<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев қоғам қайраткері, еңбек ардагері Ибрагим Әбибуллаевты 75 жасқа толуына орай Сыр жұртшылығы атынан құттықтады.
Басқосуға облыстық мәслихат хатшысы Наурызбай Байқадамов, облыстық ардагерлер кеңесінің төрағасы Серік Дүйсенбаев, қалалық ардегерлер кеңесінің төрағасы Сұлтанбек Тәуіпбаев, еңбек ардегерлері Жарылқасын Шәріпов, Әбдіғаппар Әмірғалиев пен қоғам қайраткері Қожахмет Баймаханов қатысты.
Аймақ басшысы «Құрмет» орденінің иегері, Жаңақорған, Шиелі, Сырдария аудандары мен Қызылорда қаласының «Құрметті азаматы» Ибрагим Әбибуллаевтың Сыр елінің әлеуметтік-экономикалық дамуына қосқан еңбегін атап өтіп, «Құрмет» грамотасын табыстады. Қазақы дәстүрге сай иығына шапан жауып, құрмет көрсетті.
<blockquote>
 «Құрметті Ибрагим Сражадинұлы, Сізді Сыр жұртшылығы атынан мерейтойыңызбен шын жүректен құттықтаймын! 
 Ибрагим Сражадинұлы ел басқарудағы іскерлігінің, кәсіби шеберлігінің, тиянақтылығының арқасында халықтың әл-ауқатын дамытуға бағытталған мемлекеттік саясатты сәтті жүзеге асыра білді. 
 Сіз облыстың орман, аң, балық шаруашылығы, табиғи ресурстар мен табиғат пайдалануды реттеу басқармасына басшылық жасаған жылдары біршама жаңа өзгерістер енгіздіңіз. 
 Ибрагим Сражадинұлы Арал теңізінің құрғаған табанына сексеуіл егуді жалғастырып, барлық аудан орталықтарынан көшет өсіретін питомниктер ашты. Қазір барлық аудан соның игілігін көріп отыр. Арал мен каналдардың проблемасын Үкіметтік деңгейде көтеріп, милиардтаған қаржы бөлінуіне белсене атсалысты. 
 Бұл Сіздің билік пен халық сеніп тапсырған қызметтің жауапкершілігін сезініп, бар күш-жігерін елге, туған жеріне қалтқысыз арнағаныңызды көрсетеді. 
 Аймақ экономикасының дамуы мен халықтың әл-ауқатын көтеруге ықпал етіп, мемлекеттік қызметте жоғары дәрежеде қызмет еттіңіз. Сіздердің тәжірибелеріңіз, ақыл-кеңестеріңіз қазіргі жастар үшін аса қымбат. 
 Сізді мерейлі жасыңызбен тағы да құттықтай отырып, ұзақ ғұмыр, мықты денсаулық, отбасыңызға амандық тілеймін», – деді Н.Нәлібаев.
</blockquote>
Жиында облыстың зиялы қауым өкілдері, ел ағалары туған күн иесінің еңбек жолынан естеліктер айтып, құттықтауларын жеткізді.
<img src="https://kyzylorda-news.kz/wp-content/uploads/2022/06/285451537_314047557583162_6598672170159321755_n.jpg" alt="" />

Нұрлыбек Нәлібаев қоғам қайраткері Ибрагим Әбибуллаевты 75 жасқа толуымен құттықтады

<a href="https://kyzylorda-news.kz/">Kyzylorda-news.kz.</a> Өткен аптада облыс әкімі Нұрлыбек Нәлібаевтың жеке қабылдауында болған қала тұрғыны, 18 жылдан бері «Қызылорда тазалығы» мекемесінде қызмет атқаратын Гүлайым Қарғабаева жұмысшылардың қоғамдық көлікте жеңілдікпен жүру туралы өтінішін жеткізді.
Аймақ басшысы қытымыр қысқа да, аптап ыстыққа шыдас беріп, күні-түні қызмет жасап жүрген тазалықшылардың еңбегі жоғары екенін атап өтіп, қала әкіміне олардың 1 маусымнан бастап қоғамдық көлікте тегін жүруіне жағдай жасауды тапсырды.
Бүгін қала әкімі Асылбек Шәменов “Қызылорда-тазалығы” мекемесіне барып, қызметкерлеріне уәде етілген тегін билеттерді табыстады.

Тазалықшылар қоғамдық көлікте тегін жүреді

<a href="https://kyzylorda-news.kz/">Kyzylorda-news.kz.</a> Бүгін Сыр елінде Халықаралық балаларды қорғау күніне арналған «Бақ Орданың бақытты балалары» салтанатты шарасы өткізілді. 6000-ға жуық бала қатысқан думанды шара мерекелік атрибуттармен айшықталды.
Орталық стадионда ұйымдастырылған іс-шараға аймақ басшысы Нұрлыбек Нәлібаев қатысып, балалардың қолынан шыққан қолөнер бұйымдары қойылған арнайы көрмені аралап көрді. Сондай-ақ, оқушылар үйінен ашылған арнайы студияда журналистикаға машықтанып жүрген балаларға да сұхбат беріп, тілдесті.
Облыс әкімі барша сырбойылық балаларды мерекемен құттықтап, ақжарма тілегін арнады.
<blockquote>
 «Баршаңызды 1 маусым – Халықаралық балаларды қорғау күнімен шын жүректен құттықтаймын! Бүгін балаларымыз үшін естен кетпес керемет мереке! Біз ел болашағы – білікті де білімді ұрпақ қалыптастыруда барлық мүмкіндіктерге жол ашамыз. Биыл әлеуметтік қолдауды қажет ететін 500 балаға спорт кешендеріне тегін абонемент берілді. Сондай-ақ, ата-анасының қамқорлығынсыз қалған 1030 бала жаңа типтегі электронды оқу құралдарымен қамтамасыз етілді. Жазғы маусым кезеңінде 1 мен 10 сынып аралығындағы оқушылардың 97 пайызы әр түрлі сауықтыру, жұмыспен қамту, үйірме, экскурсиямен қамтылатын болады. «Балалар жылына» тарту ретінде биыл демеушілер есебінен қаламызда 1 млрд. теңгеге 50-ге тарта, одан бөлек аудандарға 30-дан астам спорт-ойын алаңдары пайдалануға беріледі. Сонымен қатар, жоспарға сәйкес 400-ден аса ірі көлемді шара өткізіліп, оған 165 мыңнан астам бала қамтылатын болады» – деді облыс әкімі Нұрлыбек Нәлібаев.
</blockquote>
Мерекелік іс-шараның негізгі бөлігі – балаларға сыйлықтарды үлестірумен жалғасты. Облыс әкімі Нұрлыбек Нәлібаев халықаралық, республикалық білім додаларында жеңімпаз атанған 10 балаға ноутбук сыйға тартты. Ал, ата-анасының қамқорлығынсыз қалған 100 балаға велосипед табыстады. Сондай-ақ, әр ауданда 50 балаға велосипед берілді.
Мұнан бөлек, түрлі әлеуметтік санаттағы отбасылардан шыққан, оқуда үздік атанған 20 оқушыға Көкшетау қаласындағы лагерге жолдама алды.
Айта кетейік, жыл соңына дейін атаулы дата аясында 408 ірі көлемді шара өткізіліп, 165 мыңнан астам бала қамтылады.
Мерекелік шара танымал эстрада жұлдыздарының қатысуымен концерттік бағдарламаға ұласты.
<img src="https://kyzylorda-news.kz/wp-content/uploads/2022/06/285268357_313870237600894_262351307550927685_n.jpg" alt="" />
<img src="https://kyzylorda-news.kz/wp-content/uploads/2022/06/285327812_313870274267557_4804675742606501679_n.jpg" alt="" />
<img src="https://kyzylorda-news.kz/wp-content/uploads/2022/06/285471068_313870340934217_2158159401406898015_n.jpg" alt="" />
<img src="https://kyzylorda-news.kz/wp-content/uploads/2022/06/285477543_313870110934240_4209577606969464857_n.jpg" alt="" />
<img src="https://kyzylorda-news.kz/wp-content/uploads/2022/06/285608759_313870314267553_1403845704269837422_n.jpg" alt="" />
<img src="https://kyzylorda-news.kz/wp-content/uploads/2022/06/285584040_313870697600848_5891467444624355416_n.jpg" alt="" />
<img src="https://kyzylorda-news.kz/wp-content/uploads/2022/06/285396629_313870187600899_8992470569958223816_n.jpg" alt="" />
<img src="https://kyzylorda-news.kz/wp-content/uploads/2022/06/285620159_313870397600878_5453145280670031046_n.jpg" alt="" />
<img src="https://kyzylorda-news.kz/wp-content/uploads/2022/06/285293681_313870370934214_2004842509300509293_n.jpg" alt="" />
<img src="https://kyzylorda-news.kz/wp-content/uploads/2022/06/285582206_313870144267570_2845779448310102294_n.jpg" alt="" />
<img src="https://kyzylorda-news.kz/wp-content/uploads/2022/06/285545707_313870140934237_1612024303208342822_n.jpg" alt="" />

«Бақ орданы бақытты балалары»: Сыр елі балалар күнін ерекше сән-салтанатпен қарсы алды

<a href="https://kyzylorda-news.kz/">Kyzylorda-news.kz.</a> 1 маусым – халықаралық балаларды қорғау күніне орай «Атамекен» отбасы үлгісіндегі балалар ауылында «Көк аспанда күн күлсін, бірге күлсін бүлдіршін» атты мерекелік шара ұйымдастырылды.
Бақыт пен шаттықтың ордасы «Атамекен» ауылының құрылғанына биыл – 7 жыл. 
Бүгінде мұнда «Сарыарқа», «Байқоңыр», «Ақжайық», «Мадияр», «Оқжетпес», «Ұлытау», «Үшқоңыр» отбасының балалары тату-тәтті ғұмыр кешуде.
Мерекелік шарада Қорқыт ата атындағы Қызылорда университетінің проректоры Жандос Базартай мектеп бітіруші түлектерге білім грантын табыстады. Грантты биыл ұлттық бірыңғай тестілеуге қатысатын Нұршат Нышанова мен Әділет Мәді иеленді.
Сондай-ақ, салтанатты шарада университетке бекітілген «Ақжайық» отбасының балаларына қызықты кітаптар сыйлыққа берілді.
Университеттің «Экономика және басқару» кафедрасының әлеуметтік жұмыс мамандықтарын даярлау мақсатында балалар ауылында филиалы жұмыс істейді. Профессор-оқытушылар және білім алушылар тарапынан мереке күні түрлі топтағы балаларға арнайы сыйлықтар табысталды.
<img src="https://kyzylorda-news.kz/wp-content/uploads/2022/06/283701444_2576709375799806_256414237483152665_n.jpg" alt="" />
<img src="https://kyzylorda-news.kz/wp-content/uploads/2022/06/283486790_2576709112466499_6074262084924222306_n.jpg" alt="" />
<img src="https://kyzylorda-news.kz/wp-content/uploads/2022/06/283535305_2576709209133156_7746477946762966657_n.jpg" alt="" />
<img src="https://kyzylorda-news.kz/wp-content/uploads/2022/06/284532263_2576708959133181_6966968257678473028_n.jpg" alt="" />

Балалар ауылындағы түлектерге білім гранты табысталды

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы КЕАҚ көрсететін мемлекеттік қызметтердің 21 түрі балаларға арналған. Солардың ішінде «балаларды мектепке дейінгі ұйымдарға кезекке қою», «бала туғанда берілетін және бала күтімі бойынша жәрдемақыларды тағайындау», «көпбалалы отбасыға берілетін жәрдемақыны тағайындау»«бала тууды тіркеу, оның ішінде азаматтық хал актілерінің жазбаларына өзгерістер, толықтырулар мен түзетулер енгізу» секілді қызметтер сұранысқа ие.
Бүгін «1 маусым – Халықаралық балаларды қорғау күні» мерекесіне арналған орталық стадиондағышара барысында филиал мамандары балалар мен ата-аналарға жоғарыда аталған қызметтерде онлайн рәсімдеудің қыр-сырын түсіндірді.
Шараға қатысқан өңір басшысы Нұрлыбек Нәлібаев «Азаматтарға арналған үкімет» мемлекеттік корпорациясы КЕАҚ Қызылорда облысы бойынша филиалының да жұмысымен танысты. Филиал директоры Айнұр Тобаева балалаға қатысты мемелкеттік көрсетілетін қызметтердің «egov.kz» порталы арқылы оңтайландырылғанын жеткізді.
Жалпы «Азаматтарға арналған үкімет» мемлекеттік корпорациясы КЕАҚ Қызылорда облысы бойынша филиалыұйымы әрқашан балалар мен отбасы құндылығын арттыру бағытында түрлі шараларды ұйымдастырып келеді. Филиал жанындағы Халық бастауыш партия ұйымы «Бақытты отбасы – бақытты балалық шақ» жобасы аясында Атамекен балалар ауылына әрдайым қолдау көрсетіп, барлық айтулы мерекелерде филиал қызметкерлерді балақайларды құттықтап, жандарынан табылады.
Биыл балалар мерекесіне арнап, филиал қызметкерлерінің балаларына арналған музыкалық аспаптарда шығармаларын орындау конкурсы өткізілді.
<img src="https://kyzylorda-news.kz/wp-content/uploads/2022/06/fb276590-d5ed-4be5-baba-6258bd1fee15.jpg" alt="" />

Мемлекеттік көрсетілетін қызметтердің 21 түрі балаларға арналған

<a href="https://kyzylorda-news.kz/">Kyzylorda-news.kz.</a>&nbsp;1 маусым – Халықаралық балаларды қорғау күні. Балғын бүлдіршіндеріміз үшін ең қуанышты мереке ауданымыздың орталық алаңында өтті.
Аудан әкімдігінің қолдауымен ұйымдастырылған мерекелік шарада бүлдіршіндер өз өнерлерін ортаға салды. Мерекенің шырайын келтірген ертегі кейіпкерлері балаларға қызықты ойындар ойнатты.
Шара барысында аудан әкімі Әділбек Ерсұлтанов құттықтау сөз алып, бүлдіршіндерге ыстық лебізін білдірді.
Бүгінгі мереке қарсаңында «Дәметкен Ана» демеушілігімен 1 балалар ойын алаңы ашылып, биылғы «Балалар жылы» қарсаңында да Жосалы кенті бойынша Тәуелсіздік ықшам ауданында және Тайшық би көшесінде орналасқан бұрынғы «Марал баба» мешіті орынына балалар ойын алаңдары салынатынын, одан бөлек облыс әкімінің тапсырмасына сәйкес бюджеттен тыс көздерден 5 балалар ойын алаңын салу жоспарлануда екенін жеткізді.
Сонымен қатар аудандық кәсіпкерлердің қолдауымен әлеуметтік тұрғыда аз қамтылған, көп балалы отбасы балаларына 50 дана велосипед табысталып, 1000-нан аса балаларға құйылмалы балмұздақтар мен балалар игілігі үшін, ойын-сауық (батут) құралдары тегін қызмет көрсетті.
<img src="https://kyzylorda-news.kz/wp-content/uploads/2022/06/282124135_2084047778432784_7309967389565667356_n.jpg" alt="" />
<img src="https://kyzylorda-news.kz/wp-content/uploads/2022/06/282179654_2084047818432780_5795720988187860510_n.jpg" alt="" />
<img src="https://kyzylorda-news.kz/wp-content/uploads/2022/06/282279422_2084047945099434_6621405241328570791_n.jpg" alt="" />

Қармақшыда 50 балаға велосипед сыйға берілді

<a href="https://kyzylorda-news.kz/">Kyzylorda-news.kz.</a> 1 маусым – халықаралық балаларды қорғау күні аясында облыстық жастар ресурстық орталығы «Байқоңыр» қалалық бөлімі және РФ қарасты «Мәдениет, жастар саясаты, туризм және спорт» басқармасымен бірлесе «Фейс-арт» &nbsp;мерекелік іс-шара ұйымдастырды.
&nbsp;Байқоңыр қаласының бүлдіршіндері №1 демалыс паркінде сурет салудан сайысқа түсті. Сондай-ақ, мерекелік кеште балаларға арнап түрлі бағыттағы ойын-сауықтар мен спорттық сайыстар ұйымдастырылды. Кеш соңында барлық қатысушы бүлдіршіндерге арнайы сыйлықтар үлестірілді.
<img src="https://kyzylorda-news.kz/wp-content/uploads/2022/06/51708972-5e14-4e2f-977d-a9a81485d829.jpg" alt="" />
<img src="https://kyzylorda-news.kz/wp-content/uploads/2022/06/59a264e4-7df2-443a-b250-dcc1d026b151.jpg" alt="" />
<img src="https://kyzylorda-news.kz/wp-content/uploads/2022/06/e82eafb8-b34a-4e8c-9433-d43f9e17ff9d.jpg" alt="" />

Байқоңыр қаласының бүлдіршіндері мерекені ерекше атап өтті

<a href="https://kyzylorda-news.kz/">Kyzylorda-news.kz.</a>&nbsp; 1 маусым – халықаралық балалардың құқығын қорғау күніне орай облыстық психикалық денсаулық орталығында көңілді мереке ұйымдастырылды.
Салтанатты шарада орталық директоры Әділбай Медетбаев балалар бөлімінің ем алушыларын атаулы күнмен құттықтап, ізгі тілегін білдірді. Мұнан соң, арнайы шақырылған аниматорлар балғындармен түрлі ойындар ойнап, көпшілікті қуантты. Балғындарға түрлі сыйлықтар тарту етілді.
Сонымен қатар, орталық директоры ерекше балаларды тәрбиелеп жатқан ұжым қызметкерлерін қабылдады. Жиында емдеу мекемесінің басшысы қиындыққа мойымай, баласының сауығып кетуі үшін аянбай күресіп жүрген мамандарға алғысын білдірді. Әділбай Қаниұлы орталықтың кәсіподақ ұйымының қаржылай сыйын табыстап, бір мезет көңілі алаңдаулы жандарға қолдау көрсетті.
<blockquote>
 «Бүгінде орталықта 40 төсектік балалар бөлімі жұмыс істейді. Дәрігерлер психикалық дертке шалдыққан жеткіншектерді медикаментозды емнен бөлек, арнайы еңбек терапиясы арқылы да емдейді. Сонымен қатар балалармен психологтар және олигофрен-маманы жұмыс жүргізеді. Орталықта балалардың толыққанды ем алуына барлық жағдай жасалған. Жас ем алушылар серуен алаңы мен спортзалда уақыттарын тиімді өткізіп жүр», – деді орталық директоры Әділбай Медетбаев.
</blockquote>

Психикалық денсаулық орталығында 40 төсектік балалар бөлімі жұмыс істейді

<a href="https://kyzylorda-news.kz/">Kyzylorda-news.kz.</a>&nbsp;Бүгін Халықаралық балаларды қорғау күнінде Қызылорда қаласындағы Тәуелсіздік даңғылының жалғасы саналатын, шағын аудандарының арасын қосатын жаңа магистральды жол ашылды.
Мерекелік іс-шарада облыс әкімі Нұрлыбек Нәлібаев қала тұрғындарын жаңа жолдың ашылуымен құттықтап, игі тілегін арнады.
<blockquote>
 «Адам мен адамды бауырластырып, ел мен елді жақындастыратын жайлы жолдың жайы қай кезеңде де халық үшін маңызы аса зор. 
 Бүгінгі күні қаламыз қарқынды дамып, аумағы кеңейіп, халқының саны да артып келеді. Жаңадан шағын аудандар бой көтеріп, зәулім ғимараттар салынуда. Осы ретте, тұрғындар үшін жүріп-тұруға қолайлы жағдай жасау, қажетті инфрақұрылыммен қамтамасыз ету – алдымыздағы басты міндеттердің бірі. Шын мәнінде, жол қатынасы – бұл ең үлкен өмірлік қажеттілік деуге болады. Ендеше, жол құрылысын жүргізген мамандарға алғыс айтамыз, оның игілігін ел көруді нәсіп етсін!», – деді облыс әкімі.
</blockquote>
Жиында еңбек ардагері, «Қызылорда қаласының құрметті азаматы» Жарылқасын Шәріпов сырбойылықтарды қуанышымен құттықтап, ақ батасын берді.
Ұзындығы 4,6 шақырымды құрайтын жаңа жол арқылы жол-көлік инфрақұрылымының сапасы жақсарады.
Жаңа нысанның лентасын салтанатты түрде кесу рәсімінен кейін Мемлекеттік тумен көмкерілген 30 автокөлік патриоттық автошеру өткізді.
Айта кетейік, биыл облыста көлік жолдарын дамытуға 20 млрд.теңге көлемінде қаржы бөлінеді деп күтілуде. Бұл қаржыға ұзындығы 342 шақырымды құрайтын автомобиль жолдары мен көпір өткелдері және көшелер жөндеуден өткізіледі. Нәтижесінде, облыс аумағында жақсы және қанағаттанарлық жағдайдағы жолдар үлесін 82%-ға жетеді.
<img src="https://kyzylorda-news.kz/wp-content/uploads/2022/06/285341554_313814007606517_6882051509046940440_n.jpg" alt="" />
<img src="https://kyzylorda-news.kz/wp-content/uploads/2022/06/285379951_313814087606509_8710640130775684517_n.jpg" alt="" />
<img src="https://kyzylorda-news.kz/wp-content/uploads/2022/06/285691529_313814077606510_1663435263962172097_n.jpg" alt="" />

Сыр өңірінде жаңа магистральды жол ашылды

<a href="https://kyzylorda-news.kz/">Kyzylorda-news.kz.</a> Экология, геология және табиғи ресурстар министрі Серікқали Брекешев Қазақстанның ақбөкен популяциясын қалпына келтіру бойынша жоспарды орындағанын мәлімдеді, деп хабарлайды <a href="https://stan.kz/kazakstanda-kiik-aulauga-ryksat-beru-maselesi-karastiri-365367/">Stan.kz</a>.
Министрдің айтуынша, ақбөкендердің көбейгені соншалық, егістік жұмыстарына кедергі келтіре бастаған.&nbsp;
<blockquote>
 «Егер 2016 жылы ақбөкендер популяциясы 110 мың бас болса, бүгінде олардың саны 10 есеге өскен. Жыл сайынғы өсім 30-40%-ға тең. Биологиялық дәлелдеу қорытындысы бойынша, ақбөкендердің&nbsp;тиімді саны 700-800 мың бас шамасында. Қазір олардың саны 1,3 миллионға жетеді», –&nbsp;деді министр.&nbsp;
</blockquote>
Серікқали Брекешев ғалымдардың ақбөкендер санын реттеу мәселесі бойынша жұмыс істеп жатқанын мәлімдеді. Тек осыдан кейін ғана ведомство ақбөкен аулауға рұқсат беру сұрағын қарастырады.

Қазақстанда ақбөкен аулауға рұқсат беру мәселесі қарастырылып жатыр

<a href="https://kyzylorda-news.kz/">Kyzylorda-news.kz.</a> Аптап ыстық орнап және суға шомылу маусымы басталып,суға, бассейн болсын, ұсақ су айдындар немесе ірі өзендер болсын, демалушылардың ағымы ұлғаяды. Ал мұнымен бірге, суға шомылу орындарында жазатайым оқиғалардың пайда болу қауіп-қатері де өседі.
Суға шомылу маусымында қауіптілік деңгейі жоғары болып отыр. Және ең алдымен, қауіп-қатер тобына балалар кіреді.
Жаз- бұл бейғам демалыс, бала қуанышы мен ұзақ күткен суға шомылу маусымының уақыты. Барлығымыз ыстық күнді өзен жағалауында өткізгенді ұнатамыз. Алайда, өз қауіпсіздігіңмен өз балаларыңның қауіпсіздігі туралы ұмытпаған жөн.судағы тәртіп қағидаларын сақтау адамдар үшін өте маңызды.
Суда уақытыңды өткізе отырып, өзіңді қалай қауіпсіздендіруге болады?
Суға бату жағдайларын алдын алудың 6 негізгі қағидасы:
Бірінші қағида. Су айдындардан алыс жерлерде мектепке дейінгі жастағы балалар үшін қауіпсіз ортаны қамтамасыз ету.
Екінші қағида. Суға баратын мүмкіндіктің алдын алатын қоршаулар орнату.
Үшінші қағида. Мектеп жасындағы балаларды (6 жастан үлкен) суда жүзу және судағы қауіпсіз тәртіп машықтарына үйрету.
Төртінші қағида. Су тасқындарымен және басқа да қауіптермен байланысты қауіп-қатерлерді басқару.
Бесінші қағида. Суға бату әлеуетті куәгерлерін қауіпсіз құтқару мен жан сақтау машықтарына үйрету.
Алтыншы қағида. Қайықтарды, кемелер мен паромдарды қауіпсіз пайдалану қағидаларын сақтау.
Қатаң тыйым салынады:
Тыйым салынған орындарға шомылуға 
Суда балаларды қараусыз қалдыруға 
Қоршау белгілерінен асуға 
Көпірлерден, дамбалардан, қайықтардан суға секіруге және сүңгуге 
Таныс емес орындарда шомылуға
Сіңір тартылғанда:
Қол саусақтарының сіңірі тартылғанда- тез арада жұдырығыңызды қатты қысып, ырғақпен қолыңызды сілтеңіз және жұдырығыңызды жіберіңіз 
Балтыр бұлшықеті тартылғанда- еңкейіп қолыңызбен тартылған аяғыңызды табанынан ұстап өзіңізге қарай күшпен тартыңыз. 
Бөксе бұлшықеті тартылғанда аяғыңызды жіліншегін тыс жағынан ұстап тізеге қарай бүгіп арқаға қарай тартыңыз.
Егер сіз қайықта болсаңыз:
Ең алдымен қараусыз және техникалық ақауы бар қайықты пайдаланбанбаңыз 
Құтқару және су төгетін құралдарынсыз сондай-ақ дауылды күндері қайықпен жүзуге шықпаңыз 
Қайыққа техникалық құжатында көрсетілген лимиттен артық жолаушылар мен жүк артуға болмайды 
Мас күйде қайықпен жүзбеңіз 
Қайықтың бүйірінде немесе тұмсығында отырмаңыз 
Жүзіп бара жатып бір қайықтан екіншісіне ауысып отырмаңыз 
Қараңғы түскенде қайықпен жүзбеңіз 
14 жасқа толмаған балаларды өздігінен қайықпен жүзуіне рұқсат етпеңіз
Суға түсуге болмайды, егер: 
-Қатты шаршасаңыз 
-Басыңыздан күн өтсе 
-Аш болсаңыз 
-Шөлдесеңіз 
-Аурудан жаңа айыққан болсаңыз!
Суға түскен кезде сақтық шараларын умытпаңыздар! Өзіңізді және жақындарыңызды сақтаңыздар!

Суға шомылу кезіндегі сақтық шараларын білесіз бе?

<a href="https://kyzylorda-news.kz/">Kyzylorda-news.kz.</a> Бүгін елордада «Мемлекеттіліктің рәміздері» атты халықаралық ғылыми конференцияның жұмысы басталды, деп хабарлайды ҚазАқпарат.
Жиын барысында ҚР Мәдениет және спорт вице-министрі Нұрғиса Дәуешев Қазақстан ҚР Мемлекеттік хатшысы Ерлан Қариннің құттықтау хатын оқып берді.
<blockquote>
 «Биыл мемлекетіміздің мәртебелі символы – мемлекеттік рәміздердің қабылданғанына 30 жыл. Отанды қастерлеу, туған елге деген шынайы құрмет мемлекеттік рәміздерді қадірлеуден басталады. Мемлекеттік рәміздер – елдіктің, егемендіктің басты нышаны, ұлттық рух пен қоғамдық келсімнің, сондай-ақ патриоттық тәрбиенің аса маңызды құралы. Көк байрағымыз көкте желбіреп, Елтаңбамыз ел төрінде нық тұрып, Әнұранымыз аспанда қалықтаса, ол мемлекет мерейі үстем, мәртебесі биік екенін, халқымыздың бірлік пен берекеде өмір сүріп жатқанын айғақтайды», – деген Е. Қарин құттықтау хатында.
</blockquote>
Осы орайда Мемлекеттік хатшының құттықтау хатында ғалымдар тарапынан мемлекеттік рәміздерді тиімді насихаттауға және патриоттық тәрбиенің тың тәсілдерін жетілдіруге қатысты іргелі зерттеулер ұсынылуы керек екені айтылған.
<blockquote>
 «Бүгін өтіп жатқан «Мемлекеттіліктің рәміздері» халықаралық ғылыми конференциясы осы іске елеулі үлес қосады деп сенеміз», – деді Ерлан Қарин.
</blockquote>
Осыдан тура 30 жыл бұрын, нақты айтқанда 1992 жылдың 4 маусымында ҚР Тұңғыш Президенті Нұрсұлтан Назарбаев «Қазақстан Республикасының Мемлекеттік туы туралы», «Қазақстан Республикасының Мемлекеттік елтаңбасы туралы» және «Қазақстан Республикасы Мемлекеттік әнұранының музыкалық редакциясы туралы» Заңдарға қол қойған еді.
Ал «Қазақстан Республикасының Мемлекеттік рәміздері туралы» Конституциялық Заң 2007 жылы 4 маусымда қабылданды. Осы Заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде мерекеленеді. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі.

Қазақстан және Қызылорда облысының жаңалықтары