<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Айғақ» телеарнасының шығармашылық тобымен кездесті. Шығармашылық топ Мемлекет басшысының бастамасымен қасиетті мекендер туралы бағдарлама түсіруде.Құрамында актер Абубакир Ханходжаев, Қазақстанның Құрметті журналисі, «Еркін ой» газетінің бас редакторы Балтабек Түйетаев, «Бекет» газетінің бас редакторы, журналист, блогер Сафуан Өтебаев, «Айғақ» телеарнасының журналистері бар.Аймақ басшысы қонақтарды Бұқаралық ақпарат қызметкерлері күнімен құттықтады.«Ақпарат айдынында үздіксіз қалам тербеген журналистердің еңбегі әрдайым елеулі. Сөз тізгінін ұстаған тілшілер қауымы еліміздің мәдени-рухани өміріне өлшеусіз үлес қосып келеді. Өздеріңізге белгілі, биылғы жылдың басты жаңалығы - Президентіміз Қасым-Жомарт Кемелұлы «Масс медиа» туралы заңға қол қойды. «Журналистің ерекше мәртебесі» деген ұғым енгізілді. Қалам ұстаған қауымның құқығы заңмен қорғалады. Бұл – бұқаралық ақпарат құралдарын замана көшіне ілестірудегі, саланы дамытудағы ауқымды жұмыстардың бірі ғана. Шығармашылық топтың Ұлытау облысында өтетін «Көкмайса -2024» фестиваліне қатысып, «Жошы хан» кесенесіне баратынынан хабарым бар. Мемлекет басшысы Қасым-Жомарт Кемелұлының «Ұлытау – ұлтымыздың алтын бесігі, тағылымды тарихымыздың куәсі. Сондықтан біз Ұлытау жеріне ерекше құрметпен қараймыз!» деп, киелі мекеннің қазақ тарихы үшін маңызын атап өткені белгілі. Осы ретте, Президентіміздің бастамасын қолдап, қасиетті мекендер туралы бағдарлама түсіруде Дулат Назарбекұлы, өзіңіз бастаған шығармашылық топтың жұмысына сәттілік тілеймін», - деді Нұрлыбек Машбекұлы.Облыс әкімі топ мүшелеріне Сыр жұртшылығының атынан ілтипат білдіріп, Алғыс хат табыстады.Өз кезегінде, топ жетекшісі Дулат Әбіш аймақ басшысына алғыс білдірді. Шығармашылық топтың сапары киелі Түркістаннан басталып, Алаштың анасы - Сыр өңірінде жалғасып, ұлт ұясы - Ұлытауда мәресіне жетеді.Фото: Қызылорда облысы әкімінің баспасөз қызметі

Аймақ басшысы шығармашылық топ өкілдерімен кездесті

<a href="https://kyzylorda-news.kz/">Kyzylorda-news.kz</a>&nbsp; Еліміздегі бұқаралық ақпарат құралдары қызметкерлері күні қаламгер қауымның асыға күтетін мерекесі. Айтулы күн биыл да облыс көлемінде аймақ басшысының қатысуымен аталып өтілді. Онда бірқатар сала үздіктері төрден көрініп, марапатқа ие болды. Олардың қатарында ұзақ жыл аудандық "Қармақшы таңы" газетінде қызмет етіп, басшылық жасаған ардагер журналист, халықаралық Жазушылар және Қазақстан Журналистер одағының мүшесi, Қармақшы ауданының құрметті азаматы, ақын Алтай Үсенов те бар. Ол Қазақстан Республикасы Мәдениет және ақпарат министрлігінің Құрмет грамотасымен марапатталды.Алтай Үсенұлы Жосалы кентінде дүниеге келген. Аудан орталығындағы №105 орта мектепті 1972 жылы бітіріп, сол жылы аудандық газетке (ол кезде «Коммунизм шамшырағы» деп аталатын) жұмысқа қабылданады. Редакцияда бiр жыл қызмет iстеп, келесi жылы Алматыдағы Қазақтың әл-Фараби атындағы Ұлттық университетiнiң журналистика факультетiне оқуға түседі. Оны сәтті аяқтап, тілшілік тіршілігін жалғастыра береді.Арманшыл жастың шығармашылыққа қызығушылығы мектеп қабырғасынан басталған. Кітапты көп оқитыны, ізденетіні, оның ішінде поэзияны пір тұтқаны оны қаламгерлік ортаға тарта түсті. Олармен тығыз байланыс орнатты. Күнделікті жұмыспен қатар поэзия әлеміне терең бойлап, өндіріп өлеңдер жазды. Жазған мақалалары мен өлең, дастандары облыстық, республикалық газет, журнал беттерінде жарық көріп жатты. Сондай-ақ жазған жыр шумақтары топтастырылып, атап айтқанда, сексенiншi жылдардың басында «Қарлығаш» (1980 жыл), «Тамшы дауысы» (1982 жыл) атты жыр жинағы және «Бастау» (1976 жыл), «Дария жыры» (1982 жыл), «Жүректегi жауһарлар» (2001 жыл) атты топтама кітаптарда өлеңдері баспаланды. Ал 2017 жылы «Өміршебер» атты жеке кітабын талғамы биік оқырман жылы қабылдап, жоғары бағасын берді. Ақынның өлеңдері қырғыз, татар тілдеріне аударылған.Саналы өмірін ақпарат саласының дамуы мен өркендеуіне арнаған ағамыз бірқатар байқаудың жеңімпазы әрі марапат иесі. Ол республикалық «Жiгер» фестивалiнiң лауреаты, М.Шолохов атындағы медальдің иегері. Облыс әкiмiнiң 2008 жылғы стипендианты.Кәсіби салада А.Үсенұлының басқаруымен «Қармақшы таңы» газетi «Президент Жолдауының талабы – бәсекеге қабiлеттi бұқаралық ақпарат құралдарын құру» атты II облыстық медиа форумында «Аудан айнасы» номинациясымен ең үздiк аудандық басылым ретiнде танылған.Ардақты азамат басылымдағы редакторлық қызметімен қоса ауданның әлеуметтік-экономикалық, қоғамдық өмірінде де белсенділік танытып, халық қалаулысы атанды. Елдің сеніміне ие болып 1 мәрте аудандық кеңеске, 6 мәрте аудандық мәслихатқа депутат болып сайланды. Оның ұзақ жылдарғы ауданға сіңірген еңбегі ескеріліп, Қармақшы ауданының құрметті азаматы атағы берілді. Одан бөлек, «Қызылорда облысына – 70 жыл» мерекелiк, Қазақстан Республикасы Президентiнiң Жарлығымен «Тәуелсiздiктiң 20 жылдығы» медальдары табыс етілген.Ардақты әке бүгінде жары Баян Табанқызымен 4 перзент өсіріп, олардан немерелер сүйіп отырған бақытты ата мен әже.Ағамыз зейнет демалысына шықса да, шығармашылық ізденіс үстінде. Осы жылы 70 жасқа толғалы отырған ардагерімізге төл мерекедегі марапатыңыз бен мерейлі жасыңыз құтты болсын. Рухани байлығыңыз, қарымды қаламыңызбен елдің құрметіне бөленіп, &nbsp;кемелдене беріңіз демекпіз! &nbsp;&nbsp;

Қармақшы: Елеулі еңбекке мерейлі марапат

<a href="https://kyzylorda-news.kz/">Kyzylorda-news.kz</a> &nbsp;Ұшақ бортында мас күйінде әдепсіз сөздер айтқан адам жазаланды, - деп хабарлайды <a href="https://massaget.kz/basty-zhaalytar-438/110565/?fbclid=IwZXh0bgNhZW0CMTEAAR0S3L-hNnjRPDPs3gVFRgaE1AU0iAStig95cTdjjLQuBMuHXAvZ_xA1LCI_aem_lV7TueVD9uVD3uO3zbQRog&amp;sfnsn=wa">Massaget.kz</a> тілшісі.Астана қаласының әкімшілік құқық бұзушылықтар жөніндегі мамандандырылған ауданаралық сотының қаулысына сәйкес, айыпталушы - әзілкеш Тұрсынбек Қабатов.Астана қалалық Әкімшілік құқық бұзушылық істер жөніндегі мамандандырылған ауданаралық соты ұсақ бұзақылық жасағаны үшін айыпталған адамға қатысты істі қарады (ӘҚБтК-нің 434-бабының 1-бөлігі).Іс материалдарына сәйкес, Тұрсынбек Қабатов ұшақ бортында мас күйінде әдепсіз сөздер айтқан.Сотта Қабатов стюардессалардың нашар қызметіне көңілі толмайтынын айтып, оларға өз ескертуін білдіргені анықталды. Ол өзінің әдепсіз сөз айтқаны немесе айтпағаны есінде жоқтығын алға тартқан, бірақ қоғамдық тәртіпті бұзғаны үшін кешірім сұраған.Куәгер (аға стюардесса) Қабатовтың ұшақ бортында мас күйінде болғанын және әдепсіз сөздер айтып, сол арқылы қоғамдық тәртіп пен азаматтардың тыныштығын бұзғанын растаған.Құқық бұзушының кінәсі куәнің айғақтарымен, жолаушыны полицияға беру актісімен, бейнежазбамен және медициналық сараптама қорытындысымен расталады.ӘҚБтК-нің 434-бабының 1-бөлігінің санкциясында 20 АЕК көлемінде айыппұл салу немесе 5-тен 15 тәулікке дейін әкімшілік қамаққа алу көзделген.Сот жасалған іс-әрекеттің көлемі мен сипатын, қоғамға теріс әсер ететін және қоғамды сыйламаушылықты көрсетуге бағытталған, лайықсыз мінез-құлықпен көрінетін құқыққа қарсы мінез-құлықтың жалғасуын ескере отырып жаза тағайындады.Айыпталушы Қабатов ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылды. Ол әкімшілік жазаға тартылды - 5 тәулікке қамауға алынды.Қаулы заңды күшіне енген жоқ.Фото: ©Tengrinews.kz

Тұрсынбек Қабатов қамауға алынды

<a href="https://kyzylorda-news.kz/">Kyzylorda-news.kz</a> &nbsp; «AMANAT» партиясы Қызылорда қалалық филиалы жанындағы Партиялық бақылау комиссиясының кеңейтілген отырысы өтті. Күн тәртібінде екі мәселе қаралды. Біріншісі, жастарға арналған «Сыр жастары» жеңілдетілген ипотекалық кредит беру бағдарламасы шеңберінде Қызылорда қаласында жастарды тұрғын үймен қамтамасыз ету жайлы болса, екіншісі «Жасыл ел» еңбек жасақтарын ұйымдастыру туралы мәселелер қаралды.&nbsp;Күн тәртібіндегі бірінші мәселе бойынша облыстық Қоғамдық даму басқармасының басшысы Есмаханов Алмасбек баяндады.<blockquote>&nbsp;–&nbsp;Өздеріңізге белгілі, аймақ басшысының қолдауымен өңір жастарын қолжетімді баспанамен қамтамасыз ету және жас отбасыларды қолдау мақсатында «Сыр жастары» Қызылорда облысының жастарына жеңілдетілген ипотекалық несие беру бағдарламасы қабылданды. 2023 жылы Бағдарламаны жүзеге асыру үшін облыстық бюджеттен 1&nbsp;200,0 млн. теңге, «Отбасы банк» АҚ тарапынан 500 млн. теңге қаржы бөлінді (барлығы 1&nbsp;700,0 млн. теңге). Өткен жылы тұрғын үй құрылысының аз болуына байланысты пәтерлерді табыстауға мүмкіндік болмады. Дегенмен,&nbsp;осы жылдың мамыр айында 60 жас отбасы баспаналы болды. Қалған 40 пәтер бойынша&nbsp;«Отбасы банктің» облыстық филиалымен Қызылорда қаласы, Бименді Баймаханов 48А мекен-жайында салынып жатқан 40 пәтерлік тұрғын үй мердігерімен келіссөз жүргізілуде. Ал, 2024 жылға облыстық бюджеттен&nbsp;1&nbsp;200,0 млн. теңге қарастырылған болатын. Алайда, тұрғын үй құрылысының аз болуына байланысты қаржы бюджетке кері қайтарылды. Дегенмен, Басқарма тарапынан Бағдарламаның Ережесіне екінші кезектегі үйлерді алуға мүмкіндік жасау бойынша өзгеріс ұсынып отырмыз, – деді Алмасбек Әбілқасымұлы.</blockquote>Аталған мәселе бойынша Отбасы банк Қызылорда филиалының бөлім басшысы Құттықов Шыңғыс:&nbsp;Отбасы Банк АҚ соңғы бірнеше жыл көлемінде еліміздің кейбір өңірлерлінде жергілікті атқарушы органдармен бірлесе азаматтарды баспанамен қамтудың стандартты бағдарламаларына балама бола алатын «Өңірлік ипотекалық бағдарламаларды» сәтті жүзеге асырып келе жатыр. Атап айтатын болсақ, олар:&nbsp;«Алматы жастары» -бағдарлама құны 20 млрд теңгеден астам. &nbsp;«Елорда жастары»- бағдарлама құны 6 млрд теңге. &nbsp;«Әулиеата жастары»- бағдарлама құны 2 млрд теңге.&nbsp; &nbsp; Әріптестеріміздің ЖАО бірлесе іске асырып жатқан осындай тиімді тәжірбиесін&nbsp;пайдаланып, өңіріміздегі жастардың баспана мәселесін шешу үшін Банктің Қызылорда филиалы да облыс әкімдігімен бірлесе «Сыр жастары» деген атаумен өңірлік ипотекалық бағдарламаны бірлесе жүзеге асыруға ұсыныспен шықты. Аталған ұыныс облыс басшысы мен облыстық маслихат депутаттары тарапынан қызу қолдауға ие болып, түрлі басқосу жиындардан соң бағдарламаның шарттары мен бюджеті нақтыланып, маслихат сессиясында бекітілді, – деп пікір білдірді.Аталған мәселе бойынша Партиялық бақылау комиссиясының мүшелері жастарға берілетін пәтер санын арттыруға сессия отырыстарында ұсыныс беріп, қала жастарына қолайлы жағдай жасау мәселесін талқылады.<blockquote>– Басқарманың мемлекеттік әлеуметтік тапсырысы аясында жыл сайын тұрақты түрде «Жасыл ел жастарды көркейту, көгалдандыру және абаттандыру жұмыстарына тарту» жобасы жүзеге асырылып келеді. Биыл әлеуметтік жоба арқылы&nbsp;маусым-тамыз айларында 16-35 жасар алығындағы түрлі санаттағы (оқушы, студент, жұмыссыз) 1 200 жас маусымдық жұмыспен қамтылып, 100 мың теңге мөлшерінде еңбекақылары өтеледі. Сондай-ақ, сарбаздар қажетті&nbsp;экипировкамен қамтамасыз етіледі. Облыстық штабтың жұмысын ұйымдастыру үшін жоба аясында қосымша&nbsp;8 маман жұмысқа қабылданды. 2024 жылғы&nbsp;3 маусым күні жасыл елдіктердің еңбек маусымы басталды. Алғашқы айда&nbsp;300-ге жуық жас жұмысқа жолданды. Облыс бойынша бекітілген квота саны&nbsp;1&nbsp;871 жас болса, оның ішінде Қызылорда қаласына бөлінген квота&nbsp;280 жас. Алғашқы айда қамтылған жастар саны аз болуы оқу процестеріне (емтихан, сессия) байланысты. Шілде тамыз айларында жоспарланған көрсеткіштерге толықтай қол жеткізілетін болады, – деді Алмасбек Әбілқасымұлы.&nbsp;</blockquote>

 Партиялық бақылау комиссиясының кеңейтілген отырысы өтті 

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өткен мәжілісте Үкімет басшысы Олжас Бектенов бастаған делегацияның Сыр өңіріне жасаған сапарының қорытындысы, берілген тапсырмалар, Қызылорда қаласындағы кейбір мәселелер туралы талқыланды.«Кеше облысқа ресми жұмыс сапармен келген Үкімет делегациясы өңірдегі жұмыстармен танысты. Қарқынды құрылыс алаңына айналған облыс орталығындағы нысандарға тоқтады.Биыл Мемлекет басшысының қолдауымен қаланы ыстық сумен қамтамасыз ету мәселесі оң шешімін тапты. Қала мен оған қарасты елді мекендерде көшелер жөнделіп, жаяу жүргіншілер жолы салынуда. Үкімет басшысы қолға алынған жұмыстарға оң бағасын берді», – деді Нұрлыбек Машбекұлы.Облыс әкімінің тапсырмасына сәйкес, Қызылорда қаласындағы 2022-2023 жылдары жөндеуден өткен, кепілдік мерзімі бар көшелерді визуалды қараудан және бақылаудан өткізгенде бірқатар кемшілік анықталды. Атап айтқанда, алдыңғы жылы жөнделген 49 көшенің 15-інен, былтыр жөнделген 56 көшенің 11-інен ақау шыққан. Қала әкімі Серік Қожаниязов осы кемшіліктерді түзетуде атқарылған жұмыстарды баяндады. Қызылорда қаласы әкімдігіне келісім-шарттағы кепілдік мерзіміне сәйкес іс-шара жоспарын бекітіп, анықталған ақауларды 1 ай ішінде қайта қалпына келтіру жөнінде тапсырма берілді.Жиында құрылыс, сәулет және қала құрылысы, энергетика және тұрғын үй- коммуналдық шаруашылық, жолаушылар көлігі және автомобиль жолдары басқармасы басшылары жаңа нысандар құрылысы, инфрақұрылым желілерін дамыту туралы баяндады. Атап айтқанда, сол жағалаудағы құрылыстар, алдағы жылу маусымына дайындық, ескі көпқабатты тұрғын үйлерді қайта жаңғырту, жаяу жүргіншілер жолын салу жоспарлары талқыланды. Қаланың әлеуметтік-экономикалық дамуына қатысты мәселелер мен ұсыныстар бойынша жоспарлы жұмыстар жүргізіледі.<img src="https://knadmin.beoblood.kz/uploads/449383524_772285761759337_3301959831635325425_n_7dfcb47e83.jpg" alt="449383524_772285761759337_3301959831635325425_n.jpg"><img src="https://knadmin.beoblood.kz/uploads/449355191_772285648426015_9153317332864239503_n_c0f0b49e41.jpg" alt="449355191_772285648426015_9153317332864239503_n.jpg"><img src="https://knadmin.beoblood.kz/uploads/449338979_772285675092679_7215472706966029356_n_d1d7614fc9.jpg" alt="449338979_772285675092679_7215472706966029356_n.jpg"><img src="https://knadmin.beoblood.kz/uploads/449312389_772285691759344_9216019325478473096_n_fb8566c1d0.jpg" alt="449312389_772285691759344_9216019325478473096_n.jpg"><img src="https://knadmin.beoblood.kz/uploads/449196563_772285711759342_572025042886476901_n_5a5aaf65ec.jpg" alt="449196563_772285711759342_572025042886476901_n.jpg">Фото: Қызылорда облысы әкімінің баспасөз қызметі

Кемшіліктер кепілдік мерзімі аяқталғанша түзетілуі тиіс

<a href="https://kyzylorda-news.kz/">Kyzylorda-news.kz</a> 28 маусым – Журналистердің төл мерекесі қарсаңында Қызылорда облыстық ҚХА жанындағы Журналистер мен сарапшылар клубының ұйымдастыруымен алғашқы рет «Қуатты қаламгер» атты табиғаттағы тимбилдинг өтті.Салтанатты іс-шарада Қызылорда облыстық қоғамдық даму басқармасы «Қоғамдық келісім» КММ директоры Камалов Бақытжан Жарылқасынұлы және Облыстық ҚХА жанындағы Журналистер мен сарапшылар клубының төрағасы Рыбина Елена Владимировна алғы сөз сөйлеп, жыл басынан бері республикалық және облыстық бұқаралық ақпарат құралдарында, 6 ай көлемінде 2448 материал, әлеуметтік желілердегі ресми парақшаларда 626 жариялым, БАҚ және Интернет ресурстарында 246 бейнесюжет, 249 мақала жарық көрді. Бұл игі істерде, яғни өңірлік ассамблея жұмысын ақпараттандыруда клуб мүшелерінің тікелей үлестері зор екендігін атап өтті.Сондай-ақ, қоғамдық келісім мен жалпыұлттық бірлікті насихаттауда белсенділік танытып, этножурналистика саласының дамуына елеулі үлес қосқан бірқатар азаматтар арнайы номинациялар және Алғыспен марапатталды.Атап айтар болсақ, «БІРЛІК ЖАРШЫСЫ» номинациясымен облыстық «Qyzylorda» телеарнасының бас редакторы Айсұлу Жұмабайқызы, «ТАТУЛЫҚ ЖАРШЫСЫ» номинациясымен қалалық «QogamTV» телеарнасының бас редакторы Баян Рахатқызы, «ҮЗДІК ЖУРНАЛИСТІК ЗЕРТТЕУ» номинациясымен республикалық «Закон.кз» газетінің Қызылорда облысындағы меншікті тілшісі Мира Ақтілекқызы, «ЕҢ ҮЗДІК РЕПОРТАЖ» номинациясымен «24 KZ» телеарнасының Қызылорда облысындағы меншікті тілшісі Нұрлан Жаңақұлұлы, «ҚУАТТЫ ҚАЛАМГЕР» номинациясымен республикалық «Казахстанская правда» газетінің Қызылорда облысындағы меншікті тілшісі Әлібек Әбсатұлы, «ДӘНЕКЕР» номинациясымен Қызылорда облыстық ҚХА жанындағы Журналистер клубының төрағасы Елена Владимировна, Алғыспен республикалық «Литер» газетінің облыстағы меншікті тілшісі Наталья Юрьевна, облыстық «Сыр бойы» газетінің тілшісі Мейрамкүл Дауылбайқызы, қалалық «Ақмешіт апталығы» газетінің бас редакторы Гүлмира Мағлұмқызы,&nbsp;Kyzylorda-News.kz ақпараттық порталының бөлім басшысы Фариза Сәбитқызы, облыстық «Qyzylorda» телеарнасының бас режиссеры Ержан Жолдасбекұлы, «Qazaqstan» ұлттық телеарнасының Қызылорда облысындағы меншікті тілшісі Әділбек Жақанов, «ASTANATV» телеарнасының Қызылорда облысындағы меншікті тілшісі Мөлдір Тоқтасынқызы, облыстық «Кызылординские вести» газетінің тілшісі Инна Талгатовна, республикалық&nbsp;inbusiness.kz сайтының Қызылорда облысындағы меншікті тілшісі Рыскелді Сәрсенұлы марапатталады.Мерекелік шарада қатысушылар арнайы Журналистер клубының жұмысын бейнелейтін фотостенді мен видеослайд жанында естелік суреттерге түсіп, бейнеролик тамашалады. Мұнан соң қатысушылар бір түсті шарларды таңдап, үш топқа бөлінді. Топтар атауларын таңдап, оны таныстырды. Бірінші топ – «Dream team», екінші топ – «Mango», үшінші топ – «Құлпынай».Алғашқы – «Ойлан, тап!» кезеңінде ұяшықта этножурналистика, медиасауаттылық туралы жасырылған сұрақтарға дұрыс жауап табу болды. Екінші «Таба аласың ба?» кезеңінде қатысушы топтар журналистикаға қатысты суретті маркерді ұстамай, оған байланған жіптерді қолдану арқылы салды. «Жұлдызды сәт» кезеңінде kahoot.it сайты арқылы Журналистика тарихы жайлы қойылған сұрақтарға жауап берді. «Үш сурет - бір ой» кезеңінде репортаж, диктор, радио, баспасөз, фэйк ақпарат, аңдатпа (анонс), интервью, сценарий, интернет сөздерін табу керек болды. Ал «Әуенді викторина» кезеңінде қатысушылар кері қойылған әндерді тауып, тапқан қатысушы ортаға шығып би биледі. «Бұл кім?» кезеңінде командалар лед экраннан журналистердің және тарихи тұлғаларды 5 секундтың ішінде айтып үлгеруі керек болды.Сайыс нәтижесінде жүлделі бірінші орынды 220 балмен - «Құлпынай», екінші орынды 185 балмен - «Dream team», үшінші орынды 127 балмен - «Mango» командасы жеңіп алды.Табиғаттағы тимбилдинг бұдан әрі мерекелік пикникпен жалғасын тапты.

«Қуатты қаламгер» атты табиғаттағы тимбилдинг өтті

<a href="https://kyzylorda-news.kz/">Kyzylorda-news.kz</a> Қызылордада 3 жасар бүлдіршіннің басы балконның теміріне қысылып, шығара алмай қалған. Оқиға орнына ТЖМ қызметкерлері барды, – деп хабарлайды&nbsp;<a href="https://massaget.kz/basty-zhaalytar-438/110530/">Massaget.kz</a>.Төтенше жағдай қызметкерлері қыздың басын темірден шығаруға тырысып жатқаны бейнеленген видео журналист Гүлмира Абықайдың әлеуметтік желідегі парақшасында жарияланды. Оның айтуынша, қыздың басын шығаруға алдымен ата-анасы тырысқан, алайда әрекет нәтижесіз аяқталды.<blockquote>«Басын балконнан шығара алмай қиналды. Қызылордадағы көп қабатты үйдің балконына шығып, темірден басын шығарып ауланы көрмек болған 3 жасар қыздың басы қысылып қалды. Өздігінен шығармақ болды, ата-анасы суырып алмақ болды, нәтижесіз. Ақыры төтенше жағдайға хабарласып, құтқарушылар темірді кесіп, 3 жасар қызды аман-есен құтқарды. Бұл жағдай 2 ай бұрынғы оқиғаны еске салды. Сәуір айында танысына келген мейман темір дулығаны киіп көрмекші болып, басынан шықпай қалып еді ғой? Ұмытпаған шығарсыздар? Ол кезде де оқиға Қызылордада болған», – деп жазған ол.</blockquote>Фото: Видеодан алынған кадр

Қызылордалық 3 жасар бүлдіршіннің басы балконның теміріне қысылып қалған

<a href="https://kyzylorda-news.kz/">Kyzylorda-news.kz</a> Кеше Мәжілістегі «AMANAT» партиясы депутаттық фракциясының отырысы өтіп, онда Үкімет мүшелерімен бірге партияның сайлауалды бағдарламасының жүзеге асырылу барысы талқыланды. Алқалы жиынға Партия Төрағасы, Мәжіліс Спикері Ерлан Қошанов, Үкімет мүшелері, өңірімізден бейнебайланыс режимінде партияның облыстық филиалының Атқарушы хатшысы Ләйлә Төрешова, облыстық мәслихат төрағасы Мұрат Тілеуімбетов, сондай-ақ Жол картаны жүзеге асыруға жауапты сала өкілдері қатысты.Жиында сөз алған партия Төрағасы Ерлан Жақанұлы Президент Қасым-Жомарт Тоқаев 2029 жылға қарай ел экономикасын екі есе арттыру міндетін қойды. Мұның бәрі партияның сайлауалды бағдарламасында және бекітілген Жол картасында көзделгенін тілге тиек етіп, халықтың үмітін ақтап, осы уәделерді сапалы орындау партияның, депутаттық корпустың және Үкіметтің ортақ жауапкершілігі екенін атап өтті.Жалпы Сайлауалды бағдарлама аясында өткен жылы елімізде тұрғын үй қолжетімділігін арттыру үшін 15,5 млн шаршы метр тұрғын үй салу жоспарланып, 17 млн шаршы метр баспана салынған. «Жер аманаты» жобасы аясында 10 млн гектардан астам ауыл шаруашылығы жерлері мемлекет меншігіне қайтарылды.Бұл көрсеткіштер Сыр өңірінде де жоспардан артығымен орындалды. Атап айтсақ, 2023 жылы қаржыландырудың барлық көздері есебінен 692,3 мың шаршы метр тұрғын үй пайдалануға беру межеленіп, жыл қорытындысымен 107% орындалды.«Жер аманаты» жобасы аясында 200 мың гектар жерді қайтару қажеттігі белгіленіп, 225,4 мың гектар жер мемлекетке қайтарылды. Мұнан бөлек өзге бағыттар бойынша да оң динамика қалыптасқан. Бұл партияның барлық деңгейдегі фракциясы және жерігілікті атқарушы органдардың бірлескен жұмыстарының нәтижесі деп білеміз.Кеше Мәжілістегі «AMANAT» партиясы депутаттық фракциясының отырысы өтіп, онда Үкімет мүшелерімен бірге партияның сайлауалды бағдарламасының жүзеге асырылу барысы талқыланды. Алқалы жиынға Партия Төрағасы, Мәжіліс Спикері Ерлан Қошанов, Үкімет мүшелері, өңірімізден бейнебайланыс режимінде партияның облыстық филиалының Атқарушы хатшысы Ләйлә Төрешова, облыстық мәслихат төрағасы Мұрат Тілеуімбетов, сондай-ақ Жол картаны жүзеге асыруға жауапты сала өкілдері қатысты.Жиында сөз алған партия Төрағасы Ерлан Жақанұлы Президент Қасым-Жомарт Тоқаев 2029 жылға қарай ел экономикасын екі есе арттыру міндетін қойды. Мұның бәрі партияның сайлауалды бағдарламасында және бекітілген Жол картасында көзделгенін тілге тиек етіп, халықтың үмітін ақтап, осы уәделерді сапалы орындау партияның, депутаттық корпустың және Үкіметтің ортақ жауапкершілігі екенін атап өтті.Жалпы Сайлауалды бағдарлама аясында өткен жылы елімізде тұрғын үй қолжетімділігін арттыру үшін 15,5 млн шаршы метр тұрғын үй салу жоспарланып, 17 млн шаршы метр баспана салынған. «Жер аманаты» жобасы аясында 10 млн гектардан астам ауыл шаруашылығы жерлері мемлекет меншігіне қайтарылды.Бұл көрсеткіштер Сыр өңірінде де жоспардан артығымен орындалды. Атап айтсақ, 2023 жылы қаржыландырудың барлық көздері есебінен 692,3 мың шаршы метр тұрғын үй пайдалануға беру межеленіп, жыл қорытындысымен 107% орындалды.«Жер аманаты» жобасы аясында 200 мың гектар жерді қайтару қажеттігі белгіленіп, 225,4 мың гектар жер мемлекетке қайтарылды. Мұнан бөлек өзге бағыттар бойынша да оң динамика қалыптасқан. Бұл партияның барлық деңгейдегі фракциясы және жерігілікті атқарушы органдардың бірлескен жұмыстарының нәтижесі деп білеміз.

Сайлауалды бағдарламаның жүзеге асырылуы бойынша Үкімет есеп берді 

<a href="https://kyzylorda-news.kz/">Kyzylorda-news.kz</a> Өнер иесі тұрмыстық зорлық-зомбылыққа тап болған әйелдер жайлы сөз қозғады. Әнші Алтынай Жорабаева әлеуметтік желідегі парақшасында әйелге көп жауапкершілік артылатынына наразылық білдірді, деп хабарлайды <a href="https://smartnews.kz/news/11826-ajel-barine-konu-kerek-altynaj-zhorabaevanyn-zhazbasy-okyrmandy-ojlandyryp-kojdy?fbclid=IwZXh0bgNhZW0CMTEAAR11zFT4MmMrOdna0HRLXckMB2XL8eyO0iZ-8w1oeNdwMDdoiF8iwZ1YJ_g_aem_7MpnPiFsWku5Wv70Y9JXdw">smartnewsnews</a>Өнер иесі тұрмыстық зорлық-зомбылыққа тап болған әйелдер жайлы сөз қозғады. Ол қыз бен ұлды бөліп-жармай, жастайынан еңбекке баулып тәрбиелеу керек деп есептейді.&nbsp;<blockquote>&nbsp;"Неге? "Қыз сыны" Неге? "Жігіт сұлтаны? Әу бастан, қыз баласын сынға алып, бәрін әйел адамнан талап ету, бүкіл жауапкершілікті әйел адамға артып қоюды қанға сіңіріп, ойға түйіп тастаған сияқты ма, қалай өзі? Қыз нәзік, қыздың жолы жіңішке, қызға қырық үйден тыйым дейді де, қыздың қырық жаны бар деп қоятынымыз қалай? Былай қарасаң, нәзік, әлсіз деген сияқты айтып келіп, бірақ сол "әлсіз жаратылысқа" үстемдік жасап, әлсізге әлімжеттік көрсетіп, бірақ қайтадан бүкіл үйдің тірлігін, бүкіл жауапкершілікті, яғни күйеуі ішіп кетсе, құмар ойын ойнап кетсе, ішіп келіп ұрса, жүріс жүрсе, әйел үнін шығармай, көніп, бала-шағаны бағып, үйдің шаруасын жасап жүруді талап етуді қалай түсінуге болады? Нағыз ер-азаматты сыйламайтын, тапқан табысының берекесін қашырып отыратын әйелдер де бар! Мынау еркектің, мынау әйелдің жұмысы деп бөлмей, кішкентайынан ұлды да, қызды да үй шаруасына, дала шаруасына баулып тәрбиелегенде, әйел еріне, ері әйеліне көмектесіп, түсіністікпен өмір сүріп, берекелі отбасы болады деп ойлаймын. Менің оқырмандарымның ойы қалай екен?" - деп жазды әнші. &nbsp;</blockquote>Фото: smartnewsnews

«Әйел бәріне көну керек...»: Алтынай Жорабаеваның жазбасы оқырманды ойландырып қойды  

Бүгін Жалағаш ауданы әкімі Ардақ Ибраимовтың төрағалығымен мәжіліс өтті.Күн тәртібіне сәйкес тұрғындар тарапынан көтерілетін негізгі мәселелерді уақытылы әрі сапалы шешу, жұмыс барысында ашықтық пен кері байланыста болу және атқарылған жұмыстар мен алдағы міндеттер туралы айтылды.Сондай-ақ, Жалағаш ауданы әкімі Ардақ Ибраимов Жалағаш кентінің тазалығы, түнгі жарықтандыру жұмыстары, аяқ су мәселесі, денсаулық сақтау саласындағы қызмет көрсету, жаяу жүргіншілердің қауіпсіздігі және басқа да мәселелер бойынша жауапты сала басшыларына нақты тапсырмалар берді.Мемлекет басшысының тапсырмасына сәйкес елімізде бастау алған «Таза Қазақстан» республикалық экологиялық акциясы аясында Жалағаш кенті, ауылдық округтер мен мемлекеттік мекемелердің аумағында санитарлық тазалық, көркейту-көгалдандыру жұмыстары үнемі жүргізу тапсырылды.Конго-Қырым геморрагиялық қызбасы ауруының алдын алу бағытында 2024 жылдың көктем және күзгі эпидмаусымы бойынша сақтық шараларын тұрақты ұйымдастыру қажеттігін айтты.Жалағаш кентінде орналасқан бейнебақылау камераларының сапасын арттырып, аудан бойынша құқық бұзушылықтар мен қылмыстардың алдын алуға бағытталған профилактикалық шараларды күшейту және өсім алып отырған қылмыстарға аса көңіл бөліп саралау арқылы заңға сәйкес шешімдер қабылдауды жеткізді.Тұрғындар қауіпсіздігін, әсіресе жазғы демалыс уақытында балалардың қауіпсіздігін қамтамасыз ету мақсатында суға түсу маусымы кезінде белгіленбеген жерлерге ескертпе тақтайшалар іліп, рейдтік шараларды күнделікті ұйымдастыру тапсырылды.Аудан әкімінің төрағалығымен өткізілген мәжіліс отырысында айтылған тапсырмалардың уақытылы орындалуы сала бойынша жауапты аудан әкімінің орынбасарларына жүктелді.

А.Ибраимов: Аудан тұрғындарының талап-тілегі уақытылы әрі сапалы орындалу қажет

Жалағаш аудан әкімі Ардақ Ибраимов аудан аумағындағы автогаз құю станцияларында автокөлікке жанармай құю үшін сұйытылған мұнай газын бөлшек саудада өткізудің шекті бағалары мен мөлшері бойынша зерделеу жұмыстарын жүргізді.Облыс әкімінің тапсырмасына сәйкес, тұрғындарды жеткілікті мөлшерде кедергісіз сұйытылған мұнай газымен қамтамасыз ету шаралары тұрақты ұйымдастырылуда. Зерделеу жұмыстарынан жауапты сала басшылары қатысып, алдағы қажетті қорды сақтап отыру мақсатындағы нақты тапсырмалар берілді.Бүгінгі таңда Жалағаш ауданы бойынша жанар-жағармай өткізумен айналысатын 3 оператор, 4 жанар-жағармай құю бекеті орналасқан болатын.&nbsp;Сонымен қатар сұйытылған мұнай газы бойынша 5 оператор, 6 газ құю бекеті жұмыс жасайды. Сыйымдылығы 55, 5 тонна. Қазіргі таңда, 26,2 тонна газ бар. Газдың орташа бөлшек сауда бағасы - 64 теңге.Жалағаш аудан әкімі Ардақ Ибраимов және бірқатар аудан тұрғалары аудан аумағындағы автогаз құю станцияларда автокөлікке жанармай құю үшін сұйытылған мұнай газын бөлшек саудада өткізудің шекті бағалары мен мөлшері бойынша зерделеу жұмыстарын алдағы уақыттарда да тұрақты жүргізіп тұруды ұйғарды.

Сұйытылған мұнай газы бойынша мониторинг жұмыстары жүргізілді

Жаз мезгілі келісімен балалар мен жасөспірімдер бос уақытында суға шомылуға асығады. Сондықтан, су айдындарындағы қайғылы жағдайдың алдын алу бүгінгі күннің өзекті мәселесі. Бұл ретте, Жалағаш аудан әкімінің орынбасары Ғани Сүлейменов, аудандық білім бөлімінің басшысы Талғат Садықов, аудандық Төтенше жағдайлар бөлімі мен полиция бөлімі бірлесіп, азаматтардың судағы қауіпсіздігін қамтамасыз етуге бағытталған шараларды жүйелі жалғастырып келеді.Бүгін де аталған құрам Сырдария өзені, Асар төбе көлі мен Сталин каналдарында болып, қауіпсіздік шараларын қамтамасыз ету мақсатында түсіндірме жұмыстарын жүргізді.&nbsp;«Адам баласы үшін өмірінен артық ештеңе жоқ. Бірақ сол өмірін тәуекелге тігетіндер кездесіп жатады. Әр шомылу маусымы басталар алдында барлық аймақта түсіндіру жұмыстары жүргізіледі. Суға кетудің алдын алу үшін тұрғындар қауіпсіздік ережелерін қатаң ұстанған жөн. Тұрғындар талап пен тәртіпке бағынуы тиіс» деген аудан әкімінің орынбасары Ғани Сүлейменов сала қызметкерлеріне әсіресе жасөспірімдер арасында түсіндірме жұмыстарын тұрақты түрде жүргізуді тапсырды.&nbsp;Су айдындарындағы қарапайым ережелерді сақтамаудың салдары, яғни тыйым салынған орындарға суға түсу, балалардың ересектердің қарауынсыз жағажай аумағында жүруі әртүрлі қайғылы оқиғаларға себеп болуы әбден мүмкін.&nbsp;Сондықтан Жалағаш аудан тұрғындарын судағы қауіпсіздік ережелерін қатаң сақтап, мамандар кеңесіне құлақ түруге шақырамыз.

Қазақстан және Қызылорда облысының жаңалықтары