Kyzylorda-news.kz. Қызылорда облысының әкімі Гүлшара Әбдіқалықова Ұстаздарды кәсіби мерекесімен құттықтады.
Құрметті ұстаздар!
Сіздерді кәсіби мерекелеріңізбен шын жүректен құттықтаймын! 
«Ұстаз» деген ұлы ұғымда ұлылық та, жылылық та бар. 
Барлық кәсіп иесі, ол дәрігер не кәсіпкер болсын, ол ақын не әкім болсын ұстаздан білім-тәрбие алып шығады. Бүгінге дейін мен де өзімді білім шыңына жетелеген аяулы ұстаздарымның алдында бала шәкірттей сезінемін. 
Нағыз ұстаз болу кез-келгенге бұйыра бермеген бақыт. Өз ұстаздарымды сол бақытты еселеген жандар деп түсінемін. Мен білім алған Қызылорда қаласының қақ ортасында орналасқан Сәкен Сейфуллин атындағы №4 мектепте түрлі пәннен сабақ берген Райхан Көшкінова, Сара Тайманова, Кәмила Әбілова, Алуа Разақова, Ксения Тимофеевна Цой, Үміткүл Айманова, Айша Үсенова, Тоқсұлу Көшербаева, Күлбарам Сәдуақасова, Спандияр Дүйсеков, Жүсіп Ахметов сияқты ұстаздарымды күні бүгінге дейін ұмытқан емеспін. Өкінішке қарай, олардың кейбірі арамызда жоқ. 
Алғашқы ұстазым – Айша Үсенова апай. Жетінші сыныпқа дейін Үміткүл Айманова апай, сегізінші сыныптан бастап бітіргенше Сара Тайманова апай сынып жетекшіміз болғанын айта кетейін. 
Ұстаздарымның сабақта түрлендіріп өткізіп, қызықты шаралар жасаудағы тынымсыз еңбегін, сабақты ынта-шынтасымен түсіндіргендегі сәтін есіме алсам, таң қаламын. Жұмысты беріліп істеу үлкен энергияны қажет етеді. Ұстаздарымның көбі – көпбалалы. Соған қарамастан үйде бала тәрбиелеуге, мектепте бізге білім нәрін беріп, нағыз мұғалім екенін көрсетуге күш-қуаты жететін. Оларда бүгінгідей дайын тұрған көрнекі құралдар да жоқ. Бізге қолымен жасап әкелген көрнекілігінің өзі көрнекті көрінетін. Қазіргі ұстаздар да оқушыларға өз заманына лайықты білім беруде дәл осы ұстаздардай еңбек етіп жүр деген ойдамын. 
Мектебіміздің түрлі жылдардағы түлектері тәуелсіз еліміздің төрт бұрышында абыройлы еңбек етіп, сүйікті Отанымыздың көркейіп-көріктенуіне сүбелі үлес қосуда. Олардың арасында менен басқа облыстық мәслихат хатшысы Қылышбай Бисенов, кәсіпкер-меценаттар Рая Үдербаева, Асқар Махамбетовтер де бар. 
Бүгін бірнеше ұстазымның үйіне төл мерекесімен құттықтап барып, шәкірт екенімді тағы бір сәт сезіну бақыты бұйырып тұр. 
Өз уақытын аямаған, өзгенің бақытын аялаған ұстаздарымызға қандай мақтау, мадақ айтсақ та жарасады. 
Дарынды да талантты, тәлімді де тәрбиелі шәкірттеріңіз көп болсын! Шаңырақтарыңызға шаттық, шығармашылық табыс тілеймін! 
Мерейлі мерекелеріңіз құтты болсын, құрметті ұстаздар!

Облыс әкімі Ұстаздарды кәсіби мерекелерімен құттықтады

Kyzylorda-news.kz. ҚР Президенті Қасым-Жомарт Тоқаев ұстаздарды кәсіби мерекелерімен құттықтады.
<blockquote>
 «Ұстаздарды кәсіби мерекелерімен құттықтаймын! Олардың ағартушылық қызметі және жас буынды тәрбиелеу жолындағы тынымсыз еңбегі әрдайым жоғары бағаланады. Күрделі кезеңге қарамастан мемлекет мұғалімдерге қолдау көрсете береді», – деді Мемлекет twitter парақшасында.
</blockquote>

Күрделі кезеңге қарамастан мемлекет мұғалімдерге қолдау көрсете береді &#8211; Президент

Kyzylorda-news.kz. Қазан айының алғашқы жексенбісінде Қазақстанда мұғалімдердің кәсіби мерекесі атап өтіледі, деп хабарлайды ҚазАқпарат.
Бұл атаулы күн 1965 жылы 29 қыркүйекте КСРО Жоғарғы Кеңесі Президиумының Бұйрығымен белгіленген.
Бүгінгі таңда Қазақстан, Беларусь, Латвия және Украина Мұғалімдер күнін қазанның алғашқы жексенбісінде атап өтеді. Ал көршілес Өзбекстан – 1 қазанда, Қырғызстан, Әзербайжан, Ресей, Тәжікстан, Армения, Молдавия, Эстония және Литва – ұстаздар мерекесін 5 қазан күніне бекіткен. ҚР ҰЭМ Статистика комитетінің деректеріне сүйенсек, 2019 жылы елімізде мектепке дейінгі ұйымдарда – 97 209 педагог, жалпы білім беретін мектептерде – 347 052 мұғалім (оның ішінде 281 209 – әйелдер), колледждерде – 36 881 оқытушы (26 731 – әйелдер), жоғары оқу орындарында – 38 470 оқытушы (24 611 – әйелдер) болған.

Бүгін &#8211; Ұстаздар күні

Kyzylorda-news.kz. 4 қазан күні Қазақстанның солтүстік, орталық және шығыс өңірлерінде жауын-шашын (көбінесе жаңбыр түрінде) жауады. Қалған аумақтарында жауын-шашынсыз ауа райы күтіледі.
Республиканың кей жерлерінде тұман күтіледі, солтүстігінде және шығысында жел күшейеді.
Қызылорда облысының басым бөлігінде төтенше өрт қаупі сақталады.

Жексенбіге арналған ауа райы болжамы

Kyzylorda-news.kz. “Nur Otan” праймеризі партия лидері Елбасы Нұрсұлтан Назарбаевтың тапсырмасымен еліміздің партиялық-саяси даму тарихында тұңғыш рет республикалық партияішілік сайлау ауқымында өтіп жатыр. Бір жарым айға жуық созылған саяси доданың үздіктеріне дауыс беру Сыр өңірінде де қызу өтуде.
Бүгін Қызылорда облысының әкімі, Гүлшара Әбдіқалықова партия мүшесі, облыстық партия филиалының төрағасы ретінде А.Тоқмағанбетов атындағы мәдениет үйінде орналасқан № 13 дауыс беру орнына келіп, лайықты деп таныған азаматтарға веб портал арқылы онлайн дауыс берді.
Филиал төрағасы праймериз шараларының басым көпшілігінің онлайн форматтарда өткізілуі партияластар үшін, үміткерлердің бағдарламаларымен кеңінен танысуға мүмкіндік бергенін және онлайн дауыс берудің алғаш рет өкізілуіне қарамастан жерлестеріміздің белсенді қатысып жатқандығын айтады.
<blockquote>
 “Әлеуметтік желілерде ашық өткізілген дебаттар көпшіліктің қызығушылығын туғызды. Мен барлық үміткерлердің үгіт-насихат жұмыстарымен таныспын. Үгіт жұмыстарының ең бір ауқымды кезеңінде жария пікір сайысқа қатыстым. Үміткерлер өздерін жан-жақты көрсетуде. Еліміздің дамуына, өңіріміздің әлеуметтік эконмикалық көрсеткіштерін арттыру бағытында көптеген мәселелерді көтеріп, олардың шешу жолдарын ұсынып жатыр. 1 қазаннан басталған дауыс беру барысы да Праймериздің ашық өткізіліп жатқанын көрсетуде. Дауыс беру барысы жеңіл және түсінікті түрде ойластырылған. Бүгін дауыс беру арнайы орындарда онлайн форматта және шалғай ауылдарда бюллетень арқылы өткізілуде. Бүгін мен де Тұңғыш Президент – Елбасы Нұрсұлтан Әбішұлы Назарбаевтың бастамасын қолдап, өз таңдауымды жасадым. Бұл тұрғыда өңірдегі барлық партияластарымызды мықты көшбасшыларды таңдау үшін дауыс беруге толық қатысуға және өз таңдауларын дұрыс жасауға шақырамын”, – деді Гүлшара Әбдіқалықова.
</blockquote>
Атап өту керек, Қызылорда облысы бойынша 485 үміткер бақ сынауда. Облыстың қалалары мен аудандарында дауыс беруге арналған 133 орын анықталды. Олардың 103-де дауыс беру онлайн форматта, ал интернет желісінің жылдамдығы төмен елді мекендердегі 30 – дауыс беру орындарында қағаз бюллетеньдер арқылы жүргізілуде. Нақты кезеңде өңірдегі 43742 партия мүшесінің 80 пайызға жуығы онлайн дауыс беріп үлгерді. 6956-і қағаз бюллетеньдер арқылы өз таңдауларын жасамақ.
<img src="https://kyzylorda-news.kz/wp-content/uploads/2020/10/img-20201003-wa0010.jpg" alt="" />

Гүлшара Әбдіқалықова праймериз үміткерлеріне өз таңдауын жасады

Kyzylorda-news.kz. 2020 жылдың екінші тоқсанында Қазақстан өңірлерінде жан басына шаққандағы кіріс көлемі артты. Тек Алматы қаласында ол 4,5%-ға төмендеген.
«Еңбек ресурстарын дамыту орталығы» АҚ-ның мәліметінше, дегенмен де, Алматы мен Нұр-Сұлтанның нақтылы мәндегі табыс деңгейі елдегі ең жоғары болып қалуда – сәйкесінше 224,3 мың және 241,3 мың теңге.
Талдау барысында жан басына шаққандағы кірістің ең жоғары және ең төменгі өсімі бар өңірлер анықталған. Табысы өскен өңірлер: Ақмола (16,1%), Қызылорда (14,2%) және Түркістан (12,8%) облыстары. Бұл ретте, Қызылорда мен Түркістан облыстарының жан басына шаққандағы орташа табысы республикалық көрсеткіштен төмен болып отыр. Көрсеткіштер сондай-ақ Жамбыл облысы мен Шымкент қаласында төмен екендігі анықталған.
Ал республикалық деңгейден асатын көрсеткіштер Нұр-Сұлтан мен Алматы қалаларында, Қарағанды, Маңғыстау және Шығыс Қазақстан облыстарында тіркелді.
Жалпы, халықтың орташа жан басына шаққандағы ақшалай табысы 2020 жылдың екінші тоқсанында өткен жылдың сәйкес кезеңімен салыстырғанда 7,6% өсті және ҚР Ұлттық экономика министрлігі Статистика комитетінің мәліметі бойынша 182,5 мың теңгені құрады.
<a href="https://www.inform.kz/kz/almatydan-baska-barlyk-onirde-zhan-basyna-shakkandagy-tabys-artty_a3701794">ҚазАқпарат</a>

Қызылордада жан басына шаққандағы табыс артты

Kyzylorda-news.kz. «Nur Otan» партиясының праймеризінде веб-сайт және мобильді қосымша арқылы онлайн дауыс беру мерзімі тура бір тәулікке, 2020 жылғы 4 қазан күнгі сағат 14.00-ге дейін ұзартылды.
«Nur Otan» партиясының праймеризін өткізу қағидаларына сәйкес, дауыс беру күні Орталық ұйымдастыру комитеті бекітетін республикалық Күнтізбелік жоспарда айқындалады. Осылайша, дауыс берудің белгіленген мерзімі –2020 жылдың 3 қазаны сағат 14.00-ге дейін болатын.
Партияның баспасөз қызметінен мәлім еткендей, 2 қазан сағат 17.00-дегі жағдай бойынша праймеризде 446 297 сайлаушы немесе жүйеде тіркелген партия мүшелерінің 57% дауыс берді.
Партиялықтар мен жалпы жұртшылықтың партияішілік сайлауға жоғары қызығушылығы бір мезгілдегі сайтқа жүгіну санын едәуір арттырды (100 мың және одан да көп). Соның салдарынан дауыс берудің алғашқы сағаттарында сайтқа қолжетімділік пен тіркелу бойынша уақытша қиындықтар туындай бастады.
Ақпараттық жүйеге түскен техникалық жүктемелердің салдарынан партияның көптеген мүшесі дауыс бере алмады. Қоғамдық қабылдаудың колл-орталықтарына 1,5 мыңнан астам қоңырау келіп түскен. Оның ішінде 828-і – дауыс беру кезіндегі техникалық қиындықтар мәселелері бойынша.
«Сондай-ақ, әлеуметтік желілер арқылы партияның ұйымдастыру комитеттеріне партиялықтар мен кандидаттар тарапынан дауыс беру мерзімін ұзарту туралы өтініштері келіп түсті. Өтініштерде дауыс беру жұмыс күндері өтіп жатқандықтан таңдау жасауға уақыттың жетіспеуі атап өтілуде.
Сонымен қатар, ертең, 3 қазанда, сағат 08.00-ден 14.00-ге дейін сайлау учаскелері жұмыс істейді. Өз кандидатына дауыс бере алмаған азаматтар жаппай учаскелерге келу қаупі бар. Пандемия жағдайында бұл коронавирус инфекциясын жұқтыруға әкелуі мүмкін.
Жоғарыда баяндалғанды ескере отырып, Орталық ұйымдастыру комитетінің хаттамалық шешімімен Республикалық күнтізбелік жоспарға өзгерістер енгізілді. Осылайша, веб-сайт және мобильдік қосымша арқылы онлайн дауыс беру мерзімін тура бір тәулікке, 2020 жылғы 4 қазан күнгі сағат 14.00-ге дейін ұзарту туралы шешім қабылданды.
Бұл ретте, үгіт-насихат жұмыстары сенбі, яғни 3 қазан күнгі 14.00-де сайлау учаскелерінің жабылуымен бір мезгілде аяқталатынын атап өту қажет», – делінген партия хабарламасында.

«Nur Otan» праймеризі: Онлайн-дауыс беру мерзімі ұзартылды

Kyzylorda-news.kz. Қазақстанда өткен тәулікте 62 адамда коронавирус індеті ПТР арқылы расталып ауырғаны белгілі болды. Бұл туралы www.coronavirus2020.kz хабарлайды.
Аймақтар бойынша:
Нұр-Сұлтан қаласы – 3
Алматы қаласы – 2
Шымкент қаласы – 1
Ақмола облысы – 3
Ақтөбе облысы – 1
Алматы облысы – 3
Атырау облысы – 2
Шығыс Қазақстан облысы – 18
Батыс Қазақстан облысы – 2
Қарағанды облысы – 6
Қостанай облысы – 2
Қызылорда облысы – 1
Павлодар облысы – 4
Солтүстік Қазақстан облысы – 13
Түркістан облысы – 1
Жалпы ел бойынша ауырғандар саны 108106.

Қызылордада коронавирус тіркелді

Kyzylorda-news.kz. 3 қазан, сенбі күні ел аумағының басым бөлігінде күн ашық, тек оңтүстік шығысында және солтүстігінде атмосфералық ауа ағындарының өтуіне байланысты жаңбыр жауады, деп хабарлайды «Қазгидромет».
Павлодар, түнде және таңертең Ақмола, Қостанай, Солтүстік Қазақстан, Қарағанды, Шығыс Қазақстан облыстарының кей жерлерінде тұман түседі, күндіз Солтүстік Қазақстан облысының кей жерлерінде жел 15-20 м/с күшейеді.
Алматы облысының кей жерлерінде түнде және таңертең 2 градус үсік күтіледі.
Түркістан, Қызылорда облыстарының басым бөлігінде, Жамбыл, Қарағанды, Ақтөбе облыстарының кей жерлерінде төтенше өрт қаупі сақталады.

3 қазан күнгі ауа райы болжамы

<a href="https://kyzylorda-news.kz/date/2020/10/02/">Kyzylorda-news.kz</a>. Қазақстан халқы Ассамблеясының «Қазақтану» республикалық ғылыми-ағарту жобасы аясында «Сөз маржаны» облыстық зияткерлік байқауы өткізілді. Байқауға Қызылорда қаласынан этнос оқушылары қатысып, бағын сынады.
Мақсаты жастар арасында, оның ішінде этнос оқушыларына мемлекеттік тілді насихаттау, қолдану аясын кеңейту арқылы қазақстандық бірегейлікті қалыптастыру, қоғамдық келісім мен ел бірлігін нығайту.
Байқау қатысушыларды патриотизмге, ұлттық салт-дәстүрді құрметтеуге, отанға деген сүйіспеншілікті арттыруға тәрбиелейді. Ұлттық құндылықтарды жаңғыртуға, халқымыздың сөз өнерін ауызекі сөйлеуде дұрыс қолдана білуге үндейді.
&nbsp;Осы орайда «Кім тапқыр», «Қайым айтыс», «Құпия сөз», «Балама мағына», «Тіл өнері» &nbsp;кезеңдері бойынша сынға түскен қатысушылар мақал-мәтелдердің жалғасын табу, ой-тұжырымын ашу, қойылған жұмбақтың шешімін тауып, фразеологиялық сөз тіркестерінің балама мағынасын айту т.б. сынды шарттарды орындап, үздіктер анықталды.
Байқауға облыстық ішкі саясат басқармасына қарасты тілдерді оқыту орталығының аға оқытушысы Айдана Махамбет, «Қоғамдық келісім» КММ бөлім басшысы Айбек Дайрабай қазылық жасап, мықтыларды анықтады.
&nbsp;Сайыс нәтижесінде жүлделі 1 орында №198 орта мектебінің оқушысы Луиза Садиги, 2 орынды №7&nbsp; мектеп-лицейінің оқушысы Мухамеддали Гафуров, 3 орынды №7 мектеп-лицейінің оқушысы Ильяна Ким иеленді. Жүлдегерлер мен олардың жетекшілеріне&nbsp; белсенділік танытып, жоғары нәтиже көрсеткені үшін «Қоғамдық келісім» КММ бөлім басшысы Қанат Ақылбеков өз ризашылығын білдіре отырып, облыстық Қазақстан халқы Ассамблеясы хатшылығының меңгерушісі Жағыпар Тажмахановтың &nbsp;атынан диплом, алғыс хат табыстады және ұйымдастырушылар тарапынан бағалы сыйлықтарын ұсынды.

Қызылордада «Сөз маржаны» зияткерлік байқауы өтті

<a href="https://kyzylorda-news.kz/date/2020/10/02/">Kyzylorda-news.kz.</a> Бүгін Қазалы ауданының әкімі Мұрат Ергешбаев пандемия кезінде халық саулығы үшін алдыңғы шепте жүрген белсенді азаматтарға алғыс айтып, арнайы марапаттарды табыс етті.
<blockquote>
 «Биылғы жылы елімізде жарияланған төтенше жағдай мен карантиндік шектеу кезінде орын алған қиыншылықтарға қарамай коронавирус инфекциясының алдын алу шараларына өз жерлестеріміз де айтарлықтай үлес қосты», – деді Мұрат Нәлхожаұлы.
</blockquote>
Атап айтар болсақ, ел Президентінің Жарлығына сәйкес ауданымыздың аумақтық қорғаныс батальонының жеке құрамы көше тәртібі мен нысандарды және блок посттарды күзету жұмыстарын жүргізді. Сондай-ақ, халық арасында сақтық шараларын үнемі насихаттап және індет ушығып тұрған қалалардан келе жатқандар туралы дер кезінде жергілікті билікті хабардар еткен азаматтар да болды. Мұндай іс-әрекеттерді еліне, туған жеріне деген патриоттық іс деп бағалауға болады.
Осыған орай бірқатар азаматтар Қазақстан Республикасы Конституциясының 25 жылдығына арналған төсбелгі, Қазақстан Республикасы Қорғаныс министрінің «Төтенше жағдай кезінде міндеттерін адал орындағаны үшін» естелік белгісі және аудан әкімінің «Алғыс хатымен» марапатталды.

Мұрат Ергешбаев пандемия кезінде белсенділік танытқан азаматтарды марапаттады

<a href="https://kyzylorda-news.kz/date/2020/10/02/">Kyzylorda-news.kz</a>. Жастайынан еліміздің ішкі-сыртқы саясатынан қалам тербеген елге белгілі журналист-дипломат, Қазақстанның еңбек сіңірген қайраткері Ержан Уайс жетекші партияның еліміздің партиялық-саяси даму тарихында тұңғыш рет республикалық деңгейде партия мүшелері арасында праймериз өткізуі дұрыс шешім екенін айтып, өзі сенім білдірген азаматтарға дауыс берді.
Партия ардагерінің айтынша праймериз – біріншіден партияның өз ішіндегі мықтыларын іріктеуге, екіншіден партиямен ниеттес, өзекті мәселелердің өзегін анықтап, оны өңдей алатын үзеңгілес азаматтарды партия қатарына тартудың бірден-бір құралы.
<blockquote>
 “Қазір өздеріңіз білесіздер партия тарапынан халықпен кері байланыс арналарын орнатуға ерекше назар аударылуда. Праймериздің ашық өтуі осының бірден бір көрінісі. Мұндай ашықтық партия қатарын шынайы халықшыл азаматтармен толықтыруға және еліміздің қоғамдық-саяси өміріне тың серпіліс әкелетін жаңа көзқарасты саясаткерлердің пайда болуына толық мүмкіндік береді. Бүгін партия мүшесі, ардагері ретінде мен өз таңдауымды жасадым. Бұл азаматтар еліміздің дамуына, өңірмізді өркендетуге белсенді қызмет атқаратындығына кәміл сенемін”,- дейді ол.
</blockquote>
Саяси технологиялық тәсілдің негізгі ерекшеліктерінің бірі партия мүшелерінің ашық, әрі жариялы түрде ынтымақты дауыс берулеріне қол жеткізу. Осы орайда дауыс берудің бірінеше жолдары ұсынылған. Партия ардегері үйде отырып, мобильді қосымшаның көмегімен дауыс беру жолын таңдапты.

Қазақстан және Қызылорда облысының жаңалықтары

Облыс әкімі Ұстаздарды кәсіби мерекелерімен құттықтады

Күрделі кезеңге қарамастан мемлекет мұғалімдерге қолдау көрсете береді – Президент

Бүгін – Ұстаздар күні

Жексенбіге арналған ауа райы болжамы

Гүлшара Әбдіқалықова праймериз үміткерлеріне өз таңдауын жасады

Қызылордада жан басына шаққандағы табыс артты

«Nur Otan» праймеризі: Онлайн-дауыс беру мерзімі ұзартылды

Қызылордада коронавирус тіркелді

3 қазан күнгі ауа райы болжамы

Қызылордада «Сөз маржаны» зияткерлік байқауы өтті

Мұрат Ергешбаев пандемия кезінде белсенділік танытқан азаматтарды марапаттады

Қазақстанның еңбек сіңірген қайраткері үміткерлерге сенім артып, өз дауысын берді

Қазақстан және Қызылорда облысының жаңалықтары

Облыс әкімі Ұстаздарды кәсіби мерекелерімен құттықтады

Күрделі кезеңге қарамастан мемлекет мұғалімдерге қолдау көрсете береді &#8211; Президент

Бүгін &#8211; Ұстаздар күні

Жексенбіге арналған ауа райы болжамы

Гүлшара Әбдіқалықова праймериз үміткерлеріне өз таңдауын жасады

Қызылордада жан басына шаққандағы табыс артты

«Nur Otan» праймеризі: Онлайн-дауыс беру мерзімі ұзартылды

Қызылордада коронавирус тіркелді

3 қазан күнгі ауа райы болжамы

Қызылордада «Сөз маржаны» зияткерлік байқауы өтті

Мұрат Ергешбаев пандемия кезінде белсенділік танытқан азаматтарды марапаттады

Қазақстанның еңбек сіңірген қайраткері үміткерлерге сенім артып, өз дауысын берді

Күрделі кезеңге қарамастан мемлекет мұғалімдерге қолдау көрсете береді – Президент

Бүгін – Ұстаздар күні