<a href="https://kyzylorda-news.kz/">Kyzylorda-news.kz.</a>&nbsp; Биыл облыстағы 89 білім беру ұйымына мемлекеттік аттестациялау жүргізілді. Нәтижесінде, 44 білім ордасы аттестатталып, 45 білім беру ұйымы талапқа сай болмағандықтан аттестаттаудан өтпеді. Ал қалған 38 білім беру ордасына қайта қорытынды жасалды.
Бұл жөнінде Өңірлік коммуникациялар қызметінде өткен брифингте Қызылорда облысының білім саласында сапаны қамтамасыз ету департаментінің басшысы Ғалия Дәулетова мәлімдеді.
<blockquote>
 Осы жылдың бірінші жарты жартыжылдығында барлығы 36 бақылау шарасы жүргізіліп, 17 білім беру ұйымында нұсқаманың орындалуы бойынша жоспардан тыс тексеру жүргізілді. Біздің департаментте екі мемлекеттік қызмет көрсету түрі жұмыс жүргізіледі. Осыған сәйкес, жыл басынан бері «Е-лицензиялау» порталына 41 өтініш келіп түсті. Оның ішінде лицензия алу бойынша – 9, лицензияның қосымшасын алуға – 29, қайта рәсімдеу бойынша – 3 өтініш қаралды. Жыл басында балалардың құқығын қорғау мақсатында білім саласында сапаны қамтамасыз ету департаменті жанынан мониторингтік топ құрылды. Мемлекеттік органдардың арасында байланыс орнату және бала құқықтарына қатысты сұрақтарды жедел шешу мақсатында «Жедел әрекет ету» чаты құрылып, жұмыс істеуде. Балаларға қатысты орын алған оқыс оқиғалар туралы ақпарат балалардың құқықтарын қорғау комитетіне жолданады, – деді департамент басшысы Ғалия Дәулетова.
</blockquote>
Сондай-ақ, маусым-шілде айларында облыс аумағындағы мектептерде кешенді мониторинг жұмыстары жүргізілді. Тексеріс барысында білім ошақтарының материалдық-техникалық базалары, санитарлық тораптардың жәй-күйі, бейнебақылау және ішкі әжетханалармен қамтамасыз етілуі сынды бірқатар мәселелер зерделіп, алдағы жаңа оқу жылына дайындық барысы пысықталды.
<blockquote>
 Облыс бойынша 8 кешкі мектептің жұмысына бақылау жасалған болатын. Анықталған оқылықтар облыстық білім басқармасына жолданды. Сонымен қатар, мектепке дейінгі білім беру ұйымдарының жұмыс уақытын бес жұмыс күні ішінде 10 жарым сағаттық жұмыс уақытына ауысу бойынша жауапты басқармаға ұсыныс берілген болатын. Қазіргі таңда облыстағы барлық мемлекеттік балабақшалар 10 жарым сағаттық жұмыс режиміне ауысты. Алдағы уақытта білім беру ұйымдарында мемлекеттік бақылауды жалғастыру, ұлттық біліктілік тестілеу қорытындыларын нақтылау және педагогтардың жұмысқа қабылдау заңдылығы және олардың құқықтарының қорғалуы қадағаланады, – деді Ғалия Ноғайқызы.
</blockquote>

Ғалия Дәулетова: Аймақтағы 44 білім ордасы аттестациялаудан өткен

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-министрі Әлихан Смайловтың төрағалығымен өткен селекторлық режимде «Білімді ұлт» сапалы білім беру» ұлттық жобасын өңірлерде іске асыру мәселелері және халықпен кездесулердің қорытындылары қаралды.
Жиында оқу-ағарту министрі Асхат Аймағамбетов пен ғылым және жоғарғы білім министрі Саясат Нұрбектің баяндамаларын тыңдаған Үкімет басшысы балабақшадан бастап білім берудің барлық деңгейлерінде халықтың сапалы білімге қол жеткізу мәселесін тағы бір пысықтады.
Министр ұлттық жобаның өңірлерде іске асырылу барысындағы кемшіліктерді атап өтті. Оның ішінде көрсеткіштерге арнайы талдау жүргізді. Мәселен, Қызылорда облысы 2021 жылы мектепке дейінгі тәрбие мен оқытудың қолжетімділігін қамтамасыз ету бойынша жоспарланған 6180 орынның тек 1 363 орындаған, яғни 22,1%.
Өткен жылдың көрсеткішіне сәйкес мектеп құрылысы жұмыстары бойынша да біздің аймақ жоспарланған көрсеткішке қол жеткізбей, соңғы қатардың бірінде орналасты. Нақты айтсақ, 2 мектеп құрылысы уақытылы жүргізілмей, 900 оқушы қамтылмай қалған.
Сондай-ақ, техникалық және кәсіптік білімнің қолжетімділігін қамтамасыз ету бойынша 17 облыстың ішінде Қызылорда 16 орында. Яғни, 2021 жылы 2019 жылмен салыстырғанда 1240 орынға жергілікті бюджеттен мемлекеттік тапсырыс кем жүргізілген.
Үкімет отырысынан кейін аймақ басшысы Нұрлыбек Нәлібаев жауапты сала басшылары мен қала, аудан әкімдеріне кемшіліктерді талдап, нақты тапсырмалар жүктеді. Жиында облыс әкімі білім саласы бойынша жұмыстар тиісті деңгейде жүргізілмегенін айтып, бірінші басшылардың қызметін сынға алды.
<blockquote>
 Өткен жылғы көрсеткішкерге сәйкес, Қызылорда облысы жоспарды орындамай, рейтингтің соңғы қатарында тұр. Бұл жұмысымызға үлкен сын. Қазіргі таңда үш мектептің күрделі жөндеуі жаңа оқу жылына дейін аяқталмай қалу қаупі бар. Бұл балалар үшін ыңғайсыздық тудыруда. Елді-мекенде мектеп болмай, көрші ауылға қатынап оқитын балалардың қауіпсіздігі алаңдатады. Сол себепті құрылыс жұмыстарын қыркүйек айына дейін аяқтау қажет. Сапаға ерекше мән беріңіздер, арнайы комиссия жіберіп текесеретін боламыз. Қажет болған жағдайда құрылыс жұмыстарын уақытылы аяқтамаған мердігер мекемеге шара көру керек. Бұл жұмысқа облыстық құрылыс, сәулет және қала құрылысы, білім басқармаларымен қатар аудан әкімдері тікелей жауапты, – деді Нұрлыбек Нәлібаев.
</blockquote>
Өңірде қазіргі таңда 6 мемлекеттік мектептің құрылысы жүргізілуде. Тапсырыс беруші – құрылыс басқармасы. Дегенмен, төрт мектептің (Қазалы – №250, Қызылорда – Жезқазған трассасы бойындағы 600 орындық мектеп, Жаңақорған ауданы – 300 орындық 2 мектеп) құрылысы мерзімінен кеш жүргізілуде.
Аймақ басшысы құрылыс жұмысының уақытылы аяқталмауы басшылардың салғырттығы екенін атап өтіп, нақты тапсырмалар жүктеді.
<blockquote>
 Бізде әлі күнге дейін құрылысы 3 жылдан бері жалғасып келе жатқан мектептер бар. Пайдалануға беру мерзімі өтіп кетсе де, жауапты басшылар бұл жұмыстарды дұрыс қадағаламаған. Балаларға лайықты білім ошақтарында білім алуы қажет. Сондықтан мәселені шұғыл арада шешіңіздер,- деді Нұрлыбек Нәлібаев.
</blockquote>
Басқосуда облыс әкімі тиісті көмек түрлерін алатын арнайы санаттағы балаларды киім-кешек, оқу құралдарымен қамтуға қаражаттың жетіспеушілігі бар екенін алға тартты. Білім басқармасының басшысына жұмысты дұрыс үйлестіруді, қала және аудан әкімдері де немқұрайлық танытпай, мүдделі болу керектігін қатаң тапсырды.
Мұнымен қоса, «Мектепке жол» акциясын қала, аудандарда лайықты деңгейде жүргізу қажет деді.
Жиында қаралған екінші мәселе халықпен кездесулер бойынша облыс әкімі Шиелі ауданың әкімі мен Қызылорда қаласының әкіміне тұрғындармен кездесу өткізетін орынның дұрыс таңдалмағанын және үйлестіру жұмыстарының жеткілікті деңгейде болмағанын жеткізді.
Аймақ басшысы аудан, қала әкімдері халықпен сындарлы диалог орнатуға әрдайым мүдделі болып, өзекті мәселелерді өз уақытында шешуге атсалуы қажет деді.
<img src="https://kyzylorda-news.kz/wp-content/uploads/2022/08/298538148_360035542984363_6169497660283536183_n.jpg" alt="" />
<img src="https://kyzylorda-news.kz/wp-content/uploads/2022/08/298761518_360035552984362_9004083105994342667_n.jpg" alt="" />

Нұрлыбек Нәлібаев: 2021 жылғы білім саласындағы кейбір көрсеткіштер көңіл көншітпейді

<a href="https://kyzylorda-news.kz/">Kyzylorda-news.kz.</a> Ақпараттық марафон барысында аманаттықтар Жалағаш ауданына қарасты Таң, Аққұм ауылдарында кездесулер өткізді.
Жалағашта өткен жиында «Ауыл аманаты» жобасының негізгі міндеттерінің бірі – орау, температуралық сақтау сияқты қажетті пункттерді енгізе отырып, «егістіктен сөреге дейін» қағидаты бойынша өткізу тізбектерінің жаппай желісін қалыптастыру туралы сарапшы Акынбекова Айман Тұрғанғазықызы кеңінен атап өтіп, аулаларға іргелес жатқан жерді тиімді пайдалану, үй аулаларында мал және құс шаруашылығын дамыту, жемшөп дайындау және жайылымдарды ұйымдастыру проблемасын шешу, жеке қосалқы шаруашылықтарға жәрдемдесу үшін кооперативтер құрып, ауылдағы шағын жобаларды қаржыландыру мәселесіне де тоқталып өтті.
<blockquote>
 «2019 жылдан бері мал шаруашылығымен айналысамын. Жылда үкіметтен тиісті субсидия алып отырмын. Май, құрт, сүт сатып, кәсіп етудемін. Енді осы жоба бойынша несие алып кәсібімді дамытуға жұмыс жасаймын» – деді Ақсу ауылының турғыны Зейнегүл Тоқтыбаева.
</blockquote>
Аққұм ауылында ұйымдастырылған кездесуге Жалағаш ауданына қатысты ауылдық округтердің әкімдері мен тұрғындары келіп, өз сауалдарына нақты жауаптар алды. 
Ақпараттық жұмыстар енді Сырдария ауданында жалғасатын болады.
<img src="https://kyzylorda-news.kz/wp-content/uploads/2022/08/3e5772e9-89b9-47d6-9caf-b54358323737.jpg" alt="" />
<img src="https://kyzylorda-news.kz/wp-content/uploads/2022/08/dd69f956-d151-404e-84b0-1ee491071115.jpg" alt="" />

Жалағаштықтар «Ауыл аманаты» жобасымен танысты

<a href="https://kyzylorda-news.kz/">Kyzylorda-news.kz.</a> Халықаралық жастар күні мерекесі қарсаңында Қызылорда облыстық жастар ресурстық орталығы еңбек лагерін өткізді.
<blockquote>
 «Арнайы 12 – тамыз Халықаралық жастар күні мерекесіне орай “Еңбек күні” есебінде еңбек лагері ұйымдастрылды. Бұл лагердің негізгі мақсаты – техникалық мамандықтардың ерекшеліктерін, мән-мақсатын көрсету, жастарды бұл сұранысы бар мамандыққа баулу. Сындарлы шақтарды бастан өткеріп, бүгінде келешегі зор салалардың дамуына орай мамандар мен жұмысшыларға кәсіптік білім беру, оларды мамандыққа даярлау, қайта даярлау және біліктілікті көтеруде нағыз ұстаханаға айналған білім ордасы осы ілкімді істерін жалғастыра бермек»,- деді облыстық жастар ресурс орталығының аға кеңесшісі Әбіл Серік.
</blockquote>
Лагер барысында талапкер және жұмыссыз жастарға кәсіби бағдар беріліп, техникалық мамандықтармен таныстырылып, тәжірибе алаңдарында практикалық дәрістер берілді.
<blockquote>
 «Мен арнайы осы оқу орынына өзімнің қызығушылығыммен келіп тұрмын. Аталған іс-шарада техникалық мамандардың ерекшеліктерін көріп, сұранысы көп мамандықтармен таныстым. Мен шекара-академигі болғаныммен кейін екінші мамандық қылып жалғастыруды жоспарлап отырмын. Ұйымдастырылған іс-шара қызықты өтті әрі көп ой салды», – деді Шиелі ауданының тұрғыны Төлеген Ержан.
</blockquote>
Айта кетейік, еңбек лагеріне 30-ға жуық талапкер, жұмыссыз жас келді.
<img src="https://kyzylorda-news.kz/wp-content/uploads/2022/08/24e4b59c-21e6-4a27-a70c-8a6e14a530fd.jpg" alt="" />

Қызылордада еңбек лагері өтті

<a href="https://kyzylorda-news.kz/">Kyzylorda-news.kz.</a> Қызылорда облыстық білім басқармасының басшысы Мейрамбек Шермағанбет Қармақшы ауданында болып, бірқатар білім беру мекемелерін аралады.
Басқарма басшысы Қармақшы ауданына сапары барысында ең алдымен балалар демалысына арналған жаңа тынығу лагерінің жағдайымен танысты. Мұнда баланың жыл бойы ой сергітіп, олимпиадаға дайындық жұмыстарын жүргізу мен түрлі үйірмелерге қатысуға мүмкіндіктер қарастырылған.
Мейрамбек Зинабдинұлы аудандық білім бөліміне балалардың тынығу орнын жыл бойы жұмыс жасау үшін олимпиадаға дайындық жұмыстарын жүргізу және түрлі үйірмелер мен сайыстар өткізу секілді ұсыныстар беріп, оқушылардың уақытын тиімді ойластыруды тапсырды.
Құрылыс жобаларын уақытылы әрі сапалы орындау басты міндет. Жұмысты жүйелі жүргізу, оны сапалы әрі дер кезінде аяқтауды қадағалау мақсатында сала басшысы аудандағы күрделі жөндеу жүргізіліп жатқан №121, №85, №28 мектептеріне барды. Құрылыс жұмыстарының барысымен жіті танысқан Мейрамбек Шермағанбет жөндеуді сапалы әрі уақытылы болуды және мектеп директорларына үнемі қадағаулада ұстау керектігін қаперге салды.
Басқарма басшысының ауданындағы жұмыс сапары Қармақшы аграрлы-техникалық колледжінің ағымдық жөндеу жұмыстары, тазалығы мен өрт қауіпсіздігі жұмысымен танысып, оқуға құжат қабылдау процесін пысықтады.
<img src="https://kyzylorda-news.kz/wp-content/uploads/2022/08/298255083_1414904215679446_8378351838575878252_n.jpg" alt="" />
<img src="https://kyzylorda-news.kz/wp-content/uploads/2022/08/297660736_1414904272346107_1418014015126349275_n.jpg" alt="" />

Мейрамбек Шермағанбет Қармақшы ауданындағы білім беру мекемелерін аралады

<a href="https://kyzylorda-news.kz/">Kyzylorda-news.kz.</a> «Ауыл Аманаты» жобасын түсіндіруге арналған мобильді топтың бүгінгі сапары Қармақшы ауданындағы Дүр Оңғар, Ақтөбе ауылдарында жалғасын тапты.
Ауыл тұрғынына қолжетімді етіп, жобаларды шағын инвестициялармен жүзеге асыруға мүмкіндік беруге арналған жобаны егжей-тегжейлі түсіндірген мобильдік топ мүшелері тұрғындар тарапынан түскен сауалдар бойынша нақты жауаптар берді.
Дүр Оңғар ауылының азаматтары аталған жоба бойынша кооператив құру, жылыжай шаруашылығы және басқа да кіші бизнес түрлерімен айналысу туралы өз жоспарларымен бөліссе, Ақтөбеліктер берілетін несие кепілсіз болса және осы жобаны дөңгелетіп отырған өңірлерге сапар жасап тәжірибе алмассақ деген ұсыныстарын білдірді.
<blockquote>
 «Бұл қарапайым халық үшін өте тиімді екен. Өзім бала күннен көлік жөндеу ісін жақсы көремін. Осы жобаны пайдалана отырып көліктерге қызмет көрсету түрімен айналысуға осы бастан қажетті құжаттарды жинап бастаймын» – деді ауыл тұрғыны Ерік Демесбаев.
</blockquote>
Мобильді топ мүшелері тұрғындарға «Ауыл аманаты» қосалқы бағдарламасы халықтың табысын арттыру шеңберінде іске асырылатын болғандықтан арнайы талдау (скриниг) жүргізу арқылы елді мекенге қандай кәсіп көздері қолайлы екенін анықтап, тиісті шаралар қолданылатынын жеткізді.
<img src="https://kyzylorda-news.kz/wp-content/uploads/2022/08/298332464_435937888571853_6582696522347730308_n.jpg" alt="" />
<img src="https://kyzylorda-news.kz/wp-content/uploads/2022/08/298495861_435937978571844_3116308424949598549_n.jpg" alt="" />

Қармақшылықтар жаңа жобаға қызығушылық танытуда

<a href="https://kyzylorda-news.kz/">Kyzylorda-news.kz.</a> Алдағы оқу жылында мектеп формасына қойылатын талаптар өзгеріссіз қалады. Өткен жылдағыдай заңнамалық нормалар қолданылады. Яғни оқушылар бұрын сатып алған немесе дайындаған формамен мектепке еркін келе алады, деп хабарлайды ҚазАқпарат.
Сонымен бірге ата-аналардан кейбір мектептерде мектеп формасына қойылатын талаптар, яғни түс, киім дизайны бойынша талаптар нақты жеткізушілерге немесе өндірушілерге сәйкес жасалғаны туралы шағымдар бар. Осыған байланысты кейбір өңірлерде білім басқармалары ата-аналар қауымдастығы және қамқоршылық кеңестерімен келісе отырып, әр мектеп өз талаптарын қоймауы үшін өңірде бірыңғай түсті енгізуді, сол арқылы ата-аналардың таңдауына шектеу қою жөнінде шешім қабылдады.
<blockquote>
 «Бұл ретте ата-аналардың назарын талаптардың өзі өзгермегеніне аударғымыз келеді. Мысалы, егер оқушы мектепке сатып алынған немесе бұрын сол мектептің Қамқоршылық кеңесі бекіткен аға-әпкелерінен қалған форманы киіп келе алады. Ата-аналардың өтініштерінен кейін бірнеше білім басқармасы қамқоршылық кеңестермен бірлесіп, облыс бойынша мектеп формасының біркелкі түсін белгілеуге шешім қабылдады. Барлығы қою көк түсті таңдады. Бірақ бұл балаларды шектемейді, яғни олар бұрыннан бар мектеп формасымен келе алады. Облыс бойынша мектеп формасының бірыңғай түсін белгілеуге тоқтала кетсек. Бұл нақты жеткізушілерге талап қою тәуекелдерін барынша азайтып, қолжетімді форманы (нарықта немесе дүкенде) сатып алуға мүмкіндік береді. Сондай-ақ оқу жылына дейін атаулы әлеуметтік көмек алатын немесе жан басына шаққандағы орташа табысы ең төменгі күнкөріс деңгейінен төмен, жетім және ата-анасының қамқорлығынсыз қалған, төтенше жағдайға тап болған отбасылардан шыққан 418 мың балаға көмек көрсетілетінін атап өтемін. Оларға мектеп формасы мен кеңсе тауарларын сатып алу үшін «Жалпыға міндетті білім беру» қорынан қолдау көрсетіледі», – деді мектепке дейінгі және орта білім комитетінің төрағасы Гүлмира Кәрімова.
</blockquote>

Биыл мектеп формасы өзгермейді

<a href="https://kyzylorda-news.kz/">Kyzylorda-news.kz.</a> Ғылым және жоғары білім министрлігі грант иегерлерінің тізімі 10 тамызда жарияланатынын мәлімдеді.
Мемлекеттік білім грантын тағайындау жөніндегі республикалық комиссия өз жұмысын аяқтады. Оның құрамына министрліктің, мемлекеттік органдардың, бiлiм саласы кәсiподақтарының, ҚР Ұлттық кәсiпкерлер палатасы, бұқаралық ақпарат құралдары, Қазақстанның азаматтық альянсы және қоғамдық ұйым өкілдері кіреді. Талапкерлердің ҰБТ-да жинаған балдарына және бекітілген ережелерге сәйкес конкурстық негізде грант тағайындалады.
“Білім гранты иегерлерінің тізімі 10 тамызда жарияланады”,&nbsp; – делінген ресми хабарламада.
Биыл халықтың әлеуметтік осал топтарына бөлінетін грант саны артып отыр. Атап айтқанда, көпбалалы немесе толық емес отбасылардан шыққан балалар, сондай-ақ ерекше білім беру қажеттіліктері бар балаларды тәрбиелеп отырған отбасылардан шыққан балалар грант алуда басым мүмкіндікке ие болды. Сондай-ақ ауыл балалары және Қазақстан азаматтығы жоқ ұлты қазақ азаматтар үшін де квоталар қарастырылған.
Білім беру грантын тағайындау конкурсына қатысу үшін барлығы 80 мыңға жуық өтінім түсті.

Қазақстанда оқу гранты иегерлерінің тізімі қашан жарияланатыны белгілі болды

<a href="https://kyzylorda-news.kz/">Kyzylorda-news.kz.</a> Мемлекеттік-жекеменшік әріптестік – экономиканы да­мы­ту­дың бірден-бір жолы. Бұл механизм мемлекет пен бизнестің өзара пайдалы ынтымақтастығын арттырып, ұсынылатын қызметтер сапасын жақсартуға және қажетті инфрақұрылымдарды жаңғыртуға мүмкіндік береді.
Бүгінгі таңда аймағымызда білім саласы бойынша мемлекеттік-жекешелік әріптестік тетігі жақ­сы жұмыс жасап, 6 жоба жүзеге асырылуда.
Атап айтқанда бюджеттен қаржы бөлінетін 2 жоба Қызылорда қаласының сол жақ жағалауында орналасқан 320 орынға арналған балабақша мен қаламыздағы СПМК-70 мөлтек ауданындағы 320 орындық балабақша тиімді қолданылуда. Ал бюджеттен қаржыландырылмайтын 4 жоба Жалағаш ауданы, Таң ауылдық округінде 90 орынға арналған балабақша мен Қазалы ауданы, Әйтеке би кентіндегі 90 орындық «Рауан» инклюзивті балабақшасы және «Студенттерді жатақханадағы орындармен қамтамасыз ету» жобалары жұмыс істеуде.
<blockquote>
 «Таң ауылдық округіндегі 90 орынға арналған балабақша ашу жобасы 2017 жылы 10 жылдық мерзімге, Әйтеке би кентіндегі 90 орындық «Рауан» инклюзивті балабақшасын ашу жобасына 2018 жылы 10 жыл мерзімге келісімшартқа отырғызылған. Ал қаламыздың сол жақ жағалауы мен СПМК-70 мөлтек ауданындағы 320 орынға арналған балабақшалар жобасы 2019-2020 жылдары 10 жыл мерзімге келісімшарт жасалынды. Аталған жобалар жеке инвестордың қаржысы 5 жылда толық қайтарылып, балабақша ғимараты мемлекет меншігіне берілетін болады», – деді облыстық білім басқармасының эканомика және қаржы, стратегиялық даму бөлімінің басшысы Ернат Алпысбаев.
</blockquote>
Сондай-ақ, студенттерді жатақханадағы орындармен қамтамасыз ету бойынша 2 жоба жүзеге асырылуда. 2019 жылы «Дильмаш» ЖШС-мен Қызылорда медициналық колледж студенттеріне 330 орынға арналған жатақхана пайдалануға берілсе, ЖК «Сүйеніш» жеке кәсіпкерімен 2020 жылы М.Ықсанов атындағы Қызылорда политехникалық және С.Ысқақов атындағы құрылыс бизнес колледждері студенттеріне 400 орындық жатақхана құрылысын пайдалануға берілді. Бұл жобалар ҚР Білім және ғылым министрлігінің АҚ «Қаржы орталығы» арқылы бала санына сәйкес республикалық бюджеттен қаржыландырылуда.
Айта кетейік, биылғы оқу жылында Б.Құлтекенов көшесінің бойынан 1500 орындық мектеп балаларға есігін айқара ашады. Заман талабына сай жабдықталған еңселі білім ордасы жеке кәсіпкердің қаражаты есебінен салынуда. «Байтерек School KZ» ЖШС-нің жауапкершілігіндегі жеке білім ұясы барлық заманауи құрылғылармен жарақталып, бір мезгілде 1500 оқушыны қабылдай алады. Ең бастысы жеке мектеп болса да, білім беру ақысыз негізде жүргізілмекші.
Өңірдегі үш ауысымдық оқуды азайту мақсатында Сабалақ елді мекенінен де 400 орындық жаңа мектеп пайдалануға берілетін болады. Қалаға қатынап білім алып жүрген оқушылар енді жаңа технологиялармен жабдықталған сыныптарда сапалы білім алады. Жеке кәсіпкердің өз қаражаты есебінен салынған мектеп екі ауысымда 500 оқушыға дейін қабылдайды деп жоспарланып отыр.

Қызылорда облысында мемлекеттік-жекеменшік әріптестік тетігі тиімді жүзеге асырылып жатыр

<a href="https://kyzylorda-news.kz/">Kyzylorda-news.kz.</a>&nbsp;«Байқоңыр» ғарыш айлағынан ирандық «Хайям» жерсерігі ұшырылды. Бұл туралы <a href="https://kyzylorda-news.kz/">Kyzylorda-news.kz</a> ақпарат агенттігінің тілшісі хабарлады.Жерді қашықтықтан зонттау қызметін атқаратын жерсеріктің әуеге көтерілуін ҚР Цифрлық даму, инновациялар және аэроғарыш өнеркәсібі министрі Бағдат Мусин, Халық Қаһарманы, ғарышкер Айдын Айымбетов, Иран Республикасынан келген делегаттар мен «Жер және ғарыш ғылымы» атты ұлттық жобаның жеңімпаздары атанған 10 оқушы көріп, тамашалады.<blockquote>«Мен Алматы қаласынан арнайы осы зымыранның ұшуын тамашалауға келдім. Жалпы, ғарыш саласы бойынша «адам және ғарыш» ғылыми жобасын даярлап, сайысқа түстім. Өзім осы салаға қызыққан соң, бүгін зымыранның ұшуын көріп, осы тарихи сәттің куәсі болғаныма қуаныштымын», – дейді 10 сынып оқушысы Кәмила Жұмабаева.</blockquote>Ғарыш айлағында оқушылармен кездескен министр Бағдат Мусин оларға бұл жерсеріктің қызметін түсіндірді.<blockquote>«Бұл жерсерік жерді қашықтықтан зонтайды. Жерді аспаннан суретке түсіріп, бейнелерді арнайы базаға жинақтайтын болады. Сонымен қатар базаға жиналған мәліметтерді іріктеп, талдайды. Бұл істі адам жасай алмайды, адам үйреткенімен жасанды интелект барлығын өзі атқаратын болады», – деді министр Бағдат Мусин.</blockquote>Мұнан соң оқушылар елімізге тиесілі «Бәйтерек» ғарыштық кәсіпорнының базасын аралап, ондағы «Зенит» зымыран тасығышын құрастыратын кешеннің ішкі құрылысымен танысты.Балалар одан әрі №45 нысанда болып, ұшу алаңымен танысып, жерасты болымен жүріп өтті.Қазақстан Республикасы Цифрлық даму, инновациялар және аэроғарыш өнеркәсібі министрлігі баспасөз қызметінің хабарлауынша, министр Бағдат Мусин «Байқоңыр» кешеніндегі бірқатар нысандарды аралап, байқоңырлық тұрғындармен кездеседі. Сондай-ақ, Роскосмос және Иран Ислам мемлекетінің ғарыш саласындағы басшыларымен жүздесіп, әріптестік байланысты одан әрі нығайту мақсатындағы бірқатар жобаларды талқылайды.<img src="https://kyzylorda-news.kz/wp-content/uploads/2022/08/whatsapp-image-2022-08-10-at-12.03.03.jpeg" alt=""><img src="https://kyzylorda-news.kz/wp-content/uploads/2022/08/whatsapp-image-2022-08-10-at-12.05.27.jpeg" alt=""><img src="https://kyzylorda-news.kz/wp-content/uploads/2022/08/whatsapp-image-2022-08-10-at-12.07.01.jpeg" alt="">

«Байқоңыр» ғарыш айлағынан ирандық «Хайям» жерсерігі ұшырылды

<a href="https://kyzylorda-news.kz/">Kyzylorda-news.kz.</a> «Рефлекс» жедел-профилактикалық іс-шарасы барысында Қызылорда облысы полиция департаментінің есірткі қылмысына қарсы іс қимыл басқармасының қызметкерлерімен облыс орталығының тұрғынының үйінен, ауласынан және сарайынан жасыл түсті ерекше иісі бар ұнтақталған шөптер табылған болатын.
Сараптама қортындысына сәйкес алынған шөп жалпы салмағы 4 келіден астам «кептірілген марихуана» екені белгілі болды.&nbsp; Сол күні қамауға алынды.
Күдіктінің іс-әрекеті Қазақстан Республикасы Қылмыстық кодексінің 297-бабының 3-бөлігімен 3-тармағымен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу, аса iрi мөлшердегі есірткі, психотроптық заттарға, сол тектестерге қатысты жасалған)&nbsp; сараланып, объективті тергеп-тексеру әрекеттері жүргізіліп, қылмыстық іс ҚР ҚПК-нің 300-бабына сәйкес айыптау актісімен сотқа жолданды.
Қызылорда облысының қылмыстық істер жөніндегі мамандандырылған ауданаралық сотының 11 мамыр 2022 жылғы үкімімен айыпталушыға 12 жыл мерзімге бас бостандығынан айыру жазасы тағайындалды.

Үйінде есірткі затын сақтаған қала тұрғыны 12 жылға сотталды

<a href="https://kyzylorda-news.kz/">Kyzylorda-news.kz.</a> Бүгінде, елімізде заман талабына сай көптеген индустриялық бағдарламалар өмірге келіп, қолданысқа еніп, жүзеге асып жатыр. Соның арқасында өнім өндіретін өнеркәсіптер саны артуда. Ал өнеркәсіп қатары толыққан сайын сөз жоқ, өнеркәсіп қалдықтары да шығады. Оның сыртында қаншама тұрмыстық қалдықтар бар. Сол қалдықтарды өңдеп, қайта іске жарату – кезек күттірмейтін міндет. Егер ондай қадамға бармасақ, экологияға кері әсерін тигізіп қана қоймай, адамзаттың өміріне қауіп төндіреді, залал әкеледі. Түрлі ауруларға шалдықтырып, айықпас дертке ұшыратуы әбден мүмкін.
Осы орайда Жалағаш кентінде «Адима» жеке кәсіпкері картон қалдықтары мен макулатурадан эковата шығаруды қолға алды.
Кәсіпкер Жалағаш кентінің полигон құрылысы үшін берілген уақытша жер учаскесінде жер алып, эковата өндіретін цехты іске қосты.
Цехтың өндірістік қуаттылығы сағатына 150 кг өнімді өндіру құрайды. 
Эковата –целлюлозалық жеңіл жылу жабдықтаушы материал және оның 80 %-ы картон және қағаз макулатурасынан, 12 %-ы бор қышқылынан және 7 %-ы оттан қорғайтын антиперен (бура) қоспасынан тұрады.
Эковата құрылыс жұмыстарында, соның ішінде жылу изоляциялық жабдықтау мақсаттарда кеңінен қолданылады.
Өндірістік цех ашу үшін кәсіпкер «Бизнестің жол картасы 2020» мемлекттік бағдарламасы аясында қайтарымсыз грант қаражатын алып, өндіріске қажетті құрал жабдықтарын сатып алып орнатты. Қазіргі уақытта цехта 2 адам жұмыспен қамтылған.
<img src="https://kyzylorda-news.kz/wp-content/uploads/2022/08/297981448_1270025897086223_5959568188620261115_n.jpg" alt="" />

Қазақстан және Қызылорда облысының жаңалықтары