<a href="https://kyzylorda-news.kz/">Kyzylorda-news.kz</a>.&nbsp;Биыл Сыр маржанын жинауды шаруалар 26 тамызда бастады. Ала жаздай атыз аралаған диқандар егін жинау науқанын 10 қазанда аяқтауды жоспарлап отыр. Бұл туралы бүгін Өңірлік коммуникациялар қызметінің ақпарат алаңында облыстық ауыл шаруашылығы басқармасының басшысы Талғат Дүйсебаев мәлімдеді.
Облыста биыл ауыл шаруашылығы дақылдары 188,1 мың гектар жерге орналастырылған. Оның ішінде негізгі дақыл күріштің көлемі 83,6 мың гектар. Бүгінде 78,9 мың гектар немесе жалпы күріш егісінің 94,4 пайызының суы байланған. Жекеленген шаруашылықтарда тамыз айының 26 күні күрішке орақ түсті.
<blockquote>
 «Биылғы жылы орын алған су тапшылығына байланысты, күріш көлемі өткен жылмен салыстырғанда 5,9 мың гектарға дейін азайды. Оның орнына егісті әртараптандыру бағытында суды аз қажет ететін мал азықтық және майлы дақылдар, көкөніс, бақша дақылдары егілді. Қазіргі таңда күріш орумен қатар қысқа құнарлы мал азығын дайындау жұмыстары жалғасуда. Күзгі егін жинау және дала жұмыстары үшін қажетті жанар-жағар май қоры жеткілікті. Қолда бар ауыл шаруашылығы техникалары күріш егісін оңтайлы мерзім ішінде жинап алуға толық дайын», – деді Талғат Тұрсынұлы.
</blockquote>

Қызылордада егін жинау науқаны басталды

Kyzylorda-news.kz. Бүгін облыс әкімі Гүлшара Әбдіқалықова облыстық әлеуметтік әріптестік және әлеуметтік еңбек қатынастарын реттеу жөніндегі үшжақты комиссияның отырысында комиссияның құрамына енгізілген өзгерістер туралы хабарлады.
Енді комиссияға облыс әкімі төрағалық етеді. Алқаның жаңа мүшелері ретінде Мақсұт Нәлібаев төраға орынбасары, Манарбек Еспенбетов жұмыс берушілердің тарапынан мүше ретінде қосылса, Мұхитжан Кәрімбаев Қызылорда облыстық энергия консорциумының төрағасы, Омархан Пашкенов ҚР Фермерлер қауымдастығының облыстық филиал төрағасы қызметіне тағайындалды.
Отырыста еңбек даулары мен өндірістік жазатайым оқиғалардың алдын-алу бағытындағы шаралар талқыланды.
Жиында облыстық еңбек саласындағы бақылау басқармасының басшысы Төреахмет Жолымбетов жыл басынан бері облыста кәсіпорындар мен мекемелерде 91 тексеру жүргізіліп, 151 заңбұзушылық анықталғанын тілге тиек етті. Оларды жою және болдырмау жөнінде 65 нұсқама беріліп, оның 58-і орындалса, 151 бұзушылықтың 125-сі жойылған, қалғандарының мерзімі бар. Тексеру қорытындысымен 896,9 мың теңге мөлшерінде 12 әкімшілік айыппұл салынды.
Сонымен қатар, жеке және заңды тұлғалардың 493 өтініші қаралып, белгіленген тәртіпте жауап берілген. Жыл басынан бері ықпал ету шаралары нәтижесінде 8 кәсіпорынның 1911 жұмыскеріне 209,6 млн. теңге жалақы қарызы төленді.
Сондай-ақ, жиналыс барысында бірқатар ірі компаниялардың ұжымдары жалақыны көтеру және еңбекақы қарыздарын өтеу секілді жағдайлар талқыланды. Аймақ басшысы еңбек дауларын шешу жолдарын тез арада қарастырып, нәтижесін баяндауды тапсырды.
Мұнан бөлек, жиында өндірістегі жазатайым оқиғалар мәселесі қаралды.
Облыстық еңбек саласындағы бақылау басқармасы 7 айда 48 жазатайым оқиға бойынша арнайы тергеп-тексеру жүргізіліп, 23 жазатайым оқиға еңбек қызметімен байланысты деп танылды.
Жиынды қорытындылаған облыс әкімі компания басшыларына өндірістік жазатайым оқиғаларын алдын-алу бойынша тиісті шаралар қабылдауды міндеттеді. Ал, Қызылорда қаласы және аудан әкімдері және облыстық басқарма басшыларына облыстық кәсіподақтар орталығымен бірлесіп, жұмыс берушілер және жұмысшы ұйымдарыме бірлесіп, үшжақты комиссия қызметінің тиімділігін арттыруды тапсырды.
<blockquote>
 “Туындайтын мәселелерді алдын ала болжап, еңбек ұжымдарымен және жұмыс берушілермен ашық әңгімелескен жөн. Сол үшін жедел әрекет жасап, кез келген диалог түрлерін пайдаланыңыздар. Әр аптаның сәрсенбі күні еңбек заңнамасын түсіндіру үшін «Ашық есік күндері» ұйымдастырылсын. Бұл мәселелер жеке бақылауымда. Компаниялардың жауапкершілігін арттыру мақсатында ҚР Еңбек және халықты әлеуметтік қорғау министрлігіне ұсыныстар 5 күн мерзімінде әзірленсін. Біз үшін әрбір адамның өмірі қымбат”, – деді облыс әкімі.
</blockquote>
Комиссия отырысында берілген тапсырмалардың орындалуын бақылауға алу облыс әкімінің орынбасары Балжан Шәменоваға жүктелді.

Гүлшара Әбдіқалықова: Біз үшін әрбір адамның өмірі қымбат

Kyzylorda-news.kz. Қызылордада Семей ядролық полигоны жабылуының 30 жылдығына орай облыстық ғылыми-танымдық конференция өтті.
«Семей полигонының жабылуы – тәуелсіздіктің теңдессіз жеңісі» тақырыбымен ұйымдастырылған конференцияда, сынақ алаңының жабылуына қатысты тарихи деректер кеңінен талқыланып, полигонда әскери борышын өтеген ардагерлер көзбен көрген оқиғаларымен бөлісті. Ел Тәуелсіздігінің 30 жылдық мерейлі мерекесімен қатар келген айтулы датаның біздің еліміз үшін ғана емес, әлем елдері үшін маңызы туралы айтылды.
Жиынға ҚР Парламенті Сенатының депутаты Ақмарал Әлназарова, облыс әкімінің орынбасары Серік Ахмет, облыстық «Қызылорда-Невада-Семей» қоғамдық бірлестігінің төрағасы Сәбит Әбіш пен бірлестік мүшелері, облыстық ардагерлер кеңесінің төрағасы Серік Әбіш және мәслихат депутаттары, жоғары оқу орындарының ғалымдары, үкіметтік емес ұйым өкілдері, облыстық этномәдени бірлестіктер мен жастар ұйымының жетекшілері мен белсенділері және қала және аудандардағы зиялы қауым өкілдері бейнебайланыс арқылы қатысты.
ҚР Парламенті Сенатының депутаты Ақмарал Шәріпбайқызы Семей ядролық полигонының жабылуы бүкіл әлемдегі ядролық сынақтарға мораторий қою жөніндегі халықаралық іс-қимылға және Орталық Азиядағы ядролық қарудан азат аймақты құруға негіз болғандығын баса айтты.
Сонымен қатар, жалпы қазақстандықтарға ғана емес, бүкіл адамзат үшін маңызды оқиғаға айналған Семей полигонын жабу еліміз Тәуелсіздік алар тұста қабылданған ең маңызды шешім болды деп атап өтті.
Басқосуда облыс әкімінің орынбасары «Қазақстан – әлемде бірінші болып, ядролық қарудан бас тартқан ел. 2009 жылы Елбасымыз 29 тамызды Ядролық қарудан бас тартудың бүкіләлемдік күні деп жариялау жөнінде бастама көтеріп, Біріккен Ұлттар Ұйымы тарапынан қолдау тапты. Нәтижесінде, 40 жыл бойы ажал отын шашқан қасиетті Семей өңіріндегі полигонның жабылуы, Қазақ елі үшін үлкен бақыт, әлем халқы үшін үлкен жетістік әкелді. Семей полигонын жабу және Қазақстанның ядролық қарудан өз еркімен бас тарту жөніндегі тарихи шешімі қабылданған бұл күнді ұлықтау бізге парыз», – деп, бұл күннің ел тарихындағы және адамзат тарихындағы маңызына тоқталды.
Конференция барысында баяндама жасаған «Қорқыт Ата» атындағы Қызылорда университетінің тарих ғылымдарының докторы Тастанбек Сәтпай: «Елбасы 1991 жылдың 29 тамызында Семей полигонын жабу туралы Жарлыққа қол қойып, бұл апат ресми түрде жабылғаны тарихтан белгілі. Бұл сәтте халықтық дипломатияның да жарқын үлгісі көрініс тауып, сынақ алаңының жабылуына жұрт болып жұмыла атсалысты. Бұл ретте «Семей – Невада» антиядролық қозғалысының ықпалын ерекше атап өткен жөн», – деді.
Конференция қорытындысымен Серік Әбжәліұлы облыстық «Қызылорда-Невада-Семей» қоғамдық бірлестігінің төрағасы Сәбит Әбішті 30 жылдық мерекемен құттықтап, облыс әкімі Гүлшара Наушақызының «Алғыс хатын» табыстады.
Айта кету керек, аталмыш мерейлі мерекенің жалғасы 29 тамыз күні облыс әкімінің қатысуымен «Тағзым алаңында» гүл қою шарасымен жалғасады деп күтілуде.
<img src="https://kyzylorda-news.kz/wp-content/uploads/2021/08/img-20210827-wa0063.jpg" alt="" />
<img src="https://kyzylorda-news.kz/wp-content/uploads/2021/08/img-20210827-wa0064.jpg" alt="" />
<img src="https://kyzylorda-news.kz/wp-content/uploads/2021/08/img-20210827-wa0061.jpg" alt="" />

Қызылордада «Семей полигонының жабылуы – Тәуелсіздіктің теңдессіз жеңісі » атты конференция өтті

<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасының қызметкерлерімен жүргізілген жедел іздестіру іс-шараларының нәтижесінде ағымдағы жылдың 21 тамызында Қызылорда қаласында Семей қаласының 22 жастағы тұрғыны синтетикалық есірткі затын сақтағаны үшін құрықталды.
Оның қала орталығынан жалдаған пәтеріне тінту жүргізу барысында&nbsp; есірткі дайындап, сату үшін шағын зертханаға айналдырғаны анықталды.Пәтерде сатуға дайындап қойған екі дана газет қиындысына салынған сұр түсті ұнтақтар, сонымен қатар, есірткіні өлшеуге &nbsp;арналған электронды таразы, рулон фольга, түрлі-түсті изолента, скотчтар және арнайы пакеттер &nbsp;заттай дәлелдеме ретінде алынды.
Сараптама қорытындысымен тұрғын үйден тәркіленген ұнтақтың жалпы салмағы 235,83 грамм «а-пирролидиновалерофенен» немесе «a-PVP» психотроптық заттарға жататынын бекіткен.
Семей қаласының тұрғыны аталған есірткі заттарын жалдамалы пәтерінде өзі өлшеп, бөлектеп, дайындап, интернет желісі арқылы тапсырыс қабылдап, сататыны анықталды.
Күдікті Қызылорда қалалық Полиция басқармасының уақытша ұстау абақтысына қамаққа алынып, бұл дерек бойынша Қазақстан Республикасы Қылмыстық кодексінің 297-бабы 3-бөлігінің 3-тармағына (аса iрi мөлшердегі есірткі, психотроптық заттарға, сол тектестерге қатысты жасалған есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сәйкес сотқа дейінгі тергеп-тексеру амалдары жалғасуда.
Қызылордалық полицейлер соңғы бір ай көлемінде аса ірі мөлшердегі синтетикалық есірткі сатудың екінші дерегін &nbsp;анықтап &nbsp;жолын кесті.

Қызылордада есірткі сақтаған 22 жастағы Семей қаласының тұрғыны ұсталды

<a href="https://kyzylorda-news.kz/">Kyzylorda-news.kz</a>. Коронавирустық инфекция ауруының өсуімен тұрғындардың, жарақаттардан, отаулардан, инсульттан кейін созылмалы аурулары күшейе түсті. COVID-19-мен ауырғандар науқастарда «постковидті синдром» байқалады. Оларға қалпына келтіру емі, үшінші кезеңдегі медициналық оңалту қажет. Ол амбулаториялық жағдайда да жүзеге асырылады.
Сырдария ауданы С.Сейфуллин атындағы ауыл тұрғыны Тұрсынай Мырзағалиева аудандық аурухананың емханасынан күн сайын қажетті ем-дом қабылдайды. Білім саласының ардагері дәрігерлердің барлық тағайындауларын қатаң ұстанады.
Тұрсынай Мырзағалиева инсульт алды. Үш жыл бұрын аяғын сындырды. Көпсалалы облыстық ауруханада эндопротез орнату бойынша ота жасалды. Мұнда ол медициналық оңалтудың бірінші және екінші кезеңдерінен өтті. Биылғы жылы да каронавирустың жағдайы күрделі болып түр. Өзін және және жақындарын қорғау үшін ардақты ұстаз екпе алды.
<blockquote>
 «Жасыма және ауруыма қарамастан, мен коронавирустық инфекцияға қарсы екпе алдым. Бүл індетті тоқтату және ұжымдық иммунитетті тез дамыту үшін барлық тұрғындарды вакцинациялауға шақырамын. МӘМС жүйесінде сақтандырылған азаматтар үшін медициналық оңалту қызметтері қолжетімді болғанына қуаныштымын. Аудандық ауруханада қалпына келтіру емінің барлық түрлері қарастырылған және арнайы жабдықтар бар. Сонымен қатар, емхана жақын орналасқан. Қазір денсаулығым жақсарды. Дәрігерлерге мың алғыс!», – дейді Тұрсынай Мырзағалиева.
</blockquote>
Жыл басынан бері Сырдария аудандық ауруханасында 127 адам медициналық оңалту емін алды, оның 28-і – амбулаториялық жағдайда.
Амбулаториялық оңалту бөлімінің меңгерушісі Салтанат Бакишеваның айтуынша, көбінесе бас ми қан айналымның бұзылысының салдарынан, жүрек ишемиялық аурулар және ауыр жарақаттан кейінгі жағдайлар бойынша науқастар емделеді.
<blockquote>
 «Сондай-ақ COVID-19-мен ауырған, қатар жүретін аурулары бар пациенттер келіп түседі. Коронавирустық пандемия оңалтудың қаншалықты маңызды екендігін және бұл бастама қаншалықты уақытылы жүзеге асырылғанын көрсетті», – деп атап өтті Салтанат Бәкішева.
</blockquote>
2020 жылы МӘМС енгізіліген сәттен бастап, медициналық оңалту шығыны 1,41 млрд теңгені құраса (2019 жылға қарағанда 23,8 есеге көп), 2021 жылға жоспарланған тек МӘМС пакетінде қарастырылған қаражат 2,47 млрд теңге, яғни өткен жылмен салыстырғанда 1,06 млрд теңгеге өскен (75,2%).
<img src="https://kyzylorda-news.kz/wp-content/uploads/2021/08/syrdarija-1-1-scaled.jpg" alt="" />

Сырдария ауданының 100-ден астам тұрғыны медициналық оңалту емін алды

<a href="https://kyzylorda-news.kz/">Kyzylorda-news.kz</a>.&nbsp;Бүгін Қорқыт Ата атындағы Қызылорда университетінің бас оқу ғимаратының мәжіліс залында онлайн форматта ZOOM&nbsp; платформасында&nbsp; “Қазақстан Республикасының Конституциясы: бірлік, тұрақтылық, өркендеу”&nbsp; атты ғылыми-тәжірибелік конференциясы өтті.
Шараны Қорқыт Ата атындағы Қызылорда университетінің Ғылым департаментінің директоры, география ғылымдарының кандидаты, профессор Қали&nbsp; Омаров ашты.
Жиынға ZOOM-мен оқытушы-профессорлар, білім алушылар қатысып, еліміздің Ата заңына байланысты баяндамалар оқылды.
Философия ғылымдарының докторы Баймырза Қожамберліұлы баяндамасында біздің Қазақстан Республикасының Конституциясының ұстанымдары жайлы сөз қозғады. Конституция 4 ұстанымға негізделген. Бірінші ұстаным – қоғамдағы саяси тұрақтылық. Екіншісі – экономикалық даму. Үшінші ұстаным – Қазақстандық патриотизм, соңғысы – барлық мәселені референдуммен шешу екенін түсіндіріп, әр ұстанымға тоқталды.&nbsp;
<blockquote>
 «Адамның ар-намысына , қадір-қасиетіне ешкім қол сұға алмайды. Осыған орай, жастарға Конституцияны жаттап, өз құқығын білуге, заңға сауатты болуға шақырамын»,&nbsp; – деді Баймырза Қожамберліұлы.
</blockquote>
Сонымен қатар, ҚР Президент жанындағы мемлекеттік басқару академиясының Қызылорда облысы бойынша филиалының профессоры, заң ғылымдарының кандидаты Ақзада Айдарқызы Конституцияның ережелерімен, құрылысы және құрылымымен таныстырды. Бұдан бөлек, PhD, Қорқыт Ата атындағы Қызылорда университеті құқықтану кафедрасының аға оқытушысы Айнұр Жеңісқызы кәмелеттік жасқа толған барлық жастардың Конституция заңдарын қатаң сақтауға міндетті екенін ескертті.
Конференцияның соңында Қали Омаров барлық конференцияға қатысушыларды 30 – тамыз Конституция күнімен құттықтап, конференцияны қорытындылады.

Университетте Конституция күніне арналған ғылыми-тәжірибелік конференциясы өтті

<a href="https://kyzylorda-news.kz/">Kyzylorda-news.kz</a>.&nbsp;Қызылорда қалалық Полиция басқармасының қызметкерлері қала&nbsp; орталығында орын алған көлік құралын заңсыз иемдену қылмысын ашты.
24 тамыз күні сағат 00:15 шамасында, белгісіз адам қала орталығында орналасқан жанар май құю бекетінің жанындағы дүкен алдында тұрған «Лада Гранта» маркалы автокөлігін иемденіп, айдап кеткендігі жөнінде полицияға арызданған.
Полиция қызметкерлерімен жүргізілген жедел-іздестіру жұмыстарының нәтижесінде күдікті ретінде 31 жастағы қала тұрғыны ұсталды. Жәбірленушіге келтірілген&nbsp; материалдық шығын&nbsp; 800 мың теңге
Орын алған дерек бойынша, Қазақстан Республикасы Қылмыстық кодексінің 200-бабының 1-бөлігімен (Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу (айдап кету) сотқа дейінгі тергеп-тексеру амалдары жүргізілуде. Оқиғаның мән-жайлары анықталуда. Күдіктіге қатысты ешқайда кетпеу және тиісті мінез-құлық туралы бұлтартпау шарасы таңдалды.

Көлік ұрлаған қызылордалық ұсталды

<a href="https://kyzylorda-news.kz/">Kyzylorda-news.kz</a>. Қоғамдық құқық бұзушылықтың алдын алу мақсатында Қазалы ауданы орталығы – Әйтеке би кентінің 10 нүктесіне бейнебақылау камералары орнатылуда.
Камера орнатушы мамандардың айтуынша, бақылау камераларының түсіру сапасы өте жақсы. Бұл құрылғылар арқылы аудан полицейлері құқық бұзушылықтардың алдын алады әрі оның салдарын еркін анықтайды. Жаңа камералар арқылы көлік жүргізушілерін де тәртіпке салуға болады. Жарықтың жағылмауы, қауіпсіздік белдігінің тағылмауы, жол қозғалысы ережелерінің бұзылуы – енді бәрі камералардың назарында.
Аудан әкімі Мұхтар Оразбаев бейнебақылау камераларын орнатушы мамандармен кездесіп, жұмыстың барысымен танысты. Қазіргі таңда қоғам үшін қажетті құрылғыларды сапалы орнатып, тиісті мамандарға тапсыру қажеттігін айтты.

Қазалы ауданында бейнабақылау камералары орнатылды

<a href="https://kyzylorda-news.kz/">Kyzylorda-news.kz</a>.&nbsp;Биыл Семей ядролық полигонының жабылғанына 30 жыл. Осыған орай Қызылорда облыстық бюджеттен Семей ядролық сынақ полигонының зардабын жоюға қатысқан азаматтарға жыл сайын 30 айлық есептік көрсеткіш мөлшерінде біржолғы әлеуметтік көмек төленіп келеді. Бұл туралы бүгін Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдукаримов мәлімдеді.
Биылғы жылдың тамыз айында Қызылорда облысы бойынша жергілікті бюджеттен 30 АЕК мөлшерінде (1 адамға – 87 510 теңге) барлығы 464 адамға 40 604,6 мың. теңге біржолғы әлеуметтік көмек төленді. Сонымен қатар, осы жылы 29 тамызда Семей ядролық полигонының жабылғанына 30 жыл толуына орай, аталған санаттағы азаматтарға облыстық бюджет есебінен қосымша 40 АЕК (116680 теңге) мөлшерінде біржолғы әлеуметтік көмек көрсету жоспарланған.
Айта кетейік, «Азаматтарға арналған үкімет» мемлекеттік корпорациясы» АҚ-ның Қызылорда облысы бойынша филиалы ұсынған тізімге сәйкес көмек алушылар саны 479 адамды, тиісінше қажетті қаржы көлемі 55890,0 мың теңгені құрады.

Қызылорда: Ядролық сынақтан зардап шеккендерге көмек көрсетілді

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысында балалар арасында коронавирус инфекциясы деңдеп барады. Қазіргі таңда облыстық балалар ауруханасында 46 бала ем алып жатса, оның ішінде 1 жасқа толмаған 13 сәби індетпен күресуде. Ал 3 жасөспірім жан сақтау бөлімінде жатыр. Бұл туралы Өңірлік коммуникациялар қызметінде өткен баспасөз конференциясында көп бейінді облыстық балалар ауруханасының онкогематолог дәрігері Жанна Жандарбекова мәлімдеді.
<blockquote>
 «Коронавирусқа шалдыққан балалар саны күн санап көбейіп келеді. Облыстық балалар ауруханасына сәуір айынан бастап 158 бала келіп түсті. Бүгінгі күні толық емделіп шыққан балалар саны – 82. Осы орайда ата-аналарға айтарым, балаларыңызды барынша санитарлық талаптарды сақтауға шақырыңыздар. Індет жас талғамайды. Сондықтан балалармен көпшілікке жерге баруды азайтып, иммундық жүйені жақсартатын пайдалы тағамдарды көп тұтынған абзал», – деді сала маманы Жанна Исатайқызы.
</blockquote>

Covid-19: Қызылордада балалар арасында індет өршіп барады

<a href="https://kyzylorda-news.kz/">Kyzylorda-news.kz</a>.&nbsp;Биыл Қызылорда облысының әкімі мектеп бітіруші түлектердің жоғары оқу орнынан білім алуы үшін 100 грант тағайындады. Қызылорда қаласы мен аудандарда құрылған арнайы комиссия өтініш берген 138 үміткердің құжаттарын қарап, нәтижесінде барлығы 98 грант иегері анықталды. Бұл туралы бүгін Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мейрамбек Әбдукаримов мәлімдеді.
Әкімдік жанынан құрылған арнайы комиссияның шешімімен облыс әкімінің гранты еліміздегі үздік 4 жоғарғы оқу орнына бөлінді. Қорқыт ата атындағы Қызылорда университетіне – 67, «Нұр-Мүбарак» университетіне – 6, М.Оспанов атындағы Батыс Қазақстан мемлекеттік медицина университетіне – 11, С.Ж. Асфендияров атындағы Қазақ Ұлттық медицина университетіне – 16 түлек тегін білім алуына мүмкіндік алды. Әкім грантын иеленгендердің 57-і көп балалы отбасынан, 18-і тұрмысы төмен отбасынан, 11-і асыраушысынан айырылған отбасынан, 9-ы ата-анасының біреуі мүгедек, 1-і «Атамекен» балалар үйінің тәрбиеленушісі, 2-і мүгедек бала.
Сонымен қатар, тағайындалған гранттар бойынша білім беру саласының математика, орыс тілі мен әдебиеті, қазақ тілі мен әдебиеті, шет тілі, биология, денешынықтыру және спорт, бастауышта оқыту педагогикасы мен әдістемесі мамандықтарына – 38 грант, өнер саласы бойынша дәстүрлі музыка өнері, хореография мамандығына – 7 грант, ақпараттық қауіпсіздік жүйесіне – 2 грант, азық түлік өнімдерін өндіру технологиясына – 1 грант, инженерлік желілер мен жүйелерге – 5 грант, су ресурстары және суды пайдалануға – 1 грант, кадастр және жерге орналастыруға – 1 грант; журналистика және репортер ісіне – 10 грант, дінтанушы мамандығына – 6 грант, медицина саласы бойынша жалпы медицинаға – 27 грант тағайындалды.

Қызылорда облысы әкімінің 98 грант иегері анықталды

<a href="https://kyzylorda-news.kz/">Kyzylorda-news.kz</a>. Қызылорда облысында мемлекеттік көрсетілетін қызметтер заңнамасын бұзған басшылар әкімшілік жауапкершілікке тартылды.
Жыл басынан Қызылорда облысында қызмет көрсету талаптарын бұзған мемлекеттік органның басшыларына жалпы сомасы 393&nbsp;795 теңгеге 10 әкімшілік айыппұл салынған. Бұл жөнінде ҚР Мемлекеттік қызмет істері агенттігінің Қызылорда облысы бойынша департаментінің басшысы Рафхат Бисенов баспасөз мәслихаты барысында хабарлады.
Мемлекеттік қызметтерді көрсету барысында кездесетін заңбұзушылықтардың негізгі себептері – мерзімдерді сақтамау және қызмет көрсетуден негізсіз бас тарту болып отыр.
Айыппұл арқалаған басшылардың қатарында кент әкімі, аудандық бөлім басшыларынан бастап облыстық басқарма басшысы мен Қызылорда қаласының басшылығы да бар.
Атап айтар болсақ, жер учаскесінің нысаналы мақсатын өзгертуге шешім берудің мерзімін бұзғаны үшін Қызылорда қаласы әкімінің міндетін атқарушыға 3 әкімшілік хаттама толтырылып, айыппұлдар салынған.
Сондай-ақ, жер учаскелерін қалыптастыру жөнінде жерге орналастыру жобаларын бекіту қызметінің тәртібі мен мерзімін бұзғаны үшін облыстық жер қатынастары басқармасының басшысы 2 рет әкімшілік айыппұл төлеген.
Бұдан басқа Жаңақорған ауданының сәулет, қала құрылысы және құрылыс бөлімінің басшысы мемлекеттік қызметті көрсету мерзімдерін үш ай ішінде екі рет бұзып, айыппұлдар арқалаған.
«Жыл басынан бері Қызылорда облысында мемлекеттік көрсетілетін қызметтер саласындағы заңнама талаптарын бұзғаны үшін әкімшілік жауапкершілікке тартылғандар саны өткен жылдың ұқсас кезеңімен салыстырғанда екі есеге артқан.
<blockquote>
 «Департамент мемлекеттік көрсетілетін қызметтер көрсету саласына бағалау және бақылау жүргізетін уәкілетті орган ретінде ай сайын мемлекеттік органдармен көрсетілетін қызметтерге тұрақты түрде мониторинг жүргізіп, бұзушылықтарды анықтап, жауапты тұлғаларды әкімшілік және тәртіптік жауапкершіліктерге тартып отырады. Бұл бағыттағы жұмыстар жалғасын табады», – деді Рафхат Бисенов.
</blockquote>
Айта кету керек, мемлекеттік қызметтерді көрсету барысында заңбұзушылықтарға жол бергені үшін 2020 жылы 12 әкімшілік хаттама толтырылып, 437&nbsp;257 теңге өндірілген болатын. Соның ішінде, Қызылорда қалалық сәулет және қала құрылысы бөлімінің басшысы 4 рет, Қызылорда облысының табиғи ресурстар және табиғат пайдалануды реттеу басқармасының бөлім басшысы 3 рет әкімшілік жауапкершілікке тартылған.

Қазақстан және Қызылорда облысының жаңалықтары