<a href="https://kyzylorda-news.kz/">Kyzylorda-news.kz</a> Өңірлік коммуникациялар қызметінде Қызылорда облысы Полиция департаментінің Есірткі қылмысына қарсы іс-қимыл басқармасы бастығының міндетін атқарушы полиция подполковнигі Дөненов Ардақ Әбішұлының қатысуымен бұқаралық ақпарат құралдары өкілдеріне арналған брифинг өтті.Брифинг барысында есірткі қылмысына қарсы күрес шаралары туралы айтылды.1 маусым – 31 қазан аралығында республика аумағында «Қарасора-2024» кең ауқымды жедел алдын алу іс-шарасы өткізілді.Операция құрамында есірткісі бар өсімдіктерді өсіру фактілерін анықтауға, жасырын егістіктер және плантацияларды жоюға бағытталған.Іс-шара кезеңінде 207 есірткі құқық бұзушылықтары анықталса, оның ішінде 67 дерегі есірткі өсіру, 9 өткізу, 6 есірткіні аса ірі мөлшерде сақтау, 17 жарнамалау, 1 есірткіні тұтынуға көндіру және 172 қылмыстық теріс қылықтар.Заңсыз айналымнан барлығы 1 тонна 208 кг. 186 гр. «каннабис» өсімдігі, 13 кг. 848 гр. «көкнәр», 30 кг. 864 гр. «марихуана», 1 кг. 14 гр. «гашиш», 57,4 гр. «синтетика» тәркіленді.Жалпы 11 мың 970 түп сора өсімдігі анықталып, қыркүйек, қазан айларына дейін пісіп-жетілгенінде әр түптен шамамен 500гр.-нан есептегенде 3 тоннаға жуық марихуананың заңсыз айналымға түсуіне жол берілмеді.Далалық аймақтардан 19 ірі есірткі алқаптары, үй, бау-бақша, саяжайлардан 48 дерегі анықталды.Есірткі өсірумен айналысқан 55 адам құрықталып, оның 14-і қамаққа алынды.Айта кету керек операцияға Департаменттің Есірткі қылмысына қарсы іс-қимыл басқармасының қызметкерлері ғана емес, сондай-ақ Бүркіт АЖ, Жылдам қыймылдайтын арнайы жасақ қызметкерлері, ІІМ-нің Ұлттық ұланының тік ұшағымен пилотсыз ұшу аппараттары жұмылдырылды.Әскери тік ұшақ техникасының көмегімен 30 мәрте әуеден шолу жүргізіліп, есірткі өсірудің 11 дерегі, Жаңақорған ауданы – 4 дерегі анықталып, іздеудегі қылмыскер ұсталды. Ішкі істер органдарында тіркелмеген 5 заңсыз қару алынды.Мобильді бекеттерде қызметтік іздестіру иттерінің көмегімен есірткі тасымалдаудың 39 дерегі, оның ішінде аса ірі мөлшерде тасымалдаудың 3 дерегі анықталды.Ұйымдасқан қылмыстық топ іс-әрекеттерін әшкерелеу, қылмыстық жолмен алынған қаражаттарды заңдастыру, есірткі тұтыну үшін притон ұйымдастыру деректерін анықтау мақсатында әзірлеме жұмыстары жүргізілуде. Іс-шара аяқталғанымен бұл бағыттағы жұмыстар өз жалғасын табуда.Сонымен қатар Қызылорда облысының Полиция департаментімен ағымдағы жылдың қараша айының 04-08 күндері аралығында Республика көлемінде «Дәрмек» жедел профилактикалық іс-шарасы өткізілді.Іс-шара кезінде 15 денсаулық сақтау мекемесіне, 7 кәсіпкерлік субьектілерінің қызметіне Бас прокуратураның Құқықтық статистика және арнайы есепке алу департаментінің «ЕРСОП» жүйесіне тіркеліп, тексеру жүргізілді. Іс-шара кезінде 15 әкімшілік құқық бұзушылық анықталды.Оның ішінде:Есірткі құралдары сақталатын үй-жайлардың техникалық нығайтылу талаптарын бұзудың 5 дерегі; фармацевтика қызметінің қағидаларын бұзудың 8 дерегі; Заңсыз медициналық және фармацевтикалық қызмет 2 дерегі анықталды.Әкімшілік жауапкершілікке 10 адам тартылса, оның ішінде 5-і медицина саласының қызметкері.«Дәрмек» жедел профилактикалық іс-шарасының нәтижесінде 155 дана таблетка және 715 ампула психотроптық заттар алынды.«Есірткісіз қоғам құру – Қазақстанның әрбір азаматының алдындағы міндеті». Жастар – біздің болашағымыз! Олардың қауіпсіздігін қамтамасыз ету барлығымыз үшін ең бірінші орында екенін ұмытпайық.Полиция Департаментінің жеке құрамы өз кезегінде нашақорлықтың алдын алуда қойылған міндеттерді орындау үшін қолда бар мүмкіндіктерді барынша тиімді пайдаланып, әрдайым бірлесіп есірткіні түбегейлі жоюға жұмыстар жасауда.&nbsp;Фото: Өңірлік коммуникациялар қызметі

«Қарасора-2024» кең ауқымды жедел алдын алу іс-шарасы қорытындыланды

<a href="https://kyzylorda-news.kz/">Kyzylorda-news.kz</a> Бүгін облыс әкімдігі мен облыстық прокуратураның бастамасымен жарияланған «Нашақорлыққа қарсы бір айлық акциясы» аясында Қызылорда қаласының мектеп директорларының тәрбие ісі жөніндегі орынбасарларымен, психологтармен, әлеуметтік мамандармен кездесу өтті.Қалалық қоғамдық даму бөлімі басшысы Айдын Қайруллаевтың жетекшілік етуімен өткен кездесуге қалалық прокуратураның бөлім аға прокуроры Қ.Бауыржан, облыстық Полиция департаменті Есірткі қылмысына қарсы іс-қимыл басқармасының жедел уәкілі Т. Ахмет, қалалық Полиция басқармасы жергілікті полиция қызметі бөлімінің учаскелік полиция инспекторы Р. Арынғазиева қатысып, есірткі саудасы мен нашақорлықтың алдын алу бағытында атқарылып жатқан шаралар мен міндеттер туралы баяндама жасады.Өкінішке орай, есірткі заттарын тұтынатын жастар кездесуде. Осыған орай ата-аналардың балаларының бос уақытын тиімді ұйымдастыру, бақылауда ұстау, араласатын ортасын анықтау аса қажет екендігін, сондай-ақ, есірткінің өмірге қауіптілігі, денсаулыққа зияндығы турасында жиі түсіндірме жүргізу маңыздылығына тоқталды.Кездесу барысында қазіргі және алдағы міндеттер талқыланды.

Есірткісіз өмір – жарқын болашақ

<a href="https://kyzylorda-news.kz/">Kyzylorda-news.kz</a> Жалағаш аудандық төтенше жағдайлар бөлімінің бастығы Еркін Назарқұлов БАҚ өкілдерімен брифинг өткізді. Спикер жыл басынан бері ауданда 15 өрт оқиғасы тіркелгенін айтады. Ал былтыр дәл осындай уақытта 41 өрт оқиғасы болған. Өрт оқиғалары уақытылы ауыздықталғанымен салдарынан 1 адам қаза тауып, 1 адам жарақат алған. Брифингте Еркін Есетұлы жыл басынан бері аудан көлемінде атқарылған жұмыстарды саралап, тілшілердің де сауалын жауапсыз қалдырмады.&nbsp;Спикердің айтуынша, орын алған 15 өрттің 1-еуі нысанда, 2-еуі автөлікте, 9-ы тұрғын үй секторында орын алса, 3-еуі – орман өрті. Еркін Назарқұлов орын алып жатқан бұндай төтенше жағдайлар тұрғындардың өрт қауіпсіздік шараларына салғырт қарауынан, яғни тұрмыстық пештердің техникалық жағдайына мән бермеуінен, электр сымдарының қысқаша тұйық¬талуынан пайда болатынын айтты.&nbsp;<blockquote>– Көмірдің сапасына да мән берілу керек, яғни өз деңгейінде көмір нашар болса, дұрыс жанбауы мүмкін, салдарынан азаматтардың улану жағдайлары орын алып жатады. Осылайша түтін моржа жолына жиналып, өзінің бір деңгейіне жеткенде үй ішіне тарайды. Талаптарға сәйкес жылу беру маусымында пештің түтін шығу жолдары екі-үш рет тазалану қажет. Алайда тұрғындар жылу беру маусымында түтін жолдарын мүлдем тазаламай салғырттық танытады, – дейді спикер.</blockquote>Жылу беру маусымы қарсаңында үгіт-насихат жұмыстары кезінде 9 141 тұрғынға түсіндірме жұмыстары жүргізілген. 2500 жадынама таратылған. Оның ішінде әлеуметтік осал топтарға жататын 116 отбасының тізімі нақтыланған, 116 көмірқышқыл газын анықтайтын құрылғы орнатылған. Жан-жағын жайпап өтіп, қыруар шығынға батыратын өртті болдырмаудың бірден-бір жолы – оның алдын алу. Бүгінде ауданда 704, кентте 163 өрт гидранты орналасқан. Барлығы жарамды күйде, сала мамандарының толық бақылауында.&nbsp;Аталған бөлім қызметкерлері әр сенбі сайын таңғы сағат 9.00-ден түскі сағат 15.00-ге дейін кент пен ауылдық округтерді аралап, тұрғындарға тұрмыстағы өрт қауіпсіздігі, газ және электр жабдықтарын пайдалану кезіндегі қауіпсіздік туралы түсіндіруде. Сондай-ақ тұрғын үй секторында өрттің өсуіне және адам шығынына жол бермеу мақсатында профилактикалық іс-шараларды жүйелі түрде өткізіп келеді. «Көмірқышқыл газы адам өміріне қауіпті», «Сіріңке балаларға арналған ойнышық емес», «Балаларды қараусыз қалдырмау керек» тақырыптарында үгіт-насихат жұмыстарын жүргізіп, жадынамаларды таратуда. Тұрғындардың жылу беру маусымында өрт қауіпсіздік ереже талаптарын қатаң сақтап, оқыс оқиғалардың алдын алу төтенше жағдайлар бөлімі қызметкерлерінің басты назарында.&nbsp;Аталған бөлім қызметкерлерінің жұмысы төрт мезгілде де қызу қайнап жатады. Себебі олар қақаған қыстың аязы мен шіліңгір шілденің ыстығына қарамай тұрғындардың қауіпсіздігін күзетеді.&nbsp;<blockquote>– Аудандық төтенше жағдайлар бөлімі мен № 11 өрт сөндіру бөлімінің кезекшіліктен бос қызметкерлері, еріктілер, полиция бөлімінің қызметкерлері жергілікті атқарушы органдарымен бірлесіп, күнделікті сағат 13:00-ден 21:00-ге дейін адамдардың маусымында белгіленбеген орындарда суға шомылуға қатаң тыйым салынатыны, балаларды жалғыз қараусыз қалдырмау және ішімдік ішіп, мас күйінде шомылуға болмайтыны жөнінде түсіндіріліп, жылда рейд жұмыстары жүргізді. Сондай-ақ суға шомылуға тыйым салынған орындарға 45 тақтайша және адам көп жиналатын орындарда және елді мекендерде судағы қауіпсіздік тақырыбында 7 бильборд орнатты, – дейді Е.Назарқұлов.&nbsp;</blockquote>Спикердің айтуынша, оқыс оқиға көбіне мектеп жасындағы жасөспірімдер мен спирттік ішімдік ішкен азаматтардың ережені сақтамау салдарынан болады. Былтыр су айдындарында 3 азамат оқыс оқиғаға тап болған. Оның 2-еуі – балалар. Ал биыл абырой болғанда суға кету факторы тіркелмеген.Жыл басынан бері төтенше жағдайлар бөлімінің қызметкерлерімен жазғы су айдындарында рейд жүргізу барысында ҚР ӘҚБтК-нің 412 бабы бойынша 4 жеке тұлғаға 51 688 теңге айыппұл салынып, уақытылы өндірілген.<blockquote>– Жаз мезгілі басталысымен аталған мәселе бойынша профилактикалық шараларды барынша күшейттік. Әр азамат табиғат аясында демалғанда сақтық шараларын сақтағаны жөн. Жазғы демалыс уақытында барлық білім беру ұйымдарымен, ата-аналармен бірлесіп, оқушылардың қауіпсіздігін қамтамасыз ету бағытында тиісті шараларды атқарып, тиісті талаптарға сәйкес әкімшілік жауапкершілікке тартылды, – дейді Еркін Есетұлы.&nbsp;</blockquote>Иә, қауіпсіздік қаперден шықса, соңы орны толмас қайғымен аяқталуы мүмкін. Сондықтан «Сақтансаң, сақтайды» демекші, сақтық шараларын қатаң бақылауда ұстаған жөн. Апат айтып келмейді, әйтсе алдын алуымыз қажет. Брифинг соңында Еркін Назарқұлов тұрғындарды қарапайым қауіпсіздік ережелеріне құлақ түріп, қаперге алуын сұрады.&nbsp;&nbsp;&nbsp;А.ЕРЖАНҚЫЗЫ

Жылу беру маусымы: Өрт қауіпсіздігін сақтау маңызды

<a href="https://kyzylorda-news.kz/">Kyzylorda-news.kz</a> Бүгін Қызылорда қаласы әкімдігінде «Қазақстан Тұрғын үй Компаниясы» АҚ (бұдан әрі – ҚТК, «Бәйтерек» ұлттық басқарушы холдингі» АҚ еншілес ұйымы) Басқарма төрағасының орынбасары Исламбек Қайырбеков бастаған өкілдері Қызылорда қаласының құрылыс салушыларымен кездесті.Кездесу барысында ҚТК-нің&nbsp;тұрғын үй құрылысын қолдау құралдары: үлестік тұрғын үй құрылысына кепілдік беру, құрылыс салушылардың кредиттерін субсидиялау, &nbsp;жергілікті атқарушы органда (бұдан әрі - ЖАО) кезекте тұрғандар үшін тұрғын үй салуды/сатып алуды қаржыландыру (ЖАО МБҚ сатып алу тетігі), жеке құрылыс салушылардан&nbsp;тұрғын үй сатып алу тетіктері (кезекте тұрғандар үшін сатып алу құқығымен жалға берілу үшін ) таныстырылды.Исламбек Каирбеков өз сөзінде 2021 жылдан бастап Қызылордада жалпы ауданы 7,1 &nbsp;мың шаршы метр &nbsp;1,2 млрд. теңге сомасына 2 жоба бойынша құрылыс &nbsp;салушылардың кредиттерін субсидиялау жүргізілгенін атап өтті. &nbsp;ЖАО және &nbsp;банктердің өкілдері жергілікті жерде өткізілетін құрылысқа рұқсат беру құжаттарын ресімдеу рәсімі мен ипотекалық өнімдер туралы ақпаратпен бөлісті.Бүгінгі таңда қалада үлескерлердің қаражатын заңды түрде тарту үшін ҚТК кепілдігі және ЖАО рұқсаты бар жобалар жоқ. ҚТК өкілдері құрылыс салушыларға өтінімдерді қабылдау процестері автоматтандырылған, Тұрғын үй порталы&nbsp;арқылы кепілдікке, субсидиялауға немесе қаржыландыруға қашықтан өтінімдерді бере алатынытуралы айтып берді.Кездесуде Заңды тұлғалармен жұмыс департаменті директорының &nbsp;орынбасары Асел Нуржанова ҚТК кепілдігін беру талаптары, шарттардың барлық түрлерін жасасу рәсімдері, субсидиялауға өтінім беру ережелері туралы егжей-тегжейлі айтып берді.2016 жылдан бастап ҚТК үлескерлердің мүдделерін қорғау мақсатында 1 159 млрд теңге сомасына құрылысты аяқтауға 243 кепілдік берді. 2021 жылдан бастап жеке құрылыс салушылардың кредиттерін субсидиялау тетігі шеңберінде жалпы сомасы 31,2 млрд теңгеге шарттар жасалды. 2009 жылдан бастап бүгінгі күнге дейін ҚТК құралдарыарқылыпайдалануға берілген тұрғын үй көлемі 13,8 млн шаршы метрді құрады.<img src="https://knadmin.beoblood.kz/uploads/vstrecha_2_c8194d7555.jpeg" alt="встреча 2.jpeg">

«Қазақстан тұрғын үй компаниясы» АҚ өкілдері Қызылорданың құрылыс салушыларымен кездесті

&nbsp;<a href="https://kyzylorda-news.kz/">Kyzylorda-news.kz</a> «Qazaq Gaz Aimaq» АҚ ауа-райының өзгеруіне және жылыту маусымының басталуына байланысты улы газбен улану қаупі артқанын ескертеді.Өкінішке орай, статистика бойынша жыл сайын табиғи газды тұтынушылары бұл ескертулерге немқұрайлы қарайтынын көрсетеді.Газ қызметкерлері үшін анықталған нәрсе – орын алған қайғылы жағдайлар, негізінен, газ тұтыну жабдықтарын пайдалану кезінде қарапайым қауіпсіздік ережелерін сақтамағандықтан болады. Оған себеп &nbsp;– зардап шеккендердің жылыту құралдарын пайдалануға немқұрайлы қарауы, оларды өз бетінше қосуы, құрастыруы немесе орнын ауыстыруы, қолдан жасалған газ жабдықтарын пайдалануы, тамақ дайындауға арналған газ жабдығымен үй-жайларды жылытуы, техникалық қызмет көрсетуді орындамауы, мұржаның түтін тартуын тексермеуі.Ауажелдетілуі жеткілікті қамтамасыз етілмеген үй-жайда, терезелер, желдету арналарыжабық кезде, кірпіш, сылақ тығыздығы бұзылған кезде газ аспаптарын пайдалану нәтижесінде газ түтіні сыртқа шықпай, үй-жайда улы газ жиналады!&nbsp;Улы газдың өте аз мөлшерінің өзі қанмен тез араласады, адам тез уланады. Бөлмеде 0,5% улы газжиналса болды, осы мөлшердің өзі 20 минуттан кейін адамның жүрегі тоқтайтындай уландырады!Сондықтан мұржа мен желдету арналарының дұрыс жұмыс істеуі – сіздің қауіпсіздігіңіз бен денсаулығыңыздың кепілі, өйткені улы газбен уланудың ең көп оқиғасы мұржаның тұтастығы бұзылғандықтан немесе түтіннің тартпауынан туындайдыЕсіңізде болсын! Жұмыс істеп тұрған газ аспаптарын қауіпсіз пайдалануға және желдету арналары мен түтін мұржаларының жарамды жай-күйіне үй иелері жауапты!Бірақ, өкінішке орай, үй иелері мұржаларды үнемі тазалап, тексеруіп тұруға салғырт қарайды.Мұржаның тұтастығын, оның бітелмеуін және түтіннің тартылуын үнемі тексеріп отыру қажет. &nbsp;Қыс мезгілінде далада тұрған мұржаға мұз қатуы мүмкін, сондықтан оның мұзбен бітелмеуін үнемі тексеріп, мұржақақпағын ашып, мұздан тазарту керек.Газ тұтыну жабдығын пайдалану кезінде улы газ тарағанда газ беруді өшіру автоматикасы бар дабылқаққыш сигнализаторларды орнатқаныңыз жөн.Есіңізде болсын!!! &nbsp;Газ – оны дұрыс пайдаланбаған кезде ғана қауіпті! Қарапайым ережелерді сақтау Сіздің және сіздің отбасыңыздыңамандығының кепілі!<img src="https://knadmin.beoblood.kz/uploads/gaz_auipsizdigi_ecf4015c5c.jpg" alt="газ қауіпсіздігі.jpg"><span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: jpeg

Қауіпсіздік бәрінен маңызды

<a href="https://kyzylorda-news.kz/">Kyzylorda-news.kz</a> Биыл өңірдегі туристік әлеуетті арттыру мақсатында бірқатар нақты шаралар қабылданып, ауқымды жұмыстар жоспарланды. Облыстағы туристік қызмет көрсету көлемі өткен жылдың есепті кезеңімен салыстырғанда 20,5 пайызға артты. Сондай-ақ, өңірге 67 мың турис келді. Бұл туралы Өңірлік коммуникациялар қызметінде өткен баспасөз конференциясында &nbsp;облыстық дене шынықтыру, спорт және туризм басқармасы басшысының міндетін атқарушы Жұлдызхан Ерқосаев мәлімдеді.<blockquote>– Биыл Қазақстанның Қытайдағы туризм жылы болып жарияланып, наурыз айында Пекин қаласында туризм жылының ашылу салтанаты өтті. Аталған шарада жергілікті туристік операторлар мен тұрғындардың өңірдегі «Байқоңыр» ғарыш айлағына қызығушылық жоғары екендігі байқалды. Осы ретте, жауапты басқарма тарапынан «Қазақтуризм» АҚ бірлесіп, қытайлық, отандық туроператорларымен келіссөздер жүргізілді. Осы жұмыстардың нәтижесінде, «Байқоңыр» ғарыш айлағы аумағынан ыңғайлы туристік бағыттар таңдалып, ортақ туристік пакет әзірлеуге келісім &nbsp;жасалды. Осыған сәйкес, министрлікпен арнайы іс-шара жоспары бекітіліп, осы жылдың қараша айында өңірімізге ғарыштық туризм бағытында тақырыптық апта өткізілетін болады. Бұдан бөлек, осы жылдың сәуір айында Еуроодақ елшілері Сыр өңіріне арнайы келіп, облыстың инвестициялық мүмкіндіктерімен танысып, экотуризм бағытында Арал ауданындағы Көкарал бөгетіне, Кіші Арал теңізіне барып ондағы сексеуіл егіліп жатқан аумақты тамашалады. Сонымен қатар, Қытай мемлекетінен келген инвесторлар Шижаға елдімекеніндегі құмды төбелерде болып, оның туристік әлеуетін көрді. Бүгінде Өңірдің туристік мүмкіндіктеріне арналған «OrdaTourism» атауымен Instagram, ТІК-ТОК әлеуметтік желілерінде арнайы парақшалар ашылып, туризм бағытында атқарылып жатқан жұмыстар туралы деректер мен өңірдің туристік дестинациялары туралы ақпараттар жариялануда, - деді Жұлдызхан Ерқосаев.</blockquote>Айта кетейік, биыл &nbsp;Қызылорда облысының туристік әлеуетін арттыру мақсатында өңірлік туристік сайт әзірленуде. Бұл сайт арқылы тамыры тереңге жайылған Сыр өңірінің тарихы мен облыс туралы қызықты ақпараттар жарияланбақ.

Сыр өңіріне келетін туристер саны артып келеді

<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы қызметтің Қызылорда облысы бойынша департаменті, облыстық акімдік және Қорқыт ата атындағы Қызылорда университеті бірлесіп,&nbsp;«Сыбайлас жемқорлыққа қарсы мәдениет: құндылықтар мен этикалық қағидаттар» атты республикалық&nbsp;ғылыми-практикалық конференция өткізді.Конференцияға Департамент басшысы Қ.Ахметқалиев, Қызылорда облысы әкімінің бірінші орынбасары Д.Жаналинов, аумақтық кәсіподақтар бірлестігінің төрағасы М.Нәлібаев, Қорқыт Ата университеті ректорының кеңесшісі Басығараев Нұрмантай Асқарұлы,&nbsp;ISO 37001 Сыбайлас жемқорлықа қарсы басқару жүйесінің Жетекші аудиторы Б.Ниязов, сонымен қатар мемлекеттік және құқық қорғау органдарының басшылығы қатысты.Конференцияның мақсаты&nbsp;қоғам арасында сыбайлас жемқорлыққа қарсы мәдениетті, оның кез келген көрінісіне төзбеушілікті қалыптастыру, сыбайлас жемқорлыққа қарсы білім беру және тәрбиелеу жөніндегі қызметті жандандыру.<blockquote>«Сыбайлас жемқорлық – кез келген қоғамның дамуына кедергі келтіретін қауіпті құбылыс. Ол елдің экономикалық өсімін тежейді, әлеуметтік теңсіздік тудырады және халықтың мемлекетке деген сенімін әлсіретеді.Әрқайсымыз&nbsp;бұл індеттің көріністерінен азат қоғам құруға өз үлесімізді қосуға ат салысуымыз керек»,- деді Департамент басшысы Қуаныш Жұмағалиұлы конференцияның ашылуында.</blockquote>Облыс әкімінің бірінші орынбасары Данияр Еренғалиұлы&nbsp;құттықтау сөзінде «Әрбір азамат елінің патриоты болып, сыбайлас жемқорлықпен күресу қажет екенін» айтап өтті.Конференция барысында Х.Досмұхамедов атындағы Атырау &nbsp;университетінің &nbsp;профессоры, заң ғылымдарының кандидаты Ж.Шаяхметова «Сыбайлас жемқорлыққа қарсы мәдениетті қалыптастыру тетіктері» жөнінде айтып өтсе, Жетісу университетінің профессоры, PhD докторы Б.Айтимов &nbsp;«Жоғарғы оқу орындарында комплаенс қызметін енгізудің практикалық мәселелері» туралы баяндады.Іс-шара соңында қоғамға сыбайлас жемқорлыққа қарсы мәдениетті қалыптастыру жұмысына белсене атсалысқан бірқатар тұлғалар Департамент басшысының «Алғыс хаттарымен» марапатталды.<img src="https://knadmin.beoblood.kz/uploads/korkyt_15a8111188.jpeg" alt="коркыт.jpeg"><img src="https://knadmin.beoblood.kz/uploads/korkyt_2_a2d436b361.jpeg" alt="коркыт 2.jpeg">

Қызылордада республикалық ғылыми-практикалық конференция өтті

&nbsp;<a href="https://kyzylorda-news.kz/">Kyzylorda-news.kz</a> “Ауыл” парииясы Қызылорда облыстық &nbsp;филиалы &nbsp;Ауыл шаруашылығы қызметкерлері &nbsp;күні қарсаңында сала мамандарына құрмет көрсетті.&nbsp;Партияның ұсынуымен Өмірзақов Серікбай Ыдырысұлы - ҚР ғылым саласындағы ерекше еңбегі үшін “ҒЫЛЫМДЫ ДАМЫТУҒА СІҢІРГЕН ЕҢБЕГІ ҮШІН” төсбелгісімен, Бәкірұлы Құрманбек - ҚР ғылым саласындағы ерекше еңбегі үшін “ҒЫЛЫМДЫ ДАМЫТУҒА СІҢІРГЕН ЕҢБЕГІ ҮШІН” төсбелгісімен, Бекетова Айгүл Орынбайқызы - ҚР Су ресурстары және ирригация министрлігі “СУ ШАРУАШЫЛЫҒЫНЫҢ ҮЗДІГІ” төсбелгісімен наградталды.Сондай-ақ Сырдария аудандық мәслихат депутаты Динара Ибадуллаева, Күріш институты директорының орынбасары Жанұзақ Байманов “Ауыл” партиясының төрағасы Серік Егізбаевтың “Алғыс хатымен” марапатталды.Сонымен қатар &nbsp;ауыл шаруашылығында еселі еңбек етіп жүрген мамандарға партия филиалының төрағасы С.Өмірзақовтың Алғыс хаты табысталды.

Сала мамандарына құрмет көрсетілді

<a href="https://kyzylorda-news.kz/">Kyzylorda-news.kz</a> Цифрлық төлем карталарын қолмен ұстап көруге болмайды, себебі олар пластик тасымалдағышта&nbsp;емес, алайда оларды&nbsp;смартфонға&nbsp;оңай байланыстырып,&nbsp;офлайн&nbsp;есеп айырысуға болады. Сондай-ақ,&nbsp;оларды толтыруға, басқа карталар мен шоттарға қаражат аударуға,&nbsp;олар арқылы&nbsp;интернет-сатып алулар жүргізуге болады.&nbsp;Көптеген ата-аналар балаларына виртуалды карталарды пайдалануға рұқсат беріп жатады, алайда олардың&nbsp;көпшілігі онлайн-сатып алулар кезінде мұндай карталарды пайдалану қағидалары мен қауіпсіздік шаралары жөнінде айта бермейді.Виртуалды картаны қалай дұрыс ресімдеу қажеттілігі және оның артықшылықтары жөнінде, сіздер «OYLA» ғылыми-танымдық журналының келесі санынан білесіздер. Танымдық ақпарат, глоссарий, түрлі-түсті иллюстрациялар, коллаждар – осылардың барлығы жас оқырмандарға материалды тез игеруге көмектеседі.Балаларға арналған қосымшалар Қазақстан Республикасы Қаржы нарығын реттеу және дамыту агенттігінің қолдауымен мемлекеттік және орыс тілдерінде шығарылады.Fingramota.kz&nbsp;балаларға арналған&nbsp;банк картасын&nbsp;қауіпсіз&nbsp;пайдалану&nbsp;қағидалары жөнінде&nbsp;ескертеді&nbsp;–&nbsp;ата-аналар&nbsp;төмендегілер&nbsp;жөнінде&nbsp;баласына үнемі еске салып отырулары қажет:1. Сізде банк картасының бар екендігі туралы барлығына айтпаңыз. Бұл қауіпті болуы мүмкін: картаны ұрлау, күштеп алып қою және т. б.2. Картаны ешкімнің қолына беруге, сондай-ақ фотоға түсіруге болмайды.3. Сіздің картаңызға жазылған деректерді басқа біреуге беруге, айтуға, жариялауға болмайды.4. Әрбір банк картасының құпия коды— ПИН-код болады. Оны онлайн немесе банкоматта енгізген кезде карта бойынша барлық операцияларды жүргізуге болады. ПИН-кодты банктің мобильдік қосымшасы арқылы ауыстыруға болады. Сіз оны жаттап алуға немесе өзіңізге кішкентай парақшаға жазып алуға тиіссіз және белгілі бір жерде, шифрланған түрде сақтасаңыз тіпті жақсы. Оны қалай шифрлау өз еркіңізде. Бастысы, ешкім сіздің кодыңызды шеше алмауы қажет. Ешбір жағдайда ПИН-кодты картаның өзіне жазбаңыз және онымен бірге сақтамаңыз.5. Дүкенде немесе банкоматта ПИН-кодты енгізген кезде пернетақтаны қолыңызбен жауып тұрыңыз, сандарды дауыстап айтуға болмайды.6. Егер сіз банктік картаңызды жоғалтып алсаңыз, бұл туралы ата-анаңызға дереу хабарлау қажет. Ата-анаңыз дереу банкке хабарласып, картаны ешкім пайдалана алмайтындай етіп бұғаттауды сұрауға тиіс. Карта бойынша операцияларды сондай-ақ мобильдік қосымша арқылы онлайн режимде бұғаттай аласыз.7. Телефоныңызда оны кез келген уақытта пайдалана алатындай карточкасын пайдаланатын банктің жедел желісінің нөмірін сақтап қойыңыз. Қандай да бір жағдай туындаса, сіз немесе сіздің ата-анаңыз сол нөмір бойынша телефон соғып, карта бойынша ақпарат алу үшін шынында да банк қызметкері хабарласқанын, немесе шындығында олардың банкі ұтыс өткізгені және карта иелері-қатысушылар үшін SMS жіберіп жатқаны жөнінде нақтылай алады. Қоңырау шалу үшін себептер көп болуы мүмкін. Сізге картаны бұғаттау, «қауіпсіздік қызметінің тексеруі», «қате ақша аударымдары» немесе кез келген басқа «қорқынышты» SMS немесе электрондық пошта арқылы хабарламалар келуі мүмкін. Олардың түпнұсқалығын тексеру үшін банктің ресми нөміріне хабарласқан дұрыс.Қаржылай сауатты адамдар цифрлық төлем карталарын белсенді түрде пайдаланады. Сіз оларды қолыңызбен ұстай алмайсыз, өйткені олар пластик тасымалдауышта емес. Бірақ оларды смартфонмен оңай байланыстырып, офлайн режимде төлеуге, қаражатты толықтыруға, басқа карталарға немесе шоттарға ақша аударуға және онлайн сатып алу жасауға болады.Виртуалды немесе цифрлық картаны алу үшін осы опцияны ұсынатын банктің қосымшасы арқылы өтініш бере аласыз. Егер кәмелетке толмасаңыз, онда сіз үшін виртуалды картаны тек ата-анаңыз немесе заңды өкілдеріңіз жасай алады. Енді жаңа технологиялар цифрлық картаны бір рет басу арқылы жасауға мүмкіндік береді.Негізінен мұндай карталар шығып қана қоймай, оларға тегін қызмет көрсетіледі. Оларды пайдаланып сауда жасағанда кешбэк түсуі мүмкін. Сатып алған заттарды цифрлық картамен жай дүкендерде, сондай-ақ интернет-дүкендерде де төлей аласыз.Дүкеннің веб-сайтында төлем деректемелерін енгізсеңіз, кәдімгі пластик карта сияқты, төлем бетінде виртуалды карта нөмірін, оның жарамдылық мерзімін және үш таңбалы кодты көрсетуіңіз керек. Көп сайттарда сатып алу телефонға келетін тексеру SMS-коды арқылы немесе push-хабарламалар, яғни банктік қосымшаға келетін қысқа хабарламалар арқылы расталады.Виртуалды картаның төлем деректемелерін банктік қосымшаның жеке кабинетінде «Деректемелер» деген бөлімде көруге болады. Кейбір қосымшаларда деректемелерді автоматты түрде көшіру функциясы бар.Виртуалды карталардың ең маңызды артықшылығы – олар интернетте сатып алу кезінде қауіпсіздіктің қосымша деңгейін қамтамасыз етеді. Мұндай карталар негізгі банктік шотпен байланыстырылмайды, тіпті виртуалды карта туралы ақпарат сыртқа таралып кетсе де, негізгі шоттағы қаражат қорғалған күйінде қалады.Картадағы ақшаны алаяқтардан қорғауға көмектесетін банк карталарын қауіпсіз пайдалану қағидалары туралы еске түсірейік.Қағидалар қарапайым және әмбебап:Бейтаныс адамдарға есептік жазбаға кіруге арналған құпиясөзді немесе SMS-пен келген тексеру кодтарын хабарламаңыз.Әрқашан банктен келген хабарламаларды оқып шығыңыз және ата-анаңызбен бірге банктік қосымшадағы операциялардың тарихын кезең-кезеңімен тексеріп отырыңыз. Осылайша сіз алаяқтық шабуылдарды дер кезінде байқай аласыз.Ересек адамдардан онлайн төлемдерді жасау үшін пайдаланылатын құрылғыға вирусқа қарсы бағдарламалық қамтылымды орнатуды сұраңыз.Күмәнді сайттарда картамен төлем жасамаңыз. Әдетте, тиісті сертификаты жоқ сайттардыңа браузері сенімсіз деп белгіленіп тұрадыйді. СӘдетте сайтқа кіргеу кезінде браузердің жолында «қорғалмаған» немесе «not secure» деген жазба пайда болады.Еліктіретін жарнамалық ұсыныстарға сенбеңіз және пошта немесе мессенджерлер арқылы келіп түсетін күмәнді сілтемелерді баспаңыз.Ұялы телефоныңыз ұрланған болса, бұл туралы ата-анаңызға хабарлаңыз. БСізге банктік қосымшаны (бар болса), сондай-ақ телефон нөміріңізді бұғаттап, электронды пошта мен әлеуметтік желілердің барлық құпиясөздерін жаңасына өзгертуіңіз керек.Егер сізге банктен немесе мемлекеттік органдардан маңызды ақпарат берілген қоңырау түссе, телефон тұтқасын дереу қою керек. Интернеттегі немесе телефондағы бейтаныс адамдарға сенбеңіз,ды бұл оқиға туралы ересек адамдарға туралыайтып беріңізхабардар етпеңі;Цифрлық картада сізге жақын болашақта қазіргі немесе алдағы шығыстарға қажет соманы ғана сақтауға болады. Қосымшада сізнегізгі картаңызды пайдаланып онлайн сатып алуға тыйым салуды және виртуалды карта үшін жұмсалатын шығыстарға лимиттерді, мысалы айынан 20 мың теңгеден аспайтындай белгілеуді таңдайй аласыз., дыБірақ мұны тек ересек адамдар өздерінің банктік қосымшасынан жасай алады. Егер қызмет немесе тауар үшін төлем сіздің лимитіңізден асып кетсе, операция жасалмайды.Фото: Fingramota.kz

Сатып алу үшін виртуалды картаны қалайша дұрыс пайдалану қажет

<a href="https://kyzylorda-news.kz/">Kyzylorda-news.kz</a> Сексен бес жылдық тарихы бар Жалағаш ауданында соңғы жылдары жарқын жобалар жүзеге асып келеді. Әсіресе ел ағаларының қолға алған әрбір бастамасының бүгінде ел игілігін көріп отыр. Соның арқасында ауданда, әсіресе ауылдық елді мекендерде тұралаған мәселелер шешімін табуда.&nbsp;Биыл 9 айда жоспарланған макроэкономикалық көрсеткіштерде де өсім қалыптасқан. Тарқатып айтсақ, өнеркәсіп өнімдерін өндіру 29,4 пайызға артып, 29 млрд 362 млн теңгенің өнімі өндірілді. Оның ішінде өңдеу өнеркәсібі шаруашылықтардың күріш ақтау және «Өркен Әлем» ЖШС-ның өндірген өнімі есебінен 241 пайызға артып, 9 млрд 559 млн теңгенің өнімі өндірілді. Былтыр 9 айлықта бұл көрсеткіш 5 млрд 656 млн теңгені құраған. Осыдан-ақ өнеркәсіп өнімдерін өндіру бір ізге түскенін аңғару қиын емес.&nbsp;Биыл негізгі капиталға тартылған инвестиция көлемінде де өсім қалыптасты, яғни 14 млрд 461 млн теңгені құрап отыр. Ал&nbsp; 2023 жылы 9 айлықта бұл көрсеткіш 12 млрд 148&nbsp; млн теңгені құраған. Жалпы қай саланы алып қарасақ та Жалағаштың шаруасы ширағанын аңғару қиын емес. Ауыл шаруашылығы өнімінің көлемі 20 млрд 659,4 млн теңгені құрады. Тұрғын үй көлеміне келсек, 17 523 шаршы метрді құрайтын 112 тұрғын үй пайдалануға берілді. Бөлшек сауда көлемі 2 816,8 млн теңгеге жетті. Құрылыс жұмыстарының көлемі 163,8 пайызға орындалып, 7 млрд 991,8 млн теңгені құрады.Аудан бюджетінің жалпы түсімдер жоспары 102,7 пайызға орындалып, 8 601,7 млн теңгені құрады. Оның ішінде жергілікті кірістер есепті кезеңде 1 млрд 604,1 млн теңгені құрап, жоспар 112,8 пайызға орындалған. Биыл қазанда аудан бюджетінің шығыстар жоспары 99,9 пайызға орындалды. 1 197 900 центнер күріш жиналды.Аграрлық ауданның егін саласында өзіндік орны бар. «Қызылорданың Қостанайы» деген аттың жайдан-жай берілмегенін жыл сайын жалағаштық диқандар ерен еңбекпен дәлелдеп келеді. Биыл да бұл саланы егінші қауым жоғары нәтижемен қорытындылады. 37 218 гектарға ауыл шаруашылығы дақылдарын еккен жа-лағаштықтар мол табысқа кенелді. 19 800 гектар күріш толық жиналып, әр гектардан 60,5 центнерден өнім алды.Сырдың басты дақылы болғасын күрішке арнайы тоқталып отырмыз. Болмаса ауыл шаруашылығы дақылдарының басқа да түрлерінен межеден артық өнім алынды. Бүгінге дейін бидай, арпа, сұлы, қант құмайы, мақсары, картоп, көкөніс, бақша дақылдары толық жиналды. Тарқатып айтсақ, 129 гектар күздік бидайдың әр гектарынан 13 центнерден, 770 гектар жаздық бидайдың әр гектарынан&nbsp; 9 центнерден, 665 гектар мақсарының әр гектарынан 8,7 центнерден, 200 гектар қант құмайының әр гектарынан 41 центнерден, 40 гектар арпаның әр гектарынан 8,2 центнерден, 5 гектар сұлының әр гектарынан 12,8 центнерден, 188 гектар картоптың әр гектарынан 177 центнерден, 1113 гектар көкөністің әр гектарынан 195 центнерден, 1300 гектар бақшаның әр гектарынан 230,5 центнерден өнім алынды. Нәтижесінде Жалағаш кешегі «Алтын дән» мерекесінде «Ең үздік аудан» номинациясына ие болды.Шаруашылықтар техника паркін жаңартуға ден қойды, әлбетте еңбек өнімділігін арттыруда бұл ерекше маңызға ие. Мәселен, биылдың өзінде 1 млрд 670,6 млн теңгеге 26 ауыл шаруашылығы техникасы алынған. Кешегі күзгі дала жұмыстарына ауданда 1027 ауыл шаруашылығы техникасы жұмылдырылды. Оның ішінде 431 трактор, 249 комбайн, 124 жатка, 58 жүк көлігі, 165 трактор тіркемесі бар.Салада серпін барБұрын Жалағаш кәсіпкерлік саласы ақсап тұрған аудандар қатарында еді, бүгінде жергілікті жұрттың кәсіп бастауға ынтасы артқан. Демек, әлеуеметтің әлеуетін көтеретін негізгі сала екеніне елдің толық көзі жетіп отыр. Міне, біз аудан кірісінің еселенуін, жұмыссыздық мәселесін тұсаудағы нәтижелі жұмысты, саланың алға басуымен байланыстырамыз. Әсіресе ауылдағы ағайын шаруаны ширатуда мемлекеттік бағдарламаларды тиімді пайдалануда.Ауданда биыл 3011 шағын және орта кәсіпкерлік субъектісі тіркелген. Оның 95,5 пайызы нақты жұмыс жасап тұр. Былтыр ауданда «Байқоңыр ӘКК» ҰҚ» АҚ арқылы мал шаруашылығы, өндіріс, қызмет көрсету, өсімдік бағытындағы 179,7 млн теңгені құрайтын 22 жоба қаржыландырылған. Нәтижесінде 33 жаңа жұмыс орны құрылды. Биыл «Байқоңыр ӘКК» ҰҚ» АҚ арқылы «Ауыл аманаты» жобасы аясында қаржыландыруға ауданда 318,3 млн теңгені құрайтын 49 жобаның құжаттары әзірленген. Оның ішінде 85,8 млн теңгені құрайтын 15 жоба комиссияда қаралып, 60 млн теңгенің 11 жобасы мақұлданған. Нәтижесінде ауданда жаңадан 11 жұмыс орны құрылады. Бұдан бөлек 115,1 млн теңгені құрайтын 19 жобаның құжаттары жинақталуда.Жол сапасы жақсарғанИә, ауданда соңғы 2-3 жылда жол құрылысы қарқын алып, елдің талап-тілегі ескерілгенін жақсы білеміз. Әсіресе бізді ауылдық жерлерде жол сапасына жіті мән берілгені қуантады.&nbsp;Ауданның автомобиль жолдарының жалпы ұзындығы 240,9 шақырымды құ-райды. Оның 50 шақырымы республикалық, 60,6 шақырымы облыстық, 130,3 шақырымы аудандық маңызы бар автомобиль жолдары.Аудандық маңызы бар автомобиль жолдарының 113,7 шақырымы, яғни 87,3 пайызы жақсы және қанағаттанарлық жағдайда, 16,6 шақырымы қанағаттанарлықсыз жағдайда. Биылдың өзінде жол сапасын жақсартуға 1 млрд 291,4 млн теңге қаралды. 305,1 млн теңгеге Мөрәлі Шәменов ауылына кіреберіс аудандық маңызы бар автомобиль жолына жөндеу жұмыстары жүргізілді. Қазіргі таңда асфальт төсеу жұмыстары толығымен аяқталды. Бір жылда осы ауылдың 10 ішкі көшесіне асфальт төселген.Жалпы ауданда ұзындығы 239,4 шақырымды құрайтын 222 ішкі көше бар. Оның 186,6 шақырымы, яғни 78 пайызы қанағаттанарлық, 52,8 шақырымы қана-ғаттанарлықсыз жағдайда. Биыл 4 елді мекеннің 27 ішкі көшесі жөндеуден өтуде. Яғни Аққұмда 10, Есет батырда 5, Бұқарбай батырда 11, Таңда 1 көшенің сапасына мән берілді. Аққұмдағы 8,4 шақырымды құрайтын 10 көшенің күрделі жөндеу жұмыстарына 457,1 млн теңге қаралған. Оның ішінде биыл жобаны толық аяқтауға 286,8 млн теңге бөлінді. Қазіргі таңда жөндеу жұмыстары жүргізілуде. Есет батыр ауылының 5 көшесін күрделі жөндеуге облыстық бюджеттен 545,8 млн теңге қаралды. Қазіргі таңда асфальт төсеу жұмыстары толығымен аяқталды. Мердігер мекеме алдағы айда жол құрылысын толық аяқтамақ. Таң ауылындағы екі пәтерлік 10 тұрғын үйге көше жарығы бар автомобиль жолын салу жұмыстарына облыстық бюджеттен 105,7 млн теңге қаралды. Қазіргі таңда құрылыс жұмыстары толығымен аяқталып, нысанды қабылдау жұмыстары жүргізілуде. Бұқарбай батыр ауылындағы 11 көшенің құрылысы да қарқын алды. Жалпы құны 403,1 млн теңгені құрайтын жобаның жуырда ел толық игілігін көрмек.Ауданда биылғы жобаларды толығымен аяқтауға 1 млрд 800,6 млн теңге қажет. Бүгінде жалпы жол жөндеу бағытында құны 5 млрд 773,3 млн теңгені құрайтын 20 жобаны қаржыландыру үшін облыстық жолаушылар көлігі және автомобиль жолдары басқармасына бюджеттік өтінімдер тапсырылған.Қос ауылға газ келдіЕстеріңізде болса, осыдан үш жыл бұрын Жалағаш кенті газға қосылған. Қазіргі таңда Жалағаш кентіндегі 2 952 тұрғын үй, 17 әлеуметтік, 131 кәсіпкерлік нысан, Ақсу ауылындағы 92 тұрғын үй орталықтандырылған газ желісіне қосылған.Жалағаш ауданында 7079 отбасы болса, соның бүгінде 43 пайызы көгілдір отын тұтынады. Елді мекендерді газдандыру мақсатында барлығы 1086,2 млн теңге бөлінген. Тарқатып айтсақ, Мөрәлі Шәменов елді мекенін газдандыру жұмыстарына 649,1 млн теңге қаралды. Былтыр облыс қазынасынан 63,8 млн теңге бөлініп, нәтижелі жұмыстың арқасында бөлінген қаржы толығымен игерілді.&nbsp; Биыл Ұлттық қордан 100 млн теңге, облыстық бюджеттен 485,3 млн теңге қаралды. Қазіргі таңда құрылыс монтаждау жұмыстары аяқталып, бөлінген қаржы толығымен игерілген. Бүгінде нысанды қабылдау жұмыстары жүргізілуде. Жалпы бұл ауылда 1003 адам бар, демек алдағы уақытта 300-ге жуық отбасы көгілдір отынның игілігін көреді.Ақсу елді мекенін газдандыруға 517,4 млн теңге қаралған. Былтыр облыстық бюджеттен 20 млн теңге бөлініп, газ құрылысы басталған. Биыл құрылыс монтаждау жұмыстарын жалғастыру үшін Ұлттық қордан 100 млн теңге, облыстық бюджеттен 397,4 млн теңге бөлінді. Қазіргі таңда құрылыс монтаждау жұмыстары толығымен орындалып, қаралған қаржы толық игерілген. Тіпті нысан пайдалануға берілді. Жалпы бұл ауылда 1 674 адам бар, осылайша 200-ден астам отбасының көгілдір отынның игілігін көруіне жағдай жасалып отыр.Ауылдарды газдандыру жалғасудаЕлді мекендерді табиғи газ желісіне қосуды жалғастыру мақсатында Қаракеткен, Далдабай елді мекендерін газдандыру жұмыстарына демеушілік есебінен жобалау-сметалық құжаттар әзірленген. Жобаны қаржыландыру үшін облыстық энергетика және тұрғын үй-коммуналдық шаруашылық басқармасына бюджеттік өтінім ұсынылды. Жоба құны – 1 млрд 148,7 млн теңге. Сонымен қатар Бұқарбай батыр елді мекенін газдандыру үшін жобалау-сметалық құжаттары демеушілік есебінен әзірленіп, мемлекеттік сараптамаға жолданды. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Аудан орталығындағы әкімшілік ғимараттар мен әлеуметтік нысандарды табиғи газға ауыстыру мақсатында биыл бюджеттен 68,4 млн теңге бөлінді. Тарқатып айтсақ, Жалағаш кенті әкімі аппаратының қазандығы табиғи газ желісіне қосылып, пайдалануға берілді. Жобаның жалпы құны 6,2 млн теңгені құрайды. Жалағаш аудандық жұмыспен қамту және әлеуметтік бағдарламалар бөлімінің қазандығын табиғи газ желісіне қосу жұмыстарына 19,4 млн теңге қаралды. Бүгінде бұл нысан да көгілдір отынға қосылған. Мұнан бөлек №123 мектеп-лицейін, №246 орта мектебін табиғи газға ауыстыру жолымен қазандықты реконструкциялауды жүзеге асыру жұмыстары аяқталып, нысандар толық пайдалануға берілді.Жалпы 85 жылдық тарихы бар іргелі ауданда ілкімді жобалар жүзеге асуда. Барлық жобаның құрылыс сапасы аудан әкімі Ардақ Ибраимовтың тікелей қада-ғалауында. Болашақта жұрт игілігін көруі үшін әрбір жобаның өміршеңдігі маңызды екенін Ардақ Әбдіғаппарұлы әріптестерінің де қаперіне салып отыр. Біздің көңі-лімізден шығатыны – соңғы жылдары қолға алынған жобаларда ел ішінде тұралаған мәселелердің қамтылуы. Бірінші кезекте елдің талап-тілегі ескерілсе, қалғаны кезең-кезеңімен шешімін табатыны сөзсіз.&nbsp;&nbsp;Кенжетай ҚАЙРАҚБАЕВ

Жалағаш – жарқын жобалар мекені

<a href="https://kyzylorda-news.kz/">Kyzylorda-news.kz</a> Экономикалық дамудың макрокөрсеткіштері бойынша Қызылорда облысында оң динамика қалыптасқан. Бұл туралы облыстық экономика және қаржы басқармасының басшысы Қамбарбек Мүбараков Өңірлік коммуникациялар қызметінде өткен брифингте хабарлады.Басқарма басшысы атқарылған жұмыстар мен алдағы уақытта қолға алынатын жобалар туралы баяндады. Өңірде өнеркәсіп кәсіпорындарында 903,5 млрд.теңгенің өнімі өндірілді, бұл былтырғы осы кезеңмен салыстырғанда 8 пайызға артық.&nbsp;<blockquote>&nbsp;– Есепті кезеңде өңір экономикасына 478,3 млрд. теңге инвестиция салынды. 697,0 мың шаршы метр тұрғын үй пайдалануға берілді. Ауыл шаруашылығының жалпы өнімінің көлемі 103,0 пайызды құрады. Оның ішінде, егін, мал шаруашылығының жалпы көлемінде де өсім бар. Жыл басынан бері 29 654 жаңа жұмыс орны құрылды, оның ішінде 11 973 тұрақты жұмыс орны ашылды, - деді басқарма басшысы.</blockquote>&nbsp;Фото: Өңірлік Коммуникациялар Қызметі

Аймақтың экономикалық дамуында өсім бар

<a href="https://kyzylorda-news.kz/">Kyzylorda-news.kz</a> Облыс әкімінің қолынан «Ерен еңбегі үшін» медалін алып тұрғанында толқымайын десе де толқыды. Марапатқа қызықпаймын дейтін еді, біреулер құсап оның соңынан қуып әуре де болмады, бірақ одан бұрын өзін сол құрметке лайық көрген таза пейілдің шапағаты шаршаулы көңілге кәдімгідей дем беріп, жүректі толқытты.Ойланып отырса, он жеті жасынан қаламға телінген құштар тілек одан бір суымапты. Ерте есейтіп елдің алдына шығарыпты.Оныншыны бітірген жылы дәрігер болуды мақсат тұтты. Жасынан шаруашылықтың ауыр қосын жеккен ата-ананың саушылықтан ерте қалуы қайтсем соларды емдеп жазамын деген тілекке ойысқандықтан болар, бірақ одан жолы болмады. Жүрегіне жақын қаламға деген құштарлық одан да биік құзіретті - қоғамның жанына батқан сыздауықты сылып тастауға мүмкіндік беретін тағдыр талайын тарту етті.Бойындағы талабын таяныш етіп осы бағытта жоғары білім алуға қол жеткізген қайратты жас бауырларына өзі бас-көз болып, етінің тірілігінен елдік істің шаужайына жармасып, көпті бастар көшелігімен өнеге болған әке жолын әрі қарай жалғады. Алғашқы жылдары жастар ұйымына жетекшілік етіп, шалғайдағы ауылдың сүреңсіз өмірін өміршең мазмұнмен өрнектеудің жолын іздеп басы қатты. Ел әлеуеті мен мәдениетін көтеруде Тәңір сыйлаған шығармашылық қуат тылсым түйсікті түртіп оятып, жарқын жобаларға тыңнан түрен салып, жұлдыздай аққан тұлпар-талаптың жалына жармастырды. Ұлт, нәсіл, шекараға жіктелмейтін адами жаратылыстың әділеттігі қияндағы қазақ баласының көкірегін көкке тіреп, арманын айға біледі. Қызылдың малға жайлы құтты қонысы елге аты шығар жалын кеуде ерлерден де кенде емес екенін іспен дәлелдеу үшін комсомолдар бригадасын құрып оны өзі басқарды.Қолы сәл қалт еткенде ауылдың қалқанқұлақтарына қақпа қорытып, алаөкпе қып доп қуалатты. Волейбол, баскетбол алаңында алдымен өзі алашапқын алдыға түсіп, қатарына ерген іні-бауырды спортқа баулыды. Ауылдан Әлем чемпионын шығарамын деп әлектенді. Еңбегі еш кетпеді. Әлем чемпионы болмаса да намысты қолдан бермес, өңшең сен тұр мен атайын бөріктілерді тәрбиелеп шығарды. Мейлі ғалым, жазушы немесе кәсіпкер бол, спортқа жаны жақын адамның тірлігі өнімді, кәсібіне жүйрік, денсаулығы мықты, мемлекетке де зор пайда әкеледі емес пе? Адами капитал дегеніміз осы. Баланың бәрі дарынды, соның көзін тауып, өзін танытуына, өсуіне, өнуіне жүрек жылуын аямаған қамқорлықты айтыңыз. Осы орайда қияндағы елдімекен мектебінде білім алып жүрген бозөкпенің ерек талабын аңдап, өнер сайыстарына қатыстырған, бүгінде көпке танымал болған қос саңлақ – Асқар Дүйсенбиев пен Бекарыс Шойбековты тәрбиелеп өнер өріне оздырған ердің еңбегі бір төбе.Ал өзінің жеке өміріне келсек, бозбала шақтан жүрек түкпіріне орныққан періште тілек қайда барса да, қайда жүрсе де тіршіліктегі қалт еткен құбылысқа қарауыл қып, қылша мойнын талша етіп, жалқы сәт тыным берген емес. Бүгінге дейін қолынан қаламы түспеген оның қоғамдағы жақсыны да, жаманды да көңіл сүзгісінен өткізіп, жақсыға сүйініп, жаманға күйініп, ар таразысын әділ салмақтай білуі осы табиғатына адалдығынан дер едік.Қолында билігі бар адам төрешілдікке жақын, ауылда көп жылдар директордың орынбасары болып биліктің бір жағында жүрген адамның ақ дегені алғыс, қара дегені қарғыс, көңіл тоқ, уайым жоқ, қамсыз-мұңсыз бір күнді өткізуге беруге болатын еді ғой. Жоқ, cезімге бай, сертке адал Нұрекең қашанда айналаға жүректің көзімен қарай білген тәрізді. Міне, сол кезде көзі көріп, көңілі иланған құбылыстарды ақ қағазға шебер қиюластыруға келгенде табиға тұма таланты көмекке келді. Өмірдегі ұнамсыз құбылыстар, адамдардың теріс мінез-қылықтары, соның салдарынан қоғамды дендеген дауасыз дертті сылып алуда сатираны қару еткен ол осы жанрдың оң жамбасына келетініне сол кездің өзінде нық сенімде болды. Өйткені әжуа тілмен түйреген сөз сойылының діттеген жеріне дөп тиіп жатуы өзгеден бұрын өз көңілін тоқ етті. Соның дәлелі Оспанхан Әубәкіров ағасы алғашқы қадамынан-ақ жанашыр тілектесі болды. Жас талапты үнемі қолдап, өзі өмірден озғанша әріптестік қарым-қатынасын үзбеді.Тіл тазалығы, әдебиет тағдыры үшін бетің бар, жүзің бар демей туғанына да туралығын айта білер әділқазы, әдебиет сыншысы Бақыт Сарбалаевтың оң пікіріне ілігудің өзі дәтке қуат. Қаламгер өзінің 2011 жылы шыққан кітабында Нұрмахан Елтайдың шығармашылық лабораториясына арнайы тоқталады. Сонда Нұрмахан Елтайдың жан-дүниесінің Бейімбет Майлинмен өзектесе өріліп жатқаны туралы айтады. «Нұрмахан Елтай халықтық тілмен қарапайым жазуымен әрбір туындысының әлеуметтік қатпары қалың, астары терең, айтары ажарлы, әдеби байлығы базарлы нағыз Бейімбет Майлин бітімдес сатирик» деп жазады ол.Нұрмахан өзінің төл туындыларымен қоса жүрген жерінде құлақты түрік ұстап ауыл айтқыштарының есті сөз, қаймақты хикаяларын жазып алудан шаршамайтын қалыбымен қазақ әдебиетіне қаншама жауқар дүниелерді қосты. Ол өзінің «Үшінші таим» кітабының «Қақпа алдында» деп аталатын бөлімінде ауыл айтқыштарының сөзін жинақтап беріп, келешек көрерменнің асыл қазынасына айналдыра білді.Сонау жетпісінші жылдардан бастап Нұрмаханның сатирик ақын ретінде өлеңдері аудандық «Коммунизм жолы», облыстық «Ленин жолы» газетінде шыға бастады. Бірқатар сатиралық топтамалары жинақтарға енді. Асқар Тоқмағанбетовтың көзін көрген, тәрбиесін алған, сатираның сарбазы атанған Оспанхан Әубәкіровтен бата алған оның шығармаларын жұрт іздеп жүріп оқитын болды.Осы кезеңдері ол «Жаңақорған тынысы» газеті бетінен ашылған «Көк ине» деген арнайы сатиралық беттің шығарушысы болды. Нұрмаханның шалқар шабытпен жазылған «Қатырамыз», «Ауылдың айтқыштары», «Япырмай, бұл қандай қызық», «Сүйінші дайындаңыздар», «Беті бүлк етті», «Үшінші таим», «Қияға қонған қыран», «Беласар» деген атпен сатиралық өлеңдері, әзіл-қалжың, қызықты әңгімелері, деректі хақаяттары, баспадан шығып оқырманға тарап кетті. Сондай-ақ «Жәннат жер – жайсаң жандар», «Қияға қонған қыран», «Жаңарған өлкенің жасампаз ұрпағы», «Сұңқарлар биікте самғайды» атты деректі кітаптардың авторы.Нұрмахан Елтай талантты сатирик қана емес, мықты журналист. Тоқсаныншы жылдардың басынан журналистикаға ден қойған ол ширек ғасырға жуық уақыт «Сыр бойы» газетінің Жаңақорған және Шиелі аудандарындағы меншікті тілшісі болды. Өтпелі кезеңнің ауыр уақытында облысқа қатынап жұмыс істеу жеңіл болған жоқ. Аудандарда болып жатқан шаралар туралы газеттің сол күнгі санына шығу керек. Қазіргідей интернет жоқ. Нұрекең шараға бастан-аяқ қатысып, оны жол бойы пойызда отырып жазып, редакцияға тапсырып үлгеретін.Ертесіне кезекшілікке газет өндірісіне қатысу үшін жағдай кем, жылуы жоқ мұздай кабинетте қонып, орындықты төсек еткен күндердің нешемесі бастан өтті. Жастығын, денсаулығын алды демесең, көз майын сарқып жазған жауһар дүниелері өңірдің өлмес тарихына, сырлы шежіресіне айналып тасқа басылып қалды. «Өзі бір күндік, сөзі мың күндік» газеттің сарғайған парақтары бетінен оның Қандөздің топырағынан сыр түйген өзгеше өрнекті төлтумаларын көзге сүртіп, көшіріп жазып алып жататын күн де туады әлі. Өйткені әр нәрсе қолдан кеткенде қадірлі ғой өзі. Бастысы, артта қалар ұрпақ аман болсын.Нұрмахан Елтай 2000 жылдары облыстық газетте «Түрлі-түрлі бастар бар» деген әзіл-сықақ бетіне редакторлық жасаумен қатар «Спорт» бетінің де оқырман жүрегіне жол табуына еңбек етті. Сол жылдары мектеп оқушыларына арналған «Хан алшы» атты үнжарияны шығаруды қолға алды. Ауылда тұрып-ақ Жазушылар Одағына мүше болды. Аудан, облыс сахналарында «Ән мен әнші», «Өмір мен юмор», «Қазақы қалжың» деп аталатын жеке шығармашылық бағдарламалары жұртшылықты күлкіге көмді. Осы бағдарламалары арқылы елімізге танымал әншілердің Сыр сахнасында өнер көрсетуніе жол ашты.Бұл оның қаламгерлігімен қатар қоғамдағы қайраткерлігінің бір қыры. Ал отбасында… Сүйіп қосылған жары Орынкүл екеуі бес перзентті өсіріп тәрбиеледі.Жақында жазушының жары Орынкүл Молдағалымқызына арнаған «Аяулы жар» деген естеліктер жинағы жарық көрді. Бұлай еске алып кітап жазам деп ойлап па? Үнемі аттың үстінде, түйенің қомында қаламын қару етіп қоғам тазалығы үшін тіресіп, жағдайы жоқтың мәселесін шешуге, жанары жастының көңілін демдеуге демалмастан жұмыс істеп, құдайдың еңбек демалысында жарытып от басында, ошақ қасында аялдамаған сертіне берік қаламгер енді бейнеттен бел жазып, жанұя шуағына кенеліп отырамын деген уақытта жансерігінен айрылып қаларын қайдан білсін? Әйтпесе, ең әдемі арнауын асыл жарына көзі тірісінде тарту етіп, көңілін шат еткен болар еді. Тағдыр оған жеткізбеді.Кітаптың бірінші бөлімі ағайын-туыс, көрші-көлемнің жүрекжарды естеліктерінен тұрады. Бәрінің айтатыны бір ой, бір пікір – Орынкүлдің керемет кеңпейілдігі, қолының ашықтығы, мінезінің жомарттығы, жоқ-жітікке қолындағысын бөліп беруге бар қайырымдылығы, қонақжайлығы. Қаламгер үшін қосағының осы қасиеттерге ие болуынан асқан нығмет бар ма? Бұл мүмкіндік өзінің де жүрегі жаз ағаның екінші тынысын ашқан, оны көптің ортақ қадірлісіне айналдырған тағдырдың айрықша сыйы болды деуімізге болар.Қайран ағаның қан жылаған көңілін жұбатып, елесінің өзімен жандүниесін тыныштыққа бөлейтін өткен күндер естелігі осынысымен қымбат.&nbsp;Баян ҮСЕЙІНОВА &nbsp;

Қазақстан және Қызылорда облысының жаңалықтары