<a href="https://kyzylorda-news.kz/">Kyzylorda-news.kz</a>.&nbsp;Солтүстік суық антициклон жауын-шашынның тоқтатылуына және ауа температурасының батыста, содан кейін республиканың қалған аумағында төмендеуіне әкеледі.
Демалыс күндерінің басында ғана Қазақстанның солтүстік, шығыс және оңтүстік-шығыс өңірлерінде тұрақсыз ауа райы сақталып, жаңбыр жауады, жел күшейеді.
Республиканың батысында ауа температурасы түнде аздап жоғарылайды: 2 аяз – 10 жылудан 1-13, күндіз 13-20-дан 15-23 жылуға дейін: елдің солтүстік-батысында, солтүстігінде және орталығында түнде термометрлер -3-тен +5 градусқа, күндіз 7-15 жылуға дейін; шығыс өңірлерде түнде ауа температурасы 10-18 жылудан 2-10, күндіз 20-28-ден 10-18 жылуға дейін. Ал республиканың оңтүстігінде: түнде 10-20, күндіз 25-30-дан 17-25-ке дейін жылу болады.

Демалыс күндері жаңбырлы ауа райы күтіледі

<a href="https://kyzylorda-news.kz/">Kyzylorda-news.kz</a>. Қазіргі таңда пробация есебіндегі сотталғандар арасында мемлекет тарапынан көрсетілетін қолдаудың арқасында ойындағы ісін бастағандардың қатары көп. Атап айтар болсақ, жуырда пробация есебіне алынған Бекбол есімді азамат өз кәсібін ашты.
Бекбол мамыр айында «Бастау Бизнес» жобасы бойынша бір айлық «кәсіпкерлік негіздері» курсын оқып, бизнес жоспар құрып, 583 мың теңге көлемінде&nbsp; мемлекеттен қайтарымсыз грант ұтып алып, қазіргі таңда мал басын көбейіп жатыр. &nbsp;&nbsp;&nbsp;&nbsp;&nbsp;&nbsp;&nbsp;
Қалалық пробация қызметінің&nbsp; бастығы Бақыт Наурызбаевтың айтуынша «Атамекен» ҚР ҰКП-ның «Бастау Бизнес» жобасы бойынша жыл басынан бастап, пробация есебінде тұрған 18 сотталғанды&nbsp; кәсіпкерлік негіздерінде білімін жетілдіруге арналған тегін оқу курстарына жолдаған. Оның ішінде жеті азаматтың&nbsp; бизнес жоспары қолдау тауып, мемлекеттен қайтарымсыз грант ұтып алып, біреуі оқу орталығын , тігін цехын ашса, енді бірі мал шаруашылығын ашып, ісін дөңгелетіп отыр. Бұл пробация инспекторлары мен мен жергілікті атқарушы органдар өкілдерінің бірлесіп атқарған жұмыстарының нәтижесі.
<blockquote>
 «Білместікпен,&nbsp;жастықпен&nbsp;жаза бастым.Жазамды өтей жүріп, жеке кәсіпке де бет бұрдым. Пробация қызметкерлері тарапынан әлеуметтік-құқықтық көмек көрсетілсе, мемлекет көмегімен кәсібімді ашсам деген мақсат &nbsp;болды.&nbsp;Жеке кәсіп ашу үшін мемлекеттен қайтарымсыз грант ұтып алдым. Алған қаражатыма 3бас мүйізді ірі қара &nbsp;алдым. Енді мал басын көбейтіп, мал бордақылау цехын ашсам деген арманым бар»,- деді есептегі азамат.
</blockquote>
<img src="https://kyzylorda-news.kz/wp-content/uploads/2021/09/whatsapp-image-2021-09-17-at-09.57.39.jpeg" alt="" />

Қызылордада пробация есебіндегі сотталған жеке кәсібін ашты

<a href="https://kyzylorda-news.kz/">Kyzylorda-news.kz</a>. Қызылорда қаласында 62 жасөспірімнің ата-анасына әкімшілік хаттама толтырылды.
Қала аумағында жасөспірімдер арасында қылмыстардың алдын-алу және қоғамға жат іс-әрекеттер жасауға бейім қадағалаусыз және қараусыз қалған, түнгі уақытта заңды өкілдерінің еріп жүруінсіз деректерін анықтау мақсатында Қызылорда қалалық Полиция басқармасының ювеналды полиция бөлімінің қызметкерлері «Жасөспірім» жедел профилактикалық іс шарасы аясында күнделікті рейдттік шара өткізуде.
Нәтижесінде, 13-16 қыркүйек аралығында 62 жасөспірім жеткізілді. Оның ішінде 37 жасөспірім ата-анасыз тұрғын-жайдан тыс жерде сағат 23-тен таңғы 6-ға дейін жүргені анықталды. Оларға әкімшілік шара көрілді. Сонымен қатар бір кәмелетке толмаған жасөспірімнің қылмыс жасауына жол беру дерегі анықталды.
Басқарманың профилактикалық есебіне 6 ата-ана қолайсыз отбасы есебіне қойылды. Сондай-ақ басқарманың профилактикалық есебіне 4 жасөспірім алынды. Полиция қызметкерлері қала аумағында кәмелетке толмағандардың түнгі уақытта үйден тыс жерлерде болуын анықтауға бағытталған рейдтік алдын-алу іс-шараларын өткізуде. Барлық анықталған тәртіп бұзушылық фактілері бойынша кәмелетке толмағандардың ата-аналары немесе заңды өкілдері жауапкершілікке тартылады.

Қызылордада 62 жасөспірімнің ата-анасына әкімшілік хаттама толтырылды

<a href="https://kyzylorda-news.kz/">Kyzylorda-news.kz</a>. Сырдария ауданының әкімі Мұрат Ергешбаев ауыл кәсіпкерлерінің жұмысымен танысты.
Алдымен, Қалжан ахун ауылдық округіндегі қой шаруашылығымен және пескоблок өндірісін дамыту жұмысымен айналысатын шаруашылықта болды.
Нұрлыбек Еспанов жеке кәсіпкер 2020 жылы 505,0 мың теңге «Еңбек» нәтижелі жұмыспен қамту және жаппай кәсіпкерлікті дамыту бағдарламасы арқылы несие алған. Қазіргі таңда 13 бас қойы бар. Алдағы уақытта төрт түліктің бірі жылқы малы кәсібімен айналысу жоспарында бар.
Жеке кәсіпкер Шынарай Мұхтарова 2021 жылы «Еңбек» нәтижелі жұмыспен қамту және жаппай кәсіпкерлікті дамыту» бағдарламасының екінші бағыты бойынша 6 млн. теңге алған. Қуаттылығы 1 тәулікте 500 дана пескоблок шығарады. Кәсіпкер 4 жұмысшыны жұмыспен қамтып отыр.
Мұнан соң аудан әкімі С.Сейфуллин ауылдық округінде той жасауы және компьютерлік қызметтер көрсету жұмыстары, қоғамдық монша жұмысы және № 137 орта мектеп жанындағы футбол алаңының демеушілік есебінен жүргізілген күрделі жөндеу жұмысымен танысты.
Жеке кәсіпкер Меруерт Жаханова 2019 жылы «Еңбек» нәтижелі жұмыспен қамту және кәсіпкерлікті қолдаудың 2017-2021 жылдарға арналған» бағдарламасы аясында мемлекеттен 505 мың теңге грантын алып, қазіргі уақытта жұмысының нәтижесін көруде.
Абай Тоқтаров 2015 жылдан бастап жеке кәсіппен айналысып келеді. 2019 жылы қоғамдық моншаны кеңейту мақсатында «Өңірлік инвестициялық орталығы» арқылы 2,5 млн теңге несие алып жұмысын жалғастыруда. Күніне 10-15 адамды қамтып отыр. Алғашқы жұмыс орны жобасымен 1 адам жұмыспен қамтылған. Аудан әкімімен кездесу барысында жеке кәсіпкер алдағы уақытта макарон цехын ашу жоспары бар екенін айтты.
№ 137 орта мектеп жанындағы футбол алаңында жаттығып, шыныққан оқушылар «Жас қайсар» құрамасында ойынға қатысады. Футбол алаңын жөндеу жұмыстарына демеушілік жасап жатқан «Жандос» ШҚ-ның директоры Серік Арық. Қазіргі таңда құны 5,5 млн теңгеге футбол алаңын күрделі жөндеуге қажетті құрал жабдықтарын алып, жөндеу жұмыстарын жүргізген.
Ауданда басым бағыттардың бірі- кәсіпкерлікті дамыту. Ауданның әлеуметтік-экономикалық дамуында кәсіпкерліктің алар орны орасан.
<img src="https://kyzylorda-news.kz/wp-content/uploads/2021/09/242093714_976857342877158_1873077169870825752_n.jpg" alt="" />
<img src="https://kyzylorda-news.kz/wp-content/uploads/2021/09/242100925_976860126210213_1769841053366029094_n.jpg" alt="" />
<img src="https://kyzylorda-news.kz/wp-content/uploads/2021/09/242044135_976857449543814_6029547711975868378_n.jpg" alt="" />

Сырдарияда кәсіпкерліктің көкжиегі кеңеюде

<a href="https://kyzylorda-news.kz/">Kyzylorda-news.kz</a>. Қазақстанда 4 763 адам коронавирус инфекциясынан жазылып шықты, деп хабарлайды coronavirus2020.kz.
Нұр-Сұлтан қаласында – 514
Алматы қаласында – 1 053
Шымкент қаласында – 64
Ақмола облысында – 248
Ақтөбе облысында – 582
Алматы облысында – 509
Атырау облысында – 458
Шығыс Қазақстан облысында – 123
Жамбыл облысында – 37
Батыс Қазақстан облысында – 20
Қарағанды облысында – 319
Қостанай облысында – 117
Қызылорда облысында – 63
Маңғыстау облысында – 183
Павлодар облысында – 411
Солтүстік Қазақстан облысында – 33
Түркістан облысында – 29.
Елімізде барлығы 779 869 адам COVID-19-дан емделіп, сауығып шықты.

Covid-19: 63 қызылордалық індеттен айықты

<a href="https://kyzylorda-news.kz/">Kyzylorda-news.kz</a>. Елімізде коронавирус жұқтырғандар саны 854 мыңнан асты, деп хабарлайды coronavirus2020.kz.
16 қыркүйектегі эпидемиологиялық жағдай бойынша Қазақстанда ПТР тестінің оң нәтижесі бар коронавирус инфекциясын жұқтырған 3 081 жағдай тіркелді.
Оның ішінде:
Нұр-Сұлтан қаласында – 338
Алматы қаласында – 651
Шымкент қаласында – 102
Ақмола облысында – 170
Ақтөбе облысында – 224
Алматы облысында – 252
Атырау облысында – 98
Шығыс Қазақстан облысында – 114
Жамбыл облысында – 71
Батыс Қазақстан облысында -103
Қарағанды облысында – 392
Қостанай облысында – 140
Қызылорда облысында – 64
Маңғыстау облысында – 40
Павлодар облысында – 198
Солтүстік Қазақстан облысында – 72
Түркістан облысында – 52.
Елімізде коронавирус инфекциясын жұқтырғандар саны 854 742 жетті.

Қызылордада 64 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Солтүстік-батыс циклоны және онымен байланысқан атмосфералық фронталды бөліктердің әсерінен Қазақстан территориясың басым бөлігінде тұрақсыз ауа райы күтіледі – жаңбыр жауады, найзағай, желдің күшеюі күтіледі, деп хабарлайды Қазгидромет.
Тек еліміздің оңтүстігі мен оңтүстік-батысында антициклон жотасының әсерінен жауын-шашынсыз ауа райы күтіледі, оңтүстік-батысында шаңды дауыл күтіледі.
Солтүстік Қазақстан облысында түнде солтүстік-батысында желдің 15-20 м/с күшеюі, күндіз басым бөлігінде 15-20, екпіні 23-28 м/с күтіледі.
Павлодар облысының басым бөлігінде күндіз желдің 15-20, оңтүстігінде 25 м/с күшеюі күтіледі.
Ақмола облысының солтүстік-батысы мен оңтүстігінде түнде және таңертең желдің 15-20 м/с күшеюі күтіледі.
Күндіз Қостанай облысының оңтүстігінде найзағай, солтүстік-шяғысында желдің 15-20 м/с күшеюі күтіледі.
Түнде және Қызылорда облысының солтүстігінде найзағай, күндіз орталығында желдің 15-20 м/с күшеюі күтіледі.
Түнде Маңғыстау облысының орталығы мен батысында, күндіз орталығы мен оңтүстік-шығысында жел 15-20 м/с күшейеді, күндіз шаңды дауылмен.
Күндіз Шығыс Қазақстан облысының батысы мен солтүстік-батысында найзағай, желдің 15-20 м/с күшеюі күтіледі.
Күндіз Қарағанды облысының батысы, солтүстігінде және орталығында желдің 15-20 м/с күшеюі күтіледі.
Түнде Батыс Қазақстан облысының солтүстік-шығысында топырық бетінде, Қостанай облысының солтүстігінде 3 градус үсік күтіледі.
Алматы, Жамбыл, Түркістан, Қызылорда, Маңғыстау, Атырау, Ақтөбе облыстарының басым бөлігінде, Қостанай, Қарағанды облыстарының оңтүстік-батысында, батысында, Батыс Қазақстан облысының солтүстік-шығысында және оңтүстігінде, Шығыс Қазақстан облысының оңтүстігінде, Павлодар облысының орталығында, Ақмола облысының солтүстік-батысында төтенше өрт қаупі сақталады.

Қызылордада жел күшейеді

<a href="https://kyzylorda-news.kz/">Kyzylorda-news.kz</a>. Қазан қаласында өткен ТМД елдері ойындарының қола жүлдегері, дзюдо, самбо және қазақша күрестен ҚР спорт шебері, қызылордалық Шынар Абатовамен жүргізген сұхбатты оқырман назарына ұсынамыз.
– Шынар, жеңісің құтты болсын! Үш спортпен қатар айналысады екенсің. Сені ұстазың «самбоның сайыпқыраны» дейді…
– Рақмет! Татарстан елінің Қазан қаласында 3-11 қыркүйек аралығында алғаш рет ТМД елдерінің ойындары өтті. Жарысқа күрес бағыты бойынша 14-23 жастағы 1139 спортшы бақ сынады. Өзім 72 келі салмақта өнер көрсеттім. Елімнің көк туы желбірегенін қаладым, сол үшін барынша дайындалдым. Бірақ, қола медаль бұйырған екен. Бұның өзі де бір жеңіс деп білемін.
– Өзіңнің туып-өскен жерің туралы айтып берсең? Спортқа қалай келдің?
– Сыр елінің таңғажайып ауылдарының бірі Ақжармаданмын. Алақандай ғана ауылдың Алатаудай намысын қорғап жүрген өжет қызбын. Жасым он&nbsp; сегізге толмаса да Қазақстанның атын əлемге тануға тамшыдай болсын үлес қосып жүргеніме қуанамын. Қарапайым отбасында дүниеге келдім. Бала күнімде тентек болғандықтан болар, 2013 жылы өзімнен үлкен бауырым спортқа жетеледі. Содан бері бар күш-жігерімді жаттығуға арнадым. Спорт адамды тәртіпке қарай бағыттайды екен. Осыдан 7 жыл бұрын тәрбие берген өз бапкерім Жанар Дүйсекенова апайыма алғыс айтамын. Маған алдымен «сенің адам болғаның керек» деп тәрбиеледі. Өзімнің замандастарымды салауатты өмір салтын ұстануға шақырамын. Қанша биікке шықса да, адамгершілік қасиеттен аттамау керек.
– Қыз бала үшін бұл спорттың түрі қиын емес пе?
– Мен үшін қиын емес, өзіме катты ұнайды. Бірақ әр жеңістің артында үлкен еңбек жатыр. Сол маңдай тердің нәтижесін көргенде, барлық қиындықты ұмытып кетемін.
– Жарыс алдында қобалжу болады ма? Өзіңді қалай жігерлендіресің?
– Әрине жеңіске жету оңай емес. Жүз рет құласам да, жүз бірінші рет тұруға тырысамын. Бұл – спорт. Сондықтан жеңіс те, жеңіліс те болады. Бәрін көтеруге тырысамын. Жарыс мен үшін – қазақ бауырымды ұту емес, қазағымның туын шет елдерде желбірету. Бұл мен үшін нағыз патриоттық сезім.&nbsp;
– Карантин кезінде дайындық, оқу-жаттығу жұмыстары қалай өтті?
– Мен үшін оңайға соқпады. Үйде жаттықанмен, спорт алаңындай болмады.
– Өзіңе қандай спортшыларды үлгі тұтасың?
– Токио 2020 олимпиадасының Елдос Сметов ағаны үлгі тұтамын. Оның өзі үшін емес, елім үшін деп соғатын жүрегі ұнайды.
– Өмірлік ұстанымың?
– Тек алға, Қазақстаным! Көк туымның биікте желбіреп, Әнұранымның әлемде шырқалуы үшін аянбай еңбек етуден тынбаймын.
– Алдыға қойған мақсатың?
– Ол туралы нәтижеге жеткенде жариялаймын. Әзірше құпия болғаны жөн.
– Сұқбатыңызға рақмет!
Сұхбаттасқан Назерке Шарападдин

«Самбоның сайыпқыраны» &#8211; Шынар Абатова

<a href="https://kyzylorda-news.kz/">Kyzylorda-news.kz</a>. Қазгидромет Нұр-Сұлтан қаласы мен 8 облыста дабылды ескерту жариялады.
17 қыркүйекте күндіз Нұр-Сұлтан қаласында батыстан, оңтүстік-батыстан жел соғады, екпіні 15-20 м/с жетеді деп болжанып отыр.
17 қыркүйекте Солтүстік Қазақстан облысында оңтүстік-батыстан, батыстан жел соғады, түнде облыстың солтүстік-батысында екпіні 15-20 м/с, күндіз басым бөлігінде 15-20 м/с, екпіні 23-28 м/с жетеді. &nbsp;
17 қыркүйекте түнде Қостанай облысының солтүстігінде 3 градусқа дейін үсік жүреді. Күндіз облыстың оңтүстігінде найзағай ойнайды. Солтүстік-батыстан, батыстан жел соғады, күші күндіз облыстың солтүстік-шығысында 15-20 м/с жетеді.
17 қыркүйекте күндіз Маңғыстау облысының орталығында және оңтүстік-шығысында, шаңды дауыл тұрады. Солтүстіктен, солтүстік-шығыстан жел соғады, түнде 15-20 м/с күшейеді.
17 қыркүйекте түнде және таңертең Қызылорда облысының солтүстігінде найзағай ойнайды. Оңтүстік-батыстан соғатын жел солтүстік-батысқа ауысады, күндіз облыстың орталығында күші 15-20 м/с жетеді. Төтенше өрт қаупі сақталады.
17 қыркүйекте күндіз Павлодар облысында оңтүстік-батыстан жел соғады – 15-20 м/с, облыстың оңтүстігінде – 25 м/с. &nbsp;
17 қыркүйекте түнде Батыс Қазақстан облысының солтүстік-шығысында топырақ бетінде 3 градус үсік жүреді.
17 қыркүйекте күндіз Шығыс Қазақстан облысының батысында, солтүстік-батысында найзағай ойнайды. Жел оңтүстік-шығыстан оңтүстік-батысқа ауысады, облыстың батысында, солтүстік-батысында екпіні – 15-20 м/с. &nbsp;
17 қыркүйекте күндіз Қарағанды облысының батысында, солтүстігінде және орталығында оңтүстік-батыстан жел соғады, екпіні – 15-20 м/с. Облыстың батысында төтенше өрт қаупі сақталады.

Қызылордада дабылды ескерту жарияланды

<a href="https://kyzylorda-news.kz/">Kyzylorda-news.kz</a>. Биыл&nbsp;«Елбасы қорының Стипендиясы»&nbsp;байқауына еліміздің барлық өңірінен 350-ден астам студенттер мен магистранттар қатысты.
Олардың арасынан тек 80 үміткер ғана үздіктер қатарынан көрінді. Солардың қатарында Қорқыт ата атындағы Қызылорда университетінің 3 курс студенті Ақжайық Тәжі бар. Ол Қызылорда облысы бойынша Елбасы стипендиясы мәртебесін иеленген жалғыз қызылордалық. Қазіргі таңда педагогика және психология мамандығында білім алуда.
<blockquote>
 «Әрбір студент іздену жолында жүріп, ешқашан бір орында тоқтап қалмау керек. Жастарға көп мүмкіндік жасалған. Байқау туралы әлеуметтік желідегі жаңалықтар арқылы білдім. Сол уақыттан бастап Елбасы стипендиясының&nbsp; сайтын оқып, алдыма мақсат қойдым. Құжаттарымды дайындауға 2 аптадай уақыт кетті. Маған жетістікке жету жолында гуманитарлық-педагогикалық институт директоры Сағат Тайман мен педагогика-психология кафедрасының меңгерушісі жан-жақты қолдау көрсетті. Елбасы стипендиясына іліну менің көптен күткен арманым болды. Білікті бірді жығар, білімді мыңды жығар демекші, жас кезде барлық мүмкіндікті пайдалануымыз керек. Сонда ғана еліміздің одан әрі өркендеп, дамуына үлес қоса аламыз», – деді Ақжайық Тәжі.
</blockquote>
<img src="https://kyzylorda-news.kz/wp-content/uploads/2021/09/03.jpg" alt="" />

Елбасы қорының стипендиясын қызылордалық студент жеңіп алды

**<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық жастар денсаулығы орталығының «Салауатты өмір салтын насихаттау» бөлімінің меңгерушісі Гүлдана Алмурзаева *Өңірлік коммуникациялар қызметінде өткен баспасөз конференциясында*** *жастардың басым бөлігі денсаулықты сақтау және нығайту туралы қажетті ақпараттарды ғаламтор арқылы алатынын айтты.*
Брифингте бөлім меңгерушісі орталық тарапынан ерте жүктіліктің алдын алу бағытында атқарылып жатқан жұмыстарға тоқталды.
<blockquote>
 «Жастардың басым бөлігі денсаулықты сақтау және нығайту туралы қажетті ақпараттарды ғаламтор арқылы алатыны белгілі. Осындай мәселелерді негізге ала отырып, облыстық жастар денсаулығы орталығы облыс көлемінде тиісті іс-шаралар ұйымдастырды. Аралас форматта мектептер мен колледж және жоғары оқу орындарында 114 іс-шара өткізілді. Оған 3792 жасөсіпірім қамтылды. Биылғы жылдың 8 айында репродуктивті денсаулықты қорғау бағытында біздің мекемеде жалпы тәжірбиелік дәрігерінен – 518, ал гинеколог маманнан – 211 адам кеңес алды. Алдағы уақытта да дәл осындай қарқынды жұмыстар әрі қарай жалғасады», – деді Гүлдана Айтмағанбетқызы.
</blockquote>

Қызылордалық дәрігер жастар денсаулық туралы ақпаратты ғаламтордан алатынын айтты

<a href="https://kyzylorda-news.kz/">Kyzylorda-news.kz</a>. Мемлекет басшысының тапсырмасына сәйкес ағымдағы жылғы 1 қыркүйектен Президенттік жастар кадр резервіне іріктеу басталды.Оның қорытындысы бойынша мемлекеттік сектор үшін 50 резервші іріктелетін болады.
Іріктеуге 35 жастан аспаған, жоғары білімі және кемінде 5 жыл жұмыс өтілі бар, сондай-ақ мемлекеттік тілді орташа деңгейден төмен емес деңгейде білетін Қазақстан Республикасының азаматтары қатыса алады.
Резервте болу мерзімі 3 жылды құрайды.
Резервшіні бос мемлекеттік лауазымға тағайындау құзыреттер жиынтығы ескеріле отырып және Жастар кадр резерві жөніндегі ұлттық комиссияның ұсынымы бойынша конкурстан тыс тәртіппен жүзеге асырылатын болады.
Резервке алу үшін үміткерлерге бірнеше жүйелі кезеңдерден өту керек, оның ішінде:
1) күрделі сандық және мәтіндік ақпаратпен жұмыс істеу қабілетін бағалау;
2) ситуациялық тапсырмаларды шешу;
3) құзыреттерді бағалау;
4) Сарапшылық комиссияда әңгімелесу;
5) Қазақстан Республикасы Президентінің жанындағы Жастар кадр саясаты жөніндегі ұлттық комиссияның отырысы.
Көптеген кезеңдер онлайн режимінде өтеді.
Құжаттарды қабылдау 30 қыркүйекке дейін pkrezerv.gov.kz цифрлық платформасында онлайн режимде жүргізіледі.
Елдің одан әрі дамуы мен гүлденуіне үлес қосуға дайын және қабілетті барлық азаматтарды Президенттік жастар кадр резервіне кезекті іріктеуге қатысуға шақырады.

Қазақстан және Қызылорда облысының жаңалықтары

Демалыс күндері жаңбырлы ауа райы күтіледі

Қызылордада пробация есебіндегі сотталған жеке кәсібін ашты

Қызылордада 62 жасөспірімнің ата-анасына әкімшілік хаттама толтырылды

Сырдарияда кәсіпкерліктің көкжиегі кеңеюде

Covid-19: 63 қызылордалық індеттен айықты

Қызылордада 64 адамнан коронавирус анықталды

Қызылордада жел күшейеді

«Самбоның сайыпқыраны» – Шынар Абатова

Қызылордада дабылды ескерту жарияланды

Елбасы қорының стипендиясын қызылордалық студент жеңіп алды

Қызылордалық дәрігер жастар денсаулық туралы ақпаратты ғаламтордан алатынын айтты

Президенттік жастар кадр резерві: Резервте болу мерзімі 3 жылды құрайды

Қазақстан және Қызылорда облысының жаңалықтары

Демалыс күндері жаңбырлы ауа райы күтіледі

Қызылордада пробация есебіндегі сотталған жеке кәсібін ашты

Қызылордада 62 жасөспірімнің ата-анасына әкімшілік хаттама толтырылды

Сырдарияда кәсіпкерліктің көкжиегі кеңеюде

Covid-19: 63 қызылордалық індеттен айықты

Қызылордада 64 адамнан коронавирус анықталды

Қызылордада жел күшейеді

«Самбоның сайыпқыраны» &#8211; Шынар Абатова

Қызылордада дабылды ескерту жарияланды

Елбасы қорының стипендиясын қызылордалық студент жеңіп алды

Қызылордалық дәрігер жастар денсаулық туралы ақпаратты ғаламтордан алатынын айтты

Президенттік жастар кадр резерві: Резервте болу мерзімі 3 жылды құрайды

«Самбоның сайыпқыраны» – Шынар Абатова