<a href="https://kyzylorda-news.kz/ru/obshestvo/">Kyzylorda-news.kz</a>. Атырау облысында жыл басынан бері 200-ден астам мемлекеттік қызметші мемлекеттік еңбек инспекциясына шағымданған, деп хабарлайды ҚазАқпарат.
Мемлекеттік қызмет істері агенттігі Атырау облысы бойынша департаментінің басшысы Ерлан Ермаханбетовтің мәліметінше, «Е-қызмет» жүйесімен мемлекеттік органдардың қолжетімділігін бақылауды интеграциялау жоспары бекітілген.
<blockquote>
 «Қазіргі уақытта Атырау облысында мемлекеттік органдардың қолжетімділігін бақылау және басқару жүйесін «Е-қызмет» ақпараттық жүйесіне қосу бойынша жұмыстар жүргізілуде. Мұндай іс-шара мемлекеттік қызметшілердің құқықтарын қорғауға, икемді жұмыс кестесін құруға, оның ішінде жұмыс күні аяқталғаннан кейін мемлекеттік қызметшілердің жұмыс орнындағы кідірісін, қызметшілердің демалыс күндері жұмысқа шығу практикасын тоқтатуға бағытталатын болады», – дейді Ерлан Ермаханбетов.
</blockquote>
Оның дерегіне сүйенсек, жыл басынан бері облыстық мемлекеттік еңбек инспекциясы басқармасына 200-ден аса арыз-шағым келіп түскен. Соған байланысты 167 мекеме тексеріліп, тиісті шаралар қабылданған.
Департаментке түскен арыз негізінде Атырау ауылдық округі әкімінің міндетін атқарушы бас маманды демалыс күні негізсіз жұмысқа шақырғаны анықталды. Нәтижесінде бас маманға демалыс беру туралы бұйрық шығарылып, құқығы қалпына келтірілген. Ал заң бұзушылыққа жол берген лауазымды тұлғаға тәртіптік шара қолданылды.
<blockquote>
 «Мемлекеттік қызмет туралы және еңбек заңнамасының талаптары негізінде жұмыстан тыс шұғыл істелетін, демалыс және мереке күндері жұмыстарға шақырылатын мемлекеттік қызметшілердің жазбаша келісімдері болуы қажет. Енді осындай келеңсіздікті болдырмау үшін департамент пен облыстық мемлекеттік еңбек инспекциясы басқармасы арасында өзара ынтымақтастық туралы меморандумға қол қойылды», – деп мәлім етті Ерлан Ермаханбетов.
</blockquote>

Демалыссыз жұмыс істейтін мемлекеттік қызметшілерден шағым түсіп жатыр

<a href="https://kyzylorda-news.kz/ru/obshestvo/">Kyzylorda-news.kz</a>. Ауыл мектептеріндегі оқушылардың арасында ағылшын тілін білу деңгейін арттыру мақсатында «Jas Otan» Жастар Қанаты «Болашақ» қауымдастығымен бірлесіп «English for Jastar» жобасын іске асыруда.
Жобаның негізгі мақсаты – ауыл оқушыларының сапалы білім алуына тең қолжетімділікті қамтамасыз ету, ағылшын тілін оқытуға қызығушылық пен қатысуды арттыруға септігін тигізу. Мақсатты аудитория қалаға қарасты кент және ауыл мектептерінің 6,7,8,9 сынып оқушылары болып табылады.
<blockquote>
 «Балаларға ағылшын тілін үйретуге бағытталған жоба ағылшын тілін меңгерген еріктілер арқылы жүзеге асты. 
 Еріктілерді іріктеу де оңай болмағаны анық. Мәселен ағылшын тілін білу Intermediate деңгейінен төмен болмауы, орыс және қазақ тілдерін еркін меңгеруі, еріктілер қатарында, балалармен жұмыс істеуі, сол сияқты ұстаздық тәжірибелерінің болуы талап етілді. Ең маңыздысы – ауылдық мектеп оқушыларының ағылшын тілін игеруіне көмектесуге деген зор ынтаның болуы», – дейді облыстық «Jas Otan» ЖҚ кеңесшісі А.Какарманова.
</blockquote>
Алғашында облыста 19 ерікті жобаға қатысуға ниет білдірген. Жобаға қатысушы еріктілер тестілеуден және сұхбаттасудан өтіп, нәтижесінде 10 ерікті іріктеліп таңдалды.
Еріктілер барлық 7 ауданға бөлініп, ағылшын тілі сабақтарын өтуге арнайы сынып пен оқу кестесі бекітілді.
Оқыту нәтижесіне сәйкес 2018-2019 жылдары облысымыздың 350 оқушысы ағылшын тілінен «Pre-intermediate» және «Elementary» деңгейлерін тегін үйренді. Биыл 100-ден астам оқушы білім алды.
Еріктілер жобаны жүзеге асыру барысында жаңашыл методикаларды пайдалану арқылы ағылшын тілі сабақтарын оқушыларға әр күн сайын қызықты өткізуге барынша жұмыстар жүргізіп отырды.
Мұнымен қоса, ерікті оқытушылар мен оқушылар ZOOM платформасында Лондон қаласында білім алып жатқан «Болашақ» бағдарламасының стипендиаты С.Абжановамен кездесті. Онлайн кездесу барысында С.Абжанова шет мемлекетте білім алудың тәжірибесімен бөлісіп, қатысушылардың сұрақтарына жауап берді. «English for Jastar» жобасының табысты жүзеге асуына ықпал жасаған ерікті оқытушылар арнайы алғыс хаттармен марапатталатын болады.
<img src="https://kyzylorda-news.kz/wp-content/uploads/2021/10/245335551_1260080227737818_4391845838341346721_n.jpg" alt="" />
<img src="https://kyzylorda-news.kz/wp-content/uploads/2021/10/245870144_1260080214404486_485957478406415483_n.jpg" alt="" />

Қызылордада ауыл балалары «English for jastar» жобасы аясында білім алды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1642 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 238,
Алматы қаласы – 318,
Шымкент қаласы – 16,
Ақмола облысы – 122,
Ақтөбе облысы – 25,
Алматы облысы – 107,
Атырау облысы – 42,
Шығыс Қазақстан облысы – 103,
Жамбыл облысы – 21,
Батыс Қазақстан облысы – 37,
Қарағанды облысы – 149,
Қостанай облысы – 114,
Қызылорда облысы – 22,
Маңғыстау облысы – 4,
Павлодар облысы – 168,
Солтүстік Қазақстан облысы – 132,
Түркістан облысы – 24.
Жалпы ел бойынша ауырғандар саны 918146.

Қызылордада 22 адамнан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Облыстық мәслихат хатшысы Наурызбай Байқадамов жұмыс сапарымен Қазалы ауданында болып, бірқатар әлеуметтік нысандардың жұмысымен танысып шықты.
Наурызбай Сейітқалиұлы бірге алдымен Әйтеке би кентінде абаттандырылып жатқан аумаққа арнайы барып, сала басшыларымен бірге кездесті. Аудан әкімі Мұхтар Оразбаев алдағы уақытта бұл жерде Жалаңтөс батырдың еңселі ескерткіші бой көтеретінін жеткізді.
Облыстық мәслихат хатшысы аялдаған келесі нысан аудан орталығынан салынып жатқан 600 орындық мәдениет үйі болды. Аудан ажарын айшықтай түсетін еңселі ғимараттың құрылысы облыстық құрылыс басқармасы арқылы салынуда. Мәдени нысан жылдың аяғына дейін пайдалануға беріледі деп жоспарлануда.
Мұнан соң Б.Мергенбаев атындағы №226 мектеп-гимназия мен Достық көшесінде салынып жатқан 250 мектеп құрылысымен танысты.
Б.Мергенбаев атындағы №226 мектеп-гимназияға өткен жылы «Жұмыспен қамтудың жол картасы» мемлекеттік бағдарламасы арқылы күрделі жөндеу жүргізілді. Ал, биыл «Ауыл – ел бесігі» арнайы жобасы негізінде жаңа спорт зал салынды.
Ал, Достық көшесінің бойынан бұрынғы №170 мектептің орнынан жаңа білім ошағы бой көтеруді. Құрылыс жұмыстарын биыл бастап кету үшінарнайы қаржы бөлінді. Мектеп құрылысы келесі жылы аяқталады деп жоспарлануда.
Облыстық мәслихат хатшысы Наурызбай Байқадамов Қазалы көлік-техникалық жоғары колледжінде жастармен кездесті. Кездесудің алдында білім ордасының материалдық-техникалық базасымен танысып, «Жас маман» жобасы аясында алынған заманауи техникаларға өзінің оң бағасын берді.
Кездесуде Наурызбай Сейітқалиұлы «Сапалы білім, саналы тәрбие беру әрбір оқытушының алға қойған міндеті болса, өз ісінің білімді, өнегелі азаматы болу – әр студенттің міндеті» деп, білім жастар – еліміздің болашағы екендігін жеткізді.
Өз кезегінде колледж студенттері жас ұрпаққа сапалы білім алу үшін қолайлы жағдай жасаған барша азаматтарға алғысын айтып, ризашылықтарын білдірді.
Наурызбай Сейітқалиұлы мұнан соң ауданымыздың Қарақұм беткейіндегі «Майлыбай жалы» учаскесіне арнайы барып, мал шаруашылығымен айналысып отырған азаматтармен кездесті. Кездесуде биылғы қуаңшылықтың зардабы мен қысқы мал азығын дайындау шаралары сөз болды.
Наурызбай Сейітқалиұлының Қазалы ауданына сапары кезінде облыстық мәслихат депутаттары Ібайдулла Тілеп, Мнажадин Өтеев және аудандық мәслихат хатшысы Бақытжан Жарылқап, аудандық мәслихат депутаттары Ғазиз Әліш, Нұрғиса Жалғасбаев бірге жүріп, аудандағы кейбір мәселелерге қатысты өздерінің ой-пікірлері мен ұсыныстарын жеткізді.
<img src="https://kyzylorda-news.kz/wp-content/uploads/2021/10/20.jpg" alt="" />
<img src="https://kyzylorda-news.kz/wp-content/uploads/2021/10/16.jpg" alt="" />

Облыстық мәслихат хатшысы Қазалы ауданында болды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда бір тәулікте 1459 адам коронавирустан жазылды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 290,
Алматы қаласы – 185,
Шымкент қаласы – 18,
Ақмола облысы – 53,
Ақтөбе облысы – 11,
Алматы облысы – 144,
Атырау облысы – 63,
Шығыс Қазақстан облысы – 169,
Жамбыл облысы – 51,
Батыс Қазақстан облысы – 93,
Қарағанды облысы – 135,
Қызылорда облысы – 17,
Маңғыстау облысы – 19,
Павлодар облысы – 131,
Солтүстік Қазақстан облысы – 34,
Түркістан облысы – 46.
Қазақстан бойынша жазылғандар саны – 860120.

Covid-19: 17 қызылордалық індеттен айықты

<a href="https://kyzylorda-news.kz/ru/obshestvo/">Kyzylorda-news.kz</a>. 18 қазан күні ауқымды антициклонның ықпалымен ҚР аумағының басым бөлігінде жауын-шашынсыз ауа райы сақталады, деп хабарлайды Қазгидромет.
Республиканың тек батысында циклон жырасының әсерінен жаңбыр күтіледі. Еліміздің солтүстігінде, шығысында – тұман, оңтүстік өңірлерде жел болжанады.
Жамбыл облысының оңтүстік-батысында, солтүстік-шығысында және таулы аудандарында 15-20 м/с жылдамдықпен жел соғады, екпіні 23 м/с күшейеді.
Күндіз Түркістан облысының таулы аудандарында жел 15-20 м/с күшейеді.
Күндіз Қызылорда облысының орталығында жел 15-20 м/с артады. Солтүстік Қазақстан облысының солтүстігінде және оңтүстігінде, Шығыс Қазақстан облысының солтүстігінде, түнде Павлодар облысының оңтүстігінде тұман болады.

Дүйсенбіге арналған ауа райы болжамы

Kyzylorda-news.kz. Әлеуметтік маңызы бар тауарлар санатына жататын күнбағыс майы бір жарым есе қамбаттаған. Мамандар бағаның шарықтауына қуаңшылықтан туындаған шикізат тапшылығы әсер еткенін айтады.
Қазір Қостанай облысында өсімдік майын өндіретін зауыттардың дені жарым-жартылай жұмыс істеп тұр. Толық тоқтағандары да бар, деп хабарлайды <a href="https://m.sputnik.kz/economy/20211016/18428200/osimdik-mayy-qymbattauy-mumkin.html">Sputnik.kz.</a>
Биыл Қостанай облысы бойынша 607 мың гектар алқапқа майлы дақылдар егілді. Егіс көлемі жыл сайын ұлғайтылғанымен соңғы үш жыл қатарынан ылғал тапшылығынан түсім мардымсыз. Биыл да сол гектарынан 3-4 центнер ғана келіп отыр. Алайда қуаңшылыққа қарамастан берекелі өнім алып отырғандар да бар. Мысалы Ұзынкөл ауданындағы Леонид Королев басқаратын шаруашылықтың күнбағыс алқабы соншалықты бітік демесек те гектарынан 10-15 центнерден кем түспейді. Қазір оның шемішкесін пышақ үстінен талап әкетіп жатыр. Былтыр олар күнбағыс дәнінің тоннасын 180 мың теңгеден сатса, биыл 250 мың теңгеден түсірмейді. Бағаның бұлай күрт көтерілуін өндірістік шығынның өсуімен түсіндіреді.
<blockquote>
 “Әсіресе химия, түрлі тыңайтқыштардың бағасы қазір шарықтап тұр. Техника, қосалқы бөлшектер де қымбат. Сондықтан біз де көтеруге мәжбүрміз. Көп жерде майлы дақылдар шығымы төмен болғандықтан күнбағыс дәніне қазір сұраныс жоғары”, – дейді шаруашылық басшысы Леонид Королев.
</blockquote>
Облыста он шақты май өңдеу зауыты болса, соның үшеуі Федоров ауданында. Қазір олар шикізат тапшылығынан толық қуатында жұмыс істемейді. Тіпті біреуі бір жылдан бері тоқтап тұр.
<blockquote>
 “Біздің Федоров ауданында ғана 40-50 мың гектарға майлы дақылдар егіледі. Көршілес Қарабалық ауданында да соншалықты көлем бар. Осының өзі үш зауытты қамтамасыз етуге жетер еді. Былтыр Қазақстанда майлы дақылдар экспортына салынған тыйым алынып тасталғаннан бері шикізаттың дені шетелге кетіп жатыр”, – дейді өсімдік майы зауытының директоры Владимир Заверуха.
</blockquote>
Бір литр май алуға қажетті 2,5 келі шемішке былтыр 300 теңге тұрса, биыл 700 теңгеге күрт көтеріліп отыр. Өсім 400 теңгені құрады. Зауыттан бір литр май 2020 жылы 350 теңгеден шығарылса, биыл 550 теңгеден өткізіліп отыр. Өсім небәрі 200 теңге. Бір қызығы, бұл жерде сауда орындары бағаны күрт көтерген. Бір литр май 2020 жылы 500 теңгеден сатылса, биыл 700 теңгден өткізіліп отыр. Өсім 300 теңгені құрап отыр.
Осыдан-ақ майлы дақылдарды өңдемей шикізат түрінде өткізген тиімді екендігін байқаймыз. Отандық өсімдік майының сапасы басқалардан кем соқпайды. Табиғи, тазалығы жағынан тіпті асып түседі. Сондықтан да өздерінің тауар өндірушілерін қорғау үшін Қытай, Германия басқа да Еуропа елдері біздің дайын өнімімізден гөрі шикізатымызды алуға асық. Ал Қазақстан нарығына Ресей, Беларусьтің өсімдік майы еш кедергісіз емін-еркін кіргізіледі.
<blockquote>
 “Өсімдік майының өзіндік құны 90 процент шикізат бағасына байланысты. Ал зығырдың тоннасы бүгінде 320-330 мың теңгеге жетті. Бұрын-соңды ондай болған емес. Сондықтан егер әкімшілік ресурс ықпал етпесе сұйық май бағасы әлі де көтерілуі ықимал”, – деп ескертті Владимир Заверуха.
</blockquote>
Шикізат тапшылығын тудырмай, бағаны тұрақтандыру үшін жергілікті өндіріс орындарына майлы дақылдарын тапсырған шаруаларға субсидия бөлу қажет. Мамандар тығырқтан шығудың бірден бір жолы осы дейді. Сондай-ақ көрші елдерден бей-берекет ағылып жатқан тауарларға тосқауыл қою қажет. Ал Тобыл өңіріндегі өсімдік майы зауыттары облысқа қажетті көлемнен 1,5 есе көп өнім беруге қауқарлы.

Қазақстанда өсімдік майы тағы қымбаттауы мүмкін

<a href="https://kyzylorda-news.kz/ru/obshestvo/">Kyzylorda-news.kz</a>. ҚР Денсаулық сақтау министрі Алексей Цой елімізде ревакцинация қалай ұйымдастырылатынын түсіндірді, деп хабарлайды <a href="https://lenta.inform.kz/kz/kazakstandyktar-kayta-vakcinalaudan-kalay-otkiziledi_a3849631">ҚазАқпарат</a>.
<blockquote>
 «Денсаулық сақтау министрлігі Қазақстан Республикасының халқын иммундау жөніндегі консультациялық комиссиямен бірге халықты қайта вакциналаудың тәсілдерін пысықтады. Халықаралық тәжірибені ескере отырып, коронавирус инфекциясына қарсы вакциналау шарасының толық курсын өткеннен соң, 6-9 айдан кейін қосымша дозасын егу ұсынылады. Оның өзінде векторлы (Спутник V – ред.) вакцина алған тұлғаларға 9 айдан кейін инактивті вакцина егу, инактивті (Sinopharm, CoronaVac, Hayat-Vax, QazCovid-in – ред.) вакцина алған тұлғаларға 6 айдан кейін векторлы екпе салу көзделіп отыр. «мРНК-вакцина» (Pfizer – ред.) алған тұлғаларға 6 айдан кейін инактивті немесе векторлы екпе салынады. Сондай-ақ, бірізді екпе түрін салу арқылы қайта вакциналануға жол беріледі», – деді Алексей Цой Орталық коммуникациялар қызметінде өткен брифингіде.
</blockquote>

Қазақстандықтар қайта вакциналаудан қалай өткізіледі

Kyzylorda-news.kz. Былғары күртеше қыздардың күзгі және көктемгі гардеробындағы сүйікті киімі десек қателеспейміз. Былғары күртеше сәннен шықпайтын базалық киімге айналып барады. Биыл дизайнерлер тек күртеше емес былғарыдан тігілген басқа киімдерді де күнделікті киім үлгісіне қолдануды ұсынып отыр. Ендеше, күзде былғарыдан тігілген қандай киімдер сәнде болады?
1. Күртеше. Былғары күртешелерді дизайнерлер жылдан жылға сәл өзгертіп ұсынып отырады. Бұрын қысқа әрі денеге жабысып тұратын түрлері сәнде болса, қазір 1980-жылдардағыдай кең тұратын былғары күртешелер оралуда. Сондай-ақ былғары күртешенің сырып тігілген түріне де мән беріңіз.
2. Шалбар. Бір кездері былғары лосинылар сәнде болды. Қазір аяққа қатты жабысып тұрмайтын былғары шалбарлар сәнге келді. Олар клеш, бермуд және т.б шалбар пішінінде тігілуі мүмкін. Былғары шалбар жылы жемпірлермен жақсы үйлеседі.
3. Комбинезон. Дизайнерлер батыл қыздарға ұнайтын былғары комбинезондарды ұсынды. Мерекелік кештерге көйлек немесе шалбарлы костюм киюден жалықсаңыз, былғары комбинезон таңдауға болады. Себебі ол сәнді әрі ерекше көрінеді.
4. Тренч. Былғары тренч қарапайым мата плащтың баламасына айналды. Мұндай тренчтің 1960-жылдардағыдай ақшыл түсті түрі және 90-жылдардағыдай қара түсті түрі де сәнде болады.
5. Белдемше. Былғары белдемшенің ұзындығы қысқа түрі емес, тізеден түсіп тұратын түрлері сәнге келді. Мұндай белдемшені әдемі топпен үйлестіру арқылы кештерге киюге болады.&nbsp;Сондай-ақ оны свитер, жемпір немесе ақ жейдемен күнделікті киім үлгісіне қолдануға болады.
<a href="https://massaget.kz/kyizdarga/sn/66374/">Massaget.kz</a>

2021: Күзгі тренд қандай?

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Нидерланды елінің ғалымдары инесіз инъекция жіберуге мүмкіндік беретін технологияны ойлап тапты, деп хабарлайды&nbsp;<a href="https://stan.kz/">Stan.kz</a>.
Ине орнына “лазерлі пистолет” қолданылады. Теріге жіберілген дәрінің ұсақ тамшылары ағзаға сіңеді.&nbsp;Мұндай инъекция жүйке ұштары жиектеріне тимегендіктен, мүлде ауыртпайды.
Ғалымдардың ойынша, өнертабыс тұрғындарға вакцина салу кезінде көмектеседі. Сонымен қатар ине арқылы ауру тарау қауіпін төмендетеді.&nbsp;
<blockquote>
 “Біз ойлап тапқан инесіз инъекция технологиясы өте маңызды. Себебі инеден қорқатын адамдар алаңсыз вакцина салғыза алады. Лазер миллисекундта қоспаны қыздырып, ұсақ көпіршіктер пайда болады. Бұл көпіршкітер қоспаны итереді”, –&nbsp;деп түсіндірді Твенте университетінің профессоры Дэвид Фернандес.
</blockquote>

Ғалымдар инесіз екпе салу әдісін ойлап тапты

Kyzylorda-news.kz. Қазақстанда өткен тәулікте 1731 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 196, Алматы қаласы – 377, Шымкент қаласы – 50, Ақмола облысы – 51, Алматы облысы – 221, Атырау облысы – 8, Шығыс Қазақстан облысы – 190, Жамбыл облысы – 53, Батыс Қазақстан облысы – 122, Қарағанды облысы – 137, Қостанай облысы – 137, Қызылорда облысы – 37, Маңғыстау облысы – 8, Павлодар облысы – 24, Солтүстік Қазақстан облысы – 84, Түркістан облысы – 36.
Қазақстан бойынша жазылғандар саны – 858661.

Қызылордада 37 адам індеттен айықты

Kyzylorda-news.kz. Қазақстанда өткен тәулікте 1805 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 256, Алматы қаласы – 320, Шымкент қаласы – 56, Ақмола облысы – 125, Ақтөбе облысы – 33, Алматы облысы – 153, Атырау облысы – 38, Шығыс Қазақстан облысы – 90, Жамбыл облысы – 21, Батыс Қазақстан облысы – 55, Қарағанды облысы – 152, Қостанай облысы – 111, Қызылорда облысы – 35, Маңғыстау облысы – 8, Павлодар облысы – 172, Солтүстік Қазақстан облысы – 148, Түркістан облысы – 32.
Жалпы ел бойынша ауырғандар саны 916504.

Қазақстан және Қызылорда облысының жаңалықтары