<a href="https://kyzylorda-news.kz/">Kyzylorda-news.kz</a>. Қазалы ауданына қарасты Қ.Пірімов ауылында спорт кешенінің құрылысы басталды.
Жаңа нысанның іргетасын қалау рәсіміне аудан әкімі Мұхтар Оразбаев, аудандық мәслихат хатшысы Бақытжан Жарылқап, ауыл ақсақалдары қатысты.
Ауыл тұрғындарының атынан еңбек ардагері, ауылдық ардагерлер кеңесінің төрағасы Төлепберген Тілеуқабылов аудан басшысына алғысын жеткізді.
Аудандық құрылыс, сәулет және қала құрылысы бөлімінің басшысы Нұрбек Күзембаев спорт кешені құрылысының жобасымен таныстырып, жаңа нысан келесі жылы пайдалануға берілетіндігін жеткізді.
Спорт кешенінің құрылысын “Ахат + ГС” ЖШС жүргізіп жатыр. Спорт кешені пайдалануға берілген уақытта ауыл балалары еркін күрес, грек-рим күресі, самбо, дзюдо, бокспен шұғылданып, бос уақыттарын тиімді пайдаланатын болады.
<img src="https://kyzylorda-news.kz/wp-content/uploads/2021/08/240803427_3140833032804289_1240940240374278303_n.jpg" alt="" />
<img src="https://kyzylorda-news.kz/wp-content/uploads/2021/08/240817247_3140833336137592_274993566946057870_n.jpg" alt="" />

Қ.Пірімов ауылында спорт кешенінің құрылысы басталды

<a href="https://kyzylorda-news.kz/">Kyzylorda-news.kz</a>. Қызылорда қаласында жол-көлік оқиғасынан жедел жәрдем қызметкерлері көз жұмды.
№5 қалалық емхана ұжымы фельдшер Жадыра Омарова және жедел жәрдем көлігінің жүргізушісі Бақытжан Маенов қызмет бабында қаза тапқанын хабарлады.
Оқиға 29 тамыз таңғы сағат 05:46 шамасында Қызылорда қаласында орталық көшелердің бірінде болды. Масаң күйдегі «Toyota Land Cruiser» автокөлігінің жүргізушісі көліктің басқару жүйесіне ие бола алмай, бағдаршам алдында тоқтап тұрған жедел жәрдем автокөлігіне соққан.
«Жол-көлік оқиғасынан екі адам медициналық мекемеде көз жұмды. Тексеру барысында «Toyota Land Crusier» автокөлігінің жүргізушісі орта дәрежедегі масаң күйде болғаны анықталды. Бұл азамат 2016 жылғы қараша айында Қызылорда қаласының мамандандырылған әкімшілік сотының шешімімен 5 жылға көлік құралын басқару құқығынан айырылған. Жол-көлік оқиғасы бойынша ҚР Қылмыстық кодексінің 346-бабының 6-бөлігімен сотқа дейінгі тергеп-тексеру амалдары жүргізілуде», – деп мәлім етті Қызылорда қалалық полиция басқармасынан.
«Toyota Land Cruiser» автокөлігінің жүргізушісі Қызылорда қалалық полиция басқармасының уақытша ұстау абақтысына қамалған. Тиісті сараптамалар тағайындалды. Оқиғаның мән-жайы анықталып жатыр.
<img src="https://kyzylorda-news.kz/wp-content/uploads/2021/08/h0vfhozb.jpg" alt="" />

Қызылордада 2 жедел жәрдем қызметкері жол апатынан көз жұмды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6533 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 1445,
Алматы қаласы – 702,
Шымкент қаласы – 116,
Ақмола облысы – 285,
Ақтөбе облысы – 73,
Алматы облысы – 346,
Атырау облысы – 643,
Шығыс Қазақстан облысы – 112,
Жамбыл облысы – 422,
Батыс Қазақстан облысы – 27,
Қарағанды облысы – 1311,
Қостанай облысы – 305,
Қызылорда облысы – 150,
Маңғыстау облысы – 195,
Павлодар облысы – 153,
Солтүстік Қазақстан облысы – 142,
Түркістан облысы – 106.
Қазақстан бойынша жазылғандар саны – 673629.

Қызылордада 150 адам індеттен айықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4322 адамда коронавирус індеті ПТР арқылы расталып ауырғаны белгілі болды, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 376,
Алматы қаласы – 1309,
Шымкент қаласы – 137,
Ақмола облысы – 259,
Ақтөбе облысы – 123,
Алматы облысы – 359,
Атырау облысы – 126,
Шығыс Қазақстан облысы – 166,
Жамбыл облысы – 34,
Батыс Қазақстан облысы – 46,
Қарағанды облысы – 551,
Қостанай облысы – 245,
Қызылорда облысы – 65,
Маңғыстау облысы – 109,
Павлодар облысы – 296,
Солтүстік Қазақстан облысы – 76,
Түркістан облысы – 45.
Жалпы ел бойынша ауырғандар саны 789471.

Қызылордада 65 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қазақстан аумағының басым бөлігіне атмосфералық фронттар әсер етеді, деп хабарлайды Қазгидромет.
Салдарынан найзағай ойнап, жаңбыр жауады. Орталық пен шығыста қатты жаңбыр жауады. Жел күшейеді.
Орталықта, шығыста, оңтүстік-шығыста бұршақ жауады.
Тек еліміздің батысы, солтүстік-батысы және солтүстігінде антициклон әсерінен жауын-шашын жаумайды, күн ашық.
Алматы облысында найзағай болып, жел қарқыны – 15-20 м/с.
Жамбыл облысында найзағай, бұршақ болып, облыстың оңтүстік-батысында, солтүстік-шығысында жел 15-20 м/с, күндіз екпіні 23 м/с дейін күшейеді.
Түркістан облысының таулы аудандарында күн күркірейді, желдің күші 15-20 м/с болады.
Қостанай облысының солтүстігінде түнде тұман түседі, күндіз облыстың оңтүстік-шығысында жел қарқыны 15-20 м/с жетеді.
Қарағанды облысының солтүстік-шығысында, шығысында, оңтүстігінде және орталығында – найзағай, бұршақ, дауыл, жел екпіні – 15-20 м/с. Түнде және таңертең облыстың солтүстігінде тұман болады.
Шығыс Қазақстан облысында найзағай, күндіз облыстың батысында, солтүстігінде, солтүстік-батысында және орталығында найзағай, дауыл болады, облыстың солтүстік-батысында жел 15-20 м/с, солтүстік-батысымен орталығында екпіні 23 м/с болады.
Павлодар облысының батысында тұман түседі. Ақмола облысының солтүстігінде және солтүстік-шығысында түнде және таңертең тұман болады.
Күндіз Қызылорда облысының солтүстік-батысында жел 15-20 м/с дейін күшейеді.
Қостанай облысының солтүстігі мен шығысында топырақ бетінде 2 градус үсік сақталады.
Ақмола, Солтүстік Қазақстан облыстарының солтүстігі мен батысында топырақ бетінде 2 градус үсік жүреді.
Маңғыстау, Атырау, Батыс Қазақстан, Ақтөбе, Түркістан, Жамбыл облыстарында, Қызылорда, Қостанай, Алматы облыстарының басым бөлігінде, Қарағанды облысының батысында және оңтүстік-батысында, Шығыс Қазақстан облысының оңтүстігінде, Ақмола облысының батысында, Павлодар облысының орталығында төтенше өрт қаупі сақталады.

Жаздың соңғы күні ауа райы қандай болады?

<a href="https://kyzylorda-news.kz/">Kyzylorda-news.kz</a>. Қызылорда қаласына республикалық ақпараттық түсіндіру тобы мүшелері келіп, аймақтың дінтанушы-теолог, имамдарымен кездесті.
Аталған шара Қызылорда облысының дін істері басқармасының қолдауымен «Қызылорда облысының жастар Одақтары» қоғамдық бірлестігінің ұйымдастыруымен өтті.
Бұл кездесуге Нұр-Сұлтан қаласының Діндерді зерттеу орталығы ЖШС директорының орынбасары Ж. Сүлейменовпен және дінтанушы-теолог маманы Т. Өмірзақовтар өңірдің имамдарымен дін саласының теолог мамандарына дін саласында көптеген ақпараттар айтып, қатысушылардың ұсыныс пікірлері тыңдалды..

Қызылорда: Республикалық ақпараттық түсіндіру тобы аймақтың дін саласы өкілдерімен кездесті

<a href="https://kyzylorda-news.kz/">Kyzylorda-news.kz</a>. Бүгін Қазалы ауданының орталығы – Әйтеке би кентінде «Сезім» сауда орталығы ашылды.
Аумағы 1500 шаршы метр болатын сауда орталығын жеке кәсіпкер Күлай Батыр іске қосты.
Жобаның жалпы құны 200 млн теңге. Кәсіпкер «Бизнестің жол картасы – 2025» мемлекеттік бағдарламасы арқылы 23 млн теңге жеңілдетілген несие алған. Сауда орталығында 6 адам жұмыспен қамтылады.
Кәсіпкердің айтуынша, сауда орталығының бірінші қабатында 50 бутик ашылса, екінші қабаты тұрмыстық техникалар сататын «Эврика» дүкендер желісі арендаға алады. Бұл жөнінде алдын ала келісім бар.
Жаңадан ашылған сауда орталығын аудан әкімі Мұхтар Оразбаев пен аудандық мәслихат хатшысы Бақытжан Жарылқап аралап, кәсіпкердің жұмысына сәттілік тіледі.
Кәсіпкерлік саласының дамуына үлес қосқан Күлай Батыр аудан әкімінің «Алғыс хатымен» марапатталды.
Жеке кәсіпкер Күлай Айменқызы көп жыл кинопрокат мекемесінде жұмыс істеген. 2000 жылдан бастап жеке кәсіпкерлікпен айналыса бастаған. Кәсібін дөңгелетуге жұбайы мен балалары қолғабыс жасап, үнемі жанынан табылады.
<img src="https://kyzylorda-news.kz/wp-content/uploads/2021/08/240752470_3140806219473637_2305989169386508616_n.jpg" alt="" />
<img src="https://kyzylorda-news.kz/wp-content/uploads/2021/08/240788169_3140805979473661_4281432294138813003_n.jpg" alt="" />
<img src="https://kyzylorda-news.kz/wp-content/uploads/2021/08/240811834_3140806029473656_5259418627535371627_n.jpg" alt="" />
<img src="https://kyzylorda-news.kz/wp-content/uploads/2021/08/240826228_3140805916140334_3813596141959519122_n.jpg" alt="" />

«Бизнестің жол картасы &#8211; 2025»: Қазалыда жаңа сауда орталығы ашылды

Kyzylorda-news.kz. Қызылорда қаласының әкімі Ғанибек Қазантаев облыс орталығындағы тұрғын үйлердің жылу маусымына дайындық барысын пысықтады.
Қала бойынша барлығы 815 көпқабатты тұрғын үйдің 711 орталықтандырылған жылу жүйесіне қосылған, оның 104 үйі автономдық блокты модульдік қазандықтар арқылы жылытылады. Қаладағы көпқабатты тұрғын үйлерді жылумен үздіксіз қамтамасыз ету мақсатында 4 серіктестік және 13 пәтер иелері кооперативтері тиісті жұмыстарын атқаруда.
Қазіргі таңда көпқабатты тұрғын үйлердегі ақауларды ретке келтіру, өжіре ішіндегі тозығы жеткен жылу құбырларын және вентильдерін ауыстыру жұмыстары жүргізілуде.
Өткен аптадан бастап шаһар басшысы қаладағы тұрғын үйлердің қысқа дайындық барысын аралап, халықпен кездесуді бастаған еді. Келесі кезекте Н.Назарбаев даңғылы бойындағы №2А үй мекенжайында орналасқан жатақханамен сол маңда тұратын үйлердің тұрғындармен кездесіп, ұсыныстарын тыңдады. Мұндағы тұрғын үйлердің өжірелері тозығы жеткенін жеткізген тұрғындарға Ғанибек Қонысбекұлы қала бойынша биылғы жылу беру маусымына дайындық жұмыстарын ұйымдастыру жөнінде қалалық штаб құрылып, бүгінгі таңда жоспарлы түрде бекітілген кестеге сәйкес жүргізіліп жатқанын жеткізе отырып, кәріз жүйесіне байланысты туындаған мәселелер бойынша сала басшыларына тез арада қалыпқа келтіріп, сапалы орындауды тапсырды.
Биылғы жылу маусымына дайындық жұмыстарын жүргізу мақсатында 80-ге жуық көп қабатты тұрғын үйлерге тиісті жұмыстар жүргізіліп, барлық үйлердің пәтер ішілік жөндеу жұмыстары жылу маусымына дейін толық аяқталып, уақытылы қосылатын болады.

Қызылордада жылу маусымына дайындық жұмыстары пысықталды

Kyzylorda-news.kz. Ресейдің Л.Пастер атындағы эпидемиология және микробиология институтының директоры Арег Тотолян не себепті кейбір адамдар коронавирус жұқтырмайтынын айтты, деп хабарлайды <a href="https://stan.kz/ne-sebepti-keybir-adamdar-koronavirus-zhyktirmaydi-gali-350314/?yrwinfo=1630332235182997-6629100969163497198-vla1-3884-vla-l7-balancer-prod-8080-BAL-6927">Stan.kz</a>.
Оның сөзінше, кей адамдардың ағзасы коронавирусқа төтеп бере алады. Оған себеп – генетикадағы өзгешеліктер, адам денесіндегі альфа интерферондары мен қандағы лимфоциттердің жоғары мөлшері.
<blockquote>
 “Мамандарды адам ағзасы әлдеқандай вирусқа қалай төтеп береді деген сұрақ қызықтырып келеді. Бұл тұрғыда коронавирус та бар. Альфа интерферонының жоғары деңгейі, қандағы лимфоциттердің жоғары мөлшері мен белгілі бір генетикалық маркерлері өзгеше адамдардың ағзасында қорғаныс қабілеті басымдылыққа ие. Басқа факторлар да бар, бірақ біз оларды толығымен зерттеген жоқпыз”, – дейді ғалым.
</blockquote>
Оның сөзінше, мұндай қорғаныс жасушалары вирус ағзаға енген күннен бастап онымен күресе бастайды.
<blockquote>
 “Егер денеде иммундық жүйенің жасушалары синтездейтін және шығаратын альфа интерферонының деңгейі жоғары болса, онда инфекция қаупі төмендейді. Альфа интерферонының препарат ретінде бар екені бекер емес, ол респираторлық вирустық инфекциялардың емі мен алдын алу үшін қолданылады. Коронавирус жағдайында ол жасушаға әлі енбеген вирустық бөлшектерді бейтараптандыруға атсалысады”, – деп қосты ғалым.
</blockquote>
Бұған қоса, ол коронавируспен ауырған науқастар міндетті түрде ағзасын қайта қалпына келтіру керек екенін алға тартты.

Не себепті кейбір адамдар коронавирус жұқтырмайды? &#8211; Ғалым жауап берді

Kyzylorda-news.kz. ҚР Президенті Қасым-Жомарт Тоқаев 1 қыркүйекте Қазақстан халқына кезекті жолдауын жолдайды. Бұл туралы мемлекет басшысының баспасөз хатшысы Берік Уәли “Facebook” желісіндегі парақшасында хабарлады.
<blockquote>
 “1 қыркүйекте, сағат 11:00-де мемлекет басшысы Қасым-Жомарт Тоқаев екі палатаның бірлескен отырысында Қазақстан халқына жыл сайынғы жолдауын жолдайды. Жолдауда президент алдағы кезеңге елдің әлеуметтік-экономикалық дамуының басым мақсаттарын жариялайды”, – деп жазды Берік Уәли.
</blockquote>
Берік Уәли атап өткендей, мұндай жолдаулар президенттің тәжірибесінде жыл сайын болады.

Президент Қазақстан халқына кезекті Жолдауын жолдайды

Kyzylorda-news.kz. Қызылорда облысының әкімі Гүлшара Әбдіқалықова сырбойылықтарды Қазақстан Республикасының Конституциясы күнімен құттықтады.
Қадірлі сырбойылықтар! Баршаңызды еліміздің ұлық мерекесі – Қазақстан Республикасының Конституциясы күнімен шын жүректен құттықтаймын!
Қазақстан Республикасының Конституциясы – мемлекетіміздің басты құжаты. Елбасымыз Нұрсұлтан Әбішұлы Назарбаев атап өткендей, «Ата Заңмен өмір сүру – білімі мен тәжірибесін өмір бойы үйренетін демократияның жоғары мектебі».
Әлемде алуан рет Конституция қабылдап, басқару жүйесін соған негіздеген мемлекеттер өркениетті қоғам құрудың алғы шарттарын жасағаны белгілі.
Осы тұрғыда Қазақстандағы мемлекеттік құрылым, Конституциялық құрылыс идеясы мен тарихын зерделесек, оның ғасырлар қойнауының тереңінде жатқанын көреміз.
Ұлы Даланың өсиетіндей «Қасым ханның қасқа жолы», «Есім ханның ескі жолы» жәнеӘз Тәукенің «Жеті Жарғысы» сол кездің өзінде-ақ аса маңызды роль атқарды.
Ал, 1995 жылы 30 тамызда жалпыхалықтық референдум арқылы қабылданған Конституциямыз заман талабына сай мемлекет пен қоғамның демократиялық тұрғыда жаңаша дамуына, қоғамның саяси, әлеуметтік-экономикалық салаларының түпкілікті жаңғыруына негіз қалады.
Азаматтардың құқықтары мен бостандықтарының мемлекет мүддесінен жоғары қойылуы Ата Заңның басты ұстанымы болып табылды. Сондықтан да оны еркіндік пен бостандықты армандап өткен ата-бабаларымыздың мақсат-мұраттарының орындалғаны, дала демократиясының заңды жалғасы деп айта аламыз.
Міне, енді биыл Тәуелсіздігіміздің 30 жылында Қазақстанның Ата заңы уақыт сынынан сүрінбей өтіп, өзінің заман талабына лайықтығын жан-жақты дәлелдеп отыр.
Ел Президенті Қасым-Жомарт Кемелұлы Тоқаевтың сөзімен айтсақ, «Біз мемлекеттің берік конституциялық негізіне сүйене отырып, елдегі келісім мен саяси тұрақтылықты сақтаймыз және азаматтық қоғаммен сындарлы байланысты жалғастыра береміз. Қазіргі қиындықтарды бірге еңсеріп, көздеген мақсатымызға жететінімізге сенімім мол».
Қымбатты жерлестер! Сіздерді еліміздің басты мерекесі – Конституция күнімен құттықтай отырып, әрбір отбасына амандық-саулық, береке-бірлік, мықты денсаулық тілеймін! Тәуелсіз еліміздің тұғыры берік, ғұмыры мәңгі болғай!

Гүлшара Әбдіқалықова қызылордалықтарды құттықтады

Kyzylorda-news.kz. Мемлекет басшысы Қасым-Жомарт Тоқаев қазақстандықтарды Конституция күнімен құттықтады, деп хабарлайды Ақорданың баспасөз қызметі.
<blockquote>
 “Ата заңымыз – қастерлі Тәуелсіздігіміздің сенімді тірегі. Конституция мемлекетіміздің заң жүзінде және саяси тұрғыдан демократия қағидаттары мен заң үстемдігін ұстанатынын айғақтайды. Сондай-ақ ұзақ мерзімді даму бағдарымызды айқындайды”, – делінген құттықтауда.
</blockquote>
Тоқаев ҚР Тұңғыш Президенті – Елбасы Нұрсұлтан Назарбаевтың бастамасымен және тікелей атсалысуымен әзірленген еліміздің бас құжаты әлеуметтік-экономикалық жетістіктеріміздің және қоғамдық өмірдің барлық саласындағы ауқымды реформаларымыздың берік тұғыры болып саналатынын атап өтті.
Конституциямыздың ұлағатты ұстанымдары экономикалық дағдарыстарды батыл еңсеріп, болашаққа сеніммен қадам басуымызға жол ашады. Біз азаматтардың құқықтары мен бостандықтарына кепілдік беретін мызғымас құндылықтарға сүйене отырып, әділ мемлекет құрамыз. Басты мақсатымыз – халықтың тұрмыс сапасы мен әл-ауқатын арттыру, деді президент.
Сонымен қатар ол Ата заң ел бірлігін және адамның ар-ұжданы мен абыройына қол сұғуға болмайтынын негіздеп, кемсітудің кез-келген түріне тыйым салу арқылы ұлтымызды ұйыстыратынын, осы басты ұстанымдар баға жетпес байлығымыз – ішкі саяси тұрақтылықты қамтамасыз ететінін айтты.
Президент барша қазақстандыққа зор денсаулық, бақ-береке және мол игілік тіледі.
Бүгін, 30 тамыз – Қазақстанда Конституция күні. Биыл Ата заңға 26 жыл толып отыр.

Қазақстан және Қызылорда облысының жаңалықтары

Қ.Пірімов ауылында спорт кешенінің құрылысы басталды

Қызылордада 2 жедел жәрдем қызметкері жол апатынан көз жұмды

Қызылордада 150 адам індеттен айықты

Қызылордада 65 адамнан коронавирус анықталды

Жаздың соңғы күні ауа райы қандай болады?

Қызылорда: Республикалық ақпараттық түсіндіру тобы аймақтың дін саласы өкілдерімен кездесті

«Бизнестің жол картасы – 2025»: Қазалыда жаңа сауда орталығы ашылды

Қызылордада жылу маусымына дайындық жұмыстары пысықталды

Не себепті кейбір адамдар коронавирус жұқтырмайды? – Ғалым жауап берді

Президент Қазақстан халқына кезекті Жолдауын жолдайды

Гүлшара Әбдіқалықова қызылордалықтарды құттықтады

Қасым-Жомарт Тоқаев: Ата заңымыз – қастерлі Тәуелсіздігіміздің сенімді тірегі

Қазақстан және Қызылорда облысының жаңалықтары

Қ.Пірімов ауылында спорт кешенінің құрылысы басталды

Қызылордада 2 жедел жәрдем қызметкері жол апатынан көз жұмды

Қызылордада 150 адам індеттен айықты

Қызылордада 65 адамнан коронавирус анықталды

Жаздың соңғы күні ауа райы қандай болады?

Қызылорда: Республикалық ақпараттық түсіндіру тобы аймақтың дін саласы өкілдерімен кездесті

«Бизнестің жол картасы &#8211; 2025»: Қазалыда жаңа сауда орталығы ашылды

Қызылордада жылу маусымына дайындық жұмыстары пысықталды

Не себепті кейбір адамдар коронавирус жұқтырмайды? &#8211; Ғалым жауап берді

Президент Қазақстан халқына кезекті Жолдауын жолдайды

Гүлшара Әбдіқалықова қызылордалықтарды құттықтады

Қасым-Жомарт Тоқаев: Ата заңымыз – қастерлі Тәуелсіздігіміздің сенімді тірегі

«Бизнестің жол картасы – 2025»: Қазалыда жаңа сауда орталығы ашылды

Не себепті кейбір адамдар коронавирус жұқтырмайды? – Ғалым жауап берді