<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қызылордалық полицейлер бір күнде 400-ге жуық қару иелерін тексерді.
Заңсыз атыс қаруымен жасалатын және қару ұрлығы қылмыстарының алдын алу, болдырмау мақсатында облыс көлемінде «Қару» жедел профилактикалық іс-шарасының 1 күнінде 375 қару иелері&nbsp; тексеріліп, 21 құқық&nbsp; бұзушылықтар&nbsp;анықталды.
Әкімшілік кодексінің 482-бабына сәйкес заңсыз айналымнан 3 қару (Қызылорда-1, Жалағаш-1, Шиелі-1) тәркіленді. Кодекстің 484-бабына сәйкес (қаруды сақтау&nbsp; ережесін бұзу) 16 азаматқа, 486 бабына сәйкес (қару тасымалдау, тіркеу ережелерін бұзу) 5 азаматқа әкімшілік шара көрілді.
Қаруды қауіпсіз ұстау қағидаларын білуін тексеру үшін 21 қару иелері емтихан тапсыруға жолданды.

Қызылордада қару сақтау бойынша 21 заңсыздық анықталды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; Қазақстанда өткен тәулікте 2500 адам коронавирус індетінен емделіп шықты, деп хабарлайды &nbsp;<a href="http://www.coronavirus2020.kz/">www.coronavirus2020.kz</a>.
Аймақтар бойынша:
Нұр-Сұлтан қаласы – 352, 
Алматы қаласы – 148, 
Шымкент қаласы – 204, 
Ақмола облысы – 327, 
Ақтөбе облысы – 241, 
Алматы облысы – 290, 
Атырау облысы – 83, 
Шығыс Қазақстан облысы – 83, 
Батыс Қазақстан облысы – 110, 
Қарағанды облысы – 297, 
Қостанай облысы – 21, 
Қызылорда облысы – 134, 
Маңғыстау облысы – 48, 
Павлодар облысы – 99, 
Солтүстік Қазақстан облысы – 20, 
Түркістан облысы – 43,
Қазақстан бойынша жазылғандар саны – 320241.

Қызылордада 134 адам коронавирустан жазылып шықты

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Коронавирусқа қарсы вакцина салдырғандарға қатысты бұл шешім ертең, 19 мамырда күшіне енеді.
АҚШ-тың Нью-Йорк штатында коронавирусқа қарсы вакцина салдырған тұрғындарға сәрсенбіден бастап бетперде тақпауға және бірқатар қоғамдық орыннан басқа жерлерде әлеуметтік арақашықтықты сақтамауға рұқсат берілді.
<blockquote>
 “Егер вакцина салдырсаңыз, медициналық бетперде тағудың да, қашықтықты сақтаудың да қажеті жоқ”, – деді штат губернаторы Эндрю Куомо.
</blockquote>
Алайда білім беру мекемелерінде, қоғамдық көлік және басқа да адамдар көп жиналатын жерлерде бетперде тағу қажет.
Ал вакцина салдырмаған адамдар барлық жерде бетперде тағып жүруге міндетті.
Егер штаттағы эпидемиологиялық жағдай нашарласа, жеңілдетілген талаптар күшін жоюы мүмкін.
Айта кетейік, Америка Құрама Штаттары бетперде тағу режимін жою туралы шешімді мамырда қабылдады. Олар вакциналау коронавирусты жұқтыру және инфекция таратуды азайтады деген ғылыми тұжырымдамаға сүйенді.
<a href="https://sputnik.kz/world/20210518/17084482/Vaktsina-betperde.html">Sputnik Қазақстан</a>

Вакцина салдырғандарға бетпердесіз жүруге рұқсат берілді

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp;Қызылорда қаласында 2 тұрғыннан 1 млн теңгеден астам ақшаны алдап алған алаяқ ұсталды.
Қызылорда қалалық Полиция басқармасының криминалдық полиция қызметкерлері алаяқтық ісі бойынша облыс орталығының тұрғынын ұстады. Ол жер телімін сатып алуға көмектесуге уәде беріп, облыс орталығының тұрғынына тиесілі&nbsp;800 000&nbsp;теңге ақшасын иемденген.
Жәбірленуші &nbsp;2020 &nbsp;жылдың қыркүйегінде алаяққа ақша беріп, бірақ ешқандай нәтиже болмай, ағымдағы жылдың 15 мамыр күні полицияға жүгінеді.
Сондай-ақ күдікті облыс орталығының тағы бір тұрғынын алдап, оған жоғарғы оқу орнына жұмысқа орналастыруға уәде беріп, 350 000 теңгесін иемденген.
Аталған дерек бойынша Қазақстан Республикасының Қылмыстық Кодексінің 190-бабы 3-бөлігінің 4-тармағы (бірнеше рет жасалған алаяқтық) бойынша сотқа дейінгі тергеп-тексеру амалдары жүргізілуде. Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы таңдалды.
Қызылорда қалалық полиция басқармасының басшылығы тұрғындарға қырағылық танытуды және алаяқтарға қомақты ақша аудармауды ескертеді.

Қызылордада 2 тұрғынның ақшасын иемденген алаяқ ұсталды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қазалы ауданы Бекарыстан би ауылында 100 орындық балабақша құрылысы басталды.
Қазіргі таңда еліміздің түпкір-түпкірінде заманауи талаптарға сай, кең де жарық, бүкіл керек-жарағымен толыққанды жабдықталған балабақшалардың саны артып келеді.
Биылғы жылдың мамыр айынан бастап Бекарыстан би ауылында жеке балабақша құрылысы басталды. Балабақшаның жоба құны 75 млн теңгені құрайды. Ал, жоба қуаттылығы 100 орындық.
Бұл жобаның бас демеушісі Бекарыстан би ауылының тумасы, қазіргі уақытта Ақтөбе қаласында тұратын жеке кәсіпкер Болат Сансызбаев. Құрылыс жұмыстарын бастауға 2020 жылы «Қарапайым заттар экономикасы» бағдарламасымен 50 млн теңге несие алды.

Қазалының ауылында балабақша құрылысы басталды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Нұр-Сұлтан әкімдігі жариялаған Батырхан Шүкенов ескерткішінің үздік эскиз-идеясына арналған байқау мамыр айының соңына дейін жалғасады. Алғашқы эскиздер пайда болды, онда композитор әртүрлі вариацияларда, соның ішінде сүйікті музыкалық аспабы — саксофонмен бейнеленген, деп хабарлайды <a href="https://astana.gov.kz/kz/news/news/27294">Нұр-Сұлтан</a> қаласының әкімдігі.
Эскиздер бойынша ұсыныстарды&nbsp;<a href="https://birge-elorda.kz/nur-sultan">Birge</a>&nbsp;платформасында — оң жағындағы төменгі бұрышта «Кері байланыс» арқылы, сондай-ақ centerofurbanism@gmail.com поштасына жіберуге болады.
Қалалық саябақта әнші және композитор Батырхан Шүкеновке ескерткіш орнату жоспарлануда. Жоба демеушілік қаражат есебінен жүзеге асырылады.
Бүгін, яғни 18 мамырда композитор 59 жасқа толар еді. Оның қайтыс болғаны туралы хабар бүкіл елді, миллиондаған тыңдарманын есеңгіретіп жіберді.
<img src="https://www.inform.kz/radmin/fotofiles/2021/05/18/2105181025211362g.jpg" alt="" />
<img src="https://www.inform.kz/radmin/fotofiles/2021/05/18/2105181025205553g.jpg" alt="" />
Көрнекті әнші және композитор Батырхан Шүкенов 1962 жылы 18 мамырда дүниеге келген. Ол 2015 жылы 28 сәуірде&nbsp;қайтыс болды.&nbsp;Бұған дейін Батырхан Шүкенов ескерткішінің эскиз-идеясына байқау жарияланғаны туралы&nbsp;хабарлаған болатынбыз.

Батырхан Шүкеновке арналған ескерткіштің эскиздері жарияланды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қалалық сайлау комиссиясының қорытынды хаттамасына сәйкес, қала әкімінің өкімімен 2021 жылдың 14 мамырынан бастап Әбдіқадыров Сейдуали Алайдарұлы Қосшыңырау ауылдық округінің әкімі қызметіне тағайындалды.
Сейдуали Алайдарұлы, 1980 жылы Қызылорда қаласында дүниеге келген. 2001 жылы Қ.А.Яссауи атындағы халықаралық Қазақ-Түрік университетін «Заңгер», 2005 жылы Әл-Фараби атындағы Қазақ ұлттық универсиетін «Құқықтану» мамандығы бойынша тәмамдаған. Еңбек жолын 2007 жылы Тасбөгет кенті әкімінің аппаратында маман болып бастап, 2009-2019 жж. қала әкімінің аппаратында бас маман, бас инспектор, бөлім басшысы сатыларынан өтті.
2019 жылдың наурыз айынан бастап Қызылжарма ауылдық округі әкімінің орынбасары қызметін абыроймен атқарып, 2020 жылдың қараша айынан осы кезге дейін қалалық ішкі саясат бөлімінің басшысы қызметінде болды.
<img src="https://kyzylorda-news.kz/wp-content/uploads/2021/05/187692986_2836135889986484_4375345462606133950_n.jpg" alt="" />

Қызылорда қалалық ішкі саясат бөлімінің басшысы қызметінен кетті

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Бүгін Қазақстанның әйгілі эстрада әншісі, композитор Батырхан Шүкенов дүниеге келген. Ол Қызылорда облысында туған. Құрманғазы атындағы Алматы консерваториясын бітірген. 1982 жылдан Роза Рымбаеваны сүйемелдейтін «Арай» тобына кірді. 1987 жылы «Алматы» тобын құрады.
Кейіннен ол «Алматы-Студио» тобы болып қайта құрылды. 1989 жылы өзінің атақты «Джулия» деп аталатын хитын жазды. Осы жылы «А-Студио» Алла Пугачеваның «Рождестволық кештер» әш кешіне қатысқаннан кейін ансамбль атағы бұрынғы Совет одағы аумағында танымал болды. Әнші 2002 жылы Қазақстанға оралып, өзінің алғашқы «Отан ана» атты жеке альбомын шығарды. 2007 жылы ҚР Президенті Нұрсұлтан Назарбаевтың мәдениет жөніндегі кеңесшісі болды. 2009 жылы ЮНИСЕФ ерікті елшісі, 2010 жылы Алматыдағы Қайырымдылық балы комитетінің құрметті мүшесі болды.
Батырхан Шүкенов өзінің нағыз талант екенін «A`Studio» тобының құрамында жүргенде көрсеткен. Ал, Ресейдің «Один в один» тележобасынан оның актерлік қабілетін көргенде, таңдай қаққанымыз рас. Батырхан соңғы рет осы бағдарламада америкалық белгілі зағип әнші Стиви Уандердің бейнесін сомдады. Бірақ әншінің өзі дәл осы бағдарламаны телеарнадан тамашалай &nbsp;алмай кетті.
Әнші «Один в один» бағдарламасында оннан астам белгілі өнерпаздың рөлін асқан жауапкершілікпен орындап шықты.
Батырхан тек әнші ғана емес. Оның ақындық, хәм композиторлық қасиеті де бар еді. Өзі құрған «A`Studio» тобында 12 жыл өнер көрсетіп, 2000 жылдардың басында жеке шығармашылықпен айналысты. Топтан кеткен соң оның биік белестерге көтерілетініне күмән келтіргендер көп болды. Бірақ ол қиындықтың бәрін артқа тастап, Ресейдің үлкен концерт залдарында бірнеше мәрте жеке шығармашылық кеш өткізді.
Батырхан Шүкенов 53 жасқа қараған жасында Мәскеу қаласында жүрек талмасынан қайтыс болды.

Бүгін Батырхан Шүкеновтің туған күні

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қазақстанда өткен тәулікте 1837 адамда коронавирус індеті ПТР арқылы расталып ауырғаны белгілі болды, деп хабарлайды <a href="http://www.coronavirus2020.kz/">www.coronavirus2020.kz</a>.
Аймақтар бойынша:
Нұр-Сұлтан қаласы – 251, 
Алматы қаласы – 520, 
Шымкент қаласы – 30, 
Ақмола облысы – 139, 
Ақтөбе облысы – 24, 
Алматы облысы – 109, 
Атырау облысы – 48, 
Шығыс Қазақстан облысы – 78, 
Жамбыл облысы – 25, 
Батыс Қазақстан облысы – 92, 
Қарағанды облысы – 320, 
Қостанай облысы – 33, 
Қызылорда облысы – 35, 
Маңғыстау облысы – 13, 
Павлодар облысы – 92, 
Солтүстік Қазақстан облысы – 11, 
Түркістан облысы – 17.
Жалпы ел бойынша ауырғандар саны 362030.

COVID-19: Қызылордада өткен тәулікте 35 адам жұқтырған

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp; Синоптиктер 18 мамырға арналған ауа райы болжамын жариялады, деп хабарлайды Қазгидромет.
Апта ортасында Қазақстанның басым бөлігінде ауа райы тұрақсыз болады, кей жерлерде найзағай ойнап, бұршақ жауады.
<blockquote>
 “Елдің солтүстігінде дауылды жел соғады. Тек, оңтүстік пен батыста жауын-шашын күтілмейді. Екі облыста дабылды ескерту жарияланды”, – делінген хабарламада.
</blockquote>
Республиканың кей жерлерінде жел күшейіп, оңтүстік пен оңтүстік-батыста шаңды дауыл тұрады.

18 мамырға арналған ауа райы болжамы

Kyzylorda-news.kz. Бүгін Қазақстан халқы Ассамблеясы және Қызылорда облысы әкімдігінің қолдауымен Достық үйінде шахматтан турнирдің ашылу салтанаты болды.
Тарихи астана атанған Қызылорда, Алматы, Нұр-Сұлтан қалаларының шахматтан білім беру және зияткерлік турнирінің ашылу салтанатына «Западный поток» жобасы қамқорлық кеңесінің төрағасы Жомарт Көшербаев, облыстық ішкі саясат басқармасының «Қоғамдық келісім» КММ директоры Бауыржан Мастеков, Азия және Әлем чемпионы Әсел Серікбай қатысып, қатысушыларға сәттілік тіледі.
“Западный поток” жобасы аясындағы турнирдің мақсаты – мектеп оқушылары арасында бұқаралық спортты дамыту, салауатты өмір салтын насихаттау, оқушылардың бос уақытын тиімді ұйымдастыру. Мамырдың 17-не басталып, 19-шы жұлдызына дейін жалғасатын шахмат турниріне өңірлердегі мектеп және этномәдени бірлестіктің оқушылары қатысуда. Барлығы 10 команда болса, әр топта 4 оқушыдан. Жүлделі жеңімпаз команда «Достық-2021» турнирінің кубогімен марапатталады деп күтілуде.
Айта кету керек, бұқаралық спортты дамытуда білім саласына мемлекеттік емес ұйымдарда әріптес ретінде ат салысып, мемлекет саясатын жүзеге асыруда бірлесе жұмыс атқарып келеді. Бұл тұрғыда Қазақстан халқы Ассамблеясының және Ішкі Істер министрлігінің «Динамо» денешынықтыру- спорт қоғамы орталық кеңесі де елеулі үлес қосып келеді.
Дүниежүзілік денсаулық сақтау ұйымы тарапынан жас ұрпақтың тұрақты дамуының негізі ретінде ұсынылған аспектілерді басты назарға ала отырып Қызылорда облыстық білім басқармасымен аталған мекемелер арасында «Западный поток» оқу – зияткерлік жобасы қолға алынып өскелең ұрпаққа саналы тәрбие беруде үлкен жұмыстар атқаруда.

Қызылордада шахматтан турнир басталды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Мамырдың 17-21 күндері аралығында Қызылорда қалалық Полиция басқармасының қызметкерлері қала аумағында мүдделі мемлекеттік органдары, үкіметтік емес ұйымдармен бірлесе отырып, «Есептегі адам» жедел профилактикалық іс-шарасын өткізеді.
Іс-шараның негізгі мақсаты отбасы – тұрмыстық қарым-қатынастар саласында құқық бұзушылықтар мен қылмыстардың алдын алу, әйелдер мен кәмелетке толмағандардың құқықтарын қорғау, профилактикалық есебіне алынғандар және қолайсыз отбасылардың тұрғылықты мекен-жайларын тексеріп, олармен профилактикалық бағытта жұмыстар жүргізу.
Жедел алдын алу шарасы аясында учаскелік полиция инспекторлары, әйелдерді зорлық-зомбылықтан қорғау тобы, ювеналды полиция бөлімі қызметкерлерімен қолда бар барлық ықпал ету нысандарын (қорғаныс нұсқамаларын және құқық бұзушының тәртібіне сотпен ерекше талаптарды ішімдік ішуге тыйым салумен орнату) пайдалана отырып, құқық бұзушылықтар жасауға, оның ішінде отбасы-тұрмыстық қатынастар саласында құқық бұзушылықтар жасауға бейім адамдарды анықтау, есепте тұрған маскүнемдер, нашақорлар, отбасы бұзақылары және қолайсыз отбасылармен профилактикалық жұмыс жүргізу жөніндегі жұмыстары жандандырылып, мекен-жайлары бойынша тексеріс жүргізетін болады.

Қазақстан және Қызылорда облысының жаңалықтары