<a href="https://kyzylorda-news.kz/">Kyzylorda-news.kz.</a> Қызылорда облыстық санитарлық-эпидемиологиялық бақылау департаменті бастығының орынбасары Әлия Әбдіқайымова аймақтағы коронавирус инфекциясының эпидемиологиялық жағдайы тұрақсыз деп баға берді.
<blockquote>
 “30 қаңтарынан бастап облыс «сары» аймақта. Өңірде коронавирус инфекциясы анықталғаннан бастап індет жұқтырған 23 707 адам тіркелсе, науқастардың 90 пайызы емделіп шықты. Қаңтар айының 30 күнінде коронавирус инфекциясын жұқтырудың барлығы 4 176 жағдайы анықталды”,- дейді Әлия Әбдіқайымова.
</blockquote>
Айиа кетейік, қаңтар айының екінші онкүндігінен бастап 100-ден аса КВИ жұқтыру деректері тіркеліп келген еді. 28 қаңтардан бастап аурушаңдық көрсеткіштері төмендей бастады.
<blockquote>
 “Соңғы тәулікте 55 жағдай тіркелді, басым көпшілігінде клиникалық белгілері анықталған жоқ. 14 жасқа дейінгі балалар мен жасөспірімдер арасында 16 жағдай анықталды”,- дейді Әлия Әбдіқайымова.
</blockquote>
Оның айтуынга, бүгінгі күні аймақта 2 327 белсенді ошақ бар. Барлығында індетке қарсы профилактикалық шаралар жүргізіліп, қарым-қатынаста болғандар медициналық бақылауға алынған.

Әлия Әбдіқайымова: Аймақтағы коронавирус инфекциясының эпидемиологиялық жағдайы тұрақсыз

<a href="https://kyzylorda-news.kz/">Kyzylorda-news.kz.</a> Қызылорда облысында 28 мыңнан астам адам «Pfizer» вакцинасының бірінші компонентін салдырды.
Осы уақытқа дейін аймақта барлығы 28172 адам «Pfizer» вакцинасының бірінші компонентін салдырды. Ал екінші компонентімен қамтылғандар саны – 14298 адам.
<blockquote>
 «Бүгінге дейін аталған вакцина салдырғандар арасында 12-17 жас аралығындағы жасөспірімдер саны басым. Олардың 18,4 пайызы екі компонетін де алып үлгерді. Ол жүкті әйелдер арасында бірінші компонентпен – 7,9, лактация кезеңіндегі әйелдер арасында 7,6 пайызды шамалайды», – деп мәлім етті Қызылорда облыстық Санитариялық-эпидемиологиялық бақылау департаментінің баспасөз хатшысы Айман Жанахаева.
</blockquote>

Қызылордада 28 мыңнан астам адам «Pfizer» вакцинасын салдырды

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев XXIV Қысқы Олимпиада ойындарының ашылу салтанатына қатысады. Бұл туралы Мемлекет басшысының баспасөз хатшысы Берік Уәли «Facebook»-тегі парақшасында хабарлады.
<blockquote>
 «Ақпанның 4-5 күндері Мемлекет басшысы Қасым-Жомарт Тоқаев ҚХР Төрағасы Си Цзиньпиннің шақыруымен XXIV Қысқы Олимпиада ойындарының ашылу салтанатына қатысу үшін Бейжің қаласына жұмыс сапарымен барады. Сонымен қатар сапар барысында Қазақстан Президенті мен Қытай Төрағасы екіжақты келіссөз жүргізеді деп жоспарланған», – деп жазды Берік Уәли.
</blockquote>

Мемлекет басшысы Бейжіңдегі Қысқы Олимпиаданың ашылуына қатысады

Kyzylorda-news.kz. Қызылордада «Бастаманы қолдау» қоғамдық бірлестігінің ұйымдастыруымен облыстық денсаулық сақтау басқармасының басшысы Сәбит Пазыловтың, сала мамандары мен азаматтық қоғам өкілдерінің қатысуымен дөңгелек үстел өтті.
Шараның мақсаты – Қызылорда облысының тұрғындарына медициналық көмек көрсету сапасын жақсартуға бағытталған іс-шараларды іске асырудың жол картасын әзірлеу және аймақтың денсаулық сақтау жүйесін жақсартуға ықпал ету.
Отырыста «Бастаманы қолдау» қоғамдық бірлестігінің төрайымы Мадина Төлепова ұйымның АҚШ-тың Халықаралық даму агенттігі (USAID) қаржыландыратын «Орталық Азиядағы әлеуметтік инновациялар» бағдарламасы аясында Еуразия қорының қолдауымен «Қызылорда облысының денсаулық сақтау жүйесін жақсартудың жол картасы» жобасын жүзеге асырып жатқандығына тоқталды.
<blockquote>
 «2020 бастап «Бастаманы қолдау» қоғамдық бірлестігі Қызылорда облысы бойынша денсаулық сақтау саласын жақсарту бойынша әлеуметтік жобалар жүзеге асырып келеді. Бұл зерттеу тегін медициналық көмектің тиімділігін арттыру мақсатында және өңір тұрғындарының денсаулық сақтау саласы бойынша құқықтары мен мүдделерінің қорғалуының тиімділігін арттыру мақсатында жүргізіліп жатыр. Салаға қатысты Жол картасын әзірлеу, тегін медициналық қызметтер туралы тұрғындарды ақпараттандыру арқылы азаматтық қоғам ретінде үлес қосқымыз келеді», – деді шарада Мадина Төлепова.
</blockquote>
Жол картасы қоғамдық бірлестіктің былтыр жүзеге асырған «Ұлт денсаулығы – басты назарда!» жобасы аясында жинақталған ұсыныстар негізінде әзірленеді.
Дөңгелек үстелде облыстық денсаулық сақтау басқармасының басшысы Сәбит Пазылов азаматтық қоғам ұйымдарымен бірге аймақ тұрғындарына медициналық көмек көрсету сапасын жақсартуға бағытталған іс-шараларды іске асырудың жол картасын әзірлеу барысында әріптестік негізде жұмыс жасауға әзір екенін жеткізді. 
Сонымен бірге шарада денсаулық сақтау жүйесін жақсарту бойынша үкіметтік емес ұйымдармен бірлесе отырып жобаларды жүзеге асыру мәселесі де талқыланды.
<img src="https://kyzylorda-news.kz/wp-content/uploads/2022/01/img-20220131-wa0008.jpg" alt="" />

Қызылордада азаматтық қоғам мен облыстық денсаулық сақтау басқармасы саланы жақсартуды бірлесе қолға алды

<a href="https://kyzylorda-news.kz/">Kyzylorda-news.kz.</a> Жалағаш ауданы, Таң ауылында өткен жылы «Агро Лидер Таң» ЖШС бастамасымен «TAN–FOOD» ет өңдеу цехы іске қосылды. Жоба құны 144 млн теңгені құрады, оның 87 млн теңгесі серіктестіктің жеке қаражаты есебінен, ал 57 млн теңгесі «Байқоныр ӘКК» АҚ арқылы қаржыландырылды. Бүгінде ет өңдеу цехы 8 адамды тұрақты жұмыспен қамтып отыр.
«TAN-FOOD» ет өңдеу цехы тәулігіне үш бас ірі қара етін өңдеп, одан 15 түрлі тағам әзірлеп, аудандағы және облыс орталығындағы бірқатар сауда орындарын қамтамасыз етіп отыр.
Айта кетейік, «Бір асым етке» лайықталған, салмағы 3 келі (баспақ еті, жылқы қазысы, қой құйрығы) өнімнің бағасы 7 мың теңге болса, сыйлы қонаққа ұсынатын «Сыбағаның» бағасы – 8 мың теңге. Бұл – бір табаққа шақталып, жылқы етінен жасақталған даяр өнім. Сол күйі қазанға сала бересіз. Сыйлы қонақ келсе, сыбағасы дайын. Сонымен қатар, цехта өндірілген жылқы еті 2200 теңге, сиыр еті 2000 теңгеден сатылады. Оған қоса, өкпе-бауыр, фарш, манты, әсіп, тұшпара, котлет, тефтели сияқты өнім түрлері де қолайлы бағада сатылып, тұрғындар сұранысын қанағаттандырып отыр.

Жалағаш ауданында  «TAN–FOOD» ет өңдеу цехы іске қосылды

<a href="https://kyzylorda-news.kz/">Kyzylorda-news.kz.</a> Қазгидромет 1-3 ақпан аралығында ауа райы қандай болатынын болжады.
Синоптиктер болжамына сәйкес, солтүстік, шығыс өңірлерде қар, еліміздің батыс өңірлерінде жаңбыр және көктайғақ болып, қар жауады. 
Республика бойынша тұман, желдің күшеюі байқалады.
Еліміздің шығысы мен орталығында түнде және таңертең аяз 15-28 градусқа дейін жетеді, ал Қазақстанның басым бөлігінде температура бойынша өзгерістер болмайды.

Алдағы үш күнде ауа райы қандай болады?

<a href="https://kyzylorda-news.kz/">Kyzylorda-news.kz.</a> Арал ауданында жеке кәсіпкер Тұрмұхан Нұржанұлы «Бизнестің жол картасы – 2025» мемлекеттік бағдарламасына қатысып «Су ұңғымаларын бұрғылау» жобасы бойынша қайтарымсыз грант иегері атанды.
Техникамен бұрғылау жер асты суларының тереңдігін анықтауға және олардың сапасын бағалауға үлкен көмегі бар. Құрылғы мал шаруашылығын дамытуға суды аса қажет ететін елді мекендерге үлесі зор екендігін көрсетуде.
<blockquote>
 “Суға ұңғымаларды бұрғылау су ұңғымасы, бұл бір қарағанда өте қарапайым, бірақ іс жүзінде өте жауапты инженерлік құрылым. Ұңғымалар тұтынушылық қасиеттерімен де, оларды салу әдісімен де ерекшеленеді. Орынды таңдау жер бедері мен топырақ құрылымының ерекшеліктеріне де байланысты. Сулы қабаттар бір аймақта әртүрлі тереңдікте орналасуы мүмкін. Топырақты зерттеу үшін сапалы техникамен бұрғылаған жөн. Бұл мал шаруашылғымен айналысып отырған ауылдағы ағайындар үшін үлкен көмек”,- дейді Тұрмұхан Нұржанұлы.
</blockquote>

Аралдық кәсіпкер «Су ұңғымаларын бұрғылау» жобасы бойынша қайтарымсыз грант алды

<a href="https://kyzylorda-news.kz/">Kyzylorda-news.kz.</a> Облыс көлемінде өткен «Құқық тәртібі» жедел-профилактикалық іс шарасы барысында ҚР ІІМ Байқоңыр қаласындағы Өкілдіктің қызметкерлері ауыл тұрғынының басқаруындағы «УАЗ Патриот» автокөлігін тоқтатқан.
Тексеру барысында автокөлік ішінен РФ ІІМБ-на тіркелген,&nbsp;«ИЖ-27М» маркалы, 12&nbsp;калибрлі аңшы мылтығы, 1-дана қоянның денесі, 32-дана патрон табылған.
Аталған дерек бойынша Қазақстан Республикасы Әкімшілік құқық бұзушылық кодексінің 382-бабының 1-бөлігі (Жануарлар дүниесiн пайдалану талаптарын және аң аулау қағидаларын бұзу) бойынша хаттама рәсімделіп, сотқа жолданды.

«Құқық тәртібі»:  Қоян аулаған байқоңырлық ұсталды

<a href="https://kyzylorda-news.kz/">Kyzylorda-news.kz.</a> Биыл мыңнан астам директор ротацияланады. Бұл туралы Білім және ғылым министрлігінің кеңейтілген алқа отырысында Асхат Аймағамбетов мәлімдеді.
Биыл директорлардың ротациясы басталады. Алдыңғы жылды заңнаманы қабылдап, бекіттік. Енді биыл нақты мыңнан астам директор ротацияға ілінеді.
Ротацияның ережелері:
Біріншіден, бір білім беру ұйымында 4 немесе 7 жылдан астам уақыт жұмыс істеген басшылар ротацияланады.
Бұл ретте, осы білім беру ұйымында лауазымға тағайындалған күннен бастап 4 жыл жұмыс атқарған бірінші басшы ротациядан өтініші негізінде босатылып, тиісінше қолданыстағы еңбек шарты шеңберінде өз жұмысын жалғастыра алады.
Алайда егер басшы аталған ұйымда 7 жылдан астам уақыт жұмыс істесе, онда ол міндетті түрде ротацияланады. Осылайша, бір білім беру ұйымына жетекшілік ету мерзімі 7 жылдан аспауы тиіс.
Екіншіден, ротациялаудың төмендегідей шарттары бар:
– ротациялауды облыстардың және республикалық маңызы бар қалалардың Білім басқармалары жүзеге асырады;
– ротация бір елді мекен аумағында жүргізіледі;
– ротациялауды бір деңгейдегі ұйым басшылары арасында жүргізеді.
– ротациялау кезінде бірінші басшылардың біліктілік санаты, яғни аталған санат үшін төленетін қосымша ақы да мерзімі аяқталғанға дейін сақталады.

Бір орында 4 жылдан артық отырған мектеп директорлары орнын ауыстырады

<a href="https://kyzylorda-news.kz/">Kyzylorda-news.kz.</a> Шағын және орта бизнес субъектілеріне келтірілген залалды өтеуге арналған өтінімдерді қарау жөніндегі өңірлік комиссиялар кәсіпкерлерден түскен өтінімдерді белсенді түрде қарап жатыр, деп хабарлайды Үкіметтің <a href="https://www.inform.kz/kz/onirlerde-zardap-shekken-shob-sub-ektilerine-zalaldy-oteu-boyynsha-tolemder-berile-bastady_a3892940">ресми сайты</a>.
Биылғы 31 қаңтардағы жағдай бойынша «InfoKazakhstan.kz» электрондық платформасы арқылы Алматы, Шымкент қалаларынан, Алматы, Жамбыл, Шығыс Қазақстан, Ақтөбе және Батыс Қазақстан облыстарынан залалды өтеуге 2000-нан астам өтінім берілді.&nbsp;
Залалды өтеу тетігі өтінімдерді оңайлатылған тәртіп бойынша және сот сараптамасының қорытындылары негізінде өтініш берушінің қалауы бойынша қарауды көздейді. Алматы қаласында сараптамаларды жедел жүргізу үшін 33 сарапшы жұмыс істейді, 68 сот сарапшысынан тұратын қосымша резерв құрылды.&nbsp;
Өңірлік комиссиялардың жұмысы аясында оң шешімдер қабылданды, алғашқы өтемақылар өтініш білдірген бизнесмендердің есеп шоттарына аударылды. Мәселен, Алматы қаласында 17 кәсіпкер жалпы сомасы 33 млн теңгеге төлем алды.&nbsp;&nbsp;
Үкімет бизнестің қызметін қалпына келтіру мақсатында оларға келтірілген залалды жедел өтеу жөніндегі жұмысты одан әрі жалғастырады.

Өңірлерде зардап шеккен ШОБ субъектілеріне залалды өтеу бойынша төлемдер беріле бастады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 12080 адам коронавирустан жазылды.
Аймақтар бойынша:
Нұр-Сұлтан қаласы – 5239,
Алматы қаласы – 3226,
Шымкент қаласы – 84,
Ақмола облысы – 400,
Алматы облысы – 534,
Шығыс Қазақстан облысы – 302,
Жамбыл облысы – 124,
Батыс Қазақстан облысы – 35,
Қарағанды облысы – 849,
Қызылорда облысы – 373,
Маңғыстау облысы – 197,
Павлодар облысы – 449,
Солтүстік Қазақстан облысы – 262,
Түркістан облысы – 6.
Қазақстан бойынша жазылғандар саны – 1069863.

Қызылорда облысында 373 адам коронавирустан емделіп шықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 7491 адамда коронавирус індеті ПТР арқылы расталып ауырғаны белгілі болды.
Аймақтар бойынша:
<ul>
<li>Нұр-Сұлтан қаласы – 1194,</li>
<li>Алматы қаласы – 1556,</li>
<li>Шымкент қаласы – 26,</li>
<li>Ақмола облысы – 715,</li>
<li>Ақтөбе облысы – 78,</li>
<li>Алматы облысы – 305,</li>
<li>Атырау облысы – 168,</li>
<li>Шығыс Қазақстан облысы – 189,</li>
<li>Жамбыл облысы – 103,</li>
<li>Батыс Қазақстан облысы – 263,</li>
<li>Қарағанды облысы – 954,</li>
<li>Қостанай облысы – 586,</li>
<li>Қызылорда облысы – 55,</li>
<li>Маңғыстау облысы – 53,</li>
<li>Павлодар облысы – 880,</li>
<li>Солтүстік Қазақстан облысы – 341,</li>
<li>Түркістан облысы – 25.</li>
</ul>
Жалпы ел бойынша ауырғандар саны 1233488.

Қазақстан және Қызылорда облысының жаңалықтары