<a href="https://kyzylorda-news.kz/">Kyzylorda-news.kz.</a>&nbsp;Дүйсенбі ауа температурасы жылынады, алайда тұман түсіп, жел күшейеді, көктайғақ болып, боран соғуы ықтимал, деп хабарлайды Қазгидромет.
11 қаңтарда жылы және ылғалды Атлант циклонына байланысты ауа температурасы жоғарылайды, сонымен қатар республиканың солтүстігінде басым бөлігінде, орталығында кей жерлерде қар жауады, батыс пен солтүстік- батысында жаңбыр мен қар түрінде жауын-шашын болады. Республиканың кей жерлерінде тұман түседі, жел күшейіп, боран соғады, көктайғақ болуы ықтимал.

11 қаңтарға арналған ауа райы болжамы

Kyzylorda-news.kz. ҚР Парламенті мен мәслихаттар депутаттарын сайлауда «Nur Otan» партиясы сайлаушылардың 71,97 пайыз дауысын иеленді, деп хабарлайды <a href="https://www.inform.kz/kz/exit-poll-nur-otan-partiyasy-saylaushylardyn-71-97-dauysyn-ielendi_a3739430">ҚазАқпарат</a>.
<blockquote>
 «Қоғамдық пікір институты 10 қаңтар күні сайлау учаскелерінен шыға берісте азаматтарға сауалнама – Еxit poll жүргізді. Институттың интерверлері 600 сайлау учаскесінде сауалнама өткізді. Оның ішінде – 316-сы қалада, 284-і ауылда. Сауалнама Нұр-Сұлтан, Алматы, Шымкент қалаларын, барлық облыс орталықтарын, аудандық маңызы бар қалаларды, шағын қалаларды және ауылдық елді мекендерді қамтыды. Күні бойы сауалнаманының 4 толқыны өткізілді. Нәтижесінде 24 мың сайлаушыға сауалнама жүргізілді. Сауалнама қателігі 2 пайыз шамасында. Сауалнама жүргізу жұмысына 600-ден астам интервер атсалысты», – деді «Қоғамдық пікір» зерттеу институтының директоры Айнұр Мәжитова Орталық коммуникациялар қызметіндегі брифинг барысында.
</blockquote>
Сонымен оның дерегінше, респонденттердің 5,75 пайызы «Ауыл» халықтық-демократиялық патриоттық партиясына, 71,97 пайызы «Nur Otan» партиясына, 3,07 пайызы «ADAL» саяси партиясына, 10,18 пайызы Қазақстанның «Ақ жол» демократиялық партиясына, 9,03 пайызы «Қазақстанның Халық партиясына» дауыс берген.

Еxit poll: «Nur Otan» партиясы сайлаушылардың 71,97 пайыз дауысын иеленді

Kyzylorda-news.kz. ҚР Президенті Қасым-Жомарт Тоқаев саяси реформалардың жаңа топтамасы жайында айтты, деп хабарлайды ҚазАқпарат.
<blockquote>
 «Реформалар дайындалып жатыр. Реформалар тоқтап қалмауы тиіс. 15 қаңтарда Парламентте сөз сөйлеп, оның ішінде Мәжілістің жаңа құрамына да үндеу жасаймын. Одан кейін Ұлттық қоғамдық сенім кеңесінің отырысы өтіп, онда реформалар мәселесіне қатысты өте байыпты әңгіме болады», – деді бүгін Қасым-Жомарт Тоқаев елордадағы Оқушылар сарайында орналасқан №58 сайлау учаскесінде дауыс бергеннен кейін БАҚ өкілдеріне берген сұхбатында.
</blockquote>

Қасым-Жомарт Тоқаев 15 қаңтарда үндеу жасайды

Kyzylorda-news.kz. Орталық сайлау комиссиясы дауыс беруге қатысқан сайлаушылардың саны бойынша алдын ала қорытындыны жария етті, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Облыстардың, республикалық маңызы бар қалалардың, астананың сайлау комиссиялары ұсынған жедел деректерге сәйкес, 22.00-дегі жағдай бойынша сайлаушылардың 63,3 проценті дауыс берді.&nbsp;
Өңірлер арасында:&nbsp;
<ul>
<li>Ақмола облысы – 72,8 %,</li>
<li>Ақтөбе облысы – 58,8%,</li>
<li>Алматы облысы – 73,5%,</li>
<li>Атырау облысы –&nbsp; 56,4%,</li>
<li>Батыс Қазақстан облысы – 62,4 %,</li>
<li>Жамбыл облысы – 72,2%,</li>
<li>Қарағанды облысы – 70,7%,</li>
<li>Қостанай облысы –&nbsp; 71,8%,</li>
<li>Қызылорда облысы – 73,9%,</li>
<li>Маңғыстау облысы – 55%,</li>
<li>Павлодар облысы – 71,3 %,</li>
<li>Солтүстік Қазақстан облысы – 75,5%,</li>
<li>Түркістан облысы – 65,8 %,</li>
<li>Шығыс Қазақстан облысы – 72,4%,</li>
<li>Алматы қаласы – 30,3%,</li>
<li>Шымкент қаласы – 56,5 %,</li>
<li>Нұр-Сұлтан қаласы – 45,1%.</li>
</ul>
Сайлау комиссиялары дауыстарды санауға кірісті.
Республика бойынша сайлау учаскелерінде дауыс беру сағат 20.00-де аяқталды. Уақыт белдеулеріндегі айырмашылықтарға байланысты тек бес өңірде (Ақтөбе, Атырау, Батыс Қазақстан, Қызылорда және Маңғыстау облыстары) учаскелер астана уақытымен сағат 21.00-де жабылды.

ОСК сайлаушылар саны бойынша алдын ала қорытындыны жария етті

Kyzylorda-news.kz. ҚР Парламенті Мәжілісінің және барлық деңгейдегі мәслихат депутаттарының сайлауы аяқталды. Қызылордалық сайлаушылардың 73,9 пайызы өз таңдауын жасады. Бұл туралы облыстық сайлау комиссиясының төрағасы Ғалым Баймырзаев мәлімдеді.
Облыста 492 мыңнан астам сайлаушы тіркелген. Бұл жалпы халықтың 60,7 пайызы. Саяси науқанға 363 754 мың сайлаушы қатысып, дауыс берді. Сайлау комиссиясының 2821 мүшесі қызмет көрсетті. Оның 1128-і арнайы оқу курстарынан өткен болатын.
Аймақта 13 мыңға жуық мүмкіндігі шектеулі сайлаушы бар. Олардың учаскеге келіп, өз таңдауын жасауы үшін 30-ға жуық инватакси қызмет етті. Ал жылжымалы жәшік арқылы дауыс беруге 2061 адам өтініш білдірген.

Қызылордалық сайлаушылардың 73,9 пайызы саяси науқанға қатысты

Kyzylorda-news.kz. Бүгінгі саяси науқан мемлекет болашағы үшін маңызды. Сондықтан біз мұнан шет қалмай өз таңдауымызды жасауда белсенді болуымыз керек деп есептеймін. Сондықтан әрбір азаматта “Менің бір ғана дауысыммен не шешіле қояды” деген түсінік болмауы керек. Мен мұндайларға теңіздің тамшыдан құралатынын қаперге салғым келеді.
Таң атысымен аудан іргесіндегі Ақсу ауылында орналасқан №139 сайлау учаскесіне барып өз таңдауымды жасадым. Бұл мемлекет келешегі үшін маңызды деп есептеймін және әрбір қазақстандықта осындай түсінік қалыптасуы керек.
Мен дауыс беруге барғанда сайлау учаскесіне жиылған жұрттың қатары қалың екен. Осыдан-ақ ел болашағына ақсулықтардың бей-жай қарамайтынын аңғардым. Отыз жылда алған асулар мен өткен белестер аз емес. Бұған дейінгі мемлекеттің дамуы тұраламай, оң өзгерістерге әлі де көз жеткіземіз десек, саяси науқаннан шет қалмайық.
Кенжеғара Сүлейменов, 
Жалағаш аудандық Қоғамдық кеңестің төрағасы

Кенжеғара Сүлейменов: Саяси науқаннан шет қалмайық

Kyzylorda-news.kz. Мектеп оқушылары үшін 3-тоқсан 6 өңірде – 11 қаңтардан, ал 11 өңірде – 12 қаңтарда басталады. Мұндай ақпаратты ҚР ДСМ Санитарлық-эпидемиологиялық бақылау комитеті ұсынды, деп хабарлайды <a href="https://www.inform.kz/kz/okushylar-ushinshi-toksandy-kay-kunnen-bastap-okidy_a3739314">ҚазАқпарат</a>.
Ведомство мәліметінше, ҚР Бас мемлекеттік санитар дәрігерінің 29 желтоқсандағы қаулысына сәйкес, сайлау учаскелері ретінде жұмылдырылған білім нысандары сайлау аяқталғаннан кейін зарарсыздандырылады.
Яғни, 10 және 11 қаңтар күндері дауыс беру жүргізілген аталған нысандарда тазалық жұмысы жүргізіледі.
<blockquote>
 «Осыған орай 10 қаңтарда зарарсыздандыру іс-шаралары жүргізілгеннен кейін еліміздің 6 өңірінде, атап айтқанда Солтүстік Қазақстан, Павлодар, Жамбыл, Қостанай, Қызылорда облыстарында және Шымкент қаласында 2020-2021 оқу жылының 3-тоқсанында офлайн-режимде белгіленген оқу процесі 11 қаңтарда басталады. Республиканың 11 өңірінде – Түркістан, Ақтөбе, Ақмола, Атырау, Батыс Қазақстан, Алматы, Шығыс Қазақстан, Қарағанды, Маңғыстау облыстарында және Алматы мен Нұр-Сұлтан қалаларында оқу 12 қаңтарда басталады» деп атап өтеді комитеттен.
</blockquote>
Таратылған мәліметке қарағанда, республика аумағында 7 090 мектептің 5 522-сінің, 6 651 балабақшаның 143-інің, 644 орта білім беру мекемесінің 215-інің, 125 жоғары оқу орнының 53-інің, 114 мектеп-интернат, спорт мектебі ЖОО жатақханаларының 22-сінің базасында сайлау учаскесі құрылды.
Сонымен қатар өзге де білім нысандарында (оқушылар сарайы, шығармашалық, үй, музыка мектебі) 12 сайлау учаскесі ұйымдастырылды.

Оқушылар үшінші тоқсанды қай күннен бастап оқиды?

<h5 id="kyzylordanewskz5">Kyzylorda-news.kz. Парламент Мәжілісі мен мәслихаттар депутаттарын сайлау барысын бақылау үшін Қазақстанға келген Сеймнің депутаты, «Азаматтық платформа» партиясының өкілі Томаш Ленц Қазақстанның жаңа дәуірге аяқ басқанын, себебі сайлауға қатысу үшін елімізде алғаш рет 5 саяси партия тіркелгенін атап өтті.</h5>
<blockquote>
 «Бұл — қазақтар үшін жаңа жағдай. Польшада сайлауға әрдайым көптеген партиялар қатысады. Қазақстандықтар үшін бұл жағдай жаңа. Қазақстанның барлық азаматтары бірінші рет түрлі партиялардың сайлау алдындағы платформаларынан ұнаған бағдарламаны таңдап, олардың кез келгеніне дауыс бере алады. Егер біз посткеңестік кеңістіктегі сайлау процестерін салыстыратын болсақ, онда Беларуссияда, Украинада, Қырғызстанда не болғанын қараңыз. Қазақстанда тәртіп пен тыныштық байқалады»,- деп атап өтті поляк бақылаушысы.
</blockquote>

Сайлау үдерісіндегі саяси партиялардың алуан түрлілігі Қазақстан үшін жаңа жағдай туғызады – Томаш Ленц

<h5 id="kyzylordanewskziyi">Kyzylorda-news.kz. Түркия Республикасы Ұлы Ұлттық Жиналысының депутаты, «Iyi» партиясының өкілі, ЕКПА мүшесі Зеки Хакан Сыдалы Қазақстандағы өтіп жатқан Парламент Мәжілісі мен мәслихаттар депутаттарының сайлауында алған әсерлерімен бөлісіп, сайлау учаскелеріндегі өз бақылаулары туралы егжей-тегжейлі айтып берді.</h5>
<blockquote>
 «Бұл менің Қазақстандағы бақылаушы ретінде қатысып жатқан екінші сайлауым. Биыл да сайлау ашық өтуде. Біз Қазақстанның Тұңғыш Президенті Н.Ә.Назарбаевтың саясатын әрдайым белсенді қолдасақ, ал қазір Президент Қасым-Жомарт Тоқаевтың барлық бастамаларын қолдаймыз. Мен оппозицияның маңыздылығын түсінемін және сайлаудан кейін оппозиция адамдардың пікірін еркін білдіру үшін Парламентте көбірек орын алады деп үміттенемін», – деді Зеки Хакан Сыдалы.
</blockquote>
Халықаралық бақылаушының айтуынша, сайлау учаскелерінде ашықтық пен тыныштық байқалады.
<blockquote>
 «Бүгін күн суық, және барлық жерде пандемия болып жатқанын білеміз. Мұндай жағдайда сайлау өткізу қиын. Бірақ мен Қазақстанның осы кезеңде қауіпсіз сайлауды сәтті өткізіп жатқанын байқадым. Барлық санитарлық шаралар сақталуда, сайлаушылардың бәрі әлеуметтік қашықтықты сақтайды, мүгедектігі бар адамдарға дауыс беру үшін арнайы орындар ұйымдастырылғанын байқадық. Сондай-ақ, біз басқа елдер мен Қазақстанның бақылаушыларымен сөйлесе алдық және сайлаудың қалай өтіп жатқанына өз бағамызды бердік. Халықтың түрлі топтарының айтарлықтай жоғары қызығушылық танытып отырғанын көрдік, сондай-ақ сайлаудың демократиялық түрде өтіп жатқанын, адамдардың өз пікірін білдіруге мүмкіндігі бар екенін көрдік, барлығы тиісті түрде өтіп жатыр. Кешке дейін күннің бәрі осы қарқынмен өтеді деп сенемін. Бұл Қазақстанның демократияға қарай жасаған маңызды қадамы болады, бұл басқа демократиялық елдерге де әсерін тигізеді, сайлауды өткізуде үлгі болады», – деп атап өтті Түркия Республикасынан келген халықаралық бақылаушы.
</blockquote>

Қазақстандағы сайлау басқа елдерге үлгі болуы тиіс &#8211; Түркия Республикасы Ұлы Ұлттық Жиналысының депутаты Зеки Хакан Сыдалы

Kyzylorda-news.kz. Түскі сағат 13:00-дегі мәлімет бойынша қызылордалық сайлаушылардың 48,70 пайызы дауыс беріп, өз таңдауларын жасады. Бұл туралы облыстық сайлау комиссиясының төрағасы Ғалым Баймырзаев мәлімдеді.
Облыста 492198 саулайшы бар. Бұл жалпы халықтың 60,7 пайызы. Қазіргі таңға дейін 239 623 сайлаушы дауыс беріп үлгерді. Аймақта 376 сайлау учаскесі бар. Саяси науқанда облыс бойынша 1466 ұлттық байқаушы мен сенімді өкіл жұмыс істеуде. Сайлау учаскелерінде санитарлық қауіпсіздік талаптар сақталған.

Қызылорда: Сайлаушылардың 48,70 пайызы дауыс берді

Kyzylorda-news.kz. Жалағаш ауданында ғасыр жасаған әже Бәти Аманбаева №149 сайлау учаскесіне барып, дауыс берді.
Еңбек ардагері саяси науқанда өз таңдауын жасап, өзгелерге үлгі көрсетті. 102 жастағы Еңбек аулының тұрғыны Бәти Аманбаева 7 баланы тәрбиелеп, 25 немере, 14 шөпшек сүйді.
Жалпы ауданда 26 сайлау учаскесі, 21 мыңнан астам сайлаушы бар. Қазіргі уақытқа дейін сайлаушылардың 36,3 пайызы өз таңдауларын жасады.

Жалағашта 102 жастағы әже сайлау учаскесіне барып дауыс берді

Kyzylorda-news.kz. Ата заңымызда көрсетілген Тәуелсіз еліміздің әрбір​ азаматының ең басты саяси құқығы – сайлау және сайлану құқығын пайдаландым. Өз таңдауымды жасап, дауысымды бердім.
Жалпы, сайлауға қатысу әркімнің ерік білдіру бостандығы болып табылады. Осы орайда, бұл азаматтарымыздың бейқам бақылаушы емес, өз елінің болашағы үшін шынайы жанашырлардың көрсеткіш барометрі іспеттес. Себебі бейқамдық пен қатыспаушылық жағымсыз құбылыстарға жол ашуы мүмкін.​
Сайлауда әрбір сайлаушының даусы ерекше маңызды. Кез-келгеніміз бүгінгі күнгі нақты таңдауымыз арқылы болашақ өмірімізге ықпал ете аламыз. Еліміздің кемел ертеңі бүгінгі жасаған таңдауымыз арқылы айқындалатынын естен шығармайық.​
Қадірлі жерлестер!
Сан ғасырлар бойы ата-бабаларымыз арман еткен киелі Тәуелсіздігімізді тұғырлы ету жолындағы өздеріңіздің белсенді сайлау құқықтарыңызды тек қана құқығым деп емес, міндетім деп қабылдап, дауыс беруге шақырамын!
Уалихан ИБРАЕВ,
Облыстық “Рухани жаңғыру” орталығының директоры

Қазақстан және Қызылорда облысының жаңалықтары

11 қаңтарға арналған ауа райы болжамы

Еxit poll: «Nur Otan» партиясы сайлаушылардың 71,97 пайыз дауысын иеленді

Қасым-Жомарт Тоқаев 15 қаңтарда үндеу жасайды

ОСК сайлаушылар саны бойынша алдын ала қорытындыны жария етті

Қызылордалық сайлаушылардың 73,9 пайызы саяси науқанға қатысты

Кенжеғара Сүлейменов: Саяси науқаннан шет қалмайық

Оқушылар үшінші тоқсанды қай күннен бастап оқиды?

Сайлау үдерісіндегі саяси партиялардың алуан түрлілігі Қазақстан үшін жаңа жағдай туғызады – Томаш Ленц

Қазақстандағы сайлау басқа елдерге үлгі болуы тиіс – Түркия Республикасы Ұлы Ұлттық Жиналысының депутаты Зеки Хакан Сыдалы

Қызылорда: Сайлаушылардың 48,70 пайызы дауыс берді

Жалағашта 102 жастағы әже сайлау учаскесіне барып дауыс берді

Уалихан Ибраев: Еліміздің ертеңі бүгінгі жасаған таңдауымыз арқылы айқындалады

Қазақстан және Қызылорда облысының жаңалықтары

11 қаңтарға арналған ауа райы болжамы

Еxit poll: «Nur Otan» партиясы сайлаушылардың 71,97 пайыз дауысын иеленді

Қасым-Жомарт Тоқаев 15 қаңтарда үндеу жасайды

ОСК сайлаушылар саны бойынша алдын ала қорытындыны жария етті

Қызылордалық сайлаушылардың 73,9 пайызы саяси науқанға қатысты

Кенжеғара Сүлейменов: Саяси науқаннан шет қалмайық

Оқушылар үшінші тоқсанды қай күннен бастап оқиды?

Сайлау үдерісіндегі саяси партиялардың алуан түрлілігі Қазақстан үшін жаңа жағдай туғызады – Томаш Ленц

Қазақстандағы сайлау басқа елдерге үлгі болуы тиіс &#8211; Түркия Республикасы Ұлы Ұлттық Жиналысының депутаты Зеки Хакан Сыдалы

Қызылорда: Сайлаушылардың 48,70 пайызы дауыс берді

Жалағашта 102 жастағы әже сайлау учаскесіне барып дауыс берді

Уалихан Ибраев: Еліміздің ертеңі бүгінгі жасаған таңдауымыз арқылы айқындалады

Қазақстандағы сайлау басқа елдерге үлгі болуы тиіс – Түркия Республикасы Ұлы Ұлттық Жиналысының депутаты Зеки Хакан Сыдалы