<a href="https://kyzylorda-news.kz/">Kyzylorda-news.kz</a>.&nbsp;Қызылорда облысы әкімдігінің қаулысымен 2001 жылы ашылған «Өмірлік қиын жағдайда қалған адамдарды қайта әлеуметтендіруге&nbsp; арналған» мекемесі&nbsp; өмірлік&nbsp; қиын жағдайда қалған азаматтарға және &nbsp;бас бостандығынан айыру орындарынан босатылғандар мен пробация қызметі есебінде тұрған&nbsp; сотталғандарға қызмет көрсетеді. Бүгін осы орталық жанынан шеберхана ашылды.
Шеберхана осы орталықтағы азаматтарға және бас бостандығынан айыру орындарынан босатылғандар мен пробация қызметі есебінде тұрған&nbsp; сотталғандарға арналған.&nbsp; Олар шеберханада&nbsp; ағаштан түйін түйіп, темірден түрлі бұйымдар жасаумен айналысады. Қазіргі таңда орталықта 39 азамат болса, оның бесеуі пробация есебіндегі азаматтар.
<blockquote>
 &nbsp;«Туған- туыстарымен қатынасы, үй-күйі жоқ түзеу мекемесінен босатылған азаматтар осы орталықта бір жылға дейін тұрады. Орталық мамандары азаматтарға психологиялық, медициналық, экономикалық, мәдени, құқықтық, еңбек терапиясы, тұрмыстық&nbsp; көмек көрсетеді.&nbsp; Бүгінде&nbsp; пробация есебіндегі 5 азамат осы орталықта. Енді осы шеберханада&nbsp; есептегі азаматтарда жұмыспен қамтылатын болады. Шеберханаға&nbsp; шикізаттарды «Pro bono» қоғамдық қоры жеткізуде», – деді қалалық пробация қызметі бастығының орынбасары әділет майоры Д.Балғабаев.
 «Мен қаладағы&nbsp; ЗК-169/5 түзеу мекемесінен&nbsp; жазамды өтеп, босатылған соң баратын жерім болмағандықтан,&nbsp; осы орталыққа&nbsp; келдім.&nbsp; Орталықта&nbsp; үш мезгіл тамақ пен төсек-орын беріледі. &nbsp;Қазір пробация есебіндемін, уақытылы пробациялық тіркеуге барып тұрамын. Дәнекерлеуші мамандығым бар. Орталықтың ашқан шеберханасында дәнекерлеуші болып жұмыс жасайтын боламын. Пробация қызметі де біздің қоғамға бейімделіп кетуімізге көмек көрсетіп жатыр. Орталық қызметкерлері мен пробация инспекторларына алғысым шексіз»,- деді есептегі азамат.
</blockquote>
<img src="https://kyzylorda-news.kz/wp-content/uploads/2020/11/whatsapp-image-2020-11-10-at-18.19.49-1.jpeg" alt="" />
<img src="https://kyzylorda-news.kz/wp-content/uploads/2020/11/whatsapp-image-2020-11-10-at-18.19.49.jpeg" alt="" />
<img src="https://kyzylorda-news.kz/wp-content/uploads/2020/11/whatsapp-image-2020-11-10-at-18.19.48.jpeg" alt="" />

Қызылордада есептегі азаматтарға арналған шеберхана ашылды

<a href="https://kyzylorda-news.kz/">Kyzylorda-news.kz</a>.&nbsp;Облыстық білім басқармасының басшысы Ақзира Қасымова&nbsp;оқушыларды ғылымға баулуда Қорқыт ата атындағы Қызылорда университетімен екіжақты меморандум жасалғанын атап өтті. Яғни 54 инновациялық мектепте оқушыларды ғылыми жоба мен олимпиадаларға дайындау үшін жылына 1500 сағат бөлінген.
<blockquote>
 “Негізгі мақсатымыз – оқушыларды мектеп қабырғасынан бастап ғылымға баулу, жол көрсету. Меморандум аясында оқушылардың ғылыми жұмыстарына бірқатар университет ғалымдары жетекшілік етеді. Мәселен, облыс көлемінде бірнеше мектептерде жылыжай ұйымдастырылған. Жылыжайларда оқушыларға биология ғылымдарының кандидаты Рахат Құрманбаев, ауылшаруашылық ғылымдарының кандидаты Самалбек Қосанов жетекшілік етеді. Ал, ауылдық жердегі, Жаңақорған ауданындағы №195 мектеп-гимназияға тарих ғылымдарының докторы Дастан Сәтбай, филология ғылымдарының кандидаттары Айман Айтбаева, Райкүл Диуанова оқушыларды ғылыми жобаға дайындайды”, – дейді басқарма басшысы.
</blockquote>
Айта кетейік, Қызылордадан соңғы 3 жылда республикалық байқауларға 84 оқушы қатысып, 46 оқушы жүлде иеленді. Республикалық ғылыми жоба конкурсына 63 оқушы қатысып, 23 оқушы жеңімпаз атанды.

Ақзира Қасымова: Ғылымға қызығушылық танытқан әрбір оқушыны қолдауға дайынбыз

<a href="https://kyzylorda-news.kz/date/2020/11/10/?doing_wp_cron=1604987071.8866970539093017578125">Kyzylorda-news.kz.</a> Пандемия кезеңінде Сыр еліндегі Жастар театры онлайн форматта жұмысын жалғастырды. Театр ұжымы Абай Құнанбаевтың 175 жылдық мерейтойына арнайы онлайн өлең оқу эстафетасын, «Ұлттық ғашықтар» күні мерекесіне орай онлайн мәдени іс-шаралар ұйымдастырды. Ал, Отбасы күніне орай, қысқа метражды фильм түсіріп, көрермен назарына ұсынды.
Ең алғаш 2016 жылы құрылған Жастар театры өткен жылы 23 қойылым сахналап, көрерменнің жоғары бағасына ие болды. Аз ғана уақыт ішінде көптеген республикалық фестивальдер мен конкурстарға қатысып, жеңімпаз атанған театр ұжымы Қарағанды облысында ұлы ақынның 175 жылдығына орай өтіп жатқан «ТТТ» республикалық онлайн театрлар байқауында Оңталап Нұрмахановтың «Қалың елім, қазағым, қайран жұртым…» атты қойылымын ұсынды.
Театр әртістері пандемияға дейін Арал, Қазалы, Қармақшы, Жалағаш аудандарына және Шымкент қаласы Ж.Шанин атындағы облыстық академиялық драма театрында «Қыз қасқыр» атты қасіретнамалық қойылымымен гастрольдік сапарда болып, қалың жұртқа рухани азық сыйлады.

Сыр еліндегі Жастар театры 23 қойылым сахналады

<a href="https://kyzylorda-news.kz/">Kyzylorda-news.kz</a>. 11 қараша, сәрсенбі күні елімізде ауа райы құбылмалы болады, деп хабарлайды «Қазгидромет» РМК.
Қазақстан аумағының басым бөлігінде ауа райына Салехард аймағынан келетін циклон әсер етеді. Осыған байланысты тұрақсыз ауа райы сақталады, жауын-шашын (жаңбыр, қар) жауады.
Республиканың кей жерлерінде жел екпіні 25 м/с дейін күшейеді, тұман түседі, көктайғақ болып, жаяу бұрқасын соғады.
Тек еліміздің оңтүстік-шығысында антициклон ықпалымен жауын-шашынсыз ауа райы сақталады.
Қызылорда облысының кей жерлерінде жел жылдамдығы 15-20 м/с дейін күшейеді.

11 қарашаға арналған ауа райы

Kyzylorda-news.kz. Биыл теңізді өлкенің төл басылымы, ауданның айнасына баланған «Толқын» газетіне 90 жыл толды.
Осыған орай, бүгін аға басылымның тарихи 90 жылдық мерейтойына арналған мерекелік кеш өткізілді. Шараға аудан әкімі Мұхтар Оразбаев қатысты.
<blockquote>
 «Бүгінде аудандық «Толқын» газетінің шығармашылық ұжымы өзінің оқырмандарына өңірімізде болып жатқан маңызды оқиғаларды дер кезінде жеткізіп, мемлекеттік саясаттың жүзеге асуына және мемлекеттік тілдің мәртебесінің көтерілуіне зор үлесін қосып келеді. Заман талабынан шыға білген газет ұжымы ақпарат айдынында өздерінің лайықты орнын алып отыр. 90 жыл – бұл жай ғана сандық көрсеткіш емес. Бұл жылдарда қаншама еңбек пен күш, рухани құндылықтар жатыр. Ендеше, 90 жылдық белесті еңсерген ұжымға шығармашылық шабыт, еңбектеріңізге табыс тілеймін! Оқырманды қуантатын жағымды жаңалықтарыңыз көбейе берсін! Еліміздің өркендеуі жолында қаламдарыңыз мұқалмай, қызмет ете берулеріңізге тілектеспін!»-деп ізгі лебізін жеткізді аудан әкімі.
</blockquote>
Мерекелік кеште ақпарат айдынында өзіндік қолтаңбалары қалған ардагер-журналисттерге, бүгінгі таңда газетте қызмет атқарып келе жатқан сала мақтаныштарына аудан әкімінің Алғыс хаты мен сый-сияпаты және «Толқын» газетінің ұжымына аудан әкімдігінің «Құттықтау хаты» мен естелік сыйлығы табысталды.
Жиында сөз алған «Сыр-медиа» ЖШС-нің директоры А. Оңғарбаев газет ұжымына шығармашылық табыс пен зор жетістіктерге жете беруіне тілектестігін білдірді. Сонымен қатар, бірнеше жыл бойы редакция қабырғасында еңбек етіп жүрген тілшілер мен қызметкерлерге облыстық ішкі саясат басқармасының және «Сыр-медиа» ЖШС-нің Алғыс хаттарын табыс етті.
Аға басылыммен бірге жасасып, кейінгі ұрпаққа ақылшы бола білген, қаламы қарымды, қиялы жүйрік аға буын өкілдері – Қазақстан Республикасының еңбек сіңірген мәдениет қайраткері, Қазақстан Журналистер Одағының мүшесі, Арал ауданының «Құрметті азаматы», дербес-зейнеткер – Шәкірат Дәрмағамбетов, аудандық ардагерлер кеңесінің төрағасы – Айбосынов Кішкене, жазушы-журналист, қазақ журналистикасының қайраткері – Еркін Әбілов, «Толқын» газетінің тұрақты, қоғамдық тілшісі – Әйтімов Иманбай газет тарихынан сыр шертетін естелік әңгімелерімен бөлісіп, пайымды пікірлерін ортаға салып, ыстық ықыластарын жеткізді. Сондай-ақ, Қазақстанның еңбек сіңірген қайраткері, ҚР композиторлар Одағының мүшесі, «Құрмет орденінің», «Халық алғысы» медалінің иегері, Арал ауданының «Құрметті азаматы», күйші-композитор, ақын-жырау Мұрат Сыдықов мерейтойға орай өзінің арнау жырын оқып, күй-шашуын тарту етті. 
Мерекелік шарада «Толқын» газетінің 90 жылдық мерейтойына арналған «Толқыным» атты әннің алғаш рет тұсауы кесілді. Шара барысында қатысушыларға арнап аудан өнерпаздары жыр-термеден шашу шашты.
Ауданның шежіресіне айналған басылым алғаш рет «Екпінді балықшы» деген атаумен жарық көріп, одан «Социалистік Арал» болып халыққа танылған аудандық газет бертін келе тарихпен үндесіп «Толқын» деген атауды еншілеген болатын. Қазіргі таңда 6500 дана таралыммен аудан жаңалықтарын оқырман қауымға жеткізуде елеулі орны бар басылым ретінде жұмыс жасап келеді.
<img src="https://kyzylorda-news.kz/wp-content/uploads/2020/11/fb_img_1605014418461.jpg" alt="" />
<img src="https://kyzylorda-news.kz/wp-content/uploads/2020/11/fb_img_1605014401274.jpg" alt="" />

Арал аудандық «Толқын» газетіне 90 жыл толды

<a href="https://kyzylorda-news.kz/date/2020/11/10/">Kyzylorda-news.kz</a>. Облыстық жастар ресурстық орталығының мамандары ескі компьютерлерді кәдеге жаратып, балалардың кедергісіз білім алуы үшін ІТ паркпен бірлескен жобаны қолға алған болатын.
Қала тұрғындары бұған дейін істен шыққан компьютерлерін орталыққа әкелген. Нәтижесінде мамандар 110-ға жуық компьютердің ішіндегі қажетті бөлшектерді пайдалана отырып, тағы жаңа 20 компьютерді жасақтап шығарды. Бүгін олар екінші лекпен тұрмысы төмен, мұқтаж отбасыларға таратылды.
Орталық директоры Бауыржан Мастековтың айтуынша, осыған дейін жаңа оқу жылына орай 30 компьютер берілген, республикада алғаш болып біздің өңірде қолға алынған бұл бастама алдағы уақытта да жалғасады.
Компьютерге қол жеткізгендер ішінде Айнұр Әлиева бар. Оның баласының білім көкжиегін кеңейтуіне берілген бұл мүмкіндікке деген алғысы зор. Иә, жақсылықтың үлкен-кішісі болмайды. Өзгеге мейірім сыйлау үшін таза ниеттің өзі жеткілікті.

«Мектепке жол»: Мұқтаж отбасыларға тағы 20 компьютер табысталды

<a href="https://kyzylorda-news.kz/date/2020/11/10/">Kyzylorda-news.kz.</a> Еліміздің ғылым саласында 22 мыңнан аса маман қызмет атқарады. Ал, өңірдің орта мектептерінде 431 магистр жұмыс істейді. Бұған қоса, облыста 54 инновациялық мектеп бар.
Бүгінде мектептерде пәндерді тереңдете оқыту үшін факультативтер мен қосымша курстарды ұйымдастыруға және ғалымдарды шақырып лекциялар өткізіп, ғылыми жоба мен олимпиадаларға дайындау үшін қаржы бөлінеді. Яғни қосымша сабаққа жылына 1500 сағат беріледі.
<blockquote>
 “Облыста талантты, озат, интеллектуалдық әлеуеті жоғары жастарды қолдау мақсатында түрлі бағыттағы ғылыми зерттеу жұмыстары мен олимпиадалар ұйымдастырылуда. Өткен жылы Оңтүстік Кореяның Дэджон қаласында өтетін «Жас ғалым» халықаралық ғылыми жоба конкурсы, Мәскеу облысы, Королев қаласында өткен «Адам-Жер-Ғарыш» атты қоршаған ортаны қорғау проблемалары бойынша ғылыми-зерттеу жобаларының жалпы ресейлік олимпиадасына біздің оқушылар қатысып, жүлделі орындарға ие болды. Сондай-ақ, соңғы 3 жылда түрлі олимпиадаға 84 оқушы қатысып, 46 оқушы жүлде иеленді. Ал республикалық ғылыми жоба конкурсында 63 оқушы бақ сынап, 23 оқушы жеңімпаз атанды”, – деді облыстық білім басқармасының басшысы Ақзира Қасымова.
</blockquote>
Басты мақсат – білімді оқушыларды мектеп қабырғасынан бастап ғылымға баулу, жол көрсету.

Қызылордада 54 инновациялық мектеп жұмыс істейді

<a href="https://kyzylorda-news.kz/date/2020/11/10/?doing_wp_cron=1605006600.0146610736846923828125">Kyzylorda-news.kz.</a> Пандемия салдары қазіргі таңда әлемдік дәрежеде бірқатар салаларға кері әсерін тигізіп, оның ішінде туризм саласын да айтарлықтай дәрежеде зардап шектірді.
Дегенмен, бұл жағдайда әлемдік сыртқы туризм саласы деңгейінің төмендетіп, ішкі туризмнің дамуына мүмкіндік берді.
Осы орайда, туристік нысандарды зерттеу және оларды жандандыру мақсатында облыстық кәсіпкерлік және туризм басқармасы «Халықаралық Аралды құтқару қорының» Қазақстан Республикасындағы атқару дирекциясымен бірлесіп АРАЛ ауданына қарасты Қосаман ауылдық округі, «Ақеспе» елді-мекенінде орналасқан «Ыстық су» шипалы бұлағы, Қамыстыбас елді-мекеніне қарасты «Аспан асты мұражайы», «Қараусыз қалған кеме қалдықтары» («Возрождение» аралы) сынды бірқатар туристік нысандарды біріктіріп, бағдарлама әзірлеуде.
Тиісті туристік маршрут әзірленгеннен кейін, туристік фирма өкілдеріне ұсынылатын болады.
<blockquote>
 “Арал ауданы өзінің экологиялық жағдайына қарамастан, көз тартарлық табиғатқа ие болып табылатын өлке. Арал теңізінің тартылуы әлемдік деңгейдегі табиғи апатты алып келсе де, сол аймақта қалып қойған теңіздің табаны, таушықтар, қараусыз қалған кемелердің қалдықтары біршама туристерді қызықтырып, тартуда”, – дейді облыстық кәсіпкерлік және туризм басқармасының мамандары.
</blockquote>
Басқарма тарапымен әзірленген «Арал ауданының туристік әлеуеті» туралы қысқаша бейнероликті назарларыңызға ұсынамыз.
<img src="https://kyzylorda-news.kz/wp-content/uploads/2020/11/124329240_1079677785838752_3956135563280740001_o.jpg" alt="" />
<img src="https://kyzylorda-news.kz/wp-content/uploads/2020/11/124350351_1079677849172079_5745515385664198075_o.jpg" alt="" />
<img src="https://kyzylorda-news.kz/wp-content/uploads/2020/11/124415357_1079677952505402_5409868057804651411_o.jpg" alt="" />

Арал ауданы: Пандемия ішкі туризмнің дамуына мүмкіндік берді (ВИДЕО)

<a href="https://kyzylorda-news.kz/date/2020/11/10/?doing_wp_cron=1605006600.0146610736846923828125">Kyzylorda-news.kz.</a> «Азаматтарға арналған үкімет» мемлекеттік корпорациясы QR кодын пайдалана отырып, халыққа қызмет көрсету орталықтары жұмысының сапасын бағалау жүйесін іске қосты. Келушілер оның көмегімен қызмет көрсету процесі, мәдениеті және бөлімнің инфрақұрылымы сияқты жайттар бойынша өз пікірлерін қалдыра алады. Бүгінде 500-ден астам азамат бұл тәсілді қолданып, халыққа қызмет көрсету бөлімдерінің жұмыс сапасын бағалап үлгерді.
Еліміздегі 339 бөлімнің әрқайсысында келушілер QR коды орнатылған стендтерді таба алады. QR кодты оқып-танитын қосымшаны пайдалану арқылы клиенттер&nbsp; смартфондағы сауалнама парағына бірден өтеді. Азаматтар онда оператордың жұмысына көңілі толғанын, қызметті алу ыңғайлы болған/болмағанын, қажет ақпаратты ала алғанын айтып бере алады. Сонымен қатар қызмет алушылар өздерінің тілек-пікірлерін фронт-офис фотосуретін немесе бейнесін жүктеу арқылы да білдіре алады.
Аталған кері байланыс келушілердің мемлекеттік корпорацияның қызметі туралы пікірін білу және олардың қанағаттану деңгейін анықтау үшін қажет. Сондай-ақ сауалнама нәтижелері бөлімдердегі кемшіліктерді анықтауға және оларды жедел жоюға мүмкіндік береді.
Айта кетейік, сауалнама сұрақтарына мемлекеттік корпорациясының gov4c.kz ресми интернет-ресурсындағы «Кері байланыс» бөліміне өту арқылы да жауап беруге болады.

Қазақстандағы ХҚО-лар өз жұмысын бағалауды сұрайды

<a href="https://kyzylorda-news.kz/date/2020/11/10/?doing_wp_cron=1604987071.8866970539093017578125">Kyzylorda-news.kz.</a> Қызылорда қаласының тұрғындары мен қонақтары жыл соңына дейін қоғамдық көлікте 10 теңгеге арзан жүре алады.
Жеңілдік SMS хабарлама арқылы және Менің Beeline-ым мобильді қосымшасында келесі бағыттарда төлегенде беріледі: 1, 2, 11, 14, 17, 18.
Төлеу нұсқалары:
<ul>
<li>Менің Beeline-ым мобильді қосымшасы: басты бетте «Көлік» бөлімін таңдап, көлік кодын жазу немесе QR-кодты сканерлеу керек. «Төлеу» пернесін басып, одан кейін билетті алу үшін «Билет алу» пернесін басу қажет. Жол жүретін электронды билет 2505 нөмірінен SMS-хабарлама түрінде келеді.</li>
<li>SMS-хабарлама: 2505 нөміріне көлік коды көрсетілген SMS жіберу керек. Жауап ретінде, қолданушы, электронды билетті SMS-хабарлама түрінде алады, оны контролерге көрсетуге болады. SMS жіберу тегін.</li>
</ul>
Жолақы төлегенде, теңгерімнен жолақы толық ұсталып, содан соң бірнеше секундта 10 теңге cashback теңгерімге қайтарылады. Акция бойынша күніне 2 рет жүруге болады. Көлік коды мен QR код автобустардың салонындағы жапсырмада.
«Менің Beeline-ым» мобильді қосымшасын алдын ала төлеммен есеп айырысу жүйесінің барлық клиенті <a href="https://play.google.com/store/apps/details?id=kz.beeline.odp&footer">Android</a> және <a href="https://apps.apple.com/kz/app/moj-beeline/id711280776">iOS</a> мобильді платформаларында қолдана алады. Толық ақпарат: <a href="http://www.beeline.kz">www.beeline.kz</a>
(Лицензия ҚР Көлік және коммуникация министрлігінен 24.08.1998 жылы ККМ №ДС 0000317 лицензиясы берілген)

Қызылордада жолақы жыл соңына дейін 10 теңгеге арзан

<a href="https://kyzylorda-news.kz/date/2020/11/10/?doing_wp_cron=1605006600.0146610736846923828125">Kyzylorda-news.kz</a>. Президент Қасым-Жомарт Тоқаев бас мүфтиді қабылдады, деп хабарлады&nbsp;<a href="https://www.akorda.kz/kz/events/akorda_news/meetings_and_receptions/prezident-kasym-zhomart-tokaev-kazakstan-musylmandary-dini-baskarmasynyn-toragasy-bas-mufti-nauryzbai-kazhy-taganulyn-kabyldady">Ақорда.</a>
Наурызбай қажы Тағанұлы мемлекет басшысына Қазақстан мұсылмандары діни басқармасының пандемия кезінде жасаған қайырымдылық шаралары жайында айтып берді. Мүфтият ауруханаларға жасанды тыныс алдырту, оттегі аппараттары мен медициналық құрал-жабдықтар жеткізіп, мұқтаж жандарға дәрі-дәрмек пен бетпердені тегін таратқан. Ал “Ел үлесі – пәтерде” акциясы аясында 314 баспана берілді.&nbsp;
<blockquote>
 “Бұдан бөлек, Наурызбай қажы Тағанұлы имамдардың білімін көтеру мен кадр даярлау мәселелері жайында баяндады. Алдағы уақытта мүфтият “Ихсан” ілімін, Абайдың кемел адам концепциясын кеңінен дәріптеп, насихаттау жұмыстарымен айналысатынын жеткізді”, – делінген ресми хабарламада.&nbsp;
</blockquote>
Кездесу кезінде Қазақстан мұсылмандары діни басқармасының алдағы жоспарлары да сөз болды. Атап айтқанда, Ислам академиясын құру, Ислам және теология кітапханасын салу, еліміздегі мешіттердің архитектурасын қазақы салт-санаға сай қалыптастыру мәселелері айтылды.
Қасым-Жомарт Тоқаев Қазақстан мұсылмандары діни басқармасының жұмысын жоғары бағалап, алдағы бастамаларына сәттілік тіледі.

Енді мешіттердің архитектурасы қазақы салт-санаға сай қалыптасады

Kyzylorda-news.kz. Қазақстанның білім және ғылым вице-министрі Мирас Дәуленов оқушылар үшін екінші тоқсан қандай форматта өтетінін айтты, деп хабарлайды&nbsp;<a href="https://sputnik.kz/">Sputnik Қазақстан.</a>
<blockquote>
 “Екінші тоқсандағы оқыту форматына қатысты шешімді нақты өңірдегі және елдегі санитарлық-эпидемиологиялық ахуалды ескеріп, денсаулық сақтау министрлігі қабылдайды. Білім ұйымдары туралы айтар болсақ, мектеп немесе жоғары оқу орны болсын, біз, жалпы, кез келген форматқа дайынбыз”, – деді ол онлайн брифингте.
</blockquote>
Дәуленов “қызыл” немесе “сары” өңірлерде орналасқан білім беру ұйымдарына қатысты шешімді ведомствоаралық комиссия қабылдайтынын мәлімдеді.
<blockquote>
 “Жағдай күн сайын өзгеріп тұрады. Қазір басқа елдерде не болып жатқанын көріп отырсыз. Мұның бәрі өңірдің ауру ошағына қаншалықты жақын орналасқанын ескере отырып шешіледі және шешім соған байланысты қабылданады. Осыған қатысты шешім жақын арада қабылданып, жұртшылыққа жеткізілетініне сенімдімін”, – деді вице-министр.
</blockquote>
Қазақстандық оқушылар бірінші тоқсанды аяқтап, 5-14 қараша аралығында күзгі демалысқа шықты.
Білім және ғылым министрлігі екінші тоқсанда мектепке барып оқитын оқушылардың саны артатынын хабарлаған еді.
Оқушылар саны 300-ге жетпейтін қала және ауыл мектептерінің жұмысы дәстүрлі форматқа көшіріледі. Сондай-ақ, ата-аналардың өтінішімен 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

Қазақстан және Қызылорда облысының жаңалықтары

Қызылордада есептегі азаматтарға арналған шеберхана ашылды

Ақзира Қасымова: Ғылымға қызығушылық танытқан әрбір оқушыны қолдауға дайынбыз

Сыр еліндегі Жастар театры 23 қойылым сахналады

11 қарашаға арналған ауа райы

Арал аудандық «Толқын» газетіне 90 жыл толды

«Мектепке жол»: Мұқтаж отбасыларға тағы 20 компьютер табысталды

Қызылордада 54 инновациялық мектеп жұмыс істейді

Арал ауданы: Пандемия ішкі туризмнің дамуына мүмкіндік берді (ВИДЕО)

Қазақстандағы ХҚО-лар өз жұмысын бағалауды сұрайды

Қызылордада жолақы жыл соңына дейін 10 теңгеге арзан

Енді мешіттердің архитектурасы қазақы салт-санаға сай қалыптасады

“Жағдай күн сайын өзгеріп тұрады”. Оқушылар екінші тоқсанда қалай оқиды?

Қазақстан және Қызылорда облысының жаңалықтары

Қызылордада есептегі азаматтарға арналған шеберхана ашылды

Ақзира Қасымова: Ғылымға қызығушылық танытқан әрбір оқушыны қолдауға дайынбыз

Сыр еліндегі Жастар театры 23 қойылым сахналады

11 қарашаға арналған ауа райы

Арал аудандық «Толқын» газетіне 90 жыл толды

«Мектепке жол»: Мұқтаж отбасыларға тағы 20 компьютер табысталды

Қызылордада 54 инновациялық мектеп жұмыс істейді

Арал ауданы: Пандемия ішкі туризмнің дамуына мүмкіндік берді (ВИДЕО)

Қазақстандағы ХҚО-лар өз жұмысын бағалауды сұрайды

Қызылордада жолақы жыл соңына дейін 10 теңгеге арзан

Енді мешіттердің архитектурасы қазақы салт-санаға сай қалыптасады

&#8220;Жағдай күн сайын өзгеріп тұрады&#8221;. Оқушылар екінші тоқсанда қалай оқиды?

“Жағдай күн сайын өзгеріп тұрады”. Оқушылар екінші тоқсанда қалай оқиды?