<a href="https://kyzylorda-news.kz/">Kyzylorda-news.kz.</a> Оқиға Қызылорда қаласында 10 шілде күні орын алған.
Дәмхана иесі түн мезгілінде ұрлық болғанын байқап, полиция басқармасына хабар берген. Белгісіз біреу есепшінің бөлмесінде тұрған сейфтен ақша ұрлаған. Жәбірленушіге 700 мың теңгеден астам залал келтірген.
Жүргізілген жедел-іздестіру жұмыстарының нәтижесінде тәртіп сақшылары ізін суытпай күдіктіні анықтады&nbsp; Ол сол кафеде жұмыс атқаратын 22 жастағы &nbsp;қала тұрғыны болып шықты. Қазіргі таңда күдікті уақытша ұстау изоляторына қамалды.
Аталған дерек бойынша Қазақстан Республикасы Қылмыстық кодексінің 188-баптың 1-бөлігінің сәйкес (Тұрғын, қызметтiк немесе өндiрiстiк үй-жайға, қоймаға заңсыз кiрумен жасалған ұрлық) сотқа дейінгі тергеп-тексеру әрекеттері жүргізілуде. Оқиғаның мән-жайы анықталуда.
<img src="https://kyzylorda-news.kz/wp-content/uploads/2022/07/whatsapp-image-2022-07-11-at-13.07.12-1.jpeg" alt="" />
<img src="https://kyzylorda-news.kz/wp-content/uploads/2022/07/whatsapp-image-2022-07-11-at-13.07.12.jpeg" alt="" />

Қызылордада дәмханаға ұрлыққа түскен қала тұрғыны ұсталды

<a href="https://kyzylorda-news.kz/">Kyzylorda-news.kz.</a> Қызылорда облыстық қоғамдық даму басқармасының «Қоғамдық келісім» КММ ұйымдастыруымен Достық үйінде «Қазақшаңыз қалай?» байқауы өтті. «Мың бала» республикалық мәдени ағартушылық жобасы аясындағы шараға татар, славян, түрік, корей этностарының өкілдері қатысты.
Шараның мақсаты – этнос өкілдерінің қазақ тілінде ойлау қабылетін, сөйлеу мәнері мен жан-жақтылығын анықтау.
Байқау барысында қатысушылар «Жеті жұрттың тілін біл» кезеңінде мақал-мәтелдердегі жасырын сөзді тауып, «Жұмбақ суреттер» кезеңінде суретте бейнеленген зиялы қауым өкілдерін атады. Үшінші кезең «Сиқырлы ұяшықтарды» таңдап, бейнесұрақтарға жауап беріп, «Көңілді старт» кезеңінде флипчартқа 30 секундта берілген тақырып бойынша сөздер жазды. &nbsp;Ал бесінші «Суреттер сөйлейді»&nbsp; кезеңі.
Озық ойлы қатысушылар бәсеке барысында біліктілігін байқатты. Нәтижесінде бірінші жүлделі орынды татар, екінші орынды түрік, үшінші орынды корей этносының өкілдері иеленді. Жеңімпаздар диплом және бағалы сыйлықтармен марапатталды.
<img src="https://kyzylorda-news.kz/wp-content/uploads/2022/07/mw6a5139-scaled.jpg" alt="" />
<img src="https://kyzylorda-news.kz/wp-content/uploads/2022/07/mw6a5119-scaled.jpg" alt="" />
<img src="https://kyzylorda-news.kz/wp-content/uploads/2022/07/mw6a5182-scaled.jpg" alt="" />

Өзге ұлт өкілдері арасында «Қазақшаңыз қалай?» байқауы өтті

<a href="https://kyzylorda-news.kz/">Kyzylorda-news.kz.</a> Оқу-ағарту министрі Асхат Аймағамбетов мектепке дейінгі кезеңде баланы ерте дайындау мен дамытудың маңыздылығы туралы ойымен бөлісті.
Министрлің пайымынша, ерте дамудың маңызды екенін елеусіз қалдыруға болмайды. Баланың миы тез дамып, негізгі дағдылар мен мінез-құлық қасиеттері қалыптасады, сонымен қатар ол баланың денсаулығына негіз болады. Мектепке дейінгі мекемеге бару баланың бойында өзін-өзі реттеу, жаңа ортаға бейімделу және топта жұмыс істеу сияқты бірқатар пайдалы машығын дамытуға көмектеседі.
Асхат Қанатұлы о сы машықтың барлығы баланың мектепте үлкен жетістікке жетуіне ықпал ететіні дәлелденген&nbsp;<a href="https://dx.doi.org/10.1787/f9b2e53f-en">ерте оқыту әдебиетіне</a>&nbsp;шолуды ұсынған.
«Халықаралық зерттеулердің нәтижелері балабақшаға барған және ерте жастан жазу мен санауды үйренген балалар мектепте үлгерімі бойынша өз қатарластарынан басым болатынын көрсетеді. Мысалы, PISA-2018 деректері бойынша үш жылдан астам балабақшаға барған оқушылар мектепке дейінгі ұйымдарға бармағандарға қарағанда жоғары нәтиже көрсетеді: оқу сауаттылығы бойынша 20 ұпайға және математика мен жаратылыстану сауаттылығы бойынша 16 ұпайға.
Сонымен қатар TIMSS зерттеуінің нәтижелері де балабақшаға барған оқушылардың жақсы нәтиже көрсеткенін дәлелдеді. Мысалы, балабақшаға бармаған 4-сынып оқушылары мен оған үш жылдан астам барғандар арасындағы айырмашылық математикадан 16 балл, ал жаратылыстану пәні бойынша балабақшаға барғандарда 23 балл болды. Ал ата-аналары мектепке дейін жазуды, оқуды және санауды үйреткен 4-сынып оқушылары ата-аналары анда-санда ғана оқуына көңіл бөлген балаларға қарағанда математикадан 15 ұпайға және жаратылыстану пәнінен 25 ұпайға жоғары алған», – деп жазды министр.
Ерте дамыту мен мектепке дейінгі білім берумен қамту еліміздің экономикалық көрсеткіштеріне әсері жағынан да маңызды.
Нобель сыйлығының лауреаты Д. Хекманның әлеуметтік осал отбасылардан шыққан балалардың мектепке дейінгі біліміне жұмсалған бір доллардың экономикалық қайтарымы туралы тұжырымдары кең таралған. Ол мемлекетке 8 (6) доллар пайда әкеледі.
Зерттеулерге сәйкес, болашақта баланың көрсеткіштеріне әсер ететін маңызды критерий – ол мектепке дейінгі ұйымның сапасы.
«Яғни мектепке дейінгі кезеңдегі баланың жағдайы мен білім берудің кейінгі кезеңдерінде дамуы үшін оның ерте жастан дамуына назар аудару маңызды екенін көріп отырмыз», – деп түйіндейді Асхат Аймағамбетов.

Асхат Аймағамбетов: Ерте жастан жазу мен санауды үйренген балалардың мектепте үлгерімі жақсы болады

<a href="https://kyzylorda-news.kz/">Kyzylorda-news.kz.</a> Әлемдік экономиканың құлдырауына инфляцияның таралуы, Қытайдың экономикалық өсу қарқынының баяулауы және Ресейге қарсы санкциялар себеп болуы мүмкін. Халықаралық валюта қорының басшысы Кристалина Георгиева осылай деп есептейді, – деп хабарлайды&nbsp;<a href="https://qaz.ulysmedia.kz/news/6387-khvk-basshysy-2023-zhyly-lemdik-retsessiia-boluy-mumkin-ekenin-eskertti/">Ulysmedia.kz.</a>
Халықаралық валюта қорының (ХВҚ) басшысы Кристалина Георгиева 2023 жылы жаһандық рецессияның басталатынын жоққа шығармайды.
<blockquote>
 «Біздің соңғы жаңартуымыздан кейін болжам айтарлықтай нашарлады. 2022 жыл қиын болады, бірақ 2023 жыл қиынырақ болуы мүмкін. 2023 жылы рецессия қаупі артады», – деді ол Reuters агенттігіне берген сұхбатында.
</blockquote>
Жаһандық экономикалық проблемалардың қатарында Кристалина Георгиева инфляцияның таралуын, Қытай экономикасының өсуінің баяулауын және Ресейге қарсы санкцияларды атады.
Георгиева атап өткендей, алдағы апталарда ХВҚ биыл үшінші рет биылғы жылдың әлемдік экономикасының өсу болжамын төмендетеді. Нақты санды қор мамандары әлі нақтылаған жоқ. Сәуірде ХВҚ өз болжамын 4,4 пайыздан (қаңтардағы болжам) 3,6 пайызға дейін төмендеткен. 2022 және 2023 жылдарға арналған жаңа болжамдар шілденің екінші жартысында күтілуде. Өткен жылы әлемдік экономика 6,1 пайызға өсті.

ХВҚ басшысы: 2023 жыл бұдан да қиын болады

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісінің депутаты, «AMANAT» партиясы фракциясының мүшесі, Ауған соғысы ардагерлері қауымдастығының төрағасы Бақытбек Смағұл Қорқыт ата атындағы Қызылорда университетінің әскери оқу-тактикалық полигонында курсанттармен кездесті.
Білім алушы студенттермен жүргізілетін әскери даярлық университеттің ішіндегі ахуалға, оның тыныс-тіршілігіне оң әсер беріп келеді. Факультеттердегі педагогикалық үдеріспен қатар жүргізілетін әскери даярлық студент жастар бойында Отансүйгіштік, адалдық, кез-келген қиындыққа мойымай қарсы тұра алатындай азаматтық қасиеттерді қалыптастыруға ықпал етеді. Әскери даярлықтан өткен студенттер өздерінің ішкі-сыртқы жинақылығымен, дене дайындығымен, тәртіптілігімен ерекшеленеді.
Қоғам қайраткері ашық аспан астындағы тату-тәтті өмірдің құндылығы жайлы әңгіме өрбітті. Еліміздің абыройын асқақтатып, туған жерді өркендету жолында жұдырықтай жұмылу қажет. Көкірегіміз әрдайым ояу және жігерлі болу керек. Бүгінгі жастар бейбіт өмірдің, тұрақтылықтың қадірін түсіне білуі тиіс екенін атап өтті.
<img src="https://kyzylorda-news.kz/wp-content/uploads/2022/07/293069935_1399354177206433_2171689150267385980_n.jpg" alt="" />
<img src="https://kyzylorda-news.kz/wp-content/uploads/2022/07/293233808_1399351757206675_2571910763997848108_n.jpg" alt="" />
<img src="https://kyzylorda-news.kz/wp-content/uploads/2022/07/293183935_1399352590539925_2743385307162032146_n.jpg" alt="" />

Мәжілісінің депутаты Бақытбек Смағұл полигонда курсанттармен кездесті

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы полиция&nbsp; департаментінің&nbsp; есірткі қылмысына қарсы іс-қимыл басқармасының қызметкерлерімен&nbsp; сора өсімдігін өсірген 58 және 41 жасар қала тұрғындары далалық аймақта қылмыс үстінде ұсталды.
Сырдария ауданы, Бесарық&nbsp; ауылы, Потхоз елді мекенінен Жаңадария өзені жағасы далалық аймағынан қалың шеңгел арасынан 357 түп сора өсімдігі анықталды. Оқиға орнынан заттай дәлелдеме&nbsp; ретінде палатка,&nbsp; газ баллон, плита, 20 литрлік құты, шелек,&nbsp; бөшке, 35 метрлік шланга, көрпе төсектер, 1-дана аккумулятор, 25 метрлік ұзартқыш, ыдыс аяқтар алынды.
Сот сараптамасының қорытындысына сәйкес алынған өсімдіктердің жалпы салмағы 20 кг 927 гр «сора өсімдігі» болып шықты. Бұл дерек бойынша Қазақстан Республикасы Қылмыстық кодексінің 300-бабының&nbsp;2-бөлігімен сотқа дейінгі тергеп-тексеру әрекеттері жүргізілуде. Оқиғаның мән-жайлары анықталуда.

Сора өсімдігін өсірген екі қызылордалық қылмыс үстінде ұсталды

<a href="https://kyzylorda-news.kz/">Kyzylorda-news.kz.</a> Қазақстан Үндістан, Иран және Қытай азаматтары үшін біржақты&nbsp;визасыз режим жариялады. Сонымен бірге Үндістан мен Қытай үшін 72 сағаттық визасыз арнайы транзиттік режим өз жұмысын тоқтатты, деп хабарлайды көші-қон қызметі комитеті, деп хабарлайды&nbsp;<a href="https://stan.kz/">Stan.kz</a>.
Визасыз режим шарттарына сәйкес, Үндістан, Иран және Қытай азаматтары Қазақстанда шекарадан өткен сәттен бастап 14 күнтізбелік күнге дейін елде бола алады.
Визасыз режимде елде болудың жалпы мерзімі әрбір 180 күндік кезеңде 42 күнтізбелік күннен аспауы керек. 
Осы шартты бұзған үшін шетелдіктер&nbsp;әкімшілік жауапкершілікке тартылады. Оның ішінде 10-нан 25 АЕК-ке дейін айыппұл; 15 тәулікке дейін қамауға алу; Қазақстаннан шығару; 5 жылға елге кіруге тыйым салу (сот шешімімен) сияқты жазалар бар.
Сонымен қатар, шетелдік азаматтарға визасыз режимде еңбек және басқа да ақылы қызметпен айналысуға тыйым салынады. Бұл мақсат үшін қабылдаушы мемлекет тиісті жұмысқа рұқсаты мен Қазақстан визасын алдын ала алуы керек.

 Үндістан, Иран және Қытай азаматтары Қазақстанда визасыз жүре алады

<a href="https://kyzylorda-news.kz/">Kyzylorda-news.kz.</a> Қазгидромет 11 шілдеге арналған ауа райы болжамын жариялады.
Оңтүстік циклоны және онымен байланысқан атмосфералық фронталды бөліктер ҚР территориясының басым бөлігіне ықпалын сақтайды – жаңбыр жауады. Найзағай, бұршақ, желдің күшеюі, оңтүстігінде күндіз шаңды дауыл, солтүстігінде түнде және таңертең тұман күтіледі. Тек
ҚР батысы мен оңтүстік-батысында антициклонның әсерінен жауын – шашынсыз ауа райы күтіледі.
Қызылорда облысының басым бөлігінде төтенше өрт қаупі сақталады.

Дүйсенбіге арналған ауа райы болжамы

Kyzylorda-news.kz. Бүгін қасиетті Құрбан айт мерекесінің екінші күнінде, яғни шілде айының 10-шы жұлдызында Сексеуіл кентінде жаңа мешіт ғимараты ашылды. «Тілеуқұл ишан» атындағы имандылық үйінің ашылуына кент тұрғындары мен ардагерлер мен кенттен түлеп ұшқан азаматтар жиналды.
Көпшілік бас қосқан шарада алдымен облыстық мәслихат хатшысы Н. Байқадамов қазіргі кезеңде тұрғындарды ізгілікке, мейірбандылыққа шақыратын мешіт қызметінің маңызы зор екендігіне тоқталып, облыс әкімі Н. Нәлібаевтың құттықтау хатын табыстады.
<blockquote>
 «Ата-бабадан аманат болып қалған дәстүрлі дінімізде мешіт – Жаратушының жер бетіндегі қастерлі үйі болып танылған. Сексеуіл кенті тұрғындарының ниет-ықыласына нәсіп болған бұл ғибадат үйінің іші жамағатқа толсын! Баршаңызды Құрбан айт мерекесімен құттықтай отырып, жаңа мешіт халқымыздың рухани құндылығын нығайтуға қызмет етеді деп сенім білдіремін.»- делінген аймақ басшысының құттықтауында.
</blockquote>
Одан соң кент тұрғындарын қасиетті мерекемен тұспа-тұс келген қуаныштарымен құттықтаған аудан әкімі С. Сермағамбетов ғибадат үйінің халықты ізгілікке бастап, рухани жол сілтеуші орталыққа айналуына тілектестігін білдіріп, естелік ретінде сый-сияпат табыс етті.
Аталған шарада сөз алған Қазақстан Мұсылмандары Діни Басқармасының «Ақмешіт-Сырдария» мешітінің бас имамы Әбуов Болатбек қажы асыл дініміздің құндылықтарын дәріптейтін мешіт үйінің жамағатпен көрікті болатынын айтып, жастар үшін ата-ананы сыйлап, құрмет тұтуға үндейтін ілім алуына мүмкіндік жасалғанына қуанышты екендігін жеткізді. Сонымен бірге, діни орталықтың алдағы жұмысына сәттілік тілеп, Қасиетті Құран кітабын сыйға тартты.
Құрбан айт мерекесінде өткен мазмұнды шараға тұрғындар қуанышына ортақтаса келген Парламент мәжілісінің депуттаттары Бақытбек Смағұл мен Геннадий Шиповских қатысып, ақжарма тілектерін білдірді. 
Сондай-ақ, белгілі айтыскер ақын, үш дүркін «Алтын домбыра» иегері Мұхтар Ниязов сөз кезегінде Сексеуіл кенті халқының ауызбіршілігіне, игі іске бастамашы болған азаматтарға ризашылығын жеткізді. 
Шара барысында мешіт имамына ҚР Қорғаныс министрлігінің, «Қазақстан темір жолы» ұлттық компаниясының және көршілес Қазалы ауданы әкімінің құттықтау хаттары табысталды.
Мұнан кейін жаңа мешіт ғимаратының лентасы қиылып, өмірден өткен марқұмдар рухына арналып, құран бағышталды.
Осылайша кент орталығынан бой көтеріп, заманауи үлгіде салынған «Тілеуқұл ишан» атындағы жаңа мешіт Құрбан айт мерекесінде жамағатқа есігін айқара ашты. Мешіттің құрылысы белгілі меценат, облыстық мәслихат депутаты болған Бедер Қадірбергеннің бастамасымен қолға алынған болатын. Ғимарат құрылысына осы өңірден түлеп ұшқан азаматтар мен Сексеуіл кентінің және ауданның біршама кәсіпкерлері біркісідей атсалысып, демеушілік жасаған. 
Бір мезетте 1000 адам құлшылық ете алатын мешітте ерлер мен әйелдер намазханасынан бөлек екі дәрісхана және имамдар бөлмесі қарастырылған.
<img src="https://kyzylorda-news.kz/wp-content/uploads/2022/07/fb_img_1657456834526.jpg" alt="" />
<img src="https://kyzylorda-news.kz/wp-content/uploads/2022/07/fb_img_1657456838090.jpg" alt="" />

Құрбан айт: Сексеуіл кентінде жаңа мешіт  ашылды

Kyzylorda-news.kz. 2022 жылғы “Үлкен дулыға” додасында топ жарған қазақстандық Елена Рыбакина бағалы олжадан бөлек қомақты жүлделерге ие болмақ. Биылғы чемпионатқа 2 млн фунт стерлинг (1 145 240 000 теңге) сомасында чек беріледі.
Өкінішке қарай, Елена Рыбакина осы соманы бүтіндей еншілей алмайды, өйткені Ұлыбританияда шетелдік спортшыларға тағайындалған жүлде қорының 40-тан 50% – на дейінгі көлемде салық бар.
Сондай-ақ, қазақстандық теннисші Wimbledon-нан кейін әлемдегі үздік 10 теннисшінің қатарына да кіре алмайды. Өйткені Әйелдер теннис қауымдастығы (WTA) бірнеше ай бұрын теннисшілерге Wimbledon-да өнер көрсеткені үшін рейтинг бойынша ұпай тағайындамау туралы шешім қабылдады.
<blockquote>
 “Бұл – ерекше сезім. Матчқа дейін және оның барысында да қатты қобалжыдым. Ішім алай-дүлей. Қарсыласыма керемет ойыны үшін алғыс айтамын. Көрермендерге де рақмет. Олардың алдында өнер көрсету мен үшін үлкен мәртебе, мұндағы атмосфера керемет. Турнирдің екінші аптасында да төбе көрсетемін деп ойламадым, ал турнирдің жеңімпазы болу – мүмкін емес жағдай секілді, әлі сене алмай тұрмын. Қазіргі сезімімді сипаттау үшін сөз таппай тұрмын. Командама да көп рақмет, оларсыз мен бұл биікке көтеріле алмас едім. Үйдегі мен үшін тақымын қысып отырған ата-анама жасаған бар жақсылығы үшін рақмет!”- деді Елена Рыбакина.
</blockquote>
<a href="https://kaz.zakon.kz/6009764-rybakina-ulken-dulyga-turnirindegi-zhenisi-ushin-1-mlrd-tengeden-astam-syiaky-alady.html">Zakon.kz</a>

Рыбакина «Үлкен дулыға» турниріндегі жеңісі үшін 1 млрд теңгеден астам сыйақы алады

Kyzylorda-news.kz. Қызылорда қаласында бассейнге суға түсіп, батып кете жаздаған 10 жастағы бала құтқарылды. Қазір баланың жағдайы ауыр деп бағаланып отыр.
Оқиға 9 шілдеде сағат 12.50 шамасында болған. Қызылорда қаласындағы «Арай» аквапаркіне суға түспек болған 10 жастағы баланың бассейндегі суға батып кете жаздаған.
<blockquote>
 «Аквапарк құтқарушылары баланы дер кезінде судан шығарып үлгерген. Бала облыстық балалар ауруханасының жансақтау бөлімінде жатыр. Дәрігерлер баланың жағдайы ауыр екенін айтады», – деді Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
</blockquote>
Қызылорда облысы Төтенше жағдайлар департаменті суға түсу кезінде барлық қауіпсіздік талаптарын қатаң сақтауға шақырып отыр.
<a href="https://www.inform.kz/kz/kyzylordada-basseynge-batyp-kete-zhazdagan-balanyn-zhagdayy-auyr_a3952992">ҚазАқпарат</a>

Қызылордада бассейнге батып кете жаздаған 10 жастағы бала құтқарылды

Kyzylorda-news.kz. Өткен тәулікте коронавирус инфекциясын жұқтырған 477 жағдай тіркелді.
Оның ішінде: Нұр-Сұлтан қаласында – 120, Алматы қаласында – 165, Шымкент қаласында – 44, Ақмола облысында – 14, Алматы облысында – 40, Шығыс Қазақстан облысында – 1, Жамбыл облысында – 17, Батыс Қазақстан облысында – 4, Қарағанды облысында – 34, Қостанай облысында – 7, Қызылорда облысында – 9, Маңғыстау облысында – 5, Павлодар облысында – 5, Солтүстік Қазақстан облысында – 5, Түркістан облысында – 7.
Елімізде коронавирус инфекциясын жұқтырғандар саны 1 309 434 жетті.

Қазақстан және Қызылорда облысының жаңалықтары

Қызылордада дәмханаға ұрлыққа түскен қала тұрғыны ұсталды