<a href="https://kyzylorda-news.kz/date/2020/10/20/?doing_wp_cron=1603177193.1566550731658935546875">Kyzylorda-news.kz.</a> Бүгінде медицина қызметкерлері де бетпердені қай жағымен тақса да, айырмшылық жоқ деп санайды. Мәселен, ресейлік дәрігер Александр Мясников бетперденің фиксаторына мән беру керектігін айтады.
<blockquote>
 “Медициналық бетпердені кез келген жағымен тағуға болады. Ең бастысы, қатты қыры бар фиксаторын мұрынға дұрыс келтіріп алған жөн”, – дейді Мясников Youtube арнасындағы бейнероликте.
</blockquote>
Алайда медициналық бетперде шығаратын компаниялар масканың бір жағын ақ, ал екінші жағын көк етіп шығарудың өзіндік себебі бар деп отыр.
<blockquote>
 “Әрбір қабаттың өзіндік сипаттамасы бар. Адамның бетперді ыңғайлы әрі ұзақ пайдалануы соған байланысты. Мәселен, ақ жағы ылғалды сіңіріп, бетпердің ішінде булану процесіне жол бермейді. Сол себепті оны ішке қарай қаратқан дұрыс. Ал бетперденің көк жағы су жұқтырмайды. Ол сырттан сан алуан биологиялық және басқа сұйықтықтардың кіруінен қорғайды. Сондықтан көк жағын сыртқа қарату қажет”, – дейді мамандар.
</blockquote>
<a href="https://sputnik.kz/society/20201020/15245045/Betperde-syrtqa-qaratu.html">Sputnik Қазақстан</a>

Бетперденің қай жағын сыртқа қарату қажет?

<a href="http://Kyzylorda-news.kz">Kyzylorda-news.kz.</a> «Ақмешіт-Адалдық алаңы» жобалық кеңсесі дәрі-дәрмектерге бағаның негізсіз көтерілуінің алдын алу мақсатында мониторинг жұмыстарын жүргізіп жатқандығын хабарлайды.
Тұтынушыларға дәрілік заттардың бағаларын QR код арқылы көруге болатын ақпараттық парақшаларды Қызылорда қаласындағы дәріханалардың ақпараттық тақталарына ілу жұмыстары жүргізілді.
Егер дәріханадан сатып алынған дәрі-дәрмектердің бағасы Қазақстан Республикасының Денсаулық сақтау министрлігімен бекітілген шекті бағадан асқан жағдайда жобалық кеңсесінің WhatsApp нөміріне +7 777 340 87 34 хабарласуға болады.

Қызылордада дәріханаларға қоғамдық бақылау күшейтілді

<a href="http://Kyzylorda-news.kz">Kyzylorda-news.kz.</a> Қызылордада “Қауіпсіз қала”&nbsp; шарасының екі күнінде 53 құқық бұзушы әкімшілік&nbsp; жауапкершілікке тартылды.
Қызылорда қаласының Полиция басқармасы басшылығының бастамасымен қоғамдық тәртіпті сақтау, жол қауіпсіздігін қамтамасыз ету, қылмыстардың және өзге де құқыққа қарсы әрекеттердің алдын алу мақсатында 15-31 қазан аралығында Қызылорда қаласының аумағында&nbsp; “Қауіпсіз қала” іс-шарасы өткізілуде.
Аталған іс-шара аясында Полиция басқармасының қызметкерлері, қалалық әкімдік, прокуратура, Тауарлар мен көрсетілетін қызметтердің сапасы мен қауіпсіздігін бақылау басқармасы,&nbsp; “Жас Отан” өкілдері және еріктілермен құралған бірлескен рейд кезінде екі күн ішінде &nbsp;53 әкімшілік&nbsp; құқық бұзушылық дерегі анықталды. Мәселен, қала орталығындағы көшелердің бірінде мобильді топ “Тойота Камри” маркалы автокөлігін тоқтатып, тексерді. Тексеру кезінде жүргізушінің &nbsp;тиісті құжаттарсыз көлікті басқарғаны анықталып, автокөлік айып тұрағына қойылды.
Бұдан бөлек қала орталығында орналасқан компьютерлік клубтардың бірін тексеру барысында полиция қызметкерлері түнгі уақытта жүрген 4 кәмелетке толмаған жасөспірімді анықтады.
Жасөспірімдердің ата-аналарына қатысты ҚР ӘҚБтК 442-бабы (Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы) &nbsp; бойынша әкімшілік хаттамалар толтырылды және профилактикалық әңгімелер жүргізілді.
Қабылданған қатаң шараларға қарамастан карантин режимін бұзу деректері де азаяр емес. Екі күннің ішінде облыс орталығында 23 дерек анықталды. Атап айтар болсақ, 18 қазанда Қызылорда қаласының тұрғыны&nbsp; санитарлық нормалар мен талаптарды сақтамай өз ауласында той ұйымдастырған.&nbsp;Аталған дерек бойынша құжаттар жинақталып, тиісті шара қабылдау үшін&nbsp; Тауарлар мен көрсетілетін қызметтердің сапасы мен қауіпсіздігін бақылау басқармасына&nbsp; жолданды.

Қызылорда: Екі күнде 53 құқық бұзушы жауапқа тартылды

<a href="https://kyzylorda-news.kz/date/2020/10/20/">Kyzylorda-news.kz</a>. Еліміздегі кейбір жоғары оқу орындары Мемлекет басшысының оқытушылар жалақысын көтеру тапсырмасын орындамай отыр. Бұл туралы ҚР Білім және ғылым министрі Асхат Аймағамбетов айтты, деп хабарлайды <a href="https://www.inform.kz/kz/keybir-universitetter-okytushy-zhalakysyn-koteru-tapsyrmasyn-oryndamay-otyr-ministr_a3708391">ҚазАқпарат</a>.
<blockquote>
 «Жалақыны 25 пайызға өсіру тапсырмасы болған еді. Университеттердің басым көпшілігі бұл тапсырманы дұрыс деңгейде орындады. Кейбір университеттер толық орындамаған. Осы университеттердің Директорлар кеңесі төрағаларына тапсырма беремін. Алдымыздағы ең бірінші Директорлар кеңесінің отырысында қарап, тиісті шешім қабылдап, бұл мәселені жабу керек. Әсіресе педагогикалық бағытта білім беретін университеттер. Педагогикалық университеттерде жалақының өсуі басқа университтермен қарағанда әлде қайда көбірек болуы тиіс. Неге? Өйткені, Президенттің тапсырмасы бойынша осы педагогикалық университеттерде оқу құны, бюджеттен беріліп отырған грантың құны басқа университеттермен салыстырғанда көбірек», – деді Асхат Аймағамбетов министрліктің аппарат кеңесінде.
</blockquote>
Министрдің айтуынша, бұл өз кезегінде педагогикалық мамандықтар бойынша жалақының өсуіне мүмкіндік береді.
<blockquote>
 «Мұны да дұрыс түсіндіруіміз керек. Жалпы педагог мәртебесі бойынша да жалақының қазіргі уақытта өскені бәріне белгілі. Қаңтар айынан бастап 25 пайызға артты. Қыркүйек айында да жалақының біраз өсімі орын алды. Келесі жылы қаңтарда да көтеріледі. Мұның барлығы Президент тапсырмасының аясында орын алып жатыр. Бұл білім басқармасына әлде министрлікке не басқа тұлғаларға байланысты мәселе емес. Мемлекет басшысы алдыңғы жылы тамыз кеңесінде берген тапсырмасы аясында бюджеттен қырауар қаражат бөлініп жатыр»,- деді ол.
</blockquote>

Асхат Аймағамбетов: Кейбір университеттер оқытушы жалақысын көтеру тапсырмасын орындамай отыр

<a href="https://kyzylorda-news.kz/date/2020/10/20/">Kyzylorda-news.kz</a>. Қыс жақындаған сайын солтүстік жарты шарда, әсіресе Еуропа мен Солтүстік Америкада COVID-19 жұқтырғандар саны өсуде. Келесі айларда жағдай күрделі болады. Бұл туралы ДДСҰ бас директоры Тедрос Гебрейесус мәлім етті, деп хабарлайды <a href="https://lenta.inform.kz/kz/kys-zhakyndagan-sayyn-koronavirus-zhuktyrgandar-sany-osude-ddsu-basshysy_a3708325">ҚазАқпарат</a>.
Тедрос Гебрейесус ұйымның қолдауымен пандемиямен күресте халықаралық ынтымақтастықты нығайтуға бағытталған #WeAreFamily (Біз – отбасымыз) науқаны басталғанын хабарлады.
«We Are Family» («Біз – отбасымыз») танымал әнінің арнайы нұсқасын бейнероликпен шығарамыз. Онда атақты адамдар, дәрігерлер, басшылар және жұртшылық өкілдері бұл әнді бірге орындайды.
Науқан аясында бүкіл әлемдегі адамдарға жақындарымен және достарымен бірге бұл әнді шырқап, әлеуметтік желілерге бейнелер жүктеу ұсынылады.
Жаңа бастаманың мақсаты – денсаулық сақтау саласындағы жаһандық проблемаларды шешу үшін қаражат жинау, халықаралық ынтымақтастық орнату және қауіпті вируспен күресте әркімнің жауапкершілігін арттыру», – деді ДДСҰ директоры.
ДДСҰ басшысы бүгінгі таңда бұл өзара көмек бұрынғыдан да қажет деп санайды, өйткені ауруға шалдығушылар саны тез өсуде, яғни аурухана орындарына, соның ішінде жансақтау бөлімшелеріне мұқтаж адамдардың саны артып келеді.
«Солтүстік жарты шарда қыс түсіп жатқанда, біз аурудың көбейгенін байқаймыз, әсіресе Еуропа мен Солтүстік Америкада», – деді ДДСҰ басшысы. Ол пандемияның солтүстік жарты шарда ауыр кезеңге аяқ басқанын, ауру жұқтыру деңгейі індеттің шарықтау шегі болған наурыз айындағыдан үш есеге жоғары екенін қайталап айтты.

Қыс жақындаған сайын коронавирус жұқтырғандар саны өсуде – ДДСҰ басшысы

<a href="https://kyzylorda-news.kz/date/2020/10/20/">Kyzylorda-news.kz</a>. Екінші деңгейлі банктер кәсіпкерлікті несиелендіруге неге мүдделі емес? Осы сауал төңірегінде өз ойын Қызылорда облысы кәсіпкерлер палатасының директоры Ғалымбек Жақсылықов “Facebook” парақшасында жазды.
<blockquote>
 «Қазір елімізде несиесі жоқ адам жоқ шығар тіпті. Жақында Ұлттық Банктің статистикалық деректерін талдау барысында тұтынушылық несиелеудің және сәйкесінше облыс тұрғындарының қарыз жүктемесінің жедел өсіп жатқанын аңғардық», – деген Палата директоры әрі қарай сөзінің дәлелі ретінде статистикалық мәліметтерге жүгінеді.
</blockquote>
Ғалымбек Жақсылықовтың айтуынша, 1 қыркүйектегі жағдай бойынша облыс тұрғындарының банктен алған тұтынушылық несиесі 161,0 млрд теңгені құрап отыр. Бұл республикалық көрсеткіштен 2 есе жоғары (29,5%). Оның үстіне тұтыну несиелерінің 85%-ы кепілдендірілмеген (беззалоговый).
Соңғы төрт жыл ішінде тұтынушылық несие көлемі аймақта 1,9 есеге өсіпті (01.07.2015 ж. – 84,9 млрд.теңге), ал бұл уақытта азаматтардың жалақысы 1,5 есеге ғана өскен (2020 жылғы маусым – 187 мың теңге, 2015 жылғы маусым – 118 мың теңге). Қазіргі талдау бойынша, тұтыну несиелерінің өсу қарқыны табыстың өсуінен 80%-ға асып түсіп тұр екен.
<blockquote>
 «Банк секторының несиелік портфелінен тұтыну несиелерінің үлесі бойынша Қызылорда облысы 58,1%-бен республикада төртінші орында, ал жан басына шаққандағы тұтынушылық несиелер бойынша (200 381 теңге) тоғызыншы орында екен. Бұл ойландыратын жайт. Себебі бұл ақпарат бізге аймақтағы үй шаруашылықтарының орташа мөлшерін ескере отырып – әр отбасына арналған тұтынушылық несиелер орта есеппен 962 мың теңгені құрайтынын көрсетіп отыр. Және бұл облыстағы 29,4 млрд теңгені құрайтын ипотекалық несиені есепке алмағандағы жағдай», – дейді Кәсіпкерлер палатасының директоры.
</blockquote>
Аймақта халықтың мерзімі өткен қарызының тез өсуі байқалады. 1 қыркүйектегі жағдай бойынша жеке тұлғалардың мерзімі өткен қарызы 9,2 млрд теңгені құраған. Бұл 2018 жылдың сәйкес кезеңімен салыстырғанда 5%-ға немесе 379 млн теңгеге өсіп отыр.
<blockquote>
 «Енді мына парадокты қараңыз. Аймақтағы жұмыс істеп тұрған шағын және орта бизнес үлесі 1 қыркүйектегі жағжай бойынша республикадағы жалпы санның 3,5% (46 674 бірлік) құрайды (1 334 123 бірлік). Сонымен бірге Ұлттық банктің мәліметтері бойынша 2020 жылдың 1 қыркүйегіндегі жағдай бойынша банктердің аймақтағы шағын кәсіпкерлікке берген несие мөлшері 27,4 млрд. теңгені құрайды немесе республикадағы несиелендірудің жалпы көлемінен тек 1,2% (2,230 млрд. теңге). Бұл аймақтағы шағын кәсіпкерліктің банктермен несиелендіруі республикадағыдан 3 есе аз екендігін көрсетеді. Шағын кәсіпкерлікке берілген несиелердің үлесі облыстағы банк секторының несие портфелінің 9,9% құрайды, бұл республикалық көрсеткіштен (15,7%) 1,6 есе төмен», – дейді Ғалымбек Жақсылықұлы.
</blockquote>
Оның айтуынша, шағын кәсіпкерлікке берілген банктік несиелердің абсолюттік мөлшері бойынша Қызылорда облысы 16-шы, бір кәсіпкерлік субъектісі бойынша 15-ші орында.
<blockquote>
 «Сонымен қатар, облыстағы шағын және орта бизнестің 88%-ы жеке кәсіпкерлер мен шаруа қожалықтары, яғни жеке адамдар құрайды. Сондықтан халықтың мерзімі өтіп кеткен қарызы шағын кәсіпкерліктің несиелік тарихына да әсер етеді. «Еңбек» бағдарламасы аясында «Бастау» кәсіпкерлік негіздеріне оқыту курстарын бітірген кейбір түлектердің несиелік тарихы теріс болғандықтан, шағын несие алуға мүмкіндігі жоқ. Бұл жағдай аймақтағы шағын кәсіпкерлікті несиелендіруге кедергі болатын негізгі факторлардың бірі болып табылады», – дейді Палата басшысы.
</blockquote>
Басқа дамыған елдерден айырмашылығы, тұтынушылық несиелер аймақтағы экономикалық өсудің драйвері емес, қарыздарды қайта қаржыландыруға, импорттық тауарларды, тұрмыстық техниканы, смартфондарды сатып алуға және ойын-сауық «той» өткізуге жұмсалады, бұл ЖӨӨ өсуін баяулатады. Шағын және орта бизнестегі жұмыспен қамтылған халықтың саны 2020 жылдың 1 сәуіріне 90257 адамды құрайды немесе экономикада жұмыс істейтіндердің жалпы санының 27,7% (325 030 адам) екенін айтады.
<blockquote>
 «Кәсіпкерлер мекемеде жаңа және бұрыннан жұмыс істеп жүрген қызметкерлерден еңбек шартқа отырмауды және банктік карточкаларға аудармай қолма-қол ақшамен төлеуді сұрайтын жағдайлар жиі кездесетіндігін айтуда. Осылайша, кәсіпкерлер бей ресми жұмыспен қамтылған және жұмыссыз азаматтардың санын көбейте отырып, қажетті кадрларды сақтауға мәжбүр. Тұтынушылық несиелеуді талдау көрсеткендей, несиенің бұл түрінің көлемі халықтың кірісіне қарағанда 1,5 есе тез өсуде, бұл пандемия салдарынан халықтың әлеуметтік әл-ауқатының нашарлауы аясында әлеуметтік шиеленістің катализаторына айналуы мүмкін. Ойланатын жағдай», – деп ойын қорытыпты Қызылорда облысы кәсіпкерлер палатасының директоры Ғалымбек Жақсылықов.
</blockquote>

Ғалымбек Жақсылықов: Тұрғындардың қарызы жедел өсіп жатыр

<a href="https://kyzylorda-news.kz/date/2020/10/20/">Kyzylorda-news.kz.</a> Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және МӘМС пакеті бойынша Жеткізушілер көрсеткен қызметтердің сапасы мен көлеміне мониторинг жүргізуді жалғастыруда.
Жыл басынан бері, ағымдағы жылдың 9 айында халыққа медициналық көмек көрсету кезінде 29,8 мыңдай түрлі кемшілік анықталды, медициналық ұйымдарға салынған айыппұл сомасы 400,8 млн теңгеден асты.
<blockquote>
 «ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай – ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», – деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 30,6 млн теңге болатын 20,6 мыңнан астам осындай ақаулар тіркелді. Сондай-ақ, амбулаториялық-емханалық көмек көрсету кезінде 3,3 мың ақау, тәулік бойы жұмыс істейтін стационарларда медициналық көмек көрсету кезінде 4,3 мың кемшілік анықталды.
Жыл басынан сарапшылар нақты көрсетілмеген қызметтердің 288 – нен астам жағдайын анықтады, олар пациенттер медициналық қызметті алған болып ақпараттық жүйелерге енгізілген. Осындай жағдайлар бойынша анықталған бұзушылықтар үшін медициналық ұйымдарға 3,6 млн теңгеге айыппұл салынды.
&nbsp;Шағым немесе өтініш беру үшін 1406 телефонына немесе Qoldau – 24/7 мобильді қосымшасы арқылы хабарласу қажет.

Қызылорда: Медициналық қызметтің сапасы бойынша 30 мыңға жуық кемшілік анықталды

<a href="https://kyzylorda-news.kz/date/2020/10/20/">Kyzylorda-news.kz.</a> Биыл еліміздегі азаматтық қорғау органдарының құрылғанына 25 жыл толды. Осы ретте, 19 қазан – Құтқарушылар күніне орай №3 аудандық мамандандырылған өрт сөндіру бөлімінде салтанатты шара өткізілді. Аталған шараға аудан әкімі Мұхтар Оразбаев қатысып, алдымен заманауи құтқару жабдықтары мен техникалардың көрмесін аралады.
<blockquote>
 &nbsp;«Еліміздің азаматтық қорғау органдарының қызметкерлері 25 жылдан бері халықтың қауіпсіздігін сақтау жолында аянбай еңбек етіп келеді. Осы уақыт аралығында төтенше жағдайлардың алдын алу мен жою, жедел әрекет ету қағидасы қалыптасып, тиімді жүйе құрылды. Құтқарушы – батылдықты, қырағылықты, шеберлікті қажет ететін жауапты мамандық. Сіздерді бүгінгі кәсіби мерекелеріңізбен құттықтай отырып, зор денсаулық, отбасыларыңызға амандық, қызметтеріңізге табыс тілеймін»-деді аудан әкімі.
</blockquote>
Сонымен қатар, аудан әкімі тұрғындардың тыныштығы мен қауіпсіздігі жолындағы міндетін бұлжытпай орындап, азаматтық қорғаудың мемлекеттік жүйесін дамытуға қосқан зор үлесі үшін аудандық төтенше жағдайлар бөлімінің бастығы азаматтық қорғау подполковнигі Жиенбаев Мұрат Жарылқасынұлына ҚР Ішкі істер министрлігінің I дәрежелі «Ішкі істер органдарындағы мінсіз қызметі үшін» медалін табыстады.
Жиын барысында апаттың алдын алу, төнген қатерден халықтың өмірі мен денсаулығын сақтап қалудағы қызметі үшін аудандық өрт сөндіру бөлімінің бірқатар қызметкерлері аудан әкімінің Алғыс хатымен марапатталды.
<img src="https://kyzylorda-news.kz/wp-content/uploads/2020/10/122101367_2802144650113903_4866851319533880909_o.jpg" alt="" />
<img src="https://kyzylorda-news.kz/wp-content/uploads/2020/10/122069879_2802144753447226_7385992719115530687_o.jpg" alt="" />
<img src="https://kyzylorda-news.kz/wp-content/uploads/2020/10/122103821_2802144820113886_7691467556009000563_o.jpg" alt="" />

Аралда азаматтық қорғау саласының қызметкерлеріне құрмет көрсетілді

<a href="https://kyzylorda-news.kz/">Kyzylorda-news.kz.</a> Үкімет басшысы Асқар Мамин коронавирустың ықтимал екінші толқынына дайындық бойынша министрлер мен әкімдерге бірқатар тапсырма берді, деп хабарлайды&nbsp;<a href="https://sputnik.kz/?_ga=2.242956289.2033547526.1603166877-2095037190.1603166877">Sputnik Қазақстан</a>.
<blockquote>
 “Үкімет коронавирустық инфекцияның жаңа кезеңіне дайындық аясында медицина ұйымдарын және халықты дәрі-дәрмекпен қамтамасыз ету жағынан барлық қажетті шараны қабылдап жатыр. Биыл міндетті медициналық сақтандыру шеңберінде тегін дәрілік заттарының тізбесі үш есе немесе 45-тен 137 дәрі-дәрмек түріне дейін ұлғайтылды. Оған қоса, тамыз айынан бастап азаматтарға коронавирустан емделу үшін дәрінің бес түрі тегін беріледі”, – деді Мамин үкіметтің бүгінгі отырысында.
</blockquote>
Премьер-министрдің айтуынша, бүгінде жеке қорғаныс құралдары мен стационарларға арналған 91 дәрі-дәрмектен тұратын екі айлық республикалық қор жасақталды. Ал дәріханаларда препараттардың тапшылығына жол бермеу мақсатында “СК-Фармация” компаниясы бөлшек сауда желісін толықтыру үшін аса қажетті 33 препаратты сатып алып жатыр.
<blockquote>
 “Дәрі-дәрмектің жеткілікті қоры бар. Барлық өңірді дәрі-дәрмекпен қамтамасыз ету үшін көлемі 13 миллиард теңгеден асатын сақтандыру қоры құрылды”, – деп атап көрсетті Мамин.
</blockquote>
Осы орайда үкімет басшысы министрлікке және әкімдіктерге қадағалау шараларын жүргізуді тапсырды.
<blockquote>
 “Дәрі-дәрмек тапшылығы болмауы тиіс. Ал индустрия министрлігі отандық фармацевтика өндірушілерімен қорғаныс құралдары мен медициналық маскалардың өндірісін көбейтуді қамтамасыз етсін. Сондай-ақ, денсаулық сақтау министрлігіне келесі жылға дәрілік заттарды уақытылы сатып алуды және жеткізуді тапсырамын”, – деді Мамин.
</blockquote>

Коронавирустың екінші толқыны: Мамин министрлер мен әкімдерге тапсырма берді

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 115 адамда коронавирус індеті ПТР арқылы расталып ауырғаны белгілі болды. Бұл туралы &nbsp;<a href="http://www.coronavirus2020.kz/">www.coronavirus2020.kz</a> хабарлайды.
Аймақтар бойынша:
Нұр-Сұлтан қаласы –&nbsp;13 
Алматы қаласы –&nbsp;12 
Шымкент қаласы –&nbsp;3 
Ақмола облысы –&nbsp;6 
Ақтөбе облысы –&nbsp;1 
Алматы облысы –&nbsp;4 
Атырау облысы –&nbsp;10 
Шығыс Қазақстан облысы –&nbsp;18 
Жамбыл облысы –&nbsp;2 
Батыс Қазақстан облысы –&nbsp;5 
Қарағанды облысы –&nbsp;16 
Қостанай облысы –&nbsp;5 
Қызылорда облысы –&nbsp;1 
Павлодар облысы –&nbsp;11 
Солтүстік Қазақстан облысы –&nbsp;8
Жалпы ел бойынша ауырғандар саны&nbsp;109623.

Қызылордада коронавирус тіркелді

<a href="https://kyzylorda-news.kz/">Kyzylorda-news.kz.</a> 20 қазанда елімізде күн ашық болады, кей жерлерде жел күшейіп, тұман түседі, көктайғақ болуы ықтимал, деп хабарлайды Қазгидромет.
Сейсенбі күні Қазақстанның басым бөлігінде антициклон әсерінен жауын-шашынсыз ауа райы күтіледі, тек батыста және солтүстікте атмосфералық ағындардың өтуіне байланысты түнде және күндіз кей жерлерде жауын жаууы мүмкін. Еліміздің кей жерлерінде тұман түсуі ықтимал, жел күшейеді, батыста түнде көктайғақ болады.

20 қазанға арналған ауа райы болжамы

<a href="https://kyzylorda-news.kz/">Kyzylorda-news.kz</a> ақпараттық агенттігінің 20 қазанға арналған жұлдыз-жорамалы.
Тоқты
Сіздің қолыңыздан барлық шаруа келеді. Ештеңеге алаңдаудың қажеті жоқ. Ешқандай қиындық сіздің құлшынысыңызды сөндіре алмайды. Көздеген мақсатыңызға жетуге асығасыз.
Торпақ
Бүгінгі күн сіз үшін жемісті болмақ. Өз мақсатыңызға жету үшін бар күш-жігеріңізді салып, алға қарай ұмтыласыз. Тіпті қиын деген жұмыстың өзін атқарып, кез келген мәселені оңай шешесіз.
Егіздер
Түске дейін орын алатын жағдайлардан өз пайдаңызды ойлаңыз.Көптен бері ойлап жүрген идеяларыңыз жүзеге асуы мүмкін. Сіздің мақсаттарыңыздың орындалуына септігі тиетін адамдармен тіл табысасыз.
Шаян
Түске дейін сақ жүріңіз. Барлық шаруаны кейінге ысырып, өз арманыңыздың жетегінде кетуіңіз мүмкін. Алдағы жоспарларды орындау барысында ақырын жүріп, анық басыңыз.
Арыстан
Барлығы сіз ойлағандай қиын емес. Қиын мәселелерді тез арада шешетін боласыз. Түстен кейін жұмыстың жайын біржақты етесіз. Өз ұстанымдарыңыздан бас тартпаңыз.
Бикеш
Сәтті іскерлік кездесу өтеді. Келіссөздер сіз үшін оң шешімін табатын болады. Сіздің жүрегіңізді жаулап алуға тырысатындар бар. Олардың түпкі ойын білместен, өз жауабыңызды беруге асықпаңыз. &nbsp;
Таразы
Табысты күн. Өз арманыңызға жету үшін ең алдымен мақсатыңызды айқындап алыңыз. Барлығын бір сәтте шешуге мүмкіндігіңіз жоқ. Сондықтан ең маңыздысынан бастағаныңыз дұрыс.
Сарышаян
Қаражатқа қатысты мәселеде сақ болыңыз. Ақшаңызды текке кетірмеңіз. Келесі жалақының қай уақытта болатынын еске салып, қолыңыздағыны үнемдегеніңіз жөн.
Мерген
Ештеңеге алаңдамаңыз. Барлығы өз сәтімен өтеді. Ең бастысы денсаулығыңызға мән беріңіз. Жұмыс пен үй шаруасын кейінге қалдырыңыз. Әйтпесе, уақыт жоғалтып аласыз.
Тауешкі
Күніңіз сәтті өтеді. Барлық шаруаға үлгеріп, көңілді жүресіз. Алайда жаныңыздағылар сіздің көтеріңкі көңіл-күйіңізді бұзуға тырысады. Сіздің сыртыңыздан өсек айтулары да мүмкін.
Суқұйғыш
Тыныш күн. Ешқандай оқиға сізді алаңдатпайды. Мазаңызды да қашыруға себеп жоқ. Қуануға себеп көп. Алайда барлығы сіз ойлағандай болмайды. Сондықтан кез келген шешімге дайын болыңыз.
Балықтар
Шығармашылық жобалармен айналысуға, бірлесіп жұмыс істеуге қолайлы күн. Қандай істі қолға алсаңыз да сізді қолдайтын жандармен бірге болыңыз. Олардың қолдауымен жетістікке тез жетесіз.

Қазақстан және Қызылорда облысының жаңалықтары