<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Гүлшара Әбдіқалықованың төрағалығымен өңірдің дағдарысқа қарсы шаралары жөніндегі жедел штаб отырысы өтті.
Күн тәртібінде аймақтың қоғамдық-саяси ахуалы мен инфляция деңгейі және азық-түлік қорын қамтамасыз ету мәселелері талқыланды.
Штаб отрысында аймақ басшысы «қаңтар оқиғасының», Ресей мен Украина мемлекеттері арасындағы саяси шиеленістерден туындаған экономикалық кедергілер ұлттық валютаның бағамының әлсіреуіне әкеліп, бірқатар салалардағы туындаған мәселелерді шешу жолын қарастырудың маңыздылығына тоқталды.
Мемлекет басшысы орын алған негативті факторларға жедел әрекет ету мақсатында Дағдарысқа қарсы штаб құру тапсырмасын берген болатын.
Біз штаб отырыстарында экономиканың барлық салаларында сыртқы негативті факторлардың салдарынан орын алған проблемаларды талқылап, шешу жолдарын қарастырамыз. Әсіресе, азық-түлік тауарларының, дәрілік препараттардың тапшылығын болдырмау және олардың бағасын тұрақтандыру. Жергілікті деңгейде шешілу мүмкіндігі жоқ мәселелер орталық атқарушы органдар қарауына ұсынамыз,- деді Гүлшара Әбдіқалықова.
<img src="https://kyzylorda-news.kz/wp-content/uploads/2022/04/277529236_272918285029423_3574973203676815247_n.jpg" alt="" />
Жиында облыстық ішкі саясат басқармасының басшысы аймақтың қоғамдық-саяси ахуалы туралы, экономика және бюджетті жоспарлау басқармасының басшысы инфляция деңгейі мен жедел әрекет етуді талап ететін көктемгі егіс жұмыстарын үйлестіру мәселелері бойынша нақты ахуалды баяндады.
<img src="https://kyzylorda-news.kz/wp-content/uploads/2022/04/277758579_272917975029454_5370268304624211706_n.jpg" alt="" />
Облыстық ауыл шаруашылығы басқармасының басшысы Талғат Дүйсебаев бірқатар өнімдерде баға өсімі байқалғанын тілге тиек етіп, соңғы уақыттағы қант, ұн қорына қатысты тапшылықты болдырмаудың жолдарына қатысты нақты жұмыстарды тізбеледі.
Қантқа байланысты туған жасанды дүрбелеңнің әсерінен сұраныс ұлғайып, алыпсатарлыққа әкелді. Қазіргі уақытта көтерме-бөлшек сауда орындары қантты 350-380 теңге аралығында сатуда. Қантқа сұраныс бәсеңдеді. Бүгінгі күні тұрақтандыру қорында 68 тонна қант қоры бар. Ал, ұн өніміне бағаны ұстап тұру үшін тұрақтандыру қорында 344,2 тонна ұн, 35 тонна макарон өнімдері бар. Сонымен бірге Жетісай ауданының дихандарымен форварттық сатып алу 100 тонна ерте пісетін қырыққабатпен қамтамасыз ету жөнінде келісім шартқа қол қойылып, қаржысы аударылды.
<img src="https://kyzylorda-news.kz/wp-content/uploads/2022/04/277528363_272918345029417_3916151426079920343_n.jpg" alt="" />
Мұнан бөлек ҚР Ұлттық Банкі Қызылорда филиалының директоры Асет Мұстафин екінші деңгейлі банктердің несие беру мәселесінде аймақта қалыптасқан жағдайды тілге тиек етті.
Штаб отырысын қорытындылаған облыс әкімі бірқатар нақты тапсырмалар берді.
Айта кетейік, бұдан былай жедел штаб отырысы екі аптада бір рет өткізіледі.
<img src="https://kyzylorda-news.kz/wp-content/uploads/2022/04/277670700_272918435029408_3309699842121550619_n.jpg" alt="" />

Гүлшара Әбдіқалықова: Өңір үшін өзекті мәселелерде тиімді әрекет керек

<a href="https://kyzylorda-news.kz/">Kyzylorda-news.kz.</a>&nbsp;1 сәуірде Қазақстанның басым бөлігінде жауын-шашынсыз ауа райы күтіледі, деп хабарлайды Қазгидромет.
Тек елдің солтүстігінде, солтүстік-батысында солтүстік-батыстан жылжыған циклон әлі де өз әсерін тигізеді. Қазақстан бойынша жел күшейіп, тұман түседі, солтүстікте – жаяу бұрқасын, көктайғақ болуы ықтимал.
Қызылорда облысында күн бұлтты, ауа температурасы +17+19 градусты көрсетеді, желдің жылдамдығы 9-14 м/с.

Ауа райы: Қызылордада күн бұлтты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен инвесторларды тарту және инвестициялық ахуалды жақсарту жөніндегі өңірлік Кеңестің отырысы өтті. Жиынға облыс әкімінің орынбасары Мархабат Жайымбетов, облыс әкімі аппаратының басшысы Ерлан Райғаниев, жауапты басқарма, департамент басшылары мен бірқатар ЖШС директорлары қатысты.
Кеңесте Қызылорда облысында 2026 жылға дейін жүзеге асырылатын өңдеу өнеркәсібі саласындағы инвестициялық жобалар, «Метан – альтернативті жанармай түрі» мен «Қызылорда қаласында «Keremet Arena» спорт кешенінің құрылысы» таныстырылды.
<blockquote>
 «Президент тапсырмасына сәйкес, 2021 жылғы 27 желтоқсанда «Өнеркәсіптік саясат туралы» Заң қабылданды. Осы орайда, өңірге жаңа инвестиция толқынын тарту және жаңа жұмыс орындарын ашу, импортқа тәуелділіктен арылу мақсатында өңдеу өнеркәсібі саласындағы ірі 21 инвестициялық жобалар пулы қалыптасты»,-деді облыс әкімі Гүлшара Әбдіқалықова.
</blockquote>
Жиында облыстық индустриялық-инновациялық даму басқармасының басшысы Ринат Сұлтангереев биыл құрылыс саласы және агроөнеркәсіптік кешен бағытында жалпы 5 инвестициялық жоба іске асатынын жеткізді. Олар – құрғақ құрылыс қоспалар өндірісі, жалпы қуаттылығы 5 мың тоннаны құрайтын 2 құс фабрикасы, балық өңдеу цехы және ет комбинаты. 5 жобаның құны шамамен 11 млрд. теңгені құрап, іске қосылғанда 400-ге жуық жұмыс орны ашылмақ.
Жиында қаралған екінші жоба туралы «Управление механизированной добычи» ЖШС-нің директоры Бақыт Джаныбеков баяндады. Кәсіпкер автомобильде қолданатын пропанын, бензин, дизель отынына балама тауар ретінде CNG – сығылған табиғи газды дайындау туралы ұсыныс көтерді. Айтуынша, табиғи газ тұтынушыларға баға жағынанда тиімді болмақ.
Бұл бастаманы іске асыру үшін қажетті магистральдық газ құбырлары желілері жеткілікті дәрежеде қалыптасқан. Оның үстіне қалаішілік газ құбырлары да, қалааралық газ құбырлары да қолжетімді және инфрақұрылым аясы кең.
Бақыт Джаныбеков метан-экологиялық таза, үнемді, ЖЖМ арасында ең қауіпсіз және жеңіл ұшып кететін газ екенін атап өтіп, осы шұғыл шаралар кешенін іске асыруды Қызылордадан бастау және одан әрі нәтижелерін басқа қалаларға таратуды ұсынды.
Аймақ басшысы жобаның өзектілігін ескере отырып, инвестициялық жобаларды жүзеге асыру өте маңызды екенін атап өтті.
<blockquote>
 «Жобаны шикізатпен қамтамасыз ету және қаржыландыру мәселесін пысықтау қерек. Осыған байланысты, облыстық индустриялық-инновациялық даму басқармасына мұнай компанияларымен осы жобаны іске асыруды талқылау жөнінде кеңес ұйымдастыруды тапсырамын. Сонымен қатар, жобаға қажетті шикізат көлемі мен қаржыландыру мәселелері шешімін тапқан жағдайда, жоба бастамашыларына мемлекет тарапынан берілетін қолдау шараларын ұсыну қажет», – деді Г.Әбдіқалықова.
</blockquote>
Мұнан кейін «Тех Сервис» ЖШС директоры Марат Жаппарбергенов «Қызылорда қаласында «Keremet Arena» спорт кешенінің құрылысы» жобасын таныстырды. Құны 1 млрд. теңге құрайтын кешенде бір күнде 150 адам спортпен шұғылдана алады. Сонымен қатар 25 жұмыспен қамтылады деп күтілуде. Жоба бастамашысы мемлекеттік бағдарлама аясында жеңілдетілген несие алуды жоспарлауда.
Сонымен қатар, жобаны қаржыландыру мәселесін шешуге «Бизнестің жол картасы – 2025» мемлекеттік бағдарламасы қолайлы екенін атап өтті. Облыстық кәсіпкерлік және туризм басқармасының басшысы Фердоуси Қожабергеновке жобаның қаржыландыру мәселесін екінші деңгейлі банктермен пысықтап, сүйемелдеу жұмыстарын жүргізуді тапсырды.
Кеңесте қаралған мәселелерді саралаған облыс әкімі биылғы жылы әлеуметтік инфрақұрылымды, яғни мектеп, аурухана, мәдениет және спорт объектілерін жақсарту жұмыстарын кешенді түрде жалғастыруда бұл жобаның өскелең ұрпақ үшін маңызы зор екенін еске салды.
<img src="https://kyzylorda-news.kz/wp-content/uploads/2022/03/277589685_272791651708753_285529100387508829_n.jpg" alt="" />

Г.Әбдіқалықова: Өңдеу өнеркәсібі саласында ірі 21 инвестициялық жоба жасалды

<a href="https://kyzylorda-news.kz/">Kyzylorda-news.kz.</a>&nbsp;&nbsp; Мемлекет басшысының жас әрі талантты кәсіпқойларды мемлекеттік қызмет жүйесінде ілгерілету мақсатында елімізде Президенттік жастар кадрлық резерві қалыптастырылды. Резервті қалыптастырудың негізгі міндеті – қоғамдық мүдделерді басшылыққа ала отырып, еліміздің дамуына өзгерістер енгізгісі келетін «жаңа формацияның көшбасшыларын» іздеу болып табылады.
Мемлекет басшысының тапсырмасын сапалы іске асыру мақсатында ҚР Мемлекеттік қызмет істері агенттігімен 2019 және 2021 жылдары резервке іріктеу жұмыстары жүргізіліп, алғашқы кезеңде 300 адам, екінші кезеңде 50 адам резервшілер қатарына алынды. Аталған доданың екінші іріктеуінде республика бойынша 8 638 адам құжат тапсырса, Қызылорда облысынан 435 азамат үміткер ретінде қатысқан.
Осы ретте, өңірімізге «жаңа формацияның көшбасшыларын» іздеу мақсатында Қызылорда облысы әкімдігі және ҚР Мемлекеттік қызмет істері агенттігінің Қызылорда облысы бойынша департаменті республика бойынша тіркеуде тұрған резервшілермен онлайн форматта кездесу өткізді.
Кездесу барысында Қызылорда облысы әкімі аппараты басшысының орынбасары Ерлан Бәкіров облысымыздағы лауазымды қызметтер, оның ішінде облыстық құрылыс басқармасының басшысы, мемлекеттік сатып алу басқармасының басшысы сынды қызметтерге келу туралы ұсыныс жасады. Кездесуге қатысқан резервшілер ұсынылған қызметтерге байланысты өз ойларымен бөлісті. Мамандықтары біліктілік талаптарына сәйкес келген жағдайда резервшілердің конкурссыз негізде қызметке тағайындалатындығы назарларына жеткізілді.
Айта кету керек, Президенттік жастар кадр резервінің 2021 жылғы іріктеу кезеңдерінің нәтижесімен жерлесіміз Қызылорда облысы әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы Асылхан Сүйіндіков жүзден жүйрік шығып, резервке енген болатын.
<img src="https://kyzylorda-news.kz/wp-content/uploads/2022/03/277535160_344124044423279_3227245676471546307_n.jpg" alt="" />
<img src="https://kyzylorda-news.kz/wp-content/uploads/2022/03/277523434_344124034423280_6115506017977397581_n.jpg" alt="" />

Президенттік кадрлық резерв: Қызылордадан лауазымды қызметтер ұсынылды

<a href="https://kyzylorda-news.kz/">Kyzylorda-news.kz.</a>&nbsp; Қызылордада «Балалар жылы» аясында Н. Бекежанов атындағы қазақ академиялық музыкалық драма театрында «Өнер қуған өрендер» атты концерт өтті.
Облыстық&nbsp;мәдениет, архивтер және құжаттама басқармасының ұйымдастыруымен өткен мәдени шараға аймақтағы көркемөнер үйірмелерінің 200-ден аса тәрбиеленушісі қатысты.
Концертке облыс әкімінің орынбасары Қайрат Нұртай қатысып, жас өрендерге лебізін білдіріп, өнерпаздарға сәттілік тіледі.
Сахнада жас жыршылар мен дәстүрлі орындаушылар, фольклорлық ансамбльдер, бишілер мен күйшілер, вокалдық орындаушылар мен өңірімізде тұңғыш рет жұмысын бастаған балет студиясының өрендері өнер көрсетті.
<img src="https://kyzylorda-news.kz/wp-content/uploads/2022/03/277171746_3071025176484302_3727786171148325802_n.jpg" alt="" />
<img src="https://kyzylorda-news.kz/wp-content/uploads/2022/03/277534720_3071025323150954_3523348925319546383_n.jpg" alt="" />
<img src="https://kyzylorda-news.kz/wp-content/uploads/2022/03/277660343_3071024669817686_3466154088602896227_n.jpg" alt="" />
<img src="https://kyzylorda-news.kz/wp-content/uploads/2022/03/277793088_3071024736484346_5435955541711447113_n.jpg" alt="" />

Қызылорда: «Балалар жылы» аясында өткен концертке 200-ден аса өнерпаз қатысты

Kyzylorda-news.kz. Қызылордада «Жас ұлан» балалар мен жасөспірімдер ұйымының ұйымдастыруымен қайырымдылық жәрмеңкесі өтті. Балалар жылында сөзден іске көшкен Сыр ұландары көп балалы және тұрмысы төмен отбасыларға көмектесуді мақсат еткен.
Сый жәрмеңкеге арнайы шақырылған отбасылар қойылған киім-кешек, оқу құралдары мен тұрмысқа қажетті заттардан керегін алды.
Көпшілікке қуаныш сыйлаған игі істе жасұландықтар белсенділік танытты. Өздері киген, бұдан кейін де киюге жарайтын киім-кешектері мен ата-аналардың көмегімен жаңа заттар және оқу құралдарын қайырымдылық шараға ұсынған.
<blockquote>
 “Жас ұлан” ұйымының мектепте өткізіліп жатқан шараларын білеміз. Бүгін қала мектептерінің басын қосып қайырымдылық шараларының да ұйытқысы болып жатқанын көрдік. Достарын қуантуға асыққан жасұландықтарға аналық алғысымды білдіремін. 8 балам бар. Осы жерден әр қайсысына бір-бірден керек жарағымды алдым. Бұл біз үшін үлкен көмек”,- дейді көпбалалы ана Фариза Елеуова.
</blockquote>
“Қайырымдылықпен қадам басамыз” атты акция аясында ұйымдастырылған әлеуметтік жәрмеңке алдағы уақытта да жалғасын табады. Ұйымдастырушылар қайырымды істі 1 маусым — Халықаралық балалар күнінің қарсаңында да өткізуді жоспарлап отыр.
<blockquote>
 “Мемлекет басшысы биыл елімізде” Балалар жылы” деп жариялады. Өскелең ұрпақтың үйлесімді дамуы мен бақытты балалық шағы бұл біздің жалпыұлттық міндетіміз. Осы орайда Қызылорда облыстық “Жас ұлан” ұйымында 2022 жылды “Жас ұланның жұлдызды жылы” деп жариялады. Ұйым осы уақытқа дейін іс-шаралар, акциялар, түрлі жобалар іске асырып жатыр. Бүгінде аймақ мектептірінде “Ақылды бейсенбі”, “Әкем үйреткен”, “Оқуға құштар ұлан”, “Көңілді үзіліс”, “Менімен бірге арманда” тағы сол сияқты түрлі іс-шаралар жүргізіліп жатыр. Бұған қоса ұландар әлеуметтік жобалардан да қалыс қалмайды. Бүгінгі қайырымдылық шарасы соның дәлелі. Барлық бала тең дәрежеде мектепке барып білім алуға құқылы. Олардың достарымен қатар мектепке баруына тұрмыстық жағдайы кедергі келтірмеуі үшін жас ұландықтар қолдан келген көмегін беріп жатыр. Көптеген отбасына толық қажеттіліктерін өтей алмасақ та көмектесе алдық деп ойлаймыз. Игі іс алдағы уақытта да жалғасын табатын болады”,- деді облыстық “Жас ұлан” балалар мен жасөспірімдер ұйымының атқарушы хатшысы Гүлайым Ақмырзаева.
</blockquote>
<img src="https://kyzylorda-news.kz/wp-content/uploads/2022/03/img-20220331-wa0048.jpg" alt="" />
<img src="https://kyzylorda-news.kz/wp-content/uploads/2022/03/img-20220331-wa0042.jpg" alt="" />
<img src="https://kyzylorda-news.kz/wp-content/uploads/2022/03/img-20220331-wa0037.jpg" alt="" />

&#8220;Жас ұлан&#8221; ұйымы қайырымдылық жәрмеңкесін ұйымдастырды

<a href="https://kyzylorda-news.kz/">Kyzylorda-news.kz.</a> Бірінші сынып оқушыларының құжатын қабылдау 1 сәуірде басталып, 1 тамызға дейін жалғасады. Бұл туралы бүгін Өңірлік коммуникциялар қызметінде өткен IV тоқсандағы оқу форматы туралы баспасөз конференциясында облыстық білім басқармасының бөлім басшысы Нұрлан Дәулеталиев мәлімдеді.
Жаңа 2022-2023 оқу жылында алдын-ала болжам бойынша 1 сыныпқа 19 568 оқушы қабылданады деп күтілуде. Олардың 17 582 – і қазақ, 1 986 – ы орыс тілінде. Ал 2021-2022 оқу жылында бірінші сыныпқа барлығы 18 721 оқушы қабылданса, биылғы жылы бірінші сыныпқа келетін оқушылар саны – 847 – ге артқан.
<blockquote>
 «Мектепке алты жасар балалар мен ағымдағы жылы 6 жасқа толатын балалар қабылданады. Баланың жасы 1 қыркүйекте толық 6 жаста болса, барлық бала қабылданады. Ал жасы толық 6 – ға толмаған балалардың олардың жасы 1 қыркүйектен кейін толатын болса, тек ата-аналары немесе басқа заңды тұлғалары қалаған жағдайда мектепке бару мүмкіншіліктері бар», – деді Нұрлан Дәулеталиев.
</blockquote>
Нұрлан Базарғалиұлының айтуынша, мектепке құжаттар «электронды үкімет» веб-порталы арқылы электронды түрде жіберіледі. Ережеге сәйкес 1 сыныпқа қабылдау кезінде алдымен қызмет көрсету аумағынан өтініш (тіркелу орны бойынша) білдірген 3 үміткер, содан кейін басқа аумақтан 1 үміткер қабылданады.
Айта кетейік, ата–аналар электронды форматта өтініш, туу туралы куәлік көшірмесін, баланың денсаулық паспорты, денсаулық жағдайы туралы №065/У нысандағы анықтама және 3*4 көлеміндегі 2 дана фотосурет тапсырады. Балаларды 1 – сыныпқа қабылдауға байланысты ешқандай емтихан тапсырудың қажеттілігі жоқ.

Қызылордада 19 568 бүлдіршін 1 сыныпқа барады

<a href="https://kyzylorda-news.kz/">Kyzylorda-news.kz.</a> Қызылордадағы «Аслан» балалар кино студиясы түсірген «Сәт» атты жастар сериалының тұсауы кесілді. Сериалда спортты жанына серік еткен балалардың хикаясы көрсетіледі.
<blockquote>
 Бала махаббат, үлкеннің кішіге қамқорлығы, ер баланың қыз балаға сыйластығы сынды дүниелер де бейнеленген. Осы уақытқа дейін бес бөлімі түсірілді. Жақын арада көрермен назарына ұсынылады. Сонымен қатар Алматы қаласында балалар жылына орай бейнебаян түсірдік. Тұсаукесері «Тойдуман» және «Гәкку» арналарынан көрсетіледі, – деді «Аслан» балалар кино студиясының директоры және продюссері Жасұлан Алдабергенов.
</blockquote>
«Сәт» жастар сериалы ақпан айында түсірілді. Сериалға өнерлі әрі спортқа жақын 15 жас актер қамтылды. Киноның негізгі идеясы – жеңіске жетер жолда қиындықтан тайынбайтын шынайы өмірдегі көріністер көрсетілген.
<blockquote>
 «Өнерге кішкентай кезімнен қызыға бастадым. Үш жыл оқушылар сарайындағы хор үйірмесіне қатысып, сабақ алдым. Түрлі конкурстардан жүлделі орындарды иелендім. Ұстазым әрі демеушім Жасұлан Алдабергеновтың қолдауымен екі бейнебаян түсірдік. Бүгінде қоржынымда жеті бейнебаян бар. Алдағы уақытта жаңа әндер шығару жоспарлануда», – деді «Аслан» балалар кино студиясының оқушысы Ақылбек Нұрланұлы.
</blockquote>

Қызылордада «Сәт» атты жастар сериалының тұсауы кесілді

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова мәдениет саласының көрнекті өкілі, қобызшы, әртіс-инструменталист, оқытушы Әлқуат Қазақбаевпен кездесті.
Басқосуда Қорқыттың шығармаларын насихаттау және өңірімізде өнер саласын дамыту мәселелерін талқылады. 
Аймақ басшысы Сыр елінде рухани байлық жәдігерлерінің әрқашан орны бөлек екенін атап өтті. Сондай-ақ, өңірде рухани құндылықтарды қастерлеу бағытындағы озық туындыларды насихаттау ортақ парыз екенін тілге тиек етті.
Ал, қобызшы Әлқуат Қазақбаев өзінің зерттеу жұмыстарын таныстырып, шығармашылық жоспарларымен бөлісті.
<blockquote>
 «Қорқыт бабаның мұрасын мектеп жасымнан бері зерттеп келем, өйткені мұрасы шексіз, оны әлі талай зерттеп, зерделеу қажет. Жалпы, қазақ музыкасының түбірі – осы Қорқыттың күйлерінен бастау алады», – деді Әлқуат Дотаұлы.
</blockquote>
Қобызшы облыс әкіміне өзінің «Қорқыт ата аңыздары мен күйлері» кітабының қазақ және түрік тілдерінде жазылған нұсқалары мен жақында жарық көретін «Қорқыт ата мұрасы» кітабының қолжазбасын сыйға тартты. 
Кездесу соңында аймақ басшысы өңірімізде музыкалық өнер саласын дамыту бойынша бірлесіп жұмыс жасауға ниет білдірді.
Айта кетейік, Әлқуат Қазақбаев 1972 жылы Жамбыл облысында туған. Ол Құрманғазы атындағы Мемлекеттік академиялық ұлт аспаптар оркестрінің әртісі, Л.Н. Гумилев атындағы Еуразия ұлттық университеті қобызшылар квартетінің және Нұр-Сұлтан қаласы Мемлекеттік филармониясының «Тілеп» қобызшылар квартетінің көркемдік жетекшісі. ҚР Президенті сыйлығының лауреаты.
<img src="https://kyzylorda-news.kz/wp-content/uploads/2022/03/2.jpeg" alt="" />

Аймақ басшысы қобызшы Әлқуат Қазақбаевпен кездесті

<a href="https://kyzylorda-news.kz/">Kyzylorda-news.kz.</a> Қызылорда облысы Жаңақорған ауданында өрік ағашы гүлдеп жатыр, деп хабарлайды <a href="https://www.inform.kz/kz/zhanakorganda-orik-agashy-guldep-zhatyr-mamandar-muny-koru-ushin-turist-tartudy-usyndy_a3917466">ҚазАқпарат</a>.
Қызылорда облысының оңтүстік бөлігінде орналасқан Жаңақорған ауданында бүгінгі күндері күн қабағы жылы.
Аудан аумағында өрік ағашы жылма-жыл сәуір айының алғашқы он күндігінде гүлдеп жататын еді. Биыл күннің жылы болуына байланысты ол наурыз айының аяғынан басталып кетті.
<blockquote>
 «Көктем мезгілі табиғаттың жасанып-жаңаратын шағы ғой. Қытымыр қыстан құтылып, адамдар жаймашуақ уақыттың әсерін сезіне бастайды. Есік алдындағы жеміс ағаштарына жан бітіп, қоршаған ортаны көркем күйге бөледі. Мен өрік ағашының гүлдегенін көріпі, сондай сезімде болдым», – дейді Жаңақорған ауданының тұрғыны Әлімжан Ержанов.
</blockquote>
Қорқыт ата атындағы Қызылорда университетінде география және биология пәндері бойынша дәріс беріп жүрген ғалым Оразхан Айдаров мұндай көркем сәттерді қалт жібермей, соны тамашалауға шетелден туристер тартуға болатынын айтады.
<img src="https://kyzylorda-news.kz/wp-content/uploads/2022/03/2203311314193440f.jpg" alt="" />
<blockquote>
 «Жапонияда сакура ағашының гүлдеуін ерекше шара ретінде өткізеді. Ол біздің өрік, шие және жиде ағашы секілді кәдімгі ағаш қой. Әрбір табиғат құбылысы адамға ерекше әсер етеді. Біз мұны әлемдік деңгейде насихаттай алсақ, оған туристерді тартуға болады. Елімізде өрік ағашының көлемі өте аз. Қазір олардың базардың бағасы 1,5-2 мың теңге тұрады. Шие де арзан емес. Сондықтан олар екінші жағынан оны еккен адамға қаржылай көмек болатыны тағы бар. Оған бастысы ықылас керек», – дейді О.Айдаров.
</blockquote>

Жаңақорғанда өрік ағашы гүлдеп жатыр &#8211; мамандар мұны көру үшін турист тартуды ұсынды

<a href="https://kyzylorda-news.kz/">Kyzylorda-news.kz.</a> Семей полицейлері ағылшын курсы кабинетінен 11 келіден астам есірткі тәркіледі, деп хабарлайды&nbsp;<a href="https://stan.kz/">Stan.kz</a>
Наурыздың басында Семей қаласы полиция басқармасы есірткі қылмысына қарсы күрес бөлімінің қызметкерлері есірткі құралдарының заңсыз айналымына қатысы бар деген күдікпен Семей қаласының білім беру орталықтарының бірінің ағылшын тілі кабинетінде Алматы қаласының 36 жастағы тұрғынын ұстаған.
<blockquote>
 “Оқу бөлмесіне тінту жүргізу барысында өсімдік тектес жасыл түсті зат салынған полиэтилен қапшыққа оралған картон қорап табылды. Сараптама қортындысына сәйкес, тәркіленген зат кептірілген марихуана болып шықты. Жалпы салмағы 11 келіден асады”, – делінген хабарламада.
</blockquote>
Дерекке қатысты ҚР ҚК-нің 297-бабы 3-бөлігі (“Есірткі заттарды, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу”) бойынша соталды тергеу басталған. Бұл баптың санциясы 10 жылдан 15 жылға дейінгі мерзімге бас бостандығынан айыру жазасын көздейді.

Ағылшын тілі курсы кабинетінен 11 келі есірткі табылды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова жұмыс сапарымен Сырдария ауданына барды.
Аймақ басшысы ең алдымен Ақжарма ауылдық округінің тұрғындарымен кездесті. Ақсақалдар ауылға қатынайтын жедел-жәрдем көлігінің тозығы жеткендігін және мектепке күрделі жөндеу жұмыстарын жүргізуге мән беру сынды мәселелерді көтерді. Облыс әкімі әрбір ауылдың әлеуметтік мәселесі кезең-кезеңімен шешімін табатынын және әрбір ұсыныстың ескерілетінін жеткізді.
Мұнан соң өңір басшысы Гүлшара Әбдіқалықова Тереңөзек кентіндегі «Мансұр» жеке спорт клубы мен «Бақнұр-Бөбек-3» бөбекжай-балабақшасының жұмысымен танысты. Мұнда спортпен шұғылданып жатқан жастармен тілдесті.
Спорт клубы 2020 жылы пайдалануға берілді. Жаттығушылар шахмат, дзюдо, қазақ күресі, таеквондо спорт түрлерімен айналысады. 8 тұрғын жұмыспен қамтылған. Ал, «Бақнұр-Бөбек-3» балабақшасының жұмысы 2015 жылы басталған. 150 орындық мектепке дейінгі ұйымда кітапхана, әдіскерлер мен оқыту бөлмесі бар.
Облыс әкімі білім саласына инвестиция құюға мүдделі жеке кәсіпкерлердің қатары артып жатқанын тілге тиек етіп, балалардың лайықты білім алуына қажетті шараларды жалғастыру қажеттігін жеткізді.
Жұмыс сапары аясында облыс әкімі Гүлшара Әбдіқалықова Сырдариядағы Қалжан Ахун ауылдық округінде медициналық пункттің жұмысымен танысып, ауыл халқының ұсыныс-пікірлерін тыңдады. Елдің азаматтары медициналық пунктке күрделі жөндеу жұмысы қажет екенін айтып, аяқ су мәселесін шешіп беруді сұрады. Облыс әкімі мемлекеттік бағдарламалар арқылы медициналық бекетке арналған ғимаратты қайта жөндеу жұмыстарына тиісті қаржы бөлу мәселесі қаралғанын айтып, аяқ су мәселесіне қатысты сала басшыларына бірқатар тапсырма берді.
Одан әрі аймақ басшысы 1600-ден астам тұрғыны бар Сәкен Сейфуллин ауылының азаматтарымен пікірлесіп, толғандырып жүрген сауалдарын тыңдады.
Кездесу барысында мектепте жөндеу жұмыстарын жүргізу, көгілдір отынға қосылу, жол салу, тұрғын үй құрылысы, бизнеске «Қызылорда» өңірлік инвестиция орталығы арқылы аз пайызбен несие алу мәселелері айтылды.
Өңір басшысы «Ауыл ел бесігі» бағдарламасы арқылы аймақта бірнеше ауылдың инфрақұрылым мәселесі жақсарғанын назарға салып, бизнес жасауға ынталы азаматтарды қолдау қажеттігін атап өтті.
Облыс әкімі ауданға сапары барысында Асқар Тоқмағамбетов ауылдық округіндегі тұрғындармен кездесіп, бірқатар әлеуметтік мәселелерді талқылады. Оның ішінде елді-мекенді газға қосу, жол салу, амбулаторияны жөндеуге қатысты сұрақтар бар. Сонымен қатар, азаматтар жер үлесі мәселесін көтерді.
Аймақ басшысы жер дауы мәселесі заң аясында екі тараптың бірлескен шешімі негізінде түйіні тарқатылатынын еске салды.
Айта кетейік, осы кезге дейін облыс әкімі 120-ға жуық елді мекенді аралап, түйінді мәселелерді саралай келе түпкілікті шешім қабылдауға ықпал етуде.
<img src="https://kyzylorda-news.kz/wp-content/uploads/2022/03/276174693_272282911759627_6571865144610553400_n.jpg" alt="" />
<img src="https://kyzylorda-news.kz/wp-content/uploads/2022/03/277464839_272282428426342_1703671165152878592_n.jpg" alt="" />
<img src="https://kyzylorda-news.kz/wp-content/uploads/2022/03/277310564_272283655092886_6510848421136829663_n.jpg" alt="" />
<img src="https://kyzylorda-news.kz/wp-content/uploads/2022/03/277464821_272284805092771_8329994021376634656_n.jpg" alt="" />
<img src="https://kyzylorda-news.kz/wp-content/uploads/2022/03/277247866_272282541759664_8839012148870655851_n.jpg" alt="" />
<img src="https://kyzylorda-news.kz/wp-content/uploads/2022/03/277357372_272283755092876_4530561602216596132_n.jpg" alt="" />
<img src="https://kyzylorda-news.kz/wp-content/uploads/2022/03/277353330_272283858426199_8084270204179370476_n.jpg" alt="" />
<img src="https://kyzylorda-news.kz/wp-content/uploads/2022/03/277346319_272284725092779_5096518485835393053_n.jpg" alt="" />

Қазақстан және Қызылорда облысының жаңалықтары

Гүлшара Әбдіқалықова: Өңір үшін өзекті мәселелерде тиімді әрекет керек

Ауа райы: Қызылордада күн бұлтты

Г.Әбдіқалықова: Өңдеу өнеркәсібі саласында ірі 21 инвестициялық жоба жасалды

Президенттік кадрлық резерв: Қызылордадан лауазымды қызметтер ұсынылды

Қызылорда: «Балалар жылы» аясында өткен концертке 200-ден аса өнерпаз қатысты

“Жас ұлан” ұйымы қайырымдылық жәрмеңкесін ұйымдастырды

Қызылордада 19 568 бүлдіршін 1 сыныпқа барады

Қызылордада «Сәт» атты жастар сериалының тұсауы кесілді

Аймақ басшысы қобызшы Әлқуат Қазақбаевпен кездесті

Жаңақорғанда өрік ағашы гүлдеп жатыр – мамандар мұны көру үшін турист тартуды ұсынды

Ағылшын тілі курсы кабинетінен 11 келі есірткі табылды

Гүлшара Әбдіқалықова Сырдария ауданы тұрғындарымен кездесті

Қазақстан және Қызылорда облысының жаңалықтары

Гүлшара Әбдіқалықова: Өңір үшін өзекті мәселелерде тиімді әрекет керек

Ауа райы: Қызылордада күн бұлтты

Г.Әбдіқалықова: Өңдеу өнеркәсібі саласында ірі 21 инвестициялық жоба жасалды

Президенттік кадрлық резерв: Қызылордадан лауазымды қызметтер ұсынылды

Қызылорда: «Балалар жылы» аясында өткен концертке 200-ден аса өнерпаз қатысты

&#8220;Жас ұлан&#8221; ұйымы қайырымдылық жәрмеңкесін ұйымдастырды

Қызылордада 19 568 бүлдіршін 1 сыныпқа барады

Қызылордада «Сәт» атты жастар сериалының тұсауы кесілді

Аймақ басшысы қобызшы Әлқуат Қазақбаевпен кездесті

Жаңақорғанда өрік ағашы гүлдеп жатыр &#8211; мамандар мұны көру үшін турист тартуды ұсынды

Ағылшын тілі курсы кабинетінен 11 келі есірткі табылды

Гүлшара Әбдіқалықова Сырдария ауданы тұрғындарымен кездесті

“Жас ұлан” ұйымы қайырымдылық жәрмеңкесін ұйымдастырды

Жаңақорғанда өрік ағашы гүлдеп жатыр – мамандар мұны көру үшін турист тартуды ұсынды