылып, орнатылды.
Бүгін таңертең стартқа даярлық қорытындылары жөніндегі мемлекеттік комиссия «Союз-2.1а» зымырантасығышын отын құйып, ұшыру шешімін қабылдады.
Бұл старт арқылы Роскосмос Байқоңыр ғарыш айлағынан 2021 жылғы ұшыру бағдарламасын бастады.
«Прогресс МС-16» зымырантасығышының Халықаралық ғарыш стансасына ұшырылуы екі тәуліктік кесте бойынша өтеді.

Қазақстан және Қызылорда облысының жаңалықтары