Kyzylorda-news.kz. Бүгін елімізде Отбасы күні мерекесі аталып өтілуде. Аталған мереке елімізде 2013 жылдан бастап тойланып келеді, деп хабарлайды ҚазАқпарат.
Мемлекет бiздiң қоғамда негiзгi отбасылық құндылықтарды нығайтудың маңыздылығына ерекше назар аударып отыр.
Қазақстанда Отбасы күні ҚР Тұңғыш Президенті — Елбасының Жарлығымен 2013 жылдан бастап қыркүйек айының екiншi жексенбiсiнде аталып өтедi.
Биыл бұл дата 12 қыркүйекке сәйкес келді. Биыл айтулы күн қарсаңында елордадағы «Астана-Бәйтерек» монументінде жас жұбайлар салтанатты түрде некелесті.
Шараға ҚР Ақпарат және қоғамдық даму вице-министрі Асқар Умаров қатысты.
<blockquote>
 «Жақында ғана Мемлекет басшысы Қасым-Жомарт Тоқаев Қазақстан халқына Жолдауында Отбасылық және гендерлік саясат концепциясына елеулі өзгерістер енгізу қажеттігін атап өтті. Жыл сайын Қазақстанда 100 мыңға жуық жас жұбайлар неке қияды. Бүгінгі осы салтанатты шараның «Бәйтерек» монументінде өтуі – сіздердей жас отбасылардың өсіп келе жатқан ағаштай тарихи тамырын сақтап, мықты тірегі бар, болашаққа ұмтылысы бар мемлекетке айналатынын білдіреді», – деген еді Асқар Умаров.
</blockquote>
Елімізде Отбасы құндылығын сақтап, дәріптеу мақсатында жыл сайын ауқымды шаралар қолға алынып жатыр. Соның бірі «Мерейлі отбасы» — ұлттық байқауы. Аталған байқау Елбасының бастамасымен 2013 жылы құрылған болатын. Мақсаты – отбасы институтын, отбасылық құндылықтарды нығайту, бала тәрбиесіндегі ата-аналардың жауапкершілігін арттыру, қазақстандық отбасының жағымды имиджін насихаттау.
Жыл сайын өтетін байқауда республика бойынша 17 үздік отбасы анықталады. Биыл конкурстық комиссияға барлығы 2 768 өтінім келіп түсіпті (68,7% ауылдық отбасы, 31,3% қалалық отбасы).
Мемлекет басшысы биылғы Жолдауында еліміздің Отбасылық және гендерлік саясат тұжырымдамасына өзгерістер енгізу керектігін алға тартты.
<blockquote>
 «Осы жаздың басында менің Жарлығыма сәйкес Үкімет Адам құқығын қорғау жөніндегі кешенді жоспарды бекітті. Осы маңызды құжат Қазақстанда адам құқығын қорғау жүйесін одан әрі жетілдіру үшін ұзақ мерзімді институттық негіз қалыптастырады. Атап айтқанда, кешенді жоспар қабылданғаннан кейін гендерлік теңдікті қамтамасыз ету үшін белсенді жұмыс басталды. Осыған орай әйелдердің қоғамдағы экономикалық және саяси ұстанымын барынша қолдауды қамтамасыз еткен жөн. Бұл жұмысқа Президент Әкімшілігі жауапты. Отбасылық және гендерлік саясат тұжырымдамасына да өзгерістер енгізген жөн», – деді Қасым-Жомарт Тоқаев Жолдау барысында.
</blockquote>
Осы тұста айта кетсек, биыл өткен «Мерейлі отбасы» ұлттық байқауының концерті бүгін сағат 14:30-да «Хабар» телеарнасынан көрсетіледі.

Отбасы күні: Елімізде жыл сайын 100 мыңға жуық жас жұбай неке қияды

Kyzylorda-news.kz. Қазақстанда өткен тәулікте 4120 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 383, Алматы қаласы – 1203, Шымкент қаласы – 146, Ақмола облысы – 240, Алматы облысы – 124, Атырау облысы – 547, Шығыс Қазақстан облысы – 132, Жамбыл облысы – 187, Батыс Қазақстан облысы – 29, Қарағанды облысы – 321, Қостанай облысы – 26, Қызылорда облысы – 123, Маңғыстау облысы – 291, Павлодар облысы – 261, Солтүстік Қазақстан облысы – 12, Түркістан облысы – 95.
Қазақстан бойынша жазылғандар саны – 758090.

Қызылордада 123 адам індеттен айықты

Kyzylorda-news.kz. Қазақстанда өткен тәулікте 3575 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 316 Алматы қаласы – 869 Шымкент қаласы – 115 Ақмола облысы – 198 Ақтөбе облысы – 187 Алматы облысы – 332 Атырау облысы – 90 Шығыс Қазақстан облысы – 164 Жамбыл облысы – 65 Батыс Қазақстан облысы – 94 Қарағанды облысы – 405 Қостанай облысы – 170 Қызылорда облысы – 85 Маңғыстау облысы – 139 Павлодар облысы – 213 Солтүстік Қазақстан облысы – 87 Түркістан облысы – 46.
Жалпы ел бойынша ауырғандар саны 839499.

Қызылордада 85 адамнан коронавирус анықталды

Kyzylorda-news.kz. 12 қыркүйекте шығыс жарты шарда және солтүстік аймақтарда, сондай-ақ оңтүстік-шығыстың таулы аудандарында жаңбыр жауып, найзағай ойнайды, деп хабарлайды Қазгидромет.
Еліміздің батыс жартысында антициклон жотасының әсерінен ауа райы негізінен жауын-шашынсыз болады.
Түнде және таңертең Солтүстік және Орталық аймақтарда тұман түседі.
Қазақстанның шығыс жартысы мен солтүстік өңірлерінде жел секундына 15-20 метрге дейін күшейеді.
Солтүстік Қазақстан облысының шығысында найзағай ойнайды, жел секундына 15-20 метр, күндіз екпіні 23-28 м/с-ке дейін күшейеді.
Павлодар облысында күндіз екпіні жел 15-20 м/с соғады. Жамбыл облысының таулы аудандарында найзағай ойнап, бұршақ жауады.
Түнде тұман, күндіз облыстың оңтүстік-батысында, батысында жел секундына 15-20 метрге дейін күшейеді.
Түнде солтүстігінде, күндіз Шығыс Қазақстан облысының басым бөлігінде найзағай ойнайды, жел секундына 15-20 метр жылдамдықпен күшейеді. Орталықта желдің күші 15-20 м/с болады.
Қарағанды облысының солтүстігінде, солтүсті-батысында тұман түседі, елдің солтүстігінде, шығысында және орталығында жел 15-20 м/с жылдамдықпен соғады.
Ақмола облысының солтүстігінде түнде және таңертең, оңтүстік-шығысында тұман түседі, түнде және күндіз солтүстігінде, оңтүстік-шығысында жел 15-20 м/с-қа дейін күшейеді.
Түнде және таңертең облыстың солтүстігінде, солтүстік-батысында тұман түседі, күндіз солтүстігінде жел 15-20 м/с жылдамдықпен соғады.
Түнде Ақмола облысының оңтүстік-батысында, Қостанай, Солтүстік Қазақстан облыстарының батысында, Ақтөбе облысының солтүстігінде, Қарағанды облыстарының солтүстігінде, шығысында 2 градус үсік жүреді.
Алматы, Жамбыл, Түркістан, Қызылорда, Маңғыстау, Атырау, Ақтөбе, Қостанай облыстарының басым бөлігінде, Қарағанды облысының батысында, Батыс Қазақстан облысының солтүстік-шығысында және оңтүстігінде, Шығыс Қазақстан облысының оңтүстігінде төтенше өрт қаупі сақталады.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. ҚР Президенті Әкімшілігінің қауіпсіздік және құқықтық тәртіп бөлімінің меңгерушісі Алексей Калайчиди полицияның сервистік моделіне көшу және оның қалай жұмыс істейтінін айтты, деп хабарлайды ҚазАқпарат.
Спикер ҚР Президенті Қасым-Жомарт Тоқаевтың «Халық бірлігі және жүйелі реформалар – ел өркендеуінің берік негізі» атты Жолдауын талқылауға арналған дөңгелек үстел барысында қылмыстық процестің үш сатылы моделіне көшу және сервистік модельге ауыстыру мәселесі туралы айтты.
<blockquote>
 «Біз шетелдік тәжірибені көп зерттедік. Бірден айтқым келеді, полицияда бірыңғай заң, бірыңғай қызмет үлгісі жоқ. Бірақ бұл модельге көшкен барлық елдерге тән бір қағида бар. Біріншіден, бұл – мемлекеттік органдардың, ең алдымен полиция мен қоғамның қауіпсіздік мәселелерін бірлесіп шешетіні. Яғни, полицияның сервистік модельге көшуі қауіпсіздік жүйеде өте маңызды рөл атқарады», – деді ол.
</blockquote>
Оның айтуынша, полиция қоғамдық тәртіп пен қылмыстың алдын алуға тікелей жауап беретін мемлекеттік қызметші.
<blockquote>
 «Полиция мемлекеттік органмен және халықпен тығыз қарым- қатынас орнатуы керек. Президент айтқан: полиция қолжетімді болуы тиіс. Сонымен қатар, ыңғайлы және қауіпсіз инфрақұрылымды дамыту қажет», – деп қосты ол.
</blockquote>
Алексей Калайчиди сервистік модель қалай жұмыс істейтінін түсіндірді.
<blockquote>
 «Біріншіден, проблемалар мен оларды шешу мәселесі қоғаммен бірге жүзеге асады. Қоғам құқық бұзушылыққа ықпал ететін белгілі бір себептерді жою туралы шешімді анықтауға және қалыптастыруға көмектеседі. Бұл жерде басымдық құқық бұзушыларға емес, полиция мен билікке және заңға бағынышты азаматтарға беріледі. Негізінен профилактикаға баса назар аударылады. Зерттеулер көрсеткендей қылмысты ашудан және оның салдарын жоюдан гөрі алдын алу әлде қайда тиімдірек»,- дейді ол.
</blockquote>
Спикердің айтуынша, негізгі екі критерий бар.
<blockquote>
 «Бағалау жүйесі екі нәрсеге негізделген, сандық критерийі – құқықтар мен статистика. Сапалық критерийі – полиция мен қоғамдағы қауіпсіздік жүйесі қалай жұмыс істейтіні туралы халықтың пікірі. Негізгі критерий – халықтың сенімі»,- дейді ол.
</blockquote>
Алексей Калайчиди еліміздің үш облысында пилоттық жоба іске қосылғанын атап өтті.

Қазақстан полициясының сервистік моделі қалай жұмыс істейді?

<a href="https://kyzylorda-news.kz/">Kyzylorda-news.kz</a>. Ыстық кофе, тәтті бәліш пен фильмдер күзде өзінше жылу сыйлары анық.&nbsp; Ал біз сізге осындай атмосфера сыйлау үшін күзгі романтикаға толы 5 фильмді ұсынып көрмекпіз. Кофеңізді дәмді етіп, экран алдына жайғасыңыз.
1.&nbsp;«Нью-Йорктегі күз» (Осень в Нью-Йорке) 2000 жыл
<img src="https://kyzylorda-news.kz/wp-content/uploads/2021/09/a.jpg" alt="" />
2. «Көл&nbsp;жағасындағы үй» (Дом у озера) 2006 жыл
<img src="https://kyzylorda-news.kz/wp-content/uploads/2021/09/b.jpg" alt="" />
3. «Абырой мен жалған сенім» (Гордость и предубеждение) 2005 жыл
<img src="https://kyzylorda-news.kz/wp-content/uploads/2021/09/v.jpg" alt="" />
4. «Үлкен балық» (Крупная рыба) 2003 жыл
<img src="https://kyzylorda-news.kz/wp-content/uploads/2021/09/g.jpg" alt="" />
5. «Ханна және оның әпкелері» (Ханна и её сестры) 1986 жыл
<img src="https://kyzylorda-news.kz/wp-content/uploads/2021/09/d-1.jpg" alt="" />

Күзгі романтикаға толы 5 фильм

Kyzylorda-news.kz. Қазалы ауданының әкімі Мұхтар Оразбаев Әйтеке би кентіндегі “Қазалы Су сервис” мемлекеттік коммуналдық кәсіпорнына барып, ұжым мүшелерімен кездесті.
Кездесуде кәсіпорында қазіргі таңда орын алған қиыншылықтардан шығу жолдары сөз болды.
Кәсіпорын жұмысы мен қазіргі таңдағы қалыптасқан жағдай туралы директордың міндетін атқарушы Әзім Ешмұрат айтып берді.
Аудан орталығындағы “Қазалы Су сервис” мемлекеттік коммуналдық кәсіпорны халыққа суды таратушы желілер арқылы беру және сарқынды суды бұру қызметтерін көрсетеді. Мекеме қарамағында 9 теміржол, 9 бюджеттік, 17 өзге ұйымдар мен 365 тұрғын үй бар.
Сондай-ақ Сырдария өзені жағалауындағы ашық су көзінен су тазарту, тарату станция арқылы Әйтеке би кентінде орналасқан 7 теміржол, 2 бюджеттік, 5 өзге де кәсіпорындарды техникалық сумен қамтамасыз етеді.
Бүгінгі таңда мекемеде 38 жұмысшы еңбек етеді. Өткен жылы кәсіпорын жұмысын оңтайландыру мақсатында 24 жұмысшы-қызметкер қысқартылған.
Қазіргі таңда да мекеменің жағдайы мәз емес. Жұмысшылар шілде, тамыз айларындағы жалақыларын алмаған. Оның негізгі себебі пандемия жағдайында көптеген қызмет түрлері қысқарып, табыс көзі азайған. Оның үстіне қыркүйек айынан бастап көрсетілетін қызметтердің тарифтік бағасы 2 есеге дейін түсіп кеткен.
Кездесу соңында аудан әкімі Мұхтар Оразбаев бірінші кезекте кәріздік насос басында қиын жағдайда жұмыс істеп жатқан жұмысшылардың жалақысын беру керектігін айтты. Кәсіпорын директорының міндетін атқарушы Әзім Ешмұратқа тариф бағасын тезірек бекітіп, барлық жалақы қарыздарынан құтылу жолдарын тезірек қарастыруды тапсырды.
<img src="https://kyzylorda-news.kz/wp-content/uploads/2021/09/fb_img_1631324813485.jpg" alt="" />

Қазалы: Кәсіпорындағы қиыншылықтардан шығу жолдары қарастырылды

Kyzylorda-news.kz. Бүгін Нұр-Сұлтан қаласында екі күндік «Хан Шатыры» сауда орталығының жанында Қызылорда облысының дәстүрлі ауылшаруашылық жәрмеңкесі өтуде.
Жәрмеңкеде 70-ке жуық Сырдың дихандары мен кәсіпорындары 40 жүк автокөліктермен жалпы құны 100 млн теңгені құрайтын 400 тоннаға жуық өнімдер елордалық тұрғындарға ұсынылуда.
Арқа төріндегі тұрғындар Қызылорда облысының брендіне айналған ақ күріш, балығы мен ас тұзы, қауыны мен қарбызынан дәм татуда.
Сырбойылықтар жәрмеңкеге 140 тонна күріш, 20 тонна балық және балық өнімдері, 150 тонна бақша, 40 тонна асқабақ, 40 тонна көкөніс пен жеміс-жидектер, 3 тонна ас тұзы, 5 тонна сүт және кондитер өнімдерін әкелді. Тез бұзылатын сүт өнімдері рефрижератор көлігімен жеткізілді.
Айта кету керек, жәрмеңкеде карантин талаптары сақталып, тауарұсынушылар дезинфекциялық құралдармен толық қамтылған. Жалпы Қызылорда өңірінде ауыл шаруашылық өнімдерін өндіру және агроөнеркәсіптік кешен жүйесін тиімді жүргізу мәселелері жолға қойылған. Ел Тәуелсіздігінің 30 жылдығының ішінде аймақтың аграрлық саласында айтарлықтай жетістіктерге қол жеткізілді. Атап айтқанда, соңғы 10 жылда (2020 жылды 2010 жылмен салыстырғанда) облыстың жалпы өңірлік өнім құрылымдағы ауыл шаруашылығының үлесі 4,3%-дан 5,9%-ға дейін ұлғайған.
Мал шаруашылығын дамыту бойынша да жүйелі жұмыстар жүргізіліп, нәтижесінде ірі қара мал басы 1,5 есе, жылқы 2,3 есе, түйе 2 есе өсті.Биылғы жылы да облыстың жалпы егіс көлемі 3,9 мың гектарға ұлғайып, барлығы 188,1 мың гектар жерге ауыл шаруашылығы дақылдары орналастырылды. Оның ішінде дәндi дақылдар 96,6 мың гектар, майлы дақылдар 6,7 мың гектар, мал азықтық дақылдар 66,4 мың гектар, картоп, көкөнiс, бақша 18,3 мың гектарды құрады. Негізгі дақыл күрiштің көлемі 83,6 мың гектар.
Егілген күріштен жоғары өнім алу мақсатында күріш егісіне 100 пайыз жоғары репродукциялы тұқымдар себілді. Облыста күрішке орақ салу жұмыстары 26 тамыздан басталды. Бүгінгі күні 4 716 гектар күрішке орақ салынып, оның 2 495 гектары бастырылды. Әр гектарынан орташа 42,3 центнерден өнім алынуда. Сонымен қатар, бүгінгі күнге облыста 242,7 мың тонна картоп, көкөніс, бақша және 20,2 мың тонна ет, 49,5 мың тонна сүт өндіріліп отыр.
Еске салайық, Сыр елінің ауыл шаруашылығы өнімдері әлемнің 16 мемлекетіне экспортталуда. Экспортталған өнімнің 95 пайызы облыстың негізгі дақылы күріш өнімі Ресей, Қырғызстан, Беларусь, Әзірбайжан, Моңғол мемлекеті, Тәжікстан, Украина, Өзбекстан және Ирак мемлекеттеріне жіберілуде.Сыр елінің өнімдері ұсынылатын жәрмеңке ертең де жалғасады.
<img src="https://kyzylorda-news.kz/wp-content/uploads/2021/09/fb_img_1631347824910.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631347827229.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631347829742.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631347832256.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631347834906.jpg" alt="" />
<img src="https://kyzylorda-news.kz/wp-content/uploads/2021/09/fb_img_1631347837589.jpg" alt="" />

Нұр-Сұлтан қаласында Қызылорда облысының жәрмеңкесі өтуде

<a href="https://kyzylorda-news.kz/">Kyzylorda-news.kz</a>. Күз мезгілінде ағзаның ауа райына, температураның өзгеруіне бейімделуі қиын. Сондықтан дәрумендер қабылдау аса маңызды.
А дәрумені.&nbsp;Метаболизм процестерін қалыпқа келтіреді, антиоксидантты әсерге ие, тері түсін жақсартады.
Е дәрумені.&nbsp;Иммундық жүйеге ықпалы зор, қан тамырларының жағдайын жақсартады. &nbsp;
С дәрумені.&nbsp;Токсиндерді шығарады, иммундық жүйенің жасушаларын белсендіреді. &nbsp;
В6 Дәрумені. Жүйке жүйесінің жұмысын жақсартады, эмоционалды фонды қалыпқа келтіреді, жұмыс қабілетін арттырады. &nbsp;
В12 Дәрумені. Асқазан-ішек жолдарының қызметін сақтау үшін қолданылады, қан түзілуін жақсартады. &nbsp;
D дәрумені. Шаш пен тырнақтың сапасын жақсартады, иммундық жүйенің қызметін тездетеді.
<a href="https://24.kz/kz/zha-aly-tar/bylu-manyzdy/item/496620-k-zde-adam-a-zasyna-andaj-d-rumender-azhet">Хабар 24</a>

Күзде адам ағзасына қандай дәрумендер қажет?

<a href="https://kyzylorda-news.kz/">Kyzylorda-news.kz</a>. Биыл жарияланған World Happiness Report есебінде Финляндия “Әлемдегі ең бақытты ел” рейтингінде төртінші рет көш бастады.
Дүниежүзілік бақыт туралы есепты жыл сайын Біріккен Ұлттар Ұйымының Тұрақты Даму Шешімдер Бөлімі жасайды. Ол әлемнің 149 елін бағалайды және өмір сүру ұзақтығы, әлеуметтік қолдау, сыбайлас жемқорлық және тағы басқа көрсеткіштерді ескереді. Бақытты ел есебі алғаш рет 2012 жылы жарияланды.
Массагет порталы әлемдегі ең бақытты елдерге шолу жасайды.
Бақытты елдер рейитнгі ТОП 10:
<ol>
<li>Финландия;</li>
<li>Дания;</li>
<li>Швейцария;</li>
<li>Исландия;</li>
<li>Нидерланды;</li>
<li>Норвегия;</li>
<li>Швеция;</li>
<li>Люксембург;</li>
<li>Новая Зеландия;</li>
<li>Австрия.</li>
</ol>
АҚШ – 14, Ұлыбритания – 18, Франция – 20-орынға жайғасты.
<img src="https://kyzylorda-news.kz/wp-content/uploads/2021/09/ad283533785d0ca2f0491a53f4f4e35b.jpg" alt="" />
Неге Финландия ең бақытты ел саналады?
Биыл пандемияның өршіп тұрғанына қарамастан фин елі тағы да көш бастады. Джонс Хопкинс университетінің мәліметінше, 5.5 миллион халқы бар ел Еуропаның көптеген мемлекетіне қарағанда пандемиямен жақсы күрескен. Коронавирус басталғалы финдерде 70 000-нан астам адам ковид жұқтырып, 805 адам қайтыс болған. Бұл елде қылмыс деңгейі де төмен. Финляндия полицейлерге сенімі бойынша әлемдегі рекордты көрсеткіште. &nbsp;Өткен 20 жыл ішінде олар баспанасыздар санын екі есеге қысқарта алған. Бүгінде баспанасыздар саны – 7000-нан аспайды. Алдын алудың арқасында бірнеше ондаған жылдар ішінде суицид саны да екі есеге қысқарды.
<img src="https://kyzylorda-news.kz/wp-content/uploads/2021/09/0b9ac47d9041756a8246e2f0a00d7a46.jpg" alt="" />
3 миллион сауна мен 4500 ағаш
Ғалымдар финдердің бақыты туралы зерттей отырып, бақыттың басты сыры өмір сүру салтында екенін баса айтады.
Финдер қоршаған ортаны қорғауға құмар. Жыл сайын үлкен қалаларда велосипедтер көбейіп, көліктер азайып келеді. Жазда Хельсинки мэрі тіпті екі дөңгелекті көліктерді ақысыз жалға береді. Финляндия сонымен қатар Еуропадағы қалдықтарды сұрыптау бойынша да көш басында. Бұл елде қалдықты қайта өңдеу 20 жылдан астам бұрын енгізілген. Қазіргі уақытта қалдықты қайта өңдеу 80%-ға &nbsp;жеткен.
Таза экологиядан басқа, финдер салауатты өмір салтын жақсы көреді. Финляндияны “сауналар елі” деп атайды. 5,5 миллион адамға 3 миллионға жуық сауна қызмет етеді. &nbsp;Қоғамдық сауналар ақысыз және әлеуметтік мәртебеге қарамастан маңызды кездесетін жер саналады.
<img src="https://kyzylorda-news.kz/wp-content/uploads/2021/09/0bdca5202e2b832d29d10c7d4769d9ec.jpg" alt="" />
Фин бақытының тағы бір көзі – табиғат. Финляндияда 37 ұлттық парк бар (салыстыру үшін айтатын болсақ, Қазақстанда тек 14 ұлттық парк бар. Финландия жер көлемі бойынша 66-орында, Қазақстан 9-орында), бұл елдің әр тұрғынына 4500 ағаштан келеді. Финляндия – Еуропадағы ең ауасы таза ел. Қатаң климатқа қарамастан, финдер ашық ауада көп уақыт өткізеді, саңырауқұлақтар мен жидектерді жинайды, 95% спортпен айналысады, ал жартысынан көбі қашықтан жұмыс істейді.
Басқа елдер ше?
Екінші орынға жайғасқан Дания да экономика және түрлі басқа сала жағынан өте дамыған мемлекет. Елде әдемі сәулет, заманауи нарықтық экономика, жоғары әлеуметтік стандарттар, сапалы денсаулық сақтау жүйесі және қылмыс деңгейі төмен. Данияда жалақы орташа есеппен айына 5 мың еуродан асады. Даниялық компаниялардың қызметкерлері, әдетте, еңбек жағдайына қанағаттанғанады.
Үшінші орындағы Швейцарияда өмір сүру қаржылық жағынан өте қымбат болса да, бұл ел Женевада, Цюрихте және басқа да көптеген қалаларда бизнес ашуға немесе жұмыс іздеуге ұмтылатын көптеген шетелдік кәсіпкерлер мен еңбек мигранттарын тартады. Ең әдемі таулар, таза көлдер, сапалы сағаттар мен керемет дәмді швейцариялық шоколад бүкіл әлемге белгілі. Мемлекеттің инфрақұрылымы идеал деңгейде&nbsp;және медицинасы өте жақсы дамыған.
Төртінші-бесінші орындағы Нидерланды мен Исландия туралы да осыны айтуға болады. Дәстүр бойынша, нидерландықтардың басты артықшылығы – басқаларға сенім, қайырымдылық. Бұл елде сыбайлас жемқорлық өте төмен деңгейде.
<img src="https://kyzylorda-news.kz/wp-content/uploads/2021/09/d4f727ab03c256798a2511aeeea2eb4d.jpg" alt="" />
Исландия – бар болғаны 360 мыңға жуық адам тұратын шағын мемлекет. Көптеген азаматтар бір-бірін жақсы біледі, сондықтан кетерде үйдің есігін құлыптамайды да, балаларын кафе немесе дүкен кіреберісінде қараусыз қалдыра береді. Бұл елде ұрлық деңгейі өте төмен. Орталық жылу жүйесі, білім беру тегін. Темекі шегетіндер мен алкоголь ішетіндер жоқтың қасы. Бұл елде адам құқығы бірінші орында. Жеке медициналық клиника жоқ, барлығы тегін. Исландияның орташа жылдық жалақысы&nbsp; – 40 000 доллар. Тұтастай алғанда мемлекет жынысына, жасына және біліміне қарамастан, тең мүмкіндіктер береді.
<img src="https://kyzylorda-news.kz/wp-content/uploads/2021/09/d54c2c730097cca4239deaafffb40b2e.jpg" alt="" />
Қазақстан нешінші орында?
149 ел кірген рейтингте Қазақстан 36-шы орында. Жалпы бұрынғы КСРО елдерінің ішінде Эстония мен Литваның нәтижелері жақсы. Бұл елдер – 28 және 29 орынды иеленген. Ал көршілерімізден – Қырғызстан – 33, Латвия – 34, Өзбекстан – 42, Молдова – 49, Ресей – 60, Тәжікстан – 62 , Украина – 69, Грузия – 73 орында.
Айта кету керек, Қазақстан кейінгі 3 жыл қатарынан (2017-219 жылдар) 60-орынды иеленген болатын. Тек, былтыр 50-орынға жоғарылады.
Біріккен Ұлттар Ұйымының мәліметі бойынша, биылғы “ең бақытсыз” елдер – Зимбабве (рейтингте соңғы) және Танзания.
<a href="https://massaget.kz/arnayyi_jobalar/lemtanu/66090/">massaget.kz</a>

Әлемдегі ең бақытты елдер-2021: Қазақстан нешінші орында?

Kyzylorda-news.kz. Қазақстанда өткен тәулікте 5992 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 697, Алматы қаласы – 1217, Шымкент қаласы – 143, Ақмола облысы – 258, Ақтөбе облысы – 620, Алматы облысы – 521, Атырау облысы – 528, Шығыс Қазақстан облысы – 120, Жамбыл облысы – 328, Батыс Қазақстан облысы – 154, Қарағанды облысы – 367, Қостанай облысы – 232, Қызылорда облысы – 157, Маңғыстау облысы – 227, Павлодар облысы – 353, Солтүстік Қазақстан облысы – 19, Түркістан облысы – 51.
Қазақстан бойынша жазылғандар саны – 753970.

Қызылордада 157 адам коронавирустан жазылды

Kyzylorda-news.kz. Қазақстанда өткен тәулікте 3676 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 317, Алматы қаласы – 889, Шымкент қаласы – 151, Ақмола облысы – 202, Ақтөбе облысы – 178, Алматы облысы – 365, Атырау облысы – 93, Шығыс Қазақстан облысы – 192, Жамбыл облысы – 62, Батыс Қазақстан облысы – 109, Қарағанды облысы – 390, Қостанай облысы – 172, Қызылорда облысы – 79, Маңғыстау облысы – 162, Павлодар облысы – 205, Солтүстік Қазақстан облысы – 67, Түркістан облысы – 43.
Жалпы ел бойынша ауырғандар саны 835924.

Қазақстан және Қызылорда облысының жаңалықтары