Kyzylorda-news.kz. Қазақстанда өткен тәулікте 1118 адамда коронавирус індеті ПТР-сынама арқылы расталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 286, Алматы қаласы – 124, Шымкент қаласы – 29, Ақмола облысы – 52, Ақтөбе облысы – 19, Алматы облысы – 50, Атырау облысы – 48, Шығыс Қазақстан облысы – 85, Жамбыл облысы – 19, Батыс Қазақстан облысы – 80, Қарағанды облысы – 174, Қостанай облысы – 34, Қызылорда облысы – 13, Маңғыстау облысы – 35, Павлодар облысы – 42, Солтүстік Қазақстан облысы – 16, Түркістан облысы – 12.
Жалпы ел бойынша ауырғандар саны 400214.

Қызылордада 13 адамнан коронавирус анықталды

Kyzylorda-news.kz. Францияның Париж қаласында каратэден өтіп жатқан соңғы лицензиялық турнирде жерлесіміз Мөлдір Жаңбырбай 55 келі салмақ дәрежесінде күміс жүлдегер атанып, Токио Олимпиадасының жолдамасына ие болды.
Жарыс ережесі бойынша алғашқы үш орынды иеленген спортшыларға ғана Олимпиада жолдамасы табысталады.
Айта кетейік, қызылордалық спортшыларда Токио Олимпиадасына үш лицензия бар. Олар: ҚР еңбек сіңірген спорт шеберлері, боксшы Қамшыбек Қоңқабаев, еркін күрес балуаны Дәулет Ниязбеков және ҚР халықаралық дәрежедегі спорт шебері, каратэші Мөлдір Жаңбырбай.
Мөлдір Жаңбырбайды жеңісімен және жолдама алуымен шын жүректен құттықтаймыз!
Спортшыларымыз Токиода еліміздің абыройын асқақтатып, көк туымызды көкке көтереді деген сенімдеміз!

Қызылордалық Мөлдір Жаңбырбай Токио олимпиадасының жолдамасына ие болды

Kyzylorda-news.kz. Синоптиктер 12 маусымға арналған ауа райы болжамын жариялады, деп хабарлайды «Қазгидромет» РМК баспасөз қызметі.
Қазақстанның солтүстік және орталық аудандары антициклонның ықпалында болады. Сондықтан көбіне жауын-шашын жаумайды, күн ашық болады.
Ал еліміздің басқа аумақтарында атмосфералық фронттарға байланысты ауа райы құбылмалы сипатта болады. Найзағай жарқылдап, жаңбыр жауады, дауыл соғады. Жел күшейеді. Оңтүстік-шығыста таулы аудандарда қатты жаңбыр жауады.
Республиканың кей жерлерінде бұршақ жауады, дауыл тұрады, күшті жел соғады.

Сенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстандық арналарындағы UEFA EURO 2020 матчтарының трансляция кестесі жарияланды.
Айта кетейік, UEFA EURO-2020 турнирі 11 маусым – 11 шілде аралығында өтеді.
Футболдан Еуропа біріншілігі өткен жылы өтуі тиіс еді. Алайда коронавирус пандемиясына байланысты бір жылға шегерілген болатын.
Қазақстандық жанкүйерлер чемпионаттың барлық ойындарын «Qazaqstan» мен «Qazsport» арналарынан тікелей эфирде көре алады. Еуропа чемпионатының финалдық кезеңіне шыққан 24 құрама 6 топқа бөлінген.
Назарларыңызға телеарналардан көрсетілетін трансляциялар кестесін ұсынамыз:
11 маусым, 00:50 – А тобы: Түркия – Италия, Live «Qazaqstan» және «Qazsport»
12 маусым, 18:50 – А тобы: Уэльс – Швейцария, Live «Qazsport»
12 маусым, 21:50 – В тобы: Дания – Финляндия, Live «Qazaqstan»
12 маусым, 00:50 – В тобы: Бельгия – Ресей, Live «Qazaqstan»
13 маусым, 18:50 – D тобы: Англия – Хорватия, Live «Qazaqstan»
13 маусым, 21:50 – C тобы: Австрия – Солтүстік Македония, Live «Qazaqstan»
13 маусым, 00:50 – C тобы: Нидерланд – Украина, Live «Qazsport»
14 маусым, 18:50 – D тобы: Шотландия – Чехия, Live «Qazsport»
14 маусым, 21:50 – E тобы: Польша – Словакия, Live «Qazsport»
14 маусым, 00:50 – E тобы: Испания – Швеция, Live «Qazaqstan»
15 маусым, 21:50 – F тобы: Венгрия – Португалия, Live «Qazsport»
15 маусым, 00:50 – F тобы:Франция – Германия, Live «Qazaqstan»
16 маусым, 18:50 – B тобы: Финляндия – Ресей, Live «Qazaqstan»
16 маусым, 21:50 – А тобы: Түркия – Уэльс, Live «Qazsport»
16 маусым, 00:50 – А тобы: Италия – Швейцария, Live «Qazaqstan»
17 маусым, 18:50 – C тобы: Украина – Солтүстік Македония, Live «Qazsport»
17 маусым, 21:50 – B тобы: Дания – Бельгия, Live «Qazaqstan»
17 маусым, 00:50 – C тобы: Нидерланд – Австрия, Live «Qazsport»
18 маусым, 18:50 – E тобы: Швеция – Словакия, Live «Qazsport»
18 маусым, 21:50 – D тобы: Хорватия – Чехия, Live «Qazaqstan»
18 маусым, 00:50 – D тобы: Англия – Шотландия, Live «Qazaqstan»
19 маусым, 18:50 – F тобы: Венгрия – Франция, Live «Qazsport»
19 маусым, 21:50 – F тобы: Португалия – Германия, Live «Qazaqstan»
19 маусым, 00:50 – E тобы: Испания – Польша, Live «Qazaqstan»
20 маусым, 21:50 – A тобы: Швейцария – Түркия, Live «Qazsport»
20 маусым, 21:50 – A тобы: Италия – Уэльс, Live «Qazaqstan»
21 маусым, 21:50 – С тобы: Солтүстік Македония – Нидерланд, Live «Qazsport»
21 маусым, 21:50 – С тобы Украина – Австрия, Live «Qazaqstan»
21 маусым, 00:50 – B тобы: Ресей – Дания, Live «Qazaqstan»
21 маусым, 00:50 – B тобы: Финляндия – Бельгия, Live «Qazsport»
22 маусым, 00:50 – D тобы: Хорватия – Шотландия, Live «Qazsport»
22 маусым, 00:50 – D тобы: Чехия – Англия, Live «Qazaqstan»
23 маусым, 21:50 – Е тобы: Словакия – Испания, Live «Qazsport»
23 маусым, 21:50 – Е тобы: Швеция – Польша, Live «Qazaqstan»
23 маусым, 00:50 – F тобы: Португалия – Франция, Live «Qazaqstan»
23 маусым, 00:50 – F тобы: Германия – Венгрия, Live «Qazsport»
26 маусым, 21:50 – 1/8 финал, Live «Qazaqstan»
26 маусым, 00:50 – 1/8 финал, Live «Qazsport»
27 маусым, 21:50 – 1/8 финал, Live «Qazaqstan»
27 маусым, 00:50 – 1/8 финал, Live «Qazsport»
28 маусым, 21:50 – 1/8 финал, Live «Qazaqstan»
28 маусым, 00:50 – 1/8 финал, Live «Qazsport»
29 маусым, 21:50 – 1/8 финал, Live «Qazaqstan»
29 маусым, 00:50 – 1/8 финал, Live «Qazsport»
2 шілде, 21:50 – 1/4 финал, Live «Qazaqstan» және «Qazsport»
2 шілде, 00:50 – 1/4 финал, Live «Qazaqstan
3 шілде, 21:50 – 1/4 финал, Live «Qazaqstan» және «Qazsport»
3 шілде, 00:50 – 1/4 финал, Live «Qazaqstan» және «Qazsport»
6 шілде, 00:50 – 1/2 финал, Live «Qazaqstan» және «Qazsport»
7 шілде, 00:50 – 1/2 финал, Live «Qazaqstan» және «Qazsport»
11 шілде, 00:50 – Финал, Live «Qazaqstan» және «Qazsport».
60 жылдық тарихы бар турнир алғаш рет 11 қалада – Амстердам (Нидерланд), Баку (Әзірбайжан), Бухарест (Румыния), Будапешт (Венгрия), Копенгаген (Дания), Глазго (Шотландия), Лондон (Англия), Мюнхен (Германия), Рим (Италия), Санкт-Петербург (Ресей), Севильяда (Испания) бірдей өтпек.
<a href="https://www.inform.kz/kz">ҚазАқпарат</a>

Футболдан Еуропа біріншілігі: Турнир кестесі жарияланды

<a href="https://kyzylorda-news.kz/">Kyzylorda-news.kz</a>. Білім және ғылым министрі Асхат Аймағамбетов жаңа оқу жылында мектептер ашылуы мүмкін екенін жоққа шығармады.
<blockquote>
 “Жаңа оқу жылында біз мектептерді ашып, оқушылар дәстүрлі форматқа оралады деген үміттеміз. Бірақ әрине бұл үшін ең негізгі шарттар орындалуы керек: бұл қарапайым санитарлық-эпидемиологиялық талаптарды сақтау және вакциналау. Сондай-ақ өңір “қызыл” аймақта тұрмауға тиіс, “жасыл” аймақта болғаны жақсы”, – деді Аймағамбетов орталық коммуникациялар қызметінде өткен баспасөз мәслихатында.
</blockquote>
Министр вакиналау қарқыны мен аурушаңдықтың төмендеуі оқу жылының басталуына оптимистік көзқараспен қарауға мүмкіндік беретінін атап өтті.

Қыркүйекте оқушылар мектепке бара ма?

2021 жылға субсидияланатын биологиялық заттардың нормалары

<a href="https://kyzylorda-news.kz/">Kyzylorda-news.kz</a>. Қызылорда облысында Абылай ханның 310 жылдығына арналған республикалық ғылыми-тәжірибелік конференция өтті.
«Абылай хан және оның тарихи дәуірі» атты жиынды Қорқыт ата атындағы Қызылорда университеті мен Рухани жаңғыру орталығы ұйымдастырды.
Орталық директоры Уәлихан Ибраев алғысөзінде ұрпаққа мұра, ұлтқа ұран болған тұлға есімін ұлықтаудың маңызы ерекше екенін атап өтті.
<blockquote>
 «Ол – қазақ тарихындағы тағдырлы кезеңнің күллі тауқыметін бойына жүктеген тұтас бітімді тұлға. Алаш баласының азаттықты ардақ тұтқан асқақ арман-аңсауы мен ерiк-жiгерi бабамыздың бойында тамаша тоғысқан. Абылай ханның басшылығымен қазақ халқының туған жерi, отанын жаудан азат ету жолындағы қиян-кескi ұрысы, күрделi геосаяси жағдайда айналадағы мемлекеттермен қарым-қатынаста дербестiк сақтауға қол жеткiзуi – ұлттық тарихымыздың жарқын беттерi», – деді ол.
</blockquote>
Шара барысында Ұлттық ғылым академиясының академигі, тарих ғылымдарының докторы, профессор Берекет Кәрібаев, Қазақстанның еңбек сіңірген қайраткері, филология ғылымдарының кандидады Зарқын Тайшыбай, сондай-ақ университет ғалымдары халқына дана, еліне пана болған ханның өмірі, ұстанған саясаты мен халыққа сіңірген еңбегіне тоқталды.
<blockquote>
 «Абылай аңсаған асқақ арманға, ұлы мұратқа бүгінгі ұрпақ жетті. Мұхтар Әуезов атындағы әдебиет және өнер институтының қолжазбалар қорында тұлға туралы 15 тарихи жыр сақтаулы. Әлі көптеген дерек ашылған жоқ. Оны танып-білу үшін осы жағын тереңірек зерттеу керек», – деді тарих ғылымдарының магистрі, Қорқыт ата атындағы Қызылорда университетінің аға оқытушысы Бақытжан Ахметбек.
</blockquote>

Қызылордада Абылай ханның 310 жылдығына арналған республикалық конференция өтті

<a href="https://kyzylorda-news.kz/">Kyzylorda-news.kz</a>. Еліміздегі электр станциялары өндіретін электр энергиясының шектік көтерме бағалары бекітілді. Онда өсім 11%-тен 25,5%-ке дейін болды. Қызылорда облысында электр қуатымен қамтамасыз ететін электр станциялары «Қызылордажылуэлектрорталығы» МКК – 11%, «Екібастұз ГРЭС-1» ЖШС – 25%, «Екібастұз ГРЭС-2 Станциясы» АҚ – 6,1%, «Жамбыл ГРЭС» АҚ – 25,5%-ке қымбаттады.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Осы орайда облыстың 3 энергиямен жабдықтаушы кәсіпорны ҚР Ұлттық экономика министрлігі табиғи монополияларды реттеу комитетінің Қызылорда облысы бойынша департаментіне электр энергиясының шекті бағасының көтерілуі туралы ақпаратпен жүгінген. Электр энергиясының бағасының соңғы пайдаланушылар үшін өзгеруі 7,7% -тен 16,4% -ке дейін болды.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Энергиямен жабдықтаушы ұйымдардың өтініштерін қарау кезінде қабылданатын шешімдердің ашықтығын қамтамасыз ету мақсатында департамент барлық мүдделі тараптарға комитеттің ресми сайты мен БАҚ арқылы тыңдаулардың күні, орны мен уақыты туралы алдын-ала хабарлап, ағымдағы жылдың сәуір айында облыстың 7 ауданы мен облыс орталығында жария тыңдаулар өткізді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Жиындарда айтылған ұсыныс-пікірлерді ескере отырып, қолдау ретінде ұсынылған құжаттарды тексеру нәтижелері бойынша ағымдағы жылдың 17 мамырында 3 ЭЖМ электрмен жабдықтау қызметтерінің бағалары келісіп, сатудың орташа бағалары өзгерді. 1 маусымнан бастап тарифтер ҚҚС-сыз 1 кВт/сағ3,5% -тен 6,3% -ке дейін өзгереді:
«Энергосервис» ЕЖШС-ы бойынша:
– тұрғындар үшін орташа босату бағасы – 15,66 теңге немесе жобалық бағамен салыстырғанда 9,8 пайызғатөмендетіліп немесе қолданыстағы бағамен салыстырғанда 1 кВт.сағатқа ҚҚС-сыз 75 тиынға өзгеріспен;
1 деңгей 1 айға 1 адамға 70 кВт.сағатқа дейін –14,68 теңге,
2 деңгей 1 айға 1 адамға 70 кВт. сағаттан 150 кВт.сағатқа дейін – 18,79 теңге,
3 деңгей 1 айға 1 адамға 150 кВт.сағаттан жоғары – 23,49 теңге;
– заңды тұлғалар үшін орташа босату тарифі – 20,77 теңге немесе жобалық бағамен салыстырғанда 7,5 пайызға төмендетіліп, оның ішінде:
бюджеттік мекемелер үшін – 30,69 теңге,
басқа тұтынушылар үшін – 17,93 теңге.
«Шиелі Жарығы» ЖШС-ы бойынша:
– тұрғындар үшін орташа босату бағасы – 16,61 теңге немесе жобалық бағамен салыстырғанда 4,6 пайызға төмендетіліп немесе қолданыстағы бағамен салыстырғанда 1 кВт.сағатқа ҚҚС-сыз 69тиынға өзгеріспен;
1 деңгей 1 айға 1 адамға 70 кВт.сағатқа дейін – 16,28 теңге,
2 деңгей 1 айға 1 адамға 70 кВт. сағаттан 150 кВт.сағатқа дейін – 19,93 теңге,
3 деңгей 1 айға 1 адамға 150 кВт.сағаттан жоғары – 24,91 теңге;
– заңды тұлғалар үшін орташа босату тарифі – 18,72 теңге немесе жобалық бағамен салыстырғанда 5,3 пайызға төмендетіліп, оның ішінде:
бюджеттік мекемелер үшін – 21,66 теңге,
басқа тұтынушылар үшін – 17,56 теңге.
«Дәулетэнерго» ЖШС-ы бойынша:
– тұрғындар үшін орташа босату бағасы – 17,44 теңге немесе жобалық бағамен салыстырғанда 5,4 пайызға төмендетіліп немесе қолданыстағы бағамен салыстырғанда 1 кВт.сағатқа ҚҚС-сыз 33тиынға өзгеріспен;
1 деңгей 1 айға 1 адамға 70 кВт.сағатқа дейін – 17,08 теңге,
2 деңгей 1 айға 1 адамға 70 кВт. сағаттан 150 кВт.сағатқа дейін – 20,93 теңге,
3 деңгей 1 айға 1 адамға 150 кВт.сағаттан жоғары – 26,16 теңге;
– заңды тұлғалар үшін орташа босату тарифі – 20,92 теңге немесе жобалық бағамен салыстырғанда 2,6 пайызға төмендетіліп, оның ішінде:
бюджеттік мекемелер үшін – 26,45 теңге,
басқа тұтынушылар үшін – 19,14 теңге.
Сонымен біргеүстемақы мөлшері қолданыстағы деңгейде қалды, тек «Даулетэнерго» ЖШС үшін ол 1 кВт / сағ үшін 0,60 теңгеден 0,57 теңгеге дейін немесе 5%-ға төмендетілді.
Электр энергиясының бағасының өзгеруі оның төлеміне қаншалықты әсер ететіндігін анықтау үшін келесі мысалды келтіреміз:
Қызылорда қаласы бойынша 1 – деңгей бойынша 70 кВт.сағ x 5 адам х 14,68 = 5138 теңге немесе ҚҚС-мен 5754 теңге, 5533,5 теңгенің орнына немесе айырмасы – 220,5 теңгені құрайды;
2 – деңгей бойынша 400-350 = 50 кВтсағ х 18,79 = 939,5 теңге немесе ҚҚС-мен 1052 теңге, 1002 теңгенің орнына немесе айырмасы- 50 теңгені құрайды.
&nbsp;&nbsp;&nbsp;&nbsp;&nbsp;&nbsp;&nbsp; Жалпы алғанда, бір ай ішінде төлем, тарифтердің өзгеруін ескере отырып, бұрын төленетін ҚҚС-мен6535,5 теңге теңгенің орнына -6806теңге шығады немесе төлем айырмасы айына – 270,5 теңге (жылына 3246 теңге) құрайды.
Айта кетейік, электр энергиясы немесе энергиямен жабдықтаушы ұйымдардың соңғы бағасы негізгі 3 бөліктен тұрады:
<ul>
<li>Қазақстан Республикасы Энергетика министрлігі бекіткен электр энергиясын өндіретін станциялардың көтерме бағасы;</li>
<li>Қазақстан Республикасының табиғи монополияларды реттеу комитеті және оның аумақтық департаменттері бекіткен электр энергиясын өңіраралық, аймақтық тарату желілері арқылы тасымалдауды жүзеге асыратын энергия беруші ұйымдардың тарифтері;</li>
<li>аумақтық департаменттермен үйлестірілетін энергиямен жабдықтаушы ұйымдардың өздері қамтамасыз етуге арналған үстемеақы.</li>
</ul>
Қазақстан Республикасы
Ұлттық экономика министрлігі
&nbsp;Табиғи монополияларды реттеу комитетінің
Қызылорда облысы бойынша департаменті,

Қызылорда: Электр энергиясының бағасы өсті

<a href="https://kyzylorda-news.kz/">Kyzylorda-news.kz</a>. Бүгін футболдан 2020 жылғы Еуропа чемпионатының финалдық кезеңі басталады.
Дүбірлі дода шымылдығы Түркия мен Италия құрамаларының кездесуімен түріледі. Ойын Италия астанасы Рим қаласындағы Олимпиадалық стадионда өткізіледі. Бұл матчта нидерландылық Данни Маккели бас қазы болса, оған отандастары Хессел Стегстра мен Ян де Врис көмекшілік жасайды. Қосалқы төреші – франциялық Стефани Фраппар.
Ойын елорда уақытымен 00:50-де «Qazaqstan» және «Qazsport» телеарналарынан тікелей эфирде көрсетіледі.
Бұған дейін екі құрама 14 мәрте кездескен. Оның 10-ында италиялық футболшылар басым түссе, 4-еуінде қос құрама тең нәтижені қанағат тұтты. Әлі күнге дейін түркиялық футболшылар аталған қарсыласынан басым түсіп көрген емес.
Еске салайық, құрлықтық дода он алтыншы мәрте өткізіліп отыр. Кәрі құрлықта 1960 жылы алғашқы Еуропа біріншілігі ұйымдастырылды. Аталған доп додасы 2021 жылы 12 маусым мен 12 шілде аралығында өткізілуі жоспарланған. Былтыр әлемді жайлаған коронавирус инфекцясына байланысты ол бір жылға кейін шегерілді. Ойындар дүбірлі дода тарихында тұңғыш рет Еуропаның 10 мемлекетінде орналасқан 11 стадионда болады. Бұл дүбірлі доданың 60 жылдық мерейтойына орай ұйымдастырылған.
Биылғы біріншілікте барлығы 24 құрама сынға түседі. Әрбір топтан үздік екі команда мен көрсеткіші жоғары төрт құрама жарысты жалғастыруға мүмкіндік алады.
Құрамалар төмендегі топтарға бөлінген:
А тобы: Уэльс, Швейцария, Түркия, Италия;
В тобы: Финляндия, Бельгия, Ресей, Дания;
С тобы: Украина, Австрия, Солтүстік Македония, Нидерланды;
D тобы: Хорватия, Шотландия, Чехия, Англия;
E тобы: Швеция, Польша, Словакия, Испания;
F тобы: Германия, Венгрия; Португалия, Франция;
<a href="https://lenta.inform.kz/kz/futbol-bugin-europa-birinshiligi-bastalady_a3799842">ҚазАқпарат</a>

Футбол: Бүгін Еуропа біріншілігі басталады

<a href="https://kyzylorda-news.kz/">Kyzylorda-news.kz</a>.&nbsp; Бүгін орталық стадионда футболдан КСРО спорт шебері, ҚР еңбек сіңірген жаттықтырушысы Тимур Сегізбаевты еске алуға арналған 2009 жылы туылған жасөспірімдер арасында облыстық турнирдің салтанатты ашылу рәсімі өтті.
Турнирдің салтанатты ашылуында облыстық мәслихат хатшысы Наурызбай Байқадамов пен облыстық футбол федерациясының бірінші вице-президенті Болат Көшербаев қатысушыларды құттықтап, аты аңызға айналған футболшы Тимур Санжарұлын еске алуға арналған турнирдің өңірде жасөспірім спортшыларды тәрбиелеуде маңызы зор екенін атап өтті.
Қазақстан Тәуелсіздігінің 30 жылдығы аясында ұйымдастырылған футбол додасына Байқоңыр, Қызылорда қалаларынан және аудандардан 8 команда 120 спортшы қатысуда.
Облыста бұқаралық спортты, футболды дамыту мақсатында Тимур Сегізбаев атындағы облыстық турнир биылғы жылы он екінші мәрте ұйымдастырылуда.
Турнирдің жеңімпаз және жүлдегер командалары 13 маусым күні белгілі болады. Ойындар орталық стадионның қосалқы алаңында өтуде.
<img src="https://kyzylorda-news.kz/wp-content/uploads/2021/06/199218575_6362303407129159_3567415484304452219_n.jpg" alt="" />
<img src="https://kyzylorda-news.kz/wp-content/uploads/2021/06/199246622_6362303990462434_5373735073061842968_n.jpg" alt="" />

Қызылордада футболдан Тимур Сегізбаевты еске алу турнирі басталды

<a href="https://kyzylorda-news.kz/">Kyzylorda-news.kz</a>. «Қазгидромет» РМК 12-14 маусым күндергі ауа райы болжамын ұсынды.
<blockquote>
 «Жылы және құрғақ ауа массалары Қазақстанның оңтүстік өңірлерінде жауын-шашынсыз ыстық ауа райының қалыптасуына ықпал етті. Алайда, Скандинавия өңірлерінен келетін суық антициклонның әсерінен, елдің солтүстік жартысында ғана емес, оңтүстік облыстарда да ауа температурасы төмендейді. Егер оңтүстікте ауа температурасы аздап төмендесе, оңтүстік-шығыста термометр бағандары түнде 5…13°С-қа дейін, күндіз 20…28°С-қа дейін төмендейді.
</blockquote>
Атмосфералық фронттардың өтуімен байланысты жекелеген өңірлерде найзағай ойнап, жаңбыр жауады.
12-13 маусымда оңтүстіктің, оңтүстік-шығыс пен шығыстың таулы аудандарында нөсер жаңбыр жауады, жекелеген аудандарда дауыл тұрып, бұршақ жаууы мүмкін», – деді Қазгидрометтен.

Демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz</a>. Қызылорда қаласы және аудан әкімдіктерімен суға түсуге қауіпті аймақтарға 188 ескерту тақтайшалары орнатылды. Бұл туралы Өңірлік коммуникациялар қызметінің ақпарат алаңында облыстық жұмылдыру дайындығы басқармасы басшысының міндетін атқарушысы Талғат Исмағұлов баяндады.
<blockquote>
 «Жыл басынан бері су айдындарында 18 адам қаза болса, оның 12-і кәмелеттік жасқа толмағандар. Су айдындарында адамдардың қаза болуының негізгі себептері – бұл балық аулау кезіндегі абайсыздық, су айдындарында қауіпсіздік шараларын сақтамау және балаларды ата-аналарының қарауынсыз қалдыру»,-деді Талғат Исмағұлов.
</blockquote>
Халық арасында үгіт-насихат және қауіпті учаскелерге бақылау жүргізу мақсатында облыстық төтенше жағдайлар департаменті тарапынан күнделікті сағат 15:00-ден кешкі 22:00-ге дейін рейдтік шаралар ұйымдастырылуда.
<blockquote>
 «Облыста суға түсуге рұқсат етілген 2 жағажай бар. Жақында суға түсуге рұқсат етілген және қауіпті жерлер туралы облыс әкімінің Қаулысы шығады. Сол кезде облыс тұрғындарына хабарлайтын боламыз. Сонымен қатар, қазір қала әкімдігімен бірлесіп коммуникалдық жағажай ашу жоспарлануда. Оған қоса, біздің тарапымыздан аймақта модульдік бассейндер ашу ұсынылды. Бұл жұмыстар суға кету жағдайының алдын алады деп сенеміз»,-деді облыстық төтенше жағдай департаменті бастығының орынбасары Бауыржан Ізбасаров.
</blockquote>
Қазіргі кезде судағы қауіпсіздік ережелерін бұзғаны үшін 13 адамға әкімшілік хаттама толтырылып, ескерту шарасы көрілді.

Қазақстан және Қызылорда облысының жаңалықтары