<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық қоғамдық даму басқармасының «Саяси қуғын-сүргін құрбандарын ақтау жөніндегі өңірлік экспедиция жұмысын үйлестіру» әлеуметтік жобасы аясында, «Ашық азаматтық қоғам» ақпараттық-ресурстық орталығы» қоғамдық қорының ұйымдастыруымен Жаңақорған ауданында қуғын-сүргін құрбандары жерленген тарихи орындарды анықтау, белгі қою, зерттеу жұмыстарын жүргізу мақсатында экспедиция және аудандық жұмысшы топ өкілдеріне арналған семинар өткізілді.&nbsp;Экспедиция жұмысына саяси қуғын-сүргін құрбандарын ақтау жөніндегі облыстық жұмысшы топ мүшелері Қорқыт ата атындағы Қызылорда &nbsp;университетінің доценті, тарих ғылымдарының кандидаты А.Оразбақов, «Қоғамдық келісім» КММ-нің бөлім басшысы, (PhD) доктор Д.Омаров және Түркістан облысынан Қожа Ахмет Ясауи атындағы Халықаралық қазақ-түрік университетінің профессоры, тарих ғылымдарының докторы Х.Тұрсын, тарих ғылымдарының кандидаты, доцент З.Әділбекова, «Дінтану» кафедрасының доценті С.Оразбай қатысты.Экспедиция мүшелері алдымен Жаңақорған ауданының Бесарық ауылы маңайындағы Байғабыл бауы, Қосым сарай және кент жанында орналасқан &nbsp;Жеті төбе (Секретарь төбе)атты жерлерде ашаршылық құрбандары жерленген орындармен танысып, ауыл ақсақалдарымен пікірлесті. Жұмысшы топ мүшелері тарапынан анықталған аймақтарға арнайы белгі қою, ақпараттық тақта орнату бойынша ұсыныс әзірленетін болды.&nbsp;Одан әрі, ғалымдар ауданның жұмысшы топ мүшелері, өлкетанушылар, тарихшы ғалымдармен кездесіп ой пікір алмасты.Сондай-ақ, екі өңірдегі облыстық жұмысшы топ тарапынан жасалып жатқан жұмыстарға тоқталып, өзара тәжірибелерімен бөлісті. <img src="https://knadmin.beoblood.kz/uploads/85e41f73_3998_4558_92bc_879772ec3daf_dd3a261840.jpg" alt="85e41f73-3998-4558-92bc-879772ec3daf.jpg"><img src="https://knadmin.beoblood.kz/uploads/ee27d4f0_e3db_4ee6_a4ed_6fade192724a_4e2808c369.jpg" alt="ee27d4f0-e3db-4ee6-a4ed-6fade192724a.jpg">

Ғалымдар саяси қуғын-сүргін құрбандарына белгі қойылған аймақтарға экспедиция ұйымдастырды

<a href="https://kyzylorda-news.kz/">Kyzylorda-news.kz.</a> 25 қазан - Республика күніне орай Қызылорда облыстық Қазақстан халқы ассамблеясы жанындағы Журналистер мен сарапшылар клубының мүшелерімен мерекелік кездесу кеші өтті.«Ел тұрақтылығын сақтауда ақпараттық қауіпсіздіктің маңызы» тақырыбымен өткен шараға Қызылорда облыстық қоғамдық даму басқармасының «Қоғамдық келісім» КММ директорының орынбасары Айбек Дайрабай, Журналистер мен сарапшылар клубының төрағасы Елена Рыбина, республикалық, облыстық және жергілікті БАҚ өкілдері қатысты.Айбек Дайрабай журналистер қауымын мерекемен құттықтап, қоғамдық келісім мен жалпыұлттық бірлікті сақтаудағы Ассамблея институтының &nbsp;ауқымды жұмыстарын айтып өтті.&nbsp;<blockquote>«Жаһандық шеңберді алып қарайтын болсақ, фейк ақпарат, дезинформацияның тарауы - нақты, түсінікті ақпараттың, анық ақпараттың жеткіліксіздігімен байланысты болып жататын көрінеді. Иә, халық ресмиден көрі, бейресми ақпаратқа көбірек сенеді. Түрлі манипулация жасайтын топтар бұл жағдайды өз мақсаттарына қолданады. Ал, ақпарат азық сияқты ғой. Пайдалысы, пайдасызы болады. Оны тексермей, мерзімін қарамай жесек, салдары қандай болары айтпаса да белгілі. Адам позитивті ақпараттан гөрі негативті ақпараттарға 6 есе жоғары қызығушылық танытанын психологтар дәлелдеген екен. Әлеуметтік желілердің алгаритмін де ескеру керек. Соңғы уақытта өздеріңіз күә болып жүрсіздер Ассамблея тарапына жиі негативтер көп айтылады. Тіптен «Ассамблея ән салып, би билеуді ғана біледі» деген пікірлер бар. Бірақ бұл саяси институттың көпшілік білмейтін жұмыстары қаншама?! Қазір осы тақырыпты қозғап, ұшқынды маздатқысы келетіндер көп. Тұрмыстық немесе қылмыстық жанжалдардың өзін әкеліп ұлтаралық жанжал деп есептейді», - дей келе журналистер қауымының осы тақырыпта ой бөлісуге шақырды.</blockquote>Клуб төрағасы Елена Рыбина қазіргі таңда ақпараттық қауіпсіздіктің маңыздылығына тоқталды. Ел дамуына септігін тигізетін ақпараттармен қатар елдің ұйытқысын бұзып, ұлтаралық араздықты ушықтырып, мемлекеттің тұтастығына әсер ететін ақпаратты ажырата білу маңызды. Ол үшін ең бірінші тұрғындар арасында медиасауаттылықты дамытуға, адамдардың сыни ойлау қабілетін арттыру арқылы кез келген ақпаратты жан-жақты талдай білуге үйрету қажеттігін атап өтті.Ал «Азаттық радиосы» халықаралық медиа компаниясының Қызылорда облысындағы меншікті тілшісі Ерқанат Сәрсенбай &nbsp;қазақтың мәдениеті мен тілінің мәртебесін көтеру бағытындағы жұмыстарды күшейту керек деген пікірін білдірді.&nbsp;«Хабар» телеарнасының Қызылорда облысындағы меншікті тілшісі Нұрлан Жақыпбеков әлеуметтік желілерде ақпараттардың шынайылығын, анық-қанығын нақтылауға мүмкіндік беретін өңірлік «стоп-фейк», «Антифейк» секілді сайт ашып, ресми парақшаларда, ютуб арналарында анықталмаған, жалған ақпараттарға қатысты ресми мәлімдемелер беруді жандандыру қажет деген ұсынысын білдірді.&nbsp;«ASTANA TV» телеарнасының Қызылорда облысындағы меншікті тілшісі Мөлдір Қожахметова қоғамның тұтастығы мен ынтымағын сақтауда Сыр өңірі өзге өңірлерге үлгі екендігін алға тартты.Кездесу барысында БАҚ өкілдері ашық әңгіме форматында ақпараттық қауіпсіздік, ұлтаралық келісімді сақтау мен нығайтудағы Ассамблея рөлі және өзге де мәселелерді талқыға салды.&nbsp;Шара соңында клуб мүшелеріне арнайы мерекелік сертификат табысталды.<figure class="image"><img src="https://knadmin.beoblood.kz/uploads/zhurnalister_692176c473.jpg" alt="журналистер.jpg"></figure>

Қызылорда облыстық ҚХА жанындағы журналистер клубы мүшелерімен кездесу өтті

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаевтың тұрғындармен кездесулері түстен кейін Құмжиек пен Басықара ауылдық округтерінде жалғасты.Қ.Пірімов ауылдық клубында өткен кездесуде Мұхтар Әуесұлы Құмжиек ауылдық округі әкімі болып сайланған Әділхан Әбіловті тұрғындарға таныстырып, алдағы жұмысына сәттілік тіледі.Мұнан соң 9 айдың қорытындысы бойынша ауданда атқарылған жұмыстарға қысқаша тоқталып, алдағы жоспарларымен бөлісті. Ұсыныс-пікірлерге кезек берілгенде ауыл тұрғындары өз ойларын жеткізіп, бірқатар мәселелерді айтты. Атап айтар болсақ, елді мекен маңындағы жайылымдық жерлерді суару үшін шлюз орнату, қоқыс полигонының орнын ауыстыруды сұрады. Тұрғындардың көтерген мәселесіне байланысты аудан әкімі Мұхтар Оразбаев жауап беріп, шешілу жолдары қарастырылатынын жеткізді.Басықара ауылында өткен кездесуде де Мұхтар Әуесұлы алдымен ауданда атқарылып жатқан ауқымды жұмыстармен таныстырып өтті. Содан кейін тұрғындарға кезек беріліп, ұсыныс-пікірлері тыңдалды.Басықаралықтар елді мекен маңынан скважина қазу, тұрақты жұмысқа орналасу сияқты мәселелерді көтерді.Мұхтар Әуесұлы Басықара ауылынан скважина қазу үшін биыл жоба-сметалық құжаттары әзірленіп жатқанын, келесі жылы қаржыландыруға ұсынылатынын айтты.Басқосуда өзге тұрғындардың сауалдарына да жауап беріліп, заңдылықтарға сәйкес түсіндірме жұмыстары жүргізілді. Аудан әкімі Мұхтар Оразбаев қос елді мекенге сапары кезінде мектептерге арнайы барып, білім ордаларының жай-күйімен танысты. Қысқы жылу беру маусымына дайындығы да пысықталды.Қ.Пірімов пен Басықара ауылдарындағы халықпен кездесуге аудандық мәслихат хатшысы Бақытжан Жарылқап, аудандық мәслихат депутаттары Әбдуәли Рахметов, Ғазиз Әліш, Ерболат Мұқашов, аудандық қоғамдық кеңес төрағасы Талайлы Бөріқұлақов, аудандық полиция бөлімінің бастығы Болат Кабизов және бірқатар дербес бөлім мен мекеме-кәсіпорын басшылары қатысты.<figure class="image"><img src="https://knadmin.beoblood.kz/uploads/kazaly_398c3fcba1.jpg" alt="казалы.jpg"></figure><figure class="image"><img src="https://knadmin.beoblood.kz/uploads/kazaly2_8fb8cccea8.jpg" alt="казалы2.jpg"></figure><figure class="image"><img src="https://knadmin.beoblood.kz/uploads/kazaly3_927e7a2de8.jpg" alt="казалы3.jpg"></figure><figure class="image"><img src="https://knadmin.beoblood.kz/uploads/kazaly4_9ffdd6a5a3.jpg" alt="казалы4.jpg"></figure>

Қазалы ауданының әкімі Құмжиек пен Басықара ауылдық округтерінің халқымен кездесті

<a href="https://kyzylorda-news.kz/">Kyzylorda-news.kz.</a> Қызылорда облысында 488 мың 964 сайлаушы, 382 сайлау комиссиясы бар. Оның ішінде 9 аумақтық, 373 учаскелік комиссия, онда барлығы 2710 комиссия мүшесі жұмыс атқарады. Бұл туралы Өңірлік коммуникациялар қызметінің ақпараттық алаңында өткен брифингте Қызылорда облыстық сайлау комиссиясының төрағасы Ғалым Баймырзаев мәлімдеді.&nbsp;<blockquote>«Учаскелік комиссиялардың жұмыстары 21 қазаннан басталады. ҚР Орталық сайлау комиссиясы бекіткен күнтізбелік жоспарға сәйкес, қала, аудан әкімдері сайлаушылардың тізімін 30 қазан күні сайлау учаскелеріне қол қойып, табыстайды. Ал, учаскелік комиссиялар 4 қарашадан кешіктірмей тізімді сайлаушылардың танысуына ұсынады. Бұған қоса, 9 қарашаға дейін сайлаушыларға сайлаудың өтетін орны мен уақытын хабарлайды. Сондай-ақ, ҚР Президентінің жанындағы Мемлекеттік басқару академиясының Қызылорда облысы бойынша филиалымен бірге комиссияның 800 мүшесін оқыту жұмыстары басталды», - деді Ғалым Қонақбайұлы.&nbsp;</blockquote>Қазіргі таңда ҚР Орталық сайлау комиссиясының жанында аккредиттелген халықаралық ұйымдардан 41 және шет мемлекеттен 2 байқаушының тізімі жасақталды. Ал жергілікті байқаушылар сайлау күні, яғни &nbsp;20 қарашада тіркеліп, өзіне белгіленген учаскеде байқау жүргізе алады.<figure class="image"><img src="https://knadmin.beoblood.kz/uploads/Galym_Bajmyrzaev_d94f984f1c.jpg" alt="Галым Баймырзаев.jpg"></figure>

Қызылордада сайлау науқанына дайындық жүйелі түрде жүргізілуде

<a href="https://kyzylorda-news.kz/">Kyzylorda-news.kz.</a> Қазалы ауданындағы Роза Бағланова атындағы мәдениет орталығында орманшылар күні мерекесіне орай салтанатты шара өтті.&nbsp;Шараға осы салада ұзақ уақыт еңбек еткен ардагерлер мен бүгінгі кезде жұмыс істеп жүрген орманшылар қатысты. Басқосуды аудан әкімі Мұхтар Оразбаев құттықтау сөз сөйлеп ашып, ізгі лебізін жеткізді.<blockquote>«Орман – адамзатқа қорған болған табиғат-ананың құрамдас бір бөлігі. Әсіресе экологиялық ахуал ушыққан біздің аумақта орманның көп болуы тікелей денсаулықтың кепілі болып қала бермек. Қазіргі уақытта Арал өңірін экологиялық сауықтыру мақсатында құрғаған теңіз ұлтанына фитомелиоративтік жұмыстар үздіксіз жүргізіліп келеді. Бұл жұмыстармен Қазалы орман және жануарлар дүниесін қорғау жөніндегі мемлекеттік мекемесі тікелей айналысады. Мекеме қызметкерлері, сексеуіл көшеттерін егумен қатар, аудандағы орман мен тоғайлы жерлердегі бар қорды мүмкіндігінше сақтау, пайдалану, қосымша оны өсірумен де айналысып келеді. Орманшыларды техникалық жарақтандыру жолдары да басшылар тарапынан тыс қалған жоқ. Өткен жылы облыс әкімінің қолдауымен 3 дана ХТЗ маркалы трактор берілді. Ал, биыл жанар-жағар май тасымалдайтын арнайы автокөлік алынды. Бұл өз кезегінде орманшыларға өздеріне жүктелген міндетті жоғары дәрежеде орындау үшін мол мүмкіндік береді деп есептеймін», – деді аудан әкімі.</blockquote>Мұнан соң Қазалы орман мен жануарлар дүниесін қорғау мекемесінің қызметкерлері облыс және аудан әкімінің «Алғыс хаттарымен» марапатталып, «Еңбек сіңірген орман өсіруші» құрметті атағы, ІІ және ІІІ дәрежелі «Еңбек даңқы» төсбелгісі, Қазалы ауданының «Құрмет грамотасы» табысталды.Одан бөлек, тағы бірқатар орманшыларға облыстық табиғи ресурстар және табиғат пайдалануды реттеу басқармасының «Алғыс хаты» тапсырылды.Салтанатты шарада ардагер орманшы Сақтаған Ешмаханов орманшылардың атынан алғысын айтып, ризашылығын білдірді.Орманшылардың мерейін үстем еткен көңілді кеште аудандық мәдениет орталығының өнерпаздары ән-күйден шашу шашып, көтеріңкі көңіл-күй сыйлады.<figure class="image"><img src="https://knadmin.beoblood.kz/uploads/kazaly1_ae50e595fd.jpg" alt="казалы1.jpg"></figure><figure class="image"><img src="https://knadmin.beoblood.kz/uploads/kazaly2_dced3a1b03.jpg" alt="казалы2.jpg"></figure><figure class="image"><img src="https://knadmin.beoblood.kz/uploads/kazaly_ab5249603c.jpg" alt="казалы.jpg"></figure><figure class="image"><img src="https://knadmin.beoblood.kz/uploads/kazaly4_dd25ca556c.jpg" alt="казалы4.jpg"></figure>

Қазалы ауданында орманшыларға құрмет көрсетілді

<a href="https://kyzylorda-news.kz/">Kyzylorda-news.kz.</a> Қызылорда облысы көлемінде жыл басынан бері 14 646 адам халыққа қызмет көрсету орталығы арқылы тұрғылықты жерінде тіркеуге тұрған. Ал egov.kz электронды үкімет порталы арқылы 20 678 адам тұрақты тіркеуге, 1 710 азамат уақытша тіркеуге тұрған. Бұл туралы Өңірлік коммуникациялар қызметінде өткен баспасөз конференциясында «Азаматтарға арналған үкімет» КЕАҚ Қызылорда облысы бойынша филиалының директоры Аида Абибуллаева хабарлады.<blockquote>«Облыс тұрғындары тұрғылықты мекенжайы бойынша тіркеуге тұруды онлайн түрде жүзеге асыра алады. Жеке тұлғалардың жылжымайтын мүлкіне тұрақты және уақытша тіркеуге тұру egov.kz электронды үкімет порталы немесе «eGov mobile» қосымшасы &nbsp;арқылы &nbsp;жүзеге асыруға болады. Ол үшін тіркелуші мен жылжымайтын мүлік иесінің Электронды цифрлық қолтаңбасы болуы шарт. Тіркеуге тұрушы портал немесе қосымша арқылы тұрақты мекенжайды жазып, сұраныс береді. Сонымен қатар, 20 қарашада өтетін ҚР Президенті сайлауына байланысты біздің мекеме қызметкерлері өңірдегі оқу орындарымен келіссөз жүргізіп, жатақханада тұратын студенттерді уақытша тіркеуге қоюда. Ол үшін мамандар оқу орындарының басшыларымен тікелей байланыс жасап, аудан және елді мекеннен келген студенттерді жатақханаға уақытша тіркеу жұмыстарын жүргізуде. Жалпы уақытша тіркеудің мерзімі 1 жылды құрайды», - деді Аида Ибрагимқызы.</blockquote><figure class="image"><img src="https://knadmin.beoblood.kz/uploads/Aida_Abibullaeva_0531c4c1a2.jpg" alt="Аида Абибуллаева.jpg"></figure>

Қызылордада egov.kz арқылы 20 678 адам тұрақты тіркеуге тұрған

<a href="https://kyzylorda-news.kz/">Kyzylorda-news.kz.</a> Елімізде 20 қарашада өтетін ҚР Президентінің сайлауына қатысты цифрландыру бағытындағы дайындық шаралары қарқынды жүргізілуде. Бұл жөнінде Өңірлік коммуникациялар қызметінде өткен брифингте Қызылорда облысы әкімі аппаратының цифрлық технологиялар бөлімінің басшысы Сәбит Ибадулла хабарлады.<blockquote>«Сайлауға дауыс беру мақсатында тұрғындардың қолайлы ақпарат алуына жағдай жасау үшін бірнеше сервистер іске қосылды. Атап айтқанда, тұрғындар өздерін сайлаушылар тізімінен тексеру және бекітілген сайлау учаскесінің орналасқан жерін анықтау мақсатында «Өзіңді Сайлаушылар тізімінен тексер» ресми веб-сервисі жұмысын бастады. Бүгінде бұл сервиске 5 мыңға жуық өтінім түсті. Сондай-ақ, сервисте әрбір азамат өзінің жеке сәйкестендіру номерін енгізу арқылы қай сайлау учаскесінде тіркелгенін картадан онлайн көруіне мүмкіндігі бар. Екінші сервис - 3 қадам принципімен «@sailau_kzoBot» телеграм чат боты жұмыс істейді. Қазіргі таңда бұл чатқа 300-ге жуық сұраныс түскен», - дейді облыс әкімі аппаратының цифрлық технологиялар бөлімінің басшысы Сәбит Ибадулла.</blockquote>Бөлім басшысының айтуынша, тұрғындар ұялы телефон арқылы «SMART QYZYLORDA» мобильді қосымшасын тегін жүктеп, онда ЖСН енгізу арқылы өз сайлау учаскесін анықтауға болады.&nbsp;<blockquote>«Келесі «109 бірыңғай байланыс call-орталығы» тәулік бойы азаматтардың кез келген сауалына жауап береді. Егер тұрғындар өздерінің сайлау учаскесін немесе ЖСН тіркелмегенін білген жағдайда аталған орталыққа хабарласу арқылы анықтай алады», - деді Сәбит Ибадулла.</blockquote><figure class="image"><img src="https://knadmin.beoblood.kz/uploads/Sabit_Ibadulla_fccf69e2d1.jpg" alt="Сабит Ибадулла.jpg"></figure>

Сәбит Ибадулла: Сайлауға қатысты тұрғындардың қолайлы ақпарат алуы үшін бірнеше сервис іске қосылды

<a href="https://kyzylorda-news.kz/">Kyzylorda-news.kz.</a> Сыр өңірінде бүгін Республика күніне тарту ретінде Жаңақорған ауданында жаңа демалыс паркі ел игілігіне берілді.Облыс әкімі Нұрлыбек Нәлібаев заманауи үлгідегі мәдени нысанды аралап көріп, тұрғындардың қуанышына ортақтасты. Сондай-ақ, аудан халқымен кездесіп, ұлттық мереке аясында өңірде жүзеге асатын жаңа бастамалармен бөлісті.&nbsp;<blockquote>«Туған жеріне тілеулес, ортақ іске жанашыр кәсіпкер азаматтардың қолдауымен аймағымызда жаңа нысандар бой көтеріп келеді. Бүгін, міне, тұрғындардың отбасымен бірге серуен құрып, ой сергітіп, бой жазуына мүмкіндік беретін жаңа демалыс паркі пайдаланылуға берілді. Мұнан бөлек, Балалар жылына сый ретінде менің тапсырмаммен қала, аудандарда 80 ойын алаңы салынып, басым бөлігі тұрғындардың игілігіне берілуде. Соның ішінде Жаңақорған ауданында 10 шағын спорт алаңқайы қазан айының соңына қарай жерлестеріме тарту етілетін болады», - деді аймақ басшысы.</blockquote>Заманауи парк белгілі кәсіпкер Марлен Ысқақов жетекшілік ететін «Азимут-М» жауапкершілігі шектеулі серіктестігінің жеке қаржысы есебінен салынды. Жобаның құны 790 миллион теңгені құрайды. Мұнда тұрғындардың кешкі уақытта таза ауамен тыныстап, сауық құрып, серуендеуіне бар жағдай жасалған. Түрлі аттракциондар, субұрқақ, жазғы сахна, балалардың ойын алаңдары аудан тұрғындарға қызмет көрсететін болады.Алдағы уақытта парк ішінен балаларға арналған кафе және неке сарайы салынбақ.Демалыс паркі алаңында облыс әкімі Президент Жарлығы аясында халықпен кездесу өткізді.&nbsp;Басқосу барысында Нұрлыбек Нәлібаев жаңақорғандықтарды алаңдатып келген мәселелер рет-ретімен шешімін тапқанын тілге тиек етіп, ауыл тұрғындарының сұрақтарына жауап берді.<blockquote>«Президентіміздің қолдауымен өңірде ауқымды жобаларды қолға алдық. Аз уақыттың ішінде түрлі деңгейде инвестиция тартып, қомақты жобаларға республикадан қаржы әкеліп, көкейлеріңізде жүрген көп мәселені шешуге жол таптық. Қазіргі таңда Жаңақорған ауданындағы облыстық, аудандық маңызы бар жолдар мәселесі шешімін тапты деуге болады. Бұл мақсатқа 180 млн.теңге қаражат бөлінді. Енді тек ауылішілік жолдар мәселесі ғана қалды. Оны да рет-ретімен жасаймыз. Ал, білім саласында «Жайлы мектеп» ұлттық жобасы шеңберінде 19,5 млрд.теңге қаржыға жаңа мектептер саламыз. Оның екеуі Жаңақорған ауданында заманауи үлгіде 600 және 300 орындық мектеп ретінде бой көтереді. Ал, Байгенже ауылы тұрғындарының сұранысы бойынша жаңа білім ошағын тұрғызуға облыстық бюджеттен 100 млн.тенге қаржы бөлдік. Келесі жылы құрылыс жұмыстарын бастайтын боламыз. Биыл көгілдір отынға Бірлік пен Қыраш елді-мекендері қосылады, оған 800 млн.тенгеге жуық қаражат бөлінді. Келесі жылы тағы 5 елді-мекенді қосу жоспарда бар», - деді Нұрлыбек Нәлібаев.</blockquote><figure class="image"><img src="https://knadmin.beoblood.kz/uploads/park_9d04cd1de2.jpg" alt="парк.jpg"></figure><figure class="image"><img src="https://knadmin.beoblood.kz/uploads/park4_9ef1279a4d.jpg" alt="парк4.jpg"></figure><figure class="image"><img src="https://knadmin.beoblood.kz/uploads/park5_5a04ad4f80.jpg" alt="парк5.jpg"></figure><figure class="image"><img src="https://knadmin.beoblood.kz/uploads/park1_7fd3f8cc05.jpg" alt="парк1.jpg"></figure><figure class="image"><img src="https://knadmin.beoblood.kz/uploads/park6_936861a7bf.jpg" alt="парк6.jpg"></figure>

Жаңақорған ауданында жаңа демалыс паркі ел игілігіне берілді

<a href="https://kyzylorda-news.kz/">Kyzylorda-news.kz.</a> Арал қаласында Республика күні мен Арал қаласының 95 жылдығына және ақын Әбілхан Махановтың 100 жылдығына орай республикалық ақындар айтысы өтті.&nbsp;Айтулы мерейтой аясында еліміздің әр өңірінен келген 10 ақын теңіз төскейінен орын тепкен Арал қаласының кешегісі мен бүгінін және Әбілхан Махановтың өмір жолын өлең жолдарына қосты. «Аралым – &nbsp;айдын &nbsp;шалқарым» атты ақындар айтысын аудан әкімі Серік Сермағамбетов ашып, тұрғындарды мерейлі мерейтойымен құттықтап, сөз бәйгесіне қатысушыларға сәттілік тіледі.&nbsp;<blockquote>«Сөз құдіретіне табынған халықты орамды ойларымен бағындыра білген айтыс ақындарын халық қашан да құрмет тұтқан. Бүгінгі жыр додасында сұлу сөзге сусап келген тыңдарманға көркем ой мен суырыпсалма өнердің биік шыңын көрсетеді деп сенемін. Қайсар рухты қазақ елінің ақындары барда асыл қазынамыз тіліміз бен төл өнеріміз ұлықтала бермек», - деп сөз маржанын терген от тілді ақтаңгерлерге сәттілік тіледі.&nbsp;</blockquote>Әр аймақтан жиылған, сайдың тасындай іріктелген 10 ақын 5 жұп бойынша бәйгеге түсті. Суырыпсалма өнерінің шешендерін жергілікті ақындар мен өнер саласының саңлақтарынан құралған қазылар төрелік етті.&nbsp;Сөз додасының қорытындысы бойынша Қызылордалық Нұрмат Мансұров бас жүлдені иемденсе, Оралдық Мұрадым Мирланов бірінші орынды жеңіп алды. Ал екінші орынға Аралдық Бексұлтан Орынбасаров лайық деп танылса, үздік үштікті Қызылордалық Мөлдір Айтбай қорытындылады. Сондай-ақ арнайы сыйды Қазалылық Бекзат Серіков еншіледі.<figure class="image"><img src="https://knadmin.beoblood.kz/uploads/Aral_19b55de176.jpg" alt="Арал.jpg"></figure><figure class="image"><img src="https://knadmin.beoblood.kz/uploads/Aral2_894cf82234.jpg" alt="Арал2.jpg"></figure><figure class="image"><img src="https://knadmin.beoblood.kz/uploads/Aral3_81be9aacc5.jpg" alt="Арал3.jpg"></figure><figure class="image"><img src="https://knadmin.beoblood.kz/uploads/Aral4_268ee5a56b.jpg" alt="Арал4.jpg"></figure>

Арал қаласында аламан айтыс өтті 

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Президенттің «Әкімдердің халықпен кездесулерін өткізу туралы» Жарлығы аясында құқық қорғау органдары басшыларымен бірге Жаңақорған ауданының тұрғындарымен жеке қабылдау өткізді.Манап Көкенов атындағы мәдениет үйінде өткен жеке қабылдауға облыстық сот төрағасы Әділхады Шығамбаев, облыс прокурорының бірінші орынбасары Исламбек Төлегенов, облыстық полиция департаменті бастығы Мұхтар Қожабаев, облыстық экономикалық тергеп-тексеру департаментінің басшысы Бақыт Қайшыбеков, Ұлттық қауіпсіздік комитетінің Қызылорда облысы және Байқоңыр қаласы бойынша департаменті бастығының бірінші орынбасары Ер-Саид Замишев келді. Сондай-ақ, Сыбайлас жемқорлыққа қарсы іс-қимыл агенттігінің облыстық департаменті басшысының міндетін атқарушы Бауыржан Ұзынжас және мемлекеттік кірістер департаментінің басшысы Ғани Аманов пен төтенше жағдайлар департаменті басшысының орынбасары Нұрсұлтан Ибрагимов қатысты.Ашықтық қағидасына негізделген қабылдауда жалпы саны 65-ке жуық азаматтың өтініші қаралды. Ал, облыс әкіміне 20-дан аса тұрғын өз сұрақтарымен келді. Жергілікті азаматтар тұрғын үй алу, жұмысқа орналасу, жеке бизнес бастау және кәсібін кеңейту, аяқ су және қоғамдық көлік мәселелерін көтерді.Аймақ басшысы мәселелерді сала мамандарымен бірге мұқият зерделеп, заңдылығына қарай шешім қабылданатынын жеткізді және жауапты басқарма басшыларына нақты тапсырма берді.Жеке қабылдауға келген кент тұрғыны жүгері өнімін консервілеу жобасын жүзеге асыруға мемлекет тарапынан қолдау сұрады.&nbsp;Облыс әкімі «Байқоңыр» ӘКК арқылы несие рәсімдеу тетігі арқылы кәсібін ашуға мүмкіндік бар екенін алға тартты. Ал, құқық қорғау органдарының басшыларына жаңақорғандықтар жер үлестері мен жерді рәсімдеу проблемаларын жеткізді.Айта кетейік, бұған дейін аймақ басшысының тапсырмасы аясында облыс әкімінің орынбасарлары мен құқық қорғау органдары басшыларының орынбасарлары әр ауданда бір күн бойы жеке қабылдаулар өткізді. Тұрғындардың мәселелері қаралып, реттілігіне қарай шешімін тапты.Еске салу керек, облыс әкімі Нұрлыбек Нәлібаев өңір басшысы болып келген сәттен бері 20 рет қабылдау өткізіп, 173 азаматтың мәселесін саралады.<figure class="image"><img src="https://knadmin.beoblood.kz/uploads/Zhanakorgan2_76b423391c.jpg" alt="Жанакорган2.jpg"></figure><figure class="image"><img src="https://knadmin.beoblood.kz/uploads/Zhanakorgan6_6a0b370b3c.jpg" alt="Жанакорган6.jpg"></figure><figure class="image"><img src="https://knadmin.beoblood.kz/uploads/Zhanakorgan5_869f7ff895.jpg" alt="Жанакорган5.jpg"></figure><figure class="image"><img src="https://knadmin.beoblood.kz/uploads/Zhanakorgan4_97aa58d672.jpg" alt="Жанакорган4.jpg"></figure><figure class="image"><img src="https://knadmin.beoblood.kz/uploads/Zhanakorgan3_7851a263e4.jpg" alt="Жанакорган3.jpg"></figure>

Нұрлыбек Нәлібаев құқық қорғау органдары басшыларымен бірге Жаңақорғанда жеке қабылдау өткізді

<a href="https://kyzylorda-news.kz/">Kyzylorda-news.kz.</a> 19 қазан күні атлантикалық циклон ойпатының ықпалымен және атмосфералық фронталды бөліктердің өтуіне орай Қазақстанның басым бөлігінде жауын жауады, деп хабарлайды Қазгидромет.&nbsp;Жамбыл облысының оңтүстігінде және таулы аудандарында күндіз нөсер жауын (жаңбыр, қар) жауады. Тек Ұлытау, Қызылорда, Маңғыстау облыстарында антициклон сілемінің әсерінен күн жауын-шашынсыз болады.Республиканың басым бөлігінде тұман түсіп, кей жерлерде желдің жылдамдығы секундына 15-20 метрге жетеді. ҚР солтүстігінде, солтүстік-батысында желдің жылдамдығы секундына 23-25 метрге дейін күшейюі мүмкін.

Сәрсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> «eGov mobile» &nbsp;электрондық үкіметтің мобильді қосымшасы Google Play, AppGallery, AppStore-де жүктеу үшін қолжетімді. Қосымшада ЭЦҚ-мен немесе бір реттік құпия сөз арқылы авторизациядан өтуге &nbsp;болады.«eGov mobile» мобильдік қосымшасы ЭЦҚ-ны барынша ыңғайлы пайдалануға мүмкіндік береді. ЭЦҚ мобильді қосымшадан санаулы минуттарда ХҚКО-ға бармай-ақ шығарып алуға болады. Қолда бар ЭЦҚ-ны 4 таңбалы PIN-кодқа және құрылғыңыздың кіріктірілген биометриясына бекітіңіз, сіздің ЭЦҚ таңдауға немесе авторизация және қызметтерді алу кезінде әр жолы құпия сөз енгізуге алаңдамауыңызға болады.QR сканерінің тиімділігіне келсек, сканерлеу арқылы QR код қол жетімді. «egov.kz» сайтта қосымшадағы QR кодын сканерлеу арқылы авторизациялану және қызметтерге қол қоюға, ХҚКО қызмет көрсету үшін мемлекеттік баж салығын төлеуге, сондай-ақ QR кодты сканерлеу арқылы «Цифрлық құжаттар»сервисінде үшінші тұлғаның құжатын көруге рұқсат алуға болады.Өзінің цифрлық құжаттарына қолжетімділік ұсынатын пайдаланушы үшін «Цифрлық құжаттарға» кіріп, қажетті құжатты ашып, «Қол жеткізуді ашу» батырмасын басу жеткілікті, содан кейін үшінші тұлға бір реттік сканерлеу үшін қолжетімді бірегей QR-код жасалады.«Электрондық еңбек биржасы» – жұмыс іздеу &nbsp;мүмкіндігін қамтамасыз ететін жұмысқа орналастыру бойынша бірыңғай цифрлық алаң. Осы сервис арқылы сіз «Денсаулық паспорты», яғни емделушінің денсаулық жағдайы туралы құрылымдалған ақпарат, сондай-ақ медициналық ұйымға тіркелу деректері, диспансерлік есепке алу, стационарлық деректер, зертханалық зерттеулердің нәтижелері және т.б. сақталатын құжатты iOS-тағы «Денсаулық» бағдарламасына түсіру мүмкіндігі бар клиникалық құжатты алуға қол жеткізесіз.«Зейнетақы калькуляторы» сіздің болашақ зейнетақы төлемдеріңіздің болжамды мөлшерін есептеуге мүмкіндік береді. «Хабарламалар» бөлімінде сіз қызметтер мәртебесінің өзгеруі туралы барлық хабарламалар мен ақпараттық хабарламаларды көре аласыз.«Профильде» отбасы, жеке құжаттар, әлеуметтік мәртебе туралы әртүрлі мемлекеттік деректер қорынан алынған жеке ақпарат, заңды тұлғаға қатысу туралы ақпарат, авто және жылжымайтын мүлік туралы ақпарат және т.б. көрсетіледі. Ал «Менің карталарым» профиль бөлімінде сіз мемлекеттік баж салығын төлеу үшін төлем картасын байланыстыра аласыз. Бір реттік құпия сөз – сұрау салуды жібергеннен кейін пайдаланушының ұялы телефонына келетін тексеру коды бар sms-хабарлама. Бір реттік құпия сөзді пайдалану үшін пайдаланушы Мобильді азаматтар базасында тіркелуі тиіс.<img src="https://knadmin.beoblood.kz/uploads/f065f134524890398e2e8ea5d15ede68952e9735_8d9559d2d4.jpg" alt="f065f134524890398e2e8ea5d15ede68952e9735.jpg">

Қазақстан және Қызылорда облысының жаңалықтары