<a href="https://kyzylorda-news.kz/">Kyzylorda-news.kz.</a> Өткен тәулікте COVID-19 инфекциясынан үш, ал ковидтік пневмониядан бір адам көз жұмды, деп хабарлайды Қазақстанның денсаулық сақтау министрлігі.
Бір тәулікте коронавирустан 3 адам, ал пневмониядан бір адам қайтыс болды.
Өткен тәулікте 74 қазақстандықта коронавирус диагнозы расталса, 34 пациент пневмонияға шалдықты.
Жалпы 13 наурыздан бері республикада барлығы 108 831 адамда COVID-19 инфекциясы анықталды, 1768 науқас көз жұмды.
1 тамыздан бері 34 909 адам пневмониямен ауырды, 368 науқас қайтыс болды.
Министрліктің мәліметінше, қазір коронавирустан 3 022 адам ем қабылдап жатыр. Олардың арасында 72 бала бар. Стационарларда 2 030 науқас жатыр, 992 адам амбулаториялық жағдайда емделуде.
Дәрігерлердің айтуынша, 84 науқастың жағдайы ауыр. Соның ішінде 13-і хәл үстінде жатыр. 11 пациент жасанды тыныс алдырту аппаратына қосылған.

Қазақстанда коронавирус пен пневмониядан қайтыс болғандар саны артты

<a href="https://kyzylorda-news.kz/">Kyzylorda-news.kz.</a> Еңбек ресурсын дамыту орталығы коронавирустың екінші толқыны нарыққа қалай әсер етерін болжапты,&nbsp;деп хабарлайды «<a href="https://24.kz/kz/zha-aly-tar/basty-zha-aly-tar/item/428793-aza-standa-eki-mln-a-zhuy-adam-ashy-tan-zh-mys-isteu-rezhimine-ajta-k-shui-m-mkin">Хабар 24</a>».
Өткен кезеңде карантиндік шектеулер жұмыссыздықтан гөрі, сол жұмыс уақытының қысқаруына әкелген.
Коронавирустың екінші толқыны бола қалса, 167 мың қазақстандық табысынан айырылуы кәдік. Ал 2 миллиондай азамат қайта қашықтан жұмыс істеу режиміне көшуі мүмкін. Еңбек ресурсын дамыту орталығының мамандары осындай жорамал жасады. Кейбірі ақшасы төленбейтін еңбек демалысына жіберілуі ықтимал.
Ал 4 миллиондай тұрғын қалыпты жағдайда жұмыс істей береді. Бұлар кімдер? Бұлар тәртіп сақшылары, төтенше жағдай мамандары, әскерилер, өндіріс орындарының қызметкерлері және әрине медицина саласының өкілдері. Орталықтың мамандары ауыл шаруашылығында жүрген адамдар да жұмыстан қысқартылып, яки табыссыз қалмайды деп отыр.

Қазақстанда 2 млн-ға жуық адам қашықтан жұмыс істеу режиміне қайта көшуі мүмкін

<a href="https://kyzylorda-news.kz/">Kyzylorda-news.kz.</a> Қармақшы ауданы Ақжар ауылына «Ораз ахун ЛТД» ЖШС-гі биыл 1111 гектар жерге күріш екті. Қазір 90 пайыздан астам алқаптағы егінді орып, қамбаға бастырды. Бұл туралы өңірлік коммуникациялар қызметі хабарлады.
Егін орағында екі техника басты фигурант болады. Жатка мен комбайн. Техника неғұрлым заманауи болса, егін орып бастыру да жеңіл болмақ. Шаруашылық өткен жылдан бастап лизинг шеңберінде 600 млн. теңгеден астам қаржыға соңғы үлгідегі техникаларды сатып алды. Нәтижесінде жұмыс өнімділігі де артқан.
Бір-екі күнде шаруашылық егістікті толық орып болады. Шаруашылық былтыр әр гектарына орташа есеппен 60,2 центнерден өнім алды. Биыл да осы межеден түсірмеу көзделуде. Су тапшылығы болды. Бірақ 5 жерге насос қойып, күрішті күнге күйдірмеудің қарекетін жасады.

Қызылордада егін орағы аяқталуға жақын

<a href="https://kyzylorda-news.kz/">Kyzylorda-news.kz.</a> «Қазгидромет» РМК Қызылорда облысы бойынша филиалы 12 қазанға арналған ауа райы болжамын жариялады.
12 қазанда күндіз Қызылорда облысында солтүстіктен, солтүстік-шығыстан жел соғады, күші кей жерлерде 15-20 м/с күтіледі.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Диетологтар таңғы асқа жоғары талшықты көкөністер мен жемістерге қосып кем дегенде&nbsp;20&nbsp;грамм ақуыз тұтыну керек деп кеңес береді. Егер сіз күнде омлет жегеннен жалыққан болсаңыз, біз ақуызға бай 17 түрлі таңғы ас рецептісін ұсынамыз.&nbsp;
СҮЗБЕ
Сүзбе парфесі
1стақан майсыз сүзбеге&nbsp;2&nbsp;ас қасық үгітілген бадам мен пістені қосып араластырыңыз. Мұндай жаңғақ түрлері нәрлі майға бай. Таңғы асты өзіңізге ұнайтын жемістермен әрлеп, даршынмен дәмдеңіз.
Жерорта теңізі таңғы асы
Туралған қияр мен қызанақты&nbsp;1&nbsp;стақан майсыз сүзбемен бірге араластырыңыз. Кептірілген жебіршөп, жұпаргүл немесе розмарин қосып дәмдесеңіз болады.
Күздік таңғы ас
Табаға 1/2 кесе ұсақ туралған асқабақты салып, бір ас қасық зәйтүн майын құйыңыз да, үстіне даршын себіңіз. 200 градуста 25-30 минут бойы пісіріңіз. Дастарханға сүзбемен бірге ұсыныңыз болады.
Сүзбе құймақтары
Ыдысқа 1/2 кесе ұн, 1/4 шай қасық қопсытқыш,&nbsp;1шай қасық сода, 1/2 кесе сүзбе, 1/4 кесе сүт, 2 жұмыртқаның ағы,&nbsp;1ас қасық қант және шымшым тұз қосып араластырасыз да, табаға май құймай-ақ пісіресіз.
<a href="https://massaget.kz/kyizdarga/kulinariya/63398/">Massaget</a>

Ақуызға бай 5 түрлі ингредиент

&nbsp;<a href="https://kyzylorda-news.kz/">Kyzylorda-news.kz.</a> Жаңақорған аудандық полиция бөліміне Шалқия ауылының тұрғыны ақша жоғалғандығы жөнінде арызданады.
&nbsp;&nbsp;&nbsp; &nbsp;&nbsp;Тексеру жұмыстары барысында туған інісі ағасының үйіне терезесі арқылы жатын бөлмеде тұрған сейфтің есігін бұзып, 12&nbsp;миллион ақшасын алып кеткен.
&nbsp;&nbsp;&nbsp;&nbsp;&nbsp; Көп ұзамай полицейлер ағасына арамдық ойлаған азаматты ұстады. Ол Түркістан облысының тұрғыны, бұрын сотты болғандығы анықталды.
Қазіргі таңда ҚР Қылмыстық кодексінің 389-бабының 3-бөлігімен (Өзінше билік ету) тергеп – тексеру амалдары жүргізілуде. Оған қатысты «ешқайда кетпеу және өзін дұрыс ұстау туралы қолхат» түріндегі бұлтартпау шарасы қолданылды. Мән-жайы анықталуда.

Ағасынан 12 миллион теңге ұрлаған жаңақорғандық ұсталды

<a href="https://kyzylorda-news.kz/">Kyzylorda-news.kz.</a> Қазалы ауданында &nbsp;агроөнеркәсіп кешенін дамыту жөнінде мәжіліс өтті.
Басқосуға облыстық ауыл шаруашылығы басқармасының басшысы Шахмардан Қойшыбаев, «Арал Сырдария бассейндік инспекциясы» республикалық мемлекеттік мекемесінің басшысы Сейілбек Нұрымбетов, Ыбырай Жақаев атындағы Қазақ күріш шаруашылығы ғылыми-зерттеу институтының бас директоры Бақытжан Дүйсембеков және аудандағы егін, мал және балық шаруашылығымен айналысатын кәсіпкерлер қатысты.
Басқосуды аудан әкімі Мұрат Ергешбаев ашып, күн тәртібіндегі мәселенің өте маңызды екенін жеткізді.
<blockquote>
 «Өздеріңіз білесіздер, су мәселесі жылдан-жылға күрделеніп, ауыл шаруашылығымен айналысатын шаруаларға көптеген қиындықтар туғызуда. Сондықтан біз осы кездесуде егін, мал және балық шаруашылығы өндірісін дамыту, өңдеу мен өткізуге қатысты өзекті мәселелер жөнінде ұсыныс-пікір алмасып, оның шешу жолдарын бірігіп талқылайтын боламыз. Сол үшін де Қазалы ауданына арнайы мамандар келіп отыр», – деді Мұрат Нәлхожаұлы.
</blockquote>
Мәжілісте алдымен жақында ғана облыстық ауыл шаруашылығы басқармасының басшысы болып тағайындалған Шахмардан Қойшыбаев сөз алып, шаруашылық басшыларының кез келген ұсыныс-пікірлерін тыңдап, талқылауға дайын екендігін жеткізді.
Мұнан соң «Арал Сырдария бассейндік инспекциясы» республикалық мемлекеттік мекемесінің басшысы Сейілбек Нұрымбетов пен Ыбырай Жақаев атындағы Қазақ күріш шаруашылығы ғылыми-зерттеу институтының бас директоры Бақытжан Дүйсембековмінберге шығып, шаруашылық басшыларын егінді әртараптандыру бағытына бет бұруға шақырды.Себебі жыл сайын Сырдария өзені бассейнінде су тапшылығы орын алып, бұл мәселе жылдан-жылға күрделене түскенін тілге тиек етті.
Кезек ұсыныс-пікірлерге кезек берілгенде «Тілеп» ЖШС директоры, облыстық мәслихат депутаты Ібайдулла Тілеп, «Сыр маржаны» ЖШС директоры, облыстық мәслихат депутаты Мнажадин Өтеев, «Жалаңтөс батыр» ЖШС директоры, аудандық мәслихат депутаты Қасқырбай Әлімбайаудандағы шаруашылық иелерін толғандыратын мәселелерді ортаға салды.

Егін шаруашылығын әртараптандыру &#8211; уақыт талабы

<a href="https://kyzylorda-news.kz/">Kyzylorda-news.kz.</a> “ҚазТрансГаз Аймақ” АҚ Қызылорда өндірістік филиалы тарату желілерінде жөндеу-профилактикалық жұмыстарын жүргізеді.
Осы орайда 13 қазан сағат 8:00-ден 22:00-ге дейін Қызылорда қаласының Қарауылтөбе елді мекенінің және Әл-Фараби шағын ауданының тұрғын үйлері мен объектілеріне табиғи газ беру тоқтатылады.
<blockquote>
 “Газды өшіру кезеңінде газ қондырғылары алдындағы крандарды жабуды және филиал қызметкерлерінің газды қайта іске қосуды жүргізу үшін 2020 жылғы 13 қазан сағат 15.30-дан бастап қол жеткізуін қамтамасыз етуді сұраймыз”, делінген хабарламада.
</blockquote>
Газдың иісі шығуы анықталған жағдайда 104 телефонына қоңырау шалыңыз.
<img src="https://kyzylorda-news.kz/wp-content/uploads/2020/10/whatsapp-image-2020-10-10-at-11.01.54.jpeg" alt="" />

Қызылордада газ беру уақытша тоқтатылады

<a href="https://kyzylorda-news.kz/">Kyzylorda-news.kz.</a> Қоғамдық көлікте инфекция жұқтырмау үшін маска режимін сақтау керек. Бұл туралы&nbsp; академик Вадим Покровский айтты.
<blockquote>
 “Бастысы – маска тағу керек. Метро, автобус ішінде емес, оған бірнеше метр қалғанда таққан дұрыс. Өйткені сол маңда адам көп шоғырланған. Көлікте отырғанда бетпердені шешпеген жөн. Қолғап киюді ұмытып кетсеңіз, айналадағы заттарды қолмен ұстамауға тырысыңыз. Бетіңіз бен денеңізге қол тигізбеген жөн. Қолды жиі жууды ұмытпау керек”, – деп кеңес береді Покровский.
</blockquote>
Вирус жұқтыру қаупін азайтуға ауа циркуляциясы көмектеседі. Маманның айтуынша, көліктің терезесі ашық болғаны дұрыс.
<blockquote>
 “Терезені ашып, ауаны тазартып тұрған жөн. Алайда ауа райына мән беру керек. Салқын тиіп қалуы мүмкін”, – дейді академик.
</blockquote>
Қоғамдық көлікте мүмкіндігінше әлеуметтік қашықтық сақталуы тиіс.&nbsp;
Маман жақын жер болса, жаяу жүруге кеңес беріп отыр.
<a href="https://radiosputnik.ria.ru/20201009/kovid-1578836316.html">Sputnik</a>

Қоғамдық көлікте инфекция жұқтырмау үшін не істеу керек?

Kyzylorda-news.kz. Аллерголог-иммунолог, педиатр дәрігер, Астана медицина университетінің микробиология, вирусология және иммунология кафедрасының ассистенті Мөлдір Бақтыбаева иммунитетті көтерудің бірнеше әдісін айтып берді.
<blockquote>
 «С витаминін адам ауырғаннан бастап ішу керек. Алдын ала ішудің қажеті жоқ. Бұл дәруменді адам ауырғандағы алғашқы клиникалық белгілер байқалғаннан бастап жазылғанға дейін ішеді. Қандай да бір белсенді затты, минералды витаминді ішер кезде алдын ала тексеріп алу керек. Егер адам толық тамақтанып, күнделікті қажетті микро және макро элементтер мен калорияны тұтынатын болса, ондай адамдарға ешқандай витаминнің керегі жоқ. Өйткені витаминнің, белсенді заттың өзі де ағзада сақталады. Қандай да бір дәруменді ішер алдында дәрігерден кеңес алу қажет», – дейді иммунолог-дәрігер «Хабар 24» арнасындағы «Диагноз» бағдарламасында.
</blockquote>
Мөлдір Бақтыбаева сонымен қатар антибиотиктар туралы пікір білдірді.
Маманның айтуынша, тұмау кезінде антибактериалды терапияны қабылдауға болмайды. Неге десеңіз, ол иммундық жүйені әлсіретеді.
<blockquote>
 «Вирусты – вирусқа қарсы дәрілермен емдеу керек. Байқап отырсақ, вирусқа қарсы дәрілердің өзі де алғашқы бір екі күнде өзінің әсерін бере бастайды. Ал енді ауырмаймын деп, алдын ала иммунитетті күшейтетін, вирусқа қарсы дәрілерді қабылдауға болмайды», – дейді ол.
</blockquote>
Иммунолог-дәрігер дене қызуы 38,4 дейін болса су ішіп, дене қызуын түсіруге тырысу керектігін айтады.
<blockquote>
 «Әрине, егер де неврологиялық аурулар болса, дене қызуының 38,4-ге дейін жетуін күтіп отырмауымыз керек. Дененің өзі қызуды жеңе алмаса дәрігерге жүгініп, анализден өту керек. Себебі қызумен жүре берсеңіз оған қосалқы бактериалдық инфекция қосылуы мүмкін. Қосымша инфекция қосылған кезде ғана біз антибиотик тағайындаймыз», – дейді ол.
</blockquote>
Дәрігер маман «ауырып ем іздегенше, ауырмаудың жолын ізде» деген қазақтың тәмсілін еске салды.
<blockquote>
 «Ең біріншіден дұрыс тамақтану керек. Яғни толыққанды витаминмен, ақуызбен, көмірсумен байытылған тамақты тұтынған абзал. Одан кейін ұйқының толыққанды әрі дұрыс болғаны жөн. 8 сағаттық ұйқы болуы керек. Үшінші спортпен шұғылданып, жаттығу жасаған пайдалы. Төртіншіден, біздің өзіміздің денеміз 80 пайыз судан тұратындықтан ағзаны құрғатпай, күнделікті кешкі алтыға дейін аз мөлшермен жылы су ішіп жүру керек», – деді ол.
</blockquote>

Кез келген дәруменді ішер алдында дәрігермен кеңесу керек

Kyzylorda-news.kz. 2011 жылы 19 желтоқсанда БҰҰ Бас Ассамблеясы 66/170 қарарын қабылдап, қыздардың құқықтарын мойындау, олардың бүкіл әлемде кездесетін ерекше қиындықтарын атап көрсету, қыздардың жалпы адами құқықтарын сақтау, соның ішінде – тең білім алу және физикалық тәуелсіздікке қол жеткізуді жүзеге асыруды насихаттау мақсатында қазанның 11 жұлдызын Халықаралық қыздар күні деп жариялады.
Осыдан 25 жыл бұрын Бейжіңдегі Әйелдер құқығы жөніндегі төртінші дүниежүзілік конференцияда жаһандық қоғамдастық әйелдер мен қыздардың мүмкіндіктерін кеңейтудің ең көреген жоспарын – Бейжің декларациясы мен Іс-қимыл тұғырнамасын қабылдады. Осылайша қазіргі уақытта қыздар өздерінің бейбіт және гүлденген болашағын құру үшін осы жоспарды ұстанып, әрекет ете алады. Бейжің декларациясын еске алу үшін «БҰҰ-Әйелдер» құрылымы бірнеше ұрпақтар толқынын қамтитын «Теңдік буыны» науқаны аясында әйелдер мен қыздардың құқықтарын қорғаушыларды біріктіреді. Жасөспірім қыздардың қажеттіліктері мен мүмкіндіктеріне байланысты нақты мақсаттар мен іс-шаралар және олардың шешімдері ұрпақтар теңдігін қамтамасыз ету миссиясының басты бағыты болып табылады.
Қыздар үй ішінде және қоғамда зорлық-зомбылықсыз өмір сүруді талап етеді. Ондай жағдайды қамтамасыз ету – барлығымыздың міндетіміз. 2015 жылғы Қазақстандағы кластерлік зерттеу мәліметтері бойынша, қыздардың 50% зорлықты тәрбиеге душар болуда. Оның ішінде 21% – дене зорлығы, 45% психологиялық агрессияға ұшырайды.
Сонымен қатар COVID-19 қыздарға ақпарат пен білімге тең қол жеткізу үшін жаңа кедергі – цифрлық алшақтықты тудырды. Қыздар жылдам өзгермелі еңбек нарығы жағдайында бәсекелес болу үшін білім мен кәсіби дағдылардың үлкен теңсіздігіне тап болады. Гендерлік рөлдер мен стереотиптер – бала шақтан басталып, жасөспірім кезде қалыптасып, болашақта таңдайтын кәсіп түріне әсер ететін үйреншікті мінез-құлық үлгісі. Дүниежүзінде ғылым, технология, инженерия және математика салалары (STEM) бойынша оқыған түлектер арасында әйелдердің үлесі әлем елдерінің үштен екісінен астамында 15%-тен аспайды. Гендерлік теңдікке қол жеткізу үшін әйелдер мен жас қыздарға білімге, технологияға, цифрлық оқытуға және ақпараттық қауіпсіздікке тең қолжетімділік қажет.
Жаңа дағдыларға ие қыздардың мүмкіндіктерін дамыту экономикалық даму үшін өте маңызды. Қазақстандағы қыздар арасында STEM саласындағы білім мен инновацияларды дамыту мақсатында 2020 жылы ЮНИСЕФ пен әл-Фараби атындағы Қазақ ұлттық университетінің ғылыми-технологиялық паркі қыздарға UniSat наноспутниктерін жасап шығару бойынша білім беру жобасын іске қосты. Ағымдағы жылдың қазан айында Қазақстанның әр аймағынан келген 14 пен 35 жас аралығындағы 20 қыз стратосфераға алғашқы дайын наноспутникті ұшырады. Бұл шара нанотехнология, бағдарлама жасау және ғарыш аппараттарын жобалау саласы Қазақстанның қыздары үшін ашық екенін дәлелдейді. Сонымен қатар қазақстандық жастардың індет кезіндегі оқшаулануды жеңуіне көмектесіп, денсаулыққа эмоционалды қолдау көрсеткен, күйзелістермен күресуге қол ұшын созып, құрдастарымен кеңес бөліскен БҰҰ еріктілерінің көпшілігін қыздар құрайды.
Мәдени шаралар мен шығармашылық арқылы қыздарға мүмкіндік беру – 2005 жылғы ЮНЕСКО-ның мәдени саланың әртүрлілігін қорғау және қолдау туралы конвенциясының негізі. Осыған орай, ЮНЕСКО қыздардың белгілі бір шығармашылық кәсіби салалардағы білімін кеңейту және жетілдіру мақсатында бүкіл Орталық Азия елдерінің ерекше қажеттіліктері бар қыздарына арналған #GirlsCreArt2020 онлайн курсын бастады.
Бүгінгі таңда ЮНФПА гендерлік мәселелер, репродуктивті денсаулық және әрбір қыз бен әйелдің құқығы туралы хабардар болуға бағытталған «Қыз тағдыры» жобасын әнші, қоғам белсендісі Қалия және The Steppe порталымен бірге ұсынды. Бұл жоба гендерлік теңдік әлемін құрудың кезекті әрекеті ретінде жасалды. Онда әрбір қыз өзінің денсаулығы мен өмірі туралы саналы таңдау жасауға құқылы.
<a href="https://www.inform.kz/kz/bugin-halykaralyk-kyzdar-kuni_a3704744">ҚазАқпарат</a>

Бүгін &#8211; халықаралық қыздар күні

Kyzylorda-news.kz. Қазақстанның басым бөлігі әлі де антициклонның ықпалында болғандықтан, күн жауын-шашынсыз болады, деп хабарлайды Қазгидромет.
Тек Қазақстанның солтүстігінде, орталығында және оңтүстік-шығысында атмосфералық ағынардың өтуіне байланысты жауын-шашын жаңбыр және қар жаууы ықтимал. Республиканың кей жерлерінде тұман түсіп, жел күшейеді. Елдің шығысында көктайғақ болып, оңтүстік-батысында шаңды дауыл көтеріледі.
Шығыс Қазақстан облысының кей жерлерінде көктайғақ болып, тұман түседі, күндіз жел 15-20 м/с жылдамдықпен еседі.
Ақмола, Түркістан, Жамбыл, Маңғыстау облыстарының кей жерлерінде жел 15-20 м/с жылдамдықпен соғады.
Маңғыстау облысында шаңды дауыл тұрып, Жамбыл облысында тұман түседі.
Павлодар облысында, түнде және таңертең Алматы, Солтүстік-Казахстан, Қарағанды ​​ облыстарының кей жерлерінде тұман түседі.
Алматы, Жамбыл, Түркістан, Қызылорда облыстарының кей жерлерінде түнде 1-3 градус үсік жүреді.

Қазақстан және Қызылорда облысының жаңалықтары

Қазақстанда коронавирус пен пневмониядан қайтыс болғандар саны артты

Қазақстанда 2 млн-ға жуық адам қашықтан жұмыс істеу режиміне қайта көшуі мүмкін

Қызылордада егін орағы аяқталуға жақын

Дүйсенбіге арналған ауа райы болжамы

Ақуызға бай 5 түрлі ингредиент

Ағасынан 12 миллион теңге ұрлаған жаңақорғандық ұсталды

Егін шаруашылығын әртараптандыру – уақыт талабы

Қызылордада газ беру уақытша тоқтатылады

Қоғамдық көлікте инфекция жұқтырмау үшін не істеу керек?

Кез келген дәруменді ішер алдында дәрігермен кеңесу керек

Бүгін – халықаралық қыздар күні

Жексенбіге арналған ауа райы болжамы

Қазақстан және Қызылорда облысының жаңалықтары

Қазақстанда коронавирус пен пневмониядан қайтыс болғандар саны артты

Қазақстанда 2 млн-ға жуық адам қашықтан жұмыс істеу режиміне қайта көшуі мүмкін

Қызылордада егін орағы аяқталуға жақын

Дүйсенбіге арналған ауа райы болжамы

Ақуызға бай 5 түрлі ингредиент

Ағасынан 12 миллион теңге ұрлаған жаңақорғандық ұсталды

Егін шаруашылығын әртараптандыру &#8211; уақыт талабы

Қызылордада газ беру уақытша тоқтатылады

Қоғамдық көлікте инфекция жұқтырмау үшін не істеу керек?

Кез келген дәруменді ішер алдында дәрігермен кеңесу керек

Бүгін &#8211; халықаралық қыздар күні

Жексенбіге арналған ауа райы болжамы

Егін шаруашылығын әртараптандыру – уақыт талабы

Бүгін – халықаралық қыздар күні