<a href="https://kyzylorda-news.kz/date/2020/11/09/">Kyzylorda-news.kz.</a> Белгілі астролог Ирина Әбдірайымова қараша айына болжам жасады.
<blockquote>
 “Қараша айында әлеуметтік белсенділік күшейіп, әлем елдерінде тұмау желеуімен жаңа шектеулер енгізілуі мүмкін. Бұл экономикалық жағдайдың нашарлауына, биліктің күшеюіне әкеп соғады. Басқа валюталардың долларға шаққандағы бағамы өсіп, қор нарығында индекстер төмендеуі мүмкін”, – дейді Әбдірайымова.
</blockquote>
Сол себепті айдың басында, оның болжамынша, Жер планетасына пессимизм энергиясы ықпал етіп, енжарлық басады.
Жалпы, астрологтың айтуынша, қараша айы сенімсіздік, ақпараттың кешігуі немесе жоқтығы, қолда бар мәліметке сенбеу, байланыстағы ақаулар, шаршаңқылық, әңгімелесуден қашу, өзімшілдік, жаман көңіл-күй әкеледі. &nbsp;
Бұл кезеңде ақыл-ой жұмысымен айналысу көпшілігіне қиынға соғады. Десе де, маман мұның бәрі ұзаққа созылмайтынын айтты.
Астрологтың болжамынша, 8 қарашадан бастап адамдардың ізденімпаздығы, бір нәрсені білуге деген құмарлығы, ақиқатқа көз жеткізуге құлшынысы біртіндеп оянады. Бірақ ақпаратқа сенбеушілік айдың соңына дейін сақталады.
<blockquote>
 “Бұл кезеңде белсенділік, атаққұмарлық пен билікқұмарлық артады. Қарашаның ортасы саяси аренада да, жеке өмірде де оқиғаларға толы. Әсіресе, 6 қарашадан 16 қарашаға дейінгі уақыт философиялық сұрақтарға жауап іздейтін кезең. Көпшілігі бұл уақытта рухани өсіп, өмірге көзқарасын өзгертеді”, – деді маман.
</blockquote>
Айтуынша, бұл аспектінің әсерін, әсіресе, айдың 13-і мен 18-і аралығында туған Тауешкі, Тоқты, Таразы, Шаян, Бикеш, Сарышаян, Балықтар мен Торпақтар өте қатты сезінеді.
Әбдірайымова осы айда физикалық, рухани және эмоционалды күшті көп жұмсайтын адамдардың денсаулығы сыр беруі мүмкін екенін ескертті. Бірақ, Бикеш, Сарышаян, Балықтар мен Торпақтар үшін бұл айтарлықтай қолайлы кезең.
“11 мен 17 қараша аралығында жоспарланбаған шығындар өседі. Мәселен, бизнеспен айналысатындар үшін шикізат немесе тауар бағасы, тасымалдау құны көтерілуі ықтимал. Ақша кеш түсіп қалуы ғажап емес. Сол себепті бұл кезеңде ақшаны оңды-солды шашпай, инвестиция салмаған абзал”, – деп кеңес берді астролог.
Сонымен қатар, айтуынша, күздің үшінші айы – сары уайымның, төзімсіздік пен өкпе-наз уақыты.
<blockquote>
 “Сезімталдық, сексуалдық белсенділік, қызғаныш күшейеді. Адамдардың шыдамы таусылады. Өзін ренжіткен адамның жазаланғанын қалайды. Өз проблемасын жақындарына, достары мен әріптесіне айтып, олардан көмек күтеді. Алайда, мұның пайдасы аз болуы мүмкін”, – дейді ол.
</blockquote>
18 мен 19 қараша &nbsp;– сенімсіздік, жаман көңіл-күй, күйзеліс уақыты. Серігіңізбен қарым-қатынасқа бей-жай қарап, сүйіктіңіздің көңілі мен махаббатына зәру болуыңыз мүмкін.
Астрологтың айтуынша, 26–27 қарашада мұның бәрі қарым-қатынастың үзілуіне әкеп соғады.
<a href="https://sputnik.kz/society/20201101/15352330/Maman-qarasha-boljam.html">Sputnik Қазақстан</a>

Қазақстандықтарды қараша айында не күтіп тұр?

<a href="https://kyzylorda-news.kz/date/2020/11/09/">Kyzylorda-news.kz</a>. Коронавирус инфекциясының таралуына жол бермеу мақсатында Солтүстік Қазақстан, Ақмола, Қостанай және Павлодар облыстарында теміржолда бірқатар шектеу енгізілді, деп хабарлады “Жолаушылар тасымалы” АҚ баспасөз қызметі. &nbsp;&nbsp;
9 қарашадан бастап №705/706 “Алматы-Петропавл” жолаушылар пойызының жүру жиілігі күн сайынғыдан күнараға ауыстырылады, ал №31/32&nbsp; “Павлодар – Алматы” жолаушылар пойызы белгіленген күндер бойынша қатынайды.
Төменде аталған облыстарда барлық стансаға&nbsp;билет сатуға және жолаушыларды отырғызуға/түсіруге уақытша тыйым салынады:
<ul>
<li>Ақмола облысында Атбасар, Ерейментау, Аршалы, Бурабай, Есіл, Макинка, Ақкөл, Жалтыр және Көкшетау курорттарын&nbsp;қоспағанда;</li>
<li>Павлодар облысында Павлодар, Екібастұз, Ақсу-2 және Бозшакөл стансаларын&nbsp;қоспағанда;</li>
<li>Қостанай облысында Қостанай, Тобыл, Құсмұрын, Есіл, Арқалық және Железорудная стансаларын&nbsp;қоспағанда;</li>
<li>Солтүстік Қазақстан облысында барлық станса арқылы жолаушыларды отырғызуға/түсіруге транзиттік жолаушылар пойыздарының қозғалысына тыйым салынады.</li>
</ul>
№ 68/67 “Нұр-Сұлтан Нұрлы жол – Өскемен-1” жолаушылар пойызының жол жүру мерзімділігін аптасына бір ретке және&nbsp;№ 351/352 “Алматы-2 – Өскемен-1” жолаушылар пойызының&nbsp;жол жүру мерзімділігін күнараға дейін уақытша қысқарту шарасы жыл соңына дейін ұзартылды.&nbsp; &nbsp;
Петропавл стансасынан пойызбен шығу үшін жолаушыларға міндетті түрде COVID-19-ға ПТР тестілеуден өткені туралы анықтама (мерзімі 3 тәуліктен аспаған) алу қажет.
Сондай-ақ теміржол вокзалдарына күтіп алушылар мен шығарып салушыларға кіруге тыйым салынады.
Жол жүру құжатын (билет) тоқтатылған пойыздар мен тыйым салынған тұрақтарға ресімдеген, сондай-ақ COVID-19-ға ПТР тестілеуден өткені не оның жарамсыздығы туралы анықтамасы болмаған жолаушылар жол жүру құжатын қайтарып, ақшасын толық көлемде алады. Ол үшін билетті пойыз стансадан жөнелтілген сәттен бастап 1 сағаттан кешіктірмей қайтару керек.
Жолаушылар пойыздарының қозғалыс кестесі бойынша барлық анықтамалық ақпаратты “105” нөмірі арқылы білуге болады.

Қазақстанда жолаушылар пойызының жұмысы қайта шектеледі

<a href="https://kyzylorda-news.kz/">Kyzylorda-news.kz</a>. Дүйсенбі күні ауа райы құбылмалы болады, деп хабарлайды «Қазгидромет».
Қазақстан территориясының басым бөлігінде ауа райы әлі де Мурманск аймағынан келетін циклонға байланысты болады. Жауын-шашын (жаңбыр, қар) жауады.
Қызылорда облысының кей жерлерінде жел қарқыны 15-25 м/с жетеді. Күндіз Қызылорда облысында шаңды дауыл соғады.

Қызылордада шаңды дауыл соғады

<a href="https://kyzylorda-news.kz/date/2020/11/10/?doing_wp_cron=1604987071.8866970539093017578125">Kyzylorda-news.kz.</a> Қазіргі уақытта есірткі айналымына барлық елдерде шектеу қойылған. Біздің елімізде де есірткіні пайдалануға қатаң түрде тиым салынған.
Қазақстан Республикасы Үкіметінің 1998 жылғы 9 наурыздағы №1886 қаулысымен бекітілген тізіміне медициналық мақсатта пайдалануға тиым салынған есірткі заттардың 72 атауы көрсетілген.
Мектебімізде үнемі нашқорлыққа қарсы сауалнамалар, акциялар, сайыстар жүргізіліп отырады. Жыл сайын психолог-педагогтеріміз оқушылардан нарко сауалнамасын алады.
Нашақорлық – ата-анамыздың көз жасы.
Нашақорлық – қылмыскер атануыңа апаратын тіке жол!
Біз – өз өміріміздің суретшісіміз.
Өмір қас-қағым сәт, кірпік қағумен тең. Сондықтан өз өмірімізді есірткісіз-ақ гүлдендіріп, денсаулығымызды күтіп, бақытты да мәнді өткізу өзіміздің қолымызда. Есірткісіз өмір ғажайып, мен өмірді сүйемін.
Адамның мәнді де, ұзақ өмір сүруінің басты көзі-оның денсаулығы. Адам баласы өмірге бір-ақ рет келеді, сондықтан өз өмірімізді бағалай білуіміз қажет.
Қазіргі қоғамда басты тақырып – нашақорлық орын алып жатыр. Ол адамға кері әсерін тигізіп, адамның бойын ластайтын улы тамшы. Әлемді жайлаған нашақорлық дерті тамырын кеңге жайып, «жұқпалы ауруға» айналып барады. Бұл ауруға Қазақстан халқының шалдыққаны да байқалады.
Негізінен, есірткіні қолданушылардың басым бөлігі мектеп оқушылары (жасөспірімдер). Себебі олар аса еліктегіш келеді. Бір рет қолданып көрсем ештеңе етпейді ғой деген оймен оған соңында қалай тәуелді болып қалғанын сезбей де қалады. Міне осылайша есірткіге тәуелді болып қалады.
Ақбота МҰРАТБЕКОВА,
Қызылорда облысы,
Сырдария ауданы,
Ә.Тәжібаев атындағы №36 мектеп-лицейінің 10 «Б» сынып оқушысы

Есірткісіз өмір ғажайып

Kyzylorda-news.kz. Қысқы универсиада ойындары 2021 жылдың қаңтарынан желтоқсан айына ауыстырылды, деп хабарлайды ҚазАқпарат.
Бұл жөнінде Халықаралық университеттік спорт федерациясы (FISU) мәлім етті.
Универсиада өтетін нақты мерзім анықталды. Ол 2021 жылдың 11 және 21 желтоқсан күндеріне белгіленді.
Универсиада ойындары 1959 жылдан бастап тұрақты түрде өткізіліп келеді. 2017 жылы қысқы универсиада Қазақстанның Алматы қаласында ұйымдастырылды.

Қысқы универсиаданың қашан өтетіні белгілі болды

Kyzylorda-news.kz. Дүниежүзілік денсаулық сақтау ұйымы барлық мемлекеттерді жаңа пандемияға дайын болуға шақырды.
Бұл тақырып дүйсенбіде басталатын дүниежүзілік денсаулық сақтау ассамблеясының 73-сессиясында талқылауға арналған негізгі тақырыптардың бірі ретінде қарастырылады.
<blockquote>
 “Біз келесі пандемияға дайын болу үшін қазірден бастап әрекет етуіміз керек. Өткен жылы біз төтенше жағдайға дайындығы мықты елдер SARS-CoV-20 вирусының таралуын тоқтату және бақылау бойынша жедел шаралар қолдана алғанын көрдік”, – делінген ДДСҰ сайтында жарияланған хабарламада.
</blockquote>
ДДСҰ денсаулық сақтау саласындағы халықаралық ережелерді қатаң сақтау арқылы мүше мемлекеттердің денсаулық жағдайындағы төтенше жағдайларға, мысалы, COVID-19 дайындығын жақсарту жөніндегі қаулы жобасын қарастырады.
&nbsp;<a href="https://stan.kz/">Stan.kz</a>

ДДСҰ жаңа пандемияға дайындалу керек екенін айтты

Kyzylorda-news.kz. Арал ауданында жаңа фильмнің түсірілім жұмыстары басталды, деп хабарлайды ҚазАқпарат.
Бұл жайында «Қазақфильм» киностудиясының баспасөз қызметі мәлімет таратты.
<blockquote>
 «Режиссер Виктор Вильковский бастаған «Теңіздің оралуы» ғылыми-танымдық фильмінің түсірілім тобы Арал ауданында түсірілімді бастады. Арал теңізінің экологиялық апатының себебі – теңізді қоректендіретін Сырдария мен Амудария өзендерін мақта, күріш және басқа дақылдарды суаратын арналарға бұру болғаны көпшілікке белгілі. Ғылыми және мемлекеттік мекемелер, кәсіпорындар, халықаралық ұйымдар мен қорлар көп жылдар бойы Арал теңізінің тартылу мәселесін шешумен айналысып келеді. Режиссер дәл осы маңызды жұмысты қамтуды жоспарлап отыр» деп хабарлайды киностудиядан.
</blockquote>
Фильм көрерменге Аралдың өткені, бүгіні мен болашағы туралы әңгімелейді және әрқайсымыздың қоршаған ортаның экологиялық жағдайын жақсартуға қосқан үлесіміз туралы ойға қалдырады.

Аралда «Теңіздің оралуы» атты ғылыми-танымдық фильм түсіріліп жатыр

<a href="https://kyzylorda-news.kz/">Kyzylorda-news.kz.</a> Табиғаттан алыс қалаларда, сондай-ақ таза пәтерлерде өсіп келе жатқан балалардың иммундық жүйесі төмен, өйткені олардың денелері көп шаң, тозаң және басқа да тітіркендіргіш факторларға ұшырамаған. Мұндай тұжырымды Хельсинки университетінің ғалымдары жасады, олар зерттеулерінің нәтижелерін америкалық Science Advances ғылыми журналында жариялады, деп хабарлайды <a href="https://stan.kz/">Stan.kz</a> ақпарат агенттігі.
Зерттеушілер бір ай бойы ойын алаңдарында ойнаған балалардың екі тобын бақылап отырды. Алаңдардың бірі орманнан әкелінген жас ағаштармен бірге шым жамылғысымен жасалды. Эксперимент нәтижелері ғалымдарды таң қалдырды.
Екінші топтағы балаларда (шым жамылған ойын алаңы) тері микробиомасының көрсеткіштері (терінің пайдалы және патологиялық микрофлорасының арақатынасы) әдеттегі алаңдағы балаларға қарағанда үш есе жоғары екені анықталды.
Сонымен қатар, зерттеушілер иммунитетті нығайтудың алғышарттарын атап өтті. Мамандар демікпе, экзема, бірінші типті қант диабеті сияқты аутоиммунды аурулар ағзаны қатайтатын тітіркендіргіш факторлардың болмауынан дамиды деген қорытындыға келді.
Ғалымдар “орман терапиясы” егжей-тегжейлі зерттеу мен ол туралы ақпаратты таратуды қажет ететінін атап өтті.

Балалардың иммунитетін дәрісіз нығайтудың жолы қандай?

Kyzylorda-news.kz. Бұдан былай адам тасимын деп әкімдікке тіркелмеген такси жүргізушілерін үкімет қатаң бақылауға алып, жаппай айыппұл салады. Ал бір жыл ішінде жолаушыларды заңсыз тасымалдағандар 10 миллион теңгеден астам айыппұл төлепті, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Алайда көлік тізгіндегендер елдегі эпидемиологиялық ахуал күрделеніп, жұрт онсыз да жұмыссыз қалып жатқанда үкіметтің бұл әрекеті жығылғанға жұдырық болып отыр дейді. Осы мәселеге жауапты көлік комитеті мамандарының айтуынша, әр азамат тапқан табысының бір бөлігін мемлекетке салық ретінде қайтаруға міндетті екен.
<blockquote>
 “Айыппұл салып жатқандары дұрыс емес негізі. Енді қазір пандемия кезінде таксимен нәпақасын тауып жүргендер көп қой”, – дейді жүргізушілер.
</blockquote>
2013 жылдан бері такси қызметімен заңсыз айналысқандарды ішкі істер министрлігі бақылауға алған болатын. Өткен жылы бұл міндет индустрия және инфроқұрылымдық дамыту министрлігінің құзіретіне ауысып, биыл заңсыз адам тасу фактісін анықтау жұмысы одан сайын күшейтілді. Ал үкіметтің дәл биыл бұл жұмысқа белсене кірісуі пандемияның кесірінен толмай қалған бюджет шығындарын қалыпқа келтіру жолдары іспетті.&nbsp;
<blockquote>
 “Кім де болсын қандай кәсіппен айналысқысы келетін болса, заңды түрде айналысуы керек. Сіз такси тотатасыз, бәлкім ол такси емес, қылмыскер шығар”, – дейді көлік комитетінің баспасөз хатшысы Дархан Кәрібаев.&nbsp;
</blockquote>
Бұл заңға ауыл мен аудан арасында қатынап жүрген такси жүргізушілері де бағынуы керек. Талап бойынша олар жолға шықпас бұрын медициналық қызметкерге көрініп, көлігін техникалыық тексеруден өткізуі тиіс. Ал ауылдағы жүргізушілердің жағдайы комитеттіктерді аса алаңдатпайтын сияқты.&nbsp;
<blockquote>
 “Бұл қызметпен айналысу үшін жергілікті атқарушы органдарға өтінім беру керек. Ал ауыл тұрғыны адам тасымалдаумен айналысамын деп шешті ме, онда барлық талапты орындауы керек”, – дейді көлік комитетінің басқарма басшысы Жасұлан Маралбаев.
</blockquote>

Қазақстанда заңсыз такси жүргізушілеріне жаппай айыппұл салынатын болады

Kyzylorda-news.kz. Синоптиктер 8 қараша күні ауа райы қандай болатынын айтты, деп хабарлайды «Қазгидромет» РМК баспасөз қызметіне сілтеме жасап.
Қазақстан аумағының басым бөлігінде ауа райы Мурманск аймағынан жылжып келетін циклонға байланысты болады.
Соның әсерінен жауын-шашын (көбінесе жаңбыр түрінде) жауады, оңтүстіктің таулы аймақтарында қатты жаңбыр күтіледі.
Республиканың кей жерлерінде жел екпіні 23-28 м/с дейін күшейеді. Тұман түсіп, көктайғақ болады, солтүстікте жаяу бұрқасын көтеріледі.
Тек еліміздің оңтүстік-шығысы мен шығысы антициклон ықпалында болғандықтан жауын-шашын жаумайды, күн ашық болады.

Жексенбіге арналған ауа райы болжамы

<a href="https://kyzylorda-news.kz/date/2020/11/10/?doing_wp_cron=1604987071.8866970539093017578125">Kyzylorda-news.kz.</a> Есірткі дегеніміз не? Бұл сұрақтың жауабын кім де болса біледі. “Есірткінің адам денсаулығына қандай кесірі бар?” деген сұрақтың да жауабын әрбір адам біледі.
Алайда біле тұра, сол есірткіні пайдалана береді, өзіне шектеу қоя алмайды. Бұл дегеніміз адам баласы өз денсаулығына өзі кесірін тигізіп отырғаны, өзін-өзі еш бағаламай, өзін адам кұрлы көрмеуі,содан есірткінің айдауымен өмір сүріп келеді. Мына бес күндік өмірде еш есірткісіз, салауатты өмір салтын ұстанып, болашаққа ұмтылып, жарқын өмір неге сүрмеске?
Есірткінің түрлері мыналар:
1.Токсиномия
2. Марихуана
3. Героин
4. Какоин
5. Экстози
Есірткі-ерекше және өлімге әкеліп соғатын сфера және бұл жерде гуманизм принциптерін қаншалықты қолдану толғандырады. Бір жағынан оны жеткізіп, таратушы адамның өмірі, ал басқасында-оның көмегімен қиылған есірткіні пайдаланушының өмірі тұр.
Адамның денсаулығы – қоғам байлығы, әрбір адам өз денсаулығының мықты болу жолдарын өзі ғана қарастыруы керек. Дені сау адам еңбекке әрқашан құлшыныспен кіріседі. Ұлтымыздың болашағына қауіп төндіріп отырған наша, арақ, темекінің келтірер зияны ұшан теңіз.
Есірткі адамның көңіл-күйін, сана-сезімін, мінез-құлқын бұзатын қауіпті, тыйым салынған химиялық зат. Ол адамның есін алып, құмарлық желігіне ұшыратып, есірткісіз өмір сүре алмайтын бейшара халге жеткізеді. Осылардың барлығын біз өте жақсы білеміз. Себебі теледидардан, ғаламторлардан көптеген ақпараттар берілуде. Неге біз осы ақпараттарды санамызға ұғып, бойымызды есірткіден аулақ ұстамасқа? Қазіргі таңда тәуелсіз мемлекетте өмір сүріп жатырмыз. Елімізде жұмыс көзі көп, тек қана еңбек ету керек. Бойымызды, ойымызды жаман әдеттерден аулақ ұстап, кітап оқып, өнерге ұмтылып, санамызды пайдалы әрекеттерге бұрсақ, біздің еліміздің болашағы күндей ыстық, судай мөлдір, сүттей аппақ болары сөзсіз ғой. Мектеп қабырғасында жүріп, ұстаздарымыздың есірткіге қарсы ұйымдастырған іс-шаралары бойымызға тәрбие мен өнеге болып дарыды.
Барша өскелең ұрпақты салауатты өмір сүруге, есірткіге қарсы тұруға, сауатты да саналы болуға, ата-бабамыздың бойымызға дарытқан тәрбиесін мәңгілік қалдыруға шақырамын.
Біз біргеміз! Бір-бірімізге жанашыр болайық!
Бақдәулет БАРЗУОВ,
Қызылорда облысы,
Сырдария ауданы,
№36 Ә.Тәжібаев атындағы мектеп-лицейінің 11«А» орыс сыныбының оқушысы

Есірткісіз өмір ғажап

<a href="https://kyzylorda-news.kz/">Kyzylorda-news.kz.</a> Кейінгі уақытта сән әлеміне “көз тию” сенімі ене бастады. Мысалы актриса Ким Кардашьян&nbsp;“көзі” бар киім, аксесуарларды пайдаланса, Джиджи Хадид&nbsp;EyeLove атты көз тиюден қорғайтын киімдер желісін ашты. Көз тиюдің сыры неде? Бұл туралы ғылым не дейді?
Көз тию – көптеген ұлтта бар наным-сенім. Бағзы заманда көз тиген адам ауруға шалдығып, жамандыққа ұшырайды деп санаған екен. Көз тию қазаққа да тән: жақсы адамға, жас нәрестеге, жүйрік жылқыға, әдемі қызға тіл-көз тиеді деп есептелген. Жас балаға тіл-көз тимесін деп молдаға дұға жаздырып, оны былғары бойтұмардың ішіне салып, мойнына тағып қойған немесе үстіндегі киімнің омырауының астыңғы жағына қадап қояды.&nbsp;Бәйгеде озған жүйрік атқа көз тиеді деп сақтанып, елге көрсетпеуге тырысқан.
Life Science&nbsp;журналында “Көз тию: көз айырмай қарау” атты ғылыми зерттеу жұмысы жарияланды. Ғалымдардың зерттеуінше, ежелгі халықтар көз тию кішкентай қиындықтан бастап өлімге дейін себеп болады деп санаған.
Көз тиюден тек адамдар ғана емес жануарлар да зардап шегетін көрінеді. Ал кейбір адамдар көз тисе тек өзіне ғана емес, отбасына, одан қалды төрт-түлік малына зардабы тиеді деп сенеді. Бірақ бұған ғылыми дәлел жоқ. Ғалымдар бұл құбылыстың еш негізі жоқ екеніне сенімді.
Армандо де Винченти есімді&nbsp;психотерапевт өзінің ғылыми жұмысында (Committee of Skeptical Inquiry) көз тиюден оған&nbsp;шынайы сенушілер ғана зардап шегетінін жазған. Оның айтуынша адам көз тиюге сеніп бақытсыздыққа душар болуы мүмкін.
Өзін көріпкел не&nbsp;дүмше деп танығандар алдына келген адамдардың проблемасын көз тиюмен байланыстырып, жол ашамыз дейтін кездері де болады.&nbsp;
Көз тиюдің түп-тамыры тереңде жатыр. Ғалымдар көз тию ежелгі Шумер халықтарында пайда болды деп санайды. Одан кейін көз тию әр дінде кездесе бастаған. Тіпті, бертін келе Шекспир өзінің пьесаларында көз тию туралы айтқан. Танымал&nbsp;фольклоршы&nbsp;Алан Дандес өзінің “Өткір көз: оқиғалар кітабында” былай деп жазған екен:
“Есіңізде болсын, көз тию сіз ойлағандай тек антикварларды (сирек кездесетін заттарды сатушы – авт.) қызықтыратын ескіден шыққан наным-сенім емес. Көз тию&nbsp;әлемдегі миллиондаған адамның мінез-құлқына, жүріс-тұрысына, қала берді өміріне әсер ететін күшті фактор болып қала бермек. Ежелгі қоғамда оған сенушілер көзі өткір деп күдіктенген адамын тірі қалдырмаған”.
Көз тию қалайша мыңдаған адамның санасына сіңіп, шындық ретінде қабылдана бастады? “Скептик сөздігінде”&nbsp;(The Skeptics Dictionary) көз тию кейбір адамға не себептті қатты әсер ететіне бірнеше тұжырым келтірген. Оның ішінде ең көп таралғаны – кез келген сәтсіздікті көз тиюмен байланыстыру. Өмірінде болған нәрсені бәрін көз тиюдің кесірінен деп санау.&nbsp;
Екінші теория тарихтан бастауын алады. Ежелгі заманда адамдар кез келген&nbsp;бейтаныс кісіден күдіктенетін болған. Ал табиғатта бір жануарлар өзгелерден үстемдігін&nbsp;өткір көзімен көрсететінін ескерсек бұл құбылыс адамға да таныс екенін түсінуге болады.&nbsp;&nbsp;
<a href="https://massaget.kz/layfstayl/bilim/gumanitarly-ylymdar/62622/">Massaget</a>

Қазақстан және Қызылорда облысының жаңалықтары