<a href="https://kyzylorda-news.kz/">Kyzylorda-news.kz</a> Инфляцияның шарықтап кетуіне жол бермеу керек. Бұл туралы Үкіметтің кеңейтілген отырысында Мемлекет басшысы Қасым-Жомарт Тоқаев айтты.<blockquote>— Инфляцияны ойға қонымды, қалыпты деңгейге түсіру қажет. Оның шарықтап кетуіне жол бермеу керек. Инфляцияның не себепті жоғары болып тұрғаны белгілі, кеселдің себебі анықталды. Енді осы мәселені шешу керек. Бірақ ұсынылатын шаралар елдің дамуына кері әсерін тигізбеуі қажет. Дәл осы тұста түрлі пікір айтылып жатыр. Үкімет пен Ұлттық банкке бірлесіп нақты іс-қимыл алгоритмін әзірлеуді тапсырамын, — деді Прехидент.</blockquote>Мемлекет басшысының пайымынша осы маңызды жұмысқа барлық мекеме өкілдері мен сарапшылар қатысуs тиіс.<blockquote>— Тағы да қайталап айтамын: қолайсыз ахуалды шұғыл ретке келтіру қажет. Биылдан бастап үш жыл қатарынан инфляцияны төмендету үшін нақты шаралар қабылдау керек. Бірлескен іс-қимыл бағдарламасын сапалы орындау айрықша маңызды. Мәселені шешудің орнына бос сөзді көбейтіп, қажетсіз «жол карталарын» әзірлеу — жауапкершіліктен қашу деген сөз. Алдын ала ескерту: ондай жағдайда қатаң шара қолданылады. Халықтың табысы артса ғана, нақты нәтижеге қол жеткіздік деп санауға болады, — деді Қасым-Жомарт Тоқаев.</blockquote><a href="https://kaz.inform.kz/news/kazhetsz-zhol-kartalarin-azrlegenderge-katan-shara-koldaniladi-prezident-c9846c/">Дереккөз: Қазақпарат</a>Фото: Ақорда

Қажетсіз «жол карталарын» әзірлегендерге қатаң шара қолданылады — Президент

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Қазалы ауданының құрметті азаматы, еңбек ардагері, аудандық қоғамдық кеңестің мүшесі Түктібай Өмірзақ Алтынбайұлын 75 жас мерейтойымен құттықтады. Аудан әкімдігінің мәжіліс залында өткен шараға ауданның зиялы қауым өкілдері, ардагерлер, сала басшылары мен мәслихат депутаттары қатысты.Аудан басшысы Өмірзақ Алтынбайұлының ел дамуына сіңірген елеулі еңбегін атап өтіп, мерейтой иесіне ризашылығын білдірді.<blockquote>Мемлекет басшымыз Қасым-Жомарт Кемелұлы: «Ел мүддесі – бәрінен биік. Әділетті Қазақстанда еңбек адамына ерекше құрмет көрсетілуге тиіс. Еңбек адамдары – еліміз бен мемлекетіміздің тірегі» деген болатын. Туған жер алдындағы азаматтық парызын адал атқарған ел ағаларының ерен еңбегі, мемлекетімізге қалтқысыз еткен адал қызметтері – біздерге қашанда үлгі-өнеге. Қазалы өңірінде түрлі салада аянбай тер төгіп, ауданның әлеуметтік-экономикалық дамуына сүбелі үлес қосқан азаматтар аз емес. Олар қиын-қыстау кезеңдерде де табандылық танытып, ел бірлігі мен берекесін сақтауға зор ықпал етті. Бүгінде ауданымызда жүзеге асырылып жатқан игі бастамалар мен даму бағдарламалары – осы бір ардақты жандардың салып кеткен сара жолының жалғасы. Бүгінгі жиынымыз – қажырлы еңбегімен халықтың ыстық ықыласына бөленген, өнегелі істердің ұйытқысы болған ардақты ағамыз Өмірзақ Алтынбайұлының 75 жасқа толу құрметіне арналуда. Сізге тілеулес азаматтардың, адал ақ ниетті жерлестеріңіздің атынан бүгінгі мерейтойыңызбен шын жүректен құттықтаймыз. Мерейлі сәтте Өзіңізге мықты денсаулық, жақындарыңызға амандық, отбасыңызға бақ-береке тілеймін, - деді аудан әкімі Алмасбек Әбілқасымұлы.&nbsp;</blockquote>Салтанатты қабылдау барысында Өмірзақ Алтынбайұлына өңірдің дамуына қосқан сүбелі үлесі үшін Қызылорда облысының ең жоғары марапаттарының бірі – облыс әкімінің «Құрмет» грамотасы табысталып, дәстүрге сай шапан жабылды.Жиында алғашқы құттықтау сөз аудандық мәслихат төрағасы Ғазиз Әлішке беріліп, мерейтой иесінің еңбек жолына, елге сіңірген қызметіне жоғары баға берілді. Сондай-ақ медицина саласының ардагері Сержан Берденұлы, ауыл шаруашылығы саласының ардагері, аудандық ақсақалдар кеңесінің төрағасы Қасқырбай Әлімбай мен аудандық қоғамдық кеңестің төрағасы Талайлы Бөріқұлақов жүрекжарды лебіздерін білдіріп, мерейтой иесіне ізгі тілектерін жеткізді.Өз кезегінде Өмірзақ Алтынбайұлы көрсетілген құрмет пен ыстық ықыласқа ризашылығын білдіріп, туған жерінің дамуына әрдайым жанашыр бола беретінін атап өтті.Өмірзақ Алтынбайұлы 1951 жылы Әйтеке би кентінде дүниеге келген. Еңбек жолын 1973 жылы бастаған ол Қазалы кірпіш зауытында түрлі жауапты қызметтер атқарып, кейін кәсіпорынды ұзақ жылдар басқарып, өндіріс қуатын арттыруға, жұмыс орындарын сақтауға және аудан экономикасының дамуына елеулі үлес қосты. Сондай-ақ 1995–1998 жылдары Қазалы ауданы әкімінің орынбасары қызметін абыроймен атқарып, кейін кәсіпкерлік саласында табысты еңбек етті.&nbsp;Өмірзақ Алтынбайұлы аудандық мәслихаттың бірнеше шақырылымында депутат болып, тұрғындардың әлеуметтік мәселелерін шешуге бағытталған бастамалардың жүзеге асуына белсенді атсалысты. Мерейтой иесінің қоғамдық жұмыстарға сіңірген еңбегі де ерекше аталып өтті. Бүгінде ол – аудандық қоғамдық кеңестің мүшесі, ел ішінде беделді, жастарға үлгі болатын ардақты азамат.<img src="https://knadmin.beoblood.kz/uploads/rmet_k_rsetti_2_f0d2306a4d.jpg" alt="Зейнетке шығу.jpg">

Құрметті азаматқа құрмет көрсетті

<a href="https://kyzylorda-news.kz/">Kyzylorda-news.kz</a> Дамушы елдерге салынатын жаһандық инвестиция көлемі азайып барады. Бұл туралы Үкіметтің кеңейтілген отырысында Мемлекет басшысы Қасым-Жомарт Тоқаев айтты.<blockquote>— Біздің басты мақсатымыз — қазіргі күрделі кезеңде Қазақстанның әлеуметтік-экономикалық және халықаралық әлеуетін арттыру. Сарапшылар әлем экономикасының өсімі баяулап, халықаралық сауда қарқыны әлсірейді деген болжам жасауда. Дамушы елдерге салынатын жаһандық инвестиция көлемі азайып барады. Қаржы саласы тоқырауға ұшырауы мүмкін. Бүгінде көптеген ел өз нарығын қорғау шараларын күшейтіп жатыр. Мемлекеттер арасында өзара тарифтік шектеу қою үрдісі белең алды. Жаһандану үдерісі кері сипат ала бастады, — деді Мемлекет басшысы.</blockquote>Президенттің пайымынша, мұның бәрі әлемдегі геосаяси ахуалды өзгертіп жатыр.<blockquote>— Бірақ негізгі әрі шешуші оқиғалар әлі алда. Дүние жүзінде мүлде жаңа үдерістер пайда болуда. Мемлекеттің тұрақты дамуы үшін біз осы өзгерістерге экономикалық және саяси тұрғыдан бейімделуіміз қажет. Бұл — аса маңызды міндеттің бірі. Бұрынғы тәсілдер қазір тиімсіз болып қалғанын көріп отырмыз. Озық мемлекеттер әлем экономикасын дамытудың жаңа үлгісін әзірлеуге кірісіп кетті. Біз де бұл үдерістен шет қалмауымыз керек, — деді Қасым-Жомарт Тоқаев.</blockquote>Мемлекет басшысының айтуынша, ұлт мүддесін қорғау үшін экономиканы нығайтуға және дамытуға арналған нақты жоспар болуы тиіс.<blockquote>— Дүние жүзіндегі экономикалық ахуалға қарамастан, былтыр экономикамыз 6,5 пайызға өсті. Біздің миссиямыз — айқын: экономикалық өсім жоғары сапаға ие болуы керек, яғни, ең алдымен, халықтың әл-ауқатын арттырып, тұрмысын жақсартуға тиіс. Басқаша айтсақ, ішкі жалпы өнім артқан сайын азаматтардың нақты табысы да көбеюі керек. Бұл — Үкіметтің алдында тұрған негізгі міндет, — деді Президент.</blockquote><a href="https://kaz.inform.kz/news/kasim-zhomart-tokaev-ukmettn-aldindagi-negzg-mndett-atadi-e496da/">Дереккөз: Қазақпарат</a>Фото: Ақорда

Қасым-Жомарт Тоқаев Үкіметтің алдындағы негізгі міндетті атады

<a href="https://kyzylorda-news.kz/">Kyzylorda-news.kz</a> 9 ақпан – қазақтың ақиық ақыны, поэзия падишасы атанған Мұқағали Мақатаевтың туған күні. Сырлы сөз, ойлы өлеңмен қысқа ғұмырдың терең мағынасын бедерлей білген, бұл әлемнің маңдайына сыймай кеткен дара тұлғаны бүгін аралдықтар да еске алды.Ақынның 95 жылдығына арналған «Есіңе мені алғайсың…» атты поэзиялық кеш Арал аудандық мәдениет үйінде шымылдық түріп, ойлы оқырман қауымның көңіл сарайын руханияттың мол мұрасымен сусындата түсті.Жыр кеші сахналандырылған қойылыммен ашылып, ақынның жүрек тербер жырларымен, көңілге сәуле сыйлайтын сырлы сөздерімен өрнектелді.Арал аудандық мәдениет үйінің өнерпаздары түрлі сахналық бейнелерді шебер сомдап, архив қойнауында қалған деректерді көркем тілмен тірілтіп, ақиқаттың адырнасын шірене тартты. Түрлі қойылымдармен ерекшеленген рухани кешті аудан әкімі Аманжол Оңғарбаев та көрермендермен бірге тамашалады. Есімі қазақ руханиятының биігінде тұрған ұлы ақынның мәңгілік туындылары мен өміріне куә болды.Көпшілік жатқа айтатын жай ғана есім-сой емес, шын мәнінде Мұқағлидың мұңы, шыңы мен шыны сахна төрінде жоғары деңгейде сомдалып, жастардан құралған мәдениет үйінің өнерпаздары минуттар бойы көрерменнің құрметіне бөленді. Бұл кешке жиылған жұртшылық рухани демалыс алып, керемет кештің куәсі болды.Осылайша сан алуан тақырыпқа қалам тербеп, поэзия әлеміне өшпес өлең, өлмес мұра қалдырған қазақтың мұзбалақ Мұқағалиы бүгін өз жұртымен қайта қауышты.&nbsp;«Есіңе мені алғайсың…» деп елге аманат жыр қалдырған ақынның аяулы есімі тағы бір мәрте ұлықталды.<img src="https://knadmin.beoblood.kz/uploads/M_a_ali_Ma_ataev_is_shara_2_410375e5f6.jpg" alt="Мұқағали Мақатаев іс-шара 2.jpg">

Аралдықтар ақиық ақынды еске алды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы басталды.<blockquote>- Бірінші кезекте Премьер-министр Олжас Бектенов баяндама жасайды. Еліміздің былтырғы әлеуметтік-экономикалық даму көрсеткіштері және Үкіметтің биылға арналған жоспары туралы айтады. Цифрландыру үдерісі және жасанды интеллектіні енгізу мәселесіне Премьер-министрдің орынбасары Жаслан Мәдиев тоқталады. Сондай-ақ Ұлттық банк төрағасы Тимур Сүлейменов ақша-несие саясаты және инфляцияны төмендету шаралары туралы баяндайды, - деді кеңейтілген отырысты ашқан Мемлекет басшысы.</blockquote>Фото: Ақорда

Үкіметтің кеңейтілген отырысы басталды

<a href="https://kyzylorda-news.kz/">Kyzylorda-news.kz</a> «Заң мен Тәртіп» тұжырымдамасын іске асыру және құқық бұзушылықтарға мүлдем төзімділік қағидатын қамтамасыз ету мақсатында қылмыстық кодекске некеге тұруға мәжбүрлеу үшін қылмыстық жауаптылық көзделген жаңа 125-1-бабы енгізілді.Аталған Заңға Мемлекет басшысы 2025 жылғы 16 шілдеде қол қойды. Осы Заң қылмыстық заңнаманы оңтайландыру шеңберінде қабылданды.«Неке және отбасы туралы» Кодекстің 25-бабының 1-тармағы 2) тармақшасына сәйкес, мәжбүрлеу арқылы қиылған неке жарамсыз деп танылады. Неке – бұл ерікті одақ, ол тек екі жақтың өзара келісімімен ғана жасалуы тиіс.Мәжбүрлеу, әсіресе қысым, қорқыту, психологиялық немесе физикалық зорлық көрсету – бұл адамның негізгі құқықтарын бұзу болып табылады.Көптеген елдерде мұндай әрекет ауыр қылмыс ретінде қарастырылады, себебі мәжбүрлі некеге оқшаулау, еркіндікті шектеу, зорлық-зомбылық және кейбір жағдайларда құрбандардың өз-өзіне қол жұмсау әрекеттерімен қатар жүруі мүмкін.Бірқатар елдерде мұндай неке адам саудасының бір түрі ретінде танылады. Жаңа заңнамаға сәйкес, қорқыту, бопсалау, күш қолдану немесе басқа да қысым көрсету арқылы некеге мәжбүрлеу үшін 2 жылға дейін бас бостандығынан айыру жазасы көзделеді, ал егер ауыр зардаптар болса – 10 жылға дейін.Сондай-ақ, Қылмыстық кодекстің 125-бабына өзгерістер енгізіліп, жәбірленушіні ерікті түрде босату жағдайында істі тоқтатуға жол берілмейді.Енді мәжбүрлі некеге тұру мақсатында әйелді ұрлау Қылмыстық кодекстің 125 және 125-1-баптарының жиынтығы бойынша сараланады.Бұл қабылданған шаралар азаматтардың құқықтарын қорғауды күшейтуге, жазаның бұлтартпауын қамтамасыз етуге және қоғамда жеке бостандыққа қол сұғушылықтарға төзбеушілік мәдениетін қалыптастыруға бағытталған.Өз кезегінде,Қызылорда облысының прокуратурасы заңдылықтың сақталуын және азаматтардың құқықтарының қорғалуын қамтамасыз ету бойынша жұмыстарды жалғастыруда.Н. ДүйсенбаевҚызылорда облысы прокурорының орынбасарыФото: polisia.kz

Неке туралы Заңға өзгеріс енгізілді

<a href="https://kyzylorda-news.kz/">Kyzylorda-news.kz</a> Азаматтардың жеке бас бостандығын қорғау жөніндегі шараларды күшейту мақсатында және «Заң мен тәртіп» тұжырымдамасын іске асыру шеңберінде 2025 жылғы 16 шілдеде Мемлекет басшысы Қылмыстық кодекске 115-1 «Сталкинг» жаңа бабы енгізілген Заңға қол қойылды.Сталкинг–бұл адаммен қарым-қатынас орнатуға және (немесе) оның еркіне қайшы келетін, зорлық-зомбылықпен ұштаспаған, елеулі зиян келтірген әрекеттерді білдіретін адамды заңсыз қудалау.Отандық заңнамада мұндай әрекеттер үшін 200 айлық есептік көрсеткішке дейін айыппұл, 200 сағатқа дейін қоғамдық жұмыстар немесе 50 тәулікке дейін қамауға алу түріндегі қылмыстық жауапкершілік алғаш рет көзделген.Егер сталкинг зорлық-зомбылық, қорқыту, бопсалау, жеке өмірге қол сұғылмаушылықты бұзумен қатар жүрсе,&nbsp;іс-әрекеттер Қылмыстық кодекстің басқа баптары бойынша қосымша сараланатын болады.Сталкинг бабы бойынша қылмыстық қудалау нақты зиян болған кезде басталатынын білу маңызды-мысалы, жеке өмірінеқол сұғылмау, еркін жүріп тұру құқықтарынаң шектеулері немесе психологиялық қысым көрсету.Жауаптылықты енгізудің мақсаты – құрбандарды ерте кезеңде қорғау және зорлық-зомбылық пен агрессивті мінез-құлыққа мөлдем төзбеушілік қалыптастыру.&nbsp;Өз құзыреті шегінде жүзеге асырылатын құқық қорғау органдарының заңды әрекеттері сталкинг белгілеріне жатпайтынын атап өткен жөн.Қызылорда облысының прокуратурасы азаматтарды сталкингтің көріністеріне немқұрайлы қарамауға шақырады. Мұндай жағдай туындаған кезде дереу ішкі істер органдарына хабарласыңызР. ОжаровҚызылорда облысының прокурорыФото: freepik.com

Азаматтардың бас бостандығын қорғау үшін жаңа Заңға қол қойды

<a href="https://kyzylorda-news.kz/">Kyzylorda-news.kz</a> Қызылорда облысы бойынша Ішкі мемлекеттік аудит департаменті 2025 жылы 85 аудиторлық іс-шара жүргізіп, оның 78-нен қаржылық бұзушылықтар анықталған. Бұл - тексерілген материалдардың 91,8 пайызы құрап отыр. Анықталған заңбұзушылықтарға байланысты департамент тарапынан 84 нұсқама жолданып, білім беру, құрылыс, денсаулық сақтау және өзге де салалардағы жауапты тұлғалар тәртіптік жауапкершілікке тартылған. Бұл туралы Қызылорда облысы бойынша ішкі мемлекеттік аудит департамент басшысы Ербол Күзембаев мәлімдеді.<blockquote>– Аудит материалдары, прокуратура органдарының ұсынымдары және тексеру комиссиясының деректері негізінде 189 лауазымды тұлғаға қатысты 455 әкімшілік құқық бұзушылық туралы хаттама толтырылған. Тексеру нәтижесінде бюджет қаражатын ұрлау және артық аудару белгілері бар 10 аудит материалы Қызылорда облысының прокуратурасына жолданды. Нәтижесінде ҚР Қылмыстық кодексінің 189-бабы бойынша 6 қылмыстық іс қозғалып, тергеу аяқталған соң істер сот қарауына жіберілген. Сонымен қатар департамент онлайн бюджеттік мониторинг жүргізу арқылы білім, денсаулық сақтау, мәдениет және спорт салаларындағы төлемдерді бақылауда ұстауда. 11 тәуекел бейіні бойынша жүргізілген мониторинг нәтижесінде 482 күмәнді төлем анықталып, бюджетке және ұйымдарға тиісті қаржы қайтарылған. Департамент өкілдері мемлекеттік мекемелер мен квазимемлекеттік сектор басшыларын қаржы-шаруашылық қызмет пен мемлекеттік сатып алу рәсімдерін заң талаптарына сай жүргізуге шақырып, бюджет қаржысының мақсатты әрі тиімді жұмсалуына бақылау жалғаса береді,- деді Ербол Қабаштайұлы.</blockquote><img src="https://knadmin.beoblood.kz/uploads/Audit_orytyndysy_e78751be33.jpg" alt="Аудит қорытындысы.jpg">Фото: freepik.com

Аудит қорытындысы: 2025 жылы 85 аудиторлық іс-шара жүргізілді 

<a href="https://kyzylorda-news.kz/">Kyzylorda-news.kz</a> &nbsp;Қайырымдылық – қоғамдағы ең асыл қасиеттің бірі. Ол мұқтаж жандарға көмектесу, қолдау көрсету және жақсылық жасау арқылы көрінеді. Қайырымды адам ешқашан өзгеге бейжай қарамайды. Ол айналасындағы адамдардың жағдайын түсініп, қолынан келгенше көмек беруге тырысады.Қазақ халқы ежелден қайырымдылықты жоғары бағалаған. «Жетім көрсең, жебей жүр» деген сөз халқымыздың кең жүректі, мейірімді болғанын көрсетеді. Ата-бабаларымыз қиын жағдайда қалған адамдарға әрқашан қол ұшын созған.Қазіргі таңда қайырымдылықтың маңызы одан сайын артып келеді. Кейбір отбасылар материалдық қиындықтарға тап болса, кейбір адамдар денсаулығына байланысты көмекке мұқтаж. Осындай сәттерде қайырымды жандардың көмегі үлкен үміт сыйлайды.Қайырымдылық туралы әсерлі ой айтқан ақындардың бірі – Шәкәрім Құдайбердіұлы. Ол адам бойындағы адалдық, мейірімділік және ар-ұждан мәселелерін өз шығармаларында кеңінен қозғаған. Ақынның ойынша, адам өз өмірін тек өзі үшін емес, қоғамға пайда келтіру үшін де сүруі керек.Қайырымдылық тек ақша берумен шектелмейді. Жылы сөз айту, үлкендерге көмектесу, табиғатты қорғау, мұқтаж адамға қолдау көрсету – мұның бәрі қайырымдылықтың бір түрі.Жастар да қайырымдылық шараларына белсенді қатысуы керек. Бұл олардың мейірімді, жауапкершілігі жоғары азамат болып қалыптасуына көмектеседі.Қайырымдылық – адам жүрегінің кеңдігін көрсететін қасиет. Жақсылық жасаған адам қоғамға жылулық сыйлайды. Сондықтан әр адам қайырымды болуға ұмтылуы керек.Әбілхай Назым,Қорқыт ата атындағы Қызылорда университетінің 4-курс студентіФото: Pixabay.com

Қайырымдылық – адамгершіліктің белгісі

<a href="https://kyzylorda-news.kz/">Kyzylorda-news.kz</a> 2026 жылғы 9 ақпанда Астана қаласындағы Қазақстан Республикасының Ұлттық академиялық кітапханасында Қазақстан Республикасы Бас редакторлар клубының ұйымдастыруымен&nbsp;«Конституциялық реформа – 2026: сөз бостандығы, ақпарат үшін жауапкершілік және жеке деректерді қорғау»&nbsp;тақырыбында дөңгелек үстел өтті.Іс-шараға «Бас редакторлар клубы» қоғамдық бірлестігінің мүшелері, жетекші бұқаралық ақпарат құралдарының басшылары, медиа саласының сарапшылары мен ардагер журналистер қатысты.&nbsp;Дөңгелек үстелді Қазақстан Республикасы Парламенті Сенатының депутаты, Бас редакторлар клубының төрағасы Б.Н. Жексенбай жүргізді:<blockquote>«Сөз бостандығы — демократиялық мемлекеттің негізгі құндылығы. Жаңа Конституцияда ол бұқаралық ақпарат құралдарының еркіндігімен бірге нақты кепілдендірілуі тиіс.Сонымен қатар, сөз бостандығы мен азаматтардың ар-намысы, жеке деректерінің қауіпсіздігі арасындағы тепе-теңдік конституциялық деңгейде айқындалуы қажет. Ал жауапкершілік құқықтық, әділ әрі теңгерімді болып, журналистік зерттеу мен қоғамдық&nbsp;сынға кедергі келтірмеуі тиіс.»</blockquote>Дөңгелек үстел барысында 2026 жылғы конституциялық реформаның негізгі бағыттары, сөз бостандығының қазіргі мазмұны, ақпарат таратудағы жауапкершілік,&nbsp;жала мен ар-намыс мәселелері жан-жақты талқыланды. Қатысушылар адам құқықтары мен бостандықтарын қорғау, сондай-ақ цифрлық кеңістіктегі жаңа қауіп-қатерлерге құқықтық жауап беру қажеттігін атап өтті.Жиында ҚР Парламенті Мәжілісінің депутаты М.С. Башимов, «Қазақстан» РТРК» АҚ төрағасы Е. Бұрахан, «Хабар» агенттігі» АҚ төрағасы К.Б. Ойшыбаев, «Qazcontent» АҚ төрағасы А. Задабек және басқа да сала өкілдері баяндама жасап, медиа кеңістіктің өзекті мәселелері бойынша пікір алмасты.Жарыссөз барысында Алматы қаласы, Алматы облысы, Солтүстік Қазақстан, Қызылорда, Оңтүстік Қазақстан және Атырау облыстарынан онлайн форматта қатысқан журналистер мен медиа басшылар өз қалаларынан қосылып, жаңа Конституция жобасына қатысты пікірлері мен ұсыныстарын білдірді.&nbsp;Сонымен қатар,&nbsp;Алматы қаласынан медиа майталмандары&nbsp;мен&nbsp;басшылары Әл-Фараби атындағы ҚазҰУ жиналды.&nbsp;Өз&nbsp;пікірлерін ұсынды.Талқылау кезінде сөз бостандығының демократиялық қоғамдағы негізгі құндылықтардың бірі екені, сонымен қатар ақпарат таратудағы жауапкершілік, жалған ақпараттың алдын алу және азаматтардың ар-намысы мен қадір-қасиетін, жеке деректерін қорғау арасындағы құқықтық тепе-теңдікті сақтау қажеттігі атап өтілді.Іс-шара қорытындысы бойынша дөңгелек үстелдің резолюциясы қабылданды.&nbsp;Құжатта конституциялық реформаның негізгі бағыттары бойынша медиа қауымдастықтың ұстанымы мен ұсыныстары жүйеленіп, сөз бостандығын, бұқаралық ақпарат құралдарының еркіндігін және ақпарат алу мен тарату құқығын Конституцияда берік бекіту қажеттігі атап өтілді.Резолюцияда сөз бостандығы мен ақпарат таратудағы жауапкершілік, азаматтардың ар-намысы мен қадір-қасиетін, іскерлік беделі&nbsp;арасындағы құқықтық тепе-теңдікті сақтау конституциялық деңгейде нақты айқындалуы тиіс екені көрсетілді. Қатысушылар жалған ақпарат пен жала жабу үшін көзделетін жауапкершілік нормалары әділ, нақты және теңгерімді болуы, сонымен қатар журналистік зерттеу жүргізуге және қоғамдық маңызы бар сын айтуға кедергі келтірмеуі қажет деген ортақ пікірге келді.Сондай-ақ резолюцияда&nbsp;ақпарат таратудағы жауапкершілік, жеке өмірге қол сұқпаушылық және адамның қадір-қасиетін сақтау қазіргі ақпараттық және цифрлық дәуірдің басты конституциялық құндылықтарының бірі ретінде танылып, бұл бағыттағы нормаларды халықаралық стандарттар мен үздік тәжірибелерді ескере отырып нақтылау ұсынылды.Құжатта бұқаралық ақпарат құралдарының конституциялық реформаны кәсіби, теңгерімді және жауапкершілікпен жариялау арқылы қоғамдағы құқықтық мәдениетті нығайтудағы ерекше рөлі атап өтілді.&nbsp;Журналистік қауымдастық жаңа Конституция жобасын одан әрі қоғамдық және сараптамалық талқылауға белсенді қатысуға дайын екенін білдірді. &nbsp;Қабылданған резолюция Қазақстан Республикасы Бас редакторлар клубының 2026 жылғы 9 ақпанда өткен дөңгелек үстелінің қорытынды ұстанымын білдіреді және уәкілетті мемлекеттік органдар мен мүдделі тараптарға ұсыныс сипатында жолданатын болады.

Бас редакторлар клубының дөңгелек үстелінде жаңа Конституция жобасы қолдау тапты

<a href="https://kyzylorda-news.kz/">Kyzylorda-news.kz</a> Саясаттанушы Марат Шибұтов болашақбірпалаталы Парламент – Құрылтайды тарату мүмкіндігі &nbsp;туралы &nbsp;конституциялық &nbsp;норманы неғұрлым егжей-тегжейлі тұжырымдауды ұсынды. &nbsp;Ол өз пікірін Конституциялық реформа &nbsp;жөніндегі &nbsp;комиссияның &nbsp;оныншы отырысында білдірді.Марат Шибұтов Құрылтай бірқатар жоғары лауазымды тұлғаларды тағайындауды келісуге құқылы екенін айтты. Олардың қатарында Вице-Президент, Премьер-Министр, Конституциялық Соттың 10 судьясы, Орталық сайлау комиссиясының 6 мүшесі және Жоғары аудиторлық палатаның 8 мүшесі бар. Яғни, қазіргіден әлдеқайда көп.Марат Шибұтов Парламентті тарату тетіктерін неғұрлым икемді және ымыраға келуге мүмкіндік беретіндей етуді ұсынды. «Таратады» деген сөздің орнына менүзілді-кесілділікті алып тастап, келісімге келу мүмкіндігін қалдырып, «таратуға құқылы» дегенді &nbsp;қолдануды ұсынамын. Бұл«Президент» бөліміндегі 46-баптың 2, 4,8-тармақтарына және «Құрылтай» бөліміндегі 62-баптың 1, 2-тармақтарына қатысты.Осылайша, біз саяси жүйені икемді және ымыраға келуге бейім етеміз. Құрметті Комиссия, &nbsp;менің &nbsp;ұсынысымды &nbsp;қолдауды сұраймын», – деді ол. Саясаттанушы сондай-ақ ҚР жаңа Конституциясына ұсынылған әрбір тұжырым Конституциялық комиссияда қызу талқылаудан өтіп, ашық қоғамдық бағалаумен сүйемелденгенін атап өтті.<blockquote>«Бұл күрделі, кейде ыңғайсыз, бірақ адалүдеріс болды. Нәтижесінде, қазіргі кезеңдебізде түрлі сала сарапшыларының бірлескен еңбегі &nbsp;мен әртүрлі ұстаным, тәжірибе мен дүниетанымының нәтижесі болып табылатын жоба бар. Сондықтан да Ата заң жобасы жалпы халықтық дауыс беруге шығаруға дайындеп санаймын», – деп қорытындылады Марат Шибұтов.</blockquote>

Ата заң жобасы жалпыхалықтық референдумға шығаруға дайын – Марат Шибұтов

<a href="https://kyzylorda-news.kz/">Kyzylorda-news.kz</a>&nbsp; Қазақстанның жаңа Конституциясының жобасына жасанды әрекетсіздіктен, ұзаққа созылған институционалдық дағдарыс сценарийлерінен қорғаудың пәрменді құқықтық тетіктері енгізілген. Бұл туралы Мәжіліс депутаты Мұрат Әбенов Конституциялық реформа жөніндегі комиссияның оныншы отырысында сөйлеген сөзінде мәлімдеді.Атап айтқанда, 46-шы және 62-баптардың бастапқы редакциясы негізгі тағайындауларды қайта келісуден бас тартқан кезде Құрылтайдың таратылуын көздеді, бұл «Күшті Президент – ықпалды Парламент – есеп беретін Үкімет» формуласына сәйкес келмейді.<blockquote>«Қоғамда, әсіресе, әлеуметтік желілерде және сарапшылар ортасында Құрылтайды таратудың негіздері қызу талқыланды. Сондықтан «AMANAT» партиясының фракциясы 46-шы және 62-баптың «Президент таратады» деген тұжырымдамасын «Президент таратуға құқылы» деп өзгертуді ұсынады. Осының нәтижесінде Құрылтайды жасанды түрде тарату және саяси дағдарыс мүмкіндігі жойылады. Ұсынылған нақтылау – бұл жүйені іштен шайқалтудан, оны жасанды түрде жасалған келіспеушілік арқылы істен шығарудан және елді ұзаққа созылған институционалдық дағдарысқа тартуға тырысудан сақтандырудың бір түрі. Бұл өзгерістер реформалар логикасына және Әділетті Қазақстан моделіне сәйкес келеді. Сондай-ақ Комиссия мүшелеріне 62-баптың екінші тармағына «Президент ұсынған кандидатураны тағайындаудың» орнына «Президент ұсынған әрбір кандидатураны тағайындау» деген нақтылау енгізуді ұсынғым келеді. Бұл осы баптағы әркелкіліктерді болдырмауға мүмкіндік береді», – деп атап өтті комиссия мүшесі.</blockquote>Мұрат Әбенов өз сөзінде Вице-Президент институтын енгізу логикасына түсініктеме берді.<blockquote>«Біз әлемдік қоғамдастыққа жақсы таныс Vice-President түсінікті және мойындалған халықаралық моделін саналы түрде таңдаймыз. Бұл Қазақстанның танымалдығы мен саяси салмағын арттырады және біздің билік жүйемізді сыртқы серіктестер үшін барынша түсінікті етеді», – деп түсіндірді ол конституциялық новелланы.</blockquote>Сонымен қатар, Мәжіліс депутатының айтуынша, Ата заң жобасының новеллаларын дұрыс түсінбеу реформаларды мәнін бұрмалауға әкеп соғады. Сондықтан бүгін бәрін шешіп алуымыз қажет.<blockquote>«Бүгінде қоғамда cancel culture, яғни, «жою мәдениеті» құбылысы күшейіп жатыр. Біз әртүрлі елдерде қоғамдық пікірталастың шектен шығып кететінін байқаймыз: адамды сөзбен сендірмей, «жою қажет» деп таңбалайды. Конституция жобасында бұған қатысты нақты құндылық жүйесі белгіленген: адамның ар-намысы мен қадір-қасиетіне қол сұғылмайды және заңмен қорғалады. Бұл сынға тыйым салу туралы емес. Біздің жолымыз – айқын пікірталас және жауапкершілік», – деп атап көрсетті ол.</blockquote>Сонымен қатар депутат қоғамда да көптеген мәселелер туғызған Ата заң жобасының 5-бабының 6-тармағына назар аударды.<blockquote>«Желіде бұл норма «мемлекет ішіндегі мемлекет» құрып отыр екен деген тезис белсенді түрде таралуда. Бұл шындыққа жанаспайды. Қазақстан бірыңғай құқықтық кеңістігі бар біртұтас мемлекет болып қала береді. Алатау – бұл автономия да, ерекше аумақ та емес. Бұл біздің қазақстандық қала. Онда жаңа жұмыс орындарын құру, инвестициялар тарту үшін бизнеске жеделдетілген рәсімдер қарастырылған белгілі бір қаржылық дербестік қарастырылуда», – деп түйіндеді Әбенов.</blockquote>Фото: Мәжіліс

Қазақстан және Қызылорда облысының жаңалықтары